|
كل ارمضان على هالمواااال؟؟!!!!! السلام عليكم ورحمة الله وبركاااته مبروك عليكم الشهر..عسى الله يتقبل منا ومنكم الصيااام.....ان شالله } منــ داخلـــ مربعــ النصـ{ بدت المدارس والجامعات..وبدينا ع سنة دراسية يديه....عسى الله يعطينا خير هالسنة واللي فيها...وهاذا اول يوم برمضان ...والدوام شرات ما نعرف يتغير بحسب توقيت رمضان..يعني الدوامات الصبح تتأخر....المهم ما علينا هب هذا موضووعنا.... الله يسلمكم البارحه بالصاله... اخواني يالسين يتناقرون ...قولوا على شوووه.....على دوام كل واحد فيهم....المشكلة اللي صاايره واللي ابا اناقشها وياااكم....انه دوامات المدارس...في رمضان هب متوحده.... الحين اخواني... حد يبدأ دوامة 7:40 والثانيه دوامها 8:30 والثالث دوامة الساعه 9 والحمدالله الله فكني ورمت اخلي دوام الجامعه هب الصبح...وإلا عزات ما وصلت الجامعه غير الساعه 10 بذمتكم....الحين كيف بتكون الطلعه الصبح.....يعني حد يقولي اخواني ع الساعه كم ينشون وع الساعه كم يطلعون.... لو بغينا انه الدريول يودي اخويه اللي دوامة 7:40....اللي دوامها ع الساعه 8:30 هب طايعه تطلع من هالوقت....يعني اخويه لازم يكون قبل 7:40 بالمدرسة وراعي الدوام اللي دوامة الساعه 9 شو نسويبه؟ في حد من يرانا....ابوهم هم اللي يوديهم....مسكين دوامة 8....فيظطر يودي عياله كلهم قبل 8 ومرات يلحق على شغله ومرات لا....والمساكين العيال اللي دوامهم 9....يكونون قبل دزامهم بساعتين بالمدرسة... هب حرام هالشيء.....ياخي خلوا كل الدوامات 8 وفكوا الناس والعالم.... الدريول ما بيوبل يودي حد ويرد البيت ويشل الثاني ويرد ويشل الثالث...الواحد لازم يراعي الزحمة اللي تصير عن المدارس....يعني مسكره من كل صوووب يا ناااس وزارة التربيه ليش ما توحد دوام المدارس الصبح بالرمضان......يعني والله هب حاله.....الاهالي ما بوبلون هالوقت كله...الواحد لازم يراعي انه في بعض العايلات ما عندهم دريوليه...يعني رب البيت هو اللي يودي عياله...مسكين هو بيلحق ع شغله..وإلا بيتم يتريا دوام الثاني والثالث.... كل سنه وااايد نااس تعاااني بسبت هالدوام اللي كل مدرسة على راسها...المفروض من الدولة ووزارة التربيه انه توحد دوام المدارس كلها...وتخليها ع الساعه 8 مثلاُ...هب كل مدرسة ووقتها.... انا اكتب الموضووع....ولين الحين حد راضي يوعى الصبح وقت وحد ما راضي.... والحل..كل ارمضان الاهالي يتلعوزن ..... بسبت المدارس والله بالنا بدريوليه حرمة...نتاقب ويا دريول ابويه مال العزبة 24 ساعه..على اقل مشوار }منـ خارجــ مربعــ النصــ{ بارحه امس دقيت لأسلم (دريول العزبة).... أسلم باجر الساعه 11 تعال البيت لا تسير العزبة...اباك توديني الجامعه (اول مره اسلم جيه ينهد عليه ويشتكي)..الظاهر وقت مكالمتي كانت غلط..ههههههه:4200: كلش اسلم ...اسلم تعال واسلم يرجع..اسلم روح العزبة...اسلم روح المزرعه..اسلم ودي ماما..اسلم يعطي الهوش معشى...اسلم واسلم واسلم..الخ كلش انا سوي شغل وهاذي جودي( دريوليتنا) اجلس يسوي قرقر مشان انا...وآخر شهر..يأخذ فلبيني نفس راتب مالي....انا واااجد تعباان.....الخ قعدت ساكته ولا فجيت حلجي بشيء..من هول الصدمة....غربلاتك يا اسلم كل هذا في قلبك...قلبي عورني عليه.....ما قد غثنا بشيء مسكين سكرت عنه وقلت: خلاص اسلم ما عليه ما اريدك تشلني الجامعه...وابند الخط بالباجر القى اسلم في البيت من الساعه10...وطرش الخدامة يقول لها قولي حق ماما (.....) اسلم يسوي انتظار عشان يودي الجامعه.....لا يروح مع جودي..انا يودي وزيرة الحب |
والله يا الموضوع بوقته لان نفس السالفه في بيتنا والله اخواني اليهال دوامهم الساعه 7:30 واختي تروح المدرسه الساعه 8 واختي الاخيره دوامها الساعه 8:30 واللي اتداوم الساعه ثمان تاخذ السياره سبع ونص عشان ماتتأخر والاخيره ما تبا تظهر من هالوقت لان بتم فتره فالسكول وحشره ومن غير وحده مستجده بالكولج الله يعين السياره لمنو من امس مسويين حشره وضرابه للسياره والله التربيه لازم اتوحد الدوامات يعني الواحد ما عنده شغله غير توصيل المدارس والدوامات لو موحده الواحد بيروم يتصرف وين بيكون اول شي ولا وين بيسير لكن جيه الواحد ملخبط لان كل واحد يبا يسير بوقته وكل واحد بصوب ومن غير زحمة السيارات انا ايدج الراي انهم يوحدون الدوامات واساسا هم ليش جيه مسويين ما ادري كل واحد بوقت ما شي رقابه والله ولا حسن تصرف عندهم لان الناس والطلاب هم اللي يتعبون ويبون يوصلون بالوقت تسلمين ع الطرح ونترقب منج كل يديد |
وعليج السلام ورحمة الله وبركاتة كل عام وانتي بخير ياوزيرة الحب وصيام مقبول من اليميع ان شالله الصراحة وانا اقرا النصوص نقعت م الضحك ، حسيت ان المشكله عند اليميع انا اللي عنديه فالكليه حطيت لهم باص يعني مفتجين من التوصيل والإثنين اللي فالنوذجية عندهم دريول يوديهم والباقيين بعد باص يوصلهم ... وانا لو بوصل مابتلاحق ع دوامي .. المهم ماعلينا ... بالنسبة لدوام اخوانج من خلال الجدول المذكور انا اشوف الأوقات متقاربة يعني فجة للزحمة يظهرون كلهم مع بعض وكل واحد يسير دوامة او مدرستة بحسب قرب الوقت .. هذا افضل حل .. وبالنسبة للأوقات وزارة التربية والتعليم اكيد وضعتها لتفاوت اعمار الطلاب او مراحل الدراسة ( ابتدائي المتوسطة الثنوية جامعية ) الله يعينكم ان شالله والدريولية وياهم حق يعني هم اولا واخيرا اوادم لووووووول تسلمين اختي وزيرة على الطرح اللي يسابق الحدث ... اخوج / النعيمي |
اول شي كـل عآم وآنتي بخير وبصحه وسلآمه ثآني شي.. آختـي ههههـ آلصرآحه آلموضوع أحسهـ ربشهـ شوي غنآآتي بس آختي شي بآصآت للمدآرس على معتقد؟!!! وآلصرآحه أصلآ من آلآسآس لآزم يسوون قرار في دبي آنهـ شهر رمضآن كآمل آجآزه .. في الكويت + السعوديه = كل دول الخليج عندهم اجازه ماعاده نحن؟!!! ولا قوالو اونه السنه اليآيهـ بيسوون جي.!!! انزين يعني شو ذنب الامهات وهن صايمات يلحقن على اليهال الي في الرووضه ولا الكل الي يسوونه .؟ ولا الطلاب يخيسون في الحر وهم تعبانين؟!! وبذات الوقت الي انتي تقولينه الصراحه والواحد يتعذب؟؟؟ يعني شو ها لو الفرق ام بين كل واحد من اخوانج ربع ساعه بالكثير نص ساعه بنقول ماعليه المشكله امبينهم اكثر من ساعه ولا غيره والله احس وزاره التربيه والتعليم ما تهتم لحد الحين؟؟ ولازم يعدلوون الدوامات .!! تسلمين يالغاااليه على الموضوع الربشه ولا تحرمينا من طلتج الحلوه.. |
عليج السلام ورحمة الله وبركاتهـ مبارك عليج شهر الطاعه خيتي وينعاد علينا وعليج بصحه وعافية بصراحه الله يعينكم ياوزيره شو هالحال الي انتو عليه :54: تعب والله نحن السنه ماشي دراسه بس الحكومه مخليه باصات حكوميه لكل منطقه ع طول السنه ولكل المراحل التعليميه (ابتدائي ، متوسط ، ثانوي) .. بس بعد موحدين الدوامات يعني ولامره ابتدائي داومت قبل متوسط او العكس الكل دوامه 9 هذا ف رمضان وباجي السنه 7 .. يعطيج العافية وعساج ع القوة تقبلي مروري ولج التحيه والشكر |
| الساعة الآن 01:14 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir