منتدى استراحات زايد - فتاة تبيع امها لاجل شاب

بسم الله الرحمن الرحيم

السلام عليكم ورحمة الله وبركاته

شحالكم ؟

انا ناقلة هاي القصة يعني ما تتكلم عني وعن ربيعتي

هذي بنت عايشه مع امها وامها كبيره
مره طلبت ريم من امها لابتوب وطبعا امهاما
حبت تزعلها فشترت الابتوب
المسكينه ماكانت تدري ان بنتها اللي عطتها الثقه بجي يوم وتدمرها وتبيعها

بعد ايام ريم تعرفت على شاب عن طريق الشات في البدايه كلام وبعدين طلعه
في يوم عزمها الشاب على العشى ومثل العاده خدعت امها وقالت طالعه مع صديقاتها

ويوم راحت طلب منها طلب انصدمت منه الحقير قاللها يا تتزوجيني ونسافر و تنسين امج لانها كبيره وبعد ايام بتموت وبتصير عظم

يا تنسين انج تعرفين ان في واحد يحبج وقالها الحين روحي البيت وفكري وبعد اسبوع عطيني الرد

ماكانت تفكر اصلن تترك امها عشانه لكن قام يتصل عليها واثر عليها وكأن متاكد انها بتروح معاه

وقال لها ايبي وياج الفلوس
لان سفرتنا بتطول وعطاها عنوان بيته

وبعد اسبوع تركت رساله لامها وراحت لبيته و يوم دخلت لقت معه بنت سالته عنها قال اخته واخد الفلوس وقال شفتي الباب اللي وراج
قالت اي قال طلعي منه قالت ريم ليش قال انا ماابيج وبعدين اكتشفت ان اللي معاه كانت خطيبته لكنها ترجته يتم معاها

ورد عليها بكل حقاره :انتي الل بعتي امج في يوم وليله اتم معاج عشان تبيعيني مثل مابعتي امج مسحيل , اصلاً
طحتي من عيني

وفي هذيج اللحظه تذكرت امها وراحت البيت ركض لانها متاكده ان امها قرت الرساله

ويوم راحت شافت عند بيتهم اسعاف ولويه وسالت جارتهم
نظرت لها نظرة احتقار وقالت تسوين جه بامج عشان شاب قالت شلون عرفتي قالت امج خلتني اقرا الرساله ويوم قريتها انصدمت وطاحت

والله يعلم بحالها المسكينه انصابت بشلل ماتحس باللي حواليها
وريم ندمت

لا و يت لهاا حاله نفسيه كلما تشوف امها

( القصه قصة صديقتي بس غيرت الاسم وهي اللي قالت لي اكتبها عشاان تدعون لها ولامها )

مب قصتي ولا قصة ربيعتي ^^

تحياتي " جرح الإبتسامه "