عن جامعة الإمارات
 

السلام عليكم ورحمة الله وبركاته
إشحالكم عسااكم بخيير ^^

حبيت أستفسر عن جامعة الإمارات ياللي موجودة في العين:blushing:
فا ودي أعرف كيف هي الجامعة بشكل عام
وكيف هو التأسيسي بالنسبة للتخصصات
كم يبون الآيلتس

وشو عن سيبا الانقليزي والرياضيات ،على أي لفل بيحطوني؟

يعني ..اللي يدرسون هناك ،خبروني خبروني كل شي:az_flw:

وآخر شي ودي أعرف عن السكن...
كيف جوه ؟؟ وبيني وبينكم صدق في السوالف اللي طلعت عنه:12:

أفيدوني بارك الله فيكم،،وماتقصرووون ^^

السلام عليج ..
شحاالج ؟؟ عسااج بخير ؟!!
اممم حبيت اقوولج اصلا انا ما ادرس فـ الجاامعه بس سمعت انه مسوين سنااتر و صالونات و مولات وحاله !! .. و عن السسكن اظن انه مغيرين فيه بس ما اظن !!
هع عن السيبا وماعرف شو ماعرف ع اي لفل يبوا .. بس سمعت انه امتحان السيبا الانجليزي اهم شي .. و عن التخصصااات متنوعه .. بس هاا اللي اعرفه >> لاني ادرس بالسكول وما اعرف شي
والسمووحه منج لاني ماا اعرف واايد خخ

وعليج السلام ورحمة الله وبركاته
الحمدلله طيبة ،تسلمين^^

صراحة سناتر ومشتقاتها اول مرة اسمع فيها
عالعموم تسلمين عزيزتي عالافادة

ربي يوفقج..^^

وعليكم السلام ورحمه الله ،،

انا طالبه فجامعة الامأـآرات ،، الكليات الموجووده فالجامعه / الكليات العلمية / طب - هندسه - علوم - اي تي (تقنية معلومات) - اغذية و زراعه

امـآ الكليات الادبية ادارة و اقتصاد (بزنس) - علوم انسانية (اسميها الكليه الشاملة فيهآ وايد تخصصـآت) - تربية - قانون
ان شآء الله ما اكون نسيت شي ،،

فالتاسيسي ( وايد سهل تاسيسي الجامعه اسهل من الكلية ،، بس سنه بعد سنه يصعبون < يبون يقللون نسبه القبول ) ><"

يدرسون عربي (1 -2) اي تي (1 -2) ماث (ع حسب الكلية شي 2 & 3 ) بس على دفعتي من سنتين بس ليفل 1 و 2 الحين سوو هالخرابييط والانقلش (1-2-3) حسب درجة السيبأ

القبول من 150 فالجامعه ،، (150 - 164 ) ليفل 1 / (165-174) ليفل 2 / (175-اكثر) ليفل3
بس لو يبتي اكثر 180 يعطونج امتحان توفل لو عديتيه تعدين الانقلش ـ،،

بس نصييييييييييييييييحة مني درسي دورة ايلس فالصيف وامتحني وعدي الانقلش ،، لانهم يرسبون بالهبل و اعرف بنات تخيلي للحين فالانقلش من كثر الرسوب ><"

وسمعت انه الاي سي دي ال >> تعدي الاي تي بس مش متاكدة لانه على دفعتي ما كان مطبق هالقرار ><"

سيبا الرياضيات عادي اصلا بتردين اول اسبوع فالجامعه بتمتحنيين امتحان تحديد مستوى فالماث والعربي والاي تي ،، لو ما حضرتي الامتحان يصفووونج ف لفل 1 :426:
والامتحان بيكون على الكمبيوتر مش اوراق

* السكن :

جو السكن حلو ويا ربيعاتج ،، رابعي الزينات وودري الشينات ،،
بتسمعين سوالف لين تقولين بس ،،بس طااف ،، اول سنه لازم بتكونين ف سكن (توام) بيكون للمستجدات وعقب هالسنه بيوزعونكم حسب الشواغر ،، وبتحتكوون بالكبار وبتحسون بحياه السكن صح ^^
مستقبلأآ بيخلون الكل فالسكن (السكنات اليديدة) ، فالجامعة جريب من الكليات مشي خمس دقايق وكل بنت لها غرفة خاصة وحمام لكل غرفتين >> بالنسبه للكل اللي جربته هذا وايد اريح ^^

وعن السناتر ،، بخصوووص ؟
في مطاعم واايد صح / وفيه مبنى فيه العيادة وقاعة موسيقى حق بنات الموسيقى وبعد مكتبة و محلات وصالون وقاعة معارض ،، وفي قاعة رياضية وجم ومسبح وملاعب تنس وسله وووووايد اشيآء ،، الجآمعه يدييدة >> اناا افتتحتهآ ،، :blushing: الجامعه الحين بتكمل سنتيين ،، :uae: ( اقصد المبنى اليديد للجامعه )

ان شآء الله اكون افدتج باللي كتبته ،، ولو عندج اي سؤأل لاتترددييين :183:

مممررررحبااا...
يااااي تحمست ....
امم الشي اللي استغربته انه لفلات الانقلش بس 4 عبالي 8 شرات جامعة زايد
بس الحمدلله زين لحد الآن اطمنت..

مشكلة السكن انه انا مابيي وياي حد من ربيعاتي كلهم بيتمون في بوظبي
علشان جي شوي احاتي..بس ان شاءالله خير

واشكرج اشكرج اشكرج عالمعلومات الوااافرة..^^
يزاج الله خير ^^

لفلــآت الانقلش ,, بس 3 وشي 4 حق اللي جربوا الايلس ويابوا 4.5 ،،

المهم >> لو يبتي الايلس بتفتكيين من عوار الرآس ،،

وعن السكن عااادي >> ربيعـآتي اللي وياي من المدرسة صح شجعوني اول سنه لكن الحين مالهم حس واختفوا نادر ما اشوفهم ،،
وصلي استخارة قبل مآتختارين ،، وان شاء الله الله بيحطج عند بنآت حبوبات بترتاحين وياهم ،،

>> تابعتي جودي ابوت ،، حياة السكن جريبة من حياتهم 50% ،،

سسلآم عليييكم ^^

الي ماخذ فكرة سسيئه عن جامعتنا .. أقوله ايييه يجوفها اول ششي

مآبي امدح الجامعه .. بس احسن عن غيرها واييد

مسوين عدنا محلات بس هالشي عادي .. لان الجامعه ماتبي تحسسنا ان نحن محبوسين وخاصه حق بنات السسكنات


... وبخصوص السيبا .. الي اعرفه عن الانجليزي لو يبتي اقل عن 165 حطونج لفل 1

والايلس لازم 5 وانصحج اتييبينه من بررع وتدرسين العربي والايتي والماث عدنا .. الدراسه حلوه هني

والاساتذه بشكل عام اوكي ...

السسمؤحه ^^

هيه أحسن...حتى اهلي قالولي اطلعه وافتك منه..ان شاءالله فالصيف بطلع الايلتس

.،.
كلن لهى بدراسته ^^,..
أنا لله الحمد صليت،الحمدلله الامور طيبة..بس وايد احاتي السكن،يعني خوف طبيعي انه ببتعد عن اهلي ولين مااتأقلم وهيك^^

هههه..تاابعته لكن ماذكره وايد...
عالعموم يعطييج العااافية...واذا تعرفين حد من كلية الطب خبريني^^

تحياتي لج

أيواا..
إن شاءالله بطلعه في الصيف
.،.
أهم شي الأساتذه ..واذا تعرفين عن حد في كلية الطب لاتبخلين علي

مسمووح فديتج...حيااج^^

حبووبة من ناحية الخووف و تبتعدين عن اهلج
ترا انا كنت شراتج
قبل لا اسير الجامعه كنت افكر و اقول الشى عاادي
بس من وصولني اهلى للمكان .. فهاك الوقت نزلت الدمووع و تمينا تقريبا اسبوعين جية
بس احين الشى عادي
و كل شى بتحتاجينه بيوفرونه لج ..
و اهم شى لا تتعرفين على اي حد هناك
لانه سمعت انه بعضهن يدوخن .. و ياخذن حبوب
فخليج ويا رييعاتج دوم
و حيآآآه السكن واايد روعه
واحلى شى في الجامعه المحاضرات
و رحلاتهم
و نواديهم حلووة

بالتوفييج حبيبتي
و ربي يوفقج
واي استفسار بغيته نحن تحت امرج

سلآمي لج ي آلبي ^^

يا حبييبتي ^^,..
الله يبعدنا عن الشين ياارب..ويقرب اللي فيه الخير لنا^^
..يا سللام ، ونااسه

أميين،،والكل إن شاءالله،..

تسلميين ماتقصريين،..

حيااج

إذا تعرفون أحد أو أي شي عن كلية الطب ياللي بالجامعة

لاتبخلون عليّه^^

انا بعد بكون ويااج فالجامعة اول سنه ..

بس للحين محتارة بين الطب والهندسة وان شاء الله خير

هيه وانا اقولج خذي الايلس والاي سي دي ال وبتطوفين الانجليزي والاي تي وبيبقالج الماث والعربي

مرررحب ..

انا عرفت عن الطب انه ..مب معترف فيه..لازم تسافرين برا وتاخذين بورد الماني او بورد امريكي يعني تتخصين بشي وبيعطونج..وعقب تردين البلاد بالسلامه وتمارسين الطب..

وانا شكل صراحة بهون لانه ماظنتي بروح برا وماعتقد اني بدرس 11 سنه

وعسى خير ياربي ^^

حبوبة ادخلى الملتقى
بتلاقيين الاعضاء و استفسري منهم اكثر
وان شاء الله يفيدونج حبوبة

الله ايازيج الخير ^^:az_flw:

عديني اخووج الي اكبر عنج
اذا دخلتي جامعة الامارات
لاتشووووووووفين غيرج
شدي حيلج وماعليج من ربعج
لان بتجااابلين وايد ناس انواع وصنااف
منهم الزين ومنهم الشين
بس عليج تشدين حيلج بدراستج
انا دخلو ويااي يمكن 20 من ربعي و من نفس الفريج بعد
وللأسف مابقينا غير اربعه
الساالفه توفيق ونصيب
وشدت حيل<<بس لاتذبحين عمرج درااسه بعد

تبين الصراحة انا هونت عن الطب مافيني اكرف طول عمري

وقبلوني فالهندسة الحمدلله :)

وانتي شو قررتي.!

هيه، بعدين الدولة مكتفية من الاطباء ..تب أطباء متخصصين

ماشاءالله..ربي يوفقج يآرب ..^^

أنا الصراحة ماحبيت الهندسة ومب ميولي حسيتها..
فا انقبلت في كلية العلوم الانسانية والاجتماعية

بسس..راح أدرس في جامعة زايد إن شاءالله,..
فبالي إدارة أعمال
لأنه هب متشجعة وايد للامارات وأهلي هب راضين :12:

عدييتك ..^^

هيه وقت الدرسةلازم نشد الحيل علشاننرفع بها الهمة

بسس هونت عن الجامعة ...
إن شاءالله جامعة زايد بدرس فيها..^^

أشكرك عالمرور الطيب