|
بنــــــــات المنـتــــــديات بنات المنتديات ( الي يدخل ومايشارك تراها في ذمته لين يوم القيامه ) السلام عليكم حبيت اناقشكم في موضوع واتمنا الكل يشارك فيه واي واحد منكم دخل اتمنى انه يشارك لنها في ذمته لين يوم القيامه المهم السالفه ومافيها ظاهره بنات المنتديات وهي انه البنت تدخل المنتدى وتضحك مع هذا وهذا ولا انها حاطه ايميلها وتقعد تجمع شباب عندها فالماسنجر ومافي واحد فالمنتدى الا وضافته >> صار سبيل والحين في ظاهره منتشره اكثر وهي القروبات واكيد انتوا تعرفونها لنه ماشالله عندنا الخير وايد وهي انه البنات والاولاد كلهم يسولفون مع بعض وشوي تتطور العلاقه وتضيفه ولا هو يضيفها ويسولفون مع بعض لين ماتكبر العلاقه واتعرفون الباقي( يضيع شرفها ) وحتى لو ماوصلت لين هالشي مثلا واحد دخل على هالموضوع الي فيه القروب وشاف البنيه كذي تتضحك وتسولف مع هذا وذاك والله اليوم رحت مني والله اليوم مدري وش سويت وش بيقول بيقول انه ام الرياييل !!!!!!! صح كلامي وولالا وانا توني مشترك فالمنتدى يعني جديد ومريت على المنتدى وشف كل شي فيه وبصراحه في بنات طاحن من عيني من سوالفهن الماصخه ويرمسن كنهن يرمسن مع اهلهن فالتلفون ولا شي ولا الوحده تسولف مع ربيعتها وتقول شو الي صار اليوم ماكنه كل الي فالمنتدى يقرون ويش قالوا ومافي مانع اذا البنت دخلت وقعدت تشارك مشاركات عاديه اما كل من شاف هالبنيه الي تسولف مع هذا وذاك بياخذ عنها فكره سيئه والسوالف ماتخلص مثلا واحد شاف ولد وبنيه يرمسون مع بعض ويتضاحكون بيقول اكيد هذا يعرفها من قبل ولا اكيد عنده فالماسنجر واكيد .. واكيد ... وانا شفت من هالاشكال وايد ومايحتاي اذكر اسامي كل واحد ويعرف نفسه ووش رايكم ياشباب هل الواحد يرضا تكون اخته منهن ولا بياخذ وحده كانت منهن ؟؟؟؟؟ وانتوا يالبنات وش رايكن في هالشي كلامي غلط ولا صح ؟؟؟؟؟؟؟؟؟ وتراني اتقبل اي اعتراض واتريا رايكم والسموحه كاني طولت عليكم وانشالله النعيمي مايحذف او يغلق الموضوع |
[overline]مـلاحـظـهـ : انا ما اقصـد البنات الـي يدشن مثل الي فالبرزه ولا فالقروبات يسولف سوالف عاديه لا بالعكس انا الي اقصده انه الي يمصخنها يسولفن ويا الشباب مثلا تعرفه على عمرها ولا تقوله من وين ولا مثل هالاشياء ..[/overline] |
لا تطمن مابحذف الموضوع الا اذا كانه مخالف ولا مكرر لوووووول يعطيك العافيه اخوية ع الموضوع الطيب فالبداية اريد اقول كلمة يمكن ارددها دوووم وهي ان المنتديات تعتبر ( كمجتمع الكتروني) مثل اي مجتمع ولكن مانشوف الا الكتابة ولا الشخص مانشوفة طوووول .. انا اقول لكل بنت ( الثقل صنعه ) والحيا مطلب وانتي بالفطرة خجولة ولكن من يضيع الخجل والحيا منج (شو بقى ) 0 0 في نظري يفترض من البنت تحتاط وحتى الرجل كذلك يعني نحن هب ع راسنا ريش لووووول 0 احيد من فترة بنية اطرش لي ع الخاص تقول انا ماحبك!!! ( اللي يقول انا عرفتج الحينه ولا تعرفيني زين ) واللي تبا تتعرف ..!! وانت وامانتك !. والله ياخوية ماعندي شي اقوله الا اني اتمنى من كل بنت تلتزم بالأخلاق والمنطوق الطيب وتتحلى بالخجل والأمانة امام الله واهلها 0 0 تسلم وبارك الله فيك والموضوع يستحق التقييم 0 0 اخوك / النعيمي |
وعليكم السلام ورحمــة اللـه وبركـاتــه أنا ماامانع ان اختي دخل منتدى وتشارك فيه لكن بحدود الأدب والأخـلاق طبعاً ، ماتقط الميانه وتسولف بكل شي ولا تقعد تغنــج بكلامها ولا بأسلوبها،وان كان مع بنات جنسها زينتها برزانتها وحياها، حتى الشباب افضل الرسمــيـه في التعامل. شكراً لك على الموضــوع الـخـالــدي |
صدقت اخوي بكلامك صج شي بنات مثل جي وهب كل البنات مثل بعظ طبعا > المهم انا اول ما اشوف مثل جي بنيه قسم بالله انها تطيح من عيني يعني اوك يمكن تسولف سوالف عاديه وتسال عن الاحوال وجي هاي عادي بس انه تتمصخرر وتقظيها ظحك ومصخرة الصراحه ها شي ما ينسكت عنه > يسلموو ع الطرح الحلوو اخوويهــ ربي لاهانكــ والله يهدي اليميع >.< |
| الساعة الآن 12:58 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir