|
روايتي الأولى مدري ليه انت بذات حبيتك ؟! السلام عليكم أنا حبيت أشاركم بروايتي و انشاء الله تنال اعجابكم لا تلهيييكم عن ذكر الله الرواية : مدري ليه انت بذات حبيتك الكاتبة روح مغليكـ احم احم أنا عواش ع قولتهم البطله ثانكسو روح مغليك أنج واثقة فيني كبطلة >هب جنيه أشكر عمري الموهييم :glare: أنا عواشو عمري 16 لا تقولون صغيرة:184:وأنا البنت الوحيدة وعندي أخو سعييد ها اخوية حبيبي عمره 22 هاه وايد وياه يقولي كل شيء غديت دفشة شوي الموهيمو أبوية ماات من كان عمري 12 حزنت وايد ع فراقه بس كلنا ماشين ع هالطريق وعندنا أم الله لا يحرمنا منها حنونه وايد علينا احم وهذي عايلتي الكريمة نحن يعني مسوين حوش واحد فيه بيوت قوم عمامي ما عندي عمات أنا وايد ويا عمامي ويدوه تعيش عندنا ويتيمعون كلهم عندنا واليمعه تكون يوم الخميس بعرفكم ع عمامي وعيالهم ابوية اكبر واحد وثاني واحد عمي خليفة وعياله سالم معرس من بنت خالته فاطمة وعنده ولد سلطان و بنته الثانية ميره هاي ربيعتي واييد وياها نفس عمري وبس وعمي الثالث غانم عنده بنت وحده واسمها شما عمرها 14 وهي من الشلة ويانا أنا وميران وعمي الرابع فيصل هاه عمره 33 معرس بشيخة وعندهم توام ولدين سيف و محمد عمرهم 9 سنوات وشيخو الحين حامل عمي فيصل أنا وايد وياه هو وحرمته ^^ الموووهيم شكلي خليتكم تملون لا صبروا بقولكم بس من الحين اقولكم بتستوي مواقف بتكرهوني وودكم تضربوني بس أنا بشرد وما بخليكم تضربوني اننننننننن ههه وفي مواقف بتحبون شيفتي خلونا نبدأ كان يوم الجمعة العصر أمي : السلام عليكم شو تسوين بنتي ؟ أنا : وعليكم السلام ماشي أشخبط ع الدفتر ( هذا الدفتر أكتب في خواطري موقف يحز بخاطري و أشياء ما اقدر أقولهم لأشخاص أكتبهن في الدفتر أكتب فيه من كان عمري 13 يعني من 4 سنين تقريبا ومحد قدر يطالعه حتى ميروه ما راويتها ) أمي : يلا بنتي اجهزي بنسير عند قوم خوالج سعيد ولد خالج عبيد ياء من السفر ( ع فكرة سعيد ولد خالي عبيد عمره 26 سنة ياي من بريطانيا عقب ما خلص دراسة طب ) أنا : أمي تعرفيني ما أحب أروح هناك ما أبا أسير مو لازم أمي : لين متى لين ألحين ما نسيتي السالفة خلااص يا بنتي أنا : أمي دخيلج ما أبا و عمري ما بنساها حد يقدر ينسى أعز شخص عليه أمي : انزين هم شو يخصهم ما يخصني لا تناقشيني حليلهم كل ما ايي يسئلون عنج وانتي جيه تسوين و كلمتي ما بتنرد و انا قلتلهم انج بتين ويلا الساعة 4 الحين خلصي وبنروح لين ما نوصل كعادة المعازيم يواا ويلا ساعديهم وخدمي وياهم في العزيمة أنا : أمي لا ما أقدر بليز ( أماية طلعت وعطتني طاف يعني ما شيء مفر بسير يعني بسير لا اله الا الله ) سرت تجهزت لبست كندورة طبعة وعليها شيلة صفوة ورحت تحت شفت ميرري تشل كيسة استغربت بس ما عطيت السالفة أي اهتمام يلست في الصالة كنت يوعانة واتصلت للدكان الحمدالله عندي رصيد طرشت حلويات وجبسات وهالسوالف يعني وركبت السيارة أنا : سلام عليكم ادري اشتقتولي لا تقومون سعيد : خفي علينا منو قال انه بنقوملج منو خارط عليج وايد مصدقة عمرج أنا : انته اخو بس للتحطيم امي طاعيه أمي : خل بنتي في حالها أنا : طلعت لساني وغايضته اننننننن سعيد : امي افا انا وين رحت افا يا اماية ما تبيني أمي : لا منو قال انت ولدي اللي ما استغني عنه يعلني ما انحرم شوفك قول اميين سعيد : امييين عوواش قومي لقطي ويهج لا حد يوطى عليه بالغلط ويتكسر أنا : ( تمييت أطالعه جييه نظرات ) سعييد : اووه ما اقدر ع النظرات ههه أمي : بس يلا سكتوا شغل سعوود فديت روحك القران وانتبه ع الطريج سعيد : انشاء الله أماية تأمرين أمر ( شغلت القران وانتبهت ع الطريج ) ( ع فكرة يدوه ما طاعت تسير و سارت عند قوم عمي غانم تبات ) أبا اشووف ردودكم شو رايكم في الرواية أكمل أو ما أنفع :426: |
هلا شكلها نايس نتريا التكملة ^^ |
اقتباس:
|
[align=center][/align]البارت الثاني وصلنا عند بيت خالي عبيد اللي مسوي عزيمة عشان ولده سعيد راد من السفر نزلت من الموتر وسعيدوه أخوية قال بيسير الميلس عند الرياييل أنا و أماية سرنا نسلم يلست ومليت محد يلس وياية من البنات (أنا أذكر قبل وحدة اسمها موزة هاي بنت خالتي مزنة حسيت أنها خقاقة و البنات ميلسات عندها ) قلت بدال اليلسة بسير أخدم وبساعدهن سرت المطبخ وتميت أخدم وياهم ياني اتصال من أخوية سعيدووه أنا : هلا الشيخ سعيد غريبة تتصلبي سعيدووه : أختي العزيزة رأفت ع حالج وقلت بتصل عليج شو أسوي بعد مشكلة قلبي رهيف أنا : خف علينا يا مهند يا يحيى ع غفلة :glare: سعيدوه : يلا لمي لغبج لأهفج بكف يوديج السودان بلاادج :smilies-120: أنا : يوم أنا سودانية أنته سوداني تراك الا اخوية ما سرت بعيد :183: سعيدوه : أقول جب جب بس الا اقول اختي العزيزة الامورة اللي مثل أخوها احم احم :10:المهم الحين هالحريمات ما روحن بيوتهن أبا أدش بسلم ع يدتي من زمان عنها أنا : انته اييه وين تباهن يروحن شكلك وايد تحلم بعده ألحين المغرب يوم بيروحن بتصلبك سعيدوه : عنبوتهن زااد خلهن يسيرن يجابلن ريلهن وعيالهن شو يلسن بعد أنا : شو مسوياتبك جب جب خلن حليلهن أقول سعيدوه ع فكرة انته اللي متصل يعني ع رصيدك وااكككك يعني بيروح رصيدك لا تنكت واايد سعيدووه : اقول اختي العزيزة كد مرة سمعتي صوت القطار أنا : (بلااه ألحين شدخل القطار خرف شكله نمشي وياه ) لا أخوية العزيز ليش سعيدوه : لا بس حبيت أحقق أمنيتج وأسمعج صوته :191: طوط طوووط طووط أنا : ( قطع الخط وفهمت السالفة يا مغباني بشوف ما عليه :184: ) يوم خلصت رمسة قلت بدخل المطبخ وصلت عند الباب و انصدمت طالعت موزة هاي اللي أقولكم خقاقة :glare: ومجابلنها ريال وعشان أفهم أنه هو اللي مسوين عشانه العزيمة الانجليزي اييه ع فكرة اسميه الانجليزي لانه مسافر لاني اصلا نسيت اسمه موزة : سلام عليك ولد الخال ( تتحيس في الرمسة ) سعيد : وعليج السلام موزة صح ( هذا انجليزي مدري أحسه ماخذ راحته نزل عيونك عنبوك زاد هيه أكيد عادي عنده عايش برا ما يستحي واحد ) موزة : هيه أفا ما عرفتني سعيد سعيد : لا بس تعرفين وين أذكر الا شحالج عساج بخير ؟ موزة : يسرك الحال و أنته ؟ سعيد : يسرج الحال ( ع فكرة أنا كنت برى وسمعت الرمسة وقلت بدخل لانه طالعت برى رياييل يعني ما شيء أمل قلت بخطف بصبلي ماي ولا جنهم موجودين لاني مو متعودة ع قوم خوالي أحس عمري مرتبكة بس ما أحاول أبين ) دخلت وسلمت وردوا السلام سعييد ( منوه البنت اللي دخلت أول مرة أشوفها طاع مو معبرة حد بس دخلت وسلمت أنا بلاني الا أطالعها اففف ياربي ) أنا ( فجيت الثلاجة طلعت جيك الماي البارد أنا احيانا يوم أتوتر أرمس ويا عمري بصوت واطي وعادي أتهازب ويا عمري خبلة مب جنيه المهم ) أنا : شت أنا الغبية ليش دخلت أفف بلاج تسبين عمرج انتي مو غبية وبعدين انتي كنتي مضطرة اففف لا طالعينهم ترتبكيين شو غبية انتي بلاج مرتبكة اففف بلااني أنا لا صدق بلااني هالماي من الصبح في ايدي اييه شربي شو اطالعيين انزيين انزيين بشرب لا اله الا لا الله بسم الله شربت الماي موزة ( هااي شو يا يبنها هنييه أعرفها تبا تاخذ مني سعيد حبيبي افف ) : الا سعيد ما قلتلي ليش ياي المطبخ تبا شيء اييب لك شيء سعيد : هااه هيه كنت أبا ( بلاك سعيد ما تذكر حتى ليش ياي لا لا أذكر هيه صح كنت أبا ماي بلاني من طالعت هالبنت انقلب حالي كم شفت أنا بنات ولا سون فيني جيه افف بلااني شو اخربط استغفرالله ) ما عليج أمارة موزة أبا ماي موزة : أفا عليك ما طلبت كم سعيد عندنا الا واحد أنا : ( شوهاي عيني عينك ما تستحي ودي أكفخها وشو ما يستحي ساكتلها الانجليزي اووه اسمه سعيد أخافني اتعود أقول الانجليزي و عقب أزل و أقولها عقب صدق بتيني هزبة أنا بلاني مهتمة افف ) سعيد : ( ما انتبهت شو تقول بس فهمت أنها بتييب ) ما تقصرين موزة موزة : ( سرت يبتله وشرب وراح يوم راح ما أقدرت أستحمل عشان أهزب عويشوه ) اييه انتي اللي ما تستحيين لا تحطيين عينج ع سعيد تراه ع فكرة ما بياخذ الا أنا فاهمة أنا : اييه انتي من زينه هالانجليزي شو أباه خذيه ماماه وتهنيبه (ما أنكراني افف ليش انقهرت يوم انه ما بياخذ الا هيه بس ما عطيت الموضوع أهمية ورحت أتصل لسعيدووه وأقوله أنه عادي يدخل لانه الحريم راحن وسرت صليت العشاء وقريت من القران شوي واستغربت أنه لين ألحين ما رحنا نزلت الصالة لقيت أماية وخالي عبيد أبو سعيد سلمت عليه أنا : أمي متى بنروح البيت ؟ أبو سعيد : افا يا بنتي ما تبينا أنا : لا مو جيه خالي بس أسئل (افف فشلة :184:) أمي : بنبات أسبوع ما بنروح أنا : ( جنه حد صب عليه ماي بارد حتى من الصدمة قمت وقفت ) شووه ؟ :426: أمي : بلاج بسم الله بنبااات أسبووع ( يوم قالت بنبات أسبوع علت صوتها ) أنا : أمي ليش نبات ؟ أمي : بنيلس نسولف من زمان ما شفت خواني و خواتي ( أعرف السبب اللي يخليها ما تبات وتجنب تروح عند خوالها بس أبا تنسى هالشيء) أنا: ( ما قدرت أيلس أعرف لو يلست بعصب ولو بعصب بصرخ ع أماية وأنا ما أبا أعقها هاي أمي لازم أبرها رضاها من رضا الرحمن قمت رحت الحديقة يلست أحس عمري مخنوقة كل شيء يذكرني به أمي ليش جيه تعذبيني وتخلييني أذكره زوود كل ما أبا أنسى و أقول خلاص نسيت تردني له الذكريات بمووت آآآآآآآآآه ما أبا أنزل دموعي أعرف عمري إن صحت ما بسكت مستحيل كيف بقدر أنام في هالمكان لا مستحيل الا هالمكان هالمكان وايد يذكرني به مستحييل ما أقدر ) سعيد ( كنت خاطف بيت يدتي قلت بسير أيلس أسولف ويا العيوز من زمان عنها ويوم كنت مار طالعت في الحديقة هييه لالا مستحييل منو هاي بسير بتاكد اذ هيه او لاا ) : احم احم أنا ( لفيت لا مستحيل ياربي شو اسوي ) : هلاا سعيد (الا ابا اعرف منوهاي بقول هلا سلامة اذ هيه سلامة بترد عليه واذ مو هيه بتقول منو هيه ها احسن حل عشان أعرف منو هيه ):شحالج سلامة ؟ أنا :أنا مو سلامة شكلك مغلط سعيد : عن منوه أنا : عايشة سعيد : هيه شحالج ؟ أنا : ( هذا مو ناوي يزول أفففف مطيح الميانة شكله ) بخير سعيد : انا ما عرفتج بنت منوه أنا : ( أنا خلااص معصبة و روحي يوم أطالعه أحس أني بعصب ما استحمل أي رمسة اففف ) ما يخصك أنا منوه وبعدين شو مطيح الميانة لا تعال بعد تبانا نسولف ترا ع فكرة برا مو نفس هنيه سعيد : اييه اشوفج بديتي تغلطين وايد مصدقة عمرج وبعدين ما قلت شيء غلط أنا أنا : لا اله الا الله أنته شو تبا روح زوول ياخي برايني انا مصدققة عمريه شو يخصك سعيد : اييه احترمي عمرج أنا : اففف شو تبا فكني انته يوم عايش برا لا تتحسب الناس نفس اللي برا سير يا الانجليزي ( أوبس بالغلط أفف الحين بروحه معصب جان ما يعطيني ذاك الكف افف لالا بخلي عمريه عادية ولا جنيه قلت شيء ) سعيد : نعم نعم شو قلتي ما سمعت عيدي أنا : سوري كلام الملوك لا يعاد :10: سعيد : استغفرالله أنا ما اتفاهم ويا يهال أنا : ( كنت برد عليه بس راح افف ودي أضربه ضرب خقاق واحد :glare: ) شو تتوقعوون السبب اللي يخلي عواش ما تروح وايد عند خوالها ؟ شو تتوقعون بيصير بين عواش و سعيد ؟ يوم بتبات عواش أسبوع شو بيصير من أحداث ؟ وشو رايكم بشخصية سعيد أخو عواش ؟ لا تبخلون عليه بردودكم :GIF_13.gif::0088: و شو رايكم بالبارت أكمل أو القصة ما عيبتكم |
والله حلو ماعليهآآ رمسسه عيبتني شخصيه سعيد اخو عوش ههه والانجليزي نعم يعني رااز فيسه شو يباا خخ عووش شخصيهآآ حلوه بعد عصبييه خوزووا عنهاا ههه موزه ماعيبتني حسيتهاا صدق خقاقه يلا نتريآآ البآرت الي بعده تحمسست انا ..^^ |
والله حلو ماعليهآآ رمسسه نتريا التكملة ^^ |
نبآأآأ بآأآأآأرت خيتؤؤ ؟... |
لا تبطيــن علينا حبوبه !!~ |
التكملة عواش سارت دخلت البيت و لقت العيوز و سعيد و خالها آنا : السلام عليكم الكل : و عليكم السلام و الرحمةة يدوهه : تعالي يلسي بنتيه آنا : لا يدوه بسير آرقد تعبانهه يدوهه : عن برايج بنيتي سيري اشوفج عنند الحريم ما قصرتي يلستي تخدمين آكيد تعبتي برايجج عن آنا: ( ركبت الدري و رحت الححجرة اللي ما آتمنى آني آدخلها و دشيت و طالعتها مثل ما هي محد غير فيها شيء حسيت الم في يسار صدري و حسيت بالخنقة و احس شي في عيني ما آبا آضعف ما آبا آذكر طلعت من الحجرة و نزلت بسرعة من الدري و يلست ع الكرسي و شفت الماي جدامي ما آعرف مال منوه سيدة شربته و صبيت شوي ع ايدي و غسلت ويهي ) سعيدوه : عواش بسم الله بلاج شو فيجج شيء يعورج شو فيهن عيونج حمر عواش رمسي يدوهه : سعيد شو بلاها اختكك آحيدها قالت تعبانة بترقد بلاج بنتي ليش ما رقدتي شيء يبخصبج سعيد : ( حسيت آن هالبنت ورااها شيء غرريبة آحس انها كانت تصيح بس ليش تصيح هالبنت آحس وراها سر آنا وراها وراها لين ما اعرف هالسر ) عواش : ( انصدمت آللحين شو آقولهم يا ربيه وين آمي لو آمي هنيه كان آهون ) ها بلاكم ما فيني شيء بس كنت برقد بس غيرت رايي قلت بسولف وياكم كا ياني رقاد سعيدوه : (آحس فيها شيء ياربي آختي فيها شيء مو طبيعية آشوف في عيونها الحزن بعدين بسئلها و بعرف شو فيها ) هيه تعالي آختي كنت الا من شوي آطريج عوآش : ها ان شاء الله بشيء زين سعيدوه : الا زين زين هههههه تذكرين يوم آمايهه كانت حاطهه طاسة حنا و مروحة عنه و بترد كانت بتحطهه ع شعرها و جان ما تاكلينه عوآش : آنا متى عن الخرط سعيدوه : صبر هذيه آمايه يت آمييه صح عواش كانت تآكل حنا آميهه : هيه هههههه عوآش : آصلا كنت اتحسبه نوتيلا سعيدوه : هيه رقعي رقعي سعيد : ها عن انته شو كنت تاكل ههههه عواش : آقول آقول شو كنت تسوي يوم انته ياهل سعيدوه : جب جب ان قلتي باسكن ما بوديج عواش : لا خلاص آصلا كنت الطفل المثالي يدوه : يا الله يا عواش مرره ما تينا عنبوه ما تقولين عندي يدهه اشتقتلج يا بنتي انتي العوش سميتي ومرهه ما تيني عواش : شو آسوي المدرسهه و ها سعيدوه : عاد اللي يقول درجاتج ف الشهادة مبيضة الويه عواش : عاد بتبدا بالفضايحح سكت عاد سعيدوه : ها ارمس ولد الخال شو علومها دار الشقر و الحمر ها ما لقيتلي هناك مزيونهه سعيد : ههههه يسرك حالها هيه لقيتلك وحده بس ها لازم توافق عمتي و عيوزنا يدوهه : شو بلاهن بنات البلاد ما تباهن ها لو ع قص رقبتي ما تاخذلك من اليرد سمعتني سعيد سعيدوه : بلاج يدوه عصبتي هيه من اطالعني بتتخبل من حلاتي وعاد انا بقولها تبين تاخذيني اسلمي و مره وحده باخذ آجر و بصبحلي كل يوم ع ويه المزيونه وبييبلج ولد آشقر و عيونه زرق شفتي كيف يدوهه : تسمعينه ولدجج شو يقول وانتي مسكتهه آميهه : بلاجج آميهه تراهم الا يسولفون لا يكون صدقتيهمم ههههه يدوه : سعيد تقص عليه ما تستحي ع ويهك قوم عني لا بهالعصا ترقص ع ظهرك سعيدوه: يدوه ىنا ما يخصني سعيد يليس يمدحلي اياهن و هو عطاني الفكره سعيد : اللحين رديت كل شيء عليه ما يخصني آنا سمعتي بآذنج يدتي آنا ما قلتله شي يدوه : هيه آعرفه جذوب ما آصدقه آنا : (صح آنهه سوالفهم ما تنمل بس فجآهه حسيت آني مكتومة وخطر ع بالي آني لازم آواجه هالشيء قمت عنهم ورحت دخلت هالحجرة و يلست ع الشبرية و تذكرته و تذكرت كل شيء طحت ع المخدة و يلست آصيح و آفرغ كل اللي فيني و رقدت وما حسيت ) آميه: ( كنت يالس في الحجرة و آعرف آنها بتتعذب و بتذكر كل شيء و بتنهار بس لازم تواجهه هالشيء لين متى وهيه تتهرب تذكرت يوم مات كيف كانت تصيح وغمى عليها يوم عرفت آنه مات كنت منصدمة وقلت بنتي ليش جيهه حزينة آنه مات صح هيه يعني بنت خالته بس م وجيه تصيح اللي يشوفها يقول آنه ريلها هو اللي ميت و يوم وديناها الدختر كانوا عاطينها بنج وكنت بايته عندها و كانت تهذي و تقول كلام وايد وفهمت آنهه هيه تحبه و هو يحبها و ابتدت الوساوس عندي و تريتها لين قامت و هزبتها و قالتلي ما سويت شيء ولا كلمته تلفون ولا بينا رسايل بس هو يعرف آني آحبه و آنا آعرف آنه هو يحبني من يوم كنا صغار و جذيه عرفت السالفة و فليل قمت على صوتها و هي تقول لالا تروح و تخليني قمت و سرت وغسلت ويها وبديت اهديها ورقدت في حضني و قريت عليها و نمت ) نهاية البارت • شو رايكم بالبارت ؟ • شو توقعاتكم ؟ • اتريا ردودكم و تفاعلكم وآذا شفت تفاعلكم بكمل :az_flw: |
| الساعة الآن 12:36 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir