|
حــكاية عشق السلام عليكم والرحمه مرحبا بالجميع هاي اول قصه اكتبها و ان شاء الله تحبونها.. هذا الجزء الاول وبكمل باقي الاجزاء اذا لقيت تفاعل منكم .. .. حــكــايــة عـــشـــق .. اذا تشابهت شخصيات واحداث القصه بواقعنا فهي لم تأتي بالصدفه .. الشخصيات اليد (بو محمد) ,, اليده (ام محمد) 1. محمد متزوج بمريم وعياله ,, خالد (20) سنه ,, موزه (19) سنه ,, احمد (15)سنه ,, ريم (9)سنوات . 2. فاطمة ماخذها سعيد وعيالهم ,, راشد (19 ) سنه ,, سلطان (17)سنه ,, روضه (14). 3. علي متزوج بمها وعياله ,, حمد (19) سنه ,, حمدان (18)سنه ,, شجون (17)سنه . مها ومريم خوات.. الاحداث في البيت الكبير بيت اليد (بو محمد ) يسكن ابنه الاكبر وعائلته معه .. خالد محبوب من قبل الجميع لشخصيته الطيبه وخاصتا من يده ويدته لانه اول حفيد في العايله ,, خلص الثانويه ودخل الجيش ,, خالد طويل واسمر بس ما كان حليو وااايد . موزه تدرس في التقنيه اول سنه عيونها سوده وكبار بيضه طولها حلو شعره طويل مزيونه. احمد طايش وما يحب الدراسه ابد بس مجبور عليها ,, اما ريم هاي اخر العنقود ودلوعة العايله ودايما ضرابه هي وخوها احمد . اليد واليده يالسين في الميلس دخل عليهم بو خالد وسلم وقعد وياهم بوخالد : مريم وين الغدى ؟؟ ام خالد : دقايق ويكون جاهز . ريم: مالي خص بخبر ابويه عليك . احمد: والله بضربج يالدلوعه . دخل عليهم خالد وشافهم يتضاربون واقعهم وسار الميلس الكل يلس على الغدى . حاليا في الاجازه الصيفه . موزه مسويه حفله يوم الخميس دعت فيها كل ربيعتها وبنات عمومها وخوالها . موزه : امايه باكر البنات بيتيمعن عندي . ام خالد: حياهن الله . خالد :هااا منوه بيشرف بيتنا ؟! ام خالد : ربيعات اختك . خالد: لو تبغين أي شي انا حاضر .. لا يردج الا لسانج . موزه تضحك : هيه احينه "لا يردج الا لسانج " لا مشكووور ما تقصر . خالد: لا والله صدق . موزه : لا مشكوور فديتك واذا ابغي بقولك . ....................... في بيت العمه فاطمه راشد حليو ومزيون حنطاوي طويل يدرس في معهد ادنوك يحب بنت عمه وديمه ويموت عليها والكل يدري عنه من صغره . سلطان فيه حلا بس خوه احلى عنه طوله حلو معضل شوي بعده يدرس في المدرسه ورضه دلوعة البيت بعدها في المدرسه . راشد يكلم خوه سلطان . راشد : بروح بيت عمي اسلم عليهم بتسير ويايه. سلطان : من حقك اكيد بتسير ,, قول بسلم على القلب . راشد : احترم عمرك ,, بتسير وإلا لا ,,و إلا اقولك خلك بسير بروحي . سلطان : انا ابغي اسير عند يدي ( بومحمد ) من فتره مش شايفهم . راشد: صدقك من فتره مش شايفينهم خلاص بسير وياك وبأجل بيت عمك وقت ثاني . ام راشد داخله عرض : وين بتسيرون ؟؟؟ راشد : هلا والله بالزين كله ,, بنسير عند الغالي . ام راشد : أي غالي ؟؟؟ سلطان : عند يدي (بو محمد) يعني ابوج يالغاليه . ام راشد : بتسيرون بروحكم عند ابويه ,, بنروح رباعه . خلتهم امهم وراحت تتصل لام خالد . ام راشد : السلام عليكم والرحمه. ام خالد: وعليكم السلام وحمة الله وبركاته . ام راشد : اشحالج الغاليه ربج الا بخير ام خالد : بخير وسهاله ,, ومن صوبج وخيتي وش حالهم العيال؟؟ ام راشد: طيبين طاب حالج ,,بتخبرج اليوم ظاهرين مكان ؟؟ ام خالد : لا وين قعوود فالبيت . ام راشد: زين عيل نحن يايين عندكم . ام خالد : حيااكم الله ,, البيت بيتكم . ام راشد : يالله عيل فمان الله. ام خالد : بحفظ الله يالغاليه ونتريااكم . ام خالد: موزه عمتج فاطمه وعيالها يايينا اليوم . موزه : هااااااا ,, شوووو ؟؟!! ام خالد : بلااااج اقولج عمتج وعيالها ياايين اليوم عنا . موزه: ها كيف اليوم الحفله ! ام خالد: صح نسيت ,, السموحه يابنيتي ما خبرتهم. موزه : ياربي شوو اسوي احينه بعد عيالها معاها !! ام خالد: حصل خير,, وبعدين نحن بصوب وانتن بصوب ثاني . موزه راحت حجرتها : ااف ,, ااف ,, وبعد لو دروا ان البنات اليوم متيعين عنا ما بيظهرون من البيت ,, شو اسوي ؟؟؟ مالي حل الا خالد مع انه اولهم ,, خلني اتصل به واشوفه . موزه : السلام عليكم . خالد : وعليكم السلام والرحمه ,, هلا موزاني اكيد بغيتي شي . موزه: يبتها على العوق ياخوي ,, اسمع السالفه ,, اتصلت عموه فاطمه وقالت انها بايه البيت هي وعيالها الكرااااام وامك الحبيبه نست سالفة الحفله ورحبت فيها . خالد : وشو المشكله ؟؟؟ موزه: لاااا هذا كله وتقول" شو المشكله " تعرف عيال عمتك وحركاتهم لو دروا عن البنات ... يقاطعها خالد بضحكه : لا تكبرين السالفه ما بستوي شي انا معاهم لا تخافين على ربيعاتج ,, من حلاتهن احينه. موزه: هيه اضحك ابغيك تساعدني نسيت انك شراتهم . خالد : شو تقولين ؟؟ موزه : سلامتك يالله بخليك احينه بيووون ,, فمان الله. خالد: بعدين دواج ماعليه ,, فمان الكريم . ............. العمة فاطمه ( ام راشد) ماقصرت قالت داام بنروح عند الوالد ليش ما اتصل بخويه علي وتكون لمه حلوه,,, وبالفعل اتصلت فيهم وعزمتهم . في بيت علي (بوحمد) مها (ام حمد) دخلت الميلس عند بوحمد وعياله وخبرتهم بالسالفه . بوحمد: خلاااص تــم اليوم بنروح عند الوالد . شجون : اصلن انا كنت رايحه بالاساس ,, عسب الحفله . حمد: أي حفله؟!! شجون : موزه مسويه حفله للبنات وعزمتني . حمد كان مش ناوي يسير بس من سمع سالفة الحفله غير رايه . حمد مغازلجي رقم وااحد وشكله يساعد كان يقطع من الحلا اسمرطويل شعره شوي طويل وخشمه سيف ,, دخل هو و ولد عمته (راشد) معهد ادنوك . حمدان مايخصه في الناس مش اجتماعي واايد ,, شجون قريبه واايد لموزه ورقيقه وااايد وماخذه جمال امها . شجون كانت متفقه مع موزه انها تروح عندها من وقت بس امها قالت لها :مابنتعب اخوج بنسير كلنا سوا . اتصلت شجون لموزه وخبرتها انه ما بتسير من وقت لانهم مره وحده بييون ,,عقب ماسكرت شجون من موزه . موزه: هلاا والله ,, اكتملت العايله الكريمه واكبر مغازلجي اليوم في بيتنا والبنات هني ,, اف ,,ااف والله قهر وهالعايله ما لقت تجدد لقاها الا اليوم ,, الله يعدي اليوم على خير.. على الساعه خمسه العمه فاطمة وعيالها وصلوا البيت وساروا عند اليد واليده وموزه مشغوله ما سارت عندهم تسلم تشوف الميلس اذا ناقصه شي وتاكد من كل شي وراحت تتعدل وتكشخ ,, وصلوا ربيعاتها وقوم عمها علي وعياله ,,, وموزه كانت عند ربيعاتها وما سلمت على هلها. امها نادت عليها وواقعتهاا وخلتها تسير عند عمومها وتسلم عليهم كانت منحرجه لانها كاااشخه وواايد متاخره سلمت وترخصت . عمها بوحمد : مرخوصه يالغاليه سيري لربيعاتج . خالد طالعها بنظره تقول: شو كل هالمكيااااج ؟؟؟؟ اول مره كان حمد ولد عمها يشوفها كاشخه وتم يطالعها بنطره وهي تسلم ,, شافه راشد كيف يطالعها ,, و ضربه بيده بدون محد يحس به ,, راحت موزه عند ربيعاتها ويلسوا الاهل سوالف . راشد وحمد واايد قراب من بعض وكل واحد يفهم الثاني ,, طلعوا برع البيت شويه يتكلمون . راشد : بلااك انته تتطالعها كذيه خوها وبوها هني ,, زين محد شافك . حمد: مادري يااخي اشوف بنت عمي محلوه اليوم . راشد يضحك : من ناحية محلوه محلوه . خالد ياهم . خالد : بلااالكم ليش واقفين هني !!!! حمد : لا ماشي بس قلنا شوي نغير جو . خالد: تغيرون جو والاااااا؟؟؟ شوي وقفت سياره سوده قدام البيت ونزلت بنت متغشيه .. سلمت ودخلت داخل . بعد ماردوا السلام . راشد : ياويل حالي حتى وديمه هني . حمد: وانا اقول بلااها البنت سلمت . راشد :ابغي اشوفها . خالد: وين بتشوفها الله يهديك دخلت عند البنات . حمد : خلنا ندخل عند الاهل داخل احسن . راشد يقول في خاطره: مستحيل وديمه هني وما اشوفها ,, بعد تفكير راشد: حمد اتصل باختك شجون وقولها تقول لوديمه تظهر ابغي اشوفها . حمد يعرف ان راشد عنيه واللي في راسه يسويه خاصتا السالفه فيها وديمه. حمد: اوكيه بس اذا ما طاعت تظهر لا تلزم . حمد اتصل باخته وقالها عن وديمه بس شجون سارت وقالت لموزه انها تخبر وديمه ,,,في نفس الوقت وديمه يت عند موزه . وديمه : ابغي اسير حجرتج شويه اتعدل . هني موزه قالت فرصه بدون مانقولها لانها يمكن ما تطيع تظهر اذا درت عن راشد ,, موزه شلت وديمه للحجره واشرت لشجون تتص بأخوها وتقوله . وديمه (18) سنه مزيونه ومعروفه بشخصيتها القوية سمره وحليوه وتحب ولد عمها راشد من الصغر ,, وعلى آخر فتره تغيرت واايد وما قامت تسير بيت عمها واايد ويوم راشد يكون في بيتهم ما تظهر من حجرتهاا . كان راشد من فتره مش شايفها ,, ودام انها في نفس المكان اللي هو فيه ,, لزم انه ما يظهر من بيت خاله إلا شايفهاا . سارت موزه ووديمه للحجره وشجون ماقصرت اتصلت بخوها راشد وحمد وخالد يالسين رباعه رن تليفون حمد. شجون: اهلين حمد: هلا ها بشري؟؟؟؟ شجون : موزه ووديمه احينه ظاهرين بيروحن حجرة موزه خل راشد يدبر عمره . حمد : خلاص اوكيه يالله قلبي ويهج . شجون : مش منك ,, يالله بباي . راشد: شوقالت ؟؟؟ حمد : تقول راحت موزه ووديمه لحجرة موزه وخليه يدبر عمره. راشد: خالد تعال معاي . خالد: وين ؟؟؟ راشد: وين بعد حجرة اختك. خالد: شوووه؟؟؟ راشد: خالد انا من فتره مش شايف وديمه ,, دخيلك ابغي اشوفها . خالد: انته مينون شو بيقولون عنك . راشد: ماعليه من اللي يقولونه بس بسلم عليها دخيلك . خالد: امرنا لله يالعاشق والله انك مينون . خالد وراشد راحوا فوق عند حجرة موزه ,, وكانت موزه ووديمه ظاهرين من الحجره ,, وديمه اول ماشافت راشد رجعت الحجره موزه استغربت من حركتها . دخلت موزه عندها:هذا خويه خالد وراشد . وديمه : ادري شوفيهم يوم يروحون خبريني بنزل . موزه استغربت ليش ما تبغي وديمه تشوف راشد!!!! ظهرت من الحجره وطالعت راشد ,, راشد فهم ان وديمه مابتظهر ,, دخل الحجرة مثل المينون حاول خالد يمسكه بس ما قدر ,, دخل وسكر الباب من وراه . شافته وديمه انصدمت : شو تبغي ؟؟ راشد: شو ابغي تساليني شو ابغي ,, ليش ماتبغين تشوفيني انا مسوي شي مزعلج ,, شو فيج ؟؟؟ وديمه ساكته... راشد يء ويلس عند ريولها : ليش ساكته ردي عليه؟ وديمه منزله راسه ماترد عليه. راشد: حيااااتي فيج شي ,, انا ضايقتج بشي؟؟ اول ما قال حيااااتي وديمه حست بشي في داخلها .. وديمه: دخيلك اطلع شو بيقولون عنا . راشد: بطلع بس قوليلي انا في شوه مقصر معاج؟؟ وديمه: ماااشي ,,, ماااشي بس اطلع دخيلك . راشد يلس يطالعهاا ورفع راسها بيده: اشتقتلج والله يالغاليه ,, وظهر من الحجره بدون ما يعرف ليش وديمه مسويه معاااه كل هذا !!!!!!!!!!!! بعيد تاركني ادور لك اعذار .. على الغياب وصدتك وانعزالك معقوله ما جالك على البال زوار .. اللي عطالك فرحتك ما طرالك.......................... امنه: شجون وينها موزه؟؟ شجون : احينه بتيء . دخلت موزه ووديمه امنه: الطيب عند ذكره . موزه : اكيد تحشون فيني اعترفن؟؟ شجون : ما خلينا فيج شي قطعناااج . امنه: عن الخرط ,, لا بس سالت عليج ودخلتي . موزه: هلا امري فديتج. امنه: منوه اللي هناك اللي لابسه احمر؟؟ موزه: هاي عاشه تعالي بعرفج عليها. امنه: اوكيه يالله . خلصت الحفله ,,, والكل راح بيته راشد ما قدر يرقد ذيك الليله ويلس يفكر انا زعلتها ,, انا سويت شي ,, انزين ليش ما قالت شي اليوم ,, فديتها كانت وااايد محلوه . بدون احساس مسك تليفونه ودق لها ,, ماترد كرر الاتصال ماترد ,, طرشلها مسج يقول فيه: تبغي الحقيقه كرهت الحب واجهاده .. من شمس هجرك ماعاد يفيديني ظلي .. وشفيه قلبك يزيد في ليني عناده .. وهو من اول الا من جيته يهلي .. ويحطلي في حنايا القلب سجاده .. ويشاغب نجوم اهل الليل ويملي .. وفتح لي ابواب حضنه وادخل بلاده .. ياكبر جرحي من الهجران ياغلي .. ماعاد جاني من الاحباب نشاده...................... موزه ما صدقت اللي شافته معقوله هالحب اللي الكل يشهد له يستوي به كذيه !!! وباليوم الثاني اتصلت بشجون موزه: مرحبا الساع شجون: المرحب باقي ,, اهلين غناتي,, اشحالج بعد الحفله ؟؟ موزه : آآآه تعبانه بعد ذاك الرقص اللي كسر ركبي. شجون تضحك: محد قالج ترقصين. موزه: مالت عليج انزين سمعي ,, احس بين راشد ووديمه شي ؟ شجون: كيف يعني؟؟ موزه: وديمه ما تبغي تشوفه وشكله راشد زعلها ويحاول يراضيها وهي ما تبغي تشوفه. شجون : غريبه ,, عسب كذيه البارحه يبغي يشوفها . ام حمد: شجوووون.. شجون: موزاني امايه تناديني بخليج احينه اوكيه,, باي موزه: اوكيه سلمي عليها ,, بيباي شجون: هلا امايه يايه . ......................... حمد دخل عند خوه حمدان حمدان: خلاص بعدين بدق اوكيه // فمان الله. حمد: تكلم منوه؟؟؟ حمدان: لا ما عليك ,, بلاااك فيك شي؟؟ حمد: لا مافيني شي بس قلت بسولف شوي معاك . حمدان: وهاذي يلسه ,, هلا سولف . حمد: ماودك تغير جو ابغي اسافر . حمدان يضحك : اوكيه انا بعد شو رايك في سويسرا!!!!!! حمد: لا تتمصخر انا اكلمك من صدقي . حمدان: انزين وين ودك تسافر ؟ حمد: أي بقعه عادي. حمدان : تعال نسير للوالد ونقوله . بوحمد في الميلس يقرى الجريده .. بوحمد: دامكم ييتوا رباعه وراكم شي !! حمد: فديت الغالي والله . بوحمد: هيه الغالي,, طلعوا اللي عندكم ؟؟ حمدان : حمد وده يسافر . بوحمد: وين يسافر ؟؟؟ حمد: لا يعني كلنا نبغي نسافر هالصيف شو رايك ياطويل العمر؟؟ بوحمد: ايواا // وين ودكم تسافرون ؟ حمد: بدونك طبعا مااشي سفره. بوحمد : لا انتوا توكم انا ما عندي اجازه . حمد: خلاااص عيل ما شي سفره . بوحمد يضحك: تعال قال ماشي سفره // باكر بتبدا إجازتي السنويه. حمدان: عاااش ابويه يعني في سفره. بوحمد: وين تبغون نسافر ؟ حمد: أي بقعه عااادي شورك وهداية الله. دخلت ام حمد.. حمد: خلوا امكم تحدد وين السفره. ام حمد: أي سفره ؟؟؟ من بيسافر!!! حمدان : كلنا .. ياطويلة العمر وين ودج نسافر ؟ ام حمد : لاا انا ما بسافر ,,,,,, لا بسافر خلونا نروح عمره . بوحمد: عمره خلااااص تــــــــم . حمد: السعوديه ,, يعني يبالنا رفقه شو رايكم نقول لقوم عمي محمد . بو حمد : زين ما قلت يا ولدي. شاورا اهلهم ,, اليد واليده ما فيهم شده على السفر بوخالد وام خالد يلسوا عند الشياب وخالد شل خوانه . وبوراشد ماعنده اجازه وراشد شل خوانه ,,,ام راشد ماخلت بو راشد بروحه يلست معاااه. طلعوا 3 سيايير رباعه متوجهين لسعودية ,, قبل السفر راشد راح بيت عمه هو وخوانه يسلموا على عمهم ,, كانت عيون راشد تدور لوديمه شاف اخته روضه يت بس وديمه مايت حس بغصه وفي خاطره: حتى السلاااام ياوديمه ,, ابغي اعرف شو غيرج . ركبوا السياره وعنده امل ان وديمه قالت شي لروضه. راشد:قالتلج شي؟؟؟؟ روضه :لا ما قالت . راشد: سيري وسوي عمرج نسيتي حاجه عندها وقوليلها راشد يسلم ويقولج تبغين حاجه من السعودية؟؟ روضه : ان شاء الله . سلطان يشوف اخوه حالته حااله متعذب : هونها ياخوي وتهووون. راشد : الله كريم. بعد ما رجعت روضه من عند وديمه .. راشد : هااا شو قالت ؟؟ روضه :انزين شوي شوي عليه قالت ما ابغي الا سلاامتكم . راشد : ماقالت شيي ثاني ؟!؟ روضه : لا بس هذا اللي قالته . وصل لوديمه مسج من راشد يقول فيه : ابي الايام ترجعني وابي وياك تجمعني وابي عيني تجي بعينك // واقول// بصدق واحشني ,, ابي احكي واسولف لك // واقول // الوقت عاندني // ابي اشكي لقلبك // وابوح // بهم خافقي // هم فرقاك عن عيني ياللي // بجد // واااحشني.. وصلوا السعودية ويلسوا فيها 4 ايام واعتموا وراحوا صلاااله خذولهم شقتين شقه لبو حمد وام حمد والبنات وشقه لشباب . الكل كان مستانس وفرحان بالسفره الحلوه عدا ذاك القلب اللي وده يرجع البلاد بس ماكان يبغي يخرب الجو على البقيه <<< راااشد طاوعك قلبك تغيب وتهجر احبابك ,, تنسى غلاهم وتتركهم وتنساهم .. حرااام تترك خفوقي يشكي غيابك ,, وانته بقلبي اعز الناس واغلاهم .. ناديت والصوت لا شتت ولا يابك ,, ياسيدي ياعديل الروح يافاهم .. وانته بوجه اشتياقي تغلق ابواب ,, وانا اقرب الناس من قلبك واوفاهم .. اما حمد كانت عيونه على بنت عمه مووزه بدا قلبه ينبض من ذااك اليوم من يوم الحفله . ام حمد يالسه مع البنيات بئ حمد ويلس معاهن. حمد: اشحالج يالغاليه . ام حمد: بخير ربي يسلمك توك كنت عندي بلااااك!!! حمد : لا بس اشتقتلج وودي اشوفج كان يطالع موزه وهو يقول . ام حمد : اشتاقتلك العافيه// بعدكم ما خلصتوا الشوي ؟؟ حمد: لا بعدهم . شوي وصل مسج لموزه فتحته من المجهول اللي يوميا يطرشلها مسجات ومحد يعرف بالسالفه غير شجون قرت المسج : ولهت عليك !!// وما بقى فيني باقي ,, وذاك اللي يسمونه "الشوق" حطم لي اعمااقي !! موزه مسويه اكبر طااف للمسج كانت اول ما يوصلها مسج تمسحه شجون تقولها داام يكرر المسجات انزين طرشي مسج ( منوه؟) بس موزه ما تطيع اكبر طااف . ام حمد: خلونا نطلع برع عند بوحمد والشباب . موزه: سبقوني عندي شغله وبلحقكم. حمد: بس لا تتطولين .. موزه: ان شاء الله. موزه : بلاه هذا شو طرا عليه !!!!! ام حمد : هاا بعدكم ؟؟ بو حمد : ييتوا والله يابكم خلصنا .. خالد: وينها موزه ؟؟؟ ريم : احينه بتئ . يلسوا تعشواا وعقب استاذن بو حمد وام حمد ودخلوا يرقدون شوي ريم وروضه غلبهم النعاس وراحوا يرقدون وخاالد من النوع اللي ما يطول في السهر ودخل يرقد ,, باقي الشباب يلعبون كوره وموزه وشجون سوالف ,, شوي حمد ييئ وييلس . حمد: اخ تعبت شجون سيري وييبيلي ماي . شجون: اوكيه . حمد يغني ويطالع موزه : سواها قلبي ياحبيبي وحبك ما طاعني .... موزه كانت تشوف الشباب وهم يلعبون وضحكت على خوها احمد طااااح وهو يلعب ,, ما انتبهت لحمد . حمد ابتسم بضحكت مووزه. شجون: تفضل // بلااااج تضحكين ؟؟ موزه: ما شفتي احمد كيف طاااح بتموتين من الضحك فديت خويه ان شاء الله ماتعور. شجون : يحليله // موزه ما ودج ترقدين ؟؟؟ موزه : ما فيه رقاد. شجون : انا برقد النعاس غلبني . موزه : خلاص توج انا شوي بلحقج . حمد طار من الفرح ,,, بس فرحته ما اكتملت الشباب وصلوا عندهم وفخاطره :اف انتوا شو يابكم ؟؟ ما مدانا قلنا شي . سلطان: وينها شجون؟ موزه: توها راحت ترقد /// احمد عسى ما تعورت من الطيحه ؟؟ احمد : انتي شفتيني!!! لا ماتعورت يت سليمه هالمره . موزه : الحمد الله بس شكلج كان تحفه هههههه. احمد : ضحكي ويه هالويه . موزه :ها بغيتوا شي قبل لا ارقد ؟؟ حمد: وين تو الناس ؟؟؟ راشد : سلاامتج يابنت الخال. موزه: اخليكم تاخذون راحتكم// الله يسلمك رااشد. حمد: ونحن من هل الخير . موزه تضحك: اصلن توني بقول تصبحون على خير . حمد : هيه صح صدقت. دخلت موزه ترقد والشباب طولوا في السهر . وعلى الصبح نش خالد ووعى كل الشباب يرشهم بالماي ويزعجهم عسب يعون من الرقاد . راشد : يرحم والديك خالد خلنا نرقد . خالد: نحن ما يينا هني نرقد يالله نشووااا. قاموا الشباب ومسكواا خالد وطلعوه من الشقه وسكروا الباب. وصل راشد مسج فتحه ما صدق عيونه : سلاام " ياشخص " احبه ,, واغليه .. ومن "حشمته" نبدع ونبعث له رساله . " لا يحسب اني غافلن عنه ,, ناسيه .. "روحي " وما تملك يديني فداله .. افز "لاسمه " كل ما حل طاريه .. وافرح " برقمه " كل ما ارسل رساله .. راشد قرى المسج اكثر عن مره وتاكد من الرقم ما حس بعمره الا يصارخ . حمد: بلاااااااك؟؟؟ راشد : ماشي كمل رقادك انته بس . حمد: أي رقااد الله يخليك انتوا خليتوا فينا رقآآآد . راشد ميت فرح وردته الروح بذاك المسج . لو بغيت الروح ما تغلى عليك .. كل عمري لك لو تامر عليه لو بغيت القلب في مدت ايدك .. كيف انا بعطيك قلب(ن) انته فيه وديمه اكبر خوانها محمد (14) سنه و بنتين توم ( فاطمه وفاخره) (8) سنوات. ام وديمه : وديمه شوفي خواتج وينهن؟؟ وديمه : امايه توني يايه من عندهن فوق في الحجره يلعبن// امايه بغيت اسالج متى بيردون عيال عمي من السفر ؟؟ ام وديمه : ما دريت عنهم يمكن بعد اسبوع وسمعت ابوج يقول انهم في صلاله احينه . وديمه : صلاله!!!! متى راحوا صلاله ؟ ام وديمه : قبل يومين . وديمه : يابختهم // كان ودي اسير العمره بس ماشي محرم. ام وديمه : ربج ما راد/ مره ثانيه ان شاء الله بنروح كلنا . وديمه : عاد متى هالمره الله اعلم ؟؟! الا يادار بالله خبريني عن المحبوب قولي وين غايب تقول الدار عقبك غادروني وخلوني لعيات الهبايب .. نهايه الجزء الاول معقوله ردت الماي لمجاريها بين وديمه وراشد؟؟؟!!! ومن هالمجهول اللي يطرش المسجات ؟؟؟ اترياا ردود |
الصرااااحه القصه واااااااااااااايد روعه وتسلمين مردود كحالي بس بجاوب عليج ان اللي يطرش مسجات هو حمد وانتظر منج الجزء الثاني وبسرررررررررعه والله مااااااااااااا فيني صبر علشان خاطري وأهديج أغنية التاكسي على هالقصه الحلوه ويسلمووووووو |
اهلين بنشوف توقعاتج في محلها والا لا في الجزء الثاني .. تسلمين الغاليه منوره الصفحه يسلموو ع الاهداء الحلو منج ^^ والجزء الثاني في الدرب ياطويلة العمر |
الصفحه منوره بوجودج يالغاليه ومشكوره على هالقصه الغاويه وتأكدي بأني أنتظر الجزءالثاني على أحر من الجمر ولا تحرمينا من كتاباتج وقصصج الحلوه وسلمت يمناج ختيه (( عسلسل )) |
مرحبااا السااع ان شاء الله ما طولت عليكم هذا الجزء الثاني الفصل الاول .. الا يادار بالله خبريني عن المحبوب قولي وين غايب تقول الدار عقبك غادروني وخلوني لعيات الهبايب .. موزه : تولهت على الاهل والبلاد . شجون : هيه والله كلنا تولهنا على دار زايد فديت ترابج يالامارات . ريم: انا ابغي اشوف امايه . موزه : احين بتصيح الدلوعه // انا قلت انتي احسلج تيلسين عند امي يادلوعة امج. ريم: ما بصيح شو قالولج يااهل . خالد : ليش نشيتواااا؟؟؟ انا تظهروني ,,, ماعليه . راشد يضحك : وانت يالله يهديك ليش ترشنا بالماي ؟؟ خالد : ما يخصني تعليمات العم تستاهلون . راشد : وين الريووق ؟؟ خالد : قول وين الغدى . راشد : كيفكم ريوق ,, غدى ,, عشا ,, اهم شي ناكل // ويغني غالي وتسوى من غلاتك عيووني ... موزه تقول لشجون: شوفي شكل راشد اليوم غير مستانس واايد !!!! شجون: شكله تصافى هو والحبيبه . موزه : يمكن صح !!! موزه كانت ماتشوف حد كانت ماتعطي حد ويهه لانها تموت في ترااب اللي يمشي فيه رااااشد كانت تحب رااشد ومحد يدري عنها حتى شجون اقرب الناس لها ماتعرف ,, مابينت لراشد أي مشاعر لانها تشوف الحب في عيونه لوديمه تشوف الفرح في عيونه ولهفة المشتاق بشوفة وديمه .. موزه حاولت انها تقتل هالحب ما قدرت تعرف ان راشد لوديمه ووديمه لراشد بس كان هالحب يكبر كل ما شافت راااشد .. اذا حكم القدر اني احبك .. انا مالي على الاقدار حيله تولع قلبي العاشق بقلبك.. .......................... العمة فاطمه (ام راشد) فضى عليها البيت ويوميا تروح البيت الكبير . ام راشد : تولهنا على العيال. اليده: والبيت فضى متى بيردوون؟؟ ام خالد : شكلهم بيطولون مامداهم توهم في صلاله. اليده : اهم شي يرفهون عن اعمارهم. ام خالد : بس ريم يوم كلمتها تقولي ابغي ارد . ام راشد: هاي بنتج دلوعه . اليده : ياحليلها ما تعودت تبعد عن امها . ام خالد: هاذي اول مره تسافر فيها بدوني . اليده: الله يردهم بالسلامه . ام خالد وام راشد : الله يسمع منج. ..................... في صلاله حمد وراشد منفردين عن البقيه ويالسين بروحهم. حمد: راشد بغيت اقولك شي؟؟ راشد : قول ,, لا يردك الا لسانك . حمد : بس قبل خلني اتاكد من مشاعري. راشد: أي مشاعر !!! ,, قول؟؟ حمد : ههه لا اصبر شوي. راشد :اقول تراك مفضوح ,, ادري فيك تحب. حمد:احب خخخخ ,, احب منوه؟؟ راشد : منوه غيرها بنت عمك . حمد منحرج: ليش وااضح عليه شي !!!! راشد يضحك : تقول وااضح ,, الا مفضوح . حمد:قول والله يالفشله!!!!! راشد يضحك : انا حسيت بس مادري عن غيري . حمد: الله يستر . خالد وصل عندهم : وانتوا دومكم بروحكم تعالوا يلسوا معنا والا سوالف خاصه ؟؟ حمد : أي سوالف خاصه الله يخليك يالله نروح عندهم . خالد : لا يلسوا كملوا سوالفكم انا بسير بصيدلي . راشد يضحك: شو بتصيد يالقناص ؟؟ خالد :برقم . حمد: هلا والله وياااااااك عيل . خالد :امّره على الدقه انت // السالفه فيها بنات . حمد :شو نسوي بعد لا شغله ولا مشغله // يالله وين ؟ خالد : طع هذا صدقت لا يالطيب لا برقم ولاشي استريح وكمل سوالفك انته وولد عمتك احسلك . حمد:والله صدق . خالد :هيه صدق ماشي شغل قال وين ؟؟؟ // مـــــــوووزه موزه من بعيد تتطالعه : بغيتني ؟؟ خالد: تعالي . حمد مستغرب شو السالفه !!!!!؟؟؟ موزه : هلا خالد امر ؟؟؟ خالد : تعالي صورينا عسب اتذكر هالموقف ويا المغازلتي . حمد: أي مغازلتي الله يهديك // وبخاطره :( فشلتنا عند البنيه) راشد يضحك : ومن غيرك يالفيلسوف . موزه تضحك عليهم : كلكم سوا . خالد: قبضي الكيمرا قالت كلكم سوا // احين انا مغالتي شرات هذا (ياشر على حمد) حمد: هذا طايح من عينك شووو؟؟ موزه : والله انكم سواالف . خالد: هاتي الكيمرا وقلبي ويهج بخلي شجون تصورنا . موزه : لا امزح ويااك ابغي اشوفك شو ردك // فديت خويه والله مايخصه بالبنات . خالد : هيه قصي عليه //احين تتفديني يالله صوري وانتي ساكته . موزه : ان شاء الله عمي // يالله وقفوا عدال بعض // ابتسموا انزين . طلعوا الاهل يتمشون في صلاله حضورا المهرجان وبعد اسبوع ردوا البلاد راشد يتريا اليوم اللي يرد فيه بوظبي يبغي يسير عند وديمه يبغي يعرف شو السبب اللي غيرها فجاه ,, وفجاه ردها !!!!! موزه استغربت من تصرفات حمد وحست انه يبغي يوضح لها شي !! وحمد حاول انه يحسس موزه بانه يحبها بس الظروف ما تسمح الكل كان مع بعض وما يمديه يقول شي . ............................... في بوظبي وبعد ما ردوا من السفر اللي دام 3 اسابيع .. وباليوم الثاني ..... الكل في البيت الكبير متيمعين يتحمدون بالسلامه ويباركولهم بالعمره. العمه فاطمه (ام راشد) : ها قولوا شو سويتوا ووين الصور؟؟ موزه : رووعه صلاله ,, عمووه ليتج كنتي معانا . شجون: شوفي هالصوره انا وموزاني تصورنا سوا ,, اشكالنا حلوه صح؟ . العمه فاطمه : هيه حلوه ,, منوره ويوهكن // وين صور عياالي ؟؟ موزه : ماصورناهم . العمة فاطمه : لييييييييش ؟؟؟!!!! شجون : موزه عن الخرط ,, عمووه هاذي كل الصور شوفيهم . العمة : فديت عيالي والله. موزه : ما بتقول فديت بنات خويه . العمه تضحك : اكيد ما بقول وليش تقوليلي ما صورتهم بس بقول فديت شجوون . شجون : احم ,,احم فديت عموه اناوالله. موزه : انا يدوه بتتفداني صح يدوه؟؟؟ اليده : فديت بناتي كلهن , الله يرزقكن الريل الصالح . موزه قفطت وظهرت من الميلس . بعد العشا الكل راح بيته . ............................ وباليوم الثاني .. راشد وهله يالسين في الميلس دخلوا عليهم قوم عمهم سلموا عليهم وتحمدوا لهم بالسلامه راشد في خاطره : فديتها والله يت بيتنا واخير ,, اه ردت لي الروح بشوفتج يالغاليه,, اموت واعرف شو غيرج !!!!!!!!؟ بو وديمه : حمد الله ع السلامه ياعيال. راشد : الله يسلمك عمي . بو وديمه : عمره امباركه. راشد: الله يبارك في حياتك عمي. بو وديمه : ان شاء الله عيبتكم صلااله ؟؟ راشد : اكيد مايبالها كلام الصيف الياي بروح رباعه عمي . بو ديمه : ان شاء الله . الكل يالس سوالف ووديمه مرتبكه بحضرة راشد ... وديمه: روضه تعالي نسير فوق . روضه : اوكيه يالله راشد حس بغصه وعصب وبخاطره : اموت واعرف شو فيها شكلها عافتني . وديمه : ها قولي شو سويتوا هناك . روضه : قولي شو ما سوينا ,, الصور عند موزه . وديمه :ليش عند موزه ابغي اشوفها ؟؟ ليش ما يبتي صوركم ؟؟ روضه :نسيت الصور عندها . وديمه : يوم تسيرين عنهم يبي الصور من عندها اوكيه بترياهن منج ؟ روضه : ان شاء الله لو ما نسيت . وديمه : بذبحج لو نسيتي . روضه : خلاص عيل بقول لراشد باكر يسير ييبهم ويوصلهم بيتكم. وديمه : رااااشد ,, لا لا خلاص ما ابغي . روضه : ليش!!!!!!!!!!؟ وديمه : لا يعني ما في داعي تتعبين خوج عسب الصور // يوم تسيرون عندهم ييبي الصور وانا مش مستعيله عليهم . روضه : شو غير رايج !! اوكيه كيفج . ....................... موزه يالسه فحجرتها بروحها وقابضه الصور وتتطالع وصلت عند صوره تجمع راشد وحمد يلست تتأملها وبخاطرها : ليش حبيتك ؟؟؟؟ /// ليش قلبي حبك ياراشد وهو يعرف انك ما بتكون له /// الله يهنيك يالغالي مع وديمه ,, تذكرت حمد ومعاملته الخاصه لها : اه يازمن معقوله اقرب الناس لراشد !!!؟؟ والله دنيا غريبه ..قطع تفكيرها مسج وصلها يقول : لو عشقتج (يادنيا ) مش عشان فيج ميزه لا وربي بس فيج (روح) على قلبي عزيزه .. قرات المسج ودمعتها طاحت على خدها :حيرتني معااك ياللي تطرش المسجات ؟؟؟ غريبه !! من يعني بيكون ؟؟ /// اطرش مسج ؟ ,,,,,,,, لا لا ما بطرش ,,, خلني انزل تحت واحط هالصور احسنلي بواايد . ............................... راشد ظهر من الميلس وسار يتصل بحمد راشد : مرحبا . حمد :يالله تحييه // هلاا والله . راشد: علومك؟؟ حمد : اه ,, علومي بخير ياطويل العمر انته بشر شو سويت مع وديمه ؟؟ راشد : لاااا تطريها . حمد مستغرب : ما اطري منوه ؟؟؟ راااشد بلااك ؟؟!! راشد : ما بلاني شي بس شكلها عاافتني اذا باعتني بعد انا ببيعها . حمد منصدم من كلام راشد: هدي ,, ياريال انته معصب وما تعرف شو تقول هدي بالاول وبعدين فهمني السالفه . راشد يصاارخ : لا اعرف شو اقول ... حمد يقاطع راشد: راااشد لا تصارخ وهدي عمرك. راشد : حمد اقولك بخليك باي حمد : اوكيه دقلي اول ما تهدى ,, مع السلامه . راشد : باي . راشد اول ما سكر من حمد دق لوديمه ووده ينهي الموضوع //وديمه انصدمت اول ما شافت رقمه ماردت وحطته على الصامت ,, يدق وماترد راشد: بس ردي كلمتين بقولهن وبسكر . خلاص ببعد ودرب الود سديته واليوم روح وقلبي رااح بسكاته كل ما تتازم الامور بين راشد ووديمه ؟؟؟ شو السبب؟؟؟ // معقوله راشد ينهي كل اللي بينه وبين وديمه ؟؟ وموزه بعدها محتااره باللي يطرش لها مسجات؟؟ تتوقعون سلطان بيلقى رد من فاطمه ؟؟ ومهره شخصية يديده شو بيكون دورها؟؟؟ |
السلام عليكم ورحمة الله وبركاته الصراااااحه القصه روووووووعه ومثيره وأنتظر منج الباجي يا مردود كحالي وتسلمين عالجزء الثاني وأنا أتوقع أن راشد مستحيل ينهي اللي بينه وبين وديمه لأنها حبه الأول والصراحه مهره يمكن تكون بنت راشد ووديمه هذي توقعاتي لكن منو سلطان ماتقصرين وعساج عالقوه وأنتظر منج الجزء الثالث وأتمنى أنج تتقبلين مروري ومشكووووووووووووووووره |
{..مشكوره اختي ع القصه الرووعه بنتظر البارت القادم..} |
مردرد كحالي اشحالج عساج طيبه أتمنى انج تكملين الجزء3 ((مـــــــل صبري)) |
انا اقرا القصه في هاذاك منتدى ف**س وانتي الي كاتبتنها هع هع هع انزيين نبى التكمله بلييييييز |
[align=center] السموحه طولت عليكم الفصل الثاني خلاص ببعد ودرب الود سديته واليوم روح وقلبي رااح بسكاته.. سلطان : راااااشد حطوا العشا وعمي يسال عنك . راشد : احين ياي . بعد العشا راحواا قوم عمهم ووديمه خطفت من عدال راشد ,, بس راشد ضاقت به الدنيا من سوايا وديمه . خلاص يعني كل شي انتهى ورااح .. خلاص يعني ما بقينا حبايب يعني وعودك كلها كانت اوهام.. حمد شاف راشد طول عليه : بتصلبه بشوف شو سالفته ؟؟ حمد: هلا والله //وينك ياريال اشغلتنا عليك ؟ راشد : اهلين // اسمحلي نسيتك نساك الموت // عمي وعياله كانوا هني وتعشينا وتوهم راحوا بيتهم . حمد: ايوااا // انزين يالطيب ,,رايق والا بعدك؟؟ راشد: شبه رايق . حمد :بلاك شو فيك ؟؟؟؟ راشد :ياخي شو اقولك خلاص اذا هي عافتني انا بعد ما ابغي اكمل وياها مليون غيرها. حمد: ليش هالكلام // احين شو استوى بالضبط ؟؟ راشد : ما دريبها حسيت انها خلاص عااافتني . حمد : حسيت !!! راشد هذا مجرد احساس //ولا تحكم بسرعه . راشد : لا متأكد من تصرفاتها ,, ما تبغي تشوفني //خلااص حمد دخيلك غير السالفه . حمد : اوكيه بنغير السالفه بس اقولك لا تحكم بسرعه واصبر عليها يمكن تتغلى عليك. راشد : كيفهاااااا .. حمد: انزين نحن من كيف ما ردينا من السفر ما شفنا الربع شو رايك اليوم نسير لهم ؟؟ راشد : اه ياحمد مالي بارض //بس اوكيه ابغي اغير جو شوي. حمد: لا بالله الولد منتهي ؟؟ راشد : أي منتهي اذا هي عنيده انا اعند عنها كيفها وبشوف وين بتوصل ؟ حمد يضحك: يقولي غير السالفه وهو يردها . راشد :اوكيه خلاص يالدب نتلاقى عن الشباب يالله اقلب ويهك . حمد : احين من حلات ويهك يالله نتلاقى باي . .............................. خالد يالس مع يده ويدته وامه ,, ويسولف لهم المواقف اللي استوت في السفره . خالد: وهذا اللي استوى . ام خالد : اهم شي دعيتولنا ؟؟ خالد: اكيد ما يبغيلها كلاام // الله يتقبل ان شاء الله . اليده : خالد ياولدي ماودك تعرس ؟؟؟ خالد مستغرب : هااا يدووه لااا بعدني توني // وبخاطره : شو ياب سالفة العرس احينه !!!! ام خالد: أي بعدك؟؟ ماشي ناقصك غير العروس . خالد : يامايه بعدني ما افكر في العرس // ماالي ومال عوار الراس . اليد : خلووه الولد على راحته ومتى ما بغى يعرس خطبوله . خالد : فديت يدي والله . موزه تدخل عليهم : ما شاء الله الكل هني ناقصكم ابويه فديته وينه ؟؟ ام خالد : ابوج ياي في الدرب راح الجمعيه . موزه : ايوا // ابغي حلااوه . اليده: احين منو الياهل انتي والا ريم ؟؟ موزه تضحك : يدوه الحلاوه للكبار والصغاار . ............................... سلطان ,, انسان هادئ وااااايد ويحب عالم النت ما عند شغله غير النت من منتدى لغيره ومن شات لثاني تعرف على وحده في المنتدى كانت ما تعطي الشباب ويه ولزم الا يطيح راسها ... اشترك في المنتدى بنك بنت بس عسب يطيحها وبعد الرسايل الخاصه خذ ايميلها ,, وضافها في المسن وكمل معاها على انه بنت // والبنيه ياحليلها وثقت فيه وكانت على نياتها // بعد فتره بدا يتعلق فيها وكل ما يبغي يقولها انه ولد يخاف انها تقطع علاقته فيه ,,مسمي عمره ( شمه ) والبنت (فاطمه) . حوار بن سلطان (شمه) وفاطمه في المسن : شمه : وعلومج بعد فطاامي ؟؟ فاطمه : والله ماشي يديد غناتي // شماني انا بظهر احينه شي بالخاطر؟؟ شمه : وين تو الناس ليش مستعيله ؟؟ فاطمه : بسير عن امايه تحت ايلس وياها . شمه : لا حقه على امج يلسي بغيتج بسالفه . فاطمه : اوكيه يالله قولي كلي اذان صاااغيه خخخ. شمه : بس تسمعينها لين اخرها اوكيه. فاطمه : اوكيه . شمه: لا قولي تم. فاطمه مستغربه : ليش هذا كله بسمعها !!!؟ شمه : انتي قولي باول تم . فاطمه : تـــــــــــم. شمه : فطاااامي سمحيلي يالغاليه ماودي اكذب عليج اكثر يعلم الله انج عندي غااليه انا اسمي سلطان مش شمه سويت هذا كله بس عسب اتقرب منج ولانج غير كل البنات ناوي لج نيه زينه . فاطمه مستغربه : شوووووووووووووووووو !!!!!!!!!!!!!!!!!!!!!! /// شمه مزاااحج ثقيل وااايد. سلطان: ادري صعبه عليج تصدقين بعد هالمده كلها بس هذا الصدق . فاطمه بعدها مش مستوعبه اللي يقوله سلطان : شمــــــه خلي عندج . سلطان : والله اني سلطاااان . فاطمه اول ما شافته حلف طلعت من المسن .. سلطان في خاطره: كنت متوقع ان هذا بيستوي // احين شو اسوي ياخي هالبنت انا واايد اغليها !!!!!!! فاطمه : حرااااااااااااام عليها بعد ما عزيتها ووثقت فيها واعتبرتها مثل خويتي تقولي انا سلطااان والله حرااام // فاطمه يلست تصيح من القهر :انا برويه هذا على باله مشاعر الناس لعبه . دخلت المسن بس سلطان طلع من المسن .. ............................ بعد اسبوع .... راشد يتكلم مع حمد .. راشد : اخبارك مع الحب اليديد؟؟ حمد: هاااا ماشي ,,ماشي رااشد يضحك :بلااك شكلك مستحي !! حمد : شو قالولك بنيه ؟ حمد من النوع اللي مايحب حد يكلمه عن الحب وسوالفه لانه وااايد يستحي وما يقول لحد عن حبه حتى لو كان رااااااشد .. حمد : راشد شورايك نروح البر ؟؟ من زماان ما رحنا . راااشد يضحك : هيه غير السالفه // وبعدين صدقك من فتره مش رايحين . حمد : شورايك باكر ؟ راشد : اوكيه تم وبناخذ راي الشباب كلهم . شافوا ربعهم اللي تعذر واللي ماله بارض والجو مايساعد في عز الصيف وغيروا راايهم. ............................... حمدان : اهلين غناتي اشحالج . مهره : هلا والله// بخير وسهاله ربي يعافيك // ومن صوبك؟؟ حمدان : بخير داااااااامج بخير . مهره : مديم ان شاء الله يالغالي . حمدان :وياج غناتي // مهاااااااري مهره : عيون مهاااري // آمرني فديتك ؟ حمدان : تسلملي عيونهااا // مايامر عليج عدو ولا ظالم بس بغيت اشوفج؟ مهره : وين تشوفني الله يهديك . حمدان : والله في خاطري . مهره : مش وقته . حمدان : عيل متى ؟؟؟؟؟ مهره : حمدان امي يايه بخليك مع السلامه . حمدان : اوكيه الله يحفظج . حمدان له 8 شهور متعرف على مهره بدون ما يشوفها مهره ماتطيع تشوفه تخاف وااايد.. مهره (17) سنه وحيدة امها ودلوعه وااايد من كيف ما فتحت عيونها على الدنيا ما تشوف غير امها وخوالها وتعرف ان بوها متوفي وانه وحيد هله ساكنه في العين . ................................... وديمه حاسه ان راشد من ذاك اليوم اللي يت فيه لبيتهم ,, انقطعت اخباره .. استغربت!!! كان غرورها وعنادها يزداد كل ما وصلها مسج من راشد ,, او أي محاوله من راشد عسب يرضيهااا . راشد محتار مع سالفة وديمه وهو سوا اللي عليه حاول معها بكل الطرق بس وديمه رااافضه // وهو متاكد انه ما زعلها ولا ضايقها بشي.. ياجارح القلب قلي وش بقى واعطيك قلبي وروحي عطيتك والعمر يفداك.. راشد يلعب بتليفونه وتذكر المسج اللي وصله من وديمه يوم كانوا في صلاله فتحه قرااه ,, حن قلبه وبخاطره :حيرتيني معااااج يابنت عمي ,, قلت يمكن عفتيني وانا حاولت اصد واشوف لين وين بتوصلين ,, وعقب ما قريت هالمسج قلبي انفطر /// ااااه احب عناااادج ,,, احب غرورج ,,, احب نظراتج القويه ,,, وكل بنات الدنيا مايسوونج ,,,, بس انا اعند منج وبخلي حبال الوصل بيننا مقطوووعه .... ان كنت زعلان لي فيني يكفيني .. واصل على الحد واللي ياني يكفاني ابغي دوا للجروح هو زد جرحيني .. موزه : الــوه مرحبا شجونه. شجونه : الو ,, المرحب باقي فديتج // اهلين حيااتي موزه : اشحالج ؟؟ شجون : بخير ربي يعافيج // موووزه تعااالي بيتنا؟؟ موزه تضحك : سبقتيني يالعنز اتصلت عسب اقولج تعالي عنا . شجون : خلااص انا سبقتج يالله اليوم بتريااج . موزه : لا ,, لا تترييني انتي تعالي . شجون : ليش ان شاء الله !!!!!؟ موزه : شجوونه ما فرقت فديتج . شجون : والله انتي دومج تقصين عليه وانا ياحليلي على نياتي ,, مشكلتي ما احب ارفضلج طلب . موزه : فديت قلبج انا والله . شجون : يالله قلبي .... موزه : احــم ماكنت اعرف اني قلبج . شجون تضحك: انزين خليني اكمل يالله قلبي ويهج . موزه : فقدتج يالدبه // من زين ويهج احينه !!! يالله اتريااج شجون : اكيد احلى عنج // بباي موزه : بحفظ الرحمن . .............................. سلطان يدخل المسن ما يلاقي فاطمه ,,,, عقب عرف انها سوتله بلووووك // طرشلها ايميل يقول فيه : السلام عليكم والرحمه مرحبا الغاليه /// اشحالج عساح الا بخير ؟؟ لا تزعلين مني دخيلج ولو انتي هب غاليه عليه ماسويت اللي سويته وهذا الاهداء خاص من قلبي : تدري اني مووت احبك وان ماالي غير قلبك واللي ينبض في ضلوعي هذا قلبك ماااهو قلبي .... // سلطان \\ فاطمه من كيف ما عرفت ان شمه هي سلطان ما قامت تدخل المسن وكرهت شي اسمه نت وحاولت تسلي عمرها بشي ثاني غير الكمبييوتر وكل ما تذكر سالفته تمووت قهر حاولت انها تواجه وتساله ليش سوا كل هذا معاها بس غيرت رايها وقررت ان الهروب اوالبعد احسن وامثاله هالنوع من الشباب اللي يتعرف على البنات على انه بنت ما ينعطى ويه ولا يستحق انه تجادله على اللي سواله ,,, الله يسامحه .. ................................ خالد يالس مع يدته وامه .. اليده : يالله خالد نبغي نشوف عيالك قبل مانمووت . خالد : الله يطول بعمرج يالغاليه وتشوفين عيال عيالي . اليده: لا ياولدي يسدني اشوف عياالك . ام خالد : ها خالد نخطبلك . خالد : مش مستعيل ولا افكر بالزواج . ام خالد :شغل واشتغلت ومرتاح والحمد الله ومش ناقصك الا بنت الحلال. خالد: دووم نعيد نفس المووال وينه يدي يدافع عني . اليده : خلاص ياولدي ما بنجبرك على شي . خالد : ان شاء الله اول ما افكر بقولكم بس ابغي بنيه حلوه. ام خالد تضحك :اكيد بنخطبلك احلى البنات . خالد بخاطره : خلني اظهر احسلي كل مايلست ذكروا سالفة العرس ريم : خالد وديني عند روضه . خالد :شوو ماشي شغل يلسي في البيت. ريم : ليش؟؟ خالد :ريم سمعي الرمسه انا بروح عند الشباب ومش فاضيلج . ................................... فاطمه بعد اسبوع قررت انها تيلس على الكمبيوتر وتسولي لسلطان طاف بطلت ايميلها وشاف رساله وارده ما توقت انه من سلطان /// فتحتهااا قرتهاا : ياربي هذا شو يبغي احين ليش طرشلي هالايميل بيكمل لعبته شو؟؟؟؟ // احسن حل اني اكنسل هالايميل ولا عاد افتحه . سلطان ما لقى أي رد منها!!!!!!!! شو الحل معاها ؟؟؟؟!! .............. انتهت العطله الصيفه وبدات الدوامات .. راشد وحمد بدوا الدراسه في معهد ادنوك// وقوم المدراس بدوا حمدان ثانويه عامه هو ووديمه // موزه في التقنه اول سنه وخوها خالد يوصلها على دربه يوميا ويردها,, وبيوم خالد بيتأخر في الدوام اتصل لحمد وقاله انه يخطف لموزه ويردها البيت .. حمد اول ما اتصل به خالد وقاله فرح وقال هاي فرصتك ياولد .. تكشخ وتعطر .. خالد : الوه //السلام عليكم موزه: وعليكم السلام خالد: سمعي انا ما اقدر اييج عندي شوية شغل حمد بييج وبيرصلج البيت . موزه : عااادي بتريااك . خالد : لا انا بطول // بيج حمد يالله قلبي ويهج موزه : اوكيه // مع السلامه . موزه في خاطرها : ياربي مستحيل اكيد بيقول شي .. الله يستر // والقهر نص بنات التقنيه يعرفنه . موزه ظهرت من التقنيه وسارت صوب سيارته كانت بتفتح الباب اللي ورا نزل جامة السياره : محد معايه ركبي قدام . موزه قفطت : السلام عليكم حمد : وعليكم السلام والرحمه // هلا الغاليه اشحاالج ؟؟ موزه : بخير ربي يسلمك ومن صوبك الشيخ ؟؟ حمد :بخير داااااااااامج بخير يالغاليه .. كان يمشي 80 ويقول في خاطره : شو كنت بقول والله اني نسيت كل شي !!!!! رن تليفون موزه . موزه: الوه مرحبا الساع // بخير ربي يسلمج // هيه ظهرت لا مش اخويه اللي شلني // ولد عمي يالسوسه/// يالله مع السلامه . سكرت وطالعت حمد : ما شاء الله الاخ مشهور في التقنيه .. حمد يضحك: كيف هاي بعد !!!!!؟ موزه : وحده شافتني اركب سيارتك وعبالها اني وحده من ربيعاتك . حمد :تخسي الا هي .. وبعدين انا ما عندي ربيعات ذاك اول .. موزه : مادري عنك !!! حمد : خلينا هالسوالف من زمان لخاطر عيونكم. موزه سكتت وبخاطرها : لا هذا اللي ما ابغي واصل له . حمد : موزه ,,, بغيت اقولج شي ؟؟ موزه مرتبكه وبخاطرها : شو بتقووول ..لا دخليك سلطان بيلقى رد من فاطمه؟؟ وشو بيقول حمد لمووزه؟؟؟ [/align] |
هلا مردود كحالي ومشكووووووووووره على هالجزء أنا أتوقع أن حمد بيقول لموزه أنه يحبهااا وأتوقع أن سلطان بيلقى رد من فاطمة والله أعلم يسلموووووووووووووووووو |
ثااااااانكس ع القصه ونتريى التكمله |
[align=center]غرشوبة قطر العفو فديتج منوره الصفحه بطلتج .. نزلته يا حلوه[/align] |
[align=center]المزرووعي I no that ^ــ^ منور الصفحه اخويه[/align] |
[align=center]عسل العفو فديتج امم بساعدج في توقع والثاني نوو ^،^[/align] |
[align=center]راعية الفتك ولكـــم فديتج منوره بطلتج وان شاء الله ما ببطي عليكم[/align] |
تسلمييييييين ع القصه الحلوووه حبوبه نتريه التكملهه اذا ما عليج اماره |
[align=center]فرخ ديايه ربي يسلمج الغاليه وقريب ان شاء الله .. منوره[/align] |
مشكـــــــــــــــوره فديتج عـ القصه الحلوه نتريا التكمله :) |
العفو فديتج تسلملي هالطله الحلوه ان شاء الله قريب بنزل البارت اليديد |
[align=center]مرحبا بالجميع عسى ما تاخرت عليكم ادري ما تاخرت الجزء الثالث الفصل الاول يترياااكم .. رن تليفون موزه . موزه: الوه مرحبا الساع // بخير ربي يسلمج // هيه ظهرت لا مش اخويه اللي شلني // ولد عمي يالسوسه/// يالله مع السلامه . سكرت وطالعت حمد : ما شاء الله الاخ مشهور في التقنيه .. حمد يضحك: كيف هاي بعد !!!!!؟ موزه : وحده شافتني اركب سيارتك وعبالها اني وحده من ربيعاتك . حمد :تخسي الا هي .. وبعدين انا ما عندي ربيعات ذاك اول .. موزه : مادري عنك !!! حمد : خلينا هالسوالف من زمان لخاطر عيونكم. موزه سكتت وبخاطرها : لا هذا اللي ما ابغي واصل له . حمد : موزه ,,, بغيت اقولج شي ؟؟ موزه مرتبكه وبخاطرها : شو بتقووول ..لا دخليك حمد :انــــا هو !!! موزه تتطالعه مستغربه : انته من!!!!!!!!!!!!!؟ حمد : رااااعي الرسايل ..... انصدمت موزه من حمد يوم قالها انه راعي الرسايل // يوميا يطرشلها // صباح الخير // مساء الخير ما يوقف رسايل الحب والشووووق // وهي حيرها هذا المجهول اللي مايلاقي رد منها ومع هذا بعده مصر ويكمل .. حمد :يالقاسيه انزين مسج واااحد عبرينا .. موزه منصدمه : بس هذا مش رقمك !!!!!!!!!!!!!!!! حمد: هذا رقمي الثاني اللي ما فيه غير اسمج . موزه ماعرفت شو تقول يلست سااكته من الصدمه !! شافها حمد متوتره وحالتها مش طبيعيه سكت عنها ووصلها البيت وراح بيتهم .. موزه راحت حجرتها سكرت الباب ويلست تصيح من الخاطر // وعقب ما سكتت : انا ليش اصيح ,,,, انا ما احب حمد ,, بس حمد هو رااعي الرسايل ,, وانا كنت امسح الرسااايل ,, ليش متضايقه على الساالفه !!!! // والله قهر حمد لييش ياحمد ؟؟؟؟؟؟؟ حمد من بعد السفره كل ما طرى على باله يسير بيت عمه بعذر بسلم على يدي ويدتي وهذ ا كله لشوف موزه // وموزه حست انها المقصوده بهالزيارات . موزه قبل دوم تسير بيت عمها عند شجون ,,, وشجون تئ عندها بس من عرفت موزه ان حمد يكن لها مشاعر خاصه ما قامت تروح عندهم تلاشيا لاي موقف محرج معاه وشجون ما قطعت العاده بعدها بتروح عندها . موزه بحاجه حد تكلمه,, تشكيله همها ,, بس شجون في هاي السالفه بالذات ماتنفع لانها اختهـ ... ...................... حمدان : الــوه // مرحبا السااع مهره: الله حــيــه . حمدان : اشحالج حيآآتي؟ مهره : طيبه طاب حالك يالغالي ومن صوبك؟ حمدان: احينه دامني سمعت صوتج انا بخير // آآه احس لي فتره ما رمستج مهره تضحك: وين من فتره توك البارحه رمستني !!! حمدان: ادري بس اشتقتلج . مهره: صدق والله ؟؟؟ حمدان : هيه صدق حيآآتي تولهت عليج وااايد . مهره : فديتك روحك . حمدان : وشو بعد ؟؟ مهره : بعد متولهه عليك وااايد . حمدان : و بعد ؟؟؟ مهره : ادري فيك وين تبغي توصل بس مآآشي لين هني وبس . حمدان :آآه منج انتي حارمتني شوفتج لآآآ تحرميني من كلامج الحلو . مهره : حمدان صح انا وخالي باكر بنسير بوظبي. حمدان: قولي والله .. مــــتـــى وويــــــن؟؟؟؟ مهره : بنسير المارينا . حمدان : والله خلاص عيل انا من الصبح بكون هناك . مهره : لا شوو انته تبغي تفضحني عند خالي // لا فديتك لاتسير ولا شي. حمدان: مهآآآآري تيين بوظبي وما اشوفج مستحيل انا من متى ابغي اشوفج كل ما اكون في العين ما تتطيعين بس بشوفج ما قتلج تظهرين معاي . مهره : حمدان حبيبي افهمني خالي معااي . حمدان: انزين من بعيد //مابيحس خالج . مهره :وبعدين انا متغشيه كيف بتشوفني ؟؟ حمدان : مهره لا تسكرينها بويهي دخيلج ,, ارحمي حآآلي هذا اذا كنت هامنج ؟ مهره : والله حاسه فيك //وانا ودي بشوفتك بس تعرف فديتك اني خوااافه خصوصا ان خالي معاي برتبك وبنفضح . حمدان : صح ليش يايه المارينا؟؟ مهره : خالي ياني وقالي باكر بوديج المارينا . حمدان : بدون سبب!!! مهره : هيه بدون سبب . حمدان : انزين كيف شكل خالج //وأي خال من خوالج؟؟ مهره : انا شو خلاني اقولك اني سايره بوظبي ؟؟ حمدان عصب : خلاااص لا بسير ولا شي روحي انتي وخالج واستانسواا على راحتكم . مهره : هدي ,,, هدي // مايسوى عليك تعصب وتصارخ . حمدان : اكيد بتقولين ما يسوى عليك // اصلن انتي مش هامنج امري . مهره : حمداني // حرآآآآم عليك لا تقول هاي الرمسه . حمد يدخل عند خوه .... حمدان : اقول // بسكر احينه يالله فمان الله . مهره : لا اصبر حمدان ... حمدان سكر الخط . حمد : بلاااك معصب ؟؟؟ حمدان بعصبية : ماااشي ... شو فيك ؟؟؟ بغيت شي؟؟؟ حمد: خيبه هدي // لا خلاص ما بغيت شي وبخليك تكمل مكالمتك المصيريه . حمدان : يكون احسن . حمد: اف .. لا الريال صدق معصب وواصل حده اخلني اظهر احسلي عيل!!!! حمدان معروف في العيايله انه انسان عصبي زياده عن اللزم ويوم يعصب محد يقرب منه. عصب وااايد على مهره : برآآآيها تسير بوظبي ,, تسير المريخ كيييفهااااا. مهره بخاطرها : اكيد زعل مني ياربي ,, انا شو خلاني اقوله اني سايره بوظبي ,, شو اسوي معاه ؟؟؟؟؟؟؟ // اف دام السالفه فيها زعل خلاص ما بسير بوظبي . ام مهره : مهـــــره مهره : هلا امايه يااايه ام مهره: وينج ؟؟ مهره : موجوده ياطويلة العمر . ام مهره : سيري لبسي عباتج بنسير عند خالج . مهره : أي خااال؟؟ ام مهره : عند خالج منصور . مهره :امايه احينه // خليه باكر . ام مهره : يالله وعن العيازه . مهره : اوكيه دقيقه وباييج . ................................ العمه فاطمه (ام راشد) : سلطان ارحم عمرك من هذا الكمبيوتر . سلطان : عاادي ,, يامايه تعودنا . ام راشد : شوف عيونك كيف صارن . سلطان : آآآه ياعيوني /// خلاص مليت منه هذا . ام راشد : انته تمل من الكمبيوتر ما ظني .,. وراحت عنه . سلطان بخاطره : مليت منه ,, وكرهته بعد ما خلتني ... حتى الرد ما ردت عليه ,, تعآآتبني رااضي ,, تسبني والله راااضي ,,, تسوي اللي تسوي فيني راااااضي ,, بس تبعد بدون ماتقول أي كلمه اتعــــذب والله //// بطرشلها اخر ايميل ان ردت كان بها وان ما ردت بحااول اني انسى وحده عرفتها اسمهااا فاطمه . سلطان : شو اكتب لهااا ؟؟؟؟ // بكتب كل اللي بخاطري : السلام عليكم والرحمه فطااااامي ماتدرين كيف حالتي دخييلج ارحمي حاالي والله اني متعذب ردي عليه قوليلي اللي بخاطرج ادري اني غلطت بحقج عاتبيني / قولي شي لآآ تخليني على هذا الحال يرحم والديج واتريا منج رد شووو ماكان اتريااااااه حبيبي كان ماتدري ترى حبك بدا يسري في دمي وانته ياعمري سكنت بداخل الشريان.. // سلطان \\ .................................................. ..... حمد بعد ماشاف حال موزه يوم قالها انه راعي المسجات وقف مسجاته // تذكر قبل لاتنزل موزه من السياره شافته بنظره حسها تقوله : ليش ياحمد ؟؟!! موزه كانت متعوده على راعي المسجات وعيبتها السالفه يصبح عليها ويمسي عليها ومسجات حب وشـــوق وحست انه حد تعرفه والا مابيسوي كل هذا بس حمد ماتوقعته!!!! خالد يدق باب حجرة موزه .. موزه : انزين دقيقه // قامت وفتحت الباب . خالد :مشغوله ؟؟ موزه : لا مش مشغوله حيااك . خالد : ها شو التقنيه معاج // ان شاء الله تمام ؟؟ موزه : الحمد الله بس تعب تعرف اول كورس وبروجكتات وحشره يعني . خالد :واضح عليج ضاربه مخفي ما نشوفج واايد شرات قبل . موزه : شو نسوي ياخوي ؟ خالد : الله يعينج . موزه : ويعين الجميع . ريم تدخل عندهم : خالد ,, شوف احمد ضربني . خالد : انا برويج فيه هذا ما ييوز عن طبعه . موزه : وانتوا دومكم ضرابه . .................................. تنام مريح خالي مستريح وانا بايت مشجيني الغرام عليه في الهوى غاذي شحيح وانا من دون حسك ما انام وديمه حست ان راشد انقطت اخباره ,, بدا يبعد ..انشغلت واايد عليه وتيها مليون فكره في راسها يمكن ,, ويمكن ,, ويمكن .. في ليله كانت راقده وعلى الساعه 2ونص بالليل نشت من حلم مزعج : اعووذ بالله راشد ,, راشد فيه شي ؟؟ حاسه انه فيه شي //// بدون تفاهم شلت تليفونها ودقت له تبغي تطمن عليه ... راشد ما يرد عليها // خافت عليه اكثر ردت اتصلت مره ثانيه مارد عليها .. وديمه : ياربي ليش مايرد دخيلك رد وطمني عليك . راشد نش من الرقاد وقبض تليفونه بدون ما يشوف الرقم : الــــــوه وديمه فرحت ان راشد رد عليها : رااااشد انته بخير ؟؟ راشد مش حاس بعمره : حمد شو تبغي احين تعبان فيه رقااد. وديمه مستغربه شكله مسطل: خلاص كمل رقاادك وتصبح على خير . راشد حتى ما رد عليها سكر التليفون وكمل رقاده . واليوم الثاني بالصبح حمد وراشد في المعهد . راشد : انا شفت ناس مزعجين بس شراتك مش شايف!!! حمد مستغرب : أي ازعااج؟؟؟!!!!!!! راشد : احين أي ازعاج ليش داق البارحه في عز الليل. حمد: ما دقيت شكلك تحلم!!!!!!!! راشد : عن الخرط عيل انا كلمت منوه ؟؟؟ حمد يضحك : قتلك شكلك تحلم. راشد: بتجنني انته المكالمات هي اللي بتبين من الصادق . حمد : ياخي تحلم يالله تاكد بعد . راشد منصدم : ر .. رقم .. وديمـــــــه. حمد : هااا شووو وديمه !! رااشد : وديمه دقتلي البارحه وانا عبالي انته !!!! حمد : وانته ما تفرق بالاصوات والا ما شفت الرقم. راشد مستغرب : كنت راقد وتعبان وما حسيت بشي . حمد : انزين شو قلت؟؟ //على بالك انا هااا!! راشد : ما اذكر ولا شي بس اللي اذكره اني رديت وقلت تعبان فيه راقد. حمد : ما لومك من نومك حشى نوم اصحاب الكهف. راشد: وديمه داقه شو السالفه ؟؟؟// ومتى بالليل !!!! حمد: غريبه !! راشد :بدقلها بشوف شو السالفه ؟ حمد :هيه دقلها // يالذكي في المدرسه . راشد: اوووه نسيت // احين شو بيصبرني ؟؟ حمد: امش اخرتناااا يالله .. .......................................... وصل مسج لحمدان من مهره : صباح الخير حبيبي انا ما بسير بوظبي دام السالفه زعلتك كنسلت الروحه عسب خاطرك بس .. راشد طول فتره الدوام ما قدر يستوعب اي شي وفكره عند وديمه ,, ليش داقه شو السالفه ؟؟ شو قالتلي !!! وانا شورديت عليها؟؟ مليون سوال يدور في راس راشد بدون واي اجابه !!!! وبعد ما خلص الداوم.. راشد: حمد شو اسوي ؟؟؟ حمد: في شوه ؟؟ راشد: في شوه بعد في سالفة وديمه الله يهديك . حمد: هيييه // دقلها وشوف شو سالفتها. راشد: بــــــس يابردوك!!! حمد: عيل شو تبغيني اقولك مثلا ؟؟ راشد : ما شي سلمت . حمد : حتى ان قتلك شي انته ما تسويه // ادريبك عنيد . راشد :اوكيه فهمنا //يالله خلنا نروح . ............ بالعصر موزه حست بفراااغ عااطفي ودها تكلم حد بالسالفه ودهااا تتطلع اللي بداخلهاا وتقول احب راشد وحمد يحبني شو اسوي متعذبه بين نارين ؟؟؟؟ موزه : مالي غير شجووون بدقلها وبخليها تييني .. نهاية الفصل الاول من الجزء الثالث سلطان بعده يتريا الرد من فاطمه.. راشد شو بيسوي بسالفة وديمه ؟؟؟ موزة بتخبر شجون عن سالفة حمد ؟؟ اسئلة تتريا اجابات منكم .. ترقبوا احداث الفصل الثاني من الجزء الثالث[/align] |
مشكووووووره الغاليه ؛؛ نتريا البارت :) |
[align=center]العفو الغاليه قريب ان شاء الله..[/align] |
أختي أنتي شكلج ما بتكملين القصه ع العموم نحن استمتعنا بهل الجزءين لكن ما عليه أهم شي أنج قريتيها وعجبتج ...... (( عسلسل)) |
عسل بلاااج فديتج بكملها افا عليج كل ولا زعلج ياطيوبه |
مرحبا الساع اشحاالكم ياحلويــن؟؟ الفصل الثاني // الجزء الثالث موزه: الوه مرحبا شجونه. شجون : اهلين غناتي . موزه : شجونه قولي تم .. شجون : ادري شو تبغين ما بقول . موزه : فديت اللي فاهمني يالله عاد اليوم الخميس تعالي عنا نغير جو. شجون بعصبة: هيه انتي فالحه بس تعالي بيتنا ما بتقول اليوم بيء عندج . موزه : فديت المعصب انا والله شجوووون بترياااج اليوم اوكيه ابغيج بسالفه. شجون : لا فديتج لا تترييني ولا شي وما بييج الا بعد ما تشرفينا حضرتج ويالله بسكر مشغوله . موزه : شوفوا هاي اونها زعلت // شجون عن الدلع . شجون : اوكيه عيل ترييني اليوم بااااااااااي. موزه : طع هاي سكرت في ويهي ما عليه بتشوف. تدق عليها ما ترد.. موزه: انا شو خلاني اقولها احينه زعلت مني ,, اف ما ابغي اسير بيتهم . ................... حمد يكلم راشد فالتيلفون : حمد : الله حيهـ راشد :الله يحييك ويبديك. حمد : هاا بشر شو سويت بالسالفه ؟؟ راشد: ولا شي. حمد مستغرب : ولا شـــي // اليوم اللي يشوف شكلك // ياخي انت انسان غريب فيك شي؟؟ راشد : على كثر ما كنت ابغي اعرف شو السالفه مسكت تليفوني وكنت بدق عقب غيرت راايي تصدق حاليا مش مهتم للسالفه . حمد : لااااا راااشد انتي فيك شي !!!!!!؟ راشد : ما فيني شي بس احس قلبي مااااات . حمد يعطس : الحمد الله /// شووو بسم الله عليك!!!!! راشد: يرحمك الله /// يعني باختصار وديمه ما عادت تعني لي شي. حمد : راشد شو تقول انت ؟؟؟ ويعطس مرة ثانيه.. راشد : بلااك انته تعوطس من الصبح ليكون مريض. حمد : اآآآه شكلي // وحرارتي بدات ترتفع . راشد :مستشفيات الدوله واااايده. حمد : أي مستشفى الله يخليك حبتين بندول ونتهي السالفه. راشد : المهم احين بخليك // بنتلاقى عند الربع. حمد : اوكيه بس انا بحط راسي برقد شوي عقب بيكم // اقول ايلس مع نفسك ولاا تتسرع في أي شي ترهااا وديمه . راشد : ان شاء الله //يالله برايك. حمد : فمان الله . ................... موزه حاولت مع وشجون بدون فايده شجون ماترد على اتصالاتها ... موزه : بغامر وبروح بيتهم بس عسب خاطرج يالدبه لكن ماعليه براويج . تدعي ان حمد يكون برع البيت بس من دخلت بيتهم شاافت سيارته موجوده .. سلمت على ام حمد وسالت عن شجون قالتلها فوق . راحت موزه فوق // باب حجرة شجون مسكر // تدق ماحد يرد عليها ردت تدق بقوة /// شجون في سابع نومه ,,, حمد كان راقد في الحجره اللي عدالها // ما يحب الازعاج خصوصا وهو راقد ,, سمع دق الباب // انزعج طلع من حجرته موزه ماانتبهت ,, توه بيصارخ شاف موزه تدق باب حجرة شجون بقوة ابتسم ضم ايدينه ويلس يتطآآلعها : كسرتي الباب شوي شوي . موزه انصدت اول ما سمعت صوته صدت صوبه . حمد : نحن اللي هني نشينا من رقادنا وهاي كسرتي الباب ع راسها وبعدهاا ما نشت . موزه فخاطرها : والله برويج يالدبه حطيتيني في موقف محرج . حمد : مــوزه عااش من شافج فبيتنا // توه مانور,, ودخل حجرته . موزه: يــآآويلي /// شكلها ما بتنش هاي خلني اسير تحت عند عموه مها احسنلي قبل مايظهر حمد ,,, وهي نازله فتحة الباب شجون . موزه : لا يالشيخه كنتي ما بتنشين كملي رقاادج . شجون : يــــه شوفوا من في بيتناا // وانا اقول بلاه منور . حمد طالع من حجرته : خـــيبه انتي مش رقااد عليج ما تحسين كسرت الباب وانا الضحية نشيت من رقاادي . شجون تضحك : وانت غريبه هالوقت فالبيت . حمد: اآآآاه تعبان ما فيني شده اظهر . حمد نزل عند امه وموزه وشجون دخلوا الحجره . موزه : تقولين لي تعالي بيتنا ,, شوفي شو سويتي فيني ساعه وانا ادق واخوج ما قصر .. شجون تضحك : عااادي فديتج هالمره مسحيها فويهي// والله زين ييتي بيتنا يالدبه . موزه : انتي الدبه والله حطيتيني فموقف محرج مع حمد // الله يسامحج . ................ ام حمد: حمد بلاااك ؟؟ حمد :مااشي بس شوي تعبان . ام حمد : بلااااك تعبان ؟؟ شو فيك ؟؟ حمد : خذتلي حبتين بندول وان شاء الله بكون احسن . راشد يتصل بحمد راشد : اهلين وينك؟؟ حمد: وين فالبيت .. راشد : مابتيئ ؟ / الشباب يسؤلون عنك؟ حمد : لا مش ياي تعبان شوي . راشد : رااحت عليك عيل بندخل السينما . حمد: ياخونه تعرف اني تعبان . راشد : يالله عيل بخليك يالتعبان // محد تعبك غيرها ادريبك . حمد: خخخ يالله عيل بااي . حمد بخاطره : موزه هني ويبغيني اظهر مينون هذا والمرض يئ في وقته . محمد : وينه حمد ؟ راشد : يقولن شوي تعبان مابيئ . محمد :سلاامات ما يجوف شر // راحت عليه راشد : الشر ما ييك // يالله غيرها في غيرهاا . .................. شجون : انزين وشو يديدج ؟؟ موزه : آآآآآه مااشي يديد // اليديد عندج؟ شجون : طلعت من الخاطر هاي الآآآه وتقوليلي اليديد عنج . موزه : هههه شو اقول بس مليت خلاااص . شجون مستغربه : مليتي من شوه !!!!!!!؟؟ موزه : من كل شي . شجون : بسم الله عليج شو فيج ؟؟ موزه متردده اقولها والا لا : مافيه شي بس مليت من التقنيه . شجون تضحك : خوفتيني عليج // توج الا فيها ما وحالج تملين . موزه : يالله شو نسوي . شجون : عيل انا شو بقول . موزه : ما علينا احين انتي قولي اللي عندج ؟؟ شجون : صح بقولج شي // تحيدين شمه ؟؟ موزه : أي شمه !!! شجون: يــاخي انتي مستويه ام سلووم نشي نشي ؟؟ .......................... وديمه :اعوذ بالله من حلم البارحه ,, حمد الله انه راشد ما انتبه لصوتي وعباله اني حمد بس معقوله انه ما عرف اني انا اللي داقه ؟؟؟ راااشد ويــــنك يالغالي كل ما فيني يناااادي باسمك ؟؟ اطرشه مسج ؟؟ لا ما بطرش // اف والله ان الشووق ذاابحني بطرشه واللي فيها فيهااااا . راشد فالسينما تليفونه صامت حس بالهزاز فتح الرساله : خلنا مني و طمنــي عـلـيـكـ راشد بعد ماقرىالمسج حس عمره مخنوووق يبغي يظهر يشم هوى ,, محمد : وين بعده الفلم؟؟ راشد : بظهر بسير البيت . محمد :بلاااك ياريال ؟؟ راشد :ما بلاني شي يالله برااايك. محمد : شوي شوي فالدرب. راشد :ان شاء الله. فجأة تذكرني بعد ما جفاني وده يبرر غيبته باي حيله راشد طلع من السينما ويلس فالسياره : وديمه والله حراام عليج اللي تسوينه فيه ليييش؟؟!!! حيرتييني والله !!!! ماااابرد عليييج وبعاملج شرات ما تعامليني وزود . راشد حرك السياره : ويــن اروووح // اف ضااايق من سواايج ياوديمه . دق تليفونه راشد مصدووم : وديمه دااقه شو السالفه ؟؟ // ما برد عليها خلها تحس شوي. .................. مهره : حمداااااااني حمدان : هلا شو بغيتي ؟؟ مهره: حبـــبي بسك زعل عاد . حمدان : من قالج زعلان ؟؟ مهره : من صوتك شوف كيف ترمس معايه . حمدان : مش زعلان ولا شــــي // انزين واخباارج بعد ؟؟ مهره : فديــــت روحك انا والله // رقـــيييص امره . حمدان : انزين انا احينه بخليج غناتي . مهره : ويــــن حبيبي تو الناس ؟؟ حمدان : بعدين بدقلج احين مشغول شوي . مهره : اوكيه على راحتك!!! // وداعة الله . حمدان :فمان الله . مهره بخاطرها: اول مره حمدان يقولي مشغول وصوته غير ليكون بدا يمل مني ,, والله اني احبه بس اخاف ,, ما اقدر اخليه يشوفني شو الحل معااااه ؟؟؟؟ // صـــح هو طرشلي مره صورته فديته محــــــلاااه . اه من قلب(ن) غدى حبه جنوني واه من خل(ن) على باالي طرى لي سطا في الروح وتملك شجوني من صدوده ياعرب دمعي جرى حمد: شو هالملل؟؟ ام حمد : أي ملل ياولدي ؟ // وينه راشد خله ييك . حمد : وين هذا في السينما ونحن في البيت خاايسرين . ام حمد :انزين ليش ما رحت وياه ؟ حمد :آآآآه ويــــن ارووح وهالحراره والصداع بدا . ام حمد : وانت ليش ماتروح العياده ما تخووف حمد تراك مستوي شراات اليهااال . حمد يضحك: ياااامي ما يحتاج بتروح عني خذيتلي بندول . ام حمد : انزين حط راسك وارقد شوي . حمد : هذا اللي بسويه . حمد راح فوق وفكره عند موزه يلس في الصاله اللي فوق يلعب بتليفونه .. حمد من شاف موزه في بيتهم تحرك فيه شعور اللي غاب عنه بعد نظرت موزه له// هو من ذاك اليوم اللي وصلها وقالها عن المسجات ما شافها ولا طرشلها أي مسج من عقبه وبشوفة موزه اليوم في بيتهم ردت لـــه الروووح يشوفهاا مستحــــيه يكلمهــــااا وهي ما ترد عليه ولا بكلمه ..... يجيني طيفك يعدل مزاجي وانا طبعك مثل طبعي مزااجي حمد بخاطره : ليش مستحيه مني ؟؟ يمكن تحبني الاااا اكيد تحبني يــــاولي عليها اشتقت لايام صلاله تذكر موقف استواله معاها .. نش 6 الصبح من صداع براسه راح يدرو بندول مالقى ظهر من الشاليه يلس على الكراسي اللي عند الشاليه وحط راسه على الطاوله // سمع باب الشاليه اللي عدالهم رفع راسه شاف مووزه ارتسمت ابتساامه حلوه على شفايفه .. حمد : الله حيــــهـ .. موزه مستغربه : الله يحييك ويبديك انته صااحي هالوقت ؟؟ // صبــــاح الخير .. حمد : صبـــاح الورد والفل والكادي صباح الخير ياوجه الخير . حمد شاف عمره زودها : الصــــدااااع بيفجر راااسي . موزه تتطلعه بنظره قويه: خذيت بندول ؟؟ حمد :لقيت وقلت لا . موزه : دقيقه بروح ايبلك. حمد : مــــــوزه . موزه : هــلااا. حمد : ما عليج امر بس بغيت كــوب شاي يعدلي رااسي . موزه : حااااضرين . حمد بخاطره : تعدل المزااج وحيااتج بعد شوفتج في احلى من هالصباااح . موزه: تتفضل البندول خذه لين ما اسوي الشاي . حمد :تسلمين يابنت العم . موزه : الله يسلمك . حمد فخاطره :آآآآه يوم اعرس مابخليج بروحج تسيرين المطبخ بسير ويااج وبقعد اتطاالع ذيك العيون الحلوه ما بخليج تفاارقيني لحظه ياآآويلي عليج متى بس ؟؟؟!!! وقطع تفكيره الرومنسي دخوول موزه ..... حمد :ليييش كل هذا بس بغيت شاي !!! موزه :مايستوي ايبلك الشاي بروحه قلت مره وحده خل ايب الريوق . حمد :تعبتي عمرج ما ابغي شي بس بشرب الشاي وبكمل رقادي. موزه :احين انا سويت الريوووق وعملت حساابك يعني لازم تااكل . حمد يبتسم: حااضر يامعـــالي الويز انت تامر ونحن طوع امرك . موزه : هيه خلك كذيه قبل لا ادخلك السجن بتهمة العصيان . حمد يضحك :لا كله ولا السجن بهاي التهمه وهذا الريوق بنقضي عليه مع ان النوم بيذبح عيوني. موزه : خلاص ولا تزعل تريق وسير انخمد . حمد :ان شاء الله معاالي الوزير. يلس يتطلع مووزه اول ماتحط عيونها بعينه يتم يتطااالع عيونها موزه بسرعه تشل عيونها . موزه حبت تكسر هالجو : هاا حمد بعده راسك يعورك ؟؟ حمد : هيه بعده بس احسن عن قبل // يالله انا استأذن بروح اكمل رقاادي وعلى قولتج " بسير انخمد" موزه تصحك :نووم العوافي . حمد: مشكوووره على الريوق فديتـــــــج . موزه : ال ...... ع .. ـفــو حمد تذكر هالموقف يلس يضحك : والله اني غبي ما استغليت الموقف عدل ... شاف موزه وشجون ظاهرين من الحجره . حمد : احـــــــم نهاية الجزء الثالث معقوله حمدان يمل من مهره ؟؟ وراشد صدق مات قلبه من ناحية وديمه؟؟// وديمه شو تبغي تقوله؟؟ موزه وحمد !!!! احداث مشوقة بانتظاركم فالجزء الرابع ترقبواا |
صرررررررراحه البارتات حلووه واييييييد تسلم ايدنيج نتريه التكمله عاد لا طولين علينااا |
ربي يسلمج الغاليه ان شاء الله ما بطول عليكم |
مرحبا الغالية والله إنها قصة حلوة وااااايد لا اطولين علينا وكمليها بسرعة ابا أعرف شو بيصير ماريد اتوقع ........ |
يسلمووو ع البارت وأنتظر منج الجزء اليااااي ولا تطولييييييييييييييييييييييييين يسلمووووووووووووووو |
عيبني البارت .. مشكوره غلايه وبنتظار البارت .. :) |
وينت الغالية يله كملي لا تتأخرين علينا والله حلوه |
مشكورة ونتريااا البارت |
تاخرتييييي علينا حبوبه حرام نبا التكمله بلييييز نزليها اليوم ما عندي وقت اهئ اهئ اهئ |
مرااحب هلا والله بالحلوين السموحه طولت الجزء الرابع جزء كامل يعني طويل لارضاء الجماهير شاف موزه وشجون ظاهرين من الحجره . حمد : احـــــــم شجون : بلاااك تحمحم حمد صح قتلي تعبااان بلااك ؟ حمد : لا والله تـــو الناس ياماما احين شو بلااك انا قلت اصلن محد يحس فيه موزه شووفي ربيعتج قوليلها انها اختنا الوحيده يعني لازم شوي تحس فينا والا ؟؟ موزه فخاطرها : ادري شو تقصد . شجون : قلتهاا اختكم الوحيده يعني انتوا اللي لازم تدلعوني صح؟ حمد: وانتي امبونج دلوعه . شجون : صدق هذا مريض طع شكله. (حطت ايدها على راسه ) : اف .. فيك حراراه . حمد : قديــــــــمه وابشرج صدااع بعد . شجون : انزين ليش مارحت العياده . حمد : لا ما يحتاج بتروح عني . موزه : سلااامات ماتشوف شر واسمحلنا قعدنااك من رقاادك. حمد :الشر ما ييج يامعالي الوزير والرقااد براايه بس مره ثانيه شوي شوي يوم تدقين الباب **رتي ايديج . شجون : معاالي الوزير!! ههه حلوه // انزين نحن بنزل تحت يالله برايك . حمد فخاطره : واخير سمعت منها شي الحين انا اوكيه فديتهاااااا. فديت صوتك فديتك شفتك عشقتك هويتك ياليت تدري ياااليتك غلاك وش كثر كبره .. ....................... راشد : هااااي مش حالهـ لازم انهي السالفه // خلني اوقف عسب اقدر ارمسها عدل. وديمه يالسه بروحها في حجرتها دق تليفونها شافت رقم راشد يلست تتطاعله ارد والا لا؟؟*** قلبي يدق بسرعه بطني يعورني بلاااني !! برد وامري لله . وديمه : الـوه راشد : الـــوه مرحبا. وديمه : يامرحبا السااع ** راشد : وديمه . وديمه سااكتهـ.. راشد : بلاج ساكته شكلنا اغراااب صح ردي عليه ** بعدني ما قلت شي وانتي ساكته لو قلت اللي بخاطري شو بتسوين ؟؟ وديمه : قول كل اللي بخاطرك ولا يردك الا لسانك . راشد : ليــــش ؟؟؟!!! // قوليلي ليش هل المعامله ؟ ابغي اعرف شي واحد انتي بعدج تحبيني ولا عفتيني ؟؟؟؟؟؟؟؟؟؟ وديمه انصدمت من رمسة راشد ... راشد :وديمه ردي عليه لا تمين سااكته. وديمه :شو تبغي اقولك ؟ راشد مصعب ويصارخ : " شو تبغي اقولك " اظــــني سوالي واااضح . وديمه : انزين لييش تصاارخ اسمعك ما يحتاج تعصب عليه . راشد: مـــا ظني انج تسمعيني // يحتااج ياطويلة العمر يحتاااج ونص // انا متاكد إلا واااثق ان عمري ما زعلتج بكلمه ولا ضايقتج بكلمه ولا سويت فيج أي شي ليش هالمعامله ؟؟؟ بقولج من الاآآآآآآخـــــر داامج نويت تبعدين خلاص ابعدي والله معاآآج بس ابعدي صــــح ولا تطرشين مسج كل ما طريت على باالج تـــرى النفس خلاص ماقامت تستحمل اكثر من سوااياج . وديمه مصدوومه والدمووع طاحت من عيونها: راااشد حرااام علييييك شو هالرمسه؟؟؟؟؟؟؟ راشد : هاي سواااياااج ياااا بنت عمــــي . وديمه بغصه :رااااشد انــــا .... وتصيح بصوت مسموع .. راشد سااكت يسمع صيااحها .. وديمه قطعت المكالمه ... وديمه تصيح : حرااااااام علييييك حراااااااام عليك والله// راااشـــــد ليش استويت قاااسي ؟؟؟!!! حبيبي انته احساسي ونبض القلب وانفاسي لو صار الزمن قااااسي عشان عيونك اتصبر.. راشد بعده واقف مكانه ويفكر باللي قاله : آآآه شوي ارتحت طلعت اللي فخاطري من صوبها بس بعدني ابغي اقولهاا كلاااااااااااام واااااايـــد // اول مره اسمع صيااح وديمه كانت تشهق وهي تصيح ..... تستااهل شوي اللي سوته فيه ..... لا والله ماتهوون عليه لا ماتستاهل ....... بلاااااني استويت قااسي احسن خليها تحس شوي// ظهرت من هاي المكالمه بدون لا حق ولا باطل ماعرفت شي بس اهم شي قلت اللي عندي وبرااااايها.. روح ورح ابعد بدنياك يامتعب(ن) قلبي بصدك الدرب لي ضحكك بكاااك موت وتكور بنار حقدك ............................... موزه ردت بيتهم ودخلت حجرتها .. تذكرت معآآآلي الويز ضحكت : بعده يذكر وصلها مسج يقول: الـــقى خيالكـ في خيالي واضمهـ واشوف زولكـ بين رمشي وعيني .. يمرلـــي طاريكـ عجل والمهـ من لهفتي تسبق عيوني يديني .. مثل العبير يفوح عطركـ واشمهـ في لحظهـ تسوي بقايا سنيني .. احتاجلكـ حاجه وريدي لدمعهـ ترد لي رووح ترووح وتجيني .. موزه قرت المسج ردت قرته مره ثانيه : آآه لييش احس بهذا الاحسااس !! / كنت مشتاقه للمسجات معقـــوله لا لا مستحيل الفراغ العاطفي اللي عايشته هو اللي خلاني احس بهذا الاحساس ** هذا اول مسج يوصلني من ذاك اليوم اللي وصلني فيه غريبـــه شوه خلاه يطرشلي مسج من بعد ما قطع العاده؟؟!! اليوم بعد اول مره اشوفه بعد ذاك اليوم ...بس الموقف كان محرج قعدته من رقاده ياحليله وهو مريض . مسكت التيلفون ضغظت على زر خيارات تبغي تمسح المسج كالعاده بس هالمره تعرف من صاحب المسج وتعرف هو شو يعتبرها ترااجعت وردت تقرى المسج : اعوووذ بالله شووو بلاني انا ؟؟!! خلني احط هالتيلفون احسنلــــي .. بذلت ثيابها ولبست بجامتهااا بندت الليت وحط رااسها بترقد وصلهاا مسج ثااني مسكت التيلفون بلهفه : مــــر النهار بجنوونه وهل الليل بسكووونه قلت اسلم ع الغالي قبل ما يغمض جفونه " تصبحين على خير يالغاليه " موزه : حمــد انته شو مسوي فيني ليييييش ؟؟ لازم احط حد للسالفه . ................... فاطمه : امم ياخي انا ليش قهارتني السالفه وما اقدر انسااها..بدخل وبشوفه موجود** هيه والله موجود ***رسااله!! ** يمكن منه بقراها .. ............... مهره : اف بعده مادق بلاااه !!// بسويله وبقوله عن السالفه. تدق لحمدان .. حمدان في سابع نـــوم .. مهره : بلاااااه ما يرد عليه ليكوون بعده زعلااان .. يـــاكيف تزعل وانت تسوى عيوني وانا بعيوني ياعيوني ادايك حبي لك انته حب عذري وجنوني من كثر ما احبك ازعلك وارضيك.. مهره عصبت وراحت يلست عند امها .. ام مهره يالسه عند التلفزيون في الميلس .. دخلت عليها مهره .. ام مهره : هلاا والله بمهااري؟ مهره : اهلين بالغاليه. ام مهره : لييش للحين مارقدتي ؟؟ مهره : ماياني النوم قلت خلني اقعد معااج ونسوف شوي . ام مهره : حيااج . مهره : يامايه سولفيلي شوي عن ابويه . ام مهره مستغربه : غريبه شو ياب طاري ابوج احينه ؟ مهره : مادري بس حسيت اني اشتقتله الله يرحمه. ام مهره: ويرحم جميع اموات المسلمين . مهره :انا ماشفت غير صوره وحده له هو مايحب يتصور والا ؟؟ ام مهره : عندي صور العرس بغيتي تشوفينهم ؟؟ مهره : اكييييد ودي اشوفهم . ام مهره: سيري حجرتي في الخزانه بتلاقين بو** ييبيه . مهره راحت تربع : اوكيه ام مهره : شوي شوي لا تطيحين // شو طرى على بالج !!!!! ....................... فاطمه: يآآآآربي شو ارد عليه هذا من صدقه ؟؟!!! يتعذب !! ** بشل عنه البلوك وبشوفه شو بيقووول؟؟ .......................... راشد: برووووح البيت احسن لي من الهياته في الشوارع .. دخل البيت لقى امه يالسه حب راااسه . ام راشد : وينك يارااشد بطيت // احط لك عشى ؟؟ راشد : لا مابغيت شي مالي بااارض . ام راشد : بلااك شي يعورك ؟ راشد : لا ماشي سلاامتج يالغاليه بس فيني النوم بروح احط راااسي . ام راشد : نووم العوافي وتصبح على خير . راشد : وانتي من هل الخير يالغاااليه . دخل حجرته وحط رااسه يلس يفكر باللي استوى : ولا بعمري فكرت ان بنووصل لهذا الشي // وشو السبب مااااعرف انزين دامها ما بغتني ليش تصيح ذاك الصياح اللي يعور القلب ليش ماتقول وتريحنا من كل هذا معقوله شافتلها شوفه ثانيه؟؟ معقوله حبت غيري ؟؟لا ما ظني مستحيل وديمه تسويها ولو دريت انها حبت غير باخذها وانا اولى بها بنت عمي وبخلي قلبها يتحترق عليه // لا مش انا من ذااك النوع الله يهنيها // بس من بيكون معقوله حد من عيال خالتها ؟؟ يـــــــاخي شو هالافكااار اعوووذ بالله من ابليس بس الموت اهون على اني اشوفها مع غيري. حسب علمي تحبيني وبين قلوبنا ميثاق واذا قصدج تهيني ليالي البعد ما تنطااق في الطرف الثاني وديمه قافله باب حجرتها وتصيح تذكر رمسة رااشد : خلاص يعني يا راااشد بعتني برخييص يامقسى قلبك كل كلمة قلتها كنها سهم تطعن به قلبي لييييش انته حتى ما عطيتني فرصه اقولك شي بس دامك انهيت السالفه ببعد صح على قوولتك وتصيييح. والله ما كان الفراق اختياري ولا بعمري اخترت الفراق ونسيتك وانا اعشقك عشق المطر لصحاري .. .................... سلطان طار من الفرحه : ما اصدق عيوني ..دومه يدخل وينتظر رد منها .. سلطان: السلام عليكم // اشحالج عسااج بخير ؟؟ فاطمه بخاطرها : ارد عليه والا ؟؟ امم بنقعه شوي .. .................. مهره: ليش من قبل ما خليتيني اشوف الصور ؟؟؟ ام مهره: مادري نسيت السالفه احين شفتيها. مهره : بخلي الالبوم عندي . ام مهره : خليه مكانه وكل ما بغيت تشوفين الصور تدلين مكانه . مهره : لا بس هاليومين بخليه عندي بعدين برده . ام مهره : غريبه شو طرى عليج اوكيه بس لا تاكلين عليه يعني انتبهي لا تخيسينه . مهره تضحك :اف عليج يا ام مهره بسوي حفله عليه // يمه شوفي هالصوره حلوه؟؟ ام مهره: هي حلوه بس انا كم مره قتلج لا تتصورين فالتيلفون ؟ مهره :عادي يعني من بيشوفها لا تخاافين بمسحهاا . ام مهره : انزين سيري حطي رااسج ورقدي وانا بعد بسير ارقد . مهره : مشكله العيوز اللي ماتروم على السهر اوكيه يالله تصبحين على خير. ام مهره : احين انا عيووز ما عليه يالعنز ويالله قلبي ويهج وانتي من هل الخير . مهره تضحك :فديتج يالغاليه بعدج شبااااب . ام مهره : ضحكي احين شباب يالله انقلعي . ......................... سلطان بخاطره : بلااها ماترد عليه ؟؟ فاطمه : وعليكم السلام ورحمة الله ** بخير وسهااله . سلطان: مديم ان شاء الله . فاطمه : وياااك . سلطان : فطاااامي . فاطمه : اسمي فاطمه لو سمحت . سلطان : حااضرين**** فاطمه . فاطمه : شو بغيت ؟؟؟ سلطان: بعدج زعلاانه ؟؟ فاطمه : وليش ازعل ان شاء الله ؟؟ سلطان: عسب السالفه ؟ فاطمه : احين انته شو بغيت بالضبظ ؟؟ سلطان : قريتي رساايلي ؟؟ فاطمه :هيه . سلطان: ابغي رد؟؟ فاطمه :ما عندي رد ويالله انا بظهر. سلطان : يابنت الناس اذا ماودج تكلميني لج اللي بغيتي ولا تضايقين عمرج وهاي اخر محادثه لو بغيتي ؟؟ فاطمه : يكون احسن . سلطان : عيل شي بالخاطر قبل لا تظهرين ؟؟ فاطمه : هيه انا بعد ما قلت الصدق واسمي مش فااطمه . سلطان : عيل ؟؟ فاطمه : هاي خر محادثه وما بغيت منك رسايل وانسى ايميلي لو سمحت ؟ سلطان :حاااضرين بس شو اسمج ؟؟ فاطمه : شجوون وفمان الله . سلطان : الله يحفظج . سلطان بخاطره : احينه تقولي اسمي شجوون ** عنيده وشكلها ما بترمسيني لو شوو ** صــــــح انا قبل من سوالفها عن اهلها كنت شاك بس اسمها فاطمه واحين تقولي شجوون * معقوله تكون شجون بنت خالي ؟؟؟ يمكن ليش لا*** كيف بتاكد؟؟ ........................... بالصبح وعلى الساعه 8 بالتحديد وبيوم الجمعه. حمد نش من الرقااد وبعده مريض وحرارته مرتفعه راح يسبح وعقب نزل تحت شاف امه وابوه يالسين يتريقوون ** يلس عندهم. حمد :صباااح الخير بو حمد وام حمد : صباااح النور ام حمد : بعدها الحراره والا نزلت ؟؟ حمد : مادري فيها . ام حمد حطت ايدها على راس حمد : حرارتك مرتفعه احين تريق وبعد الريوق تروح العياده. حمد يكح : مافي داعي بتروح عني . بو حمد : أي ما في داعي بترووح وانا اللي بوديك. حمد :ما في داعي تعب عمرك يابويه بروح انا بروحي . بو حمد : احين تريق وبعدين بنتفاهم . حمد :ان شاء الله . .......... موزه من عادتها تنش الصبح حتى ان كانت في اجازه نزلت تحت صبحت على يدها ويدتها. موزه : بسوي الريووق وبييكم . ام خالد وبوخالد نشوا من رقادهم ويلسوا عند اليد واليده دخل عليهم خالد. خالد : صبااااااح الخير. الكل : صبااح النور . خالد : ما شاء الله الحلوين كلهم هني وين موزه ؟؟ اليده : ياحليلها تسوي الريوق . بوخالد : واحمد وريم ما نشوا؟؟ ام خالد: احمد وريم ماينشون الصبح بتشوف وييهم فالظهر . بو خالد : البركه في السهر . خالد : يالله يابويه خلهم في نهاية الاسبوع . موزه دخلت عليهم ويابت الريوق تريقت وعقب سارت حجرتها اول مادخلت حجرتها شلت تليفونها : كنت حاسه انه شي مسج : لـه من [صباح الخير] خير السجايا ولـه من [صباح النور] نور ابتسامه ولـ الحب برهان يفوق الحكايا ولـلصدق افعال تسابق كلامه الله رزقني شخص حلو السجايا وانا احمده وادعي ليوم القيامه يارب ترزقه الهنا من الهنايا ويارب ماغير الرضا والسلامه [صبااااح الخير ياحلوو] موزه: مسجات البارحه مامسحتهم ** اممم بخليهم عاادي شو فيهاا// صح كان البارحه مريض .. .............. حمد راح العياده غصب عليه اواامر من [الحكومه] <( امه وبوه) وهو عند الدختر وصله مسج ما انتبه له ** اخذ الدوا وراح البيت انسدح على الكنبه وفي خاطره : ليييتج معي انتي دواي ** طلع تليفونه وشاف "رساله وارده" انصدم معقوله هالرقم لمووزاني بس معقوله طرشت لي مسج يبغي يفتحه طاح منه التيلفون . حمدان شافه ضحك : شوي شوي مابطير عنك التليفون . حمد : رح زين // فتح المسج من قلبي : صبااااح النور اشحاالها صحتك؟؟ ان شاء الله طيب .. حمد طاار من الفرح ليتني كل يوم امرض دام بطرشيلي مسج طلع من عندهم وراح حجرته . فديتها تسال عن صحتي تسال عن حااالي احين انا بخير دام سالت عني اآآآآخ والله اني امووت فيج // شو ارد عليها صبر هي شو كتبت بالضبظ ... وبطرف الثاني .. موزه : انا شو خلاني اطرشه مسج ؟؟ // اف احين بيفهمني غلط ادريبه انا سالت عن صحته بس لو طرشت على رقمه الثاني احسن ...... ** قطع تفكيرها مسج وصلها يقول فيه : [انته الدوا وانت طبيب جروحي] احين انا بخير دامج سالتي عني تسلمين فديتـــــ روحـــــــج يــا معاالي الوزير موزه انصدمت من المسج وعصبت : اف قلت انا بيفهمني غلط بمسح كل المسجاات كييييفي . ............. حمدان شاف مكالمات مهره : امم هاي بلااها ليش داقه البارحه لين متى تبغي علاقتنا كذيه ما ادري ؟؟!!!! واالله فخاطري اشوفج .. ودي اشوفك والم الحب من حولك من قبل لا يحين ياكل الغلا اجلي .. العمه فاطمه ( ام راشد) : روضه يالله نشي . روضه : امايه خليني ارقد . ام راشد : شوفي الساعه كم بعدين اليوم غدانا عند يدج يالله احين ابو ج واخوانج بيردون من صلاة الجمعه يالله نشي. رووضه : اوو // زين احينه بنش// ليش الغدى في بيت يدي؟؟ ام راشد : يدج لزم اليوم الكل يتغذى عنده ويالله انتي لا تاخرينا . روضه: زين خلااص نشيت . .................... بوحمد وعياله رادين البيت من بعد ما صلوا صلاة الجمعه في المسجد. بو حمد: اليوم غدانا في بيت يدكم. حمد : بيت يدي غريبه لييش؟؟ بوحمد: محد غريب غير الشيطان بس ابوي لزم اليوم الكل يتغدى عنده. حمد: حلوووو // وفخاطره : بشوفها بعد اليوم فديتها انا . حمدان : انته مش مريض ؟؟ حمد: لا كنت مريض هذا فعل ماضي احينه بخير الحمد الله . حمدان: توك ياي من العياده ما لحقت تتعافى . حمد: اعوووذ بالله منك انته شو بلااك ؟؟ حمدان يضحك : اسولف ويااك بلااك استويت شرات العيووز. وصل مسج لحمدان من مهره : كلما انعم الله عليك بنعمه فليكن همك طاعته وشكره وعبادته طيب الله جمعتك .. حمدااان يوم تفضى دق لي بغيتك ضرووري حمدان فخاطره : غريبه شو بغت ؟؟ // بعدين بدقلها بشوف سالفتها ؟؟ .................. ام خالد : موزه سيري بخري البيت . موزه : حاضر يامايه// فخاطرها: الكل بيتغدى في بيتنا اليوم يعني بشووفه // اف انا كل ما قلت بنسى اتذكر . ................... الكل وصل بيت بو محمد ويلسوا تغدووا وعقب الغدى يالس اليد وعنده الرياييل يسولفون *** والحريم يالسات بصوب ثاني *** موزه: لو ادري انج اليوم بتيين بيتنا كان ماييتج البارحه . شجووون : لا والله وليش ان شاء الله ؟؟؟؟ موزه : عسب تتأدبين عدل. العمه فاطمه تسمع سوالفهن وتضحك : بلاااكن ؟؟؟ موزه : عمووه البارحه كنت فبيتهم وتخيلي خلتني سااعه ادق باااب حجرتها ما تبطلي الباب . شجوون : موووزه عن الكذب كنت رااقده . موزه : لا ما كنتي رااقده لو كنتي رااقده كنتي بتنشين من دق الباب حشى **رت الباب. شجون : عموه ما عليج منها هاي العياره كنت رااقده . موزه : انتي العياااره // عمووه انا ما اكذب. العمه فاطمه تضحك : ما بصدقكن انتن الثنتين . شجون : انا عندي شااهد حتى سألي حمد . مووزه : حمد ما يخصه. حمد شاف شكل رااشد مش عايبنه : بلااااك؟؟ راشد : مااشي . حمد: قم بغيتك. راشد: وين ؟ حمد :قم انته . حمد وراشد ظهرو من الميلس وكانوا خاطفين عدال الحريم // حمد سمع موزه تقول : حمد ما يخصه . حمد يطآآآلع موزه : بلااااه حمد؟؟؟؟ موزه قفطت : مابلاااه شي هااي شجوون . حمد ضحك من رمسة موزه وظهر هو ورااشد . حمد :بلااك راشد ؟؟ راشد: شو تبغيني اقوولك ؟؟؟؟ اقوك اني البارحه رمست وديمه // اقولك اني قتلها الله معااج // اقولك اني ما فهمت منها ولاشي ولا عرفت منها ليش مسويه كل هذا معايه // اصلن انا كنت ألخبط وما خليتها تقول شي ويوم بغت ترمس يلست تصيييح وسكرت الخط // كيف يعني بتكون حالتي ... حمد ما عرف شو يقول لرااشد : هوونها ياخوي . راشد : وين اهونها وانا اعرف اني انهيت كل شي // والله ضااايق ياحمد // انا ما ابغي اخسرهااا ياحمد دخيييييلك قولي شو اسوي قولي شو الحل ؟؟؟؟؟؟؟؟؟؟ حمد : عورت قلبي والله // اسمع اليوم تدق لها .... قاطعه راشد :ادقها بعد ما سمعتها المر شو بقولها اكثر من اللي قلتها اصلن هي ما بترد عليه ادري فيها . حمد : يـــارااشد خلني اكمل رمستي الله يهديك// انته دقلها ان شاء الله بترد عليك لا تعاااتبها على اللي سوته فيك خلها ترمس هي هالمره .. رااشد : صدقني ما بترد عليه . حمد: انته جرب ما بتخسر . راشد : امرنا لله // انته قلي شو اخباارك . حمد : هيه خليك كذيه عنبوه حتى الضحكه راحت من شفايفك والله لو تشووف شكلك كله سرحان اللي يشوفك هموم الدنيا كلها على راااسك . كف ياطير على غصنك تغرد من سمعتك ولعت بالقلب نااره والهوى البارد عقلبي مايبرد لي سرت شرتاه زادتني حراراه.. رااشد : الله كرييم // والله انك خبييث كل ما طريت لك سالفتها غيرتها . حمد يضحك : مشكلتي اني محد فاهمني فالدنيا غيرك شو تبغيني اقولك يعني ؟؟ راشد : ادريبك مفضووح وماتحب ترمس عنها بس بغيت اعرف شي هي تحبك ؟؟ حمد : خلني انا بالاول اعرف . رااشد : ياحليلك والله وقمت تحب ياريال // واخباار نوره وربيعاتها ؟؟ حمد يضحك : أي نوره واي ربيعات الله يخليك ما عدت اهتم لهن . رااشد : مـــن حقك . حمدان ظهر من الميلس وراح يتصل لمهره خطف من عدال راشد وحمد . حمد يقول لراشد : هذا الولد امووت واعرف شو سالفته ؟؟ راشد : شو بتكون سالفه بذمتك شل عادة خووه . حمد : لا صدق لو تشوفه يوم يرمس بالتليفون اول ما يدخل حد عنده يسكر وحالته لالله ابغي اعرف سالفته . راشد : دخييلك ياحمد شو بتكون يعني خله يستانس بحياته ولا تضايقه يوم يرمس // صح عطني رقم وحده من ربيعاتك . حمد : شوووو تقول ما سمعتك ؟؟؟!!! راشد : اللي سمعته ياخي خلني اقضي وقتي بدل الهم اللي شايله . حمد : انته بلااك تونا شو نقول اليوم بتدق لوديمه وماني عاطيك أي رقم اصلن ما عندي ارقام . رااشد : حمد عن العيااره وهات رقم وحده منهن حمد : لا بالله الولد بااايعها لا فديتك ماعندي ارقام وتعال ندخل عندهم دااامك بديت تخووور . راشد يضحك : تعال زين صدقت وانا لو بغيت ارمس واايدات البنات ما باخذ من عندك بس كنت ابغي اشوف ردك يا حمييد . حمد : والله انك عيااار بعدين دومي اقولك لا تقولي حميييد . راشد : حااااااضر ياحميييد يالله ندخل عندهم وشوف حبيبت القلب دامها بين ناظر عيونك . حمد تــم سااكت ويفكر برمست رااشد ( داامها بين ناظر عيونك ). محلى ملاق العين بالعين عقب اشتياق وطول صده واللي مفارقله محبين كانه غريق بموي زرقه ترقبوا الاجزائ اليايه |
روعه نتريا البارت .. |
ينتظر البارت @_@ |
حبوبه الحين ما عندنا شي خلينا نقرا البارتات نزليها لنا ع الاقل لو يكون اطويل اشووي حررررررام بعدين بيبدا الدوام مراح ارووم اشوفهااا اهي اهي:(:(:(:( |
يا سلام ع البارت نتريا منج البارتات اليايه بــــــــــــــــــــــــأسرع وقــــــــــــــــــــــت يسلموووووووووووووووووو |
مرحبا بكم الجزء الخامس الفصل الاول حمدان : الــــوه السلام عليكم مهره : وعليكم السلام والرحمه // حي الله هالصووت . حمدان : الله يحيج ع فضله . مهره : وييينك انته ؟؟ حمدان : مووجود . مهره : اشحاااالك يازعلااان عسااك بخير . حمدان : بخير ربي يعاافيج . مهره : انزين اسال عن حاالي ياقاسي / حمداااني .. حمدان ساااكت .. مهره : حبـــــــيبي .بعده سااكت . مهره : حيااااااااتي ,, عــــــمري ,, رووحـــــي .. حمدان : ياويلي عيل كل يوم بزعل . مهره : فديت قلبك فديت رووحك انا والله يحقلك تزعل وانا طول عمري بيلس اراضيك من لي غيرك . حمدان : لا ,, لا مارووم انا ع هالرمسه // صدق مهره ؟ مهره : عيوني انته والله انـــي ... حمدان : انج ..؟؟؟ مهره : ما اقدر على فرااقك . حمدان : وبعد ؟؟ مهره : فديتك انا والله // اسمع بقول شي بس خااايفه وااايد . حمدان : ليييش خايفه قولي فديتج . ................... دخل حمد وراشد لقوا خالد والعمة فاطمه وموزه وشجون يالسين رباعه. راشد يهمس لحمد : خلك معاي .. حمد: بلااك ؟؟ خااالد : هلااا والله بعدنان وعبسي . الكل يضحك.. حمد : اسكت ياجازوورا . راشد : ماعلينا شو رايكم نلعب حكم ؟؟ خالد : فووووقه عسب احكم عليك و اخليك تحرم تلعب مع خااااالد. راشد :بنشوف من اللي بيحرم يلعب مع الثاني // كلنا بنلعب . حمد : تــم افا عليك . راشد : حتى موزه وشجون .. موزه : لا نحن ما بنلعب مافينا عليكم انتوا لعبوا ونحن بنشوفكم . العمه فاطمه (ام راشد) : وانا ما تبغوني العب معاكم ؟؟ راااشد : فديت الغاليه والله انتي اول وحده ,,,مع ان اللعبه ما تنفع لعياايز. ام راشد : احين انا عيووز يالله برايكم بسير عند العيااايز اللي شراتي وبخليكم تلعبون عراحتكم . خالد : فديت الغاليه بنت الغالي لا والله انتي فعز شبابج ما عليج منه . ام راشد : ادري عسب كذيه بروح عن العيايز اللي شراتي . شجون : وين حمدان وين سلطان ؟؟ سلطان : انا هني في حد يسال عني ؟؟ ,, وبخاطره : اليوم بتاكد اذا انتي والا لا؟؟ راشد : تعال يالله بنلعب حكم . سلطان : فوووقه عيل حمدان وينه ؟؟ حمد: لا ماعليكم من حمدان خلنا نلعب . خالد : يالله يلسوا حلقه . موزه : انا مابلعب . شجون : موزه لا تخليني بروحي العب معاهم عقب بيتفقون عليه . موزه : براااايج . شجون : موووزه. راشد : موزه يالله عاد لاتخلين ربيعتج بروحها . موزه تتطالع راشد : عيل لعبوا جرأة وصراحه . راشد: حااااضرين يالله // حمد انته ايلس هالصووب . حمد شاف من يالس مقابله ورد طالع راشد وفخاطره : والله انك ياراشد فنتك. راشد ضحك بصوت عااالي بدون محد يعرف شو السبب غير حمد . موزه فخاطرها : اف شوفوا من يالس مقابلني الله يستر . بدا اللعبه وغرشة الببسي تدوووور ,,, تدوووور ,, موزه : بعيييد بعييييد ,,, وقفت وبالحظ على حمد واللي مقابله ,, على موزه واللي مقابلهاا . حمد : هلا والله احـــم انا بطلب يالله ياطويلة العمر جرأة والا صرااحه . موزه : شوفوا الحظ انا قلت ما بلعب// بكوون اول ضحيه . رااشد : ياويلج منه انصحج تختاريين صراحه ويتطالع حمد بنظره . موزه فخاطرها : امم دامه حمد اللي بيحكم خلني ... خاالد: يالله شووو ؟؟ حمد يتطاالع موزه : خلوهاااا ع راحتها البنيه. موزه بتردد: جراة . حمد : جراة جراة انتي اللي اخترتي // يالله ياطويلة العمر وقفي .. موزه تتطالعه : اوقف !!! حمد: هيه سيري سويلي شااااي . موزه : الحمد الله يت سليمه// دقايق ويكون جاهز . راشد : عيل سوينا كلنا // مالت عليك انته وطلباتك . حمد : انا اللي اطلب صح تسويلي انا بروحي بس . خالد : يالله انتي روحي سوي الشاي. حمد : موزه بروحي سويلي . موزه تتطالعه وببتسامه حلوه : اوكيه . موزه راحت تسوي الشاي ووقفوا اللعب لين ما يتم تنفيذ الحكم ... موزه في المظبخ : يبغيني اسويله شااي بروحه اوكيه عيل .. راشد يتطالع حمد وفي خاطره : انا خليتك تيلس مقابلها وحاولت انها تطلب صراحه بس يالله راحت عليك ياحمد ماعليه بنمهدلك السالفه انت وهاي الطلبات . ................... مهره : اخاف تفهمني غلط اول شي قلي انته شو تعتبرني ؟؟ حمدان : رووحي اللي تعييش,, قلبي اللي ينبض ,, عيووني اللي تشووف . مهره: والله ؟؟ حمدان : افا تشكين فيني والله اني احبج واموت فيج .. مهره : آآآآآآآآه فديت رووحك انا والله . حمدان : يالله شو كنتي بتقوليلي ؟؟ مهره : انته بعدك ودك تشوفني ؟؟ حمدان : اكييييد ما يبالها رمسه. مهره : مـــــــتى ؟؟ حمدان : اليوم قبل بكره // احينه قبل بعدين . مهره : عيل خلااص لك اللي بغيته . حمدان : قولي والله متى ؟ مهره : احينه. حمدان : مهااري تستهبلين عليه احين كيف يعني ؟؟ مهره : ما استهبل احينه صدق بس اوعدني انك .. حمدان : بلااج كملي رمستج // اوعدج بشو ؟؟ مهره : انك تمسح الصوره بعد ما تشووفها . حمدان : هاا يعني بطرشيلي صوورتج . مهره: حمدااني حبيبي لا تفهمني غلط دخييلك تعرف انته شو بالنسبالي وتعرف انا من أي نوع من البنات والله بس عسب خاطرك بس وانا ما نويت اسوي هالشي الا لاني واااثقه فيك والظرووف ما تسمح اني اشووفك ..وما اقدر ع زعلك . حمدان : مهاااري لييش كل هذا مصدقج فديت رووحج ولاني احبج واخاف عليج لا تطرشيلي صورتج . مهره يلست تصيح : ادري اني طحت من عيينك والله استاهل بس ما كنت اعرف كيف ارضيك والله ما اقدر على فرقااك دخييلك لاتزعل مني . ......................... دخلت موزه ومعاها كوب واحد : تفضل يا بش مهندس . حمد :تسلمين موزه : مــــيـــري يبي الدله .. حمد يتطالعها : أي دله ؟؟ موزه : دلة الشاي انته قتلي اسويلك انته بروحك سويتك وخليت ميري تسوي الشاي للكل. حمد : بطوفها هالمره . خالد : راشد يالله ابدا اللعب . راشد لف الغرشه ,, الغرشه تدووور .. تدووور موزه تتطالع حمد وهو يشرب الشاي . خالد: هذا شاي موزه مش شاي ميري . موزه : انا قلت خالد بيعرف ان الشاي انا مسويتنه . حمد ويهه حمر ويكح .. سلطان : كل هذا عسب سوتلنا كلنا // شوي شوي وانته تشرب عليك بالعافيه لاتخاف كلنا عدنا ما بنحسدك . حمد شاف موزه وعيونه حمره ويشرب الشاي . موزه فيها ضحكه وساكته . وقفت الغرشه هالمره بين خالد وراشد اللي يلسوا مقابلين بعض ,, من يحكم بينهم ؟؟ خالد : واخير اف مابغت توقف هالغرشه .. يالله عدنان جهز عمرك .. راشد : ابتلشنااا // شو جهز عمرك ؟؟ انا اللي بختار جراة والا صراحه . خالد : لا يابابا هاي مالت البنات نحن كله جراة . رااااشد : ليش ما قلت من البدايه . خالد: احين لا تتعذر يالله يابابا اسمع حكمي . راشد : والله كيفي انا بختار صراحه . خالد : رشووووود ماشي . راشد : راشد لو سمحت // انته ما قلت من قبل . خاالد : زين يارشود هاي اللعبه بس من اللعبه اليايه ماشي صراحه غير للبنات . راشد : يالله شو بغيت ؟؟ خالد يتطالعه : والله انك نذل شو اطلب تعرف اني ما اعرف هاي السوالف صراحه وخرابيط . سلطان : انا بقولك شو تقوله .... راشد : سلطان انته ما يخصك . حمد شرب كوب الشاي كامل وطالع موزه : الحمد الله . موزه هني ما قدرت تمسك عمرها اكثر تضحك . والكل يتطالعها .. شجون :بلاااج ضحكينا معااج . موزه : لا ماشي بس تذكرت موقف ويلست اضحك . حمد : اقول موززه صبيلي شاي من الدله بذوق هالشاي . موزه تضحك :ان شاء الله خالد : بلااج انتي ؟؟ موزه : ماشي ماشي . خالد : ياخي بنعيد هالعبه ومن اللعبه اليايه كله جراة . راشد :ماشي نكمل هاي اللعبه . خالد : لازم يعني ؟؟ حمد : بلااكم انتوا من الصبح تضاربون // خالد قوله أي شي وخلنا نكمل اللعب ناااااوي نيه على عرب . خالد : كم سنه وانته تحب ؟؟ رااشد : آآآآآآآه امم مادري يمكن من 10 سنوات . خالد : شكرا // يالله دور هالغرشه . راشد يضحك ع خالد : انزين يالله . .......................... حمدان : لا تصيحين انا ما قلت شي // مهااااااري من قال انج حطتي من عيني // مهااااري دخيلج لا تصيحين قطعتي قلبي بسج صيااح. مهره : حمدان بخليك احينه . حمدان : لا سمحيلي ما بتسكرين لين ما تسكتين . مهره : دخيلك بدق لك بعد شوي . حمدان : عيووني انتي بسج خلااص وانتي مكاانج فعيوووني يااعيووووووني . مهره : والله حمدان : نعم وبلى شك استويت مدرس عربي. مهره تضحك : فديتك والله . حمدان : ياحلو هالضحكه . مهره : انزين حياااتي صدق ما خذيت بخاطرك من صوبي ؟؟ حمدان : سكري هالسالفه دامها خلتج تصيحين وما بنرمس فيها واذا الله كاتب ان نشوف بعض بنشوف غصبن عن الكل صــــح ياحلو ؟؟ مهره : صح . حمدان : فديتج احين انا بخليج لاني فبيت يدي والكل هني بروح عندهم . مهره : اوكيه خذ رااحتك بس لا تزعل مني . حمدان : شو قلنا بسوي عمري ما سمعت // شوي شوي ع عمرج وفمان الله. مهره : ان شاء الله وانته لا تنساني الله يحفظك . حمدان : حد ينسى قلبه ؟؟ مهره : فديتك انا والله // مع السلامه . حمدان : الله معااج . ..................... دخل عليهم حمدان شافهم يلعبون .. سلطان : وينك انت ؟ ماشفت شو استوى. حمدان : شو تلعبون ؟؟ سلطان : حكم تعاال العب . حمدان : كملوا لعب انا ما بلعب . سلطان :وانا بعد ما بلعب مليت انتوا واحكامكم التافهه . حمد : ويين تونا قلنا ياهاادي . راشد : برايهم نحن بنكمل لعب . موزه : انا اعلن انسحاابي . حمد : ليييش ؟؟؟ موزه : الصراحه مافيه حد يحكم عليه . شجون : وانا بعد . خالد: احسن وفرتوا علينا // عدنان عبسي يالله ثلاثتنااا. راشد : اوكيه ياجازوره ماعليه . خالد : يالله لف هالغرشه . تدوووور الغرشه وتدروور حمد بخاطره : تعرفين اني ناويه لج بنيه انسحبتي // ما عليه انا تحطيلي ملح في الشاي وياليت شوي نص الكوب ملح ,, زين ما ارتفع الضغظ عندي. وقفت الغرشه وقفت وكل واحد يبغي يحكم ع الثاني . راشد يضحك: يااااويك مني ياجاازوره . خالد : ضحكت ياااحييك // حالفك الحظ يارشوود يالله اطلب وتدلل. راشد : والله ياولد العمه اعرف انك انسان تمووت فالماااي .. حمد يقاطعه : بدا الفيلسووف .. راشد : عبسي خلني اكمل انزين ياطويل العمر وبما انك انسان تموت فالماي بخليك بس ,, بس تشرب دبة وحده كبيره . خالد : لاتقول ياخي . راشد : يالله يابنات وحده منكن تيب دبة ماي كبيره تسدك جازوره والا بنيبلك ثنتين تسد حجمك . خالد :تمصخر عدل بخليك تتمنى تكون عدنان صدق يااي دورك . شجون يابت دبة الماي وعطت خالد . راشد : اشرب وانته سااكت . خالد : بسم الله بدا يشرب ... ياخي تونا تغدينا ويرد يشرب وبعدين شربنا الشاي ويكمل شرب .. باقيله شوي .. ما اقدر خلااص .. راشد يضحك : ماشي كمل يالله . موزه كسر خاطرها اخوها: بينفجر ,, حراام. خالد كمل الدبة وعقها ع راشد : وانا قدها . راشد يضحك : احين انا بعلن انسحاابي . خالد : يانذل تعال والله انك خوااف . راشد : سويت اللي عليه خلاص ليش اكمل لعب . خالد قام يضرب راشد وحمد يضحك عليهم . وقفوا اللعب وكلن راح بدربه .. موزه وشجون سارن فوق حجرة موزه والشباب طلعواا برع البيت . موزه : انزين شجون ,, ماشي تطورات يديده ؟؟ شجون : تطورات !! موزه: والله مادري منوه ام سلوم انا والا انتي ؟؟ // عن شمه ؟؟ شجون تحاول تغيري السالفه: هييييه!!! ,, مادري عنهاا . ........................ مهره يالسه بروحها وشايله هم الدنيا عراسها دخلت عليها امها .. ام مهره : شو كل هالحزن بلاااج ؟ مهره تعدلت وابتسمت : اهلين امايه أي حزن الله يخليج مابلاااني شي. ام مهره : لاتخبين عليه شي قولي شو فيج ؟ مهره بغصه : ليت بويه عاايش وتصييييح عحضن امها. ام مهره منصدمه : بسم الله عليج بلاااج ؟؟ مهره هدت شويه ... ام مهره: شو فيج شو ياايج ع ابوج هالايام ؟؟ انا مقصره فحقج ؟؟ مهره: لا انتي مش مقصره والله الشاهد ,, بس حسيت اني اشتقتله يمكن من عقب ما شفت الصور. ام مهره : خلاص عيل يالله قومي وتلبسي وبنظهر. مهره :مالي باارض اظهر فيه النوم ابغي ارقد . ام مهره : وين ترقدين هالوقت يالله بنظهر. مهره : مافيه ابغي ارقد . ام مهره : ع راحتج يالله بخليج ترقدين // ظهرت من حجرة مهره ودقت لاخوها سيف . ............................ راشد : حمد يعني تقول ادقلها ؟؟ حمد : اكيد بعد مايبالها رمسه . راشد : امرنا لله ان شاء الله ترد عليه . حمد :ان شاء الله بترد لكن اذا ماردت كرر الاتصال لين ماترد. راشد : خير ان شاء الله ,, وانته حرك عمرك . حمد: في شوو؟؟ راشد : في شو بعد ؟؟ تعرف قصدي . ........................ ام مهره : الــــوه السلام عليكم . سيف: وعليكم السلام والرحمه هلا والله بالغاليه ام مهره . ام مهره : اشحالك عساك سالم ؟؟ سيف: بخير ربي يسلمج ومن صوبج وصوب مهآآآري؟؟ ام مهره : انا بخير وسهاله بس مهآآآري .. سيف : بلاها مهره !!!!!!؟؟ ام مهره: مابلاها شي بس هاليومين كله تطري ابوها توها تصيح تقول ليت بويه موجود حاولت معاها اني ظهرها اغير لها جو ما طاعت تقول برقد.. سيف: اهاا انزين ربع ساعه بالكثير بكون عندكم . ام مهره : انزين بس لا تسرع واتريااك يالله فمان الله.. سيف: ان شاء الله ,, وداعة الله .. سيف اصغر خوال مهره واقرب وااحد لها لتقارب السن بينه وبينها (21) سنه حليو ورزه طويل ويقطع البنات مبركن فالعين مول والبنات يموتن عليه مغروور كل شهرين سياره واول ماينزل تليفون يديد يكون عنده شعره شوي طويل ويمووت عمهره بنت اخته وما يرفضلها أي طلب شو ما كان . ................ ام حمد : ريم سيري قولي لشجون تنزل بنسير البيت . ام خالد : وين تو الناس يلسواا . ام حمد : وين تو الناس احين المغرب يالله ايام الله ماخلصت . ام راشد :ونحن بعد نستأذن يالله ياعيال . اليده : بين فتره وفتره تعالوا كلم شرات هالمره وخلنا نفرح فيكم . ام راشد :ان شاء الله يامايه حااضرين لطيبين ونحن كم ام محمد عنا وحده الله يطول بعمرها . الكل راح بيتهم .. موزه تذكرت اللي سويته فحمد ضحكت : كيف يبت هالجرأة مادري كمل الكوب كامل وشكله الضغظ بيرتفع وعيونه ستون حمر والله يضحك... ............... سلطان يالس ويفكر كيف بعرف!! ,, فكره بدقلها وقولها . شجون : الوه. سلطان : الوه السلام عليكم . شجون : وعليكم السلام والرحمه ,, اهلين سلطان. سلطان : هلا بج ,, مشغووله ؟؟ شجون : لا مش مشغوله . سلطان: انزين ياطويلة العمر واحد من ربعي في ثاني ثانوي ويبغي تقرير للعربي قتله بشوفلك ,, شجون : على حطك البارحه خلصت تقرير العربي . سلطان : عادي تعطيني نسخه له؟؟ شجون: عادي افا عليك . سلطان : انزين طرشيلي ايميلج مسج وانا بظيفج . شجون: اوكيه لك اللي بغيته . سلطان: عيل يالله بخليج احين . شجون: دقايق بيوصلك المسج وفمان الله . سلطان : مع السلامه . سلطان بخاطره :ايميلينها عندي اخاف سوتلها ثالت يالله بنصبر وبشوف . ...................... سيف يدق باب حجرة مهره . مهره : يامايه خليني ارقد دخيييلج مافيه اظهر . سيف بعده يدق بدون مايرمس . مهره : ابغيييي ارقد . سيف : بطلي الباب ياعنز . مهره : هذا صوت خالي سيف قامت وبطلت الباب ووايهة عخالها . سيف : تبغين ترقدين هااا. مهره : اهلين سيف اشحااالك ؟؟ سيف :لو سمحتي قولي خالي سيف . مهره : ولا تزعل بقول حبيبي سيف . سيف: احــــم هيه هاي حلوه اما سيف حافي بالمره ما عيبتني // انا بخير انتي قوليلي شو علومج ؟؟ مهره : اونك يعني امي ما قالتلك شي ؟؟ سيف يستهبل :شو قالتلي امــج // شو السالفه !!!؟ مهره :عليه انا ادري فيها امي وانت لا تستهبل عليه ادريبك . سيف : ليش طايح من عينج مادري ياخي احترميني انا خالج رمسيني عدل . مهره : هيه غير السالفه // انزين انته وهالشعر ,, ياخي انا ليش ماطلعت حلوه عليك . سيف : احـــــــــم من قدي // ما بحبطج انتي بعد حلوه . مهره تضحك : لا تصدق عمرك واايد . سيف : مهآآآآري يالله تلبسي بظهرج اليوم . مهره : انا قلت لامي مالي بارض اظهر . سيف :انتي قلتي لامج ما قلتي لسيف بعدين يوم سيف يقول شي تقولين تــم . مهره :لا والله مافيه الصراحه اختك تزعل مني . سيف : يالله عاد قالت تزعل لا بتزعل ولا شي يغمزلها عسب اقهر عرب خلهم يقولون سيف معااه وحده . مهره تضحك: لا فديتك مافيه حد يدعي عليه اللي فيه كاافي . سيف : صدق انكن حريم يالله تلبسي وعن الهذربان الزايد بتراااياج فالسياره . مهره : اوكيه . ........................ راشد يالس بروحه ويفكر: ادقلها ؟؟؟؟؟؟؟؟ مادري توني الا البارحه رمستها اعرف وديمه لو اليوم دقيت لها مابترد ,, حمد قالي لا تعاتبها خلها هي ترمس ,, هذا اذا رت عليه .. ادقلها احينه ,, لا لا بعدين ...... ام راشد : راااااااشد وين سرحااان ؟؟ رااشد : هــااا معااج مش سرحان . ام راشد : الله اكبر هذا كله ومش سرحان . راشد : ههه هلا امـــــري . ام راشد : مايامر عليك عدو بس كنت ابغي اعرف شو تفكر . راشد يتطااالع امه : كنت افكر فيج وقطعتي تفكيري . ام راشد تضحك . .................... سيف : يالله امري وين تبغيني اوديج ؟؟ مهره :انت قلت بتظهرني صح يالله روني شطارتك العين كلها انا سايرتها وديني بقعه ماقد رحتها.. سيف: بقعه ماقد رحتيهاااا,, وين ؟؟؟ مهره : والا اقولك شو رايك نسير بوظبي ؟؟ سيف: ذاك اليوم قلتي خلاص مابغير اسير بوظبي وكنت بوديج المارينا احين فهالوقت تبغين تسيرين بوظبي . مهره :عاادي بنسير . سيف : مافينا ع امج باكر من الصبح بوديج بوظبي وبالليل بردج . مهره : والله باكر بتوديني ؟؟ سيف : شو عايبج فيها مادري العين احلى بواايد . مهره :ادري بس تعيبني بوظبي واايد . سيف : يالله وين خاطرج تروحين اليوم . مهره : امم العين مول . سيف : مستحيييل ماشي غيره ؟؟ مهره : مبزره . سيف : مينونه انتي غيره ؟؟ مهره :اف منك عيل البيت . سيف يضحك : اوكيه البيت ,, البيت ,, تاامرين . مهره :عيل ليش تظهرني . سيف : اغير لج جو شوي واخليج تركبين سيارتي توها يديده تحذري تخيسينها . مهره : ابغي عصير . سيف : افا عليج بس عصير العشا ع حسابي . مهره : ادري ان العشا ع حسابك وغصبن عليك بعد بس احينه ابغي عصير يعني وانا فالسياره . سيف: يانذاله اللي فيج هذا كله عسب قلتلج لا تخيسين السياره . مهره تضحك :حشى محد عنده سياره غيرك ..وصلها مسج من حمدان يقول فيه : فديتك ؟ من هنا لآخر محطات الغلا لهناك .. فديتك ؟ كثر مايهوى رضيع الصدر غفواته .. فديتك ؟ يابعد كل الحروف وعلها تفداك .. فديتك ؟ يابعد بيت القصيد وكل غاياته .. فديتك ؟ بس لو تعرف وش بالحشا ينخاك .. وربي لو كشفت اللي بقلبي مت لرضااك ..! سيف :انزين مهاااري وبعد . مهره ارتبكت : ولا قبلين . ........................... سلطان وصله المسج من شجون : والله كنت واااااااثق ,, صبر احين بدخل ,,اوو هاي ردة وسوتلي بلوك ,, بسوي ايميل يديد وما بخليها تحس بالسالفه ,,, كبرت بعيني والله . ..................... راشد يدق ع وديمه وديمه غالقه تليفونها .. وديمه فحجرتها وقافله الباب عليها .. ام وديمه : وديمه فتحي الباب يابنيتي انتي من البارحه ماكلتي شي . وديمه : ما ابغي شي .. ام وديمه : حرام عليج رحمي عمرج . وديمه : زين زين . وديمه فخاطرها :آآآه يارشد ,,, مش انا اللي يعذبوني انا اقوى واذا هو قالي بعدي خلاص كلن بدربه وانا ماعاد حد يهمني وخلني اعيش حيااتي .... بس هذا.... رااااشــــد دوا جرووحـــــــي .. راشد فخاطره : بلاها غالقه تليفونها ؟؟ ماتبغي ترمسيني اكــــيد .. احبك مستحيل انساك لا تجبرني انا انساك بالقوه عشقتك والعشق هلاك لاتذبحني تعال واكسر الخطوه انا ماقدر على فرقاك ولاظني بدونك دنيتي حلوه شو رايكم بالفصل؟؟؟ ترقبوا الفصل الثاني من الجزء الخامس |
| الساعة الآن 12:17 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir