|
قصه واقعيه صارت في بوظبي السلام عليكم ورحمة الله وبركاته ..~ تعالوا بخبركم سالفه واقعيه مستويه في ابوظبي السالفه سلمكم الله يتهم حرمه عيوز و يلست تلقط من الاكل المتنثر...قالولها يدوه انتي يوعانه...قالت هيه انا من الصبح هني و ما كليت شي... قالولها انزين شو يايبنج هني؟قالت ولدي نزلني و بيرد عليه.... المهم شلوا اغراضهم..و حسوا الشباب ان الوقت متأخر و ما يستوي يخلون الحرمه العيوز بروحها فالليل... قالولها..انزين عندج رقم ولدج؟نحن بنتصل له..قالت هيه..و طلعت ورقه صغيره من مخباها...يوم طالعوا شو مكتوب من يجد هذه المرأه يأخذها لبيت العجزه انصعقوا الشباب من اللي مكتوب ...و يلسوا ساعه يترجونها انها تسير معاهم.... لكنها ما رضت ... و قالت لا انا بتريا ولدي..هو بيي ياخذني....تموا وياها ساعه يترجونها لكنها كانت وايد مصره ان " ولدها بيي ياخذها" مسكينه ما تدري بحقارته المهم....روحوا عنها الشباب.... واحد منهم ما قدر يرقد....يتجلب و يفكر فيها..... لين ا استوت الساعه 2 في الليل...نش من على الشبريه و لبس ثيابه بسرعه... و سار الشاطئ....شاف اسعاف و شرطه...هجم بينهم و سألهم عن الحرمه... قالوله توفت...ارتفع عندها الضغط و ماتت... ارتفع عندها الضغط على حسرتها على ولدها...تتحرى ان صار له حادث او مكروه... وهو اللي كان ناوي يوديها على دار العجزة.. بلا رحمه الله يرحمها برحمته...مسكينه... |
الله يرحمها المسكينه |
لا حول ولا قوة الّا بالله ثـــآآآآآآآآآنكس ع الطرح |
الله يرحمها المسكينه ..:0088: |
لا حول و لا قوة الا بالله الله يرحمها ^^ يسلموو ع الطرح |
| الساعة الآن 08:18 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir