منتدى استراحات زايد - ::"يكفي مذله ويكفي القلب ماصابه.. "::

::"يكفي مذله ويكفي القلب ماصابه.. "::

السلام عليكم ورحمة الله وبركاته

شحالكمـ؟؟ عساكمـ بخير وسهالة؟؟

اليوم يبت لكم مسجات عيبتني

وإن شاء الله تعيبكم

-------------------------------------------------------

أصبر ياقــلــبي وأنتــظر خل الحزن مكتوم
كل المــعـاني تــغــيرت واتضحت الصوره
صار الصدق في هالزمن مثل الوفا معدوم
ونفــوســنا تــجــرحت والفرحه مكسـوره
كل الــمبادئ تنــشرى واللي معاه يسوم
حتى المــشاعر ارخـصـت والكلمة مهدوره

~¤ô¦¦§¦¦ô¤ ¤ô¦¦§¦¦ô¤~

ابسألك لالقيت الوقت ضدي
والمسافه تشتكي من بعد همي
والوله زاد ما يحتمل كثر البعاد
والحقيقه اقرب لعيني من خدي
ابسألك يا صاحبي وش هي الحلول
لا لقيت الالم فيني يطول
لا سمعت الهم يحكي يقول
ان الالم ماله (( حلول))

~¤ô¦¦§¦¦ô¤ ¤ô¦¦§¦¦ô¤~

ماني من اللي يرخص النفس لاضاق
ولاني من اللي يرخص اليوم غالي
سبحان ربي كمل النفس باخلاق
الطيب عمي ومصدر الجود خالي
واللي يبيني يمه الروح تنساق
واللي سلاني عنه القلب سالي

~¤ô¦¦§¦¦ô¤ ¤ô¦¦§¦¦ô¤~

مو كافي لطمني الموج في بحره
مو كافي غدرني الوقت والغرام
حتى القمر لوغاب تبكيه نجمه
وانت ولا دمعه هلت يا حرام

~¤ô¦¦§¦¦ô¤ ¤ô¦¦§¦¦ô¤~

ماهو بكيفي يوم حبيت من غاب
ولا هي بكيفه دمعته يوم قفا
يناشد اعيوني عن فرقا الاحباب
لا تنشد البردان ليه ايتدفا

~¤ô¦¦§¦¦ô¤ ¤ô¦¦§¦¦ô¤~

أنا وش بسوي بقلبي لاتعلق فيك
وأنا روحي على فرقاك والهجران ماتقدر
وأنا لاصرت هايم في غلاك ولا قدرت أجيك
أحاول في غلاك أنقصه بس الغلا يكثر..

~¤ô¦¦§¦¦ô¤ ¤ô¦¦§¦¦ ¤~

دام الأماني ماتجي لي على كيف..
ليه أجرح نظرتك بانكساري.
الصبر ظالم والزمن سطوته سيف
ولاباقي عمر يشيل انتظاري..!

~¤ô¦¦§¦¦ô¤ ¤ô¦¦§¦¦ô¤~

يكفي مذله ويكفي القلب ماصابه..
مانيب مسؤوول أحقق باقي أحلامك..
نصبت نفسك أمير الحب وزمانه..
تامر وتنهي وكني ضمن خدامك..!

~¤ô¦¦§¦¦ô¤ ¤ô¦¦§¦¦ô¤~

يسألوني من على عيوني يمون..
من يساوي ناظري وأكثر بعد..
قلت شوفوا صورته بين الجفون..
من بحبه صادق إحساسي شهد..

~¤ô¦¦§¦¦ô¤ ¤ô¦¦§¦¦ô¤~

لو يودك مثل الي اودك..
خالك وعمك وأبوك وجد جدك..
كان في يسراك حطوا عرش كسرى
وفي يمينك حطوا الدنيا بيدك..
وش ذنبي كل ماقد ضاع قلبي،،
والتفت وقلت وين ؟ يصير عندك!

~¤ô¦¦§¦¦ô¤ ¤ô¦¦§¦¦ô¤~

البارحه عيني جفت لذة النوم
يحرم على عيني لذيذ المنامي
سهران في قلبي هواجيس وهموم
دارت بي الأفكار والقلب هامي
كني سجين داخل الحبس مظلوم
حكمه مع الأشغال عشرين عامي
على حبيبي من ملاقاه محروم

~¤ô¦¦§¦¦ô¤ ¤ô¦¦§¦¦ô¤~

ماللخطا في بعض الأحوال تفسير.,،
أحيان نزعل ناس نشري رضاهم..
عذري أحبك سيد كل المعاذير..
وأغلى من أعذار الحبايب غلاهم..،

~¤ô¦¦§¦¦ô¤ ¤ô¦¦§¦¦ô¤~

لو بغيت أصد عنك ماقويت
وإن بغيت افارقك قلبي خفق
من يقول اني على هجرك نويت
قله ان قلبي بحبك محترق
وقله اني في محبتك اعتليت
رافع الهامه على حد الشفق
وقله اني في بحر حبك رسيت
فوق مجداف الهوى قلبي غرق

~¤ô¦¦§¦¦ô¤ ¤ô¦¦§¦¦ô¤~

ان قلت أحطك في عيوني وأخبيك
أخاف أحجب النور عن باقي الناس
وان جيت احطك وسط قلبي وأداريك
أخاف من حبك يوهق الأنفاس
وإن قلت أحطك فوق راسي وأراعيك
أقول برد وشمس والزين حساس
بالله قلي وين أوديك..

~¤ô¦¦§¦¦ô¤ ¤ô¦¦§¦¦ô¤~

أعزك كثر ماهلت عيون اليتيم دموع
أعزك كثر ماذقت الطعون وقلة الراحه
أعزك كثر شكوى الفقير وضايقات الجوع
أعزك كثر مابحر الغرام يضيع سباحه
أعزك كثر مايصعب على الشفه تحب الكوع
أعزك كثر مايفرك نديم الهم مسباحه

~¤ô¦¦§¦¦ô¤ ¤ô¦¦§¦¦ô¤~

حبيبي لاتواخذني اذا قصرت بأشواقي
أنا كلي فدا روحك وقلبي حيل مشتاقي
أدور مابقى مني لقيتك ماخذ كلي
حسبت اني تناسيتك وقلبي عنك متخلي
لقيتك ساكن بروحي وشوقي كان متغلي
بالآخرعرفت انك حياتي ودنيتي وخلي

~¤ô¦¦§¦¦ô¤ ¤ô¦¦§¦¦ô¤~

دودي أحط بين قلبي وعيني
وأخلد اسمك وأنقشه بين ضلوعي
وودي يساري تتحد مع يميني
شعار عزة نفس لا للخضوعي
وودي العمر باقي العمر في يديني
سنين عمري لك سراج وشموعي

~¤ô¦¦§¦¦ô¤ ¤ô¦¦§¦¦ô¤~

هاك القصايد لاتضايقت واقرا
شف وش كثر فيها لضحكاتك اشتقت
ماكل جرح لاخذا ايام يبرا
بعض الجروح يزيد شره مع الوقت
أشوف لك وين ماروح ذكرى
لاشفتها صديت عنها ودنقت!

~¤ô¦¦§¦¦ô¤ ¤ô¦¦§¦¦ô¤~

ماني على فرقاك
يا صاحبي راضي
حسبي على من تسبب
بيني وبينك
ومهما حكمت الظروف
بحكم قاضي
اشهد ان حياتي
بين ايدينك

~¤ô¦¦§¦¦ô¤ ¤ô¦¦§¦¦ô¤~

انام الليل والاقي نفسي
احلم بك
واتخيل اني معك
وجالس قبالك
وتقول انا اموت في قلبك
ومعجب بك
واصحا وانا اقول يا قلبي
يتهيأ لك

~¤ô¦¦§¦¦ô¤ ¤ô¦¦§¦¦ô¤~

لو تلمس ايدينك جبيني
ولو لمس
تبرى الجروح وينجلي
كل غمي
ابنتظر باكر عسى
تطلع الشمس
تمحي الظلام ويقتل النور
همي

~¤ô¦¦§¦¦ô¤ ¤ô¦¦§¦¦ô¤~

والله ما اتحمل انا مر
فرقاك
قربك هوى بالي وبعدك
تعبني
يا كثر ما قلبي يحبك
ويهواك
لو الغلا ينسب لشخص
نسب لي

~¤ô¦¦§¦¦ô¤ ¤ô¦¦§¦¦ô¤~

من يقول الحب ذباح
مالومه
اشهد الحب قطاع
الانفاسي
زلزلتني نظرة الرمش
وسهومه
واتعبت مقياس ريختر
ومقياسي

~¤ô¦¦§¦¦ô¤ ¤ô¦¦§¦¦ô¤~

إن كنت تبغى واحد
لك يماشيك..لقيت منهو
راكب لك حصانه..وكانك تبي قلب يصونك
ويحميك..أبشر بقلب مايعرف الخيانه..
وكانك تبي شخص يحبك ويغليك
ابشر بشخص منتظر في مكانه..
وكانك تبي عين تهلك وتبكيك
هذي دموعي كلها لك رهانه..

~¤ô¦¦§¦¦ô¤ ¤ô¦¦§¦¦ô¤~

لاتلمس الجرح خل الجرح وأسبابه..
الله يخليك مافيني مكفيني..
حتى حبيبي زمان الحب ماجابه..
كان آخر انسان متصور انه يخليني..
يكفي انه ترك لي شي اشقابه..
دفتر قصيد وقلم مسجون بيديني..

~¤ô¦¦§¦¦ô¤ ¤ô¦¦§¦¦ô¤~

أنا تعلمت الهوى تحت يمناك..
درست معنى العشق حسب اختياري..
مبغاك تعشقني ولكني أبغاك..
لاضاقت الدنيا تصير داري..
وابيك لامني تزاعلت وياك
ترضي غروري قبل أجيب اعتذاري..
وابيك تدري لو أحاول بفرقاك
إني بحاول قبلها بانتحاري..!

~¤ô¦¦§¦¦ô¤ ¤ô¦¦§¦¦ô¤~

لاعين يجيها نوم
ولانفس مرتاحه..
والقلب من فرقاك زادت جراحه..
انت الحبيب الي أبيه
وانت الصديق الي أرتجيه
مهما تغيب تبقى قريب..
<<وحشتني>>

~¤ô¦¦§¦¦ô¤ ¤ô¦¦§¦¦ô¤~

لو تدري الشوق بعدك وين وداني..
مكان والله يمر البعد في بالك..
تبقى حبيبي ولو تزعل وتنساني
تبقى بقلبي كبير ودايم لحالك..
الليل بعدك ظلامه طال وأشقاني
والفجر نوره تعذر يطلب وصالك..

~¤ô¦¦§¦¦ô¤ ¤ô¦¦§¦¦ô¤~

لاتزعل ان جاك عني خبر شين...!
قالوا توفى بس هذي وصاته...!

الأولى:
حرام خدك تجرحه
دمعة العين
مدام ماذاق الدمع في حياته..!

الثانيه:
لاتنسى منهو حبك من سنين
ومحدن لجلك يسوي سواته..!

~¤ô¦¦§¦¦ô¤ ¤ô¦¦§¦¦ô¤~

الحب معنى للوفا بين قلبين
ياعاذلين القلب لاتعذلوني
لاصار من تهواه يسوى ملايين
ودك تحطه فوق كل الظنوني
حتى لو انه بعيد عن العين
البعد بعد القلب لاتشغلوني
أنا كذا طبعي كذا
لاتقولون ..حتى مع الغالين
طبعي جنوني!

~¤ô¦¦§¦¦ô¤ ¤ô¦¦§¦¦ô¤~

من يقول اني بنسيانك نويت
وإن تناسيتك يذكرني التعب
مستحيل أنساك لوحتى قويت
وإن قويت أنساك نسيانك صعب
في دقايق غيبتك ياما بكيت
ياما لعيونك تجاهلت العجب
كنت ادور فيك عيب ومالقيت
وان لقيت العيب يعجبني عجب!

~¤ô¦¦§¦¦ô¤ ¤ô¦¦§¦¦ô¤~

المعذره ياحب ماني بناسيك
مانساك لو تنسى الليالي قمرها
ارسل فؤادي بالرسايل يخاويك
طاريك يطريلي وروحي سمرها
ياوقت لاترمي علينا بلاويك
من برها أوديتنا في بحرها
الحب حبك والمحبه تحييك
حبك غمرني والمشاعر نثرها

~¤ô¦¦§¦¦ô¤ ¤ô¦¦§¦¦ô¤~

وبس

اتريا ردودكمـ
منقووووووول