|
اشهر المؤكولات بكل امارة !!! بسم الله الرحمن الرحيم يبت لكم موضوع و هو عبارة عن كل امارة في الامارات و شو اشهر اكله عندها أكلة اهل الفجيرة : يا حافظ على هل الفجيرة ... من تيهم أتقييّل عندهم ضيف ... الله على الكرم الطافح فوق اليبال ...وخصوصا بعد يوم يقربوبك عندهم وتاكل هذيج الأكلة ما ودك بعد تظهر من الفجيرة .. بس الود ودك أتّم تظرب بالخمس ألين اليوم الثاني .. وأكلتهم مشهورة وهيه : طاسة حلوى حارة وعدالها دلة أقهوه الملقمه في حزتها أكلة أهل راس الخيمة ياسلام على الأكلات المشهورة عدنا.. .. أموت على طبيخ ماماتي اللي ما ينطبخ اللا على ظو يريد وحطب وما بينهن طابوقتين .. الصراحة يعت مشتهيه طاسة جامي ويقط ولبن و أكلتنا هي الجامي و اليقط و اللبن والعيش واللحم .. الله يمي يمي يحيكم اقربوا صوبنا أكلة اهل أم القيوين : لاااااااااا .. كله عاد ولا اهل أم القيوين .. الصراحة عندهم أكلة ما تخطر على بال واحد بيموت من اليوع .. أسمييييه عندهم أكله .. ما يطبخونها اللا حزّة الغدا من عقب صلاة الجمعه .. وهيه أكلة البياح: تراهم مشهورين أبها ومحد شراتهم وشراياهم .. أنتوا ما تشوفون عربهم ومواطنينهم شقايل ينبع الكرم منهـــــــــم .. أكلة اهل عجمان : ما يحتاي بعد أزيد عليكم الزود . . معروفين هل عيمان بخبز الرقاق هنتين أبييّزة .. وخصوصا بعد أوف حلاته اذا كان مدهون بدهن خنين .. وووووووه .. وحظك من السما لو حالفك الحظ حد منهم عزم عليك تقرب عنده في البيت تاكل من ريوقهم أو غداهم أو عشاهم ... .. ياجماعة الخير عليكم بخبز الرقاق المدهون بدهن خنين من اهل عيمان أكلة اهل الشارجة : لا لا لا .. كلكم غلطانين .. هب الدانقو ولا شي ولا حتى الباجلة . . هذه كلها خرافات واحد مخرف يوعان ..... عندي انا المعلومة عن أشهر أكله عند هل الشارجة ........... الصراحة غلبتوني .. هيه نعم صدقتوا .. ماشي أحلى من الدانقو حزّة العصر وحاط جدامك هالطاسة الممزورة دانقو ولوميتين من الحامض .. تعصرهن في الملة .. أبتسم أنته تاكل الدانقو في الشارجة ههههههه أكلة اهل دبــي : فديتنا والله أكلة هل دبي المشهورة هيه : الهريس .. واللي ماياكل منها يخيس . . وهل دبي معروفين في الأعراس لازم يكون في وسط الحوي جدر هريس .. واللي يقرب لازم يغرف له بالمظراب في طاستة ..... اكله اهل بوظبي والعين: أكلتهم المشهورة اللي دوم اشوفهااا ... ... خبز خمير بثيث مفروكه والمظروبة ... وبالعافية على قلوبكم وعبو الكرشة الحلوة |
«®°·.¸.•°°·.¸¸.•°°·.¸.•°®»هههههه يسلمووووووووو على الطرح الحلو تقبل مروري خويتك قطوة دار الزين«®°·.¸.•°°·.¸¸.•°°·.¸.•°®» |
[overline]{~..[/overline] وعليــكم آلسلآآم وآلرحمهـ.. هٍهٍهٍهٍهٍ آن شآْءآللهـ رآح نعبي آلكرشــهـِـ يعـٍـٍطيك آلعآٍآٍآفيهـٍـٍ.. [overline]ربي يحفظك[/overline] .. ..~} |
انا اختلف وياك يا خويه شويه مب وايد اهل بوظبي اكلهم المشهور الحينه المندى و المضبي لووووووول و اهل دبي يا خويه كل فاست فود برجر و كنتاكي لووووووووووول و اهل الخور صالونت مالح و سحناء لوووووووول اهل العين مشاء الله عليهم طبخ التنور محد يروم لهم |
~ْ مبآرڪ عليْْڪم آلشھٌر ْْ~ تسـلم ع الطرح خويه ونرقب يديدك المميز والترآثي _^ ~ْآللھٌ يْْتِِقبل ڝيْْآمڪم ۈقيْْآمڪم ْْ~ |
| الساعة الآن 06:25 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir