ماقلت لك يااااااااااااقلب..... تحلم على قدي......




**********

في داخلي ليلٍ حجب مطلع الشمس
وفي داخلك شمس نست ليل همي
لا مابقى لي صوت وماعاد به همس
ضاع الحكي مابين قلبي وفمي
يامن عطيته القلب بأصابعي الخمس
ضمي بحنانك ضايق الصدر ضمي
يافرحتي باكر ويامدمعي امس
بين الرجا والياس بقول سمــي
ابنتظر باكر عسى تطلع الشمس
تنحي الظلام ويقتل النور همي

***********


(يادفى الكون نامي)
نــامي على وســادة هنا واحلمي بي
حلم يصير فــواقع ماله وجود
يافرحتي يابهجتي يا نصيبي
ياللي حضنتي الكون بعيونك السود
يامشعله في وسط صدري لهيبي
يامعطره كل الفضا بنفحة العود
نامي ونادي في الحلم يا حبيبي
باجيك لو باب الوصل كان مسدود

***********


كنت اتقاسم كل الاحزان وياك
رضيت معك بكل هم ورضيتك
واليوم..يوم احتجت لك صرت ما القاك
وانا احسبك عندي متى ما بغيـــتك

************


وفيت لك ياخاينه وما وفيتي
وياليتني في عشرتك ماتماديت
وش غيرك عقبي؟؟عسى مالقيتي
مثلي وفي تطعنينه وهو ميت!!
كيف انتهى امري وكيف انتهيتي
من عقب ما كنا على ماتمنيت
الله يذلك شفت انا ماخفيتي
ياعشقتي وين الذي فيك حبيت؟!
صدي بوجهك واتبعي من هويتي
لادمعتي تذرف ولا اقول ياليت

************


خلك قريب معي لا تبتعد عني
لو كان موتي على يمناك حييته
ياكثر غيره وحب يمك يدفعني
قلب يتله عذاب لك وتليته
ثوبي الى من حكى ماعاد ياسعني
كني ملكت القمر عندي وشديته

**************


جيــتك وانا اسأل يا ترى وش هو الجاي ؟..!!!
جــيتــك واحس اني غريـب وسط بـيـته ..!!
جيــتك وانا ادري ما لكم حب وياي ..!!
جيــتك وقلبي ما سمع لو نهيــتـه ..!!
جيـتك ولا هي غلطـتك كـلها أخطاي ..!!!
جيـتـك ولا غيرك أحبه وجيـتـه

*************


كل السوالف تجيب اسمك ولو صدفة
كل الشوارع توقّّف بي على بابك..
واهرب عن الناس لآخر ركن في غرفة..
وألقاك بالروح..وأهدابي على اهدابك.
هناك اعيش الغرام اللي لقى حتفه
هناك اذوق العذاب اللي من اسبابك

**********


تدري بعد ماغبت وش كنت أسوي..!!
كنت وخيالك مثل جفـن ٍ علـى عيـن
كنت أنتظر والوقـت .. كنـه عـدوي
لاطااااال .. زاد الشوق فيني بضعفيـن
حتى قبل ملفاك .. هالحين .. توي ..!!
سافرت أفكربك / ولاأدري على ووووين

************


نعم من غابت عيونك وانا اصفق على الكفين
واتوه بخطوتي ضايع ولا ادري وين عنواني
حبيبي شفت هالدنيا حلاها لاجتمع قلبين
تخلي قلوبنا اجمل من اللي عاش وحداني

************


شوف انكسار الورد .. نبَّـت على يدي
دفى جمود البرد ... و اشعلني بجوفه
ما قلت لك يا قلب .. تحلم على قدي
حلمك خذلني و حط خوفي على خوفه

*************



ناظــر (عيونـــي) .. واســال الدمـــــع فيها..!
قله :: وشـ.. اللــي حدها (عـ القطــــيعة)
قــله :: مــدام إن (الوصــل) في يديـها..!!
شـ اللي جبرها (عـ المفارق) تطيعه ؟!

************


ودمتـــــــــــــــــــــــــــم بـــــــــــــــــــود