منتدى استراحات زايد - قصيده جميله والي بيحل السؤال اجمل ^^

السلام عليكم ورحمه الله وبركاته

اسعد الله مساكم/ صباحكم

كيف الحال كلن بحاله

عندي فكره يديده وحبيت اطرحها عليكم بعّد عليكم قصيده واباكم تخبروني من الي كاتبنها

انا فكرت بهالطريقه كفكره يديده لتغير الروتين الطبيعي اتمنى تعيبكم الفكره

طبعا لاتنسون تقولون رايكم فالقصيده .

يقول الشاعر :

لا صرت بايعني اشوفك على خير .. مع السلامه دام مابه سلامــه

قلت انتهيــنا وقلتلك خيــر ياطيــر .. ماني باول شخص يفقد غرامـه

محـــذرك من قبلــها الــف تحذيـر .. لاعفتني بيعيف قلبي هيامـــه

ماني بمــيت لا ولا احتــاج تبريــر .. صح الله لسانك ووفر كلامــــــه

بسمعك حبكــه وفكــره وتصويــر .. وافهم عدل يامدعي بالفهامــه

وجه الشعر ابيض ويحتــاج تغيــر .. ودي تزين هالقصيده علامــــــه

ماضيك الاسود بذكره دون تقصير .. كذا يكون بخد هالشعر شامــــه

يصدق معي تعبير ويخون تعبيــر .. يضيعت الشاعر بوقت انسجامه

يمكن خطا ادونك بالشعــر ميــر .. لو محترمتك للغرام احترامــــــه

ماكان حبك غير بس طعنتك غير .. علمتني معنى الندم والندامـــه

ماجــاك منــي اي زلــه وتقصيـر .. كل ما خطيت اعاتبك ببتسامـــه

حسبي ع الذكرى اذا هبت اعصير .. ماعاد تنفع شرهتي والملامــه

البال ضامي وقتها والحزن بيـــر .. خسرتك وهمي كسبت اهتمامه

والليل فازعلك كذا جانـي مغيــر .. ظلمتني واكثر ظلمني ظلامـــــه

لقبل علي اوحيت صوت المساير .. وفزيت كل ضيفن اقوم ابمقامــه

واليا عزم هالليل ضيقه وتفكير .. قلي بربك كيف بقدر انامـــــــــــه

مافيه داعي للعتب والمعاذيــر .. الغدر خاوا الجرح واطيب عمامـــــه

اما يجيب الله مطر تالي وخيــر .. ولا السلامه ماش مامن سلامـــه

من الشاعر ........................................ ؟؟

وسمحولي ع المغثه

ريي الحافظ