|
||°• وﺠﻫڪ درير دبے ﯧا ﺑﻫﺟﺔ دبے •°|| مرحباااااااااا السااع شحالكــــم ... شخباركــــــــــم ؟؟؟ حبيت انزل قصتيه وحطيتها فـ منتدى ثاني بس ما حصلت التشجيع منهم ... وان شاء الله احصله عندكم ... -------------------------------------------------------- ||°• وﺠﻫڪ درير دبے ﯧا ﺑﻫﺟﺔ دبے •°|| تأليف : انا طبعا^^ هزاع الـ.... إنسان طموح يحب الحياة مجتهد في دراسته عمره 17 سنه ثالث ثانوي ( علمي ) والي يعرفه يعرف طبعه الهادي الرومانسي وفي أوقات يحب سوالف والمطنزة على ربعه ... شكله حليوو ابيضاني وحياته مقروونه وخشمه السيوفي وعيونه عذااااب ناعسات ولونهن عسلي ومعروف عنه أنه يشل شلات الـ.... والـ.... وأحيانا يكتب قصايد ويشلهم , صوته في شله جنان ,في فترة ف حياته حب وحدة قوم الـ...(أسمها هدى ) دام حبهم 4 سنوات وفي نهايه أنفلصوا على شئ سخيف وماله معنى . هزاع يحب ربعة وهم يحبونه لانه حبوب ومرحي , وفي جمله صارت جملة أساسية في حياته ( عادي الحياة الحلوة ). سلامه الـ.... انسانه تأمن بشئ اسمه حب وتبا تجربه بس تخاف من هالتجربه لان ياما سمعت بنات يتعذبون عشان اللي يحبونهم عمرها 15 سنه اول ثانوي شاطرة بس مب ذاك الزود يعني نسبتها في 80%...شكلها عادي طويله جسمها متناسق يايه ع اصفرار شوي عيونها ناعسات ... تحب المغامرات وتحب تسير البر وااايد فالشتاء وتحب تيلس فـ حجرتها وااايد يوم تكون متضايجة ... سلامه انسانه محبوبه من قبل الجميع الكل يحبها ويحترمها ولها قاعده جماهرية كبيرة من بنات المدرسة . ... ما بطول وياكم زود عطيتك الفقرة التعريفية عن ابطالنا هزاع & سلامه ... ------------------------------------------------------------------------------------------------ البارت الاول : ..((لك بستوي في(ن)اذا تقاصـر الفـي..ولك بستوي وبـل السحاب ومزنهـا..وجهـك درير دبـي يابهجة دبـي..روحك تنـور بالبشاشه وطنهـا))..* *~~ (... في العين ... ) ~~* أحمد (بو هزاع ) : هزاع شعنه بعدك يالسه هنى الحين بيون العرب . هزاع ( وهو ينش من على الكرسي الي عدال التلفزيون ) : أن شاء الله بنش الحين .. منو هالعرب الي بيونا الحين . أحمد : والله قوم الـ.... من زمان متعارفين والحين هم في العين وعازمينهم ع العشا فضيحة يايين العين ومانقربهم . هزاع: ( بصوت واطي) لو كانت مزيونه وياهم هب مخنلها في حالها ..( بصوت عالي شوي) أوكيه عيل ساير حجرتي الحين تامرني بشي . أحمد : مايامر عليك عدو ... مر المطبخ جوفهم مخلصين الفواله والجاي والقهوة والحلويات وهالسوالف وأذا مب مخلصين خلهم يستعيلون . سار هزاع المطبخ عقب سار يتلبس ( على فكرة هزاع أنسان كشيخ ويحب الكشخة مايحب الانسان المبهدل حتى أغراضه وحجرته مرتبه جنها حجرة بنات حتي البنات يمكن تكون حجرتهم شوي مبهدله ( السموحة يعني ...) بس هو كل شى مرتب .. هزاع والكشخة بينهم علاقة حب قوية ويحب يتكشخ ) ويوهم العرب هم ساكنين فدبي بس هم من اليحر والكل أستقبلهم إلا هزاع لانه فحجرته يالس يتكشخ .. أحمد وأخوانه الاولاد ( ساكنين في بيت واحد ) أستقبلوهم ورحبوا فيهم والحريم يلسن في الصاله والرياييل يلسوا في الميلس وسلامه سارت تيلس عند حصه ( أخت هزاع وسلامه بيكون لها دور مهم في القصه هي من العرب يلي يوهم ) سلامه أستانست ويا حصه وتموا يسولفون عقب ساروا هم ثنتين حجرة حصه وتمن يسولف وسلامه تمت تضحك على سوالف حصه سلامه وهي تدمع عينها من الضحك : هههههههههههههههههههههههههههههه والله وعليج سوالف حصووه حصه : ههههههههههه شفت عاد وتمن يضحكون وعقب سلامه تمت تكح من كثرما ضحكت وقالت حق حصه أنها تبا ماي ووصفتلها حصه مكان المطبخ التحضيري الموجود في الطابق الثاني لان الشباب تحت محد فوق .. طلعت سلامه بدون شيله وكانت لابسه بدي وتنورة قصيرة يعني تحت الركبة شوي وعليه بوت بختصار كانت مسكته وطلع هزاع من حجرته وهو مايدري أن سلامه في المطبخ كان يتحره حصه أخته ... هزاع : بوووووووووووووووووووووووووووووه سلامه ( نقزت وتروعت من هزاع ) : بسم الله الرحمن الرحيم عنبوك ما تشوف . هزاع : أسمحيلي الشيخة ما عرفتج سوري تحرتج حد من بنات عمي ولا حصوه اختيه إسمحيلي سلامه : بالحال الشيخ .. عقب سلامه سارت عند حصه و هي قافطة لانها بدون شيله وتمت تلوم عمرها أن ريال غريب شافها بدون شيلة وهزاع تم سرحان يفكر فيها عقب استوعب وسار عند الريايل في الميلس عقب السلام ودق الخشوم يلس عدال أخوه ركاض لانه أقرب له من أخوانه ( ركاض أخو هزاع الثالث من الاولاد وهزاع أخر واحد بين عيال أحمد الاولاد .. راشد, مريم , عمر , ركاض, هزاع , حصه , ميرة وهيرة – توام- طبعا من حرمتين الاولى يايبه 3 عقب توفيت كان فيه السرطان الرئه ( الله يعافينا ويعافيكم ) عقب 3 سنوات من وفاة حرمته الاول تزوج أم هزاع الله يحفظها ) كان الكل يالس يسولف إلا هزاع كان يفكر فـ البنت الي شافها ويبا يعرف منو هاي . هزاع(يستعبط) : ركاض منو هالريال أول مرة أشوفه ... شكله أول مرة ايين صح . ركاض(عرف ان اخوه يستعبط ) :هي أول مرة و الله يسلمك هذا راشد الـ.... يسمونه بوسلامه . هزاع (يكمل استعباطه): ليش يسمونه بو سلامه لازم يسمونه على أسم ولده ركاض(مساير اخوه) : الله يسلمك هذا ما عنده اولاد كلهم بنات ماشاء الله عليهم العوده سلامه عذااااااااااب ما شاء الله جمال طبيعي ما حاطة ولا شى فـ ويها.. غاووووية. هزاع : ماقلتك تعطيني تقرير عن البنية . ركاض : امم ليش تسال عنها ؟ هزاع : بقولك سالفة يوم بيروحون . عقب تموا يسولفون لين ما حطوا العشاء وتعشوا عقب سارو العرب محل مايوي عقب الكل سار يرقد لانه قربت 10:30 والكل بـ الباجر عنده دوامات عالساعة 11:50 سار ركاض عند هزاع يبا ياخذا العلوم من عنده .. ركاض : هزاع قولي كل السالفة بالتفصيل الممل . هزاع : أنزين يا طويل العمر بقولك كل السالفة وقاله ................... وهذي كل السالفة عرفت ... ركاض : مب هين ثرك يا بو حمدان شفتها غااااااااااااوية حسبي الله على بليسها ...... هزاع : بسك أشوفك يالس تتغزل فالبنت .. بسئلك كم وحدة لين الحين رمستها انته .. على ما أعتقد مايقلون عن 100 بنيه صح .. ركاض : تبا الصراحة كلمت 12 بنت بس أعز أنسانه عندي بهالكون كله هي ميرة بنت عمي حميد هاي الوحيدة يلي أحبها من القلب . هزاع : تصدق أبا أسولف وياها>>> يقصد سلامه . ركاض : هزاع صح أنا لعاب و مغازلجي وسوالف فيا البنات بس تصدق مافكرت اني ارمس ميره تعرف ليش لانها محترمه شووف نحن عيال عمها ماترمسنا بس سلام ... يعنى احين سلامه بترضى ترمس واحد غريب وماتعرف عنه شئ يمكن هى محيره شدراك ... طبها عنك ... شدراك انته عن نوايها. هزاع :لالالا لا تقول أنها هب زينه لو كانت جي جان يلست تسولف وياي يوم كنا بروحنا في المطبخ و بس كانت محترمه والله أنه دخلت القلب مادري يمكن حبيته نفس ما يسمونه الحب من أول نظرة . ركاض : ههههههههههههههههههههههههههههههههههه شو حب من أول نظرة أبوية ما شي حب أسمة حب من أول نظرة ها يسمونه حب خرابيط .... أقولك شو عندك باجر من جدول شغله مني مناك . هزاع : الجدول مزدحم غداً سأذهب مع اربع فتيات كل فتاة لها ساعة من الساعة الخامسة حتي الساعة التاسعة مساءً ( طبعا مصخرة لان هزاع مب من هالنوع من الشباب ) .. ومن الان حتى ظهر يوم غد نوووووووووووووووووووووووووووم العوافي ... شو جايفني يعني لعاب مثلك كل حين وثانية عند بنت لا بوية باجر أنا وشباب سايرين بوظبي من العصر بتخاوين ولا ...!!! ركاض : هههههههههههههههههههههههههههههههههههههههههههههههه عنبوه هزاع ماحيدك الاول على الدولة كم يايب فالعربي أنته أدبي صح... واذا على بوظبي مخاونك مخاونك تحيدني أموت فيها... (سكت شوي)بس لحظة كيف بتسير وانته عندك تدريب في شركه ابويه....... هزاع : واذا على بوظبي تم عيل باجر من العصر أنا والربع متفقين نتلاقا في بركنات النادي بسير وياك فسيارة وحدة وعاد هاي مالك خص فيها رمست ابويه وقلتله اني بطلع ع ساعه 2...وثانين أنا مب أدبي ليش شو قالولك ايلس أحفظ الكتب حفظ لا ابوية أنا علمممممممممممممممممي تعرف شو يعني علمي كيمياء فيزياء أنا علمي أفهم ولا أحفظ (سمووحه من هل ادبي >>> مب جني شراتهم )... ركاض : ثرك على أبوية علمي ماشاء الله عليك عيل نبا نسبة غاوية نبا حفلة سنعة .... ثانوية عامة صح ؟؟؟؟؟؟ هزاع : هيه ثانويه عامه ...عنبووه اخوك انا وماتعرف اي صف بسير ... ولا تخاف عليه انا شاطر الشيخ محد شراتي ... أمحق شيخ والله ...الشيوخ أول ما بيعرفون أنك شيخ والله الكل بيتنازل عن الحكم وبيعطونك أياه . تم ركاض يضارب ويا هزاع بالمخدادت( يتمصخرون ) عقب تموا يسولفون مع بعض لين ما أذن الفير سارو يصلون فالمسيد وعقب سارو حجرهم سيده على الشبريه رقااااد .... *"*"*"*"*"*"* عقب أسبوعين سارو هل العين دبي عسب العزيمة يلي مسونها راشد الـ.... ( يلي كان عندهم من أسبوعين ) وراشد قال حق أخوانه يون بعد عسب تحلو اليلسة أكثر عقب ما تغدا يلسو البنات سوالف وضحك وتعرفو على بنات عم هزاع واستانسوا مع بعض وخذوا ايميلات وتليفونات بعض عسب يرمسون بعض واستانسوا مع بعض وااايد وتوالفن *"*"*"*"*"*"* عقب فترة تقريبن شهر ونص قام هزاع يراسل سلامه على الايميل من بعد ما خذا الايميل من عند حصه أخته بدس بدون ماتدري ويراسلها ويرمسها على msn ويطفر بسلامه دومه ماذنها لين ما لاعت جبدها وقامت تقردنه وترمسه ع الفون . *"*"*"*"*"*"* وفي أيام المدارس يوم الخميس كانت سلامه ملانه وأمهاوأبوها وخواتها كلهم طالعين وهي بروحها يالسه فالبيت وقررت أنها ترمس ويا هزاع وكل متتصل يعطيها مشغول أتصلت كذا مرة ويعطيها مشغول عقب اتصلت بحصه أخته وقالت أنه تقول حق هزاع أن يتصل بسلامه حصه : سلامه ماروم أدش عند هزاع لانه يرمس فالتلفون . سلامه : بليز قوليله ابا ارمسه فموضوع حصه : سلامه ما روم هزاع يرمس حبيبته الحين محد يدخل حجرته .. شكله يضارب وياوياها الصوت شال البيت ههههههههههههه سلامه أول ما سمعت كلمة حبيبته ( شكلها حبته البنت صدق وقامت تغار ) كنا يت عاصفة وشلتها ما توقت أن هزاع يخونها وتمت تصيح وسكرت من حصه وهي ميته من الصياح .. عقب ساعتين أتصل هزاع وسلامه ماترد عليه تم يتصل ويحشرها لين ما لاعت جبدها وردت بدون نفس سلامه : خير ليش متصل شبعت من الحبيبة يالس تتغزل فيه وماعندك شغله كمل ليش متصل ها ؟؟.... هزاع : وعليكم السلام بخير ونعمه عساج طبيه بخير الحمدلله ......... واذا على البنت لى كنت أرمسه أنهيت علاقتي معاه .. وانا الحين متصل عسب أعرف ليش كنتي متصله .. سلامه وهي تصيح : كنت ابا ارمسك واسولف وياك بس الحين خلاص عافك الخاطر ... .... عافك الخاطر .... .... عافك الخاطر .... .... عافك الخاطر .... <<< قوية الكلمة صح وصكت فويه هزاع الخط وهي تصيح وهزاع متلوم ووطرشالها مسج .. ((تشره على قلبي وتزعل تشره وتزعل ليش ياشوق وحدك بقلبي وإنت الأول غيرك أبد ماشوف معشوق... سوري غناتي والله هي المتصلة هب أنا وهي اللى تباني أتضارب وافتن عليها والله سووري ماعيدها مرة ثانية)) عقب ساعه حصه اخته يت تخبره انها هي اللى خبرت سلامه انه كان يرمس هدى ........ .................................................. .................................................. .................................................. ................................ |
:ast7eee:يسلمو على الطرح احلى شي النهايه خخخخخ |
اقتباس:
تسلم ع المروور الطيب ... وهي مب النهايه فيها تكمله |
البارت الثاني : ...(( طولت بالغيبة ع بالي انساك... واثره يزيد الشوق في وسط ناري …ياحظ من هو لا حمل يوم فرقاك... يقطع على درب الغلا كل طاري ))..* ياهم الرمضان وهزاع ما يتصل بسلامه ولا سلامه تتصلبه لا أيميلات .. لا مسجات ... لا اتصالات ولا شئ حتي ما باركله بشهر ... وفي نهاية الاسبوع الاول من الرمضان حنو خوات سلامه على امهم انهم يسيرون عند يدتهم عقب الفطور لانهم ملانيين وسلامه عقب مافطرت صلت المغرب و رقدت جي ساعتين عقب نشت صلت العشا والتراويح وسارت الصالة تشوف التلفزيون وهي تجلب القنوات رن تلفون البيت أول ماجافت الرقم دمعت عينها سلامه : ألو ........ : مرحبا ملايين ولا يسدن شحالج سلامه وهي تصيح : بخير الحمد شحالك أنته عساك طيب ........ : طيب طاب حالج الغالية ... سلامه ليش تصيح حبيبتي سلامه وزاد صياحها : هزاع ليش ماتتصل طول هالفترة حرام عليك معقولة لاتتصل ولا تسال عني حشا مب زعل حرام عليك هزاع : أفا يا سلامه انا ما أسل عنج حرام عليج دومي اسال حصوه اصلن كلما اطرشلج ع الايميل ماتوصلج ليس مادري ... عقب تم هزاع يراضيها لين ما رضت وتموا يسولفون لين الساعة 11 فالليل عقب سكر هزاع لانه بيرقد لانها ناش من الصبح .... وفي الاسبوع الثاني من رمضان يوم الاثنين هزاع وهو طالع من المدرسة وربعه كانو وياه ونزل كل واحد بيته وكان بيت ربيعه مجابل بيتهم ونزل ولم كان يريوس كانت سيارة يايه مستنه بالعمد دعمت سيارة هزاع . وحصه يوم كانت يايه من المدرسة شافت سيارة هزاع صارخت بصوت عالي وهي تركض عنده لان شكل السيارة خلاص مروحة واللي فيه شكله ميت مب حي وسارت حصه تراكض ودخلت البيت والكل كان يترى هزاع و حصه والصغارية لاين ما يون من المدرسة عسب يسيرون بوظبي ( أخت هزاع مريم عازمتهنم على الفطور وهي ماخذه واحد مال بوظبي ) وحصه تمت تباغم والكل صد علية وهي تباغم عليهم قالتهم أن هزاع برع مسوي حادث والكل ربع برع يشوف شو سالفة ويوم شافت ام هزاع ولدها أغمي عليها وعلى طول ع المستشفي على غرفة العمليات قبل الاذان بنص ساعة طلع الدكتور من غرفة العمليات ... الدكتور : انتو أهل هزاع حصه : هي نعم نحن خير دكتور شو سالفة الدكتور : والله نحن منخليه فالعناية ومنشوف حالته فـ 24 ساعة الياية واذا تمت حالته على نفس ماهي أحتمال........... ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ !!!!!!!!!!!!!!!!!!!!!!!!!!!!!!!!! ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ !!!!!!!!!!!!!!!!!!!!!!!!!!!!! ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ !!!!!!!!!!!!!!!!!!!!!!!! ؟؟؟؟؟؟؟؟؟؟؟؟؟؟؟؟؟؟؟؟؟ !!!!!!!!!!!!!!!!!!!! ................يدخل فغيبوبة وهو الحين متشلل لان العمود الفقري كمن فقرة مبتعده عن مكانها الكل شهق و الي يصيح وتاسف على شباب هزاع الى راح فدقايق الكل سار البيت عسب يفطر لان الاذان اذن وهم فالمستشفي وحصه ماكان لاه بارض أنه تاكل بس لانه كانت صايمة وتعبانة كلت شوي وسارت تصلى وأول ما خلصت رن موبايله وردت ... سلامه : مرحبا ملايين بلى ما يسالون عني حصه غصبن عنه ضحكت : هههههههه المرحب لا هان سلامه : عنبوج لا تتصلين ولا شي لا أنتي ولا أخوج صدق ما فيكم خير حصه : اذا على أنا صح مقصرة وأطلب سموحة و اخوي شو اقولج عنه سلامه ؟؟.. سلامه : خير ما من شر ؟ حصه : قولي لا أله الا الله ؟ سلامه وهي زايغة وشوي وبتصيح: لا اله الا الله ... روعتيني حصوه خير !!! حصه : هزاع سوى حادث و أحتمال يدخل فغيبوبة ومتشلل سلامه : ههههههههههههههههههههه الصبح كانت مرمستنه ومصبحه بصوته كيف سوى حادث ودخل فغيبوبة متى حصوه حصه : اليوم أول ما وصلت من المدرسة كانت سيارة هزاع خلاص منتهيه والسيارة الثاني الى فيه ماماتوا ولا شئ بس الى يسوق أنكسرت ريله ورضوض فرقبته وبس .. سلامه وهي تصيح : مستحيل لا لالالالالالالالالا حرام حصه : تعترضين قدرة الله يا سلامه كوني قوية أنا أخته وشفته جدامي والله ولاسويت شئ ولاأعترضت على قدرة الله .... مصيره هذا كوني قوية عقب سلامه سكرت عن حصه وهي تصيح طول الليل اليوم الثاني وسلامه ف المدرسة كانت زعلانة من الصبح وروضه ربيعتها سئلتها الحين ( روضه الـ.... ربيعة سلامه الروح بالروح وهي طيبة وحبوبة وهي تقريباً تفكيرها نفس تفكير سلامه )- ماسئلتها الصبح فالفسحة سئلتها - روضه : سلامه شفيج زعلانه.. حد مزعلانج سلامه : هزاع البارحة مسوى حادث ودخل فغيبوبة ويمكن يتشلل روضه شهقت : شووووووووو هزاع مسوى حادث والحين هو فغيبوبة وويمكن يكون مشلول حرااام .. وانتي شدراج منو خبرج سلامه : البارحة الظهر اتصلت بهزاع محد رد عليه قلت ماعلية يمكن راد من المدرسة تعبان وراقد المغرب قبل الاذان قلت بتصل مستحيل مانش للحين محد رد قلت بتصل عقب الفطور صليت وقلت بتصل بحصوووه يمكن تقول حق هزاع يجيك موبايله وسالتها وقلت أن هزاع مسوى حادث و ودخل فغيبوبة ... على طول دمعت عينها ومسحتها وحبست صيحتها لين ماينتهي الدوام وتصيح براحتها في البيت ... ........................................ خلص الرمضان على هل العين بحزن وأهل دبي بين فترة وفترة يتصلون ينشدون عن هزاع ... فأول يوم من أيام العيد الفطر نش هزاع من الغيبوبة ومحد كان عنده و الممرضة لم دخلت تفأجئت لم جافت هزاع ناش ويصد يمين ويسار وهو مايعرف وين هو على طول ربعت الممرضة عند الدكاترة تخبرهم بلي جافته والكل سار يجوف هزاع وسوله فحوصات عقب ما خلصوا أتصلوا بأهله.. وردت حصه الدكتور: السلام عليكم .. بيت أحمد الـ.... حصه: وعليكم السلام .. هي نعم بيت أحمد الـ.... .. أقوله منو الدكتور : قوليله دكتور ناصر من مستشفي التوام حصه قالت حق أبوها أن دكتور ناصر يباه أحمد : السلام عليك دكتور ناصر شحالك دكتور ناصر : وعليكم السلام أخ أحمد عيدك مبارك أخوي أحمد : ومن العايدن والسالمين ... عسا ما شر ليش متصلين .. ولدي في شى دكتور : صح مبررررررررروك قومة هزاع من الغيبوية أحمد : اشووووووووو هزاع ( هني الام نشت بسرعة وحطت ايدها على صدرها وهي زايغه) ... هزاع نش من الغيبوبة الاهل كلهم فرحوا وماصدقوا والام مستانسة طول الوقت وعينها تتدمع من الفرحة وصلوا المستشفي والكل سار عنده وأخوه العود ناصر والابو ساروا عند الدكتور عسب يسال عن حالة ولده ........................................ ثالث أيام العيد يوما دراو قوم سلامه ان هزاع نش أستانسوا وقرروا أنهم يسيرون جداهم جي الظهر يكونوا هناك وأول ما وصلو مستشفي التؤام سلامه تحس أن قلبها يدق بسرعة جنه طبول كانت واقفه عند الباب وهي خايفة عقب تشجعت وفتحت الباب وجافتهم كلهم يالسين سارت تسلم عليهم وهي ترتجف يوم سارت عند هزاع (هي أول ما دخلت ما نتبهت على هزاع ولى عنده ) أنصدمت يوم شافت بنت عم هزاع ميثاء يالسه تحاول وياه تخليه ياكل وهو مب طايع ياكل سلامه : نشي أنا بحاول وياه ياكل مب زين من فتره مب ماكل ذبلان شكله كله راقد ميثاء : هاج يلسي مكاني حاولي يمكن يطيع منج .. وبهمس ثره يحبج بيطيعج سلامه وهي مستحية : ههههههههه حرام عليج كل هاذا لاني احبه حليلي ......... ونشت ميثاء ويسلت سلامه عدال هزاع وحاولت وياه لكن ما قدرت سلامه وبهمس : هزاع حبيبي دخليك كل هزاع :سلامي مابا أكل أحس ان ماروم أدخل شي في حلجي سلامه : عادي ..... قطع عليها دخول الدكتور دكتور ناصر : سلام عليكم الكل رد السلام ويطالعه وسلامه نشت من مكانة عسب الدكتور يمكن يبا يكشف على هزاع دكتور ناصر : ماشاء الله عليك يا هزاع اليوم أحسن ماشاء الله عليك الوية منور هزاع : الحمدلله على كل حال ... دتور بغيت أسئلك متي بطلع من هني مليت دكتور ناصر : عيل أن ليش ياينك ومتعني من تحت .. مادري وين فرينك أنته يلست أدورك من الصبح عسب أقولك عن اللي فيك . هزاع : خير دكتور شوفيه دكتور ناصر : هزاع مادري شو أقولك من أول ما نشيت سوينالك فحوصات كاملة واليوم الصبح طلعن النتايج ... هزاع مادري والله شو أقولك يعني أنت شاب صغير وبتكبر والعمر جدامك طويل يا هزاع ....... أنته تحس بريولك ولا ؟ هزاع ودمعه فعينه: لا والله ما أحس بريولي ... ليكون دكتور ماروم امشي ؟! دكتور ناصر : هي يا هزاع انته ما تروم تمشي؟.... هزاع وهو يصيح : لالالالالالالالالالالالالالالالالالا ........... خلاص انا ما بمشي مرة ثانية .......... يا ويل حالي ......... أنا ماروم أمشي مرة ثانية ........ أنا مشلول ...... بيلس طول حياتي على كرسي.. الكل تم يصيح وسلامه طلعت تصيح على الكراسي اللي برع عسب محد يجوفها من أهلها ومن أهل هزاع وهي يالسة تصيح من الخاطر وقلبها يتقطع من الخاطر ( الصراحة أنا شخصياً يالسة أصيح وأنا يالسة أكتب هالبارت ) ..... هزاع تم يصيح على حاله وأنه بيعيش طول عمره على الكرسي .. ........................................ ويوم الاربعاء ردوا أهل سلامه من العين لان يوم الجمعة عرس عمها وردت معاهم حصه أخت هزاع لان ملت من اليلسة فبيتهم لان الجو عندهم متكهرب وما يساعد أن الواحد يلس فيه زود ...... في عرس عم سلامه كانت سلامه وحصه أجمل بنتين في العرس كله مكياجهم , شعرهم .. صح فاجينة لكن مرفوع شوي , فساتينهم الخبال .. فستاتينهم مب عارية ولا مطلعين شى من جسمهم حشيم ومستر كان .. ومرت الايام والاسابيع وهزاع طلع من المستشفي وقوم سلامه يزورونهم بين فترة وفترة وترمسة كل ما تكون فاضية أوقبل لرتقد( لان عندها امتحانات) وبعد لانها ضامنة وجود هزاع هالحزة .......... هزاع طول الوقت حابس عمره فالبيت وكل يوم ربعه ايونه مول مانسوه ... ........................................ مرت الاسابيع على هزاع بألم مايعرف يتصرف الصبح يحاول يتم فحجرتة لين ما يروح الكل دواماته عسب محد يجوفة على الكرسي المتحرك ........................................ وفي يوم من الايام كان هزاع ناش الساعة 7:00 الصبح ويالس فالبلكونة وفجاة طلعتله هدى حبيبته الاولى ( بيت قوم هزاع عدال بيت قوم حبيبته وبلكونة حجرة هزاع مجابل بلكونة حجرة هدى .. هزاع مختار مجابل حجرة حبيبته بالعمد عشان يسولف وياه يوم يكون يالس فالبلكونة وهي مجابلتنه ) وانصدمت يوم شافت هزاع يالس على كرسي متحرك وهزاع على طوووووووول دخل حجرتة وكان بيتخرطف على الحد اللى على باب البلكونة وهو يحرك الكرسي بسرعة وهزاع تندم أنه طلع في هاليوم وحلف أنه ما يطلع من عقب ما يروحون كلهم المدرسة عسب يطمن أن محد بيشوفه ........ وهدى أنصدمت وأول ما دخل هزاع حجرته دخلت حجرتة تركض وهي تصيح وما طاعت تسير المدرسة ومن كثر ما تصيح ما سارت المدرسة ( هدى الـ.... طالبة في الثاني ثانوي – علمي – { من كثر ما كانوا يحبون بعض قرروا يدشون نفس المجال } عمرها 16 سنة ويا قوم حصه فالمدرسة دلوعة وخقاقة وشايفة نفسها وبيكون له دور في الاجزاء الياية ) ..... .................................................. .................................................. .................................................. ................................ |
البارت الثالث : ..(( يـاربـــــي اشــكـيـلـكـ بـحـالـي ... شـكـوى لـغـيـر الله مـذلــهـ ... لـو مـر وقـت(ن)مـا صــفــالــي ... مـحـد(ن)بـيـسـعـفـنـي ســوى الله ))..* ... بــعــد 3 شـهوور ... ... يــــوم الــجـمـعــة ... ..الـسـاعـة 10:30 .. هزاع ناش من الرقاد وهو يحاول يقرب الكرسي المتحرك جداه طاح من على الشبرية وهو يصارخ يتمنى حد يسمعه ويحاول يساعد وكان ولد عمة بينزل يتريق وسمع صريخ فحجرة هزاع وفتح الباب واتفاجاء لم شاف هزاع يصيح ومتالم من الخاطر لانة طايحة كانت قوية شوية وحول وياه انة يقوم من على الارض وحول هزاع أنه يتساند على اليدار لين ما يوصل الحمام (مشئ تعرفون شو يعني مشئ هزاع مشئ على ريله سبحان الله ) ولد عمه محمد تم يناقز من الفرحة وهو يشوف هزاع يمشى على ريله وسار عند عمه ( بو هزاع ) يقوله أن هزاع مشى على ريله و أم هزاع ركضت سايرها ( أم هزاع صغيرة فسن يمكن عمره 42 لانه يوم تزوجت بو هزاع كانت صغيرة _ شكلكم أول ما قريتوا ركضت تحسبتوا عيوز تركض – أحس شكلها نكته عيوز تركض - ) عند ولدها تشوفه و وشافت هزاع متمسك على اليدار وهو طالع من الحمام وهو مستانس واول ما شاف أمه على طول دمعت عينه من الفرحة و أمه تمت تصيح من الفرحة وابوه أول ما شافت على طول حضانه و هو مستانس على ولده .. (موقف رهيب الصراحة الام والابو يتمنون ولدهم يمشى أذا كان مشلول وأو ما شابه أن يكون ولدهم بخير وعافية ..- أنا أشك أن دكتور ناصر قص عليهم وعلى هزاع وقال أن هزاع مايروم يمشى - ..) وفي نفس اليوم سلامه اتصلت بهزاع لانه ملانة وتبي ترمسه سلامه : مرحبا ملايين ويسدن هزاع : المرحب لاهان مرحبا الساع بالحلوين سلامه : أحم أحم جان استحي هزاع : ههههههههههه حسبي الله على بليسج يالمنكرية.... عندي لج خبرما يسوي ملايين ملايين الذهب والالماس والمجوهرات والاكسسورات وبيزات هالعالم والكون والمجرة كلها . سلامه : شوقتني صراحة شو هالخبر هزاع : أول شى قولي أحبك سلامه : هزاااااعو شو هالمصاخة بعد ... مب قايله هزاع : خلاص مب قايل والله أنج بتستانسن عليه سلامه : هزاع والله استحي ماروم أقولك والله مافية الجراة هزاع يبا يغايضها: خلاص مب قايل الخبر بسير أقول حق هدى حبيبتي يوم بقوللها قولي أحبك بتقولي وانتي سيري ولي .. سلامه ( غارت من أسم هدى حبيبت هزاع الاولى ) : أحــــــــــــــــــــــــــــــــــــبـــــــــــ ـــــــــــك أمــــــــــــــوت فـيك فــــــــــــــديـــــــــــــتــــــــــك.... هزاع : خلاص حتى أنا أحبج واموت فيج حبيبتي .... حبيبتي أنا الحين أمشى وودرت الكرسي المتحرك اللوعة جبد وانا الحين يالس امشي في حوي بيتنا من وراء عسب محد يسمعني وانا ارمسج لانهم في حديقة البيت ... سلامه :شوووووووووووووووووووووووووووووووووووووو شو تقول انت صدق ..... لالالا مب مصدقة تمشى ورمسة دكتور ناصر مشلول ومادرى شو ليكون كان يجذب عليكم والله بذبحه هالانسان الحقير .. هزاع : ماعليج منه حبيبتي ابوية رفع قضية على هالحقير النذل اللى ما يستحي سلامه : هزاع أنته كنت تحس بريولك .. لان من كثر ما اقرا القصص عرفت ان اللي يوم يصيبهم شلل ما يحسون بريلهم .. انته كنت تحس بريولك ... هزاع : تبين الصراحة انا كنت أحسبنهن ريولي بس مادري أحس ان شئ فالحوض والله شئ يعورني شكلى جي اعري ... سلامه : امممم خلاص هزاع بسكر عنك الحين لان منسير بيت يدوه وانا ماتلبست وقوم يزوي بيون هناك كلهم يمكن ... هزاع : خلاص حبيبتي مع السلامه سلامه : مع السلامه هالله هالله فعمرك ولا ترمس هالخايسة هدى هزاع: ههههههههههههه خلاص حبيبتي مع السلامه سارت سلامه تتلبس وقالتلهم أن هزاع بدا يمشى والكل استانس وقرروا الشباب والبنات على نهاية الاسبوع (الجو حلو فالعين هالوقت لانه شهر 12 الجو بارد وغاوي ومطر صبيب ويبل حفيت من فوق ....... يا سلالالالالالالالالالالالالام ) وعلى نهايه الاسبوع يوم الاربعاء كانت سلامه طول الوقت فالمدرسة مستانسه العصر بيسيرون العين بيشلون هزاع واختة وبسيرون يتمشون فالمبزرة وبيأخذون عشاهم من كنتاكي . *~~ (.... من غلاك وكثر ما أحبك حتى درب العين حبيته ...) ~~* سلامه طول الدرب كانت ترتجف من البرد فالسيارة معنها كانت لابسة قميص شتوي ثجيل وجينز وشيلة وعباة ومتلحف بشال ولابسه بوت طويل ( كان شكله عذاااااااااب الصراحة ) وحاطة سماعات الـMp3 ويالسة تسمع حمد الـ.... و شلات حبيب القلب ( هزاع) ويوم وصلو بيت قوم هزاع ... حصوه طلعت أول شئ وعقبها طلع هزاع كانت كاشخ الحبيب لابس كندورة كاكاوية وسفرة من نوع شال بيج على بني غامج على فاتح وجاكيت بني سبورتي رهيييييييييييييييب واول مانزل من الدري استانست سلامه من بعد ما كان يليس على الكرسي المتحرك وملعوزنه وماذنه ومايروم يتحرك ويسير مكان .. عقب ماشلوا هزاع واخته سارو صوب المبزرة ويبل حفيت من فوق ( الجو كان عذاب ).. من بعد ماطلعوا من المبزرة ساروا العين مول عسب ياخذون عشاهم ويتعشون فحديقة بيت قوم هزاع .... ........................................ عقب أسبوعين من سيرة دبي قبل أربع أيام من عيد الاضحى قرروا قوم هزاع ايون يعديدون في دبي يبون يغيرون جو ... هزاع : مرحبا الساع بالحلوين شحالهم عساهم بخير سلامه : الحلوين بخير الله يسلمك أشحالك انته عساك بخير يا الطيب ....وينك مالك شوفه طول هالفترة... وين كنت ... ليكون عند هالخايسة هدووووووووه .. هزاع: بل بل بل بالعة ستيروا ماشاءالله ... حبيبي شو متريقه الصباح ... ليكون حاطيلج في الحليب ستيرووو وفي الخبزة سيديهات ميحد وحمد عثرة شوي شوي عليه ... سلامه :ههههههههههههههههههههههههه ... سيديهات فالسيارة مب حاطتنها في الخبزة .... فديتك متا بتونا هني والله كشخة سوالف ونااااااااااسة والله ... هزاع :أنزين بقولج خبر أنتي اللي هي أنتي بتتخبلن عليه سلامه : قووووووول هزاع : بقووووووووووووووول تدرين تذكرين الشباب اللى دعموني سلامه : سي فو بليه ( من فضلك .. عاد بالفرنسي هاي(S'il vous plaît)...- سلامه تعرف ترمس فرنسي يعني كم كلمة )... هزاع لا تذكرني بالماضي اللي فات مات خلاص .. هزاع :أوهووووووووو سلامي أسمعي بالاول سلامه : ديكو ( أوكية ) .. هزاع : اليوم وصلتلن ورقة من المحكمة عسب القضية اللى الوالد رافعنها عليهم الشباب اللى دعموني وسرت أنا والوالد والتصدقين قالولي نسجنهم والا بتعفي عنهم لان خلاص انا استويت بخير وهم وحليلهم مسجونين عسب أرحم عيال الناس عفيت عنهم أستانسوا على الشباب والى تم يبوس ريلي وايديه تخيلي سوس تعرفيني شو قالي عبدالرحمن ( واحد من الشباب المسجونين) .. ( ... عبدالرحمن : مشكور طويل العمر ما تقصر عساك من زود يا ولد الشيبة ماتقصر ... تدري تحرينا بتقرر تسجنا مؤبد ماصدقنا والله طيب يا ولد الشيبة ... والله خسارة اللي سويناه فيك الصراحة ماتستاهل والله هزاع ( دمعت عينه وهو مايدري ليش ) : انا ما سويت شى قلت على الاقل ارحم أهليكم واخذا اجر ولا أهليكم يدعون على وماتفوق فحياتي يوم أني بقرر اسجنكم مؤبد .. على طول هزاع لف ع وراء وماسواله سالفة طلع من المحكمة و ركب سيارته وشخط بها بوظبي ساير المارينا عند ربعه وهو طول الوقت يفكر باللي صارله اليوم ...) ........................................ في نفس الاسبوع يوم الاربعاء كانت سلامه وأخواتها الثنيتن حمده وهدى ( يسمونهم هذيل الثلاثة – الثلاثي الكوكباني - ) ماسارو المدرسة لانهم مخلصين وعاطينهم أجازة عسب يذاكرون ومنها اجازة عيد الاضحى وأجازة راس السنة عاد هن راقدات ف سابع نومهم لوشي( بشكارة قوم سلامه – تنشش سلامه بدفاشه ) : سلامه قومي مدام سوي تلفون يقول نشي الحين بابا هزاع بيجي مع فاملي مال هو ( سلامه نشي المدام سوت تلفون تقولج نشي لان هزاع ياي مع أهله ) سلامه ( وهي ناشة متروعة وزايغة – شكلها كانت تحلم حلم غاوية وعاد يت البشكارة ونششتها ) : ها شو منو قوم هزاع ... أوكية منو ناش الحين حمدووه والا مريوم .. لوشي : محد قومي يلى قووم أنتي بسرعة سوي سبح ولبس وأنا في سوى قهوه وقرين تي أوكية ( محد قام ياللى أنتي قومي بسرعة تسبحي وتلبسي وانا بسوة قهوه وجاي أخضر ) ... سلامه : أوكية قولي حق حمدووه ومريوم ينشون ويتسبحون بسرعة وقولى حق انولا تسوي كيك البسكويت وسويت القشطة أوكية .. لوشي : جين ( أنزين ) .. ورحت البشكارة تخبر البشكارة الثانية ... ومامداها سلامه تدش الحمام اللى وهي تسمع الهرنات السياير تحت وهي شوي وبتصيح لانها مب متسبحه ولا أنها جاهزة وعلى طول خبرت البشكارة دخلهم الصالة وهي بتتسبح وبتنزلهم بسرعة .... وسارت البشكارة تفتح الباب للضيوف وتقربهم لصالة وخبرتهم أن سلامه الحين بتنزل وماكملت عشر دقايق الا وسلامه نزاله ووقفت في نص الدري وهدى وحمده يربعن ودعمن سلامه وهن يضحكن على خبالهن ويعرفن أن سلامه بتفت عليهن عقب ونزل تحت وهدى أول ما شافتهم كانت بتشهق بس تداركت الوضع وسكتت لان سلامه شكلها مفوله خلاص شوية وبتنفجر وسلمن عليهم كلهم عقب سارو الريايل والشباب الميلس والبنات تمو في الصاله والحريم سارن ميلس الحريم وسلامه استانست ووووايد ويا البنات وتمن يسووولفن ويضححطن <<< تعرفون سوالف البنات انتو عقب ين شيخة وشمة خوات سلامه من المدرسة وبدلن ثيابهن وسارن يلعبن مع اليهال عقب يت ام سلامه من الدوام وهي مفتشله من الخاطر لان العرب يو وهي مب موجودة ومدير قسمها مب طايع يرخصها عشان تطلع استاذن والله يعلم شو مسويات البشاكير الغذا والا الفواله .. بعد سلامه كانت مستانسة من الخاطر لانه بتعيد مع قوم هزاع وهي مستانسة من الخاطر ولا مرة حست بطعم وحلاة العيد كثر هالعيد ماتدري ليش بس حست لانه راس السنة و العيد شئ حلو الصراحة المهم مرت هالاجازة حلوة والكل استانس فيها :.:.:.:.:.:.:.:.:.:.:.:.:.:.: اليوم الثلاثاء قوم هزاع بيردون العين لان يوم الاربعاء امتحانات نهاية الفصل الاول وسلامه زعلت وااايد لان مابتشوف هزاع ولا بترمسه عشان ماينشغل عن مذاكرته ولانه يبا ايب نسبه حلوة ... :.:.:.:.:.:.:.:.:.:.:.:.:.:.: وابتدات الانتحارات ( الامتحانات ) وكلن لاهي في دراسته وامتحاناته ومحد مسوي سالفة حق حد وسلامه كل ماترد من المدرسة تتصل بـ هزاع تخبره عن الامتحان وشو ياهم وشو مايهم ونفس السالفة عند هزاع يخبرها شو ياهم وشو مايهم( شاطر ماشاء الله) .... .................................................. .................................................. .................................................. ................................ |
| الساعة الآن 02:27 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir