|
امه مش مواطنة ......... !!!!!!!!!!!!!!!!!! بسم الله الرحمن الرحيم صباح / مساء الخير عالجميع خواني انا عندي موضوع شاغل بالي من فترة وما عرفت كيف افتحة او كيف اصيغه عالعموم انا ببدى عالطوووووووووووول فالموضوع في زمانا اليوم الناس تشوف اللي امه مش مواطنه على انه مب انسان وماله حق الحريه وحق التصرف يعني يشوف مطرب او ممثل او اي شخص ثاني مثلاً في نظرهم انه يسوي شيء غلط بيقولون امه مش مواطنه لو امه مواطنه ما سوى جذيه يعني المواطنه تعرف تربي وغيرها لا كم حرمة مواطنه ما عرفت تربي عيالها وأخر شيء يدخلون السجون ولا اماكن ثانية وهم بعدهم مصرين على تربيه المواطنه انها صح وتربيه غيرها غلط انا ما اقول انه كل المواطنات ما يعرفن يرين عيالهن بالعكس فيه امهات مواطنات وربوا عيالهم احسن تربيه وبالمثل فيه امهات مش مواطنات وعيالهم مب اوكي وفيه امهات مش مواطنات وعيالهم متربيين احسن تربيه عطوني رايكم هل تنظر / تنظرين للشخص اللي امه مش مواطنه على انه انسان اقل من غيره؟؟؟ وليش ؟؟؟ وهل انته/انتي : مع \ ضد الناس اللي تقول هالكلام ؟؟؟ واسمحولي لو فيه اي غلط او اني غلطت في كلامي لانيه منفعله واكتب بسرعة مجهود شخصي \ ارجو التفاعل |
يشرفني اكوون اول وحده ارد ع الموضوع هل تنظر / تنظرين للشخص اللي امه مش مواطنه على انه انسان اقل من غيره؟؟؟ وليش ؟؟؟ لا ,, لان ما يهمني امه من وين الي يهمني هو اسلوب واخلاقه وتربيته وهل انته/انتي : مع \ ضد الناس اللي تقول هالكلام ؟؟؟ طبع ضد وتسلمين cute baby ع الطرح نتريا يديدج |
هل تنظر / تنظرين للشخص اللي امه مش مواطنه على انه انسان اقل من غيره؟؟؟ اكيييييييييييييد لااااا :54: وليش ؟؟؟ الله راد انه تكون امه مب مواطنه ليش يعني اذا امه مواطنه بيطلع ريال ومتدين وجامعي وغييييييييييير ه يحسره اكثرهم مايملكوووون شهاده اعداديه والي تكون امه اجنبيه والله انه يطلع ريال وجامعي ومتدين الصلاه مايفراقها ويحترم والديه وهل انته/انتي : مع \ ضد الناس اللي تقول هالكلام ؟؟؟ اكيد ضدهم لانهم نااااااس متخلفييييييييييين :00: مع احترااااااااامي للجميييييييييييع |
السلام وعليكم ورحمة الله ((ان جعلناكم شعوبا وقبائل لتعارفوا ان اكرمكم عند الله اتقااكم...)) "قال أبوبكر الصديق رضي الله عنه: "لقاء الإخوان جلاء الأحزان قال علي بن أبي طالب رضي الله عنه لابنه الحسين : "يابني الغريب من "ليس له حبيب لكل شيء إذا فقدته عوضُ وما لفقد الصديق من عوض اقتباس:
اقتباس:
نوقف على شخصهم وتلاقونهم هم أكثر عيوم من نميمه وحش وشغلات أخرى من أسوأ لسيء ولا علينا من كلامهم مشكوره أختي لطرح هالقضيه وفعلا أنا أشوفها منتشره بشكل كبير أن عذربو الواحد قالو لو فيه خير أمه ماكانت غير مواطنه قبحهم ربي على هالرد الحين يعايرون ولد أو بنت الغير مواطنه بالمشاكل ؟ طيب كم واحد ووحده وابناء غير مواطنات أعتلو أكبر المناصب وحققو أنجازات شبالمعني هنيه قلتو هذا ولد الديره رفع راسنا كفو ولو طاح بمشكله عايرناهم ؟ وين كلام ربنا ؟ حنا الله خلقنا وخلق معانا ناس معاقين ذهنيا بتفكيرهم <<<<< اذا كان لفضهم هالكلام بقصد السخريه فيستاهلون هالتسميه يعني أمي هنديه ولا باكستانيه ولا مصريه ولا جنسيه اخرى ,,,<<< مو مسلمين ؟ مو أخوان وخوات لنا ؟ مو ربهم وربنا الله ؟ مو دينا ودينهم الاسلام ؟ مو بشر نفسنا والله أستغرب من كلام البعض عنهم بهالطريقه والمصيبه ماتجي الى من الناس القراب لهم أولا عمومه أو نسب أو أصحاب وين كلام ربنا سبحانه وتعالى يوم قال : (( و لا تنابزوا بالألقاب )) وين نهي حبيبنا ورسلونا محمد عليه أفضل الصلاة والسلام من هالقضيه اللي نهى الكل عنها وقال تجنبوها تراها منتنة يعني خبيثه والله أنا أقول من أبوهم أخذ زوجه مو من حمولته أو مو من ديرته صارة جريمه ؟ أجل شباب هالايام مافيهم أخ أو أب أو عم أو خال أو ولد عمومه ماخذ غير مواطنه ؟ باجر ترضون ينقال لعيالهم مثل ما البعض قبحهم ربي يتطاولون بكل سخريه على هالفئه ؟ وبعدين كل واحد يعمل بأصله كم وكم عيال هنيه يشرفونا بوطنيتهم وكم وكم عيال سيلانيه يشرفونه بوطنيتهم وكم وكم عيال فلبينيه يشرفونا بوطنيتهم وكم وكم أغلب هالجناسي يشرفونا بأستيطانهم وعيشتهم ببلادنا لانهم مسلمين وصلت الرساله ! وأتمنى من الله اذا حد يعرف موضوع وحد تلفظ بهالكلام سولنا دعوه عليه وشوف ردودنا بتكون وقتها شلون بتكون مناقشتها وطرحها اشد من الحين لان الموضوع وحجمه بيكون سيد الموقف بعيده عن التجريح بس نثبتلكم ان من يفكرون بهالكلام الجارح لبعض الاخوه او الخوات كل ولد أو بنت هنديه أو أي جنسيه مواطن أو مقيم أفتخرو بأسلامكم وأفتخرو بدينكم وأفتخرى بقدوتكم سيدنا محمد وحطو هالاشياء نصب عيونكم ولا عليكم بكلام الناس فوالله أصبرو يحتسبلكم أجركم بكلام هالمرضى وخذو حسناتهم والام مفخره قولوها ولا عليكم من أحد مهما كانت جنسيتها طالما مسلمه قولوها ولا عليكم من احد برمجو هالحكم عندكم إذا أتتني مذمة من ناقص فهي شهادة بأني كامل ماعلا السحاب من نبح (.......) ألف شكر أختي على هالموضوع الطيب وأبدعتي فيه لآن فعلا أنا توارد لمسامعي قبل فتره نفس هالكلام من مكان أخر وتأسفت أن عندنا ناس يعيبون على البشريه وهم كلهم عيوب لا من سمعه ولا من تواجد ولا من رصيد بالصداقه مع الاسف الله الهادي تقبلي مروري خيتو وأتمنى من أخواني وأخواتي المشرفين لو يثبتونه لاهمية الموضوع فلهم حرية القرار |
مساء النور والسرور ببتدي ردي في حكمة نعيب زماننا والعيب فينا ومالزماننا عيبٌ سوانا .. 0 0 الأم الغير مواطنه حالها حال الأم المواطنه فالنهاية هي ام ( فطرة فطرها الله عزوجل منذ الخليقة ) ولكن البعض "يصطاد فالماء العكر " فيقول هذا فلان امه هندي ولا فلان امه هب مواطنة ولا لا ...ألخ .. واحياناً يُنعت بجنسية امه مثلاً "ياولد الهندية " ...الخ .. الصراحة انا اشوف هالأشخاص بنظرة دونيّة واشفق عليهم ، ربك عطاك العقل وفرق بينا وبين الكائنات الحية بنعمة العقل والتدبر وانته يالس تقول جذه !! طبعاً العيب فالموضوع اذا الام نفسها ( سواء مواطنة و الغيرمواطنه ) مالها سمعة طيبة او لسانها متبري منها وماعرفت تربي عيالها زين مازين يعني الموضوع ليس بالجنسية الموضوع اخلاقي وديني ، والله ياما عيال امهاتهم هب مواطنات بس ونعم التربية ماشالله ... وياما عيال بعض المواطنات لااخلاق ولا تربية ... بالنسبة لي ماعندي تفرقه في هالموضوع تبقى الأم هي الأم .. وذكرت ان البعض يصطاد فالماء العكر ، فيقول هاا شفت حرمة فلان شلت عيالها وشردت لأنها هب من بنات البلاد ، وفالنقيض تشوف بعض المواطنات يطلبن الطلاق وهي عندها عيال صغار ..الخ .. نأتي للأسئلة المطروحة .. هل تنظر / تنظرين للشخص اللي امه مش مواطنه على انه انسان اقل من غيره؟؟؟ وليش ؟؟؟ بالعكس انا تفكيري سليم هب شرات بعض العقول المريضة بهذه الأفكار ... وهل انته/انتي : مع \ ضد الناس اللي تقول هالكلام ؟؟؟ انا ضد مليون رمرررررة ... 0 0 0 احيد مرة واحد من الشباب امه غير مواطنة ، سار يخطب ، قال له ابو البنية " نحن آسفين مالك نصيب عدنا" مع انه الريال والله مايعيبة شي شغله ممتاز وعنده بيت .. بس شو عيبه اللي اناس شافوة ان امه هب مواطنة ..!!! 0 0 اختم مثلما بدأت نعيب زماننا والعيب فينا ومالزماننا عيب سوانا 0 0 شكرا اختي الكريمة على الموضوع الكريم ، ونحن نشجع المجهود الشخصي واشكر من قيم الموضوع لأنه يستاهل ، وحطي في بالج ان شي عرب يحبون الخير ويفكرون زين 0 اخوكم / النعيمي |
| الساعة الآن 06:29 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir