|
الواقع غريب ولكن القدر اغرب لواقع غريب ولكن القدر اغرب بقلم: عاشقة _ القصيد الجزء الأول أول شي بتكلم عن حصوووووووووه هاي البنت كلها مرح وسوالف وحياتها ضحك ورغم هذا الهم ما يفارق قلبها الكبير .... هيه دومها مع اختها سلامي يموتن على بعض وكل السوالف اللي تستوي بينهن تكون بينهن وبس طبعا لأنهن ساعات يخورنها شوي وينسن القوانين مثلا ما اييوزن عن المقالب والضحك الفارط هههههههههه على عفويتهن .... و حصوووه عمرها 22 سنه وهيه تدرس في الجامعة والحمدلله شطورة وسوالف في الجامعة ، و غانم أكبر واحد وبعد غانم أحمد وبعدين حصووه وبعدين سلاموه وآخر العنقود شموه الحلوة الدلوعه اللي تموت فيها حصوه واللي ما تروم على فراقها دقيقة وعمر شموه خمس سنين .... المهم حصه من النوع اللي يدخل النت وجيه وهذا شي عادي بس عندها اخوها غانم اللي دومه ما يعيبه شي ويراقب تحركاتها وتحركات اختها مع انهن ما غلطن ولا مرة .... يعني رغم السوالف بس ما سون شي يندمن عليه ولا يفضح اهلهن بين الخلق والناس .... بس هذا طبعه من مشاكل ها الدنيا يظن انه يداري عليهن بضغطه بس ما درى انه يغثهن ويضايقهن .. المهم حصوووه حبت يوم من الأيام تدخل الماسنجر عشان تجابل بنت خالتها وربيعاتها.. وكانت معاها سلامه ........... المهم دخلت ويلست تسولف معاهن وعدالها اختها سلامه شوي وإلا منوه طاب عليهن ...؟؟؟ غنوووووووم ..... وويه معتفس ولا دق باب غرفتهن ولا شي سيده حدر الحجرة ولا همه .. واللي يابه صوبهن الضحك اللي يسمعه واصل الصاله ولا الساعه كم 12 فليل قال هاذيل قاعدات يسولفن ويا حد ... المهم دخل وحصوه لفت صوبة وهيه مستغربة وخايفه مع انها ما سوت شي غلط وصخت من بعد الضحك والصجيع واما سلاموه فما لفت ابدا لأنها جبانه على الآخر هههه ... المهم قالهن انتن مع منو تسولفن وشو ميلسكن على الكمبيوتر للحين هاه .... انا كم مرة متكلم عن ها السوالف في نصايف الليالي .. . حصوووه ردت عليه وقالت : ما نسوي شي بس قاعدات نسولف ويا عويش بنت خالتي وربيعاتي وشوي إلا ويسحبها من شعرهاااااااااا ويخوزها عن الكمبيوتر وهيه تصرخ وفتح الماسنجر على باله بيلقا ايميلات شباب ولا شي ولا لقى اللي في باله.. وسكر الكمبيوتر وطلع وقال: ماشي نت بعد اليوم ... وحصوووه تصيح وهيه على كرسي الكمبيتور ويت سلامي وحظنتها وقالت : تحملي وقالت حصووه : انا تعبت والله تعبت من ها العيشة ونشت من الكمبيوتر وانسدحت على كرفايتها وقعدت تفكر والدموع تنزل على خدها وتوصل الدموع لخصل شعرها البني الغامق الحلووو وشلت عمرها سلاموه والي عمرها 20 سنه وطلعت صوب اخوها اللي اكبر عن حصه بسنه وهوه اللي يفهمهن ويداريهن اكثر من غانم اللي عمره الحين 26 سنه بس تفكيرة مب على سنه حتى أحمد أحسن عنه يفكر .. وسلامه وهيه تتختل عن يشوفها غانم ورايحه صوب حجرة أحمد ...يا أحمد يمشي في الممر وهوه يتختل كان توه ياي من برع وتم وراها ويقول بخاطره " هاي وين تبا اونها ويا مقالبها اللي كاشفنهن من زمان" ويمسكها من عقصها ويسحبها وهيه تصارخ وتقول ما سويت شي ويسكر فمها ويقول : شو ما سويتي شي كل هذا ما سويتي شي هههه.. وجان تسكت وتقول: أحمد هذا انته خوفتي مالت عليك ... احمد وهوه موطي صوته امي وين؟؟ وغنوم وين؟؟ ما فيني على حشرتهم صح اني كبير وعلى كيفي بس هم يدخلون عمارهم بالشي اللي ما يخصهم فيه ههههه هههههه وتقول: هاه توك ياي من الهياته بخبر عليك امي ليش تيرني من عقصي غياض بس .. اونك مب خايفل من لسانها وحشرتها ....وانا تحسبتك في الحجرة وانت عثرك تحوم وتحاوط ويروح احمد ويسحبها من خصرها ويقولها: الي تبينه حاضر به.. تراني من يومين ما نمت في البيت.. انتي شو تبين يا حبيبتي يا ام الليف اووه قصدي يا ام الزين انتي .... وترد سلامه عليه وتقول وهيه حاطه ايدها بخصرها واونها معصبة : انا ام الليف يا .... وما كملت كلمتها إلا وغانم ورى احمد ... .وجان يقولها أحمد شو بلاج جنج شايفة بليس هههههه...سلامه بخاطرها تقول بليس بكبرة وراك وانت ولا تدري ويتها ضحكه .... تم أحمد يطالع عيون سلامه اللي كانت تطالع وراه ... شوي ويلتفت أحمد وقال بخاطره وييييييه الحين بيبدا التحقيق اللي ما راح يخلص ..... فشافهم غانم بنظره جيه وقالهم يالله رقاد انتو ليش جيه حشرة ما تحسون أن اليهال ارقود الحين وامي وابوي بعد ... وراح غرفته لأن حرمته ريم تزقره .... في غرفة غانم : ريم : غانم شو بلاك وياهم ؟؟ غانم : ماشي ما تعرفينهم يعني ؟؟؟ يغثون الواحد غث ريم : انت خلك شديد معاهم وما بتخسر شي غانم : طبعا عيل تبيني اطلع الخسران طبعا لأ ريم : جيه اباك المهم يالله تعبانه اريد ارقد انا غانم : هيه والله تعبان انا وراي دوام وسفر بعد فترة افكر بالموضوع من الحين ريم : لازم تفكر هذا مستقبلي ومستقبل عيالك ومستقبلك بعد غانم : ادري ................................. وافتكو احمد وسلامه من حشرته وراح أحمد حجرته ووياه سلاموه أحمد : هذا وايد مصدق عمره ... اونه روحو ارقدو .. وين يبا هذا يا راسه سلامه : ههههههههههه ... خلنا منه الحين .. في سالفه اهم احمد : شو بعد صاير ؟؟ وقالت له عن اللي صار بس مب بالتفصيل.. ورد عليها وقال : أحسن شي انا آخذ الكمبيوتر مالكن عندي وخذن اللاب توب مالي عندكن لأني ما احتايه وايد .. شلوه عشان ما يشك بالموضوع والباقي خلوه عليه لأني اعرف انكن ما تغلطن فديتكن والله بس حصه وين ...؟؟ سكتت سلامي.. وقال أحمد : لا يكون فيها شي تكلمي طبعا سلاموه ما قالت له عن الصياح وعن غانم يوم سحبها ... يا أحمد ووقف جدامها وقال حقها : يا تقولين يا اروح اشوف الموضوع بروحي ... قالت له اللي صار وعصب أحمد وقال: انا براويه هذا لو انه ابو عيال بس ما عليه منه .. وقبل لا يطلع مسكت ايده سلامه وقالت: احلف انت بس ... احمدوه السالفه ما ترزى وليش تسوي مشاكل عشان خاطري ما فينا على عوار الراس وامي بتحط الحق على غانم ونحن بنخسر في السالفه كلها وين تبا انته وين .... نسيت واقعنا .؟.. وسكت أحمد وراح صوب حصووه اللي يوم شاف ويها ضحك رغم خوفه عليها لقاها راقدة على حطتها بس دمعتها بعدها على خدها .. مسح بيده على خدها وهوه طالع رن تيلفونه وجان تفز حصصصه .... شافها فاجه عينها وسوالها باي وروح وهيه ابتسمت وهيه تمش ويهها .. ويتها سلامه وقالت لها : يالله ارقدي وانا بلبس بجامتي بس لا تطالعيني اوكي ... قالت حصوووه : من حلاتج ايلس اجابلج انا .. او حتى اطالعج .. وفرت عليها المخدة الصغيرة اللي كانت تحت ايدها وضرت راس سلامه .. وسلاموه عاده ما تزداد يا حبها للخرشة والضرايب راحت وعفدت فوق حصوووه وقالتها: ما بضربج اريد ابوسج ... وقالت حصوه : ما اريد منج بوس ما اريد ويلسن يتضاربن على ها البوسه اللي بالغصب آخر شي خذتها حصوووه من سلامه الملقوفه .... وقبل لا ترقد سلامه قالت شو ها الحب بالغصب ها اليومين .... وضحكت حصصصه ورقدت عنها ...... بس حصه ما رقدت تمت تفكرر الين ما راسها عورها وبدون ما تحس غفت عينها ... ................................. في اليوم الثاني الساعه 11 أم غانم تدق عليهن الباب وتزاعج عليهن وتقول : نشن شو ها الرقاد اللي يلين القايلة لا ريوق ولا عيشة ولا شياته.... رقاد وبس لا صلاة ولا عباده خلني اجابلكن شوي ملانه ميلسه من الصبح روحي يالله اشوف .....قومن يالله حصوووووووووه ويا كشتها تنافخ من القهر وتحس انه راسها كبر البيت ومب رايمه تشله من على المخدة أما سلاموه الملسونه ما قصرت قامت والابتسامه تشق الويه وتلبست بس عشان تقردن أمها عشانها ناوية تروح ويا حصوووة عند عويش بنت خالتهن مريم لأن ما شي باقي من الجامعة وممله كانت الإجازة قالت سلامه ما شي شغل فأحسن شي نروح شوي بعد البهدلة نغير جو عند عويش بنت خالتي مريم ... وطبعا أسلوب سلاموه في الإقناع عجيب ... في الصالة يالسه سلامه ويا أمها وإلا شوي منو داخل عليهم ؟.؟؟.. أحمد وهوه كاشخ ويقول حق سلامة: شو تسوين هاه شو عندج على شو ناوية ؟؟؟؟ متعدله وقاعده ويا أمي أكيد عندج شي... وترد عليه سلامه : جب جب عن اصكك بكوب الحليب هذا ... ويمط أحمد عقاله اونه يخوفها وتصارخ واطيح بحظن أمها لأنها خافت من أحمد لأنه يسوي كل شي ....... لكنه لبس عقاله مرة ثانية وقال حق أمه : انا رايح ويا هزاع دبي عدنا شغله ..... سلامه يدق قلبها وتتذكر سوالفها مع هزاع وتقول بخاطرها حق شوه اروح بيت خالتي إذا ولدها هنيه وبيكون ويا أحمدوه الدب وتبتسم.. ويخزها أحمد و يقول حقها : سلامي شو بخاطرج ؟؟؟ شي منيه مناك ؟؟ أمه ترد عليه وتقول وهيه معصبة عليه : الحين انت تتخبر ها اليعله اللي عدالي عن شو في خاطرها وتلبسني انا ..صدق ما فيكم خير إمحق عيال صدق اني ما ربيت ولا يبت رياييل ..... وتعيب عليه سلامه .... ويحاول يبرر |
تكملة القصة موقفه أحمد وبها اللحظه تطلع حصووه من الحجرة بكشتها ويدخل من باب الصالة المفتوح هزاع ولد خالتهم مريم دق كذا دقه ولا حد سمعه قام ودخل .... ويشوف هزاع حصه ويضحك على كشتها وتشرد حصه وهيه مستحيه على الآخر ويلتفت صوب أحمد ويسلم عليه ويسلم على خالته( لطيفة ) أم غانم وجان تطيح عينه بعين سلامه وما خوزها من صوبها ابدا ولا لحظه ويقول بخاطره وينج من زمان ..... وسلم عليها وتخبرها عن الدراسه والإجازة ... وترد عليه سلامة وهيه مستحيه وموخيه كل شي تمام .... وتقول بخاطرها وينك انت من زمان .. شو ها الغيبة وحشتنا ... وهيه تطالعه بنظرات يالله اللي ما يلاحظ بيلاحظ رجفتها ونظراتها اللي من تحت لين تحت .. وتتخبره أم غانم عن أختها مريم ... ويرد هزاع : الحمدلله يسرج حالها يا خالتي .. انتي علومج وعلوم بو غانم ما ينشاف ها اليومين ؟؟ .. أم غانم : والله تعرف انت الشركة وفروعها والمزرعة متلعوز تلعويز تبا الصدق .... ويحط أحمد ايده على كتف هزاع ويقوله : يالله نويه ورانا خط يا بوك ويغمز له ... هزاع وفيه ضحكه : تامرون بشي ؟؟ يالله نحن رايحين الحين تبون شي من هناك ..؟؟؟ أم غانم : لا بويه سلامتكم بس عن السرعه ... وعن المغازل ههههههه هزاع : جيه شو ما شي شغل تبيني اشوف بنات الخلق وانا الزين أشوفه قريب مني ؟؟وهوه مني وفيني ؟؟ مستحيل من سمعت سلامه ها الكلمة سحبت عمرها وراحت الحجرة ... تقول حق حصووه كل اللي صار... وهزاع وأحمد راحو دبي ( ما أظن )... وأم غانم راحت تشوف البشاكير شو بيسون غدا وجيه .... وسلامه طول هذا الظهر الين ما أذن العصر وهيه تتصل بأحمد تتخبره عن أي شي بس عشان بس تلمح صوت هزاع اذا كان يتكلم ولا شي..... بس سمعته يقول" انا بعد ما نرد بتسبح وياك بحوضكم " ... يا وقت الغدى ولا وحده منهن راحت تتغدى أونه رجيم ... حركات ها البنات بعد وأحمدوه من حشرتها أغلق التيلفون نص ساعه ومن شغله إلا وهيه متصله هزبها هزاب وتم يضحك عليها هزاع وتفشلت لأنها مصختها بصراحه... وحشرتهم حشرة من كثر ما تتصل وعقب الفشلة ما اتصلت .. وقالت لها حصه: أجدو فيج تستاهلين شو قايلتلج انا تثـقلين شوي .... ردت عليها سلاموه : من حلاتج انتي من تشوفين سعود وايد تثقلين ههههههههههههههه ... وجان تشوفها حصه بنظره تخوف وكلها حزن وقالت : إن يبتي ها الطاري مرة ثانية يا ويلج مني ... هذا شي انتهى وخلاص وانتي تعرفين أن سعود خطب روضوه ربيعتي الي خذته مني بس يالله شو نقول وصار هذا من سنه وست شهور ويومين.. ما انسى هذا اليوم ابدا ...... سلامه : وعاده الأيام بعد .. والله لو مكانج جان ما حفلته ولا حفلت هاي روضوه بعد ....كيف ربيعتج وجيه تسوي فيج ..؟؟ وتذكرت حصووه سوالفها وهيه وولد عمها سعود يوم كانو في بوظبي أيام الابتدائية والإعدادية لأنها كانت تدرس بمدرسة خاصة في بوظبي يوم كانو يبنون بيتهم اللي في العين وهذا طبعا قبل لا ينتقلون العين ... المهم سعود أكبر عن حصوة بسنه وكانو من يوم كانو يهال ويا بعض ... في المدرسة ولا البيت وكانو الأهل يقولون من يوم كانو صغار أن حصه حق سعيد وبس .... طبعا كانو في مدرسة خاصة يعني مختلط واذا تقرب منها أي حد من الأولاد كان آخر يوم في حياته اسميه كان يتضارب معاهم بس هذا عشانها وكان هذا يا آخر الدوام او في البريك .. وما ننسى أخته ساره بعد .. كانت وايد مع حصه بس تتفشل من أخوها سعود لأنه وايد يضارب فكانت ساعات ما تقعد معاهم في البريك ... ويوم كانت هيه في السادس تعرفت على روضة وكانت أعز ربيعاتها وتسكن قريب من بيت حصه وكانت روضه من النوع اللي يسولف ولا تستحي ولكن حصه اهدا عنها بشوي وسعود سوالف فبدون ما يحس سعود بعمره لقى عمره يميل لروضه ...... مرت السنوات وصارت حصه وروضه في الصف الثاني الإعدادي وسعود ثالث إعدادي وهنيه عاده صارت السنه الفاصلة بينهم لأنها كانت آخر سنه تدرس فيها حصووه في المدرسة لأن البيت زهب وقررو يرجعون العين وتمت تصيح مصايح ولا تفارق سعود وروضه .... ورجعت حصه العين هيه وأهلها وسعود ويا روضه في المدرسة نفسها وانتقلت روضه لمدرسة خاصة حق البنات بس يوم وصلت أول ثانوي وفي كل ها الفترة ...كان سعود يمر مدرستها يشوفها ويروح .. كان قبل سعيد يبات عند أحمد وايد هوه وهزاع ولكن قلــت يياته من يوم انتقلت حصه العين وصارو ما يتشاوفون إلا نادرا وفي المناسبات ...نسى سعود الحب البريء اللي كان يربطه ببنت عمه حصه وتعلق بروضة اللي كانت تدري بمشاعر حصه اتجاه سعيد ولكنها طنشت .... واللي أكبر من جذيه روضه الحبوبه تغيرت صارت تغايض حصة بسعيد وكانت تكرره سعيد بحصه ... كل يوم والثاني إلا داقه على حصه وتقول لها : أنا اليوم شفت سعيد جدام مدرستي يحرسني وانتي طبعا تفهمين ها الحركات عدل ... .وكانت حصه اتغار ولكن ما تبيــيــن وتغير السالفه ... ومرت الايام وغسلت ايدها من ولد عمها سعود ...وانقطعت علاقتها بروضة وما كانت توصلها سوالف سعيد عسب بس تتطمن عليه إلا من أخته سارة اللي كانت واقفه معاها في محنتها هاي لأنها كانت تدري بكل اللي يصير لأنها قد حصه ودرت بقصت حصه بعد ما ضاقت الدنيا بحصة وقالت لها كل شي .... المهم قالت حصه حق سلامه : هان عليه اللي سويته عشانه ... لو انه شي سخيف بس احس انه شي كان يقربني منه اكثر واكثر نسى أني كنت اكتب له الدرس عشر مرات يوم كانت تعاقبه مس الانجليزي على شطانته بالصف وكنت اكتب لين ما تتكسر ايدي وكل هذا عشانه بس .. نسى كلامنا واعترافنا حق بعض بحبنا .. نسى ايامي معاه ... ليش ؟؟؟ سويت له كل اللي يريده بس لأني كنت ........ وسكتت سكته طويلة قطعها تيلفونها يوم رن .... وكانت ساره هيه اللي داقة .. واستغربت حصه قالت في خاطرها كانو في بالي غريبة الدنيا ... وماكانت تتوقع سارة شو بتقولها بها الاتصال ..... حصه :الووووو ساره : هلاااااااا والله وينج ما تسالين يا مسودت الويه قولي عندي بنت عم ملانه في بوظبي رويحاتها حصه :ههههههههه فديتج والله سمحيلي تعرفين الرقاد والملل مال الاجازة .. وأم الكشه سلاموه في حالها من حالي والحين هبابنا نجهز حق الجامعة وانتي تعرفين خوياتج لازم نطقم ولا بعد كشخه سارة : هههههههه .. ما يحتاي تقولين كلنا في الهوى سوا ...اممممممم حبيت اتخبرج شو أخبار أمج واخوانج وعمي ؟؟ حصه : يسرج حالهم كلهم بخير .. وتتنهد تنهيده طويله ..... اهـــــــه ساره : شو بلاج ما احسج على بعضج ؟؟؟ ما احيدج جيه هادية ...؟؟ شي صاير ؟. حصه : لا بس شوي راسي يعورني وانا بكشتي من الصبح ما رمت حتى اسحيها ساره : هههههههههههههههه عنبووه كل اللي في البيت متحملينج كيف ؟ ما يخافووون منج يا أم دويس حصه : وضرس ان شاء الله ... ايه وين تبين ؟؟؟؟ ههههههههههههه سارة تحاول تعدل الجو قبل الصدمه اللي شكل حصه ما راح تتحملها ... المهم قعدن يسولفن وبنص السوالف ... حصه : انتي غريبة اليوم داقة يا سويرة ؟؟؟ شو عندج ؟؟؟ كأنه قلبي ناغزني ساره : والله شو اقول ... اممممممممم ... كيف ابدالج ممم .... ***************************** الجزء الثاني في الجزء اللي فااااااااااااات كان هذا الحوار بين حصه وسارة حصه : يسرج حالهم كلهم بخير .. وتتنهد تنهيده طويله ..... اهـــــــه ساره : شو بلاج ما احسج على بعضج ؟؟؟ ما احيدج جيه هادية ...؟؟ شي صاير ؟. حصه : لا بس شوي راسي يعورني وانا بكشتي من الصبح ما رمت حتى اسحيها ساره : هههههههههههههههه عنبووه كل اللي في البيت متحملينج كيف ؟ ما يخافووون منج يا أم دويس حصه : وضرس ان شاء الله ... ايه وين تبين ؟؟؟؟ ههههههههههههه سارة تحاول تعدل الجو قبل الصدمه اللي شكل حصه ما راح تتحملها ... المهم قعدن يسولفن وبنص السوالف ... حصه : انتي غريبة اليوم داقة يا سويرة ؟؟؟ شو عندج ؟؟؟ كأنه قلبي ناغزني ساره : والله شو اقول ... اممممممممم ... كيف ابدالج ممم .... حصه : عادي تلكمي ما بينا مستحى ساره : والله ماشي عقب اسبوعين راح يملج سعود على روضة وعقب اسبوعين من الملجه العرس يعني كل شي ورى بعض وانتو طبعا معزومين وابغي اشوف كشختج ...و بس حصه : م. مبرووووووكين ان شاء الله ... والله يسعدهم ومن سمعت سلامه كلمة مبروووووووك ما قصرت لو انها ما تعرف تزغرط قامت وزغرطت مع انها ما تعرف السالفه اصلا .... وتروح وتنخش بويه حصه وتقولها : منو بيعرس لا يكون ساره حصه تأشر لها أنه بقولج عقب سلامه متحرقصه تموت وتعرف السالفه ... يلست تعقص خصل من شعرها تتريا حصه تبند عشان تقولها منو اللي بيعرس وشو السالفه ساره : سوري اذا سمعتي ها الخبر مني والسموحه اذا غثيتج حصه : افا عليج لا مغثه ولا شي ... عادي اصلا مات الحب من زمان ... وتقول بخاطرها باين لدرجه اني مب متحمله الخبر . للأسف الحب حي وما مات واللي زاده وأصله فيني البعاد .. يا سعيد طول البعاد .. وتمت ساكته سارة : حصوووه ..وينج حصووووه ؟؟؟؟ وينج انتي وياي ؟؟؟ ويحدر سعيد علي ساره بنفس اللحظه اللي كانت تقول فيها إسم حصه ..كل حرف من حروف اسم حصه كان يقطعه ويحس بحرقان بداخله... يقول بخاطره انا شو سويت ؟؟ ويراجع نفسه ويقول لأ روضه تناسبني روضه تموت فيني وبالتراب اللي أمشي عليه ... بس روضه ؟؟ ويحاول يبرر تغير أحاسيسه على مزاجه .. سارة : سكتت.... وقالت : هلا سعيد تامرني بشي ؟؟؟ شوبلاك جيه مطير عيونك جنك .... وبها اللحظه حصه من سمعت حروف إسم سعيد بين حرف وحرف يفز قلبها وتحس أنها راح تختنق من الفرحه ومن الحزن بنفس الوقت لأنها تذكر روضه اللي خذت منها حبيبها وولد عمها اللي ياما حلمت به ...و بنفس الوقت كانت فرحانه لأنها سمعت اسمه .......... سعيد : لا ما شي بس راسي يعورني حصه : يالله سارة باي سارة : افا ما رمسنا معاج حصه : لا بس راسي يعورني سارة: شوسالفتكم ويا عوار الراس انتي وسعود هذا بعد سلاموووووووه عفدت على ويهها سعيد وحصه بنفس الوقت استرجعو كل شي وكل واحد منهم رضى باللي انكتب سكرت سارة عن حصه .... وسعود محتفل في البيت ومنشغل بكل شي ويلهي عمره بأي شي بس عشان ينسى حصه لأنه حبها بكل ما فيه بس كل شي انتهى .. وابتدى الحين حياه يديده مع روضه .... المشكله يقول في خاطرة" من متى وانا ناسي كل اللي كان والحين اذكر بس من طرو لي اسمها ؟؟ شو ها الحاله" ..... بس كان طول البعاد وبعد المسافات بينهم هوه اللي خلى قلب سعيد شوي يقسى وينسى اللي مضى وتاثير روضة عليه... ............................................ في بيت أم غانم : من سكرت حصه التيلفون .. سلامه لاصقتلها في حلجها وتقول : قولي من بيعرس لأني مستعده حق ها السوالف لأني بموت من الملل بشري ..؟؟؟ حصه : منو تتوقعين؟؟ طولت خطوبته وايد وهوه من بوظبي؟؟ وكان حاجز بعض الناس سلامه : اهاااااااا .... محد غيرة اللي كرهته بسبت اللي يصير لج منه وهوه ولا يحس حصه : لا تقولين جيه .... سلامه : يعله ما يتهـنــ...... وما كملت كلمتها إلا وحصه تقولها : جب .. قولي الله يسعدهم ولا تدعين عليه .. جذيه تعلمنا يا سلامه نسوي ؟؟؟ في ضروف مثل هاي ؟؟ قامت سلامه وحظنت أختها حصووه وقالت : أصلا ما يستاهل سعود وحده مثلج حساسه وحبوبه وحليوه والله الكل يتمناج وانتي تعرفين ها الشي .... حصه : اييييييييييييييه هذا حال الدنيا ما شي كامل فيها ... بس روضه بنت خلوقه ودامه يباها وتباه خلاص .. الله يسعدهم وان شاء الله راح يكونون مستانسين سلاموه : انزين متى السالفه هاي راح تصير ؟؟ حصه : الملجه عقب اسبوعين من اليوم ...والعرس عقب اسوبعين من الملجه سلاموه ....: مستعيل الحبيب .. المهم عقبالج حصه تطالعها بنظره ما فيها أمل وتهز راسها على أن هذا الشي مستحيل يصير بس سلامه زخت ايدها : وقالت عيشي حياتج يا حصوووه عيشي حياتج مثل ما هو قاعد يعيش ... ما يسونج صدقيني ... شغلت حصه الشمعه العوده اللي عدالها لأنها تحس حالها حال ها الشمعه مصيرها ينتهي وتمت حصه تغني وسلاموه تتسمع لأن صوت حصه يعذب اللي ما يتعذب .. صوتها عذاب وروعه . ولا وحده من ها المطربات تي صوبها.. الله عطاها صوت ما شاء الله عليه حصه منسدحه على كرفايتها ومشغلة الشمعه اللي عدالها وتغني أغنية صالح سعد وتقول .." لك يوم يا حارم عيوني من النوم ... نفسي اشوفك تسهر الليل حسرة ... ليت الهوى في داخلك يشتعل يوم ... ليتك تحس الوقت لو بس مرة ... لك يوم ... لك يوم .... ويلست تعيد المقطع هذا أكثر من مرة واللي هوه " الحب لي من ضاع وش لون بيقوم .... ما كل مرة تسلم الكسر جرة ... كنت احسبك من فرحة العمر محروم ... لين اكتشفت انك تعيش بمسرة .. لك يوم .... لك يوم يا حارم عيوني من النوم ... وسكتت .. سلامه : كل كلمه في الاغنية من حقج تقولينها والله . حصه : روحي بشري أمي عشان يساعدونهم اذا بغو شي ؟؟؟ سلامه : انتي تامرين أمر كم حصه عندي أنا ... وطلعت سلامه تقول حق أمها وما تلقى إلا أحمد وهزاع في الصاله بفوطهم وشورتاتهم طالعين من الحوض .. وتقول ويه فاتني لو ادري انهم هنيه وييييييه توني تذكرت يوم قال انه بيتسبح في الحوض ... والحين المغرب فيه وقت اشوفه يعني جيه على العشى اوكي هزاع مستحي من سلامه وسلاموه عادي ما تصدق وتتفدى عرضته وحلاته بس في خاطرها .. وداشه عليهم عرض الحبيبه : هاااااااااااااااي يا جماعه هزاع : هايييييييييين أحمد : هلا بالملقوفه سلامه وهيه حايسه ويها : يعني لازم تقفطني هزاع : هههههههههه طالعه على اخوها .. مالها ذنب أحمد : فيه ضحكه وخاشنها ... لاوالله ه ههاهاه ضحكتني وانا مافيني ضحكه سلاموه : استانست وتشججت من الفرحه وتقول بخاطرها اونه يدافع عني منو قدي الحين ... وتقول سلامة : جيه شو ها ما طولتو في دبي شوسويتو ... هزاع وأحمد : منو قال ان نحن كنا رايحين دبي .. هه نخورط على أمج هههه سلامه : عيل وين فازعين بثنينتكم بعز القايلة أحمد : العين مول يعني وين ...... ندور مزايين سلامه : عسى عيبنكن أمهات دويس اللي كانن هناك .... هزاع : مات من الضحك لأنه تذكر شو صار لهم هناك سلامة : شو يضحكك ؟؟؟ هزاع : ماشي تذكرت سالفه ويقول بخاطره فديت سلامه متقلبت المزاجات اللي كانت مستحيه مني الصبح والحين عادي عندها ..... وهذا الي يعيبني فيج وشوي إلا شموه داخله بكشتها اللي جنها برشوت فوق راسها طالعه الحبيبه من الحوض كانت وياهم بس بالحوض الصغير ومن شافتها سلامه زعقت زعقه على حصوووه ..: لحقي يا حصصصصصصه محد بيتوهج غيرج بها اليززه ...شو بيفجج يزتج يا شموه ... وشموه تتضحك .... ترد عليها وتقول : انا انا شعري احلى عن شعرج ... وانا شعري قصير انتي تبين تقصينه ما تقدرين ههههه .. فديت يزتي ههه ... بس شو يعني يزه .. هههههههههههههه( تستهبل) سلامه: بل عليج يا الملسونه انتي منو معلمنج ترمسين المشكله بزيا وتعرف ترمس محد علمج الرمسه غير يلستج ويا عيايز امج في الميالس ههههههه المشكله هيه وربيعاتها متمدنات يتعدلن أكثر عني هههههه ويضحكون كلهم .... أحمد : شو على بالج يا بوي هاي لطيفة بنت أحمد مب حيا الله وشوي تزقر سلامه البشكارة عسب تغسل شموه وتلبسها وتوديها عند حصه وتغافلت شموه سلامه ويرت شيلتها جدام هزاع ومن شاف هزاع شعرها تخبل وقال بخاطره يقول : تخسين تقصين ها الشعر الغاوي .. سلامه زعجت على شموه وعدلت شيلتها وشموه تضحك وتقول ما ترومين تقصينه، شعري أحلى عن شعرج .. وأحمد فتن عليها فتنه .. وجان تزعل شموووووووه .. " تستاهل لأنها سوت شي لازم ما تسويه " سلامه نشت وهيه متفشلة و قبل لا تطلع قالتهم عن موعد ملجة سعود .. وراحت صوب امها اللي كانت قاعده في الكراسي اللي في حديقة البيت وكانت تشرب شاي حليب ... ويلست سلامه وقالت لها السالفه ردت أم غانم : منو قالكن سلامه : ساره بنت عمي أم غانم : اهااااا يستاهلون بسوي حق ام سعيد عشان نساعدهم وانتن طبعا عدكن فساتين مب ملبوسه ومزينهن ومصمم مصممنهن إلكن ... سلامه : هيه عندي اثــنـين ومحتارة بينهن .. بشوف حسب الميك اب شو بخاطري يكون في ذاك اليوم لونه ... أم غانم : ويه زين يوم ذكرتيني .. شوفيلي صالون يصبغ الشعر عدل ويسوي بداكيرومناكير عدل وها السوالف لأن لينا سافرت لبنان سلامه وهيه تتحرطم بروحها وتلعب بطرف شيلتها : هيه خبيرة التجميل اللي فقرتكن من كثر ما تعرض وتبيع عليكن ها الكريمات وتلخن أم غانم : شو بلاج تتحرطمين شو تقولين ؟ سلامه : لا ماشي اقول بخلي حصه هيه خبيرة أكثر عني بها السوالف أم غانم : مب تنسين خلها تطرش رقم الصالون مسج سلامه وهيه تتحرطم بروحها مرة ثانية : وبعد مسج لا حول مالها خاطر تشاهدنا نحن الغـبر الثنتين هههه وتضحك روحها وهيه ماشية صوب البيت ويخطرعلى بالها هزاع ..اللي كان في المطبخ الداخلي مجابل الدريشة اللي كانت تمشي صوبها سلامه وكان قاعد يشوفها وهيه تتمشى ويشرب الماي وهيه ما انتبهت ودخلت البيت وراحت صوب حصه اللي قاعده في الصالة ترمس صدقيتها فطوم وتسحي شعر شموه .... شوي حرمة غانم هيه وولدها سهيل واخته موزة نازلين طبعا كالعاده بتروح بيت أهلها لأن غانم بيسافر عنده شغله .. وهيه ما تيلس عندهم دوم لأنها زامطه بعمرها وشايفه نفسها على شو ما يدرون مع انهم طيبين معاها بس شو يسون معاها دامها جيه يا سهيل وحظن عمته سلامه وعقب راح وضرب شموه وتم يغايضها اونه بيلعب بالدراجه في بيت يده وشموه اونها ما تسمع مع انها منقهرة ... أما ريم حرمة غانم تمت تطالع سلامه وايد وهيه كانت ترمس أمها بالموبايل وما لاحظة سلامه ها الشي بس حصه لاحظت وطنشت لأنها كانت ترمس صديقتها فطوم .... وراحت ريم ويا عيالها عند بيت أهلها واللي وداهم الدريول .. وشوي هزاع وأحمد حادرين الصاله وكان هزاع بيروح بيتهم ..... هزاع : يالله انا رايح . تامروني بشي....؟؟ نشوفكم ان شاء الله قريب وتقول له سلامه : ها وين تو الناس ما تعشيت ؟؟؟ حصه : لا سلامتك بس سلم على اختك وخالتي هزاع : يوصل .... أما بخصوص العشى مرة ثانية يا سلامه سلامه بخاطرها تقول : ويه توني ادري ان اسمي حلووووو بس ما يحلى إلا اذا سمعته من هزاع ... هزاع : يالله نشوفكم على خير ان شاء الله حصه وسلامه : الله وياك و تيك كير هزاع : تيك كير بعد والله حاله شو ها التطور أحمد : لا تتخبر محد غيري متوهق ويا انجليزيتهن ... مشتغلات تشفير بانجليزي عشان اونه ما افهم يتحسبني ثور ... هزاع : هيه ثور بعد شو .. أحمد يدفر هزاع وطلعو وراح هزاع صوب خالته وسلم عليها وركب الرنج ماله وروح بيتهم وأحمد راح يتمشى في الحوي وهوه يتكلم بالتيلفون كالعاده أما سلامه بعد العشى كله تفكر بهزاع ونظراته وكلامه ... وحصووووه تفكر بالي راح يصير بعد ها الأسابيع كيف راح تتحمل تشوف روضة عدال سعيد وأنها راح تصير حلاله ... ............................... في بيت المرحوم بو سعيد ( بوظبي) ................................... مرتبشين كلهم في تجهيزات الملجه واللي بيكون بعدها العرس يعني بدل الربشة ربشتين ويعدلون وسوالف سارة في حجرتها تقرا المجلة ويدخل عليها سعيد ... ويقولها : آآآآآآآآآآآآه اسميني مستانس ... اقولج بنات عمي علي او صح هذا ما عرس من وين له بنات ههههههههه .. خلاص يعني بنات عمي حمد وخالي سيف والهنوف بنت خالتي بيحضرون الملجه والعرس سارة : كلهم بيحضرون بس بنات عمي حمد ما ادري اذا حصه مع سلامه بيين ولا ؟؟ سعيد : ليش ما تي حصه ترى ربيعتها روضه وانا ولد عمها ليش ما تحضر مب بكيفها اصلا سارة : ليش يهمك وجودها سعيد : لا مب جيه ساره : لا تخاف بتي وبتبارك لك انت وروضه في ملجتكم وعرسكم تأكد من ها الشي سعيد اونه مب مهتم : لازم هيه واختها وامها وبعد بنت خالتي كلهن بيباركن لي ولا تارني بزعل.... تصدقين اني اموت فيها .... ساره : منو ...؟؟؟ وهيه مستغربة سعيد : منو يعني اللي اموت فيها بها الدنيا ؟؟ اللي بتصير حرمتي رويض .. رورو .. اروجي ... اسمها وايد يتحول للأسامي دلع فديتها والله سارة تأكدت انه خلاص مسحور بروضه و مغسول مخه ولا يفكر ابدا بحصه بس حصه هيه المسكينه .. وطلع عنها وكان يغني أغنية ميحد حمد " ودعتكم ويا ليت ما كان ... يوم الوداع القلب ممحون " وما كملها ... وراح صوب امه اللي كانت مرتبشة بتعديل ديكورات الصاله والميالس لأنها وايد تهتم بسوالف المظاهر وجيه تحب الترتيب والتناسق في كل شي لأن العرس قريب وتحاتي ها الشي وكانو يرتبون قسم سعيد اللي بنوه عدال فلتهم واللي كان كبيرومرتب بس كان يباله اللمسات الأخيرة .... ........................ مرت الايام ويا يوم الملجه في بيت روضة الساعه 8 بدو المعازيم ايون ... وطبعا سارة تهبل صايرة في ها اليوم كشخه على الآخر هيه وبنات اهلها كلهن وطول الوقت وهيه تدق على حصه وحصه ما ترد استغربت من ها الشي وقعدت تحاتيها وجيه.. أما سعيد في الميالس غادي شيخ من حلاته ......أما روضه يت من الصالون بعد ما تعدلت ويلست في غرفتها ..... أما أم غانم وبناتها اللي وصلو بوظبي وما بقى غير ربع ساعه ويوصلون بيت روضه العروس .. كان يسوقبهم أحمد اللي كان محلو وطايحه فيه سلامه مدح .. أما حصه قامت الصبح وهيه مزجمه وفيها حمه شويه بس ما قالت حق امها انها محمومه ولكن كان باين عليها التعب .. شربت دوا وتعدلت في الصالون هيه وسلامه وامها وقالت لازم اروح عشان ما تبين أنها زعلانه ولا شي .... كانت حصه وايد حلوة كانت لابسه فستان لونه عنابي والميك اب عنابي صاير جنان عليها وبياضها الحلو وكان شعرها صابغتنه بني غامج ومحمر شوي عليها كان يجنن وكان مفيير كان شعرها يوصل نص ظهرها ..... بس شكلها اللي يشوفها يقول كأنها صايحه لأن خشمها أحمر من الزجام .. أما سلامة شعرها أطول وكان اسووود فحمي وكانت مسويه تسريحه وكانت لابسه الفستان المشمشي وكانت بعد تسكت ... ويوم وصلو كلهم تخبلو على حصه كانت متعدله من الخاطر ...أما أحمد راح الميالس ولقى هزاع وعيال خواله كلهم هناك وقعدو يسولفون ....أما روضه في غرفتها ويا بعض من ربيعاتها وكانت قمر من الخاطر وكانت عندها سارة وعقب راحت سارة صوب الحريم وشافت حصه من بعيد وراحت صوبها وسلمت عليها وعلى سلامه وامها وقالت سارة لحصه : ليش ما رديتي على اتصالاتي ؟؟ورقم سلاموه ما مخزن عندي حصه : ما رن ... وطلعت موبايلها لقته على الصامت وشغلت الرنه .. وقالت : ويه نسيت اني خليته صامت .. سوري سارة : لا عادي بس صدق كنت احاتيج ... شو بلاه خشمج أحمرررلايكون مزجمه حصه : هيه والله ابتليت به ... ما بغى ايني إلا اليوم ساره : تصدقين أنج حلوة اليوم وبزياده بعد حصه : عيونج الحلوه ... وانتي بعد شو ها الجسم الحلو من زمان ما شفناج ؟؟ سارة : هيه بعد شو لازم اتعدل عشان اعررررررس حصه وسلامه : ما قواااج حصه : وتقولين كاش بعد هههههههه ومن عقب ها الضحكه مسكتها كحه ما تفججت منها إلا بالغصب ... ويلست سلامه مع بنات كانن معاهن في المدرسة وتعرفهن ويعرفن سارة وروضة و اللي نصهن ما تعرف اساميهين لأنهم مب وايد معاهم وين عقب بنات خالهن سيف يرمسون و راحت حصه صوب روضه لغرفتها وتبارك لها .... ويلست شوي معاها وعقب يا الوقت اللي لازم تروح فيه روضه للمطوع عشان تملج وكانت حصه هيه من لبسها العباه والشيله وكانت روضه للأسف مطنشه حصه وشايفه نفسها عليها وكله تقول : بموت من الفرحة يا حصيص وحصه : كانت بارده لدرجه انها كانت تبارك لها طول الوقت وتقولها تستاهلين سعيد وانتي اليوم قمر وجيه... بس روضه على بالها أنها منقهره منها او غيرانه منها... ما درت أن حصه قلبها كبير وانها فرحانه لسعيد لأنها تكون فرحانه ومرتاحه دام انه مرتاح وفرحان ... ونزلت روضه ووراها حصه اللي كتمت الآآآآآآآآآآه والتعب بداخلها .... وخلص سعيد وروضه كل شي مع المطوع .... ودخلت روضه غرفتها ويوم خلص العشى راحت الميلس عشان يشوفنها الحريم يوم بيلبسها سعيد الشبكه... دخل سعيد والكل يطالع فيه ويمدح حلاته لبسها الشبكه والكل بدا يبارك له ويبارك لروضه والاغاني مشغله والزغاريط شاله البقعه ... وحصه تزيد الحمى فيها والتعب بدى يظهر أكثر وأكثر بس هيه تقاوم ... وراحت تبارك لهم وكانت رغم التعب الابتسامه ما تفارق شفاتها وهيه متغشية بس الشيلة خفيفة ولمح ويها وقبل ما تتكلم وتبارك له قال سعيد : حصووووه .... علومج حصه: بخير يسرك حالي ... مبروك سعيد ومبروك يا روضه.. وعقبال العرس ان شاء الله والله يسعدكم .. وراحت روضة تنغز سعيد وتقوله : اش عنه تدلعها وتقول حصووووه أظن ان اسمها حصه سعيد : ليش تغارين روضة : انا اغار من حصيص ... هه مب انا اللي اغار منها لأني واثقة بعمري وتبتسم ولا كأن شي صاير سعيد يقول بخاطره : ووووول معقوله تكون حاقده على حصه بنت عمي..؟؟ ليش مع ان العكس لازم يصير .... ويطالعها ويقول بخاطره إن شاء الله ما اندم على اللي ابتديته اليوم معاج يا روضة ... مرت ربع ساعه وزادت الكحه على حصه اللي ما قدرت تتحملها ... شوي وتتصل أم غانم بأحمد عشان يردون العين لأن حصه تعبت عليهم وسعيد يطالعها في الميلس من بعيد كانت حالتها حاله وطاحت غشوتها ويقول بخاطره حصه مثل ما كانت حلوة.. إيييـــه صار لي فترة ما شفتها ... وزاغ عليها ووقف بيروح صوبها عشان يشوف اذا يبغون شي ومن وقف تزخ ايده روضه وتقوله : على وين سعيد : صوب حصه ما تشوفينها تكح كح مب طبيعي شكلها وايد تعبان بروح اشوفها روضة : لا والله مب مالين عيونك الي حوالينها وكيف تخليني بروحي هنيه ميلسه شو تبا الناس تقول ..؟؟ وقعد سعيد وطلعت حصه لأن أحمد في الحوش موقف برنجه جدام ميالس الحريم وكان منزل الدريشه اللي جدام ويتريا امه وخواته وطلعت معاهم سارة اللي كانت زاخه حصه وتودعها وطاحت عين سارة بعين أحمد بس أحمد مطنش ولا عليه وما اهتم لأنه ما يفكر ياخذ من أهله . بس سارة من شافته ما تدري شو صار فيها قالت بخاطرها : معقوله أحمد جيه صار حلوو ... معقوله جيه جنتلي افف ولا رنج بعد .. ما اقدر اقاوم .. واستحت واتغشت وردت الميالس بعد ما زخت سلامه اختها وركبو السيارة.. وردو العين ... وحصه حالتها ما تسر لا عدو ولا صديق وفي ها الليله ما نامت حصه من زود التعب وتمت سهرانه معاها سلامه أما أمهن ولا عليها ولا تهتم ولا تسأل .... .................. ________________________________________ وفي اليوم الثاني الصبح راحت سلامي مع حصه وأحمد المستشفى لأن حصه حالتها ردية وسوو لها كشوفات وطلع عندها التهاب حاد في حلجها وعطوها دويات وجيه ... وتمت حصه تاكل دواها بالغصب بعد حنة سلامه عليها وأحمد والحمدلله يومين وصارت أهون وبعد اسبوع صحت نهائيا ....وقعدت هيه وسلامه على الحوض وكان العصر وكانن يسولفن عن عرس سعود ووين بيتعدلن وجيه ويا أحمد من ورى سلامه وأشر على حصه انها تسكت و ويوم تقرب من سلامه دزها في الحوض دززة ويلسو يضحكون وطاحت سلامه في الحوض وهيه تصارخ .... ويلست تسب أحمد وهيه بعدها في الحوض .. بس بعد الفشلة يلست تقول : زين يوم فريتني تعرف الحين حر وانت شجعتي اتسبح ههههه .....أحمد : اونج عاده تغطين على الفشلة من بعد السب تقولين جيه ما عليه منج انتي الحين متعايزة تسشورين شعرج صححح ولا انا غلطان هههههههه حصه : الله يعينكم والله هههههههههههه صدق انكم توم وجيري سلامه : اوهوووووووووووووووووو بطلع عشان اضربك يا احمدوه ويشرد أحمد صوب سيارته .. وحصه ميته من الضحك عليهم ...اما سلامه راحت داخل الفلة وقبل لا تدخل تزعج على حصه وتقولها : بدال ما تضحكين علي سوي خير فيني وتعالي سشوري شعري ... حصه : هذا اللي ناقصني بس ويلست حصه عند الحوض ويتها شموه ويلست عدالها وكانت تاكل شبس ... حصه : شموه عطيني حبه شبس شموه : ما با ... هذا مالي ما بعطيج لوحي اشتري حصه : ما اريد الشبس كامل بس حبه يا الزطية شموه : ما با .... حصه : والله ان قلتي مرة ثانية تبين كاكاو من حجرتي لصفعج تصفيع يالزطية ولا بعطيج شموه : تفكر ...امممممممم انزين اندوج حبه بس ... وانتي بتعطيني كاكاو صح حصه : بفكر.. وشبسج ما اريده ... وانا ما احبج خلاص انا احب سهيل وموزة شموه وشوي وتصيح يت حصه وشلتها وقالتها :انا ما احبج بس اموت فيج ..استانست شموه وردت و قالت حصه : افففففف شموه صرتي دبه .. كبرتي فديتج انا ويلست حصه تتمشى ويا شموه في الحوي وكانن بيروحن صوب الميالس مال الريايل وكانت هناك سيارة ابوها وواحد من ربعه موقفة .. وهيه طبعا من شافت السيارة الغريبة ردت وقبل لا تلف على انها رايحه صوب الفلة راحت صوب ال بي ام اللي كانت مخفي شامل عشان تعدل قصتها ووقفت جدام الجامه صوب اللي يسوقون تعدل قصتها وشيلتها وكانت السيارة طبعا مب مشتغله والجامه شوي منزله وما انتبهت حصه وكانت تغني اغنية أصيل : ليه أحبك .. هذا حظي اللي انكتب ... ودربي اللي امشية وادريبة تعب .... ليه أحبك وانته فعيوني سهر..... وانته وسط القلب حرات وقهر ... وسكتت ومثل ما تعرفون صوتها جنان .. وبعد ما خلصت زقرت شموه وهيه لافه ينفتح باب السيارة زاغت حصه والتـفـتت تشوف منو ها ...... ونزل عبدالله السويدي وبيده أوراق واللي يصير ولد ربيع ابوها اللي كانت تشوفوه ساعات ومن زمان يوم كانو يهال...لأن كان عبدالله دوم ويا ابوه وساعات كان يقعد مع أحمد... بس كان كله في الميالس ويا ابوه وابوها مع انه كان ياهل والحين عمره 25 سنه يعني اكبر عن حصوه بثلاث سنين بس.. بس تغيير وايد حلو وكبر وطول واعرض ومن شافته تحس انها تعرف ها الشخص بس ما تتذكراللي لفت انتباها عيونه كبار وحلوات ومميزات وتغشت عنه وراحت وتحس ان عيونه تذكرها بحد بس منو ما تدري .. وتقفطت حصه وتمت تمشي سريع وشموه تصارخ هذا عبدالله خليني اروح عنده بيعطيني حلاوة ..قالت بخاطرها عبدالله .. هيه تذكرته....وزقر عبدالله شموه وحصه طبعا هددت شموه وقالت لها: ما تتأخرين وتين بسرعه تسمعين ولا .. شموه : انزين وراحت حصه داخل و شموه راحت صوب عبدالله وعطاها بوسه .. شموه : وين الحلاوة عبدالله : ما عندي حلاوة الحين بس المرة الياية بيب لج حلاوة زين شموه : زين ... عيل الحين بروح عند حصوووه عشان تعطيني هيه حلاوة عبدالله : هاي اللي كانت وياج حصه شموه : هيه عبدالله : اها ............ وتم ساكت وشموه : يالله باي ..... بروح داخل عن تنازعني حصوووووووه عبدالله : هههههه يالله باي حبوبتي شموه : لا تنسى حلاوتي عبدالله : ههههههه ما تنسين الحلاوة وراحت شموه داخل وعبدالله دخل الميالس.. " تخرج عبدالله من الجامعه واشتغل ويا ابوه يدير شركاته وجيه وهوه تعلم طبعا الشغل من يوم وهوه صغير لانه كان دوم ويا ابوه " .................................... حصه بعد ما صلت المغرب يلست في الصاله تتذكر حلاته والموقف اللي انحطت فيه وبيدها كوب الحليب وشموه عند أمها يالسه وسلامه توها داخله بعد ماسشورت شعرها وتكشخت وتعدلت مع انها ما بتروح مكان وصبت الها كوب حليب ويلست عدال حصووه وتتكلم سلامه وتتحرطم وحصه ولاتسمع .. انتبهت سلامه ودفرتها دفره انتبهت حصه وقالت بهدوء وتتكلم بالبطيء : شوووووووه بلاااااااااااااااج سلامه تقلدها وتتكلم بالبطيء : ماااااااااااااااا شـــــــــــــي بس افكر حصه انتبهت انها نغزة وابتسمت سلاموه : ولا مبتسمه بعد .... والله ما شي يهديني من عصبيتي غير ابتسامتج البريئة هاي حصه : بقولج شي صار لي من نص ساعه تقريبا او اكثر وسلامه تعدل يلستها : هاه شو صار ؟؟؟؟ وقالت حصه كل السالفه وسلامه طبعا ضحكت عليها ضحك وعـقب ما خلصت السالفه يسلن يشوفن التلفزيون وطول الوقت حصه ما فارق بالها عبدالله وعيونه بالذات اللي تحس انهن عالم ثاني تسافر فيه لبعيد سلامه : حصه تعرفين أن ورى باجر بنروح بوظبي حصه : ليش؟؟؟ سلامه بنقعد هناك عسب العرس وعشان بعد نروح عقب دبي عشان المصممين والفساتين لأني انا وياج بناخذ جاهز وشي ثاني المكياج اللي بنسويه في بوظبي يعني بنرتبش ها الأسبوع ولا شو الراي حصه : اوووووووووو عيل ورايه شغل بزهب أغاراضي واريد اروح اشتري شو اسمه اممم راح عن بالي المهم سوالف وايد ويبالي انظم جدول .. بس منو بيودينا الدريول ولا أحمد ؟؟ سلامه: ثنينتهم لأن تعرفين أمج ما تقر ونحن بعد ورانا مشاوير وشي ثاني ما بنرجع بعد العرس العين سيده بس بنتم ثلاث ايام عشان نكمل اغراض الجامعه ولأن الجامعه خلاص كمن اسبوع ويبدا الكد والتعب والشمس والتحريق ... حصه : هيه ذكرتيني الواقي مال الشمس مخلص عندي يبالي اثنين بدال الواحد سلامه : القائمة طويلة روحي خذي فلوس من عند ابوج حصه : كم الف يبالنا ؟؟ سلامه : انا تراني فصلت لج عباتين على ذوقي .... ورحت العين مول فاتوج الغراشيب حصه : متى رحتي؟؟ وشو اباهم الغراشيب أنا خليتهم حقج سلامه : اليوم الصبح وانتي كنتي راقده حصه : اها زين والله وانا ان رقدت ما انش يعني ....؟؟؟ المهم خذتي من عند أمي ولا من عند منو خذتي فلوس ؟؟؟ سلامه : ابوج ما قاصرتنه قصيرة عنده الخير ما شاء الله وعطاني الصبح لقيته هنيه في الصاله يسولف ويا أمي وأحمد وغانم ... وانتي اصلا بوكج متروس تبيني ايبه لج نحسب اللي فيه حصه : من حلاتج انتي اللي يقول مفلسه يعني ... ومتى رجع غانم من السفر سلامه : شو دراني قمت لقيته ... تعرفينه ساحر كل يوم مكان ههههه ..المشكله الفلوس كلهن بيروحن على المكياج واللبس ومصارييف الجامعه االلي ما تخلص و الف شي وشي حصه : هيه والله الساعه تسع ونص فليل يرن تيلفون حصه حصه : الوووو هلا والله سارة : أهلين شو اخبار الحلوة والمريضة حصه : يسرج الحال الحمدلله صرت بخير سارة : ان شاء الله دوم مب يوم حصه : شو اخباره المعرس سارة : ويه مرتبش ربشة ونحن معاه والله لو تشوفين غرفتهم دلع ... وايد تخبل .. شي ثاني انتي يوم العرس اريدج تتصورين معاية اوكي حصه : يصير خير يوم العرس .. ها شو مجهزة ولا في شي باقي سارة : في شي باقي بس باجر بروح اسوي بروفه حق فستاني والمكياج بيكون نفس الصالون اللي رحته في ملجته حصه : هيه وايد كنتي روعه ..... and so cute سارة : thanks .... بس تصدقين البيت من تطلع أمي وسعود استوحد فيه حصة: لازم تراج انتي وسعود بس اللي يابتكم خالتي ميرة ... وابوج الله يرحمه وايد فرح ابكم سارة : هيه والله ... الله يرحمه ويغفر له .... شو نسوي تعرفين انتي أمي كيف حمالها صعب واللي ما ماتو في حمالها انا وسعود وبس الله يكون في عوني بعد ما يتزوج سعود حصه : وانتي بعد عقبالج بيي يوم وبتتزوجين فيه وبتروحين بعد بيته وبتنسين سعود وأمه بعد هههه سارة : لا فديتهم ما يهونون عليه وتمن يسولفن وشوي أحمد ياي وهوه كالعاده يهذرب بالتيلفون دخل وسلم وقبل لا يروح حجرته فوق يا صوب حصه وهيه تتكلم بالتيلفون وراواها صورة بنت ياهل حاط صورتها في شاشة التيلفون ومن شافتها حصه تخبلت عليها وتمت تسال هاي منو واحمد خطف مسمر ولا عليه منها وهوه بعده يتكلم في التيلفون ... أما حصه تتحرقص إلا تعرف منو ها الكتكوته الحلوة سارة من سمعت حصه تتكلم وتصارخ وتتخبر منو هاي ... قامت سارة وسألت حصه : حصوووووووه منو هاي اللي انتي متخبله عليها حصه : راواني أحمدوووووووه صورة بنوته على شاشه تيلفونه سارة من نطقت بإسم احمد حست بإحساس غريب داخلها ومن يوم الملجه وهوه ما راح عن بالها سارة : اهاااااااااا ... وما تعرفين منو ها الحلوة الصغيرة حصه : NO .... اريد اعرفها منو اكيد اخت واحد من ربعه سارة : اها ... تصدقين أن أحمد حلووو .... وانا تعجبت يوم شفته بالرنج ماله حصه : هيه لازم انتاجنا حلووو .... ها اشوفج حاطه العين على أخويه ؟؟ شو السالفه سارة : لا شووووووو حصه : علينا ؟؟؟؟؟ سارة : بس عاد .. حشى محد يقولج شي حصه : هههههههههههههه سارة : اوكي عيل نشوفكم على خير حصه : زين يوم تذكرت ترانا بنروح بوظبي ورى باجر سارة: حياكم صوبنا ولا بيتكم حصه : بيتنا سارة : كلكم بتون .. وكم بتمون لأني افكر ابات ليله عندكن لأني ولهانه اسولف معاكم حصه : حياج والله صدقج يبالنا وبنتم اسبوع وكمن يوم سارة : cool حصه : ok …. Thanks for your calling سارة : you welcome حصه : هههههههه يالله باي ونشوفج قريبا فالحات بانجليزي سارة : ههههههههه شو نسوي لازم نطلع شوي من المهارات الخاصه اللي تعلمناها من ها الدراسه... يالله عيل باي حصه : باي يا وقت العشى وتعشو وقبل لا تروح حصه حجرتها راحت المطبخ عشان تاخذ إلها شي من الثلاجه فيتامين سي ولا شي من ها السوالف وراحت الحجرة وقبل لا تدخل لقت الباب مفتوح والليت مولع وهيه تدري أن سلامه في الصاله تسولف ويا أحمد فستغربت ويوم دخلت ... لقت غانم قاعد يترياها ومنتفخ وواقف عدال الكمبيوتر ... حصه : السلام عليكم والحمدلله على السلامة غانم : الله لا يسلمج الجزء الثالث الجزء اللي فات وقفنا عند يوم كان غانم في حجرة حصه واقف عدال الكمبيوتر ومعصب .... غانم : الله لا يسلمج حصه : شوووه ؟؟؟؟ غانم وهو يصارخ : انتن شكلكن تحبن وايد تعاندن انا شو قايل عن الكمبيوتر مب يطلع من هنيه حصه : انزين من ذاك اليوم ونحن ما اندش النت غانم : وشوه يثبت لي حصه : ليش تحيدنا جذابات غانم : لا والله وبعد ترادين حصه : لا مب جيه غانم : جب اقول جب والحين يطلع الكمبيوتر جدامي حصه : بصراحه ما اروم أطلعه بروحي غانم وهوه منقهر قبل لا إيي صوب حصه وكان بخاطره يضربها دخلت امها وابوها وأحمد وسلامه... لأن صوته عالي وزاغـو ويبون يعرفون شو السالفه ومن يو طلع غانم وهوه ينافخ أما حصه صاحت ولا رامت تتحمل .... أم غانم : شو مسويه ....؟؟؟ بو غانم : حبيبتي حصه شو بلاج أم غانم : أكيد مسويه مصيبة ولا ليش يصارخ عليها غانم جيه بو غانم : وبعدين وياج يعني انتي كل شي بتحطينه على راس ها البنات ومخلية غانم اللي مايسوي شي... شو رايج انه هوه الغلطان وبدون ما اعرف السالفه أم غانم : والله انا مب فاضيه حق ها السخافات ولديه ما يغلط يا بو غانم بو غانم : انا مب بو غانم أنا أبو أحمد شو رايج عاده ...و انتي اصلا متى فضيتي حق عايلتج هاه ولا حق بناتج ؟؟؟ أم غانم : اوووووووووه وطلعت حصه : بس خلااااااااااص لي متى بتمون جيه ؟ تبون تتضاربون تضاربو برع مب جدامي أحمد : ابويه انا اعرف السالفه والحل عندي وخلني انا بكلم حصه وغانم عقب بو غانم : خلاص بس يا حصه ما اباج تصيحين وقومي غسلي ويهج حصه : ان شاء الله ابويه تمت سلامه عند حصه وقالت : أكيد الكمبيوتر صح حصه : خلي الكمبيوتر يـنب . المشكله أني تحمدت له بالسلامة قال لي .... قال لي .... وماقدرت تكمل وتمت تصيح وحظنتها سلامه وقالت: .. مب لازم الحين حصه : قال الله لا يسلمج ليش انا شو مسويه ....؟؟؟؟ والله ما سويت له شي سلامه : اوووووووووه ....وكتمت الغصه اللي فيها.... وقالت حق حصه : اقولج ادعيله بالهدايه |
أما أحمد وقف عند الباب وقال : والله دام راسي يشم الهوى والله ان ها الكمبيوتر ما بيطلع من حجرتكن واللي يصير يصير وطلع وتمت السالفه على ما هيه عليه وبعد ساعة بدت حصه وسلامه يرتبن أغراضهن عسب الروحه لبوظبي أم غانم تحب غانم وبس لأنه ولدها من ريلها الأولاني أما أحمد وخواته من ريلها حمد ... و تفرق بينهم لو أنها تحبهم بس غانم أول شي وغانم ما يدانيهم لأن ابوهم حمد مدلعنهم من يوم كانو صغار ومع هذا ما كان مقصر معااه وعشان خاطر أم غانم قال حمد انا ما بكون بو أحمد و بكون بو غانم عشان بس غانم ما يحسس بس الظاهر أن غانم ما يستاهل طيبة حمد وعياله والسبب أمهم ... ........................................... في حجرة غانم غانم داش معصب .... ريم : شو بلاك غانم : خلاااااااااص احس انه مالي كلمة في البيت ريم : منو قال ؟؟؟ غانم : طلعي سهيل برع خليه يلعب اريدج بسالفه ريم تكلم سهيل : سهيل حبيبي روح تحت والعب ويا شموه سهيل : شموه تضربني ما اريد العب معاها بروح العب ويا بلااااكي ريم : انزين روح اللعب ويا بلااااكي بس يوم بتي بتسسبح مرة ثانية مب ناقصه وسخ جلاب انا سهيل: يااااااااااي ويييييييييييييو وناسه وطلع سهيل ويلس غانم يقول السالفه حق ريم واللي بدورها تخطط له وتكتك وما درى انها خربت بينه وبين أهله بدون ما يدري ولا يحس ............................. سهيل يلعب عند الحوض ولا حد يدري عنه هوه ويا كلبة بلااااكي شوي وانتبهت له الخدامة مالته سرياتي وخوزته من الحوض العود اللي كان يلعب بطرفه شوي وكان بيطيح لأنه يحب يلعب في الاماكن اللي يمنعونه منها ودخلته داخل البيت والله ستر انه ما طاح وغرق ولا محد بيدريبة ........................... اليوم الثاني الصبح الساعه تسع في حجرة البنات حصه وهيه منسدحه وتطالع الساعه قالت حق سلامه : اريد اروح العين مول سلامه وهيه مدوخه من الرقاد : حووووووو وين تبين انتي بعدهن المحلات ما فجن لايكون عندج المفاتيح حصه: جب يا العنز اللي يقول انا الحين عند باب المول سلامه: تريقي قبل عقب خططي والمشكله اموت واعرف شو تبين اصلا من المول حصه : اريد آخاذ اشياء خـفيفة وحلوه حق سارة تعرفين انه يعيبها الخراوشين نفسنا من لايف ستايل ولا شو رايج سلامه : هيه حتى انا اريد اشتري اشياءات .... حصه : شو بعد اشياءات انتي ما تيوزين من ها الرمسه سلامه : شو فيها اشياءات كشخه ... لازم اقول اشياء يعني ..؟؟ او اغراض .. مليت روتين الكلام هذا ههههههههههه حصه : لا مب لازم هههههه سلامه : لا تضحكيني تراج جيه بتنشطيني وانا فيني رقاد حصه : احلفي انتي بس والله ما يبالج غير ماي بارد ينجب على ويهج مرة وحده سلامه : عشان اوديج سيده المقبرة حصه : لا والله هههههههه سلامه : هههههههه اوووووو توني تذكرت انا يوعانه وين الريوووق حصه : انتي مب صاحيه ههههههههه سلامه : ادري حصه : بدق حق الدريول عسب يجهز السيارة سلامه : زين تسوين راحت سلامه الحجرة طلعت اللبس اللي بتلبسه وطلعت الشنطه البيج وحطت البوك داخل اما حصه راحت قالت حق امها انها بتروح ويا سلامه العين مول وخلتهن وراحت حصه الحجرة وشافت الشنطه البيج وحطت بوكها داخل وطلعت الشنطه السوده وعقتها مكانها وقبل لا تطلع ... سلامه : حوووو وين تبين هاي انا باخذها الشنطه حصه : طلعت لج السوده سلامه : اصلا كنت اريد السوده وما لقيتها وتعايزت ادورها حصه : تخبريني عنج انا عرفج عدل شلي موبايلج لا تنسينه سلامه : بس وين موبايلي ؟؟؟ تذكرت في الصالة ... هيا بنا إلى العين مول حصه : ايه عن الخبال مب ناقصه سلامه : ان شاء الله ماماتي حصه : اذا انا امج انتي شو ... براويج يا يدوه سلامه : انا يدج .... ما عليه حصه : ادلين وين السيارة جدامي يالله سلامه : لا ادافرين بمشي على هوني ما ورايه شي حصه : اوكي بنشوف منو بيوديج المول سلامه : خلاص زين ما يمر يوم وإلا تهددين فيه يعني ؟؟ حصه : ما ايبج غير التهديد شو اسوي فيج ركبت حصه وسلامه والبشكارة ماريا السيارة عسب يروحن العين مول وفي العين مول سلامه : ما اشوف غراشيب العين ؟؟؟ وينهم لايكون رقود ؟؟ حصه : عن ها الرمسه الفارطه ... هههههه صدقج والله فكه سلامه : انتي الحين وين بتروحين حصه : لايف ستايل سلامه : انا بروح سبلاش ويمكن اروح باريس غاليري اذا تفيجت حصه : اوكي سلامه دخلت سبلاش وحامت فيه ونقت قميص عيبها وتنورة وراحت صوب الاكسسوار وخذتلها شويه من ها السوالف ويوم راحت تحاسب فتحت الشنطه وطبعا البوك ماشي توهقت ويا وقف عدالها واحد من ها الشباب قالها : ها الشيخه شو ناسيه البوك...؟؟ وسلامه مطلعه موبايلها عسب تتدق على حصه ويوم طالعته لقت ذاك الطويل والمزيون مارامت ترد عليه ؟؟؟؟؟؟؟ : انا بدفع سلامه : لا شو بوكي عند اختي وهيه الحين بتيبه لي مشكور ؟؟؟؟؟؟؟ : منو قال اني بتريا اختج بدفع انا وخلاص سلامه : قلت لك مشكور ولا تتحسبني من ها الرخاص اللي لي دفعو عنهن خذن الرقم ويالله عاده ؟؟؟؟؟؟؟ : ماله داعي لها الرمسه وانا على فكرة مب من ها الخمه اللي يمكن تعودتي تشوفينهم وانا لو ما شفت انج محترمه جان اصلا ما عطيتج ويه سلامه : اها اوكي مشكور وترد حصه بنفس اللحظه ... حوووووووو انتي ايه اريد بوكي في شنطج تراه حصه : وين انتي ؟؟؟ تعالي اخذيه سلامه : عن الهبل وين اطلع وانا حاطه الاغراض عند المحاسب (الكاشير) كلوني بعيونهم ؟؟؟؟؟؟ : نشوفج على خير وراح ( وتمت في باله ) سلامه تطالعه وهوه طالع حصه : بطرش لج عيل ماريا حشرتيني اففففففففففففف وطرشت حصه ماريا صوب سلامه اللي كانت واقفه في سبلاش ماريا : سلامووووووووه .... سلامه ؟؟؟؟؟؟؟ واقف على باب سبلاش ويقول بخاطره : واسمج سلامه يا ويل حالي انا سلامه : ماريا : جبببببببببب فضحتيني حسبي يالله عليج ماريا : sorry mum سلامه : عنبوه جدامج ما تشوفين محد ما عرف اسمي في المول.... انزين تعالي شلي الاغراض ؟؟؟؟؟؟؟ : بتم وراج سلامه : طالعه ووراها ماريا ماريا : الحين وين روح عند حصه ...؟؟ سلامه : هيه حصه خلصت ولقوها على باب لايف ستايل وراحو ستار بوكس و ؟؟؟؟؟؟ وراهن ويلس قريب منهن حصه : طاعي منو مصبح في الستار بوكس سلامه : امممممممممم هيه شفته حصه : هيه والمممممممم الطويله ليش .....؟؟؟؟ سلامه : لا والله عادي حصه : انزين شو تتطلبين ؟؟؟ سلامه : ماريا ودي الاغراض السيارة وعقب روحي ميغا مارت واشتري اكياس ذرة ماريا :اوكي حصه : اندوج لفلوس وخذي لج أي شي تبينه اوكي نحن بنتم هنيه ماريا : اوكي سلامه : اريد فاربتشينو حصه : انا اريد كابتشينو ..... منو بيقوم ؟؟ سلامه : طبعا انتي حصه : سلاموووووه يالله عاده وين تبيني اطلب مالي نفس روحي انتي ولا خليه أي هوه سلامه : انا بروح ترى في الحركه بركه حصه : زين يوم عرفتي هههههههههه ونشت سلامه ووراها طبعا ..؟؟؟؟؟؟؟؟؟ اللي تشتغل في الستار بوكس : hi mister naser how are u ?? ناصر يكلمها : fine.. what about you nanse nanse: im ok… give me your order ناصر : فاربتشينو : Nanse ok nance تسال سلامه على باالها مع ناصر ياية : what about you mum ??? سلامه : هاه me…. ... اممم one كاباتشينو و فاربتشينو andسينابون ناصر : زيدي سينابون ... فديت الانجليزي المخلوط بالعربي نانسي : ok thats all ناصر : yes وراحت نانسي تقولهم يسون لهم الطلب وجيه وتم ناصر يطالع سلامه سلامه وغصبن عنها قالت : قلاد واحد ناصر سمعها وقاال : اقلدج من غلاتج سلامه وهيه راده صوب حصه تتحرطم : ما واحالك تعرفني عشان تغليني ناصر وبمكانه واقف : شو دراج كل شي جايز سلامه بخاطرها : كلهم واحد .. كلهم جذابين ..... وقعدت ويا حصه وهو مجابلنهن ولا خوز عينه عن سلامه وهيه بعد تطالعه بس بنظرات احتقار ونظرات قويه ولا عليها وهوه مطنش ومبتسم وهذا اللي قهر سلامه وحصه يا غافل لكم الله ولا تدري بالي يصير ويت ماريا ويابت طلبهن وكلن وعقب ما خلصن راحن صوب الباركنات وركبن سيارتهم بو دمعه ووراهم منوه ؟؟؟ ناصر راكب استيشن لكزس وشافته سلامه ولحقهن وهن رايحات البيت وسلامه بتموت من الخوف وتقول بخاطرها : شو يبا هذا افففففففففف .. ونسيت اروح باريس غاليري .. حصه : انتي شو بلاج مب على بعضج اليوم اول مرة ما تحشريني ؟؟ سلامه : لا عادي وناصر يتقرب من السيارة ويمشي بالبطيء صوب وين يالسه سلامه.. وسلامه كل ما تشوف سيارته قريبة يدق قلبها وتقول حق الدريول اسرع وماشي فايده ناصر بعده يلاحقها يرن تيلفون حصه واللي متصل أمها أم غانم : ها وينكن ؟؟؟ حصه : قريب من البيت خلاص واصلين ليش تبين شي من برع ؟؟؟ أم غانم : لأ بس حبيت اطمن .... يالله باي حصه : يالله مع السلامه سلامه : منوه ؟... حصه : ماماتي سلامه : اهااااااااااااا وصلن البيت وناصر وراهم وقف على الباب ونزلت حصه وماريا وآخر وحده نزلت سلامه وبدون غشوة وشافها لو من بعيد وأشر بيده أنه باي وروح... وسلامه متروعه من خباله وفيها ضحكه بنفس الوقت ....دخلت البيت ونزلو الاغراض حصه في الغرفه وسلامه في الصاله شوي ويرن التيلفون مال الباب الخارجي شلته سلامه : الووووو ؟؟؟؟؟؟؟ : ...............................ويقول بخاطره الحمدلله انها ردت هيه سلامه : الووووووووو منووو عن الحركات أحمد اعرفك انا ... يالله احدر البيت يالله اشوف .. انا سلامي ما يطوفني شي ههههه ؟؟؟؟؟؟؟؟؟ : ههههههههه سلامه ضحكه غريبة : سوري منو وياي ؟؟؟؟؟؟ : طلعي وبتعرفين منوه ... وسكر التيلفون الخارجي سلامه منو هذا بعد ؟؟ الصوت مب غريب وراحت توايج من الباب وحاطه الشيله على ثمها.... ما لقت إلا ناصر مار ومنزل دريشته بس كان فاصخ الغترة ومطلع شعره ومن شافته استحت ودشت وضربتها نفضه غريبة وكان مطول على اغنية ميحد حمد مشكلتك انك قلب حساس ... راح ناصر وهو مب قادر ينسى عيون سلامه وصوتها الغاوي وجسمها الاحلى ومشيتها اللي على هون هونها ...... وسلامه مب قادره تنسى الموقف اللي صار وياها وتقول بخاطرها بعده يحوم على البيت يا ويلي شو اسوي انا ... شكله مصرر الريال وتمت توايج من دريشة الصاله اللي في الطابق الثاني لأنه يبين أكثر من هناك وكانت خايفة لا تطلع ريم أو احمد يشوفونها توايج ... ما ارتاحت إلا يوم ما شافته يمر خلاص وشافته رايح بعيد ورى بيوت يرانهم ويلست في الصاله شوي وبعدين نزلت الصاله اللي تحت ... شوي إلا شموه يايه تناقز وتغني زختها سلامه ويلست تلعوزها شوي ... وبعد مده أحمد يزقر حصوووه وراحت له فوق ... في حجرة أحمد .... حصه : هلا أحمد شو اخبارك ؟؟ أحمد وبعد تنهيده طويلة : الحمد الله حصه : وش بلاك تقولها جيه ...عسى ما شر ؟؟ أحمد : عقميني وبقولج اللي صاير بس ما تخبرين سلامه حصه : شو صاير خوفتني تراك وقفت قلبي .... ابوي شي فيه أحمد : ما بلاه شي ...... بس هزاع غامضني حصه : هزاع ..................... ليش ؟؟ أحمد : خالتي بتزوجه غصبن عنه حصه : ومنو اللي تباه ياخذها ؟؟ أحمد : تعرفين بنت ولد عمهم المرحوم ما اعرف اسمها حصه : ايوااااااااااااااااااه ... تذكرتها اشوفها في الجامعه وخذت وياها مساق اسمها على ما اذكر وديمة ..... وهزاع شو رايه بالموضوع ؟؟ أحمد : بيتخبل ما يباها وهوه صارحني بخصوص سلامه كذا مرة من زمان ... وانه مستعد يخطبها اليوم قبل باجر وهوه كان ناوي بعد ما يعرس سعود بس خالوه الله يهديها وابوه واقفيلة وقفه حصه : الله يهديهم بس هاي حياته وهوه اللي بيعيشها أحمد : تقولين لي انا ها الكلام ... ناوليني الموبايل حصه : وين بتروح الحين انته ؟؟؟ أحمد : بروح اشوفه لأن حالته ما تسر لا عدو ولا صديج معتفس الريال عفاس متغير وحالته حاله .... حصه : الله يعين والله ..... الهم اللي فيهم طعمه مرر ..... خذ موبايلك وطمني عليه اوكي أحمد وهوه يمشي في الممر ووراه حصه : نفس ما خبرتج سلامه ما تدري حصه : ولا يهمك ... بس هوه ما خبر خالوه بخصوص سلامه ؟؟؟ أحمد : ياي بيكلم أمه فتحت ها الموضوع قبل لا يتكلم عن اللي في خاطره شوفي الحظ انتي بس حصه : الله يعين في الصاله .... سلامه : ها شو عندكم أحمد طلع سيده بدون ما يتكلم حصه : لا ماشي بغاني اعقم له عقم الكندورة سلامه : اهااااااااااااااااااااااا cool أم غانم : بنات بعد المغرب طالعين بوظبي ترانا حصه وسلامه : مب باجر الصبح ؟؟؟ كنتو ناويين نطلع ؟ أم غانم : لأ اليوم ....وانا بروح الحين بتغدى في بيت أختي أم هزاع والعصر برد والقاكن جاهزات اوكي ؟؟ سلاموه دق قبلها من سمعت اسم هزاع وقالت : أحمد يدري ولا أم غانم : بدق له تيلفون وبتفاهم معاه انتن ما عليكن من أحمد وغيرة وابوكن بيلحقنا باجر حصه : اوكي عيل بوصي الطباخ ما يسوي عشى وايد لأني كنت حاطه قايمة عريضه أم غانم : يالله ما اوصيكن ... شموه زهبت اغراضها بس لبسنها قبل لا نطلع وريم وعيالها بيون يوم العرس وهيه بتبات في بيت اهلها وخلي البشاكير اين ويشلن الشنط واذا احتجتن شي دقن لي تيلفون يالله انا رايحه الحين .... راحت أم غانم وراحت حصه الحجرة ومحتارة ومشغول بالها في هزاع وسلامه وتقول بخاطرها معقوله مكتوب علينا واختي الشقى ؟؟؟ دخلت سلامه وهيه مبتسمه يلست حصه تشغل عمرها بأي شي لأن سلامه غامضتنها ويلست سلامه تطلع اللي اشرته اليوم وحصه بعد يلست ترتب الاغراض اللي راح تعطيهن سارة .... حصه تطالع سلامه وسألتها : شو يعنيلج هزاع ..؟؟ سلامه : كل شي .. حياتي عمري قلبي ... واتريا اليوم اللي بيكون فيه لي بروحي وان شاء الله قريب حصه يتقطع قلبها من كلام سلامه اللي تحس كأنه حلم وراح ينتهي قريب وراح تتفاجأ سلامه بنهايته واللي راح يكون ضحيته هم الاثنين ( هزاع وسلامه) سلامه : شو ها السؤال يعني انتي ما تدرين آآآآآآآآآآآآآآآه فديته والله ................... ( في الكافييه بالعين مول ) أحمد : هزاع هونها وتهون هزاع : ما اقدر وانت تدري شوه عوقي بها الدنيا وانا ما اريد غيرها أحمد : شوتباني اقولك ما شي غير انك تتكلم مع اهلك مرة ثانية هزاع : والله اذا ما تفههموني والله ما يسلت دقيقة ولا اعرفهم ولا يعرفوني وخلهم يسون اللي يسونه أحمد : شو ها الكلام هذا وانا احيدك العاقل هزاع : الضروف والواقع المر ساعات يغير الشخص 180 درجه وانا خلاص ما اقدر اتحمل أحمد : انزين اشرب قهوتك قبل لا تبرد هزاع : آآآآآآآآآآآآآه بس ما بيصير إلا اللي في بالي يرن تيلفون أحمد بس أحمد ما يرد ..... هزاع : منووو أحمد : القلب هزاع : لا تقول القلب ترى قلبي شاب ضوو أحمد : يالله خلها على الله بس أحمد منوه يقصد بالقلب سلامه اخته ولا حد ثاني ؟؟ مرت نص ساعه يرن تيلفون أحمد مرة ثانية بس هاي المرة امه أم غانم : الووو أحمد : اهلييييين شو اخبارج امايه أم غانم : وين انته أحمد : في الكافييه ويا هزاع أم غانم : هيه ويا المعرس ... المهم بنروح اليوم بوظبي وابغيك تودينا انت والدريول أحمد : ان شاء الله أم غانم : انا الحين في بيت اختي وعقب بي البيت وانت زهب اغراضك ولا خل وحده من خواتك أحمد : لا انا برجع البيت وبرتب كل شي لا تستهمين أم غانم : يالله عيل أحمد : مع السلامه هزاع : شو اخبارها خالوه أحمد : يبوي خلاص وقعوو انك معرس هزاع : اها جيه يعني ياحليلهم أحمد : يالله ورايه الف شغله بروح بوظبي تعرف العرس قرب هزاع : وياك أحمد : يا هلا والله فيك هزاع : اغير ها الجو اللي انا فيه أحمد : ورانا غدى شو رايك كلم اختك ترتب اغراضك وتعال تغدى في بيتنا هزاع : عيل بدق حق عويش .. أحمد : يالله عيل ________________________________________ في بيت بوهزاع أم غانم : والحين تريدون وديمه حق هزاع أم هزاع : هيه بس المشكله هوه ما يباها أم غانم : لا تغصبون الولد وهذا من مصلحتكم أم هزاع : بس انا اريدها وتعرفين انها اخلاق وجمال واهلم لطفين وما عليهم كلام ولا فيهم وغاده أم غانم : انا معاج بكل هذا بس انتي تشوفين انه من الزين انج تغصبينه أم هزاع : تصدقين انه مب هاين عليه اشوفه زعلان ومتضايق أم غانم : انزين انتي ما سألتيه منوه بخاطره ؟؟ يمكن حاط العين على بنت من بنات العايلة أم هزاع : يمكن بس اللي يريد وديمه حق هزاع هوه ابوه وانتي تعرفين عناد ابو هزاع .. شو اسوي خبريني أم غانم : والله تفاهمي وياه وان شاء الله بيرضى انتو زخو الولد وتكلمو معاه وان ما رضى سألوه منو بخاطره وان شاء الله تفرحوبه قريب أم هزاع : بتكلم اليوم ويا ابوه والله يعين عويش : اميه حطو الغدى أم هزاع : يايين ازقري اخوج راشد عويش : ان شاء الله ...... خالتي سلمي على حصه وسلامي أم غانم : ان شاء الله ................................... في حجرة حصه سلامه : تعرفين حصه : شو ؟؟ سلامه : انا قلبي قابضني ما ادري ليش ؟؟ احس انه شي بيصير حصه : لا حول ..... ما بيصير إلا الخير ... كملي تعديل الاغراض ok سلامه : ان شاء الله خير بس ما ادري عندي احساس مب طبيعي .. I don’t know what it is ?? I cant explane it حصه : المهم انا بروح اخلي البشكارة تسوي لي fruit salad تبين ولا ؟؟ سلامه : ليش لأ اريد طبعا يرن بها اللحظة تيلفون سلامه ...... سلامه : زين يوم رن تيلفوني ها التيلفون ما ادري ليش خذته شكله زينه محد يباني حصه طلعت قبل لا تدري منوه متصل سلامه : شو ها الرقم الغريب بشوف منوه .... ؟؟؟؟؟؟: الووووووووووووووه سلامه : هلااااااااااااااااااااا منو وياي ؟؟ ؟؟؟؟؟؟ : ما عرفيتيني ؟؟؟ افااااااااااااااااااا انا شموس طلعت موبايل يديد سلامه : ويييييييييييييييييه شو ها الغبار وينج انتي وحشتينا كنت افكر ايكم عشان اسلم على خالي من زمان ما شفته وكنت بروح بعد بيت خالتي مريم بس الله ما كتب شموس : انا بخير يسرج الحال حبيت اتصل وتعرفين رقمي والله اني مستانسه سلامه : اللي يقول بيت شعبي مب تيلفون شموس : انتي دوم جيه سلامه : اسولف وياج شموس : ادري ها شو تسوين ؟؟؟ سلامه : نرتب عمارنا حق الروحه لبوظبي شموس : اها ... انا شكلي مب رايحه سلامه : ليش شموس : اول سنه لي بتكون في الجامعه وعندي ارشاد وبلاوي تعرفين انتي سلامه : اهااااااااااااا وخالي وامج بيروحون ولا شموس : هيه ....والحين بدق حق بنت عمتي عويش سلامه : هيه عويش بنت خالتي مريم سلمي عليها شموس : يوصل ومشكورة على الهدية روعه كانت سلامه : تستاهلين يبتي نسبة عدله لو انج تيلسين على الماسنجر ههههههههه شموس : عن الحسد هيه صح ادش الحين وما القاج وينج سلامه : وين تبين ورانا عرس والف شغله منو فاضي حق الماسنجر شموس : دشو من بوظبي وخبروني سوالف العرس اوكي وصوري المعرايس وطرشي على موبايلي سلامه : مشتركه ولا شموس : اول شي سويته اصلا اشتركت كله ولا الصور لازم سلامه : والله انج سالفه شموس : يالله بخليج الحين وسلمي على حصوه سلامه : ان شاء الله يالله باي شموس : باي ...................................... في الصاله حصه : سلامي تعالي جان تبين تاكلين يالله غدى وبعد الغدى بناكل fruit salad سلامه : دقايق لأني يوعانه ....شو قاعده تطالعين في التلفزيون حصه : روتانا..... بس انا بروح الحين غرفة الطعام شوي احمد وهزاع داخلين أحمد : السلام عليكم ترى هزاع وياي حصه : خله يقرب هزاع : هلا حصه : اهلين شو اخبارك هزاع ساكت ....................... أحمد : بخير الريال ما يحتاي تتخبرين عن حاله حصه : انزين تعالوالغدى موطاي أحمد : يايين ... يالله هزاع قوم بنغسل ايدنا وبنروح نتغدى هزاع : ما ادري شو اقولك أحمد : لا تقولي ولا اقولك يالله انا رايح .... حصه وين سلامه حصه : الحين بتي سلامه طالعه بلا شيلة شافت هزاع قفط وييها وردت الحجرة وقفت ورى الباب وتقول يا ويلي هزاع هنيه بس شكله مريض .... المهم انه هنيه أحمد دخل الحمام يغسل ايده حصه راحت توصي البشكارة تيب صحون زياده أما هزاع من شاف سلامه ما تحرك من مكانه ..... طلعت سلامه لقته واقف سلامه : هلا هزاع اش حالك هزاع : بخير يعلج الخير سلامه : امممممممم بتتغدى ويانا اليوم صح هزاع : هيه ويعله كل يوم أحمد : هزاع وينك؟ هزاع : انا هنيه ياي ياي وراحو ويا بعض راح يغسل ايده أما سلامه تشوف ترتيب الاكل وجيه يلس أحمد قامت سلامه وكانت بتطلع أحمد : وين رايحه ؟؟ سلامه : بنترياكم لين ما تخلصون أحمد : لأ بتاكلن معانا سلامه : بسسسسس .... أحمد : انا شو قلت سلامه : زين ... حصوه وين ؟؟؟ حصه : انا هنيه ..... انتي شو ميلسنج ؟؟ أحمد : وانتي بعد قعدي انا قلت الها تقعد حصه : اهااااااااااااا كوووووووووول هزاع يلس مجابل سلامه وعينه من طاحت في عينها ما شلها وتم على ها الحال وصار يسولف ونسى كل همومه بس من شافها وأحمد حس بها الشي وقدره وآمنه على خواته وآمنه على كل شي حتى اسراره ....... وبعد الغدى يلسو يسولفون وحطت سلامه حقهم FRUIT SALSD حصه بروح ايب تيلفوني ..... ورن تيلفون أحمد وطلع ما بقى غير هزاع وسلامه ... هزاع : سلامه بطلب منج شي بس لاتفهميني غلط سلامه : آمر هزاع : انا الحين في محنه و .... سلامه : يفداك كل شي يا هزاع هزاع : قبل كل شي .... انتي تحبيني مثل ما احبج ادري ويهي لوح بس ما اقدر اكتم اكثر سلامه مصدومه :انت شو قاعد تقول ...؟؟؟ هزاع : ردي هيه ولا ؟؟؟؟؟؟ سلامه : ما برد ولا بقول ولا كلمه وقامت هزاع : ردي عليه ريحيني الله يخليج سلامه كسر خاطرها وخاصه نبرة صوته اللي تغيرت ... انزين ليش تريد تعرف ؟؟ هزاع واقف وراها: جوابج يحدد مصيري ومصيريج سلامه لفت صوبه : مصيري ومصيرك ليش شو صاير ؟؟ هزاع :انتي ما تدرين شو صاير والحين ما اقدر اقولج ولكن بقولج يوم بتعطيني رقمج عشان اقولج عن اللي مكدر خاطري وعن كل شي انتي ما تعرفين عنه سلامه : رقمي؟؟؟ انت اكيد مب صاحي انت ما تعرف شو بيصير لو يدري أي حد اني كلمتك باليلفون؟؟؟ هزاع : ادري بس انا ما بخون فيكم انا بقولج شي لازم اقوله وما بيكفي الوقت الحين اشرحلج سلامه : ما ادري شو اقولك اوكي انت عطني رقمك وانا بدق يوم بشوف الوقت اوكي هزاع : اوكي رقمي 00000000 مب تنسين سلامه : لا رقمك حلو وما يتنسى هزاع : وين بتروحين ؟؟ سلامه : ما ادري اقعد ولا اروح ... وهذا صوت حصه يايه خلاص بقعد قعد هزاع وسلامه ويتهم حصه .... حصه : سلامي زقري شموه عسب نجهزها تراها تتمريح برع سلامه : ان شاء الله بس أخاف بلاكي برع او حتى عدالها تعرفين اني ما ادانيه حصه : هيه صح نسيت انج خوافه انا بروح بشوف شموه وانتي زقري سرياتي تسبحها سلامه : اوكي سلامه راحت تزقر سرياتي وهزاع ياه احمد وراحو بيت هزاع عسب يشل شنطته اللي زهبتها عويش وايبون ام غانم في طريقهم .............................................. في الحوي حصه من بعيد : شمووووووووووووه يالله تعالي شموه : اريد العب شوي بس حصه : مب مكفنج بسالج انتي غدتج سرياتي ؟؟؟ شموه : هيه تغديت وبطني كبير من الاكل وانا اسوي رياضه حصه تتقرب منها اكثر واكثر : رياضه شوه ان شاء الله ؟؟ شموه : ترى اللي يركب الدرفانه يسوي رياضه بعد شوه انا اسوي رياضه عشان بطني حصه وفيها ضحكه : رياضه هاه ... ولا عشان بطنج لا حول ... يبالج هيفا هههههههه ...اقول خطفي جدامي الحين يالله وخليهم يشلون بلاكي من هنيه شموه : انتي كله تعصبين حصه : هيه كله اعصب ... يالله زين قبل لا ايي صوبي مافيني عليه ها الكلب الغبي شموه تريد تغايض حصه يلست تركض اونها شارده وحصه تركض وراها وقبل لا تدخل شموه البيت طلع عبدالله من الميالس وحصه مالاحظت بس قعد يشوفها من بعيد وهوه مبتسم ودخلت شموه ووراها حصه وكانن هلكانات من الركيض زخت حصه شموه من عقصها وضربتها على ريولها وخطفتها الحمام أما سلامه بهمها تفكر بالموضوع اللي هزاع راح يكلمها عنه.. شوي ابوهن داخل البيت حصه يالسه في الصاله وسلامه على الكمبيوتر تلعب سوليتير ... بو غانم : السلام عليكم شو اخبارج حصه حصه : وعليك السلام بخير الله يسلمك بو غانم : ها شو بتروحون وبتخلوني بروحي اشوف حصه : هههههههههه شفت عاده انت بتلحقنا باجر صح ؟؟ بو غانم : بإذن الله .... اريد جاهي حصه : هناك في الصاله الثانية الدله موطاية تباني ايبها في صالة غرفتك بو غانم : يكون احسن حصه : دقايق وتكون عندك سلامه طالعه من الحجرة : حصوووووووووووووووه حصه وشاله دلة الجاهي : خير سلامه : حق منو ؟؟ حصه : ابوج ..... دقايق وراجعه سلامه : أحمد وين حصه خطفت ينب عنها ولا ردت عليها سلامه يلست تترياها وهيه طايحه على الكرسي حصه : احمد راح ويا هزاع بيتهم وبجاوب قبل لا تسالين عشان ايبون امي واغراض هزاع لأنه بيروح معانا سلامه وهيه مستانسه : قولي والله ييييييييييييييييييياي حصه : سكنهم في مساكنهم ..... هاي شموه ما خلصت سبوح بروح اشوفها وبعدين بروح اصلي العصر مر الوقت ويت ام غانم وهزاع واحمد وشلشلو اغراضهم وقفلو حجرهم لأنهم خلاص بيروحون ويوم عدتهم الساعه ست ونص ركبت سلامه وحصه وشموه وماريا عند الدريول أما هزاع بسيارته بروحه وام غانم ركبت ويا أحمد بسيارته وويهو صوب بوظبي ............................................ في سيارة أحمد أم غانم : هزاع بيخطبون له ... قالك ولا ؟؟ أحمد : هيه بس هوه مب موافق أم غانم : قالت لي امه انه معند المشكله ابوه هوه اللي مصمم أحمد : كلمي خالتي مريم تكلمه وتقنعه والله هزاع وايد مستهم والزواج مب بالغصب أم غانم : ادري هاي حياة وعمر مب يوم ويومين أحمد : إياهاااااااااااااااا ... والله حاله أم غانم : انا قلت حق اختي تكلم ريلها وبنشوف أحمد : زين والله ................................... هزاع مشغل شريط أحمد الهرمي اليديد وقاعد يتسمع الاغاني اللي فيه شوي يرن تيلفونه هزاع يرد ... هزاع : الووووووووو ؟؟؟؟؟؟؟؟؟ : هلااااااااا هزاع : يا حي ها الصوت ؟؟؟؟؟؟؟؟ : اخبارك .... لايكون ملان لأنك بروحك هزاع : عادي يا حياتي ؟؟؟؟؟؟؟ : حياتك ؟؟ هزاع : إلا كل شي انتي الأول والتالي ؟؟؟؟؟؟ : يالله عاد شكلك ناوي تدهن سيري هزاع : سلامه سلامه : عيون سلامه هزاع : حصه وينها عنج سلامه : قاعده ترمس سارة بنت عمي وشموه رقدت ... الله منو يغني ها الاغنية هزاع : أحمد الهرمي تبين الشريط تراه رهيب ما خلى معاناة ما تكلم عنها سلامه : الاغنية حلوة هزاع يطول على الاغنية عشان سلامه تسمع وقالها هذا اهداء " مشتاق لك ميت عليه... وينه بعد عمري ابيه ... بحكيله عن كل اللي صار ... عن غيبته ليل ونهار .. وبلهفتي بحظن ايديه .... وينه بعد عمري ابيه " سلامه : هزاع كله هذا عشاني |
هزاع : انتي ما تدرين غلاتج عندي اصلا انا مستعد اسوي المستحيل عشانج سلامه : انزين شو الموضوع اللي تقول انه ضروري هزاع : أخاف عليج من الكدر بس لازم تعرفين سلامه : خير شو صاير هزاع :انا بدخل في الموضوع سيده بس قبل كل شي تذكري شي واحد وتاكدي منه إني احبج .... بس اهليه ناوين ...... سلامه : ناوين شو ؟؟؟ هزاع وصوته بدى يتغير : ناوين ... ي ... كيف اقولج ؟؟ سلامه : قول عادي وقفت قلبي هزاع : ناوين يخطبون لي وديمه سلامه تصرخ صرخه : شووووووووووووه الجزء الرابع هزاع وصوته بدى يتغير : ناوين ... ي ... كيف اقولج ؟؟ سلامه : قول عادي وقفت قلبي هزاع : ناوين يخطبون لي وديمه سلامه تصرخ صرخه : شووووووووووووه فزت شموه من رقادها ومضيعه ومب عارفه شو السالفه..... لفت حصه صوب سلامه وقالت : شو بلاج ؟؟؟ سلامه ما ترد هزاع : الووووووووو حبيبتي بس ما بوافق صدقيني اباج انتي وبس وانا قلت حق احمد اخوج ..... سلامه ردي عليه وينج هم للحين يشاوروني وانا قلت الهم كلمتي اني ما ابها ولا اريد العرس .. يا روحي يا عمري ردي علي سلامه وسماعة التيلفون بإذنها وتسمع صوت هزاع وتصيح مب قادره ترد ... انشل لسانها ويلست اتصيح..... أما حصه محتشره عليها: شو صاير سلامي ردي عليه انتي منو تكلمين سلامه اشرت بيدها صوب سيارة هزاع اللي كانت جدامهم ... حصه : سكرت عن سارة عشان ما تسمع شو صاير وخلت محدين الدريول يطول على الاف ام عشان ما يسمع شو يقولن حصه : واخيرا دريتي بس كيف يبتي رقم هزاع سلامه : يبته وخلاص .... ليش انتي تدرين بالمصيبة هاي؟؟؟ حصه ساكته ...... سلامه والكلام بالغصب يطلع منها وما ينفهم من الصياح : ليش .... ما .....قلتي ؟؟ كانت سلامه منهارة وويها كله دموع نزلت راسها وهزاع بعده على الخط يترجاها ما تصيح وهيه ماشي ما ترد عليه هزاع : سلامي غناتي لا تصيحين ادري انج مصدومه وتعرفين اني شاريج وما بفرط فيج صدقيني ما بخذها والله ما بخذها لأني اباج انتي ... الله يخليج ردي علي سلامه تصيح وتصيح ... حصه من يسارها تترجاها وتقولها : سلامي رحمي عمرج بعده ما صار شي هزاع : قولي حق الدريول يلف شيشة البترول الحين ... سلامه سمعتيني ولا ؟؟ سلامه ما ترد هزاع يمشي عدال سيارة قوم سلامه ويفتح دريشته وأشر حق محيدين ونزل محيدين دريشته وقال له هزاع : روح شيشة البترول هاي اللي الحين بتي ووقف ورى شوي محيدين : اوكي حصه : شو بلاه هزاع يأشر وحالته حاله ؟؟؟ ميحيدين : هز ا يقول روه شيشا بترول حصه : اها موحيدين يتحرطم بروحه : سيارة متروس بترول ليش هازا نفرات يريد انا يروه شيشااه ما يؤروف ... سلامه بعدها تصيح وهزاع يسمع صياحها ويتقطع قلبة اكثر واكثر هزاع : سلامي بسج صياح خلاص فديتج دخلو شيشة البترول وفيها سوبر ماركت حصه خلت ماريا ومحيدين ينزلون يشترون حق شموه اللي تباه من السوبر ماركت الصغير االلي في شيشة البترول وهزاع نزل من سيارته وراح صوب سلامه فتح بابها ووقف يشوفها أما حصه ما عرفت شو تسوي قالت بتزل صوب شموه هزاع : حياتي سلامي شو ها اللي تسوينه بعمرج .... خليني اشوف ويهج ما طاعت سلامه ترفع راسها ... قال هزاع : تكسرين بخاطري ... اهون عليج ؟؟ حبيبتي رفعي راسج يالله اشوف ..على الاقل عيونج انزين .. على الاقل طالعيني رفعت سلامي عيونها صوبه ويلس بس مب على الارض طبعا يلس وجاسف ريوله وويه بويها وشل بيده شعر قذلتها اللي كان مغطي ويها وقال : صدقيني ما باخذ غيرج وهذا عهد اقطعه مع ربي وجدامج الحين اذا الله قدرني .... يالله اشوف ابتسمي قطعتي قلبي بصياحج ودموعج سلامه تشوف عيونه اللي فيهن كان شويه دموع هزاع : فديتج والله .. و وقف وبدون ما يحس وخى وباس راسها سلامه انتفض جسمها لأنه اول مرة يتقرب منها ها الكثر هزاع : اسمحيلي غصبن عني سلامه احمرن خدودها ونزلت راسها وعيونها هزاع : بروح ايب شريط الهرمي ومن تي حصه تتحركون وما اريد ادموع انزين سلامه : انزين هزاع : صدقيني ما باخذ غيرج سلامه : يالله عشان نلحق على أمي وأحمد هزاع : يالله اشوفج عقب سلامه : الشريط هزاع : دقيقة وراح هزع السيارة وياب الشريط حق سلامه وقبل لا يعطيها قال : سلامه سلامه : هلا هزاع : توني اتاكد انج تحبيني سلامه : ............... هزاع : يعلني اموت في الخط هذا اذا كنت ما افكر آخذج ... والله اني اباج سلامه : بسم الله عليك ... لا تيلس جيه تقول هزاع : والله انج غاليه ... ولو اقدر جان رحت الحين عند ابوج اخطبج منه بس اريد ها السالفه تخلص وافتك ونرتاح انا وانتي سلامه : ان شاء الله هزاع : المهم خذي الشريط سلامه : وينه ؟؟؟ هاته هزاع : تبينه مدي ايدج في مخباتي واخذيه سلامه : احلف انت بسسسسسسسس ... لا ما اقدر هزاع : ههههههههه ليش يعني ... حد قالج المخبى مالي ياكل الايدين الحلوة اللي مثل ايدج ؟؟ سلامه : يالله عاد لا تطول السالفه وهيه قصيرة عطني الشريط هزاع : ههههههههه ... اسولف تراني مب تقولين اني طفس سلامه : حشاك .... بس انت ساعات تمصخها بصراحه هههههههه هزاع : اهم شي ها الضحكه ما تختفي من شفاتج سلامه :يالله قبل لا تي شموه وتفضحنا عند فوم امي هههههههه تعرفها ملسونه هزاع : اوكي عيل ... سمعيه عدل سلامه : ثانكسسسسسسسسسس وراح هزاع صوب سيارته وسكرت سلامه باب السيارة ويلست تتأمل الشريط وتلف وراها وتشوف هزاع من الجامه الورانية في سيارته وتقول بخاطرها " ياليتني قاعده معاك ... عدالك ما يفرق بيني وبينك شي ... ياليتني اسمع ها الشريط معاك .. ولا يشغنب عن شوفك أي شي " شوي إلا شموه تركض صوب السيارة وبحلجها مصاص وبيدها خريطه ( كيسه) كلها حلاوة وجبس ووراها ماريا ومحيدين ....شوي يرن تيلفون سلامه سلامه : هلا حصه حصه : ها شي تبين سلامه : أي شي حصه : يبت لج مثلي سلامه : عيل ليش داقه حصه : بوفر اذا قلتي ما اريد شي وبرد اللي اشتريته اما بما انج تبين بحاسب عنه سلامه : يالله مازطج ... صدق لحفه ههههه حصه : يعل ها الضحكه ما تفارق شفاتج سلامه : يالله بسرعه عشان ما يلاحظ أحمد ان نحن متاخرين عليهم حصه : زين دقايق سلامه : بايوووووووووو حصه : يالله باي وسكرت سلامه التيلفون ويا هزاع مرة ثانية وعطاها كيت كات وقال : ايه خذي ها الكيت كات عشان بس ما تصيحين مرة ثانية .. ولأنه يعيبني وايد سلامه : لا والله هزاع : ترى ادري قلبج رهيف ما يقهر شي سلامه : يالله هاذي حصه يت يالله روح عشان نلحق على قوم امايه هزاع : تروغيني يا السباله ؟؟؟ سلامه : يا شو ؟؟؟ كأني ما سمعت شموه : يقول هزاع يا السباله شو انتي ما تسمعين هزاع : هههههههههههه ويييييييييو تستاهلين سلامه : لا تخليني افر عليك شنطتي الحين شموه : ههههههههه انتي سباله هههههههههههه سلامه : حصه شوفي هزاع وشموه يسبوني حصه : تستاهلين هههههههههههه هزاع : يالله انا تراني بطير بالسيارة مع السلامه سلامه : ايه عن السرعه حصه : محيدين يالله تحرك ... شموه يلسي على ذبان ماريا جدام وكلي عندها شموه : انزين ..... ماريا زخي كيسي وبعد ثلث ساعه حصه تسال سلامه وقالت : ها شو صار وقالت سلامه كل اللي صار وكل الكلام اللي انقال بينها وبين هزاع حصه : ترى للحين اللي صار كلام سلامه : ما اريد مصيري مثلج حصه : تصدقين انا اصلا ما اريد اللي صار وياي يصير لأي وحده غيري سلامه : شو اسوي الحين ؟؟ حصه : ما شي غير يقول حق هله انه يباج وبس سلامه : حزرج هذا الحل حصه : هيه سلامه : لحقي هزاع ما ينشاف شكله صدق سواها وايد يسرع حصه : دقيله وهزبيه سلامه : لا شو استحي حصه : اسميج يايرة الحين تستحين ويوم شو اسمه كان جدامج ومجابلنج ما شي مستحى سلامه : حصووووووووووووه بس عاد حصه : تقول لي توها سارة ان سعود بيسفر رويض ماليزيا وبيقعدون اسبوعين سلامه : اوهوووووووووو انا اريد اروح ماليزيا طبيعتها جنان وحلوة حصه : االحين متى بنروح دبي عسب الفساتين سلامه : اكيد باجر الصبح حصه : NO WAY شو ها تعب سلامه : شو نسوي شموه : انا بروح ويا ماما باجر محل الأطفال عشان اشتري فستان حصه : قالت لج ماما ها الكلام ولا تألفين كالعاده شموه : ماما قالت ... حتى بابا عطاها فلوس وايد سلامه : جب فلوس وايد تتكلمين جنج ما شايفة خير شموه : هههههههههههه انتي شو تقولين سلامه : جب اقولج.... انتي تضحكين على خيبتج شموه : هههههههههههههه هههههههههههههههه سلامه : ينت شموه حصه : ههههههههه حرام عليج كله ولا شموه حبيبتي سلامه : وانا عيل مالي رب وحليلي حصه : في حد غيرنا بيدلعج سلامه : فديتهم والله حصه : هيه الحين هاه .... موحيدين يالله اسرع سلامه : ناويه تنفدينا اليوم حصه : لأ يا الغبية ... اريد الحق هزاع عشان اقوله اللي سمعته توني خله يطير من الفرحه سلامه : يا ويلج حصه : ما اظن وحده تلقى واحد مثل هزاع وما تقعد تفكر فيه سلامه : صدقج ... بصراحه ها الولد غير غير غير ... آآه يا قلبي كم بيتحمل حصه : سكتي يا بوج ترى اذن شموه واصله الدبة هههههههههه سلامه : هههههههههههههههههههه ويلسن يسولفن وشموه في عالمها جدام ساعات تنود وترقد وساعات تاكل من ها الحلاوة ........................................ في سيارة احمد أم غانم تلكم احمد : من وين بناخذ عشى ؟؟؟ أحمد : ما ادريبكم بشوف أم غانم : تعرف انه ما يعيبني أي شي أحمد : ما عليه وانا بعد بشوف خواتي من وين يبن لأنهن يحبن ماكدونالد وربعه أم غانم : والله اشك انهن بيتعشن اكيد مسويات رجيم أحمد : حركات الرجيم ما خلصن أم غانم : هههههه لا مخلصن يرن تيلفون أم غانم أم غانم : الوو ريم : هلا عمتي شو اخبارج أم غانم : الحمدلله بخير ريم : ها شو وصلتو ؟؟ أم غانم : هيه وصلنا البلاد ريم : هيه زين .... شو عن الموضوع الحينه ؟؟ أم غانم : من يخلص عرس سعيد خلاص بفتح الموضوع ويا ابوها ريم : هيه عمي في البيت متى بيلحقكم أم غانم : باجر ان شاء الله بيصبح عدنا في بوظبي ريم : هيه عيل خلاص بخبر امي انه ان شاء الله بعد عرس سعيد كل شي بيصير أم غانم : هيه وسلمي عليها ريم : ان شاء الله يوصل .... ايلس يا سهيل أم غانم : شو بلاه سهيل ريم : يضرب اخته أم غانم : هيه ..... يالله مع السلامه ريم : مع السلامه أحمد : شو السالفه ام غانم : بتعرف كل شي بعدين مب الحين أحمد : لا صدق شوتبا ريم أم غانم : كل خير أحمد بخاطره أي خير ... هاي اصلا ما شفت منها الخير من دخلت بيتنا .............................. حصه : بتصل بلطوف مليت سلامه : سلمي عليها حصه قاعده ترمس ربيعتها لطوف يلست سلامه تلعب في التيلفون مالها طرش هزاع المسج الأول ويقول فيه " احبــــــــــــــج وأخيـــــــرا اقدر اقولها وانا مب خـــــــــايف " ترد عليه سلامه " وانا بعد ما تأكــــــــــــدت من حـــبـــك صرت أمووووت فــــــــــيك " يرد عليها هزاع " تموووتين فيــــــــــني بس ؟؟؟ يعنــــــي ما تحبــــيــــــني ؟؟ " ترد سلامه " انا مب بس أموووت فيـــــــــك إلا أحبــــــــــــــك حـــــــب ما حبــــــه حد قبل " هزاع " يا ويل حالـــــــــي كيف برقد اليــــــــوم " سلامه " عيــــــــــل انا شو اقوووووووووووووول " هزاع " ليتني موحيدين .. عشان وانا اسوق طول الوقت اشوفج ..فديتج " سلامه " هزاعووووووووه .. تريد تكون موحيدين .. ما اتخيل .. صدقني بكرهك ويا ريحت التاتا اللي في راسك هههه " هزاع " ايه يا الغبية خذي الموضوع برومنسية مب بالعبط مالج هذا " سلامه " هههههههههه ضحكتني والله " وتمو على ها الحال لين ما وصلو بوظبي دخلو البيت ونزلو الأغراض ام غانم يلست تشوف البيت واللي يباله من تعديلات وترتيبات ويلست وياها شموه أما حصه وسلامه قالن ما نقعد ابدا في البيت وتعلقن بأحمد حصه : أحمد وين بتروح أحمد : شو تبين فيني ؟؟ ما احيدج حرمتي عشان تتخبريني سلامه : شو حرمتك ما حرمتك ...... بتودينا وياك أحمد : وين تبن يا بوي هزاع يترياني بنروح المارينا وبعدين بناخذلكن عشى ورادين حصه : ريلنا بريلك خوياتك نحن ودنا عاده هزاع يهرن في حوي البيت ويتريا أحمد سلامه : انا بعباتي ما عقيتها الله يخليك ما بنحوم وايد حصه : الله يخليك أحمد : اسميكن بلى وانا ابتليت والله يعين اللي بياخذكن . ما بيتفجج منكن ومن حنتكن حصه : وراك يعني سلامه : حمادوووووووه يالله عاد قول يالله أحمد : اففففففففففففف .... خطفن أم غانم : وين تبون ؟؟؟ أحمد : بوديهن معايه أم غانم : مب بسكن من الحوامه سلامه : متى حمنا حصه : ها شو الحين أم غانم : روحن بس وراكن تركيض في البيت سلامه : عادي أحمد : يالله لأن هزاع حرق تيلفوني سلامه : بنركب سيارة هزاع ياي أحمد : انتي ودج من زمان هاه سلامه استحت وركبو سيارة هزاع واستغرب هزاع : هلا والله ببنات خالتي أحمد : لصقن فيني ولا تفججت منهن حصه : لا والله أحمد : هزاع عليك بسوق المينا .... بنبيعهن هههههههههههههه هزاع : هههههههههههههه حصه : لا والله جيه شو هوش نحن سلامه : وجان ازعل أحمد : زعلتي سلامه : يعني أحمد : دقي راسج في الجامه هزاع : ههههههههههههه لو مكانج بنزل من السيارة سلامه : عادي ردوني البيت ما اريد المارينا خلاص هونا هزاع : كله ولا زعل سلامي أحمد : صارت سلامي هزاع قفط ... سلامه استحت حصه : الحين شو اريد من هناك أحمد : خمي كل المحلات وعقب رجعي البيت هزاع : اها جيه يعني والله انا اللي فاقرني في البيت عويش سلامه : ليش؟؟؟ هزاع : ما تختلـف عنكن ابدا حصه : هههههههههههه أحمد : الله يعينك لو بتاخذ وحده مثلهن ههههههههههههه سلامه : هههههههههههههه ومر الوقت ووصلو المارينا من بعد الزحمه أحمد: حصه وين تبين حصه : اريد كان كان واريد اروح يعني المحلات مال الثياب أحمد : اها وانتي يا سلموه سلامي : اريد عدسات ملونه ونظاره شمسية ما ادري محتارة أي ماركه للحين بروح اشوف هزاع : ها شو اتفقتو ولا انا بروح عيل الكوفي فوق أحمد : يابوي انا بروح ويا حصيص وانت روح ويا سلامه هزاع ما صدق ولا حتى سلامه استانسو حصه تقربت من سلامه وقرصتها وقالت : ثقلي سلامه : زين احمد : بدق لك يوم بنخلص أحمد وهوه يمشي ويا حصه قال : تعرفين حصه : شو ؟؟؟ أحمد : كلمت امي بخصوص هزاع وقالت ان خالتي مريم بتكلم ابوه عسب يغيرون رايهم بخصوص عرسه وجيه حصه : يعني في الموضوع هذا كله في أمل أحمد : هيه بس انا ما قلت حق هزاع عشان يكون الخبرمن اهله احسن حصه : هيه أحمد : صدقيني ما بنلقى أحسن من هزاع يناسبنا والله ان له معزة كبيرة حصه : ادري ... استغربت كيف خليته يروح ويا سلامي أحمد : ولد خالتها شو بيسوي يعني خله .... من متى وهوه بينا ... هوه وين الحين في مكان عام مع بنت خالته في السوق وانا هنيه شوي وبتلقينهم لاحقينا وبيخلص حايتها بالمرة حصه : ندخل ها المحل أحمد : دامج قلتي ندخل يعني ندخل ................ ________________________________________ هزاع : ما اصدق سلامه : شو هزاع : اول مرة انا اوديج السوق ولا نمشي بروحنا بعد جني ريلج سلامه وهيه مستحيه : شو ها الرمسه هزاع : لا صدق بتخبل والله سلامه : مستانس هزاع : من كل قلبي سلامه : انا ما ادله مال النظارات هزاع : انا ادله سلامه : اليوم عمري ما بنساه هزاع : هي والله وفي محل النظارات كانت وحده هناك تتشرى وجيه من دخل هزاع يسلت تطالعه سلامه تنغز هزاع بالكلام وتقوله : مب جنها تطالعك وايد هزاع : هيه لاحظت شو بلاها سلامه : لا يكون تعرفها من وراي هزاع : ايه شو ها الكلام يخسي اتعرف انا على ها الأشكال .... يالله شوفي شو تبين يت ها البنت اللي مب متغشية و مـتـــزرزرة على الآخر ووقفت عدال هزاع ولا عليها من سلامه وقالت: هلا .. ما عرفتني... مب انت هزاع هزاع ومعتفس ويهه : هيه هزاع بس انتي منو ؟ ............ : انا مره انت خالفتني في الشارع لأني مركبه مخفي هزاع : انا وايد اخالف ناس المهم شو تبين الحين ............. : لا حبيت اسلم بس سلامه معصبة وبتموت من القهر ومب رايمه تسوي شي هزاع لف عنها وصد صوب سلامه وقال عشان يقهر هاذيج : يا عمري شو اخترتي سلامه : بعدني اشوف .............. : يالله عيل هزاع : باي ..... بلي ما يحفظج سلامه : منو هاي بعد هزاع : كنت مداوم وماشي وقفتها بشارع خليفة وخالفتها عاد هيه حركات وجيه تقهر سلامه : اففففففففففففففففف هزاع : يا بوي حطي ايدج بماي بارد انا مب راعي ها السوالف سلامه : اخترت ها النظاره شو رايك حلوة عليه ولا هزاع : اشوفج يا ويل حالي النظارة وراعيتها حلوين اللي تشتغل في المحل : النظارة كتير لابئت لك و كتير حلوة ومهضومه سلامه : اوكي باخذها واريد لو سمحتي عدسات لونهن بنفسجي هزاع : بنفسجي سلامه : بيطلعن حلوات انت الحين منصدم من اللون بس على اللبس غير هزاع : عيونج بلا عدسات جنان ... شو تبين تلبسين عدسات بعد ....................... : تعي الغرفة والبسي اللي راح يعجبك بس انتي أي لون بدك ؟؟ سلامه : هزاع ترياني اوكي ما بطول دقايق بس .... قلت اريد لون بنفسجي .................. : موجود تفضلي سلامه حطت العدسات وطلعن جنان على عيونها وطلعت لهزاع هزاع تخبل قال : ما توقعت جيه يكونن سلامه : يالله خلصت هذا كل اللي اريده ............... : بدك النظارة والعدسات والغسول طبعا بتاع العدسات وراح احسب لك كل شي دئيئة بس سلامه : ها شو بلاك ساكت هزاع : ما شي وخلصو ودفعت الفاتورة وراحو بعد محايل لأن هزاع قال بيدفع وسلامه ما طاعت ودقت سلامه على حصه عسب تيها في أي محل هم فيه وراحو صوبهم وعقب ما خلصن مشترى طلعو من المارينا وراحو عسب ياخذون عشى اتصل أحمد بأمه أحمد : ها شو تبين عشى ؟؟ أم غانم : من الفوار اريد شيطاووق واريد شجف أحمد : فاالج طيب أم غانم : مب تتأخرون أحمد : لا مخلصين بنطلب وبني سيده ام غانم : يالله عيل ... شموه لا تحسبونها كلت اندومي وبترقد أحمد : اوكي عيل .....مع السلامه هزاع : ها وين الحين ؟؟ أحمد : الفوار ... شو تبن تطلبن من الفوار ؟؟ سلامه : اريد امممممممممممم خلني افكر حصه : انا اريد كباب وعصير رمان هزاع : رمان من زمان ما شربته شكلي انا بعد بطلب رمان سلامه : انا اريد رمان بعد اما السندويش اريد شورما دياي ثنين أحمد : على بالي بتسون رجيم و سلامي طالبه دبل هههههههه سلامه : شو يوعانه من اصبحت ما كلت شي هزاع : هههههههه .....احمد شو بتطلب أحمد : كباب وافوكادو سلامه : انا اريد الرمان صغير اما حصه وسط أحمد: وشو بعد حد يبا داخل سندويجته ثوم ولا تبوله ولا شي من ها السوالف حصه : ما فيني على الثوم خله يحط تبوله بس سلامه : هذا الطلب كله عرفته ولا أحمد : لا والله شو تشوفيني ثور ما افتهم سلامه : ههههههههههههه منو قال أحمد : جب جب سلامه : فديت خشمك ترى على حسابي العشى هزاع : لا عليه انا والله عليه أحمد : يا ريال وين تبا عليه انا سلامه : انا قلت اول وحده عليه أحمد : علي انا ما عليه منكم هزاع : انا حالف أحمد : انت دومك جيه هزاع : طالع عليك أحمد : ههههههههههههههه هزاع : شوف منو هنيه المعرس سعود ولد عمك راكب معاه خميس الظاهري حصه من قال اسمه اكتأبت شوي بس قالت في خاطرها ما يستاهل اللي اسويه بعمري أحمد : ديم له هزاع : يبالهم والله وشافهم سعود وهرن الهم وبعدين وقف هزاع عدال الفوار وطلبو ويلسو يلفون بالشارع لين ما خلص الطلب ومن خلص الطلب ردو البيت في الصاله حاطين العشى وسوالف ويوم عدتهم الساعه 12 إلا ربع حصه : اميه باجر بنروح دبي صح وابوي شو بيسوي بروحه عيل في البيت أم غانم : ابوج عنده ربعه في بوظبي وبيلتهي معاهم ... بنروح الصبح تزهبـن بسرعه أحمد : او انا ما بوديكن روحن ويا الدريول سلامه : لا والله .... احلف انت بس أحمد : ايه لا تخليني افرك الحمص اللي بيدي على ويهج سلامه : ههههههههه ضحكتني وانا ما فيني ضحكه حصه : ويه عفسه من الحين بنرتب وين بنروح هزاع : انا بروح الغرفه تامروني بشي أم غانم : هزاع انت بتنام ويا أحمد ولا ؟؟؟ لأني خليت البشكارة ترتب لك غرفة الضيوف اذا بغيت تاخذ راحتك وترى البيت بيتك هزاع : برقد بغرفة الضيوف أحمد : ليش يعني ما تبا تنام عندي هزاع : ما اريد اغثــك أحمد : يا بوي شو ها الرمسه ما فيها ازعاج ولا شي صح انك ساعات ترفسني ترفيس بس اتحمل لأنك حبيبي ههههههههه هزاع : ههههههههههههه فضحتنا .... يالله تصبحون على خير ......... كلهم يضحكون ......... ام غانم : وانت من اهله حصه : انا بعد بروح بس وين ماريا ما تنظف المكان سلامه وهيه تطالع هزاع رايح : انا برتب اغراضي وبشوف اذا حد متصل على موبايلي ولا هزاع فهم التلميحه وروح غرفة الضيوف ومعاه أحمد يمشون في الممروبعدين دخلو الحجره أحمد : ها كل شي اوكي في الغرفة هزاع : هيه بس بروح انزل شنطتي من السيارة أحمد رن تيلفونه : يالله عيل بروح حجرتي وان بغيت شي دق لي اوكي هزاع : اوكي...... وبسك من المغازل أحمد : يا ريال هزاع : شوي شوي عن تدعم في الباب روح أحمد حجرته وهوه يرمس في التيلفون أما هزاع طلع وياب شنطته من السيارة ودخل الحجرة وحط شنطته وطلع ثيابه وتسبح وبعد ما خلص طلع من الحجرة وروح المطبخ فج الثلاجه طلع دبة ماي العين وخذها ....شوي سلامه وبدون ما تدري وهيه لابسة بيجامه الحبيبة وما توقعت أنه هزاع هوه اللي يخرخش في المطبخ دخلت ومن شافته فجت عيونها وتفشلت منه هزاع وهو مستغرب: سلامي !!! سلامه : انت هنيه ؟ ..........وركضت سيده الحجرة سلامه : لحقيني يا حصوه حصه وهي منسدحه على الشبرية : شو بلاج ؟؟ سلامه : تخيلي شافني هزاع وانا جيه حصه : تستاهلين منو قالج تطلعين جيه سلامه : انزين انا شو دراني افففففففففففف ويهي محترق حصه : حشرتيني خليني انام سلامه : انا كيف بنام حصه : حطي راسج على المخده ونامي سلامه : ما اقدر .... فديته كله على بالي حصه : مشكلتج سلامه : او توني تذكرت أني عطشانه حصه : روحي شربي ماي سلامه : وهزاع حصه : اكيد في الحجرة واذا تبين تتأكدن دقي عليه وسأليه انت وين وخلاص سلامه : فكرة حصه : صدقتي يا راسج شو تبينه يتلوم ؟؟ سلامه : او صح خلاص بتريا عشر دقايق وبروح اكيد بيكون راح هزاع دخل الحجرة وكله في باله شكل سلامه وحركاتها وكلامها وصوتها وضحتكها وطاح على الكرفاية ولا ياه الرقاد ويقول بخاطره ادق ولا ما ادق ... سلامه طلعت وراحت المطبخ ويوم رجعت لقت أحمد يهازب حد في التيلفون وصوته طالع مع انه كان في غرفة الطعام وهيه شوي بعيده من المطبخ وسمعته يقول : مشغول التيلفون ها الوقت ليش ؟؟ بس ها اللي سمعته وراحت الحجرة لأن هالشي ما يخصها ... وسلامه بعد ما ياها الرقاد وتمت سهرانه شلت تيلفونها بيدها ويلست في بلكونة الميالس كان فيه كرسي هناك محطوط وكان الجو فنان وشافت الكراج وما لقت سيارة هزاع استغربت ...... أما هزاع طلع بدون ما يخبر حد وراح يتمشى على شارع الكورنيش على البحر يفكر بسلامه وشو بيسوي وبخصوص وديمه و ويفكركيف ومتى بتعدي ها السالفه على خير ..... سلامه مستهمه وتفكر بهزاع طرشت له مسج " هزاع وينك ؟؟؟ " يوم وصله هزاع المسج استانس ورد عليها " سويت حادث وانا الحين مرقد " .... سلامه طاح قلبها وسيده دقت تأخرهزاع ولا رد بسرعه على التيلفون بالعماله عشان بس يشوف شو بتسوي وبعد كمن رنه رد هزاع سلامه وهيه زايغه وقلبها بريولها : هزاع شو صاير ... شو بلاك انت بخير هزاع : هههههههههه ... صدقتي سلامه وهيه معصبة : جيه يعني ؟؟؟ تلعب بأعصابي ... باي هزاع : صبري بس حبيت اشوف اشكثر تخافين علي سلامه : وشوه شفت ؟؟ هزاع : تخافين وايد فديتج والله .... لا تزعلين من الحركه سلامه : لا بزعل وباخذ بخاطري هزاع : افاااااااااااااا .... اهون عليج ؟؟؟ سلامه وصوتها فيه ونت حزن : ماتهون بس انت خوفتني والله .... وانا ما اتحمل يصيبك شي هزاع : خلاص حبيبتي .. بس انتي شو مسهرنج للحين ؟؟ وراكم نشه الصبح سلامه : اللي مسهرنك مسهرني...... صح ما قلت انت وين هزاع : على البحر اتمشى سلامه : اها ... وانا على بلكونت الميلس ...والحين بدخل داخل هزاع : يالله ديري بالج على عمرج سلامه : وانت بعد هزاع : يالله باي سلامه : باي وعن ها المقالب الثقيلة هزاع : ههههههه من عيوني سلامه : باي راحت سلامه ورقدت بعد ما اطمنت على هزاع..... وهزاع من سكر منها رجع البيت ورقد سيده .................................. الصبح نشت حصه وسلامه بالزور أما شمه تناقز من الصبح في الحوي ما خلت شي ما لعبت فيه من مللها يا حليلها وأم غانم تزهبت وتريقو كلهم وراحو صوب دبي يتشرون وجيه يا وقت الغدى وكانو في الشارجه في مركز صحارى بيتغدون هناك راحت حصه تطلب حق امها مشاوي لأنها ما تحب وايد هارديز وربعه أما سلامه قالت بتمشي شموه شوي اتصل أحمد حق حصه أحمد : هلا حصه ها وين انتو حصه : اهلين ... نحن في صحاري بنتغدى أحمد : وانا هنيه بعد ويا هزاع مواعدين حصه : لا والله أحمد : شو تطلبين الحين اكل ولا .. لأني ميت من اليوع حصه : هيه توني شو بتي صوبي أحمد : وينها عنج سلاموه حصه : تحوط شموه شوي أحمد : عيل انا توني داخل صحاري خلاص بي اللحين صوب المطاعم .. بسألج قاصرنكم شي حصه : لا والله الحمدلله كل شي اوكي بس بعدني ما خذت جوتي كعب حق الفستان اللي لقيته لأن لونه غريب عرفت أحمد : ما عليه يالله عيل باي حصه : باي كملت حصه وسلامه يايه من صوب السينما هيه وشموه راحين صوب حصه وأمها .. سلامه شافت هزاع وأحمد يمشون ويتكلمون ما صدقت قالت مستحيل هم دقت سيده حق أحمد ورد عليها سلامه : أحمد انت هنيه أحمد : يسلمون أول شي سلامه : لا صدق انت اللي جدامي تمشي ولا واحد يشبهك أحمد : هيه انا خير شو تبين ؟؟؟ سلامه : وووووووووووووول ...... صدق دفش ما اريد شي باي أحمد : باي باي والله بترجاج انا سلامه : حووووووووووووو انا اختك الحبوبه احمد : وين تبين هههههههههههه والله انج بلشه .... يالله خطفي جدامي راويني وين يالسين سلامه : زين وسكرت عنه ومشو ويا بعض وقعدو في الطاولات اللي تحت وتغدو وقعدو يسولفون أحمد : خلصتو شغلكم كله ولا بعدكم أم غانم : بعدنا في اشياء بس انا تعبانه الحين اريد اوطي راسي شوي وارتاح شكلي بحجز في ابراج الإمارات أحمد : انا بحجزلكم ريحو ويوم يعديكم المغرب جيه طلعو ورحو كملو شغلكم الباقي أم غانم : خلاص عيل .. الحين بدق حق محيدين بشوفه تغدى ولا عشان أي صوبنا لأن بنروح معاه حصه : ياي والله وناسه شموه : اريد اللعب انا ما لعبت وايد هزاع : تعالي بلعبج انا أم غانم: أحمد شو اخباره ربيعك الي يتو تزورونه عساه بخير أحمد : بخير يقولون احسن عن قبل بس ريوله شوي يبالهن علاج طبيعي وبرع والحين طالبين له تقرير حصه : منو هذا وشو صاير عليه أحمد : واحد من ربعي مسوي حادث سلامه: ياحليله هزاع : المهم انا بودي شمه تلعب احمد فيك شده ولا احمد : بتصل الأبراج عسب احجز هزاع : اوكي عيل انا بكون ويا شموه اتصل اذا تريد شي أحمد : اوكي سلامه : بروح آخذ لي اسكريم باسكن روبنز بس بعد شوي شموه : انا ابا سلامه : زين بس بعد ما تلعبين باخذلج اوكي حصه : وانا بعد سلامه : قولو شو تبون يالله قالو شو يبون واتريت سلامه شموه تخلص من اللعب ويلست حصه تسولف ويا أمها وحجز أحمد حقهم سويت في الأبراج وراح يخلصلهم كل شي أما هزاع قال بيلحقه عقب وراحت سلامه تزقر شموه عشان تطلب شو تبا....وراح هزاع معاهن وطلب حقهم الأسكريم وقال حق سلامه : يالله الحين انا بروح بلحق بو شهاب سلامه : اها يعني ما بتاكل الاسكريم معانا شموه راحت صوب حصه عشان تاكله هناك عندهم هزاع وسلامه بعدهم داخل باسكن روبنز ومحد كان فيه غيرهم واللي يسوي الطلبات دخل ما ادري شو يسوي وفتح هزاع اسكريمه وقال : منو قال اني باكله بروحي وحط صبعه في الأسكريم وقال حق سلامه شوفي عباتج شو عالق فيها .... طبعا قص عليها ومش الاسكريم على خشمها وروح وهوه يضحك سلامه : هههههههههههه ما عليه جيه تسوي يعني انا براويك ... تخيسني هاه هزاع : حلوة حتى لو الأسكريم مخيس خشمج سلامه : مشت الأسكريم وراحت صوب حصه وامها وهيه حمرة من حرقت الويه اللي صارلها ويا هزاع .....وبعد ما كلو الأسكريم ركبو ويا الدريول وراحو الأبراج أما هزاع لحق أحمد عشان يكملون حواطه في دبي طبعا يتمشون بشارع الضيافة والحاله حاله أما حصه وسلامي متلعوزات ويا الأكياس ندمن لأنهن ما يابن ماريا معاهن ........ استراحو في الأبراج والمغرب طلعو كملو مشترى ورجعو بوظبي فليل .................................... توهم بيدشون البيت حصه : امي ابويه وصل متى بوظبي اشوف سيارته أم غانم : هيه كلمته وصل الضحى بس راح عند ربعه مال الدوام ويا البيت العصر جنه حصه : اها ..... وحشني شموه وهيه تناقز وترابع : ابويه ابا اروح اشوف ابويه وين قاعد سلامه : شوي شوي يوم يدخلون البيت هزاع يكلم أحمد : انا بروح عند ربيعي ناصر عنده موضوع وبروح اشوف شو عنده احمد : هيه اوكي ....... انا برقد تعبان بصراحه هزاع : والله لو اني تعبان بس شو اسوي ما رمت ارد الريال أحمد : الله يعينك وروح هزاع صوب ناصر اما احمد يرن تيلفونه ما يرد وآخر شي اغلقه أما حصه وسلامه سلمن على ابوهن وراحن يرتبن الأغراض وشموه سيده سبحوها ورقدت وأم غانم راحت ويلست عند بو غانم يتكلمون وجيه حصه وهيه تسولف ويا سلامه دشت عليهم هيلدا حصه : هيلدا سلامه : وينها حصه : شو اخبارج هيلدا هيلدا : اوكي .. how are you …. Now you are beatiful and younger حصه : هههههههههههه متى يتي من بيت عمي ؟؟ ومنو يابج ؟؟ هيلدا : بابا .. وين أحمد حصه : فحجرته هيلدا : متى عروس ؟؟؟ انتي حصه : ههههههههههه تو الناس بعدين هيلدا : لا مافي بعدين ههههههههه الحين لازم حصه : سلاموه سمعي الرمسه اللي يقول عندها ريل وانا اقول لأ ههههههههه سلامه : ان شاء الله قريب .....هيلدا شو اخبار عيالج في بلادكم ؟؟؟ هيلدا : اوكي وقعدو يسولفون وياها وهيه بشكارتهم من يوم كانو يهال بس خذوها قوم عمها لأن قوم حمد طبعا يلسو في العين وهيه مع منو بتقعد في بوظبي وما هانت عليهم وخلوها تشتغل في بيت عمهم وايطرشونها على ابوهم حمد اذا كان في البيت بروحه عشان تعدل البيت وتخدمه وجيه وهيه وايد حبوبه وربتهم من يوم كانو صغار .................................... في سيارة هزاع يتمشى هوه وناصر ربيعه في شوارع بوظبي هزاع : شو اخبارك يا ناصر وينك ما ادق ولا تسال ناصر : موجود بس تعرف الدوام مالي ما يساعد ...... انت بايت عند منو؟؟ هزاع : عند ولد خالتي احمد ما تعرفه..... المهم الحين وين تداوم في ادنوك بوظبي ولا ناصر : هيه آخر الأسبوع اما في بيتنا اللي في العين او بوظبي هزاع : اها زين والله ..ذكرتني خلاص ما بقى على اجازتي شي ناصر : ما سافرت ليش ها السنه ؟؟؟ هزاع : شويه ضروف ناصر : لا تطري الضروف هزاع : صح قولي شو السالفه ؟؟ شو صاير ناقصنك شي ؟؟؟ ناصر : الخير موجود بس الموضوع وما فيه اني .... هزاع : انك شو ؟؟؟ لا يكون ناصر : هيه والله انا احب ..... تصدق كلمت وايد بس الحين حبيت هزاع : تتكلم جد ناصر : انا ما كلمتها بس شفتها ومن شفتها احس اني انشليت خلاص ما شي في بالي غير عيونها ومشيتها .. ما ادري شو اسوي هزاع : ومن وين هيه ناصر : هيه من العين .. فديت العين صرت مطيح في العين بس عشان لو صدفه اشوفها ... اريد اخطبها خلاص هاي اللي احس انها ردتني عن المغازل واللعب وكل شي .. هزاع : تصدق انك صدق تحب وقصتك عجيبة ... واذا ناوي تخطب كلم اهلك ناصر : ان شاء الله قريب هزاع : ان شاء الله نحضر عرسك ونفرح بك بسرعه ناصر : تصدق من يوم ما شفتها احس اني لازم اقول اللي بخاطري حق حد ومالقيت غيرك يفهمني هزاع : يا ريال ناصر : تصدق احس اني مرتاح شوي ... حلوة حلاه ما شفت مثلها هزاع : يا ويل حالي انا ... لو ايوز اني اشوفها جان قلت لك راوني اياها بس منقود ولا شو الراي ناصر : هههههههههههههه طبعا منقود ها اللي ناقص يلسو يسلفون ومر الوقت ووصل هزاع ناصر بيتهم اللي في المشرف ورجع هزاع البيت واغلق التيلفون وتسبح ورقد .... وكل البيت في ها اليوم رقدو من تعب الروحه لدبي والشارجه .. اليوم الثاني الساعه 9 الصبح شموه تدق الباب على حصه وسلامه شموه : فتحو الباب اريد فستاني ..... فجوه يالله الحين حصه سلامه محد يرد عليها شموه وهيه شوي وبتصيح : فجو الباب .... ماما ما يفتحون الباب اريد فستاني أم غانم : مب لازم الحين هن راقدات الحين شموه : اريده الحين يعني الحين اريد اقايسه ماما قوليهم يفتحون أم غانم : لا ادقين بيضربنج لا تأذينهن شموه وهيه تصارخ : ابا فستاني .... تدق الباب بلقو انتبهت حصه وقامت معصبه وقالت : شموه والله ان ما خزتي عن الباب لكفخج تكفيخ شموه : اريد فستاني حصه وهيه تصارخ : ماشي بعدين مب الحين انا تعبانه وراقده شموه تدق أكثر وأكثر وتصارخ تبا الفستان تنش حصه وتفتح الباب وتمسك شموه من طرف ايدها وتضربها ضربه على كتفها وبالقو وصاحت شموه وقالت حصه : لو تموتين الفستان ما بعطيج اياه الحين ادبا لج .... شو ها ودخلت حصه والله كملت رقادها ولا جنه شي صاير...... الساعه 11 شموه وام غانم راحو صوب أم سعيد عشان يشوفون شو مجهزين وجيه أما بو غانم روح صوب واحد من ربعه في مدينه الضباط خاصه لأنه متقاعد لو انه مب كبير وايد في السن.... وأحمد راقد وهزاع بعد ..... الساعه 2 الظهر قام أحمد وهو هلكان ويلس في الصاله دق تيلفون على هزاع لقاه مغلق قال بخاطره اكيد راقد ..... شوي طلعت حصه بكشتها أحمد : بسم الله أم دويس حصه : هاهاها لاوالله ما تشوف شكلك منو مصفعنك أحمد : جب انا اخوج الكبير عادي اسبج حصه : جب يجبك ههههههههههههههههه والله انك متفيج اللي يسمعك يقول اكبر عني بعشرين سنه احمد يتمغط ويقول : وينها أم السعف واللييف حصه : بعدها منخمده أحمد : اوووووووو داق على بالي اطفربها حصه : بتتغدى ولا ببتريق ؟؟؟ يعني تباني اقولهم يسون كورن فليكس حقي بس ولا ؟؟؟ لأني ما اشتهي الغدى الحين أحمد : ولا انا ... بتريق الظهر... هه هه ... والله حاله حصه : بروح اقول حق هيلدا وبتلبس وبتسحى لأني ازيغ بصراحه احمد : توج تدرين انج تزيغين .... ومتى يت هيلدا ياحليلها والله تخيلي انها غيرة حفاظاتنا كلنا هههههههههه والله عمر والأيام تمر حصه : ههههههههه ما تذكرت غير البامبرز ما تذكرت يوم كنت تروعها يوم تلبس الأقنعه هههههههههههه أحمد : ههههههههههههه انتي تتذكرين يا راسج حصه : كبرت هيلدا بس تصدق ماشي مثلها احمد : زقريها بسلم عليها حصه : دقايق يلس أحمد يجلب بالتلفزيون وراحت حصه صوب هيلدا وقالت الها تروح صوب احمد وسوت الكورن فليكس حقهم وسولفت ويا أحمد في الصاله وخلصت حصه من السحاي وتلبست وحطت شيلتها على رقبتها ويلست ويا أحمد في الصاله مطولين على اغنية محمد عبده " لنا الله " ولا يدرون بالدنيا .... عقب ربع ساعه تدخل هيلدا ووراها سارة ..... دخلت سارة ومن شافت أحمد تخبلت واستحت راحت حصه وسلمت عليها سارة: السلام عليكم حصه وأحمد : وعليكم السلام حصه : يا هلا ..... شو ها المفاجأة .... اش عنه ما ادقين سارة : دقيت بس كله يعطيني مغلق حصه : هيه ما فيه جرج وطبيته ما جرجته أحمد وهوه اول مرة يكلم سارة بها القرب وخاصه انه ما يروح صوبهم وايد : شو اخبارج سارة سارة عينها بعينه : بخير يسرك الحال ويدخل سعيد : هود هود احمد : اقرب بو عسكور .. محد غريب حصه بدت تعرق وتنشف ولو كان بيدها جان اختفت ودخل سعيد : هلا بو شهاب علومك ..... توايه هوه وأحمد ويلسو كلهم سعيد : شو اخباركم وشو اخبار عمي حمد أحمد : الحمدلله بخير سعيد : شو اخبارج يا حصه وشو الجامعه حصه وبكل برود : تمام سعيد : زين والله .... المهم انا يبت سارة وحطيها بعينج حصه وبخاطرها تفلعه بالمله اللي جدامها : ما يحتاي توصي على سارة سعيد لاحظ انها متضايقه : تراني اسولف أحمد : هههههههههههه لا تخاف على سارة بس اقل شي نسويه فيها نخبلها سارة : هههههههههههه حصه : ههههههههههههههه سمعتي سعيد : ادري فيكم تخبلون بلد أحمد : ها المعرس اشوفك محلو وصاير ترتوب هاه سعيد : عيونك الحلوة .... بس انت عارف لازم شوي نتزقرت حصه بتموت من القهر وتقول بخاطرها : ليته يحس .... ليش ما يحس .. ولا كأنه كان بينا شي نشت حصه وخذت سارة الحجرة وهيلدا حطت اغراض سارة في الغرفة وسلامه ولا تدري بالدنيا أما سعيد روح بعد فترة .... ويلس أحمد في الصاله يتذكر نظرة سارة وحلاتها ويقول بخاطره : ما كنت ادري انها حلوت جيه رن تيلفون أحمد ما رد عليه ......ورد التيلفون يرن ويرن ويرن أخر شي رد أحمد : الوووووووووو خير ؟؟؟؟؟؟؟؟؟؟؟؟؟ : لي متى بتم تعذبني ؟؟ ________________________________________ الجزء الخامس رن تيلفون أحمد ما رد عليه ......ورد التيلفون يرن ويرن ويرن أخر شي رد أحمد : الوووووووووو خير ؟؟؟؟؟؟؟؟؟؟؟؟؟ : لي متى بتم تعذبني ؟؟ أحمد : خلاااااااااااااااااااص انا ما اريد اتكلم كرهت ها الصوت ؟؟؟؟؟؟؟؟؟؟ : لا تقول جيه أحمد : الخيانه اكره شي عندي ... واللي يبيعني ابيعه لو كان منوه ؟؟؟؟؟؟؟؟؟؟ : انا اعتذر ... آسفه والله غصب عني انت كنت أحمد يعلى صوته : جب اقطعي ..... لا تكملين ما اريد اسمعج ما شي عذر في ها الدنيا بيقنعني سكر على ويها و روح حجرته وحالته رديه لاتسر لا صديق ولا عدو .... ترد تتصل ما يرد وتتصل وتتصل وآخر شي رد أحمد : انتي شو تبين مني الحين يا الجذابه ؟؟؟؟؟؟؟؟ : حرام عليك انت تعذبني ... انا ما اقدر اعيش بدونك أحمد : انا اريدج تحسين بس شوي من اللي حسيته .... حرام عليج هانت عليج 5 سنين .... صارن شويه بعيونج خمس سنين وانا احبج ووعدت اني بخطبج بس انتي اصلا مب كفو واحد يثق فيج او حتى يكلمج ويحبج ؟؟؟؟؟؟؟؟؟؟؟؟ تصيح : انا ندمانه ..... صدقني غصبن عني أحمد : ليتج كلمتي واحد ما اعرفه ... لا ما نقيتي غير ربيعي ولا الرقم يبتيه يوم كنتي معاي عيبج اسمه ولا رقمه .... انا ما مليت عينج ؟؟ ولا شوه... انا بشوه قصرت وياج ... بشوه قصرت انا يا ربي ؟؟؟؟؟؟؟؟؟ : آآآآآآآآآآآآآآآآآه بس خلاص انا ما اقدر اتحمل اكثر من جذيه أحمد : خذتي رقمه من تيلفوني وكلمتيه وما عطاج ويه ولفيتي ودرتي وكلمتيه ..على بالج ما قالي ؟؟؟؟ اصلا من اول يوم دقيتي عليه قال اللي السالفه ؟؟؟؟؟؟؟؟؟ : هاااااااااه أحمد : قلت له يقول اول ثلاث ارقام وطلعن نفس رقمج وانا كملت رقمج وانصدم ربيعي اني اعرفج وقلت له يساير معاج بس عشان اعرف لوين بتوصلين ؟؟؟؟؟؟؟؟؟؟ : سامحني ارجوك آآآآآآآآآآآآآآآآآآآآآآآآه أحمد : لا تحاولين يالله باي .... سكر بويها واغلق التيلفون ويلس مكتأب وزعلان شوي دخل عليه هزاع أحمد على كرفايته ويطالع بالأرض وقف هزاع جادمه هزاع : شو بلاك ... شال هموم الدنيا على راسك رفع أحمد راسه وبعيونه دموع هزاع : أحمد شو بلاك أول مرة اشوفك جيه أحمد : انا خسرت كل شي اففففففففففففففف ... بس انا بشوه قصرت اموت واعرف هزاع : شو تقول انت ..... لا تقول تطري القلب أحمد : أي قلب أي زفت خلاص انا ما احب ولا اريد احب حد ... من بعد خيانتها الخايسه اففففففففففففففف انا متضايق مب قادر اتنفس هزاع زخ احمد ويلسه بالكرسي وقاله : هد يا ريال ... ما تستاهل هاي .. خلاص انساها أحمد : مب سهل انسى 5 سنين بيوم مب سهل ... والله اني حبيتها وناوي كنت اكلم اهلي آآآآآآآآآآآآآآآآآآآآآآآآآآآآآآآآآآآه .. بس هيه بس بس ... ودمعت عينه غصب عنه هزاع : ادري انه مب سهل بس شو اقولك ... لا حول ولا قوة إلا بالله .... روح تسبح يالله بنطلع أحمد : مالي نفس اطلع ... ياليتني اموت وافتك هزاع وهوه معصب: شو ها الكلام ؟؟؟ أحمد .......... افاااااااااااااا انت اللي وقفت معاي بمحنتي ولولا كلامك ووقفتك ما ادري شو كنت بسوي أحمد : انت غير وانا غير انا مب قادر امسحها من راسي ... اريد اقهرها بس ما اعرف هزاع : خلك عنها ما تستاهل خلها تولي أحمد : اعرف كيف هزاع : أحمد شو براسك أحمد : بتعرف عقب دخل أحمد يتسبح اما هزاع نزل يتغدى ويلس يتريا أحمد يطلع من حجرته عسب يطلعون يغيرون جو ..... رن تيلفون هزاع هزاع : الوووووووووو عويش أخته : هلا بالقاطع اللي من راح ما دق على خويته يتخبرعنها هزاع : والله شو اقولج .... علومج وشوه اخباركم عويش : ما شي يديد ... بس سمعت امي اول امس تكلم ابوي بخصوص ودوم بس ما فهمت شي هزاع : انتي ما منج فايده شو سمعتي قولي عويش: سمعتها تقول شاوره ومب بالغصب شي جيه هزاع وهوه مستانس : والله عويش : ليش انزين ما تبا ودوم ؟؟؟ انت لو شفتها بتعيبك هزاع : لا اشوفها ولا تشوفني عويش : ليش زين شو مب عايبنك فيها هزاع : ما يخصج ... شي مب شغلج لا تتدخلين فيه عويش : انزين اتصل بأمي لأنك من رحت احس انها شوي تعبانه هزاع وهوه خايف : شو بلاها ؟؟؟ قولي شي فيها عويش : ما فيها شي بس شكلها ولهانه عليك هزاع : احلفي انها بخير عويش : والله العظيم انها بخير بس ولهانه عليك هزاع : اوكي بدقلها يالله باي عويش : وين حصيص وسلموه هزاع : لا والله ....... شو تبيني اوديلهن التيلفون بعد .. تعرفين ارقامهن ودقي عليهن يالله عويش : يا الغبي انا بس اسال وينهن قلت يمكن طالعات هزاع : والله وطول لسانج انا غبي يا الزرافه .... حشى مب طول عليج عويش متفشله : مب منك من اللي يسأل عنك هزاع : لا تزعلين اسولف عويش : لا تحاول باي هزاع : فديت خشمج .... باي بند عن عويش ودق على امه ويلس يكلمها وكانت متوله عليه لأنه دوم يكون قاعد معاها يسولف ............................... حجرة البنات سارة : سلامي ........ كشخه شكلج وانتي توج ناشه من الرقاد سلامه : وين كشخه اعرف اني ازيغ ههههههههههههه .... صح تذكرت حصه وسارة : شووووووووووووو سلامه : انا يوعانه حصه : فقدتج على بالي شي مهم سارة : ههههههههههههه محد ينسى بطنه غيرج ههههههههه والله حاله .. وحشتوني موت حصه : والله سلامه : وين أحمد خليه يطلب لي شي حصه : بروحه مب متغدي كل معايه كورن فليكس . .... تبين غدى بتلقين في المطبخ سلامه : ما ادري مالي نفس سارة : عن الدلع .... شموه اختج طالعه عليج والله دلوعه سلامه : ليش يعني سارة: شموه يالسه تحت امج ... صدق انها بزيه ولا تتامر على امج وما تبا حد ايبلها شي غير امج وامج والله عادي عندها حصه : هههههههه كله بيطيح على راس اميه .... وانا ما اسويلها كاني ماني يوم تكون معاي مصطلبه .... لو اضربها ساعات بس ارد اراضيها ما تهون عليه سلامه : ما تهون عليه .... شوفي عاده البزى الوين وداها تدق الباب حشرتنا الصبح وانا من الرقاد ما رمت افج حلجي عشان اهزبها والله ولا رمت اتحرك سارة : عيل منوه هزبها حصه : انا ما هزبتها إلا ضربتها ولا يت صوب الباب ... هههههههه اظن امي راضتها يوم ودتها بيتكم سارة : جايز يلسن يسولفن وطلعت سلامه عنهن عشان تروح تتغدى اما هزاع يكلم امه ويتفاهم معاها على موضوع وديمه وأحمد تاخر فوق واستغرب هزاع هزاع : اميه نفس ما قلت لج .. كلمي ابوي وانا اذا تبوني اعرس ما باخذ وديمه أم هزاع : انزين .... انت حط عينك على وحده من بناتنا يعني على وحده من اهلك هزاع : هيه وانتي تعرفين منو .... و ياليت تخلصين الموضوع ويا ابوي أم هزاع : دير بالك على عمرك هزاع : ان شاء الله سلمي على ابويه أم هزاع : ان شاء الله ... يالله مع السلامه ونحن يوم العرس بنكون في بوظبي يعني على الخميس هزاع : حياكم .... ان شاء الله توصلون هنيه بالسلامه ام هزاع : يالله الحين بروح اشوف البشاكير شو سون فواله لأن عرب يايينا هزاع : يالله اميه بخليج بشوف أحمد وين ام هزاع : يالله برايك وبندت ودق هزاع لقى تيلفون أحمد مشغول ... راح صوبه وهوه رايح لقى سلامه في الصاله تتغدى هزاع : السلام سلامه : وعليكم السلام هزاع : يا القاطعه وينج لا مسج ولا حس ولا خبر سلامه: موجوده هزاع : تتغدين يا الدبه سلامه وهيه معقده حياتها : انا دبه ؟؟؟؟؟؟؟؟؟ ما عليه هزاع : اسولف ... بس دبه سلامه : وين رايح اشوفك كاشخ ؟؟؟؟ لا يكون ..... هزاع : شو لا يكون ...؟؟ اسميج سالفه .. بطلع ويا أحمد شويه نتمشى سلامه : اها كووووووووول هزاع : وينه هوه بروح اشوفه .... خيسني وانا اترياه سلامه : تلقاه يهذرب بالتيلفون او بعده ما خلص من التعطير تعرفه لازم يطلع متسبح من العطر هزاع : يالله بشوفه ... وديري بالج على عمرج ... سلامه : ان شاء الله وانت بعد غمزلها وروح صوب أحمد اللي كان يرمس في التيلفون هزاع : وينك يا ريال ؟؟؟؟؟؟؟؟؟ أحمد يأشر له بيده اصبر شوي ويتكلم ويقول : صورها بتوصلها بس خليها ما ادق لي ابدا سمعتي ولا ؟؟؟؟؟؟؟؟ : ان شاء الله بس متى وكيف أحمد : انا مشغول الحين بنتفاهم عقب يالله ولا تحشريني كل شوي وداقه ..... باجر الصبح بنتواعد مكان وبعطيج الصور لأني ما اريد اشوف رقعت ويه ربيعتج الجذابه والخاينه العنود ؟؟؟؟؟؟؟؟؟؟ : اوكي بس طرش مسج وين بتكون وخلاص وانا بكون هناك ان شاء الله ... يالله باي أحمد : باي هزاع : شو صوره بعد أحمد : صور العنود السباله افففففففففففففف ..... متضايق تراني وايد خلنا نطلع يالله هزاع : اوكي ... منو عيل يكلمك أحمد : ربيعتها ما ادري شو اسمها نسيته مع انها دوم تطريلي اياها.. ولا اريد اتذكره هزاع : يالله عيل طلعو من الحجرة وركبو سيارة هزاع و راحو يتمشون ورجعت بنفس الوقت البيت أم غانم والبنات قاعدات في الحجرة يسولفن اما في سيارة هزاع أحمد: تصدق كرهت الحب ولا اريد احب مرة ثانية هزاع : ليش يعني ...؟؟ مصيرك تنسى أحمد : وين انسى وهي كله في بالي ....تعودت يرن تيلفوني يوميا وطول والوقت وتكون هيه اللي تتصل ... ما اقدر انسى انها كانت معاي في فرحتي وضيقي ... وقفت معاي في فترة امتحاناتي وتخرجي وشغلي .... فهمتني صح ... المشكله خيانتها مب قادر اسامحا ما اقدر كرهتا خلاص هزاع : آآآآآآآآآآآآه شواقولك احمد سدح كرسي السيارة ويلس يطالع هزاع وقال : لو تدري بشوه احس ... احس ان الدنيا خلاص كرهتني وانا كرهت الدنيا هزاع : لا تقول جيه ..... المهم الحين وين تبانا نروح ؟؟ أحمد : ما ادري وقف مكان ودق على العود هزاع : تباني ادق لك على العود ........ افا عليك ما طلبت احمد : انت يبته معاك هزاع: هيه في الدبة ..... اصلا ما يطلع منها في البيت واحد وفي السيارة واحد ... من فترة ما دقيت عليه ...... اذكر آخر مرة كانت عويش حاشرتني تباني اغنيلها اغاني عبدالمجيد عبدالله و ميحد حمد أحمد : اوووووووووووو يا ميحد العووووووووق والله هزاع : او ذكرتني كلمت امي اليوم وقالت انها بتتفاهم مع ابوي وقلت اني اريد اخطب وبخاطريه وحده من العايلة وانت تعرف من زمان ها الشي أحمد : زين والله ..... الله يوفقك هزاع : آمين أحمد : يالله وقف مكان وسمعني صوتك يا بلبل هزاع : اوكي وقف هزاع على كورنيش بوظبي وياب عوده ويلس يدق حق احمد وغنى أغنية ميحد حمد بت الليل سهران واحمد طايح وسرحان وحالته تكسر بالخاطر وعقب قال أحمد حق هزاع يغنيله أحبك لو بغيت انساك ما اقدر مال ميحد وعقبها دق آهات اغنية خالد عبدالرحمن ودقو اغاني راشد الماجد .... مر الوقت وراحو طلبو عصير ويلسو يتمشون شوي شاف أحمد ربيعه حامد وسولف معاه كانو جدام المارينا ودخلو مع بعض يلسو في الكوفي داقين سوالف وكان هناك ربع أحمد وبجذيه غير جو ..... مثل ما تشوفون هزاع يدق على العود من يوم كان عمره 11 سنه تعلم من ابوه وحب العود منه بس ابوه ودر العود من زمان بس هزاع لأ بعده يحب العود ........................................... الساعه تسع في البيت سلامه : حصه دقي حق موحيدين حصه : عشان شوه ... سلامه : اريد الشريط اللي في السيارة حصه : زين سارة : نروح نشوف التلفزيون اتابع مسلسل ها الوقت سلامه : اوكي يالله حصه : ما يرد بزقر حد من ها البشاكير تروح صوبه وتقوله سلامه : زين يسلت سارة وسلامه في الصاله وراحت حصه صوب البشكارات تزقر عليهن وام غانم في حجرتها تتكلم بالتيلفون وشموه عندها يالسه تناقز في الشبريه ومنكشه الكشه وصايرة ساحره وام غانم تهزبها وشموه ولا عليها مطنشه الحبيبه .... سارت حصه وزقرت على هيلدا لقتها يالسه برع تخم جدام الباب قالت الها تروح لموحيدين عسب يطلع الشريط من السيارة اما حصه شيلتها على رقبتها وفاجه شعرها ورايحه صوب المطبخ مرة صوب الميالس وسمعت اغنية البرتقاله ما شافت نعال ولا شي ودخلت لقت لفواله موطايه وراحت صوبها وخذت حبت عنب وهزت راسها مع الاغنية وتغني مع اللي يغني شوي تسمع حد يتنحنح صدت وراها لقت عبدالله السويدي قاعد وما كان يبين لأنه كان قاعد على الكراسي اللي ورى الباب والباب عريض من شافته ما عرفت شو تسوي غصت بحبة العنب ويلست تكح ولا رامت تتنفس اختنقت ويلست تدق على صدرها بس الحبه بعدها عالقه.... وقف عبدالله وهوه مب عارف شو يقول ولا شو يسوي وقال: تبين ... ماي ؟؟؟ حصه احمرت .... وتقرب عبدالله وصب الها كوب ماي ما رامت تتحمل يا بيشربها وعيونها كلها دموع عبدالله : شربي ماي قبل لا تموتين حصه تأشر صوب حلجها تبى تقول انها ما تروم تصرط شي وتقول بكلام مب مفهموم : ب .. بمووت ....... وتكح حط الكوب عبدالله وتجرأ انه يضربها على ظهرها عسب تمشى حبت العنب هاي والحمدلله طلعت حبت العنب وهيه تكح وطاحت حبت العنب في الأرض حصه من الموقف ما رامت ريولها تشلها ويلست وهيه ترتجف حست اناه بتموت خلاص عبدالله : اف الحمدلله انها طلعت ولا شو كنا بنسوي ... سلامات .. خفت عليج حصه بعدها مب مستوعبه اللي صاير حطت شيلتها على راسها وطاحت دمعتها على خذها ...... وعطاها عبدالله كوب الماي وقال : آسف ما كنت ادري انج بتدخلين وانا كنت قاعد ورى الباب اتريا ابوي وابوج ..... لو قعدت في مكان ابين فيه جان ما صار كل هذا حصه ساكته شربت الماي وقف عبدالله شوي بعيد عنها يت هيلدا شافت عبدالله وحصه على الأرض .... هيلدا : شو فيه ؟؟ حصه ARE YOU OK حصه : شليني برع زخت هيلدا حصه اللي كان شكلها تعبان وساعدتها توقف وودتها الصاله قبل لا تدخل الصاله قالت حصه : هيلدا خلاص خليني انا بمشي بروحي هيلدا : ARE YOU SURE .... حصه آدي ما في مشكله حصه : هيه عادي .. بس انا حلجي يعورني هيلدا حبت العنب وقفت هنيه في حلجي وحلجي يعورني هيلدا : ايواه لا تكافين .... شوي شوي يروه الم حصه : انزين يبتي الشريط هيلدا : اياواااا ... عند سلامه حصه : يالله انا بروح ولا تقولين حق حد شو صار هنيه اوكي هيلدا : OK روحت حصه الحجرة وفي بالها كلام عبدالله والموقف اللي صار ولا خاز عن بالها يوم قال "خفت عليج " وسلامه وسارة في الصاله يشوفون المسلسل أما هيلدا راحت الميلس عسب تنظف المكان وجيه عند عبدالله وهيه تتذكره لنه دومه يكون موجود فب البيت ويا حمد وسألها : IS HESSA OK هيلدا : اوكي ما في كوف ارتاح عبدالله وقعد وبعد ربع ساعه يا ابوه (شبيب) و حمد وربيعهم يوسف الشرياني وقعدو في الميلس وبيتعشون لأن حمد عازمنهم وبعدين يا هزاع واحمد وقعدو في الميلس معاهم.. شوي وانحط العشى وتعشو الريايل ......................................... دخلت سارة الحجرة مع سلامه لقو حصه منسدحه سارة : ها اشوف الحلو منسدح شو السالفه حصه : ما شي تعبانه شوي سلامه : بسمعكم اغنية تعيبني ......اوووووو نسيت ادق تيلفون حق علياء تخيلي من متى تترياني مطرشه مسج من الساعه ثمان حصه : عادي عليوه تعودت على حركاتج تلقينها يالسه على الماسنجر سارة : منو علياء هاي بعد سلامه : ربيعتي مال العين سارة : اهاااااااااااااا زين ولله راحت سلامه تعابل المسجل وتجرب العدسات وما ادري شو تسوي تقربت سارة من حصه وانسدحت عدالها وقالت : شو صاير ... انتي من رحتي تزقرين البشاكرين ما عينتي من الله خير ؟؟؟ حصه : ما شي سارة : عيني بعينج .... علينا حصه : بقولج بس مب وقته الحين سارة : ورانا الليل بطوله .... ههههههه وين بتروحين يا حصيص حصه : هههههههه ايييييييييه يا الدنيا سارة : اقول ..... تعرفون وين بتتحنن ولا لأن العرس بعد ثلات ايام ... لأن ربيعتيه هدى عطتني رقم حناية حنتها يوم عرسها افففففففففف كيف حلو ...... عجيب والله قلت بخليها تي تحنينا شو قلتن حصه : اوكي ليش لأ سلامه : زين والله بطرش أحمد باجر ايب فستاني وفستان حصه من عند المصمم حزرج بيطيع يروح ؟؟؟ حصه : اكيد سارة فز قلبها من قالت سلامه احمد وتقول بخاطرها ليش جيه يصير معاي ؟؟ أم غانم تدق الباب سلامه : منووووووووووووووه أم غانم : عشى يا بنات .... يالله سلامه : ان شاء الله بني الحين سارة : تصدقن يوعانه حصه : وانا بعد سلامه : كيف اطلع الحين جيه عين بلون والثانية بلون ثاني حصه : منو بيشوفج يعني سارة : مسحيه سلامه : شو امسحه بعدني ما خلصت واريد اجرب رسم عيوني بأي شكل يكون أحلى حصه : لا حووووووووول سارة : بعد ما نتعشى جربي فيني هههههههه حصه : فارة تجارب انتي هههههههههههههههه سارة : منو فار يا القطوة هههههههههههههههههه سلامه : ههههههههههههه والله انكن حفلة ..... يالله نتعشى حصه : اقول قوم احمد وهزاع وين ؟؟؟ لأن سارة تستحي تطلع جدام هزاع سارة : منو هزاع بعد سلامه : ولد خالتي سارة : اهاااااااااااااااا .... ما اعرفه ابدا ولا كد شفته حصه : دومه ويا أحمدوووووووووه سارة : اممممممممم .... سلامي شوفي اذا كل شي ع السليم ولا .. عشان اطلع سلامه : اوكي دقايق بروح اشوفهم وين طلعت سلامه ولقت امها في الصاله سلامه : اميه أحمد وين وهزاع ؟؟ أم غانم : في الميلس تعالن بعدهم ما طلعو خلي اختج وسارة اين يالله وروحي شوفي شموه عافسه الدنيا هناك انا بروح اكلم ابوج دقيقه وبيي اتعشى معاكن سلامه : اوكي دخلت سلامه على حصه وسارة زقرتهن حق العشى وطلعن يتعشن وشموه لاعبه دور بالروب ويـــــهـها ما شاء الله ولا كأنه وحده عمرها خمس سنين لأ جنها وحده توها سنتين هههههههههه نازعتها حصه وتعشو ويت أم غانم بعد ما كلمت ريلها حمد وبعد ما تعشو يلسو يطالعون التلفزيون ورن تيلفون سارة متصله أمها عشان تتطمن عليها وجيه ..... الساعه 11 ونص دخل حمد وسلمت عليه سارة وقعد يسولف معاهن حمد : شموه شو مسويه انتي ؟؟ مخلصه الروب كله اليوم .. هههههههههه شموه : لا بابا قوطي الروب متروس روب بعده ما خلص كلهم يضحكون ههههههههههههههههههههه حصه : اسمعو انتو التبرير لا والله شموه صدق انج لوتيه حمد : شموه روحي بوسي سارة سارة : لا ما اريد محبه ولا اريد بوس وخاصه الحين ههههههه عمي تبا شموه تخيسني ما عليه حمد : ههههههههههههه شموه : بابا اروح ابوسها وانا جذيه عادي حمد : عادي هههههههههههههه حصه : كف على ويهج ان تحركتي سارة : هههههههههههههههههه لا شموه بوسيني يوم بتتغسلين شموه : بابا .. ترى حصه تضربني وايد حمد : أحسن عشان تتأدبين سلامه : طاعو هاي تشتكي اونها أم غانم : فديت شموه انا .... محد يسواها حمد : خليها تبوسج عيل أم غانم : خلها تبوسك انته ههههههههههههههههه والله دخل أحمد وهوه مستغرب من الضحك والحشرة اللي مستويه احمد : هلااااااااااااااااااااااااااا شو عندكم مجتمعين اشوف اليوم سلامه : شوف ويه وايدين شموه بالله عليك احمد يصد صوب شموه : شمووووووووووووووووه ... مستويه اليوم سنو وايت البطين ههههههههههههههههههههههه ... شو مسويه هاي حمد : اكيد كانت بروحها وكلت الروب ولا حد كان عندها ولعبت تعرف شمه انته أحمد يطالع سارة وهيه تضحك وسارة تطالعه بس من تحت لي تحت وطول الوقت وهيه تعدل شيلتها من المستحى .... شوي رن تيلفونه وطلع عنهم وين البشاكير ونظفن المكان وشموه شلتها حصه تغسلها وحمد وأم غانم راحو الحجرة يتكلمون وتمت سلامه وسارة في غرفة الطعام يسولفن ويشوفن التلفزيون هزاع قاعد في الميلس بروحه ..... وعبدالله والريايل اللي كانو في الميلس من تعشو سيده روحو ...... دخل أحمد الميلس والتيلفون بعده يرن وكان رقم ربيعة العنود ... هزاع : ليش ما ترد ؟؟؟ أحمد : هاي ربيعة العنود حشرتني خمسين مرة اتصلت شو اسمها يا ربي اممممممممم خوله.... من ربع ساعه وهيه حاشرتني تخيل هزاع : شوفها شو تبا ... خوله شو يعني اسمها ؟؟؟ أحمد وهوه معصب : انا قايل اني باجر بودي صور هاذيج الزفته .. شو تبا الحين هاي بعد ما تفهم ؟؟ هزاع : رد يمكن شي صار يمكن يبغون يأجلون الموعد ولا شي أحمد : برد وامري لله أحمد رد على التيلفون خوله : إلحق يا أحمد أحمد : شو صاير خوله وهيه تصيح: ال ..... الع .............. العنود ........ انتحرت أحمد وبصوت عالي قال : شوووووووووووووووووه خوله : حاولت فيها بس ما سمعت كلامي تخيل انها ما خلت دوى ما كلته وداخت عليهم في البيت وطول المكالمه تقول احمد ما يحبني وانا الغلطانه ويا ليته يسامحني .... هذا اللي كانت تقوله احمد : مينونه هاي ولا شووووووووو .... وينها الحين خوله : في المستشفى ولا في البيت ما اعرف وين ما اعرف عنها شي أحمد : متى صار ها الكلام هزاع : شو صاير ؟؟؟؟؟ خوله : كنت اكلمها واترجاها ما تسوي بروحها جذيه بس كانت تعاند مع اني كنت اصيح بس هيه ولا عليها وانا على الخط وهيه تاكل من ها الدويات عقب راحت الحمام لأن لاعت جبدها ما اعرف شو ياها وانا ما عرفت شو اسوي وطاحت في الحمام سمعت راسها يضرب بصبية الحمام ومن شفتها ما ترد عليه دقيت على رقم البيت وكلمت اختها وقلت الها انه العنود تعبانه وسكرت وما اعرف شو صار أحمد : شو المطلوب مني الحين ؟؟؟؟؟؟؟؟ تعرفين انه كل اللي بينا انتهى خوله : ما بتروح تشوف شو فيها ؟؟؟؟ أحمد : هيه ما خافت ربها يوم سوت جيه .... ولا فكرت بأهلها ولا بحد ؟؟؟ شو ها اللي سوته ؟؟؟ ما يشرفني اروح اتخبر عن وحده سوت شي ما تتسامح عليه .. تنتحر ؟؟ مينونه هاي هزاع : انتحرت ؟؟؟؟؟؟ خيبة خوله: بهاي صدقت بس صدقني انت ما تعرف كيف هيه ندمانه أحمد : كلامج ما يغيير شي وقولي الها تحط مرة ثانية عقلها في راسها وعن التهور لأن اللي سوته ما يغير من الواقع شي هذا اذا عاشت طبعا ... باي خوله : اوكي باي أحمد يلس منهار على الكرسي ومب عارف شو يسوي هزاع : شوبلاك ؟؟؟؟؟ روح الحجرة ارقد احسن أحمد يشوف هزاع : كل الي صار الها اليوم بسبتي ......... يا ربي شو اسوي هزاع: لا تحط غلطهاعليك .... نسيت هيه شو سوت فيك ؟؟؟؟ احمد : ولو تخيل فكرت تموت بس عشاني ؟؟؟؟؟؟؟؟ افففففففففففففف ما اعرف شو اسوي ... هيه حيه ولا ميته ما ادري ..... هزاع : لا حول ولا قوة إلا بالله ... كيف يفكرن ها البنات أحمد : بروح ادورها في هاا المستشفيات |
هزاع : وين تدورها شكلك تعبان وويهك مصفر .... انا بدق المستشفيات وبستفسر اذا يتهم حاله انتحار ولا شي من ها الحلات الطارئه أحمد : المهم اسمع انها بخير وخلاص بعدين ما يخصني فيها هزاع : زين زين ..... بس انت لا تهتم انا بسوي كل شي دق هزاع حق ربيعه سيف شرطي من ها الشرطه اللي يكنون في قسم الطواري (الحوادث) في مستشفى العين وما لقى مثل ها الحاله واتصل و توام ولقى انها هناك وقالو انها في العنايه ويسون غسيل معده وحالتها خطرة أحمد تخبل وراح صوب باب الميلس وقال : لازم اروح العين الحين هزاع زخ أحمد من كتفه : لا والله لو شو يصير ما بخليك أحمد : مب بكيفك حزت الكلمه بخاطر هزاع وقال : دامنه مب كيفي روح وسو اللي تشوفه صح أحمد حس انه غلط وقال : اسمحلي والله انا ما اعرف شو اقول انا بحاله يعلم ابها ربي هزاع : عشان جيه اسمع كلامي ونحن بنطمن عليها بالتيلفون بدل ما نروح هناك واهلها هناك أحمد : يا ربي ......... شو هالمصايب ... يكفي افترقنا بعد تسوي مصيبة ثانية ما اتحمل أكثر من جذيه تعبت يا هزاع تعبت والله تعبت .. ووخى ودمعه طاحت من عينه غصبن عنه ولوى عليه هزاع وروحو حجرة هزاع ويلسو هناك وكل ربع ساعه يتصل هزاع ويطمن على العنود وعلى حالتها هزاع : احمد .. نات بعدك تحبها أحمد : هزاع شو ها السؤال اللي مب في وقته كلش واحمد حالته صعبه ........ الساعه 3 كل اللي في البيت راقد إلا هزاع واحمد طلع احمد لأنه عطش وراح المطبخ .... .......................................... في حجرة البنات سارة : حصه اريد ماي ماشي في الثلاجه هاي ماي حصه : لأ .. اصلا مب مشغلينها ولا حاطين فيها ماي سارة : يعني اروح المطبخ حصه : لا انا بروح ايب لج ماي سارة : لا عادي بروح بس وين الشيلة ما فيني حد يكون ناش الحين حصه : ما اظن بس لبسيها احطياط سارة : اوكي وطلعت سارة وراحت المطبخ تيب لها ماي لقت الليت مولع يوم دخلت سارة وهيه زايغه : بسم الله الرحمن الرحيم أحمد وهوه يطالعها ومستغرب من وين طلعت هاي قال : خفتي ؟؟؟؟ سارة استحت وتفشلت : هيه حط أحمد كوب الماي وروح وسارة سارت صوب الثلاجه وطلعت كوب ماي العين وشربت وهيه هناك وطلعت واحد ثاني عسب تاخذه معاها في الحجرة بعد دقيقة يتها حصه سارة : زيغني أحمد اخوج ما توقعته يكون واعي ولا في المطبخ بعد حصه : شو كان يسوي سارة : شرب ماي وراح حصه : اها ... من طريتيلي الماي عطشت سارة : خذي ها الكوب بطلع لي واحد غيرة من الثلاجه يا أحمد مرة ثانية وهوه ساكت وويه شاحب نسى تيلفونه في المطبخ حصه : أحمد ...... انت واعي أحمد : لا راقد.... شو رايج انتي؟؟؟ حصه : ووووووووووووووووول ..... اقول شو بلاك جيه شكلك مريض فيك شي احمد يتهرب من كلامها : ماشي فيني صداع والحين برقد سارة تشوفه من بعيد خذ تيلفونه وروح وراحت وراه حصه وسارة بس هوه راح حجرة هزاع وهن راحن حجرتهن وسلامه راقده من الساعه 1 سارة تكلم حصه : صدقج شكله مب طبيعي حصه : حتى انتي لاحظتي .... ولا وفوق هذا مزاجه زفت صاير سارة : انزين ما قليتيلي شو السالفه المساعيه حصه وهيه تستهبل اونها ما تعرف : أي سالفه ؟؟؟ سارة : عن العبط حصه : لا صدق شو سارة : بتقولين ولا اعفد فوقج واضربج حصه : لا حشى لا تضربيني ولا شي كله ولا ضربج يعور سارة : عيل قولي وقالت حصه كل اللي صار وبعد السالفه كلها سارة : بسالج سؤال وجاوبي بصراحه حصه : شو ؟؟؟ سارة : عبدالله هذا عايبنج ولا حصه : كيف يعني سارة : يعني يوم تشوفينه تحسين بشي ...؟؟؟ تفكرين فيه .... يعني ها السوالف حصه وخت وهيه مستحيه : ما ادري سارة : اكيد في مشاعر راح تكبر مع الوقت .... يالله نرقد ورانا شغل باجر في الصالون ولا نسيتي حصه : اوووووووو انتي بتقصين شعرج وبتصبغينه ..... الله يعين سارة : هيه لازم نكشخ رقدت حصه وسارة طولت شوي لأن أحمد على بالها وخايفه عليه .......................................... في حجرة هزاع احمد : اتصل يا هزاع الحين هزاع : روح ارقد وباجر بنطمن عليها أحمد : انا خلاص مافيني صبر يالين باجر وهيه في العمليات وهاذيل ما يردون عليك غير بجواب واحد ما في غيرة حالتها مستقرة شو مستقرة هزاع : بتصل بس آخر مرة أحمد : المهم تكون بخير... وبعدها بتفتك من حشرتي هزاع : الموضوع مب جيه ..... انت ما شفت شكلك في المنظرة كيف غادي أحمد : مب مهم هزاع اتصل وقالو انه سولها غسيل معده وحالتها اوكي مع انه صار تسمم بسيط في الدم وتداركو الأمر وهيه الحين في غرفة العنايه يتابعون حالتها وما عليها خوف وراح يحققون في الأمر باجر عن سبب حالتها هاي قال هزاع كل الكلام اللي قالوله اياه حق احمد وتطمن احمد عليها هزاع : الحين يوم بيحققون شو بتقول هيه أحمد : لا تخاف ابوها واصل وبيمشون الوضع هزاع : جيه حزرك احمد : هيه بعد شو ... المكشله مب الحين المشكله كيف حياتها بتكون بعد ما ترجع البيت هزاع : هيه اللي يابت كل شي حق عمرها رقد أحمد عدال هزاع بدون ما يحس وكان هزاع يتحرطم ويتكلم وأحمد ولا يدري لأنه كان تعبان وايد فجأة صد هزاع صوب أحمد لنه كان ساكت وما يرد عليه ... هز هزاع راسه وابتسم وبند الليت ورقد عداله ...... .................................. الصبح في بيت سعيد ام سعيد في الصاله تتريق دخل عليها سعيد سعيد : السلام عليكم أم سعيد : وعليكم السلام يا مرحبتين ..... اصب لك حليب سعيد : يا ليت .... تصدقين ما بقى شي خلاص أم سعيد: زهبت التذاكر وأكدت الحجز وجيه سعيد: هيه خلاص كل شي اوكي بس الحين ورانا تدهيز القاعه وان شاء الله تكون حلوة واوكي أم سعيد : لا تحاتي القاعه ويلس يسولف سعيد ويا امه وعقب طلع يشوف القسم ماله كيف صار وشوه ناقصنه وجيه اما أم سعيد يلست تشوف بطايق العرس اللي بعدهم ما وزعوهن ويلست ترتبهن عسب يودونهن .... ........................... في بيت روضة روضة يالسه في الصاله تكلم سعيد في التيلفون وامها كانت طالعه السوق من الصبح روضه: سعيد تراني باجر ما بكلمك سعيد : افااااااااااااااااا ليش يعني ؟؟ عشان العرس خلاص قرب ما بقى غير يومين وتصيرين حرمتي خلاص اليوم الثلاثاء وباجر الاربعاء وبعده الخميس وهوه اليوم اللي اترياه من زمان روضة : ادري .. بس لازم اتغلى عشان تشتاق لي سعيد : لا والله ...... من الحين بدينا الحركات يالله عاده خلي عنج ها السوالف روضه : بخليك ياني خط سعيد : اوكي يالله خذي راحتج روضه : باي ويلست روضه تتكلم وعقب راحت تخلص اشغالها طبعا لأنها عروس و لأن العرس ما بقى عليه شي ............................... في بيت حمد أم غانم يالسه في صالة حجرتها وتكلم ريلها حمد : تباني ايب الريوق هنيه ولا بتاكل في الصاله ؟؟ حمد : لا باكل في الصاله أم غانم : عيل بروح أشوف شو سون حمد: وين القحافي اللي شارنهن امس ؟؟ أم غانم : حطيتهن لك في الكبت النصفاني حمد : خلاص عيل أم غانم : تامرني بشي حمد : لأ خلاص انا داخل اتسبح ولي طلعت بيج الصاله أم غانم : ثيابك في الحمام معلقات .... ولا توعي شموه مافيني على حشرتها حمد: انزين .. هاي متى بترقد بحجرتها بعد .. على منو طالعه ها البنت جبانه وطلعت أم غانم تشوف الريوق وجيه أما حمد دخل الحمام يتسبح وشموه تتجلب وشوي ونشت وما لقت أمها عدالها وسمعت صوت الماي في الحمام ويلست تدقدق الباب وتزاقر : امايه فتحي الباب ويهزبها ابوها : شو امايه افتحي الباب شو ها اليور بعد ؟؟ شموه من سمعت انه ابوها داخل شردت وطلعت برع وتزاقر في الصاله : امايه وين انتي ؟؟ امايه ... وينج مامااااااااااااا سمعتها ام غانم ويت صوبها أم غانم : انتي شو موعنج الحين ؟؟؟ شموه : وينج ما لقيتج راقده عدالي فقمت أم غانم: انزين خطفي الحمام وغسلي ويهج يالله شموه يلست على الكرسي ومتعايزة تغسل ويهها يتها ماريا وراحت تغسل ويهها وجهزت لبسها وجيه وطبعا شموه ملانه فخطر في بالها تلعوز حصه وسلامه راحت صوب حجرتهن وتدق الباب عليهن وتشرد تدق الباب وتشرد سلامه طفرت من الدق ووصلت حدها خلاص وفتحت الباب واتريت اللي قاعد يدق وهيه كانت متاكده انها شموه شوي شموه يايه وهيه ميته من الضحك ومن شافت سلامه واقفه على الباب تيبست مكانها وتربع وراها سلامه وتشرد شموه صوب امها ولكن سلامه حالفه إلا تضربها وزختها من عقصها وشموه تصارخ وسلامه معصبه على الآخر ام غانم : خليها شو تبينها سلامه : حشرتنا اذتنا من كثر ما تدق الباب علينا مب حاله هاي ... أم غانم : شموه ليش جيه تسوين مب عيب سلامه كفخت شموه على ايدها وقرصتها قرصه تعووووووووور من الخاطر ...وشموه صاحت.. لو انها شيطانه بس تكسر الخاطر وتذكرت سلامه الفساتين وقالت حق امها : امايه منو بيب الفساتين الحين ؟؟؟ أم غانم : زين يوم قلتي لأني رايحه انا وابوج اليوم دبي .... خلاص نحن بنيبهن وشو بعد تبن قولن من الحين سلامه : لا بس ها ....او صح توني تذكرت اريد فلوس عشان بروح الصالون اليوم بقص شعري وبصبغه... افكر بعدني ما قررت أم غانم : الحين بكلم ابوج سلامه : بروح اغسل ويهي ... اففففففف جسمي متكسر من الرقاد وبوعي الحلوات عشان نروح أم غانم : زين يالله عيل انقفضن هبابكن تروحن وتردن قبل الغدا ... ............. في حجرة هزاع الساعه عشر الصبح يرن تيلفون هزاع وينش بالغصب هزاع : الوووووووووو راشد اخوه : هلاااااااااااااااا هزاع ... صوتك رهيب هزاع : اوهووووووو رشود قول شوعندك شو تبا داق من الصبح ؟؟ راشد : بنروح العزبة اليوم وبنسوق الدراجات واريد دراجتك هزاع : لا والله ...... وانت شو بلاها مالتك ؟؟ راشد : مالتي بتسوقها عويش هزاع : وعويش شو يركبها دراجات بعد هاي راشد : شو الحين بتعطيني ولا ؟؟؟ هزاع : انزين سوقها بس مب تبهدلها سمعتني راشد : ياهوووووووووووووو .... والله اني احبك واموت فيك هزاع ما سواله رقع التيلفون بويهه وكمل رقاد راشد يتحرطم في البيت وعويش عداله تضحك عليه ... شوي يرن تيلفون هزاع مرة ثانية هزاع بدون ما يشوف منو متصل يرد ويقول : وبعدين معاك انت ما تفهم تباني أيي العين اصفعك ولا كيف ..؟؟؟ سلامه : وووووووووووووووول شو تصفع شو العين شو تقول انته هزاع : اووووووووووووو انتي احم احم ما اروم اقول سلامه : ليش ......؟؟؟ هزاع : حمادوه راقد عندي سلامه : ايواااااااااااااااااااااااااه .. خلاص عيل حبيت اسلم عليك هزاع وبصوت واطي : فديتج انا سلامه : المهم متى بتقوم ؟؟؟ عشان تتريق ؟؟ هزاع : بس الريوق ولا شي ثاني .... سلامه : شي ثاني مثل شوه يعني هزاع : يعني مشتاقه تشوفيني سلامه : يا الخقاق .. وايد واثق من نفسك ؟؟هههه هزاع : هههههههههههههههههه يعلني ما اخلى منج سلامه : يالله ابوي يزقرني اكلمك عقب وشي ثاني انا طالعه هزاع : وين ؟؟؟ سلامه : الصالون هزاع : مب تتاخرين ... ومنو بيوديج ومع منوه سلامه : مع الحلوات واللي بيودينا الدريول هزاع : زين عيل كلميني يوم تفضين سلامه : ان شاء الله هزاع : باي سلامه : باي ________________________________________ في العين الساعه عشر ونص عند بيت حمد.. ناصر يتمشى صوب بيتهم على أمل انه يشوف سلامه ولا شي ....... لقى عند الباب سهيل يلعب ويا الكلب بها الشموس يا سهيل صوب السيارة فتح ناصر الدريشه سهيل : انته شو تسوي هنيه ؟؟ ناصر : ما اسوي شي سهيل : انت ربيع احمد صح ناصر يبغي يتفجج وقال : هيه ربيع أحمد سهيل : أحمد مب هنيه .... راح هوه وحصه وسلامه وشموه الغبية اللي تضربني وو نسيت ناصر من سمع اسم سلامه تخبل وعرف انها مب في البيت وانها في بوظبي وسأل سهيل وقال : وين في بوظبي سهيل : في بيتهم بعد وين ناصر : لأ يعني وين سهيل : انته ما تفهم في بيتهم بيــــــــتهم ... انته غبي وروح سهيل داخل وناصر يته ضحكه وبخاطره يعرف وين سلامه بالضبط في بوظبي وروح بيتهم وسهيل زقر عليه ابوه ودخل داخل .... في بيت حمد نشن حصه وسارة ويلسن يجهزن لبسهن عسب يروحن الصالون وام غانم وحمد وشموه راحو دبي .. وبعدين قام أحمد وهزاع عشان يروحون هم بعد السوق عشان يتشرون اغراض وجيه ... في الصاله يالسه سلامه تتريا حصه وسارة عسب يروحن ياها هزاع ويلس عندها في الصاله اول ما دخل قال : ها اشوف الحلو ما روح شو السالفه ؟؟؟ سلامه : اتريا الحلوات يخصلن هزاع : منو الحلوات ؟؟؟ انا اللي اعرف انه حصه هنيه بيش منو غيرها بعد سلامه : وسارة بعد اخت سعود هزاع : اها سلامه : وانت احيدك راقد شو قومك الحين هزاع : بروح انا واخوج المول نتشرى ونغازل شوي سلامه : انا بروحي معصبه من شموه الحمارة هيه الي لعوزتنا وخلتني اقوم غصبن عني والحين تقوم انت وتزيدني وتطري المغازل اففففففف هزاع : هههههههههههههههههه انتي مشكلة كل شي بتصدقينه هههههه سلامه ينخاف منكم يا الشباب ... مالكم امان هزاع : ما خبرتيني شو بتسوين في الصالون سلامه : ما يخصك... هاي سوالف بنات ما يخص الشباب فيهن ههههههه هزاع : يا راسج ولا مستانسه وانتي حايسه حلجج وانتي ترمسيني ؟؟؟ قولي شو بتقصين شعرج ولابتصبغينه قولي يالله اريد اعرف عشان اعرف عن شوه امنعج سلامه : لا والله .... عيل شو رايك مب قايله هزاع : لا تقولين عشان ادور غيرج تسمع الكلام وتقولي شو تسوي سلامه : ادور وحده غيري؟؟ دور ... بس مب تيني ندمان ووقفت سلامه وهيه باين عليها انها زعلت وخذت بخاطرها من كلمته هزاع : يا بنت الحلال هههههههههه خذيتي السالفه جد اشوفج... امزح وياج يلسي سولفي معاي تراني ضايج سلامه قعدت ولقت هزاع كل شوي يسرح وشكله يفكر بشي وسالته وقالت : انت اشوفك اليوم مب على بعضك شي صاير ؟؟؟ هزاع : ما بجذب عليج شي صاير بس ما اقدر اقولج لأن ها الشي ما يخصني انا سلامه : اها ... المهم روح اتريق لأن اسمع حصه تزقرني يعني لازم اروح هزاع : انتي تراج للحين ما قلتي شو بتسوين في الصالون سلامه : انت ما نسيت هههههههههههههه هزاع : يا ويلج لو قصيتي شعرج سمعتيني سلامه : ان شاء الله هزاع : انـفع اعصب صح ههههههههههههههههه سلامه : ههههههههههههه وراحت سلامه صوب حصه وسارة و ركبن السيارة وراحن .... اما هزاع اتريق ويلس يفكر بسالفه العنود وحالت احمد اللي تحزن ... اما احمد ما نش إلا الساعه 12 وعاه هزاع عشان يقوم ياكله شي ومنها يصلي الظهر لأن ما باقي على الأذان شي ..... مر الوقت وخلصن البنات من الصالون اللي قصت واللي صبغت واللي نظفة بشرتها وجيه يعني تعدلن والعصر ردن البيت كل وحده تقول انا الأحلى .. يجنن..... في البيت سارة : عاد الحين بروح ارتب اغراضي عشان بروح بيتنا حصه : ما قعدتي..يلسي بعدنا ما شبعنا منج سارة : تعرفين بروح اسوي بروفه اخيرة على الفستان وشي ثاني باجر الظهر تن بيتنا عسب تتحن معاي حصه : انتي تعالي عدنا ما فيني اشوف اخوج سارة : تلقينه لاهي ما بنشوفه ولا بيشوفنا حصه : يصير خير راح افكر سارة : لا تفكرين ولا شي .. تعالي شلي معاي الشنطه وانتي يا سلاموه بدال ما يالسه تتاملين شعرج وويهج تيملي فيني وزقري هيلدا تشل الشنطه توديها السيارة سلامه : انزين ... بس مب تنسين البوكس مالج اللي مسوينه لج سارة: هذا اول شي يدخل السيارة... اباه قبلي يدخل ههههههههه حصه : وووووووووووووووول هههههههههه سارة : قصة شعرج وايد مخلتنج ما ادري كيف اقول عاطتنج لوك غريب حصه : حتى انتي وخاصه اللون اللي مسوتنه انتي مفتحنج وايد سارة : صدق .... زين عيل يوم بيشوفني ربيعاتي بحسون بتغير وهذا اللي اريده سلامه : افففففففف ليش انا محكوم عليه اني ما اقص شعري سارة: منو مانعنج تقصينه ؟؟ سلامه وهيه تتهرب من الجواب : محد لا ماشي هاذي هيلدا يت وراحت سارة بيتهم ... وقبل المغرب بشوي يت ام غانم وحمد وشموه .... وقاسن سلامه وحصه الفساتين وأم غانم ردت وطلعت مرة ثانية لأنها بتروح الصالون وحصه وسلامه وشموه راحن صوب سارة وما طولن عندها... اما أحمد وهزاع خلصو شغلهم في السوق وتمو يتمشون .. اتصلت ريم حرمت غانم حق أم غانم ويوم لقت ام غانم مشغوله بندت عنها لأنها كانت تريد تعرف شو مسوين وشوه تجهيزاتهم .. ..................... في بيت بو سعيد في الصاله قاعدات البنات يشربن عصير والبيت محد فيه شوي دخلت عليهم أم سعيد كانت يايه من السوق وسلمت عليهن وقعدت عندهن وبعد نص ساعه رن تيلفون حصه متصل ابوها يتخبرها اذا بيتعشن في بيت المرحوم ( بو سعيد ) ولا بيتعش في البيت....وقالت حصه انهن بيتعشن في بيت عمهن المرحوم ... وقبل العشى يا سعيد ودخل الصاله وسلم وحط الاكياس اللي بيدينه وسيده طلع .. حصه ارتاحت وقالت في خاطرها احسن شي سواه انه راح .... وشوي وراحو يتعشون وعقبها قعدو شوي ويا وقت الروحه دقو حق احمد لقوه ويا هزاع قاعدين في المارينا ويا الشباب وما يقدرون يوصلونهن البيت لأنهم بيتأخرون بالقعده معاهم ...... أما ابو حصه تعبان وروح يرقد وأم غانم الدريول مطرشتنه صوب ربيعتها اليازية عشان يشل من عندها الدخون وعقب يرجعلها الصالون .. قالت حصه السالفه هاي كلها حق سارة .. سارة تقول : ماشي حل يا حصه غير انه سعيد يوصلكم حصه : لا والله سارة : ترى دريولنا مطرشينه المزرعه وما بيرد غير باجر الصبح لأن المزرعة في ليوا مثل ما تعرفين حصه وهيه تطالع سلامه وسارة : والحل الحين..... ما اريد سعيد يوصلنا ما اريد سارة : ما اعرف شو اقولج سلامه : انزين ما بيكلمج ولا بيقول شي بيوصلنا وخلاص حصه : مب جيه انا مب خايفه انه يكلمني بس وجوده معاي يخليني اتذكر اللي فات غصبن عني وها الشي يقهرني ساعات سلامه : بعدج تحبينه حصه : اوهوووووووو جلبتها حب ..لا خلاص بس إلا يحز في الخاطر وانا ما اتحمل صح بروح عرسه بس بكون مهياه نفسيتي .. سكتت دقيقه وقالت : تبــن الصدق ..... انا اقص على عمري .. كيف بتحمل اشوف رويض عداله ... انا بنساه اذا سويت اللي سواه فيني .. يعني اعرس هذا هو الحل الوحيد سارة حطت عينها بالأرض لأن كلام حصه يعور القلب سلامه : خلاص انا بكلم احمد يمكن يطرش هزاع او حتى هوه يمكن أي صوبنا .. سارة : تصدقن ساعات احس روضه ما تحب سعيد ... احس انها خذته غياض حصه وسلامه ما علقن على ها الكلام ... وبعد ساعه ياهن أحمد وهزاع طلعن البنات ومعاهن سارة بس وقفت عند الباب وودعتهن وذكرتهن بموعد الحنا ويلست توايج من دريشة الميلس على أمل تشوف أحمد عشان يبرد فوادها .. وشافته وهوه نازل وشال شموه الراقده وركبو السيارة وراحو البيت وفي الطريق وهم سوالف وجيه أحمد : حصه وين الكيمرا الديجتل .. لأن باجر ورانا يواله حصه : في البيت أحمد : طلعيها من نوصل البيت حصه : ان شاء الله هزاع : يا ويل حالي ... من زمان ما يلت .. احلى شي انهم يايبين حربية أحمد : هيه اصلا انا موصي سعود من قبل قلت له لازم تيب فرقه حربية عشان نرتبش ونستانس هزاع : عيل بدق حق ربعي من اليوم أحمد : يبالهم والله هههههههههههه بلبس كندورة بنيه عشان اكون مميز هزاع : عيل انا بلبس سوده عشان اكون مميز أكثر عنك ههههههههه أحمد : لا والله حصه بكئابتها وتحرك ايدها على شعر شموه اللي كان راسها على ريولها وراقده أما سلامه تتذكر حالة حصه وكلامها وتقول لو يصير ها الشي معاي انا شو بسوي .. وصلو والبيت وشموه داقه بعمرها ولا تدري شو صاير شلها أحمد ودخلها البيت وهزاع تم في السيارة ووقفت سلامه اونها عاد تعدل عباتها ودخلت حصه داخل ... ويلست سلامه تسولف ويا هزاع سلامه واقفه عند باب البيت وهزاع على الدري سلامه : ها شو سالفة الكندورة السوده ...؟؟؟ بروحك اسود تروح تلبس كندورة سوده خلاص ما بتبين ههههههههههههههه هزاع : انا اسود ...؟؟؟ خدودي يحمرن وتقولين اسود .. تعالي من شوف منو ابيض من الثاني.. هاتي ايدج منقارن ههههههههههه والله اني افتح عنج سلامه : هههههههههههه احب اقهرك ما ادري ليش هههههههه هزاع : لا والله ههههههههههههه انزين شو سويتي في الصالون ..؟؟؟ سلامه : لا تقهرني ما قصيت شعري كله منك انته هزاع : حرام عليج ليش تقصينه ...؟؟ خليه ولا يخصج فيه سلامه وهيه تتلفت : بعدك ما صرت ريلي عشان تتحكم هههههههههه انت من الحين بادي هزاع : صح مب ريلج ...بس بإذن الله راح تصيرين حرمتي يا عمري انتي سلامه : انا ما استحي ... عادي عندي ههههههههههه دفشه متى بثقل ما ادري هزاع : والله تكونين على طبيعتج هذا احلى شي ... فديتج انا سلامه : انا بدخل مافيني أحمد يطلع ويشوفني هنيه هزاع : يالله دخلي وانا وراج بنزل العود وبدخل سلامه : ما يخصني اليوم بدق لي يعني بدق لي من سنين ما سمعتك تدق عليه ..... من زمان هزاع : عيل بنروح الميلس وبنقعد انا وانتي واحمد وحصه سلامه : اووووووووووووكي يالله عيل بروح اعق عباتي هزاع : شوي شوي عن تدعمين الباب سلامه : يالله شو بلاك واقف تطالعني ... اللي يقول اول مرة تشوفني هزاع : آآآآآآآآآآآآآآآآآآآآآآآآآآآآآآخ والله انج غير عن ها الخلق مثلج ما راح القى سلامه : وجان استحــــــــي .....اشوفك عقب باي هزاع : الله يحفظج يا الغالية وراح هزاع صوب السيارة عشان ينزل العود وسلامه راحت الحجرة تعق عباتها وتزقر حصه عشان الجلسه اللي بيسونها في الميلس وأحمد عق ثيابة ويلس في الصاله يجلب بها التلفزيون دخل عليه هزاع وقاله عن السالفه وراحو الميلس وشغلو المكيف وراحت حصه المطبخ تيب عصير عشان تحلى الجلسه ومكسرات وبعد شويت حلويات وجيه عشان السهرة تحلو واما شموه رقودها في الحجرة عندهن وسلامه راحت تيب خاشوقتين ( ملعقتين ) وفنيان حق شوه .. حق ربشتها لأنها دوم تستهبل وتسوي حركات ويلس هزاع يضبط بها العود وهم قاعدين يتريونه يخلص وهوه بالعماله اونه عاد يضبط وجيه ذلهم ذل قامت سلامه وعلقت سلامه : هزاعووووووووووووووه ترانا بنطبك انت وعودك وبنروح نرقد أحمد : هي والله ذليتنا ياخي .... يالله دق حصه تاكل من ها الفستق ولا عليها منهم وفي عالمها الخاص وسلامه تدقدق ها الخواشيق على الفنيان اونها عاد تسوي صوت مثل الاصوات مال الجلسات هههههههههه اسميها تضحك وهيه مندمجه في الدق يضربها أحمد على عسها( رقبتها من ورى ) وكلهم نقعو من الضحك وهيه خافت لأنها ما تدري من وين يتها ها الضربه سلامه : خلاص ما بقعد عندكم أحمد : الله يهديج بس... شو هذا عيل اللي تسوينه صايرة جنج مثل اللي يالسات في الجبرة هههههههههه سلامه : قول والله هزاع : هيه بعد شو .. يالله قعدي بغني الحين حصه : هههههههههههه سلامه قعدي احسن يا الفشله سلامه : انزين بس لا تضربني يا أحمد تراك عورتني بصراحه أحمد : تعالي ببوسج على راسج ... كله ولا زعلج سلامه : اوكي يالله بوس أحمد : صدقتي يا المينونه ههههههههههه لو تموتين ابوسج على راسج ههههههههه يالله روحي هناك سلامه : هههههههههههههه على بالي تغيرت وصرت طيب احمد : تبين الدهان يلصق على شفايفي ههههههههه سلامه : احلف انت بس ... شو تحيدني سرياتي ولا موحيدين ... خلاص ما بقعد هزاع : ههههههههههههههه ... اسمحيلي ما اروح اخش الضحكه ههههههه احمد : خلاص لا تزعلين ... اسولف سلامه مبوزززززززة وفيها ضحكه بس خاشتنها حصه : بسسسسسسسسس خلونا نسمع .. نحن يايين نتضارب ولا نستطرب ..؟؟ هزاع : انتي اللي حاسه فيني بس هههههه ويلس هزاع يغني والبنات يصفقن وأحمد يدق على قوطي الكلينكس وبعد ما خالصو من الغنى يلسو يسولفون هزاع : تعرفون مرة شو صالي يوم كنت في العين وفي حجرتية كلهم يردون عليه : شووووووووووو هزاع : كنت راقد وفجأة فجيت عيوني وكانت الساعه تقريبا 3 فليل .. شو تتوقعون شفت حصه وسلامه : شووووووو احمد : مصدقات السالفه هزاع : لا تخرب ... المهم فجيت عيوني وشفت .... حصه وسلامه وهن فاجات عيونهن ومندمجات بالسالفه : هيـــــــــه هزاع : متعايز اكمل القصه حصه : كمل يالله عاده سلامه : اوهووووووووو ... يالله دامني مندمجه هزاع وبصوت عالي : شفت ... امايه هاكو وراكم اللي شفته ونشت حصه وسلامه يصارخن هزاع واحمد : هههههههههههههههه حصه : جذاااااااااب واحد .. خوفتنا كله اتخيل يني سلامه : سخيف واحد ... الحين كيف برقد حصه : يالله انا بروح ارقد احمد : وانا بعد هزاع : اممممممم اخاف ارقد بروحي .. لأن اخاف يطلع لي اللي طلع لي في بيتنا هههههههههههه سلامه : ياربيه .... كيفي برقد الحين صدق اني ديايه اخاف من كل شي احمد : ههههههههه يالله قومن بسكن سهر ويت الساعه ثلاث إلا ربع خلاص شطبو كل شي وراحو يرقدون ...................... في حجرة البنات سلامه : يالله يا حصه .......... مستانسه انا اليوم وايد حصه : ان شاء الله دوم سلامه : تصدقين الحب حلو حصه : ادري .. بس اذا انتهى او ما اكتمل يستوي مر سلامه : الله لا ايب المر صوبنا ... حصه : آمين سلامه : ورانا حنى باجر .... وييييييييه سالفه بعدنا بنروح بيت قوم سارونه حصه : هيه ومافيني اشوفه ولا اريد اشاهد ويهه سلامه : يالله شو نسوي ... اقولج انتي طلعتي صورته من بوكج حصه : هيه وناويه احرقها بعد سلامه : مثل ما حرق قلبج اففففففففففففففففففففف حصه : انسي السالفه الريال بيعرس وما بيدي حيله ومب حلوة في حقي افكر فيه حتى سلامه : ادري غصبن عنج يا حصحوصتي فديتج والله ... صدق انج شيخه حصه : ولد عمي وجيه سوى فيني وبحبي ما الوم الغريب اذا سوى أكثر من جذيه سلامه : يا عمري ما يخص القرب والبعد في صدق المشاعر والنذاله ... هاذي طبايع الشخص نفسه حصه : يالله سلامه بندي الموضوع ورقدي لأن ورنا عباله باجر سلامه : وانتي بعد رقدي وطبيه عنج ولا تتعبين عمرج بالتفكير فيه.. حصه : تعالي معاي بروح احرق الصورة في الحمام وحرقت حصه وسلامه صورة سعيد في الحمام وافتكت من آخر شي يربطها به . شوي يرن تيلفون سلامه وردت وقالت : الووووووووو هزاع : انا اليني ... وما بخليج اليوم ترقدين سلامه : بسم الله الرحمن الرحيم ... هزاعووووه لا تقعد تسوي فيني جذيه .. والله اني اخاف حصه : ههههههههههه نسيت السالفه وذكرتيني الحين هزاع : فديتج .. بقولج شي سلامه : قول هزاع : اخاف ارقد بروحي سلامه : لا والله ... اوكي شو رايك ... امممممم لقيت لك حل هزاع : موافق عليه بدون ما تقولينه سلامه : متاكد هزاع : هيه اعرف انج تحبيني وتحاتيني سلامه : انزين انت ما عرفت شو الحل هزاع : شو الحل ؟؟؟ لأني اخاف ... اونه هههههههههههههه سلامه : ترقد عند موحيدين .... هذا ابسط حل وبصراحه انصحك ترقد في حجرتهم بعد هههههههههههههههه هزاع : سود الله ويهج .... هذا حل ههههههههههههه ما عليه .... حبيت اضحكج قبل لا ترقدين عشان ما تقولين اني طول الوقت اخوفج هههههههههه سلامه : فديتك والله هزاع : يالله عيل بروح اشل دوشق الشبرية واروح عند موحيدين الدريول سلامه : هههههههههههههههههه صدقت اشوفك ... هزاع : ههههههههههه يالله تصبحين على خير سلامه : وانت من اهله وسكرت سلامه التيلفون وبعد جيه نص ساعه رقدن بثنتيناهن لأن وراهن حنا باجر وجيه ........................... في حجرة هزاع دخل احمد على هزاع من بعد ما سكر عن سلامه التيلفون ويلس احمد وقال حق هزاع : اتصلت ربيعت العنود خولة وقالت لي " ان العنود في البيت وابوها رد اللوم على امها المغربية ... اصلا هوه متى عرف انه عنده بنات يحط باله عليهن هزاع : أم العنود مغربية أحمد : هيه مغربية وهيه الحرمة الثانية .. ولا يخصه إلا بمصروفهم وبس تخييل مغرقنهم بالفلوس ولكن هوه وينه من عياله وبناته ...؟ لعاب واحد هزاع : هيه خبرتك عن وضعها أحمد : اصلا اللي خلاها تتعرف علي حالتها في البيت ... بس شوف اللي صار .. ما ادري ليش جيه مصير الحب .. مصيره يتنهي ويروح وما يبقى غير الذكرى والالم في القلب ... هزاع : خلاص انسى وابدى من يديد ... حمادوه انت بتنام عندي ولا أحمد رايح صوب الباب : لا انا بروح ارقد في حجرتي ... تراني اذيتك هزاع : لا شووووووووووو ... بالعكس والله .. أحمد : يالله تصبح على خير هزاع وهوه منسدح على الكرفايه : وانت من اهله ........ وتثاوب أحمد : شو ها مب حلج عليك ... تمساح ههههههههههههه هزاع : من حلاتك يعني .... يوم تتثاوب حلجك جنه بونيت سيارة مبطل ههههههههههههه أحمد : هههههههههه حلوووووووة بس لا تعيدها ههههههههههههه وروح أحمد ودخل هزاع ينسبح وبعدها دقها رقده محترمه .... ................ في حجرة أحمد احمد منسدح ويجلب بالتلفزيون ويلس يدندن اغنية حربي العامري " يا خسارة حبنا فيكم حرام ... واتضح لي معدنك على العموم " والاغنية هاي كانت تذكره بالعنود... الساعه ثلاث ونص رن تيلفونه أحمد يتحرطم بروحه ويقول : منو بعد هذا متصل اللحين .... ما رد أحمد .. ورن التيلفون مرة ثانية .. رد أحمد : الووووووووووو ؟؟؟؟؟ : هلا بو شهاب ا شخبارك أحمد : سوافوووووووووووووه .... غبار غبار من وين طلعت انته هههههههههه سيف : غبار بويهك ... علومك وينك ما تنشاف أحمد : والله انا فبوظبي الحين عندنا عرس باجر وبكون في العين يوم الجمعه سيف : الدواااااااااااااام مشتاق حقك أحمد : لا تطريه انا بدوام منيه وهزاع بيدوام مناك والله كنا مرتاحين ويا الاجازة سيف : هههههههههههههه تعال شوف الشباب والله انهم مستانسين لأنك محد ... مب لاقين حد يطفرهم أحمد : الحين راجعلهم هههههههههه براويهم هههههههههه شكلهم ارتاحو وايد مني سيف : هههههههههه هيه والله متفيجين أحمد : ها الرقم غريب عليه ... متى طلعت انته هاي البطاقه .؟؟ سيف : من فترة ورقمي الجديم بعده شغال بس هذا احتياط انت فاهم يعني أحمد : قول حق التقردين مب احتياط هههههههههههههه سيف : لا تفشلنا هههههههههههههه أحمد : يالله الحين اجلب ويهك لأني اريد ارقد سيف : انا رقادي مجلوب وملان ما عندي شغله قلت ادق اطفر بربعي اللي اعرفهم أحمد : ولايكون انا اول واحد في القايمة ههههههههههههههه سيف : لا كلمة بروك بس صك التيلفون بويهي لأنه ما عندي سالفه ودقيت حق علاوي لقيته سهران ويا عيال عمته واستهبلت عليه شوي وسكرت عنه وبعدين قلت ادق لك أحمد : يالله الحين باااااااااااااااااااااااااااااااااااااااااااااااي واريدك تطفر بحمود العود سيف : لا مافيني عليه تباه ان لقاني يكسرني و انا مب ناقص و هو يدور الزله... عصبي هذا ما فينا عليه يكفي السوابق اللي سواها فيني.. هذا لازم يدخل السجن بسبت اجرامه ههههههههه أحمد :ههههههههههههه.. عيل شوف التلفزيون وانت ساكت ولا تدق حق حد وودر اللعبان عنك يالله انا فيني رقاد سيف : اوووووووووكي يعني اقعد اطالع التيلفون مينون قالولك ههههه ...المهم بو شهاب تصبح على خير يالله باي أحمد : باي بند التيلفون أحمد وسيده رقد .... الساعه 5 الفير يرن تيلفونه مرة ومرتين وثلاث وانتبه بعدين انه يرن ورد بدون ما يشوف الرقم أحمد والصوت يرووووووووووع : الووووووووووو ؟؟؟؟؟؟؟؟؟؟؟؟؟ : .......................... أحمد : الووووووووووووو ها منو ؟؟؟ ؟؟؟؟؟؟؟؟؟؟؟؟ : ..................... أحمد : سواف عن ها الحركات القرعه ..... والله اني تعبان ؟؟؟؟؟؟؟؟؟؟؟؟؟؟ : احب .... احبك أحمد انتبه انه صوت بنية : منو وياي ؟؟ ؟؟؟؟؟؟؟؟؟؟؟؟ : نسيت صوتي ... واحالك تنساه أحمد : العنووووود العنود : هيه العنود أحمد : .......................... العنود : دريت باللي صار أحمد : ........................... العنود : ليتني مت وافتكيت ... أحمد : ............... العنود : ليش ما ترد ؟؟؟ أحمد : اظن ما بينا كلام .. خلاص كل شي انتهى العنود : انزين بكون صديقه لك او حتى عاملني مثل أختك لأني محتايه حد يوقف معاي أحمد : انتي اللي سويته مب شويه .... وشي ثاني الانتحارتشوفين انه الحل الصح ..؟؟ ما تخافين من ربج العنود تمت تصيح أحمد : لا تصيحين ولا تنزلين دموعج لأنه مالا داعي العنود : والله انا محتاجه لك والله .....لا تتخلى عني أحمد : وليش داقه ها الوقت ماشي وقت عدل تدقين فيه العنود : امي كانت راقده عندي في الحجرة ومن قبل شوي طلعت عني وراحت ترقد في غرفتها وهاي الفرصه الوحيده اللي باخذ راحتي فيها بالكلام معاك أحمد : ما بينا كلام العنود وهيه تصيح : آآآآآآآآآآآآآآآآآآآآآآآآه سامحني بليز ... اعتبرني صديقه أي شي المهم تكلمني وتسمعني يوم اشتكيلك أحمد : يالله باي دوري حد غيري متفيج ويسامح الخيانات العنود : ادري غلطت ادري والله بس سامحني ارجوك أحمد : الكلام هذا ما منه فايده .... انا اريد ارقد الحين ممكن العنود : متى بتحس فيني أحمد : وانتي قبل لا تكلمينه او حتى تفكرين فيه ما حسيتي فيني ... ؟؟؟ العنود : انت كنت ساعات تنشغل عني وما القاك .. والله الشيطان لعب براسي أحمد وهوه معصب : خلااااااااااااااااااااااااااص اقولج ما شي بينا خلاص كل شي انتهى العنود : احبك والله احبك أحمد : أي حب هذا اللي تتكلمين عنه هاه ...........؟؟؟ أي حب تكون نهايته خيانه ... وين الاخلاص .. انتي تشوفين مبرر لخيانتج انشغالي عنج ... هاي حياتي وانتي تعودتي عليها انا ما عرفتج من يوم او يومين ...يمكن كلمتي قبل حد وانا ما ادري كل شي جايز العنود : لا تقول جيه ......... أحمد : يالله باي ممكن تبندين ولا تردين تتصلين فيني العنود : ما اقدر أحمد : بس انا اقدر .. وبند عنها واغلق التيلفون ماله وتم يتجلب على الشبريه ويمر في باله كل سوالفهم وكل المواقف اللي صارت وكل شي مر عليه معاها ......ومن التعب وطول التفكير رقد ............................... في اليوم الثاني الصبح الساعه 9 يرن تيلفون حصه بعد ثلاث رنات ردت حصه حصه وصوتها اللي ما ينشهى : الوووووووووووووو سارة : اهلين .... صباح الخير حصه : صباح النور ... بالله عليج يا سويرة حد يدق ها الحزة ؟؟؟ سارة : ليش انتي نسيتي موعدنا .. ما شاء الله علينا كم وحده نحن هذا غير امي وامج وبنت خالتي الهنوف حصه : منو ها الهنوف هاي بعد من وين لج بنت خاله انتي سارة : مب وايد معاهم نحن تعرفين نحن قوة علاقتنا معاكم مب مع قوم خالتي اصلا انا ما عندي غير ها الخاله بس وعندها ها البنت والباقي اولاد حصه : والحين .... الزبدة ... لازم انش الحين سارة : طبعا امج خلاص كلمتها امي جدامي وقالت انها مخلصه وتترياكن انتن تزهبن حصه : واللي ما احب طاريه وينه ..؟؟؟ سارة : راقد وقالي اوعيه الساعه 11 وراه مشاوير تعرفين انه اليوم عشى الريايل واليواله راح تستوي حصه : ما كلمتي رويض سارة : لأ .... هيه ما تتصل تباني انا اتصل فيها حصه : الله يعين سارة : يالله لأن الحنايه يت وتحني امايه الحين وبعدين بنشوف منو بيتحنى حصه : والهنوف يت ولا سارة : في الدرب حصه : هيه من عمرنا ولا سارة : عمرها من عمر سلامة حصه : اها هاي ما يت الملجه سارة : لأ ... وايد خجوله ها البنت وبالغصب امي خلتها تي تتحنا معانا حصه : اها .. خلاص عيل بقوم اوعي سلامه سارة : يالله عشان نستانس وما يضيع الوقت لأن ورانا تعرفين شو حصه : لا مافيني هبه من اخلص الحنا برجع البيت سارة : وين ترجعين ... مب العروس تسوي ليلة حنا ... حصه : هيه وبعدين سارة : نحن ما بنروح عندها لان مسوين في بيتنا يوم الحنا حصه : لا تقولين عازمة ربيعاتج سارة : هيه بس مب الحين بين البيت..بين جيه على العصر يالين العشى .....بعشيهن وبخليهن يتوكلن حصه : يعني لازم اكشخ... وايب بدله معايه .. بس ما برقص مافيني سارة : سيري لاااااااااااااااااااااااااا ... بنرقص كلنا وبنصور بالفيديو بعد .... وقولج من الحين اترياج بسرعه حصه : انتي حركات مب منج من ها البزى اللي تبينه سوته لج امج .. ما احسدج بس يبالج يوم من الايام طاف من صوبها سارة : حرام عليج ... اصلا هيه بالغصب طاعت قلتلها انا اريد افرح بخويه الوحيد ويبتلها من ها الكلام اللي يحنن القلب هههههههههههه واقتنعت وربيعاتي مضمونه ييتهن لأن اغلبيتهن بفريجنا ودومهن اين بيتنا حصه : زين يالله اخليج الحين سارة : اوكي بس مب ترقدين اعرفج انا حصه : لا تحاتين باي وسكرت سارة عن حصه وقامت سلامه من الرقاد وطلعت حصه الصاله ولقت بطاقة دعوة مال العرس وقالت : الله ........... انا احب ها اللون ياي .. منو بيعرس ؟؟؟ وفتحتها وقرت اسم سعيد في البطاقة وقالت : كيف نسيت انه بيعرس ... يالله اففففففففف وليش مطرش بطاقه .. يبغي يهرني ولا كيف ... وراحت الحجرة تتريا سلامه تتجهز .... الساعه 10 وربع طلعو من البيت أم غانم وحصه وسلامه وشموه.... وراحو صوب بيت المرحووم عمهم وفي البيت هناك دلخو الصاله ودقوها سوالف كلهم وتحنن وحده ورى الثانية والهنوف استانسو معاها لأنها سوالف بس بنفس الوقت هاديه شوي ... الساعه 1 ردت ام غانم وشموه البيت لأن ريلها حمد محد عنده ومنها ترتاح من ها النشه من الصبح ... في بيت المرحوم حصه : الحنا يجنن سارة : عيل شو على بالج ذوقي مب شي حصه : منو قال جيه يا راسج اللحين بتذلينا عليه الهنوف : هههههه سلامه : انا حنايه احلى حنا سارة : صح صح سلموه حناها احلى حنا ونحن شو على ايدنا ... مب جنه حنا سلامه : انا كل شي يطلع عليه حلو حصه : حوووووووووووو ... سلاموه وين تبين صدقتي عمرج اشوف الهنوف : هههههههه سلامه انتي وايد واثقه من عمرج والمشكله على البلاش حصه : هيييييييييييييي هييييييييييييه طلع لسان الهنوف ... عطيها ازلغيها هههههههههههههههه سارة : عاشت بنت خالوه عاشت هههههههههههههههههههه سلامه : انا امزح شو بلاكن متن قهر هههههههههههههههه راحت الهنوف وسلامه حجرة سارة ويلست حصه مع سارة في الصاله ومر الوقت وغسلن ايدهن وتجهزن حق الحفله واليلسه اللي ناويات يستانسن فيها سارة أمرت على بشكارهتم زبيدة تدخن الميلس وترتب الفواله وتجهزن الحلويات وين ربيعات سارة بعضهن يعرفونهن حصه وسلامه وبعضهن لأ وقعدن كلهن في الميلس سوالف والمسجل يشتغل وكل مرة ثنتين يقومن يرقصن وكانن ما شاء الله عليهن 16 وحده طبعا مع حصه وسارة وسلامه والهنوف ... رقصن واستانسن وسولفن ما توقعت حصه ان اليلسه جيه بتكون وناسه ....رن تيلفون سارة متصل فيها سعيد سارة : الوووووووووووووو هلا سعود سعيد : اهلين ....منو سعود ..؟؟ انا المعرس واسمي سعيد .. شو اصغر عيالج تقولين سعود ...؟؟ سارة : هههههههههههه ... اسمحلي يا سعود بس انا ما تعودت اقول سعيد هههههههههه سعيد : المهم بتفاهم معاج يوم برجع البيت ...و راسج هذا لكسرة ههههه .... اقولج لو تشوفيني الحين كاشخ ... اتريي الفلم يوم بيزهب وأحمد هاذوه عدالي مب رايم يقر فمكانه زين يوم سلم عليه .. ههه سارة : تقهرني يعني .... حتى انا كاشخه ولا مستانسه بعد ... أحمد معاك زين والله وليش مب طايع يقر سعيد : هيه معاي ... والله من يا هنيه سلم على الشباب ولا خلى واحد منهم بحاله سوالف وايواله يعرفون ولا ما يعرفون غصبن عنهم هههههه... بس تصدقين اخوج اليوم مسكت الجميع ههههههههههه سارة : لا تيلس تمدح عمرك وايد سعيد : انزين لو تعرفين منو يا اليوم وموتني من الضحك وهوه ايول سارة : منو سعيد : ولد خالتج عمار هههههههههههههههه كتكوت ما شاء الله عليه ويقلد ها الشباب في اليواله سارة : يا حليله عمره سنتين ونص جنه جيه ... اخته الهنوف هنيه عدنا في البيت سعيد : سلمي عليها ... يالله برايج ... ربعي اشوفهم متبادين عليه يالله باي سارة : اتصل بي اذا صار أي شي يديد سعيد : انزين يالله باي سارة : باي الهنوف : ها عن منو يخبرج لايكون ابويه سارة : لا عن عمار الهنوف : ادريبة ابويه امي موصتنه ما يشله معاه بس هوه الله يهديه ... تخاف عليه من عيون ها الناس سارة : ابوج اسميه سوالف الهنوف : هههههههههههههه وايد مر الوقت ويت الساعه 9 راحت سلامه وحصه البيت ياهم محيدين واما سارة وربيعاتها كملو اليلسه تعشو وبعدين راحن ... ................................. في بيت حمد ( بو أحمد ) الساعه 11 إلا ربع حصه : وين العشى أم غانم : ماريا الحين بتحط العشى .... وليش ما تعشيتن هناك حصه : مافيني راسي عورني من الحشرة أم غانم : شو حشرته ... عيل باجر انتي شو بتقولين حصه : باخذ معاي بندول أم غانم : شباب ويتويعون من روسهم عيل العياييز شو يسون ؟؟؟ حصه : ههههههههههه اميه شو قصدج يعني أم غانم : انا ما اقصد شي حمد : حصه شوفي شمه شو تسوي في الحجرة احيدها يالسه على الكمبيوتر مالي حصه : انزين سلامه : ابويه شوف حنايه شو رايك فيه وشوف شعري حلو لونه حمد : حلو بس خليني اشوف الاخبار الحينه راحت سلامه ودارت جدام ويهه : ابويه .. شو جيه ليش ما تراعي شعوري .. لا تجاملني قول الصارحه حمد اونه معصب : سلامه .... خوزي من جدامي بسرعه سلامه : ابوي انت ما تعرف تعصب .. اعرف قلبك طيب وشل الريموت اونه بيفرها به عشان يخوفها .. شردت سلامه .. أم غانم : سلامه قعدي طفرتي ببوج سلامه : ا نا ما اطفر به لأ انا اسولف معاه حمد : امحق سوالف سلامه بوزت : خلاص لا تكلمني حمد : يا بنت الحلال عقب ما تخلص ها الاخبار بفضى حق سوالفج سلامه راحت وباست راسه : الله يخليك لنا يا بويه حمد : أحمد وهزاع بعدهم عند سعيد ؟؟ أم غانم : هيه بعدهم ما يو .... انت تعشيت هناك ولا حمد : لقيمة ... قعدت اسلم على فلان وفلتان وهناك يلسنا بعد مع الشيوخ وربعي اللي من زمان ما شفتهم مع انهم ما قصرو وكل شي موجود بس قلت بتعشى هنيه معاكم احسن أم غانم : زين والله حصه يابه شموه معاها ويلسن عدال بعض شموه : حصه انتي حنا في ايدج اكثر عني ..؟؟ ليش حصه : لأني اكبر عنج شموه : بابا .. ليش حصه حناها اكبر عني حمد : افتكيت من سلامه يتني شموه شموه : بابا ليش ؟؟ حمد : الحين ما فهمت شو السالفه حنا حصه اكبر ولا اكثر ما فهمت شو بلاج انتي شموه : حناها اكبر .. لأ حناها أكثر عن حناي ... اممممممممممم يقولون اكبر ولا اكثر ما اعرف حمد : ههههههههههههههههههه شموه حناج احلى عن حناها خلاص .. وخليني اشوف الاخبار واتعشى شموه : حصه بابا قال حناي احلى عن حناج حصه : انزين درينا يالله تعشي وانتي ساكته شموه : انزين وقعدو يتعشون وهم يتعشون يا أحمد وعصاته بيده وايول وايبس عند حصه وحصوه ميته من الضحك ... اما هزاع في الحجرة يكلم امه وعقب ما سكر عن امه طرش مسج حق سلامه وكتبت فيه " إذا يرضيك أخفي أشواقي وهوايه .. ما اوعدك بس ارح احاول .. يكفيني انك للحين جنبي ومعايه .. وأنك لقلبي إنت حبي الأول " وردت سلامه عليه " الله يعلم بحالي يوم إنك بعيد ..ما تمر لحظه بدون ما أذكرك ..وألقى الوقت يمشي على هون هونه .. وأرحل انا مع خيالي لجل نتبعك " وردت وكتبت مرة ثانية تكمله حق المسج الأول " والله يعلم بحالي يوم إنك قريب .. ما اقدر أخفي الشوق يوم أكلمك .. أحس بإني من الفرحة شوي وأطير .. وأبقى مكاني لجل بس ما اهملك " هزاع : فديت كل حرف كتبته ايدج ..وصدقيني اني ماراح اتركج " وكان هذا آخر مسج ................................... ________________________________________ الخميس يوم العرس طبعا الكل متجهز عدل حق ها اليوم ... .. الجزء السادس الخميس يوم العرس طبعا الكل متجهز عدل حق ها اليوم ... البنات كلهن في الصالون وام هزاع يت بوظبي وعويش ما يت لأنها تعايزت وريم حرمت غانم يت مع سهيل وموزة بنتها الصغيرة وامها .... في قاعة الثريا في بوظبي ( مكان العرس ) الساعه 8 طبعا أم المعرس تستقبل المعازيم وبعدها حصه وسلامه وسارة وشموه والهنوف في الصالون ما خلصن مر الوقت ويت الساعه 9 إلا ربع ... خلصن اتصلت سارة حق دريولهم لقته لاهي .. سارة تكلم حصه وتقول : الدريول لاهي الحين ... الحين منو بيودينا القاعه مافينا نتاخر حصه : بدق على محيدين وبشوفه ان ما لقيته بدق على أحمد سارة : لا انا استحي من احمد حصه : خلينا نلقى حد الحين وعقبها استحي حصه لقت ميحيدين مرتبش ورايح بيت سارة عشان ايبون حايه ناسينها في البيت وما لقو غير أحمد حصه : سارة تراني بدق حق احمد سارة : سوي اللي تسوينه المهم ما نتاخر حصه : اوكي دقت على أحمد والحمدلله انه كان قريب من الصالون يتمشى بروحه ومر عليهم في الصالون ركبن السيارة .....طبعا هاي سيارة احمـــــــــد .. .................................................. .................................... أحمد : ما شاء الله احيدكن غبر والحين ما شاء الله تخبلن حصه : منو الغبر ؟؟؟؟ غبرة حرمتك هههههههههههه أحمد : لا تسبين حرمتيه اللي بعدني ما خطبتها هههههههههه الكل يضحك حصه : ناوي تخطب ولا أحمد : من ناحية ناوي ..... لأ .... بس شوفي لي وحده اذا تصلح لي سارة انقهرت من كلامه حصه : ما بشوفلك ولا شي .... هاي شغلت امايه أحمد : منو قال اني بعرس ... العرس ما اريده حصه : تتكلم جد أحمد : إلا ابو الجد ... ما افكر فيه ابدا ... اقول انا احيدكن ثلاث اشوف الحين في السيارة خمس كيف جيه؟؟؟ سارة خلاص فقدت الأمل منه حصه : ليش ما تدري انه سارة معانا وبنت خالتها بعد وقفط أحمد واستحى وتم ساكت طول الدرب لأنه كان على باله ريم حرمة غانم يايه ولا يا على باله ولا انتبه اصلا يوم ركبن ... وصلو القاعه نزلت حصه ونزلت شموه ونزلت سلامه والهنوف وآخر وحده نزلت سارة كان بها اللحظة أحمد يشوفها من المنظرة الجدامية وبالغلط طاحت غشوتها وشافها وكانت روعه وقال بخاطره : يا ويل حالي شو ها الزين كله سارة تلحفت ابسرعه وسكرت الباب وراحت وراهن لأنهن سبقنها ... وتم شكل سارة وحلاتها في بال أحمد ................................. داخـــــل القـاعــه دخلت حصه ووراها الهنوف وسلامه وشمه والكل يطالعهن وسلمن على اهل العروس والاهل اللي كانو موجودين ... ريم حرمة غانم موجوده ومعاها امها وراحت صوبهم سلامه وحصه وسلمن .... ويلسن شوي عند ريم عشانهن اشتاقن حق موزة الصغيرة أم ريم ما خوزت عينها عنهن وقالت : شو اخباركن ؟؟ حصه وسلامه : الحمدلله بخير ريم : ما شاء الله وايد محلوات ... انتن صبغتن شعركن ؟؟ ولا شو سلامه : انا صبغت بس ما قصيته اما حصه فقصته وصبغته حصه زاخه موزة وتلعب معاها وتقول حق موزة : فديتج انا حياتي انتي ... وحشتيني وينج يا كتكوتي ... وتمت تبوسها وخيست ويها روج حصه تكلم ريم : سهيل وينه ريم : برع ويا سرياتي ما فينا يخرب هنيه وايلس يراقص في ها القاعه منو بيزخه حصه : اها زين والله .... بتباتين ولا بترجعين العين ريم : برجع لأني يايه ويا امايه ما اقدر اخليها ترجع بروحها حصه : زين والله سلامه تنغز حصه بظهرها ... طالعت حصه سلامه وقالت بصوت واطي : سلامه شو بلاج؟؟ سلامه : أم ريم ... ما لاحظتيها كيف تطالعنها بتاكلنا بعيونها ووووووووول حصه : هههههههه هيه لاحظت والحين بشرد سلامه : يالله عيل .... شو نتريا قامت حصه وسلامه وراحن صوب طاولة ربيعات سارة وقعدن هناك وسارة كانت تقرب بالحريم طبعا لأنها اخت المعرس والهنوف يلست عند أمها بس يوم شافت حصه وسلامه بطاولة ربيعات سارة راحت وقعدت عندهن ... كان العرس وايد حلو ومرتب وفرقة نوف ما قصرت ربشت العرس ربشة .... وقت العشى رن تيلفون سلامه سلامه : الوووووووووووو .... هلا والله هزاع : اهليييييييييييييييييين .....علوم القلب سلامه : الحمدلله ... اخبارك هزاع : ما اسمع حشرة ...؟؟ وين الدق وين ها السوالف سلامه : انت داق بوقت العشى هزاع : شو يعني اسكر عنج سلامه : لااااااااااااااااا ... ما صدقت اسمع صوتك انا هزاع : ايه .... انتبهي عن يسمعونج سلامه : محد عندي كلهن راحن يحطن أكل من البوفيه وانا اول وحده رحت هناك هههههههه لأني يوعانه بصارحه هزاع : عادي ايي وأكلج ولا ما يحتاي سلامه : ياليت .. لأني اريد ايود طاقتي حق الرقص هزاع : امممممممممممف عليج .. شو رقصه بعد ما شي رقص منقوده ها الحركات سلامه : احلف انته بسسسسسسس... اصلا ما برقص جدام الحريم .....عقب ما يروحن برقص هزاع : يروحن ما يروحن ماشي رقص في الحالتين سلامه اونها تسايرة : افاااااااااا عليك اصلا انا ما برقص بس اشوف شو بتسوي ( تقص عليه ) هزاع : جيه اباج تسمعين الكلام سلامه : انت الحين وين هزاع يبغي يقهرها : انا هنيه جدام القاعه اتريا المزيون يمر عشان اعطيه الرقم سلامه : باي هزاع : هههههههههههههههههههههههههههههههههه سلامه : بااااااااااااااااااااي واستانس مع المزيون هزاع : والله انج سالفه يعني وين بكون في البيت بس سمعي سلامه : هلا هزاع : يوم توصلين عطيني مس كول عشان اريد اشوفج سلامه اونها تستعبط : وليش تشوفني ؟؟ هزاع : اريد اشوف كشختج يا غناتي سلامه : لا استحي هزاع : ها اللي ناقص الحريم يشوفنج وانا زوج المستقبل ما اشوفج ما يصير سلامه : ان شاء الله ... انا الحين بخليك لأن ربيعت سارة يت هزاع : سارة منو ؟؟ سلامه : أخت المعرس هزاع : يالله عيل سلمي على كل اللي في الطاوله معاج سلامه وهيه معصبه : وبعدين معاك .... ليش تحب تقهرني هزاع : ههههههههههه سوري خلاص زين .... والله اسولف سلامه : يالله حياتي باي وسكرت سلامه التيلفون ويت حصه وسارة وربيعاتها ويلسن ياكلن وتمت سلامه تلقط من صحن حصه شوية خفايف ... وبعدين يا الوقت اللي تدخل فيه روضه (العروس ) ودخلت وكانت تجنن و روعه سلامه : متى انا بكون لابسه ها الفستان الغاوي ها الفستان الابيض وانزف حق هزاع حصه : ان شاء الله قريب سلامه : للحين ما اصدق هذا اللي يصير حصه : ليش يعني سلامه : المفروض انتي بمكانها حصه : اللي خلقه خلق الف غيره ...و احسن عنه وبيحبوني اكثر عنه سلامه : صدقج ... "عسى ان تكرهوا شيئا وهو خير لكم " محد يدري سارة : حشرني سعيد وهوه يدق حصه : ليش سارة : اونه مستعيل يريد يدخل حصه : حركات اخوج بعد سارة : اللي قاهرني انه رويض وايد شايفه عمرها وعلى شوه عاده حصه : ما ادري عنها سارة : الله يستر منها سلامه : اختها هيا وين سارة : هناك قاعده في الطاوله اللي هناك ويا ربيعاتها جنه وبنات ما اعرفهن يمكن اهلها سلامه : المفروض تروح تشل ذيل فستان اختها سارة : تلقينهن متضاربات ... ما تعرفين ان رويض وغده سلامه : عنبوه حتى مع اختها الوحيده سارة : شو دراني محد كاسر خشمها .... اخوانها الاولاد اصغر عنها ومحد يروملها وامها مخلتنها على هواها حصه : من يوم صغيرة اصلا وهيه شخصيتها قياديه وقويه سارة : اعرف ما يحتاي تقولين... هاي رويض مب هيا .. والله هيـا طيبة وايد وغير عن اختها فرق السما والارض ...لو خذ هيــا ابرك سلامه تطالع سارة بنظرة وقالت : سارووووووووه مينونه انتي ولا شو سارة : سوري ما كنت اقصد حصه : لا تخافين ما ازعل انا من ها السوالف ... وخلاص سعيد راح بنصيبة والله يسعده شغلو الاغاني وبدت الحشرة ولا وحده تمت تسمع الثانية سلامه تكلم حصه وتقول : حصه ... شموه وين حصه : شووووووووووو ساروه ... جدامج ما تشوفينها سلامه تعلي صوتها : شمووووووووووووووه مب ساروه حصه : هههههههههه هيه شموه كانت عند امايه...و آخر مرة شفتها فيها كانت تمشي صوب ريم ... تلقينها لقت سهيل وطاحة فيه الحين مغايض سلامه : يمكن ههههههههههههههههههههه حصه تكلم سلامة وتقول : شفتي امي كيف محلوه سلامة : امي تاكل حلوى ؟؟؟ من وين يابت الحلوى انا اريد شبعت من الباتشي حصه : منو طرى الحلوى الحين ... اقول سكتي احسن سلامة : اسكت ليش ... ما عليه براويج في البيت يا وقت دخول المعرس دخل سعيد واللي زفه اخو روضه واسمه جاسم وبالصدفة طاحت عين سعيد بعين حصه اللي كانت مجابلة الكوشه وابتسم ... وسلم سعيد على روضه وقعد اما جاسم وقف شوي يصور وطلع سعيد يكلم روضة : واخيرا وصلت روضه : مستعيل اشوفك سعيد : ليش ما استعيل حد بياخذ ها الزين وما يستعيل روضه :هههه مشكور ... الحمدلله طلعت القاعة مرتبه سعيد : عيبتج ... ترى من اختياري التصميم روضه : حلوة سعيد : تراج تجنين روضة : ادري ... هاذيه امي يت بتسلم علينا سعيد يكلم روضة : عمتي اشوفها مسكته اليوم بس امي انا اكشخ عنها روضة : سلم وانته ساكت سعيد : ههههه والله صدق روضة : ما برد عليك سعيد : احسن ويت ام روضة وسلمت على بنتها وريل بنتها وبعدها بشوي يت أم سعيد وصورو وياهم وركبت الكوشه شمه وصورت وسارة بعد .... وبعد ما خفو المعازيم راحت سلامه وحصه يسلمون ويباركولهم وكان الامر عادي ما فيه أي شي مميز .....وابو روضة دخل بعدين وابوها ماخذ حرمة ثانية ووايد مهمل قوم روضة وكله يكون ويا حرمتة الثانية وعيالها طلعو المعاريس وما بقى في القاعه غير البنات وكمن حرمة من الاهل ويلسن يرقصن واستانسن كلهن ............ بعد العرس وفي سويت المعاريس في الفندق سعيد يكلم روضه بعد ما راحو الكل : مبروك روضة : الله يبارك فيك سعيد : الحمدلله يوم عدا كل شي على خير ... شو رايج في العرس؟؟ روضة : اوكي سعيد : شو ها الزين كله شو ها الحلاة يا ويل حالي انا روضه اونها مستحية سعيد : ما شاء الله على بنات عمي كانن حلوات وسارة بعد تبين الصدق ما عرفتها ههههههههه روضه : حلوات بس قلبهن خايس سعيد : وليش قلبهن خايس ؟؟؟ شو تقصدين ؟؟ روضة : ما شفت حصه كيف تتطالعني بحتقار سعيد : بالعكس ما شفتها تشوفج بها النظرة روضة : انت شو دراك بها السوالف .. اصلا ادريبها منقهرة سعيد : حصه عقلها كبير ..... ما تعرفينها كثري روضة اونها زعلت وتضايقت : شكلك تحبها للحين سعيد : انا احبج انتي وبس روضة : لا انت تقص علي سعيد : كيف اقص عليج وانتي الحين حرمتي روضة ما عرفت شو تقول وقالت : بروح اعق الفستان لأني تعبت بصارحه هلكت وانا اصور سعيد : اوكي وانا بروح اشوف المنيو عشان نطلب عشى روضة : اوكي يا عمري سعيد : فديتج انا رن تيلفون روضة وراح سعيد بيشله يته روضة :لا تشله ولا ترد عليه انا برد عليه سعيد : اوكي وراح الصاله اما روضة قفلت باب الحجرة ويلست تتكلم فترة بالتيلفون وعقبها عقت الفستان ... .............. بعد ما خلص العرس خلاص البنات ردهم أحمد ويوم وصولو البيت دخل أحمد حجرة أمه عشان يتخبرها عن العرس وسوالفه اما حصه تكلم ربيعتها لطوف عن كل اللي صار وشموه راحت تغير ثيابها عشان ترقد ويلست أم غانم تسولف ويا أحمد ... اما سلامه فراحت صوب المطبخ التحضيري وطرشت مسج حق هزاع سلامه " انا في المطبخ تباني تعال " هزاع ما صدق من وصله سيده روح صوب المطبخ ولقى سلامه تخبل وتينن من حلاتها هزاع : شو ها الزين شو ها الزين سلامه : الزين بعيونك هزاع : رقصتي ولا سلامه : ما رقصت هزاع : اووووووو وطلعتي تسمعين الكلام ... شي طيب سلامه : هيه شو على بالك هزاع : اسميج اطيحين افففففففففففف ما شاء الله عليج سلامه : بس عاد .... والله استحي ....يالله لازم الحين اروح هزاع : الله معاج ... بس انا كيف بنام اليوم سلامه : لا تسالني ... هزاع : احبج سلامه : .................. هزاع : ليش ساكته ... والله احبج سلامه : ............. هزاع : تعرفين شو تمنيت اليوم يوم شفت سعيد سلامه : شو ؟؟ هزاع يوقف عدالها ويقول : اكون مكانه بس العروس للحين ما خطبتها وليتها توافق سلامه : لا تحاتي .. أي وحده تلقى واحد مصلك مستحيل ترفضة هزاع : انا اباج انتي وبس ... يالله ... اسميني متعلق فيج وايد .. ما اقدر اصبر عنج فديتج يا الحلوة ... ويتقرب هزاع ويمسك اييدها ويقول : خاطري بدال ها الخاتم اللي بيدج تكون الدبلة اللي بلبسج اياها انا ... ليش ترتجفين سحبت سلامه ايدها وقالت : هزاع لا تزخني .. ما يصير هزاع : والله مو بيدي والله من الشوق والوله تصدقين كل لحظة تمر انتي في بالي واتمنى في كل لحظة انج تكونين لي انا وبس سلامه طالعته وما ودها تروح وطلعت من المطبخ وهزاع يمشي وراها ويقول : يا ويل حالي انا شو ها الجسم صدق انه شي هههههههه سلامه : هزاعووووووووووه شوي وارد المطبخ وافلعك بالكوب هزاع : كل شي منج حلو سلامه : ههههههههههههه ... يالله روح مافينا حد يشوفنا هزاع : يالله عيل باي سلامه : تصبح على خير وفي الحجرة حصه : تسلم عليج لطوف سلامه : ......................... حصه : اكلمج انا سلامه : ها شو ما سمعتج سوري حصه : وين عقلج انتي ؟؟؟؟؟ سلامه : عقلي معاه حصه : مع منو سلامه : تعرفين منو حصه : لايكون كنتي عنده سلامه : هيه حصه : شو ها الرمنسية .... وشوه قالج عشان تين جيه ما تعرفين كوعج من بوعج سلامه : قالي كلمه من اربع حروف ... وكل حرف من حروف ها الكلمة ذبحني حصه : يا عيني .... والله شوي وتصيرين شاعرة هههههههههه سلامه : آآآآآآآآآآآآآآآآآآآآآآآآآآآآآآآآآه عسى الله لا يفرقنا حصه : آمين .... بس تعالي فجي تسريحتي والله تلعوزت سلامه : انزين بس صبري علي شوي عشان استوعب كل اللي صار حصه : يوووووووووووووه عزالله ما خلصنا اليوم سلامه : انزين خلاص بس خليني اعق الفستان لأنه ضيق حصه : بس كشخه كل وحده منهن ساعدت الثانية في فج التسريحات وبعد ما خلصن تسبحن ورقدن ................................ في اليوم الثاني ( الجمعة ) الساعة 12 الظهر أم غانم تدق على أحمد أم غانم : يالله يا أحمد قوم …. وراك صلاة أحمد ما يرد دقت عليه مرة ومرتين وثلاث تعبت وهيه تروح وترد عليه وهوه مب راضي ينش من الرقاد دقت على مبايلة أكثر من مرة ما رد … طلع حاطنه على الصامت .. تعبت وطرشت له ابوه وبعد زور نش من الرقاد أما هزاع فنش من أول ما دقت عليه أم غانم لأنه طبعا يستحي يطنش لو في بيتهم عادي أما لأنها خالته فما حب يتعبهم معاه لو انه تعبان وفيه رقاد .. بس كل هذا عشان الصلاة ما تفوتهم أما حصه وسلامه فأم غانم خلاص تعبت وهيه تدقق على الشبيبة فيلست في الصاله وعدالها شمه أم غانم : شمه حبيبتي روحي دقي الباب على خواتج شمه : ما اريد أم غانم : وليش ما تريدين ان شاء الله شمه : اخاف حصه تضربني أو سلامه أم غانم : لا محد بيسوي فيج شي اصلا ما ايسرن يسون فيج شي شمه : انا اخاف ما اريد ادق عليهن .. اريد اشوف الرسوم أم غانم وهيه معصبة: قومي دقي عليهن احسن لج .. قوليلهن صلاة .. شمه : بيخلص الرسوم وانا اريد اشوفه أم غانم : وبعدين وياج شمه وهيه ماشية تتحرطم : انزين انزين …. اريد اشوف الرسوم … امممممممم اخاف يضربنني يا ويلي وصلت عند الباب وأول مرة تدق عليه شوي شوي ردت عليها حصه وقالت شمه : ترى امي قالت لي ادق عليكن الباب عشان تصلون حصه : انزين قوليلها خلاص نشينا شمه : انزين . ……………….. الكل قام من الرقاد …البنات صلن وقعدن في الصاله يترين الغدى ويجلبن في ها التلفزيون يا أحمد ووراه هزاع قعدو معاهن في الصاله شمه : اريد الرسوم حصه : روحي التلفزيون الثاني شمه : انا كنت هنيه قبلكم أحمد : شو حاطه انتي ها المسلسل المصري ؟؟ بدلي عنه .. اصلا انتي ما تعرفين شو قصته سلامه : خلي ها الدعاية أحبها تعيبني .. رديها شمه : لا انا اريد الرسوم حصه : افففففففففففففففففف حشى ما اريد الرموت خلاص ها حطيته على الطاولة…. واللي يبا يبدل ولا يبا يطالع شي ياخذه .. أحمد : فريه صوبي بحط دبي الرياضية ابرك عن ها الخربطان هزاع : هههههههههههههههههه اسميكم تضحكون سلامه : افففففففففففف كله منكم خلصت الدعاية شمه : بخبر بابا عليكم ما خليتوني اشوف الرسوم أحمد : روحي خبري خوفتينا ويا راسج حصه : افففففففففففففففففففففف وبعدين يعني متى بتسكتون حشرتوني بروحه راسي مصدع أحمد : من شوه مصدع بعد … لا يكون من العرس حصه : لا اريد ارقد أحمد : سلاموووووووووه … حطي دبي الرياضية سلامه وهيه تطالعه بطرف علينها : متعايزة أحمد : لا والله … انتي قدها ها الكلمة سلامه : طبعا لأ أحمد :عيل بدلي سلامه : ان شاء الله انت تامر أمر أحمد : ما تيبكن غير العين الحمرا هزاع : هههههههههههههههههه أحمد : وانت فالح تضحك …. شو تباني اطيح فيك الحينه هزاع : لا يا بويه مب ناقصنك حصه : أحمد طرش لي مسجات عدله جان عندك أحمد : ما عندي حصه : بليييييييييييييز عن الزط الله يخليك أحمد : مب زط بس ما عندي حصه : والله انك عيار أحمد : هزاع خبرها اذا عندي مسجات حلوة هزاع : عنده …. ههههههههههههههههههه مب مسج ومسجين وايد ما ينعدن .. اصلا كل خمس دقايق يوصله مسج أحمد : ول ول ول ………….. صدق انك لوتي …. كل خمس دقايق جيه حد قالك اشتغل في البورصه انا .. هههههههههههه هزاع : هههههههههههههههههههههههه حصه : هههههههههههه احترت من اصدق فيكم سلامه : طبعا شو اسمه أحمد وهزاع بنفس الوقت : شو شو اسمه …؟؟؟ سلامه : وايد مهتمين بالسالفه ما بقول أحمد : اكيد انا هزاع : اكيد مب أنا …. سلامه : لا انت ولا انت أحمد : متى بيحطون الغدا …….. صدق يوعان اليوم |
حصه : حتى انا سلامه : بدق حق سويرة …. اريد علوم المعارييس أحمد يحاول يستعبط عليها : منو سويرة هاي بعد سلامه : اونك ما تدري أحمد : هيه ما ادري سلامه : ما عليه من لاواتك حصه : شو رايك نخطبها لك أحمد : ما اريد اعرس هزاع : ما عليكم منه أحمد : صدق ما افكر بالعرس الحين وشكلي ما بفكر فيه مولية حصه : ليش بعيد الشر …. منو من ربعك توهق وانت تعقدت منه أحمد : لا مب السالفة جيه … الحين السالفه سالفة ها الاتصال الغريب اللي بتسويه سلامه سلامه : وليش غريب .. ما غريب إلا الشيطان على قولت اخوانا المصرين … حصه : انزين دقي حشرتينا هزاع : احمد اليوم شكلي بروح العين انتبهت سلامه وما قدرت تعلق لأنها اتصلت بسارة أحمد : ليش تو الناس هزاع : تعرف من متى ما رحت بيتنا ولا اعرف اخبارهم وامي متشرهه عليه أحمد : محد يروملك .. انت عندك حد يتشره عليك بعد هزاع : هيه شو على بالك سلامه : هلا سارة علومج سارة : الحمدلله … بس جسمي متكسر سلامه : متسكر ؟؟؟ من شوه أحمد وخذته الوساويس …وهوه خايف : شو اللي متسكر سلامه تقول حق أحمد اص وبصوت خفيف أحمد غيض وياها وضربها بالمخدة اللي بيده وهيه تصارخ وسارة مب عارفه السالفه سارة : شو بلاج ……….الووووووووووووو سلامه : أحمد حرام عليك خلني اكمل تيلفون سارة : شو بلاه أحمد عليج وشل عنها التيلفون وفجت عيونها مستغربة أحمد : سارة ….. شو اللي متكسر سارة ما ترد لأنها مصدومه كيف ومنو هذا اللي يكلمها أحمد ولا منو أحمد : سارة وينج شو صاير عندكم سارة : منو أحمد أحمد : هيه أحمد … بس ردي عليه حصه : أحمد شو بلاك من شوه خايف سلامه تكلم أحمد : عطني التيلفون …. لأن اللي تكسر شي ما يخوف بس جسمها متكسر هزاع : ههههههههههههههه خليه يمكن يحاتي جسمها بعد عن يتكسر .. وكل هذا وما يباها وفر أحمد التيلفون على سلامه وقعد عدال هزاع وهوه قافط ومتفشل ما عرف شو يقول حصه : ههههههههههههههههه اول مرة اشوف أحمد مستحي أحمد : فشلت البنت وفشلت عمري … شو دراني على بالي شي صار فيهم… هاي سلامه زيغتني حصه : انت زغت على منو على ساروه ولا الشي المتكسر ؟؟ أحمد : لا تعليق … وبندو السالفه أحسن هزاع : ههههههههههههه الجواب بحتفظ فيه لنفسي أحمد : وبعدين معاكم يعني سارة : سلامه … شو ها اللي قاعد يصير نشت سلامه وراحت صالة حجرة أمها وابوها : ما ادري عنه … اصلا انا انصدمت يوم شل التيلفون عني سارة : والله انه خوفني ولا عرفت ارد عليه سلامه : تراني كنت اتغايض معاه قلت بيسكر بويهج ما توقعت يكلمج ….ولا باين عليه كان خايف سارة : هيه حسيت بها الشي .. سلامه : امره غريب ها الولد سارة : اممممممممممممم وتقول بخاطرها " معقوله صار يهتم فيني .. او يحس بشي صوبي " سلامه : خلينا منه الحين انتي الحين خبريني شو آخر الأخبار عن المعارييس سارة : يسرج حالهم … قاعدين في الفندق لين الحين وبيون يتعشون عندنا اليوم و يوم السبت الضحى بيسافرون سلامه : شي طيب والله … وشوه بعد أخباركم سارة : والله اخبارنا كلها عن ها العرس ويلسن يسولفن …. وسارة لو انها تسولف بس بالها مب مع سلامه بالها مع اللي سمعت صوته ( أحمد ) واللي خبلها خوفه عليها ….وقبل لا تسكر سلامه أحمد ياها سلامه : سارة اصبري شوي أحمد يباني سارة : اوكي أحمد : استسمحي منها سلامه : سارة سارة : هلا سلامه : أحمد يستسمح منج سارة : قوليله ما صار شي ومسموح سلامه : تقولك ما صار شي ومسموح أحمد : اوكي وسلمي عليها بعد … والغدا حطوه سلامه : ما بقولها أحمد شافها بطرف عينه وهوه مقهور لأن سلامه دومها تقهره مثل ما هوه يقهرها … وروح سارة: شو اللي ما بتقولينه سلامه : يسلم عليج سارة : والله سلامه : هيه .. وشوه بلاج جيه فرحانه سارة : لا عادي بس استغربت شوي سلامه : قلت له ما بقول عشان اقهره ولا انا اصلا بوصل سلامه غصبن علي سارة: ههههههههههه ليش انتو دوم تتغايضون سلامه : افففففففففففف اي دوم إلا كل يوم وكل دقيقة ههههههههههههههه سارة : هههههههههههه صدق سلامه : لا اسولف معاج ساعات يعني مب ذاك الزود سارة : ردي عليه السلام … وبخليج الحينه لأن امي تزقرني سلامه : جيه شو انا بينكم مرسال سلامات ولا كيف سارة : سلامي .. لا تكونين جيه غلسة سلامه : هههههههههههههههههههههه انزين يالله باي سارة : باي . ………................ ________________________________________ بعد صلاة العصر راح أحمد ويلس ويا ابوه يسولفون في الصاله ..... اما هزاع فطلع يتمشى برع وكان يكلم حد من ربعه... سلامه شلت كوب عصير وطلعت برع ومعاها شمه ...شمه يلست تلعب برشاشات الماي اللي كانو مشغلينهن حق الحشيش وسلامه يلست بكرسي مجابلة شمه وتضحك على سوالفها وتفكر بهزاع وكيف بتتحمل فكرة انه بيروح العين .... يا هزاع بعد ما سكر التيلفون من ورى سلامه .. وبدون ما تحس هزاع وبصوت شوي عالي وفجأة : بو سلامه نقزت من الخوف وكان بينجب العصير عليها وقالت : بسم الله الرحمن الرحيم ...... خوفتني هزاع : صدق خفتي ... الحمدلله يعني زيغتج ... وبجذيه انا غثيتج سلامه : احلف انت بس ..... يعني انت ترتاح يوم تغثني هزاع يريد يقهرها : وايد ارتاااااااااااااااااااااح سلامه اونها مبوزة : خلاص عيل لا تكلمني هزاع : افا ليش سلامه : ............................ هزاع : لا تزعلين والله هاي دعابات مثل ما يقولون ... ولازم تتقبلينها لأنها مصخرة سلامه : والله خوفتني حتى تعال وحس بدقات قلبي هزاع : والله عادي احط ايدي سلامه : تباها من الله اشوف ههههههههههههههههههه هزاع : هههههههههههههه والله شو اسويبج ... تقولين انتي تعال وحس بدقات قلبي .. فديتج انتي ودقات قلبج سلامه : انت مشكله والله انك شيطان هزاع وهوه يدور حوالين سلامه : انا شيطان ............. كل ها البرائه وتقولين عني شيطان سلامه وهيه تطالعه من فوق الين تحت : هيه شيطان هزاع : بتشتاقيله ها الشيطان الطيب سلامه وهيه حاطه عينها بعينه : هيه والله بشتاقله موت هزاع تقرب منها وهمس بإذنها : احبج سلامه عضت شفايفها وابتسمت ونزلت عينها هزاع : تعرفين شو بخاطرية سلامه : شو هزاع : اصرخ بأعلى صوتي واقول جدام كل ها الخلق إني احبج سلامه : منو قدي ذيج الساعه هزاع : فديتج والله هزاع : شربي العصير ... صار بنكهة الغاف هههههههههه طاحت ورقة في كوبج سلامه : ههههههههههه عينك بالعصير .......... جان قلت لي اعطيك بعطيك هزاع : اريد من كوبج تشربيني ..ومن حبج تسقيني سلامه : لأ من كوبي لأ .. بروح ايب لك زخها من ايدها قبل لا تروح وقال : وين رايحه انا ما اريد عصير غير ها العصير سلامه : مستحيل .. وفيه طايح شي من هال الغافة هزاع شل الكوب وشرب منه شوي ولا عليه من اللي داخل الكوب سلامه : كيف تشرب وهوه فيه ورقه من الغافة هاي هزاع : ما بتسمم وان تسممت عادي بموت وبتفتكين مني سلامه : بسم الله عليك .. ان شاء الله عدوينك هزاع : تحبيني سلامه : هيه هزاع : وانا بعد احبج سلامه : ادري هزاع : شوفي شموه لاعبه دور في الحوي اليوم ههههههههههههههه تراقص بها الماي سلامه : ياحليلها تتملل رويحاتها هزاع : تصدقين امس كنتي تجننين سلامه : إنت اللي تجنن هزاع :تعالي نتمشى هنيه صوب شمه ونشوفها شو تسوي سلامه : اوكي ليش لأ وهم يمشون زقرت حصه شمه ودخلت شمه داخل ويلس هزاع يمشي مع سلامه ويسولفون وبدون ما يحس يشرب من ها العصير ويشرب سلامه : هزاع ... خلصت الكوب تراك هزاع : تصدقين ما حسيت سلامه : يوم بخاطرك عصير خلني اروح ايب لك كوب نظيف مب طايح فيه اشياءات هزاع : اشياءات ؟؟؟ شو ها القاموس اللي تمشين عليه سلامه : هههههههههههههه هاي الكلمة نستخدمها طنازة بينا نحن البنات يعني ربيعاتي وحصه وما ادري منو هزاع : وانا يعني من اليوم ورايح لازم اتعود عليها ....وانا اقول ساعات تقولينها واقول نقعت في الكلمة وامشيها بس اشوفج دوم تقولينها عثرها من قاموسج سلامه : هيه من قاموسي هههههههههههههههه هزاع : انا تراني عقب المغرب بروح العين .. ما اوصيج على عمرج |
سلامه وهيه موخية والكلام بالغصب يطلع : راح توحشني هزاع : وانتي بعد راح توحشيني ... وشوه بلاه صوتج انا ما بسافر انا بس رايح العين وانتي بعد يومين تراج بتكونين هناك سلامه : ادري بس ما اطيق لحظه فراقك هزاع : عيل انا شو اقول ... بس لا تزعلين الحين انا عندج ..لا تصيحين الحين صيحي بعدين سلامه : لا والله .. احلف انت بس ... وايد مصدق عمرك هزاع : شو اسوي فيج .. ما اتحمل اشوفج متكدرة والسبب انا سلامه : انا هب متكدرة بس هزاع : بس شو ماله داعي تقولين سلامه : انزين دير بالك على عمرك ولا تسرع وايد هزاع : لا تحاتين ها الشي .. صح حبيت اقولج ببيعها الرنج سلامه : ليش ؟؟ هزاع : اريد اغير قلت باخذ نيسان فتك وبزوده وبخليه ترتوب سلامه : لا والله ..من البرستيج يالين الخبال والحركات هاي هزاع : لازم نغير مرة كشخه ومرة شي جيه سبورتي بس على كشخه هههههههههه .. لاو بو دمعه ما ادري محتار بصراحه سلامه : سو اللي تشوفه صح هزاع يرن تيلفونه : الوووووووووووووو .. هلا ناصر ناصر : اهلين .... علومك هزاع : تمام علومك انته وعلوم اللي بالي بالك ناصر : رحت الها البيت وطلعو في بوظبي عاد وين في بوظبي ما ادري هزاع : ههههههههههههههههه ما شاء الله وكيف يبت ها المعلومات صدق انك خطير ناصر : ربك ..... ما يحتاي اقولك المصدر عقب تحسدني على ذكائي هههههههههههه هزاع : انت اصلا مشكوك في ذكائك ناصر : مشغول ولا هزاع : هيه انا مع الأهل الحين بدق لك بعد شوي ناصر : اوكي عيل اتريا اتصالك هزاع : يالله عيل مع السلامه ناصر : مع السلامه .... سلامه : منو هذا هزاع : واحد من الربع سلامه : شو بلاه هزاع : يحب وحده ما كلمها وناوي يخطبها بس لأنه شافها وعيبته سلامه : يصير ها الشي هزاع : كل شي يصير .. والله انه تغيرت احواله ما احيده جذيه تبدل صار واحد ثاني سلامه : غريبة والله هزاع : تصدقين يروح بيتهم اذا كان في العين وفاضي بس على أمل أنه يشوفها .. دومه يخبرني عن سوالفه سلامه : شو ها الحب ... انزين يروح يخطبها هزاع : بيروح لا تحاتين بس الأهل كيف بيقنعهم ؟؟؟ سلامه : هوه وشطارته هزاع : اصلا انا اللي بخطط له كل شي سلامه : يستاهل ... مهما يكون تراه ربيعك هزاع : المهم يالله الحين دخلي لأني بروح اجهز اغراضي وبكلم ناصر وبشوف علومه مع القلب ماله سلامه : اوكي .. بس تباني اساعدك هزاع : بس قولي حق بشكارتكم تيب الكنادير مالي اللي عندها في الكوي سلامه : ان شاء الله هزاع : فديتج انا ودخلت سلامه وزقرت على ماريا تيب ثياب هزاع وراحت سلامه بنفسها لحجرة هزاع وعطته ثيابه بس عشان تشوفه لأنه شوي ويروح . ................................... في حجرة أم غانم حمد : يا لطيفة وين تيلفوني أم غانم يالسه تغسل ايدها في الحمام : ما ادريبة .. دق عليه من تيلفوني حمد : ووينه تيلفونج ؟؟ أم غانم : فوق الدرج اللي عدال الشبرية حمد : لقيته خلاص أم غانم : شو لقيت حمد : تيلفوني أم غانم : وين حمد : في مخبا كندورتي ما حسيت به إلا يوم توني ناش أم غانم : الله يهديك بس حمد : المهم انا طالع تامريني بشي أم غانم : هيه بغيتك بسالفه حمد : سالفة شو أم غانم : اقعد وانا يايتنك الحين وبقولك عن السالفه حمد : تراني مستعيل أم غانم طلعت من الحمام وقعدت عدال ريلها حمد حمد : تفضلي شو الموضوع أم غانم : للحين الموضوع كلام حريم ... حمد : يعني خطوبة ..شي من ها السوالف أم غانم : هيه حمد : ها منو ياي يخطب يت سلامه وهيه شالة شمه اللي كانت محتشرة عليها تريدها تلعب معاها وعشان تفتك منها قالت توديها عند أمها وقبل لا تدخل سلامه سمعت ابوها يقول حمد : انا طبعا رايي تعرفينه بها الموضوع ... الشور عند البنية وانا على ما اذكر احيد على حارب سوالف أم غانم : ودرهن سوالفه ودرهن ولا كيف بيزوجونه وتعرفني انا اخاف على بناتي حمد : اكيد ولا أمه لاعبه بمخج .. انا بعدني بتخبر عنه وبتقصى عن امورة سلامه وقفت تتسمع وعرفت ان السالفه فيها خطبه بس منو منهن ... يوم استوعب السالفة فرت شموه وروحت الحجرة ... شمه دخلت عليهم وحمد طلع وأم غانم تمت يالسه واتصلت بأم حارب اللي هيه شريفة( أم ريم ) يرن تيلفون شريفة وردت عليه : الووووووووووووو أم غانم : هلااااااااااااااااااااااااا شريفة : هلا وغلا علومج أم غانم : الحمدلله وانتي علومج عساج بخير شريفة : الحمدلله يسرج الحال أم غانم : شو عيالج وشو عربانكم وفريجكم شريفة : هههههههه عيالي يسرج حالهم اما اخبار الفريج بعدهن ما وصلني ههههههههههههه أم غانم : ما رحتي مكان شريفة : لا ما رحت ... إلا بتخبرج شو صار على موضوع حارب أم غانم : للحين كل شي ماشي الحمد الله .. كلمت حمد وقال الشور شورالبنت وشورها عندي انا لا تحاتين شريفة : ما قصرتي والله ... اما عن حارب فلا تحاتين بيحشمها أم غانم : ادريبة .... بس هوه ودر سوالفه ولا شريفة : يقول ودر وانا احس انه مب ذاك الزود مع سويلفاته الأولية أم غانم : هيه لأني ما اريد مشاكل لا مع حمد ولا مع بناتي تعرفين انتي شريفة :لا تحاتين أم غانم : الحين انتي منو بيغتي منهن العودة ولا الصغيرة شمه : انا مب صغيرة .. ليش كله تقولون عني صغيرة أم غانم : شموه يالله بالستر شو مدخلنج في السالفه ..؟؟ منو طراج شمه : انتي تقولين الصغيرة والعوده والله شريفة : منو تكلمين ؟؟ أم غانم : هاي شموه واقــفتلي في حلجي شو يفججني منها الحين شريفة : ههههههههههه واحليلها أم غانم : روحي عند خواتج خليني اسمع الحرمة شو تقول شمه تمشي وهيه تتحرطم : انزين .. شو هذا كله ينازعوني ويطردوني وراحت شمه صوب خواتها وأما أم غانم كملة كلامها مع شريفة... ....... أحمد راح قعد عند هزاع لأنه بيروح العين مر الوقت .... ويا الوقت اللي بيروح فيه هزاع شمه كانت عندهم وراح هزاع وقال حق شمه بلحظة اللي كان أحمد يتكلم في التيلفون : روحي قولي حق سلامه هزاع بيروح العين وشمه طبعا راحت وخبرت سلامه وطلعت سلامه وودعته وبالها كان مشغول...هزاع على باله مشغول بالها عليه .. طلع في بالها مب هم روحته وشوقها له لأ ... أمر ثاني وهوه منو اللي ياي يخطب ومنو بيخطبون ....راح هزاع ودخلو كلهم داخل البيت وتمت قاعده سلامه في الصاله وهيه تفكر يتها حصه وقعدت عدالها وعقب دقيقة قامت وراحت صوب دلة الحليب حصه : سلامه تبين حليب سلامه : .................... ما ترد حصه : اييييييييييييييييييييييه ....... حوووووووووووووو .. وين وصلتي انتي سلامه وهيه مب عارفة السالفه : شو بلاج حصه : اكلمج انا .. تبين حليب سلامه : هيه اريد حليب حصه وهيه تتحرطم بروحها : شو سالفتها هاي ويت حصه وقعدت عدال سلامه وسالتها حصه : شو بلاج ؟؟ بشوه مشغول بالج سلامه : اخاف بالج ينشغل أكثر عني ونروح فيها نحن الثنتين حصه : يالله بالستر ... نتوهق نحن الثنتين ليش يعني عادي خله ينشغل بالي معاج ... ولا و يمكن اريحج لي عرفت السالفه سلامه : كل شي جايز حصه : عيل تفضلي وقولي شو السالفه سلامه : السالفه و ما فيها ........ حصه : هيــــــــــــــــــــــــــــــــه سلامه : خطااااااااااااااااب حصه : منو ياي يخطب سلامه : هذه اللي ما عرفته .... حصه : ومنو بيخطبون سلامه : وهذا بعد الشي الثاني اللي ما عرفته حصه : متاكدة وكيف ومتى عرفتي سلامه : قبل لا ادخل على امي وابوي سمعتهم فاتحين ها السالفه وانا من الروعه شردت حصه : عادي اذا حد ياينج رفضي وانا بشوف منو قبل ... عقبها اقرر سلامه : يعني عادي تعرسين اذا كان اوكي حصه : وليش لأ ... بس اذا كان اللي في بالي سلامه : ومنو في بالج انتي بعد حصه : شربي حليبج ... ولكل حادث حديث خلينا نعرف منو وعقبها اقولج كل شي سلامه : اوكي ................................. دق تيلفون سلامه واللي متصل ابوها سلامه : لحقي يا حصه ......... ما برد عليه حصه : منوووووووو ؟؟؟ هذا سلامه : ابويه حصه : وليش ما تردين عليه سلامه : اخافه بياخذ رايي في الموضوع حصه : شفتي واحد يكلم بنته بخصوص الخطوبة في التيلفون ؟؟؟ سلامه : ما اريد ارد ... انتي ردي شوفيه شو يريد حصه وهيه تريد تلعب بأعصاب سلامه : ردي انتي عشان يخطبونج ...الحمدلله ابوي مب متصل فيني انا سلامه : احلفي انتي بس .......... حرام عليج تعرفين قصتي حصه : هاتي التيلفون قبل لا يسكر ردت حصه : الوووووووووووو حمد : السلام عليكم حصه : وعليكم السلام ... ها ابويه شو تبا ؟؟ حمد : بغيتج تقولين حق أمج اني ما بتعشى في البيت ... شاغله تيلفونها من الصبح ما ادري مع منو ترمس .. مب تنسين حصه : ان شاء الله .. انت تامر أمر حمد : يالله عيل مع السلامه حصه : مع السلامة سلامه وهيه منصدمة والكلام بالغصب يطلع منها : شو يبا ؟؟ حصه : ما يخص الموضوع اللي في راسج سلامه وهيه مرتاحه : الحمدلله ...... اوف الله يريحج مثل ما ريحتيني حصه : انتي صدق خبلة ... خليني اروح اقول حق امي اللي قاله لي قبل لا انسى سلامه : روحي دام الموضوع ما يخصه بالخطوبه روحي وين ما تبين حصه : الحمدلله والشكر ... انتي صدق يوم تفكرين بموضوع وايد تتخبلين سلامه : تعرفين ليش انا الحين احاتي وراحت حصه وقالت حق امها الكلام وهيه طالعه يتها شمه شمه : ماما قالت بنروح باجر الصبح المارينا وبوظبي مول حصه : حق شوه شمه : عشان اشتري اغراض المدرسة وانتي بعد روحي خذي اغراضكم حصه : هيه والله ... تعالي معايه شمه : وين بنروح حصه : الصاله يعني وين بنروح شمه : بروح ايب الباربي مالي وبيج حصه : بسررررررررررعه ... يالله طيران .... شمه : بركض بس انا ما اقدر اطير حصه : ههههههههههههههههههه انتي مستحيله وراحت وقعدت حصه في الصاله ويتها شمه وقعدت عدالها شمه : شو تشربين انا اريد حصه : اشرب حليب وهاذي الدله روحي صبي حق عمرج شمه : انزين سلامه : شو ايي الحين في التلفزيون حصه : مسلسل هزاع وسلامه سلامه : ويييييييييه زين يوم ذكرتيني .......... وعن الطنازة ترى بعض الناس يفهمون حصه : هههههههههههه احسن عشان الخبر يشيع في البلاد كلها سلامه : ويه ما ادري وصلو ولا ما وصلو حصه : وصلو ولا وصل ...؟؟ سلامه : حصوووووووووه وبعدين معاج شمه : حصه ... سهيل في العرس مط شعري بس انا ضربته على ظهره بالقو حصه : هههههههههههههههه والله وفرحانه بعد سلامه : هههههههههههههه انتي اصلا لين ما تصيرين قدي بتمين تتضاربين معاه شمه : لأ انا قال الي ابوي لازم ما اضربة واسامحه حصه : وانتي من متى تسمعين الكلام ........... ما اظن انج تطبقينه سلامه وهيه تشفر لحصه : حصوووووووووه ما ترد حصه : يمكن مشغوله ولا شي شمه قامت وراحت الصاله الثانية عشان تشوف التلفزيون على راحتها سلامه : الحمدلله يوم راحت ها الملسونه حصه : هههههههههههه حرام عليج سلامه : يا ويلي لايكون صار فيه شي حصه : لا ان شاء الله سلامه : بدق له مرة ثانية وان شاء الله يرد حصه : دقي كل نص ساعه يكون احسن سلامه : مشكلتي مافيني صبر حصه : الله يستر .. وتمت سلامه تدق وهزاع ما يرد ..... في بيت هزاع .... دخل هزاع الصاله بعد وصوله من بوظبي وكانت عويش وامه قاعدات في الصاله عويش : هلا والله هزاع : اهلين وراح هزاع ووايه أمه ووايه عويش أم هزاع : هلا ابويه اش حالك هزاع : لا باس ... الحمدلله عويش : شو يبت لي من بوظبي هزاع : لازم ايب لج شي ؟؟ عويش : هيه لازم مب اختك الحبوبة انا هزاع : من متى ؟؟؟؟ عويش : الحمدلله يوم وصلت بالسلامه هزاع يكلم أمه : شو اخبار ابويه أم هزاع : الحمدلله ... وشوه اخبارهم اللي ضويت من عندهم هزاع : يسلمون عليج أم هزاع : الله يسلمك ويسلمهم ... وين اغراضك نزلتهن من السيارة ولا هزاع : لأ بعدني أم هزاع : قومي عويش روحي يبي اغراض اخوج هزاع : لا ثقيلة الشنطة ما بتروم إلها زقرو البشكارة أحسن .. لأن مافيني حيل اشل الشنطة أم هزاع : افاااااااااا ... تعبان من شوه ؟؟ هزاع : لا بس من الطريق أم هزاع : هيه عويش : بروح ازقر نفيسة تيب اغراضك هزاع : ولا تخلينها تي صوب العود مالي دومها تستهبل وتنزله من السيارة عويش : ههههههههههه .... والله حاله وراحت عويش تامر على الخدامة تيب اغراض هزاع من السيارة وبنفس الوقت يا ابوهزاع ( سلطان ) بوهزاع : السلام عليكم هزاع وأم هزاع : وعليكم السلام وقام هزاع ووايه ابوه بو هزاع : وين الغيبة هزاع : موجود بس مثل ما تعرف كنت في بوظبي عند قوم خالتي بو هزاع : هيه خبرتني امك أم هزاع : بو هزاع تعال اهبش من ها الخبيصة ولا تباني اصب لك قهوة بو هزاع : لا صبي قهوة هزاع توه بيقوم قال ابوه : اقعد اريدك بكلمة هزاع : آمر ابويه بو هزاع : ما يامر عليك عدو .... بس نريد نفرح بك هزاع : ان شاء الله قريب |
أم هزاع تأشر صوب ريلها عشان يسكر الموضوع ويفتحه في وقت ثاني بس هوه طنشها ...ومن هنيه بدت سلامه تدق على هزاع وكان طبعا ما يرد .. يالين ما خلاه على الهزاز بو هزاع : يعني متى تبانا نسير على بيت عمك عوض عشان بنت ولد عمك المرحوم هزاع : بنت ولد عمي ؟؟؟ وليش ان شاء الله .. شو يخصها في الموضوع .. وليش اروح بيت عمي عوض ؟؟؟ بو هزاع : لا يكون نسيت .. هيه كلمه وحده بتاخذ وديمه يعني بتاخذ وديمة أم هزاع : بعدين بنتفاهم في ها الموضوع هزاع : لأ الحين .. تعرفون اني ما اريدها أم هزاع : البنت ما عليها كلام ... اخلاق وجمال وانت فكر في الموضوع هزاع : تبونها اخذوها حق راشد أم هزاع : راشد صغير .... وهيه تيوز لك انته بو هزاع : هزاع انت ريال وفاهم ما يحتاي اني اغلط عليك بالكلام ... فخذ وديمة وماله داعي للكلام الزايد اللي مامنه فايده هزاع : اموت واعرف ليش تحددون مصيري ليش ؟؟؟ خلوني انا اختار شريكة حياتي بو هزاع : هاي تصلح لك وبس هزاع : وليش هاي انا ما اريدها... واريد بنت خالوه أم هزاع : فكر بو هزاع : لا يفكر ولا شي ما يحتاي اصلا انه يفكر بنت وحيده مالها غير اخو معثور نخليها عنده ليش ... واخوي عوض تعب من المشاكل اللي تصير بينهم كل يوم هزاع : ابويه افهمني .... لا تظلمني وتزوجي وحده ما اريدها... وانا مب حل حق مشكلتها هاي .. ما اريد اكون ضحية بسبت واحد ملعوز اخته .. انا مب حلال مشاكل أم هزاع: والله ... يا ولدي يا هزاع من بعد ما قالي ابوك سالفتها كسرت خاطري بو هزاع : بتاخذها وملجتك الاسبوع الياي ... مريم تشري الأغراض من باجر وانا اللي بوديج السوق هزاع قام وهوه منفعل وقال : ما بقعد في ها البيت مولية وبنشوف منو بيتزوج ام هزاع : تعال يا هزاع ... تعال بو هزاع : قبل لا تروح وتتهور كلمة خلها في بالك ... ان شبرت من ها الباب شبر لاني ابوك ولا انت ولدي ام هزاع : لا ياوليدي ما توصل المواصيل لها الدرجة .. استهد بالله بو هزاع : كلمته بالطيب ما يابه ... والحين قاعد يهددني بالطلعه من البيت هزاع ما قدر يتحمل وشل عمره وراح الحجرة .. يت أمه وراه ودخلت عليه أم هزاع : ما بيدي حيلة ...... بقولك سالفتها وعقبها احكم علي موقف ابوك .. يا عمك عوض وشكى لبوك عن اخو وديمة مثل ما تعرف يصيرعوض يد وديمة ويداري عليها وخاصه هيه لأنها وحيدة ولده المرحوم اللي توفى في الحادث ويا حرمته ....وديمه تذكره بالمرحومه(حرمت عوض ) .. الله يرحمها كانت طيبة ومثل ما تعرف توفت من بعد ما توفى ولدها من حرقت قلبها عليه ووديمة سميتها وطلعت نفسها ما خلت شي..اما اخوها فيصل شري ودومه يضربها بسبب ومن غير سبب وملعوزنها في كل شي ولولا وقفت عمك معاها ضده جان البنية يعلم الله عن حالتها هزاع : وما لقيتو غيري انا .... احل ها المشكله أم هزاع : ابوك وعد عمك أنه ياخذ وديمة لك يستر عليها ويفكها من بلى اخوها فيصل هزاع : الله يغربل فيصل .... اصلا هذا مب ريال يهبي ... أم هزاع : قلتها شو تباني اسوي ... البنت تدرس ويا اختك في الجامعه وهاي ثاني سنه إلها يعني عمرها الحين مثل ما قالي ابوك تقريبا 19 شي جيه هزاع : انا ما اقدر آخذها انا اريد سلامه .. اقولها لج والله اني احبها وسلامه بنت اختج مب غريبة .. الله يخليج كلمي ابوي يغير رايه ... أم هزاع : طول الفترة اللي انت كنت فيها محد كنت اكلمه بس ابوك وتعرفه عدل ... وانا ما اقدر اصرعليه اكثر من جيه لأن وضع البنت ما يساعد وانا شرحته لك هزاع انهار وبدى يصيح وبدون ما يحس ويقول حق امه ويترجاها : ارجوج يا امايه لا دمريني ... كيف باخذ سلامه كيف بعيش ما اظن انها ترضى .. لا مستحيل حبي وحياتي تتدمر .. الله يخليج امي كلميه أم هزاع : يا هزاع شو بلاك تصيح هد اعصابك ... اول مرة اشوف حالتك جذيه والله ما اعرف شو اقولك ... هزاع تراك عورت قلبي ( ومن الموقف دمعت عين أم هزاع ) هزاع : امايه والله اني بموت احس اني خلاص انتهيت .... شو اسوي الحين ...تبوني آخذ البنت وبعدين اطلقها .. انا اللي قلبي مذبوح ..آآآآآآآآآه أم هزاع : لا يابويه ها الكلام ما يصير هذا عرضك وهيه من اهلك .. كيف تهون عليك تضيع حياتها وتربطها بك وعقب تطلقها ... منو يريدها عقب هزاع : عيل ما فكرتو فيني انا ... ما فكرتو بحياتي كيف بتكون معاها ... والحين بعدنا ما ارتبطنا ... يعني مب لازم آخذها .. أم هزاع : ابوك خلاص متفق ويا عمك ... واقولك انه ابوك قبل لا تي انته كان عند عمك هزاع : آآآآآآآآآآآآآآآه يا ربي .. ان شو سويت عشان هذا يصير معاي ... خلاص امي اريد ايلس ابروحي أم هزاع : لا تسوي بعمرك جذيه ... صدقني مب هاين علي انته ولا وديمة ولا سلامه بعد هزاع : انتو هدمتو حياتي ... انتو دمرتوني ... شو تبون مني اكثر أم هزاع : بخليك الحينه عشان ترتاح ومالك غير طاعت ابوك هزاع : خليني الحين لأني تعبان اريد ارتاح ممكن أم هزاع : يالله برايك هزاع في ها اللحظة حارقة تيلفونه سلامه ومب رايم يرد عليها يقول في خاطره شو اقول الها ... في الصاله بو هزاع : ها شو ام هزاع : شرحت له كل شي بس تصدق كسر خاطري يوم قعد يصيح بو هزاع : امف عليه شو يصيحه بعد .....ريال بلحيته وطول وعرض أم هزاع : تبا الصدق كان خاطره ببنت اختي ... بس المكتوب وعقبها اتصل بأحمد .... رد أحمد هزاع : الحقني يا أحمد أحمد : شو صاير ؟؟؟ شو استوابك ؟؟؟ هزاع : بيزوجوني غصبن عني ... ولا عليهم مني ولا من رايي أحمد : لا حول ولا قوة إلا بالله هزاع : شو اسووووووووووووووي ... صدقني بطلقها في اليوم الثاني .. بحرق قلبهم مثل ما حرقو قلبي وحرموني من حياتي أحمد : لا تقول جيه ... هزاع انتي صاحي ولا شو ... شو ها الكلام اللي تقوله .. البنت مالها ذنب تسوي فيها اللي مخطط انت تسويه هزاع : عيل باخذ سلامه قبل وهيه الحرمة الثانية أحمد : ................ بصراحه ما عندي تعليق هزاع : انا تعباااااااااان ما اعرف شو اسوي ... ما ادري تخيل الملجة الأسبوع الياي ... اجابل الدوام ولا ها الملجة ولا شو .. القاها من وين ولا وين أحمد : الحين منو قالك ها الكلام هزاع : ابوي .. فكر في البنت ولا فكر فيني .... بيظلموني معاها .. والله حرام .. والله حرام هذا اللي يصير .. شو ذنبي انا فظروفها هاي بعد .. كرهتها من قبل لا اعرفها حتى احمد : أي ظروف ... انت شو تخربط ؟؟ انا مب فاهم شو تقول هزاع : بيزوجي ايها ابوي لأن اخوها فيصل ملعوزنها اونه .. انا شو يخصني .. خسه الله وياها أحمد : لا حول ولا قوة إلا بالله .. هزاع وهو بادي يعصب: هذا اصلا واحد خايس ... وبسبته انا حياتي كلها تتغير ... لو اشوفه جدامي لدعمة أحمد : هزاع .. استهد بالله .. يعني انت بتاخذ البنت عشان تفكها من شر اخوها هزاع : تخيل هذا يصير ... مشكلتها تكسر الخاطر بس مب على حسابي انا .. تمو يتكلمون ويت سلامه صوب حجرة أحمد وكان الباب ملايم وصوته طالع وكان يتكلم ويا هزاع ووقفت تتسمع هزاع : امي تدري اني اريد سلامه بس ما بيدها حيلة ... ابوي معاند وواعد عمي انه يزوجني اياها ... يخطبون لي وانا مالي علم وانا على بالي ان السالفه انتهت وخلاص أحمد : هزاع ... يعني خلاص ما شي أمل انك ما تملج عليها سلامه في خاطرها الف فكرة وفكرة وتقول : ليش ما يقدر يملج علي؟؟؟ اصلا شو السالفه لازم افهم .. هزاع : ماشي أمل حرموني من كل شي والله حرام ... أمي سوت اللي عليها بس ابوي .. ابوي اللي ما وقفت ولا مرة في ويهه اليوم وقفت والمشكله خسرت وايد اشياء .. ما باخذ غير وديمة أحمد : يعني انت حق وديمة خلاص .. هزاع انا بيك العين .. لأني انا قايل اني بي يوم الجمعة عشان الدوام هزاع : تعال ببات في بيتكم ما اقدر اقعد في البيت احس اني بختنق أحمد : اوكي .... ابوك وخالتي وين .... سلامه وهيه مصدومه ما سمعت غير اسم هزاع وجملة أحمد الاخيرة " يعني انت حق وديمة خلاص " دمعت عيونها ولا رامت توقف على ريولها .. و بصوت واطي تقول : حبيبي حق وديمة ... حق وديمة ..... لااااااااااااااااااااااااااااااااااااااااا احمد وهو يكلم هزاع انتبه لصوت حد جدام الباب يصارخ ................................................ ________________________________________ الجزء السابع دمعت عيونها ولا رامت توقف على ريولها .. و بصوت واطي تقول : حبيبي حق وديمة ... حق وديمة ..... لااااااااااااااااااااااااااااااااااااااااا احمد وهو يكلم هزاع انتبه لصوت حد جدام الباب يصارخ طلع لقاها سلامه وحالتها حاله سلامه : مستحيل ................ لااااااااااااااااااااااااااا ... ما اريد هذا يصير معاي ... لااااااااااااااااااااا حرام .. انا أحمد يكلمها : سلامه ...شو بلاج ... شو بلاج هزاع بعده على الخط ويسمع صراخها ومب قادر يتحمل سلامه : قوله انه ما ياخذها ... قوله اني بموت لو خذ غيري هزاع : أحمد شو بلاها سلامه ... أحمد : سلامه ... لا تقولين جيه مسحي دموعج .. وهذا نصيب ما بيده ولا بيدنا حيله هزاع يكلم أحمد : درت .... لا تقول انها درت ............. لااااااااااااااااااااااااا ... شو اسوي الحين ... سلامه منهارة ومب قادرة تصدق اللي قاعد يصير معاها وأحمد يهدي بسلامه شوي ويهدي بهزاع اللي انهار هوه الثاني لأنه ما يتحمل سلامه يصير فيها شي او حتى تزعل .. كيف يتحمل تصيح ولا المشكله بسبب طالع من ايده .... أحمد راح يزقر حصه عشان سلامه ما طاعت تقوم أحمد وهزاع يسمعه وما قدر يتحمل اللي يصير لسلامه سكر التيلفون وطلع وهوه شال سويج سيارته لقى ابوه وامه و عويش وراشد في الصاله وكان ويهه امبين انه متضايق وانه مهموم وصايح بعد عيونه محمرات وحالته حاله أم هزاع : هزاع وين إبها ؟؟ وين بتروح ؟؟ راشد : متى وصلت العين ؟؟ هزاع خاطف عنهم ينب ولا رد عليهم عويش : شو بلاه جيه جنه مريض ؟؟ راحت وراه بو هزاع : بيروح وبيرد ما عليكم منه أم هزاع راحت وراه بعد عويش وامها يمشون وراه وتقول عويش : هزاع شو بلاك ؟؟ ووين رايح رد علي هزاع : رايح وبرد ام هزاع : انزين طمني قولي وين بتروح هزاع : ذبحتوني ورضيت بس انكم تذبحونها معاي هذا اللي ما ارضاه ام هزاع : منو هاي بعد ؟؟ انت شو تقصد عويش : شو صاير خوفتني هزاع : انا رايح بوظبي أم هزاع فهمت : هزاع شو صاير ببنت اختي ؟؟؟ هزاع : ما ادري ما ادري .. لا تسالوني عن شي .. زواج وزوجتوني خلوني خلاص أم هزاع ما عرفت شو تسوي وتمت قاعده بحوي البيت مب عارفه شو تسوي تحاتي هزاع ولا سلامه .. عويش قعدت عدال أمها وسألت امها عن السالفه وقالت أم هزاع السالفه من أولها إلين آخرها .... ................ في بيت حمد أحمد يدور حصه ويزاقر بأعلى صوته : حصه وينج ؟؟؟ حصووووووووووووووووووه حصه طلعت تربع من حجرتها أول مرة أحمد يزقرها جذيه وخافت : أحمد شو صاير ؟؟ أحمد : لحقيني .. اختج سلامه حصه : شو بلاها ... قولي شو صاير أحمد : تعالي معاي حصه : قولي شو السالفه زين ... قلبي بريولي طمني ... أحمد وهوه يمشي بسرعه مع حصه رايحين صوب سلامه : هزاع ملجته الأسبوع الياي وسلامه درت حصه :ويييييييييييييييييييه ............. وينها ؟؟ حبيبتي سلامه الله يعينها وصلو لقو سلامه ساكته ولا تتكلم وعيونها حمممممممممممر وتدمع وبس أحمد استغرب خاف عليها يكلمها ما ترد عليه حصه : سلامه ... شو بلاج ردي علي ... سلامه تصيح و ما ترد على حد حصه : الحقني يا أحمد اختي تخبلت ولا صار فيها شي ليش ما ترد أحمد : سلامه ردي علي ... سلامه شلوها وودوها الحجرة يلست حصه تمسح دموعها وأحمد ياب الها ماي ما طاعت تشرب .... بعدين ياب مصحف ويلس يقرا عليها (( هذا المصحف )) كانت سلامه ما تفكر بشي غير انه هزاع حلم وانتهى كانت ما تشوف منو حواليها ما تبا تصدق واقع يقول أنها تعيش أقسى تجربة في حياتها ما تبا تصدق انها سمعت باذنها خبر نهاية قصتها ما تبا تصدق انها خسرة حياتها وقلبها وحبيبها ما تبا تصدق أي شي .. كانت بس تصيح حضنتها حصه ويلست تصيح على حالتها واحمد يقرا عليها دق تيلفونه لقى هزاع متصل وقف قرايه وروح شوي بعيد هزاع : انا ياي بوظبي أحمد : لا تي ماله داعي ... يكفي اللي صاير هنيه ما فينا تزيد الامور تعقيد هزاع : انا الحين اللي يعقد الامور .. ليش شو صاير ؟؟؟ أحمد : ماشي هزاع : سلامه فيها شي صح ... رد علي سلامه شو فيها أحمد ما رام يتحمل : سلامه ما ترد علينا ساكته وتصيح هزاع : ليش جيه شو بلاها ..؟؟؟؟ حاول فيها أحمد : حاولت يا هزاع من سمعت اسمه سلامه بدت تصارخ : لااااااااااااااااااااااااااااااااااااااا .... ما اريده يروح ما اريده ياخذها لااااااااااااااااا حصه تهدي فيها بس ماشي فايده أحمد يا صوبها : لا تسوين بعمرج جيه يا سلامه هزاع : انا بيكم نص ساعه وبوصل أحمد : لا تسرع يا هزاع أحمد يلس يهدي بسلامه لين ما هدت ويلست تصيح بحضن حصه وتقول : انا بموت ... والله ما اعرف شو اسوي ولا شو اقول .. احس اني معاكم ومب معاكم . آآآآآآآآآآآآآآآآآآآآه ... سكر هزاع عن أحمد مرة النص ساعه هدت فيها سلامه ويلس أحمد يفهم بسلامه ان هزاع مغصوب على ها الزواج وما بيده شي وحالته حاله ... مر الوقت وهزاع ما وصل يدق احمد عليه تيلفونه مغلق خاف عليه ... نزلت حصه وسلامه لقت هزاع في البيت واقف على الدري .. (( هذا الدري اللي كان واقف عليه هزاع وسلامة )) سلامه ما تحملت تمت تصيح هزاع : شو بلاج .. انتي بخير ؟؟ سلامه تصيح وما ترد هزاع : سلامي ... لا تصيحين بطلقها .. او باخذج قبلها سلامه انصدمت من ها الكلام وردت عليه : كيف تباني ارضى انك تطلقها البنت مالها ذنب .. وانا ما ارضى تكون عليه عديلة استغرب هزاع من ردها : انا ادور الحلول لج ولي وانتي تردين جيه ... يعني انا الحين اريدها تكون عديلة عليج .. انتي تعرفين اني اريدج انتي وبس وابوي غصبني عليها لظروف تخصها .. كيف تقولين جيه ... يعني ما تبيني الحين خلاص سلامه تمت تصيح وما تمت تفكر بالكلام اللي تقوله .. تحسن انها مظلومه في ها السالفه كلها هزاع : بقنع ابوي اني آخذج قبل سلامه : واللي بتاخذها ما فكرة شو رايها في الموضوع هزاع : خليها تولي ... اكرهها سلامه : تاخذني انا وبس ... او تاخذها هيه وتنساني ..... وراحت وهيه تصيح هزاع : سلامه وين رايحه سلامه أحمد واقف يطالع اللي يصير وما كان بيده شي هزاع : أحمد ... شفت اللي صار ... كلمها .... اقنعها .. القاها من وين ولا وين أحمد : بشوفها بس خلها تهدى الحين ... وكلامها يمكن يتغير ويمكن ما يتغير .. وانا اشك انه ما بيتغير هزاع : ليش ؟؟ أحمد : كل وحده في مكانها ما بترضى بها الشي هزاع : هذا الحل الوحيد وانت تعرف ها الشي أحمد : اعرف... والله يعينكم ... ولكن الشور عندها مب عندي هزاع حط عينه في الأرض وحس ان الأمل الوحيد والحل اللي كان بيده صار سراب ... ما توقع رد سلامه بيكون جذيه هزاع انصدم والأمل خلاص فقده.... وحاس انه خسر كل شي وبسرعه هزاع : يالله انا رايح العين أحمد : توك واصل .. ارتاح شوي اشرب لك شي .. او حتى بات عندي هزاع : مشكور .. انا بروح مالي قعده هنيه .. ولا لي قدر عندكم احمد : ليش تقول ها الكلام ؟؟؟ افااااااااااااا هزاع : مع السلامه أحمد : هزاع ... تعال انا اكلمك هزاع روح وهوه متضايق ومب عارف شو يسوي ...وفي باله كلام سلامه سلامه في الحجرة مع حصه حصه : انتي مقتنعه بالي قاله سلامه : طبعا حصه : ليش يا سلامه ؟؟؟ مب انتي تبينه سلامه وبعينها دمعه : اباه بس مب على حساب وحده غيري .. انا ما ارضى .. حصه : ابوه غاصبنه يعني هزاع مب بكيفه ..وهو شاف هذا الحل .. والمشكله البنت شكلها بعد الشور مب بيدها ما نعرف شو ظروفها سلامه : تبيني اتزوجه واخليه ياخذها وعقب يطلقها ... وانا اعرف ان هذا مصيرها ما اقدر اتخيل هذا يصير ...اتخيل عمري لو كنت مكانها ...حصه انا احبه بس ساعات الواقع غريب وقراراتنا تكون غريبة مثله حصه : ما اصدق كل اللي يصير سلامه : انا تعبانه اريد انام احس اني دايخه ومب قادره اتحمل شوي تيلفونها يرن حصه : تيلفونج سلامه : هذا هزاع ... ((( هزاع يتصل ويتصل ))) http://alamuae.org/upload/alam8/haza3.jpg حصه : طبعا ما بتردين سلامه : ما اقدر ... حصه اغلقي التيلفون .. لأني برقد حصه : انزين وقبل لا تغلق حصه التيلفون طرش هزاع مسج "الواقع غريب ولكن القدر أغرب .. نعيش الحب ومع هذا نجهله " ((( هذا المسج بالصوووووورة وشوفو كل حرف كتبته ايد هزاع )))) http://alamuae.org/upload/alam8/mas.jpg رقدت سلامه ويا أحمد وطلعت معاه في الصاله وقالها عن أسباب زواج هزاع ووديمه انكسر خاطرها على هزاع وسلامه وعذاب وديمه اللي تريد تفتك من همها وبدون ما تدري انه على حساب غيرها ... يت أم غانم وزقرتهم على العشى واللي ما كانت تدري باللي صار ولا تدري بييت هزاع احمد : لو انه مالي نفس بس يوعان حصه : انا مالي نفس بصارحه راحت يلست تشوفهم وهم ياكلون وشموه عروستها بحظنها وتاكل جنه ها العروسه مربوطه فيها أحمد : شموه ليش يايبه ألعابج معاج هنيه شمه : بس جذيه أحمد : انتي حركات متى بتكبرين ... والله شو ها الحركات مال اليهالو شمه : وانا ياهل بعدني ما كبرت احمد : تبيني افلعج بها الكوب شمه : ماما شوفي احمد أم غانم : احمد خلها ولا تأذينا معاها دامنها قاعده وساكته خلها لا تيلس تراوشها احمد : دام القياده العليا تكلمت خلاص اسكت احسن أم غانم : أحمد ترى حارب اخو ريم بيخطب أحمد : منو قلتي حارب ولا خارب ... صدق انه خربان من ساسه لراسه .. منو ها المينونه اللي بتاخذه ؟ أم غانم : منو قالك .. اصلا اصطلح حاله ... وبياخذ وحده من خواتك أحمد : يخسي .... لو يموت ياخذ وحده من خواتي ها الخام هذا أم غانم : انا كلمت ابوك ... وابوك موافق أحمد : انا بكلم ابوي وبعرف كيف اغير رايه حصه : لا انا ولا سلامه نريد نعرس .. وقامت وراحت حجرتها أحمد : الظاهر تبين تبيعين بناتج على واحد ما يسوى .. بس لو يموت يستوي اللي في باله أم غانم : انا سالت عنه قالو انه ودر الخرابيط اللي كان يسويها أحمد : تعرفينه أكثر عني ....حارب الخربان ما بيتوب لين آخر يوم في عمره .. لأنه أدمن على ها القذارة اللي عايش فيها ام غانم : انا عطيتهم كلمة أحمد وهوه معصب : وين ابوي ؟؟ أم غانم : يتعشى ويا ربعه طلع أحمد ودق على ابوه وكلمه بالسالفه ابوه قاله : يوم برجع البيت بنتفاهم ويلس احمد في الصاله يتريا ابوه ... ................... في العين غانم دخل على ريم وقال : السلام عليكم ريم : وعليكم ... وينك غانم : تعرفين الشغل اليديد .. تعرفين يوم الواحد يبدى من الصفر لازم يداري على حلاله ريم :هيه ... ما راويتني تخطيط البيت غانم : دقايق وبيبه لج .. حاطنه في الخزنه عن يطيح في ايد حد ريم : هيه والله ... مافينا على الحسد غانم : بس تعرفين انه مب بيت بس هذا حلم ريم : عسى يتحقق ها الحلم واشوفه واقع غانم : متى اقول حق امي تعطيني 200000 وشوه اقولها العذر اخافها تشوف المبلغ كبير وتتخبرني ليش ريم : افا عليك دام ريم عندك لا تحاتي .. قول انك مسلف حد من ربعك ومحتاج المبلغ وربيعك ما رده وادهن سيرها بكلمتين غانم : اوكي ... بس تصدقين مليت عيشتية هنيه افففففف منهم متى بفتك .. مافيهم خير ريم : ان شاء الله قريب وراح غانم ايب خارطة البيت ........وقعد هوه وريم يتكلمون بمواضيع مختلفة .... .......................... في بوظبي في بيت حمد الساعه 12 إلا ربع وصل حمد وقعدو في الصاله أحمد : ابوي كيف توافق على حارب الخام هذا حمد : منو قال اني رضيت تخبرت عنه واخباره ما تسر أحمد : أحلى خبر سمعته حمد : انا اول شي افكر فيه مصلحة ومستقبل خواتك وانته بعد أحمد : الله يخليك يا ابوية يت أم غانم : السلام عليكم أحمد :وعليكم السلام .... و قولي حق ريم توصل لأخوها حارب انه ما عدنا بنات حق الزواج أم غانم : وليش ان شاء الله ... شو رايك يا حمد |
حمد : اللي قاله احمد قوليه ... بصراحه انا ما بزوج وحده منهن حق ها الخايس راعي السوالف اللي مثل ويهه ... ولا عشان عنده فلوس تبيني اتغاضى عن سواد ويهه أم غانم : مب جيه بس قالت لي شريفة انه اصطلب وودر ذيج السوالف حمد : خلاص هيه كلمة وحده زواج ماشي ام غانم : اففففففففففففففففف .. انزين ................ في حجرة البنات حصه يوم دخلت من الحرة اللي فيها صكت الباب بالقو .. يلست تفكر وتقول في خاطرها : مالقى ها العلة يخطب غيرنا نحن ... افففففففففففففف ... نشت سلامه من كرخت الباب وقالت : حصه شو بلاج حصه : انتي قمتي .... ما فيني شي ردي نامي سلامة : شو صاير قولي .... داخله ها الدخلة وما تبيني اقول انه فيج شي قولي شو صاير حصه : ماشي طلع خطيب الغفلة حارب سلامه : منو حارب ؟؟؟؟؟ حصه : اخو ريم سلامه : يخسي ........ويه فقدته راعي السوالف انا سمعت انه لعاب ولا علانية عنده الشغله ولا يلعب بالبنات لعب ويفسفس عليهن بيزاته بليا قياس .. اهبل واحد حصه :ولا امي شكلها موافقه بس أحمد ما سكت عنها سلامه : فديت احمد ... مفتشلة منه حصه : ليش عشان اللي صار ... احمد غير والحب مب حرام قامت سلامه وراحت صوب التواليت وقاعده تشوف ويهها وتقول : يالله شو ها العيون متنفخات وحمر ... حصه : الحين شو نسوي سلامه : بنكلم ابوي ودقي الحين حق احمد حصه : ابوي افتشل منه ... بس احمد الحين بدق له ودقت حصه حق احمد أحمد : هلا حصه حصه : اهلين ... وين انته أحمد : في الصاله انا وامي وابوي حصه : ابوي .... اممممممممممممم .. احمد ممكن تيني الحجرة احمد : ما طلبتي حصه : ثانكس احمد : ما تيوزون من ها الانجليزي حصه : ههههههههههههههههههه احمد يقول وبصوت واطي : بس شو السالفه .. لايكون سلامه فيها شي حصه : لاااااااااااا ما فيها شي ... تعال وبتعرف شو السالفه وشوي إلا داخل عليهن أحمد وبعدها حصه على الخط ومن شافته بندت التيلفون وقعد احمد عدال حصه أما سلامه دخلت الحمام أحمد : وينها سلامه ؟؟ وشو حالتها حصه : بخير وهيه الحين في الحمام ... بس انا اريد اقولك ان ولا وحده منا تريد حارب أحمد : هه يخسي حارب ياخذ وحده منكن والموضوع انتهى خلاص رديناه الخام حصه وهيه فرحانه : قووووووووول والله ......... احلى خبر سمعته أحمد: لها الدرجة ما تبين العرس حصه : مب العرس ... حارب اللي ما اريده ولا سلامة تريده احمد : والله ... صدق انج ما تستحين يعني انتي تبين العرس حصه : هههههههههههههه احرجتي يا راسك احمد : اسولف ... بسالج حصه : هلا احمد : الكلام اللي قالته سلامه تقصده ولا حصه : شو اقولك يا أحمد ... تقصده وما توقعت ردها ولا وجهة نظرها احمد : المشكله الكل يدري انهم لبعض وفجاة كل شي تغير حصه : هذا النصيب احمد : عشان نفرفشكم شوي بروح ايب الكيمرة عشان تشوفون اليواله حصه : ياااااااااااااااااااااااااي .. بس بتطيع سلامه تشوف معانا احمد : خليها على راحتها ... تبين الصدق مليت من المشاكل ... هزاع من صوب والع .... وما كمل اللي كان بيقوله تذكر أحمد بها الوقت سالفته الطويلة مع العنود حصه : صدقت صار القلب ما يتحمل الكدر احمد : يالله عيل ...صح شمه وين ما اشوفها حصه : يا راقده يا منخشه بمكان تلعب بها العرايس مالها احمد : كنت اريد العوزها شوي حصه : حرام عليك ... طلعت سلامه من الحمام ... سلامه : هلا احمد احمد : اهلين .. يلست سلامه وفتحة التيلفون مالها احمد : بتين تشوفين اليواله ولا سلامه : أي يواله احمد : شو أي يواله .. اول امس بعرس الريايل عرس سعود كنا نيول وصورنا سلامه : هيه ... توني تذكرت .. اوكي ليش لأ حصه : يالله عيل احمد : يالله رن تيلفون سلامه كل ما يرن تخليه صامت أحمد : سلامه ليش ما تردين سلامه : مالي نفس اكلم حد احمد سبقهم ...وخلت سلامه التيلفون في الحجرة حصه : سلامه منو كان يتصل سلامه : محد غيرة حصه : اها ... ليش ما تردين عليه وتقولين اللي يريد يسمعه وتريحينه وترتاحين سلامه : انا قلت الكلام اللي عندي وهيه كلمة وحده وهو سمعها يا انا يا ماشي عرس ...افففففف متى بتخلص ها السالفه حصه : مساعه طرش مسج سلامه :شو كاتب فيه بعد حصه : مب كلام ... يعني كاتب بيت شعر شي من ها السوالف شي الواقع غريب شي جيه ما اذكر بالضبظ ... سلامه : احمد وينه ما اشوفه في الصاله حصه : اكيد في حجرته يرن تيلفون الصاله سلامه : انا بروح عند أحمد وانتي ردي ولحقينا حصه : اوكي برد وبلحقكم مب تشوفونه قبلي سلامه : اوكي سلامه تمشي وتتذكر اللي قالته حق هزاع وتتذكر اللي صار بس كتمت الحزن وراحت صوب احمد حصه : الوووووووووووووو ........... : السلام عليكم حصه : هل اخوي ......... : منو معاي حصه وهيه معصبة: ايه اذا ناوي تلعب العب على غيرنا باي .................: اسف مب قصدي جيه بس قلت يمكن أم غانم اسلم عليج حصه وهيه متفشله لأنه طلع حد يعرفهم : لا انا بنتها .. منو معاي .............. : انا عبدالله السويدي حصه من سمعت اسمه قلبها تم يدق واستحت اكثر حصه : يا هلا اسمحلي ما عرفتك عبدالله : اكيد حصه حصه : هيه عبدالله : شو اخبارج حصه : الحمدلله عبدالله : اتصل على ابوج تيلفونه مغلق وقلت اتصل على البيت احسن عشانه نسى اوراق مهمه تخصه وجوازة عدنا حصه : ان شاء الله بخبره بالموضوع عبدالله : مب تنسين ضروري تخبرين واذا كان واعي ياليت تزقرينه حصه : دقيقه بروح اشوفه وبرد عليك عبدالله : خذي وقتج راحت حصه تشوف ابوها وين اما عبدالله متخبل انه حصه ردت واستانس وقال ياليت ابوها يغلق تيلفونه كل يوم حمد: الوووو عبدالله : هلا بو غانم .. شو اخبارك حمد : الحمدلله ... شو الموضوع عبدالله : والله لقينا في الميلس جوازك والأوراق المهمه اللي كنت يايبنهن عسب الشغل والسفر حمد : هيه وانا اقول وين حطتيهن ... احفظهن عندك وباجر انا بمر صوبكم وبشلهن عبدالله : لا ماله داعي انا بمر عليكم باجر وبيبهن معاي حمد : اسمحلي على المغثة ... واسمحلي اذا كلفت عليك عبدالله : افا عليك ... نحن اهل ما بينا كلافة حمد : شي في الخاطر عبدالله : سلامة راسك يالله فداعت الله حمد : مع السلامه عبدالله من بند عن حمد وهوه يفكر في أي وقت يروح حق حمد وبنفس الوقت بخاطره يشوف حصه ... وتم يتذكر صوتها وكلامها وخاصه يوم يايه بتسكر على ويهه وتذكر يوم غصت بالعنب في الميلس وكيف كان شكلها وحلاتها .. وقاعد يتأمل رقم بيتهم ويقول اسميني عشقت ها الرقم وراعين الرقم .... شوي إلا داخله عليه أخته ميرة الحجرة وما دقت الباب لأن الباب كان ملايم وسيده دشت ميرة : عبود شو تسوي بروحك .. وتكلم عمرك بعد عبدالله : عبود في عينج .. اسمي عبدالله وثاني شي ليش ما تدقين الباب وثالث شي شو ها الاذن اللي عليج صدق رادارات هههههههههههه ميرة : ما يهمنا اريدك باجر العصر توديني بيت قوم عمي محمد عبدالله : قالولج اشتغل عندج دريول وثاني شي وينه الدريول ميرة : امي تقول انها بتروح معاه السوق عبدالله : ومحمد ليش ما تقوليله يوديج او حتى خالد يكفي انج كارفتني طول ها الأسبوع ودني دبي وودني الشارجه اريد مركز صحارى وودني المارينا وودني بوظبي مول وودني ما ادرني وين وودني لابريوش اريد آكل شي حلو وودني البحر اريد اتمشى شوي وودني وودني ما بقى غير اوديج جهنم تجيكين عليها من الحين ميرة : حرام عليك تعرف اني ما اداني اروح ويا حد غيرك ... وشي ثاني كله حق الكلية شو اسوي آخر كورس ولازم ختامها مسك عبدالله : سيري ولي ما بوديج .. لأني ما اريد اشوف بنات عمي محمد وبنات عمي حميد اللي يتيمعن في مكان واحد من يدرن اني ياي كل وحده عدلت شيلتها وسبلت بعيونها ورزت بويها ويلست تكلمني ... اموت واعرف شو يبن ميرة : ههههههههههههههههه .. حرام عليك لا تقول عن بنات عمومي جيه ... ما ارضى عليهن تراني عبدالله : لو يموتن آخذ وحده منهن ........ اففففففففففففففف ميرة : ولا حتى علاية عبدالله : منو ياب طاري علاية الحين ... يعني شو تبين تغثيني .. خلاص انسيها علاية ميرة : للحين مب راضين ايوزونك اياها عبدالله : غسلت ايدي منهم خلاص عمي قالها لي ان علياء يباها مبارك ولد خالتها ميرة : المشكله عليا غير عن كل بنات عمي ولا عن خواتها بعد ... تعرف حرمت عمي محمد نسرة .. ما تسوي إلا اللي براسها عبدالله : عمي قال لي اذا تريد العنود عادي أما عليا حق بروك .. عمي ما يريد يردني وانا المشكله ما اريد العنود ...ولا المشكله جنه نحن في السوق اذا ما بغيت هاي خذ هاي ... انا اريد وحده اكون مقتنع فيها .. اما الحين انا اعرف منو باخذ ميرة : منو ؟؟ لايكون عفاراي عبدالله : عفاري هههههههههههههههه لاتموتيني من الضحك ... اصلا انا اتفشل اوقف عدالها من قصرها هههههههه تبيني آخذها ميرة : عيل منو .. لايكون ميماني عبدالله : لا ميماني ولا غيرها ... ما باخذ من بنات عمي ولا بنات خالتي ولا من هلي اصلا باخذ وحده تسواهن كلهن ميرة : لايكون بتضوي البيت من ها الخايسات اللي ما يتسمن عبدالله : ميرووووووه تحيديني اكلم بنات ميرة : لأ عبدالله : عيل كيف بضوي وحده ما تسوى .. ولا ارضى اصلا ادخل وحده البيت وايلسها بين خواتي ما اعرف شو تسوي وما تسوي ميرة : عيل منو هاي ؟؟؟ وكيف تعرفها عبدالله : بتعرفين كل شي في وقته مب الحين ميرة : بتوديني الحين ولا عبدالله : شوفيلج حد من اخوانج المتفيجين انا باجر العصر مب فاضي ميرة : لايكون بتشوف اللي خبري خبرك عبدالله : ما يخصج ميرة : بروح عيل اشوف خالد عبدالله : وانتي من الحين ادورين حد يوديج باجر ولا العصر بعد ميرة : لأني ادري اني بقعد في البيت مجابلة التلفزيون وخواتك الحشرة عبدالله : عاد كله ولا أمون الله يعينج من لغبها اللي ما تصكه ابدا ميرة : شو اسوي يوم الله بلاني بخوات حشرة وبخوان ما ينفعون عبدالله : جلبي ويهج يالله عن اجلبه يت آمنه ودخلت الحجرة عبدالله: كملت ... الله كملت يت ام لسانين وام اللغب العود آمنه : اففففففففففففف منك لو انك اخوي العود بس تصدق انك طفرة ... متى بتقولي كلام حلو يوم بتشوفني ؟؟ عبدالله : والله اسولف معاج فديت امون انا... بس ثنتيناكن يالله برع امون : اريد اقولك انه العنود توها متصله وتقول تعالو باجر ومحد غيرك بيودينا خالد بيروح دبي ويا ربعه .. ومحمد مب فاضي وادريول عبدالله بقطع كلامها : عارف التراجيديا انا ... افففففففففففففف ماباقى غير الحين تي اليازية فكني يعلكن الحشرة ... بوديكن .. بس شو عندكن هناك ؟؟ اذا اقتنعت بوديكن ميرة : تبا الصدق العنود مسوية عزيمة لمت بنات وجيه عبدالله : هاي الزرافة تسوي عزايم بعد ... انزين يالله طلعن بفكر يالين باجر يصير خير امون تتثاوب .... عبدالله : شو ها الحاله ... ناقص اشوف فلم رعب انا قبل لا ارقد .. امون زيغتيني ههههههههههههههه شو ها الحلج امون : اوهووووووووووو دومك جيه تفشلني لو انك اخوي العود بس انت طفرة عبدالله : هاي الجملة ما تحذفينها من لسانج ؟؟ امون : تعودت عليها من سنين وانا انطق ابها من الوذى اللي ايني منك عبدالله :هههههههههههههههه ميرة : حلوووووووووووووة عيبتني سوالفكم صدق انكم يوم تسولفون تسولفون عدل امون : انا بدق حق العنود بقولها انك بتيبنا وبروح ارقد ميرة : حتى انا بروح ارقد عبدالله : لا تقوليلهن اني بيبكم عشان ما يطلعن حقي يطفربي ميرة : يصير خير تصبح على خير عبدالله : عنبوه .. تحجزون الواحد عشان يوديكم قبل بيوم ... اففففففففففففففف ميرة : هيه لازم نظمن ههههههههههه شوي إلا اليازية تزاقر من الصاله : وينكم ؟؟ ميروووووووووووه .. اموني ؟؟؟ وينكن مخلياتني رويحاتي ؟؟ عبدالله من سمع صوتها زخ امون وميرة من شعورهن وطلعهن برع وهن يصارخن وبند الباب ورقد في حجرة أحمد يشوفون الفلم الساعه 1 تقريبا وكل ما تطلع لقطة هزاع تتذكره سلامه وتحس بضيقه في صدرها ... اما حصه فكل ما يطلع سعيد تتذكر كل اللي كان بينهم من سنين وما تتخيل انه خلاص لغيرها ... سلامه ملت ونشت وراحت صوب التواليت ويلست تنبش بوك احمد وتشم ريحت عطوره ياها أحمد وشل البوك من ايدها اما حصه يلست تشوف الفلم بروحها ويت لقطة فيها عبدالله يطلع وايبس شوي وهوه ميت من الضحك ليش ما ندري .. اتخبلت حصه قصرت على الصوت ويلست تعيد اللقطة أكثر من مرة وبعدين خلص الفلم وتقول بخاطرها : شو ها الحلاة فديت ها العرضة .. صدق انه يجنن فديته .. معقوله حبيته ... أحمد : حصوووووووووووووه حصه : سرحانه ولا تسمع أحمد أحمد : حصووووووووووووووه تعالي شوفي الصور حصه : ها شو ؟؟ شو صوره ؟؟؟ او الفلم خلص ..؟؟ شو السالفه سلامه : ويه باين بالها مب معانا الحلوة أحمد : صور ابوية يوم شبابة حصه : من وين يبت الصور أحمد : بعد ... ناس واسطه سلامه : سويتها واسطه .. اكيد هافنهن من حجرة امي حصه : الله ............. تصدق يشبهك ... بس ابوي احلى عنك أحمد : امي تقول كان يشبهني .... بس الحين تغير سلامه : انا خذيت عيونه ورموشه حصه : فديت خشمة .. يعلني ما اخلى من ها الشوف سلامه : انا بروح ارقد احس انه راسي يعورني حصه : وانا بعد أحمد : وانا بعد برقد بس بدق تيلفون وطلعت حصه وسلامه ودق أحمد حق هزاع عسب يطمن عليه وكان هزاع وايد متضايق وايد بس أحمد تم يواسيه على همه هزاع : الحين سلامه اللي قالته تقصده أحمد : ............................... هزاع : رد علي تقصده صح ... يعني خلاص ما تباني أحمد : مب انها ما تباك بس انت فهمت ليش قالت جيه هزاع : المهم برايك الحين ... انا لو اموت ابرك لي من ها الهم اللي اعيشة احمد : خل ايمانك بالله قوي هزاع : لا حول ولا قوة إلا بالله أحمد : ما اوصيك على عمرك وهذا قدر ومكتوب والله العالم باجر شو راح يصير هزاع : ونعم بالله .... وشكلي راح ارضى .. وانا دورت حل ولقيت ها الحل احمد : ادري والله ادري .. بس مب كل شي يكتمل في ها الدنيا هزاع : ادري .... المشكله مب قادر اني اتخيل اني بعيش او باخذ وحده غير سلامه أحمد : ما بيدنا حيلة يا هزاع انت تعرف انه ما عندي مانع تاخذها بس الظروف الحين تغيرت هزاع : احس اني منتهي .. اريد اقعد شوي مع نفسي أحمد : يالله عيل برايك ومع السلامه هزاع : مع السلامة بند هزاع عن احمد وما رقد وطول ها الليل وهوه يفكر بكلام سلامه .. ويتذكر اللي كان بينهم وتدمع عينة غصبن عنه وسلامه حالها اردى عن حاله .... سمعتها حصه وهيه تصيح ولوت عليها ... بس شو بيد سلامه غير انها تصبر . ........................ في العين في بيت عوض ( عم هزاع ) يالسه وديمة ويا عمتها هدى في الصاله وعيال هدى كلهم رقود وهم بنتين وولد وكانت هدى بايته في بيت ابوها وفي اليوم الثاني قالت بتروح بيت ريلها ... وهن يسولفن بنص الليل في الصاله دخل عليهن فيصل سكتن ثنتيناهن فصيل : السلام |
وديمة وهدى : وعليكم السلام فيصل : ودوم شو موعنج لين الحين ؟؟؟ وديمة وهيه خايفة : يالسه ويا عمتي هدى : انا قلتلها تقعد معاي فيصل : افففففففففففففففففف منج متى بفتك منج ...الله يعينه المعثور اللي ياي يخطبج صدق انج بتطيحين بجبده ويا صوبها ووقف على راسها وقال : بس الحمدلله اني بفتك منج .. كنتي هم وانزاح يلست وديمة تصيح وتقول بخارطها : عمري ما ضريته بشي ولا سويت شي يزعله مني وراح فيصل الحجرة وتمت وديمة تصيح وحضنتها هدى وقالت : ليش تصيحين .. لا تحفلين كلامه .. ها الخايس منو يعطيه ويه ... والحمدلله يوم حد ياج عشان تفتكين من فيصل الخايس وديمة : توني اعرف ... بس انا ما اريد اخلي يدي بروحه في البيت انتي مب دوم تين هنيه إلا حسب ظروفج منو بيقعد معاه .. ماله غيري هدى : نسيتي عمومتج ؟؟ ولا كيف دومهم معاه .. بس اخوج الله يهداه ما ادري على منو طالع حشى ما طلع على حد في العايلة وديمة : منو يايني اصلا .. ما اريد آخذ واحد من ربعه .. كلهم خمه مثله هدى : بتخبر ابوي باجر .... وبقولج منو سعيد الحظ هذا وديمة تطالع هدى وساكته وتفكر هدى : شو في بالج قولي .... وديمة : متردده اقولج . ومستحية هدى : تستحين من عمتج .... وانا اختج قبل لا اصير عمتج وديمة : ادري ... بس سألي ابويه العود ( يدها ) منو ومن قوم منو واذا يخصه بفيصل ولا ؟؟؟ لأني ما اريد حد من ربعه .. يعني انتي تعرفين الباقي هدى : ان شاء الله وديمة : انا بروح قبل لا ايي فيصل ويهزبني على قعدتي هنيه ما فيني عليه بروح الحجرة تعالي معاي هدى : لا وين ايي معاج ورانا نشه الصبح وشي ثاني بروح اشوف العيال راقدين وبرقد معاهم مافيني شويخ تـنش وتــنششهم كلهم وديمة : يالله عيل مع السلامه وتصبحين على خير .. واذا لعوزتج شيخه يبيها صوبي هدى : ان شاء الله ... وانتي من اهله وديمة : بس انا احس انه محد ياييني وفيصل اكيد شارب له شي وياي مخرف هدى : هههههههه ..لو احيده يسكر من قول بس فيصل ما يشرب ... بس تصدقين شكله مخرف وراحت هدى حجرتها عند عيالها ( شيخه سنه ونص و خالد ثلاث سنين والكبيرة وديمة اربع سنين ونص ومسمتنها على أمها ) ووديمة راحت حجرتها وقعدت تفكر بالي ياي يخطبها وخايفة يكون من ربع فيصل وتمت سهرانه ما ياها رقاد وفتحة الاب توب مالها ويلست تصمم كروت في الفوتوشوب وكتبت " ودي اعرف باجر لي وش يخبي ... ودي اعرف في القدر وش مصيري وعلى بر الأمان اتمنى ارسـي ... والهموم مـن داخلي ودي تطـيري " ويلست تبدع في التصميم وكتبت ها الكلمات في التصميم ومر الوقت وبدون ما تحس تمسع أذان الفجر قامت توضت وصلت ورقدت ....)(( هذا التصميم )) .......................... ________________________________________ يوم السبت في بيت سلطان ( بو هزاع ) الصبح سلطان يالس في الصاله يتريق أم هزاع : بو هزاع ... شو رايك تأجل الملجة شوي بو هزاع : لأ ..الخميس يعني الخميس أم هزاع : ما يحواحي ناخذ شي بو هزاع : يواحي ... ولا تيلسين تتعلثين بالمشترى والوقت وما اعرف شو كم تبين بعطيج وما بقصر أم هزاع : فيك الخير ... بس لازم يملج هزاع وهوه مقتنع بو هزاع : ما عليج منه هذا .. كلمتي انا اللي بتمشي وبتصير .. وانا عطيت اخوي كلمة وما برد فيها عشان خاطر ولدج يا راشد الصاله ووراه عويش راشد وعويش : السلام عليكم بو هزاع وام هزاع : وعليكم السلام أم هزاع : ما شاء الله .. اشوفكم قايمين من الصبح اليوم ... مب من عوايدكم راشد : انا ابوي يباني اروح معاه المزرعة وباخذ الدراجه معايه هناك وبلعب فيها عويش : اما انا فنايمه امس من وقت وقمت شبعانه من الرقاد وميته من اليوع ويلسو يسولفون هزاع في الحجرة ما رقد من امس وكله يدق على سلامه يا مغلق يا ما ترد ويطرش مسجات ولا ترد عليه وتم يدق آخر شي ردت (( اسم هزاع في موبايل سلامه ))) http://alamuae.org/upload/alam8/haza3.jpg هزاع ما صدق : الوووووووووو ... سلامه ... حياتي تراج عذبتيني سلامه : .................. هزاع : ليش ما تردين علي ؟؟؟ اريد اسمع رايج وللمرة الأخيرة .. سلامه تمت تصيح هزاع : لا تصيحين ... انا ابوي جتلني وانا حي .. يباني آخذ وديمة لأن اخوها الخام يضربها ووايد مشاكل تصير في بيتهم وعمي عوض تعب سلامه وهيه تصيح : كيف تباني ارضى اكوون سعادتي على تعاسه غيري ؟؟ وكيف تباني آخذك وانا اعرف انك بطلقها ..؟؟ ما تهون علي وديمة وما تهون عليه انته ... خلاص يا هزاع انساني .. ما بيدك حيلة هزاع : ما اقدر ... سلامه انتي كل شي .. تعرفين اني ما نمت الليل احاتيج وافكر فيج .. ومستغرب كيف ما توافقين على ها الحل ؟؟ انا ما اريد وديمة اكرهها سلامه : مالها ذنب وديمة ... تلقاها تريد تفتك ولا تدري بلي في حياتك ولا تدري بموقفك حتى هزاع : شو اسوي اريدج انتي ما اريدها سلامه : خلاص يا هزاع خذها وانساني .. هذا نصيبك هزاع : سلامه.. كيف يهون عليج الحب واللي كان بينا ... كيف اهون عليج ؟؟؟ انا مستغرب سلامه وهيه ماسكه عمرها : ما هنت عليه بس هذا الواقع يحكم علينا نرضى بلي ما نريده غصبن عنا ... انساني يا هزاع وانسى رقمي ... ودير بالك على عمرك ..... وهمست بصوت ما ينسمع " أحبك " هزاع : آآآآآآآآآآآآآآآآآآآآآآآآآآآآه ياليتني اموت وافتك سلامه وهيه ميته من الصياح : لا تقول جيه .... الله معاك ... واخطبها ولا تبين الها أي شي لا تنسى ها الشي .. باي هزاع : والله ما بلقى وحده مثلج .. تضحي بساعدتها وبحبها مثلج عشان بس ما تهين بنت ثانية مظلومه في حياتها سلامه : هزاع يالله باي هزاع : الله معاج يا الغلى .. بس صدقيني اني ما بنساج واني احبج ولا بيسكن قلبي حب غيرج ابدا ... وسكرت سلامه التيلفون وهيه ميته من الصياح وتتذكر صوته وكلامه ومب هاين عليها هزاع ابدا وهزاع تسبح وطلع الصاله ولقاهم يالسين كلهم برع سلم عليهم والكل رد السلام هزاع يكلم أمه : امايه متى تبينا نروح نخطب رسمي أم هزاع : هاي الساعه المباركه .. الحمدلله يوم انك اقتنعت بو هزاع : مبروك عليك البنت يا هزاع ... واليوم المغرب بنسير صوبهم ان شاء الله هزاع : ان شاء الله وروح صوب حجرته أم هزاع : هزاع .. ما تريد تتريق هزاع : ما اشتهي أم هزاع راحت صوبه وتخبرته عن سلامه : شو اخبار سلامه هزاع : الحمدلله حالها تراه من حالي عويش : منو بتخطبون ؟؟ ودوم ولا سلامه راشد : وانا اريد اعرس بعد .. هزاع مب احسن عني عشان يعرس بو هزاع : رشود يوم بتخلص الثنوية وبتشتغل هاذيج الساعه بندور لك حرمة عويش : هههههههههههه وااااااااههههههههههههههه ويييييييييييييييو وجان يفشلونه راشد : جب عن افلعج بها الصحن أم هزاع : يالله بالستر ... عويش شو ها الضحكه الفارطه ... وراشد عن ها الكلام الفاضي عويش : محد رد علي منو بتخطبون له الحين ؟؟ على منو رسى الاختيار بو هزاع : على وديمة راشد : عيل انا باخذ سلامه هزاع من سمع رمست اخوه راشد يا زغده من حلجه وقال : تهبي .. وان عدت ها الرمسه بتندم راشد زاغ وما فهم شو السالفه ويت أم هزاع فازعه من الخوف وزخت ايد هزاع وخوزته عن اخوه وبو هزاع ما علق على الموضوع ابدا ....وروح هزاع حجرته وعويش استغربت من هزاع كيف جيه صار عصبي وما يسولف مثل قبل تغير حاله ... ما تلومه والله من بعد ما عرفت عن سلامه تم هزاع في الحجرة يكتب مسجات حق سلامه ويته امه وهزبته عن حركته مع اخوه بس هزاع مطنش ولا رد عليها ... وبعدين تمت تكلمه بخصوص الخطوبة وياهم بو هزاع ويلس معاهم في الحجرة يتفقون على التجهيزات ... وبعدين كلم بو هزاع اخوع عوض بخصوص وديمة ... ........................ في بيت ( المرحوم ) بو سعيد يا سعيد ويا روضه عشان يودعون سارة وأمه لأنهم بيسافرون وبعدين بيروحون بيت أهل روضة عشان يودعون اهلها سعيد داخل الصاله مع روضة اللي كانت متكشخه لقو امه في الصاله ترتب الريوق سعيد : السلام عليكم أم سعيد : وعليكم السلام ... يا مرحبا وسلم عليها وسلمت عليها روضة وقعدو ام سعيد : شو اخبار المعاريس .. ان شاء الله مرتاحين سعيد : الحمدلله روضة : الحمدلله يسرج حالنا ام سعيد : سارة تترياكم من متى .. ما اشوفها هنيه ... وراحت تزقرها روضة تقول حق سعيد : تراني ما اريد اتريق بتريق في بيت امي سعيد : شو ها الكلام .. امي الحين تعابل في المطبخ من الصبح وآخر شي تقولين بتتريقين في بيت امج .. لأ لازم تتريقين هنيه ولو مجاملة روضة : انزين وامري لله سعيد : روضة انتي جيه بتخليني ازعل عليج ... شو ها الكلام اللي تقولينه .. روضة : خلاص قلت لك بتريق سعيد : هاذي امي يت .... سكتي ما اريدها تحس روضة تبتسم ... ويت سارة وسلمت عليهم وقعدت بينهم ولا عليها من روضة .... انقهرت روضة سارة : هلا بسعود .. هلا بخوية فديتك والله ... تصدق ولهت عليك بها اليومين .. الله يعيني .... بشتاقلك وايد سعيد : تشتاق لج العافية ... انتي وامي بتوله عليكم .. ومتوله من الحين لليلسه معاكم وللبيت أم سعيد : يعلني ما اخلى منك سعيد : ولا منج يا الغالية أم سعيد : اهبشو ويلسو يتريقون أم سعيد تكلم روضة : رحتي صوب اهلج روضة : بروح الهم عقب ما نطلع من عندكم ... سارة : اهاااااااااااااااا ... وبعدين بتروحون سيده المطار سعيد : ان شاء الله أم سعيد : سلمي على اهلج روضة : يوصل ان شاء الله نشت روضة أم سعيد : يلسي .. ما كليتي شي روضة : مشكورة عمتي ... ان شاء الله في مرة ثانية وراحت روضة تغسل ايدها وقام سعيد بعد ما شرب الحليب وروح يغسل ايده ويا وعداله روضة وقعدو وقامت أم سعيد وسارة من على الريوق ويت البشكارة تشل الريوق وراحت سارة تيب المدخن عشان يدخنون وروحو وقعدت سارة مع امها في الصاله وقالت سارة : امايه اريد اروح اليوم انا وحصه وسلامه السوق ويا الدريول وبني قبل العصر لأن الحين المارينا فاضي وخلي زبيدة تي معانا .. احب اروح مع هاا البشكارة السوق أم سعيد : ما عليه بس مب تتاخرن سارة :ان شاء الله ... بس اريد فلوس أم سعيد : ان شاء الله وراحت سارة ودقت حق سلامه لقته مغلق دقت حق حصه كذا مرة ولكن حصه ما ردت عليها ....................... بنفس الوقت في بيت عوض وديمة في حجرتها وهدى وابوها في الصاله هدى : شو اخبارك ابويه .. وشوه علومك عوض : الحمدلله .. إلا هذا فيصل متى بيصطلح حاله ... ما مخلي حد ما رابعه من ها اللوث الصيع ... وطايح بكخته المسكينه هدى : هيه والله ... اتمنى انها تاخذ واحد يعوضها عن كل هذا اليوم قبل باجر عوض : زين يوم فتحتي السالفه ناسي وكنت بخبرج .. هزاع ولد عمج سلطان ياي يخطب وديمة ودق لي اخوية مساعه وخبرني انه اليوم عقب صلاة المغرب بيون عشان يشوفون البنت ويتفقون ويخطبون رسمي والملجه مثل ما قال لي اخوي يوم الخميس يبونها اذا وافقت وديمة طبعا .. هدى : ابويه ... خلني استوعب شوي شوي عليه ... اشوفهم مستعيلين .. وشي ثاني انا شمعت الكلام من فيصل بس تحسبته مخرف ولا يخربط علينا عوض : فيصل .. خبرته ولا يعرف كوعه من بوعه ما ادري شو بلاه ها الولد .. خلينا منه الحين بقولج كنت انه اخوي من زمان فاتح موضوع وديمة ... بس شكله هزاع الحين فكر يعرس .. والله تبين الصدق تستاهل وديمة هدى : هزاع ما غيره ... والله وكبرت يا هزاع .. وهاي الساعه المباركه يوم هزاع بياخذ وديمة عوض : عاد عابلي وديمة واللي تامر به تراه عليه وخبريها انه اليوم بيون قوم اخوي هدى : لا تحاتي من ها الناحية تطمن بقول حق البشاكير عشان يقولون شو ناقص من أغراض حق المطبخ وبكلم وديمة واذا المجلة جذيه قريبة لازم نروح نفصل حقها فستان ... واخيرا بنفرح بحد في البيت عوض : ان شاء الله دوم ... الحين انا بروح اشوف الذبيحه هدى : وانا بروح اكلم وديمة .... بس كيف بيملجون ووديمة ما قالت رايها عوض : ما بتلقى أحسن من هزاع ... وشي ثاني انا اريدها تفتك من بلى فيصل واكيد هيه تريد تفتك من ها بلاه اليوم قبل باجر... وهزاع ريال وبيحشمها مب من ها الريايل اللعابين هزاع ريال ينشد به الظهر وانا احيده كان دوم يعابل المزرعة ويا ابوه وما يعصيله امر دوم يخبرني عنه سلطان والحين داوم واستقر والحمدلله يوم انه بياخذ وديمة هدى : الحمدلله ... انا الحين بروح اقولها وان شاء الله اسمع الموافقه وراحت هدى عند وديمة ودخلت عليها الحجرة لقت وديمة تقرا قرآن يلست على الكرسي وشوي خلصت وديمة قراية .. هدى : كلولووووووووووووش وديمة مستغربة : شو السالفه ... ههههههههههههه ولا وصرتي تزغرطين يا عمتي هدى : والله من فرحتي لا تلوميني وديمة تذكرت سالفة امس ونزلت راسها هدى : ترى اللي ياي يخطبج هزاع ولد عمي سلطان .. اقولج من الحين احسن عنه ما بتلقين واقولج تراه حلو ويناسبج وريال وما عليه كلام وديمة : اريد افكر هدى : شو تفكرين ؟؟ اليوم هم يايين وقال لي ابويه انه الملجه متفقين عليها من قبل قالي يوم الخميس وديمة : بس انا ما صليت استخارة .. هدى : انتي شو تحسين الحين ؟؟ يعني مب مرتاحه ؟؟ وديمة : خليني اشوف اهله واقعد مع خواته وعقب يصير خير هدى : عنده اخت واسمها عاشة وامه اسمها مريم ووايد طيبة وعمي طيب وهزاع طيب تصدقين لو انا كنت اصغر عن هزاع ويا خطبني والله ما رديته وديمة : لها الدرجه هزاع اوكي وتنصحيني اني آخذه هدى : هيه .. تخيلي اذكر يوم عرسي كان واقف ويا اخواني وابوي مع انه كان عمره تقريبا يعني في 19 او 20 شي جيه ولا قصر وقف معاهم وعابل معاهم مع انه اخوج اللي اقرب عنه كان يالس حاط ريل على ريل ولا عليه يسولف ويا ربعه وديمة اقتنعت شوي وقالت : خليني انزين اشوف اخته وامه هدى : بيعيبونج صدقيني وديمة : ان شاء الله هدى : مبروك مقدما وكشخي اليوم وترتبي لأنهم بيون عقب صلاة المغرب وديمة : عيل بروح اسوي شي حق الفواله خبيص ولا عصيد وبسوي بلاليط معاه شويه مكسرات هدى : سوي شي واحد مب كلهن ... ما بيواحيلج تتسبحين وتتلبسين وديمة : بسوي البلاليط انزين هدى : اوكي.... انا بروح اشوف شيخه احيدها واعية في سريرها ومسويه عملة سوده بروح اغسلها وديمة : ههههههههههه اخ عليها ... بعد ما تغسلينها يبيها حقي هدى : الحين انا بدق حق ابوهم بقوله بقعد يالين فليل لأن قوم عمي ياين ما ينفع اخليج بروحج وديمة : زين تسوين .. تراني استحي وراحت هدى صوب عيالها اما وديمة يلست تفكر بكلام هدى عن هزاع وتفكر بنفس الوقت اذا ما وافقت كيف بتتحمل فيصل وبلاه .... .................................. سارة تدق حق حصه وآخر شي ردت عليها سارة : الوووووووووووووووووووو .. حصه : هلااااا سارة : وينج ادق لج من متى حصه : كنت في الصاله يالسه ويا شمه وامايه سارة : يالله تلبسن حصه : ليش ؟؟ سارة : بنروح المارينا انا وانتي وسلامه والبشكارة مالتنا انا بمر عليكن حصه : الحين سارة : هيه ... وبردكن قبل العصر .. عشان اريد اطقم معاكن في الشنط والبدل .. يالله عاد حصه : اوكي . احمدي ربج اني قايمة مع سلامة ولا لو كنت راقده مالج امل ههههههههه سارة : الحمدلله حصه : بروح اقول حق امي وابوي عشان يعطوني المكتوب ههههههههه سارة : يالله عيل لأني للحين ما قبضة المكتوب على قولتج ههههههههههه وراحن يتجهزن كلهن ويت سارة ونزلت من السيارة ودخلت الصاله سلمت على عمها حمد وام غانم ويت سلامه وحصه وسلمن عليها ونزل بها اللحظة أحمد شال أغراضة لنه بيروح العين وعليه دوام يوم الاثنين وبيمر على هزاع حمد : ها احمد .. وين تبا شال اغراضك ؟ أحمد : السلام عليكم الكل يرد السلام احمد انتبه لسارة وقالها : اشحالج سارة : بخير أحمد : ابوي انا رايح العين لأن داومي ورى باجر وبمر على هزاع وبنقعد ويا بعض حمد: هيه ...عن السرعه أحمد : ان شاء الله ... والحين تامروني بشي ... حصه : سلامتك أحمد : انتن وين تبن كل وحده عباتها على ظهرها وشنطتها تحت باطها ... سلامه : هههههههههههههه بنروح نتشرى حق الجامعه .. وورى باجر بنكون عندك في البيت ان شاء الله أحمد : يالله عيل مع السلامه أم غانم : مع السلامه ... سارة تطالع أحمد ومشت وراه هيه وحصه وسلامه رايحين كلهم صوب السيارة ركب احمد الرنج ماله وحصه وسارة وسلامه ركبن السيارة مال قوم سارة وراحو كلن في طريقة احمد يقول في خاطره " هاي كل مرة تحلو أكثر من قبل ... عيونها تذبح ونظراتها تخليني بعالم ثاني " وسارة تتذكر أحمد وكلامه .... وصلو المارينا ونزلو يتشرون سلامه بليز خلونا نتريق في الستاربوكس اكيد فاضي لأن بعدين بينترس شباب شو رايكن سارة: اوكي حصه : يالله وراحن ستاربوكس وكانن كلهن لابسات خمار والغشوة فوق طبعا عشان يكون شكلهن مرتب وكانت سلامه مجحلة عيونها عشان ما بين فيهن التعب والسهر والصياح وهن يمشن صوب ستاربوكس لقو واحد قاعد وفاتح الجريدة بروحه ورافعنها وما شافن شكله ودخلن طلبن اللي يبنه وقعدن ... وزبيدة ما طلبت شي لأنها متريقة في البيت وما طاعت تطلب شي وسلامه كانت مجابلتنه وكانت لافه تكلم سارة ونزل الجريدة وشافها وعرفها من عينها وتاكد أكثر يوم عقت الخمار مالها وكان بالصدفة ناصر وعقت الخمار عشان تشرب الكبتشينو وكانت بتشرب وطاحت عينها بعينه وشربت بالغلط الكبتشينو وكان حار وحرقها وحطت الكوب ويلست تهوي شفايفها لأنها احترقت ويلست سارة وحصه وزبيدة يضحكون عليها ومب عارفين شو السبب اللي خلاها تحترق اصلا.. وضحك عليها ناصر من بعيد ويلس يتألمها وهيه ماسكه الكوب وتشرب ويتأمل عيونها.. وهيه ودها يخلصن بسرعه عشان تشرد ... وبعد ما خلصن لبست الخمار وراحو وناصر وراهم ودخلن محل محل يتطالعن ويتشرن وكانت سارة ويا حصه يطالعن قمصان في محل برامود ويدورن قياسهن وكانت سلامه بعيده عنهن تطالع الاكسسوارات والاحزمه ويا وقف جدامها وسلم ردت بصوت واطي ويايه بتخطف عنه دار جدامها وقال " من يشوف عينج يا الغلا ... ما وده ينام له طرف " سلامه وما ادري من وين يتها القواه وردت عليه وقالت : احلف انت بس ... صدق انك ما تستحي ناصر : " خاطري فيج واهلي راح يدرون .... بالهوى اللي لصوبج خذاني ... سلامه : لو سمحت يا ناصر ماله داعي لها الكلام ناصر : كيف عرفتي اسمي ؟؟؟ حتى انا اعرف انج سلامه ...بس تصدقين طلعتي مب هينه ...كلامي ياليت فهمتي مقصده وراح يستوي بإذن الله سلامه استغربت كيف عرف اسمها ومن وين يابه وتذكرت سالفت البشكارة اللي كانت تزقرها في السوق بصوت عالي ... وراحت عنه صوب حصه وسارة وتتذكر كل اللي قاله ... وناصر ارتاح لأنه قال الكلام اللي كان وده يقوله وطلع برع المحل ويلس يحرسها لين ما راحت وتم يمشي وراهن بس شوي بعيد ما يباهن يحسن فيه بس سلامه حاسه بتحركاته... .......................... بنفس الوقت في بيت شبيب السويدي ( بو عبدالله ) يالس عبدالله في الحجرة الف مرة لبس السفرة وعقها إلا مب عايبته إلا مب عارف كيف يلسبها ولا مب راكبه على لون الكندورة وتعطرخمسين مرة ... دخلت عليه ميرة ميرة : عبود ... وين رايح كاشخ ها الكشخه ؟؟؟ جنك معرس .. ترانا خلصنا .. كاشخ حق منو من بنات عمك ههههههههههه عبدالله : انطبي ... مالقيت غير بنات عمج اكشخ حقهن ... مالت ومليون مالت بعد .. ميرة : يالله لأن العنود حرقت تيلفوني من كثر ما تدق عبدالله : شو رايج الحين فيني اوكي ولا ميرة : حلو .. دومك مزيون لو حتى تلبس لبس البتان عبدالله يشوفها بنظرة احتقار ومعصب عليها : خسج الله ... شو ها الرمسة .. شو تشوفيني خان جدامج ولا شو .. ما تعرفن ترمسن يالله برع ما بوديج ميرة وهيه بتموت من الضحك : ههههههههههههههه والله اني اسولف ... حرام عليك شو ما تودينا ... خبرني منو مواعد اليوم عبدالله وهو معصب : لو كنت بقولج الحين هونت .. عشانج سبيتني .. كيف تشبهيني ببتاني ؟؟ ميرة : يعني مواعد يا مسود الويه عبدالله : استحي على ويهج ... شو اواعد شو ها الرمسه ..تحيديني راعي بنات ؟؟ ميرة : بصارحه لأ .. بس شكلك رايح مكان وبتشوف فيه حد مهم قصدي مزيون ههههههههه عبدالله : الحين لون الكندورة مثل لون السفرة بالضبط صح .. اقولج ريحت العطر اوكي ميرة : هيه لون الكندورة مثل السفرة وعطرك ريحته واصله الصاله وحياتك عبدالله : يالله عيل سرينا ...بس انتي وين تبين تروحين نسيت ميرة : توني قايله وين بنروح ... والحين تتخبرني وين بنروح ... منو اللي سارق عقلك خبرني او اعترف احسن عبدالله : هههههههههههههه ... لا بس كنت افكر بالكندورة وجيه ميرة : علينا يا عبود ... المهم ودنا بيت عمي وراح ووداهن بيت عمهم محمد وصلو البيت ونزل معاهم بعد محايل وحشرة اخته ميرة وامون وسووله درب وكانن كل بنات عمه محمد وحميد يالسات في الحجرة فوق ومن درن انه ياي تعافدن في الصاله تحت عشان يشوفنه إلا عليا تمت فوق طبعا لأنه تعرف انها حق مبارك وبيملج عليها قريب بس وايجت من فوق وشافته وردت الحجرة ... اما العنود وميماني وعفاري وليلى وفاطمة ومعاهن بعد عاشة نزلن يترابعن وكلهن ما شاء الله حلوات ولا بعد كاشخات .... عبدالله يلس في الصاله عشان يسلم على عمه محمد بس طلع انه محد ويت حرمت عمه ويزقرها طبعا عمتي واسمها عذبة وسلمت عليه عذبة : يا مرحبا بولدي عبدالله عبدالله : يا مرحبتين .. شو اخبارج عمتي عذبة : الحمدلله .. استريح بتتقهوي عبدالله : لا مستعيل شوي قلت اسلم على عمي بس طلع محد عذبة : القهوة موجوده لا والله ما تطلع إلا وانت شارب لو فنيان .. يالله بالستر واصلنا البيت وانطلعك بلا شي ما يصير توهق عبدالله وقعد غصبن عنه شوي إلا بنات عمه يايات يسلمن وحده ورا الثانية بنات عمه : السلام عليكم عبدالله وهوه منصدم كيف عرفن اني هنيه : وعليكم السلام .. شو اخباركن كلهن يردن : بخير الحمدلله ميماني : شو اخبارك انته وينك ما تنشاف عبدالله : انا بخير يسرج الحال .. والله انا مشغول مثل ما تعرفين مب فاضي العنود راحت ويابت دله القهوة وصبت له .. اما عذبة فراحت المطبخ تعابل الفواله لأن ربيعات العنود بـيـيــن العنود تناوله الفنيان : تفضل عبدالله خذ عنها الفنيان وقال : دام فضلج ومن خلصه ما صدق قال انه ما يريد عفاري الملسونه : تو الناس ... ليش مستعيل وشو ها الكشخه عبدالله : مواعد ريال .. عفاري: عرفنا ليش مستعيل أما ليش الكشخه عبدالله تنرفز منها وعرف كيف يرد عليها وقال : والله انا دومي كشخه .. كد مرة شفتيني غبر ولا اجلح املح ؟؟؟ وثاني شي تبيني اروح عند الريال بوزار وفانيلة عشان ما اكون كاشخ .. عشان بس ما تزعلين المرة الياية بروح له وانا ما اتشاهد .. عشان خاطرج عفرة حست انها مصختها وتفشلت بعد وقالت : اسمحلي ترى مب قصدي جيه ميرة تعدل الموقف : لا عبدالله تراه ما يقصد حتى انا قلت له الكلام اللي قلتيه وقالي الرد نفسه ويلست اضحك.. وقالت صح عبدالله عبدالله ما حب يفشلها وقال : هيه صح ... مب تزعلين تراني اسولف هه ويضحك بدون نفس ليلى تعيب على عفاري من بعيد ... وقام عبدالله واترخص وروح عفاري بتموت منا القهر وليلى تعيب عليها ولا خلتها في حالها اما العنود مستانسه وهيه اللي عندها أمل انها تاخذه وان ما خذته عادي عندها بس هن بينهن تحدي منو بتضويه منهن ....راحن البنات كلهن فوق عند عليا وتعدلن لآخر مرة ونزلن مع عليا وراحن الميلس وحطن الأغاني وين ربيعات العنود ويلسن مستانسات .. وعبدالله راح صوب بيت حمد ..... ...................... في المارينا مول وعقب ما خلصن واتشرن اللي يبنه حصه وسارة وسلامه راحن وركبن السيارة وناصر وراهن عشان يعرف بيت سلامه وين في بوظبي وفي السيارة سلامه تسال حصه وسارة : شو يعني اذا حد قال " خاطري فيج واهلي راح يدرون ... بالهوى اللي لصوبج خذاني " شي جيه سارة : باينه ...هاي تدل على اللي قال ها الكلام يحب وحده وراح يخبر اهله واكيد آخر شي بيخطبونها حصه : جيه تنفهم .. جيه اتوقع نفس ما قالت سارة ... ليش تتخبرين ؟؟ سلامه : لا ماشي قريتها في المجلة وتمت في بالي وتمت تفكروتقول بخاطرها " معقوله ناصر حبني ويباني .. وليش طلع في ها الوقت بالذات .. لو انه حلو وشكله محترم بس هزاع بعده في بالي .. وتم صوته وكلمته هاي في بالها وكتبتها مسج وخزنتها في الارشيف مال تيلفونها ووصلو البيت على الساعه 4 العصر وناصر وراهم وعرف البيت وتذكر .... وعرف منو ابوها لأنه كد مرة من زمان كان ياي هوه وابوه مسوي كان حمد عزيمة عزم في الظباط وربعه وجيه وقال ناصر في خاطرة ويتحرطم بروحه " هاي بنت أحمد ولا حمد ؟؟ شي جيه.. جنه حمد " ربيع ابويه انا من زمان ياي انا وابوي هنيه محد كان في البيت غير ابوها غريبة ... وبعدين انتبه وشاف سلامه يوم نازله وكان الهوى يهب وطارت الشيلة ومسكتها بس طلع شعرها وتمت تتطاير قصتها وتغطت عن الدريول وما انتبهت على ناصر اللي كان واقف بعيد بسيارته وهوه من شافها جيه تخبل زياده وتحركت سيارة سارة ودخلت حصه وسلامه البيت وناصر يلس يحاوم جدام بيتهم تقريبا نص ساعه وروح من شاف بي ام يايه صوب البيت روح ناصر بيتهم ... اما عبدالله اتصل بحمد ورد عليه عبدالله : السلام عليكم حمد : يا مرحبتين عبدالله : انا وصلت البيت حمد: ادخل الميلس انا بيك ومحد هناك اقرب يا عبدالله ...وانا قاعد اتلبس الحين اسمحلي عبدالله : مسموح وخذ وقتك ..لايكون يت انا في وقت مب مناسب حمد : لا والله .. حياك الله في أي وقت عبدالله : الله يحيك .. خلاص عيل انا الحين بدخل الميلس .. يالله مع السلامه حمد : يالله عيل مع السلامه دخلت سلامه الحجرة اما حصه يلست في الكرسي اللي محطوط في زاوية جدام الميالس يعني أي حد يفتح الباب مال دخلت البيت يشوفها .. المهم فصخت جوتيها الكعب وزقرة هيلدا تشل عباتها وشيلتها وشنطتها وتوديهن الحجرة وهدت شعرها وحطت شباصتها في ذبانها ويلست تهمز ريولها اللي كانن محمرات وكانت لابسة تنورة وبدي وكانت البدي كــت ( cut ) ماله ايدين والتنورة جينز وكانت موخية وشوي إلا عبدالله داخل وما توقع يلقى حصه هنيه كان يتمنى يشوفها بس مب بها المنظر وبها الموقف وحصه على بالها ماريا يايه من برع يايبة الأغراض .. دخل عبدالله لقى حصه طايح شعرها على ويهها ولا تدري انه عبدالله واقف .. عبدالله استحى وياي بيطلع ومب عارف شو يسوي ... يت شموه شافت عبدالله استانست وصارخت : عــــبــدالـــلـه حصه وبصوت واطي بس سمعها عبدالله ..: فديت ها الطاري وما كانت تدري حصه انه شمه قالت اسمه لأنها تشوفه جدامها وتمت في باله كلمتها " فديت ها الطاري " وركظت شمه صوب عبدالله وشلها وقال : هلا بشمة تصنمت حصه يوم سمعت صوت واحد ...ولا الصوت صوت عبدالله .. تم يشوف صوب حصه اللي ما تحركت وشوي إلا قامت وشلت شعرها من ويهها وسكرت ايدنها على بعض مثل المتكتفه جيه وخلت جوتيها وركضت حجرتها وطاحت شباصتها وخلت كل شي وراها وكانت محمرة من المتسحى والفشلة ... اما عبدالله اللي كان شال شمه ما كان يسمع شمه شو تقول وكان على باله شكل حصه وهيه ترفع من ويهها شعرها وكيف كان جسمها روعه والجينز كيف كان على جسمها المخصر الحلو كانها عارضة ازياء بس مربربة شوي مب نفسهن ضعاف ... وتذكر كيف كان الحيا باين من عيونها .. وعقبها دخل ويلس هوه وشمه وتذكر الأوراق في السيارة ونزلهن ويا الميلس مرة ثانية وقعدت معاه شمه وشوي إلا حادر عليهم حمد وخذ منه الأوراق ويلس يسولف معاه وعقبها روح عبدالله .... دخلت حصه الحجرة بسرعه وتمت يالسه على شبريتها وما تتكلم يتها سلامه مستغربة حصه ليش تركض مب من عوايدها تدخل الحجرة ها الدخله بعد .. سلامه : شو بلاج حصه : يا ويلي يا الفضيحه سلامه : شو فضيحته حصه : يا ربي سامحني .. والله ويهي بيحترق من الفضيحه سلامه : شو السالفه ؟؟ حصه : تخيلي عبدالله السويدي تعرفينه سلامه : هيه شو بلاه ؟؟؟؟ حصه : شافني وانا جيه تخيلي ... شو اسوي الحين وين اودي ويهي فضيحه شو بيقول عني الحين .. سلامه : ههههههههههههههههههههههه ... جيه وين كنتي عشان يشوفج جيه حصه :جدام الميالس قاعده على الكرسي اهمز ريولي ولا دريتبه والله |
سلامه : حلو ؟؟؟ حصه : يخبل شو حلو شويه في حقه سلامه : اممممممممممممممممم .. ذكرتيني بسوالف جديمة حصه : بموت لو سمع شو قلت .. بس ما اظن انه سمع سلامه : شو قلتي ؟؟ حصه : يت شمه وقالت عبدالله انا نشيت وقلت فديت ها الطاري سلامه : احلفي انتي بس ... وكان هوه واقف حصه : هيه سلامه : عيل ابشرج انه سمعها وموتي من الفشله الحين ... اقول لا يكون هذا اللي تترينه ؟؟ واللي على بالج ؟؟ لأنج تقولين فديت ها الطاري .. يا مسودة الويه تحبين من وراي حصه : بس يا سلامه احرجتيني ... هذا غير الموقف اللي صار قبل ولا قلت لج عنه سلامه : أي موقف ؟؟ بعد صارت سوالف من وراي وقالت حصه حق سلامه الموقف اللي صار الها يوم كانت في الميلس وغصت بحبة العنب وجيه سلامه تذكرت مواقفها ويا هزاع وتمت تفكر حصه : سلامه تذكرتي هزاع سلامه : اصلا ما نسيته بس احاول انساه ... احاول اشله من بالي .. مالي نفس لشي بس اسوي أي شي بالغصب عشان اشغل عمري عن التفكير فيه وقعدن في الحجرة .... عبدالله يلس يحاوم في هذا اليوم ولا خلى شارع ما مشى فيه وكله يفكر بحصه ............................ الجزء الثامن وقالت حصه حق سلامه الموقف اللي صار الها يوم كانت في الميلس وغصت بحبة العنب وجيه سلامه تذكرت مواقفها ويا هزاع وتمت تفكر حصه : سلامه تذكرتي هزاع سلامه : اصلا ما نسيته بس احاول انساه ... احاول اشله من بالي .. مالي نفس لشي بس اسوي أي شي بالغصب عشان اشغل عمري عن التفكير فيه وقعدن في الحجرة .... عبدالله يلس يحاوم في هذا اليوم ولا خلى شارع ما مشى فيه وكله يفكر بحصه ............................ في العين في بيت حمد وصل أحمد البيت وحط اغراضة وسلم على غانم وعقبها دق على هزاع وراح صوبه البيت وشله أحمد : وين تبا نروح نقعد هزاع : البدع ( البر ) احمد : يعني تبانا نروح البر و بالرنج .. فداك الرنج الأبيض وراعي الرنج لو اني مغسلنه بس ما عليه بنغسلة مرة ثانية هزاع : آآآآآآآآآآآه والله مليت من السوق والكافيات أحمد: شو رايك قبل لا نروح ودامني قريب من بيت العنود اقولها تطرش البشكارة وتاخذ صورها وافتك هزاع : يكون احسن أحمد دق على العنود والعنود سيده ردت أحمد وسيده قال ولا عطاها مجال تتكلم: انا دقايق واوصل بيتكم خلي البشكارة تطلع وتاخذ صورج من عندي العنود : انزين .. عطني مس كول يوم توصل أحمد : اوكي باي ويوم وصول عطاها مس كول وطلعت بشكارتها وخذت الصور من عند أحمد وعطته رساله خذاها ولا فتحها حطاها في السده وروح هوه وهزاع يتمشون في البر ويلسو فوق عرقوب من العراقيب هناك وسولفو عن كل شي وبعدين يا الوقت اللي لازم يروح فيه هزاع البيت هزاع : يالله نويه أحمد : وين ؟؟ تو الناس هزاع : اليوم بروح بيت عمي عوض عشان نخطب رسمي ونحدد كل شي أحمد : جيه البنت وافقت خلاص هزاع : جدامها اليوم وباجر وشكلها موافقه احمد : يالله عيل عشان ما تتاخر وراحو واحمد يلس يتمشى بشارع خليفة وواعد سواف وروحو المبزرة يتمشون فيها أما هزاع يلس يتزهب عشان يروح بيت عمه ويا أهله وبعد صلاة المغرب راحو صوب بيت عوض ............................. في بيت عوض وديمة في الحجرة صلت ويلست تتعدل على الخفيف جحال وحطت ظلال خفيف ( أي شادوو) وجلوس خفيف وردي فاتح ونزلت قصتها اللي كانت غليضة ومقصوصة سيده وتوصل على حد الحواجب وتغطي كل يبهتها وهيه تحب تكون دوم جيه قذلتها ولبست كندورة وعليها طبعه حلوة ولون الشيلة على لون الكندورة ... ووصلو قوم هزاع ويلسو الريايل في الميلس ومريم وعويش في الصاله وكانت معاهم هدى وبعدين قامت هدى وزقرت وديمة ويت وديمة وهيه بتموت من المستحى وسلمت عليهن ويلست تقرب الهم الاكل وجيه وطبعا مريم حبت وديمة وايد لأنها حست انها بنت حامزة ومب من النوع العياز وجيه بالعكس كانت بنت هبت ريح ما شاء الله عليها ويلست عويش تسولف ويا وديمة وطبعا عويش تعرف وديمة من الجامعه وماخذه معاها مساق كان متطلب في الجامعه وعويش من عمر وديمة... ووديمة يلست تتذكر ويه عويش وتذكرت انها خذت معاها مساق ولا كانت تعرف انها اخت هزاع وانها بيوم بتي بيتهم وبيخطبونها بس عويش تعرف وديمة من اسمها الكامل طبعا لأن يد وديمة يصير عمها ... ام هزاع وهيه كانت تتفاول قالت : ما شاء الله غاوي ها البلاليط هدى ترد عليها : مسويتنه وديمة ام هزاع : ما شاء الله عليج ... تعرفين تطبخين .. ما شاء الله غاوي البلاليط وديمة: مشكورة عمتي.... وتمت موخية من المستحى ويلست عويش تسولف عن الجامعه وجيه وعقب يلست مريم ( ام هزاع ) تسال وديمة عن الجامعه وجيه يعني سوالف وعقب يلست ام هزاع تكلم هدى بخصوص ييتهم وسبب ها الزيارة ... وبعدين يا وقت الروحه وسلمت عليهم وراحو وفي الميلس طبعا كان كلام ريايل وطلبو ايد وديمة رسمي وكان فيصل طول الوقت يرضع ها التيلفون ولا عليه من قعدة الريايل .. ردو البيت وطول الدرب كان هزاع ساكت أما امه وعويش طول الوقت وهن يمدحن وديمة ويطرن حلاتها وكيف كان البلاليط اللي مسويته غاوي وجيه وهزاع ولا عليه من الكلام اللي يقولنه ويقول في باله ليتني كنت رايح بيت خالتي اخطب سلامه مب هاي ...وقربت عويش من امها وصاصرتها وقالت : امايه ما لاحظتي شي في عيون وديمة ام هزاع : سكتي عن يسمعنا هزاع .. هيه لاحظت اللي لاحظتيه عويش : يعني صح العيون تتشابه ام هزاع : هيه تتشابه .. بس سكتي يا عويش عويش عدلت يلستها... وهزاع في عالم ثاني... وبو هزاع كان ياي بسيارته بروحه وراح صوب ربيعه بو مطلق بياخذ من عنده اوراق وعقبها بيرجع البيت سيده ... وصل هزاع اهله البيت نزلو وسيده راح حجرته ويلس يدق على العود .... ............................ في بيت عوض يا سلطان وهدى عند وديمة في حجرتها وديمة يالسه على الكرسي في زاوية في حجرتها وفاجه المجلة وتقرا دخلو عليها سلطان : يا بنتي يا وديمة مثل ما تعرفين ترى ييت اخوي مب جذيه واكيد خبرتج عمتج ليش يايين وانا ما بغصبج عليه واريدج تفكرين واذا تحتايين وقت خذي الوقت اللي تبيه .. بس اريدج تذكرين واحد مثل هزاع ما بتحصلين وديمة : خلوني افكر وبرد عليكم باجر هدى : خذي وقتج حبوبة مب شرط باجر سلطان : انا بقولهم الرد ان شاء الله يوصلهم باجراذا عطيتيني خبر وديمة موخية ومستحية ..وطلعو عنها ويسلت تفكر بهزاع وكانت موافقة عليه لأن ما فيه عيب عشان ترفظه.... ........................... في بيت سلطان هزاع طرش مسج حق أحمد وقال انه راحو يخطبون رسمي واحمد رد اتصل .. ورد عليه هزاع أحمد : السلام عليكم هزاع : وعليكم السلام أحمد : مبروك مقدما هزاع : لا تبارك عزني احسن أحمد : شو ها الكلام ... خلاص انت الحين بديت حياة يديده ومرحلة وتجربة يديده لازم تتاقلم معاها .. هزاع : آآآآآآآآآآآآآآآآآآآآه .. شو اقولك ما بيدي حيلة أحمد : خلها على الله ترى ورى باجر علينا دوام هزاع : ادري واحسن عشان انشغل شوي من ها الهم اللي انا عايش فيه احمد : المهم انا الحين وصلت ميلس سواف اذا بتي حياك الله هزاع : مالي نفس احمد : خلاص عيل على راحتك و وقبل لا ينزل من السيارة فتح السده يدورالعطر وتذكر الرساله وقراها .... ( هاي الرساله وبخط ايد العنووووووووووود ) وقال بخاطرة " دامج تبين ترجعين لج اللي تبينه بس لا تصيحين الندم بعدين " وبعدين دخل أحمد ميلس ربيعه سيف وكانو هناك كل ربعه يالسين وسوالف شباب وجيه احمد : السلام عليكم الكل يرد عليه السلام وتوايهو قعد احمد عدال سيف سيف : تشوف حمود وين .. شو رايك نقرضة اليوم ؟؟ أحمد : انت بكيفك اما انا ما يخصني ... اخافه يعفد فوقي يذبحني ههههههه سيف : ههههههههههههههههه ... خوفتني بصراحه ... ما اروم له جثه هذا .. اف انت شوف طوله ووزنه كم ... وانا بروحي عصقول .. خلني ادرب شوي اصير وحش بعدين بتفاهم معاه هههههههه أحمد : اصلا انت ليش حاط راسك براسه ... انت مب صاحي ... المشكله حمود ما سوالك شي بس دومه يحيس ايدك ههههههههه سيف : عشان جيه .. انا اريد ارد اعتباري أحمد : الحمدلله والشكر ... يالله خلنا نروح صوبهم نلعب ورقه سيف : لأ انا بمسج في نجوم ... وبهديك اغنية جان تبا أحمد : لا مشكووور .. خل خرابيطك حقك سيف : سير لا ... انت شو دراك ويلس احمد مع الشباب سوالف ولعب وجيه ________________________________________ ....................... ( بوظبي ) الساعه 11 فليل تتصل ميرة بخوها عبدالله تباه ايهن بيت عمهن عبدالله رد : الووووووووووو ميرة : هلاااااااااااااااا .. وين انته عبدالله : اتمشى ..ليش ميرة : اباك تينا عبدالله : ما بيـبكن وبنات عمج هناك .. يكفي العصر شو سون فيني ميرة : هههههههههه ... يالله عاد تعال وسيده بنطلع وبنروح يالله عاد .. محد بيـينا عبدالله : بيي بس بشرط .. توقفن برع وسيدة تركبن ميرة : صار ويوم راح ودخل بيت عمه لقاهن كلهن برع ويا بنات عمه وقال : لا حوووووووول .. افففففففففففف شو ها اللقافه اللي فيهن .. هرن وين خواته ومعاهن عفرة ( بنت حميد ) تسولف ركبت ميرة واليازية وامون ركبت وفتحت جامتها عشان تكلم عفرة وعبدالله معصب ... عفرة تكلم عبدالله وخلت امون تولي : عبدالله ابوي داخل بتسلم عليه ولا عبدالله توهق ما يريد يدخل عشان هوه ما صدق يتفجج منهن وبنفس الوقت متلوم بعمه ورد عليها وقال : روحي زقريه عشان اسلم عليه عفرة : هوه في الصاله قاعد ... ما يحتاي ازقرة ادخل وسلم عليه هوه يالس ويا عمي محمد و سلم عليه بعد عبدالله بخاطره يدوسها بتواير سيارته أو حتى يزنطها نزل عبدالله وميرة بتموت من الضحك عليهم عبدالله وهو يمشي عاق سفرته ومطلع شعرة اللي يحركه الهوى وهن متخبلات ولا فوق هذا ربيعات العنود ويا العنود في الميلس يشوفون شو صاير برع من دريشة الميلس .. وعبدالله مب عاطي ولا وحده ويه دخل وسلم وسيده طلع وكلهن يطالعنه ويتفدنه وركب عبدالله السيارة وطار فيها ميرة : عبدالله شوي شوي عبدالله : جب ولا كلمة اليازية : شو ناوي تنفدنا انته عبدالله وقف جدام بيت من البيوت اللي عدال بيت عمه محمد وقالهن : نزلن كلكن امون : قول والله ههههههههههه كشخه اليازية : يا الخبلة بيفرج وبيخليج شو على بالج شو بتسوين ؟؟ أمون : على بالي بيخلينا نسوق ميرة : ههههههههههههههههههههههههههه عبدالله من هبل وغباء آمنه يلس يضحك وروحو البيت وقبل لا يوصلن امنه تكلم عبدالله امنه : عبدالله انت ليش ما تحب بنات عمي عبدالله : بس جيه كيفي امنه : والله هن طيبات عبدالله : بس فيهن عيب لو يودرنه يكون احسن امنه : هههههههههههههه انت لو تشوف شكلك يوم تكون في بيتهم .. والله انك تذبحني من الضحك عبدالله : افففففففف منهن .. ما لقن غيري .. خلهن يتغزلن بخالد او محمد ... ولا خوانج مالهم رب ... ميرة : انت غير يشوفنك شيخ .. اما اخوانك يتمنون حد يعطيهم ويه بس محد مسولهم سالفه هههههههههه اليازية : منو قالج اصلا انتي ما تدرين ميرة : شو السالفه امون تاشر لميرة انه عبدالله هنيه فهمت ميرة وسكتت عبدالله : شو ياكن سكتن ؟؟؟ كملن ... الكل يضحك وغيرت السالفه ميرة تقول حق عبدالله : حط اغنية غير هاي حط عيضة ولا حمد العامري ولا منوعات أو حربي عبدالله : يالله يمعتلي اللي على مزاجها وبس .. بحطلكن شعبوله ....ولا حكيم ... عشان ترتبشن ويا المصاروة شوي امون : حط حكيم ههههههههه ولا اقولك حط شيرين عبدالله : لا بحط بهاء سلطان ..اووم وأوف وانته بتكلمني ميرة : من بعد خالد عبدالرحمن تبون ها الربشة وها الاغاني اليازية : هههههههههههههههههههه عبدالله شغل الاغنية ويقول: يالله عاشووووووووووو ... هز يا وززززززز والكل مرتبش وامون الخبلة تيبس على ها الاغنية مع انها مب مال تيـبيـس اصلا عبدالله : لحقو امون شوفو شو تسوي ومندمجه بعد تيبس ... انتي يا البقرة ما ايبسون على ها الاغاني ولا انتي ما تعرفين غير تيبسين امنه : أي شي المهم ارقص ماشي مكان وين تباني اقوم اهز في السيارة كيف ما يصير اليازية مب رايمه تسوي شي لأنها فاطسه من الضحك على خبال وحركات امنه أما ميرة مستانسة جدام وتعلي على الصوت على الآخر وما لفو البيت ويلسو يتمشون وهم مستانسين ... امون بعدها تستهبل عبدالله : صدق انج ناقه يا امون .... حشى مب رقبة عليج ... ما شي بريك ههههههههه ميرة : هههههههههههههههه والله انها سالفه امون : عبدالله ... وبعدين معاك ...خلني مستانسه من زمان ما ارتبشت عبدالله تم يلفلف بالسيارة يلعوزهن وجيه وعقب ر احو البيت ............................. في بيت حمد حصه يالسه تطالع فلم اجنبي في ( channel 2 ) ويتها سلامه وقعدت عدالها وفتحت المسجات وقرت مسج هزاع اللي كاتب فيه ( الواقع غريب ولكن القدر أغرب ... نعيش الحب ومع هذا نجله ) وقالت : ليش جيه كاتب هزاع ؟؟ شو قصده ؟؟ حصه : شو بلاج تتحرطمين سلامه : ماشي مهم انسي وكملت حصه الفلم وفتحت سلامه الارشيف وقرت اللي خزنته من كلام ناصر واللي كان " ( خاطري فيج واهلي راح يدرون .... بالهوى اللي لصوبج خذاني ) " يلست تفكر بكلام هزاع وناصر .. وبعدين دقت على أحمد لأن بروحه في العين وطلع عند الشباب وقال عقب بيدق الها وانه بخير .... وام غانم كانت تكلم ريم وقالت الها الرد وعصبت ريم وسكرت .. واتصلت مريم ( ام هزاع ) حق اختها لطيفة ( ام غانم ) وقالت الها عن روحتهم اليوم لبيت عوض وانهم راحو يخطبون البنت حق هزاع وباركت أم غانم لأختها ويلسو يتكلمن ويسولفن عن وايد مواضيع ويابت ام غانم سالفة حارب وجيه .... ............................. في العين في بيت حمد غانم توه ياي وروح حق حرمته ريم اللي لقاها منتفخه غانم : السلام عليكم ريم : ...................... غانم : تراني سلمت ليش ما تردين ؟؟؟ ريم : وعليكم غانم : شو بلاج منتفخه ...؟؟ منو ها اللي ما يستحي مزعلنج ريم : خواتك غانم : شو سون مسودات الويه ....؟؟؟ ومتى ين من بوظبي ؟؟ ريم : ردن اخوي حارب .. ولا وحده منهن تبا تاخذه غانم : تبون منو منهن .. عشان غصبن عنها تاخذه ... ريم : انا بصراحه اريد سلامه .. بس الظاهر ماشي نصيب غانم : انتي زعلانه على ها السالفه ولا يهمج تيلفون مني وغصبن عنها ترضى .. محد يزعلج هذا اهم شي ريم : تصدق يوم العرس ما سلمن علي ..انزين لا يسلمن علي يسلمن على موزة الصغيرة او حتى سهيل غانم : قولي والله ... لها الدرجه قلبهن اسود .. ادري انهم ما يدانوني ولا يدانونج بس لها الدرجه توصل فيهن المواصيل .. بس لأني اخوهن من الأم جيه يسون ريم في خاطرها تقول " اريد احرق قلبهن مثل ما حرقن قلبي وردن اخوي حارب فديته " ريم : تخيل وانا ازقرهن في العرس ما توايبن .. واونهن ما يشوفني .. وانا قلت ما اريد اخبرك بس انا من الضيقة قلت لك الحين غانم : فقدتهن ... يعلهن الموت ان شاء الله .. تبيني اخليهن ايبوسن راسج انا حاظر كله ولا زعلج يا ريم .. خليهن عنج هاذيلا ما يستحن ولا يعرفن المعنى ولا عندهن مذهب اصلا ريم : لا تنازعهن ولا تقولهن اني قلت لك كل شي عشان ما يقولن اني فتانه غانم : انزين .. بس ان ما خليت حياتهن سوده .. وخليت ابوهن تحت ريولي .. هوه اللي مقونهم علي ريم : قولي الحين شو اخبار الشركة غانم : كل شي ماشي مثل ما خططتي له انتي بس بقى الحين اثنين لازم اخوزهم من دربي ريم : انا بقولك كيف بس منو غانم : عبدالله وابوه شبيب ريم : خلني افكر .. تعرف كيف ..... وتمو يسولفون ..... ............................ في بيت حمد في بوظبي راحت سلامه الحجرة ودخلت النت ولقت على الماسنجر شموس بنت خالهم ويلست تسولف معاها وشغلت اغنية الجسمي "رحلت " وكانت تسمع المقطع اللي يقول " فقدتك يا أعز الناس .. فقدت الحب والطيبة .. وانا من لي في ها الدنيا .. سواك ان طالت الغيبة " ويلست تتسمعها ... شوي إلا دخلت عويش اخت هزاع ويلست تكلمها عويش : سلامه منو عندج اون لاين سلامه : شموس وربيعتية شوق وميرة بس شكلها مشغوله عويش : هيه .. انا بعد عندي شموس اون لاين ههههههههههه سلامه : شو تسوين عويش ماشي والله كنت ارتب الكبت وألقط ثيابي لأني كنت عافستنه قبل لا اروح بيت عمي عشان نخطب وديمة وبس سلامه مصدومه وتوها تعرف انهم راحو اليوم وما توقعت بها السرعه يروحون .. وما قالها لا احمد ولا هزاع ولا عرفت من حد وانصدمت وتضايقت وتمت ساكته ونزلت دموعها غصبن عنها وكانت ما تقرا الكلام اللي مكتوب من دموعها اللي ترسن عيونها وحطت راسها على الكيبورد ويلست تصيح وعويش .. تكتب وتكتب ولا حد يرد عليها وتمت سلامه على ها الحال .. وراحت عويش ودقت رنه حق سلامه لأن ما عندها رصيد ... بس سلامه ما ردت عليها ودقت كذا مرة ولا ردت عليها سلامه وعرفت عويش انها ضايقت سلامه بدون ما تقصد بس شو تسوي ... وطلعت عويش من النت كله ويلست في الصاله ولا تعرف شو تسوي وكانت تفكر بسلامه وكيف كسرت بخاطرها .. وبعدين طلع هزاع رايح صوب المطبخ شاف اخته عاشه يالسه بروحها وشكلها متضايق ويا صوبها وسالها : شو بلاج ؟؟ عاشة : ماشي هزاع : قولي شو بلاج .. شكلج مب طبيعي عاشة : اخافك تتضايق انت الثاني هزاع يلس مجابلنها وزخ ريلها وقالها : قولي شو صاير .. تراج خوفتيني عاشة : سلامه من طرت اسمها قلب هزاع بدى يدق بسرعه وقال وهوه خايف : شو فيها ؟؟ صار فيها شي عاشة : ما ادري .. توني كنت اكلمها في الماسنجر وقلت الها اني رحت بيت قوم عمي عشان نخطبلك وما ردت علي من قلتلها ها الكلمتين هزاع وقف وراح حجرته ويلس يدق الها ولحقته عاشة وقالت : والله ما كان قصدي... ولا كنت ادري انها بتزعل جذيه هزاع : ما عليه خلاص روحي ولا تحاتين .. انا بتصرف وراحت عويش ويلست في الصاله شوي دخل عليها راشد ويلس يسولف عن واحد من ربعه وهيه تسمعه .... أما هزاع يلس يدق على سلامه وبعد 15 مس كول ردت وهيه بعدها تصيح هزاع : يا سلامه لا تقطعين قلبي الله يخليج .. ترى عويش ما تقصد وياليتها ما خبرتج سلامه تصيح وتصيح هزاع : والله قطعتي قلبي ... بس يا عمري لا تصيحين فديتج ... والله لو بيدي جان خطبتج انتي آآآآآآآآآآآآآه بس شو اسوي سلامه والكلام بالغصب يطلع : ان .. انساني خ ... لاص ، . ان .. انت حق وحده غيري هزاع هنيه بدت عينه تدمع غصبن عنه لن هذا الواقع .. وبدال ما يسكتها قام وانهار معاها غصبن عنه .. من الضيق اللي حاس فيه ومن الهم اللي في قلبه ... ومن سمعته سلامه يصيح انفجرت من الصياح زياده وتمت تصيح من الخاطر ....ويت حصه الحجرة وسمعتها تصيح وزاخه التيلفون بيدها ومخوزتنه عن اذنها وقالت حصه : سلامه .. شو بلاج تصيحين سلامه ما ترد وشلت حصه التيلفون وقالت : الو هزاع : الو .. ووووو حصه : شو صاير هزاع : ذبحونا .. فرقونا يا حصه .. حرمونا من بعض حصه : لا حول ولا قوة إلا بالله ... تبى نصيحه من اخت هزاع : ساكت حصه : خلاص انسى سلامه .. لأنك بترتبط بغيرها .. وما يصير هذا اللي تسونه هزاع : ان شاء الله .. بس ما اوصيج عليها .. وقوليلها ما بيسكن قلبي حب غير حبها مهما صار ولو حبيت ما بحب وحده كثر ما حبيتها حصه تمت ساكته ولا علقت بس كلام هزاع في بالها .. وبند هزاع عن حصه ... ويلست حصه تهدي في سلامه اللي كانت منهارة ... ............................ في بيت عوض وديمة تفكر بهزاع والقرار اللي راح تقوله حق يدها عوض باجر واللي بيحدد مصيرها .. شوي إلا هدى داخله عليها و وراها عيالها يتابعون وديمة : يا هلا ... يا مرحبتين باللي يايني بنص الليل هدى : ههههههه يايين نسولف .. شوفي شيخوه اشكثر مستانسه وديمة : فديتها انا وفديت حلاتها خالد : وديمة اريد كندر عندج ولا وديمة : عندي فج الثلاجه بتلقى هناك كذا نوع اختار اللي تريده ودوم : وانا بعد اريد كندر وديمة : روحي خذي انتي الثانية ويبي شي حق شيخوه هدى : لا شيخه ما تبا لأني برضعها بعد شوي ودوم : خلاص انا بشل عني وعنها هدى : ودوم ... خذي حق عمرج بس ودوم : انزين ماما وديمة : عادي خليهم ياخذون اللي يبونه ... ما يغلى عليهم شي فديتهم والله خالد : عادي اخذ فاتمي شي ( فيتامين سي ) وديمة : خذ اللي تريده يا حياتي ههههههههه حلوة فاتمي شي عصير يديد هذا خالد مستانس واخته وديمة حاطه ريل على ريل وتلعب بالجيم بوي مالها .... وقعدت وديمة تلعب معاهم عقب ما خلصو أكل حلاوة .. وبعدين راحت هدى وخذتهم معاها إلا ودوم باتت عند وديمة .. في نفس الوقت في المشرف في بيت ( صالح ) ناصر قاعد في حجرته على الكمبيوتر وداخل الجات ويسولف دخل عليه اخوه نايف نايف : السلام عليكم ناصر : وعليكم نايف : بعدك تقردن ناصر : لأ .. بس ملان ما عندي شغله وقاعد اسولف ويا الموجودين وداخل علاوي نايف : علاوي محد غيره .. اقولك ادخل بنك بنية وقردنه عشان نطفر به عقب ناصر : ههههههههههههه... مالي نفس نايف : يا ريال ....اقولك اطلع وانا بتولاه بس قولي شو نكه ناصر وبدى يعصب شوي : نايف ... انت ياي حق شو عشان تقومني من الكمبيوتر وتقعد مكاني ولا كيف .. روح حجرتك وفيها كمبيوتر وايلس عليه نايف : بل بل بل ... كليتني .. خلاص هونا ما نبا .. بس عندك وحده حق السوالف ناصر : ما فهمت عليك نايف : ما تفهم ولا ما تريد تفهم ... ناصر : صدقني ما فهمت نايف : يعني ما عندك وحده حق السوالف بس .. يعني رقم وحده تسولف وتكون فرفوشه ناصر : ما عندي .... وقطعت علاقتي معاهن كلهن خلاص انا ناوي اخطب نايف : انت تريد تقنعني انك ما تكلم ... ما اصدق ناصر لف صوب نايف : والله العظيم .. والشاهد الله اني ناوي اخطب وبكلم امي بس خلني اضبط اموري بالأول .... نايف : لا شكلك جاد ومبروك مقدما .. عيل انا بروح افتح الجات وبشوف لي وحده متفيجه وبكلمها لأني ما اعرف اعيش بدون ما اكلم وحده بصارحه .. تيني حالت اكتئاب .. ما استانس ويوم بنوي اتزوج بطبهن كلهن وبستقر مع حرمتي المصون ناصر : الله يهديك نايف : و يهدي الجميع ان شاء الله ... نايف توأم ناصر يتشابهون كوبي بيست .. طبق الأصل ما يتفرق بينهم ابدا ... بس في ناصر شامه في رقبته اما نايف فما عنده ها الشامه ووايد متعلقين بعض من يوم كانو صغار صح مب طول الوقت مع بعض بس ولا واحد يهون عليه الثاني .. دخلت رفيعه على ناصر... ورفيعه عمرها 24 متخرجه وقاعده في البيت تدور شغل بس ما لقت للحين مالج عليها ولد عمها واسمه عبدالرحمن ورفيعة اكبر عن ها التوأم بسنه تقريبا .. رفيعه : السلام عليكم ناصر : وعليكم السلام رفيعه : اففففففففففف شو ها الضيق ناصر : شو بلاج رفيعه : متضايقة ناصر : كالعاده ... متضاربه ويا عبدالرحمن صح رفيعه : صح ناصر : انتي متى بتيوزين عن ها السوالف ... متى بتودرين حركات الزعل هاي والضرايب ؟؟ رفيعه : لا تزيدني اللي فيني مكفني وزياده بعد ناصر : شو صاير ها المرة بعد ... رفيعه : ما يباني اطلع ليسن وتضايقت منه وزعلت عليه وطبعا تضاربنا قبل .. ناصر : ما يباج تطلعين ليسن .. جيه السالفه .. خلاص مب لازم تطلعين ليسن رفيعه : شو مب لازم بدال ما توقف معاي توقف معاه ... افففففففففف انا اريد حد يأيدني مب يعارضني واريدك تقنعه يخليني اطلع ليسن ناصر : ايه ... شو ها الكلام .. لا ادخل ولا حد غيري يدخل بينكم .. هاي مشاكلكم حلوها بروحكم ..يا عمري لازم تعرفين ان طاعت الزوج واجبه .. وشي ثاني اليسن انتي مب بحايته لها الدرجه ... وانتي اقنعيه ما طاع سايسيه واذا ما طاع خلاص امرج لله .. وانتي مب صغيرة عشان كل يوم والثاني ناقزة عندي زعلانه شوف عبدالرحمن شو سوى فيني وشوف عبدالرحمن شو قالي .. يا حياتي حلي مشاكلج بروحج احسن .. ولا تدخلين حد إلا في وقت الضروره لان كثرة التدخل مب في صالحكم ويمكن انا بنفعج الحين وغيري بيضرج رفيعه : صدقت يا اخوي .. خلاص اوعدك اني بكبر عقلي في المرات اليايه ناصر : زين تسوين رفيعه : انت شو تسوي ناصر : قاعد اجيت .. ملان وافكر بنفس الوقت رفيعه : بشوه ناصر : افكر بمزيون من بين المزايين جذبني .. جذبني دلاله ..حسنه واسمه .. افكر بمزيون غلاه وحبه ذبحني .. ذبحني الشوق وحلو رسمه ... رفيعه : ما شاء الله عليك شو ها الكلام الحلو ..صح لسانك ناصر : صح بدنج ... رفيعه قررت اتزوج .. وناوي اخطب رفيعه : قول والله .... ما اعرف ازغرط ولا جان زغرطت لك .. لها الدرجة ماخذه عقلك ناصر وهوه يضحك : لاااااااااا شو تزغرطين تبين تفضحيني انتي .. ومن ناحية ماخذه عقلي هي ملكتني من اول يوم شفتها فيه . رفيعه : . اووووووووووف .. شو ها الحب هذا .. ناصر : بكلم امي عشان تروح وتروحين معاها تشوفون البنت رفيعه : منو هاي ومنو بنته ؟؟؟ وكيف عرفتها ..؟؟ ومنو هاي اللي ضوت اخويه اموت واعرف ..؟؟وحده من اهلنا هيه ولا ناصر : كم سؤال سألتي ... شوي شوي عليه رفيعه : هههههههههههه شو اسوي من اهميت الموضوع ناصر : لأ مب من اهلنا ...بنت واحد من ربع ابوي شفتها كذا مرة وعيبتني رفيعه : انزين انت قبل كل شي لازم تفكر يمكن محيره حق حد ..؟؟ او يمكن مخطوبه ؟؟ سالت عن ها الشي ولا ..؟؟ حلوة ولا؟؟ .. نصور بيخطب ... وكم عمرها ووين بيتهم .. ناصر : وبعدين معاج ... حشى كم سؤال تسألين ... انتي كيف متحملنج عبدالرحمن اموت واعرف .. رفيعه : ناصر ... احرجتني تراك .. انا طبيعتي ارمس وايد .. ناصر : ما علينا من ها كلام الحين ... الاجابات على اسالتج انتي بتعرفينهن يوم ان شاء الله بتزورونهم .. بس انتي فتحي الموضوع هذا ويا امي باجر .. ومن ناحية حلوة .. هيه شويه في حقها تنقال كلمة حلوة رفيعه : بس انا احلى ناصر : والله حاله .. مشكله اللي مغترين بعمارهم .. انتي مشكلتج انج شوي دبه ولا جان طلعتي كامله مكمله ..ههههههههههههه رفيعه : محد كامل غير وجهه سبحانه .. بس عبدالرحمن عايبنه جسمي وما قال لي ضعفي ... ناصر : تلقينه خايف من حشرتج اصلا وطولت لسانج ههههههههه رفيعه : حزرك جذيه ... عيل بنزل من وزني 3 كيلو بسه وزياده بعد .. والحين بروح اكلمه عشان اراضيه فديته مب هاين عليه ناصر : لا تنسين تكلمين امي بسالفتي .. واريدها تشوف البنت الأسبوع الياي رفيعه : مستعيل .. ولا شكلك ماخذ الموضوع جد ناصر : اكيد ... وانا بكلم ابوي باجر عشان اعرف اسم ابوها واعرف عنهم معلومات لأن ابوي ربيعه ومعاه كان في الجيش رفيعه : ايواه ... تمام عيل انا بروح الحين تامرني بشي ناصر : ديري بالج على عمرج وسكري الباب وراج رفيعه : اوكي يالله باي ناصر : مع السلامه ... وراحت رفيعه حجرتها تكلم ريلها عبدالرحمن عشان تراضيه اما ناصر طلع من الجات ويلس يتذكر سلامه ويسمع اغنية حمد العامري " شفته في بوظبي " ويتذكر يوم شافها في المارينا وكيف كان شكلها وهيه لابسه لخمار ... ................................. يوم الأحــــــد الصبح في بيت عوض هدى ويا ابوها في الصاله يتريقون وعيالها حاشرين البقعه ودوم الصغيرة تتضارب ويا خلود وشيخه تصيح مرة تبا تفاحه ومرة تبا اللعبه اللي يشلها خالد كل ماشافها بيدها ومرة تبا امها تشلها ومرة تبا حد يطلعها برع .. لعوزو وطفرو بهدى تطفير .. يت وديمة سلمت عليهم وشلت شيخه وقعدتها في ذبانها وتمت ساكته شيخه وعطتها تلعب بطرف شيلتها ..شوي إلا ياي عمر اخو هدى عمر : السلام عليكم الكل يرد السلام عوض يكلم عمر : عمر وين سارح من الصبح عمر : بروح دبي عندي حايه وراد ان شاء الله على العصر عوض : عيل مر الجبرة مال السمج وانت ياي وخذلنا شي من هناك عمر : ان شاء الله .... يالله بنات تامروني بشي هدى ووديمة : سلامتك عمر : الله يسلمكن عوض : لا تسرع وانا ابوك عمر : ولا يهمك .. يالله مع السلامه وروح عمر دبي .. وتمت وديمة ويا يدها وعمتها هدى في الصاله مع حشرة ها الصغارية عوض يكلم وديمة : ها يا بنيتي ... شو رايج بالموضوع وديمة من الحيا اونها ما تعرف ومرتبكه : أي موضوع ...؟؟ عوض : موضوع هزاع وانا ابوج وديمة وخت من الحيا ولا ردت هدى : يعني السكوت علامه الرضا ونشت وديمة عنهم لانها استحت من الموقف واول مرة يصير معاها جيه ويلست في الحجرة عوض يكلم بنته هدى : ياحليلها .. وديمة حشيمه ... تذكرني بأمج هدى : الله يرحمها ... صدقك وايد قلبها طيب عوض : تحملت اخوها ولا كد مرة شكته عندي ... ولا كد مرة غلطت عليه او حتى سبته وتخليها على الله .. وصابرة مسكينه هدى : بهاي صدقت يا بويه ... والحمدلله يوم الله رزقها بريال مثل هزاع عوض : الحمدلله ... وافقت وديمة على هزاع واتصل عوض بأخوه وبشرة وبدو يتجهزون عسب الملجه اللي بتكون يوم الخميس واللي ما بقى عليها غير خمس ايام .............................. في بيت صالح يالسه رفيعه في الصاله تطرش مسجات من الصبح وتشرب حليبها ويالسه معاها أمها( جميلة) وابوها ( صالح ) يتريقون ونايف فاتح الجريدة ويتصفح ملحق الرياضة واخوهم العود ضاحي( عمره 29 سنه ) شال ولده صالح الصغير ويمشيه في الحوي .. وعنده بنت اسمها جميلة ( 6 سنين ) وبنت ثانية اسمها ميثه ( 4 سنين ) رفيعه : عرفتو آخر خبر نايف : شو ام ضاحي : شو خبره بعد رفيعه : ناصر بيخطب أم ضاحي : هاي الساعه المباركه ..بس ما قالي ؟؟ بو ضاحي : كيف عرفتي يا رفيعه رفيعه : امس خبرني انه يريد وحده تصير بنت ربيعك وقالي فتحي الموضوع ويا امي نايف : ناصر قال امس بس توقتعه يسولف ...اذا شبيهي بيعرس .. عيل انا باخذ اختها شو رايكم رفيعه : نايف .. ليش راز بويهك .. امايه ترى ناصر يريدنا نروح صوبهم .. عشان نشوفها |
أم ضاحي : اول شي اعرف منو بنته وعقب بنروح بو ضاحي يكلم رفيعه : منو من ربعي ؟؟.. ناصر طراهم لج رفيعه : لأ ... و اذا قام من رقاده تنشدوه شوي ناصر طالع من حجرته يسمعون صوت تسكيرة الباب ماله ونزل من الدري وشافهم يالسين في الصاله .. ناصر : السلام عليكم الكل يرد السلام ... ناصر : رفوع ... صبي كوب حليب رفيعه : ان شاء الله يا المعرس أم ضاحي : ها ناصر .. الي قالته اختك صح ناصر : هيه صح .. وانا قلت برمسج بالموضوع اليوم ام ضاحي : منو بنته اللي ناوي تخطبها ناصر : في الحجرة بقولج مب هنيه نايف : نصور ما تباني اعرف منو بنته ..؟؟ وانا اللي قلت بخطب اختها طلع اخوي ما يباني اعرف منو هم حتى ناصر : خلني اخطب انا قبل عقبها قول بتخطب .. وثاني شي انت بعدك ما خلصت دراستك كل مرة تدرس بمكان مرة في الكلية ومرة في الجامعة وما تكمل نايف : كيفي .. لايكون انت اللي بتصرف علي وعليها ناصر : أمي تعالي بقولج منو بنته بس مب هنيه نايف : انا طالع ..تامروني بشي ام ضاحي : وين تبا ؟؟؟ شو بلاكم بو ضاحي : كلام ناصر صحيح .. نايف ما خلص دراسه ولا اشتغل .. ومب ويه عرس نايف : مشكور يا بويه .. هذا بدال ما تشجعني جيه تقول .. يالله باي ام ضاحي :لا حول ولا قوة إلا بالله .. يا بو ضاحي شو ياك على الولد بو ضاحي : ليش افتح معاه باب العرس وهوه مب قد العرس لو طالع على اخوه ناصر جان خليته يعرس .. طلع نايف وهوه متضايق من كلامهم ومنقهر ليش اخوه ناصر يسوله كل شي و هو لأ ..شافه ضاحي في الحوي ضاحي : نايف شو بلاك .. طالع وانت تنافخ نايف : افففففففف ... ما شي وركب سيارته وصرخ ويل وروح يتمشى بروحه برع ودق حق واحد من ربعه ويلس يكلمه . في الصاله بو ضاحي : دام نايف روح .. منو بنته اللي ناوي تخطبها ناصر : تذكر واحد من ربعك اسمه حمد ولا احمد بيتهم في البطين وكان عازمنا وانا اللي رحت معاك في ذاك اليوم بو ضاحي : ايواه .. حمد ... عرفته ..وانت شو خلاك تخطب من عندهم ام ضاحي : منو حمد وخبر بو ضاحي جميلة يكون حمد منوه وحرمته منو وعرفتهم وقالت : ما شاء الله على بناتها لطيفة جمال عليهن .. وانا شفتهن مرة من زمان قبل لا ينتقلون العين ناصر : شفت بنتهم وعيبتني أم ضاحي :الصغيرة ولا الكبيرة ناصر توهق .. ما يعرف هيه الكبيرة ولا الصغيرة بس هوه يعرف اسمها وقال : اسمها سلامه رفيعه : نصور ... كيف ضويت اسمها .. هاه أم ضاحي : لايكون مكلمنها ؟؟؟ ولا بينكم شي وانا ما اعرف بو ضاحي : سمعو الولد وعقب احكمو.. مب جيه الناس يتفاهمون ناصر : انا عرفت اسمها مرة كنت رايح العين مول وكانت البشكارة تزقرها وعرفت اسمها رفيعه : علينا ... وليش هيه ما تتغشى ناصر : رفيعه البنت محترمه وابوي يعرفهم وامي تعرفهم البنات ما عليهن كلام بو ضاحي : صدقت يا ناصر .. بصارحه حمد وبناته ما عليهم كلام ابدا أم ضاحي : خلاص عيل آخر الأسبوع بنروح العين عشان نشوف سلامه ونخطبها لك وقام ناصر وباس راس امه ورفيعه مستانسه دخل عليهم ضاحي ضاحي : شو سالفتكم رفيعه : ناصر بيخطب ضاحي : مبروك مبروك .. ناصر : الله يبارك فيك .. بس للحين ما صار شي بو ضاحي : انا رايح الحين اجدد فيزت الدريول مال المزرعة .. وروح يلبس سفرته وياخذ سويجه من الحجرة وطلع رايح صوب الجوازات . ضاحي : انا بروح اودي صالح حق امه وبروح الدوام تاخرت وايد تراني رفيعه : استغرب منك يا ضاحي كيف تروح الساعه 9 الدوام .. شو دوامه الساعه 9 هاه ..؟؟ ضاحي : حد من ربعي الله يذكره بالخير ما يقصر يغطي عليه أم ضاحي : يالله عيل هات عنك صالح وروح جابل شغلك ابرك... وخذت صالح من عند ضاحي وروح دوامه .. ناصر يكلم رفيعه : انا طالب اجازة اليوم لأن عندي موعد اسنان رفيعه : شو رايك تتقاعد مثل ابويه هههههههههههههه ناصر : لا والله ...هههههههههههههه تخيلي عاد رفيعه تكلم امها وتقول: هاتي صلوحي .. فديته .. يشبه ضاحي .. ما خلى منه شي ويلسو يسولفون وروح ناصر موعد الأسنان ماله اما رفيعه قاعده ويا امها في الصاله ويا صالح الصغير ويت حرمت ضاحي ( مي وتصير بنت يرانهم من زمان حبها ضاحي وخذها ) وبناتها معاها سلمت ويلست تتريق .. وسلمن على يدتهن جميلة وقعدن جمول : عمتي رفيعه .. شفتي كيف حنتني خالتي امس رفيعه : الله .. منو من خالاتج حنتج ها الحنا الغاوي جمول : ليلى مي : اختي ليلى ملانه قامت وزخت جميلة وميثه وحنتهن رفيعه : حناها حلو جمول : ماما اريد اروح اليوم بيت يدوه مي : امس من الصبح ونحن عندهم بسج عاد ميثة : ماما اريد بيض مي : ان شاء الله جمول : عموه كلمي ماما تخليني اروح بيت يدوه رفيعه : ههههههههههه تبيني اقنع امج .. شكل امج ما بتطيع بس شو رايج اوديج اليوم تلعبين انتي وميثوه بالألعاب ..؟؟ اوديكم انا وناصر الشارجه تلعبون في صحارى مي : بيلعوزونج رفيعه :لا عادي .. بس اخاف ناصر ما يودينا ام ضاحي : شو حايتج في الشارجه رفيعه : بروح اتشرى حق العرس .. هذا اذا لقيت شي يعيبني مي : هيه .. الله يعينج جمول : ياي ياااااااااااااااااااااااااااي واخيرا بنروح نلعب .. ميثة : انا بعد اريد اروح مي : بتروحين .. بس ما تلعوزين عمتج ميثه : انزين وقعدو يسولفون ................................. في بيت سلطان يالسه مريم ويا ريلها سلطان ( ام هزاع وابو هزاع ) في الصاله وعقبها راحو السوق يتشرون الأغراض ويرتبون من الحين عشان الملجة .. اما في بيت عوض هدى دخلت على وديمة اللي كانت توها مخلصه من السحاي هدى : السلام عليكم وديمة : وعليكم السلام هدى : تراني توني مكلمه ابوي قال عادي نروح بوظبي نشتري حق المجلة فستان وان مالقينا في بوظبي بنروح دبي ويا الدريول وعيالي وريلي عادي عنده لو انه متوله حق العيال وام العيال بس يالله خله شوي يشتاق حقنا وديمة : ههههههههه يا حليله ... متى بنطلع يعني وانا ما عندي .. وسكتت هدى : الفلوس لا تحاتين .. ابوي ما قصر .. لا تحاتين السعر هناك ابدا وديمة : آآآآآآآآآآآه .. ليت امي ولا ابوي معاي في ها الوقت .. هدى : الله يرحمهم .. المهم نص ساعه وبنطلع اوكي وديمة : اوكي وتجهزت وديمة وهدى خلصت من عيالها وشلت بشكارتها وعيالها وراحو بوظبي يدورون فستان جاهز وحلو حق وديمة .. ......................... في بوظبي ناصر خلص موعده من دكتور الأسنان وروح صوب بيت سلامه ويلس يتمشى برع ويسمع اغنية عيضة مع اريام وكان المقطع هو " ودي بكلمه يا حبيبي .. قلها وقلبي لك يجيبي .. يا جارحن قلبي بحبك ..ليتك بها الدنيا نصيبي .." وعقب يلس يغني مع مقطع اريام واللي كان " العين تتمنى تشوفك .. اقهر زمانك مع ضروفك ..لا يخدعك ظنك وخوفك ..خلك من عيوني قريبي " وشوي تدق له رفيعه ورد عليها وكانت تباه يوديهم الشارجه وكان متعايز بس طاع يوديهم بالأخير.. مر اليوم وماكان فيه شي مميز بس الساعه 8 فليل دق غانم حق سلامه ردت سلامه غانم :الوووووووو سلامه : هلا غانم : بلا هلا بلا ها الخرابيط .. انتي ليش ما وافقتي على حارب سلامه وهيه تطالع حصه وودها تقولها بس مب عارفه شو تقول وتمت ساكته غانم : ردي ... لسانج انقص .. شو رايج انج بتاخذينه غصبن عنج سلامه ما ادري من وين يتها القواه : يخسي والله ... ماخذته وابوي واحمد ردوه والموضوع انتهى غانم وهوه معصب : منو قال انه انتهى ..؟؟لا بعده ما انتهى عندي انا ما انتهى .. وسكر على ويهها سلامه وهيه تتحرطم بروحها : من وين طلع ها الثاني .. ما شفت مثله اهبل.. وما شفت حد يهتم بالفلوس كثرة هوه وحرمته حشى فوق اللي يعطيه ابوي يقول ان ابوي مقصر معاه ..ولا هذا غير اللي تعطيه امي اياه .. و يباني آخذ حارب .. على شو آخذه على سواد عيونه ولا سواد ويهه حصه : شو بلاج تتحرطمين سلامه : تخيلي من كنت اكلم حصه وهيه تحط مرطب على شفايفها : منو سلامه : غانم حصه : هذا بعده عايش سلامه : هيه ... وكان يكلمني بخصوص حارب .. فقدته وفقدت طاريه .. اكيد خبرته ريم بالخبر الحلو هههههههههه حصه : وشو قالج بالضبط سلامه : قال ليش رفضنا حارب .. والظاهر كانو حاطين العين عليه .. تخيلي عاد انا اخذ حارب .. مالت عليه حصه : ههههههههه والله مشكله شو ها الهم اللي يضحك .. غانم ما يفكر إلا برضى ريموه ومصلحته وبس .. سلامه : صدقج والله ________________________________________ ............................... في الحجرة أم غانم يالسه ويا حمد حمد : تراني بسافر يوم الثلاثاء قطر ام غانم : ليش ؟؟؟ وشو سبب ها السفرة المفاجاه حمد : مب اول مرة اسافر .. بس الحين انا بروح قطر لأني بفتح فرع حق شركتي هناك ام غانم : زين والله .. ومنو بيروح معاك .. اخلي ولدي غانم يروح معاك حمد :لا ماله داعي .. انا بروح ويا شبيب السويدي وولده أم غانم : الحين انت بتشل معاك ربعك وبتخلي ولدي ... مع انه وياك في الشركه حمد : ادري انه معاي.. بس ما خلى حد في الشركه ولا عامل كل يوم طارد واحد .. وشبيب وولده فاهمين الشغل عدل وانا شريك معاهم في كل شغلنا ومايحتاي نفتح ها الموضوع لأن ولدج مفشلني جدام الرياييل ام غانم : وليش مفشلنك ..عشانه يطرد اللي ما يستاهل يتم في الشركه حمد : انتي شو دراج انهم ما ينفعون .. اصلا في حد منهم قبل لا يكون هوه موجود هم موجودين في الشركه .. اقول سكتي احسن ..بس انا اعرف كيف اتصرف ام غانم : لازم تطلع ولدي غلطان .. تلقى شبيب وولده هم اللي ورى كل هذا حمد : بتعاشين عن ولدج وبتحطين بلاويه على ريايل ما غثوني ولا ضروني ولا مرة ام غانم : شو قصدك ولدي اللي يغث واللي يضر حمد طفر من كلامها وطلع ويلس في الصاله شموه كانت تشوف فلم نيمو في الصاله الثانية ويت الصاله هاي ولقت ابوها قعدت عداله شمه : بابا .. ليش قاعد بروحك حمد : ........................ شمه : بابا .. انت زعلان حمد : لأ ... مافيني شي .. بس روحي عند خواتج وخليني بروحي شمه : انزين وراحت شمه وما قصرت قالت حق حصه وسلامه انه ابوها زعلان وطلعت له حصه حصه : السلام عليكم حمد : وعليكم السلام حصه : ابوي فيك شي .. متضايق من شي حمد : لا .. تعالي يلسي بقولج حصه : هلا ابويه خير حمد : تراني بسافر يوم الثلاثاء ان شاء الله حصه : وين ناوي تسافر ؟؟ حمد : قطر .. بإذن الله حصه : تروح وترد علينا بالسلامه .. عشان جيه متكدر ..؟؟ ما بيصير فينا شي لا تيلس تحاتي حمد : ايييييه يا حصه .. ليتها يت على جذيه بس خليها على الله حصه : ومع منو بتروح ان شاء الله حمد : مع شبيب السويدي وولده عبدالله هنيه تخبلت حصه يوم سمعت اسم عبدالله .. ولا هوه اللي بيروح ويا ابوها استانست حصه : اها ... وكم بتقعد حمد : اسبوعين بالكثير .. بس بحاول ارجع قبل حصه : تروح وترد بالسلامه ...توني تذكرت . هوه يوم ياك هاذيج المرة كان يايب جوازك شي جيه حمد : هيه .. عبدالله ما شاء الله عليه صدق ريال .. ياب لي الجواز والأوراق المهمه .. صدق انه هب ريح ويعتمد عليه .. مب مثل ... وما كمل حصه : مب مثل منو حمد : غانم حصه : شو مسوي بعد هذا حمد : خليها على الله ويلس حمد يسولف مع حصه وبعدين يابو طاري أحمد واتصل فيه عشان يطمن عليه والحمدلله كان احمد بخير ودوامه هوه ويا هزاع يوم الاثنين ... في يوم الأحد راحن حصه وسلامه يتشرن من بوظبي شنط ولبس حق الجامعه .. ورفيعه راحت ويا ناصر الشارجه يلعبون اليهال ومنها تشوف رفيعه شي تاخذه حق عرسها من قطع ولا شي من ها السوالف ... .............................. يوم الأثنين داوم هزاع وأحمد وكانو سوالف ويا الشباب في الدوام بس نفسية هزاع كانت بعدها شوي مش اوكي ... وديمة اشترت فستان الملجه وهدى عمتها ردت بيتها عشان ريلها حشرها بس بترد بيت ابوها يوم الأربعاء عشان تكون ويا وديمة ... ردت عائلة حمد العين وحمد معاهم وسفرته في يوم الثلاثاء الصبح الساعه 10 ونص وماصار في البيت شي مهم والبنات كله كانن في الحجرة يرتبن اغراضهن وجيه ويرتبن اللي تشرنه حق الجامعه .................... يوم الثلاثاء الساعه 7 ونص الكل واعي عشان حمد ابوهم بيروح مطار بوظبي وكان شبيب وعبدالله بايتين في بيتهم اللي في العين .. ومرو عليه الصبح .. وكان أحمد قاعد معاهم في الميلس قبل لا يروح ادوام وسلم على ابوه وتوكل دوامه اما عبدالله وابوه قعدو يتريون حمد .. اما غانم فما نزل ابدا ولا ودع حمد .. حمد في الصاله يسلم على بناته وشل اغراضه ويا موحيدين يشل شنطته ويركبها السيارة حصه : ابوي ما اوصيك على عمرك سلامه : من توصل دق علينا تيلفون حمد : ان شاء الله شمه ياحليلها كانت راقده ولا حد وعاها لأنها دوم تصيح يوم ابوها يسافر ولا تسكت أم غانم تكلم حمد : تروح وترجع بالسلامه .. والله الله بعمرك حمد : ان شاء الله كل شي يتيسر وارجع بسرعه . حصه : ان شاء الله شوي إلا داق عبدالله على ابوها عشان يروحون وطلع حمد ووراه سلامه وحصه يواجن من باب الصاله وروح حمد وطلع عبدالله وابوه من الميلس وطلعو صوب السيايير .. راحت ام غانم الحجرة وحصه وسلامه الميلس لأن حصه تريد تشوف عبدالله وبنفس الوقت سلامه تريد تشوف اللي ماخذ عقل حصه .. سلامه وهيه تشوفه : حصوووووووووووووه ... عبدالله هذا معقوله حصه : هيه سلامه : ما اصدق ...يجنن .. حلييييييييييو .. ما شاء الله عليه حصه : فديته سلامه : وصرتي تتفدينه بعد ... هلا هلا ... هلا والله هلا ... والله وتطورت العزبة حصه : هيه بتفداه ... خليني اعيش حياتي ... مليت الهم سلامه : عيشي حياتج شو وراج .. حد يشوف ها الزين وما يتعلق فيه حصه : هههههههههههههههههه ... خلاص ركبو السيارة سلامه : الله يحفظهم حصه : ان شاء الله يا رب .. يوصلون بالسلامه سلامه : آمين شوي إلا داخل عليهم غانم غانم : انتن شو تسون هنيه حصه وسلامه متصنمات ما رامن يتحركن من مكانهن غانم : ليش ما تردن ..... ؟؟ ويا صوبهن يشوف شو يطالعن برع ما لقى حد ... كدهن السيايير روحن ... حصه : ماشي يالسين نطالع الحوي فيها شي غانم : خطفن حجرتكن ... يا الكريهات حصه و بصوت واطي تقول : نحن كريهات عصبت سلامه وراحت ووراها حصه وراحن الحجرة شوي إلا غانم رايح عند امه ويتخبرها عن آخر الأخبار ويلست تقوله عن كل اللي صار واللي انقال اما حصه وسلامه منقهرات من تصرف غانم ومستغربات من طبعه اللي صار ألعن واخيس عن قبل .. ....................... في ابوظبي ناصر قبل لا يروح الدوام يمر صوب بيت سلامه وقبل لا يرجع البيت يمر بعد وبالعاده تكون السيايير موجوده في البيت ها المرة لقى حتى الباب الخارجي مسكر ويوم يمر فليل يلقى الليتات امبنده ... شاف الطباخ بالصدفه واقف عند الباب تخبره ناصر : السلام عليكم الطباخ ( رشيد ) : وعليكم السلام ناصر : وين هذا نفرات رشيد : نفرات كلو روه ... يروه داكل العئين .. ناصر : راحو العين .. اهاااااااااااا .. ومتى يجي هذا نفرات في معلوم ولا رشيد : ما في يجي الهــين بأدين هزا يجي مني ممكن واحد شهر ما في معلوم انا ناصر : ايواه .. يعني الحين لازم اروح العين عشان اشوفها بس اليوم الثلاثاء يعني آخر الأسبوع اشل اهلي ونروح نخطبها بالمرة رشيد : سو في انتي ؟؟؟ ليش سوي قرقر زياده .. سو مشكله انتي ؟؟ سو في ؟؟؟ ناصر : هههههههههه .. ماشي .. جلبها طاش ما طاش ... يالله باي رشيد : باجيل ...مجنون هذا نفرات كلام بروهه ودخل رشيد حجرته ويلس يسولف ويا ربعه الهنود ....وناصر روح البيت وكلم اهله انه بيوديهم يوم الاربعاء العين .. ووافقت امه واخته وابوه قال بيلحقهم في يوم ثاني ... ................................ يوم الأربعاء وديمة تتجهز حق يوم الخميس ( يوم الملجه ) وحجزت عند فكتوريا عشان تمكيجها واما الحنا فتحنت في صالون العروسة ... حصه تحنت اما سلامه فغصبن عنها رضت تروح تتحنا بعد حشرة حصه ووقفتها على راسها لأنها كانت وايد تعبانه من فكرت ملجة هزاع على وديمة ... ام غانم مع ريم يابو حنايه البيت وتحنن ...احمد مع هزاع في كل تحركاته .. وكانو اهله يزهبون حق الملجة واهل وديمة بعد .. وصل ناصر وامه واخته البيت العصر( في العين ) وابوهم قال انه بيكون عندهم في العين يوم الخميس الصبح .. اما نايف شل فكرة العرس من راسه وشل فكرة انه ياخذ اخت سلامه.. ويا معاهم العين .... .......................... يوم الخميس في وقت الغدى يرن تيلفون أحمد وكان قاعد ويا خواته وامه وغانم وحرمته استغرب أحمد ان العنود داقه وبها الوقت .. رد عليها أحمد : الوووووووو العنود : الحمدلله يوم رديت أحمد : ليش شو صاير العنود : لأ بس ما كنت اتوقع انك ترد احمد يكلمها على انها واحد من الشباب : اها .. المهم بغسل ايدي وبرد اكلمك العنود : حد عندك أحمد : هيه الأهل العنود : يالله عيل دق لي يوم بتخلص أحمد : اوكي باي وبند أحمد وراح وغسل ايده ودق حق العنود العنود : رضيت عليه أحمد : وانا اصلا اقدر ما ارضى .. اذا انا ما رضيت عليج .. على منو ارضى العنود : توقعت انه قلبك كبير وانك ما راح تخليني احمد : انا اخليج .. هذا بيكون آخر يوم في حياتي العنود : صدق تحبني مثل الأول احمد : إلا اموت فيج العنود : فديتك والله .. وانا بعد احبك احمد :شو كثره تحبيني العنود : فوق ما تتصور ... بس تصدق اني مب مصدقه للحين انك أحمد وانك رجعت لي أحمد : ما تصدقين افااااااااااااا .. اقولج صدقي اني رجعت مثل قبل واحسن بعد العنود : آآآآآآآآآآه ما تتخيل كيف احساسي الحين .. تعرف لو تخليني صدقني بموت احمد : صدق والله العنود : والله أحمد : اها العنود :قريت الرساله ترى الكلمات كلماتي أحمد : هيه .. وهي اللي خلتني ارد لج هزاع في ها الوقت على الخط الثاني رد عليه أحمد هزاع : الو احمد : يا هلا هزاع : منو تكلم في الخط الثاني أحمد : العنود هزاع : رجعتلها احمد : رجعت .. بس هزاع : بصارحه حيرتني احمد : حتى انا مب فاهم عمري .. بس لكل فعل ردت فعل وانا انجرحت ولازم اجرح هزاع : يعني ردتك للعنود مب على خير أحمد : كل شي جايز .. خير ومب خير هزاع : انا مب فاهم .. انت شو يدور في بالك .. وشوه تفكر احمد : انت الحين داق حق شو ؟؟ شي صاير هزاع : ماشي حبيت اقولك اليوم تراها الملجه ومب تتاخر علي اريدك معاي تكون معاي يوم اكتب واوقع شهادة وفاتي احمد : لا تقول جيه .. عيش حياتك انت ووديمة وحبك القديم انساه هزاع : للأسف ما اقدر انساه أحمد : المهم بتفاهم معاك عقب لأني اريد اكلم شوي العنود هزاع : الله يستر ... اموت واعرف انت تخطط لشوه وبند هزاع وتم احمد يسولف ويا العنود وبعدين سكر عنها واتصل بهزاع ... عقب المغرب الكل جاهز تقريبا عسب يروحون ملجة هزاع على وديمة .. سلامه مب طايعه تروح مع انها متلبسة ومخلصه كل شي بس ما رضت تروح واحمد وحصه يقنعون فيها واقتعت آخر شي بس بتروح وقت العشى يعني ما بتقعد طول الوقت هناك لأنها ما تتحمل .. يلست سلامه بروحها في البيت واما حصه وشمه وريم وام غانم راحو بيت وديمة وام غانم قالو حقها انه سلامه شوي تعبانه وبتي بوقت العشى واقتعنت .. واحمد يتصل بسلامه بين فترة وفترة وهوه اللي بيمر عليها وبيشلها ويا وقت العشى ومر أحمد على سلامه ووداها بيت عوض في صالة بيت عوض عويش تكلم حصه : سلامه وينها ؟؟ حصه : في البيت بتي عند العشى عويش : شو رايج اوديج تشوفين وديمة حصه : الحين ... شكلي متعايزة ... بس انا اعرفها ماخذه معاها مساق عويش : خلينا نروح نشوفها حصه : هاي عاد بتكون حرمة اخوج .. من الحين اشوفج تجيكين عليها عويش: هههههههههههههههه لا مب جيه حصه : ولا اردج يالله وديني نسلم عليها ونشوفها عويش : يالله وراحو حجرة وديمة .. وسلمو عليها وعرفت وديمة قرابة حصه بعويش وقعدو عندها ويوم يلست حصه تتأمل شكل وديمة وتشوف عيونها تعجبت وقالت حق عويش : شفتي عيون وديمة تشبة عيون منو ؟؟ عويش : حتى انتي لاحظتي وحصه : وانا اقول عيونها تذكرني بمنو .. آآآآآآآآآآآآه عويش : دريت انه هزاع كان يريد سلامه .. بس النصيب حصه : هيه والله .. محد يعرف في ها الدنيا نصيبة .. وطلعن وقعد في الصاله مع الحريم .. ويا وقت العشى ودقت حصه حق سلامه وردت عليها وقالت انها جدام البيت وشوي إلا سلامه داخله ويلست ويا عويش وحصه وبعدين زقروا وديمة عشان تروح حق الملاج ( المطوع ) عشان توقع موافقتها على هزاع وبجذيه تصير حرمته خلاص .. وراحت وديمة ووقعت ووداها اخوها فيصل بدال ما يباركلها قاعد يسبها مع انها ما سوت له شي ورجعت وخبرت عمتها وعمتها هدى هدتها ونست وديمة سالفت فيصل ...تعشو الحريم ويا الوقت اللي يدخل فيه هزاع عشان يلبس وديمة الشبكه هنيه سلامه احتشرت على حصه إلا تدق على أحمد يوديها البيت سلامه تكلم حصه بصوت واطي : هاتي تيلفوني ليش تاخذينه حصه : لأنج بتفضحينا توج يايه وبتروحين سلامه : حصه تعرفين ما اتحمل اشوفه يلبسها .. اففففففففففف ... عطيني خليني ادق على احمد حصه : سلامه اعقلي ... عيل انا ما مريت بالي انتي فيه ... نسيتي . شو كنتي تقولين حقي .. سلامه : ترى ان صار لي شي كله منج حصه : ما بيصير فيج شي اذا حطيتي في بالج شي واحد .. ان اللي يصير قدر ومكتوب |
سلامه تمت ساكته وشوي دخل هزاع عشان يلبس وديمة واللي كانت موخية وكانت تجنن من حلاتها وعويش تصورهم وهدى بعد .. لبسها الخاتم والبشاكير يصفقن وبعض الحريم يزغرطن والاغاني ما شاء الله شاله البيت شل .. ويوم يا بيلبسها العقد رفعت وديمة عينها ويت عينها بعينه ووقف متصنم ما تحرك ... ....... الجزء التاسع اذكركم بالجزء اللي فات وكنا واصلين عند .. سلامه : حصه تعرفين ما اتحمل اشوفه يلبسها .. اففففففففففف ... عطيني خليني ادق على احمد حصه : سلامه اعقلي ... عيل انا ما مريت بالي انتي فيه ... نسيتي . شو كنتي تقولين حقي .. سلامه : ترى ان صار لي شي كله منج حصه : ما بيصير فيج شي اذا حطيتي في بالج شي واحد .. ان اللي يصير قدر ومكتوب سلامه تمت ساكته وشوي دخل هزاع عشان يلبس وديمة واللي كانت موخية وكانت تجنن من حلاتها وعويش تصورهم وهدى بعد .. لبسها الخاتم والبشاكير يصفقن وبعض الحريم يزغرطن والاغاني ما شاء الله شاله البيت شل .. ويوم يا بيلبسها العقد رفعت وديمة عينها ويت عينها بعينه ووقف متصنم ما تحرك انصدم أنه عين وديمة مثل عين سلامه ومسك عمره وحاول يلبسها العقد ما رام يسكره من الربكه ومن الحاله اللي كان فيها يت عويش وساعدته ولاحظت حصه وسلامه ها الشي ودمعت عيون سلامه .. ولبسها عقب الحيل والشغاب لبسته وديمة بروحها وقعد عدالها ويت عين سلامه بعينه بس صدت عنه وشافت سلامه وديمة ولاحظت شبه عيون وديمة بعيونها هيه مع انها كانت تشوفها قبل بس ما كانت تركز بشكل وديمة وعيونها .. يلس يفكر هزاع ويقول بخاطره " عينها مثل عين حبيبتي .. مثل عين سلامي .. ليش ها الشي يصير معاي .. لازم شي يذكرني باللي مضى " وبعد دقايق طلع هزاع وام غانم وريم سلمن على ام هزاع وهدى وباركو حق وديمة وراحو البيت ومعاهن شمه أما سلامه وحصه فراحن مع أحمد وطول الدرب سلامه ساكته .. اما في بيت عوض هدى قامت ترقص من الفرحه هيه وعيالها وعقبها دخل عوض وبارك حق وديمة .. بس وديمة كانت مستغربه ليش هزاع ما نطق ولا بكلمه ولا بارك حقها حتى فقالت" يمكن مستحي" ونست السالفه ..وتمو مستانسين .......................... في بيت حمد سلامه يالسه في الحجرة وكاتمه الصيحه والقهر من حصه ولا طاعت ترد على حصه وتكلمها اما احمد فيالس يكلم العنود ... وريم مع غانم يتكلمون فوق ريم : منو من موظفين ابوك وظفتهم عندك ؟؟ في شركتك اللي راح تكبر مع الوقت غانم : احسن الموظفين ..بس الشركه بتكبر اذا دمرت اللي واقف الحين جدامي ريم : مع الوقت .. غانم مب كل شي بسرعه لا تستعيل سهيل : بابا .. سيارتي ما تطيع تشتغل غانم : والله بدونج يا ريم ما ادري شو كنت بسوي ريم : لازم عندك مخ مدبر بعد شو غانم : هيه والله سهيل : بابا .. تعال شوف سيارتي شو فيها ريم : حارب خلصت موضوعه .. وقلت بخطب له وحده من ربيعاتي غانم : يا خسارة كان ودي شريكي يكون نسيبي ريم : خيرها في غيرها سهيل مل وهوه يكلم ابوه .. بس ابوه مطنشنه ونزل تحت ما لقى حد راح المطبخ وطلع من الثلاجه قوطي الفراوله وراح الدرج وطلع السجين وغسل الفراوله ويلس يقطعهن بالسجين وبدون ما يحس قطع صبعه والدم تم يصب وايد وتم يصيح ويازقر ولا حد سمعه وتم يمش الدم بثيابه وتم يصيح اكثر واكثر يوم شاف الدم ينزف وايد وان ايده خايسه دم وثيابه بعد وروح صوب الصاله وسمعت صوته حصه وطلعت ماتت من الخوف مب عارفه سهيل وين ميروح بالضبط وودته المطبخ وغسلت ايده وحطت ثلج على ايده ويت وراها سلامه وهيه مب عارفه ليش سهيل يصيح.. حصه قالت حق سلامه : روحي خبري ابوه عاشان يوديه الحوادث سهيل يصيح : ما اريد بابا .. ما اريد بابا .. وما اريد الدكتور لااااااااااااااااااااااا حصه : حبيبي ما بيسون شي بس بيحطون لزقه لا تخاف وطلع الجرح يباله خياطه لأنه عميق سلامه راحت صوب غانم تدق عليه الباب ما يرد وتزاقر محد يرد في الحجرة غانم : هذا صوت سلامه ريم : خلهم يولون ... ما وراهم غير الهم غانم : صدقج .. خلهم يولون .. طولي على صوت التلفزيون ابرك ريم : موزة راقده غانم : موزوه في الحجرة راقده مب في الصاله ريم : اوكي ... وشو رايك نحط نجوم يمكن نشوف اغنية تربش .. ولقو اغنية محمد المازم ابعد وخليني غانم : يالله.. عاشووووووووووووو ... شو ورانا ... تعبت سلامه وهيه تدق على غانم وحرمته اللي ما يردون عليها وراحت صوب أحمد ونزل معاها وشلو سهيل وراحت حصه معاهم المستشفى أما سلامه فقعدت في البيت تحاتيهم .. وام غانم راقده ولا تدري باللي يصير ..وصلت حصه مع سهيل واحمد البيت وخاطو سهيل غرزتين في صبعه وهوه من الصياح رقد ... وتوهم حادرين الصاله ... بنفس الوقت ريم وغانم يدورون سهيل اللي افتقدوه عاد بعد شوه .. ونزلو ثنينتهم ولقو أحمد شال سهيل وقميص بجامته كلها دم ومب فاهمين السالفه ريم : ولدي ولدي ...شو فيه وغانم نزل بسرعه وخذ سهيل من ايد أحمد ريم : شو بلاه حصه : يرح عمره ..كان في المطبخ بروحه يقطع الفراوله اللي لقيتها فوق الطاوله وقطع ايده بالسجين .. والحمدلله يوم ما قص صبعه اكثر من جيه . وخاطوه غرزتين غانم : متى صار هذا ريم : اصلا ما لاحظت يوم طلع ... وليش انتي ما قصيتي حقه الفراوله حصه : ما ياني اصلا ولا طلب مني اني اقطع له الفراوله ريم : اكيد ياكم بس انتو ما طلعتو له أحمد : لا والله .. الحين بتردين بلاج وغلطتج واهمالج على اختي .. وين كنتي عن ولدج يوم طلع من الحجرة ونزل ودخل المطبخ تمت ريم ساكته بس غانم ما سكت وقال : ما يخصك بحرمتي .. وانت منوه عشان تكلمها جيه أحمد : انتو يـلين ما تنفدون واحد من عيالكم من اهمالكم ما بترتاحون غانم : سير لا ... حصه : انا بروح الحجرة .. تصبحون على خير غانم : أي خير ... ولدي يتضرر منكم .. وبسبتكم أحمد : شل حرمتك واتوكلو يالله .. انتو حتى كلمة شكرا ما قلتو .. ولا اترياها منكم ريم : والله نروح ولا نقعد هذا بيتنا وبكيفنا أحمد : متى صار بيت ابوي بيتكم ؟؟ .. هذا بيتنا مب بيتكم .. وانتي منو عشان تتكلمين هاه غانم : ايه اشوفك طولتها وهيه قصيرة .. ومن الصوت العالي قام سهيل وتم يصيح وراح غانم ويا حرمته فوق واحمد تم متضايق منهم وحصه تمت تفكر بكلامهم وبالموقف اللي صار وبعدين دخلت الحجرة وتسبحت ورقدت وسلامه رقدت معاها واحمد تم يفكر بالكلام اللي قاله غانم .. وقال انه لازم يوقفه عند حده وروح بعدين يرقد ... ......................... الجمعة بعد صلاة الجمعه في بيت صالح في العين ناصر: امي ... بتخبرج كلم ابوي ابو البنت ولا أم ضاحي : انت ليش مستعيل ناصر : اريد اروح اخطب اليوم ام ضاحي : اتصل ابوك ببوها وطلع ابوها مسافر ناصر: اوهووووووو ... ما بغى يسافر إلا يوم نويت وقررت اخطب ام ضاحي : عسى ان تكرهوا شيئا وهو خير لكم ناصر : انزين روحي انتي وشوفي البنت عشان خاطري ام ضاحي : الاسبوع الياي ناصر : مافيني صبر بعد شوي يت رفيعه : شو بلاكم ام ضاحي : نصور حاشرني يباني اروح اشوف البنت .. وابوها مسافر رفيعه : صدقه خلينا نروح نشوفها .. ام ضاحي تكلم ناصر: وين ابوك عشان يعطيني رقم امها عشان نقولها ان نحن بني بيتهم اليوم وبنمر على يدتك وبنشلها معانا. عشان ما تقول يدتك ما خبرناها رفيعه : ابوي يالس ويا نايف عند النخل ما ادري شو يسون .. شكلهم مشتاقين حق شمس العين ههههههه والاهوب .. هههه ام ضاحي : خلاص انا بكلم ابوكم وبشوف شو يشور عليه ناصر : واخيرا ... آآآآآآآآآآآآآآآآآآآآآآآه ...وقال في خاطره " اسميني حبيت العين من الخاطر واهلها بعد .. كنت احبها بس الحين بزياده .. يالله ياربي ما تردني ويستوي اللي في بالي " وكلمت ام ضاحي ريلها صالح وكلم حمد وقال سالفة الزيارة وكلم حمد ام غانم انه عرب بيونهم اليوم .. وعطى حمد رقم تيلفون ام غانم والبيت بعد حق صالح عشان يعطيه حرمته جميلة ... راحت ام غانم وقالت حق سلامه وحصه انه عرب يايين وانهن لازم يتلبسن ويطلعن يسلمن.. في الحجرة سلامه تكلم حصه: افففففففف.. منو ها المتفيجات اللي يايات .. مالي نفس اطلع حصه : ايه شو ها الكلام .. عيب ..لازم نسلم ...بس ما عرفت منو سلامه : مب مهم .. انا بتلبس بس ما بتعدل .. لأني يمكن ما اطلع اسلم حصه : بعدهم ما يوو يوم بيون يصير خير سلامه : اقولج شغلي المسجل والشريط اللي داخله لا تطلعينه اريد اسمعه حصه : شريط شو ..؟؟ انا كنت حاطه راشد الماجد سلامه :طلعته .. وراحت حصه وشغلت المسجل وكان الشريط هو الشريط اللي هزاع عطاه حق سلامه وتمت سلامه تتذكر مواقفها معاه والسوالف اللي صارت بينهم وجيه وعقب ملن وراحن الميلس يشوفن الفواله يلست سلامه وحصه عدال بعض والراس بالراس كل وحده حاطها راسها عدال راس الثانية وياكلن كرز .. شوي يسمعن صوت سيارة.. وايجت حصه وقالت : لحقي العرب يو وايجت سلامه شافت واحد نازل وروح صوب الباب الوراني وفتحه وكان عاطنهم ظهره حصه : سلاموه .. شو تترين سلامه تقول في خاطرها ها السيارة مب غريبة وثاني شي حتى هاي الهيئة مب غريبه عليه بعد حصه : سلامه .. يالله خطفي .. امج الحينه بتينا وبتاكل فودنا .. يالله تمت سلامه وقالت ما بتتحرك إلا واشوف منو هذا.. شوي إلا ناصر يمشي وماسك ايد يدته اللي ساكنه في العين ويساعدها عشان تركب الدري إللي جدام البيت .. وفجت ها الساعه سلامه عيونها وقالت : هذا من وين يعرفنا ... وشو يابه بيتنا ... وشردت الحجرة وحصه مب فاهمه سلامه شو تقول ولا شو تطري ..بعدين يت ماريا عشان تدخلهم الميلس كانت الساعه سبع ونص دخلت ام ضاحي وامها ورفيعه البيت وقعدو في الميلس مال الحريم ويتهم أم غانم سيده بعد ما خبرتها ماريا انهم وصلو.. وناصر دخل ميلس الرياييل وأحمد ويلس ما كان يدري بييتهم بس ابوه دق له وخبره ان واحد من عيال ربعه ياي يتقرب منهم ويايب اهله ونزل احمد وراح الميلس وقعد أحمد يسولف معاه وشوي إلا هزاع داق حق أحمد هزاع : وين انته ؟؟ أحمد : في الميلس مع ريال هزاع : لأني قلت بروح معاك نتمشى .. يعني اخليك احمد : لا .. تعال يكون احسن هزاع : انا داخل عيل لأني كنت عند الباب واقف ويا هزاع ولا انتبه حق سيارة ناصر ودخل الميلس ولقى ناصر وسلم عليه وسلم على أحمد ناصر : هزاع انته تعرفهم هزاع : احمد يصير ولد خالتي ناصر : زين عيل بنصير نسايب أحمد يطالع هزاع لأنه درى أن ناصر ياي يخطب سلامه بس حب يكون هزاع موجود عشان يشوف كل شي بعينه ويتقبل الأمر .. دقت ام غانم على أحمد ويلس يكلمها وكانت تساله اذا قاصرنهم شي وهزاع يطالع أحمد وناصر ومب فاهم السالفه ناصر يكلم هزاع : تراني ياي اليوم انا واهلي عشان يشوفون البنت وبنخطبها رمسي هزاع : ياي تخطب ... منو .. منو منهن ناصر تقرب أكثر وأكثر ووطى صوته وقال حق هزاع : البنت اللي طريتها لك .. اللي قلت لك بخطبها وكنت اريدك تخطط لي كيف اخطبها والحمدلله طلعنا نعرفهم وتسهلت الامور هزاع انصدم انه ربيعه ناصر حب واللي حبها وناوي يخطبها بنت من بنات خالته يا حصه يا سلامه وكيف لو كانت سلامه اللي هيه حبيبته وبنت خالته واللي كان خاطره فيها.. بس يشك ويرد ويقول يمكن حصه وعادي تكون حصه .. وتم محتار ومب متاكد ناصر ياي يخطب منو من بنات خالته .. هزاع تم ساكت ناصر : شو بلاك .. ويهك تغير .. انت مالج امس وانا بخطب خلال ها الأسبوع .. أحمد : هزاع ناصر اهبشو هزاع : ياكل بدون نفس وباله مشغول ومب مصدق اللي قاعد يصير اما ناصر مستانس لدرجه انه مب متخيل انه يخطب ويطلع ربيعه اللي وايد وياه يقربلها أحمد : هزاع دامك تعرف ناصر شو رايك فيه .. ما يحتاي نسال عنه البعيد دام القريب يعرفه هزاع : ناصر ريال ..ما عليه كلام .وناصر اخوي قبل لا يكون ربيعي .. وما بتقلون حد مثله .. اخلاق ودين وعلم ونسب أحمد : زين والله .. هزاع يسال ناصر عشان يتاكد ويجذب اللي في باله ويقول ان شاء الله يقول الكبيرة أو حتى اسمها هزاع : ابغي اعرف انت منو منهن بتاخذ الكبيرة ولا الصغيرة ناصر : اسمها سلامه هزاع وخى وقال بخاطره " كذبت خاطري اللي صدق بالقول .. كذبت حقيقة تقول انها لغيري .." ناصر : مب يروح بالك بعيد وتسالني كيف عرفت اسمها .. تراك تعرف اني ما كلمتها بس الصدفه اللي خلتني اعرف اسمها هزاع : ما عليه انا رايح الحين احمد يكلم هزاع ويقول : هزاع ...تراك ما كليت شي .. صحنك مب مزخوخ هزاع : شبعت ناصر يكلم هزاع : شو بلاك .. من ملجة اشوفك كله مشغول .. عنوبه هذا اول يوم من بعد الملجه .. وجيه تخق علينا .. هزاع مب عارف شو يسوي كل ما يتذكر انه مالج يقول بخاطره " ما بيدي حيلة .. انا رحت بنصيبي وخلها تروح بنصيبها .. بس مب قادر يبلع السالفه مب قادر يطنش الواقع اللي هوه فيه .. .. في ميلس الحريم دخلت حصه وسلامه وقعدن ويدت ناصر تطالعهن وعيبنها وقعدت رفيعه تسولف معاهن وسولفت مع سلامه وتقول بخاطرها " والله انك مب هين يا نصور .. منقنها نقوة " وبعدين طلعت سلامه وتمت حصه معاهم ... مر الوقت وروحو أهل ناصر وهزاع راح قبلهم واحمد ارتاح من ناحيه ناصر ... ........................................... في بوظبي في حجرة سعيد روضة تتكلم في التيلفون كالعاده ياها سعيد روضه تسولف ولا عليها منه وبصوت واطي سعيد : احم احم .. انا موجود روضة : شو بلاك ... قاعده اسولف ويا اختي هيــا سعيد : احيدج متضاربه معاها .. متى تراضيتن ؟؟ روضه وهيه مرتبكه : هاه .. تراضينا ... هيه من متى متراضيات .. اصلا اختي ما تهون علي سعيد : انتي دومج ترضعين التيلفون ومطنشتني .. روضه : يالله باي يا عمري سعيد : وصارت عمري... انا يوم تسكرين عني ما تقولينها روضه : عنبوه بتغار من اختي سعيد : مب اغار بس انا ملاحظ شي بس يوم بتأكد منه برتاح روضه : سعود مب انا اللي اغلط .. هاي بنت عمك حصيص هيه اللي راعية ها السوالف ومايحتاي اكمل سعيد : كرهتها .. كيف كانت تقص علي .. احسن شي سويتيه انج قلتي انها ما تحبني وانها كانت متراهنه مع ربيعتها علي .. وانها .. استغفر الله ... ما اقدر اصدق ..حصه جيه .. روضة : هيه شو على بالك .. صدق انها بنت عمك وربيعتي كانت الروح بالروح بس من بعد ما عرفتها على حقيقتها قلت ابتعد عنها سعيد : يالله تعالي وخلي التيلفون عنج لأنه ماخذ وايد من وقتج روضة : شو اسوي ... ربيعاتي واختي هيا تدق شو اسوي تباني ما ارد افا عليك سعيد : متى تبينا نيب عيال روضة : تو الناس ...... انت ليش جيه مستعيل سعيد : خاطري اصير ابو ولا مب من حقي روضة : انزين .. راح نتكلم في ها الموضوع مرة ثانية شوي طلع سعيد صوب امه ويلست روضة تتكلم في التيلفون ونست اللي قالته حق سعيد قبل شوي ... ........................ ________________________________________ في العين في بيت حمد بعد ما راحو اهل ناصر حصه : تعرفين ان رفيعه سوالف سلامه ساكته وسرحانه حصه : سلامه ... حووووووووه .. الووووووو ... سلامه 123 حول حول 123 حول سلامه ... وصرخت حصه صرخه وبعدها انتبهت سلامه سلامه : افففففففففففففففف شو بلاج حشرتيني تراج حصه : آسفه خلاص .... وقامت رايحه صوب الكمبيوتر سلامة : تعالي وين رايحه حصه : انتي عنبوه محد يتمصخر معاج ولا يكلمج سلامه : انا افكر لا تلوميني حصه : بشوه سلامه : بناصر حصه : ناصر منو ناصر ؟؟؟ سلامه : اخو رفيعه يعني منو حصه :هاااااااااه ... ومن وين تعرفينه هذا بعد ؟؟ وكيف عرفتي واش عنه تفكرين فيه سلامه : انتي ما تعرفين قصته اصلا ... المشكله سوا اللي في راسه حصه : انزين قولي وانا اسمعج تراني سلامه فالت كل المواقف اللي صارت بينها وبينه وقالت الها عن بيت الشعر اللي قاله ناصر حقها يوم كانو بالمارينا وجيه فتذكرت حصه تفسيرها هيه وسارة لبيت الشعر حصه بعد ما سمعت القصه كلها قالت : ناصر حبج من خاطره عيل سلامه : بس انا ما اريده وتعرفين ليش حصه يت وقعدت عدال سلامه وقالت : سلامه يا عمري انتي ... هزاع ملج خلاص ولا تنسين ها الشي وانتي دام الولد بصراحه يباج خلاص لا تيسين جيه تترددين سلامه : ما اقدر ... احس ما ادري .. امممممممم حصه : صلي صلاة استخاره .. بس سلامه ما قلتيلي حلو ناصر ولا ؟؟ |
سلامه : حلو حصه : وما تبينه سلامه تمت ساكته شوي احمد يزقر على حصه وسلامه في الطاله حصه : بروح اشوف احمد ... ما بتين سلامه : مالي خلق .. اريد اعقد بروحي شوي وراحت حصه عند أحمد وقعد يسولف معاها وقال : تعرفين الناس اللي يونا اليوم شو يبون حصه اونها تستهبل : لأ .. شو يبون ؟؟ احمد : يبون يخطبون سلامه ... وهزاع شكله تضايق ... بس شو نسوي ... والحين هوه خلاص على ذمته وحده من اهله .. حصه : والله ... ليتها توافق بس احمد : ما بتلقى احس عنه ... اصلا هوه ربيع هزاع حصه : ربيع هزاع شوف الصدفة بس ... اقولك كيف يعرفونا هم ..؟؟ احمد : يعرفون ابويه حصه : اهاااااااااااااااا .. الله يتمم الامور على خير احمد : للحين ما صار شي رسمي لازم توافق عسب ايي هوه وابوه والرياييل من صوبهم عشان يصير كل شي رسمي .... يوم بيرجع ابوي كل شي بيتحدد حصه : زين يوم ذكرتني بتصل فيه اشتقت له والله دقت حصه حق ابوها وقعدت تسولف معاه وقال انه بيرجع عقب ثلاث ايام واستانست حصه .... ... وخلال ها الثلاث ايام كانت هيه وسلامه يروحن السوق عشان الجامعه ما بقى عليها غير كمن يوم ................... بعد ثلاث ايام ( يوم الاحد) رجع حمد من السفر الصبح الكل مستانس على رجعته وبعدين راح يرتاح في الحجرة كانت عنده ام غانم حمد : ها ... شو عن سالفة قوم بو ضاحي ؟؟ ام غانم : انت شو رايك بالولد ؟ حمد : ما عليه كلام ... ما سمعت عن عياله شي ما يسر ام غانم : انا ما يخالف عندي بس الشور عند سلامه حمد : انا بكلمها اليوم العصر ام غانم : شو سويت بقطر ... ما شاء الله رجعت بسرعه حمد : رجعت وخليت شبيب وولده يكملون الباقي هناك .. لأني وقعت على الاشياء المهمه وقالو لي اني عادي ارجع ام غانم : هيه عشان ياخذون راحتهم حمد : شو قصدج ؟؟؟ وضحي كلام اكثر ام غانم : ما اقصد شي سلامتك حمد : اوطي راسي وارقد ابركلي من المغثه ام غانم طلعت وقعدت في الصاله مع شمه نش حمد الظهر صلى وتغدى ويلس شوية وبعدين راح صوب حجرة البنات دق الباب وردت عليه حصه : منوووووووو حمد : انا ابوج ادخل حصه : ادخل ابوي ... ودخل ابوها وقالت :هلا والله ... شو ها المفاجاة الحلوة حمد : لا ما شي .. بس وين سلامه حصه : في الحمام ... تتسبح حمد : من تخلص قوليلها تي الحجرة عندي حصه : ان شاء الله حمد : ترى يبت لج اغراض من قطر حصه : اكيد عطور حمد : بعدين تعالي وشوفي سلامه في الحمام تتسمع شو يقولون ومن طلع ابوها من الحجرة طلعت سيده حصه تكلم سلامه وتقول : ابوج يباج .. وتعرفين طبعا السبب سلامه : قلبي يدق من الخاطر ... اعرف بس خايفه .. ما ادري شو اسوي ... انا ما احب مواقف الاستجواب هاي حصه : استجواب .. جيه وين انتي في المحكمه ولا في مركز الشرطه سلامه : انا في الحمام اسمعه بس يقول خليها تي عندي قمت اتنافض كيف لو رحت ويلست عداله .. يا ويلي حصه : روحي وقوليلي ... والله يوفقج وان شاء الله نفرح فيج سلامه : آآآآآآآآآآآه ما ادري ما ادري .... الله يستر حصه : ههههههههههه اول مرة اشوفج خايفة لها الدرجه سلامه : بشوفج يوم حد بيي يخطبج شو بتسوين حصه : ههههههههههه ... الله يعين .. روحي قبل لا يغير رايه ابويه سلامه : هههههه جيه شو لعبه هيه حصه : يعني تبينه .... صححححححححح سلامه طنشت حصه وراحت صوب ابوها اللي كان يترياها في صالة حجرته ..دخلت سلامه وقالت : السلام عليكم حمد : وعليكم السلام ... تعالي يلسي هنيه عدالي سلامه : انزين ..... وقعدت عداله حمد : ييت حجرتكن وقالت لي حصه انج في الحمام سلامه : هيه كنت اتسبح حمد : انا ما بطول عليج ... بس اريد اخاذ رايج في موضوع مهم .. ولد ربيعي اسمه ناصر يباج ... شو رايج سلامه : انت شو رايك ؟؟؟ حمد : خلج من رايي ... بس انتي ما تبين تعرفين عنه شي ؟؟ سلامه : عادي اسال؟؟ حمد : هيه اسالي عن كل اللي تبين تعرفينه ... هذا من حقج سلامه : كم عمره ووين يشتغل ؟ حمد : عمره 23 ويشتغل في ادنوك في بوظبي وعندهم بيت في بوظبي وهنيه بعد سلامه : انت اللي تشوفه زين سوه ... حمد : شو يعني موافقه ولا سلامه ساكته حمد : بصراحه ناصر ما ينعاب .. وقال لي احمد انه ربيع هزاع سلامه استغربت بخاطرها تقول : لا بالله احلوووووت ...باخذ ربيع هزاع ... يالـــله .. ما اريد حمد : ها شو قلتي سلامه بصوت واطي ما ينفهم : ما اريد حمد : ما تريدين ؟؟ ولا كيف ... شو بلاج تتحرطمين ... انتي مب مجبورة تاخذينه سلامه : لا مب جيه ... ( صور سريعه مرة في بال سلامه كانها فلم سينيمائي ) تذكرت كلام حصه يوم دوم تكلمها وتنصحها وتقولها الله يوفقج وان شاء الله نفرح فيج ... وبعدين تذكرت هزاع يوم كان في المجلة وجدامه وديمة وتذكرت كيف كانت حصه في ملجة وعرس سعود ولد عمها لقت انهن خسرانات في كل ها المواقف ومن حقهن لو مرة يفوزن بشي او حتى يستانسن بشي فرضت بالواقع حمد : يعني اقول مبروك سلامه ابتسمت وقامت وقالت : اللي تشوفه يا ابوي .. وطلعت حمد خبر ام غانم ان البنت وافقت ....وكلمة ام غانم ام ضاحي عسب ايون الرياييل ويحددون متى الملجة وجيه ... راحت سلامه الحجرة وكانت حصه تترياها هناك حصه : هلا والله .. ها شو صار سلامه : ما بقول لج حصه : قولي قولي والله تقولين .. ها شوه ازغرط ولا سلامه : زغرطي حصه : كلولووووووش ... وجان استانس سلامه : بس حصه : لا تبسبسين ... توكلي على الله ... انزين شو قالج ابوية عنه سلامه : ما بقول حصه : يالله بالستر .... تخشين عن اختج الحبوبة سلامه : عمره 23 ويتشغل في ادنوك .. و وعندهم بيت في بوظبي والعين بس انا كيف عندي جامعه واروح بوظبي شكلي بعيش هنيه في بيتنا حصه : ايه سوي مثل بنات السكن يوم الاربعاء تروحين عنده في بوظبي سلامه : ما اوبل اروح ... اذا يباني اييني هنيه في العين حصه تعيب عليها وتقول : اذا يباني اييني هنيه ... ايه شكلك بيعطيج بو لابس وبيغازل بنات بوظبي عنج ههههههههه سلامه : يخسي والله ... لا خلاص هونت بروح له حصه : شكله دخل خاطرج ... ومن الحين بعد سلامه : جب جب حصه : هههههههههههههه والله حاله ... يالله عرسي بسرعه عشان افصل فستان واتعدل سلامه : هذا اللي تبينه .. مب جنه كل شي على راسي انا حصه : والله تبين الصدق اريد افرح بج سلامه : ان شاء الله وقعدن يسولف وجيه .. ............................ بعد صلاة المغرب في بيت حمد يالسه سلامه ويا حصه وشموه في الصاله ويرن تيلفون حصه في حجرتهن حصه : منو متصل فيني الحينه شموه : روحي شوفي تيلفونج ليش تسالينا منو متصل حصه : انتي حد كلمج الحين بروح اشوف سلامه : هاتي تيلفوني معاج حصه : اوكي راحت حصه الحجرة ولقت اللي متصل فيها سارة وردت على التيلفون حصه : هلا والله ...هلا هلا سارة : هههههههههه اهلين ... حصه : شو اخبارج سارة : الحمدلله ... انتي علومج .. وشوه مسويه حصه : اوكي بصراحه سارة : ملانه قلت ادق حق بنت عمي الغالية حصيص حصه : زين سويتي ... عشان اقولج آخر خبر واحلى خبر بس مب تقولين حق حد سارة : سرج في بير افا عليج حصه : سلامه ياها واحد ووافقة عليه سارة : تستاهل سلامي ... ما اعرف ازغرط ولا جان زغرطت هههههههه .. حصه : والله لو حد يسمعنا ليصفعنا ...والله علينا حركات اونه انزغرط ... مب مخلف علينا التزغريط بس شو نسوي ههههههه نريد نستانس سارة : هيه والله حصه : ما سوت بيبي رويض سارة : بصراحه ما سمعت .. وشكلها ما تبا لأنها تبا تحافظ على رشاقتها حصه : خبلة هاي ولا شو سارة : صدق .. انها مب شي حصه : الحين نتريا خطبة سلامه رسمي سارة :الله يتمم الامور على خير حصه : ان شاء الله سارة : اقول حصيص بروح اشوف امي اسمعها تزقرني حصه : اوكي عيل سلمي وديري بالج على عمرج سارة : ان شاء الله ... ولا تنسين تدقين لي عشان اكون معاكم لحظة بلحظه حصه : اوكي .. لا تحاتين ها الشي ابدا سارة : يالله باي وسكرت حصه عن سارة وشلت حصه تيلفون سلامه حق سلامه يلست حصه عدال شمه ويشوفون التلفزيون وسلامه تقرا المسجات وياها مسج بها اللحظة ومكتوب فيه " الله يوفقج ... وما بنساج لو نسيتيني " وكان اللي مطرشنه هزاع تمت سلامه تطالع المسج واسم هزاع .. وبعد لحظات مسحت رقمه وكل مسجاته من التيلفون عشانها بدت من ها اللحظة حياة يديده .... دخل احمد عليهم احمد : السلام عليكم حصه وسلامه : وعليكم السلام احمد يكلم حصه بصوت واطي : ما اصدق ان سلامي وافقت حصه : ولا انا احمد : توه ابوي قالي ... بس تصدقين مستانس ومب مستانس حصه : حالك من حالي ... بس كل شي قسمه ونصيب احمد : هيه والله صدقج سلامه تحرهم بعينها وتقول : شو عندكم تتصاصرون هاه حصه : لا ماشي احمد : سوالف شباب تعرفين انتي حصه يتها ضحكه سلامه : سوالف شباب هاه .... حصه صارت من الشباب احمد : لا مب قصدي سوالف شباب قصدي سوالف خاصه سلامه : هيه رقع الجذبة حصه ما رامت تخش الضحكه : ههههههههههههههه .. سوالف شباب هههههههههههههههه احمد : مالت عليج ... ليش تضحكين .. صدق انج بقرة حصه : اذا انا بقرة انت ثور ههههههههههههههههه احمد : هههههههههههههه والله انكن حاله سلامه : ههههههههههههه شمه : احمد احمد : هلا شمه : انت ثور احمد : مب منج يا شموه من الدبش اللي هنيه في البيت .... انا ثور ..؟؟ على آخر ايامي تي شموه وتقول انا ثور شمه : حصه تقول احمد : لاوالله ........ حصه ياج الموووووووووت ... بتنضربين لحقي عمرج ويربع وراها وشوي إلا حمد ابوهم داخل عليهم من حشرتهم الكل وقف في مكانه حمد : شو ها الحشرة شمه وبكل برائه :هاي الحشرة من احمد الثور وحصه البقرة حمد : عيب تقولين عن اخوج العود ثور شمه : حصه قالت وانا اقول مثلها حمد : شو ها الخربطان ... شو هذا صايرين جنكم يهال احمد متفشل ورد وقال : لا بس كنا نسولف حمد : شوي شوي حشرتوني سلامه تعيب عليهم من بعيد وتسوي حركات بوييها وجيه يلس احمد وعداله حصه وقال : تعرفين ان ابوي سبني بدون ما يحس حصه : كيف ؟؟ احمد : قال حق شموه عيب تقولين حق اخوج العود ثور .... حقوقي ضاعت في البيت هذا حصه : ههههههههههههههههه ... يعني ههههههههههه عادي نسبك بس ما نقول عنك ثور ههههههههههههه شمه : هههههههههههههههه .... ابوي سبك انا اسمعكم شو تقولون ههههههههه سلامه بتموت من الضحك : هههههههههههههههههه ... أحمد انت وايد غبي وتحب تفضح عمرك احمد : شموووووووووووووووه ... تراني بضربج هههههههههههههههه شموه : خلاص انزين ما بضحك حصه : شمه ... صدق والله لا تقولين مرة ثانية عن احمد جيه اوكي شمه : انزين .. وبعدين قعدو يسولفون ويا بعض... مر اليوم عادي وما فيه أي شي مميز غير ان حمد اتصل في بو ضاحي إللي هوه ابو ناصر عشان ايون رسمي الرياييل ودقت بنفس الوقت ام غانم حق ام ضاحي تقولها ان البنت وافقت .... ......................... اليوم الثاني في بيت حمد في العين الساعه 10 حمد يالس في الصاله يطالع التلفزيون شمه يت بكشتها كالعاده توها قايمة من الرقاد حمد : شمووووووووووه .. قايمة الحين ... ما بقى شي على المدارس .. الله يعين امج شمه : بعدها المدرسه مب الحين ... عادي ما اروح حمد : لا والله .. جيه شوه على راسج ريشة شمه : وين الريشة ... ابوية هذا شعر مب ريش .. لازم انت تروح المدرسه حمد : ههههههههههه .. ما ادري انتي ها الذكاء من وين يايبتنه ههههههههه شمه : ابوي ودني الدكان حمد : اذا بوديج الدكان الحين اكيد راعي الدكان داعية عليه امه ... عيل يصبح يشاهد كشه مثل كشتج اكيد نحس بيكون ههههههههههه شمه : بابااااااااااااااااااااا .... بخبر عليك ماما ... انته كله تسب كشتي وقعدت مبوزة نشت سلامه من الرقاد وطلعت الصاله وسلمت على ابوها وراحت تيب حقها كوب حليب وردت وقعدت في الصاله مع ابوها وشمه شوي يرن تيلفون حمد ورد عليه حمد : الوووووووو بوضاحي : الووووو ..السلام عليكم حمد : وعليكم السلام بوضاحي : شو اخبارك حمد : يسرك الحال .. وانت علومك بوضاحي : الحمدلله بخير ... بس بغيت اقول اني انا والعيال بنيكم يوم الاربعاء هذا عشان نحدد كل شي حمد : حياكم الله بوضاحي : الله يحييك ... حمد : خلاص عيل بخبر انا ام العيال بوضاحي : يالله تامرني بشي حمد : سلامت راسك بوضاحي : الله يسلمك يالله مع السلامه وسكر بوضاحي عن حمد .... حمد يكلم سلامه وقال : تعرفين منو كان على الخط سلامه : لأ منو حمد : ابو المعرس ... يقول انهم بيون يوم الاربعاء يعني ورى باجر .. وتستاهلين يا بنيتي استحت سلامه ومب عارفه شو تقول حمد : انا صريح واحب الصراحه عشان جيه انا اقولج كل شي ولا فيه من الناس ولا عليهم من بناتهم تلقين العرب في البيت وهيه توها تدري سلامه : صدق حمد : هيه بعد شو شمه : ابويه حمد : نعم شمه : شو السالفه حمد : تخبري سلامه شمه : انزين بس مب الحين لأني اريد اشوف الرسوم حمد : ها البنت مشكله ... عليها حركات سلامه : ههههههههههه ولا يطوفها شي حمد : ههههههههههههههه راحت سلامه الحجرة عند حصه وراح حمد عند ام غانم سلامه في الحجرة تحاول توعي حصه ولكن حصه مب طايعه تقوم |
سلامه : حصيييص نشي حصه ما ترد سلامه تهزها شوي شوي وتقول : يالله عاد عن الدلع حصه : ممممممممممممممممممم سلامه : من وين ها الصوت ... بسم الله الرحمن الرحيم حصه : حشرتيني تراج شو تبين سلامه : لا صدق الصوت من وين طلعتيه هههههههههه اونه ممممممممممم جيه شو بعير راقد عدنا ولا حصه : قومي عني اشوف سلامه : بيون قوم ناصر ورى باجر عشان يحددون كل شي حصه : احلفي سلامه : والله حصه : مبروك سلامه : الله يبارك فيج ويلست سلامه تفكر ......... في بيت سلطان ( بوهزاع ) بو هزاع يكلم حرمته ام هزاع ( مريم ) بوهزاع : الحين هزاع من ملج راح بيت عمه ؟؟ ام هزاع : لأ بوهزاع : تكلمينه اليوم تخلينه يروح ... واذا انتي ما سنعتيه انا اعرف كيف اسنعه عدل ام هزاع : لا خله عليه بو هزاع : يالله انا طالع ام هزاع : الله يحفظك شوي طلعت عويش وقعدت عند امها دقت ام هزاع حق هزاع تيلفون ورد عليها ام هزاع : السلام عليكم هزاع : وعليكم السلام ام هزاع : مشغول ولا ؟؟ هزاع : لا مب مشغول بس قاعد في الدوام ويا الشباب ليش فيه شي ؟؟ ام هزاع : كنت اريد اتخبرك اذا مريت بيت عمك عوض ولا هزاع : وليش امر ان شاء الله ام هزاع : لازم تمر ... مافيني على حشرة ابوك ... وما يصير اللي تسويه الحين انت ماخذ بنتهم ولازم تروح لأن هاي من الاصول وعيب اللي تسويه انته هزاع : افففففففففففففففففففففف ... استغفر الله العلي العظيم ... انزين اليوم العصر بروح ام هزاع : الله يهديك بس هزاع : يالله بدق حق ابوي عشان آخذ رقم عمي ام هزاع : يالله عيل مع السلامه سكرت ام هزاع عن هزاع عويش : انا اريد اروح ويا هزاع ام هزاع : مالج حايه هناك ... قري مكانج عويش : اريد اروح عند ودوم .... بلييييييييز ام هزاع : شو بليس ... بليس بلس عدوج ان شاء الله عويش : هههههههههه مب بليييييس بلييييييز يعني ارجوج ام هزاع : قولي حق هزاع اذا طاع روحي عويش : لا والله ... لازم تكلمينه انتي ... تعرفين انه يعاندني وما بيطيع ام هزاع : ما يخصني ... وبندي الموضوع لأنج حشرتيني عويش : والحل ... لازم اروح ... بدق له وبشوف حظي دقت عويش حق هزاع ورد عليها هزاع : الوووووووو عويش : اهلين شو اخبارك هزاع : الحمدلله ...شو تبين عويش : اممممممممممممم .. اريد اممممممممم انا .. انا متصله عشان شو اسمه ... امممممم اريد هزاع : بتتكلمين ولا ابند التيلفون على ويهج عويش : انت من الحين جيه كيف لو قلت لك شو ابا شو بتسوي هزاع : قولي شو تبين يالله عويش : اريد ...... اروح معاك بيت عمي عوض هزاع : بس .. اوكي تجهزي بس مب الحين لأني بروح العصر عويش : صدق تتكلم ولا هزاع : وليش ما اوديج يعني ... وين رايحين نحن ... خلني آخذج معاي يمكن انسى ضيجتي عويش : اموووووووووواح ... صدق انك تعيبني هزاع : الحين اعيبج ؟؟ صدق انج عيارة عويش : هههههههههه افففف مليت من البيت هزاع : واللي يقول بوديج ما ادري وين عويش : المهم طلعه يا ولد الحلال هزاع : يالله ببند لأني مشغول باي عويش : باي مر الوقت ورجع هزاع البيت وتغدوا كلهم ودق حق عمه وقال انه بيهم العصر وتجهزت عويش حق الروحه وراحو صوب عمهم العصر ... .................. في بيت عوض عوض رايح صوب وديمة عوض : ودوووووووووووم ...وديمة وديمة : لبيـــه عوض : تعالي وانا ابوج .. اريدج بكلمه وديمة : هلا ابويه .. تباني ايب لك شي عوض : لا بس ريلج هزاع ياي هوه واخته عاشة ... عاده يبون فواله وديمة : ولا يهمك كل شي بيكون جاهز ان شاء الله عوض : بارك الله فيج وراحت وديمة وآمرت على البشكارة تعدل الميلس وتوري ضوو وخلت الطباخ مالهم يسوي خفايف وجيه وراحت عدلت الفواله في الميلس ودخنته وراحت المطبخ تقول حق البشكارة تطلع الافوكادو وتخليه عشان تسويه عصير يوم بيون وجيه وتجهز الكوبات وتغسل الصحون وطلعت الكيكه اللي كانت مسوتنها بعد ما خلصت الغدى لأنها دوم تحب تسوي حلويات وجيه وبعدين راحت وديمة تتسبح وتتجهز الساعه 5 وصل هزاع وعويش بيت عوض ودخل هزاع الميلس وقعد يتريا وكان باب الميلس مجابل المطبخ الخارجي ويلست عداله عويش هزاع يكلم عويش : ايه .. وين تبين انتي .. شو ميلسنج هنيه عويش : يالله بالستر يالسه ويا اخوي بعد شوه هزاع : روحي عندها مب تيلسين عندي عويش : عند منو ؟؟؟ هزاع : عند وديمة عويش : تعرف اسمها ... الحمدلله يوم تعرفه هزاع : شو قصدج يعني عويش : اول مرة اشوف واحد مالج وجيه يكون مثل حالتك ... بارد ولا يهتم وراحت عويش ويلس هزاع يفكر بكلامها ويقول بخاطره معقوله اكون مقصر وصدق انا بارد ... هيه بارد لأني ما احبها ولا مهتم افففففففففففف والله حاله شوي رفع عينه صوب الباب لقى وحده رايحه المطبخ الخارجي تكلم الطباخ وهيه راجعه عقت الغشوة وشاف انها وديمة لأن قصتها الغليضة مغطية يبهتها ويت عينها بعينه من بعيد وتلحفت وشردت بسرعه ومن شاف عينها تذكر سلامه شوي إلا داخل عليه عمه عوض وسلم عليه وقعدو يسولفونوبعدين يا عمر عم وديمة وقعد مع هزاع وبعدين راح لأن وراه شغله .... اما عويش ويا وديمة في صالة البيت وكان قلب وديمة يدق بسرعه وكان بالها مشغول بهزاع لأنه عيبها وايد ومر الوقت عويش تكلم وديمة : وديمة اريد ادق على هزاع عشان نروح ونسيت موبايلي وديمة : تو الناس ... ما قعدتو وايد عويش : وراي اشغال في البيت تعرفين الجامعه بعد كمن يوم وديمة : اها ... دقيقة بروح ايبه وايي ويابت وديمة الموبايل وعطته حق عويش عشان تدق لهزاع ورد عليها عويش : هلا هزاع هزاع : منو معايه عويش : انا عويش .... يالله نروح هزاع : منو رقمه هذا عويش : رقم وديمة .. دقيت منه لأني نسيت ايب تيلفوني هزاع : اوكي خمس دقايق وطلعي وترخص هزاع من عمه وطلع من الميلس وركب سيارته وسلمت عويش على وديمة وراحت في سيارة هزاع عويش : ما شاء الله عليها صدق انها طبيخه مب مثلي انا هزاع : منو هاي عويش : ودوم هزاع وهوه مب مهتم : اها عويش : كلت الكيكه هزاع : اففففففففف .... إلا قضيت عليها .. اصلا استحيت من عمي ولا جان خلصت الصحن هههههههههههههه عويش : هاي الكيكة مسوتنها حرمتك بيدها .. ما شاء الله عليها هزاع : اووووو صدق ... شو تبيني اسوي يعني اصفق ولا اغني ... انتي بعد ساعات ما ادري كيف تغدين ... عويش : انت قاسي .. ولا تقدر النعمة اللي بين ايدك هزاع : سمعي لين ما نوصل البيت ربع ساعه ... ان فجيتي حلجج خلال هاا لربع ساعه ما تلومين إلا عمرج عويش : ما تحس انك تغيرت ... عمرك ما كلمتني بها الطريقة هزاع : يا عويش ... يوم حد بيحرمج من اغلى شي عندج في الوجود شو راح يكون شعورج ؟؟؟ عويش : بس بالمقابل الله رزقك بوحده على مستوى سلامه .. يعني لا وديمة احسن من سلامه ولا سلامه احسن من وديمة هزاع : بس سلامه غير ووديمة غير ... يعني وديمة انا ما احبها ولا احس اني راح احبها عويش : الله يهديك وصلو البيت ونزلت عويش وهزاع وتم هزاع في الحجرة مالته يتذكر كلامه مع عويش ............................... ...... بعد العشى وديمة تكلم بشكارتهم وتقولها : روحي هاتي التيلفون من الصاله وراحت البشكارة ويابت التيلفون وبدون ما تحس ضغطت على الارسال وكان آخر رقم رقم هزاع ورد هزاع : الوووووووووووو ... الووووووووووو وطالع الرقم ولقى الرقم رقم وديمة اللي كانت عويش داقه منه وتم ساكت ومستغرب شلت وديمة التيلفون وطلعت البشكارة من الحجرة ويايه بتدق ولقت حد على الخط وقالت : الوووووووو هزاع : واخير .... وديمة : منو معايه هزاع : داقه عليه وتقولين منو معايه ....؟؟ وديمة : صدق انك جليل الحيا وسكرة على ويهه ولا تعرف منو هذا شوي إلا هزاع داق وديمة ما ردت وتم يدق ويدق وردت وهيه معصبة : شو تبا هزاع : انا جليل حيا ... صدق انج ما تستحين على ويهج وديمة : لا والله انت اللي ما تستحي داق تغازل هزاع : خبله انتي ولا مينونه ... حد يغازل حرمته وديمة : حرمت عليك عيشتك ... والله لو اعرف رقم ريلي جان خليته يعرف كيف يأدبك هزاع مستغرب من كلامها وقال: وديمة وديمة خافت من سمعت اسمها وقالت : يا ويلي ومن وين تعرف اسمي ؟؟ رحت فيها .. يا ويلي ... وكانت بتسكر هزاع يرد عليها ويقول : انا هزاع وديمة ما ردت لأنها ما تعرف شو سالفة ها الاتصال هزاع : وديمة ... انتي داقه عليه وتضاربيني شو سالفتج ؟؟ وديمة : والله العظيم ما دقيت ... انا بس قلت حق البشكارة تروح تيب التيلفون ويابته لي ويايه بدق حق عمتي وطلعت لي انته هزاع : عيل هاي بشكارتكم دقت ارسال بالغلط وديمة : اسمحلي والله ما اقصد كنت اسبك ولا اغلط عليك هزاع : لا عادي ما صار شي وديمة تمت ساكته هزاع : شو بلاج سكتي ؟؟ وديمة : لا ماشي .. بس متفشلة شوي هزاع : رقمج منقع وايد .. منو مطلعنه لج ؟؟ وديمة : اخوي فيصل هزاع : هيه .. ما رام يطلع رقم عدل وديمة : خلها على الله هزاع : انتي تدرسين في الجامعه ويا عويش صح وديمة : هيه ... اقول هزاع هزاع : هلا وديمة :ببند لأني اسمع صوت فيصل هزاع : شو يعني خايفة منه ... تراج تكلمين ريلج وديمة : انت ما تعرفه كثري دخل فيصل عليها وعقت وديمة التيلفون وقال فيصل : وينج يا الحيوانه ... ازقرج من الصبح تعالي حطيلي عشى يالله .. ترى مب متفيج لا حقج ولا حق غيرج وديمة : ان شاء الله وطلع فيصل وشلت وديمة التيلفون وقال هزاع : هذا فيصل وديمة وصوتها في رجفة وخوف وصيحه : هيه هزاع : وليش يسبج ... صدق انه ......... وما كمل كلامه وديمة : بروح عن يسوي شي اكبر عن جيه هزاع : ليش هوه يمد ايدينه عليج وديمة ما ردت هزاع : تعرفين لو يمد ايدينه عليج لكسرها له .. انتي بس لو سوالج شي دقيلي وشوفي شو بسوي فيه قسم بالله ما اخليه يعيش وديمة : هزاع لا تكبر السالفه ... تعودت تراني هزاع : انتي يا وديمة حرمتيه الحين ما له خص فيج ها الهيس وديمة : تعرف مالي في ها الدنيا غير ابوبه وانته هزاع تم ساكت لن الكلمة اللي قالتها كبيرة وكسرت خاطره حالت وديمة ديمة : يالله لازم اروح هزاع : دقيلي اذا صار شي .. او اذا احتجتي شي انزين وديمة : انزين وراحت وديمة .... وها الاتصال غير مشاعر هزاع 180 درجه اتجاه وديمة وهوه حس بها الشي وصار كلامها وصورتها ما تفارق خياله ...وهزاع كله في باله جملت وديمة يوم قالت له " تعرف مالي في ها الدنيا غير ابوبه وانته " ................................ ________________________________________ في اليوم الثاني يوم الثلاثاء في ابوظبي الساعه 6 الصبح في بيت بوضاحي رن المنبه في حجرة ناصر وقام بالزور عشان يروح الدوام وتسبح وتلبس وطلع الصاله لقى امه ناصر : السلام عليكم ام ضاحي : وعليكم السلام ناصر : شو اخبارج ام ضاحي : الحمدلله شوي إلا نايف نازل من حجرته نايف : السلام عليكم ناصر وام ضاحي : وعليكم السلام ام ضاحي : ناصر ترى البنت وافقت وبنروح باجر العين ناصر : والله ... او زين زين ... شو رايكم نروح اليوم ونبات وآخذ اجازة ام ضاحي : خل عنك ها السوالف باجر يعني باجر نايف : مبروك مبروك تستاهل .. فديت اخوي اللي بيتزوج ناصر : الله يبارك فيك نايف : المشكله اني التوأم مالك اخافها تغلط فيني يوم تي هنيه البيت هههههههه ناصر : ههههههههههه تخيل عاده ... بجتلك عيل عشان افتك منك نايف : لا والله ام ضاحي : هههههههههههه ناصر : يالله لازم اروح الدوام اخاف اتاخر نايف : انا مواعد خلوف بنروح شويه ورانا شغله ام ضاحي : يالله شد حيلك يا نايف عشان نخطب لك ان شاء الله نايف : تو الناس .. خليني اعيش الحرية ام ضاحي : جيه الحرمة سجانه عشان انت تحاتي الحرية على قولتك نايف : كل شي جايز ناصر : هههههههههه سجانه .... هههههههه حلوه .. يالله مع السلامه .. اموت انا في ها الجملة يالله مع السلامه ... تعرفون ليش ... ولا ماله داعي ... وراح ناصر وهوه طول الوقت يفكر بسلامه وفرحان انها وافقت عليه وانها بتصير حرمته ونايف راح ويا ربيعه خلوف ويلست ام ضاحي في البيت تتريا ضاحي ينزل عشان يتريق ويروح دوامه ............................... في بيت سلطان ( بوهزاع ) قبل لا يروح هزاع الدوام لقى ابوه في الحوي يمشي عند الزراعه والنخل سلم عليه سال بو هزاع ولده وقال : ها شوه اخباره عمك هزاع : يسرك حاله بوهزاع : متى ناوي تعرس هزاع : بالصيف ان شاء الله بوهزاع : خلاص يعني نعطيهم خبر من الحين هزاع : هيه بس من الحين انا بيلس ادور حجز وجيه وان شاء الله القى بوهزاع : زين عيل ما باخرك على دوامك وراح هزاع وركب الرنج ماله وهوه واقف عند الاشارة يت على باله وديمة وطرش الها مسج كاتب في " شو اخبارج .. ان شاء الله بخير .. طمنيني عنج " ووصل الدوام ولقى احمد هناك وقال احمد حق هزاع ان سلامه وافقت على ناصر وانهم بيون بيتهم باجر .... الساعه 11 قرت وديمة المسج وردت عليه وكتبت " انا بخير الحمدلله .. ولا تحاتي فيصل ما سوى شي .. انت علومك " هزاع من وصه المسج سيده دق عليها تيلفون ردت وديمة : الوووو هزاع : هلا والله وديمة : اهلين هزاع : الحمدلله انج بخير ... ووووووووول من متى مطرش مسج والحين تردين وديمة : اسمحلي كنت راقده ... عاد ما لقيت وقت تطرش فيه مسج غير الصبح ؟؟ هزاع : هههههه .. كنت رايح الدوام وخطرتي في بالي وديمة : والله هزاع : هيه والله وديمة تمت ساكته هزاع : المهم الحين ببند عنج لأن ريال يباني وديمة : انت الحين في الدوام هزاع : هيه ليش وديمة : لا بس حبيت اقول دير بالك على عمرك هزاع : صح توني تذكرت وديمة : خير هزاع : لا ماشي مب مهم يوم بتاكد بقولج وديمة : لا قول هزاع : ماشي تخبرني ابوي عن موعد العرس وقلت له باجازة نص السنه شو رايج وديمة تمت ساكته هزاع : وديمة وديمة : هلا هزاع : ليش ساكته يناسبج ولا ؟؟ خاصه لأنج تداومين في الجامعه وديمة : ما اعرف لا تسالني هزاع : عيل اسال منو وديمة : برايك بسكر هزاع : ودوم وديمة : هلا هزاع : تستحين وديمة ما رامت ترد عليه وتمت مستحيه هزاع : خلاص عيل بما انج ساكته يعني اوكي وديمة : يالله بسكر تامرني بشي هزاع : هيه وديمة : شو ؟؟ هزاع : لا تقطعين اتصالاتج عني وديمة : ان شاء الله ... وسكرت سيده هزاع منصدم .... سكرت بويهي هههههههههه ما تنلام وديمة في عالم ثاني قامت تفكر كيف بتتجهز وشو لازم تسوي وما لقت غير انها تدق حق عمتها هدى وتقولها كل شي ... ................................. الساعه 11 في بيت حمد سلامه وحصه توهن ناشات من الرقاد سلامه تكلم حصه وهيه تتسحى وتقول : كيف الحين انخطب وما ادري متى المجلة والعرس ووراي جامعة اففففففففف حصه يالسة على كرسي في الحجرة وتقرا المجلة وقالت : يوم بيصير كل شي ذيج الساعه فكري بكل شي سلامه : حزرج هزاع عرف ؟؟ ولا اقولج شي بتنصدمين منه طلع ناصر ربيع هزاع حصه : ادري سلامه : ومن وين تعرفين حضرتج ؟؟ حصه : احمد خبرني ... يابوج انا ما يفوتني شي سلامه : آآآآآآه حصه : بروح اتريق لأن بطني لاصق بظهري سلامه : وانا لاصق في عمودي الفقري ههههههه حصه : لا والله تستخفين دمج انتي ولا كيف سلامه : احاول حصه : بروح اشوف لي شي آكله ولا تراني باكلج سلامه : بسم الله ... شو تاكليني ... حرام عليج بعدني ما تهنيت في حياتي حصه : من حلات طعمج عشان آكلج سلامه : ودج اصلا ... اقول خطفي جدامي حصه : اقولج حلمت حلم غريب سلامه وهيه تمشي معاها صوب المطبخ وتقولها : شو الحلم خبريني ؟؟ حصه : عسى ان يكون خيرا .. بس حلمت انه راس غانم وريم راس ثعابين بس الجسم جسمهم هم ... اعوذ بالله ...وزغت وقمت سلامه : الله يستر .... المهم الحين وين الكورن فليكس ووين التوست .. |
حصه : اممممممممممم شو نسوي ريوق ... وين سرياتي سلامه : شو دراني حصه : بروح اشوفها وراحت حصه تدور سرياتي ويت ام غانم المطبخ وايقت على سلامه وطلعت ويت بعدين شمه تركض ودخلت ويلست على الكرسي وقالت حق سلامه : سلامي سلامه : هاه شمه : اريد ماي صبيلي سلامه : وشوه تبين بعد شمه : واريد ... اممممم انتي شو تسوين في المطبخ ؟؟؟ سلامه : بسوي سندويش وحليب شمه : اريد كورن فليكس ما تريقت وتوني واعيه ويوعانه سلامه : انا ما اعرف اسوي كورن فليكس .. انا اعرف اعطي كففففففف شمه : هههههههههههههههه .. ما تعرفين تسوين كورن فليكس .. ههههههه انزين اريد ماي سلامه : حووووووووو اشتغل عندج انا عشان ايب لج ماي شمه : اففففففففففففففففف ... انتي كسوله سلامه : سيري لاااااااااااااااااا ... صدق انج تطفرين الواحد شمه : اريد ماي ... اريد ماي ... وين حصه سلامه : شو تبيبها حصه ؟؟؟ تبينها ترضعج ولا ؟؟؟ طلعي يالله فكيني ويت حصه وهيه تسمع الحشرة حصه : شو بلاكن شمه : اريد ماي ولا صبتلي وكله تقول بعطيج كــــــــف حصه : حرام عليج ... البنت عطشانه ولا صبيتيلها ماي ؟؟ سلامه : والله زين يوم نشيت من الفراش شمه : واريد كورن فليكس لأن سلامه ما تعرف تسويه حصه : هههههههههههههههه ... هيه قالت لج انها ما تعرف ههههههههه تقص عليج شمه : سلامه جذابة حصه : هههههههههههه ... عيب حبيبتي .. يالله خذي الماي وانا بسوي لج كورن فليكس بس قعدي ولا تتحركين ولا تحشرينا شمه : انزين سلامه : شمه متى بتكبرين وتفكينا شمه : ما اعرف حصه : سلامه بس عاد كله ولا شموه احبها ها البنت سلامه : انزين يالله متى بيخلص الريووووووووووق ... حصه : تراها تسويه شو تبينها بدقيقة تخلصه سلامه : يالله سرياتي انا يوعانه سرياتي : جين جين ... سبووووووور شويااااااه شمه : هههههههههههههه تضحكني يوم تتكلم سرياتي حصه : ههههههه جب شمه عيب سلامه : هههههههه ضحكتني لو انه مافيني ضحكه سلامه : بروح العين مول اليوم شمه : زين اريد اروح العب حصه : هيه اريد آخذ بدله سلامه : بقول حق امي بعد ما اتريق مرت ساعه واتريقن وقالت سلامه حق امها انها بتروح العين مول عشان تتشرى بعض الاغراض وخلتهن يروحن ..... ..................... في العين مول توهم داخلين العين مول راحت ماريا وشمه صوب الالعاب اما سلامه راحت باريس غاليري عشان تشتري ميك اب وعطور وعشان يخلصن كلهن مع بعض ولا يتاخرن قالت حصه بتروح صوب محلات العبي والشيل تمت سلامه في باريس غاليري وحصه صوب محلات العبي والشيل ... كانت مندمجه سلامه في العطور والساعات دخل واحد من الشباب المحل ولا انتبهت له وكان ناوي يتشري عطور هدايا وجيه سمعت صوت تعرفه وطلع هزاع ياي يتشرى عطور وما انتبه حق سلامه وسلامه حاسبت بسرعه وطلعت وراحت صوب مكس وتقول بخاطرها " زمن يفرق ويجمع بنفس الوقت .. وساعات يداوي الجرح وساعات يجرحنا " ...... اما حصه فكان واحد من الشباب ملعوزنها من كثر ما يلحقها واللي خوفها اكثر كان يمدح حلاتها وجسمها فخافت منه وكان يرقم وما كانت تعرف شو تسوي وشلت عباتها وعبات سلامه وطلعت من المحل وراح صوب الهوم سنتر وبعده يلحقها وبعدين مرة صوب الستاربوكس شافت عبدالله الجزء العاشر الستاربوكس شافت عبدالله قاعد وقالت في خاطرها " زين يوم الله يابك " وراحت صوبه وهيه متغشية بس الغشوة خفيفة فيبين شوي ويهها حصه : عبدالله الحقني عبدالله : منو ؟؟ حصه : انا حصه ... ما عرفتني عبدالله : شو بلاج ؟؟ شوصاير ؟؟ حصه : هذا السبال يلحقني من الصبح ملعوزني والله عبدالله : وينه ... ؟؟ حصه التفتت و ما لقته كده شرد الريال من شافها تكلم عبدالله .. حصه قالت : شرد ... حسبي الله عليه .. طفس خسه الله عبدالله : قعدي انزين ... محد شباب هنيه تعالي قعدي حصه : والله بموت من الخوف ... عمره ما صار معاي ها الشي عبدالله : انزين قعدي وارتاحي .. واشربي شي وبعدين روحي يلست حصه وما تدري كيف يلست وخذت راحتها ويا عبدالله عبدالله سألها وعينه ما افترت دقيقة عن عينها : شو صار قوليلي ... ومنو ياي معاج ؟؟ حصه : يايه البشكارة وقاعده تعلب شموه وسلامه تتشرى وانا قلت اخلص شغلي والحقهن وجيه اما هذا الخايس طفربي .. عمري ما شفت مثله عبدالله : حصل خير ... شو تبين اطلب لج ؟؟ حصه : لا مشكور ... بس تصدق الحمدلله اني لقيتك ولا ما ادري شو كنت بسوي عبدالله : هههههههه ... اصلا انتي بمكان عام ... ما يقدر يسوي شي حصه : بس انا خفت ... والحمدلله انك هنيه ... بس انت متى ييت من السفر عبدالله : امس واليوم بمر بيتكم انا وابوي عشان نكلم ابوج حصه : بخصوص شوه عبدالله : الشغل يرن تيلفون عبدالله وكانت اخته ميرة عبدالله رد عليها وقال : الووووووووووو ميرة : اهلين عبدالله : ها شو تبين ؟؟؟ ميرة : وين انته ؟؟؟ عبدالله : في الكوفي ميرة : شو تسوي ... عبدالله : تحقيق هوه ولا كيف ميرة : لا بس كنت اتخبر ... ومتى بتينا بوظبي لأن بنات عمي بيكونون عدنا اليوم ؟؟ عبدالله : زين يوم قلتي عشان ما اروح صوبكم اسبوع كامل .. يالله باي ميرة : يالله بالستر ... اسولف معاك والله ... بس كنت اريد تيب لي شغله من العين عبدالله : بعدين ... عندي ناس الحين .. باي ميرة: يالله باي وسكرت اخته ميرة عبدالله : حصه .. هاي كانت اختي ميرة حصه : هيه عبدالله : اسميها تنرفزني يوم تطري بنات عمي حصه : ههههه .. ليش يعني عبدالله : ما اريد ولا وحده منهن حصه : وليش يعني ؟؟؟ عبدالله تم ساكت ويشوف حصه حصه : بدق على سلامه بشوفها وين عبدالله : وين ؟؟ ما طلبت لج شي حصه : لا مشكور ... لازم اروح عن يشوفني حد هنيه ويسويلي سالفه عبدالله : عيل على راحتج ... حصه : اسمحلي اذا تعبتك معايه عبدالله : لا يا حصه .. ما بينا ها الكلام واتصلت حصه حق سلامه وردت سلامه حصه : الوووووووووو سلامه : هلاااااااااااااااااااا ... وين انتي حصه : انتي اللي وين سلامه : انا هنيه عند شموه حصه :انا الحين يايه وراحت حصه صوب سلامه وشموه وراحن البيت وطول الدرب في السيارة ولا وحده منهن نطقت بحرف ............. في الحجرة الساعه 1 ونص الظهر حصه بعد ما خلصت من صلاة الظهر يلست على الكرسي تتذكر كيف قعدت مجابلة عبدالله وكيف كان يطالعها سلامه تقايس عباتها وقالت حق حصه : حصووووووووو حصه ولا ترد لنها في عالم ثاني سلامه : حصصصصصصه .. توني تذكرت تعرفين منو لقيت في باريس غاليري حصه : منو ؟؟ سلامه : هزاع حصه : صدق سلامه : هيه والحمدلله اني خلصت شغلي بسرعه ولا انتبه لي وهذا احسن شي حصه : اها سلامه : بسالج .. انتي من يتي مش على بعضج .. شو بلاج حصه : آآآآآآآآآآه ... لو تدرين شو صار سلامه : قولي زين ويت سلامة ودارت جدام حصه ويلست على الارض وتربعت وقالت : يالله قولي حصه : كان يلحقني واحد طفربي صدق انه ما يستحي على ويهه سلامه وهيه مندمجه : انزين حصه : رحت صوب الستاربوكس ولقيت بالصدفة تتوقعين منو ؟؟ سلامه : اللي يلحقج من الصبح حصه : لااااااااااااااااااا ... اللي يلحقني بعده يلحقني ... بس انا لقيت عبدالله سلامه : عبدالله .. هذا اللي عيونه جنان حصه : عليج نور سلامه : وبعدين حصه : قلت له السالفه ويوم كان بيروح يتفاهم مع اللي يلحقني كده شرد ولا رام يسوي شي سلامه : قولي والله ... بصراحه ما فيه حيلة ... وبعدين حصه : بعدين قالي قعدي واشربي شي .. طبعا لأني كنت خايفة وقعدت وبدون ما احس سلامه : يالله بالستر ............. قعدتي عند الريال ... يا قوية انتي ... حصوه .. لو شافج هزاع .. اصلا ما بيعرفج ... ما استحيتي كله الستاربوكس رياييل حصه : كان فاضي ... وانا اصلا ما طولت عنده ... ولا تلوميني واحد يلحقني ويقعد يوصف جسمي وانا امشي جدامه شو تتوقعين يعني يكون الموقف عادي عندي سلامه : قولي والله .. صدق انه ما يستحي ... ليته ما شرد حصه : اقولج قعدت ولا رمت احط عيني بعينه .. هذا طبعا اول خمس دقايق بس بعدين ما رمت اقاوم نظراته بصراحه ... عليه عيون يجذبن الواحد غصبن عنه سلامه : وبعدين ... كملي شو قالج ؟؟ حصه : دقت اخته وسولفت شوي وبعدين قلت اني بدق لج ورحت عنه ... بس لا تتخبريني كيف يتني الجرأة وقعدت ... تصدقين هوه اصلا شخص اليف .. غير احس يوم قعدت معاه ارتحت .. ما ادري ليش ... صوته وكلامه وعيونه كل شي فيه يخليج تنسين الهم سلامه : ايواه اطلع ..... هذا حبيب القلب هاه ؟؟؟ حصه : هههههههههههههه ... بس عاد لا تيلسين تجلبين المواقف على كيفج ... وقال انه بيي اليوم البيت عدنا سلامه : هيه عشان ابويه صح ... حصه : هيه شوي باب الحجرة يندق حصه : منوووووووووووو ؟؟؟ غانم : انا سلامه : يع .... حصه : ادخل فتح غانم الباب وقال : وين سهيل ؟؟: حصه : مب هنيه وطلع سلامه : فكه من ويهه حصه : تصدقين خفت وقلبي بريولي سلامه : هيه على بالج سمع كلامنا حصه : هذا ما يغلبة شي كل شي بيسويه سلامه : صدقج ... ولا المشكله لا سلم ولا سال عن حالنا حتى حصه : ما عنده مذهب سلامه : وينها حرمته ما تدور ولدها ... اسميهم حاله حصه : نروح نتغدى شو رايج ؟؟ سلامه : يالله ... بس بشوف أحمد وين دقت سلامه حق احمد ورد عليها وقال : هلااااااااااااااااا بالطش والرشششش سلامه : اهلين ... منو معاي احمد ولا احمد : لا الخباز معاج ... بنت فقر مب متعوده على الكلام الحلو سلامه : ههههههههههههههههه احمد : وين انتن اترياكن انا هنيه عند الغدى سلامه : انا ادورك عشان اتغدى معاك احمد : ها العروووووووووس ما بتسوين رجيم هههههههههههههه سلامه وهيه مستحية : احمد احمد يستهبل : سلاااااااااااااااااااامه ههههههههههههههههه سلامه : خلاص ما اريد اتغدى احمد : افاااااااااااااااااا ... خلاص تعالي ولا بعلق على شي صدق تعالي سلامه : وش لي ادق لك ...صدق اني مقروده وحظي نحس احمد : هههههههههههههههههه ... يالله زقري حصه عشان شموه عافسة الدنيا هنيه سلامه : اوكي يالله باي سكرت سلامه عن احمد وقالت سلامه حق حصه : يالله يا حلووووووووو لأن شموه عافسة الدنيا برع حصه : دقايق سبقيني وبلحقج .. راحت سلامه صوب احمد في غرفة الطعام وشوي ويتهم حصه وقعدو يسولفون وسهيل كان برع يلعب ويا الكلب بلاكي ماله ولقاه ابوه غانم ودخله داخل .. والمغرب يا عبدالله مع ابوه بيت حمد وقعدو يتكلمون عن الشغل وبعدين راح عبدالله وابوه بوظبي ................. الساعه 9 ونص في بيت شبيب (بوظبي ) وصل عبدالله وابوه البيت ودخلو الصاله وكالكل كان قاعد هناك سلمو ويلسو عبدالله يكلم ميرة : ميرة قررت ميرة : شو ؟؟ عبدالله : اخطب ميرة : منو .. العنود ولا ... وما كملت كلامها عبدالله حط ايده على حلجها وسكره وقال: لا تكملين ولا ترى بهون اقولج منو ميرة تأشر صوب ايده وتقولها خوز ايدك خوز عبدالله ايده وقال : مب من العايلة اللي اريدها ميرة : تعالي الحجرة وقول السالفه أمون : شو عدكم تتصاصرون ؟؟؟ شركونا معاكم ام عبدالله تكلم عبدالله وتقول : شو اخبارك يا عبدالله ؟؟؟ اشوفك تعيبين ... ليش ما تتعشى وتروح توطي راسك وترقد أمون : امايه ترى عبدالله وميرة بينهم شي وما خبروني عبدالله : انتي شو حارنج ميرة : قلت لك خلنا نروح الحجرة عبدالله : اصلا الحين انا وانتي وامي بنروح نتفاهم في الحجرة ميرة : زين والله ... هههههههههه احس اني مهمه عبدالله : تبيني اهون ميرة : لا يا بوك لا تهون ... خلني احس لو مرة اني شوي انفع في ها السوالف عبدالله : انا بروح الحجرة شوي وانتي سحبي امي حجرتج بدون ها الثنتين خواتج ما يحسن وانا بلحقكن اوكي ميرة : اوكي .......................... في بيت بوظبي ناصر يحاوم في سيارته ويفكر بسلامه وحالته حاله ويفكر باجر كيف بيكون .. .............................. يوم الاربعاء الصبح ام غانم ويا حمد يجهزون عسب ييت قوم بو ضاحي عشان خطبة سلامه ويشوفون شو ناقص البيت من اغراض وجيه والبيت معتفس فوق تحت يزهبون حق الفواله وجيه وعلى الساعه 9 طلعت ام غانم مع حمد السوق ... الساعه 11 نشت سلامه وطلعت ويلست في الصاله ولقت ريم مع بنتها موزة وسهيل سلامه : السلام عليكم ريم : وعليكم السلام سلامه : شو اخبارج ؟؟ ريم : الحمدلله بخير .. انتي اخبارج سلامه : بخير ريم : شو بلاهم امج وابوج .. شالين البيت على راسهم ... شو صاير جنه عرس عندهم سلامه : ما ادري .. ليش شو صار يعني ؟؟ ريم : مرتبشين مع الطبابيخ ... وما ادري شوه سلامه : هيه ليش انتي ما دريتي ريم مستغربة : لأ ...؟؟ سلامه : سألي امي وبتقولج شو السالفه انا بروح اتريق وقامت سلامه وريم تكلمها ريم : تعالي .. انتي قولي شو السالفه سلامه وهيه تمشي قالت : يوعانه .. دقي حق امي وساليها ريم وهيه مغيضة : اوكي يا سلاموه ... ادق ليش ما ادق ودقت حق ام غانم وردت عليها سيدة ريم : الووووووووووووو ام غانم : اهلين ريم : كيف حالج عمتي ام غانم : الحمدلله ريم : اقول عمتي ام غانم : قولي .. شو صاير ؟؟ اليهال فيهم شي ؟؟ ريم : لا ما فيهم شي ... بس انا اريد اعرف شو السالفه شو صاير ؟؟ ام غانم : عرب يايين يخطبون سلامه .. وبس ريم : وافقت عليه سلامه ولا ام غانم : هيه وافقت ريم : وانا آخر من يعلم ؟؟؟ ام غانم : والله انتي محد كله في بيت امج كيف بتعرفين عن ها العلوم ريم : ولو لازم كنتو تدقون لي ام غانم : اقولج انا وراي الف شغله بنتفاهم عقب ريم : اوكي بندت ريم التيلفون وهيه معصبة وراحت ودقت حق غانم وانصدم غانم لأنه ما يعرف وعصب وكان برع البيت ورجع البيت .... وخلت سرياتي تاخذ سهيل وموزة وتقعد معاهم في الحجرة مالتها فوق ... الساعه 12 ونص يا غانم وراح عند ريم اللي كانت في الصاله ريم : اللحق يا غانم اللحق ... خطبو ونحن ما ندري غانم : ومتى صار ها الكلام ؟؟ وكيف ما يشاوروني وانا اخوها ريم : والمشكله اسال سلامه وما قالت لي السالفه يلست تلف وتدور غانم : وينها ها السباله ... ولا تحلم تاخذه وما بيصير اللي يبونه لأنهم ما حسبولي حساب في ها البيت ريم : انا شفتها رايحه صوب المطبخ وما يت اكيد راحت غرفة الطعام وراحت ريم ويا غانم يدورون سلامه وبنفس الوقت نشت حصه وراحت صوب المطبخ ولقت شمه توها قايمة من الرقاد بعد وخذتها معاها في غرفة الطعام يا غانم ولقى سلامه تاكل غانم وبصوت عالي : ها العروس قاعده تاكلين اشوف سلامه منصدمة وتمت ساكته ولا رامت تصرط اللقمة ريم : هيه الحين سكتي غانم وقف عدالها وقال : ما بتاخذينه .. وانا اعرف كيف اخلي ها الشي يصير سلامه نشت وشلت صينية الريوق وهيه بتموت من الغيض شوي ويزخ ايدها غانم ورص عليها وتم يرص سلامه عورتها ايدها فطيحت الصحون والصينية ودزت كتف غانم بصبوع ايدها وصارخت وقالت : شو تبا ... انت شو تريد منا ... ليش ما تفكنا من ويهك .. انت اصلا مالك شور عليه انزين غانم وهوه معصب : وتردين عليه بعد وتدفريني ؟؟ ويصفعها وريم يرت شعر سلامه بس سلامه ما قصرت ضربت ريم وغانم زخ سلامه من ايدها وكان يردد ويقول : ان ما خليت ها البيت كله تحت ريلي ما بكون غانم وسلامه : تصارخ حصه سمعت الحشرة ويت تركض وشافت الموقف وزاغت وتمت تصارخ وتقول : حسبي الله عليكم وراحت تدافع عن اختها وتخوز ريم وشوي إلا احمد داخل البيت كان ناسي شي في حجرته وياي ياخذه وطلع من الدوام بس عشان ها الشي وسمع الحشرة ويا صوب غرفة الطعام وشاف الموقف ومن شافت ريم احمد خازت واحمد زعق زعقة : غانوووووووووووووم حدك لهنيه وراح احمد وضرب غانم وسلامه طايحه على الأر ض مب عارفة شو تسوي تصيح ولا تشرد ولا شوه ... اما غانم تم يتضارب ويا احمد شوي إلا حمد وام غانم داخلين البيت وغرفة الطعام الحرب فيها قايمة ... في الصاله حمد : شو ها الحشرة ؟؟ شو ها الزعيق ام غانم : ما ادري .. خلنا نشوف من وين ها الحشرة ياية حمد : صوب غرفة الطعام وهم رايحين صوب غرفة الطعام لقتهم ماريا البشكارة وقالت وهيه ترتجف ومطيرة عيونها : بابا ماما .. بوكس بوكس حمد : شو بكسه ؟؟ شو تقول هاي وراح يمشي هوه وام غانم بسرعه صوب غرفة الطعام وكل ما يتقربون الصوت يعلى ويعلى ودخلو غرف الطعام وسيدة راح حمد صوب احمد وغانم يفجج بينهم وام غانم تتخبر ريم وحصه شو صاير ... ريم راحت حجرتها سيدة وهيه تركض اما غانم واحمد تفججو احمد : يا الخايس .. .. صدق انك مب ريال حمد : شو صاير هنيه |
حصه راحت صوب سلامه وحضنتها وقالت : ابوية الحق شوف شو سوو ....شوف شعرها كيف غدا .. لقيتهم متولينها بثنيناتهم غانم : جب يالله جب حمد وبدون ما يحس وهوه معصب قال حق غانم وهوه زاغدنه (ماسك رقبته ) : اطلع من بيتي يا النذل ام غانم راحت صوب بو غانم وزخته من ايده وقالت : لأ ... اكيد سلامه سوت شي وإلا غانم ما بيي صوبها حمد دزها وقال حق غانم : تطلع انت وحرمتك الحين احمد بصوت عالي : والله لذبحك وراح صوب غانم بس حمد زخاه سلامه قامت وشلتها حصه ... ام غانم راحت صوب غانم وقالت له : شو بلاك انت واحمد وانت وسلامه .. شو مستوي هنيه غانم : سلامه ما بتاخذ اللي ياينها... وكيف انا آخر من يعلم ؟؟ حمد : خسك الله .... ما مكفي مفشلني بين الرياييل في الشغل تي تسوي جيه في البيت صدق انك سبال ام غانم : لا تغلط على ولدي حمد : واقولك يا غانم ... ما يخصك بعيالي وسلامه بتاخذ ناصر ام غانم قعدت على الكرسي ويلست تصيح غانم وقف عدال امه ويلس يهدي فيها ام غانم : يا حمد خل غانم في البيت وانا اوعدك انه ما بيسوي شي حمد : ما يتم يعني ما يتم احمد راح صوب ابوه وقاله بصوت خفيف : شو الحين ؟؟ حمد تم ساكت .... وام غانم تصيح وغانم متمسكن وصاير وايد حنون على امه ويحاول يكسر بخاطرها وخاطر حمد .. اما شموه فزختها هيلدا ويلست معاها برع عند الحوض حصه وسلامه راحن الحجرة ولحقهن احمد دخل الحجرة سلامه في الحمام تغسل ويهها وتشوف اذا فيه كدمات ولا شي الحمدلله في ويهها ما كان شي بس ايدها وظهرها وطلعت من الحمام وكان احمد يالس ويا حصه احمد يكلم حصه : اموت واعرف شو السالفه حصه : انا اصلا ما عرفت شو السبب الصدقي اللي خلى الخايسة ريموه وغانم يمدون ايدهم على سلامي احمد : صبري عليه ... بس لو ابوي ما يا جان ويه غانم متكسر الحين .. روحي شوفي كيف شقيت حلجة الحيوان هذا ... سلامه راحت تسحي شعرها وكان يعورها راسها وكانت تصيح يا احمد وحظنها وقالها : صدقيني ما قصرت فيه ضربته ضرب ولا عليه منه وابوي قال انه خلاص ما بيعيش عدنا بس امي تصيح .. المهم انتي لا تصيحين وناصر بتاخذينه واليوم بيون بعد والله يوفقكم سلامه : كيف ايون وانا جذية ... ما اريد احمد : سلامه ... ما تسمعين كلام اخوج احمد ... تبيني ازعل ولا كيف سلامه : لا مب جيه احمد : شو السالفه .. شو خلى الموضوع جيه يكبر سلامه : باختصار غانم متضايق ليش ما عرف عن ناصر من بداية السالفة وبس احمد : اها .... صدق انه قلبه اسود ... ولا عنده ذرة كرامة مفشلنا حصه : يالله ... هذا اخو ولا عدو ... ولا يمد ايده على اختي .. ما يستحي على ويهه ... وريم السباله .. صدق انها طاحت من عيني سلامه : والله راسي يعورني احمد : هاتي راسج ابوسه ... صدق انج ما تستاهلين سلامه : حصه تعالي شوفي ايدي كيف يت حصه وشافت ايد سلامه واحمد بعد شافها ولوت حصه على سلامه وقعد احمد على الكرسي يفكر بكل هذا اللي يصير وسلامه سحت شعرها وكلت حبة بندول وراحت ترتاح على الشبرية وحصه انسدحت عدالها وشوي طلع احمد يشوف الجو برع ام غانم تصيح في حجرتها وغانم راح عند حرمته فوق وحمد في صالة حجرته دخل عليهم احمد حمد يطالع أحمد بنظرة حايرة احمد راح صوب امه ولقاها على حالتها تصيح وحالتها حاله وكسرت خاطره وراح صوب ابوه وقال : سامحه ها المرة .. عشان خاطر امي حمد : بس انت شفت اللي سواه شويه احمد : ادري ... بس شو نسوي مهما يكون يبقى واحد منا حمد : اختك شو اخبارها احمد : لا تحاتي سلامه حمد : اصلا غانم ما خلى حد في الشركه عندي إلا مفنش مصطفى ووايد موظفين معتمد كنت عليهم احمد : هذا بشوه يفكر ... حسبي الله عليه حمد : على منو طالع خبيث ؟؟ الله يهديه بس احمد : ابوي روح طيب خاطر امي وانا بروح الدوام اودي الورقة المهمه اللي عندي وراجع ان شاء الله عشان اتجهز اجابل الرياييل وانا مرتاح شوي حمد : يالله روح وانا بظبط كل شي وراح احمد الدوام وحمد قال حق ام غانم انه غانم يقدر يتم في البيت بشرط انه ما يتعرض لأي حد في البيت ....البشاكير راحن ينظفن غرفة الطعام وشلن كل الاشياء المتكسرة هناك ورتبو البيت اما شموه فدخلوها عشان تتغدى وريم ما نزلت ابدا وعيالها عندها وغانم بعد ..... ............................... العصر الساعه 5 ونص يو اهل ناصر وقعدو الرياييل في الميلس ومعاهم حمد واما الحريم في الصالة كانت يايه ام ضاحي ورفيعه ويدتهم وخالات ناصر ثنتين يايات يشوفون سلامه وحطو الفواله وتقهويو وطلعت حصه وقعدت معاهم وسلامه في الحجرة متعدله بس مب طايعه تطلع احمد راح الميلس وسلم عليهم كلهم وطبعا على المعرس ونايف اخوه التوأم كان في الحمام يغسل ايده وما التقى بأحمد .. شوي ناصر طلع صوب سيارته وكان ناسي تيلفونه وراح بيبة شوي نايف طالع من الحمام وراح صوب احمد بيسلم عليه بس احمد على باله ناصر وتم قاعد نايف واقف جدام أحمد وقال : السلام عليكم احمد : وعليكم السلام ... ناصر كم مرة الناس يسلمون نايف : انا مب ناصر انا اخوه نايف التوأم ماله أحمد سيدة قام وتوايه معاه وقال وهوه متلوم : اسمحلي والله اتحسبك ناصر ويلس نايف عداله وشوي دخل ناصر وقال احمد السالفه حق ناصر ويلسو يضحكون رن تيلفون أحمد ورد : الووووووووووو حصه : هلاااااااااا احمد احمد : ها شو صاير .. انا هنيه عند الرياييل حصه : سلامه مب طايعه تطلع هنيه عند اهل ناصر احمد : قولي والله ... ما عليه انا الحين بدق الها حصه : يالله باي طلع احمد من الميلس وراح الحوي ودق على سلامة تيلفون وردت احمد : الووووووووو سلامه : الوووووووووو احمد : سلامي يا حبيبتي سلامه : اكيد دقت لك حصه .... اعرفها الفتانة هاي احمد : مب عيب اللي تسوينه سلامه ساكته احمد : تعرفين بقولج شي سلامه : شوه احمد : تصدقين انه ريلج عنده توأم ما يتفرق بينهم ابدا سلامه : قول والله احمد عشان يرفع معنويات سلامه قال : هههههههه والله ... بقولج شو صار عليه من قبل شوي .. بس تعرفين ريلج حليييييييو سلامه تمت ساكته احمد : يالله روحي .. ولا تفشليني سلامه : ان شاء الله وسكرت سلامه التيلفون وسيدة راحت صوب الحريم واحمد دخل الميلس . الساعه 8 ونص راحو من صوبهم واتفقو ان الملجة بعد اسبوعين .. ومن راحو العرب دقت ام غانم حق غانم وقالت له ان حمد سامحه ووصته انه ما يعيد اللي سواه يوم الخميس راحت سلامه ويا حصه السوق يتشرن وجيه يوم الجمعة كانن يتجهزن حق الجامعه لن يوم السبت بيكون اول يوم جامعه .... ........................... يوم السبت الساعه 6 وربع رن المنبة قامت حصه وسلامه راقده ولا حاسة بالدنيا حصه توعي سلامه حصه : سلامووووووووه سلامه ولا تدري بالدنيا حصه : سلامه يالله قومي ... الاجازة خلصت والكد والتعب بدا سلامه ولا تحركت شبر من مكانها حصه نشت وتمت تهز سلامه عشان تنتبة وتقوم ونشت سلامه حصه : تو الناس زين يوم فتحي عينج سلامه : ليش شو صاير وشو السالفه حصه : يالله جامعه قومي تكشخي وتعدلي شو جدولج اليوم سلامه : اوووووووووووو ... انا اصلا ما اذكر شو مسجلة .. يالله بروح الارشاد بخليهم يسحبونه لي حصه : يعني عليج الساعه 8 ولا ؟؟ سلامه : لأ ما سجلت الساعه 8 بس عندي الساعه تسع مجتمع حصه : يالله عيل قومي تعرفين زحمة البنات والسيايير سلامه : اوكي قايمة حصه دخلت الحمام وسلامه لحفت راسها و ردت ترقد .. طلعت حصه ولقتها مغطية راسها ويتها وحطت حلجها صوب ذنينها وزعقت عليها وقالت : قووووووووووووووووومي ... سلامه فزت وقامت وهيه محرجه ومعصبة من حركة حصه .... وقامن وتعدلن وتلبسن وراحت حصه تشوف شموه اذا قامت عشان تريقها ولقتها واعية .. في الصاله يالسه شموه وحصه يتريقن شمه : حصه حصه : هااااااااااااه شمه : كنت اريد اغيب بس ماما ما خلتني حصه : احلى يوم في المدرسة اليوم الاول تقومين بعد وتاجزين ... ما كفاج الرقاد 4 شهور شمه : لا ما كفاني ... افففففففففف ... سلامه ليش ترقد وانا لأ حصه : منو قال انها راقده سلامه واعية شمه : انزين سهيل وموزة حصه : لا حووووووووووول ... بس كلي وانتي ساكته شوي احمد داخل عليهم احمد : السلاااااااااااااااااااااام عليكم حصه : وعليكم السلام احمد : شموه ليش ما تردين السلام شمه : انا مب كبيرة عشان ارد حصه : شموه احمد حاط ايدة ويمسح لحيته اونه يعني يخوف شموه : لا والله ... حصه ما يبالها ضرب على الصبح حصه : لا خلها ما فينا على حشرتها شمه وهيه خايفة من احمد : وعليكم السلام ... احمد : جيه اباج ... وتحبين راسي بعد حصه : مصختها عاده ههههههههههه احمد : يالله انا رايح حصه : والحليب ؟؟؟ احمد : ما فيني اتاخر ... بس وين سلامه ؟؟ حصه : في الحجرة احمد : بروح اقص عليها وراح احمد صوب سلامه ودق الباب وقالت له يدخل احمد : صباااااااااااح الخير سلامه : صباح النور احمد : يالله على الكشخه ... حق منو ؟؟ هاه جنج حاسه ؟؟ سلامه : حاسه بشوه ... وثاني شي انا متكشخه حق الجامعه بعد شوه احمد : المعرس ياي يصبح عليج هههههههههههههه سلامه : اونه .... بعدنا ما ملجنا وياي حضرته لو ملجنا شو بيسوي احمد : بروح اروغه شو رايج سلامه : تخبلت ولا شو ... شو تروغه ... تتحسبه عامل يشتغل عدنا هوه عشان انت تروغه احمد : ول ول ول .. قامت تدافع عنه .... اسولف معاج ... محد اصلا المعرس مب موجود بس حبيت اشوف شو بتسوين سلامه : يا السخافه ... صدق انه ما عندك سالفه وتقرب احمد منها ... وقال : شي بالخاطر لني بروح الدوام سلامه : سلامتك وراح احمد الدوام وطلعت سلامه عشان تتريق وكان ابوها يتجهز لأنه بيروح بوظبي عشان الشغل وجيه وصلت ام غانم شمه المدرسة وحصه وسلامه راحن الجامعه ........................... ________________________________________ الساعه 8:50 في الجامعه حصه وسلامه يالسات عدال بعض ومعاهن لطوف ربيعة حصه وميرة ربيعة سلامه يالسات في المبنى اليديد سلامه : ويه الحين بيبدا كلاسي المجتمع حصه تكلم لطوف : متى كلاسنا نحن ؟؟ لطوف : تسع وهنيه بيكون يعني تو الناس سلامه : قومي سارة يالله بوصلج كلاسج لنج في 66 صح معايه يعني بيكون ميرة : هيه معاج وقامت سلامه وميرة وراحن صوب مبنى 66 ويسولفن ودخلت ميرة كلاسها اما سلامه تدور كلاسها ولقته ويلست تتريا الدكتور وفتحت الشنطة وطرشت مسج حق حصه " حصوه عندي بريك الساعه 12 وين بلقاج ؟" وبها اللحظة يت بنية ويلست عدال سلامه وسلامه مندمجة وهيه تكتب المسج ويوم خلصت يايه بتعدل شيلتها ولفت صوب البنت اللي عدالها وكانت وديمة .... ووديمة صدت صوب سلامه وابتسمت وقامت سلامه ووديمة وسلمن على بعض وقعدن ودرت حصه بمسج " ما عندي بريك " والصدفة كانت ربيعتها ميرة بعد عندها كلاس لين 12 وثلث ... تمت سلامه تفكر منو بيقعد معاها في البريك دخل الدكتور ويوم خلص الكلاس راحت وديمة بدرب وسلامه بدرب والساعه 12 خلصت سلامه وراحت صوب ثلاجة الجلكسي شوي تشوف وديمة يايه صوبها وسالتها وقالت : اذا اريد سجلي وين اروح سلامه : تروحين الارشاد وديمة : اها .. اوكي مشكورة .. المشكله محد عندي يروح معايه سلامه : افا عليج .. انا بروح معاج وديمة : مشكورة يا ... ما اذكر اسمج سمحيلي سلامه : سلامه وديمة : خبرتني عنج عاشة بس نسيت اسمج سلامه : لا عادي وراحن الارشاد وبعد ما خلصت وديمة سلامه تقول : شي عندج الحين ولا بريك وديمة : بريك ولا ادري وين اودي بويهي .. ما اعرف وين اروح سلامه : خلاص تعالي معايه وراحت سلامه مع وديمة وقعدن في المبنى اليديد وطلبن اكل مع بعض وقعدن يسولفن وحبت سلامه وديمة ونست نهائيا انها لهزاع وانها حرمته الحين الساعه 1 يت حصه ولقت سلامه مع وديمة واستغربت ويت وسلمت وقعدت معاهن وسولفن ... رن تيلفون وديمة وردت : الوووووووو هزاع : اهلين ... شو اخبارج وديمة : الحمدلله بخير هزاع : هاه عليج دوام اليوم ... وصلت عويش اليوم الصبح الجامعه شفتيها ولا ؟؟ وديمة : لا عليها متواصل اليوم .. باجر عندها بريك معايه وبقعد معاها هزاع : والحين شو تسوين ؟؟ لايكون بروحج قاعده وديمة : لا معاي سلامه وحصه هزاع تمت ساكت فترة وديمة : هزاع وينك سلامه انتبهت لاسم هزاع وسرحت هزاع : موجود .. وديمة : المهم بخليك لأني قاعده مع البنات هزاع : سلمي عليهن وديمة : يوصل ان شاء الله هزاع : المهم انا بطرش لج شي اليوم وديمة : اتريا هزاع : يالله عيل باي وسكر هزاع عن وديمة وقالت وديمة : ترى هزاع يسلم عليكن حصه وسلامه : الله يسلمج ويسلمه استغربت سلامه انها قالت انه هزاع يسلم عليهن على بالها ان وديمة بتستحي ولا بتبين انها تكلم هزاع بس وديمة كانت عادي .... مرت الايام وزادت علاقة وديمة بسلامه وصارن ربع دومهن مع بعض وطلعن نفس التخصص وياخذن مع بعض اكثر من كلاس ... خلال ها الاسبوعين كانت سلامه تتجهز عشان المجلة وفصلت فستان وحجزت في الصالون عشان الميك اب وعزمت ربيعاتها ووديمة بعد ... وطرش هزاع لوديمة مجموعة عطور كان ماخذنهن من باريس غاليري واريج ومجموعة شموع حلوة حاطنهن في بوكس مرتب حق وديمة كهدية ... وويوم الاربعاء تحنت سلامه وكل اللي في البيت يعني ام غانم وشمه وحصه وريم .................... يوم الخميس يوم ملجة سلامه الساعه 10 حمد وام غانم طالعين السوق كالعاده يتسوقون ... قامت سلامه وحصه الساعه 12 ويلست سلامه تتصل حق راعية الصالون عشان تشوف الوقت اللي لازم فيه تكون في الصالون وقايست الفستان مليون مرة وحصه معاها ودقت حصه حق سارة عشان تشوفها متى بتكون في العين.. يرن تيلفون سارة وما ردت وراحت حصه وسلامه ياكلن شي ودقت سارة وحصه في الصاله مع سلامه وردت حصه : الووووووووو سارة : هلا والله ....... شو اخبارج حصه : الحمدلله ... وينج انتي ؟؟ سارة : كنت راقدة وشفت المس كول واتصلت الحين حصه : اها ... سوري عاده اذا اذيتج سارة : لا .. عادي حصه : متى بتكونين في العين ؟؟؟ سارة : ان شاء الله المغرب جيه .. تعرفين انتي لين ما اخلص تمكييج ويتكرم سعود ويشلنا حصه : اها ... جيه رويض ما بتي سارة : ما ادريبها حصه : يالله عيل بخليج بروح اغسل شعري وبنروح الصالون الحين سارة : اوكي عيل .. وين العروس وشوه اخبارها حصه : تبين تكلمينها سارة : بدق الها على تيلفونها حصه : يكون احسن هههههههههه سارة : يالله عيل باي وسكرت سارة عن حصه ودقت على سلامه وردت سلامه سارة : هلاااااااااااا بالعروووووووووس سلامه : اهلييييييييييين سارة : شو اخبارج .. وعلومج سلامه : الحمدلله بخير .. انتي اخبارج واخبار بوظبي سارة : يسرج حالنا سلامه : مب تتاخرين .. اباج معايه تكونين سارة : لا تحاتين .. بس شفتيه ولا ؟؟ سلامه : ههههههههههههههه سارة : ضحكتي يعني شفتيه .. الله يوفقج ان شاء الله ومبروك مقدما سلامه : الله يبارك فيج وعقبالج يا سويرة سارة : آمين سلامه : وشوه بعد سارة : لا جديد ... العلوم عندج انتي سلامه : هههههههههههه خلاص يعني عشان بملج بيكون عندي علوم واخبار ؟؟ ما يخصه ههههههههه سارة : لا والله ... بعدين بتكلمينه وبتتشاوفون بالدسه تعرفين انتي قصص المجلة وما قبل الزواج ههههههههههه والحركات وما ادري شو سلامه : هههههههههه ... لا ما يصير ها الكلام عندي انا سارة : علينا يا سلاموه ... علينا ... عيل خبريني كيف شفتيه هاه ؟؟ سلامه : يا ويلي منج ... سارة بس عاد سارة : اونها استحت ... يا حليلي انا اللي ما لي حظ كلش سلامه : لا تقولين جيه سارة : المهم بخليج الحينه لأن سعود يزقرني بشوفه شو يريد سلامه : خلاص عيل .. وانا بعد بشوف احمد سارة : ليش ؟؟ سلامه : بخليه يوديني هوه لان موحيدين مطرشينه ايب اغراض من السوق سارة : يالله عيل برايج سلامه : باااااااااااااااااااااي سكرت سلامه وراحت تشوف احمد اما سارة فراحت تشوف سعيد اخوها شو يريدها وتفكر باحمد ومصير مشاعرها صوبة ... راحت حصه وسلامه وشمه الصالون .. طبعا شمه بس سشورو شعرها اما حصه وسلامه تعدلن وطلعن يجنن ...وام غانم راحت الصالون وتعدلت معاهن ورجعو البيت من وقت عشان المعازيم في حجرة البنات سلامه : حصوووووه حصه : هلا سلامه : شو تشوفيني حلوة ولا حصه : تجنين سلامه : صدق ولا تجاملين حصه : خبلة اجامل ... وليش اجامل .. والله تهبلين شوي دخلت شمه ومعاها عويش اخت هزاع .. شمه يلست على الشبرية عويش : السلام عليكم حصه وسلامه : وعليكم السلام .. يا هلا عويش : اهلين .. مبروك مبروك ... شو ها الزين كله شو ها الحلات ؟؟ سلامه : اخجلتيني هههههههههههههههه حصه : حاشرتني من الصبح انا حلوة ولا ... عويش : بصراحه شي ... ولون الفستان يخبل ... اموت على شي اسمه تركوازي سلامه : ثانكس حصه : قعدي عويش ليش واقفة وقعدت عويش على الكرسي حصه : منو ياي معاج عويش : امي وقعدت في ميلس الحريم سلامه : وايد ناس يايين عويش : شو رايج انتي ... اشوف الميلس بادي ينترس سلامه : استحي ... خلاص ما اريد اعرس |
[gdwl][glint] شـكــ وبارك الله فيك ـــرا لك ... لك مني أجمل تحية . [/glint][/gdwl] راسي عورني:12::12:وانا اقرا خخخخخخ |
مشكووره على القصه الحلوه خلصت الجزء الاول والثاني ويعطيج العافيه |
مشكووور والله يعطيك العافية...:ف60: ولا هنت .. وتستاهل التقييم .. :ف060: ودمتم بوود .. |
وهذا الجزء الباقي من القصة بس لاهنتي اختي سنطرة انا هب ولد انا انا بنوته |
حصه : طاعو انتو هاذي ... شو ها الرمسة عويش : هههههههههه ... سلامه والله انج تضحكين طلعت شمه من الحجرة وقعدن يسولفن شوي شمه يايه ومعاها وديمة وميرة دخلتهن شمه وراحت الميلس وديمة وميرة : السلام عليكم الكل يرد : وعليكم السلام وراحن يلسمن على بعض وديمة تكلم سلامه : مبروك يا سلامه سلامه : الله يبارك فيج وديمة : ما اقدر اتم بس يايه ابارك لج واروح عمتي تترياني في السيارة برع سلامه : افا ليش وديمة : ما يصير ... تعرفين ليش سلامه : المهم مشكورة حبيبتي وديمة : مع ان هزاع قالي قعدي عادي بس انا ما اقدر لأن تعرفين الناس شو بتقول ما فيني مالجة قريب ورايحه ما ادري وين .. مافينا بصراحه سلامه : فديتج والله ... ان شاء الله نتزاور بعدين اكثر واكثر وديمة : ان شاء الله ... ولا تحاتين ترى عيوني الثانية موجوده هنيه ... عويش بتقولي كل شي سلامه : زين عيل .. سلمي على عمتج هدى وديمة : ان شاء الله يوصل .. ومبروك مرة ثانية سلامه : الله يبارك فيج وفحياتج .. ويالله مع السلامه وراحت وديمة ويت ميرة وحظنت سلامه ميرة : مبرووووووووك سلامه : الله يبارك فيج ميرة فجت سلامه وجابلتها وقالت : تجنين ... ما شاء الله عليج سلامه : عيونج اللي تجنن ميرة : تسلمين والله حصه : ميروه ما شفتي لطوف في الميلس ميرة : موجوده مع امها حصه : وليش ما ترد عيل على تيلفونها ... يالله انا بروح اسلم وبيب لطوف بعد شوي.. وراحت حصه صوب ميلس الحريم ومعاها عويش وتمت ميرة مع سلامه في الغرفة ويت سارة وامها وروضه وريم وامها بعد كانن موجودات في الميلس ويت بنت خالهم شموس وسلمت عليهم كلهم حصه ويو بعدين اهل ناصر كلهم واخته رفيعة وقعدت حصه معاها شوي وبعدين ..وراحت سارة ولطوف وشموس مع حصه الحجرة صوب سلامه وقعدن يسولفن وشغلو اغاني ويلسن يرقصن حق سلامه ويابت البشكارة حقهن عصير ويلسن يسولفن ومرتبشات بروحن في الحجرة ... يا وقت العشى راحن كلهن يتعشن إلا حصه يالسه مع سلامه وشوي المصورة يت وقعدت تصور سلامه ومعاها حصه وبعدين يت الشلة وصورن معاها ... في ميلس الرياييل هزاع عدال ناصر واحمد وغانم يالس بعيد وصاخ وعبدالله وابوه شبيب كانو موجودين بعد ... ناصر كان طاير من الفرحه ... وبعد ما تعشو الكل يا وقت انه ناصر يروح يملج على سلامة عند المطوع وبعدين يلبس سلامه ( الشبكه ) والمصورة متزهبة حق تصورهم وراحت سلامه عند ناصر وابوها واحمد وابو ضاحي ووقعت على العقد وردت الحجرة وعقت الشيلة والعباة وطلعت وراحت تتريا ناصر في الصاله وكانو حاطين كرسي طويل بروحه حقهم هناك والحريم يالسات بعيد ويترين وسلامه ترتجف من الخوف وتشوف حصه من بعيد وامها .. دخل ناصر ويت صوبه رفيعه وهيه شالة الطقم بيدها وكانو مشغلين اغاني من دخل ناصر سارة تكلم حصه : هذا المعرس ؟ حصه : هيه سارة : حليييييييييو ... ومن وين ضوته سلامي هذا حصه : ربج هههههههههههههه سارة : شوفي انتي كيف يطالعها ... هههههههه حصه : وسلامه مب رايمه ترفع عينها سارة : ما شاء الله عليه صدق كشخه حصه : شوفي الابتسامه انتي سارة : منو هاي اللي زاخه الطقم ؟؟؟ حصه : اخته رفيعه سارة : ما شاء الله عليها حلوة بعد وشعرها طويل ما شاء الله حصه : شوفي البشاكير كيف فاجات عيونهن ههههههههههه سارة : ههههههههههه يضحكن حصه : شوفي الحين بيلبسها خلينا نشوف ناصر يكلم سلامه : مبروك سلامه بصوت واطي : الله يبارك فيك خذ ناصر الخاتم ولبسه سلامه وسلامه كانت ترتجف وبعدين لسبها العقد والحريم يزغرطن وعيونه كانت كله في عيونها وكان متخبل عليها وبعدين لبسها الحيل وبعدين الشغبان ووقف عدالها يصور وسلامه شافته وقالت بخاطرها " الله يسعدني معاك " رفيعه باركت حق سلامه وناصر وبعدين يت ام ضاحي وباركت حق سلامه وولدها ناصر وبعدين خلو شموه تنعش لو ان شعرها كان قصير قال ناصر : سلامه سلامه : هلا ناصر : شو ها الحلاة ... محلوة اليوم ... شو مسويه انتي ؟؟؟ لايكون انتي مب سلامه هههههههههه سلامه : لا والله ... ههههههههه اصلا امبوني حلوة ناصر : ادري ... سلامه تمت مبتسمه ناصر : تعرفين اني مستانس اليوم سلامه : ان شاء الله دوم ناصر : شكلي لازم اروح الحين قالولي ما اقعد وايد سلامه : على راحتك ناصر : قولي اقعد انزين ... شو تبين الفكه مني سلامه : لا والله ناصر : شو بلاج خفتي ... اصلا بقعد منو قال اني بروح الحين .. حد يشوف سلامي ويروح سلامه استحت وتمت تتطالع صوب اختها حصه وحصه وسارة وميرة ولطوف طايحين حش بسلامه وريلها يت ام ضاحي صوب ناصر وقالت : يالله بسك ناصر : امايه تو الناس ام ضاحي : قوم ... وين تو الناس ناصر : امايه خمس دقايق سلامه مستغربه منه كيف يريد ناصر يتم وجيه وتمت مبتسمه وتتسمع شو يقول حق امه ام ضاحي : ناصر تبا تفضحنا اليوم ناصر : انزين خلاص بروح ... الواحد يملج مرة وحده خلوه يستانس في ملجته هاي ام ضاحي : هههههههههههههه ... اسميك سالفه يا ناصر .. قوم فشلتنا جدام البنية ناصر : لا سلامه عادي .. صح سلامه سلامه : هيه ههههههههههههههههههه ونش ناصر وراح صوب الرياييل وبعدين قام احمد وياب الكميرة الدجيتال وراح صوب سيارته وطول على اغنية هب النسيم مال فرقة دبي الحربية .. وطلع عصاته من السيارة وهزاع بعد راح صوب رنجه وطلع عصاته وقعدو ايولون وشوي المعرس ناصر ايول وبعدين قعد احمد يصور وكان هزاع وناصر ايولون وشوي عبدالله السويدي دخل ايول معاهم ونايف بعد وشوي حمد شاركهم وقعدو ايبوسون وايولون واحمد يصورهم وكان ناصر مستانس .... وبعدين وقف ناصر يشوف الشباب ايولون ودق حق اخته رفيعه ووصاها على شي وسكر عنها ... دخلت سلامه الحجرة ومعاها حصه وسارة ... شوي يت رفيعه الحجرة عندها رفيعه تكلم سلامه : مبروووووووووووووك سلامه :ا لله يبارك فيج رفيعه : اسميه ناصر سوالف .. لو تشوفينه كيف محتشر على ها اليوم سلامه : امممممم .. لاحظت رفيعه : المهم ما بطول عليج بس حبيت قبل لا اروح آخذ رقمج اذا ممكن سلامه : لا عادي ... رقمي هوه 0000000 رفيعه : مشكوووووووووورة ...عشان تعرفين انتي نتواصل مع حرمة الاخو ... اونه ههههههههههههه سلامه : ههههههههههههه حصه : ههههههههههههه زين والله ... عقبال العزابية اللي شراتي انا وسارة وشراتج رفيعه : انا مالجة حصه : زين عيل .. عقبالي عيل انا وسارة رفيعه : آمين ... يالله برايكم اشوف ناصر داق شكلنا بنروح الحين حصه : الله معاكم سارة : مع السلامه سلامه : درب السلامه ان شاء الله ... وسلمن على بعض وراحت رفيعه حصه عدال سارة يسولفن وبعدين الكل راح إلا سعيد ولد عمهم المرحوم قعد مع عبدالله السويدي في الميلس يسولفون ودخل احمد البيت وراح صوب سلامه ودق الباب وقالها وبعده ما فتح الباب : تعالي الصاله يالله سلامه مستغربة وراحت صوب الباب وقالت : ليش بعد احمد : او صح اول شي مبروووووووووووووووووووووووووك سلامه : الله يبارك فيك .. بس ما قلت ليش احمد : بعطيج هدية الملجة سلامه : عيل دقايق وياييه ناصر : اقول عادي ادخل ولا عشان اسلم عليج سلامه تشوف سارة وقالت : ها شو عادي يدخل ولا سارة : بتغشى وخليه يدخل تغشت سارة بس الشيلة خفيفة وايد كانت لابسة ساري وييها يبين سلامه : ادخل دخل احمد ما كان يدري ان سارة داخل احمد : السلام عليكم الكل يرد : وعليكم السلام احمد استحى من شاف وحده متغشية وقال : اشوف عندكم عرب بروح عيل حصه : هاي سارة احمد : هلا سارة .. اشحالج سارة : الحمدلله بخير احمد : ان شاء الله دوم وراح سلم على سلامه حصه : شو الهدية اموت واعرف احمد : ههههههههه .. مفاجاة وطلع احمد وعينة على سارة وسارة بعد ما خازت عينها عن احمد وكيف كان شكله يجنن وهوه زاخ العصى بيدة وكيف كان متغير لنه كان مسوي قفل ( سكسوكه ) صاير واحد ثاني ودهن العود يفوح منه ... طلعت حصه ورى احمد وشوي سارة وسلامه راحن يشوفن المفاجاة في الصاله ويلقن احمد مشغل اغنية غرشوب مال فرقة دبي الحربية وقاعد ايول وشموه تنعش اونها واستانست سلامه وقعدت سارة تشوف احمد وهوه ايول وبعدين يا حمد وقعد ايول مع احمد وسهيل الصغيروني معاهم و وتخبلت سارة على احمد اللي كان يسوي حركات وبعدين يت ام سعيد وراحت سارة بوظبي وما بقى حد غيرهم في الصاله مستانسين وبعدين الكل راح حجرته وتسبح ورقد ....... ................................ احداث الاسبوع اهل عبدالله السويدي كانو في الملجة فشافو حصه وعيبتهم واتفقو انهم يخطبونها ... وكانت سلامة تروح وتي من الجامعه وكانت تقعد دايما هيه ووديمة ... .................... يوم الجمعة العصر سلامه يالسه في الصاله تتذكر ناصر والملجة وتقول بخاطرها " متى بيكون العرس ... اخافه يستعيل وما يكفيني الوقت ... غريب ناصر هذا بعد " ... وكانت حاطه نجوم ... وكانت اغنية البرتقاله ويت حصه ويلست عدالها ويوم شافت الاغنية .. حصه : ههههههههههههههههههههه سلامه : بسم الله الرحمن الرحيم حصه : هههههههههه والله بموت من الضحك سلامه : صدق انج ما صخه الحين خبريني شو يضحكج ؟؟ لايكون كشتية حصه : لااااااااا هههههههههههههههه آآآآآآه بطني والله يعوني من الضحك سلامه : يعلج حصه : ههههههههههههههه سلامه : لا يكون تذكرتي ....... الاغنية هاه حصه : هههههههههه ... لو شفتي شكلي كيف كان اصلا سلامه : ههههههههه اتخيلج قومي يالله راويني وقامت حصه وهيه ميته من الضحك وتقلد اللي كانت فيه يوم كان عبدالله ورى الباب وكانت ترقص وكيف اتفاجاة وغصت بحبة العنب ... ويلسن يضحكن على السالفه .... وبعدين راحت حصه الحجرة ورن تيلفون سلامه وتقول سلامه بخاطرها " شو ها الرقم الغريب ... منو متصل .. وما ردت ورد التيلفون يرن والرقم نفسة ردت سلامه : .......................... ؟؟؟؟؟؟؟ : الووووووووووووووو سلامه بخاطرها تقول " صوت بنت ... الحمدلله " وردت وقالت : الووووووووووووو ؟؟؟؟؟؟؟؟ : هلا سلاااااااااااااااااامه اش حالج سلامه : اهلين ... انا الحمدلله بخير ... بس منو معايه ؟؟؟؟؟؟؟؟؟؟؟ : قلت انج ما بتعرفيني سلامة : منوووووووووو ؟؟ ؟؟؟؟؟؟؟؟؟؟؟؟؟؟ : انا رفيعه ... اخت ناصر سلامه : يا هلا والله ............. شو اخبارج ؟؟ رفيعه : الحمدلله بخير ... انتي شو اخبارج .. وشوه تسوين هاه ؟؟ سلامه : متقعمزة في الصاله .. لا شغل ولا مشغله رفيعه : زين والله ... وشوه العلوم بعد سلامه : الحمدلله وتمن يسولفن وهن يسولفن يا ناصر حجرة رفيعه وكانت سلامه تكلمها ناصر : رفووووووووووع رفيعه مطنشة ولا جنه يكلمها ناصر : حووووووووووو ... رفيعه : اقول سلامه دقيقة سلامه : اوكي ناصر تقرب من رفيعه وقال : سلامه ... مب جني سمعت اسم حبيبتي وحرمتي ... سلامه انتي قلتي سلامه ولا انا اتوهم رفيعه مستغربة منه : هيه قلت سلامه .... بسم الله عليك شو بلاك ؟؟ شكلك تخبلت ناصر : حد يسمع ها الطاري وما تبينه يتخبل ؟؟ خبريني شو اخبارها رفيعه وقبل لا تنطق بكلمة وتجاوب على سؤاله شل اليتلفون عنها وقال : اصلا ليش اتخبرج ماله داعي ... ناصر شل التيلفون وقال : الوووووووووووووو سلامه وقلبها في ريولها : ............................. ناصر : سلامه انا ناصر لا تخافين سلامه : .......................... " وين يبا هذا " ومن وين طلع اصلا " رفيعه : هات التيلفون زيغت البنت بصوتك ناصر يكلم رفيعه : جب جب ... لا تفشليني .. الحين انا صوتي يزيغ ... ولا صوتج ههههههههه سلامه ابتسمت ناصر : يا رفوع خليني اكلم حرمتية ناصر : الووووووووووو ناصر : الووووووووووووووووو ناصر : الووووووووووووو .. لا يكون البنت سكرت ... الووووووووو سلامه : الوو ناصر وشوي يطير من الفرحة : واخيرا نطقتي ... شو اخبارج سلامه : الحمدلله رفيعه : شو ها الدفاشة ... لو شفت ريلي يوم بغى يرمسني ما سوى هذا كله .. يابلي التيلفون ورمسني ناصر مطنشنها وباله كله ويا سلامه ناصر : اقول سلامه ترى رفوع حشرتني بدق لج من تيلفوني اوكي سلامه : ............................... " يا ربيه كيف اكلمه هذا بعد ... استحي " ناصر : اوكي تراني خذت الرقم وبدق لج بعد شوي وسكري عن رفيعه بسرعه اوكي سلامه : .............. ناصر : عادي اكلمج تراج حرمتي ... ادري اني دفش شوي بس شو اسوي لا تلوميني سلامه : وين رفيعه ناصر : افاااااااااااااااااااااااااا ... تبين رفوع ولا تبيني يالله باي وعطى ناصر رفيعه التيلفون وراح وحست سلامه بانه زعلان ومتضايق رفيعه : سوري والله ... سحب ناصر االتيلفون .. وما كنت اريد احرجج سلامه :لا عادي رفيعه : ترى عادي ترمسينه ولا ما يطيعون اهلج سلامه : بكلم احمد وبقوله اذا عادي ولا وبعدين يصير خير رفيعه : بخليج ... بروح اشوفه سلامه : اوكي عيل ... واعتذريلي منه رفيعه : منو قالج بروح اراضيه ... بروح اهزبة اصلا سلامه : لااااااااا حرام عليج بروحه زعلان رفيعه : ههههههههههههه اسولف سلامه : ههههههههههههه ... يالله عيل رفيعه : مع السلامه وسكرت سلامه عن رفيعه وبنفس الدقيقة ياها احمد احمد : السلاااااااام عليكم سلامه : وعليكم السلام احمد : شو الاخبار سلامه : الحمدلله احمد : منو كنتي ترمسين ؟؟ احمد : رفيعه احمد : منو رفيعه ؟؟ سلامه : اخت ناصر احمد : اخت منو ؟؟؟؟ سلامه : ناصر احمد يقلدها : يالله ... اخت ناصر ... هههه مشكلة انتن سلامه : ههههههه ... ليش تعيب احمد وهوه يغمز بعينه قال : وناصر ما كلمتيه ؟؟؟ سلامه : لأ .... ليش عادي .. تو الناس احمد : هيه عادي ... ريلج تراه ... يعني اذا انا خطبت وملجت بكلمها .. لازم عشان نتفاهم مع بعض وآخذ عليها وتاخذ عليه سلامه : اها ... بس انا استحي احمد : المهم سمعي سلامه : هلا احمد : روحي ييبي تيلفوني من الحجرة نسيته ... لأني طالع سلامه : اوكي وراحت سلامه تيب التيلفون وعطته احمد وراح احمد وتمت سلامه في الصاله شوي ويرن التيلفون والرقم غريب سلامه : الوووووووووووو ؟؟؟؟؟؟؟؟؟؟؟؟ : الووووووووووووو سلامه : ............................... ؟؟؟؟؟؟؟؟؟؟ : تراني زعلان سلامه : منو معاية ؟؟؟؟؟؟؟؟؟؟؟؟؟؟؟ : منو يعني ... ناصر سلامه : ....................... ناصر : ما تبين تعرفين ليش زعلان ؟؟ سلامه : انا آسفة ناصر : لا تتاسفين ... سلامه : لا صدق ... انا اعتذر اذا زعلتك ناصر : يهمج اني ارضى ؟؟ سلامه : هيه يهمني ... ليش ما يهمني ناصر :انا ما زعلت بس كنت اشوف غلاتي عندج سلامه : لا والله .... احلف انت بسسسس ناصر : المهم خزني الرقم هذا ... لني من اليوم ورايح بتشوفين ها الرقم دوم دوم دوووووووووووم سلامه : ...................... ناصر : فديتج والله سلامه : المهم الحين بروح انا ناصر : ليش ؟؟ سلامه : اجهز لبسي حق باجر ناصر : ليش شو عندج باجر ؟؟ سلامه : جامعه ناصر : هيه .... تعرفين شوه ؟؟؟ سلامه : شوووووه ؟؟ ناصر : انتي عيبتيني من اول مرة شفتج فيها سلامه تمت ساكته وهيه مستحية ناصر : لا صدق ... وتعلقت فيج بشكل غير طبيعي سلامه : يالله بخليك اوكي ناصر : انا بصراحه اقولج من الحين انا صريح واللي بقلبي على لساني ... واذا انا قلت لج اللي في خاطري لا تتضايقين مني .. سلامه : لا مب جيه بس .. انا ما اقدر ارمس الحين ناصر : حد عندج ولا مستحية ؟؟ سلامه : ما ادري ناصر : خلاص عيل ... على راحتج يالله باي سلامه : باي تذكرت سلامة مواقفها مع ناصر وكلامها مع هزاع ...وبعدين يتها حصه سلامه : حصوووووووووووه لحقيني حصه : شو صاير وقعدت عدالها سلامه : كلمني ناصر ... بس انا الحين اتذكر هزاع ومب قادرة اشلة من بالي حصه : كلمتي ناصر ؟؟؟ يا حظج ... افففففففففف متى انا بيصير معاي ها الموقف سلامه : شوفو انتو بشوه تفكر ... اقولج هزاع يا في بالي وتذكرت سوالفي معاه حصه : بتنسينه مع الوقت سلامه : ما ادري .............. ما اعرف ......اففففففففففففف حصه : يا عمري لا تكدرين عمرج بالعكس شوفي الشي الايجابي .. عندج ناصر يموت فيج ويحبج .. وبيعوضج عن كل اللي صار سلامه : ان شاء الله وتمن يسولفن ................ ........................................ مر اسبوعين تحدد عرس هزاع وتحدد عرس سلامه .. ويوه اهل عبدالله السويدي يخطبون حصه وبعد ما راحو في حجرة حمد ام غانم : ها شو رايك بالريال حمد وهوه مبتسم : طبعا رايي فيه تعرفينه ... ما عليه كلام ام غانم : الله يوفقهم حمد : بشوارها فيه باجر ... وادري انها ما بترده ... لأنه ما ينعاب ام غانم : ان شاء الله ........... في اليوم الثاني بعد صلاة العشى راح حمد صوب حجرة حصه ولقاها يالسه تقرا المجلة حمد : السلام عليكم حصه : وعليكم السلام ... هلا بابوية حمد : شو اخبارج حصه : الحمدلله حمد يلس على الكرسي وقال : تعرفين يا بنتي الزواج قسمة ونصيب وسنة الحياة وحصه ساكته وتسمع ابوها حمد : وانا ما بطول عليج ... بس ييت آخذ رايج ب عبدالله ... لأنه طالب القرب .. وشوه رايج .. خذي وقتج مب لازم تردين عليه الحين حصه : ........................... حمد : اما اذا رايج جاهز فأنتي بتختصرين الوقت علينا لأنهم قالو شاورو البنت وبعدين ردو .. فأنتي شو رايج حصه : انت شو رايك فيه حمد : بصراحه ريال ما عليه كلام ... وانا مب من يوم او يومين اعرفه ... تعرفين انه من يوم كان صغير وهوه معانا ... بصراحه الريال ما يتفوت ولا يتفرط فيه حصه : خلاص اللي تشوفه يا بوية حمد : خذي وقتج وردي علي متى ما تشوفين نفسج جاهزة حصه :لا عادي دامك قلت لي انه ريال اوكي خلاص حمد قام وباس راس حصه وقال : الله يبارك فيكم وطلع من الحجرة وراحت حصه تركض صوب سريرها وطاحت فوقة وحظنت مخدتها وتمت تصيح من الفرحه والارتباك بنفس الوقت وبعدين يت سلامه وقالت حصه الموقف اللي صار كله حق سلامه واستانست سلامه وراحت سلامه ودقت حق سارة عشان تبشرها بالسالفه ... .............................. ________________________________________ مرن شهور وفي نص السنة ( اجازة الربيع ) يوم الخميس الساعه 8 في بيت حمد الكل يتجهز حق عرس هزاع في حجرة البنات سلامه : حصوووووووووه بتروحين وبتخليني حصه : شو تبيني اسوي سلامه : المشكله بقعد رويحاتي ... انزين تعالي بسرعه حصه : بشوف سلامه : والله طالعه حلووووووة .. عقبال ما اشوفج عروس حصه : انتي بتعرسين قبلي وباقلج اسبوعين سلامه : لا تفتحين ها السالفة لأني بموت من الخوف حصه : يالله طالعه انا ... ما تسمعين امج تزاقر سلامه : سلمي عيل على كل اللي نعرفهم هناك حصه : ان شاء الله ...................... راحت حصه وامها وريم وشموه العرس وتمت سلامه بروحها في البيت سلامه في الصاله يالسه تطالع التلفزيون |
شلت تيلفونها ودقت حق احمد ورد عليها سلامه : الووووووووووو احمد : هلاااااااااااااااا والله سلامه : هاشو العلوم احمد : اوكي بصراحه قاعد اصور ويا المعرس سلامه : اها اولله كوووووووووووول احمد : اكيد ملانه صح سلامه : هيه احمد : جان رحتي السوق تخلصين شغلج سلامه : هلكت من كثر ما اروح .... وتبا الصدق السوق مليته احمد : المهم بخليج الحين لأني بروح اسلم على الرياييل سلامه : اوكي عيل برايك سكرت عن احمد وراحت ودقت حق ريلها سلامه : الوووووووووووووو ناصر : هلا هلا بالحب سلامه : شو اخبارك ناصر : اوكي بس صبري شوي اروح عن ها الرياييل بعيد سلامه : عادي اكلمك ولا ؟؟ ناصر : عادي ونص سلامه : اكيد في العرس ناصر : هيه .. والله اوكي العرس ... وعقبالنا ان شاء الله سلامه : ......... ناصر : قولي ان شاء الله سلامه : ان شاء الله ناصر : انتي حد عندج في البيت ولا سلامه : لأ بروحي ناصر : عيل ايج ولا ؟؟ سلامه : لا والله هههههههههههههه ناصر : هههههههههههههه ... اسولف سلامه : وشوه كنت تسوي ناصر : يالس ويا الربع وويا هزاع سلامه : اها زين والله ... ومتى بتتعشى ناصر : بعدهم شوي ... سلامه : خلاص عيل بخليك ناصر : وين تبين انتي ... ما شبعت منج يا عمري سلامه : بعدين ... بروح اشوف شو مسويات عشى ناصر : خلاص انزين اذا بغيتي شي دقي لي اوكي سلامه : اوكي ناصر : يالله عيل فديتج سلامه : يالله عيل .. برايك وسكرت سلامه عن ناصر وتمت تشوف التلفزيون .... عرس هزاع في فندق روتانا الساعه 10:30 دخلت العروس وديمة وكانت روعه باقتها كان الورد ابيض ومشمشي ... وكانت عيونها مرسومة رسم وطالعه تجنن ... دخلت ومشت وشافنها الحريم ويوم شافتها حصه تخبلت عليها وبعدين راحت وديمة صوب الكوشة ويلست تصور وجيه وبعد نص ساعه دخل المعرس هزاع وكان بعد يجنن وكاشخ بالبشت وقعد وصور معاها وكان مستانس معاها ومبتسم طول الوقت هزاع تقرب من وديمة وقال : مبروك وديمة : الله يبارك فيك هزاع : تجنين وديمة ابتسمت هزاع : منو هاي اللي تاشر كل دقيقة صوبج وديمة : اللي لابسة تركوازي ؟؟ هزاع : هيه منو هاي وديمة : هاي عمتي هدى هزاع : هيه اللي دوم تطرينها شوي دخل ابوها عوض يسلم عليها وعمها عمر وفيصل ما دخل لأنه راح ويا ربعه يحاوطون وديمة : هزاع شفت فيصل اليوم هزاع يغطي على الموضوع : هيه شفته وكان قاعد عندي وديمة : ليش عيل ما يا يسلم عليه هزاع : اكيد زحمة .. لا تحاتين بيي .. وطبعا فيصل ما يا يسلم عليها وراحو المعارييس وراحت حصه البيت هيه وامها وشموه ووصفت حصه العرس كله حق سلامه ....وراح هزاع مع وديمة جزر المالديف ... ( وهاااااااااااااااي صورة لهم مصورينها في الجزر ) .......................... مر اسبوع وسلامه قاعد تتجهز لأن عرسها بعد اسبوع وبيتهم منور من الليتات ويهبل وكل ما تشوفه سلامة فليل كل ما تي من السوق تيها صيحة ... ( وهذاااااااااااا بيت سلامة بعد ما عدلوووووووه بالليتااااااااااااااات ) .. وكل يوم سلامه رايحه السوق او الصالون عشن تخلص عمرها ... مرت الايام ويا يوم العرس يوم الخميس وتعدلت سلامه في بوظبي هيه وحصه وكانت هناكي بعد سارة اما روضة حرمت سعيد فراحت صالون بروحها سلامه تكلم حصه في الصالون سلامه : اوكي المكياج ولا ؟؟؟ حصه : هيه يجنن سلامه : باقي التسريحة الحين حصه : بعد شوي قالت بتبدا فيج سارة : اقول منو بيوديكن العين ؟؟ سلامه : انا بروح ويا احمد قال بيني والحين هوه طلع من العين سارة : هيه لأني انا ورويض وسعيد بنروح ويا بعض العين حصه : وانا مع العروس طبعا ... وليش وين رويض ؟؟ سارة : في صالون ثاني حصه : اها سارة : اقولج بدق حق سعيد بشوفه وين لني خلصت حصه : اوكي سلامه : هاكي تزقرني حصه شلي الفستان لأني بلبسة الحين وبعدين بتسوي التسريحه ولبست سلامه الفستان وقعدت تسوي التسريحه وبعدين ردت يضبطون المكياج للمرة الاخيرة ويحطون اللمسات الاخيرة وبعدين يا احمد وشلهن وطارو العين ... والحمدلله خلصت من وقت سلامه وسيدة راحت الفندق غرفتها عشان يصورنها وبعدين نزلت ويوم نزلت كانت تتراقل من الخوف بس ما بينت الخوف ويلست تبتسم ويا احمد اخوها ووقف عدالها لأنه هوه اللي بيدخلها القاعه .. ودخل معاها ومشت عداله وكانت مستانسة لأن احمد معاها وكان يجنن والكل يطالعهم وقبل لا يركب معاها الكوشة لمح سارة وتخبل عليها لأنها كنت ما شاء الله وايد حلوة ودخلت مزاجه وتمت في باله وابتسم الها وكمل طريقة مع سلامه ووقفها على الكرسي اللي في الكوشة ووايها وباس راسها وطلع عنها ... وكانو مشغلين حق زفتها زفة راشد الماجد ... وطلع احمد وتمت سلامه تمشي على الكوشة شوي شوي عشان يشوفنها الحريم ... وبعدين يت ربيعتها ميرة وسلمت عليها وراحت ويتها حصة تتخبرها اذا تريد شي ووقفت تصور عدالها وبعدين نزلت ويتها شموه اختها الصغيرة وصورت معاها ونزلتها حصه عنها لأنها تمت تلعب بالباقة مالتها ...... وبعدين دخل ناصر وكان وايد مستانس لأنه يموت بسلامه وما صدق انه ارتبط فيها وانها صارت حلالة ... ناصر ركب الكوشة ورفع الطرحة عن وية سلامه وباسها على راسها ووقف عدالها وهيه مستحية وبعدين قعدو ناصر : سلامه سلامه تطالعه ناصر يتقرب منها اكثر واكثر : شو ها الحلاة ... شو ها الزين سلامه تبتسم ناصر : تبيني ادفع الفاتورة ولا ؟؟ سلامه ضحكة لأنها تذكرت اول موقف جمعها ويا ناصر في العين مول وبعدين مد ايده ومسكها وقال : والله اني احبج سلامه وخت مستحية ناصر : خلي هاي اللي تغني تيب الميكروفون عشان اقول حق الخلق كلهم ها الشي سلامه : الله يرحم والديك إلا ها الحركة لا تسويها ناصر : هههههههههههه ... اصلا استحي سلامه : ههههههههههه وبعدين قامو وقطعو الكيك وبعدين يلسو وشربو العصير من كوبات بعض وبعدين يلسو الاهل يصورون معاهم وجيه بعد عرس سلامه وهيه في غرفتها مع ناصر ناصر يطالع عيون سلامه وهيه كانت في الصاله وبفستانها بعدها ما عقته.. وتوها المصورة رايحه من عندهم ..يا صوبها وقال: مبروك سلامه وهيه مستحيه : الله يبارك فيك ناصر : يالله ما تتخيلين كيف انا مستانس سلامه : والله ... كل هذا عشان خذتني ناصر : انتي غيرتي كل شي في حياتي ... حبيتج من اول نظرة سلامه : ولكن انا كنت اتضايق يوم اشوفك وكنت دوم اريد اتهرب منك ناصر : تتضايقين سلامه : لا ما اقصد جيه يعني استحي على ما اعرف كيف اقولك .. اييني خوف منك كنت اتوقع انك بتضرني ولا تكون من اللعابين بس طلعت انسان ثاني ناصر : فديتج انا سلامه : ما توقعت ارتبط فيك تصدق ناصر : ولا اما توقت حلمي يصير حقيقة .. صدقيني اني بسعدج كثر ما اقدر سلامه : تسلملي والله ناصر : فديتج والله .. حبيت العين والعين مول اللي شفتج فيه اول مرة سلامه : تصدق بسبتك كنت بروح باريس غاليري ونسيت في ذاك اليوم هههههههه ناصر : ههههههههههههه .. وتمو يسولفون .. وبعد اسبوع سافرو النمسا ووقفت كورس من الجامعه عشان تقعد ويا ناصر فترة طويلة .. .......................... بعد عرس سلامه احمد شال معاه امه وحصه وشموه ورايحين البيت احمد : امايه تراني قررت ام غانم : شو قررت ؟؟ الجزء الحادي عشر بعد عرس سلامه احمد شال معاه امه وحصه وشموه ورايحين البيت احمد : امايه تراني قررت ام غانم : شو قررت ؟؟ احمد : اعرس حصه : هاي الساعه المباركة ام غانم : وعينك على حد ولا تباني ادور لك احمد : اريد بنت عمي الله يرحمه سارة حصه : الله يرحمه ام غانم : خلاص يعني .. نخطبها خلاص احمد : هيه وكلمي ابوية .. عشان يعرف ام غانم : ان شاء الله حصه : هذا اللي ما يبا وحده من العايلة ولا يبا يعرس احمد : جب انتي ههههههههههههههه حصه : هههههههه ام غانم : شو تقولون ؟؟ حصه : لا ما شي احمد : وانا من الحين برتب اموري ان شاء الله .. بس هيه توافق ام غانم : وليش ما توافق ما بتلقى احسن عنك احمد : يمكن ما تباني .. الله اعلم حصه : ههههههههه اسميك سالفه .. مبروك وتستاهل ... واختيارك اوكي احمد : زين والله .. يعني اعرف انقي هاه حصه : هههههههههههه ام غانم : شوف الدرب وخل ها السوالف حق البيت ..... اما غانم فكان ملتهي بشركته اللي فاتحنها بالسر .. وفي بنيان بيته اللي ينقال عنه قصر مب بيت من حلاته .. وبعد فترة تقدم احمد لسارة ووافقو عليه ... .. اما حصه فعرست في الصيف في شهر سبعه .. مرت سنه وتخرجت حصه من الجامعه وراحت تسكن ويا اهل ريلها في بوظبي.. ................ بعد عرس حصه سعيد يالس ويا روضة في صالة حجرتهم روضة : تصدق اني سمعت انه حصيص كانت تعرف ريلها قبل سعيد : افففففففففففففففف ... انتي لين متى بتمين جيه .. ما اريد اعرف . روضة : صدق .. شو على بالك اللي كنت تحبها راح تخلص لحبك باعتك من زمان وبرخيص بعد سعيد : كيف تبينها تحبني وانا معرس وماخذنج روضة : انت شو دراك ... انا سمعت انها تعرفه وخلاص سعيد : بس انا اعرف انه يشتغل ويا عمي روضة : والله .. عيل شو خلاه يخطبها ؟؟ اكيد كان بينهم شي ولا من وين بيشوفها سعيد : بس خلااااااااااااااااااص ... ما اريد اسمع اكثر ... كل يوم اكرهها اكثر من اليوم اللي قبله روضة : شو رايك تفصخ خطبة سارة من اخوها سعيد : لأ .... سارة حق ولد عمها .. واحمد ما فيه شي .. وليش على بالج بتأثر فيها .. ما خلاص راحت بنصيبها وهيه الحين في بيت ريللها روضة: انا بس كنت اقترح .. انا بصارحه ادور راحة بالك وسعادة اختك سعيد : بندي الموضوع اذا صدق تبين راحتي ورن تيلفونها روضه وراحت تمشي وهيه تتكلم وخلت سعيد في الصاله وراحت هيه الحجرة وقعدت ترمس هناك ..................... في بيت سلطان وديمة : هزاع ... هزاع : هلا وديمة : اكلمك انا.... طالعني وانا اكلمك هزاع : تبيني احط عيوني بين ايدينج انا حاظر .. هلا قولي شو تبين يا عمري قولي وديمة وهيه شوي مستحية : هزاع ... انا .... هزاع : هيه ... وديمة : انا حامل هزاع وهوه طاير من الفرحه راح وشل وديمة ودار فيها كذا دروة ونزلها وهيه تصارخ وتضحك وديمة : وبعدين معاك هزاع : اذا بنت اريدها تشبة عيونج .. لأني اموت في ها العيون وديمة : لأ اريد عيالي ما يخلون منك شي .. عشان يوم تطلع وتروح الدوام اشوف حد يشبهك قاعد معاي هزاع : لها الدرجه تحبيني وديمة : فوق ما تتخيل واتصل هزاع حق احمد بعد فتره وبشره بانه بيصير ابو عن قريب.... أما احمد فبعده يكلم العنود مع انه مالج وهيه ما تدري انه خطب وملج على سارة وعرسه في الصيف الياي ... .................. في بيت شبيب كانن بنات عم عبدالله في البيت عند ميرة زايرينها عشانها مسويه حفلة تخرجها الحين وأخرتها عشان تجمعها ويا العنود اللي تخرجت بعدها وسونها مرة وحده وكانن ربيعات ميرة والعنود وبنات العايلة كلهن متيمعات حصه فوق ويا ريلها عبدالله كانت تتعدل ودخنت ريلها اللي كان رايح ميلس واحد من ربعه عبدالله : حصه حصه : لبيه عبدالله : هونت مب رايح حصه : ليش ؟؟ عبدالله : حد يودر ها الحلاة .. حد يودر قلبه ويجابل ربعه حصه : يالله عاد .. تعرف اني شوي وبنزل عند خواتك وبنات عمك عبدالله : بنات عمي هنيه . لااااااااااااااااااااااا حصه : شو بلاك تعقدت عبدالله : خلاص خليني اشرد الحين حصه : ليش ..شو صاير عبدالله : اخافهن يلبسنج ويلسن يسولفن معاي مثل قبل. تراني قبل لا آخذج كانن يطفربي .. يبني آخذ وحده منهن بس انتي اللي ملكتيني فديتج انا حصه : هههههههه .. يا عمري انا الحين حرمتك .. يعني ما يقدرن يسون شي عبدالله : هه انا ما اريد اشوفهم .. سون شي ولا ما سون حصه : يعلني ما اخلى منك عبدالله : فديتج انا .. احبج والله حصه : وانا بعد .. يالله الحين اخطف روح عند ربعك لأن ميرة حرقت تيلفوني عبدالله : نزلي معاي ما اريد ولا وحده تكلمني حصه : ان شاء الله بس خلني اتعطر عبدالله : انا بعطرج حصه : لاااااااااااااااا .. لا تعطرني يكفي يوم الصباحية عطرتني ورشيت العطر بعيوني عبدالله : والله كنت مرتبك .. لا تفشليني هههههههههههه حصه : ههههههههههه ... وعاد اللي يقول انا اللي ما سويتها فيك .. تتذكر يوم عطيتك تلبس نعولك اللي كانن غير عن بعض .. كيف الله عماني .. والله كنت مستحيه ولا شفت النعول عدل وعطيتك كل وحده شكل ههههههههههههههههههه عبدالله : هههههههههههههههههه ... هذاك اليوم ما راح انساه .. عبدالله تقرب من حصه حصه : هاه .. يالله اخطف جدامي لا تحاول ... عبدالله : ببوس راسج بس .. لأن الحشرة بدو يدقون تيلفون حصه : ههههههههههه يالله زين وحده بس .. والله بتخلص الربشة وانا بعدني ما شفت شي عبدالله باسها على راسها ونزل معاها وروح حق ربعه وحصه يلست في الميلس ويا البنات ... ....................... مرن شهرين حملت سلامه ووديمة سابقة سلامه بثلاث شهور تقريبا .. استانس ناصر بالخبر وحتى سلامه .. مرت الشهور.. فيصل اخو وديمة مرض وصابه فشل كلوي وقالو بيزرعون له كلى وبيسفرونه للخارج وكانت وديمة واقفه معاه بطول فترة مرضة ولا واحد من ربعه فكر انه يزورة وحس فيصل انه اللي ياه من مرض كله من معاملته اللي مب زينه لهله واخته اللي واقفه الحين معاه واعتذر منها واستسمح قبل لا يسفرونه والحمدلله رجع بخير وتغير عن قبل وصار ملتزم شوي يصلي ولا يرابع الشباب الصيع اللي ما منهم فايده وودر السهر والديسكو ... اما حارب فتزوج ربيعة ريم اللي طلعت عيونه وطلقها وعقبها سافر وتزوج سعودية تعرف عليها في لندن وغيرته وايد وودر اللعب واستقر معاها والله هداه ورجع البلاد وقطع علاقته مع ريم لأنه اكتشف انها تدمر حياته من تحت لين تحت وعاش في بيت بروحه وودر الشغل مع غانم لأنه يضر أهله مع انه منهم وما حب حارب يدخل بمشاكل وعرف انه اللي يسويه غانم مب في صالحه ..... وعبدالله ريل حصه للحين يشتغل ويا ابوحصه والحمدلله الشغل ماشي حاله اما غانم فخلى شغله بشركة حمد واستقال منها بسبب انه ما قدر يوفق بين شغله في شركته اللي فاتحنها بالسر وبين شركة حمد وفروعها ... ................................ في بوظبي بعد صلاة المغرب دخل سعيد على روضة حصلها كاشخه وفول ميك اب جنها بتروح عرس سعيد : وين رايحه روضة : عند ربيعتي مسويه حفله سعيد : هيه .. وبتروح معاج سارة او هيا ؟؟ روضة وهيه مرتبكه : سارة .. لأ .. ولا هيا .. ماله داعي .. اصلا ما بيحبن الجو هناك سعيد : وليش يعني روضة تغير الموضوع : شكلي تاخرت يالله باي .. انت بتطلع الحين ولا سعيد : لأ شكلي بتم في البيت مالي نفس روضة : هيه .. احسن ارتاح .. وش لك بالطلعات وعوار الراس وراحت ركبت سيارتها وراحت المارينا ووقفت سيارتها في الباركنات هناك وركبت سيارة ثانية وراحت تتمشى وعقبها راحو البحر يتمشون هناك ووقفت اكثر من سيارة وروضه سوالف مع اللي كانو هناك ومع وحده من ربيعاتها اسمها شرينه .. طلع سعيد وهوه ملان دق له واحد من ربعه اسمه فاضل رد سعيد وقال : الووووووووووووو فاضل : هلاااااااااااا سعود علومك سعيد : لا باس ... فاضل : تعرف وين رايح الحين انا ... سعيد : وين ؟؟ فاضل : يقولك الربع محصلين ثنتين من ها اللي قاصات على ريلهن ويرتغدن..والرياييل يا غافل لكم الله .. وهن سوالف تبا الصدق بس مب محترمات .. قلت اروح اسولف سعيد : تصدق اني ملان ... بس ما ينفع اروح تعرف اني متزوج ومالي بها السوالف فاضل : وانا معرس بس رايح اطمش .. بيرقصن ويسولفن شو ورانا .. تعال الحين هم كانو في البحر والحين بيروحون الشقه سعيد : شقة منوه فاضل : شقة خلفان .. تذكره اللي فاتح قراج ومسوي بعد مطعم... وما كمل سعيد قاطعه بالكلام : هيه عرفته خلفان .. عرفته .. اسمع الحين انا جدام المارينا مر عليه فاضل : انا توني طالع من المارينا سعيد عيل بوقف هنيه اترياك انا جدامه بيلس ادور هنيه ويوم بتشوفني وبتركب سيارتك عطني كول فاضل : اوكي سعيد وهوه يمشي ويدور شاف سيارة روضة موقفة وقال " مستحيل .. يمكن مشبه عليها " وكان بيمر يتاكد من رقمها دق له فاضل وراحو الشقة وما تاكد من رقم السيارة ..في الدرب كان يدق الها ما ترد وقال " اكيد في الحفلة وما تسمع التيلفون معذورة فديتها " دخل فاضل وهوه يغني على الأغنية اللي كانو حاطينها وكانو حاطين اغنية ميامي " يا عمري انا " وكان يغني فاضل ومستانس وقعد ويا الشباب اللي كانو موجودين وشوي داش عليهم سعيد وسلم عليهم .. شوي إلا ثلاث بنات يمشن ويرقصن والكل يصفق لابسات لبس مزرزر وفاضح شوي .. ويوم لفت الثانية انصدم سعيد وهيه وقفت من الرقص وصرخت : " يـــــــــا ويلـــــي " وركضت داخل .... سعيد ما صدق اللي شافه .. المشكله كانت حرمته .. شل عمره وطلع سيده وما كان يشوف الدرب .. عرف كل اللي كانت تقوله روضة عن حصه ..عرف انه حصه مظلومة وان روضه هيه الخايسة وقبضته ضيقة وما قدر يتحملها وراح البيت وكان هايج مثل المينون ويدق على روضة وروضة ما ترد .... وبعد ساعه يت روضة وكانت تصيح ووترجاه وتقول انها اول مرة .. بس سعيد زخها من شعرها وسحبها على الأرض وضربها ضرب وداس ابطنها وشوه ويهها من الضرب وهيه تصارخ وقالها لا تحلمين تطلعين من هنيه وتم فترة قافل عليها ويضربها كل يوم وشل التيلفونات .. واعترفت روضة باللي كانت تسويه وقالت انه اللي قالته عن حصه كله كذب .. وسعيد كان منهار بس حب ينتقم منها قبل لا يطلقها .. وتمت اسبوع عنده وهوه يوميا يضربها وعقبها وداها بيت امها بلا ملامح .. مضروبة ضرب كرهت الدنيا منه وطلقها ... ومن طلقها وعرفت امه بالسالفه سيده حجز تذكره وسافر للخارج وما رد ولا يفكر انه يرجع .. بس توصلهم اخبارة بين وقت وقت ..وروضة خذت درس ما نسته ابدا ... وسعيد يوم ضربها ما رحمها لأنها ما حافظت ولا صانت اللي بينهم وخانت كل شي واستغلت الحرية اسوء استغلال وتسبب سعيد بكذا كسر في ويهها وايدها والحوض بعد وترقدت في المستشفى وقالو انها مدعومه واللي داعمنها شرد .. ودرت سارة وحصه وسلامه بالقصه هاي والطلاق اللي صار ... .......................... في بيت سلطان بنص الليل وديمة : هزاااااااااااااااااااااع .. قوم هزاع راقد ولا حاس بالدنيا وديمة وبصوت عالي تصرخ : هزااااااااااااااااع تراني بولد قوووووووووم ودني المستشفى هزاع مدوده ومضيع وقام وشل السويج وما لبس الكندورة اونه بيوديها وهوه جيه بوزار وفانيلة وديمة وهيه واقفه لابسه عباتها وكانت تعبانه وايد : هزاع كيف بتروح جيه .. كيف بتوديني جيه هزاع يطالع عمره من فوق لين تحت وقال : اووووووووو .. والله ما انتبهت دقيقه بس ..... تلبس وشل شنطتها ووداها المستشفى وديمة في غرفة الولادة وتأخرت وايد وهدى تحاتي على الباب وهزاع مب عارف شو يسوي اتصل بناصر وكان موجود في العين هوه وسلامه في بيتهم وياه ناصر ووقف معاه اما سلامه فقعدت مع هدى عشان تتطمن على وديمة ... تاخرت وديمة وايد فراح هزاع ويا ناصر يتمشون في السيارة عشان يغيرون جو واللي شار ها الشور ناصر وكانو في مستشفى توام وراحو يتمشون صوب شارع المقام ويتكلمون وبال هزاع ويا وديمة... سمعت هدى صوت البيبي يصيح وكل مرة دكتور طالع ودكتور ياي هذا غير الأجهزة اللي يابوها من غرف ثانية والنيرسات ترسن الحجرة وهدى وسلامه مستغربين وخايفات وبعدين دخلت هدى الغرفة مال الولادة شافت البيبي وكانت سلامه توايج من بعيد شوي فراحت هدى تشوف وديمة لقت ويهها مغطينه والنيرس تخوز هدى وهدى مب عارفه السالفه وسالت هدى : ليش مغطين ويهها وكانت تزقر وديمة ولكن وديمة ما ترد قالت دكتورة مواطنه للولادة حقها انه وديمة ماتت بعد ما ولدت الولد وحاولو بس موتتها كانت صدمه لهم وما توقعو ان هذا يصير لأنها تعبت وايد وارتفع عندها السكر بالدم بشكل فضيع ومفاجئ وهذا غير الضغط مع انها قبل كانت بخير بس عمرها وقف في ها اليوم... هدى من سمعت الكلام صارخت وراحت صوب وديمة وهيه تصيح وتقول : لا تخليني يا وديمة ... لاااااااااااا يا وديمة .. حبيبتي يا وديمة ... لا انا ما اصدق .. ما اصدق وديمة لا... ويت صوبها وتمسك الفراش الي على وديمة وتمت تصيح وهيه حاطه طرفه على عينها وانترس كله دموع ... اما سلامه فتمت زايغه وما عرفت شو تسوي ويوم طلع حد من النيرسات قالت الخبر حق سلامه اللي ما صدقته وتمت تصيح هيه الثانية وعلى الباب وبعدين مرت النيرس وهيه شاله البيبي وهوه هلكان من الصياح شافته سلامه ومسحت بيدها على خده وتمت تصيح لأنها تتذكر وديمة اللي خلاص راحت عن الدنيا ... رن تيلفون هزاع واللي متصل هدى اللي كانت واقفه عدال سلامه هدى تصيح رد هزاع : الوووووو هدى تصيح ومب قادرة ترمس هزاع : ها بشري ...؟؟ شو بلاج تصيحين .. اكيد مستانسه ها شو اخبار البيبي وشو طلع بنت ولا ولد وشو اخبار وديمة هدى تصيح ومعاها سلامه والحاله حاله في المستشفى هزاع : شو صاير تكلمي هدى .. وديمة فيها شي .. البيبي فيه شي هدى : ياك ولد يا هزاع هزاع : الله يبشرج بالخير ويلس يزاعج هزاع ويبشر ناصر انه ياه ولد ويقول : ياني ولد يا ناصر والفال لك .. ان شاء الله ناصر : مبروووووك ما ياك ويتربى بعزك ... وان شاء الله انا بعد كمن شهر بفرح باللي راح يرزقني اياه ربي ان شاء الله ... وتذكر هزاع هدى اللي كانت تصيح على الخط هزاع : هدى : بدال ما تستانسين قاعده تصيحين .. روحي ودي اليتلفون عند وديمة عشان ابارك الها والحين ياي طيران .. اريد اشوف البيبي ووديمة هدى والكلام يطلع بالغصب : الب .. ال .. البقى في راسك .. وديم .. ة .. وديمة .. عطتك عمرها .. وتمت تصيح وما قدرت تتحمل واغمى عليها وسلامه مب عارفة شو تسوي تزقر الممرضات ومب رايمه تمشي لأنها حامل بعد .. هزاع من سمع ها الكلمتين ما عرف شو يسوي وطار بالسيارة وكان راكب سيارته بو دمعه لأنه باع الرنج ومسرع في شارع المقام وانطر عليه التاير وتجلبت السيارة تجليب فيه وبناصر وناصر طلع من السيارة وكفخت رقبته بالرصيف وتوفى سيده .. اما هزاع فسيده دخلوه العناية المركزة لانه فقد كمية كبيرة من الدم بسبب النزيف والسيارة مالته اتكنسلت ..وصل الخبر لأحمد وروح سيده المستشفى وتلقى خبر وفات ناصر اللي كان مع هزاع ويا في موقع الحادث ولقى ناصر مغطينة بالفراس الابيض وما تحمل يشوفه ودمعة عينه .......وراح المستفشى سيدة ورى سيايير الاسعاف لأنه عرف ان هزاع ومحتاج دم وبغيبوبة ومن دخلوه المستشفى ودوه سيدة العناية .. وسلامه قاعده مع هدى تهدي فيها وتواسيها بوديمة وتتصل بناصر ويعطي مغلق وهدى تتصل بهزاع والتلفون بعد ماله مغلق مع انه يدري بالخبر ومستغربه كيف ما يا المستشفى ودقت حق ابوها ويا فيصل اخو وديمة وهوه يصيح ومنهار ويقول : انا لعوزتها .. انا غربلتها .. الله يرحمها ... بدال ما اصير ابو حقها او ام صرت لها عدو .. سامحيني يا وديمة ... وعوض يهدي فيه وماشي فايده وتم عوض هوه الثاني ماخذته العبرة ويصيح ... وهدى حالتها حاله تصيح وتحاتي هزاع اللي ما وصل ... وسلامه تعبت ودقت حق احمد واحمد ما يرد ... كان احمد مب مصدق اللي صاير ... ناصر توفى وهزاع بين الحياة والموت ما رامت ريوله تشله ... اتصل حق صالح ( ابو ناصر ) ويا معاه ضاحي ونايف من بوظبي وحالتهم حاله .. وام ضاحي تصيح في البيت من وصلها الخبر ودقت حق بنتها رفيعه تيها إللي كانت في بيت ريلها وما صدقو اللي صار مع انه كان مكلمنهن الصبح وسوالف بس القدر .... أحمد من وصل ضاحي وصالح ما عرف شو يقول ولا رام يتكلم وتم ماسك راسه ويقول : إنا لله وإنا إليه لراجعون " ويكرر ها العبارة وصل نايف ومن شافه أحمد تذكر ناصر لنهم توأم ويلس يصيح أحمد ويفكر بسلامه كيف بتتحمل خبر مثل هذا وهيه حامل ..نايف انهار وما صدق ان ناصر خلاص روح .. غاب عن الدنيا .. طلع نايف من المستشفى لأنه ما قدر يتحمل وخاصه يوم لمح جثة ناصر وكلها دم أحمد حاشرته سلامه بتيلفوناتها وطرشت مسج " اريد اروح البيت " وروح أحمد صوبها وكانت عيونه حمر وحالته تبين انه مب صاحي ووصل عندها وماكان يريد يراويها ويهه طلعو.. شوي الا سلامه تزقر : ناصر .. ناصر وينك انته احمد : وين ناصر ؟؟ منو تزقرين انتي نايف طالع سلامه ويلس يصيح وركب سيارته وراح ولا رد عليها سلامه وبروحها عيونها كلهن دموع على وديمة : الحق يا أحمد ناصر يسمعني ازقرة ولابسني ... شو بلاه ومن متى اتصل فيه كله التيلفون مغلق ما ادري شو سالفته .وين سيارته ؟؟ ليش يركب سيارة نايف ؟؟... احمد ركب السيارة وركب معاها وتم ساكت سلامه وهيه تصيح :احس انه صاير شي .. ومسكينه وديمة .. الله يرحمها أحمد مب فاهم : الله يرحمها ليش ؟؟ شو السالفه سلامه : وديمة حرمت هزاع توفت وهيه تولد .. بس يابت ولد وتوفت مسكينه ويلست تصيح أحمد : انصدم ووقف في طرف الشارع وما قادر يمسك عمره كل مرة يسمع خبر اقوى من الثاني وكله يقول " إنا لله وإنا إليه لراجعون " سلامه تشوف ردت أحمد مب طبيعية يعني تشوفه وايد منفعل وحالته حاله وبدى يصيح واستغربت وهنيه شكت انه شي صاير سلامه : أحمد ناصر فيه شي ؟؟؟ أحمد : .............................. مب قادر يرد عليها سلامه : ناصر فيه شي صح .. وهزاع وينه ... ليش ما يا صوب حرمته ... هاه ؟؟؟ شو السالفه قولي وأحمد : مشى بالسيارة ووداها بيتهم وكانت ام غانم موجوده وطول الدرب وسلامه محتشرة على احمد ولكن أحمد كاتم الحقيقة بداخله اللي مصير سلامه تعرفها .. ويوم وصلو وبعدها ما نزلت من السيارة اتصلت رفيعه فيها ( اخت ناصر ) ردت سلامه وهيه صوتها فيه ونت خوف ونبرت صياح ورفيعه تصيح ومنهارة وكانت تقول : " الله .. الله يصبرج يا سلامه و ..... .و ... يصب يصبر نا معاج .. .. والبقى في راسج .. بس انا .. ما اتحمل يوم بلا ما اشوفه او اسمع صوته ... سلامه : شو بلاج ؟؟ رفيعه رفيعه وعلى بالها سلامه تدري وقالت وهيه تصيح : ناصر مات بس احس انهم يجذبون علي .. يقصون علي ... آآآآآآآآآآآآآآآآآآآآآآه من سمعت سلامه ها العبارة بدت تصارخ : لااااااااااااااااااااااااا ..... آآآآآآآآآآآآآآآآآآه .. ناصر لأ .. لأ ....لأ بطني ... آآآآآآآآآآآآآه أحمد : عرف انه سلامه عرفت وحاول يهديها بس ماشي فايده وفرت التيلفون سلامه ورفيعه تصيح وسلامه مب رايمه تصدق الخبر وعورها بطنها وايد .. وتمت تصارخ : أحمد بطني الحقني بطني .. ناصر .. كيف ...توني شايفته .. لايكون نايف ... لاااااااااااااااااااااااااااااااااااااا .. كيف راح ناصر عني ..؟؟ كيف يصير جيه يا احمد قولي مسكت كندورة أحمد من صدرة ويرتها ويلست تقوله وهيه تصيح : قول .. كيف صار .. اكيد انتو تجذبون .. كان عندي .. هوه موصلني ..كنا مستانسين في البيت وكنا قاعدين نختار اسم حق البيبي .. لا .. حرام ما شافه ..لاااااااااااااا احمد تدمع عيونه ولف ويهه عن سلامه وبعدين قال : كان ناصر الله يرحمه....طالع هوه ويا هزاع ويوم سمعو بخبر وفاة وديمة انجلبو ومات ناصر وهزاع في العناية بين الحياة والموت سلامه : حراااااااااااااااااام اللي يصير معاي .. راحو وخلوني ... لااااااااا حرام ناصر .. يخليني كيف .. تونا مبتدين تونا ... لاااااااااا .. ناصر .. احمد قول انه حلم اقول انك تجذب قول أي شي ثاني إلا ها الشي ... وهزاع .... وهزاع بعد ... ياربي ... ما اقدر اتحمل ... آآآآآآآآآآآآآآآآآه ... ليش راحو وخلوني ... ليش ؟؟؟ ليش ؟؟؟ لي ...ش .... يا ناص ..ص ...صــر وما كملت كلامها وهنيه ما قدرت سلامه تتحمل واغمى عليها ووداها أحمد المستشفى وقالو انه الجنين في حالة خطر ولازم يرقدون سلامه وهيه ما تتحمل أي ضغط ولازم تترتاح ويمكن تفقد البيبي ...واحمد تعب زياده واتصل بحصه ويابها ريلها عبدالله ويلست مع سلامه وام غانم يت بعد ما عرفت من أحمد ودرت بكل اللي صار وحصه طول الوقت وهيه تصيح خايفة على سلامه والحاله اللي هيه فيها وتصيح على وديمة وهزاع اللي في العناية .. يا ابو هزاع وام هزاع وراشد وكانت حالتهم ما تسر أما عويش في البيت تصيح على حالت اخوها ...وعرف أحمد سبب الحادث واللي كان انه التاير انطر عليهم وقال له واحد من ربعه ها الخبر وكان هزاع محتاج دم فوق الدم اللي وفروه حقه ودبروه حقه واللي تبرع راشد اخوه لأنه مثل فصيلته وبس الغيبوبة اللي فيها هزاع للحين محد يدري متى بيطلع منها ... سلامه الجنين للحين في حالة خطر .. مر يومين على السالفه وديمة وناصر دفنوهم وهزاع بعده بالغيبوبة و هدى رجعت البيت عشان العزى وسلامه في المستشفى حالتها ما تحسنت .. وقالو انه الطفل يمكن يموت ولازم تهدى سلامه عشان كل شي يرد طبيعي وكله على الله لن سلامه كانت تريد تطلع من المشتسفى عشان بس تشوف ناصر او حتى تمسك يده للمرة الأخيرة تبا تشوفه ولو مرة او حتى من بعيد بس طبعا هذا ما يصير واللي تطلبه مستحيل .. سارة تدق حق احمد وتهون عليه المشاكل وكانت تصبره.. .. ________________________________________ الجزء الأخير سلامه الجنين للحين في حالة خطر .. مر يومين على السالفه وديمة وناصر دفنوهم وهزاع بعده بالغيبوبة و هدى رجعت البيت عشان العزى وسلامه في المستشفى حالتها ما تحسنت .. وقالو انه الطفل يمكن يموت ولازم تهدى سلامه عشان كل شي يرد طبيعي وكله على الله لن سلامه كانت تريد تطلع من المشتسفى عشان بس تشوف ناصر او حتى تمسك يده للمرة الأخيرة تبا تشوفه ولو مرة او حتى من بعيد بس طبعا هذا ما يصير واللي تطلبه مستحيل .. سارة تدق حق احمد وتهون عليه المشاكل وكانت تصبره.. |
مر اسبوع ونص ..الحمدلله تحسنت نفسية سلامه والبيبي قالو ان حالته استقرت وانه بخير بس ما تتحمل سلامه أي صدمة ثانية وكل شي بفضل الله عليهم .. ورجعت البيت وهيه مب مصدقه انها خلاص ما راح تشوف ناصر مرة ثانية .. ومب متخيلة انه تيب بيبي ما بيشوف ابوه وحتى ابوه ما شافه ولا فرح فيه .. ودومها تصيح وحصه تهدي فيها .... وسلامه بعد فترة قصيرة راحت ويمعت اغراض ناصر عندها وحتى كناديرة وصورة معاها ويابت اللبس اللي كان شارنه حق البيبي كان لونه يناسب الجنسين وكانت كل ما تشوف ها الاغراض تصيح وايد عليه وتتذكره وهذا غير انها كانت تقرا المسج اللي كانت مخزنته يوم شافها في المارينا .. حصة يت وباتت في بيت ابوها حمد عند سلامة في الحجرة سلامة منسدحه وعدالها بنتها وديمة نايمة وحاطة صبعها في ايد وديمة اللي كانت ماسكتنه وراقده يت حصه ويلست معاها تحاول تطلعها من الجو اللي هيه فيه حصه : سلامة تعرفين عبدالله شو ناوي عليه ؟؟ سلامة : شو حصه : ناوي يبني لي بيت بروحي ؟؟ شو رايج ؟؟؟ سلامة : زين والله حصه تقربت من سلامة وقالت : سلامي سلامة : ............. حصه : لي متى بتمين جيه صاكه على عمرج الباب سلامة : الله أعلم حصه : يا سلامة ترى هذا حال الدنيا سلامة : آآآآآآآآآآآه يا الدنيا ... حصه ناصر راح وخلاني ... ووديمة راحت ولا شافت ولدها ... وهزاع .... وهز ... وما كملت كلامها إلا الدموع نزلن من عيونها غصبن عنها حصه : يا ربي ... يا سلامة ترى اللي صار مكتوب سلامة : وهزاع للحين ما نعرف شو بيصير فيه .. الله يعين بس حصه : الله يشفيه سلامة : رحت له أمس والله لو شفتيه يا حصه آآآآآآآه .. ما تتخيلين كانه .... كانة ميت ... شو ها المصايب .. وتمت تصيح حصه دمعت عينها وراحت حضنت سلامة سلامة شلت وديمة الصغيرة وحطتها بسريرها وراحت وشلت كلينكس ومشت ويهها ويلست عدال حصه وقالت حصه : سلامة سلامة تطالعها وعينها كلها دموع حصه : ادعيلهم ... سلامة زخت ايد حصه وقالت : تذكرين كيف كانت وديمة مب قريبة مني ومنج وفجاة تغير كل شي وصارت مثل الأخت ... وناصر كنت أشوفه بنظرة ثانية قبل لا آخذه .. ومن خطبني وملجنا عرفت انه انسان ثاني وبعد ما تزوجنا كبر بعيني أكثر وأكثر ... الله يرحمهم ... ليتني انا اللي رحت مب هم حصه : لا تقولين جيه سلامة : ناصر كان وده يشوف عياله أكثر عني أنا .. والله حرام آآآآآآآآآآآه ويلست تصيح ... حصه : بس خلاص سكري الموضوع ... ترى مب زين اللي تسوينه بعمرج سلامة تمت تصيح حصه تمت تهديها ... ........................... مرن ثلاث شهور ولد هزاع عند هدى كانو يزقرونه ناصر واللي زقرة أحمد بها الإسم لذكرى ناصر المرحوم وطبعا بعدهم ما طلعو شهادت ميلاد له لن ابوه بعده في الغيبوبة وما يقدرون يسون شي ....وحصه تمت في العين في بيت ابوها تواسي سلامه يوم الأربعاء الصبح سلامه فيها ويع ما ينقهر سلامه تزاقر في الحجرة : لحقيني يا حصه .. لحقيني امييييييييييييه بموت من الويع ...آآآآآآه دخلت شمه عليها شمه : شو بلاج ؟؟؟ سلامه : زقري حصه .. وزقري امي .. انا بولد .. بموت من الويع آآآه راحت شمه وخبرت امها وحصه .. وين يترابعن وراحو ويا الدريول المستشفى وولدت سلامه ويابت بنت ... وبنفس الوقت كان احمد عند هزاع شوي هزاع يحرك ايده وقف أحمد وزخ ايده ويلس يكلمه ويقول هزاع تحس فيني .. هزاع .. واستانس احمد وزقر الدكتور وبعد كمن ساعه وعى هزاع من الغيبوبة ووصل تيلفون لأحمد انه سلامه ربت ويابت بنت وبدل الفرحه فرحتين ولادت سلامه ونشت هزاع من الغيبوبة ... سمت سلامه بنتها وديمة... ويوم كان هزاع في المسشتفى وكانت تمر سلامه ساعات صوبه يوم كان في الغيبوبة .. في المستشفى هزاع صحى من الغيبوبة ولقى عداله أحمد والدكتور وامة وابوة واخوه راشد هزاع : انا وين ؟؟؟ امة : الحمدلله .. الحمدلله ... وتمت تصيح وتتشكر ربها ومب قادرة تصدق انه طلع من غيبوبته أبو هزاع: الحمدلله على السلامة هزاع : الله يسلمك وشاف الدكتور المصري هزاع وقاله : تعرف من دول ؟؟ هزاع : وابوي ... هاذيلا اهلية الدكتور : ايه آخر حاجه ببتزكرها ؟؟؟ هزاع يحاول يتذكر وبعد جيه لحظات قال : هيه حرمتية .. بس ليش انا هنيه .. وايدي ملفوفة .. الدكتور : اصلك عملت حادس والحمدلله انك دلوأتي بخير .. انا هاروح دلواتي وهاجيلك بعد نص ساعه عشان عاوز اعملك فوحوصات ... هزاع يقول بخاطره : ان شفت غبرة ويهي ... ويحاول يتذكر الحادث وطلع الدكتور أحمد يطالع هزاع وفرحان ومب قادر ينطق بكلمة هزاع : شو صار عليه .... وكم الساعه الحين ... ما اداني المشتسفى .. وقعد على سريرة ومر في باله مثل الفلم " تذكر أول شي انه حرمتة وديمة بتولد وبعدين تذكر انه كان مع ناصر وشي صار فجاة مثل حادث شي جيه " وقال : حرمتي وديمة وين ؟؟؟ مب كانت بتولد امه نزلت راسها وقالت بصوت واطي " إنا لله وإن إلية راجعون " هزاع : امي رحتي عند وديمة ؟؟ شفتيها ؟؟ وينها ابا اشوفها ... او صح ناصر كان معاية شو صار عليه ؟؟؟ هاه ؟؟ احمد نزل راسه وشحب لون ويهه ابو هزاع قعد وتمت ساكت ومب عارف بشوه يرد على هزاع وراشد طلع من الحجرة هزاع : شو بلاكم ؟؟؟ ناصر صار فيه شي قولو ؟؟ اماية .. حرمتية وين ؟؟؟ أحمد .. ناصر وينه وشوه اخباره ؟؟؟ احمد : شو اقولك .. بعدين بتعرف عنهم هزاع : شو بعدين اعرف عنهم ... شو بلاهم ردو عليه ؟؟؟ وقف هزاع والوايرات عليه وقام يمجعهن امه تهديه وتقول : هزاع .. شو تسوي لا يا ولدي اقعد .. كلهم بخير هزاع : قلبي قابضني ... اكيد فيهم شي .. عيل ليش جيه ويوهكم صارت ؟؟؟والله ما بقعد دقيقة في ها المسنتشفى وزخ أحمد ايد هزاع وقاله : استهد بالله ... انت بعدك مب صاحي هزاع : لازم اعرف ناصر شو صار عليه ... يالله قولي وينه ؟؟؟ احمد ساكت هزاع : اذا موجود دق عليه .... احمد قعد على الكرسي وام هزاع تمت تصيح وابو هزاع راح صوب الدكتور يزقرة هزاع تقرب من احمد وقال بصوت عالي : ناااااااااااااصر .... رااااااااااااااااااااااااااااااااااااااااااااااااا اح وطاح على ريولة احمد انهار وام هزاع راحت صوبة وهزاع : انا اللي ذبحته ... انا اللي جتلته ... نااااااااااااااصر لااااااااااااااا .... وام هزاع مب رايمة تتحمل الموقف وزخت كتف هزاع وقالت له : الله يرحمهم هزاع انتبه انها قالت : الله يرحمهم .... وزخ ايد امه وقال : وديمة امه تمت تصيح هزاع : لا ... لاااااااااااا .... انا بتخبل ... اكيد انا احلم ... لأ انتو تكذبون عليه شوي دخل الدكتور ومعاه ممرض وزخوه بالزور وعطوه مهدي وطلعو اهله من عنده مرت فترة وعرف هزاع كل اللي صار ويابوله ولده وهوه في المستشفى ومن شافه قال : هذا ولدي ناصر ... وكانت عينه فيها فرحة وحزن بنفس الوقت ... ويا نايف وزاره ومن شافه اول مرة تذكر ناصر وتم يصيح ...... وسمى ولده ناصر على ربيعه ناصر اللي توفى واللي كان ريل سلامه اللي حزن على حزنها .. وتم هزاع فترة يرد اللوم على عمره ويتذكر كل اللي صار وخسارته لحرمته ولربيعه في يوم واحد ... كانت حالته صعبة في اول الأيام بس مع كلام احمد ووقفته معاه في مثل ها الضروف ووقفت نايف معاه بعد عدت الأوضاع على خير ... خسر غانم في شركته وكانت عليه ديون وايده ما رام يسددهن والقصر اللي بنوه ما سكنوه لأنهم ما رامو يدفعون حق المقاول فلوسه .. ضاقت الدنيا على غانم واستقالو الموظفين قبل لا يخسر اللي سرقهم من شركة حمد ورجعو عند حمد واشتغلو عنده وقالو انه غانم هددهم بتدمير حياتهم وكانو خايفين وانه فنشهم وقال اذا تبون تعيشون اشتغلو بشركتي والمساكين اشتغلو عنده بالغصب وبعد ما طفرو من معاملته لهم استقالو وراحو حق شركة حمد وخبروه بكل القصه .. وخسر غانم كل ما حوله ودونه .. ورجع عند حمد مذلول وريم ندمت على كل اللي صار لأنها لقت عمرها خسرانه بعد ما خلت غانم يبتعد عن خواته واهله واعترفت له بكذبها وغانم سامحها ورجعو لبيت حمد بس حمد قال انه بيعطيهم بيت يعيشون فيه لأنه مب قادر ينسى اللي سواه غانم فيه وبشركته .. وعاش غانم مع ريم بحالهم وابو غانم طبعا ما يخصه بغانم من يوم تطلق من امه ( لطيفة ) وغانم عمره ما كان يشوفه لأن امه كرهته فيه مع انه ابوه الصدقي طيب كان .. وراح غانم يسلم على ابوه اللي ما شافه من سنين وصار يزوره ويتواصل مع اخوانه اللي بالأبو .. وكان بعد يوصل حمد وعياله وها المرة ما نسى فضل حمد عليه .. وندم على كل اللي سواه .. ......................... تأجل عرس أحمد وبدل ما يعرس في الصيف هذا عرس في الصيف اللي بعده ويوم العرس دق أحمد حق العنود وقالها تي الفندق اللي كان فيه العرس وقالها تي على الساعه عشر وقال لازم تتعرف على خواته وانه بيخطبها قريب والعنود طبعا فرحت وتلبست وتجهزت حق العرس اللي كان في بوظبي وكانت بالصدفه بايته هناك ويا امها في بيت خالتها اللي كانت ماخذه واحد من بوظبي ويت في الوقت اللي قالها تي فيه ويلست وهيه على بالها مثل ما قالها عرس بنت عمته وما درت انه بينزف حقها .. ويلست هيه وربيعتها خوله ودخلت العروس واللي هيه سارة وكانت قمر ما شاء الله وكانت العنود تدق واحمد ما يرد لأنها كانت تتوقع خواته يقعدن عندها بس ما عرفتهن مع انهن كانن موجودات في العرس ويا وقت اللي يدخل فيه احمد وكانت العنود وخوله وكل المعازيم يتريون المعرس كانت سارة تجنن والقاعه وايد حلوة مسوين ديكورها كأنها من عصور الرومان ... وكانت حصه محلوة وايد وكانت سلامة مب متعدله وايد بس مع هذا طالعه تجنن ... بس بنتها وديمة كانت حلوووووووة ومغززة وعيونها عسلية ولابسة فستان وردي وأبيض وعليه بروش ذهب عليه ألماسات وردية وبيضة ... ودخل أحمد .. ما صدقت العنود اللي تشوفه وما صدقت ان اللي لابس البشت واللي راح ينزف حق العروس هوه احمد .. وعرفت انه رجعت احمد لها كانت انتقام وتمت تصيح وكان يمشي احمد شوي شوي عشان يشوف العنود وحرقت قلبها ولقاها من حسن حظة يالسه في الطاولات اللي تكون في الممر اللي يمشي فيه او الطريق اللي يمشي فيه ... ولقاها تصيح وتطالع صوبه وخوله حاظنتها وعقبها طلعت وكانت حمرة وأحمد شافها باحتقار وراح صوب سارة وباس راسها وقعد وهوه مرتاح عدالها أما العنود فبدال ما تصيح دموع كانت تصيح دم .. عيشها بوهم وبعدين انصدمت بزواجه اللي حظرته بدون ما تدري ان نهاية كلامه راح يوصلها لهنيه .. وتذكرت خيانتها وشو اللي كان يسويه عاشنها بس هيه اللي خانت وتمت تصيح وعرفت انه احمد اللي سواه انتقام وما نست ها الشي بس ما تلومه ...... وعاشت العنود على ذكرى احمد يالين ما راحت بنصيبها وخذها ولد عمها وما توفقت معاه وعاشت بعدين مع امها وهيه مطلقه .... وبعد عرس أحمد ورجعته من شهر العسل كان أحمد مسوي عزيمة في بيتهم في العين .. وعازم الكل ربعه واهله من بعيد وقريب يت حصه وريلها من بوظبي وهزاع واهله وولده ناصر معاه وكل اهلهم ما نقول نسو اللي فات بس نقول تناسو الهم اللي مرو فيه .. وكملو حياتهم وهذا حال الدنيا .. كانت سلامه مع بنتها وديمة في الصاله حاظنتنها شافها هزاع وكان شال ولده ناصر دخل عليها الصاله وقال وهوه قلبه يدق :السلام عليكم سلامه : وعليكم السلام هزاع : بخاطري شي ودي اقوله من زمان سلامه وهيه قلبها شوي ويفز من مكانه من كثر ما يدق : قول .. شو مانعنك هزاع : آآآآآآآآآآآآآآآآه .. وايد اسباب .. بس لازم اقول سلامه وهيه تطالع عين بنتها وديمة : قول هزاع : اسمحيلي على كل اللي صار ... سلامه : قبل لا تكمل ... ترى اللي صار مب بيدك .. والحمدلله على كل حال .. وانا راضية والحمدلله .. صح استويت ارمله بسرعه بس كله قدر ومكتوب هزاع وعينه فيها دموع يحبسهن : هيه والله ......... كله قدر ومكتوب مرت سنتين وكثرة زيارات هزاع لبيت حمد وكان يقعد عند احمد وسلامه تاخذ عنه ناصر وتيلسه مع بنتها وديمة وتعامله كأنه ولدها ... وبعد فترة تجرأ هزاع وخطب سلامه وكان شاك انها توافق يوم الاربعاء العصر الساعه 5 هزاع يالس في الميلس يتريا احمد وسلامه يالسه في الصاله تأكل بنتها تفاح نزل احمد ومعاه سارة وراح الميلس صوب هزاع اما سارة قعدت عدال سلامة سلامة : هلاااااااا والله سارة : اهلين وقعدت عدالها ويلست تلعب بشعر وديمة سلامه : شو اخبارج سارة : الحمدلله سلامه : وين رايح احمد ؟؟ سارة : عند هزاع .. ولد خالتكم صح سلامه بعد سكته طويلة : هيه ولد خالتي سارة : وتاكلين الحبوبة تفاح .. فديتها محلاتها سلامه : ههههههههه .. لو شفيتها مساعه كيف يرت شعري سارة : دومج فاجتنه حقها .. كيف تبينها ما تيره لج سلامه : هههههههههه ويلسن يسولفن في الميلس دخل احمد ووايه هزاع وقعدو احمد : هلا بو ناصر شو اخبارك هزاع : الحمدلله يسرك الحال احمد : وين الفواله هزاع : ما اريد شي احمد : مايصير شو ها الكلام وراح احمد الصاله احمد : سلامه ... ازقري على وحده من ها البشاكير تيب الفواله الميلس سلامه : دقيقة سارة : لأ انا بروح .. وانتي اكلي بنتج وراحت سارة المطبخ تامر على البشكاير بحطن الفواله ويودنها الميلس في الميلس احمد : اسمحلي يا بو ناصر هزاع : مسموح ... ويا احمد انا مب غريب احمد : بس عزيز وغالي ولازم نسوي الواجب هزاع : تسلم احمد : ها شو السالفه المهمه اللي قلت انك تبا تكلمني عنها وما طعت تقولها لي بالتيلفون ... محتاج شي ...؟؟ ترى رقبتي سداده هزاع : لا مب سالفة محتاي بس .... احمد : قول اللي بخاطرك ترى ما بينا كلافة هزاع : بصراحه يا احمد انا حاب ...... احمد : هيه هزاع : اتقرب منك .. واريد اخطب ايد اختك سلامه احمد ابتسم وقال : من ناحيتي يا بو ناصر ما عندي مانع بس لازم نشاور راعية الشان إللي هيه سلامه هزاع : ادري انها ما بتوافق بس قلت اسوي اللي كنت من زمان اريد اسويه احمد : يا ريال .. المكتوب راح يستوي هزاع : يالله .. قولها اني اريد اتزوجها عشان نربي عيالنا مع بعض وعشان بعد ... احمد: ماله داعي تكمل هيه تعرف بها الشي وماله داعي تشرح يا بو ناصر هزاع : ايه يا الدنيا تبا الصدق وديمة الله يرحمها ما نسيتها بس ولدي ناصر محتاج ام تربيه يحس بحنانها ومثل سلامة وما راح القى وخاصه انه عندها نفس مشكلتي ولدها يبا ابو وانا بصير حق وديمة بنتها ابو وما بقصر فيها وبعاملها مثل ما اعامل ولدي احمد : ان شاء الله بس خل سلامه توافق .. وانا متاكد انك ما بتقصر يا بو ناصر هزاع : تسلم يا احمد .. احمد : هاذيه الفواله ويت يالله اهبش وقعد احمد وهزاع يسولفون ويتقهويون وقبل صلاة المغرب راح هزاع واتصل احمد بأبوه وقاله السالفه وقال حمد : تباني انا اكلمها ولا انته ؟؟ احمد : انا بكلمها حمد : خلاص عيل وقولي شو ردت عليك وسكر احمد عن ابوه وراح الصاله ما لقى غير ساره يالسه احمد : حبيبتي وين سلامة ؟؟ سارة : في الحجرة احمد : اوكي .. وراح احمد الحجرة صوب سلامه ودق الباب سلامه : ادخلي يا سارة احمد :انا مب سارة سلامه : ههههههه ادخل يا احمد يا ريل سارة ودخل احمد احمد : السلاااااام عليكم سلامه : وعليكم السلام احمد : شو تسويييييييييييييييين ؟؟؟ سلامه : ارقد ها الشيطونه احمد : يعني ايج في وقت ثاني سلامه :لا عادي اقعد يلس احمد عدال سلامه وقال : سلامه سلامه : هلا احمد : تراني ياينج بموضوع سلامه عدلت قعدتها وقالت : قول .. تفضل احمد : بغيت آخذ رايج بموضوع سلامه : شوه الموضوع ... خوفتني تراك احمد : في شخص طالب ايدج سلامه : ما افكر بالعرس احمد : انزين انتي خليني اقول اللي عندي وبعدين ردي سلامه : انا صدق ما اريد اتزوج احمد : حتى لو كان هزاع هوه اللي ياي يخطب سلامه وهيه منصدمة قالت : هزااااااااااااااع احمد : هيه هزاع ... ولا تردين الحين ... خذي وقتج وفكري سلامه : بس احمد : لا تردين الحين ... فكري ... ولا تفكرين بنفسج وبس فكري ببنتج وكيف بيكون احساسها اذا لقت ام وابو يربونها بنفس الوقت .. سلامه دمعت عينها وتذكرت ناصر وراحت حظنت بنتها احمد : يا سلامه لا تصيحين سلامه : شو تباني اسوي احمد : لا تسوين شي بس هدي عمرج وفكري وخذي وقتج سلامه : .................... احمد : بس بقولج شي واحد انه ما بيقصر فيج وبيعامل بنتج مثل ولده سلامه تمت عينها تدمع وتتذكر ولد هزاع ناصر وكيف ها الولد متعلقنها وهيه حبته وايد وتعاملة مثل ولدها ووتذكر هزاع يوم يشل بنتها وديمة ويعقد يلعبهامع ولده ناصر كلنهم عياله بثنينتهم ... احمد : انا طالع وردي علي متى ما قررتي سلامه : قوله اني وافقت خلاص احمد : مبرووووووووووووووووووك يا سلامة .. كنت ادري انج بتفكرين بباجر وبستقبل ها العيال سلامه : الله يبارك فيك ... وط صوتك عن تقوم ودوم احمد : بقول حق ابوي عيل وبرد على هزاع وبقول حق امي ابشرهم سلامه : انزين لا تقولهم اليوم احمد : شو اتريا هاه ؟؟؟؟ اخليهم على اعصابهم ليش وافقت سلامه على هزاع والسبب انهم تبا تربي وديمة وناصر مع هزاع وللحين في قلبهم حبهم الجديم وهزاع كان هدفها نفس ها الهدف .. درى هزاع برد سلامة واستانس ودرت حصه واستانست لأن حيات سلامة راح تتغير ....... مرن شهرين وفي ليلة العرس وكانت وديمة وناصر (اليهال) عند أم غانم اللي صارت حنونه اكثر وتهتم أكثر باليهال وبعيالها بعد... سلامه تكلم هزاع : تصدق مب عارفه اقعد بلا وديمة ولا نصور ولدك هزاع : صدقج احس انه شي ناقصني .. بس بصارحه ما بناخذ راحتنا اليوم ويا حشرتهم .. صايرين توم وجيري .. سلامه : هذا نصور ولدك دومه يمط شباصات ودوم .. حليلها براسها شعرتين ويمطهن ولدك هزاع : بنتج بزية خليه يأدبها شوي سلامه : احلف انت بس ..... هههههههههههه فديتهم والله مصيرنا باجر نشلهم ونربيهم انا وانته .. هزاع : ما اصدق ..... سلامه انتي خلاص حقي سلامه : الحمدلله .. بس ما تخيلت اني عشان اصير لك بيصير كل اللي فات هزاع : آآآآآآآآآآآآآآآآآآآآآآآآآآآآه .. احبج ... احبج .. احبــــــــــــــــــــــــــج سلامه وخت وقالت : تتذكر المسج اللي كتبته لي يوم كنت بتملج على وديمة الله يرحمها هزاع : صدقيني ما نسيته .... لليوم محفور بقلبي ومسك ايدها وعينه بيعنها سلامه قالت : الواقع غريب هزاع يرد عليها : ولكن القدر اغرب سلامه : نعيش الحب هزاع : ومع هذا نجهله |
واخيرا خلصت بس دخيلكم هالله هالله فالردود والله اني تعبانه عليها |
مشكوره على الجزء الثالث والرابع ويعطيج العافيه |
مشكوره على الجزء الخامس والسادس ويعطيج العافيه ونتريا منج كل يديد |
ஹღˆ¨°ღ♥يسلمووووو ويعطيكم الف لف العافيهღّღˆ¨°ღ♥ღஹ ۖษۖईبالتوفيج ان شاء اللهวζۖณ |
العفو بس يعني هالردود والله تعبت عليها لين لقيتها وحطيتها |
مشكووووووووه على القصه الحلوه الصراحه ماشي احسن عن هاي القصه |
مشكوره خيتوو ع القصة |
مشكور اخوي الفلاي ماتقصر ومشكورة اختي المجرمه ملاك |
اقتباس:
|
مشكورا اختي على القصة انا صحت لما عرفت ان ناصر ووديمة ماتوا ااااااااااااااااااااااه يا حرام |
| الساعة الآن 12:21 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir