|
ماهي اكبر غلطه ندمت عليها في حياتك؟؟ السلام عليكم ... اشحالكم اخواني وخواتي عساكم بخير وسهاله ! في موضوع جذبني وحبيت اتناقش وياكم ... من منا لايخطىء ولايرتكب حماقات قد يستمر امد الدهر يدفع نتائجها فقد يحيد عن جاده الصواب احيانا لكن مايلبث ان يعود الى صوابه بااقل الخسائر توجد اخطاء لايمحى الزمن اثارها التي تعبق في اعماق قلوبنا تبقى جرح غائر لايبرأ مهما توالت الأيام والسنون خيارات خاطئه تكتوى بنيرانها لاتعرف متى تخمد جذوة الحزن المتقده بين هذا وذاك توجد اخطاء لاتعد لكنها بسيطه قد انساها او اتناسها مااهي اكبر غلطه ندمت او ندمتي عليها في حياتك؟؟ وهل استطعت ان تصلح مايمكن اصلاحه؟ ببدأ انا ...... مابين بعينك .. على كثر ماجاك .. لا وااااااحسافه ليتني ماعطيتك ...تخطي واعذرك واتحمل خطاك .. هويت غلطاتك كثر ماهويتك امممم أكبر غلطة فحياتي هي اني وثقت بناس وعطيتهم فوق قدرهم وزود وهم دون هالمستوى أوطى من القاع .. غلطة حياتي اني طيب وصريح ووفي معاهم صبرت على كل شي على جرحهم .عذابهم صدهم جفاهم وحتى خيانتهم وقفت معاهم حتى لحساب غيري ناس فضلوهم علي بس الله جازاهم والدنيا دواره دارت عليهم وبان الصديج من العدو... ياما نصحوني اللي اقرب مني بس ماسمعت لهم كنت امشي على عواطفي مب عقلي صداقه مالها امل ...كنت اعرف اني مااعنيلهم شي صفر ع الشمال .. طيب وصدقت الحكي . غلطان وغرتني العيون مدري انه الناس في لحظة تحب ..وانها في لحظة تخون آآآآه من هالناس حتى في المحبة يكذبوووون...بس وين كنا ووين وصلنا هيهاااااااه ليت الأيام الخوالي ترد...مامن شخص معصوم من الخطأ.. ومامن شخص لم يمر بتجربه فاشله خرج منها بجرح وألم .. خرج منها بيأس شديد.. وندم أشد الندم .. كل بني آدم خطاؤون وخير الخطاؤون التوابون ....واهم شي انه الغلط هذا مايتكرر وغلطة الشاطر بعشر ... وهل استطعت ان تصلح مايمكن اصلاحه؟ نعم اكييييييد سوينالهم ديليت..الغلط يتصلح واذا الله سبحانه وتعالى يسامح وينسى نحن ليش مانسوي جذه انسوا الماضي وعقوه ورا ظهركم ترى الدنيا والله فانية والآخرة هي دار القرار ... كل انسان يدور على راحته .. ماعليكم من الناس عليكم من اعماركم داروا على صحتكم ونفسيتكم غيركم مرتاح البال وانتوا حارقين اعصابكم ومتعذبين اسمعوها من علي بن محمد / اللي مايباك لاتصيح تبغيه ههههه يلا اتريا ردودكم .....؟؟ |
يعطيك العافية على الموضوع الذي فتح الجروح : : اكبر غلطة ارتكبتها في حق نفسي اعطيت ثقتي لانسانه كنت اعتبرها اغلى من نفسي ومن اهم اعز الناس عندي لكن اكتشفت بالصفة بانها مخادعة لم تخفى سر أئتمنتها علية وبافصاحها سبب لي مشكلة كبيرة وقطيعة والى الان وانا ادفع ثمن هذه الثقة المفرطة سامح الله كل مخطئ ... لك شكري وعظيم امتناني . Déjà vu . Mά∂èмŏşάĽĽè şŏşŏ |
اقتباس:
اصعب شي انه تعطين انسان كل الثقه وتمشين وراه وانتي عمية ماتشوفين الاهو كل الناس عندج غلطانين الا هو الصح .. وأصعب شي يوم تأمنين له باسرارج وماتخشين عنه شي كنه قطعة منج جسد وروح وحده .. الصديج اللي مايحتفظ بسر صديجه هذا مايستاهل يكون حتى عدو ..ومقياس الصداقة بنظري كتمان السر ... ماعليه ختيه غلطة الشاطر وان شاء الله ماتتكرر . اكيد تعلمتي الحين انج تكتمين اسرارج .خل قلبج هو مندوس اسرارج والدفتر والقلم جليسج هذولي بس مابيبيحون سرج .. تسلمين ع المرور ختيه ^_^[/size] |
انا اصعب شي سويته اني حبيت انسان مع اني اعرف انه بيروووح ما قدرت اتحكم بمشاعري وافترقنا بس للاسف لين الحين اعاني |
ابصراحه غلطاتي وايد والسبب طيبة قلبي الي ضيعتني وايد بس عندي نصيحه لاتثقون بحد صدقوني حتى لو كان هالانسان قريب منك ترى اليوم معاك وماتدري باجر شو خاشلك احنا بزمن مافيه صدق زمن عايش على المصالح والكذب انا وايد ندمانه على اشياء بس خلاص الندم ماينفع احين لايجدم ولاياخر |
| الساعة الآن 12:53 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir