|
٠أبـرפـل واتـرڪ معاڪ قلبيـے الليـے عصانيـے وפـبـڪ ๐₪▫ الســـلام عليكـــم ورحمـــة الله وبركــاته . قريت هاي القصة في منتدى من المنتديات وعجبتني احداثها و طريقة الحوار فيها وحتى تنسيقها واشكر كاتبة القصة ˚•تـפـدوني˚•₪ على هاي القصة العجيبة والرائعة ولو اتم لين باجر اتكلم عنها ما بخلص المهم بخليكم مع القصة . . . . [ . . ~ . . تقــــــــــــدم لــكم الكاتبه :: ((˚•تـפـدوني˚•₪ )) قصه تـــــــلامس حياه مراهقــــــه في مقتبـل العمر قصه بتنجرفــــــون واتعيشون مواقفهـــا الصعبه * السهله *السعيده * الحزينه * الممله * المشوقه ... طبعا أنـــــا ما أقـول إن كلكم بتحبونها بس آمـل إنها تعجبكم وتدش خاطركم وألقى تفاعلـــــــكم وياي إيجـابي مو سلـبي ... أبرפـل واترﮎ معاﮎ قلبيـﮯ اللـﮯ عصانيـﮯ وפـبک ₪٠ ●₪ ما بطول عليكم بثرثرتي وبخليكم ويا البدايه ...*_^ أحبـــكـ نعــم مــرهـ نعــم ثنتيــــــن نعــم ألفيــــــــن نعــم مليـــــــون .. نعــم .. أحبــــكـ .. لو يصيــر الكـــون حــــــاسد .. وعــــاذل .. ومجنــــــون .. انا روحــكـ .. انا بـــوحكـ .. انا اللي في هــواكـ اهيـــمـ .. وابني عــالي صــروحكـ .. انا صدقــكـ .. انا ظنــكـ .. انا المقتــــول في دنيــــاكـ .. وغيــري ما درى عنـــكـ ... (((الجــــــــ.....زء الأول....))) ((تك تك تك تك تك )) :قوووووووومي بدروووو وصمخ قومي يالله .. أناوعيوني امسكره من الرقاااد : أفففففففف يا كرهي لهالكلمه خاصه ع الصبح ... ياربيي مـتـى برتاااح رحايل اتعلي صوتها: بدرو نشي يالله مدرسه نشي يالله يالله . عليـت صوتي : انزييييييييييييييييين انزين قايمه عافان الله . (ورديت أتلحف باللحاف زين ) أنا :بس خمس دقايق راحه . ( رقدت ) ... (مرت سـاعه) رحوول : بدرووو يالله الباص برع . فتحت اعيوني علآخر وربعت صوب الحمام اتغسلت وخلصت وفتحت الكبت وظهرت لي ملابس المدرسه وتلبست مالسرعه سرعه وبطلت الباب . رحول : يالله روحي روحي . رديت ورى جني اتذكرت شي : أووووووه ما صليت . رحول : في المدرسه في المدرسه أحين يالله اربعي الباص يتريا من ساعه . طلعـت برع .:بالمدرسه الاخـت تقول .. اسمعو الرمـسه بس انتو .. أففففف والله لوعه يا أخي محد يحس فيني أكره شي إسمه مدرسه ياناس والله أكرهها أفف . ( ركبت الباص ورحـت آخر كرسي المكان المعتاد ) شفت شمووه : هلا شمه . شمه : أهلين شو ليش متأخره خليتينا انموت حر . أنا : شموو مالي بارض أرمـس.. يععع أول يوم بالأسبوع دايما مقـرف. شمه : هههه حرام عليج مب لهالدرجه المدرسه كريهه. طالعتها بنص عين : جب جب يالدحاحه ..( وأشرت عالكتاب) يالله دحي دحي كلي الكتاب واكرفي عمرج . شمه : انزين خلاص بسكت . (صخـينا وتمــيت أطالـع بـرع) وصـلت ..~ .. حـسيـت الزمـان اتـوقـف لحـظه }~* لحـظـهـ أنتـظرهـا كـل يـوم .. لحـظـهـ بس لحظـهـ للأسـف مب لحظـات .. وقف الباص وقـف قلـبي وياه .. ركبت هدى وكان {عادل} توه ظاهر من السياره جفته لمحـتهـ و قلبي يرقع بقو ما قدرت اجحل عيني بشوفته عدل لأن الباص روح حطيت راسي ع ورى وسندت راسي بالكرسـي واتنهدت بصوت عالي ) شمه كانت اتراقب الموقف وقطعت علي أفكاري والمـشاعـر اللي اجتاحتـني : بدريه انتي وبعدين وياج لي متى يعني .؟ أنا امغمضه اعيوني وثابته على نفس الوضعيه: شوو اللي هو لي متى ؟ شمه : أظن كلامي مفهوم ها واحد خايس قليل الأدب خليه يولي . أنا بقله حيله : ...( سكتت وبعدين قلت ) : أدري بس شو أسوي والله إني أحبه وبعد ما أرض تتكلمين عنه بهالطريقه . شمه :شو ترضـين ما ترضـين بدريه .. والله ما يستاهـل كـل هذا ..!! أنا : شماني لا تحبطيني أنا ابروحي تعبانـهـ وشـالهـ همي .. شمه وهي اتسكر كتاب الفيزيا : وبعدين يعني ؟ شو بصير لي متى بتعلقين حياتج ف هذا بدروو والله انه ما يستاهل . رصـيت ع سنانـي : ها قلـبي.. اخـتياره هوو.. مب اخـتياري وخلاص شموه سكري الموضوع . شمه ترد تفتح الكتاب : كيفج بس صدقيني انتي اللي بتتأذين ( سكـتنا اثنناتتنا ) أنا ف خاطري : والله أحبه ..( غمضت عيوني أتذكر ملامحه ) شعره الطويل الأسود الناعم اللي يوصل لجتفه أول مره أجوف ريال شعره ناعم شراته ..كلهم شرات الليفه بس هو غير سمارته غير شكل وأحلى ما فيه غمازاته واااااااي تذبح، صدقوني لو جفتوه بتتخبلون خاصه يوم يبتسم... أحس شي غريب مو من عادته الابتسامه كله جاد حتى نادرا ما يبتسم مدري ليش يخبي غمازاته الحلوه الابتسامه اتجمله أكثر اعيونه … اتنهدت بصوت عالي ناسيه عمري : آآآآآآآآآه عيونه . شمو وهي فاجه عيونها : بدروو شوفيج اليوم .؟؟ صحـيت فجأه : ماشي ماشي .. رديـت لوضـعيـتي : وين كنا هيه عيونه ..آآه قلت عيونه هالشي الوحيد اللي ما أقدر أشرحه لكم مادري أحس فيها مكر شي خبث حتى شكلها توحي بهالشي عيونه اتقولون صقر ما شالله بس هي الشي الوحيد اللي ما يعيبني فيه أحس فيها مكر وخبث وشي ..شي مدري شو أقولكم بس اتخوف واايد . شمه : حووووووه يالله نحن آخر الناس وصلنا المدرسه . لاعت جبدي : أففف والله متى أفتك من هالأرف . شمه : آخـر سـنه هاي اتحمـلي وشدي الهمـه . (( للمعلومات تراني ما خبرتكم عن نفسي أنا بنيه ف ثانويه عامه ، المهم أدري بتقولون هاي تحت فالدراسه يعني حدي الستينات بس لاء معلوماتكم غلط×غلط أنا شاطره نص نص.. حلوه لاه يعني في مواد أييب فيها ثمانين وفي تسعين وفي سبعين وبس عمري ما طبيت الستين ولله الحمد خخخ أوني عاد بس كرهي وموتي المدرسه أكرههاااااااااا وأكره المدرسات جميعا بلا استثناء أنا ساكنه ف بيت فلّه بس طابق أرضي يعني مو طابقين بيتنا يتميز بوسعه واايد وسيع و محوط بشير من جميع الأنواع يعني أول مادشون البيت بتتحرونه غابه أدري بتقولون بيتهم كبير وباص ما تركب أو يمكن ما تقولون المهم .. صحيح أبوي عرض علي إني أركب دريول بس أنا رفضت تدرون ليش عشان أسولف ويا شمه وأشوف عادل على راحتيه أدري لو سرت بالسياره ما بجوفه لأن درب المدرسه غير عن درب بيتهم... المهم أبوي الله يحفظه مب امقصر ويانا بشي صح ما يسكن ويانا يقعد ويا حرمته الثانيه بس أبدا ما احتجنا شي .. أمي توفت الله يرحمها ويغمد روحها الجنه من ثلاث سنوات بحادث سياره عندي ثلاث خوات رحايل أكبر عني بثلاث سنوات كانت ف التقنيه تدرس من سنتين وقفت كورس عشان سفر أخوي وبتكمل السنه اليايه وأحين قااعده ع جبدي مثل ما جفتوها و إختي قصايد أصغر عني بعد بأربع سنوات يعني ف صف ثاني عدادي أحين . ما تلاحظون اسم خواتي حلوين إلا أنا أونه بدريه وهم رحايل وقصايد يالله شو نسوي اهم شي اسمي يدلع ..خخخ.. المهم خلنا انكمل أخوي حارب العود أكبر عني بست سنين يشتغل بآدنوك وأحين مسافر تعالو شوفو حجرته، غاديه صاله حديد مع انه في غرفه مخصصه للحديد بس بعد حجرته مو امقصر ابها متروسه أثقال مثل ما تتخيلون أخوي ضخم بعضلاته بس وااايد كول البنات يموتن عليه بس هوو ما يعطيهم فيس تدرون ليش أنا الوحيده اللي أدري لاتخبرون حد أوكيك حاط عينه على وحده من ارفيجاتي اتعرفون منو ؟( حصه) ايمووت عليها مدري كيف جافها بس أونه روميو يرني لحجرته وقفل الباب ..وأذكر هاياك اليوم كنت ميته من الخوف اتحريته عرف إني أحب عادل بس طلع الأخ يبي يستفسر عن حصوه أونه يباني أطرش لها رساله.. لو درت حصوص جان تفّلت ع ويهه خخخخ بس الحمدلله أنه استشارني بالموضوع أول قبل لا تستوي الفضيحه.. لحد الآن أخوي متحرقص يتريا لي مانخلص الثانويه عشان يخطبها سيده .ههه المهم وعندي أخو أصغر عني بخمس سنوات واللي هو نهيان هذا شو أقولكم عنه .. طال عمركم أنا الكبيره اللي فثاني ثانوي طول وعرض مو تارسه عين أبوي ولا أخوي راحو يعطون الصغير اللي ما يفتهم بعده بالروضه موبايل ولا مو أي مو بايل قيمته ألفين وثلاث اميه هاللي حارني وامخليني أموووووت غيض وقهر المهم الأخ نهيان أول ما ستلم الموبايل ع طوول صوب أخوي حروب عسب يعلمه عليه ويحفظه الرقم كاااااااااااااااااااااات اب اجووووف الردووووووود |
حلوه الرواية نبا بارت ثاني |
لحد الآن أخوي متحرقص يتريا لي مانخلص الثانويه عشان يخطبها سيده .ههه المهم وعندي أخو أصغر عني بخمس سنوات واللي هو نهيان هذا شو أقولكم عنه .. طال عمركم أنا الكبيره اللي فثاني ثانوي طول وعرض مو تارسه عين أبوي ولا أخوي راحو يعطون الصغير اللي ما يفتهم بعده بالروضه موبايل ولا مو أي مو بايل قيمته ألفين وثلاث اميه هاللي حارني وامخليني أموووووت غيض وقهر المهم الأخ نهيان أول ما ستلم الموبايل ع طوول صوب أخوي حروب عسب يعلمه عليه ويحفظه الرقم << المهم بخبركم شي سر ..أخوي مغازلجي .. شفتو كيف ها الياهل أونه مغازلجي ها كله مـن رفقاء السوء حمدوووه ولد الييران اتعرفون شو سويت فيه يوم عرفت ..~ يوم يا بيتنا ويا نهيانوه زخيته وسـويتله فلم رعب خخخخ باستخدام القناع الله يخليه ..~ هيي ترى قصدي شريف انزين أنا ما أخوف يهالوو تراني .. بس حمدووه ~ إحـم .. الله يعيـن بس يوم يكبر هو ياهل وجي عيل كيف يوم يكبر .... أما عن خواني الثانين اللي هم من أبوي بنتين توأم باول ابتدائي وهذا باختصار حياتي..) ( نرد للواقع ) بدريه : شماني شو علينا الحصه الأولى . شمه : علينا جغرافيا . بدريه : أخ لا جغرافيا ؟ شمه : هيه حبيبتي وإذا ما حضرتي حسابج عسير أبله هند بتطردج لاتتحرين ما أعرف اللي تفكرين فيه هاا . بدريه : أحسن والله أنا أتمنى الطرده أصلا . شمو : هههه بدرو شو هالنفس الخايسه تونا بدينا الدراسه . بدريه : سكتي واللي يرحم والديج جنه إزرايل الموت ياني مب المدرسه . شمه : خيييييييييييييبه أبوي انتي الوحده اللي بتقعد وياج بتتعقد . بدريه : بتتعقد قالت ...إلا بتتنحر . شمه : ههههه الله يقطع سوالفج بدرو يالله ( وهي اتحطي الشنطه ع الدرج ) حليتي الواجبات . بدريه : لاء أي واجبات بعد طلعي حبي خلنا انشوف هالمواد السم . شمه : علينا واجب عربي و أحيا . بدريه : زين طلعي بنقل منج . شمه وهي اتطلع الكتب : أقوول انتي اكتبي وأنا بظهر بتمشى . بدريه : ويا منو ؟؟ شمه وهي تبتسم : ويا هيدو . صديت ابسرعه صوب شمه : شوووووووو؟؟ شمه ضحكت : ههههههههههه أتمصخر أتمصخر خيبه اطاعو ويهها . بدريه : شمووه يالجلبه يايه تستويلي سكته قلبيه . شمه وهي تطلع برع : ههههه بروح ويا قووم مهرو . بدريه : أوكيك أنا لاحقتنج . ::: أكيد اتقولون منو هاي هيدو هاي إخت حبيبي عدول هدى نحن انسميها هيدو وكلهم يدرون إني أحاول أتقرب منها عبالهم أحبها بس هم ما يدرون إني أتقرب منها عشان أخوها هههه بس ابصراحه هيدو ابنيه فلقه يعني حلوه هي ما تشبه عادل فديت روحه بس ماخذه عنه شي واحد اللي هو غمازاته ..هيدو بيضه شعرها قصير واصل لجتفها لونه أحمر ناري وعيونها ماشالله.. أحلا ما فيها اعيونها اللي اتذكرني فحصوه اعيونها جي لو شفتو هيدو وحصه بتتحرونهم خوات للشبه امبينهم بس حصه برونزيه واااااااايد حلو عليها البرونزي الصراحه .. . الحمدلله خلصت الواجب خلني ألحق عليهم قبل لا يدق الجرس : ظهرت من الصف وتميت واقفه ادور ابنيه تظهر وياي :::: أنا أكره شي عندي أمشي بروحي ف الساحه أحس قفطه ...... هيه هاذي جواهر :::: أنا : جوااهر ...جواااهر .. جواهر : هلا والله شخبارج بدروو ؟؟ بدريه : والله تمام وانتي اعلومج ؟ جواهر : والله كل شي تمام ..ها تبين شي ؟ بدريه : لو سمحتي جواهر ممكن اتوصليني صوب قوم مهروو ؟ جواهر تبتسم : أفاا عليج انتي تامرين بس . مشينا ..,,~ أنا : جوجو ويـن قوم زنوب ما ينشافون صار لي مده ما جفتهم ولا يدقون عافان الله.. جواهر اتغير شكل ويهها : بدرو تدرين خوله وزنوب ومريوم صارو غير . استغربت :كيف يعني غير ؟؟ جواهر : صارو متكبرات علينا أنا وأمون ولا جنهم يعرفونا وتصرفاتهم.... أحس غييير . انصدمت : كيف يعني اتحسين غير .؟ جواهر : صارو مادري كيف يمشون غير ويسوون حركات ويعيبون عالبنات جنهم فووق ونحن تحت ووو ... ووو.. أنا : ووو شوو؟ جواهر : شفتهم يدوخون زقاير مره فالحمام . حطيت إيدي ع حلجي أمنع شهقتي فجيت عيوني ع الآخر معقوله زنوب الهاديه وخولو اللي مايخصها بالدنيا ومريوم آخر وحده افكر انها تسوي هالحركات !!!!!!!! أنا بصدمه : بس كيف مـتى ..؟؟ متى استوى كل ها ؟ جواهر : من يوم ما تعرفو على نوره ..~ أنا: نوروووه .. من متى ؟؟ جواهر : بدريه ما أعرف ما أعرف ..~ شكلهم أصلا ما يحضرون المدرسه .. أنا : أنا أقول جي بعد مستحيل ما ألاحظ عليهم هالتغيير .. بس دامهم ويا نوره لازم يصير شي غلط بالسالفه . دق الجرس .. أنا : أفففف شو هالحاله .. (صديت صوب جواهر ) حصوه تعرف ؟ جواهر : ما أظني . أنا : مستحيل اتكون اتعرف ولا لعنت خير نوروه جواهر : ههههه هاي هي حصوه ماتتغير . أنا : ما عليج تربيتي .. خخخ جواهر : هههههه خل تسمعج بس ..عالعموم أنا بسير الصـف ..أكيد الأبله هناك أحين . أنا : سوري عطلتج . جواهر : لا عادي .. بالعكس أنا اللي عطلتج . أنا : عادي تيك إت إيزي .. ما بحظر أساسا .. جواهر وهي ترد ريوس : ههه انتي ماتغيرتي بعدج لغايا .. أنا : بدريه المعهوده طال عمرج ليش أتغير عايبه عمري أنا أحبني .. جواهر : ههه عافان الله الحمدلله والشكر .. أحبني قالت .. وطلعت .. ضحكت ع رد جواهر .. ::: وين أروح أحين بسير أوايق من هني .... وي وي وي شو اتسوي الاخصائيه بالصف ؟؟ يا رب بس الأبله ما حست فيني لالا ما أظن خلني أروح فوق أحسن ... .....: بدرووو شو شارده من الحصه ؟؟؟؟ صديت ابسرعه اسكتها : اششششششششش يالهبله . حصه وهي اتخفض صوتها : شو عندج شارده ها ؟؟؟ انتي وبعدين وياج بعدنا ما كملنا سبوع ع بدايه المدرسه مالحقتي تشردين . بدريه : جب جب انتي اشلج مايخصج . حصه وهي تشهق واتعلي صوتها : أنا مايخصني يالهبله انتي يالـ ... مسكت حلجها أسكتها عاد هاي حصوو محد يسكتها ولا حلجها بينطر من صريخها . أنا : اششششش انتي وبعدين وياج يعني... شو عليكم ليش طالعه من الحصه . حصه وهي تبتسم : السبب اللي انتي ظاهره عشانه . أنا : لا والله يعني حلال عليج حرام علينا . حصه : ههههههه بدرو الخايسه انتي اتعرفيني أنا راعيه شردات ... أحين أنا حصوه اللصه الحلوه تودر الشردات نوووو وي إمباسبل حبو . ضحكت على رد حصوه هاي البنيه عمرها ما بتتغير لهالسان اشطوله واللي امحلنها جمالها رهيب ما ينلام أخوي حّروب فيها والله سألتها : ومتى حظرتج بتشرفين بيتنا رحوول تسأل عنج ::: أوني عاد بس عشان أخوي حرّووب إحليله هايم في هواها وهي ماتدري عن هوى داره أخوي شراتي أحب عادل وهو مايدري عن هوى داري ::::حصه : هههه فديت رحوول أنا وناسه هالانسانه خلاص ما عليج بشوف أخوي إذا بحدر بيتكم اليوم . ابتسمت : هي تعالي :::: اتذكرت أخوي امسافر ومابيرجع إلا الخميس ::: : لا حصوص تعالي لنا يوم اليمعه أحسن . حصه : لا احتمال ما أقدرأيي . أنا : ليييييييييش حرام حصووو ولهانه ع سوالفج البايخه . حصه : مالت عليج أنا أحين سوالفي بايخه يالبايخه . ضحكت صدج ع ردها : ههههههه فديت حصوصه أنا أتمصخر والله ها شو حاولي اتين اليمعه بييب فلم شاهد كابور ,. حصه مستانسه : والله عيل خلاص بتم أرن على أخوي و أطفر به لييين ما يطيع ايوديني بيتكم . أنا كنت أدري إنها ما بترفض لأنها تمووووووت ع شي إسمه شاهد لو درى حارب جان سافر الهند وارتكب فيه جريمه خخخخ : يالله عيل سي يا ذن . حصه : يالله بايو تيك كير ها . أنا : يوتو باي . ::: رحت عنها شو أسوي أحين لفتت نظري غرفه كانت دايما مقفوله من أول مادشيت المدرسه كانت مقفوله تجدمت عشان أستكشف المكان أوني عاد المحققه كونانه .. ماتركب لاه .. المهم تجدمت وفتحت الباب وطلع صرير الباب جنه باب جدييييييييم .. ويه فلم رعب هذا غمضت عيوني لأن الغرفه كانت بااارده وامظلمه فتحتها شفت كل شي ظلام رفعت إيدي أدور ع مفتاح اللي يشغل الليت دشيت داخل وبدون قصد رديت الباب بس تسكر زغت خفت أويييييي كل شي ظلام .. اميي ها بدايه أفلام الرعب دايما .. رفعت إيدي أبي أمسك مقبض الباب كنت صدق خيفانه ما ينفع الهبل أحين .. ...مسكت مقبض الباب ضغطت عليه أفتحه ما تبطل زغت تميت أضغط عليه بقوه وأحركه فوق وتحت سرعه سرعه خفت صدج زغت حتى إني دمعت من الخوف تميت أدق الباب ابقوو : هييييييييه منو برع طلعوني من اهني... ((انتهى البااااااااااااااااااارت )) أولا : أبي رايكم بالقصه .. بس شو رايكم بالبارت الثاني ؟؟ ثانيا: شو رايكم بشخصيات القصه ؟؟؟ وأي شخصيه عجبتكم ؟؟والسؤال الأهم : شو بيصير ببدريه ؟ بانتظار ردودكم وتوقعاتكم ...*_^ .................................. |
اقتباس:
ثااااانكمس حبوبه ع الرد |
رووووووعه ترتووب الصرااحه.. |
(((الجـــــ......زء الثا....لث ))) ولهت في لحظه عليك و قمت أسافر في((.. ذكــــــــريــــــاتـــــــي..)) تذكرت لك معي وقفات خلتني ابتسم ((.. مــــا أحـــــــاتـــــي ..)) أنت بطيبة روحك تملك الناس و بطيـبــــتك تمحي كـــــل ((.. معانـــاتــي ..)) فـي الجـزء الأول ..~* رحت عنها شو أسوي أحين لفتت نظري غرفه كانت دايما مقفوله من أول مادشيت المدرسه كانت مقفوله تجدمت عشان أستكشف المكان أوني عاد المحققه كونانه .. ماتركب لاه .. المهم تجدمت وفتحت الباب وطلع صرير الباب جنه باب جدييييييييم .. ويه فلم رعب هذا غمضت عيوني لأن الغرفه كانت بااارده وامظلمه فتحتها شفت كل شي ظلام رفعت إيدي أدور ع مفتاح اللي يشغل الليت دشيت داخل وبدون قصد رديت الباب بس تسكر زغت خفت أويييييي كل شي ظلام .. اميي ها بدايه أفلام الرعب دايما .. رفعت إيدي أبي أمسك مقبض الباب كنت صدق خيفانه ما ينفع الهبل أحين .. ...مسكت مقبض الباب ضغطت عليه أفتحه ما تبطل زغت تميت أضغط عليه بقوه وأحركه فوق وتحت سرعه سرعه خفت صدج زغت حتى إني دمعت من الخوف تميت أدق الباب ابقوو : هييييييييه منو برع طلعوني من اهني > > : منو اللي بيسمعني أحين محد من البنات يمر اهني وابويي تميت أدق الباب بقو وأزاعق وأزقر اسم حصه : حصه ...حصصصصصصه شموووووووه منو برع ( وأنا ميته خووف وأرتجف وصوتي بدى يخونني ) شممـ ...مو ..قعدت عالأرض مادري شو أسوي تذكرت سالفه البنيه اللي انقفل وراها الباب بالحمام وحصلوها ميته .. وقـفت وتميـت أصاارخ : شموووووووووووه .. منوو هنـيي سخيت يوم سمعـت حس حصوو .. صرخت: حصوووووووووه .. وبديت أدق الباب بقووو .. .. حصـه : هي شيخووه حد يصارخ ..!! شيخه : اميي حصوه قلت لج ما نيي فوق حصه : عيل تبين يزخونا تحت ونحن شاردين .. هااا سمعتي الصوت أحيـن حد بالغرفه هاايك أنا متأكده . شيخه : حبيبتي أنا بنزل ويصير اللي يصير ابروحي ميـته خووف .. حصـه انزين سيري بكيفج لا تقوليلهم إني اهني .. شيخه : أكيد شو أبا فيج . .. .. .. ويـن راحت .. أنا متأكده سمعت حس حصوه .. ...: حد هنـي .. حوووه أنا : حصووه هاي انا .. بطلي الباب . حصه : منو أنا ؟ أنا : بدريه .. انقفل وراي الباب بطلي يالله .. حصه : شو ظمني انج مو ينيه وانج بدريه .. بدريه : افف حصوووه والله اني بموت بختنق فايجه تستجوبيني . حصه : هي هاي انتي صح .. اتبطل الباب .. غمضت عيوني من الشمس .. حصه : هاي نقزت فوقها أحضنها : فديـتج حصوص والله انج ونعم الصدوق .. حصه :ههه خوووزي عني حمارووه عن حد يجوفنا ..تبين تفضحيني.. ضحكت :ههههه انتي بروحج فوق شو تسوين ؟ حصه : هاي شوّووخ الحماره .. ترى أنا وياها شاردين .. وما نباهم يزخوونا ركبنا فوق . ... .. . أنا : وينها عنج عيل ؟؟ حصوه : شردت تتحراج ينيه شي جي .. أنا : ههههه ينيه ؟؟ والله اتضحكني هالبنيه . حصه : حبيبتي بسير أجوفها أحين أخافها اتسوي شي وتفضحنا ويا ويهها .. أنا : ههه زين عيل .. بس هالحصه الكم ؟ حصه : الحصه الكم ؟؟ شو هاي بعد .خخخ ضربتها عالخفيف : جب انزين حراام حد يغلط يعني . حصه : ههه هاي الحصه الثالثه يا راعيه الحصه الكم ؟ أنا : الحصه الثالثه .. أبي .. يارب شموو تتصرف . حصه : ما عليج شمامي أعرفها أنا .. بتقول انج غايبه . أنا : مادري فيها والله . حصه : أوكي أنا بنزل أحين . باي . انا : باي .. أترياج فبيتنا ,, حصه تلوح بإيدها وهي تمشي : بجووف . نزلت ..~ و رحت صوب صف هيدو مدري ليش رحت اهناك يمكن لأنها من دم عادل... مدري شفتها قاعده ترمس اربيعتها شافتني جان اتسويلي باي باي من بعيد ابتسمت لها لأن الأبله شافتها فرحت عنها عشان ما أسويلها مشكله دق الجرس وصم أذوني طلعو كل البنات من الصفوف جنهم يتريون الفسحه عشان يفتكون هههه محد يحب المدرسه.. أحين عاد بيبدأ الجو كل ابنيه من عاشر تمشي ويا وحده من ثاني وثالث ههههه يالله أنا بعد اليوم بتمشى ويا هيدو اترييت أبلتهم لي ما تطلع ظهرت وأول وحده ظهرت وراها هيدو ابتسمت ف ويهها وردت لي الابتسامه سلمت عليها . أنا : هلا والله بالحلوين . هيدو : ههه أونج حركات .. أنا : هههههه يالله نمشي ولا تبين تقعدين اهني . هيدو : لا شو يالله مشينا بس بغيت أعطيج شي بالأول . أنا : شووو .؟؟ قالت : اتريي دقيقه ( ودشت داخل وظهرت وهي ماسكه ورده ) هيدو : هاي عربون صداقتنا . ابتسمت ف ويهها : ليش امتعبه عمرج ماله داعي . هيدو : ليش مب حلوه الهديه ؟؟. رديت ابسرعه : لا بالعكس واايد حلوه خاصه أنا أحب الورد الأبيض مشكوره فديتج . هيدو : العفو .. أنا : يالله هيدو سيرينا . هيدو : يالله . مر وقت ونحن ساكتين ما رمسنا بس نتمشى ونسلم ع بنات مليت من الوضع وحبيت أكسر حاجز السكون امبينا . أنا : شو عليكم الحصه الرابعه ؟؟ هيدو: مادري والله يمكن رياضه . قلت : رياضه .. زين فاضيين يعني . هيدو : يب ما حصلت سالفه أرمس فيها صخينا ...مرو حذالنا قوم زنوب وخولو ومريوم.. مدري أنا الغبيه كيف مانتبهت لهم كيف ما عرفت التغير اللي صابهم .. كانو يطالعوني من بعيد بنظرات خبيثه يطالعوني من فوق لتحت جنهم يفصلون فيني تضايجت من هالحركه وقلت حق هيدو انروح الصوب الثاني أنا : هيدو عادي لا لو يينا هالصوب . هيدو : هيه عادي . أنا ماحبيت ردها حسيت نبرتها اتغيرت : شو فيج؟؟ اطالعتني وابتسمت : ولا شي . حبيت أتأكد : أكييييييد هيدو تراني أعرف يوم تتضايجين . ابتسمت : لا والله بس كنت سرحانه شوي . ابتسمت عاد أنا موتي الفضول فضوليه بشكل لا يوصف : سرحانه فشو ؟ هيدو :ها ... لا ولا شي بس كنت أحاتي امتحان أمس الأبله بتوزع الأوراق اليوم . مادري بس ساعات أحس إني أستغل هيدو لأني ما استويت اربيعتها إلا عشان أخوها عادل قلت لها : لا ما عليج ان شالله الدرجه زينه وإذا كانت مب شي عادي بتتعوض إن شالله . هيدو: أن شالله . دق الجرس صديت أجوف هيدو جنها ما تبي الفسحه اتخلص أنا طبعي أحلل الناس مادري بس حسيت أنها تبي اتقولي شي بس ما قالت أنا : سوري هيدو ما خليتج تشترين شي . هيدو : لا عادي . أنا : لا والله سوري ما عليه بشتريلج جلكسي ع حسابي . هيدو : لا والله ماله داعي . أنا : لا مايصير تتمشين وياي ع حساب بطنج ما يصير باخذ لج جلكسي ولا تبين شي ثاني . هيدو : لا عادي جلكسي حلو . قلت : تمام عيل اترييني اهني أنا بوصلج الصف . هيدو ابتسمت : أوكيك . صديت صوب المقصف فجيت اعيوني أحين أنا كيف أدش اتقولون البنات ما شايفين خير صديت صوب هيدو وعلامات الصدمه ع ويهي من المشهد فقالت هيدو : ما يحتاي بدريه تعالي . قلت لها باصرار : لا لا اتريي أحين بدزهم كلهم . وفعلا دخلت بين البنات وقوه زووور وصلت وشريت خمسه جلكسي لاتقولون بل ..المهم طلعت بصعوووووبه ورحت صوب هيدو اللي تمت تضحك هيدو : هههههه والله بنات المدرسه حاله .. مديت إيدي أعطيها ثلاث كاكاوات جلكسي : إندوج إذا ما خذتيهم بزعل . هيدو : بدووور لا تقولين جي . وأنا ماده إيدي بعدها : خذيهم يالله . شلتهم عني ومشينا لي ما وصلنا صفهم وقفت أودعها أوني عاد : يالله هيدو أجوفج ع خير . هيدو : بدور سوري أدري مليتي اليوم مني موول مارمست . قاطعتها : شو ها الرمسه ماعاش من يمل منج والله . هيدو ابتسمت وباستني ع خدي ودشت داخل الصف ابسرعه أما أنا تميت فاجه عيوني من حركتها انصدمت صراحه تميت واقفه اشوي أحسس عمري إني ما أحلم ومشيت صوب صفنا يعني شو تفسير هالحركه حسيت بجزز بس قاطع أفكاري صوت مريوم مريوم بنظرات : من ورانا ها من ورانا بدروو .(( شكلهم شافو هيدو يوم باستني أخييييييج شو يفكني أنا أحين)) صديت صوبها متجززه منهم عالتصرف اللي سووه من ساعه : لا من جدامج طال عمرج . ويو من وراها خولو وزنوب خوله : وييييييييه طلع لج السان بدرو صرتي اتراددين . قلت لها وأنا قاصده أحرجها : وانتي بعد هه اتصيعتي أجوف . ::: فجت عينها عالآخر جنه ما عيبها كلامي إلا أكيد ما عيبها كلامي ::: زنوب : انتي إيييييييييه منو تتحرين عمرج ها . نفخت صدري واطالعتهم من طرف عيني وأنا رايحه الصف : شيييختج وشيخت اللي وياج عمري. سمعت زينب اتصارخ أونها ترادد وسويت لهم حركه بإيدي إني مب متفيجه ماتوووووووووووووووو غيض وقهر وهاللي أباه يقولون الحقران يقطع المصران ههههه دواهم عشان مايفكرون يطاعوني هالنظرات مره ثانيه شو يتحرون مثلا بخاف من هالأشكال اتخسي إلا هم ماحصلت أخاف من خولو ولا زنوب ولا مريوم الطفسه .وخرت عني هالأفكار ودشيت كنت متأخره عالحصه وحصلت بعض الهزاب.. ::: وجي مرت الحصه اتلوع بالجبد والكل كان ملان دق الجرس وظهرت الأبله وأنا أدخل الكتب ف الشنطه يتني شمه :: شمه : وين كنتي بدروو ليش ما قلتيلي بتشردين بس عاد ثلاث حصص قويه شوي هاي. ::: ما رديت عليها ما أقدر أخبرها باللي صار فقلت لها ::: أنا : محد قالج تظهرين ويا قوم مهرو... حصوص كانت شارده بعد . شمه : والله . أنا : هيه ...شو علينا أحين ؟ شمه : كيميا . أنا : أخ لا شوهاللوعه . شمه : لاتخافين حبي أبله نوره ربت . طرت : قولي والله . شمه : هي والله ربت . نقزت مستانسه يعني باجر بعد ما بندرس كيميا الله ظهرت برع وتمينا أنا وشمو انسولف مرينا صوب صف هييدو كم مره وهي كانت كل مانمر تطالع صوبنا والأبله من داخل تحتشر المهم مرو الحصه السادسه والسابعه ودق الجرس وأخيييييييييييييرا عالبيت دخلت الكتب بالشنطه وطالعت شمو ::: أنا : باجر علينا امتحان ؟؟ شمه : لاء بس حفظ الحديث . أنا : فكككككككه . شمه : يالله عن الباص يروح . ::: ظهرنا أنا وشمه ونحن فالدرب اتقابلنا أنا وقوم زنوب وقفو وتمو يتطالعوني نظرات احتقار وأنا مشيت وبادلتهم نظرات أحقر وحبيت أستفزهم يا حبي أنا للاستفزاز ::: قلت وأنا أعلي صوتي : شمووووه ما سمعتي أخر خبر . شمه احليلها ما تدري شو السالفه : شوو ؟؟ قلت : آخر زمن بنات صايعات أونهم أونهم يتحدوني.. ولااا بعد مب أي بنات صااااايعات :: وركزت على كلمه صايعات ::: شمه فاجه عينها : بدروو خسج الله قصري حسج . ::: أنا ما كنت مهتمه ف شمو كان همي أشوف رده فعلهم.. صديت ورى إلا ويهي اتكهرب مسكت مكان الكف ورفعت راسي أجوف اللي مدّت إيدها علي ... . . . . . . . كانت مريم هاي شكلها راس الشله ...تخبّبلت صدج طلعت عن طوري محد مد إيده علي بحياتي.. إتي هاي الطرطوره وحده من الشارع تعطيني كف ماستحملت قمت أكفخها وأير شعرها وأشمخها بأظافري مدري شو صابني بس كان مليون شيطان راكب راسي هاياك الوقت.. ما حسيت إلا بحصوص اتفجني عن مريوم وادزني بعيد ::: حصه : بدريه شوها ؟؟ أنا عدلت قميصي وشيلتي وطنشتهم كلهم خلهم يولون.. كانت حصه تزقرني عشان أتفاهم ويا الشله بس أنا رحت عنهم طنشت الكل حتى شمو رحت عنها مشيت وسيده ركبت الباص وجفت مكاني محتل رحت صوب البنتين اللي قاعدين هو أنا متفيجه لهم بعد هاييل ::: أنا بعصبيه : لو سمحتو قومو مكاني هذا . وحده من البنات أظني اسمها موزه : انزين نحن يينا أول . أنا ما حتملت وعليت صوتي عليهم : شو انتو ياين أول أقولج هذا مكاني يالله شلي عمرج واذلفي ... ::: جفتهم صاخين يطالعون بعضهم البعض مستغربين ماحتملت برودهم ::: أنا بصوت أشبه بصراخ : يالله يالصمخه انتي وياها . قامت موزه : انزييييين عافان الله شو بلاج كلتينا مب مكان هذا . سكتت عنها إذا تكلمت والله ما أخليها بروحي الضغط واصل خشمي قعدت بعصبيه وقمت أطالع برع الدريشه كنت قاعده أفكر فمجريات اليوم .. حصه – الحجره اللي نحبست فيها – شموه – مريوم – الكف – والباص.. . . وما حسيت إلا يوم جفت {عادل} نازل من سيارته وماسك نظارته الشمسيه تملكني إحساس.. غيّر كل الغضب والعصبيه.. راحو عني واحتل الشوق والوله لهالانسان محلها .. يا ربي اشكثر أحبه أموووت عليه والله ولهانه علييه موووووووووووت.. تمنيت أتم أتأمله.. بس هالباص الخايس تحرك ومت من القهر حسيت إني أبا أقوله عن احساسي أبا أقوله إني أحبببك وأمووووووووت فيك آآآآآآآآآآه .. وصلت البيت وحسيت إني مستانسه من شفت عادل وحالي انقلبت صرت وحده ناسيه كل شي ما يهمني إلا هو تدرون آآآآآآحب هالانسان والله أحببه نطيت ع شبريتي وأنا أحلم بهالانسان قمت ورحت الحمام وبدلت وصليت الظهر وعفدت عالشبريه وحظنت دبدوبي تدرون هالدبدوب هيدو عطتني إياه بس مدري ليش أحبه هالكثر أتخيل إنه من عادل تميت أحظنه وشميته ...امعطرتنه بنفس العطر اللي يستخدمه عادل عشان أحس أنه وياي بكل وقت ورقدت وأنا أفكر فيه وفي حبي له.. وبالأيام اليايه .. والأحداث اللي بتصير ::: ......... (( انتهـى الباااااارت )) شو ان شالله عيبكم البارت ؟؟ وشو رايكم تعتقدون بيصير شي بين عادل وبدريه ؟؟؟ وشو بيصير ويا الشله الفاسده ؟؟؟ بانتظار تعليقاتكم وردودكم *_^ ......................... |
كلااام كله.. فاااااااااااضي.. |
اقتباس:
والسمووحه ع لازععااج |
| الساعة الآن 04:49 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir