|
رواية قلبي مكتفي فيك هذي روايتي الثانيه الشخصيات مايد : طيببب و جمييييل و يشتغل ف الشرطه و عمره 23 و يحب خواته و اخوه وايد و مب مقصر عليهم بشي حصوه : بنت طيبه و جميله مخطوبه لولد عمها *ناصر* عواش: جميييله جمالها ما ينوصف عمرها 19 و تحب ذياب ربيع اخوها مايد من هم صغار بس محد يعرف غير حصوه نهيان : شيطاااان عمره 13 و خقاق شوي امهم و ابوهم متوفين عايلة بو ناصر: بو ناصر : طيبب وااااااااايد و هو يحب عيال اخوه وااايد ام ناصر : طيبه و حتى هالكلمه شويه ع طيبتها ناصر : جميل و عمره 23 خاطب حصوه و يداوم ف الشرطه شما :طيبه و هي ربيعة عواش الروح بالروح مايد : افففف مليت متى افتك من الدوام ذياب : هي والله مللل مايد : اقول ذياب شرايك تيي اليوم ع الغدا بيتنا ذياب : فالك طيب مايد: فالك ما يخيب ذياب : انزين ميوود مابا غدا بس ابا هذاك السويت الي اختك تسويه مايد : حاظرين هههههه عقب خلصوا دوامهم و كل واحد راح بيتهم و مايد اول ما دخل البيت شاف ليتات الميلس مفتوحه يوم قرب شاف عواش اتذاكر و عاطتنه ضهرها تقرب منها شوي شوي نقزها : بوووووووووووووو و عواش نطت و صرخت بس زين لحق عليها و حطا ايده على حلجها و قال لها : اسكتي ي الخبله انا مايد جان تضربه ع صدره و تقول له : نقزتني ي الخايس مايد : ههههههههه مايد : انزين عواش اليوم ربيعي بيي حق الغدا في بيتنا و ف خاطره السويت مالج عواش : من عيوني مايد : تسلمين يلا انا بروح ارقد ساعه 12 وعيني --------------------------------------------------------------------------------------------------- و ع الساعه 10:30 سارت عواش الميلس عسب تكمل مذاكره وهي ناسيه ان ربيع اخوها بيي و ع الساعه 1 وصل ذياب بس مايد قال له : ذياب دش الميلس بروح اييب فوني و بيي ذياب دخل الميلس و انصدم من الي شافه ملاااك جدامه بس على هيئة انسان و تم يطالعها لين ما حس ع دمه و طلع وقف برع لين ما مايد ايي و يوم يا قال له : ذياب ليش ما دخلت ذيااب : جني سمعت صوت كتاب ينفر قلت يمكن حد داخل انت شوف دخل مايد و شاف عواش قال لها :ي الخبله روحي داخل ادرسي زين ما دش الولد و شافج و بسرعه لمت عواش كتبها و نست كتاب واحد و كان مفتوح على صفحة مكتوب فيها th حرف ذياب يعني ذ و قلب و يوم دخل ذياب و مايد راح يقولهم يحطون الغدا ذياب حس ان هو بس سكر الكتاب و تم يفكر بعواش طول الوقت و كل و خلص و لين العصر عقب رد بيتهم بس ما لقى غير امه و راح عندها و قال لها: امايه اابا اتزوج ام ذياب : من عيوني الحين بدورلك على بنت الحلال الي تناسبك ذياب : موجودده البنت ام ذياب : و منو هي ذياب : اخت ربيعي مايد الي قبل كانوا يرانا امهم و ابوهم متوفين ام ذياب : هي عرفتهم بس ي ذياب بنتهم مخطوبه و جريب تملج انصدم ذياب و انحبطت اماله البنت الي خذت عقله ما بتكون له راح ذياب غرفته و يلس يقول مستحيل انا اباها و عقب قرر يتأكد من مايد اتصل له ذياب : هلا ميود شحالك مايد : الحمدلله ذياب :مايد حبيت اسألك سؤال اختك مخطوبه مايد : هي الي اصغر مني بسنه مخطوبه لولد عمي نصور اما الثانيه الي كانت كلا تيير شعرك يوم كنا صغار هاي مب مخطوبه ارتاح ذياب راحه نفسيه راحه يعني كأنه هم كبير و انزاح نزل تحت عند امه و قال لها ان يبا البنت الي مب مخطوبه و وافقت و هو قال لها ان هو الي اول شي بيرمس ميوود و في اليوم الثاني و في دوامهم و بعد ساعات طويله من الملل بالنسبه لذياب و يوم خلص دوامهم قال لمايد : ميود ابا اروح البحر تعال وياي ... مايد وافق و اول ما وصلوا البحر ذياب : ميود ابا اقولك اني ابا اخطب اختك و انا سألتك امس بس عسب اطمن مايد : والله يا ذياب مادري شو اقولك بس الشور بأيدها هي ذياب : انزين انت رمسها االيوم و اذا وافقت بيي مع الاهل عسب نخطب رسمي مايد : تمام و رجعوا كل واحد راح بيتهم و ذياب كان مرتاااح نهاية البارت الاول اتمنى يعيبكم:191: |
رواية قلبي مكتفي فيك و يوم ميود رجع بيتهم راح عند عواش علطول طبعاً كانت في الميلس تسوي البروجكت مالها دخل ميود و سلم عليها ميود : عواش ابا اقولج شي عواش : قول ميود : ربيعي ذياب الي دوم وياي خطبج عواش : .......................................... ميود : ها شقلتي تراه مستعيل عواش:مادري والله انا لازم اشاور ربي بهالشي اول ولازم تخبر عمي بعد ميود: خلاص انتي استخيري عقب بخبر عمي عواش :انشاءالله ميود : فديتج والله كبرتي و صرتي عروس عواش : هههه انت متى دورك ميود: جريب انشاءالله و عقب ميود راح غرفته و عواش سكرت لابها وراحت الغرفه بترقد و عقب يوم بتنش بتستخير و يوم راحت ترقد شافت حصوه ف غرفتها حصوه : اقول عواش باجر ترا بنروح نتحنى للملجه عواش : اوكي انتي الحين ممكن تروحين لان ابا ارقد حصوه : زين زين عواش حطت راسها عسب ترقد و فجأه حد يدق الباب عواش : حصوه دشي دشي ترا طفرتيني ميود : انا مايد عواش : دش ميود دخل مايد و راح قعد صوبها ميود : عواش استخرتي ؟ ارتحتي ؟ ارد عليه الحين ؟ عواش : ميوود بلاك انا قلت بستخير عقب ما انش ميود : عواش دخيلج استخيري الحين عواش : ليش ؟ ميود : هذا ذياب مأذني متصل فوق خمس مرات عواش : انزين انت شدراك ان يبا يسألك ميود : لاني رديت عليه اول مره و سألني و قلت له عقب عواش : ههههههه قوله بعدين بعدين ميود : انزين بخلي الفون هني خل يزعجج انتي عسب تحسين عواش :ميووووووووود شلههه ميود : بلاج اسولف ما بحطه هني عواش :يلا برع ابا ارقد طلع ميود عنها و هي رقدت و عقب يوم نشت استخارت و جي عقب حست براحه و قالت لميود و ميود خبر ذياب و ذياب خبر اهله و قالوا يوم الخميس يعني عقب يومين بيون يخطبون رسمي في يووم الخطبه يوو خطبوا رسمي و كل شي و حددوا موعد للملجه الي بيكون بعد اسبوعين وعقب خطبة عواش بيومين و الي هو يوم ملجة حصوه و نصور وكانوا البنات يالسين فوق مع حصوه و ميود يا و دق الباب عسب حصوه توقع و طلعت له عواش الي انبهر من جمالها صح يشوفها كل يوم بس اليوم غير ميوود : اقول عواش يصير اتزوجج انا عواش : جب هههه يلا يب عسب توقع و عطاها و راحت عند حصوه عواش : يلا وقعي حصوه : اخاف عواش : شمو خلاص اتصلي ف نصور قوليله خلاص حصوه ما تباك شمو : اوكي حصوه : ايه ايه تخبلتوا خلاص بوقع المهم وقعت حصوه و ملجوا و صار نصور كل يومين ايي بيتهم و يشوفها .................................................. .................................................. .................................................. .............................................ز ويا اليوم الي كلكم تتريونه يوم ملجة ذياب و عواش عواش كانت قمر قمر قممممر و كانت مستحيه و خيفانه و انها خلاص بتصير حرم ذياب عطتها حصوه القلم عسب توقع عواش : حصوه ما اروم اوقع ايدي ترتجف حصوه : يلا عاد ترا ذياب متحرقص برع عواش و قعت و عقب يلسوا الحري ايببون و الي تيي صوبها و تبارك لها و بعدين قالوا ان ذياب بيدخل هني ماتت عواش من المستحه و شوي و تشوف الباب يتبطل و ميود و ذياب داخلين و وصلو صوبها و ذياب باسها على راسها و ميود باسها و عقب هي اصلا حظنته و عقب قال ميود لذياب : ذياب اختي امانه عندك هاي اختي و حبيبتي ذياب : انشاءالله و بعدين خلاص هي مب حبيبتك هني عواش ماااااااااااتتتت من المستحه و عقب لبسها الدبله و الطقم و كل شي و عقب خلوهم يروحون الصاله الثانيه يقعدون بروحهم ذياب : مبروك عواش و هي مستحيه و صوتها يادوب ينسمع : الله يبارك فيك ذياب راح صوبها و باسها ع خدها ع السريع و هي انصدمت و استحت بعد و ذياب قال لها : كل يوم ترا بترمسيني و و كل يومين او ثلاث ايام بييي اشوفج ما يخصني عواش : انشاءالله ذياب : انزين بقولج شي بس خلاص لا تنصدمين ولا شي عواش : قول ذياب :شفتج مره من دون شيله كنتي لابسه بجامه و شكلج كيووووت رفعت عواش راسها وهي مصدومه ذياب : ههههههه بلاج يوم ميوود عزمني وانتي كنتي اتذاكرين و جي عقب تموا يسولفون لين ما قالوا ان ذياب بيروح و هم الاثنين اصلا ما شبعوا من بعض بس مجبورين نهاية البارت الثاني اتمنى يعجبكم :183: |
نتريااا التكملهه حبييتت الصراحهه الروايهه |
اقتباس:
شكرا حبيبتي انشاءالله بكملها و لان كان ويكند ماقدرت اكملها و شكرا على سؤالج و اهتمامج :001_rolleyes: |
رواية قلبي مكتفي فيك البارت الثالث اليوم الثاني الي كان بعد الملجه قامت عواش الساعه 5 ونص و صلت الفيير بعدين نزلت تحت مالقت حد بس كان مايد يشرب الجاي لان بيروح دوام و كان يتريا ذياب يمر وراه عواش : صباح الخير مييود مايد : صباح النور حرم ذياب .... استحت عواش مايد : فديييييت الي يستحون ههههههه عواش : خايس مايد : خلاص الحين انا الخايس و ذيابو النظيف صح مالت عليه خلاص انا زعلان لا تكلميني ... يسوي نفسه زعلان عواش سارت صوبه و حظنته جان تقوله : ما عاش من قال عنك خايس ... خخخخ نست ان هي قايله مايد : هي ما عاش و مب جنه انتي توا قايله عني خايس عواش : ههههه خلاص انا بعد ما اعيش دامني اقول جي عن شيخ الريايل كلهم مايد : ايوووه هذي الرمسه الي تفتح النفس ع الصبح عواش : ههههههه حبيبي والله .. ميودي شو رايك نتمشى في الحوي مايد : اوكي وراحوا الحوي يتمشوون طبعا عواش كانت لابسه بجامه جي برموده سترج تحت يوصل تحت ركبتها بشوي راحوا قعدو ع المريحانه كانوا صوب بعض عواش : ميود يلا ناخذ سلفي ميود : اوكي عواش رفعت فونها فوق و جي خذت سلفي مع اخوها ع السناب ميود : اقول عواش ضفتي ذياب ع الانستا عواش : لا ميود : ههههههاااي بيذبحج عواش : ليش انشاءالله ميود : شوفي كم الفولورز مالج ... عواش تصويرها يجنن و الفولورز 10k عواش : شسالفه انزين ميود : هههههههه زين خلاص امممم ع السناب عواش : ميود بلاك ما ضفته ع اي مكان ميود : هههه انزين لا تضيفينه لين الاسبوع الياي ع السناب عواش : ليش ميود : لان بنروح المول بنغازل تصدقين .. عواش انصدمت ... بس قال لها : بلاج اسولف جي بنروح البر و هو كل شي يصوره نفسج و بيصورنا ع السناب و جي دفش تراه و انا يصورني اخيس صور و ما اباج تزيغين عني عواش : ههههههههههههههههههههههه خلاص بضيفه و بعدين انا اكثر شخص شايفنك بأبشع شكل ميود: ههههههه و شوي الا ب ذياب يدش الحوي عواش تصنمت مكانها ماعرفت شتسوي و ميود ناقع ضحك عليها ذياب : ميوود يلهه روحنا متأ ... ما كمل كلامه لان شاف عواش و هي و ميود يوم كانوا ع المريحانه كانت حاطه راسها ع كتفه و تراها ما تحركت يوم شافت ذياب .. ميود شاف ان ذياب يطالعها و هي ميته من المستحى : عيونك الشيخ عن تحسد ختي ذياب حس ع نفسها : زين يلا تعال فاتح حظانه من ورانا ميود : ههههههههههههه شنسوي مالنا غير بعض هاي الحب مالي ذياب : جب يالخايس خلاص الحين مب مالك عواش ركضت داخل و هم : هههههههههههههههههههههههههههههههههههه ميود : ههههه قم يلا نروح راحت عواش غرفتها و اول ما وصلت ان تشوف دعوه ع السناب يوم فتحت شافت اسم ذياب قبلت و عقب علطول وصلها سناب منه كان بس مقطع من اغنية احبه كلش و هو غمازه كرددش ترا عواش فيها غمازه عسب جي و اول ماشافت السناب استانست جان اطرش له قلبي مسكنك و عيوني موطنك و كلي انا لك و انت كلك لي بس هو طرش فيديو لها بعد كان يصور ميود بدون ما يعرف كان ميود يقول مايد : اقول ذياب شرايك نغازل و نسحب ع الدوام ذياب : بغازل حرمتي فديتها و اول ما وصلها نقعت ضحك و ميوود للحين ما يعرف اتصلت ل ميود و ذياب شاف ان الي اتصل مكتوب روحي جان يقول لميود : ها ميود من ورانا ها ميود يو شاف قال : هاهاهاهاهاهاي بايخه ترا هاي عواش و رد عليها ميود كان يبا يقهر ذياب ميود : هلا بالطش هلا بقلبي ي قلب ميوودج عواش : شكلك مغلط ميود الي بتغازلها و بتسحب ع الدوام ها قوول ميود : وربي انك ي ذياب خايس خلاص مالك امان عواش و ذياب : ههههههههههه ميود : ها ريلج انا براويه بدفنه ذياب كان يعلي صوته عسب عواش تسمع : عواششش حبيبي ترا يقص عليج انا الي بدفنه بكس برقده عشرين سنه ف المستشفى عواش : ميوود قوله اذا جي سوالك جنه سوالي انا بعد ميود : لا خلاص مب لازم اصلا انا طاح كرتي الحين دور ذيابوا عواش : ههههههه المهم ميود مب ملاحظ شي ميود : شو عواش : ان انا الي متصله و انت داق سوالف بيخلص رصيدي ميود : زطيييييييييييه بيبلج اليوم عواش : هههههههه اسولف وربي يفداك الرصيد و راعيته ميود : حبيبتي والله المهم الحين وصلت الدوام انا عواش : اوكي باي ميود : باي نهاية البارت اتمنى يعيبكم و اتمنى اشوف الردوود :5: |
| الساعة الآن 01:58 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir