|
مواطن والعالم في خطر..! السلام عليكم ورحمة الله وبركاته. الموضوع اليوم اشوي مختلف، أحطه بعد ما تعرضت للصدمات المائلة للجلطات... نبدآآ على طول بعد الظهور من الأزمة النفسية والاقتصادية والعسكرية ..إلخ. الكل يفخر بابلاده، عاش ورباآآ فيها، وأصل نموه من ترابها. معنى الفخر ينحس بالقلب، وما ينقاس بشي ثاني لما نتكلم عن الوطن أو الحكام. كل يوم نهتف " حنا فدا الوطن " ... والكل عارف أنه السلوك يكون معبر عن اللي يحس به الشخص. في مواقف واجهتها في يوم الاتحاد وشفتها بعيوني، وأنا في الطريق، أتنقل بين الإماارات،. مواقف لا يحسد على رؤياها أي مواطن.. للأسف.. أول موقف: شفت واحد قاعد في سيارته، ومنتهي من شي من ايده، ما انتبهت شو هو ذاك الشي كثر ما انتبهت للموقف نفسه، الأخ بعد ما انتهي منه بكل بساطه رماه من السيارة وطرّق، وحضرته امبطل الدريشة وامريش ولا همه .. غير أنه سوى هالشي الغريب، أذّى غيره بذا المنظر... :1: ( المفروض أنه اللي يحب وطنه، يحب التراب اللي يمشي عليه، ويحب كل ما فيها، واللي يحب الشي يجمله و يزينه بس لا يسعى في خرابه ) ..! الموقف الثاني والمؤسف أكثر:: صور الشيوخ اللي تنحط على السيايير وين تروح بعد ما تخوزونها يا شباب .. أريد أتأكد .. هذا الموقف هزني وايد ألصراحه يوم سمعت عنه، واحد من الأخوان خذها بكل بساطه وفرها في سلة المهملات.. ياكبرها من سواة .. ويا صغره في عيونا .. :54: مواقف تحزن وموب مستعدة أسمع أكبر عنها، لانه بنجلط حينها...! :unsure: هذا الموضوع كنت بحطه من زمان من أيام الاتحاد، بس كل مرة أنسى... فعلا ً هو مواطن، والعالم في خطر.. ! آآرائكم مهمة وان خالفتوني الراي أتقبله.. :045: |
السلام عليكم ورحمه الله وبركاته مساء الخير , مواطن دوله الامارات في رقي دائم وتقدم مستمر الا ان بعض الاحيان تصدر منه افعال ترجعه لمليون سنه ورا , كل واحد يتصرف بقناعته وبثقافته , احيان تحكمين على ناس من اشكالهم الخارجيه بانهم في منتهى الذوق ولكن بصراحه تصدمج تصرفاتهم ولكن ليش هالتصرفات ؟ ومنو المسؤول ؟ وشو الحل ؟ اعتقد هالاسئله كلها بايد الشخص نفسه , لان التغيير في هالامور يكمن في شخصيه الفرد ونابع من داخله , يعطيج العافيه على الموضوع الرائع , وهذا ان دل فانه يدل على غيرتج لبلادج تسلم ايدج خيتو .~ |
" السلام عليكم ورحمه الله وبركآته مسآء الخير..~ الهآموره امبونها الدنيا من اللي فيها من اوآدم في خطر هب الا هالمواقف...في موآقف تعوور القلب... الانسان اولا واخيرا بيعامل وبيتعامل باخلاقه...ذي اول نقطه../ عن نفسسسي اشوف علم الامارات معقوق واللي عاقنه ياآهل../ لو مسسكت هالياهل وقلت له حبيبي ما يعقون العلم تحت../ هذا علم البلاد..هذآ نحن ما نسوى شي بدونه اقل شي اعلمه وانبهه وايد ناس ما تهمهم هالنقطه ../ مع انها تفقع مرآرتي اللي يحب بلاده..ما بيسير بالدز واللي بالكلام بالفاضي يطلع اشاعات ويقول اشياء هو يحس انها صح فيما لو فكر فيها كل ابووها غلط نحن ف الامارات مرتآحين في الف خير ونعمه وقسسسم بالله خويه يالس يقولي..ان مره سآر دوله من الدول بليا ذكر اسماء...كششته وتغير جو هناك اهل ذيج البلاد يسآلونهم...انتوا من وين؟؟ قآلولهم من الامارات../ تموا يقولوهم والله ونعععم....الحين مخليين ديرتكم والامان والعزز والخير لي في دار زايد ويايين صوبنا...لو منكم رديت ولا سررت امره :) والله العظيم شي الواحد يفخر فيه ويحطه فوق راسه ..^^ حب الوطن انتماء..لو كل واحد يحسس انه منتمي بيحبها صددق.. بغيت اقولج موقف لين الحين يوم اذكره عيوني ادمع يوم توفى الشيخ زايد الله يرحمه...محطيين الصور ف الجرايد.. والله العظيم..ان ختيه الصغيره وطت على الجريده وباست صور بو خليفه..ورب الكون بدون محد يقولها كانت ذاك الوقت عمرها سنتين ونص...سبحآن الله ما ادري كيف..:( احسسس حب الوطن انتماء...والافعال الناتجه عن اشخاص..قلة وعي وقله اخلاق.. دمتم محبين لوطنكم..ِ وسسسلمتي يالهآموره بارك الله فيج..~ |
اقتباس:
صحيح كل واحدن بقناعاته، وكل واحد يتصرف على حسب البيئة اللي هو متربي فيها.. تخيلي أشوف صغارية، لما ياكلون شي وما يلاقون سلة مهملات، يحطون المهملات في جيبهم أو حتى في كيس خاص أو في شنطهم ..! ومعروف انه النظافة من الايمان، يعني الواحد تنكشف علاقته بربه موب الا بالوطن وبالمحيط بس..! التطبيق واجب ، الله يهديهم .. ويتبعهم على درب الصواب.. تسلمين على مشاركتج وربي يعطيج ألعافية. |
اقتباس:
اللي الله يحبه يحبب فيه الناس كلها، والناس ما تعرف حتى ليش اتحبه.. سبحان الله.. لو موب اكراما ً للوطن بس اكراما ً حق الوالد اللي خلّا لنا هالارض الطيبة، واللي عطرها بشيرها ورياحينها، وزينها وعمرها بالبنيان.. كلامج كله لا يعلا عليه وما أقدر أزيد ازيادة.. تسلمين على مرورج وكلامج الطيب.. وانشوفكم في مناقشات ثانية باذن الله.. :wrd: |
| الساعة الآن 03:20 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir