|
سكر عيونك حبيبي وشوف كيف دنياي بدونك السلام عليكم مرحبا ..شحالكم ؟؟ عساكم بخيرر هالرواية أول رواية أكتبها فكرت وووايد وترددت قبل ما أنزلها فنهايه قررت أني أنزلها وأشوف ردت فعلكم أتمني أشوف تفاعلكم معاي إذا عيبتكم الرواية بكمل كتابة وإذا العكس خبروني وبوقف ان شاء الله تعيبكم لا تنسون رآيكم يهمني ملاحظه" لآ احلل ولآ استبيح اي شخص ينقل الروايه دون ذكر اسمي" الجزء الأول ((( في ذمتي [ْذمه وذمه وذمه] أنكـ بعيني عن ثلاثين مخلوق..غالي وقدرك في ضلوعي آضمه ..ولك في حنايا خافقي يالغلا شوق ))) \ \ يالسه بروحي ع زاويه وحاطه يديني الثنتين ع ويههي وأرجف من الخوف ونا أسمع صوت يناديني من بعيد وكل ما مر الوقت الصوت يقترب مني أكثر ..المكان يخوف ..الظلام محاوطبه من كل صوب . ما قدرت أتنفس ووحطيت إيدي على قلبي وهو يدق بسرعه كبيرة لدرجه أني حسيته بيطلع من كثر دقاته ..فجئة حسيت بأيد مسكتني من ورآى وتشدني بقو .. ما رامت أتحمل أكثر عن جيه وصرخت بصوت عالي غادة :آآآآآآآآآآآآآآآآآآآآآآآآآآآآآآآآآآآآآآآآآآآآآه خوزو عني اآآآآآه وتميت أصارخ وأصيح بأعلا حسي هند فاجه عيونها من ألزيغه : أنتي أيه نشي يالخبله بلاج تصارخين وردت ورا خطوتين حطيت إيدي ع ويههي ويلست أصيح بصوت مسموع ..تميت فترة على هالحال وبعد مرور دقايق .. أنتبهت ع النور وفجيت عيني حصلت أختى هند فاجه حلجها وعيونها من الزيغه طالعتها : ه ه هند هند فقمة خوفها : بسم الله يا الساحره وطلعت من الحجرة مغبره انتبهت وستوعبت اللي صار : آآآآآه كنت احلم ..أعوذ بالله منك يا أبليس ومسكت رأسي مب مستوعبه الحلم اللى حلمته وغمضت عيوني ياربي شو هالكوابيس اللى أحلمها من فتره ..يالله بسترك بس.... يت عبالي أختي هند وتذكرت شكلها كيف كان وهيه فاجه حلجها من الخوف خخخخخخخخ : ياربي يا هنوده جانج للحين ما تعرفين أختج يوم تحلم!!..شفت الساعة حصلتها 7 نشيت ورحت الحمام وخذتلي شور ع السريع وتلبست وتكشخت ع الخفيف ويلست ألملم أغراضي ونا أشوف الساعة خايفة أتاخر على كلاسي . . أم منصور : ولا واحد فيكم يروح الدوام وهو مب متريق ..سمعتوني منصور وهند فالنفس الوقت ::سمعنا سمعنا أم منصور بعصبيه : أدريبكم أنا تسمعون مني "أتأشر على أذنها " وطلعون الرمسه مني "وتأشر على أذنها الثانيه "" لكن ما بخليكم اليوم لين ما تخلصون الريوق كله منصور وهو يشرب الجاي :بسني الحمد لله هند : أمايه سمعي منصور يبا يشرد منصور يخز هند بعيونه .. أم منصور :نعم نعم شرده ماشي لازم تتريق مب كل يوم تقص عليه بكوب الجاي هذا وتروح منصور : أمايه والله ما أبا وبعدين ما يواحيلي هبابي أوصل الدوام ع الوقت أخاف أتأخر... مافيني ع صدعت المدير .. شل سويجه وباس راسها وطلع. أم منصور : ربي يوفقك يا ولدي ويرزقك البنت اللى أتحبك وأداريك هند بوزت : وليش يعني كل هالدعاوي حق منصور؟؟؟ ليش اأنا مب بنتج أم منصور : وابويه ع بنات أخر زمن عيب هاالرمسه أنتى صغيره بعدج شدي حيلج ونجحي بتفوق عقب لاحقه ع العرس وصدعته هند بعدها مبوزه : حليلي انا الهزاب فيني من الصبح.. ما تكفيني الزيغه اللى سببتها لي بنتج غادة وهيه تطريني نزلت من الدري ورحت صوب أمايه وبست راسها غادة : صباح الخير امايه ..وين منصور ؟ أمايه مبتسمه : صبااح النور .. منصور روح دوامه وبعدين خلي عنج منصور وقعدي تريقي لاحقه ع الدوام خفت : منو بيوديني عيل ؟ أمايه :ابوج داخل غرفته تريقي وعقب بوديج هند : شحالج الساحره ؟ شفت هند وبتسمت :: ههههههههههههه أمايه أطالعنا :بلاكن هند :ماشي أمايه كالعادة بنتج تصارخ جنها ياهل يوم اقومها خزيت هند : ماعليج منها كنت احلم وما حسيت بعمري أمايه :سمي بالرحمان حبيبتي وتعوذي من بليس غادة : بسم الله الرحمان الرحيم ..وأعوذ بالله منك يا بليس .. شفت هند بخبث :هندووه تعوذت منج غريبة ما أختفيتي هند مبوزه : شوفي أمايه شو تقول .. اخر العنقود انا لازم دافعين عني أمايه أطالعني : بلاج أمايه على أختج غادة : ما عليج منها هذي بزيه هند : من حقي اتبزا لين ما أقول بس "تشوف امها بدلع وترمسها " مب أخر العنقود أمايه تبتسم : طبعا الغالية أخر العنقود وتبزي من حقج حبيبتي طالعت أمايه وفخاطري "محد بيضيع هندوه غيردلعج الزايد " دش أبوي الصاله : صباح الخير بناتي ردينا : صباح النوووور ..ونشينا نبوس راسه غادة : أبوي أباك توديني الجامعة طالع ساعته : يلا سرينا هند: اتريوني بيب شنطتي وبلحقكم لا تروحون عني قتلها : بسرعة لا تتاخرين . دقايق ولحقتنا هند السيارة . فالجامعة دخلت استراحة البنات حركت راسي يمين ويسارأدور على ربيعتي مريوم ..وشفتها كانت قاعده تفرفر ورق لكتاب بملل وما انتبهت علي فاجئتها :مريووووم آخيرا حصلتج فزت : بسم الله ... غادة : شو شايفة بليس ؟ مريم حاطه ايدها ع قلبها : الناس ترمس بشويش مب أطيرين حمامة فوادي فجيت عيني بهبل : طارت عنج وخلتج مريم تضرب جتفي بالكتاب : عن السخافه ..صدق زيغتيني ما تشوفيني سرحانه غاادة : اكيد تفكرين بحمووود مريم تنزل راسها : هيه انأ عندي حد غيره شاغل تفكيري .. تخيلي غاادووه أمس ما قدرت ادرس للأمتحان عدل كثر ما افكر فيه طالعت مريوم بنظره حاد : يا سلام ونحن شو اتفقنا مريم شويه وبتصيح : والله مب بيدي أحبه مووووت وما أقدر ما أفكر فيه رمستها بعصبيه خفيفه : مريوم حبيبتي نحن خوات وأنا أحبج وأخاف عليج ..حمود هذا من بديتي ترمسينه وحياتج أنجلبت فوق تحت .. شوفي شكلج كيف صاير ؟؟.. طول الوقت سرحانه وتفكرين وأحيانا حزينه واحيانا مدري شو .. حرام اللى تسوينه بعمرج .. ياليت عاد يبين فعينه كل هذا ..بالعكس أشوفه كل ما مر يوم يجرحج أكثر وأنتى تتحميلين وساكته وصابره ..أبا أفهم شو هالحب اللى خلاج وحده ثانيه ؟؟ ..سكت شوي ونا أشوف ملامحها الحزين ... حبيبتي هالسنه آخر سنه لنا فالجامعة لازم تشدين حيلج ولازم تهتمين بعمرج ..حرام تضيعين مستقبلج بسبت واحد للحين مب متوضحه نواياه صوبج ..صدقيني راح تندمين عقب ع الأيام اللى ضيعتيها من حياتج بسبته و بعدين أنا أشتقتلج مريوم " مسكت إيدها " اشتقت حق شطانتج اشتقت حق سوالفج الحلوة ومقالبج رجعي مريوم اللى أنا اعرفها مريم مغمضه عيونها وتصيح بهدوء غادة :بس عاااد مريم : ادري انج صادقة بكل حرف قلتيه لكن انا أحبه بجنون يا غادة بجنون .. والله حاولت أنساه حاولت ما أفكر فيه بس للأسف ما قدرت رديت عليها : أنا بساعدج مريم :..... غادة :موافقة ولا لا ؟ مريم : موافقه حبيبتي ..وحظنتني بقو وهي تصيح وتقول فخاطرها (ربي لا يحرمني منج يا أعز صديقه )) عقب رحنا بسرعة للقاعة عشان نلحق ع الامتحان . . منصور قاعد يشتغل فالمكتب وفجئه رن تليفونه بدون سابق أنذار.. منصور فخاطره ((أنا ما أيوز دوم يرن ويفضحني فدوام لا بعد المدير اليوم فالمكتب )) بسرعه ضغط عليه وخلاه صامت محمد يطالع ربيعه منصور المتوهق وفيه ضحكه ويرجع يشوف المدير المدير بعصبيه : يعني ما تعرف ان التليفونات لازم تكون صامته وقت الددوام ولا انته يديد تشتغل عدنا وبعدك ما تعرف القوانين منصور يبلع ريجه : بالغلط ..السموحه منك بوفهد المدير : أنا التهاون هذا ما أحبه.. مب يعني أنك ربيع ولدي تأخذ راحتك فالدوام .. أنت حالك حال أي موظف يشتغل فالشريكة هذي سمعت منصور منزل راسه : سمعت ..وأوعدك هالغلطة ما تتكرر المدير : أتمنى هذا الشيء ... وطلع من المكتب يكمل جولته على أرجاء الشركة ..من أختفت خطوات المدير محمد بصوت عالى :ههههههههههههههههههههههاااااااااااااااي تستاهل يالخسف ما تيوز لازم كل أسبوع تتفشل جدامنا منصور بعصبيه : أنطب أنت تراني مب ناقصك محمد وهو يمثل الخوف : لا لا الله يخليك ما اتحمل اخاااف منصور زادت عصبيته وخزه بقو .. محمد بخوف : بلاك يا ريال نمزح معااااك منصور ببتسامه خفيفة : من عرفتك وأنت خواف محمد مبوز أونه زعلان : برايك.. رايك فيني ما يهمني يكفني حبيباتي يشوفني سبع منصور : وأنت ما تيوز من سوالفك هذي محمد : شو أسوي يعني.. أحس انهم بندول حياتي من ارمس وحده يتعدل مزاجي وارتاح منصور بتنهيده : الله يعين بنات الخلق عليك بس محمد : يحمدون ربهم اني عاطنهم ويه ورمسهم والله يا منصور أنهن يمووتن فيني ..خصوصا وحده اسمها مريم تمووووووت تموووت فيني ..تخيل منصور أطبها بالشهور وكل ما عاتبتني أقص عليها وتصدق يحليلها منصور يهز راسه : لا حول ولا قوة الا بالله .. والله حرام اللى تسويه فبنات الناس حرام محمد : خلني اتمتع بالدنيا الواحد يعيش مره وحده بس ..وودر عنك المثاليات وخلني أكملك عن مريوم.."يعتدل فيلسته ويجابل منصور " هالبنت يا منصور تخيل تهديني عطور وساعات غالية واللى يضحكني تقولي متى بتخطبني ؟؟ يعني انا لو بغيت اتزوج بخذ وحده شراتها تفر عمرها ع الريايل منصور يطالعه بدون تعليق : ............................... محمد يكمل : قتلها طرشيلي صورتج حبيبتي وبعد شهرين بخطبج ..>>خخخ قصيت عليها طبعا ودخل أيدينه فدرج المكتب وطلع ظرف وفتحه وظهر الصور اللى فيه وحطهن فاليدين منصور منصور فاج عينه : حمود شو هذا ؟؟ محمد : صورها يعني ما تشوف منصور يجلب بالصور : هذي خبله ؟ محمد : صدقتني يوم اقولك تموت فيني منصور : دامها تحبك لهذي الدرجه نفذ كلامك وخطبها محمد يخز منصور : بلاك أنت لا يكون بس عيبتك ورحمتها ..حبيبي هذي مثل ما عاطتني صورها أكيد عاطيه غيري منصور تضايق وفر الصور على محمد : رمسنا زيادة عن الزوم خلاص خلنا فشغل الحين ونش وراح مكتبه ومحمد رجع الصور مكانهن واندمجوا الاثنين فالشغل |
البارت الثاني ((( قصتي بالليل تكتبها النجوم ..فوق صفحات السماء بشراقها ..بأحرف الأحزان وسطور الهموم ..خطت الواقع من أقصى أعماقها ))) \ \ فالجامعه مريم تشوفني : جنه أخوج تأخر عليج رديت عليها بتعب : يحليله منصور أكيد فالشغل الحين مريم : كيف ؟ هو كل يوم أيج هالوقت طالعتها : صحيح بس لما يكون مضغوط فالدوام يتاخر شوي مريم : هيه ..يحليله انتبهت ع سيارة : جنه مريوم وصل مريم : يا حيج بتفتكين من هالحر وقفت : تعالى معاي مريم : ماله داعي اكيد لدريول مشغول مع امي ومن يخلص شغل بيني طالعتها بنظره تهديد : مستحيل أروح وخليج بروحج مريوم أنتى تعبانه مريم : بس قاطعتهاا ومسكت أيدها وسحبتها معاي ومريوم مستسلمه لي . . فالسيارة محمد يشوف بنتين يتقربن من السيارة : أنت قلت ياي تشل أخت وحده مب ثنتين منصور : أكيد هذي صديقتها يالخسف محمد : ما شاء الله وأنت اليوم أتكس فديتك الا توصلني.. والحين بتوصل صديقة أختك خخخخخخخ >> جم الأجر رفيق ؟؟ منصور يخزة : لا تخليني أتهور ونزلك من السيارة وخليك تروح بيتكم مشي ..أحمد ربك أني رضيت أشلك ..أنته وسيارتك الخربة محمد يشوف منصور ويأشر له بيده عسبت يسكت فجيت الباب اللى يم أخوي : ااا سوري ..قفطت وسكرت الباب ورحت صوب الباب الخلفي وركبت وراء وركبت حذالي مريوم غادة ومريم : السلام عليكم منصور ومحمد : وعليكم السلام والرحمه منصور : وين بيت صديقتج غاادة قافطه : عدالي بيت خالوه فاطمه منصور : تمام أول بوصل ربيعي لان بيته قريب وعقب بوصلها ومشى لحد ما وصل لبيت شعبي صغير ووقف ونزل منه ربيعه محمد منصور : يلا أشوفك باجر محمد : ع خير إن شاء الله ومشكور يا رفيــ اقصد منصور وضحك ودخل البيت منصور فخاطره ((تقصد يا رفيق ادريبك حمود بس ما عليه بأدبك باجر )) ..ابتسم وهو يتذكر شكل حمود وهو ينزل حسيت بقرصه جان أنقز من مكاني وطالع مريوم بحس خفيف : بلاج ؟ مريوم مسكت إيدي غادة : مريوم شو فيج ردت علي بخوف : حمود انتبهت حق ملامحها من تحت الغشوه وكيف مبين عليها الخوف وعرفت ان ربيع منصور نفسه حمود اللى هيه ترمسه تفاجئت : معقولة هذا صديق منصور اخوي مريم وهي متوتره تهز راسه بمعني هيه صديت عنها صوب الدريشه ونا مب مستوعبه اللى قالته مريوم ونفس الحالة مريوم مصدومة وسااكته ..قطع هذا الهدوء الغريب منصور لما وصل بيت خالوه منصور : غادة البيت وين ؟ دليته مكانه البيت ونزلت مريوم... عقب توجه منصور لبيتنا وهو مستغرب من هدوئي منصور : بلاج؟؟!! مب متعود اشوفج صاخه ما ترمسين رديت عليه بقهر : ليش شو قالولك عني ثارثاره 24 ساعة أرمس ما ارتاح منصور عاقد حياته : بلاج نسولف ويااااج تنهدت : سوري منصور بس مضايقه شوي صد صوبي : ما بسالج شو فيج لاني ادري ما بتخبريني بس بقولج لا تضايجين ما في شي يستأهل هالويه الحلو يكشر عشانه .. وغمزلي رديت ببتسامه خفيفه : سخيف . . . شغلت لمكيف وطولت عليه ..عقب فصخت عباتي وفريتها ونسدحت ع الشبريه ... غمضت عيووني .. وسرحت باللى صار اليوم .. ياربي ثقتي فاخوي كبيرة ومتاكدة انه مب شرات نوعية حمود الوصخة .. اخوي محترم ومتفهم واهم شي يخااف ربه عكس محمد تماما.. حمود كل مواقفه مع مريوم تدل على حقارته ونذالته بس كيف ربيع منصور وعلاقتهم قوية فبعض وبينهم هذا التناقض الكبير؟؟؟!! كيففففففففففففف!!!! أنا ماعرف حد من ربع منصور غير حمود....تنهدت بضيج : اااه من صغري وهم ربع وطول الوقت مع بعض لدرجة أن منصور توسط حق محمد عسبت يشتغل معاه فنسفس المكان فتحت عيني ورجعت سكرتها ... ما كنت أتصور انه نفسه حمود اللى ترمسه مريوم!!! ..يا ربي شوه هالصدف الغريبة .. تلاشت كل افكاري لما سمعت صوت التليفون يرن ..مديت إيدي وضغطت عليه من دون ما أشوف منو المتصل بهدوء : مريوم مريوم بصوت مبحوح : معقولة غادوة ؟ بحيرة : والله ما عرف شو أقولج!! ..أنا بروحي مصدومة ومب مستوعبه للحين انه ربيع منصور اللى أنا دووم ارمسج عنه مريوم : أنتى اللى ترمسين عنه شخصيته غير غير غادة : ما دري مريوم أنا مشوشة والموضوع مب داش راسي .. فديتج يمكن أنتي مشبه عليه ؟؟ يمكن مب هو ؟ ردت علي بثقة : قسم بالله غادوة انه محمد اللى أنا ارمسه ..ممكن أغلط فكل الناس إلا الشخص اللى أعشق الأرض اللي يمشي عليها .. تنهدت : معاج حق فديتج مريم بصوت حزين : غادة الكلام اللي قاله لي حمود ما ينطبق على صديق أخوج منصور .. سكتت شوي وكملت : معقولة يقص علي معقولة ؟؟؟ غادة : امممممـ والله مخي وقف عن التفكير مريم : شرايج اخبره اني ربيعتج اللي كنت بسيارة معاكم اليوم رديت عليها بسرعه ::لالالا أحسن ما يعرف مريم : رايج يعني ؟؟ غاده : هيه حبيبتي ..شوفي كل شي مع الايام بيوضح صدقيني وخلج معاي ولا تخافين وياويلج لو خبرتي حمود انج ربيعتي ..خلينا نعرف شو نواياه بالضبط مريم براحه : حبيبتي والله ..ما تتخيلين أشكثر كلامج ريحني ..كنت محتاجه أسمعه .. وان شاء الله بنعرف كل شي جريب غادة : إن شاء الله . . مشاعل فاجه لابها وقاعدة تشتعل عليه وهي ميتة من التعب بس مكابره عسبت تخلص الشغل وترتاح عقب ..تنزل ريم أختها من الدري وتروحلها ريم : شعولة متى ناويه ترقدين ؟ مشاعل أطالعها بتعب : بخلص الشغل اللى علي عقب برقد ريم برجا : حرام عليج تعالي معاي أخاف ارقد بروحي مشاعل : ريموه انتى حرمه وللحين تخافين ريموه : هيه اخاااف ارقد بروحي اخاااف!! شو أسوي يعني؟؟ ..وبعدين أنتي محتاجة ترتاحين من العصر وأنتي ماسكه اللاب شوفي شكلج كيف تعبااان ..رحمي عمرج تراج لاحقه ع الشغل مشاعل تشوف أختها بنص عين : بتفهميني الحين أنج خايفه علي ريم خبث : هيه أخاف عليج أنا جم شعولة عندي وتروح تبوس راسها ريم: امووووووواح حق احلا اخت مشاعل رغم تعبها ما قدرت تمسك عمرها من الضحك مشاعل : ههههههههه ...خلاص رحمتج ريموه ببند اللاب وبروح سوا فوق ريم مستانسه : فديتج والله حفظت مشاعل شغلها ع اللاب وبندته وصعدت فوق مع أختهاعشان ترقد وترتاح . . مسكت كتابي أحاول أدرس ..تمت فتره على هالحال وفجئه فريت الكتاب بالقو ع الأرض : اففف والله اللى صار اليوم مب قادرة أشيله من بالى ..استغفر الله لازم أدرس وراي امتحان باجر .. لا حول .. ما عليكم مني انا هالمكر اللى فيني ماعرف متى بودره ..لو ما صايره مشكله بقعد احلل قضايا الشرق الوسط فترت امتحاناتي فكيف اليوم تبوني ادرس بعد اللى صار مع مريوم ..حبيبتي والله هالبنت متغربله فحياتها .... إذا انا جيه حالي عيل اهي فديتها كيف بتقدر تدرس !!.. يا ربي انا احسنلي اقوم اسويلي كوب نسكافيه اعدل فيه مزاج عقب ارجع أكمل .. طلعت من غرفتي ونزلت تحت حصلت أمايه وأبوي وهند ياكلون فواله فرحتلهم بوزت : جيه ما تزقروني اكل معاكم ولا هند مكفتنكم يعني أبوي: انتى الغالية ما أروم نصبر عنج بس ما بغينا نزعجج وانتى تدرسين أمايه : وأبوج الصادق ما بغينا نخرب عليج دراستج ابتسمت :هيه اذا جيه برايكم هند : شعليج الكل يراعيج ..وتبوز : ولا جني أنا الحين ثانوية عامه حليلي أبوي يطالعها بنص عين : يعني نحن ما مسوين لج سالفة هاه ؟؟! هند بخوف : أمبلا مسوين لي سالفه تهز راسها لالا مسوين لي سالفتين مب وحده الكل : هههههههههههههههههههههههههه غادة : بخليكم عيل بسويلي كوب نسكفيه وبرجع ادرس أبوي : الله يوفقج ابتسمت : أمين ربي يسمع منكم .. خليتهم ورحت المطبخ ونا داشة شفت منصور يشرب كوب ماي منصور ببتسامه : الحلو أخباره الحين ؟ بعده مضايج ضحكت : هههههه دخيلك عن اصدق عمري بس منصور : عيل اسكت أحسن ..ما فينا تتحسبين عمرج حلوه وتاخذين مقلب فنفسج ضربته ع جتفه : منصوووووور منصور :هههههههههههههه شليت الغوري وصبيت فيه ماي ومنصور يشوفني .. صديت صوبه : تبا تشرب معاي نسكفيه منصور : دامج أنتى بتسوينه اكيد أبا ابتسمت "هذي فرصتي ارمسه عن حمود الخسف "كملت شغلي وعقب دقايق صبيت النسكفيه وشلت الكوب ومديت أيدي صوبه : تفضل يا أخي العزيز منصور بضحكه : تسلمين يا أختي العزيزة مديت بوزي : هات الكوب خلاص غيرت رايي . منصور : ههههههههههههههههههههههه .. غادة : ههههههههههههههه غامرت وسألت :منصور انتى للحين ما عندك غير حمود ربيعك رد علي بعصبيه : نعم ..شو حمود بعد ؟ يلعب معاج كورة خفت :بلاك زين اسفين(( محمد)) "فخاطري الله يغربل بليسج يا مريوم كل منج تعودت أزقره حمود " منصور : هيه جيه أباج غادة: زين ما رديت عليه ما عندك غيره ؟ منصور عاقد حياته : كيف ما عندك غيره !! رمسي عدل رمست بجديه : من صغري ومحمد ربيعك فحياتي ما سمعتك تطري غيره ..ااامم قلت أسالك يعني ما مليت منه ..غير شوي؟؟ ((تحاول تنكت )) منصور : يا سلام لعبه هو عشان أغيره ..محمد صديق طفولتي ومستحيل أبدله أو أفرط فيه .. له معاي وقفات اخوو لخوه .. شوفي غاده فالوقت هذا.. صعب الواحد يحصل انسان يحبه ويخاف عليه ويتمناله الخير ويكون له سند وعزوة ..اذا حصلتي على هذا الشخص لا تفرطين فيه ..وعلى فككره اعرف غيره وايدين بس كلهم رواعي مصالح ومجاملات ما اقدر اعتمد عليهم ولا اثق فيهم ..الوحيد اللى عاطنه كل ثقتي هو محمد بدهشه : الله لا يحرمكم من بعض منصور: آمين وشرب الكوب مره وحده وطلع وخلاني فالمطبخ بروحي . |
آحَـم ., سسَلـأمَـي عليجَ خـَيتو ., يعطيجَ آلففَ عآفيةة عَ آلرؤآيةة .. روعةة ., =)! ونتريَـآ آللي عقبةة عَ آحـر من آليمرر .♥. ^ حليلههَـآ مريومَ♥ لاعب عليهآ حمود لعَـب !.. قههَرني ><" ., غآدوهـ ♥ حبيتههآ شخصيتهَآ طـَر ., هندوهـ آمممَ مآعرفتهآ عدل بعدنيَ خخ .. بسسَ حلو خبآلهَآ .. منصؤر بعدَ ., آللي عيبني فيه آنه غير عن حمود ., ^ وآلسسموؤحةة منجَ ., فدأعةة آلله ., ♥ |
وعليكم السلام والرحمه الله وبركاتهـ ربي يعافيج حبيبتي نورتيني الحمدلله أنج حبيتي الشخصيات اللى بالروآيه وهندوه بتعرفينها عدل مع الأيام تسلمين :wrd: |
بداية حلوة ومشوقة .. حبيت أسلوبج فالكتابة ! نرقِب التگمله قواج ربي : ) |
نورتي حبيبتي تسلمين هذا من ذوووقج |
فدييييييتج القصه روووعه واحلى شي غاااده شخصيتهاا حلوة وااايد نتريا البراتات اليايه لا تتاخرين علينااا |
صدى صوتك مشكوره حبيبي ما بتأخر وايد ان شاء الله تسلمين |
البارت الثالث (((خايف عليك ومنك بالحيل خايف ..عزى لقلبي يجمع الحزن والخوف))) \ \ هند فغرفتها ماسكه التليفون ترمس مع ريم بنت خالتها هند : ريموه بذمتج ما مليتي من الدراسة ؟؟ ريم : هيه والله مليت ولاعت جبدي بعد هند: حشي ما تسوي علينا هالسنة .. أقولج أهلي من يشوفوني ما عندهم غير كلمة وحده بس " قومي درسي ريم : هههههههههههه الحال من بعضه فديتج هند بضيج : صدعولنا روسنا والله ريم : هندوة أهالينا يبون نسب حلوه وشكلهم حاسين فينا بنسود ويوهم هند بضحكه : هههههههههه نحن 70% وايد علينا ريم : خليهم يحلمون ههههههههههههه هند أعيونها أتدمع من الضحك : هههههههه ياخي والله راحمتنهم هههه جنهم يعني ما يعرفون مستوانا ريم : اسكتي اسكتي عن حد يسمعنا ردت عليها وهي ميته من الضحك : بسألج نحن ع منو طالعين فالعائلة ؟؟ ريم ما رامت تمسك عمرها :خخخخخ هيه والله كلهم شطار ودحيحين إلا أنا وأنتى هند اونها جاده : ريموه لا ترمسين جيه تحسسيني بالنقص ريم : خخخخخخخخ دخيلج أنتى ترانا فالهواء سواء هند: أقول ..شرايج تيني البيت عشان ندرس ريم : قصدج أنسولف ؟؟ هند: أيون ريم : لا فديتج أخر مرة أنا كنت يايتنج البيت ..الحين دورج أنتي تعالي هند : ولا يهمج حبيبتي .. بقول حق اهلي بروح ادرس ههههه عاد هم يتمنون هالكلمة تطلع مني ..بيطيروني عندج البيت ريم تضحك .: اوكيك غلاي انتظرج هند : تمااموا . بااااااي ريم : بايااات . . كنت أذكر حواري مع منصور وسرحانه بالكلام اللى قاله .. فجئه سمعت دقت باب ..و عقب أنفج الباب بدفاشه هند بصوت عالي : غادوة بتين معاي بيت خالوة ؟ صرخت عليها : أنتى ما تعرفين تفتحين الباب برقه ؟..وبعدين أنا باجر عندي امتحااااااان .. هند : أدري بس قلت أخبرج عن تنتفخين علينا غادة : لا والله بتفهميني الحين انج تحاتين أزعلي وبعدين أنتى ما وراج دراسة رايحة تحومين ؟ هند بثقة : أصلاً أنا رايحه لهذا السبب فديتج ..دامكم تبوني أيب نسبه حلوه خلوني أدرس مع ريموه وبتشوفون كل خير شكيت : أن شاء الله ..بس درسوا عدل وودرن عنكن السوالف هند : لا تخافين بنشد حيلنا غادة : ربي يوفقكم هند : آمين طلعت من الغرفة وسكرت الباب وراحت غرفة أخوها منصور توها بدق الباب بس سبقها وفجة منصور : هند ..تبين شي ؟ هند : يس .أبا أروح بيت خالوة عشان أدرس مع ريموه منصور : طيب خبرتي أمايه هند : هيه خبرتها وقالت خلي منصور يوديج منصور أرتبك: هيه أكيد بوديج ..روحي تلبسي بسرعة تراني مستعيل عندي شغل هند ببتسامة خبث : أوكيه وختفت من جدامه منصور رجع دش غرفته وهو فعالم ثاني ..تعدل وتعطر ولبس الغترة والعقال ويلس يشوف نفسه فالمرايه : آآآآه يا مشاعل أشكثر أنا ولهان عليج .يا رب أكحل عيني بشوفتج تم ع هالحال وهو يتذكر شو صار بينهم > < > خالته كانت طالعة من المستشفي ومنصور رايح يسلم عليها ويتحمدلها بالسلامة قبل لا يسافر ..وصل البيت ودق الجرس .مره ومرتين وثلاث بس محد رد ((الجرس كان خربان )) أضطر انه يدش لأنه مستعيل وراه سفره.. دش الصالة مشي خطوتين ووقف متسمر مكانه .. شافها يالسة ع الغنفة ولابسة بجامة.. بنطلون وقميص ولافة شعرها بشباصة مخلية بس قصتها نازلة ع ويهها ..كان شكلها رهيب ..تم واقف يتأمل جمالها وقلبه يدق لا رام يتكلم ولا شياته دقايق بسيطة عقب استوعب اللى يصير وتنحنح : احم أحم ... ع طول رفعت رأسها وتلاقت عيونها فبعض لثواني عقب فرت اللاب وركضت طاايره من الصالة وهو مكانه ما تحرك كان يشوفها ولا نزل عينه عنها ..ومن يومها ومنصور كثرت أسالته عنها وطبعا محد كان عنده غير هند يأخذ من عندها لعلوم لدرجة أنها حست أن أخوها يحب مشاعل وكانت تلاحظ نظراتهم لبعض لما يلتقون يعني بالمختصر المفيد كاشفتنهم .. منصور كان محتار من نظراتها صوبه ..يحس أنها تحبه ..ويحس نظراتها فيها حب وشوق بس يريد يتأكد من مشاعرها ويطمن ويرتاح ..يخاف اللى يحس فيه وهم فوهم > > < رجع للواقع وهو يشوف نفسه فالمرآيه وقال بصوت عالي : حسي فيني وشل سويجة وطلع من الغرفة ومر ع الصالة شاف أمه تتقهوي منصور : بغيتي شي أمايه أنا طالع أم منصور : أبغي سلامتك الغالي منصور مبتسم : مع السلامة أم منصور : فحفظ الرحمان أتجه صوب السيارة وشغلها وحط شريط الجسمي فالمسجل وضغط عليه وهند فجت الباب وقعدت حذالة هند : ما شاء الله .. ليش هالكشخة كلها منصور : دومي أكشخ شو ليديد ؟ هند تسايره وتخفي ضحكتها : هيه صح ابتسم وحرك السياره وتموا الأثنين ساكتين ويسمعون أغنيه الطير للجسمي ..دقايق ووصلو بيت خالتهم ..منصور يبند السيارة هند تشوفه : ليش تبدنها ؟ منصور عاقد حياته : بعد ليش ؟؟ بنزل بسلم هند بخبث : تراك مشغول وما عندك وقت ..حرام تتعطل وانا السبب منصور : هيه بس من زمان ما سلمت ع خالوه مافيني تزعل ..سكت شوي : لجل عيونها يتأجل الشغل أنا ما عندي غير خاله وحده بس هند تنزل من السيارة وترد عليه : ما كنت أعرف أنك تحب خالوه لهدرجه ؟ ينزل بعدها : من زمان أحبها توج تدرين هند سكتت عنه وتقول فخاطرها ((أاعرف أنك تقصد مشاعل يا روميو )) . . كنت يالسه فصاله ورن تليفوني مسكته ورديت : الووو مريم : هلا حبيبتي غادة : يا هلا والله سألتني : درستي شي ؟ رديت عليها : امممم يعني تقدرين تقولين شطبت عليه ..وانتى ؟ مريم :خلصت أنا أنصدمت : بذمتج قدرتي تدرسين ؟ مريم : هيه حبيبتي قدرت أدرس ..كلامج وايد ريحني فما قعدت أفكر فالموضوع وايد يعني بالمختصر فريته ورا ظهري وفكرت فالامتحان وبس ابتسمت : هيه جيه أباج مريم : أعيبج أنا ..بس أنتى شكلج مب دارسه عدل ؟ تنهدت : هيه والله وايد شغلني اللى صار اليوم مريم : فديتج حاولي تنسينه ..إذا أنا صاحبه الموضوع سفهته ودرست استغرب : هيه والله مريم : خلاص غااادوه بخليج الحين درسي عدل تماام رديت عليها : اوكيه حبيبتي ..مع السلامه مريم : مع السلامه . |
. البارت الرابع (((حبيبي صار لي مدة أشوفك تايه وحيران .. وأنا والله لا شفتك حزين تزود أحزاني أنا احبك ولا ودي تعيش بدنيتك ندمان ..ترى ألأيام محسوبة وتالي ها لعمر فاني ))) \ \ دشوا أرباعه البيت متوجهين صوب الصاله هند : منصور لحظه خلك فالمرر ..بدش قبل ...يمكن البنات بدون شيل فضيحه منصور بقهر : أترياج هند دشت الصاله ومنصور واقف فالممر ينتظر الأذن عشان يدخل وفخاطره ((يااارب أشوفها يا رب )) ثانيه وطلعتله خالته أم سعود : مرحبا ملايين ولا يسدن تجدم منصور وباس راس خالته : يا هلا بخالتي أم سعود : وينك يالقاطع ..لا تمر ولا تسلم ولا جنه عند خاله ؟ منصور : حقج علي خالوه أنا مقصر بس ولا يهمج من اليوم وغادي بمر عليج كل أسبوع أم سعود : هيه قص عليه بهالرمسه منصور : آفا عليج ..كلمة ريايل خالوه أم سعود ما مصدقتنه : دش دش اتقهوي محد ألا خواتك مشاعل وريم مشي معاها لداخل الصاله ويحس عمره متوتر أم سعود : تفضل ياولدي البيت بيتك منصور ابتسم وراحت نظراته صوب ريم وكانت حذالها هند وعقب وووعقب... مشاااااعل (زادت دقات قلبه وهو يشوفها خصوصا لما ألتقت عيونهم فبعض ) هند شافت أخوها متنح فضطرت انها ترمس : خالوه منصور مودر كل شغله عشان يسلم عليج منصور أنتبه ع عمره :هيه والله مشغووول بس طبيت الشغل ويتج ريم : من قدج امايه مشاعل وهند يبتسمن أم سعود تخزة : من دخلت البيت وأنت تقص عليه وأشرتله بيدها يعني ما مصدقتنه ويلست تقطع له فواكه ريم ومشاعل وهند :ههههههههههههههههههه رجع صد صوبهن : شحالكن بنات ريم ومشاعل : الحمد لله تماام مشاعل : علومك أنت ؟ منصور : يسرج الحال بنت خالتي ريم وهند يشوف بعض ويبتسمن ع الخفيف منصور : كيف الشغل معاج ؟ مشاعل : ممتع بس متعب شوي منصور يطالع ريم وهند : ياليت هذيلا يطلعن عليج هند : حشى علينا ما نريد نكون شراتها دام السالفة فيها تعب ريم تحط إيدها ع جتف هند: وأنتي الصادقة ما فينا ع الصدعة منصور يهز راسه بيأس : ما منكن فااايدة مشاعل تبتسم ع تعليق منصور :ما عليك منهن يدلعن بس منصور اكتفى أنه يشوفها بس ويبتسم وومشاعل تبادله الابتسامه أم سعود : تعالي ولدي أيلس تقهوي منصور يقعد حذالي خالته وهو فعالم ثاني ما فيه أحد غيره أهو مشاعل أم سعود : تفضل يمه منصور : زاد فضلج ويمد ايده وياكل ريم : أمايه انا وهند بروح ندرس فوق ..بغيتي شي ؟ أم سعود :.. لا الغالية بس على دربج مري وعي أختج فطوم اكيد راقد .. ريم : إن شاء الله إمايه شلن عمارهن وراحن فوق وبقت مشاعل مع أمها ومنصور فالصاله منصور : بينزل سعود هالأسبوع ؟ أم سعود : لا فديتك زخوهم زام من أسبوعين ما نزل منصور : الله يعينه أم سعود : هيه والله تولهت عليه مشاعل : من شوي مرمسنج سعود .لحقتي تتولهين عليه أم سعود : هيه هذا الغالي سعود مشاعل : ونحن مب غالين أم سعود :ياربي من هالعيال ..كلكم غالين يقاطعها منصور ويوقف : الله يحفظهم ويخليهم لج أم سعود : وين ناهي ولدي ما تقهويت منصور : مستعيل خالوه عندي شغل . أم سعود : زورنا عاد ولا تقطعنا منصور : قتلج خالوة كل سبوع أنا عندج بالبيت أم سعود مبتسمه : ما يندارابك والله صادق ولا جاذب مشاعل :ههههههههههههههه منصور : أنزين خالوه بييج وبذكرج بعد ..ياله مع السلامة أم سعود : فحفظ الرحمان طلع من الصاله وقلبه متقطع ما يريد يودر المكان . . . ريم ماسكه بطنها من الضحك : هندوه شفتي اللى أنا شفتها هند :هههههههههههههههههههههههههه ريم : أما أخوج منصور نكته هند: هههههه ريم تضحك : ولا كأني أنا موجوده ولا أمايه هند : هيه والله فديته متنح ع الآخر ريم : ياربي هالكثر يحبها هند : لهدرجه وأكثر حبيبتي ..تخيلي أنا أصلا من قلتله ودني بيت خالوه تنح هناك فالبيت ..كيف عيل تبينه يكون وهو يشوفها ؟ ريم : يا ربي ..أقول تتوقعين مشاعل حاسه فيه ؟ هند بخبث : حاسه بس ..إلا تحبه بعد بس ما تبين ريم تضحك : وبيني وبينج حركات أخوج تخلي الغبي يفهم هند تبتسم :هههههههههههه صدقج ريم ترفع إيدها : يارب يارب يكونون من نصيب بعض هند تشاركها وترفع إيدها :آممممممممممممممين يا رب . . أم سعود : مشاعل يمه هذا مب تليفون منصور؟ مشاعل تشوف التليفون : هيه امايه أم سعود : بسرعه سيري عطيه عن يروح مشاعل ما صدقت مسكت الفون وطارت صوب الحوش كان توه بيفتح باب سيارته مشاعل : منصور منصور "ااه يا مشاعل أطورت وقمت أتخيل صوت بعد " كمل وفتح الباب مشاعل بصوت أعلا : منصوووور منصور حزتها وقف وصد ع مصدر الصوت ..شاف مشاعل يايه صوبه..غمض عيونه وبطلها .. معقولة اللى أشوفة مشاعل : ما نسيت شي ؟ منصور : نسيت ؟ مشاعل تلوح بالتليفون : هذا منصور انتبه : تليفوني جنه ؟ مشاعل : متشكك بعد منصور تم يطالعها بنظرات شوق وحب وعتب مشاعل ارتبكت ومدت ايدها تعطيه التليفون : تفضل منصور يطالعها بنفس النظرات : تسلمين مشاعل ما رامت تتحمل نظراته أكثر صدت عنه بتروح منصور عفويا مسك أيدها "خلاص ما قدر أسكت أكثر عن جيه لازم تعرف مشاعري صوبها " رجعت صدتله منصور غمض عينه وبنفس كبير : اااحبج مشاعل تجمدت مكانها من الكلمة منصور فتح عينه وبكل حنان : أنا أموت فيج مشاعل مب مستوعبه جرأته ومبين علىيها علامات الدهشه ..حست بحساس غريب وتمنت الآرض تنشق وتبلعها من كثر المستحي حاولت تخلي عمرها عاديه وحطت عينها بعينه مشاعل : فج إيدي منصور يشوفها بحب : قوليها ؟ مشاعل مرتبكه : أقول شو .؟؟ منصور بلاك فجني منصور : قولي انج تحبيني مشاعل ما توقعت رمسته نزلت راسها وخذت نفس كبير وسكتت منصور : أحس انج تبادليني المشاعر ..مشاعل قولي ان أحساس صدق دخيلج مشاعل تحس عمرها بتصيح من قوة الأحراج مطت ايدها بقوة ورجع مسكها منصور برجا : دخيلج ريحيني ؟ أحساسي صدق ولا جذب ممشاعل مرتبكه وتحاول تخوز أيدها :.... منصور مسكها عدل وكمل : أحبج ومن يوم ما شفتج ذاك اليوم وأنتى فبالي ..أفكر فيج 24 ساعه ..أحلم فيج وأتخيلج بكل زوايا حياتي ..انتي الأنسانه اللى خليتيني أحس بمعني هالكلمة ..أنتى اللى خليتيني أعشق كل حرف فيها ..وما أعرف أحس أنج تبادليني هالمشاعر وتحبيبني مثل ما أنا أحبج وأباج ..والحين خلاص مب قادر أمسك عمري اكثر عن جيه .. مشاعل منزله راسها وتسمع كل حرف يقوله وقلبها يدق بسرعه كبيرة منصور : احساسي صدق؟ مشاعل تشوف الأرض وتتنفس بسرعه منصور :تحبيني مشاعل .؟ مشاعل لفت راسها الصوب الثاني وتمت تصيح بهدوء منصور : إذا أحساسي غلط خبريني دخيلج ..خذ نفس كبير وكمل : وأنسي كل الكلام اللى قلته لج ولا كأنه صار مشاعل بعدها صاده وما ردت عليه منصور : أحساسي مشاعل تلف صوبه وبسرعه :هيه ..بطلت ايدها وركضت داخل البيت منصور وقف مكانه متسمر وهو مب مستوعب اللى قالته ((تحبني ..تحبني ..تحبني ..أحساسي طلع صح ..تحبني )) . |
روووووووووعه القصه حبيبتي رووووعه منصوووور شخصيته عجيبه حبيتها وايد هند وريم هههههههههه كاشفين حركات منصور فضيعات نتريا التكمله لا تتاخرين علينا |
القصه رووووووووووووووووعه كتكوته كل يوم اتريا لااا تنزلين بارتين نزلي اكثر فديتج قصه روعه وناجحه وحلوة موفقه غناتي |
تسلمووووون حبايبي وبنزل قريب ما بتأخر عليكم ان شاء الله لا خلا ولا عدم من طلتكم |
البارت الخامس ((( أجمل أحساس بهالكون ..أنكـ تكون متأكد اللى تحبه يحبك ))) \ \ منصور صارله ثلاث ساعات يدور فالشارع مب عارف وين يروح ..متوتر ع الأخر "تحبني ..تحبني آآآآآآآآآآه يا قلبي أركد أشوي أركد " وفجئه رن تليفونه منصور يشوف المتصل ويرد : هلا امايه أم منصور : هلا أبوي شحالك ؟ منصور :يسرج حالي ..علومج أنتى ؟ أم منصور :الحمد لله بخير فديتك منصور مبتسم أم منصور :لا تروح تيب أختك ..خالك بو سعود برجعها البيت منصور يتنهد براحه : هيه زين أم منصور : بطول برع البيت؟ منصور : هيه يبالي ساعتين جيه وبرجع أم منصور : أنتبه ع الدرب ولا تسرع منصور : ان شاء امايه لا تحاتين أم منصور : مع السلامة منصور يريد يرد لكنه سمع ..تووووتوووتووو ضحك : سكت التليفون فويهي كالعاده ..بس أحسن ما أرجع هندوه البيت لأني متوتر وما أقدر أدش بيتهم وجيه حالتي ..حرك سيارته صوب البحر ونزل وقعد مجابلنه . . دقيت باب غرفة هند : حاطين عشا تعالي ننتظرج هند تفج الباب : برايكم تعشوا ..أنا كليت فبيت خالوه غادة :حلووو .. عيل درستوا زين هند : هيه ما تشوفيني كيف هلكانه ..أبا بس ارقد وأرتاح غادة : تمااام ريحي عيل .. وأنا برووح آكل يوعانه هند تبتسم : بالعافية .. سكرت الباب ودشت الحمام وخذتلها شور ع السريع ونسدحت ع السرير وراحت فسابع نومه . مشاعل تتجلب ع السرير تحاول ترقد بس ماشي فايدة ..نشت ويلست وهي تتذكر كل اللى صار بينها وبين منصور وقلبها ابدا مب راضي يهدا .. تحس بشعور مخلوط فرح ع خوف ع راحه ..مشاعر غريبة أمتلكتها ,,مب قادره تحدد شعورها شو بالضبط .. : ياربي أنا اللى سويته صح لما أعترفتله بحبي ولا غلط !!.. تسكت شوي وتكمل : بس كنت لازم أرمس ولا بخسره ..بخسر الأنسان اللى حبيته بجنون .." تحط إيدها ع قلبها " الحمد لله أن إحساسي أنا بعد كان صح وطلع يبادلني المشاعر ..امم ياليتني أقدر أعرف بشو يالس يفكر الحين ..يفكر فيني مثل ما أنا أفكر فيه ؟؟ آآآآه يا منصور أحبك ..نزلت دمعه من عينها ..:الحمد لله رب العالمين ..ربي أستجاب لدعوتي .. دموعها تنزل أكثر .. لازم أنش اصلي ركعتين شكر .. مسحت دموعها وخذت نفس كبير عقب نشت من على الشبريه وراحت الحمام تتوضا . . منصور فالمطعم مع محمد ربيعه يخبره اللى صار محمد يبتسم بخبث : وله طلعت تحبك ..ويغمزله منصور بفرحه : هيه تخيل تحبني محمد : أنزين وبعدين ؟؟ يطالعه بأستغراب : أقولك تحبني تقولي وبعدين ؟ محمد : أقصد عرفنا أنك تحبها وهي تحبك ..شو تتريا بعد تقدملها منصور :أنت مينون شو ؟ الزواج لعبه ..أنا مب مستعد حاليا محمد : لا والله .خل البنت أطير منك ..هذا أنت بس فالح تفرفر نصايح علي .. منصور: أنا غير وأنت غير محمد : فشو غير؟ منصور : أنا ما ألعب ع البنات وأنت عارفني ما عندي هالخاربيط محمد : خلاص عيل أخطبها وأثبتلي هالشي منصور : أنت ما تفهم ..قتلك مب مستعد محمد :شو مب مستعد ؟ ما شاء الله عندكم خير ودوم تقولي أمك تباك تعرس ..حق شو بتستعد بعد منصور : ماعرف أحس اني للحين مب مستوعب اللى صار محمد يضحك : هههههههههههههههه ..هذا الحب مخلنك جيه منصور : خلاص حمود أنا بسمع رمستك وباجر برمس امايه فالموضوع محمد يخزة : توك تقول مب مستعد والحين باجر بترمس أمك يهز راسه : ما أعرف شو فيني ..يننتني هالبنت ..ما خلت فيني عقل محمد يبتسم : أنا أعرف شو فيك يا صديقي العاشق ويضحك بصوت عالي منصور أنحرج ونش :قم يلا قم محمد ناقع من الضحك وياشرله وووين منصور : يلا قم بوديك البيت مسهرني للحين باجر ورانا دوام محمد بعده يضحك : والله زين يوم ذكرت ان عدنا دوام ..مسهرني ع قصصك الرمنسيه منصور خزة ورفعله ايده بيعطيه بوكس بس سبقه محمد وقال : خلاص خلاص والله بسكت منصور ياشرله ياله نروح ومحمد طلع معاه من دون مجادله ولا كان بيوصله بكس محترم لان منصور فول ع الآخر . . In canteen مريم : ذليتيني غادوه شو صار بينج وبين منصور ؟ حركت راسي يمين ويسار :ما برمس ..أول شي عزميني على غداء محترم عقب بخبرج مريم : ياربي شو هالذل ؟ غاده : تستاهلين أنا أمس مب دراسه عشان حظرت جنابج .. وبذلت مجهود ورمست منصور بعد وانتى مستخسره فيني غدا مريم : الامتحان كان سهل الحمد لله وأنتى حليتي والغداء الحين بطلبلج أحلى غداء ..بس يلا عاد رمسي أشرت ع الطاولة : مآبا أول شي أشوف الغداء جدامي عقب برمس مريم تتأفف : بالوعه مب بنت ..دقايق بطلبلج وقفت وراحت تطلبلي وجبه محترمه ونا قاعده فمكاني أبتسم ابتسامه أنتصار . . مشاعل يالسه ع المكتب وسرحانه ..طار سرحانها لما سمعت البنت ترمس سلامة ببرآه : أبله أنتى علينا الحين مشاعل تشوف ساعتها : ياربي فات نص الوقت وما حسيت .. ترد تشوف البنت : هيه حبيبتي روحي الفصل الحين بيكم سلامة مبتسمه : أن شاء الله أبله طلعت البنت من غرفة المعلمات ومشاعل رتبت كتبها وشلت أقلام الصبورة متوجه ع الفصل .. تفتح باب الفصل مشاعل : السلام عليكم ورحمة الله وبركاته البنات بلحن : وعليكم السلام ورحمة الله وبركاته مشاعل تأشر ع الكراسي : تفضلن حبيباتي بدت تشرح للبنات الدرس وتحس عمرها مب ع بعضها اليوم ..ربع ساعة ودق الجرس مشاعل : خلاص بنات نكمل باجر البنات مبتسمات سلامة :أبله بتعطينا واجب مشاعل تبتسم : لا حبيبتي اليوم ماشي واجب شلت أغراضها و طلعت من الفصل وبالها مشغول ودشت غرفة المعلمات حصلت ربيعتها إيمان يالسه ع مكتبها مشاعل تبتسم : من متى وأنتى يالسة ؟ إيمان : من عشر دقايق .. تشوف مشاعل بنظرة : أنتى فيج شي اليوم ؟ مشاعل تقعد حذالها : هيه والله أحسني مب على بعضي إيمان : شو فيج ؟ مشاعل محتارة تخبرها ولا تسكت :اممممـ ما فيني شي بس مب راقدة عدل أمس إيمان متشككه : هيه ..أول ما توصلين رقدي وريحي عمرج عيل مشاعل تبتسم : هذا اللى بيصير حبيبتي . . غادة : وهذا كل اللى صار أمس مريم عاقده حياتها : معقوله علاقتهم قويه لهذي الدرجه هزيت راسي : هيه مريوم ..أنا بروحي ما تصورت لهدرجه منصور متعلق فيه مريم : والحين شو الترتيب ؟ غادة : والله ماعرف .. مريم بيأس : لازم أصارحه غادة : أنتى مينونه شو ؟؟!! قتلج خلينا نصبر كل شي بيبين صدقيني بس السالفه وما فيها محتاجة وقت لا اأكثر مريم : والله تعبني هالموضوع ابتسمت : وانا تعبانه معاج ... صح ما خبرتيني اي يوم بيتقدملج ؟ مريم : قالي الشهر الياي سألتها : تحسينه صادق فكلامه مريم تفكر : هيه أحسه صادق ابتسمتلها : أن شاء الله خير شاركتني الأبتسامه : الله يسمع منج . . . محمد ع مكتبه مندمج فالأوراق منصور بتعب : تصدق البارحه ما نمت ؟ محمد يرفع عيونه ويشوفه : أصدق يا العاشق ..يبتسم ويرمس بطنازه .. ما تنلام أول مره تنحب فحياتك ..مب شايف خير يا ريال منصور يخزة : شوة تتحسبني شراتك ؟ محمد يحط إيده ع راسه : أستغفر الله .. أستغفر الله ياربي انا شو سويت عشان تبلشني فهذا المخلوق "يأشر بصبعة على منصور ويرجع يهز راسة " : قسم بالله ذليت أم يابتني ..ما يسوى علي رمست بنات يطالعه بنظره حاده : أشوفك الحين تعرف ربك بس يوم تبا تلعب ع البنات تنساه محمد يقوم من مكتبه ويقعد حذال منصور ويرمسة بلوم :تصدق منصور أني متندم منصور فج عيونه : بذمتك حمود محمد متأثر : هيه قسم بالله متندم ومن قلب بعد منصور مسك أيده بقو ومحمد يكمل : متندم قد شعر رأسي محمد : متندم أني كلمت واحد شراتك عن علاقاتي الغراميه ..منصور فج عينه ..ومحمد تقرب منه أكثر وكمل : تدري ليش ؟ لآنك واحد نحيس ..بغيض ..غثيث ..تلوع الجبد..كريهه .. واقفلي مثل العظم فالبلعوم .. يأشر على حنجرته ويكمل .. شربت عليك ماي.. عصير ..ردبول ..لكن ما تنزل أبدا... للأسف كل محاولاتي بأت بالفشل .. منصور بعده فاج عينه ويشوفه كيف يرمس بحرقه ..وفجئه وبدون سابق أنذار نقع من الضحك بصوت عالي ..محمد شل عمره بقهر ورجع وقعد على مكتبه وهو يتحرطم ويتأفف |
البارت السادس ((( ما يغيرني عليك المستحيل ..لا الظروف ..ولا الزمان ..ولا سفر..وكّل الله ! لا يضيع أبك الجميل ..دامك أجمل من عرفته بالعمر ))) \ \ دقيت باب غرفة أمايه أمايه : الباب مفتوح فجيت الباب وروحت صوبها وحبيت رآسها غادة : شو هباتج أمايه ؟ أمايه : بخير ما اشكي باس ..وانتى كيف كان أمتحانج ؟بشري ابتسمت :وايد سهل أمايه : زين الحمد لله سألتها : عيل أبوي وينه ؟ أمايه : راح أيب أختج من المدرسة لأن أخوج بيتغداء برع مع ربعه غادة : ايوا ..خلاص عيل أنا بخليج تعبانه بروح أرقد أمايه : جيه ما تبين غداء غادة : لا أمايه مآكله مع ربيعتي أمايه حرجت : ما تشبعن من اكل المطاعم انتي أبتسمت ونا طالعه من الغرفة ..دوم تهزبني لما اتغدا فالجامعه وبعدني ما أتوب ..تذكرت شي ورجعتلها : أماية خاطري أروح بيت خالوه ..من زماان ما شفتهم أمايه : أمس أختج كانت عندهم غادة : أدريبها بس ما رمت أروح معاها بسبت الأمتحان أمايه : انزين ما يخالف بس منو بيوديكم ؟ منصور بيتغدا برع مع ربعه يمكن يتاخر أنفتح باب الغرفة منصور : أسمعكم تطروني خير أنا وامايه التفتنا شفنا منصور يدخل الغرفة بغيت أتاكد : أمايه قالت أنك بتتغداء مع ربعك منصور : كنسلنا الروحه ..بنخليها وقت ثاني رجعت أشوف أمايه : وهذا منصور موجود ..خلاص عيل بروح منصور : وين ؟ أمايه :أختك متوله على بنات خالتك ..وتباك توديها عندهم أرتبك : هيه ..ان شاء الله بوديها شفته كيف ارتبك وستغربت ردت فعله ورجعت أشوف أمايه: بروح اخمد طلعت من الغرفة.. تبعني منصور وسكر الباب ..انتبهت حق الحركه بس طنشت ونا أقول فخاطري " مب صاحي اليوم اكيد وراه شي " .. أم منصور : بلاك فيك شي منصور قعد حذالي أمه : أباج فموضوع أم منصور بخوف :خير ان شاء الله ..شو فيك .؟ منصور : ما فيني شي أم منصور تحط ايدها ع قلبها : عيل أكيد أبوك منصور يشوف أمه كيف خايفة : امايه بلاج ؟ أنا بخير وأبوي بخير .. ماشي صاير لا تخافين .."يبتسم " خبر حلو أم منصور هدت أعصابها : أرمس مصعتلي فوادي منصور متردد : أمايه أنا قررت وسكت أم منصور : قررت شو وو؟ منصور بهدوء : أتزوج أم منصور فتحت عيونها وبفرحه كبيره :تتزوج .هاي الساعه لمباركه يا ولدي يشوف الفرحه فعين أمه : ما سئلتيني منو البنت ؟ أم منصور : ليش في حد فبالك ؟ أنحرج من رمسه امه : هيه ... نزل راسه وكمل : امممم مشاعل بنت خالتي أم منصور فرحت أكثر : زين ما أخترت ياولدي ونعم النسب..ما شاء الله عليها مشاعل كاملة والكامل الله منصور فرحته ردت فعل أمه نش وباس رآسها : الله يخليج لي أم منصور فرحانه :ويخليك لي يالغالي منصور : دامج انتى تقبلتي الموضوع عيل أكيد أبوي بيتقبله أم منصور : وليش ما بيتقبله ..أنت لو أدور بين البنات ما بتحصل وحده أحسن من مشاعل منصور اكتفي انه يبتسم ويشوف فرحت أمه أم منصور : رمس أبوك اليوم ..خله يفرح مثلي منصور بفرحه : أن شاء الله برمسه أم منصور : ربي يوفقك يا رب منصور : آمييييييييييييييييييييين . . . محمد يفتر فالبوادي مول ..يدور له صيدات .. يبا يسمع أصوات يديده على التليفون .. .وهو يمشي انتبه على وحده لابسه عبايه شفافه أمبينه ملابسها اللى داخل وحاطه فول ميكب ومطلعه قذلتها ..كانت جميله من الخاطر ..محمد من شافها ذااااب مكانه وعلى طول لحقها ..من محل لمحل وهي تشوفه وأنتبهت عليه وكانت تسويله حركات من بعيد وهو وراها مثل الثور لين ما راحت حمام النساء وهو الله يعزكم ووقف يترياها عند الباب برع ..تمت 5 دقايق عقب طلعت وهو وراها البنت تلتفت صوبه : خير أخوي بغيت شي محمد يتأمل جمالها : بغيتج البنت تبتسم : خير ؟؟ محمد يأشرلها على التليفون :ممكن البنت تبتسم وتنزل راسها : اممـ أكيد محمد : الرقم****** خزنت الرقم جدامه البنت : انتظرني الساعه 12 محمد ذايب : اكيد حبيبي البنت : خلاص لا تلاحقني فاهم ..بنترامس فالليل ..باي وكملت مشيها تتسوق فالمحلات ومحمد واقف مكانه جنه أول مره يرقم فحياته فجئه رن تليفونه ومن دون ما يشوف منو المتصل محمد : الووووو مريم : هلا حبيبي عرف الصوت : أهلين مريم : أخبارك حبيبي ؟ محمد فخاطره مب متفيجلج انا : زين حياتي بخير ..انتى اخبارج ؟ مريم : بخير دامك أنت بخير محمد : هيه زين مريم : بلاك فيك شي .؟ محمد : هيه حياتي ..يايب خواتي المول والحين نحن فالمحل ..أخاف حد يسمعني أرمسج مريم : هيه ..معاك حق حبيبي ..ببند الحين وبرمسك فالليل يذكر البنت : لا حبيبي ربيعي عازمني على العشاء وانتي تعرفين سوالف الشباب اكيد بتاخر وما أباج تتريني وانتى عندج دوام ..اخااف عليج عمري مريم بفرحه : حياتي والله ..هالكثر تحبني محمد : واكثر مما تتصورين ياعيوني أنتى مريم : ببند حبيبي عن خواتك يحسون فيك محمد : اوكيه قلبي .ديري بالج ع نفسج وتغطي عدل قبل ما ترقدين ابتسمت مريم : ياااااربي أشكثر أحبك انا ...أموووووت فيك محمد : وانا وانا مريم : ياله حبي مع السلامه محمد : باااااي . . فاطمة يالسه تشوف التلفزيون وتأكل حب فالصالة ومعاها مشاعل وأمها مشاعل : فطوم عطيني شوي فاطمة تفر الكيس فذبان مشاعل : يودي .. هذي حالتي من تشوفوني آكل شي لازم يحلا فعيونكم مشاعل تبتسم : شو نسوي ..تشهينا تدخل عليهم ريم تركض أم سعود : شوي شوي .. فاطمة : خليها أمايه تتحسب عمرها ياهل تأخذ نفس وترمس : بنات خالتي نوره بيون عدنا مشاعل عفويا وبفرحه : صدق ريم تصد صوبها : هيه صدق ..توها هندوه مرمستني على الفون وقالتلي أهي وغادة بيون عدنا وبيبهم منصور مشاعل حزتها حست بشعور غريب وما رامتت تتحمل تسمع أكثر وقفت على طول : أنا بروح غرفتي اريح أم سعود : وبنات خالتج ؟ مشاعل : بعدهم ما وصلوا ..انا بريح شوي وبرجع .. وطلعت من الصاله فاطمه : ريموه شرايج نروح نسوي فواله ريم تبتسم : حلووو ..ياله نروح المطبخ فاطمة تلم كيس الحب اللى يمها : ياله أم سعود تشوف بناتها وهي مستانسه . |
البارت السابع ((( أنا عيوني حرممت غيرك تشوف ..والقلب حرم غيرك يحب ثاني .. كف الدموع وأبعد الشك والخوف ...القلب لك يا بعد عمري مواني ))) \ \ مشاعل دخلت غرفتها وسكرت الباب ووقفت وراه ..منصور بي اليوم البيت ..تسكر عيونها وتذكر كلامه .. وقلبها يدق ..حطت إيدها على قلبها تسمع دقاته .. أنت شكلك اليوم بتفضحني ..دخيلك هد شويه ..وترجع تفتح عيونها ..أنا لازم أطعمه شي من إيدي .... خذت نفس كبير ورجعت فتحت الباب وطلعت متجه صوب المطبخ . . منصور يالس فالسياره ينتظرنا فجيت الباب : هلا صد صوبي : وليش تقولينها من دوون نفس استغربت : زعلانه تراني كيف تباني أقولها بعد منصور تفاجئ : زعلانه مني ؟ ليش شو سويت صديت صوبه : آنا أخر من يعلم أنك تبا تخطب مشاعل ؟ منصور نزل راسه وبتسم : الحين هذا اللى مزعلنج غادة : هيه مزعلني ..نحن كان بينا اتفاق قبل تذكر ..وأنت وعدتني أذا فكرت فوحده فيوم بتخبرني ..والحين الكل فالبيت يعرف ألا أنا منصوريحط ايده على جتفي : شوفي في أشياء الواحد صعب يظهرها لغيره ..وانا ما بغيت أخبرج لين ما أتأكد من مشاعري ..هذا زواج مب لعب وبعدين مشاعل تصير بنت خالتج ما بغيتج تحطين آمال ع الفاضي ما علقت على رمسته منصور : أفهم يعني أنج مب فرحانه صديت صوبه : ألا بموت من الفرحه أنت أخوي كيف ما تباني أفرحلك منصور تقرب مني وحظني: حقج علي غااادوة ..أنا مفروض ما أخبي عنج شي مثل هذا ابتسمت: وطلعت تحب مشاعل منصور :ههههههههههههههه غادة : اليوم ما برقد لين ما تخبرني كل شي . فج عينه : ياربي منج ويا هالراس ما بسلم يعني لين ما أرمس غاده : هيه ما بتسلم ..أبا أعرف متى حبيتها ؟وكيف ؟وكل شي منصور : خلاص اليوم بيج لين غرفتج وبخبرج كل شي .. تفتح هند الباب وتشوف منصور حاظنني هند متفاجئة : شو مستوي ؟ ليش مسوين فلم هندي ؟ ضحكنا عليها منصور أعتدل وقعد يضبط مرآية السيارة هند: مبرووووك مبرووووك منصور أنحرج .: على شووو مبروك للحين ما صار شي ..يسكت شوي ويكمل : يمكن البنت ترفض هند بسرعه : ترفض ؟؟ تضحك وتكمل : عندي أحساس كبير أنها بتوافق رديت عليها : آآآآمين يارب ...أصلا ما بتحصل حد أحسن عن أخوي منصور فخاطره " ولا آنا بحصل وحده أحسن منها "" . . مشاعل توايق من دريشة غفرتها على الحوش وسرحانه نص ساعه وهي وافقه عقب شافت سيارة رنج سوداء داشة البيت ..دق قلبها ..وصل منصور ..لبست شيلتها وتعطرت وضبطت شكلها ونزلت تحت رايحه صوب الصالة .. مشاعل : السلام عليكم غادة وهند : وعليكم السلامة والرحمه يت صوبنا وسلمت علينا غادة : شحالج حبيبتي ؟ مشاعل تبتسم : بخير ..وانتى ؟ رديت عليها: بخير دامج بخير راحت صوب هند وسلمت عليها ..عقب تمت تلتفت يمين ويسار هند فهمت : محد غيري أنا وغادة عندكم مشاعل تلاشت أبتسامتها : عبالي خالوه معاكم حسيتها تضايقت : بغيتها تي معانا بس عندها عرس مشاعل فخاطرها " خسااااااااره ..كان ودي أشوفه " دشوا علينا ريم وفاطمة ريم : نور نور البيت ابتسمت : النور نوركم والله فاطمة : هههههههههه والله جد نورتونا خصوصا غادة من زمان ما طبيتي بيتنا تحججت : والله شو أسوي الدراسه شاغلتني فاطمة : الله يوفقج يا رب رديت عليها : امين ..وانتي للحين ما حصلتيلج شغل ؟ فاطمه بيأس : لا ما حصلت ..والله لاعت جبدي من قعدت البيت رحمتها : الله يعينج هند تأشر على فاطمة : شفتوا هذي معدلها أمتياز وللحين ما حصلت شغل ..شو الفايده نحن أندح ؟ فاطمة تصد صوبها : لا حبيبتي حصلت واايد بس للاسف كله مختلط ضحكنا انا وريم :ههههههههههههههه شفت مشاعل مب معانا فالجوو ..سألتها : بلاج مشاعل أحسج تعبانه مشاعل : واللى يدرس يهال كيف ما تبينه يتعب هند : هيه والله طفره ..من يصدعونج كفخيهم مشاعل تفج عيونها : فديتهم ما يهونون علي هند :قعدي عيل اشتكي الكل :ههههههههههههههههههههههههههههه . . حبيبي حمود والله أني ظالمتنه بظني فيه ..اممممم صح له معايه مواقف وحركات غريبة بس أنا واثقة فيه ومتأكدة أنه بيخطبني جريب خلاص ما شي باقي على المووعد اللي متفقين عليه "تشل المخدة اللى يمها وتحضنها " غادة مستحيل تفهمني مستحيل .. حمود فنهاية إنسان وأكيد فيه عيوب ..ما في إنسان كامل ...أنا مضطرة أني أسايرها الحين لأني أعرفها خايفة علي ..لكن جريب يا غادة محمد راح يثبتلج أنه يحبني مووووت لما يتقدملي " ابتسمت " فديتك ..راح سرحانها لما وصلها مسج مسكت التليفون وشافت المسج من محمد على طول فتحته ((أحبج يا روح وقلب وعقل محمد ..ديري بالج على روحج ..خسارة أني ما بقدر أرمسج اليوم وحاط فيس حزين )) على طول ردت عليه (( وأنا بعد أحبك مووووت وربي ..وما أعرف كيف برقد وأنا مب سامعه صوتك ..وانت بعد دير بالك على روحك حياتي )) عقب ما طرشتله المسج مسكت التليفون ويلست تقرأ المسج اللي طرشه مره ومرتين وثلاث وأربع لين ما تعبت ورقدت والتليفون بيدها . . محمد : تصدقين أنج دخلتي قلبي من شفتج اليوم البنت :ههههههههههههههههههههههه محمد :فديت هالضحكة البنت بدلع : بذمتك ترمس جد محمد ذاب من صوتها :فديت صوتج البنت : عيبك بعد ؟ محمد :أكيد عيبني دامه صوتج البنت : اممم جنك ما سألتني عن اسمي ولا ما يهمك محمد :أكيد يهمني حياتي شو اسمج ؟ البنت : اسمي خوله محمد :عاشت الأسامي عمري خولة : وأنت ؟ محمد : أسمي محمد خولة تبتسم : عاشت الأسامي محمد : عاشت أيامج حياتي خولة عاقده حياتها : ما تلاحظ أنك وايد ماخذ راحتك معاي فالرمسة.. مرة حياتي ومره عمري..بتفهمني أنك حبيتني من شفتني محمد : بتصدقين لو قتلج هيه ..حبيتج ودخلتي قلبي واباااج تكونين قريبه مني واييد ..أباج تكونين لي أنا وبس خولة سكتت محمد كمل :أنتي ما حسيتي شي أتجاهي خولة : بصراحة لا ..بس تقدر تقول خذت رقمك من باب الفضول.. أبا أعيش جو يديد أو أتسلى محمد فج عينه : شووووووووووووووووو .. تتسلين خوله : هيه ..بلاك الحين ؟ محمد منقهر : بلاك ؟تقولين تتسلين فيني وتبيني اضحكلج مثلا ..شو من البنات أنتي؟ شو هالجرأة ؟ خولة بسرعة : أنا صريحة مب جريئة .. نفسي مرة أعيش جو رومانسي اممممم يمكن لأني محتاجة اهتمام أو حب حد محمد مب مستوعب جرئتها :محتاجة حنان ؟ خوله : وااااااايد محمد : أنا مستعد أعطيج كل اللي تبينه خولة بابتسامة : هذا المطلوب أنا محتاجة شخص يهتم فيني وأهتم فيه يحسسني اني أهم شي فحياته وانا بحسسه بنفس الاحساس بالضبط محمد مب مستوعب :أول مره أرمس بنت صريحة لهذي الدرجة خوله :أنت بتعطيني وأنا بعطيك ..يعني بالمختصر ألبي رغبات بعض وبس محمد كان فيده بيبسي عفصه من القهر : وتقولينها فويهي مره ثانيه .. انج بس تبين تلعبين معاي خولة ترمس بستهزاء : ليش وأنت ما تبا تلعب معاي ؟ محمد فخاطره "هاي هب صاحيه والله أنها شاربه شي " محمد يغير الموضوع : انزين ياللي تبين حنان خوله : تطنزعلي يعني محمد يهز راسه :أستغفر الله ..حرام عليج .. أنا أطنز.. حشى والحشى عن ألف يمين .. حد يحصل وحده شراتج ويطنز ..حبيبتي أنتى وحده بس فالبلاد ما في شراتج خولة تبتسم : قص علي بهالرمسة محمد : وأنا الصادق يا بعد قلبي خوله : بس عاد استحي مب من أول مره محمد حط إيده ع السماعة " زلزال بيستوي من خريطج..قالت استحي قالت.. هاي لا تعرف المستحى ولا شياته " رجع حط السماعة : شو قلتي حياتي خوله أونها مستحية : أقولك شوي شوي علي محمد : امممم انزين طبي الموضوع وخليني أعرف عنج أكثر خولة تبتسم :أوك قلبي . |
فديتكم اذا ما لقيت تشجيع على الروايه بوقف تنزل البارتات تحياتي لكم |
البارت الثامن (((غلاك بداخل أعروقي ولا يوصل غلاك أنسان.. يمر الوقت ويثبت لك غلاك ان الله أحياني .. أضحي بعمري لعيونك تنام انته وأنا سهران ..ونادي جروحك لقلبي تجي واحد ورى الثاني ))) \ \ أحترت وايد وترددت ونا واقفه عند باب غرفته ..أدق الباب ودش ولا أترياه أييني.. اففف ..أعرف أنك يا منصور مستحيل تيني بس رمسه ..ويا كثر رمسات منصور ..ليش افكر وايد وحاشره عمري ..أروحله وفك عمري من الصدعه فجيت باب الغرفه حتى من دون ما أدقه منصور كان يلعب بتليفونه .. رفع راسه وشافني لما دخلت وبصدمه : الحين كنت بيج رديت عليه : أدري ..وأعرف أنك متردد بعد ابتسملي وأشرلي عشان أقعد حذاله : تفضلي دشيت وسكرت الباب وقعدت منصور: أستانستي اليوم فبيت خالتج ؟ رديت عليه : الحمد لله ..استانست وايد منصور : شخبارهم ؟ رفعت حاجبي : منو تقصد بالضبط ؟ منصور ابتسم : كلهم غادة : كلهم بخير ويسلمون عليك منصور بخبث : كلهم كلهم ابتسمت : هيه كلهم منصور سكت غادة : اممم قول كل اللي فخاطرك ...أسمعك تشجع ورمس : تذكرين العام الماضي لما خالوه طاحت علينا مريضة هزيت راسي : هيه أذكر منصور : لو تحيدين كانت عندي دورة من الدوام وقعدت فتركيا ثلاث شهور" هزيت راسي بنعم " ..حزتها أنا رحت اسلم على خالوه فنفس اليوم اللي كنت بسافر فيه ..رحتلهم البيت ودقيت الجرس كذا مره بس محد رد علي عقب أضطريت أني أدش لأني مستعيل .."ابتسم وهو يذكر الموقف " كانت يالسة فصالة وماسكه اللاب تشتغل عليه ..اذكر أني تميت فتره أشوفها " يرفع عيونه ويطالعني " مب بيدي والله غصبن عني ..ما أعرف شو ياني وقتها ما رمت أتحرك ..تميت فتره أشوفها وهي ما انتبهت علي أبدا ..عقب لما أنتبهت على نفسي ..تنحنحت فصدت على مصدر الصوت وتلاقت عيونا فبعض لدقايق ..تفاجأت وأيد لما شافتني .."غمض عيونه " وفرت لابها وركضت فووووق وأنا تميت مكاني مب مستوعب الإحساس اللي حسيته ..كنت أول مرة أحسه ..ومن يومها وهي ما فارقت خيالي أبدا .. دوووم أفكر فيها .. مسكت إيده : سنتين وهذا كله فقلبك تاثرت وايد من رمسته حبيبي اخوي .. منصور :سكتي وخليها على الله سألته بستغراب : ما خفت حد يتقدملها؟ ..وبعدين أنت أمايه دووم تقولك أبا أخطبلك وأنت اللى تأجل الموضوع .. منصور : كنت خايف أنها ترفضني غادة : والحين شو اللي غير رايك ؟ منصور :اممم أحساس استغربت : وشو اللى غير إحساسك ؟ منصور يهز راسه : ما عرف سألته : تحسها بتوافق عليك ؟ ابتسم : ما أعرف طالعته بنظره : منصوووور كمل شو مخبي علي ؟ منصور يبتسم : أنتي دووم كاشفتني غادة :يعني في شيء ؟ منصور: هيه بس مب لازم تعرفيه انقهرت : ليييييييييييييش ؟؟؟حرام عليك كمل منصور بجديه : ما بقول ..؟؟انتى ما تخبريني شي عنج ليش يعني أنا ارمس أنصدمت : انا ما اخبرك شي عني ؟ منصور يهز راسه هيه غادة :والله اقولك منصور يخزني : جذاااااااااااااااااابه رديت بددفاااع : ياربي ... أنت تسألني أفترة أكون مضايقة فيها وأنت تعرفني عدل لما اأكون مضايقه ما احب أرمس مع حد وبعدين حتى لو كنت رايقه... ما اقدر أقولك منصور لأنها سوالف بنات ما ينفع اخبرك عنها مهما كانت علاقتي فيك قوية .. بس أكيد اذا في موضوع يخصني انت أول واحد بخبره من دوون تفكير"رفعت حاجبي " وبعدين أنت الحين بتفهمني أنك تخبرني كل شي عنك ؟؟! منصور :هههههه .. بلاج أنتى الحين أنفجرتي فويهي ؟؟؟ غادة : لا بس افهمك يعني منصور بضحكه : أنزين شوفي امم تذكرين أول أمس لما وديت هند عندهم "يبتسم " بس ما قدر أكمل فرحت : كلمتها ؟ يهز راسه هيه غادة : اممم واكتشفت أنها تبادلك الإحساس منصور فتح عينه : شدراج أنتي ؟ غادة : أدريبها مشاعل تحبك من زمان ..فديتك لا تنسي أنها قريبه مني وايد منصور : لا والله وليش ما خبرتيني ؟ رفعت حياتي : وأنت ليش ما خبرتني أنك تحبها ؟ منصور : اهي رمستج عني ؟ شفت ساعتي : يا ربي شكلي اليوم ما برقد منصور :جاوبيني ؟ غادة : هيه رمستني ولا تسألين شو قالت لأني مستحيل أخبرك .. وبخليك الحين بروح ارقد تعبااااانه وراي باجر دوام منصور يخزني : خذتي اللي تبينه مني يعني وبتشردين ؟ ضحكت :ههههههههههه منصور نش قبلي وراح صوب الباب وقفله وشل المفتاح طالعته بستغراب : شو قاعد تسوي حظرتك ؟ منصور : قفلته ما تشوفين ... صرخت عليه : منصووووووور منصور : ما شي طلعه لين ما ترمسين ولا قسم بالله ما بفتح الباب أحاول اخذ المفتاح : فج حرام عليك ؟ منصور بضحكة خبث : قتلج مب فاج الباب وأن ما رمستي بترقدين هني ويأشر ع الأرض . . أم سعود تدخل غرفة بناتها أم سعود : هاه حبياتي شو تسون ريم تبتسم : ادرس أمايه مشاعل تفج عيونها وتصرخ : جذاااابه... ماسكه لكتاب شكل بس والله انها مصدعه راسي تقرق من الصبح ريم بستنكار تشوف امها : أصلا اهي تسولف وأنا تعبت من كثر ما اقوللها سكتي أبا ادرس وسافهتني حضرتها إلا تسولف غصب .. مشاعل : لا والله ريم : هيه عيل شوووو...ماشي مراعاه يعني ..يحليلي ثانوية عامه وعندي دراسة أم سعود تضحك مشاعل تضحك بخبث : ريموووه لا تيني فالليل تصيحين تعالي رقدي معاي ؟؟ ريم تحاول ترقع بخوف : بلاااااج انتى أسوولف ويااج عاد مشاعل تضحك : عبالي والله أم سعوود : هههههههه ريموه ماما روحي خليني ابا ارمس أختج فموضوع ريم بتعجب : ليش اطلع رمسيني معاها أم سعوود : موضوع كبااار وأنتي صغيره ريم تفج عيونها : أنا صغيره الحين وبوزت أم سعود : صغيرة وما طلعتي من البيضه ريم بوووزت زياده :ما بطلع أم سعوود : لا حول ولا قوة إلا بالله طلعي ..الموضوع ما يخصج يخص أختج ريم قاعده أونها ما تسمع أم سعوود تخزها : قتلج طلعي ولا تخليني أخبر أبووج ريم زعلت : انزين انزين بطلع مشاعل تشوف ريم وتبتسم.. وريم فرت كتابها ع الشبرية بقهر وطلعت من الغرفة أم سعوود : ررررررررريم ريم يت تركض : هاه أمايه أدخل ؟ أم سعوود : سكري الباب وراج ريم أنقهرت أكثر طلعت وسكرت الباب بقوو وهي تتحرطم ومشاعل ميته من الضحك أم سعوود تهز راسها : مادري هالبنت متي بتعقل ؟ مشاعل تشوف الباب : بتعقل ان شاء الله .. "ترجع تشوف امها " هاه أمايه شو الموضوع اللى تبين ترمسيني فيه ؟ أم سعود : بنيتي ما شاء الله عليج كبرتي وكملتي دراستج وشتغلتي الحمد لله وما عليج قاصر مشاعل نغزها قلبها : الحمد لله رب العالمين ..هذا كله فضل من ربي أم سعود : ونعم بالله يا بنتي ..ا"تسكت شوي "" منصور ولد خالتج تقدملج مشاعل تيبست من اللى سمعته ..جنه حد صب عليها ماي بارد .. متفاجئة ..مصدومة ..ما توقعت أبدا انه بيجدم على هالخطوة وبهالسرعة الكبيرة .. مشاعل بصدمه : منصور أم سعود تهز راسها بالايجاب : هيه منصور .. ما شاء الله عليه ريال ولد ريال وتربيتي بعد وولد خالتج وأولابج من الغريب ..ولو ادورين بين الريايل ما بتحصلين واحد شراته ..شوفي كيف يعامل خواته حاطنهم فعيونه ومدراي عليهم.. الله يدومه لهم يا رب مشاعل تسمع أمها وتحس عمرها تحلم أم سعود : أباج تفكرين فالموضوع زين .. منصور ولد خالتج وغني عن التعريف مشاعل أستوعبت رمست أمها وحست بحراج ونزلت رأسها مستحيه أم سعود : خذي راحتج بالتفكير حبيبتي مشاعل بحيا : أن شاء الله أم سعود : الله يكتب اللى فيه الخير وان شاء الله تكونين من نصيبه مشاعل أكتفت أنها تبتسم بحيا . . |
البارت التاسع ((( شق صدري وشوف وش لك بين الضلوع ..وربي بتدمع عينك بحب عنه ما دريت )) \ \ منصور يصبه له كوب جاي أبو منصور يدش الصاله :صباح الخير معرسنا .... منصور صدله وبتسم : صباح النور .. أبو منصور يقعد حذاله : ما حيدك ولدي تنش هالوقت منصور : عندي جم شغله مهمه بخلصها قبل ما روح الدوام أبو منصور:هيه زين منصور يصب لبوه كوب جاي ويعطيه أبو منصور يشل الكوب : تسلم منصور : يسلم غاليك ..يعدل قعدته :اممم عيل ما ردوا عليكم قوم خالتي أبو منصور يبتسم : يا ولدي ياااااولدي أصبر واركد ..وان شاء الله بيصير اللي تباه منصور قفط : لا بس جنهم تاخروا فالرد أبو منصور : لا تاخروا ولا شياته بس قوول أنك مستعيل منصور قفط زياااد فخاطرة "أشرد وأحفظ ماي ويهي أحسن " منصور : بترخص عنك الحين هبابي أخلص أموري أبو منصور : روح ربي يحفظك منصور أبتسم وطلع من الصالة . . نافخت فالسيارة من القهر :افففففففففففففف أبوي : يا بنتي قولي لا اله إلا الله رديت بعصبيه : لا إله إلا الله هاي شوو تسوي داخل ..دقايق بس وبتبدا محاضرتي يعني بطووف علي ..هذا كله عشان خاطر هالبقره هنوده اففف تمينا نتريا فتره وبعد عشر دقايق يتنا هند تمشي على فاقتها وتفج باب السيارة صديت صوبها وبحرقه : جان ما يتي يالشيخة هند ببرود : بلاج كنت أتريق بغيت ارد عليها بس أبوي قاطعني : خلاص عاد غادة ..قالتلج كانت تتريق فولت زيادة وصديت صوب الدريشه أطالع الشارع وهند ابتسمت "فديته والله " حط أبوي أذاعة القرآن وتمينا نسمع وصاخين طول الدرب . . . توني نازله من السيارة سمعت تليفوني يرن ..ظهرته من الشنطه وردت : الوو مريم : وووينج انتى ؟ سالتها : أنتى وينج ؟ مريم: يالسه جدام القاعه حبيبتي اترياج ..وابشرج المستر دش ..أكيد الحين سجلنا غياب تنهدت : أستغفر الله مريم : غاده بلاج ؟ غادة : نزلي بتحصلين أنتظرج برع فمكانا المعتاد .. مريم : يعني ما نحضر ؟ عصبت عليها : نحضر عشان يهزانا المستر ..جنج ما تعرفينه يعني؟ مريم تفاجئت : هيه والله صدقج ..تمام دقايق وبكون عندج لا تعصبين رديت عليها وفيني ضحكه : اوك باي سكرت عنها وتوجهت صوب طاوله موجوده بالحديقه حطيت شنطتي عليها وقعدت ..هذا المكان المفضل لي ولمريوم دووم نقعد فيه .. يطل على االخضراء اللى بالجامعه والطاوله اللي نقعدن عليها حواليها الورد من كل صووب يت مريوم صوبي وحطت الكتب على الطاوله مريم : السلام عليكم غادة : وعليكم السلام والرحمه تقعد : أنتى بلاج منتفخه من صباح الله خير ؟ غاده : يعني ما تشوفيني متاخره ؟ مريم : هيه صح ليش متاخره حضرج ؟ غادة : سكتي دخيلج مب ناقصتنج .؟ يكفيني اللى فيني مريم : بلاج انزين ؟ تنهدت وعدلت يلستي : شوفي حبيبتي أنا متاخره بسبت هندووه ..تخيلي اقول حق ابوي مستعيله ولكلاس مهم وهذا اخر كورس لي ..ما سوالي سالفه قعدنا ننتظر الشيخه هند لين ما تتريق مريم فيها ضحكه بس ما بينت : هيه ..أنزين حبيبتي لا تتضايقين إلا كلاس بيطوفنا وبنسأل البنات عنه غاده : السالفه مب سالفه كلاس مريوم ... بس ليش ابوي ما سوالي سالفه ؟ مريم : ابوج ما يخلصه يوديج وعقب يرجع البيت ويشل هند المدرسه بوزت : ما عليها بهزبها فالبيت مريم أبتسمت : هزبيها تستاهل شفت ابتسامتها وأبتسمت معاها تذكرت :تعالي ما خبرتج مريم أطالعني :عن شوو؟ قعدت أحكيلها عن اللى صار بيني وبين منصور بالتفصيل الملل ومريوم فاجه عيونها مريم : بلاه عليج خبرتيه ؟ رفعت جتفي : شو أسوي مريوم ما كان عندي حل ثاني ..بس تطمني"غمزتلها " ما خبرته كل شي "ابتسمت " اللى عرفه يكفيه مريم :وكيف كانت ردت فعله ؟ تذكرت شكله وضحكت بصوووت عالي مريم انفعلت معاي : حمستيني يلا رمسي غاده: جنه يهال والله .. مريم فاجه حلجها : باله عليج ؟؟!! غادة : ايوه ...فالبداية كان يسمعني عادي عقب نزل رأسه تحت مستحي .. وشوي يبتسم وشوي يغمض عيونه "ابتسمت " ..حسيته فعالم ثاني ..جنها مشاعل يالسه جدامه مريم تبتسم : يحليله يحبها وايد شكله غادة : وفوق ما تتصورين بعد .. الله يخلهم لبعض يا رب مريم : آميييين أبتسمت : تغير مزاجي من ذكرته تشاركني الابتسامة : الحمد لله سألتها :وحمود شخباره ؟ مريم : اممم الحمد لله بخير غادة : مافي علووم مني مناك ؟ مريم: لا ماشي.. "تغير السالفه " صح غاادوة نحن لازم نحطلنا جدول نمشي عليه فالدراسه ..باقي شهر تنهدت: صدقج والله ماشي وقت مريم : شرايج الحين نحطه ؟ ابتسمت : اوكيه يلا وقعدنا نحط خطه عشان نمشي عليها فالدراسه . . أم سعود يالسه فصالة تشوف حلقتها التركيه العشق الممنوع تيها فاطمة وتقعد حذالها : امايه أم سعود وعينها بالتلفزيون : خير فاطمة بوزت: شوفيني انزين ارمسج أم سعود مسوتلها طاف :.شوفي شوفي مهند " تاشر على التالفزيون " شو يسوي !! صدق انه ما يستحي على ويهه فاطمة: ياربي تراج شايفتنها امس .. لازم يعني تشوفين الإعادة ؟ أم سعود تصدلها : انتى الحين شو تبين ما تشوفيني مندمجه .. فاطمة: ابا ارمسج فموضوع أم سعود : وهذا الموضوع ما يتأجل لين ما يخلص المسلسل فاطمة شوي وبتصيح : لا ما يتاجل أم سعود تأففت وقصرت على التلفزيون وصدتلها : قولي أشعندج ؟ فاطمة : من شوي دقلي واحد ووقالي اني أنقبلت عندهم بالشركه ولازم اروحلهم باجر وراجعهم عشان يتاكدون من بياناتي ويسولي مقابله أم سعوود : ما سألتيهم مختلط ولا لا ؟ فاطمه تتنهد : أمايه خبريني وين بتحصلين مكان هالوقت مب مختلط " بحزن "..حرام عليكم انتوا وابوي تقطعون رزقي ..كم وظيفه حصلتها ورديتها ..عايبتنكم قعدتي يعني فالبيت لا شغله ولا مشغله أم سعود : تدرين اخوج مب طايع ولا أنا أباج تشتغلين فاطمة : وليش تخلون سعود يتحكم فحياتي ..انتى وأبوي عايشين الحمد لله أم سعود : اخوج العود هذا فاطمة : ويتحكم بحياتي على كيفه بس لأنه اخوي العود..عيل انتوا وين رحتوا أم سعود : أستغفر الله فاطمة : وليش تستغفرين انا شوو سويت الحين أم سعود راحمه بنتها : بررمس أبوج فالموضوع لما يرجع البيت ..وان شاء الله خير فاطمة بيأس : انزين بس اليوووم ضروري لاني باجر لازم اراجعهم أم سعود : خلاص قتلج اليوم لا تحاتين فاطمة برجا : يارب يوافق أم سعود أطول على التلفزيون وترجع تندمج فالمسلسل وتشاركها فاطمة . . أيمان : يعني اقدر أقول مبرووك مشاعل تبتسم : هيه تقدرين .. أيمان تحضنها : مبروووووك عمري مشاعل : الله يبارك فحياتج حبيبتي وعقبالج يا رب أيمان : وين يا حسره مشاعل : قريب ايمانوا ..قولي ان شاء الله بس ايمان : ان شاء الله مشاعل تبتسم : هيه جيه أباج أيمان : متى أهلج بيردون عليهم مشاعل : امس رمست أمي وخبرتها أني موافقه ..انا لو الود ودي من يوم ما خبرتني اعلمها بموافقتي " تبتسم " بس تدرين كنت متفاجئة وبعدين لازم اثقل شوي ..والحين مادريبها عاد ردت عليهم ولا بعدها أيمان تبتسم : والله فرحانه لج من خاطري مشاعل تمسك ايدها : حبيبتي والله .. |
البارت العاشر ((( تذكر غلاك اللى بقلبي مقره ..للحين باقي ما تغير ولا ضاع ..حلمي أشوفك بالعمر بس مره..يمكن بعد شوفتك أتزين الأوضاع )) \ \ يدخل الهندي المكتب ويروح صوب محمد الهندي : المدير يريد انته محمد يصدله بخوف : يردني انا ما يرد ذاك "ياشر على منصور " الهندي يهز راسه لا : يريد انته محمد مرتبك : شو يبا ؟ الهندي : ما في معلوم جلدي بسرعه محمد: زين زين الهندي مشي شوي بيطلع من المكتب عقب رجع يرمس محمد الهندي : جلدي بعدين المدير جنان انااا محمد : استغفر الله سمعنا ..فارج طلع الهندي من المكتب ومحمد التفت ع منصور منصور: بلاك الحين ليش خايف "يتسم بخبث "ما يخاف إلا اللى خادم شي محمد يعايب عليه : ما يخاف إلا اللى خادم شي منصور ابتسم : شفيك الحين يا ريال ..ليش هالخوف كله ؟ محمد مرتبك: ويا ويهك يعني المدير من متى يزقرني عنده المكتب إلا إذا يبا يهزئني منصوريضحك بصوت : وين المشكلة يا خي ؟ أنته دووم تتهزاء محمد يبا يرد عليه بس دخل الهندي المكتب وقاطعه الهندي معصب : المدير جنان انا محمد نش بخوف وطلع من المكتب بسرعه كبيره ومنصور يضحك عليه منصور : فحياتي ما بشوف أجبن عنك وهو يضحك حس بهز صد صوب تليفونه حصله يرن مسكه ورد منصور : الوو أم منصور: هلا فديتك ..وينك اليوم ما شفتك الصبح ؟ منصوربصوت خفيف : طلعت بدري اقضي مشاويري قبل الدوام أم منصور : هيه زين سويت منصور : أمايه بخليج لو حد يشوفني ماسك التليفون بروح فيها .. أم منصور: ببند بس خلني أبشرك قبل منصور ابتسم : ردوا عليكم ؟ أم منصور مستانسه :مبروووك مبروووك ياولدي منصور بفرحه وبصوت عالي :الله يبارك فحياتج "انتبه ع نفسه وحط ايده على حلجه " أم منصور : وبروحلهم ألأسبوع الياي نتفق ع الخطوبه وباقي التفاصيل منصور وبصوت خفيف : بعيد وايد.. خلوها بعد يومين أم منصور : كلها أربع أيام بس "تبتسم " مستعيل ولدي منصور أنحرج :هههههههه أم منصور : ما رمت أصبر لين تي من دوامك عشان أبشرك منصور مبتسم : تسلمين والله أم منصور : ياله بخليك الحين عن حد يشوفك منصور :مع السلامه أم منصور: فحفظ الرحمان وسكرت منصور حط تليفونه حذاله وتم يشوف الأوراق اللى على مكتبه وهو فعالم ثاني ..آخيرا حلمي بيتحقق وبتكونين لي "غمض عيونه"عذبتيني وايد .."أبتسم وهو يتذكر كلام أخته غادة "حتى انا عذبتج بعد ..بس أكيد مب كثر عذابج لي ..ألف حمد وشكر لك يا رب.... يدخل عليه محمد المكتب ويرمسه بس منصور فعالمه ولا حس فيه ابدا ..محمد يروح صوبه وويقعد حذاله ويتقرب من أذنه ويصرخ : منصووووورر منصور فز من مكانة ووقف من الخوف وقلبه يدق بقوووو..التفت شاف محمد ماسك بطنه من الضحك منصور يتنفس بقوو: حيوان محمد بعده يضحك منصور حط ايده ع قلبه ورجع قعد على الكرسي ..محمد أستغرب من ردت فعلة محمد : مسالم اليوم أشوفك منصور يبتسم : وافقت محمد فج عينه : بلاه عليك يا ريال .. منصور غمض عيونه : وافقت حمود وافقت محمد :مبرووووك وأنا اقول أتتنيحه اللى شفتها من شوي مب طبيعيه "يغمزلة" تتنيحت حب طلعت منصور يبتسم : مستانس وايد حمود وحس عمري بصيح محمد يخزة :تحس بشوو ؟ منصور يأشر على عيونه محمد: أخ عليك الحينة حب بنيه وحده بصيحك ..شوفني أنا "يأشر ع عمره "حاب نص بنات الأمارات ولا هزن رمش عيني منصور ضحك من قلبه : كلن يغني على ليلاه ..والله يا حموود انت الوحيد اللى تضحكني غصب محمد يكح : أدري والله حدي عجيب منصور يشوفه : ودر عنك البطره وخبرني شو قالك المدير ؟ محمد ابتسم : مدحني فديتك منصور رفع حاجبه : الحين زاقرنك عشان يمدحك محمد يضحك : ومن كثر المديح اللى ياني ..عطاني شغل زيادة منصور :ههههههههههه دبلك يعني محمد : أبو سالم بياخذ أجازة أسبوعين منصور : حليلك وأنت بتآخذ شغله محمد تنهد : هيه بخذه وانا حمار بعد منصور يضحك : يعني بتكرف هالأسبوعين كراف عدل محمد منقهر بس ما يرد يبين : دامه اختارني معانته يثق فيني أكثر عنك منصور يبتسم : دام الثقة فيها كراف زيادة ما أباها وخلها حقك محمد يغير الموضوع : متي بتزورونهم رسمي ؟ منصور : الأسبوع الياي وأنت ضروري تكون معاي محمد يضرب جتفه : اصلا لو ما عزمتني بتحصلني اترياك فالبيت حبيبة القلب منصور : ههههههههه ما تقصر والله محمد : خلنا نكمل شغلنا لاحقين ع السوالف منصور :معاك حق مصخناها لو أني ماعرف كيف بقدر اركز عقب اللى سمعته ..بس ياله فارج روح مكتبك محمد :هههههههه سبال ..ونش وراح مكتبه . . فاطمة تحضن مشاعل : مبروووك حبيبتي مبروك ريم تضرب جتفها : بسج دوري تخوز عنها فاطمه وتيها ريم وتحضنها بقوو : مبروووك واخيرا بنفرح فيج مشاعل شوي وبتصيح : الله يبارك فحياتكن ريم عقدت حياتها : دخيلج لا تخربين فرحتنا فاطمة : صدقها لا تخلينا نجلبها حقج فلم هندي الحين مشاعل ابتسمت ريم : هيه جيه ضحكي وخلي الدنيا تضحكلج الكل : ههههههههههههه فاطمه : امممم باركولي انا بعد ريم فجت عيونها وبسرعه : انخطبتي فاطمة ابتسمت : لا ..ابوي وافق على شغلي مشاعل وريم بنفس الوقت : وسعوود فاطمة : ابوي قالي لا تحاتين اخوج انا بتفاهم معاه ريم مستغربه: وتتوقعينه بيرضا فاطمة : مش بكيفة ..اهم شي موافقة ابوي مشاعل ابتسمت : معاها حق اهم شي موافقة أبوي .. مبرووك ..ما ورا عليج من متى قاعده فالبيت فاطمة :الله يبارك فحياتج ريم :مبروووك فطوم ..ووعشان هاي المناسبه الحلوة "تبتسم "لازم تعزمينا اليوم فاطمه : من عيوووني ريم تنقز :يسسسسسسسس فاطمة ومشاعل يضحكن عليها . . . قاعدين انا وهندوه نقنع منصور يودينا دبي منصور : لو تحنن من اليوم لين باجر مب ساير هند بحزن تحاول تستعطفه : دخيلك شلنا "تمد بوزها " أنا بعد شهر بتبدا امتحاناتي النهائية يعني ما بتشوفون رقعت ويهي فالبيت من كثر الدراسة طالعنا بعض انا ومنصور من قوة الصاروخ اللى قالته هند هند تكمل : طلعنا خلنا نغير جو قبل المكدة اللى بتينا منصور يبتسم : بتغيرين جو فخطبتي ان شاء الله اساعد هندوه : خطوبتك غير وروحت دبي غير "رفعت حاجبي" لو سمحت اخوي لا تخلط الأمور فبعضها منصور ابتسم على تعليقي "ياشر ع عمره" : الحين أنا خلط الأمور هند: أنته ما خلطها بس إلا خبصتها فوق تحت مادري ليش حسيته موافق بس يبا يرفع ضغطنا قتله : زين شلنا عشان خاطر حبيبة القلب شفت هندووه أطالعني بنظرات خبث :هيه صح عشان خاطر مشاعل وان ما طعت بقوللها مالج خاطر عند اخوي منصور حزتها ما رام يمسك عمره أكثر وضحك بصوت عالي : أنتن الثنتين تحف ..بوديكن من دون ما أدخلن مشاعل فسالفة ..أصلا انا موافق بس بغيت أحرق أعصابكن شوي صرخنا انا وهندوه من الفرحة ومنصور مستانس علينا رفعت حاجبي : يعني خاطرها ماله خص فالموضوع منصور بجدية : ماله خص أبدا "يبتسم "وبعدين خاطرج انتى والشليخه اللى عدالج يكفي يوديكن دبي ويرجعكن هند قفطت :هههههه ضحكنا عليها منصور : خلكن زاهبات الساعة 10 الصبح هند بفرح :أنت تأمر أمر منصور يطالعنا ويأشر ع الباب :بسكن ياله فارجن بروح اسبح وبخمد منهد حيلي ع الاخر "بنبرت تهديد " طلعن ولا تراني ما بوديكن باجر.. وقفنا علي طول رديت بسرعه :بنطلع ..كله ولا أطنقر علينا شلينا عمارنا وظهرنا من غرفته |
يسلمو حبيبتي ونتريا ابارت اللي بعده |
لبارت الحادي عشر ((( تصدق بسمتك والله تفرح خاطري الولهان .. يطير من الفرح قلبي وأصير بعالم ثاني ..وأنا أن شفتك بضيقة أحس أني أنا الغلطان .. أعاتب نفسي بنفسي ولو ما كنت أنا الجاني ))) \ \ هند تبند ليتات الغرفة وتنخش تحت اللحاف وتمسك تليفونها وتتصل على ريم ريم بصوت نعسان : الوووو هند : دخيلج روحي فيني رقاد لا تخليني ارقد وانتى على الخط ريم : هههههههههه جنج عاد ما مسوتنها فيني هند تبتسم بكسل : صدقج ريم : هندووه ما خبرتج فطووم بتشتغل ان شاء الله ..تخيلي ابوي وافق هند تعرك عيونها : أساسا ما كنت أحسه معارض بس أخوج النحيس هواللى رافض ريم تبتسم على تعليقها : صدق انه نحيس ههههه يبتيها هند : وسعود كيف وافق؟ ريم : سكتى ما يدري أصلا ..أبوي قال حق فطوم لا تحاتين انا بتفاهم مع أخوج بس والله قلبي قارصني هند : لا يقرصج ولا تقرصينه ما يروم يسوى شي ..جيه الدنيا فوضى وبعدين صح سعوود عصبي وتفكيرة منغلق شوي بس وايد يحبكم ويخاف عليكم ريم : أمحق حب هند :هههه والله يحبكم ريم : أدريبه يعني بتعلميني فاخوي هند تبتسم : انزززين باجر بروح دبي ريم : حلفي هند: قسم بالله ..أنا وغادة تمينا ساعة نقنع منصور يودينا دبي ..ما خليناه لين ما وافق ريم :ههههه أدريبج أنتى وياها لما تصرن عالشي شوو تخدمن هند: تخيلي ما طاع لين ما قلناله عشان خاطر مشاعل ريم : بذمتج هند: هيه ولا بعد يقول خاطرها ماله خص فالموضوع أنا موافق بس كنت أبا ارفع ضغطكم "تبتسم" خريط واحد ريم :هههههههههههه الحمد لله واخيرا هالاثنين بيتزوجون هند : هيه والله محد تعبان ورا هالسالفة غيري أنا وياج ..نشوف ونحط لسانا فحلوجنا وننطم ريم تبتسم : صدقج والله بس والله حلوو أطيحين ع أثنين يحبون بعض ههه أنتى بس راقبي وضحكي هند :هههه ياخي بنفتقد هالأيام ..الحين ما بتكون عدنا أكشنات ريم تبتسم : لازم أندوراثنين غيروهم فالعايلة ونطمش عليهم هند :ههههه أقولج احتمال اشتري فستان للخطوبة من دبي اذا حصلت شي يناسبني طبعا ريم تعقد حياتها: خطوبة شوو ويا ويهج ..ورا باجر أهلج بيون وبيتفاهمون على هذي التفاصيل ..أنتى تزهبين الدواء قبل الفلعة هند :ما يبالها ذكاء اكيد بسون خطبة جريب فديتج أخوي مستعيل ما فيه صبر ودامني رايحه دبي بشتري بالمرة وبفتك ..تعرفين عقب بتبدا أمتحاناتنا وما بتفيج ريم : صدقج والله هند بكسل : ريمووه بخليج حبيبتي مدوخه ع الآخر ريم : تمام دبووة وانا بعد مدوخه ..تصبحين على خير هند : وانتى من أهله فديتج ..سكرت عنها وغمضت عيونها ورقدت على طوول . . رن المنبة الساعة 7 نشت فاطمة على طول وبندته وراحت صوب دريشة الغرفة تشووف الجو ..رفعت الستارة شوي "شكلة حلو اليوم"رجعت سكرتها وشلت فوطتها ودشت الحمام تتسبح ..ربع ساعه وطلعت بفوطتها وراحت صوب الكبت وطلعتلها تنورة وقميص ولبستهن عقب لبست شيلتها وفرشت السيادة وصلت الفجرقضاء . أم سعود تدخل الغرفة : ما شاء الله بنتي نشيطة اليوم فاطمة سلمت وطوت السيادة وراحت تحب راس أمها :صباح الخير"تبتسم" لازم أكون نشيطة اليوم مقابلتي أم سعود : الله يوفقج يا رب فاطمة : اميين أم سعود: متى يبونج تكونين موجودة عندهم فاطمة : الساعة 9 ..صح متى ابوي بيرمس سعود ؟..باجر قوم خالتي بيخطبون مشاعل رسمي ما أباه يخرب فرحتي أم سعود : اليوم اخوج بيرجع من بوظبي وأبوج برمسه ..خلي الموضوع علينا ولا تفكرين فيه فاطمة تحظن امها: فديتكم والله أم سعود : ياله عيل تزهبي بروح انسدح شوي حاسه بتعب فاطمة : انزين لدريول تحت؟ أم سعود : هيه تحت ما طرشناه مكان "تاشر بيدها " لا تنسين تشلين البشكارة معاج فاطمة : أكيد ما بنسا ..روحي أنتى الحين ريحي وانا من أوصل الشريكة بدقلج أم سعود : الله يحفظج يا رب وطلعت من الغرفة فاطمه سكرت باب الغرفة وقفلته ومسكت تليفونها وفتحت الرسايل وكتبت مسج ((صباح الخير عمر كلها ساعتين وبكون بالشريكة )) دقايق ووصلها مسج (( صباح النور حبي هذا احلا يوم بحياتي آخيرا بنكون فنفس المكان أحبج )) قرت المسج وهي مستانسه : حبيبي والله لازم الحين اكشخله عدل راحت صوب التسريحه وطلعت علبة المكب وتمت تتعدل وهي ميته من الوناسه . . دخلنا الصاله انا وهندوه ومنصور فالسيارة يدق هرن فالحوش أبوي: تريقن لا تروحن وانتن مب مآكلات شي هند تشل شنطتها اللى حذال أبوي :بنآكل فالدرب لا تحاتينا أبوي: أنتن بناتي كيف ما تبيني أحاتيكم ؟ شفته واابتسمت: منصور مخبرني انه بيعزمنا على فطور راهي على قولته صدت امايه صوب ابوي : دامهن مع اخوهن لا تحاتيهن طول منصور يرجع يدق هرن أبوي : ياله أنقفضن طلعنا من الصاله بسرعة ومنصور بعده يدق هرن فجيت الباب: منصووور أبوي داخل معصب عليك منصور تفاجى : جيه أبوي يسبح هند : لا فديتك أبوي فصاله منصور يضحك : عيل نشرد عن نحصل هزبه صد صوبنا : ركبن شوو تترين بعد ..ركبن وريوس وطلع من البيت بسرعة ونحن نضحك عليه بطنازة : بصراحه شجاع هند: ههههه سبع أخونا منصور : بسكن ضحك ويلا خبرني من اي مطعم تبوني أريقكم فكرت : امممم أنا خاطري فمناقيش ودنا احلا مخبز يسويه هند : انا بعد مناقيش منصور يبتسم : بوديكم مكان بخليكن تلحسن أصابعكن من حلات المناقيش اللى يسويه غادة :يمممم شهيتنا تراك منصور : صبري دقايق وبطعمين . . فاطمة أدق لامها أم سعود : هلا حبيبتي فاطمة : هلا أمايه ..توني واصله الشريكة والحين بدش أم سعود : ديري بالج ع نفسج فاطمة : من عيوني .. بخلي لدريول يرجع البيت ومن اخلص بدقله أم سعود : ما يخالف ياله مع السلامة فاطمة : مع السلامة سكرت عنها وكتبت مسج حق عمر ((أنا وصلت وحطت فيس مستحي )) حطت التليفون فالشنطة وفتحت باب السيارة ونزلت فاطمة : أمجد أنت الحين روح وأنا من اخلص بتصل فيك أمجد : ان شاء الله ماما سكرت الباب وراحت متوجة صوب الشريكه وهي متوترة ..دشت وهي ترجف ..شافت الرسبشن فويها وكان موجود ريال هناك ..راحتله فاطمة : اخوي لو سمحت وين مكتب المدير الولد : انتى أسمج فاطمة فاطمة تحرك رأسها هيه الولد : تعالي معاي مشا جدامها وهي كانت تتبعه وساكته لففها شوي عقب وصلوا عند غرفة كبير وشافت بنت يالسه ع المكتب الولد : ريما خبري المدير أن فاطمة وصلت ريما تشوف فاطمة : تفضلي المدير يترياج فتحت باب المكتب ودشت الولد : تتوقعين منو هاي اللى المدير محتشر عليها ريما: فيصل بعد هذي ما يبالها ذكاء اكيد من اهله فيصل : هيه صح ما يا عبالي |
الجزء الثاني عشر ((( ما بعترفلك بالغلا وأنت غالي ..خلك كذا ما بين ضامن وشكاك ..مره تقول آن فيه غيرك فبالي .. ومره تقول آن مابه آنسان يسواك ))) \ \ دشت المكتب وهي مرتبكة من شافها عمر وقف عمر ببتسامه ياشرلها ع الكرسي : تفضلي مشت فاطمة وقعدت ع الكرسي اللى أشر عليه عمر نش وقعد على الكرسي اللى مجابلنها تم فترة يطالعها فاطمة شافت نظراته صوبها استحت ونزلت راسها عمر : حبيبتي فاطمة بعدها منزله راسها ومستحيه عمر ببتسامه : الشريكه اليوم نورت "يطالعها "حرام عليج طالعيني عاد فاطمة رفعت عيونها ثواني ونزلتهن عمر: فديت المستحين انا فاطمة :بس عاد بروحي متوتره عمر: تتوترين وانتى معاي ؟ فاطمة ما ردت عليه عمر: شوفيني انزين فاطمة رفعت راسها تشوفه عمر : اخاف اني احلم فاطمة : غمض عيونك وفتحها سوا اللى قالت عليه غمض عيونه ورجع فتحهن وشافها يالسه عمري : هذا مب حلم فاطمة ابتسمت بحيا :لا مب حلم عمر: مب قادر أستوعب انج جدامي فاطمة أطالعه : مستانس ؟ عمر : بموت من كثر الوناسه فاطمة قلبها يدق: وأنا بعد عمر: وانتي بعد شوو ؟ فاطمة : نفس اللى قلته عمر : وأنا شو قلت ؟ فاطمة بحيا : عمررررر عمر: عيوونه فاطمة :خلاص عاد عمر غمض عيونه : قوليها انزين بلسانج فاطمة سكتت شوي عقب ابتسمت : مستانسه لاني أشوفك عمر : ياعمري فاطمة استحت ونزلت عيونها عمر : وبعدين يعني كل ما بقولج كلمة بتنزلين راسج فاطمة رفعت راسها وحطت عينها فعينه : ارمس عدل وما بنزل رسي عمر: لا والله فاطمة سكتت عمر يكمل : أنتى ليش قاسيه معاي ..حتى شعوري ما تبيني أعبرلج عنه براحتي فاطمة بوزت : أنا قاسيه عمر ما هانت عليه : مب قاسيه بس خذي راحتج معاي اكثر حسسيني بحبج لي مب كله ساكته فاطمة : بشتغل معاك فنفس المكان واكيد هذا بيقربنا من بعض أكثر عمر ابتسم : اكيد فاطمة تغير الموضوع : منو هالحلوه اللى تشتغل برع عمر ابتسم : هذي ريما سكرتيرتي فاطمة بنظره حاده : احيد عندك سكرتير عمر : صارت عنده ظروف وقدم استقالته وعينت ريما مكانه ما شاء الله عليها عندها خبرها فاطمة تاخذ نفس : ما خبرتني عمر : حبيبتي والله ما يا عبالي وبعدين انتى الحين بتشتغلين فنفس القسم اللى انا فيه وبخليج شهرين لين ما تتمكنين من الشغل وعقب بحطج مكانها عشان اشوفج كل دقيقه وكل ثانيه فاطمة ابتسمت : فديتك عمر : ياويلي قلبي ..يفداج الكون كله فاطمة تحرك فونها من الحيا عمر : فطوم شافته عمر : أحبج فاطمة غمضت عيونها وحست بحراره بجسمها عمر حس انه زودها وقف : قومي فطامي خليني أراويج مكتبج فاطمة قامت : يلا . . روحي بلقاك إتفز فزة حمامة وتحوم حولك من غلاك وأملها يا لين من نظرة غلا وابتسامة إترد روحي الغالية في محالها *** لك في فضي صدري فؤادن غرامه يحمل محبة انسى تلقى مثلها يعني اذا قلت احصى شوقه وهيامه تقدر تقول بكثر هالدنيا كلها منصور يقصر على صوت الأف أم هند : حررام عليك منصور طوول هالأغنيه عجيبه منصور ولا جنه حد يرمسه ترجيته: طووول لغنيه حلوووه منصور راسه يعوره بس رحمنا ورجع طول ع الاغنيه اهواك وارسم للتعجب علامة كلما بنورك عيني خطت كحلها وأسال هواك اللي عظيم مقامة هل خلا فيني ذرة ما وصلها *** رح للقصيد ودور أعذب كلامه ون جبت كلمة توصف إحساسي قلها دامي عجزت ألقالي وصف ومدامه حبك يسد بلاد ويكفي أهلها *** أشكر هواك اللى غمرني اهتمامه واشكرها روحك ياللى من طيب أصلها سوت على عمري وعمرك غمامة تمطر أحاسيس وينبت غزلها *** مثلك على راسي أشيل أحترامه واعطيه من أيام عمري عسلها لاني مدام أنته بخير وسلامه ماريد أي حاجه من الدنيا كلها بند المسجل منصور : راسي يعورني من هالازعاج هند : بذمتك هالأغنيه مب حلوه منصور : يعني طالعته بنظره : تعرف هالأغنيه مشاعل تمووت عليها صد صوبي: والله هند : شووف الدرب الله يخليك غادة :هههههههههههههه منصور انحرج : جب ابتسمت ابتسامه خفيفه وطالعت هند وحصلتها تبتسم بعد منصور يبركن سيارته هند : اخيرا وصلنا دبي مول ونااااسه غاده : هيه والله نزلناا وقفل منصور سيارته ودشينا المول . . فاطمة تحكي حق مشاعل وريم بالتفصيل شو صار معاها فالدوام ريم : الحمد لله انهم قبلوج فاطمة : الحمد لله.. تصدقون ما توقعت لان حسيت المدير ماا يباني اشتغل معاهم فالشريكه مشاعل عاقدة حياتها : ليش ؟؟ فاطمة : ما عرف أحساس مشاعل تفكر : اممم يمكن معصب من شيء وأنتى وصلج أحساسه غلط فاطمة اونها مضايقه : أتمنى والله .. بس بشد همتي وبثبتله أني أستاهل هالوظيفة مشاعل تبتسم : بالضبط شدي حيلج وخليه ياخذ عنج فكره حلوه ..وإذا كان حاط فباله فكره ثانيه لما يشوف شغلج بيشيلها من راسة فاطمة تحرك راسها هيه ريم : والله فرحانه لج فاطمة : عيل أنا شقول أحس عمري بطير وو قطع كلامها سعود : وشو بعد صدوا كلهم على مصدر الصوت شافوا سعود واقف عند باب الغرفه سعوود : السلام عليكم مشاعل وريم وفاطمة : وعليكم السلام نشت ريم ومشاعل يسلمن عليه وفاطمة وراهن خايفه سعود ياخشم مشاعل : مبروووك مشاعل تبتسم : الله يبارك فحياتك وعقبااال ما نفرح فيك يارب سعوود: قريب ان شاء الله ريم بفرحه : امين سلمت عليه ريم وعقب فاطمة وهي ميته خوف .. سعود : شحالج فطوم ؟ فاطمة تتصنع الأبتسامة : الحمد لله تمام ..أخبارك أنت .؟ سعود : يسرج الحال ..توني واصل وتعبااان .. فاطمة : هيه ..روح غرفتك ريح قبل ما يحطون العشاء سعود : يبالي والله أتسبح قبل العشاء مب اريح .. كاره عمري من الخاطر مشاعل : عيل روح الحين عشان يمديلك تتعشي معانا سعود ابتسملها : ياله عيل بخليكم وانتوا كملو سوالفكم قبل ما يطلع من الغرفه صد ع فاطمة : مري علي عقب العشاء فاطمة بخوف : ان شاء الله وطلع من الغرفه فاطمة كانت وافقة ويلست بقو ع الشبريه مشاعل : بلاج فطووم فاطمة : اكيد عرف سالفة شغلي وبيهزاني مشاعل : لا تخافين .شكله رايق ريم : صح شكله رايق معناته تقبل الموضوع فاطمة بشك : يا ريت اللى فبالكم صح مشاعل تمسك إيدها : اهدي فطوم ..سعود فالنهايه اخوج مستحيل يسويبج شي ..اكيد عرف عن شغلج ويبا يتناقش معاج لا اكثر ريم : صح فطوم ..أنا فالبداية كنت خايفة من ردت فعله مثلج بس دامه دخل وسولف معانا تطمني فاطمه تقريبا مقتنعه بكلامهم تاخذ نفس كبير : ان شاء الله خير . |
الجزء الثالث عشر ((( حَط أيدك بأيدّي لين تعرق وفا ..ضْمني لين تسْمع للمْحانّي ونين ))) \ \ ممنصور ميلسنا فالمطعم فقسم العائلات أطالع المينو : ابا حمص بالحم وتبولة هند : اممممم انا محتاره "أطالع منصور " وأنته شو تبا ؟ منصور : بطلب شرات غادة هند : عيل بطلب شراتكم غادة : ههههه حتى فالأكل غيريه هند أبتسمت يا القرسون وخذ طلباتنا وراح منصور :مستانسات ؟ هند بفرحه: وووااااايد وووايد طالعته : هيه والله ووووايد ..تسلم على هالطلعه الحلوه منصور :الله يسلمج .. ونا بعد مستانس وودي نتم أكثر أهني بس تعرفون باجر بروح أخطب ولازم أرجع وقت وريح شفنا بعض انا وهندوه بفرح هند بحماس : ماعرف ليش أحس عمري مستانسه أكثر عنك ضحكنا عليها :ههههههههههههههههه منصور : انتى خبله هند :ههههههههههه . . سعود يلمم أغراضه اللى فالغرفه ..سمع دقت باب سعود : دشي فطوم فاطمة دشت وخلت الباب ملايم سعود : ليش خليتيه ملايم ؟ سكريه أحسن فاطمة بتوتر سكرت الباب يلست على الشبرية وراح ويلس حذالها سعود يطالعها بنظرات غريبه فاطمة زاد توترها : ليش هالنظرات ؟ سعود بلوم : انا اخر من يعلم انج داومتي فاطمة بخوف : انا ابوي .. قاطعها: انا مب قايللكن أني ما اباكن تشتغلن فمكان مختلط "يرفع حاجبه " تروحين من وراى وترمسين أبوي وتحطيني جدام الأمر الواقع " بعصبيه " ياهل أنا عندج ؟ فاطمة تجمعت الدموع فعيونها : والله سعود بعصبيه يرفع ايده فويها بتهديد : لا تحلفين بالله جذب فاطمة تبلع ريجها سعود يحاول يهدي عمره : أستغفر الله العظيم ..أستغفر الله العظيم فاطمة تنزل دمعتها سعود حط ايده على يبهته وتم يتنفس بصعوبه وفاطمة ترتجف ..رفع راسه يطالعها : لا تتحسبين لما قتلكم هالرمسه بهدف أني أتحكم فحياتكم ..أنتن خواتي وأحبكم ومالي غيركم فهالدنيا ..ومن بعد عين أبوي بكون ولي عليكم .. فاطمه تسمعه ودموعها تنزل سعود : خوفي عليكم لا تفسرينه غلط فطوم .. أناا وايد زعلان منج لانج ما سويتيلي أعتبار وما فكرتي حتى أدقيلي وتعطيني خبر فاطمه بدفاع : كيف تباني اخبرك وانا خايفه منك ؟ سعود : وليش خايفه مني شو بسويبج يعني ؟ فاطمة تصيح : ماعرف كنت خايفه ؟ سعود نش وراح صوب التواليت وشل علبت لكينكس وطلعله وحده ومسح فيها دموعها سعود بلوم : لا تخافين مني فطوم اهدي فاطمة تفاجئت من حركته سعود : انا أحترقت لأني بينت فعين أبوي متسلط ومتحكم فيكم ..تخيلي أبوي قالي من بعد عيني كيف بتعامل خواتك ؟؟ أذا انا عايش وأنته متحكم فيهن " أحمرن عيونه وبلوم "الحين خوفي عليكن تفسرنه تحكم فاطمة ما رامت تتحمل تشوف حالته جيه : آنااااا اسفه سعووود والله آسفه بقدم استقالتي اسفه سعود يكمل : فطوم لو يتيني وخبرتيني عن شغلج ووضحتيلي وجهة نظرج صدقيني كنت بوافق ..السالفه وما فيها اني خايف عليكم من كثر الكلام اللى أسمعه ومن كثر الأشياء اللى أشوفها كل يوم "يحرك راسه يمين وويسار " لا تلوميني الدنيا تخووف ..واذا ما خفت على خواتي بخاف على منوو؟؟ انتوا أغلا شي فحياتي .. فاطمة تسمع كلامه ودموعها تنزل بغزارة سعود :تأكدي اني واثق فيج ثقة كبيرة فاطمة تحس بكلامه سجاجين تقطع يوفها.. فخاطرها "أنا حيوانه وما أستاهل ثقتك يا سعود ما أستاهلها " سعود : ما بوقف عثره فحياتج وبقولج قدمي استقالتج "ياخذ نفس كبير " مبرووك فطوم فاطمة ميته من لصياح لدرجة أنها مب قادره ترمس .. ما هانت عليه يشوفها جيه مسكها وحضنها بقوو وخلاها تصيح فحضنه سعوود يمسح دموعها : اهدي فطووم اهدي حبيبتي ..اناااموافق ولا بعد بعزمج على الغدا انتى وخواتج بمناسبة شغلج "يمسك راسها ويرفعه " ضحكي اشووف فاطمة تشهق من الصايح : سعوود أنت وايد طيب وانا وايد احبك سعود أبتسم " اول مره وحده من خواته تقوله أحبك " :وانتى طيبه "يبا يقوللها وأنا أحبج بس كبرياءة ما يسمحله " وخوافه بعد ضحكت على تعليقه سعود يمط خشمها : بسج صايح خلصتي عبلة لكنينكس فاطمة مب قادره أتسيطر على عمرها بس أبتسمت غصب على تعليقه ورجعت حضنته بقووو سعود أستغرب من حركتها بس حضنها فاطمة : آسفه سعوود سعود يبتسم: بس عااد خلاص فاطمة أبتسمت : الله يخليك ذخر لنا يا رب سعود : ويخليكم لي . . منصور يسوقبنا رادين من دبي وهند فالسيارة راقدة منصور يطالعني : شو أسمها الأغنية اللى تحبها مشاعل ؟ ابتسمت :روحي بلقاك ..حق منصور زايد وماجد المهندس منصور ابتسم :هيه زين غادة : وايد مستانسه عشانك منصور مخلي عمره ثقيل : حسستيني انج مستانسه أكثر عني ابتسمت بخبث : لا ما أعتقد أكثر عنك منصور يبا يرد علي بس رن تليفوني وسكت أطالع التليفون : بسم الله الرحمان الرحيم منصور : منووو غادة : والله انها ساحره منصور التفت بدون شعور : مشاعل ضغط على التليفون ورديت :الوووو يالساحرة مشاعل : هههههههههه أنا ساحره غادة : هيه ساحره توني كنت أرمس عنج وتصلتي ..حشى الواحد ما يروم يحش شوي مشاعل :ههههههه طحت عليج يعني ..اعترفي بسرعه شو كنتى تقولين؟ منصور اونه يسوق بس عارفه أذنه معاي طالعته : ماشي كنت اقول حق اخوي انج تحبين اغنية روحي بلقاك مشاعل قفطت ما توقعت منصور فالسالفه:هاه غادة: بلاج منصور التفت لا إرادي وحاول يشل التليفون بس ما خليته منصور : بقووللها شي عطيني فجيت عيني : استح أنا مووجودة منصور عقد حياته : جيه شوو تتحسبيني بقوللها يالماصخه ؟ مشاعل على الخط تسمع الحوار وتبتسم هزيت راسي بلا : باجر رمسها على كيفك منصور يسوق بيد وحده وثانيه يحاول يشل فيها التليفون .. قاومته مب طايعه أعطيه التليفون وأضحك على شكله..صراحه تحفه .. رفعت رأسي وشفت الشارع و صرخت :منصوووووووووووور انتبه سيارة فزت هند من رقادها من قوة صرختي ومشاعل على الخط بخوووف تصرخ : شفيكم منصور أنتبه انه دش فالشارع الثاني وسيارة مسرعه يايه صوبنا ..مسك السكان بقووو وحاول يطلع من الشارع بس السيارة كانت وايد قريبه منا ودعمت فينا |
الجزء الرابع عشر ((( الجو ما يساعد على سرد الأسباب .. مزعج وأحس بداخلي صفوه هدو..صوت المهب اللى يداحم ورا الباب ..مثل طفله حاشها أزمة ربو!! الحب غيمة والمطر موعد أحباب وقلوبنا عطشا وطبايعنا بدو ))) \ \ ريم أطالع فاطمة : كل شي تمام وعيونج متورمه من الصايح ..اكيد غسل شراعج بس ما تبين تقولين فاطمة : تطمني لا غسل شراعي ولا شياته بس عاتبني شوي لاني ما خبرته ريم مب مقتنعه : عاتبج شوي وانتي جيه حالتج..عيل لو هزبج شو .. تقاطعها فاطمة : سعود وايد حنون ريم تفج عيونها : هاه فاطمة : من قال هاه سمع ريم : أنتى دخلتي عنده سوالج غسيل مخ وظهرج فاطمة : حرام عليج لا ترمسين جيه عنه ريم مب قادرة تستوعب : فاطسه من لصايح ودافع عنه بعد .. هاي اللى تبا تجلطني فاطمة تبتسم على تعليقها : بسج لعيان ..والله ما فيني شي بالعكس استانست وايد لما رمسته ريم تنقهما : الله يدوم هالوناسة عليج فاطمة فهمت النقمة ..ما علقت بس شافتها بنظرة يعني فهمت عليج وريم ابتسمت ويلست تلعب بتاليفونها فجئه سمعن صرخه قويه ريم : هاي مشاعل وطلعت من الغرفة تركض وفاطمة وراها ..دشوا غرفة مشاعل حصلوها طايحه على الأرض ريم تركض وتضرب ويها : مشاااعل مشاااعل فاطمة بخوف تضرب ويهها مع ريم : اسملا عليج قوومي سعود فغرفتة سمع صوت لصريخ وياهم يركض سعوود : شو مستوي شاف مشاعل طايحه ..طار صوبها ومسكها سعوود : فطوم هاتي ماي بسرعه راحت المطبخ وياابت قلاص ماي وعطته سعود سعود يرش الماي على ويهها ويضربه مشاعل حركت راسها الصوب الثاني رش الماي عليها مرة ثانيه وتم يهزها لين ما بطلت عيونها مشاعل فتحت عيونها وانتبهت انها فحضن سعود اخوها "تجمعت لدموع فعيونها وتمت تصيح بصوت مسموع " سعود بخوف : شووفيج شوو صاير مشاعل تصيح وما ترد عليه سعود يطالع فطوم وريم : شو اللى صار بينكم ريم بخوف : ما نعرف والله ..سمعنا صرختها وينا حصلناها طايحه سعود يرجع يشوفها مشاعل تصيح وبصوت مبحوح : منصور سعود يسمعها : بلاه منصور مشاعل بصعوبه : سوا حادث سعود من سمع اللى قالته شلها وحطها ع الشبريه سعود يرمس خواته : خلكم معاها وطلع من الغرفة طاير دقايق وأبوسعود وأم سعود يدخلون الغرفة أبو سعود : بسم الله شو مستوي عليكم ريم دموعها تنزل : منصور ولد خالتي سوا حادث أم سعود تحط إيدها على قلبها فاطمة تركض تيب كرسي حق أمها ويلستها عليه أبو سعود : ريم هاتي قلاص ماي حق أمج بسرعه" يرمس حرمته" هدي بالج وقولي لا اله إلا الله أم سعود تتنفس بصعوبه : ودني بيت أختي أبو سعود حاط أيده على جتفها خايف عليها : شربي قلاص الماي وعقب بوديج أم سعود : فطوم يبي عباتي بسرعه تروح فاطمة تركض غرفة أمها ..طلعتلها عباة ورجعت الغرفة فاطمة تحط العباة حذالي أمها: هذي العباه أحذالج مشاعل بصوت تعبان : بروح معاكم أبو سعود : خلج أهني مع خواتج ونحن بروحلهم وبنطمنكم مشاعل يزيد صياحها : ابا اسير أبو سعود راح صوب بنته وحط إيده على راسها وتم يقراء عليها ,وهي تون وتصيح . . سعود يتصل على تليفون منصور بس محد يرد " شو اسوي الحين أخاف أروح بيت خالوة وما يكون عندهم خبر وتوهق " افففف ...يت عباله غادة وتصل عليها بس بعد محد يرد" يفكر " ما بقا عندي غيرر هند بس ما عندي رقمها ... مسك تليفونه وتصل على ريم وخذ رقم هند من عندها # # هند يالسه على الكرسي وتصيح بهدوء رن تليفونها وعلى طوول ردت هند : الووو سعود : هلا هند انا سعووود ...انتوا وين الحين بيكم هند : نحن فمستشفي توام سعود: تمام .. انتى بخير ؟ هند بصوت حزين : هيه بس اخواني لا سعود : لا تحاتين الحين بييج هند : اوكيه وسكر عنها ووطار المستشفي نزل من السيارة ورجع دقلها ..خبرته وين هم بالضبط وراحلها سعود : شوو صار ؟ ومنصور وين ؟ هند تصيح : منصور فغرفة العمليات وغادة داخل عند الدكتورة سعود : ليش منصور فغرفة العمليات ؟؟ شو صارفيه ؟؟ هند بصوت مبحوح : ماعرف "تمسك ايد سعود " دخيلك رمسهم... اسألهم عنه احاتيه " سعود : اكيد بسالهم بس انتى يلسي الحين ورتاحي هند : ما برتاح لين ما أشوفهم بخير سعود يشوف لون ايددها : تعورج ؟ هند: شوي سعود : جيكوا عليج ؟ هند تهز راسها لا سعود يروح صوب السستر ويصارخ عليها : أنتوا ما تشوفون البنت صاير عليها حادث وتعبانه ..ليش ما جيكون عليها السستر تاشر على هند : يالسه على الكرسي وما فيها شي بخير .. سعود : لازم أجوفون الشخص يموت جدامكم عشان تفحصونه "بعصبيه زيادة " جيكي عليها الحين ..وولا بروح عند مدير المستشفي وبشتكي عليج السستر بخوف : ان شاء الله راحت صوب هند ومسكتها ودخلتها الغرفة عشان تبدا تسوي الفحوصات الأزمة وسعود راح قسم العمليات وسأل عن حالة منصور وعرف ان حديده دشت فأيدة ومسويله عمليه عشان يظهرون الحديده منها عقب نكس أطمن على غادة وخبروه ان في جرح فرآسها وكسر فريلها رن تليفونه مسكه وشاف المتصل ..كانت فطوم سعود : هلا فطوم تمط مشاعل التليفون وترمس : طمني سعود : لا تحاتين حبيبتي كلهم بخير ..كدمات بسيطه مشاعل : منصور كيف وضعه سعود فخاطره "شقوللها الحين ": ما فيه إلا العافيه عند الدكتور الحين يسويله فحوصات عشان نطمن عليه مشاعل : أحلف انه بخير ؟ سعود يخلي عمره معصب : أجذب عليج يعني مشاعل : حاشاك ..بس ما عرف ليش قلبي قارصني ومب مرتاحه سعود : بخيرر قتلج كلهم بخير مشاعل : عطني أرمس غادة ولا ريم سعود : مشاعل انا مشغول الحين ..من أحصل فرصه بدقلج تمام ..ياله باي وسكر التليفون فويهها # مشاعل أطالع التليفون : سكر فويهي ..عيل والله فيهم شي فاطمة : يا ربي مشاعل : لازم أدق على أمي ؟ تتصل بس محد يرد عليها فاطمة: صبري عليهم اكيد مشغولين الحين ..بندقلهم بعد شوي مشاعل بتعب : وشو يصبرني أنا فاطمة: تعوذي من بليس وقومي صلى ركعتين ودعي ربج فيهن مشاعل تحاول توقف ..ساعدتها فطوم مشاعل : بنخلي لدريول يشلنا فاطمة : انتى مينونه ؟ مشاعل : بكون مينونه اذا تميت يالسه وماعرف شو صاير فاطمة: سعود طمنج مشاعل : جذاب فطوم .. حسيت هالشي من نبرة صوته تدخل ريم الغرفة : دقيت علىى هند بس ما ترد علي مشاعل : قومي لبسي عباتج جان بتين معانا ريم مستغربه : وين بتروحون ؟ مشاعل : المستشفي . . سعود يالس يتريا هند تخلص فحوصات ..تمت حوالي ساعة عقب ظهروها هند شافت سعود وراحتله سعود: شو تحسين الحين ؟ هند: بخير الحمد لله ..ماكان له داعي هذا كله سعود : لازم عشان أطمن عليج .. هند ابتسمت : شكرا سعود : يلسيي أنتى وأنا بدش على الدكتورة هند :امم انزين منصورة شو بلاه ؟ سألت عنه ؟ سعود تنهد : سألت ..مسويله عملية لأن حديده دشت أيده ولازم يظهرونها هند حطت أيدها على قلبها : منصور سعود : الدكتور طمني وقالي أنها عملية بسيطة بس محتاجه وقت ..لا تحاتين هند : حبيبي اخوي سعود : بيكون بخير ان شاء الله ..أدعيله هند: يا رب يقومه بالسلامة سعود :اميين .. يلا عيل بخليج بروح لدكتورة راح صوب الغرفة ودش سعود : السلام عليكم الدكتورة : وعليكم السلام سعود : طمنيني دكتورة كيف حالة هند الدكتورة : الحمد لله بخير ..كل شي تمام لا تحاتي سعود تنفس براحه : الحمد لله .. الدكتورة: الحمد لله سعود : السموحه منج بس كنت متوتر وخايف عليها الدكتور: من حقك أهلك وتبا تطمن عليهم . . |
اتمني احصل تفاعل عشان اكمل تنزيل البارتات |
تسلمين على البارت طرطريشن أتريا أحر من الجمر لا تتاخري |
نزلي فدددددديتج نتريااااااج والله حماااااااااااااس من الخاطر |
روااايتج طططر نتريا البارت ألياي فديتج |
طررر البارت نترياج |
الجزء الخامس عشر ((( محبتك بالقلب والله عميقة ..وأنا بقلبي حاجز لك مكاني ..هذي الحقيقة كان تبغي الحقيقه ..وهذا كلام الصدق ما فيه ثاني .. إذا أنت تمنى شوفتي بالدقيقه ..أنا آتنمى شوفتك بالثواني ))) \ \ محمد : أريد أشوفج مريم :حبيبي ما قدر محمد : عشان خاطري ..حدي ولهان عليج مريم : شوف صورتي محمد : صورتج ما تكفيني ..أبا أشوفج على الطبيعة مريم بدلع :حمووود محمد بأصرار : أريد أكحل عيوني بشوفتج حبي لا تحرميني من هالاحساس مريم بتردد : اممم محمد : أهون عليج مريم : أكيد ما تهون بس أهلي محمد يقاطعها : كلها أسابيع وبتكونين حلالي ..وبكون كل أهلج مريم بفرحه : صدق محمد : اكيد حبيبتي ياه خط ثاني على التليفون محمد : لحظة مريومتي عندي خط وشبك عليه من دون ما يسمع ردها محمد يبتسم : هلا ووالله بسعود سعود : يا هلا فيك محمد : من زمان ما نور أسمك شاشت تليفوني ..اكيد في مصيبه ولا ما بدق سعود :ههههههههه يعني عارفني محمد بخوف : ترمس صدق ؟ شو مستوي سعود : لا تخاق ربيعك مسوي حادث بسيط وهو الحين فالمستشفي محمد وقف : أي مستشفي ؟ سعود : توام محمد : دقايق وبكون عندك ..يلا باي سعود :باي . .. . حركت راسي يمين ويسار ..هند كانت يالسه ونشت من شافت حركتي .. يت صوبي ومسكت إيدي تميت أطالع المغذي اللى بيدي وهند فنفس الوقت هند بخوف : أتحسين بآلم ؟ سفهتها وتمت أطالع الغرفة : أنا كيف يت أهني ؟ هند : حبيبتي نحن قاطعتها : منصور ليش مب معاج ؟ وينه هند بلعت ريجها رديت بسرعه : منصور تعبان صح " بخوف " أريد أشوفه هند : ما يصير صرخت عليها : ولييييش اكيد فيه شي هند حطت إيدها على راسي : منصور حاطيلة مغذي مثلج عشان جيه ما تقدرين تشوفينه لين ما تتحسن حالتج بشك : جذابه هندووه ردت علي بنفعال : تتوقعين يعني لو منصور فيه شي بكون معاج الحين حسيت بنوع من الراحه : يعني بخير هند تحرك راسها هيه شفت إيدها محمرة : وأنتى ؟ هند: بخير الحمد لله ما عليج من لون إيدي ..الدكتورة قالتلي رضة وبتخف مع الأيام غادة : الحمد لله " كح " أحس بتعب بكل جسمي وريلي تعورني هند : ريلج فيها كسر وجبسوها وفراسج بعد جرح بس الحمد لله مب غريز وايد عشان جيه بيرقدونج اليوم غادة :ما ابا ارقد فالمشفي هند : مب عكيفج .. جسمج محتاج فيتامينات بسبت الدم اللى نزفتيه من راسج.. فبحطولج مغذي بين الفتره والثانيه وفنفس الوقت بيطمنون على الجرح وانا بكون معاج ما بتحرك تنهدت وغمضت عيوني وتميت أتذكر تفاصيل الحادث اللى صار .. تلاشت افكاري لما أمايه دشت الغرفة تصيح ...ويت وتحضني بتعب : أنا بخير أماية أمايه تتهيسني : شو يعورج حبيبتي حاولت أخفف عنها : لا تصيحين ..ما يعورني شي مول تصيح وترمس بخوف : شو ما يعورج شي وراسج ملفوف وأخوج بعد توهم مظهرينه من غرفة العماليات فجيت عيوني وشفت هند بدهشه :كان فالغرفة العمليات وأنتى تقوليلي بخير هند صخت اعيوني أحمرن : ليش سوله عملية ؟؟ أمايه : حديده دشت إيده وظهروها حاولت أمسك عمري وما اصيح جدام امايه اللى فيها مكفيها : أبا أشووفه أمايه تصيح : هناك أبوج وولد خالتج وربعه عنده لا تحاتينه انتى اللى فيج يكفيج مسحت دمعتها : أهدي دامه بخير وانا بعد شوفيني بخير بسج صايح امايه منهاره : كنتوا بتروحون عني تيها هند من وراها وتمسكها من جتفها هند : الحمد لله كلنا بخير أمايه : الحمد لله ..الله يحميكم يا رب ..مالي غير بهالدنيا ردينا عليها : آمين دخلو علينا فاطمة ومشاعل وريم ريم على طول راحت صوب هند وحضنتها .ومشاعل وفطوم يوا صوبنا .. امايه من شافت عيون مشاعل متورمه من الصايح حضنتها ومشاعل رجعت تصيح بقوو فاطمة تبوسني : شخبارج حبيبتي ؟ سلامات أشوف مشاعل : الله يسلمج فاطمة : هذي حالتها من صار الحادث غادة :ما تنلام والله يتني مشاعل وباست خدي : سلامات مسكت ايدها : قربي مني أبا أحضنج تقربت مني وحظنتها : يا بخت أخوي فيج ردت بصوت خفيف : ما مخليني أشوفه ..أونه بعدة ما صار ريلج تقربت منها : ولا يهمج بساعدج مشاعل : والله همست فأذنها : والله بس لا تعلمين حد عن يكفخوني ..روحي متكسرة مشاعل أبتسمت : فديتج ريم أطالعني : كيف خليتيها تضحك شفتها بتعب بس ما رديت عليها ..مب متفيجه راسي يعورني أمايه : بخليكم بروح أطمن على منصور .. رديت عليها : طمنينا عاد أمايه : ان شاء الله وراحت تبا تطلع بس دشت خالوه فنس الوقت خالوه تحضن امايه وتصيح : سلامات سلامات الغاليه ..طار الشر الله يهديج خالوه نحن بالغصب مسكتينها .. رجعت أمي تصييح : الله يسلمج الغاليه تمن فترة حاضنات بعض .كلنا تأثرنا من شفنا حالتهم .. حسيت بضيج : حبيبي منصور كان مستانس عشان الملجه بس مشاعل من سمعت كلامي يلست على الكرسي ..منهد حيلها من الخاطر مب قادرة تتحمل أكثر طالعتني فاطمه : أستغفري ربج هذا قضاء وقدر تنهدت : أستغفر الله خالوه : بيطلع من المستشفي وبنحتفل فيه وفبنتي قريب ان شاء الله الكل : امين يا رب خالوه أطالع بناتها توها أستوعبت أنهن موجودات: وأنتن منو يابكن فاطمه وريم يطالعن بعض وأشرن على مشاعل مشاعل منزله راسها : خفت وايد ومحد فيكم طمنا أمايه ترد عليها : ما راحن عند غريب خالوه : صدقتي بس هند : خالووووه اصلا لو ما ين أنا كنت بخلي سعوود أيبهم أمايه : خليهن عنج وياله نروح نطمن على منصور خالوه : يلا وتحركن بيطلعن من الغرفة زقرتها : خالوه صدت صوبي ويتني وباست راسي :سمحيلي ما سألت عن حالج والله راسي دايخ من اللى صار ابتسمتلها : لا تحاتين خالوه.. انا بخير بس بيرقدوني فالمستشفي جم يم عشان يطمنون علي أم سعود : زين أهم شي سلامتج غادة : الله يسلمج .. خالوه طلبتج أبا مشاعل ترقد معاي اليوم محتاجتنها وايد خالوه : مشاعل عندها دوام باجر ردت مشاعل بسرعه : بخذ إجازة وبتم معاها خالوه : خلاص عيل لج اللى تبينه . . . أبو منصور يرمس سعود : مشكور ولدي تعبانك معانا سعود: شو هالرمسه أنتوا أهلى أبو سعود يرد على أبو منصور : واجب عليه يوقف معاكم أنتوا أهله وعزوته سعود بتعب يطالع ساعته : الوقت تأخر روحوا ريحوا وأنا بيب أغراضي وببات محمد يقاطعه : بسك عاد مصختها ..شكله عيبك المدح ..أنا برقد معاه أبو منصور وأبو سعود أبتسموا سعود : أنا ولد خالته وأولابه محمد : وأنا أخوه "يطالع أبو منصور "صح خالي أبو منصور : اكيد أنته ولدي اللى ما يبته محمد يرجع يطالع سعود ويرفع حاجبه : سمعت يعني انا برقد سعود :هههههههه ارقد يابوك كلتنا الكل :هههههههههههه |
الجزء السادس عشر (( شف قصيدي صار مجموعه كلام ..يبتدي منك ..{ومنك ينتهي} قلي وش معنى نهاييات الغرام ..غير واحد حب وواحد {ملتهي} )) \ \ دخلت فاطمه غرفتها بتعب ..فصخت عباتها وفرتها على الشبريه ..مسكت تليفونها أجيك عليه ..حصلت 9 مكالمات و4 مسجات كلها من عمر ..فتحت المسج الأول : (( مساء الحب شوو تحسين بعد ما شفتيني اليوم ؟ وحاط قلب )) فتحت المسج الثاني (( عمري وينج ردي علي )) فتحت المسج الثالث (( فطامي انتي زعلانه مني )) فتحت المسج الرابع (( ردي على بلاج لا تخوفيني )) أتصلت عليه عمر على طول رد : الووو فاطمة بتعب : هلا عمر : وينج حبيبتي أحاتيج فاطمة : عيال خالتي سوا حادث وكنت معاهم طول الوقت وتليفوني نسيته فالبيت عمر : هيه ..خفت عليج والله .. فاطمة فخاطرها فديتك عمر : انزين طمنيني شخبارهم ؟ فاطمة : الحمد لله بخير عمر : زين زين .. ولهنا عليج عاد فاطمة بستهبال : صدق عمر: تشكين يعني بحبي ؟ فاطمة تبتسم : لا والله ما أشك بحبك لي عمر : فديتج والله فاطمة بدون ما تحس : افداك حبيبي عمر: شو قلتي ؟ فاطمة قفطت عمر : عيديها دخيلج فاطمة: بخليك الحين عموري ..منهد حيلي وأبا أرقد عمر: ما يخصني ما بسكر لين ما تقولينها فاطمة : عموري اليوم اختى بترقد معاي فالغرفة "تبتسم " فبتسكر صح عمر : قتلج ما بسكر لين ما تقولينها فاطمة بستهبال : أقول شوو ؟ عمر : قولي حبيبي فاطمة : عموررر عمر: قلبه وروحه انتى فاطمة بحيا : حبيبي عمر : عيديها فاطمة مستحيه : بسك عمر : عيديها فاطمة خذت نفس : حبيبي عمر : أموت أموت فيج فاطمة بحيا : عيل حبيبي بعد عمر تفاجئ لانها دوم تجافيه : عيل أعشقج وأهواج ..أنتى قلبي اللى ينبض وروحي وعقلي ودنيتي كلها وو فاطمة بحيا : بس بس بس عمر: خليني اطلع اللى فيني فاطمة : عقب ما نتزوج طلعه عمر : ما روم أصبر فاطمة فخاطرها "ولا انا " عمر يكمل : أنزين قوليلي أحبك فاطمه : عموري جنه طلباتك زايده اليوم عمر : ما استاهل يعني فاطمة : امبلا تستاهل عمر : عيل فاطمة تعرف ان راسه يابس ومستحيل أيسكر قبل ما يسمعها منها ..بصوت خفيف : احبك عمر : وانا احببج والله احبج فاطمة تبتسم : امم اقدر أريح الحين عمر : اكيد لو أني ما شبعت منج فاطمة :بتشوفني باجر وبتشبع عمر : لو تكونين حذالي طول الوقت مستحيل أشبع منج فاطمة :ولا أنا عمر تنهد : ااااااااه فاطمة : يلا تصبح على خير عمر : وانتى من اهله حبي . . سعود : دقايق وبكون عند باب الغرفه ..بدقلج رنه وظهري مشاعل : أوكيه أترياك وسكرت التليفون سألتها: هذا سعود مشاعل : هيه يحليله يايب أغراضي رن تليفونها مشاعل وقفت : بيب أغراضي وبرجعلج رديت عليها : خذي راحتج حبيبتي طلعت حصلته مجابل الغرفه وراحتله سعود يعطيها الكيس :شوفيها عدل ..كل اغراضج اللى طلبتيها موجوده مشاعل فتحتها وخذتلها لمحه : هيه اعتقد كل شي موجود سعود : يلا عيل بروح عنج ..ما وصيج ديري بالج على نفسج مشاعل : ان شاء الله ..ووانت أنتبه فالدرب أدريبك تعبان سعود : ما يهمج .. يلا رجعي دخلي الغرفه مره ثانيه جدامي مشاعل ابتسمت :اوكيه وراحت صوب الغرفة ودشت ..سعود من شافها دشت أطمن وتحرك من مكانه رايح البيت مشاعل تدخل وتسكر الباب فتحت عيوني بتعب : راح مشاعل : هيه راح فديته رمستها بلووم: اخوج تعب معانا اليوم وايد مشاعل : حبيبتي نحن أهل لا تقولين هالرمسه .."تقربت مني " انتي تعبانه ولازم ترقدين الوقت تاخر غادة: وانتي ؟ مشاعل : بحاول ارقد سالتها : تبين تشوفينه صح مشاعل : صح غمضت عيوني يمكن تيني فكره : اممممم شوفي ربيعه محمد راقد معاه فماعندج غير فرصه وحده بس مشاعل : اللى اهي ؟ غادة : لما يأذن الفجر اكيد ربيعه بيروح مصلى المستشفي يصلي ..حزتها انتى روحيله الغرفة وتطمني عليه مشاعل : واذا ما راح غادة : كوني متفائله مشاعل تبتسم : ان شاء الله تضبط "تمسك ايدي" حبيبتي خليني عنج وريحي حطيت إيدي على حلجي وتثاوبت :هيه والله تعبانه .. تصبحين على خير مشاعل :وانتي من اهله . . محمد يطالع أيد منصور : تعورك وايد منصور مغمض عينه : هيه محمد : تحمل الدكتور قال لازم بتحس بألم بعد العمليه منصور مب قادر يتحمل :ااااااه حمود مب قادر العوار يزيد محمد خايف عليه : انزين بروح ازقرهم عشان يعطونك مهدي ..مشي بيطلع منصور : تعال وين رايح ؟..اضغط على الفص اللى فوق وبيون بروحهم محمد يطالع الفص : هيه والله ذكي ضغط عليه ..دقايق وياهم الدكتور لين الغرفة الدكتور : خير شو في محمد : العملية وايد تعورة دكتور.. عطوه ابره تهديه منصور يتويع: ابا اي شي يخفف الآلم اللى احسه الدكتور : توقعت هالشي ..عموما ان شاء الله يصد صوب محمد : لو سمحت محمد يسمع الأذان : انزين بطلع "يرمس منصور" بصلي بالمره عقب برجع منصور يحرك راسه تمام طلع من الغرفة وراح صوب المصلى *** وهي تتقرب من الغرفة فجئة أنفج الباب ..ووقفت مكانها تشوف الدكتور يطلع من الغرفة " ااااااااف الحمد لله انه الدكتور ..ان شاء الله يكون بروحه .." تغشت وكملت مشي لباب الغرفة "لازم الحين أتشجع وادش " فجت الباب شوي شوي منصور حس بالباب وعباله محمد رجع : شو هالصلاه اللى صليتها فالدقيقة مشاعل من سمعت رمسته تطمنت انه بروحه فالغرفة ..دخلت وسكرت الباب وراها منصور :حمود تعوذ من الشيطان وروح صل . مشاعل تخوز الغشوة : منصور منصور انتبه على نبرت الصوت وأطالع صوب الباب حصل مشاعل وواقفه غمض عيونه وفتحهن وشافها واقفه مكانها تقربت منه منصور : مشاعل مشاعل أطالع أيده كيف لافينها : تعورك منصور : هذا صوتج مشاعل تبتسم : لا تخاف مب ينيه ..ادري انك مستغرب وجودي عندك هالوقت بروحي ..بس تطمن أنا راقدة فالمستشفي مع أختك غادة لانها تعبانه شوي وقلت هذي فرصه أطمن عليك فيها منصور براحه : فديتج مشاعل : افداك والله منصور : مستانس لأني أشوفج مشاعل : وانا اكثر حبيبي منصور : انا حبيبج ؟ مشاعل تفكر : امممم يمقن هيه يمقن لا منصور :ههههه حتى انتى علموج مشاعل : شو اسوي "تمسك خده " فديت هالابتسامه ..خوفتني عليك وايد منصور : حبيبتي انا بخير مشااعل : تعورك العمليه ؟ منصور : من شوي الدكتور عطاني أبرة مهدئه وبيخف الآلم ان شاء الله مشاعل تتقرب منه أكثر وتبوسه ع خده : احبك وايد منصور تجمد الدم فجسمه من حركتها مشاعل تنزل دمعتها : خفت تروح مني ..خفت افقدك منصور يمسح دمعتها : مابا أشوفج أدموعج تراها تعذبني .. انا بخير وما بخليج "يبتسم" ياريتني مسوي الحادث من زمان مشاعل تخوز أيده : منصووور منصور مبتسم : مستانس لاني مريض دام مرضي بيخليني أشوف هالأهتمام الكبير منج مشاعل استحت منصور بحزن :يوم ملجتنا راح مشاعل : من تطلع بالسلامه بنملج ان شاء الله منصور : بس انا ما با جيه مشاعل تعقد حياتها : كيف يعني منصور : ابا الملجه والعرس مره وحده من أظهر مشاعل استحت ونزلت راسها منصور : مشاعل مشاعل أطالعه منصور : ابا احضنج مشاعل من سمعت اللى قاله على طول تقربت منه أكثر وحضنته بس من دون ما تلمس ايده اللى تعورة منصور : لا تخليني محتاجج وايد مشاعل : ما بخليك منصور : راح كل الآلم وانتى معاي مشاعل تبتسم : احبك منصور : اموت بحبج مشاعل : لازم أروح الحين منصور يطالعها : لا تتغيرين علي مشاعل خلج جيه حنونه مشاعل ترجع تبوسه ع خده منصور تنهد : آآآآآآآآآآآه يا قلبي ..انتى يايه تطمنين على ولا تذبحيني مشاعل : الأثنين منصور أبتسم : حبيبتي شريرة "تذكر محمد" حياتي لازم تروحين أخاف ربيعي يرجع من الصلاة ويشوفج مشاعل : حاضر من عيوني ..اهم شي اطمنت عليك صدت عنه بتروح بس مسك ايدها منصور :اخاف انج مب موجوده ونا اتخيلج .."غمض عيونه " قولي بسم الله الرحمان الرحيم مشاعل ضحكت : بسم الله الرحمان الرحيم .."فتح عيونه يطالعها " تطمنت الحين اني مب ينيه منصور: تطمنت " يبتسم " لا تلوميني حبج ما خلا فيني عقل بادلته الأبتسامه وبتعدت عنه وعدلت شيلتها منصور :ديري بالج ع نفسج مشاعل تغشت : ان شاء الله طلعت وقلبها عنده ..سكرت الباب ورجعت غرفة غادة وحصلتها راقدة ..دشت الحمام توضت وصلت وعقب وطت راسها ورقدت على طول من التعب |
الجزء السابع عشر (( أن دعاك الضيف أحذر لا تضيق ..كم عطيت الوقت لكنه جحد ! اختر من الوقت لدروبك صديق ..يستمع لك بس لا تضمن آحد )) \ \ مرن ثلاث أسابيع عن الحادث ..منصور ومشاعل ملجوا فالمحكمه من دون حفله بسبت وضعه ..كانت إيده تعوره بس مع مرورالوقت صارت احسن وقام يحركها شوي شوي ومشاعل كانت معاه طول الوقت يا ترمسه على التليفون يا علي البلاك بيري ..وغادة ومريوم وهند وريم بدوا أمتحانات الفاينل وكانن طول الوقت منشغلات بالدراسه ..أما فاطمة عينها عمر سكرتيره عنده وصارت علاقتهم أقوا فبعض رغم أحساس أللوم اللي يطاردها دووم بس كانت تسفهه وتتناساه قد ما تقدر..سعود كان مضغوط فالدوام ولهذا السبب صاره له فتره ما نزل العين .. محمد تغير وايد وصار ما يرمس عن علاقاته الغراميه وهذا الشي منصور كان ملاحظنه ومفرحنه .. . . طلعت من قاعه الأمتحان ورحت صوب مريوم : سممممممم مب أمتحان مريم بضيج : هيه والله ..تصدقين فيني صيحه غادة : لا تطرين لصياح لا اسويلج الحين فلم هندي مريم ابتسمت : مينونه ادريبج تسوينها قعدت حذالها : طالعه عليج مريم : باقي امتحان واحد وبنودع هالمكان حسيت بحزن : بنودعه بكل ذكرياته مسكت مريوم أيدي : هالشي ما بياثر فصداقتنا رصيت على إيدها : اكيد حبيبتي ..مافي شي ممكن ياثر على صداقتنا مريم ابتسمت قتلها : ان شاء الله يكون ختامها مسك اخر امتحان مريم : الله يسمع منج فنفس اللحظه وصلها مسج شفتها توترت فتحته وسكرته بسرعه سألتها : بلاج؟ ردت علي : ماشي اخووي محتشر يترياني برع ..عنده شغل أستغربت : جيه والدريول وين ؟ مريم : مع امايه يقضي مشاويرها حسيتها تجذب علي بس قتلها :هيه عيل طلعي بسرعه عن يهزبج مريم وقفت : صدقج ..يلا درسي زين ما اوصيج أبتسمت : من عيوني ..وانتى بعد مريم : لا توصين مشت عني وتغشت .. كانت تمشي شوي شوي تقرا أرقام ألسيارات لين ما حصلت السيارة وركبت محمد : صباح الفل مريم قلبها يدق بخوف : حمود محمد :عيونه مريم : يعني أنا ما مغلطه بالسيارة محمد : لا حبي ما مغلطه مريم تسكر الباب ومحمد حرك السيارة بسرعه وطلع من الجامعه مشى ربع ساعه عقب وصل المبزرة ووقف سيارته فمكان فاضي ما فيه حد محمد يصد صوبها : حبي خوزي الغشوه ونزلي مريم : حموود اخاف حد يشوفني محمد يطالع المكان : شوفي المكان حيااتي ..محد هني غيري انا وياج مريم خوزت الغشوه تشوف المكان محمد :ياااربي شووه الجمال مريم استحت : لا تقص علي حموود محمد : والله انج حلووه واناا امووت عليج مريم تغمض عيونها وتصد صوب الدريشه محمد : ماروم علي يستحون مريم: بسك بسك محمد يمسك أيدها : خلينا ننزل مريم فجت الباب بسرعه من حركته ونزلت نزل بعدها وراح صوبها محمد يمد ايده ..ومريم اطالعه محمد بحنان : مسكيني حبي مريم مارامت تقاوم نبرت صوته ومسكت إيده محمد يمسك إيدها بقوو ويشدها صوبه محمد : احبج مريم مبتسمة : وانااااااا محمد : فديتج والله يمسكها ويخليها مجابلتنه مريم : مب قادرة أستوعب أنك بتتقدملي الأسبوع الياي محمد : يعني انتى مستانسه ؟ مريم : حلم حياتي بيتحقق وما تباني استانس محمد : قتلج قبل صبري علي وكل اللى تبينه بيصير مريم: صبرت تراني محمد يخزها : صبرتي مريم :هههههههه شسوي كنت خايفه أنك تقص علي محمد بحنان : وللحين خايفه ؟ مريم :لا ..أحبك وأثق فيك ثقه كبيره محمد يرفع راسه فوق : ياربي هالبنت بتخبلبي بتذبحني ينزل راسه ويهمس بذنها : احبج موت يمسك أيدها ويحطها على قلبه محمد :تسمعين دقاته ؟ مريم تغمض عيونها: أسمع محمد يبتسم بخبث ويقربها صوبه اكثر واكثر واكثر . . هند تدخل البيت بتعب : السلام عليكم أم منصور :وعليكم السلام ..بشري امايه كيف الأمتحان؟ هند: صصصعب خسارة ذيج الدراسه اللى درستها لو كنت راقده احسن أم منصور : قولي الحمد لله على كل حال هند : الحمد لله على كل حال بس صدق لو رقدت ابركلي اوني شاده حيلي وسهرانه أم منصور تحرك راسها : انتى ما منج فايده هند: حرام عليج قولي بعد ما درست أم منصور : منو قال ما درستي بس الواحد يسوي اللى عليه ويوكل أمره لرب العالمين هند :ونعم بالله أم منصور: هيه جيه اباج هند تغير الموضوع : غادة وصلت ؟ أم منصور : وصلت من ساعه تقريبا هند : حضها باقلها أمتحان واحد وبتفتك "تبوز" مب أنا يحليلي أسبوع ام منصور : انتى لو تروحين ترقدين ابركلج عن القرقه الزايده هند تبتسم : ان شاء الله هذا احلا طلب .. ولا تنسون توعوني على الغداء أم منصور : ما بنساج أطمني . . مريم : بس وقفني أهني محمد : وايد بعيد مريم : احسن عن حد يشوف سيارتك محمد يفتح درج السيارة ويطلع كيس ويحطها فذبان مريم محمد : لج حبي مريم متوتره : ماله داعي محمد : لا ترديني مريم ما علقت فجت الباب ومسكت الكيس ونزلت محمد : وايد استانست معاج اليوم مريم أبتسمت محمد : اول ما توصلين الغرفه طمنيني مريم :اوك يلا رووووح محمد : احبج مريم تتنهد :مي توو . . أم سعود تعطي بنتها بندول وقلاص ماي : شربي حبيبتي مشاعل تكح : شربت من ساعه تقريبا أم سعود : نشي عيل خلي أبوج يوديج المستشفي مشاعل: ما أبا أسير أم سعود تحط ايدها على راس مشاعل : انتى لابجه من الحمى مشاعل تغمض عيونها : الدواء بياخذ مفعولة وبصير أحسن سمعوا هرن مشاعل تتلحف : هذا اكيد منصور يبا يوديني المستشفي غصب أم سعود: لا حول ولا قوة إلا بالله ..مشاعل ودري عنج البيزاء الزايد ويلا تلبسي ..الريال ياي ومتعني وآخر شي ما تبين تروحين مشاعل : ما أحب المستشفي وبعدين إلا زجام وبيخف ام سعود سفهتا وطلعت حق منصور أم سعود : أقرب أقرب ولدي منصور يحب راسها : شحالج عموه .؟ ام سعود : الحمد لله ما نشكي باس ..انته شخبارك ؟ منصور : بخير وسهاله ام سعود :زين يوم يت مشاعل حرارتها سكت الألف ومب طايعه تروح المستشفي منصور : مب عكيفها .عموه من بعد اذنج ابا اوديها المستشفي ام سعود : اذنك معاك حبيبي هذي حرمتك بس المشكله انها مب راضية تروح حاولت معاها ..كنت بخلي ابوها يوديها بس ما رمت عليها منصور :ما عليج منها انتى لبسي عباتج وشليها معاج غصب وانا بترياكم فالسيارة ام سعود : الله يعيني عليها طلع منصور وركب السيارة ومسك تليفونه ودقلها مشاعل : هلا منصور منصور :حبيبتي بتيج عمووه الحين بتساعدج تلبسين عباتج .. تقاطعه : قتلك مابا اسير منصور بعصبيه : بتروحين مشاعل بصوت مبحوح : من شوي شربت بندول وبصير احسن ان شاء الله مالها داعي روحتي منصور :مشاعل انا مب قاعد أناقشج ..اقولج لبسي عباتج وهذا امر مشاعل : لا والله منصور : اللى سمعتيه واترياج لا تتاخرين علي مشاعل : واذا ما يت شو بتسوي يعني منصور : ما بسوي شي لانج بتين مشاعل تكح منصور : يلا اترياج حبي باي وسكر الخط ام سعود تدخل الغرفة مشاعل : ياله حبيبتي منصور يتريانا مشاعل :اففف منه أم سعود: الريال خايف عليج مشاعل نشت تلبس عباتها وهي مفوله ع الآخر .شوي وطلعت مع امها ..منصور من شافها ابتسم "فديتها والله حبيبتي تسمع الكلام " ركبت مشاعل وراء أم سعود : قعدي حذالي ريلج مشاعل : اخاف اعديه ام سعود ركبت جدام ومنصور فهم انها زعلانه "زعلي برايج المهم اني اطمن عليج " ووصلوا المستشفي ..كانت حرارتها وايد مرتفه لهذا السبب دخلوها عند الدكتورة على طول ..فحصتها الدكتورة : لازم نحطلها مغذي عشان جسمها يقوى شوي مشاعل :ما يحتاي منصور : لا يحتاي كلها ساعه بالكثير مشاعل بتعب : دخيلك مابا منصور رحمها :خلاص دكتورة عطينا مغذي شراب مع الادويه الدكتورة :تمام كتبت لهم الادويه وخذ منصور الورقه وراح العياده . . |
الجزء الثامن عشر (( من جروح الوقت يكفينا جروح .. عظم الله جرح قلبي والسلام .. قلت لك باروح لكن وين أروح .. والطريق اللى بيبعدني حطام .. للجروح آرواح يا روح الجروح .. مال جرحك غير تعظيم السلام )) \ \ مريم منسدحه ع البانيو بملابسها ومشغله الرشاش وتصيح ..كيف خليته يلمسني كيف ؟.. كل هذا عشان ما ازعله مني " تبتسم بحسره " وبرضاااااي بعد تمت تصفع عمرها بقوووو وتصيح ..ليش سويت بعمري جيه ...ليش سمحتله يلمسني ...دموعها تنزل بغزارة ..رخصت بعمري عشانه ..وضحيت بسمعت اهلي ..اتخيل فالنهايه ما يتقدملي ..والله بنهار ..اااااااااااااه يا غادة لو تعرفين ربيعتج شووو سوت اليوم بس ..ليتني ما خبيت عليج شي ..ترجع تضرب عمرها ..انا حيوانه وحقيره.. ما استاهل ثقة اهلي فيني ولا ثقتج يا غاده .. يارب سامحني ع اللى سويته يارب تغفرلي يا رب ...عصيتك ونا ندمااانه ..شوو كان بيصيرلي لو صبرت شوي ..قالي بيتقدملي بعد جم يوم ..ليش خليت مشاعري تحكمني ..ياليتني ما طلعت معاه ااااااه سمعت حد يدق الباب بقوو أمها : بلاج امايه خوفتيني عليج ليش تصيحين . مريم تاخذ نفس وبصوت مبحوح : ما فيني شي بس مضايقه عشان الامتحان امها: ما يرزا الامتحان تسوين بعمرج جيه عشانه ..طلعي اشوف بسرعه مريم : امايه خليني بروحي ربع ساعه وبظهر لا تحاتيني اناا بخيررر امها : لا تخوفيني عليج اكثر مريم تعلي حسها : والله العظيم انا بخير أمها تطمنت شوي : لما تظهرين من الحمام مري علي الغرفة مريم : أن شاء الله من حست ان امها راحت غرفتها "غمضت عيونها "اهدي مريوم اهدي المفروض اني ما احسس حد بشي خصوصا امايه .. وبعدين حمود بيتقدملي وانا واثقه فيه .. صح اللى سويته غلط بس بعد جم يوم بيكون ريلي وجدام الكل ..يعني ما في شي يستاهل اخاف منه "تفتح عيونها وتبتسم بحسره" لازم افكر جيه عشان اقوي عمري لين ما يتقدملي رسمي عقبها بس برتاح .. والحين المفروض افكر فشي واحد بس .... الأمتحان . . . . مشاعل فصخت عباتها وصبتلها قلاص ماي وشربت دواها رن تليفونها تمسكه وترد : منصور منصور : عيونه انتي .. شربتي دواج مشاعل تنسدح ع الشبريه : هيه حبيبي شربته منصور : جيه اباج مشاعل بلوم : سوري حبيبي لاني عصبت عليك ..بس ماحب اروح المستشفي ونا المريضه منصور : ههههه عيل متى تحبين تروحينه مشاعل ابتسمت بتعب : اذا حد مريض اروح معاه بس انا لا منصور يرفع حياته : هالبزاء مب معاي مشاعل تتحلف : انت بذات بتبزا عليك لين ما اقول بس " تبتسم"مب ريلي منصور : يا ويل حالي ..تبزي يابوج ..اروم اقولج لا ؟؟ مشاعل : هيه عبالي بعد منصور :هههههه ..اقول شوو تحسين الحين ؟ مشاعل : بصراحه حاسه بتعب وراسي داير منصور : ياقلبي ريحي عمرج مشاعل : تمام وانت حبي دير بالك ع نفسك منصور : ان شاء الله انتى تامرين مشاعل : باي منصصور : مشاعل مشاعل : هلا منصور : احبج مشاعل : ونا بعد احبك منصور : يلا مع السلامه مشاعل :باي حطت التليفون صامت وتلحفت عدل وغمضت عيونها وراحت بسابع نومه . . . . ريم :اهلين هند: وسهلين ريم تبتسم : شحالج دبوه ؟ هند : الحمد لله تمام وانتى ؟ ريم : ماشي والله سخافه .. احاول ادرس بس مب قادره هند: مي تووو اصلا ضغط وايد علينا ريم : معاح حق بس ما عليه هانت ماشي باقي وبنفتك هند : هيه والله..اسميني من اخلص برقص راب من الفرحه ريم : ههههههههههه ما استبعد عليج شي هند : تعالي صح مشاعل شحالها؟ منصور يقول مريضه ريم : امم احيدها راقد فغرفتها من يت من المستشفي ..تعرفين عاد زجام الصيف كيف هند :هيه والله يذبح ... ربي يشافيها ريم : اامين هند : ريموه اول ما انخلص امتحانات بروح دبي نشتري فستاتين ياخي ماشي وقت ريم : هيه والله ما شي وقت هند : اقول شرايج نلبس نفس الشي ريم مبتسمه :الله حلووو خلاص تم ولا يهمج هند : لازم عاد نكش عدل ..يمكن نعيب وحده من العيايز وتزوجنا ولدها ريم: ههههههه اوك بس بشرط هند: شوو؟ ريم : اذا حد تقدملج لا توافقين لين ما ايني نصيبي هند : لا والله ريم : هيه عيل شوووو هند: اذا حد ياني "تبتسم " بتبراء منج وبخلي عمري ما اعرفج ريم تشهق : يا الخايسه هند : ههههههههههه شو اسويبج ..اتريني اوين ريم : ههههههههههه الله يعينه اللي بياخذج هند : حبيبتي اللى بياخذني اكيد امه داعتله من قلب ريم : اخاف العكس حبيبتي هند: ههههههههه والله انج دبه . . . محمد : شحالج حبيبتي ؟ مريم : تبي تعرف حالي"تبتسم بستهزاء" حمود متى بتتقدملي محمد : بعد جم يوم بحدد موعد عشان تخبرين اهلج مربم : صدق حمود محمد: صدق يا عيون حمود مريم براحه :ريحتني محمد : حبيبتي والله ..شرايج بالهديه ؟ مريم : تهبل حبيبي ثانكس محمد : انتى تستاهلين اكثر عن جيه مريم تبتسم محمد : بخليج الحين مشغول شوي مرم : تمام قلبي ..انتبه ع روحك محمد : وانتى بعد ..يلا مع السلامه مريم :: مع السلامه . . . يالسه أعابل فالمطبخ فالليل حسيت بصوت وفزيت : بسم بالله منصور يبتسم : شو شايفه يعني ويا ويهج يني حطيت إيدي ع قلبي : زيغتني والله منصور : ههههههه شو تسوين هالوقت ؟ سكرت باب الثلاجه : يالسه اسويلي نسكفيه عشان اصحصح وكمل دراسه منصور : باجر عندج امتحان رديت عليه : هيه وآخر امتحان بعد ..الله يعيني الماده صعبه واايد منصور : انتى ما ينخاف عليج ..دحيحه قتله : بدينا حسد منصور :هههه ماشاء الله ما شاء الله أبتسمت : ومشاعل شو هباتها الحين ؟ منصور: بعدها تعبانه بس الحمد لله احسن بووايد عن قبل فرحتلها : الحمد لله ..كنت بدقلها بس ما تفيجت منصور : ماعليه مشاعل تعرف انج مضغوط بالدراسه غادة : سلم عليها لما ترمسها منصور : يوصل خذت الكوب : بخليك الحين وبرجع للكراف منصور : الله يوفقج غاده : امين طلعت من المطبخ ورجعت أشوف منصور : تبا أسويلك شي منصور : شو السالفه عارضه خدماتج ابتسمت : شو اسويبك اخوي الوحيد ابتسم : روحي درسي مابا شي كنت ابا اشرب ماي بس قتله : تمام باي رد علي : باي ودرته ورحت غرفتي وحطيت الكوب ع المكتب ومسكت تليفوني ودقيت ع مريوم مريم : الوووو غاده : هلا حبيبتي ..شحالج ؟ مريم : كيف تبين يكون حالي وادرس هالعله غاده :هههههههههه نفس الحل والله ..قلت ادق واطمن عليج مريم : فديتج والله قتلها : مريوم عيل بخليج الحين ..شدي حيلج حبوبه ولا طولين وايد فسهر خلينا نرقد ع الساعه 2 شرايج ؟ مريم : اووكيه من عيوني لو اني احس لو أواصل لصبح ما بفلح شربت يغمه من النسكفيه : لا تقولين جيه خلج متفائله مريم : صدقج ..يارب سهل علينا رديت عليها : اآآمين سكرت عنها ورجعت الكوب مكانه ..ونشيت أقصر على المكيف ..اليوم برودته زايده .. ..عقب يلست على المكتب رغم ان فيني رقاد مب طبيعي بس لازم أقاوم لين ما أخلص دراسه.. قصوري بعد اخوره ع آخر كورس ..رجعت شليت كوب النسكفيه وتميت أشرب منه ونا مستمتعه بطعمه ..حسيت نفسي تنشط شوي ..حطيت الكوب ع صوب ومسكت كتابي أكمل دراسه |
تسسسلميننن حبيبتي ع هالبببآرتتآت الروعهه حححدههاا نتريآ البآرتآت اليآيهه ع احر من جججمر |
الباااااااارت طرطريشن تسلمين حبيبتي و نريا البارت اللي بعده |
هلا والله رواية حلوه مثلج حبيبتي متى البااارت |
ابي بااااااااااااااااااارت كمل ست ايام ماشي باارت واااي |
الجزء التاسع عشر (( سامح الله جروحك جبتها وانت غالى ..وسامح الله قلبن ينتظر وش تجيب ..آنت وجروح قلبي{والجفا والليالي} كلكم !!ما تركتوا للمحبه نصيب )) \ \ محمد يقوم ويروح صوب مكتب منصور : خلصت ولا بعدك ؟ منصور : بسألك انت بلاك اليوم لاصق فيني ..تراك لوعت جبدي ..اذلف مكتبك وخلني أخلص شغلي محمد : الحين هذا يزاتي ..ونا كنت ناوي اعزمك ع الغداء منصور يطالعه : لا والله غريبه محمد : هيه لكن خلاص انت جرحتني باسلوبك القاسي فغييرت رايي منصور : معذر مابا منك شي بس خلني افتك من اللى بيدي وروح مكتبك محمد يقعد مجابلنه : تصدق اني راحم خطيبتك "يحرك راسه يمين ويسار " ما اعتقد انها بتتحملك كثري منصور يبتسم بعصبيه : شوف حمود قسم بالله ان ما قمت من جدامي بتشوف شي ما يسرك محمد قام : اصلا انا رايح من دون هالتهديدات ..تتحسب عمرك الرجل الاخضر منصور يطالعه محمد يخلي عمره عادي وهو خايف : عيونك لا تطلع ورجع مكتبه منصور من راح محمد عنه رجع واندمج فالاوراق اللى عنده . . . مسكت مجموعه الأوراق اللى تحتاجهن وراحت مكتبه فاطمه ادق الباب وتدخل عمر من شافها ابتسم : يا هلا والله بهالطله فاطمه تقعد عالكرسي اللى مجابلنه : هلا فيك عمر ياخذ الاوراق عنها فاطمه : ناقصهن توقيعك عمر : حيبيتي والله ..احسن سكرتير ه بالبلاد فاطمه :مجامله حلوه منك عمر: صدق حبيبتي ..ما شاء الله عليج فالفتره بسيطه عرفتي الشغل ولا بعد أبدعتي فيه فاطمه استحت : هذا كله عشانك عمر: ادري حبيبتي فاطمه أتشوف الأوراق : وقع عمر : افااا مستعيله تبين اطلعين وتخليني فاطمه : لا بس عندي وايد شغل عمر: الشغل كله يتأجل دامج معاي فاطمه ابتسمت عمر : تدرين اني احبج فاطمه : ادري و انت تدري اني اموت فيك عمر متفاجأ : والله فاطمه ترفع حياتها : تستهبل عمر:صدق ما كنت اعرف انج تموتين فيني " يبتسم بخبث " معلومه يديده صراحه فاطمه ارتبكت : عموري يوز عني عمر : ههههههههههه انزين دريت خلاص فاطمه : يعني اقدر اروح مكتبي عمر : اكيد حياتي وقع على الاوراق ورجعهن حقها فاطمه تاخذ الاوراق وتبتسم وعمر يبادلها الأبتسامه .. . . . حظنت مريوم : مبروووك مريوم وربي فرحانه لج مريم : الله يبارك فحياتج حبيبتي .."مسكت إيدي " انا وايد تعبتج غادوه ..غربلتج ولعوزتج من الخاطر ..تحملتيني ووقفتي معاي من البدايه لين اليوم ..ما قصرتي فشي ابدا .. كنت اشكيلج بالشهور وانتى تسمعينى وتخففين علي وما ياج تذمرتي مني .. كنتِ تخافين علي وتراعين مشاعري رغم ان حالي مب عايبنج بس اللى مسكتنج شي واحد ..خوفج لا ازعل عليج ..ادري اني غاليه عليج وايد ..واباج تعرفين انج أغلا انسانه فحياتي .. انتي مب صديقتي وبس انتي اكثر عن جيه بوايد ..انتي اختى ..غادووه والله احبج وايد ..الله يحفظج ويخليج لي ولا يحرمني منج يا رب عيوني أحمرن ورجعت حظنتها : وانتى اختى واحبج وايد مريم نزلت دمعتها : حبيبتي والله حسيت بضيج ووايد من كلامها يمكن لأن اليوم أخر يوم لنا فالجامعه .. أو لأنها خلاص بتعرس وبتلها عني ..لا تلوموني عندي عقده من البنات اللى يعرسن ..لانهم يعيشون حياه يديده لدرجه انههم ينسون حتى صداقاتهم ويكونون صداقات يديده ..صح اني عارفه أن مريوم غير عنهم..بس بعد حسيت بضيج ..رديت عليها : ربي يخليج لي مريم : ااامين أبتعدت عنها : انتى ليش ما قلتيلي امس لما رمستج على التليفون انه بيتقدملج اليوم مريم : حبيت أسويها لج سبرايس ابتسمت : واحلا سبرايس ..تعرفين زين يوم ما خبرتيني ..لآنج لو قلتيلي مستحيل اقدر ادرس مريم : ههههههههههههه ادريبج غاده : الحمد لله الامتحان يانا سهل مريم مبتسمه : الحمد لله قعدت على الكرسي : شوفي منصور بمرني بعد شوي ..تعالي معانا بخليه يخطفنا على باسكن ..شرايج .؟ قعدت حذالي : امممم دام السالفه فيها باسكن اكيد بروح معاج مافيها تفكير ابتسمت : بدق ع منصور عيل مسكت تليفوني واتصلت عليه منصور : هلا والله رديت عليه : اهلين منصور : مبروووك دبووه افتكيتي ابتسمت : الله يبارك فحياتك منصور : بشري عاد كيف كان الامتحان ؟ غادة : ختامها مسك ..الحمد لله سهل منصور : الحمد لله سألته : وينك انت ؟ رد علي : توني طالع من الدوام ..الحين بيبج غادة : تمام اترياك منصور :فمان الله غاده :مع السلامه سكرت الخط طالعت مريوم : فالدرب منصور الحين ياي مريم : حلووو *** عشر دقايق بالكثير ورن تليفوني رنه وعقب قطع ..صديت صوب مريوم : نشي اخوي برع وصل ..طلعنا وبالفعل كان برع .. رحنا صوب السيارة وفتحت الباب وركبت حذاله وركبت مريوم وراي سلمنا عليه : السىلام عليكم منصور : وعليكم السلام والرحمه طلبته : اخوي العزيز ..ممكن تخطفنا باسكن روبنز منصور ابتسم : اكيد انتي تامرين اليوم ..اخر امتحان ما اروم اقولج لا حرك سيارته وراح صوب المحل منصور يبركنها : شووتبون أيبلكم خبرته شو نبا انا ومريوم نزل منصور وراح المحل .. مريم على طول خوزت الغشوة وخذت نفس كبير : حررررر طولت ع المكيف : فرن مب سياره "ابتسمت " بس ما عليج الحين بنبرد على فوادنا مريم تتشيل عدل : خلاص ما بتغشا ماروم استمتع بالأكل ونا متغشيه وفنس الوقت ماروم اصبر وما آكل لين ما ارد البيت أضبط المكيف : عادي حبيبتي خذي راحتج ..إلا منصور مريم : ههههه منصور فتح باب السيارة وعطاني الجيس طالعته بمتنان : مشكوور ما تقصر منصور يحرك السيارة : العفو طلّعت طلب مريوم من الجيس وعطيتها مريم : مشكوره حبيبتي رديت عليها : ياله بردي ع قلبج .... منصور وهو يسوق شاف مراية السيارة وراحت عينه لا أرادي على مريوم ..طالعها عقب شال عينه وانتبه على الدرب ..بس دقايق ورجع طالعها مره ثانيه ..حس انه يعرفها وشايفها قبل .. ياربي شوو هاي النظرات ..مريوم كانت تاكل الأيسكريم وفعالم ثاني ما انتبهت عليه ..يبا يفضحني جدامها .. رمسته عمدا عشان احسسه اني أنتبهت عليه : الجو حار ليش ما شريتلك ايسكريم؟ منصور : مالي خاطر فخاطره " وين شايفها ؟؟وين شايفها يا منصور" رديت عليه : تدله طبعا بيت مريوم ربيعتي من طريت أسمها منصور ..أنتفخ علي ماعرف شو بلاه مب صاحي اليوم .. منصور فخاطره ""نفس الأسم ونفس الشبه ..رفع عينه يشوفها فالمرايه ..هاي البنت الصايعه اللى ترمس محمد "" حسيت الجو تكهرب فالسياره بغيت اكسر هالتوتر وسألته : منصور ارمسك أدل البيت ؟ رد علي بعصبيه : هيه ادله من رد علي حتى مريوم انتبهت ووقفت آكل ما تنلام خافت منه وصلها البيت مريم تنزل : مشكورين رديت عليها : العفووو حبيبتي ..سلمي ع خالوه مريم : يوصل سكرت باب السيارة صديت صوبه : بلاك عصبت جدام البنت منصور حرك السياره بسرعه ويهه محمر من كثر العصبيه وما رد علي استغربت : ارمسك رد علي ؟ منصور مسولي طاف حظرته حسيت بخوف : منصور لا تخوفني شفيك منصور وقف السياره على صوب فالشارع وصدلي : غاده انتى كيف ترابعين هالشكال ؟ نحن ربيناج احسن تربيه كيف تمشين مع هالبنت ؟ انصدمت : انت شو تقول ؟ منصور يصارخ : انتى ودرتي كل بنات لبلاد ورابعتي هالصايعه رديت بدفاع : منصور عيب عليك ..شووو هالكلام اللى تقوله ..مريوم بنت عرب وناس ومربايه احسن تربيه منصور : ووااضح والدليل انها ترمس شباب والله العالم يمكن تطلع وترقد معاهم ما رمت أتحمل تميت أصارخ :مريوم محترمه غصبن عنك مب بكيفك تتبلا على بنات الناس ..وبعدين انا حره وكيفي بمشي مع البنت اللى اباها ..انت مالك خص فيني منصور عطاني طراق ع ويّهي : جب ..مافي شي اسمه على كيفي ..انتى شوو تتحسبين عايشه فهالدنيا بروحج ..من اليوم وغادي هالبنت تقطعين علاقتج فيها..سامعه!!! حطيت ايدي على خدي مصدومه : انت كيف تمد ايدك علي صارخ علي : بمدها ..وأن ما سكتي بيج الثاني الحين مارمت ارد عليه من الصدمه ..مستحيل هاللى جدامي اخوي منصور ..هذا وحش مب أدمي حرك السياره بسرعه جنونيه ووصلني البيت فتحت باب السياره ونا اصيح وسكرته بقوو ..احسن عشان يتأدب.. عساه ينكسر يا رب .. . . |
الجــــزء العشرون (( ضاق صدري وعيني بالدموع أذرفت ..وآتصبر وأشوف آلصبر عيا يفيد .. وآجحد جروح قلبي وآلدموع أكشفت ..كل ما أمسح عيوني آلمدامع تزيد )) / / منصور يبركن سيارته صوب المطعم اللى عازمنه عليه محمد حط راسه على السكان " استغفر الله العظيم ..استغفر الله ..ليش مديت أيدي عليها .. هذي ربيعتها وطبيعي ادافع عنها ..افففففقف ..كان المفروض اني اتفاهم معاها مب اصارخ عليها وضربها .. كيف صار كل هذا والله ما حسيت بعمري "ياخذ نفس " سبحان الله كيف الدنيا صغيره معقوله هالبنت اللى دوم اودي غاده عندها البيت تطلع اهي نفسها اللى ترمس حمود . .. حبيبتي غاده ..ياليتني مسكت اعصابي "تنهد " بعد هالخسف يباني فموضوع ..جني ناقص عاد ..يكفيني اللى فيني رفع راسه وبند السياره ونزل ..دخل المطعم وشافه ..راحله على طول منصور : تاخرت عليك محمد يبتسم : لا والله بس خليتني اترياك ساعه ونص منصور : ياريال انشغلت أشوي مع الأهل ..المهم خبرني شوو الموضوع اللى تبا ترمسني فيه محمد : خلنا قبل نطلب غداء منصور : اوك زقر محمد القرسون ..ياهم خذ طلباتهم وراح منصور : ياله الحين ارمس شوو مهبب حضرتك محمد : ياربي انت ليش جيه ..يمكن الموضوع زين منصور : والله عيل يالله ارمس حمستني محمد يشوف شكله : قسم بالله شكلك ما يشجع الواحد يرمس ابدا منصوريبتسم : وجيه شرايك فيني .. محمد : يعني اونك تعدل ..فكل الأحوال شكلك خسف وما يشجع منصور تنهد : حموود ارمس شو السالفه تراك لعوزتني محمد : اممم منصوراممم منصور : بلاك ؟ محمد : اناا بتزوج منصور فج عيونه مب مستوعب اللى قاله ربيعه . . . مشاعل ماسكه القميص تراويه فطوم : شرايج فهذا تهده وتمسك الثاني : وهذا فاطمه : ما شاء الله حلووين مشاعل : عيل في قميص بتتخبلين عليه اعرفه ذوقج تمت تفتح كيس وتسكر الثانيه ادوره لين ما حصلته مشاعل : شرايج ؟ فاطمة تمسكه : الله ووايد حلووو ابا شراته مشاعل تبتسم : قسم بالله كنت حاسه انج بتقولين جيه فاطمه : هههه خايسه تراج عارفه ذوقي ما يخصني بخذ نفسه مشاعل تفتح الكيس وطلع منها نفس القميص : ما يحتاي خذيتلج اصلا فاطمة تاخذ القميص وتبتسم : حبيبتي والله ثاانكس مشاعل : تتهنين ..صح خذت عليهن جنزات وسكيني فاطمه : عيشي حياتج حبيبتي شعليج مشاعل : منصور موصني ما شتري سكيني فاطمة : ما عليج منه ..لما يشوفج لابستنه بيفج عيونه.. وبروحه بيوديج السوق تاخذين غيره مشاعل :هههههههههه شريت انا وما سويتله سالفه فاطمه :هيه جيه اباج ..لا تخلينه يقص عليج .. مشاعل : يحليليه والله فاطمه تحرك راسها يمين ويسار : والله شكله اهو بيقص عليج .. المهم انتى تقريبا ما باقلج غير الشنط والعبي وبتخلصين زهاب مشاعل: لا بعد باقلي عطور ومكياج فاطمه : هيه صح نسيت مشاعل سمعت تليفونها يرن ومسكته : الطيب عند ذكره فاطمه : منصور مشاعل تهز راسها هيه وتطلع من الغرفه مشاعل : الووو منصور :هلا حياتي مشاعل : توني راده من المول و منصور يقاطعها : مشاعل مشاعل : عيونها منصور : تعبااااااان مشاعل : بلاك حبيبي منصور : وايد اللي فيني مشاعل خافت : منصور حبيبي شو فيك منصور: خلج معاي ع الخط احس براحه لما اسمع صوتج مشاعل : انزين بلاك ليش تعبان ومضايق منصور : خلج معاي وبس "يتنهد " محتاجج مشاعل : حبيبي انا منصور يقاطعها : ما قدر اارمس بس ابا احس بوجودج معاي اذا مشغوله ببند مشاعل : لا تعصب حبيبي انا بس خايفه عليك ..خلاص هد بتم معاك وما بخليك منصور غمض عيونه : حبيبتي والله . . . تجلبت على لفراش بكسل " هذي عادتي لما أكون مضايقه .. أرقد فترات طويله ..أحاول بهالحركه انسى الأشياء اللى اضايقني .. " هند ادق باب غرفتي : قووومي بسج رقاااد سمعتها وتلحفت عدل ..مب متفيجتلها هند : غاااادوه وينج اليوم ؟فجي الباب ؟ فريت للحاف ونشيت من على الشبريه ورحت صوب الباب وفتحته : افففف شو هالزعاج هند يتها مهب بارده من فجيت الباب :ياربي ثلاجه مب غرفه ..بندي المكيف انا عند الباب وثلجت عقدت حياتي: انتي الحين شوو مشكلتج ؟ هند : ما شفناج من الصبح ..امايه تحاتيج رديت عليها : زين بسبح وبنزل تحت هند مستغربه : انزين ليش معصبه يعني..المفروض اليوم بالذات تكونين مستانسه طفرت : هندوه والله مب ناقصتنج ..خبري امايه اني بسبح وبنزللها هند حركت راسها اوكيه وراحت عني رجعت دخلت الغرفة وفتحت الليت وطلعتلي ملابس ودشيت الحمام أسبح .. ## منصور يدق باب الغرفه بس محد رد عليه ففتحه ودش كانت الغرفة بارده وايد ..سمع صوت فالحمام فعرف انها داخل راح صوب المكيف وبنده وقعد على الكرسي يترياها ربع ساعه وطلعت من الحمام لما شفته تفاجأت بس ما بينتله ..صديت عنه الصوب الثاني ورحت صوب التواليت أسحي شعري منصور وقف وتقرب صوبي : ممكن نتكلم شوي تميت أضبط شعري ومسوتله طاف منصور شل المشط من ايدي ومسكها وقعدني ع الشبريه وقعد حذالي منصور : سمعيني للاخر ولا تقاطعيني ..قبل ما ابدا فالموضوع ابا اقولج اني اسف لاني مديت ايدي عليج ..ماعرف كيف صار كل هذا ..ما كنت حاس باللى اسويه ..انتي اختى الغاليه .. كنت اسمعه ومنزله راسي منصور : والله ما حسيت بعمري لما رفعت أيدي .. انتي قريبه مني وعارفه أن هذا مب اسلوبي ومب طريقتي بس "يحرك راسه يمين ويسار" ما كنت على حاسيتي .. عمري ما فكرت أني أمد أيدي عليج ولا على هند .. متلوم وايد غاده ..خربت فرحتج بهذا اليوم ..انتي تترينه من زمان وانا بذكائي خربته عليج .. مضايق من نفسي وذبحني اللوم تقرب مني وحب راسي : حقج علي حبيبتي شهقت من الصايح وحظنته منصور :بس اللى فيني مكفيني غاده : مسامحتنك منصور انت غالي ماقدر ازعل عليك بس "خازت عن حظنه " حطيت فخاطري لأنك أول مره ترمسني بهاي الطريقه ولا بعد تمد ايدك علي ..تفاجئت ..حسيت عمري ما أعرفك "تزيد صايح " وترمس عن شرف ربيعتي بدون حق ولا دليل ..هذا اللى حارقني .. ليش شو فيها البنت فهمني ؟ منصور ياخذ نفس : بقولج بس سمعيني للأخر حركت راسي بنعم منصور سكت شوي مب عارف كيف يبدا عقب رمس : تعرفين اني شايف صور ربيعتج عند ربيعي ..واليوم لما خوزت الغشوه انتبهت انها نفس البنت .. فجيت عيوني ع الأخر منصور يكمل : قسم بالله اني ما أجذب عليج رديت عليه : ومنو من ربعك ؟ وبعدين الله خلق من الشبه 40 مب حرام ترمس عن شرفها بس لآنك مشبه منصور : نفس الشكل ونفس الأسم بعد ما أذكر مريوم قالتلي انها عطت حمود صورها ..رديت عليها بثقه : مستحيل تسويها منصور : بس سوتها ..عارف انج تحبينها وايد بس غادة :بس ؟؟ منصور: بطلب منج طلب ..كل أخو يحب خواته ويخاف عليهم بيطلبه فهمته بس أستهبلت : شو طلبك منصور : تخلين علاقتج فيها سطحيه ..يعني رواحات، طلعات، ييات مابا ..اخاف على سمعتج رديت عليه بكل برود : نعم منصور : عشان خاطري مستحيل مريوم تسويها وما تخبرني ..بس مضطره اسايره : حاضر منصور : يعني اقتنعتي بكلامي حركت راسي بمعني لا : بس بسوي اللى طلبته مني لين ما اي اليوم اللى أثبتلك فيه ان فكرتك غلط وأنك ظلمت البنت منصور : أتمنى هالشي لوع جبدي ليته ما أعتذر : وشو الموضوع اللى تبا ترمسني فيه منصور :قبل ما أبدا انتى بعدج زعلانه مني ؟ ابتسمت ابتسامه باهته : لا منصور ابتسم :الحمدلله ..اممم مادري اذا كان الوقت يناسب أقولج الحين ولا بعدين ما عرف صراحه بس انا بقول طالعته: شو صاير .؟ منصور :اممم.. محمد ربيعي طلب أيدج ما بانت علي اي ردت فعل من الصدمه منصور : اليوم رمسني وقالي انه طالب القرب منا ..ما رمت اصبر يتج على طول وقتلج حتى قبل امايه وأبوي خبرتج ..أباج تفكرين زين ..محمد ربيعي وعارفنه عدل ..ريال والنعم فيه وأبوي يحبه وودوم يمدحه . ومتاكد لو قتله انه تقدملج بيستانس بس فالنهايئه القرار بيدج أنتي .. .. صخيت وما بزمت منصور متسغرب : ما أشوف أي ردت فعل ؟ أشرت ع عمري : محمد تقدملي انا ؟ منصور :هيه ليش مستغربه ؟ الولد يباج على سنه الله ورسوله ..باجر بخبر أهلي عن الموضوع ..انتى خذي كل وقتج بالتفكير حبيبتي ..ما أخبي عليج اني ميت من الوناسه أعز ربيعي تقدم حق اختى ..الله يكتب اللى فيه الخير يا رب ..تقرب مني وحب راسي مره ثانيه ونش : ياله الحين تعالي تحت حاطين عشاء رديت عليه بدون احساس : دقايق وبلحقك منصور : تمام لا تتاخير طلع من الغرفة وخلاني بصدمتي .. غمضت عيونها ابا أهرب من الواقع " شو اللى قاعد يصير لي يا رب .. هذا اكيد حلم .. مستحيل ..حمود اليوم بيتقدم حق مريوم ..ومنصور يقول انه ياني " بطلت عيوني " كيف ؟؟ كيف جيه ؟ ؟ مسكت تليفوني ودقيت حق مريوم مره ومرتين وثلاث بس محد يرد "ليش ما ترد علي مب من عوايدها .."نزلت دمعتي " مريوم ووينج ابا حد يفهمني اللى يصير رجعت أتصل عليها ..تم يرن دقايق عقب ردت : مريوووم وينج مريم تكح وبصوت مبحوح :لحقيني "كح كح " قلبي نغزني :شفيج ؟؟ مريم: حمود دق علي وقالي "تشهق من الصايح" باركيلي خطبت صرخت : حقيررررررر مريم قاطعه من الصايح : انا ضعت ضعت ضيعني الله ياخذه هذا يعني ان كلام منصور صحيح ..محمد تقدملي الحقير ..صحت من القهر ورديت عليها : حبيبتي اهدي ما يستاهل دمعه منج ترد علي بصوت يقطع القلب : انتى ما تعرفين شي غاده ؟ااااه الحقير خطب اخت ربيعه خفت: اكيد جذاب ويبا يحرق اعصابج مريم: لا ما يجذب غادوه ..ااه يا قلبي احس عمري بموووت خفت عليها : أسملا عليلج حبيبتي بسج صايح قطعتي قلبي ..اصلا اهو ما يستاهلج ونا قايلتلج هالرمسه من البدايه مريم تكح وتصيح : شوو اسوي والله بمووت رديت عليها : انسيه مريوم مريم بصوت مبحوح : بهاي السهوله بعد ما خذ كل شي مني بشمئزاز :فحياتي ما بشوف احقر عن هذا الأنسان مريم زاد صياح :احس عمري مخنوقه مب قادره اتفس خفت عليها وايد ..عرفت انه يبا غيرها وجيه حالها عيل لو درت أنه تقدملي شو بتسوي رديت عليها: اهدي حبيبتي اهدي لا تسوي جيه بعمرج عشانه زين يوم الله فكج وما ارتبطي فواحد مثله كانت تصيح بصوت عالى فجئه أختفى حسها ..صرخت : مريوم حبيبتي تسمعيني ؟!!مريووووم وينج مريم :...... وقفت: اكيد صارفيها شي رغم أن حالي منهد وهلكانه من التعب.. اللى صارلي اليوم مب شوي.. محد يقدر يتحمله ..طلعت من الغرفه أركض عند أهلي .. دخلت الصاله حصلت ابوي وامايه وخواني يتعشون ..دخلت عليهم ونا اصيح من الخاطر ..اول مره أصيح بهاي الطريقه ..كلهم نشوا من شافوا حالتي أمايه فديتها صاحت خايفه علي وأبوي ومنصور تقربوا صوبي وهند أطالعني بخوف من بعيد زخني منصور : شو فيج حاولت أرد عليه بس ما قدرت ما رمت ..حسيت صوتي أختفي غمضت أعيوني ونمت وكلههم حوالي . . |
| الساعة الآن 11:49 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir