|
ماآ عدَت آحرَق آعصَآبيـۓ علـۓ زمَن زآدَت ڳلآبَـہ سلام عليكم و الرحمه يسعدلي صباحكم / مسائكم شحالكم عرب استراحات زايد ؟ عساكم آلـآ بخير و نعممه :blushing: هممممـَ بنزلكم روايه من كتابتي بنزل لكم اول بارت و اذا جفت في حماآآس بكمل كتابه :blushing: { ماآ عدَت آحرَق آعصَآبيـۓ علـۓ زمَن زآدَت ڳلآبَـہ } للكآتبه : بـڔښتيڃے غيـرِ آتريوني .. , ~ْ |
{ البارت الاول ., مريوم : اوفيييه هذا رابع مره يتصل بي شو يبا ردت و هي معصبه ع امل انه يرمسس و تهزبه ., تفاجأت للمره الرابعه صوت الخط يوم ينقطع مريوم : طاع ها والله انه يقهر اموت و اعرف منو ها , لو مره وحده او مرتين متصل بنقول غلطان مب 4 مرات و لا الهرم يسكر ب ويهي تنهدت و نشت من الشبريه , سارت الحمام { عزكم الله } خذت لها شاور مال بسرعه بسرعه عسبت تلحق ع التقنيه يوم طلعت ع طول شلت الفوطه و نشفت شعرها , استشورت شعرها يوم خلصت رفعت شعرها و قصتها بطريقه دفشه لانها كانت مستعيله و حطت لها بودره و جحال و قلوز شفاف , لبست عباتها المسكره و حطت شيلتها ع جتفها , شلت البيبي و الايفون مالها و سويج السياره و طلعت من الحجره و هي نازله من الدري دعمت اخوها بالغلط مريوم و هي مستعيله : سوري سوري فهد : شوفي جدامج يالشلقه مريوم ماسوت له سالفه حطت الشيله ع راسها و طلعت من الصاله , فالحوي تصادفت ب أبوها سلمت عليه و حبت راسه و توجهت صوب سيارتها همسه : { عايله بوفهد ., بوفهد : ريال عود و عياله شالين البيت عنه دومه يقعد برع و يسقي الزرع و يحب عياله و مايرد لهم طلب عنده شركه بس مسلمنها حق اخوه بو فارس بحكم انه ريال عود و مايروم يروح الشركهو اي اوراق مهمه يطرشها بو فارس له و يوقعها ام فهد : متوفيه من 3 سنين ب مرض الخبيث { الله يبعدنا عنه } فهد : 24 سنه ريال ينشد به الظهر مايسكت عن الغلط يشابه امه الله يرحمها وايد و هو ماسك الشركه ويا عمه مريوم : 20 سنه فالتقنيه { بزنس } تشابه امها { مب طالعين ع ابوهم هه } ظهرت لها الليسن من كمن شهر بس قبل ما تاخذ الليسن اخوها كان يخليها تسوق , ماتسكت عن الغلط بس فيها خبال طشونه , و هي وقت الجد جد { عايله بوفارس ., بو فارس : اصغر عن بو عمر و هو اللي ماخذ الشغل اللي فالشركه عن اخوه من بعد ما كان مساعد المدير و هو يحب عياله و نفس طيبه بو فهد { اكيد تسألون ليش هو مساعد المدير مب المدير .. , بحكم انه بو فهد هو الاكبر ف ابوهم الله يرحمه سجل الشركه باسم بو فهد و يوم كبر بوفهد و مارام ع الشغل سلم كل اشغاله حق اخوه و بو فارس الحين هو المدير .. , بس عمرهم ما تزاعلو ع قرار ابوهم بانه اسم الشركه تكون لبو فهد .., } ام فارس : كانت ربيعه ام فهد ووايد وياها .. , تأثرت بوفاتها و تعتبر فهد و مريوم عيالها فارس : عمره 26 سنه متزوج بنت ييرانهم عنود و عمرها 23 سنه و عندهم بنت اسمها شما عمرها 5 سنين سالم : 24 سنه له مكانه فالشركه بس عمره ماراح الشركه و لا يهتم اصلا بعكس فهد .. , و هو مب وايد ويا فهد و انسان عصبي و شكاك و مايحب يسولف وايد ويا اهله و مايجوف عمه الا فالشهر مره بالكثير مرتين حصه : 20 سنه كبر مريوم ووايد وياها ., و هي وياها فالتقنيه و نفس التخصص و ماعندها الليسن لانها ماتبا , و حساسه شويه بس تاخذ من خبال مريوم لانها معاشرتنها ههه و تروح ويا مريوم التقنيه بطلب من مريوم اونه ليش اتعبين الدريول انا بمرج ميثه : 18 سنه اخر سنه لها فالثنويه ووايد تسير بيت ربيعاتها بس بدون ما يدري اخوها سالم و كل شي تسويه بالدس و عليها افكار جهنميه و تعرف توهق الناس عدل و ماخذه من عصبيه سالم شويه . . . فالسياره رن فون مريوم يوم شافت الرقم حطته ع الصامت و كملت دربها مريوم بخاطرها : اوفففف بنجلط من هالرقم وصلت بيت عمها و اتصلت حق حصه عند حصه اوييه ليكون مريوم تتصل انا لين الحين ماجهزت حصه ردت : هلا والله مريوم : اهلين يلا حصوصه انا تحت نزلي حصه ببرائه : احم انا ماجهزت بعدني مريوم رفعت حياته : نعم !!! حصه : مريوم عاده توني يايه من المطبخ و لين ماتسبحت و امايا تزقرتني عسبت ابخر سلوم و توني يايه الحجره ماوحيت امشط شعري الا و انتي داقه مريوم طفرت : انزين انزين لين ما تخلصين انا بنزل و بسلم على عمي و عمتي { تقول حق ام فارس عمو احتراما لها } دخلت مريوم سيارتها ف حوي { حوش } بيت عمها و نزلت شافت سالم طالع من باب الصاله سارت صوبه مريوم : مسا الخير سالم معطيها ظهره و مجابل الجامه اللي حذال باب الصاله و يتعصم : مسا النور مريوم : شحالك ؟! سالم عقب ماخلص صد لها : يسرج حالي بنت العم و شاف الشيله اللي ع راسها و رفع حياته : و ليش مب مغطيه شعرج كله مريوم عطته ظهرها و فتح باب الصاله و قالت : ظنتي انا ف بيت عمي مب فالشارع و راحت عنه و فخاطرها : عشتو مب منه من اللي يسلم مريوم : سلام عليكم ام فارس + بوفارس : و عليكم السلام و الرحمه مريوم : شحالكم ام فارس : يسرج حالنا فديتج تعال قعدي ليش واقفه حصه و هي نازله : ماله داعي تقعد الحين بنطلع مريوم ابتسمت : ههه يلا عمو شي بخاطرج بنترخص نحن ام فارس : لا فديتج و هله هله بالدرب مريوم ضحكت : ههههه ان شاء الله عمو و صدت صوب عمها و قالت : من صوبك عمي ؟! بو فارس : مابغي الا سلامتكن حصه دزت مرويم صوب الباب : ما بنخلص نحن يلا امايا و ابويه فداعه الله نهايه البارت .. , ~ْ |
آدري انه البارت قصير بس لانه اول بارت و اوعدكم باني اطول البارتات المره الثانيه |
ممكن تحطين بارت .. احسسني متتشوقه وابا اعررف.. |
{ آلبارت الثاني ., ساعه 5:30 المسا , التقنيه { حصه و مريوم يرومحون التقنيه العصر و يردون جريب المغرب .. , فالكلاس حصه تساسر مريوم : مريوم ياخي مليت من هالاستاذ طفره قسم بالله مريوم تطالعها بنظره عسبت تسكت مرن الربع ساعه من المحاظره و طلعن البنات من الكلاس مريوم تطالع حصه : انتي ماترومين تصكين ثمج فالكلاس حصه بوزت : شو اسوي انزين انا مافهم من هالشيبه شي يعني تبيني احط ايدي ع خدي وتأمل ويهه الغبي مريوم بطنازه : هيه و يمكن يعيبج شكله و تروحين تحبين ايده و تيلسين ع ريولج و تطلبين منه الرقم حصه فرتها بالدفتر اللي بأيدها : عنتلات تفكريج يالخام مريوم فج حلجها : الحين انا خام هاه بنشوف منو بيردج البيت خلج اهنا خيسي حصه : اصلا مايهون عليج تخليني اهنا ويا المخابيل مريوم ابتسسمت : امشي ججدامي ههههه بيت بو فارس سالم يايب ربيعه الميلس و طلب من الشغاله اتيب الفاله , يابته و خذتهم السوالف فالصاله ام فارس ترمس فون ام فارس : عاد زوريينا مب تقطعين , ههههه ان شاء الله , يلا فداعه الله .... : بووو ام فارس خافت : حسبي الله عليج من بنيه جانج وقفتي قلبي ميثوه : هههه بسم الله ع قلبج امايا كنتي ترمسين منو ؟! ام فارس : ارمس خالتج ميثو : اي خاله ؟! ام فارس : ياكثر اسألتج خالتج ام مايد ميثو : ايووووووا .. , زين زين ., الا بتخبرج امايا منو فالميلس ام فارس : اخوج و ربيعه شعنه تتخبرين ميثو : تؤتؤ مامي لازم اتخبر عسبت ما ادش الميلس ام فارس : وانتي شعرفج انه عرب فالميلس ؟! ميثو ضحكت بغباء : هههههه ضحكتيني امايا اي عرب ترا ربع سلوم كلهم قحط اي عرب الله يهديج ام فارس عصبت : حسبي الله عليج من بنت و انتي شدراج بعلوم ربع سالم هاه قص الله هاللسان ميثو بوزت : امايا عاد ماتسوى عليه و ماقلت الا الحق و بعدين شو شدراني بعلومهم ترا الكل يعرف ربع سلوومووه يا صوت من وراها : ميثووووه ميثو من خافت من الصوت و بخاطرها : ياك الموت ياتارك الصلاه سالم : شهاي الرمسسه اللي قلتيها ؟! ميثو : م م ماشي سالم طالعها بنظره : والله يا ميثو ثم والله ان سمعتج يايبه طاري واحد من ربعي او اي شاب فهالدنيا بقصص لسانج قصص ميثو : اووووووف زين زين حشا الا مرغده قال ربع قال و ع طول شردت فوق قبل لا اييها شي من سالم سالم صد ع امه : هاي بنتج انا بأدبها يوم بيروح ربيعي ام فارس : ماعليك منها روحك تعرفها لسانها متبري منه شتبا بها ., ماعليك منها شبغيت امي ياي اها بغيت حايه ؟ سالم : هيه امييه بغيت سياده عسسبت نصلي هاي الشغاله شاله السياده و مادري وين حطتها ام فارس : و شعنه ما تصلون فالمسيد سالم : تونا انتهنا ع الصلاه و اكيد الحين مخلصين ام فارس : خلاص اوك انت سير و انا بطرش الشغاله اتييبه راح سالم عند ربيعه و ام فارس قالت حق الشغاله تودي سيادتين الميلس فنفس الوقت وصلن مريوم و حصه دشن الصاله و سلمن ع ام فارس حصه : مريوم تعالي فوق بدلي عباتج و البسيلج شيله البيت مريوم : لا مابا بسير البيت ابويه و فهد روحهم فالبيت ام فارس : انزين قوليلهم ايون اهنا يتعشون مريوم: لا عمو مايستوي ابويه مافيه حيله و الحين هو اكيد راقد لانه خذ دواه و هالدوا يرقد . , اليايات اكثر عمو ., ام فارس : ع امرج بنتي نزلت ميثه من فوق : هلا والله بمريووم نور البيت مريوم ابتسمت : اهلين فيج ميثاني شحالج ميثه : يسرج حالي من صوبج ؟ مريوم: بخير وعافيه قعدت ميثه حذال مريوم ع الغنفه و همست لها : حصلت هزبه من سلومو الهرم مريوم ضحكت بصوت مسموع ,, و ميثه عقدت حياها ام فارس : مديمه الضحكه بنتي بس خفي صوتج عن يطلع لنا سالم لانه ربيعه فالميلس مريوم حط ايدها ع ثمها و همست ل ميثه : شكله الهزاب بيوصلي عيل ميثه : هههههههههههههه دواج تضحكين عليه عيل حصه : شعندكن تتساسرن و تضحكن .. , ترانا ما رحنا خلننا نضحك وياكن ميثه لوت ع مريوم و قالت : يالغيره خليها شويه حقي من العصر و انتي وياها مريوم تحمحمت : احم احم من قدي الكل يباني ميثه بعدت عنها و سوت لها مالت : لو عندج اخت كبري جان ما حصلتيني لاصقه فيج مريوم اونها عصبت عليها : ماعليه ميثو اللي يوديج مكان من اليوم حصه ضحكت و ميثه قالت : عادي ميثه : ماماتي ابغي اسير بيت ربيعتي عادي ؟! ام فارس : ماشي سيره امسات سايره جانج تبين سالم يزغدج ميثه بوز : يت ع هاي السيره يعني تراه مايدري اني اسير و بعدين ابويه موجود بعده مامات عسبت يتحكم فيني ام فارس عصبت ع رمسسه ميثه : مسسوده الوييه تدعين ع ابوج بالموت يلا فارجي اجووف ماترومين ترمسيين نفس الخلق ميثه عصبت : اووووف وسارت فووق ., ف نفس الوقت اللي طلعت ميثه فيه فوق دخل سالم الصاله و هو معصب سالم اشر ع اخته حصه و هو معصب : ماترومين تصكين ثمج انتي و تبلعين ضحكتج لين مايروح ربيعي حصه فجت عيونها باستغراب : نععععععممممم !!!! سالم : شو ماعيبتج رمسستي اشووووف حصه صرخت عليه : والله ماحيدني فجيت ثمي ب شي و بعدين حتى لو فجييته بيييتنا و كيفي اصرخ اصيح اضحك العب اركض كيييفي و ربيعك ماعنده بيت عسبت يتفيزر اهنا سالم فول عليها بغا يضربها بس وقفه صوت مريوم : سسسسسسسسسالم صد لها سالم و عطاها نظره عسسبت تسسكت بس هي عاندت و قالتله : و عبالك اني بسسكت من نظرتك .. , ولد عمي ع عيني و راسي بس الا حصصصه لا تمسسسها و لا تفكككر انك تمسسها , و اذا ع الضحكككه ترا مب هي اللي ضحكككت و اشرت ع عممررها : اناااا اللي ضحكككت , حصصه مالها خص و لا انت بس تبا تضارب !! ام فارس : هدو يا عيال ماصار الا كل خير , و صدت صوب سالم : و انت يا سالم ع اي شي تعصصب و تتنرفز الله يهدييك ام فارس كانت قاعده ع الغنفه بعيد عنهم ., و سالم واقف بين مريوم و حصصه و بحكم انهن جريبين منه همسس لهن بعصبيه : والله لو امايا ماكانت موجوده كنت براويكن الويل طلع من الصاله و شاف جدامه ربيعه , و طبعا سيف سمع كل اللي انقال لانه ظهر من الميلس و بغا يلحق سالم عسبت يقوله شي بس وقفه صوت سالم و تسسمع الحوار لانه صوتهم كان عالي ., سيف : مابيك تضارب ويا الاهل بسبتي خلاص حصصل خير سالم مستحي منه : السسموحه منك سيف سيف ابتسسم : حصل خير غير السالفه : انا بترخصص عنك الوالده تباني فالبيت سالم و هو بعده مستحي منه : مرخووص يلا بوصلك للباب سيف ابتسسم و توجهو للباب صوب مريوم مريوم : يلا عمو بترخص عنج ام فارس : مرخوصه فديتج و امسحيها بويهي تعرفينه سالم مايروم يمسسك عمره مريوم ابتسسمت : لا عادي عمو و صدت صوب حصه و شافتها ساكته راحت صوبها و حطت ايدها ع جتفها : حصوصه ماعليج منه ماحيدج تهتمين برمسته حصه ابتسمت بألم : كان بيمد ايده عليه مريوم تنهدت و همست لها : اذا تميتي جي زعلانه بسير اخبر الاستاذ الشيبه انج زعلانه ههههههه صحه ضحكت : مسوده الويه مريوم : يلا انا بترررخص مع السسلامه حصه + ام فارس : ربي يحفظج طلعت من الصاله و راحت صوب سيارتها بغت تفتح الباب بس في صوت وقفها ..... : صبررررررررررري تمت واقفه مجابل الباب و ما صدت لمصدر الصوت مريوم : خيير ياي تهازب بعععد سالم رفع حياته : صدي انزين مريوم صدت له و رفعت حياتها بمعنى نعمممم شو تبا !!! سالم تقرب صوبها و حصصلت ررررد ماكانت متوقعتنننه , تيبسسست بمكااانها . . . { نهايه البارت ., توقعاتكم ., انتظروني فالبارت الثالث |
هااي شلؤونج ! رواايتج شكلها حلؤه ومبين فيها أحدااث وشسمه أحس صفعها نتريا إلبارت يلي بعده |
اممم.. تسلمين حبيبتي ع البارت.. بس ابا اعرف شو اللي خلاها تتيبس فمكانها>> فضووول ذابحني.. نترياج الغلاا.. بس لا تطولين.. 😊 |
الغلااا.. شو ترتيبج؟؟..؟؟ متى تنزلين بارتات ؟؟..،؟؟ اي وقت تنزلين؟؟..؟؟ اترياج.. |
اقتباس:
يسرج حالي من صوبج ؟ تسسلمين ع المرور |
{ البارت الثالث ., مريوم انصدمت من حركته طالعته بنظرات احتقاار و كرره حسست انها بتموووته , حقدت عليه سالم طالعها باستهزاء : هذي هديه ضحكتج الحلوه مريوم بحقد : تمد ايدك عليه انااا !!!!!!!!!!! انا ابوي عممرره مامد ايده عليه انت اتي و تمد ايدك ؟ سالم صد عنها و ضحك باستهزاء: هذي رده فعلي تجاه ضحكتج مريوم بكرره : مردوده سالم ابتسسم : بنشوف مشى بس وقفه كلام مريوم مريوم بتحدي : الايام بيننا ولد العم و ركبت سيارتها و راحت , اما سالم تم واقف مكانه و توه يستوعب رمسسه مريوم سالم بخاطره : ههه على امرج بنت العم . . . بيت بو فهد فهد دش حجره ابوه و راح صوبه فهد همس : ابويه ... ابويه ماشافه يتحرك راح صوبه و هزه ع خفيف : ابوويه نش بو فهد صد صوبه : ان شاء الله ابويه انته سير و انا الحين بنش فهد ابتسسم و طلع من الحجره بو فهد نش و راح الحمام { عزكم الله } و غسسل وييهه ., طلع من حجرته و شاف مريوم توها داشه البيت بو فهد ابتسم لها : هلا ببنتي مريوم ركضت صوب ابوها و لوت عليه , بو فهد استغرب قال يمكن فيها شي بوفهد : مريوم بللاج شو مستوي ؟! مريوم مسحت دموعها قبل لا يشووفها ابوها : لا ابويه مافيني شي بس اشتقتلك ههه بو فهد ب شك : اشتاقتلج العافيه ليش بطيتي ؟ احد اخر محاظره لج تخلص الساعه 6 و الحين 8 و نص مريوم ابتسمت : نزلت حصه و نزلت وياها سلمت ع عمو بو فهد : زين سويتي فيج الخير لازم ماتقطعين السلام بين الاهل صله الرحم واجب علينا يابنتي باست راسه و قالت : ان شاء الله ابويه فهد توه طالع من المطبخ و بأيده تفاح : زين ييتي لاني مييت يووع مريوم : هههه و حد قالك ماتتعشى فهد راح صوبها و مسسك اذنها : و ابويه يخليني اتعشى بدوج مريوم : احم احم ياخي انت ليش جي غيران لانه ابويه يحبني اكثر عنك فهد رفسها ع ريلها و قلد صووتها : لانه ابويه يحبني اكثر عنك , { رد لصوته الطبيعي : اقول سيري فصخي العباه و بلا هذرره مريوم طالعته بنظره : لا تتأمر بو فهد : انا لله صدعتو براسي فهودوه سر خبر الشغاله تحط العشى و انتي مريوم سيري فصخي العباه فهد : ابووووووووويه شوووو فهووودوووه بعد !!!! مريوم ضحكككت : ههههههههههههههههههههههههه فهودوووه ههههههههههههههه حبيتها منك ابويه ههههههههه فهد كفخها ع راسها : سيري لا اسدحج اهنا مريوم ركضت راحت فوق و هي تضحك ع اخوها . . . بعييد عن اجواء راس خيمه ., دبي بيت بو محمد محمد : ياخي ملل شو ها ابا اطللللللع مهره : و منو ماسكنك { و اشرت ع السويج : هكووو السويج و السياره برع , { و اشرت ع الباب : و هكو الباب يوووسع بعيييير يعله يرفسسك ع بطنك محمد كفخها ع راسها : و انت لسسانج دوومه جي مهره حطت ريل ع ريل : كيييييفي لسساني و كيييفي ., اقول اللي ابااااا محمد فلعها بالرموووت اللي بأيده : سسكتي سسكتي خسس الله هاللسسان مهره تعورت لانه ياا ع راسها : اخخخخخ يغغغغرربل العدووو يالهرررم جانك كسسرت راسسي بهاللصخلله صبر والله لأخبر ابويه و ركضضت صوب ابوها و محمد ركضض وراها عسسبت يمسسكها و ماتخبره بس هي سبقته و فتحت باب الحجره بدفاشششه مهره و هي تتنفس بصعوبه من الركض : ابووويه { و اشرت ع محمد : شوووفه كفخني ع راسسي بالرمووت والله يعووور بو محمد صرخ عليهم هم الاثنين : و انتو دومكم تنااقعووون تراكم صدعتو برااااسيي ورايه شغل انا مهره بوزت : شو ها البيت الكئيب محد يدافع عني بو محمد عصب : مهره طلللعععي برررع اششووف لاييج كفف الحين مهره طلعت و محمد طلع وراها ع طول راحت فوق و دشت حجرتها و محمد وراها محمد : مهروووه مهره : ............... محمد ابتسسم و وقف حذالها : لا تزعلين تراني ماقصدت اعورج مهره ابتسسمت : لا عادي مب زعلانه منك محمد رفع حياته : عيل من منو ؟ مهره تنهدت و دمعت عينها : يوم توفت امي ابويه جللب علينا و كله يصررخ علينا مادري شو ياه محمد سكت ماعرف شو يقولها و رح صوب الباب و همسس : الله كريم ف نفسس البيت بس ف حجره ثانيه شيخه ترمسس فون : انزين فديتج الحين طالعه يلا عندي خط ثاني ,, اوك باي ردت ع الخط الثاني و بدلع : هلا والله راشد : هلا بالزين كله شيخه : اهلين راشد : شحالج غلايه ؟ شيخه بدلع : تمامووو قلبببي ., حبيبي اليوم انا بطلع مممم عادي اشوفك راشد : من عيوووووني بييلج طيران بس قولي وين انتي شيخه ضحكت: ههه لا حبيبي مب الحين خلني اكشخ ., و لا ما تباني اكشخ لك ؟ راشد : يالبيه ع اللي بتتكشخ عشاني شيخه اونها استحت : انزين حبيبي اشوفك ف دبي مول راشد : اوك فديتج يوم بتوصلين اتصلي شيخه : اوكي حبيبي باي { عائله بو محمد بو محمد : يكون اخو ام فارس بس مايزورها وايد ., عصصبي و مايتحمل اي غلطه من عياله ., بس اللي يعرررفه زييين بيعرف انه له قلب طيب ام محمد : توفت من سسنه و نص { هيي مب عوده و لا فيها مرض بس يوم بو محمد تم يوعيها ما نشت ف عرف انها توفت محمد : 25 سنه يشتغل ف شركه ريل عمته { بو مايد } دومه يلعوز اخته مهره . طيوب و عممره ماعصصب شيخه : 20 سسنه يوم خلصت ثالث ثنوي وقفت ., اونها ماتبا ادش جامعه و محد عارضها ., خقاقه و و اي شي ف بالها لازم تسويه مهره : 16 سنه اخر العنقود طيووبه و حبوبه صف ثاني ثنوي و ماشاء الله عليها شاطره فالمدرسه و اتيب نسسبه حلوه ترفع الراس . ف راس الخيمه بيت بو فهد ساعه 10 و نص المسا فهد : ابويه يلا موعد دواك بو فهد نش : يلا عيل بسير اكل دواي و برقد و انتو لا تسهرون فهد + مريوم : ان شاء الله راح بو فهد مريوم صدت صوب فهد و هي منزله راسها : فهود مممم بقولك شي فهد ربع ريوله و قال : آمري مريوم : مممم باجر ابا اسسير المول ويا حصه و ميثه { مريوم صح عندها الليسن و تروم تسير وين ما تبا بس احتراماً ل اخوها تقول له و اذا ماوافق ماتسير } فهد : رواحكن ؟! مريوم هزت راسها : هيه بس بنسير نتشرى بدل و بنرد فهد : ودن الشغاله وياكن ع الاقل مريوم : شو فرقت تراها حررمه بععد . { قعدت تطنز : و لا هاي جون سينا بيتنقذنا اذا استوى شي فهد كفخها ع راسها : جب خلاص ماشي سيره مريوم : لا لا خلاص بودييها فهد : لا ماشي سيره اصلا باجر بنسير دبي مريوم : دبي ؟! و شو نسوي اهناك ؟! فهد : مووعد ابوي و لا نسيتي مريوم ضربت يبهتها : اووه صح نسيت خلاص يوم ثاني عيل فهد ابتسسم و رن فونه : انا بططلع مريوم : وين ساير فهد ماسوى لها سالفه شل سويجه و طلع مريوم : طع ها ., ماعليه براويك يوم بترد و راحت فوق . . دبي { دبي مول تحديدا صوب ستار بوكس شيخه بملل : عفره ممله قسسم بالله عفره بوزت : حرام عليج انا حاولت ويا يدوه عسبت اطلع وياج و تقولين ممله الحين ؟ شيخه بطفره : فكييينا لاااه .. و شافت ساعتها و قالت بخاطرها : بلاه تأخر { بو حميد بو حميد : توفى من سنه ام حميد : 36 سنه ., دومها تطلع و ماهامنها حد حتى بنتها ما تسأل عنها و حميد مخلتنه دووم عند يدته عفره : 20 سنه و هي تكون ربيعه شيخه ., مالها راي ابد و شخصيتها ضعيفه ., و اي شي تقوله شيخه تنفذه حميد : عمره 3 سنين و يحب يدته اكثر عن امه { ام حميد عايشه عند امها بحكم انه ريلها توفى .., } . لمحت شخص من بعيد و نشت صووبه و خلت عفرره ياسسه بمكانها ., تمت عفره تفكر اذا تقعد و لا تلحقها بس بالاخير لحقتها شيخه : رشوودي راشد صد لها : هلا بالززززين كلللله بعدين شاف وراها و قال : منو اللي وياج شيخه صدت و عصصبت يوم شاافت عفرررره و قالت بخاطرها : يالووووهقه الحين بيقول انتي ترابعين هالاشكااال و انا منووو قال لي اطللع ويا هالعنززز اسستغغفر الله شيخه قالت و مب هامنتنها عفره : مادري حبيبي منو هاي شكلها مب واقفه عشانا راشد ابتسسم ل عفرا مما خلا شيخه تعصب شيخه مسكت ايد راشد و تطالع عفرا بنظرات شيخه : يلا حبيبي خلنا نسير راشد راح ويا شيخه اما عفرا تمت واقفه مكانها و قالت بخاطرها و هي تدمع : وين رحتي يا شيخه و خليتيني فهالمول ., انا شعرفني وين اسسير اووول مره ايي هالمووول تغشت عفرا عسسبت محد ينتبه انها تصيح و تمت تمشي و هي ماتعرف وين الطريج اما صوب شيخه و راشد شيخه : حبيبي خلنا نقعد فالكوفي راشد ابتسم لها و قال : من عيوني قعدو فالكوفي و تمو يسولفون شوي و رن تلفون راشد راشد : الغاليه دقيقه بس نش من الكرسي و راحح بعيد عنها شوي راشد رد : هلا سلطان سلطان : عندي لك خبر حلو راشد بفرح : بشششر سلطان : الجماعه وافقو راشد طااار من الوناسسه : اححححلف سلطان : والله ., و باجر موعدنا وياهم راشد : مممم باجر ! ماظنتي نقدر خلها ع الاسبوع الياي لين ما ارتب الامور سلطان : خلاص برمسسهم راشد : اوك ترتيييب ., يلا انا بسكر عنك سسكر راشد و راح صوب شيخه راشد : سوري حبيبي تأخرت عليج شيخه بدلع : لا عادي صوب عفرا ماتعرف وين تسسير ., بعدين لمحتت بوابه و قالت بخاطرها يااااارب يارب مايطلعني صوب الباركنات راحت صوب الباب و استانسست يوم جافت السسما بس يوم شافت المكان قالت بخاطرها : لا انا ييت صوب النافووره تعبت من كثر ما تدور قعدت ع اجرب كرسسي لها و صاحت بصصمت و هي خايفه عفرا كانت تبا تطلع من المول بكبره و تركب اي تكسسي بس كل مره يخيب ظنها بالبوابات الي فالمول . فراس الخيمه بيت بو فارس فارس يلعب بنتته شما و حذاله حررمته عنود و ميثه مجابلتنهم ميثه ع البيبي ف شما سارت صوبها و سحبببت البيبي عنها ميثه صرخت عليها : ايييييييييييييييييييه ايييبي الفوووون شما صاااحت و خافت من ميثثثه فارس : ميثوووه شوي شوي ع البنت تراها يااهل شعرررفها لا تصرخين عليها ميثه تخصرت : و اذا كسسسرت فووني منوو بيشترلي فون يديد اننننت و لا حرررمتك فارس عصب : لسساانج يباااله قصصصص ميثه سوتله حركه بأيدها يعني سيير لاه فارس عصب نش بس عنود مسكت ايده و همست : خلاص فارس لا تحط راسك براسها تراها ياهل ميثه راحت فوق و دششت حجرتها ميثه : اووف ويا هالشششما دومها تخرب عليه كانت ملانه ف اتصلت ع مريوم مريوم ع طول ردت و قالت : ياخييي بسسس حششرتنا مريوم استغربت انه ماسسكر بوييهها ., ف شلت الفون من اذنها و شافت الرقم شهقت : اويه فششله اما عن ميثا انصصصدممت من مريوم مريوم : سووري ميثووه و الله عبالي هذذذا الهررم ميثه : لا عادي بس منو ها ؟ مريوم : ماشي ماعليج ميثه : لا علييييه عاد انتي طحتي ع وحده ملقووفه ., مريوم ضحكت : هههههه بعدين بقولج يوم بشووفج ميثه : لا لا الحين الحين مريوم استسلمت لها لانها تعرف انه ميثه ما بتودرها و قالت لها كلل السسالفه ميثه : اوك عرفنا انه يتصصل بس ليش يسسكر بويهج مريوم : مادري ياخي مطفر بي ميثه : شوفي اذا كان غلطان مابيتصل هالكثر ., و اذا كان معجب كان بيترياج تقولين الو عسبت يسسمع صوتج بعدين يسسكر مريوم : معججب ف عيييينج ., ميثه بجديه : مريوم انا ارمسس جد ., يعني صصدق لو كان معجججب كان بيسمع صوتج بعدي بيسكر بويهج ., بس ها يتصل من تردين يسسكر ع طول بدون ما ترمسين انتي مريوم خافت بس ما بينت : مادري مادري ميثه : اقدر اساعدج مريوم : كييف ؟ ميثه : عطيني الررقم مريوم : لا شو تورطين عمرج ليش خلاص انا بتصرف ميثه : ع راحت جيلا انا بسسكر بسير عند امايا . . . دبي مول عفرا لين الحين تصييح ., بعدين حسسيت بحراره ف شلت الغشوه و قعدت تتأمل النافوره بس مايبين وايد لانه ناس واقفين جدامها ماحسست الا بصوت وراها : جللبت المووول عليج وانتي اهني عفره صصدت ل مصدر الصصوت و ع طوول نقزت و حضنتها : شيييييخه شيخه فخاطرها : غمضتني ., حليلها ما تسستاهل بعدين تذكرت يوم راشد ابتسسم لها ف بعدتها عن حضنها شيخه : يلا مب فاضيه طووووفي بفرج البيت عفره هزت راسها و راحو البيت . . اليوم الثاني ساعه 2 الظهر راس الخيمه صوب سالم سالم و هو يحوط بالسياره و اتصل ب سيف و مارد عليه ., حاول يتصل به اكثر عن مره و مارد بعدين تذكر سالفه امسس و قال: اكييد سمع حصصصه الجللبه و هي ترمسس عصصب و ضرب السسكان بالقو , رن فونه يوم شاف الرقم ضغط ع الاحمر رد البيت و ع ططول راح غرفته ووطا راسه و رقد . السساعه 6 و نص المغرب نزلت مريوم حصصه البيت و هي سسارت بيتهم عند حصصه اول ما دشت البيت ع طول راحت فووق صوب حجرتها و قفلت عليها الباب ام فارس : بسم الله بلاها البنت نشت و راحت فوق ام فارس دقت الباب ع حصصه و ماحصصلت رد ام فارس : حصصه فجي الباب حصصه من ورا الباب : امي بتلبسس ام فارس ارتاحت و نزلت تحت اما صوب حصصه قعدت تصيييح و هي ياسه ع الارض حصه تضرب ايدها ع الارض و هي تصييح بألم : ليش ليش لييييييييييش { نهايه البارت ., |
توقعاتكم للبارت الياي .. , |
اممم.. شو سسالفة حصصه ليش تصصيح ؟؟..؟؟ وهااي شيخخخه.. بخصوصها.. تتواعد مع واحد.. ولا هذا ريلها.. او خطيبها؟؟..؟؟ وبالنسبه لتعاملها مع عفرا>> نعم يعني.. وين عايشين..عشان تعاملها بهالاسلوب .. كرهتها.. وعفرا.. فديتها والله .. غمضضضتني.. >> لازم تغير اسلوبها.. بكثر ما تقدر.. اوو تسسلمين حبيبي ع البارت.. ونتريا يديدج.. |
امم.. غلايه ممكن بارت لو ما عليج امر.. |
اقتباس:
ربي يسسلمج ., |
{ آلبارت الرابع ., بيت بو فهد ف حجره مريوم مريوم بخاطرها : آآآه آلله يعينج يا حصصه ., ربي يفرجها عليج ., كيييف قلبه طاوعه يسوي بها جي كيفف قطع تفكيرها رنه فونها ., نشت عسبت تشوف منو ., يوم شافت الرقم تنهدت و ماردت لانها ملللت من الروووتين ., حطته ع الصامت و دش عليها فههد فهد : يلا مريوم بنسير مريوم ضرب يبهتها : نسسي سسالفه الموعد اوك الحين يايه بس بتلبسس فهد طلع و مريوم تمت تتلبسس و حطت لها قلوز و جحال ., شلت شنطتها و طلعت ., بيت بو فارس حصه نشت و صلت العشا و قرت لها كمن آيه يوم خلصت حصصه ., قالت بخاطرها : حسسافه ع الوقت اللي ضيعته وياك ., الله ينتقم منك نزلت دمعه منها بس ماكانت دممعه ألم و لا يأسس ., دمممعه تحدددي و انتقام ., مسسحت دموعها بقووه و قالت : بتاكلها نفسس ما كلتها يا مايد نشت حصصه و حطت جحال و كثثرت منه عسسبت مايبين انها صاحت ., نزلت تحت و شافت الكل موجود ماعادا فارس و حرمتتته و بنتهم حصه : سلام عليكم الكل : عليكم السسلام يلسست حصصه حذال اختها ميثه و تممت سساكته قعدو يسولفون و حصصه سرحانه ., ميثه لاحظت عليها و قرصتها عسسبت تنتبه لها .,, صدت لها حصصه ميثه ههمست لها : ايييه بلاج وين رحتي وصلتي لباب بيتهم و لا حصه رفعت حياتها : لا كنت اترياج انتي توصليني ما ادله ميثه قلد صوتها : مادله ., { عدلت صوتها : انزين ماعلينا بلاج ؟ حصه صدت عنها : مابلاني شي ., ’ ميثه : جذااابه حصه : اووووف ميثوووه لا تصدعيني مب فاضييتلج ميثه سوت لها ماالت : مب منج من اللي يرمسسج ., نشت ميثه و يلسست حذال سسالم سالم صدت لها : نععمم !! ميثه بخاطرها نعامه ترفسسسك : ماااشي بس جي حرام الوحده تقعد حذال اخووها سالم سسكت عنها و بخاطره : اووف شو هالملل ., سيفو مايرد عليه ., و هاي مادريبها وين ., اتصل بها بعد ماترد مادري شو سالفتها شوي و رن فون سالم نش عنهم و راح برع سالم : شرفتي يا سست حمممده حمده : والله سلوومي كنت مشغوووله و مارمت ارد عليك اهلي كانو حذذالي سالم : في شي اسسسمه بلااك بيري ., و ظنتي موجوده فاللسسسسته عنندي و لا ماعندج اييد حمده بوزت : حرااام عليك سلوومي والله مارمت ارد عليك و لا امسسك الفون بنت خالي لاصصقه فيني كيف تباني ارمسسك سالم ابتسسم : خلاص سامحتج حمده بدلع : و انت تروم تزعل مني اصصلا سالم : ازعل من الكوون كله و لا اززعل منجج حمده : فدييتك والله علني ما اخلا منك سالم بحب : و لا منج ., فالسياره ., { طريج شارع الامارات مريوم ياسسه وراه و فهد يسوق و حذاله ابوه مريوم كانت مندمجه ع البيبي شوي و يقطع عليها اتصال ., شافت الررقم و سسكرت بوييهه مريوم بخاطرها { مابرتاح منك ., و بععدين انا ليش متأكده انه ولد ., يمكن تكون بنت .., همممم لا لا هاي مب حركات بنات ., اووووف و انا شلي افكككر به ., بزواله ياها مسسج فاااضي بس نقطه فالمسسج ., اسستغربت و يوم شافت الرقم ., قالت بصوت عالي : اسسستغغغغغغغغغغفر الللللللللللللله فهد شافها من الجامه : بلاج مريوم : ماشي بس وحده مطفرتبي ف البيبي فهد صد و كمل طريييجه ., بعدين صد ع ابوه شافه راقد و قال بخاطره { ربي يحفظك لنا و يبعد عنك كل شر ., ’ ملاحظه : { بو فهد عننده الضغط و كل شهرين موعده ف دبي ., يغيرون له دواه و يسوون له تحاليل ., و الشهر اللي طاف الدكتور قال لهم انه شاك ب شي ., بس قالهم ع الموعد الثاني بروم اتأكد من تغيير الادويه ., } وصلو المستشفى ع الساعه 9 و نص ., ف نفس الوقت وصلو اسعافين و فيها حرمه و ريال و ع طول ودوهم غرفه العمليات لانه فهد سمعهم بينقلونهم اهناك دخل فههد ابووه عند الدكتور و مريوم دشت وياه بس فهد قال بيروح و بيرد ., فهد كان فيه فضضول و راح صوب نيرس و سئلها عن الاثنين اللي يابوهم و قالت له انه حادث ف قال اي طابق هم ., قالتله و راح اهناك ., يوم طلع من الاصانصير شاف ثنتين ووياهم ياهل و ريال يطلعون من اصانصير ثاني و توجهه لباب العمليات ., فهد حط ف باله انهم يستوون للاثنين ., صوب غرفه العمليات عفره تصييح بحررقه ., و يدتها شاله حميد ويالسسه حذال عفره و تهديها ., و خال عفرا قاعد ع اعصابه و يتريا حد يطلع كان في شخصص يراقبهم من بعيييد ., فهد بخاطره : الله يعينهم ., وي و طلع الدكتور و علامات اليأس بويهه ., فهد تجدم شويه عسسبت يسسمع الدكتور شو يقول الدكتور بأسسف : الحرمه عطتكم عمرها ., بس الريال حالته خطييره عفرا صررررخت و جلببتت المسستشفى عليههم ., عفرا ماتحملت الصصدمممه ., صصح انه امها عمرررها مافتكرت فيها و ماهتمت بس كانت تحببها واييد ., ماقدرت تتحمل و طاحت من طوولها., خالها تووججه صووبها ع طووول و الدكتور طلب منه انه يشلها و يودديها الغرفه اما عند يدتها كانت تصيح بهدووء خالها طلع من الغرفه اللي فيها عفره و حرك راسسه بيأسس اليده : هاااه مبارك عفره شحالها الحين مبارك يلس حذال امه : الدكتور قال ها شي طبيعي و هي ماتتحمل الصدمات ., عسبت جي طاحت علينا طلع الدكتور و توجه صوب مبارك : لو سمحت ممكن شوي مبارك صدت صوب امه : شوي و بيي راح و يا الدكتور بعيد الدكتور : الريال محتاج عملييه فالركبه ., انت شاور الاهل و اذا تبون تسوون العمليه تعال وقعلي ع الورقه ., مبارك باستغراب : اي ريال ؟؟؟؟؟؟؟؟؟؟؟؟؟؟؟؟ الدكتور : الريال اللي كان فالسياره و يا المرحومه { ام حميد } مبارك بشك : ممكن اعرف اسسم الريال ., الدكتور : اسسمه سعيد محمد الـ ,,,, مبارك ابتسسم للدكتور : مشكور و رد عند امه و يلس حذاله فخاطره : منووو هاااااااا !!!!!!!! اختي كان لها علاقه ويا ريال ؟! بعدين هي عندها عيال كيف جي .., لا لا في سووء فههمم اكييد ., انا الا اعرف السسالفه ., ’’ اليده بحزن : انا لله و انا اليه راجعون ., الله يرحمج بنتي اليده صاحت و مبارك صد لها و دموعه ف عينه : امي لا تسوين بعمرج جي هذا قضاء ربنا و قدره ., نشي بوديج البيت ., حميد رقد اليده : لا لا ياولدي بتم عند عفرا مبارك : اميه عفرا مافيها شي بيطلعونها اليوم بس حاطين لها بنج عسسبت جي بتتأخر نص ساعه ., نشي امي بوديج البيت بعدين بييي عند عفرا تعريف : مبارك عممره 26 سسنه ., طلق حرمته { منال } يوم اكتشف انها تخوونه ., و ماعنده عيال منها و حمممد ربببه ., و مايكون فالبيت وايد كله ويا ربععه ., مرات تطري على باله منال و يضايق و يتحسسف ع حبه لها و الوقت اللي قضاها وياها .,., اما عند فهد يوم سسمع الدكتور يقول الحرمه عطتكم عمرها راح عنهم و بخاطره : الله يصبرهم يارب ., نزل للطابق الاول و راح صوب ابوه اللي توه طالع و يا مريوم من غرفه الدكتور فهد : ها مريوم شقال الدكتور مريوم نزلت راسسها و همست له : بعدين بخبرك و توجهو للسياره ., بيت بو فارس عند حصصه فالحجره ., ,’ حصه كانت ياسسه تقرأ روايه ., رن فونها شافت رقم مريوم و حطت الفون مكانه شافت انه الفون ماسسكت تأففت و ردت حصه بملل : هلا مريوم : اهلين ليش ماتردين بسسرعه حصه : ماشي كنت ياسه ع اللاب مريوم : و اللاب اهم عني يعني حصه بملل : شي اكيد ., ، ’ مريوم اسستغربت ., بس عبالها ياسسه تسستهبل وياها : اها اوك حصه : انا بسكر باي سسكرت عنها و كملت قرايه اما صوب مريوم اسستغربت مريوم فخاظرها : هاي بلاها ؟!!!!!!!! ., ماعليه يا حصصه ., , ’ و تسكرين بوييهييي نشت مريوم و راحت تبدل لبست لها بيجامه و رقدت ., ., اليوم الثاني فدبي ., ف مدرسسه مهره مهره فخاطرها : متى بتخلص هاي الحصصه والله ملل صدت صوب ربيعتها و قالت : ظبووي هاي ليش ماتخلينا نطلع برع والله ملل ميلستنا جذذا الا مجابلين وييهها هاي العيوز ظبيه : صدقتي والله ., انا روحي تململت مهره : عندي حل ظبيه : شو ؟؟ مهره : تعالي وياي نشت مهره ووياها ظبيه و توجهو للابله ., مهره : ابله انا و ظبيه بنسير عن الناظره .,’ الابله : قعدن ماشي سيره مهره : ابله هي قالتلنا نروح لها عسسبت المشروع اللي بنسسويه ., حق المدرسسه الابله : خلاص سيرن طلعن من الصصف ظبيه : اييه و اذا سئلت الناظره و نحن من الاساس ماعندنا مشروع وياها ., بنتوهق مهره : افا عليج بنسسوي مشروووع و الحين بعد ., يلا سريييينا عند الناظره ظبيه : على امرج يا معلمتي هههههه ., ’ خلص الدوام و مهره واقفه عند البوابه كالعاده تتريا اخوها يمرها ., لمحت سياره اخوها من بعيد و ركبت مهره : اوووف حرر حرررررر ., جانك ما خليتني استوي مندي فهاالحرر محمد : ههههههه انزين شو اسوي . دوامي يخلص هالوقت ., و مرات اطلع من وقت بسس عشانج مهره : زين زين ., كانو ساكتين فالدرب و يوم وصلو البيت محمد كان بينزل من السياره بس مهره وقفته : محمد محمد : هااا مهره نزلت راسها و فيها صيحه : امسس سسمعت ابوي يرمس بالفون ووو مهره سكتت محمد : و شو كملي مهره دمعت : سمعته يقول خلي مهره تخلصص الثنويه بعدين بنعرس .. بعدين هي مادري شو قالتله فقالها خلاص الاسبوع الياي محمد فج عييينه : نعمممممممممممممم !!!!!!!!!!!!!!!!! مهره سكتت و تمت تصيح بهدوووء محمد بعصصبيه : مهرررره انتي متأكده من اللي تقولييينه ! مهره و هي تصييح : هيييه عيل اجذذب عليك يعني محمد عصصب و نزل من السسياره و توجهه للبيت و مهره وراه سئئل الشغاله عن ابووه قالت بعده مايا محمد قعد فالصاله و هو ع اعصصاابه يتريا ابووه ., اما مهره راحت فوق تبدل و تسسبح بعد نصص سساعه دشش ابووه ع طول توجه صووبه و قال بانفعال : صصدق بتعرسسس ؟؟؟؟ بو محمد تفاجأ من محمد كييف عرف : وانت كيف عرفت محمد : مب مهم كيف عرفت المهم انك صصصدق بتعرس و لا بو محمد : بعررس و لا ما بعرس انت شو يخصصك بتحاااسبني يعننني ., لا تنسسى اني انا ابوووك مبب انتتت محمد بانفعال : و اممممممي !!!!!!!!!!!!!!!!!!!!!!! بو محمد : امك توووفت الله يرحمها ., و لا تباني اصيح عليها ليل و نهار ., خلاص هي توفت و انا ابا اشووف حياتي مابقعد اربييييكم محمد عصصب و عادي يجججتل ابوووه بس مسسك عمممره و صرررخ و هو يقووول : مابتعررررررررس بو محمد صصصفففعه و صرخ عليه : جااااااااااااااااااااااااب ها اللي ناااقص وللدي يتأأأمر علييه شيخهه و مهره نزلو ع الصريييخ مهره عرفت شو السسالفه اما شيخه عاقده حياتته ششيخه :شووو مسسستوي ؟ محمد : ابوووويه بيعرسسسسسس شيخه راحت صصوب ابويه و قالتله : اووووونه ., الله وناسسه بيكون في عرسس محمد طالعها بعصصصبيه : شو تقووولييين انتي ... ويخون امي شيخه عقد حياتها : محمد شو هالتفكير امي توفت الله يرحمها و الزواج مب عيب و لا حرام بو محمد شاف محمد : اتتعععععلم منها السسسنع و صددقها اختتك الزواج مب عيييب اما عن مهررره كانت واقفه بعيد عنهم و صرررخت بانفعااال : والله يا ابوووووووووويه ان يبببت هاي الحررررررررمه هاللبيييييت مابتششووووف ويييهي مرره ثاننننيه و انسسسى انه عندك بننننننت اسسسسمها مهره و راحت فووق و هي تصييح محمد بحددده : و انا بععععععد مابتششوووفننني يوم بتدخل حرررمتك هالبيت و راح فوووق هو بععد اما عن شيييخه سسوت لهم مااالت و صدت لابوها و قالت : ماعليك منهم ابوويه انا ويااااك بو محمد : فدييتج والله تربيييتي ., شيخه : انزين ابويه صصدق الحين اونه بيطلعون يوم بتيب حرمتك بو محمد بعدم اهتمام : بزواااالهم ., مب تاااعب عليهم انا و لا سسهههرت الليالي عششانهم يت ع الحين يعني يلتعنون و راح الحجره ., بيت بو فارس حجره حصصه حصه فاتحه الستاره و تطالع الدنيا كانت الساعه 3 الظهر حصه فخاطرها : مححد بينفعني فهالدنيا ., كلهم خووونه ., محد يستاهل الثثقه ., انجرحت من اقرب الناس لي ., آآآه يا مايد جرحك كان شرررا السيف ., طعنتني من القفا عمري ما بنسسا جررحك ., و قالت بحقد : والله بتندم يا ولد خالتي ., حصصه من امسس و هي ماترمسس حد ., ماتبا تحتك بحد ., قامت تكره الكل ., بس ف بالها الانتقام و ماعاد يهمها شي ., حتى مريوم ما ترد ع اتصالاتها .,, و تحقرها ........ شافت السساعه و تلبسست و تعدل تشويه نزلت تحت و هي تزقر امها : اماااايا امااايا يت لها الشغاله : ماما مافي موجود في سير بيت اووخت مال هيي حصصه : اي اخت ؟؟؟ الشغاله تفكر : ممم مايعرف بس هزا في بيت جريب من بيت مال نحنا حصصه بخاطرها : ايوووا راحت بيت خالو ام مايد ., شي طيييب حصه : وين الدريول الشغاله : برع حصصه : خليه يشغل السسياره و يوديني التقنيه و راحت تشرب ماي ... و الشغاله راحت تخبر الدريول ..... بيت بو فهد فهد راح صوب حجره اخته دق الباب مريوم : تفضضل فهد دش و قعد ع الشبريه فهد : انتي قلتيلي بتخبريني بعدين و ماخبرتيني و يوم وصلنا البيت رقدتي ., شو السسالفه ؟؟؟ مريوم : اخبرك ب شو ؟؟ فهد : عن ابووويه شو قالج الدكتور ؟ مريوم يلسست حذاله ع الشبريه و قالت بيأس : حال ابوي ما يسر فهد بخوف : كيف يعني مريوم بلعت ريجها و حاولت انها ما تدمع : ابوي عنده الخبيث فالمخ فهد ماستوعب : شوو ؟ عييدي مريوم : اللي سسمعته و نشت عنه راحت الحمام فهد تفاجأ .. نزلت منه دممعه و وراها دممعه لين ما صاح بصصمت فهد بخاطره : ابوويه فييه الخبيث !! ., لا ماصصدق لازم اسسويله تحليل و اتأكد مسستحيييل .. مابا افققده نفسس ما فقدت امممي فهد مسسح دموعه و طلع من الحجره اما عند مريوم فالحمام كانت تصييح بحرررقه ., ع حال ابوها . هي بععد ماتبا تفققده و محتاره ماتعرف شو تسوي تخبر عممها و لا تفضل السكوت غسسلت وييهها وطلعت من الحمام شافت السساعه و فخاطرها : اووف تأخرت ع حصصه الحين اكيد جاهزه و تترياني نشت و لبسست عباتها و تعدلت شويه شلت سويجها و طلعت توجهت ل بيت عمها { بو فارس } .,’ دقت ل حصصه بس ماردت عليها .. دقتلها كمن مره بعد ماترد نزلت من السسياره و راحت الصاله ., ماحصصلت حد و راحت فوق صوب حجره حصصه ... دقت الباب مريوم : حصصه ماياها رد فتحت الباب ماشافت حد و نزلت مره ثانيه تحت شافت الشغاله مجابلتنها مريوم : وين حصصه الشغاله : في سير ويا الدريول التقنيه مريوم : اوك خلاص طلعت مريوم و هي مسستغربه ماتدري شوياها حصصه .. ركبت سيارتها .........., فالتقنيه ساعه 6 الا ربع المغرب يوم خلصصت المحاظره طلعت حصه و مريوم وراها مريوم : لحظظه حصصه حصه ببرود صدت لها مريوم : شفيج انتي امممس دقيتلج سكرتي ف ويهي .. حصصه : ماسكرت ف ويهج قلت باي مريوم رفعت حياتها : و يوم اتصلت بج بعدين جي مارديتي حصصه صدت عنها و مشت : ماكنت متفييجه مريوم عصصبت و قالت لها و هي تمشي وراها : على امرج يا سسست حصصه سوي اللي تبييينه انا الغلطانه اللي يايه اسسئلج و راحت عنها و حصصه ماهتمت و اتصلت حق الدريول عسسبت يمر عليها .., عند ميثه ف بيت ظبيه ظبيه : هههههههههههه اخووووج تححححفه ميثه سوت لها مالت : اي تحففه و هو يهازب كل مامريت رن فون ميثه ميثه : لحظه شوي ردت ميثه : هلا امايا ام فارس : تعالي البيت بسسرعه اخوج الحين بيي و سسكرت ميثه تأفأت : اووووففففف و يا هالاخو مادري متى بيعرس و افتككك منه ... حصه وصصلت البيت و سسلمت ع امها حصه : بترخص عنج امي بسير ابدل راحت فوق و بدلت و تسبحت .. لبسست لها جلابيه خفيفه و حطت الشيله ع جتفها باهمال و نزلت يلست مجابل التلفزيون و قعددت لفلفل بالقنوات ام فارس : خالتج تسسلم عليج و تقولج زوووريييهها حصصه تعرف تقصصد منو بس قالت : اي خاله ام فارس : خالتج ام مايد حصه : اها الله يسسلمها حصه قالت بينها و بين نفسسها : بزورها قريب ام فارس : قلتي شي حصه : لا امايا قلت بزورها ان شاء الله يوم بحصصل وقت { تعريف ., بو مايد : ريال طيب و اذا قال كلمه تتنفذ بدون نقاش و عنده شركه خااصصه فيه ام مايد : اخت ام فارسس و طيبه و تبا مايد حق حصصه بس محد يعرف بهالشي غيرها مايد : 22 سسنه يشتغل فالشرطه ., ملازم اول ., كان بأمكانه يشتغل ويا ابوه فالشركه بس حللمممه و هو صغير يكون شرطي .. , و بينه و بين حصصه علاقه ححببب بس في شي فرقهم ........ صوب سالم ., كان يتمشى فالمول و يا سييف { المنار مول .., سيف : اوف اوف غزلان عندنا سالم ضحك : ههههههههه اقولك من الحين انا مايخصصصني مابخاويك فالمغازل سيف : افااا شكلها هذيييج ططيييحت عقالك هاه سالم : اي عقالته انت الثاني سيف : يا غبي انا مطلع هاي الكلمه حق فئه معينه من الشباب فالمجتمع سالم باستهبال : و اي فئه هاي سيف : سللمك الله يوم الواحد يكون راعي مغازل و قردنه و يطيييح بحب وحححده بعد هالمغازل و بعد مايحببها مايغازل اقووول طيحت عقالك يعني بعدت عن المغازل سالم يود راسه : اسميييك فيلسووف و المشكله ماتعرف تفهمم .. قووول اللي يهد مغازله عشان وحده مب تعقد الساالفه سيف : المهم طيحت عقالك يعني خلاص شلتك من طريج المغازل .. بس اذا تباني البسك العقال فالك طيب سالم : لا لا خله طاايح اهووون سيف : ههههههههههه مادري شو مسويتبك هاي الي اسسمها حمده سالم بحدده : لا تطرييها سيف يقلد صوته : لا تطريها .. : ماالت عليك بسس يوم انك طايح بحبها .. , مادري ع شو حبيتها .. صح فيها جمال بسس مرمسسه مليون غيرك .. سالم : مايخصصك انا واثق فيها سيف ضحك باستهزاءء : خانت اهلها .. ما بتخونك ؟؟ سالم : طبهها من ساالفه و انا المسؤؤل عن تصرفاتي . , انا بسير صووب هالمحل و انت كمل مغازله شويه و بييك سيف : من عيوني راح سالم عنه و دش محل باريس غاليري و راح صوب عطرره المفضلل { سينما } و راح يحاسب .. , تم يفكر بكلاام سييف : { خانت اهلها مابتخونك .؟} ساالم تنرفز من كلام سيف بس سيف معاه حقق .., سالم بخاطره : لا لا مستحييل و كلام سيف لين الحين يتردد ف ذهنه .. , عصصب سالم من التفكير .. , فر سالم 500 درهم ع الطاوله و شل العطر و راح بدون ما يرد له اللي حاسبه باجي البيزات { الفلوس } اتصل سالم ع حمده و هو معصببب ردت عليه سالم بعصبيه : وييين انتي حمده تهمسس : عند اهلي بعدين برمسسك سالم شكك فييها : عن اهلج هاهه حممده لا تجذبيين عليه ادريبج عن واحد من هالخياس حممده بعصببيه و هي تهمس له : صبر صبر بططلع من عندهم استأذنت حممده و راحت بعيد عنهم حمده : انت بلاااك اي خياس اللي تتكلم عنهم ساالم بعصبيه : مادري عننج سئلي عمرج .. ليش قلتي صببر اكيد تسكتينهم حمده فجت عينها :نعممممممم ؟ تشكك فيني سااالم سالم : حمممده لا تلعبين عليه حمده تصرخ عليه : و منو لالاعب بمخككككك هااااه قووول .. , و لا قبل شوي رمستني ماكان فيك شي و الحين ماخذني بشراع و ميداااف سالم هدداا شوي و قالها عن سيف حمده : و ها ربيعك دومه حاط دووبه من دووبي اذا هو عنده بنات لووث انا شو ذنبي .. و انت امرره ماصدقت ع طول اتصللت فيني .. , وصللت للشك ساالم ؟؟ . مشكور و فيك الخير و سكررت فويهه مما خلا سالم ينندم و عصب من سيف و اتصل فيه سالم : انت وين سيف : ف ستار بوكس سككر عنه سالم و توجهه له قعد ع الكررسسي .. و مما خلا سالم ياخذ راحته بالكلام كانت طاولته بعييده عن الناس سالم بعصببيه : كللله منك سيف عقد حياته : شو كله مني سالم : خليتني ادق لها و اششك فيها سيف بحده : شو السسالفه ؟؟ و منو هاي ؟ سالم قاله السالفه كلها و هو معصبب سيف نشش من الكرسي : ساالم رمستي عين العقل و هاي الحقيقه و انا ماقلتلك سرر اتصل بها و عصببب .. , سالم : بسس كلامك خلاني اشك فيها سيف : هذا مب ذنبي و لا تعق اللوم عليه ترا ها هو الححق سالم تنهد : انزين اقعد سييف مسك فون : مالي حايه اقعد اهنا سالم وقف و راح صوبه : اسسمحلي سيف بس كنت مععصصب ... سالم شافه و قال و هو مكسوور : سيف انا ما اتحمل فراقها سيف ربت ع جتفه : اخاف عليك منها يا ساالم سالم تنهد : هي تحبني نفس ما انا احبها .. ما بتخوونني مستحيل سيف حزن ع ربيعه .. و فخاطره : اتمنى يا سالم يطلع كلامك صح { نهايه البارت ., توقعاتكم للبارت الخامس و رايكم بالشخصيات { انتظروني بعد العيد |
تسسلمين غناتي ع البارت .. او ما ققصرتتي.. امم.. اتوقع حمده تخوون سسالمم.. وبو فهد.. انشاءالله يتشافى .. وحصه ومايد.. شو اللي خلاهم يفترقون؟؟..؟؟. وشو اللي غيير حصه ع مريوم؟؟..؟؟ وبو محمد.. بياخذ منو؟؟..؟؟ وعفرا .. حبيبتي هالمخلوقه ع نياتها.. الله يصبرها انشاءالله.. ام عفرا.. شو سسالفتهاا.. هيه من النوع انها تطلع مع رياييل.. >> هالزمن مافيه اماااااااان.. اترياج غناتي.. |
اقتباس:
لاهنتي ع المرور ., نورتي البقعه :az_flw: |
اترياااا الباارت.. |
ططولتي واااااااااايد.. |
| الساعة الآن 10:00 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir