|
قآﻟۆ : ﻣﺳگين ن مَـآ عِندگ ْشخص "يحبگ ۆتحبہ.. ړديٺْ بِڳلْ بَــړۆد: ۆشَو يعني! يگفيـﮯ عَنْدِيـّے أصحاب يبيعۆن آﻟدنّيـآ عشآني . . قصة حب إماراتية ~< للگاتبة : αlи3αιмι بطلات القصة في صف ثاني ثنوي . . القصة أحداثها في العين , والبعض منها فـ دبي . . مواقف هذه القصة اغلبهآ حقيقيه / ولكن فيها موآإقف خياليآ . . . . . |
البآآرت الـأؤل . . قامت ع صوت المس وهيه تصارخ (مستهم هندية) : لطيفة لطيفة get up لتييييفاااه نشت لطووف بسرعة من على الطاولة وعيونها ممزوره رقاد : أففف (بصوت واطي) طفرتنا هاي .. وتلف ويها وأتطالع البنات اللي وراها لقتهن يضحكن .. كملت وياهن ضحك عقب خلص الكلاس ويايات بيظهرن بس المس واقفه عند الباب عشان يردن الكراسي مكانهن لأنهن في قاعه الحاسوب مب فكلاسهم وتباهم يرتبون القاعة ويشلون الوسخ والبنات محتشرات : يلا بنات .. الموسخه تشل وصخها تفكنا عااد .. وعقب المس ظهرتهم وهم برا يصفرون ويصفقون ومحتشرات .. وحنون (ربيعة لطوف) قاعدة تسحب لطوف من إيدها ولطوف تمشي وهيه راقدة حنون : لطوف يلا بنسير ناكل عقب بنسير عند مس الفيزكس : لطوف لطوووف (وصارخت في أذنها) لطووووووووف لطوف بطلت عيونها ع وسعهن بخوف وأطالعت حنون مجابلتنها : أفففف وقسم بالله ماتخلون الواحد يرتاح حنون : ماترقدين في بيتكم أنتي ؟؟!! ولطوف وهيه تنزل من الدري : لا ما أرقد .. وأنجبي لا أطيحج من فوق الدري ألحين وتي من وراها شمووه وتضرب لطوف ع ظهرها بالقوو : خلصونا يلا .. ولآتغلطين على حنون .. مآ أرضى أنآآآآ لطوف : آححححححـ يا ***** تعالي ياحمااارة يا كبشة ياخروفة أنا براويج في الكلاس ماعليه حمارة بغيتيني اطيح من فوق … أنتي بتوديني المستشفى عقب ؟؟ شموه وهيه ناقعه ضحك على شكل لطوف وهيه تسب : ياخي السكول مابيقصرون بيودونج بالإسعاف .. شو تبين بعد ؟؟ لطوف وهيه داخله الكلاس : مالت عليج وع الساعه اللي رابعتج فيها .. (وسارت مكانها وحطت أغراضها وأنسدحت ع الطاولة تكمل رقاد) وتييها حنون : لطوف ماتبين تاكلين ؟؟ لطووف وهيه طفرانه منهم ماخلوها ترقد : أنزييييييييييين بيي (كان عندهم البريك الثاني يعني حصتين بعد البريك وبيخلص الدوام) . . . بطلات القصة >> بتتعرفون على أبطال القصه الباقيين .. لكن بعدين . . . لطوف (بيضه .. طويله … خشمها طويل .. شعرها بني غامج قصير … مليانة شوي … ما تتعدل واايد … تحط تقويم … شخصيتها حلوه و ما تملون منها .. تسوي مواقف في شموه وحنون وتتنيذل فيهم واايد .. تحب تغايض ودفشة وهبلة مرات … وتحب تتفلسف … و اهم شي عندها كرشتها … تحب تلبس فيونكات صغاااار .. وايد ترقد فـ الكلاسات .. أمها لبنانيه .. عايشه مع أمها وخوانها وخواتها في بيت شعبي قديم .. بس أبوها ساكن عند حرمته الأولى (موزه) وساكن في بيتهم العوود وأيي يسلم على قوم لطوف ويروح مايبات عندهم .. مسمينها شخوري عنقاش .. لأنهاا مره كان عندهم إمتحان ورقدت وتشاخر ههه .. وكله تنقع في اللبس وإذا دق ف راسها تكشخ من الخاطر ..) . . . حنون (هيه ولطوف وشموه وايد ويا بعض) … سمره وجمالها هندي (فيها عرج هنود بالقوو خخخ) … شعرها أسود قصير … طويلة … ضعيفة … دوم تلبس فيونكات كباار … نذلة واايد ... عنييده لدرجه فضييييعه .. لازم ترادد المس وتطفرها وإذا نازعوها بقوو أتم أتصيح … مسمينها حنون نفسيات بسبب مزاجيتها : مرة تشوفونها تضحك ومستانسة وماشي أحلى منها ومرات تيي السكول تقول قايمه بطراق .. مكشرة جيه ومقطبه حوايبها ومعصبة ونفسها فخشمها وإذا هيه فـ هالمزاج يسكتون عنها وبعيييد عنها بس يحبون يطفرون فيها .. وتحتشر على أي شي ..) . . . شمووه : هاي البنت لو بتسولفون وياها مابتملون منها … سمره حلووه .. ملامحها هادية كيوت (جمالهآ هندي .. وسيمة على قولة أمها ههه) .. شعرها أسود طويل وناعم … طويله … هاديه بس مرات تحب تصارخ بروحها جيه تييها حالات ههه .. وحبوبه وطيبة ودلوعة بس نذلة وخاصة مع لطووف .. تقريبا كل خميس تسير الحديقة ( أشك الصراحة بتنتقل تعيش مناك بعد مدة ههه)… مسمتنها لطوف شيودينج لأنه مره في حصة الكيمستري لطوف سمعت المس تقول شويدينج بدال شيلدينج وتمت معلقه على شمووه مع انه مايخصه … عايشه في بيت العائلة السعيده ^.^ ..) . . . أميره (طويلة .. بيضة .. حلوه .. ضعيفه .. عيونها صغاار … خشمها ضعييف طويل .. تموت ع الرقص … سوالف وطيووبة … مرات دلوعه ومرات دفشة إذا أحتاج الأمر ... عندها حرمة أبو أسمها "سمر" لبنانيه ربيعة أم لطوف بس مش واايد وياها ..[ سمر طيبة شوي بس أميره وايد تغايضها .. وتحب تعااندها .. عشان جيه قاسيه عليها..) . . . ميثة (هيه وأميره دووم ويابعض .. وحده كيوووت بيضة وعيونها شوي مشخططات بس كباار ما شاء الله .. وطويله .. شعرها أسود وسط حلو مكشكش بس ناعم … دوم تحب ترتز >> رزه يعني هآع … ودلوعه شوي … وبااااااااارده لأبعد الحدود .. عنيده وااايد .. ومايعيبها شي .. أمها وأبوها تزوجوا عن حب .. بس صارتلهم مشاكل عن طريق هالزواج عشان جيه حارمين من ميثه كلللل شي حلوو فـ هالدنيا) . . . ظبية (شخصية بتعرفونها عقب .. أبغيها مفاجآة لكم هالشخصية .. بس الشي الوحيد اللي بخبركم : أنها "بويه") * * * وإن شآء الله . . المررة اليآية بتكؤن مع البآآرت اليديد . . في إنتظآآر ردوؤدكمـ . . |
مـ’،’ـرحب أاختيه الصرااحـه اتشرف بـإانــي اول وحده ارد على الرواايه الحلووه الصرااحه :) روااايتــــج عن صج تـــــــــــــفـجـير عيبتني شخصية لطوووف كله ترقد نتريا تكملتج لـلبارت |
يآويييييييلي ششكلها الروآيييه ططر والله تحمسسسسست بسس .. وآحسس جنه احدآثثهآ ششرآت اسسكولنا خخخ .. اسستمري للآمآم من متآبعيينج وعنوآنها ططر آختج الغزآل العنيد |
هههه تحمست احسها طرطريششششششن ههاع نترياج زوؤد و نتريا البارت بعااد |
ههههههه ..حلوه القصصصه اسميهآآ ضحك ..ضحكت ع شيوديينج هههههههههههه وهآآي لطييفآآآ كله رآآقده الرقآآد بيمل منهآآ هههه ^^ في انتظآآر البآآرت اليآآي ~ |
الروااية شكلهاا نااايس من البدااية .." حبييتها لطييفة احسسها بتربشش الروااية هع هع .." متاابعة للاخر انشالله .." |
البارت الثاني . . . ساروا الكانتين .. ولطوف تشوف الأكل من بعييد لأنه زحمه : ممم شو تبون يلا هاتوا أنا بشتريلكم اليوم (وأتطالع شموه) وأنتي كلي تبن مابشتريلج بشتريلهم كلهم وأنتي الوحيدة مابشتريلج يلا ذلفي الصوب الثاني أشتري حق عمرج يلاااا .. واككككككك وشموه أطالعها بنص عين : ماعليه ماعليه ماسدتج الضربه ؟؟ تبيين زيادة ؟! أفا عليييج ماطلبتي ششئ أبببببد هنود (ربيعتهم) تصارخ على لطوف اللي داعست كل البنات ودشت داخل عندهم : أنا أنا أنا أنا أنا أبااااا لطووف أندوج هاا .. أبا عييش ورووب لاتنسين الصلصة بعد .. لطوف وهيه تاخذ الفلوس : هاتي منو يبا أشتريله بعد ؟؟ بنت : أنا أشتريلي بعد !! لطوف : يلا مناك .. عندج اربع يدران اختاري واحد من بينهم وطقي راسج فيه .. مآشئ إلا حق بنات كلاسنا سلمى (من الشلة) يتها من فوق روس البنات تعطي لطوف الفلوس : هااج أشتريلي وأشتري حق عليا لطوف : شو تبون ؟؟ سلمى : أنا أبا توستر وعليا تبا باستا .. لطوف: ماشي توستر سلوووم سلمى : خلاص أبا محشي لطوف : ماتبين عصير ؟؟ سلمى : لالا .. يلا بسرعة ميرري ولآبسفرج على أول طيارة لطوف : وايد ماخذه ف عمرج مقلب .. حمدي ربج قاعدة أشتريلكن .. المفروض تدعن لي ويا ويوهكن .. خلصت لطوف وأشترتلهم .. وسارت قعدت ع الطاولة معاهم .. ويت عندهم حنون تتحراهم أشترولها ووراها شمووه حنون : وين التوستر مالي ؟؟؟ لطوف وشوي بتضحك على شكل حنون : هاه .. ماشئ انتي ماطلبتي !! حنون : إيييييه أنا قايلتلج تشتريلي ؟؟ كل الشلة تطالع بعضها .. لطوف : ماشي خلص !! (تقولها وهيه حاسة بييها طرآآآآآق ) حنون والضغط واصل عندها 300 : ايييه لطووف عن السخافة قايلتلج تشتريلي توستر لطوف : أنا حق شمووه ما شتريت تبين أشتريلج ؟؟!! أقولج خلص .. يوم كنت أنا هناك تقولي مافي يعني من وين أيبلج تويستر .. أبيضلج مثلا ؟؟!! شمووه وهيه تقعد .. وبكل برود : أنزين خلاص روحي أشتري اي شي ثاني لازم تويستر يعني ؟؟!! حنون وهيه معصبه : هيه لازم تويستر !! لطوف : أفف روحي تشحتي من عند أي بنت شاريه تويستر .. قوليلها تبادلين ؟؟ (وتبتسملها إيتسامه عريضة) حنون : لطوف قسم بالله أنج سخيفة .. مابا ماباااااا لطوف وبكل بروود : لاتبين روحت حنون وهيه زعلانه ومعصبه والكيج واصل حده وقعدن يتمصخرن عليها .. وعقب خلص البريك وردن الكلاسات وشموه ولطوف كانن متأخرات شوي (دقيقتين تقريباً) وشافوا قوم أميره وميثوه يتمشون وسحبوهم وياهم.. ودخلن الكلاس سآرة (وحدة من ربيعاتهن .. دوم تفتن على البنات) : مس حطيلهم ليت وكان عليهم إنقلش مستهم عراقية : بس (وتصارخ عليهم) شششت آآآآآآب هدآ الكلاس ووحدة من البنات ضحكت والكل سمعها لأنه الكلاس هدوء المس : وجع البنات : هههههه المس : باااس .. يلا كتبو paragraph يلا هسه تكتبون جدامي .. خو أنتو حشرة ماتسكتون .. ماتنعطون وجه (رمستها نفس رمستنا لأنها من زمان هنيه في الإمارات متعودة ع رمسة أهل الإمارات وكله تقعد تحكيلهم قصتها يوم كانت في العراق وأيام حرب العراق وشو كانت تسوي والبنات كله يسألونها عسب يضيعون الحصة) لطوف : مس صلحتي أوراق الإمتحان مال أمس ؟؟!! المس وهيه تمشي في الكلاس : إيه صلحتهم البنات أحتشرن يبن الأوراق : يلا مس بليز عطينا وزعي يلا مس دخيلج نبا الدرجات المس وهيه تضرب بأيدينها الطاولة .. والكل سكت شوي عقب ردن يناقزن بس ع الخفيف عفرا (وحدة من الكلاس) بـ ويه بريئ : حرااااام مس المس وهيه تصارخ في ويها : بس أقولج .. أنا شقاعدة أحجي ؟؟!! أدرس صف أول أني .. خو مو خبال فيكم أنتو ؟!! جنون بقر البنات فطسن ضحك : ههههههههههآآآآي المس : يلا كتبو خلصوني ... كانن البنات يوم يرمسن حنون تعصب عليهم .. لأنها بعدها زعلانه عشان تويستر ههه .. ولطوف تحاول فيها .. شوي تقرقطها وشوي تحط ريولها ع كرسي حنون (تلعوزها بالمختصر المفيد) ميروه تأشر على لطوف تقولها كم باقي عن يخلص الدوام وفهمت عليها لطوف .. بس تبا تلعوزها شوي فتمت تأشر بأيدها أنها مافهمت عصبت ميروه ودقت ع الطاولة بالقوو بالغلط المس : وجع ؟؟ بالله ليش أدوقين ع الطاولة ؟؟ مجنونه أنتي ؟؟ البنات : ههههه وكككككككك المس تكلم ميره : عطيني أشوف شنو كتبتي ؟؟!! ميرة توهقت لأنها مب كاتبه شي أصلاً : مس خطي مب حلو بعدله وعقب بييج بعد ككم دقيقة من الإنتظار ميروه تأشر على لطوف ع الساعة وتحرك شفايفها بصوت خافت : كم باقي ؟؟ لطوف تأشر حبتين على أنها دقيقتين بعد دقيقتين بالضبط نقزن البنات : ماااااس خلص الوقت Time is UUUUUUUUp لطوف وهيه دوم آخر وحدة تطلع من الكلاس : يلا أبا ربشة اليوم الخميس .. أميره تحط لابها على طاولة المس وشغلت أغاني وحطت السبيكر وعلت عليه أقوى شي وسكرن الباب .. وعاد كلاسهم عدال الإدارة بس حاطين بنت برا حق المراقبة والبنات مرتبشات داخل وعقبها ظهرن برا عند الباصات .. لطوف تحب تتحوط في الشمس توصل ربيعاتها لين تي سيارتهم .. هنود تسحب لطوف : لطوف يلا هاكو الدريول سرينا .. (وتسحبها من إيدها لأنها بتوصلهم بيتهم .. بعد حلفت ما على هنود ألا توصلها لأن بيتهم قريب "راعية فزعه لطوف" .. ويسيرون عند باص قوم شمووه اللي هو أول بااص ويدقدقون على الدريشة اللي دوم تقعد عندها شمووه تقولون طقاقات ههه) .. وبطلت لهم الدريشة شموه : خير .. شو تبون ؟؟!! لطوف : مالت ع ويهج محد يعطيج فيس ونحن اللي رابعين بنسلم عليج (وتسويلها مالت) هنود : نسيير يلا .. (وتسلم ع شمووه) .. باااي شموه : يوه محد يتمصخر وياج .. يلا بايات هنود ولطوف جلبي ويهج ههه (وسكرت الدريشة قبل ماتنفجر في ويها لطووف) وعقب ركبن السيارة ماحصلن البشكارة ف السياارة لطوف : وين راحت أم المناخر ؟؟ بسير اناديها .. وحطن شنطهن وسايرات بينادن البشكارة .. أتلاقن ويا الشلة وتمن يسولفن ونسن سالفة البشكارة وشافتها البشكاره : يلا لتووف بسرررعة (بشكارتهم بوية) هآع نوف (وحدة من الشلة بس كلاس ثاني) ترمس لطوف وتأشر ع البشكاره : يمااه .. هاي بشكارتكم ؟؟!! لطوف: لا ها دريولنا !! شرايج أنتي هههه .. يلا عليووه نتلاقى عند الدكان أنزين ؟؟!! عليووه : أوكييه نوف وأطالعهن بنص عين : مشكلة صايعات آخر زمن .. يتلاقن عند الدكان ههه !! ترد لطوف أونها بتضارب بس سحبتها هنود : خلصينا ورانا دكان .. ههههه لطوف : ههه مردودة بنت أبوج باجر نوف : باجر ف بيتكم .. باجر اليمعه لطوف: أووه .. أنزين عادي اليوم الخميس .. (وكلهن ف نفس الوقت) "واللي مايواعد يخييس" هههههه .. وكل البنات اللي كانو يمشون .. لفوا صوبهم يطالعونهم . . . توقعاتكم . . شو ممكن يصير في البارت الياي . . ؟ ؟ ترااه في أكشن واايد . . * * * وإن شآء الله : البآآرت اليآي بكؤن أطول عن هذآ . . |
آلبآت قصيييير ههههه تعذيب مثلن هههه ع العموم ميرسي ع البارت الكشخه |
آبدعتي حبيبتـي . . نتريآ آلبآرت : ) |
الباارت ناايس .." تسسسسسلمين حبووبة .." اممم بس بغيت اسالج تنزييل البارتاات بيكون يوميا او اسبوعياا ؟" |
اقتباس:
ولگمـ هآع |
Masheal Al Ali ثانگس amoON104 الله يسلمج =) أول 11 بارت بيكونون يومين في الأسبوع أنشاء الله . . بعدين بنزلهم أسبوعياً ثانگس عالمرور |
روآيتج آمبين آنهآ حلوه وآن شآء آللهـ آنآ من آلمتآبعيين نتريآ آلبآرت |
القصصصصصصصه روووووووووعه انا منن متاابعيييييييننج نبيي بااااااارت يكوون طشوونه طوويل |
أنشاء الله اليوم بيكون في باااارت طووييل على مزااجكم هآع تسلمولي عالمرور الطيب والمنور |
البارت الثالث . . . لطوف تزاقر على عليا اللي داقة سوالف ويا الشلة : عليووووه ي الدبه يلا خلصينا ما بنتريااج نحن عليوووه دوم بارده : أنزيين .. حشرتينا .. )وسارت ركبت سيارتهم .. ولطوف وهنود ركبن السيارة .. وعقب تلاقن عند الدكان القريب من السكول ولصقن السيايير ببعضهم وعقب دقن سؤالف ،، وياهم راعي الدكـان وخبرنـه شو يبن .. عـاد مابقا شي ما طلبنه .. لو شرن الدكان بكبره أحسن ههه .. وعقب ردن يكملن سوالف =.=" .. وقفت عند سياره عليوه نيسان لونها ذهبي ،، ونزل منه واحد لابس كـاب وكندوره >> وخطف شافته لطوف .. بسرعه مسكت راس هنود ودخلته داخل السيارة عن يشوفهن .. بس عليوه رازه بالويه ماسكرت الدريشة( لطوف : خسج الله يا عليووه .. سكري دريشتج .. شافج عليووه وبكل بروود : عادي ههه هنود وهيه فاااطسه ضحك : ههههههه أقولكن ماطلبنا تويكس مشتهيتنه لطوف : مالت عليج .. لاحسين الدكان وبعدج تبين تويكس .. ألحين مب خاطر على بالي يعني مايحتاي تاكلين أنتي !! هنود وشوي بتصيح : أنزين أنا أباااا ؟؟ لطوف : جب لا أنزلج ألحين في الشارع .. وأشرد عنج هههه )ودخل الريال الدكان وكملن سوالف وضحك وعقب ياب راعي الدكان الحلويآت .. وقررن يلحقون سيارة عليووه ويشوفون بيتهم وسالفة بعد سالفة ... لفت لطوف الصوب الثاني لقت سيارة موقفه في نص الشارع وشكلها قاعدة أتطالعهم وتمت تمشي شوي شوي أنتبهت لها لطوف بس ماركزت في السيارة ولا ع رقم السيارة عدل ... وأستوت الساعة 3:33 وهن بعدهن عند الدكان .. بعد شوي ظهر الريال من الدكان وبسرعة لطوف وهنود خشن روسهن ههه وهن فاطسات ضحك وهو قاعد يوايج وهو خاطف وركب سيارته وتم قاعد فيها ماتحرك .. ولطوف و هنود سبنه سب( لطوف : عنلاته زاد .. هنود : فقدت هالشيفه هههههه لطوف : مالت ع ويهه .. ( وأتطالع ساعتها) يلا يلا أماية بتلعني الساعة 4 ألا ثلث هه (وسكرن الدرايش وتحركت أول سيارة عليوه وكانت سيارة لطوف واقفه لأن شافو النيسان ريوست شوي تريوه لين يروح بس ماروح شكله هو يترياهم …) لطوف ترمس الدريول : صبر صبر محمد خله يروح هذا عقب ريوس .. هنود وهيه زايغه : أخافه يلحقنا ... (تمو يتريونه وهو يريوس ويوقف .. عباله أنهم بيتحركون بس هم يتريونه وهو يترياهم .. وعقب الدريول ماسوالهم سالفة وتحرك .. وسيارة قوم عليووه واصلين عند الدوار الصغير) لطوف : محمد ألحق هذا سيارة أبيض (قصدها سياره قوم عليوه) الدريول محمد : أنجين )وهن صادات ورا يطالعن النيسان ((لحقهم)) ووقفن جدام باب بيت قوم عليوه والنيسان راحت .. وعااد من الزيغه لطوف وهنود يرمسن بسرعة( لطوف : (شهقت) يماااه ... أممم ... هذا ..،، خخـ.....خلـ.....خلينا نروح يلا وهنود قلبها طبول وتكح أونها : (كح كح) لطوف : صحة صحة... هههه هذا كله من تأثير الصدمة ودريول على رآسه الف علامة تعجب .. فتم يسألهم : منو هزا !! هنود ولطوف: مانعرف هنود : ع قلبج .. يلا يلا نروح قوليله يروح لطوف : يلا محمد روح بيت قوم هند الدريول محمد : أنجين (ووصلتها وراحو البيت وهم في الدرب .. ) الدريول يرمس لطوف : أوكتي لتيفاه هدا مافي جين .. هدا سيارة مال family .. بعدين أنا في مشكل "أختي لطيفه هذا مافي زين هذا سيارة العايله بعدين أنا بتمشكل" لطوف ف خاطرها "وهذا شو يخصه ؟؟!! صدق أنك رزه حيوااان فيلسوف" : أنزين أنزين خلاص (وصلت البيت ودخلت ومارمست ولا كلمه قاعدة تفكر "محد بيعرف .. منو مثلاً بيعرف ؟؟!! ياويلي أفف .. ماسويت شي غلط هو لحقنا .. أنا شسوي أنزل أتصافع وياه أقوله .. ليش تلحقنا مثلاً ؟؟" وسارت تغدت وبعدها بثياب السكول وقعدت تطالع تلفزيون وعقب يت أمها تهزبها ) أم لطوف: لطوووووووووف ... متى ناوية تنشين تدرسين أن شاء الله ؟؟ لطوف "حان الآن وقت الهزاب" : أفف (وتصارخ لآن أمها بعيد) أنزين أنزين أحين سايرة ... "آآآآه مايخلون الواحد يكمل المسلسل .. يلا بتي الدعايات وبسير " .. (وقعدت شوي وبعد دقيقتين يت أمها مره ثانية) أم لطوف معصبه : أنا شو قاااايله ؟؟؟ (وسارت دخلت غرفه الطعام ويايه بتبند التلفزيون) لطوف : لا لا لا ويت ويت وييييت شوي أنزين أحيين بيخلص صدقيني بس هاللقطة أحين أمااه بيموووووووت لااااا اللقطة الحاسمه بلييز أماااااااااااااااااااااااااه .. وبندت أمها التلفزيون وماسوتلها سالفه : يلا قومي ... يلااااا تحركي.. لا بليز ولا بليس لطوف : اليوم الخميس اليوم الخميييييييييييييييييييييييييس (وطولتها) أم لطوف : ويعني اليوم الخميس ؟! يعني ما تدرسين ؟؟ لطوف بعبط : يعني اليوم الخميس .. يعني ماندرس !! اليوم هو يوم الراحة .. عنبووووه كله دراسه دراسه دراسه دراسه (وترمس بسرعه) دراسه دراسه دراسه دراسه .. أم لطوف وهيه تطلع من الغرفة : بس أنزيين سيري بدلي وراحت بدلت ملابسها .. إستوت تقريباً 4:45 لطوف وهيه أتطالع الساعة (شهقت) : أآإأآإه الساعه 5 ألا ربع ؟؟!! (وهيه ترمس عربية فصحة) ما شاء الله الوقت يربع يركض ... (وهيه تمشي صوب الحمام دخلت عليها أختها مريم) مريم تقلدها : يربع ويركض بعد؟؟ أنتي منو معلمنج اللغة العربية الفصحى ؟؟!! منو هالأبله الفاشله ؟؟!! لطوف بـ ويه عبيط : النحو خاني شوي ههه .. (ودخلت الحمام وهي تغني"قال الودااااع ومقصدة يجرح القلب محال قلبي ينجرح من ودااااااعااااااه") أمها وهيه داشه غرفتها فسمعتها تغني : بس هب زين تغنين في الحمام يا بنت … (وورا أمها أخو لطوف يبا فلوس .. يتمصلح عليها ههه) مبارك (أخو لطوف) وهو ماسك مشط لطوف ويتسحى فيه ويتريا أمه تطلع الفلوس من الخزنه .. بروك : بروح اليوم دبي مابتعشى هنيه أم لطوف وهيه تفتح الخزنه : شو عندك في دبي ؟؟!! بروك وهو يطالع عمره في المرايا وعقب طالع عطور لطوف الممزووره ع التواليت : مم ساير ويا ربيعي ..(ويتسبح بالعطر) أم لطوف وهيه تجلب فالبوك : كم تبا ؟؟ برووك : اللي يطلع منج مقبووول،،،، 1000 جيه زوينه !! وطلعت لطوف من الحمام : ما شاء الله شو تسوووون ؟؟!! شو تنبشون ف حجرتييييييييييي ؟؟!! (وبإبتسامه عريضة … أطالع بروك) أوووه أخي العزيز ؟؟!! عاش من شافك ياريال ... (وعقب تشم ريحة العطر شاله الدنيا فوق تحت .. وتسير صوب بروك وتشمشم كندورته)… ما شاء الللللللله متسبح بعطري بعد ؟؟!! برووك (وهو مسوي عمرة شي شي) : شفتي عاد ؟؟!! لا تذلينا بشتريلج غيره بس عطيني هالعطر !! ويرن تلفون أم خليفه (أم لطوف) : هذا الدريول شو يبا ؟؟!! (وترد ع التلفون .. وترمس لطوف).. سيري درسي أنتي يلا لطووف ( بصوت واطي : أفففف أقولها اليوم الخميس تقولي سيري درسي) : انزين اماااه .. بييب الأغراض وبرد أتسبح .. (شلت كم غرض .. ودخلت الحمام) (وأمها ترمس في التلفون ... عقب كم دقيقة أمها أدق عليها) لطوف تبطل الباب : هااااااه أم خليفه : أندوج أختج سلامه تبا ترمسج (أختهم سلامه متزوجة واحد من راس الخيمه وماتييهم ألا في الإجازات) لطوف : مب فاضية بتسبح وبظهر أرمسها !! يعني أرمسها ف الحمام ؟؟ هالكثر الموضوع مهم ؟؟ إذا معرس خلووه يترياا .. تراني مابطير أم خليفه : أنزين أنزين خلصي يلا .. طايره مرره ع العرس . . . (خلصت لطوف وظهرت وتعطرت ومن الأشياءات اللي يسوونها البنات يوم يظهرن من الحمام .. وشوي وأذن المغرب وزقرتها شيخوه أختها) شيخوة: تعالي الصالة أمي تباج لطوف : أنزين ... (وظهرت لهم وقعدت لقتهم طالبين من الدكان حلاوة وقعدت تاكل وياهم .. وهيه مستغربه من الهدوء) أمها وهيه تمشي في الصالة (مسويه رجيم) لأنها ماتروم تظهر برا برد .. فقالت تمشي في الصالة وخاصة ان صالتهم وسيعه .. وقفت وقعدت أتطالعها بنظرة غضب أم خليفه : أنا شو قايلتلج ؟؟!! هااه ؟؟!! (وتصارخ على لطوف) .. شو قايتلج خبريني ؟؟!! لطوف حست في مصيبة ع راسها .. وبهدوء : شو قايلتلي ؟؟!! أم خليفه : أنا مب قايلتلج ماتسيرين المطعم ولا الدكان ؟؟ (لطوف كانت تخطف على مطعم يبيع براتا وجلي) ألا الرمسه ماتسمعينها .. تبيني أخبر عليج خوانج ولا أبوج ؟؟ أنتي ما تييبج الرمسه يبالج حد يأدبج .. لطوف فهمت السالفة وأنقهرت واااااااايد ( وبخاطرها : منو اللي خبرها ؟؟!! منو الحيوااان الحقييير اللي بذبحه بأيديني ؟؟) وقالت : أمممـ … أمـايه .. (وتقاطعها أمها) أم خليفه : أقطعي مابا أسمع حسج .. هذا اللي قاصر .. غلطانه وترمسين بعد ؟؟ هذا ويهي أن ماخبرت عليج خوانج يا مسودة الويه ... عصبت لطوف : أنزين ماسويت شي غلط .. وشو يعني سرنا الدكان ؟؟ أم خليفه .. طفرت من لطوف ومن الرمسة وياها .. وبصوت حزين : والله خلاص أحس عمري منهده ماروم أصارخ .. وشيخوة ترمسها : وبعدين تعالي منو هذا اللي كان لاحقنكم ؟؟!! وعن يكون نزلتن ؟؟ أم خليفه ردت تصارخ : جان تبين شي من الدكان ولا من المطعم هكو التلفون تعالي البيت ودقي مايحتاي يعني تحوطين !! لطوف وأعصابها تلفت مايخلونها ترمس تفهمهم : أنتو خليتوني أفهمكم ؟؟ أم خليفه : شو تفهمينا شوو ؟؟ لطوف : يييييييي عليناااااااا ... خلوني أقولكم السالفة أنزين .. (وخبرتهم أنهم راحو الدكان بس ماخبرتهم أنه في حد لحقهم لأنه لو خبرتهم بيلعنون خيرها .. ويايه بتحب راس أمها .. بس أمها خوزت راسها .. ولطوف شوي وبتصييح "والله ياخي مايسوى الشي") وسارت لطوف تصلي وهيه تسكر السيادة .. مريم : قومي راضي أمايه .. لطوف : سايره سايره (سارت وحبت راس أمها وأستسمحت منها وعطتها أمها محاضرة في الأدب .. بعدين سارت غرفة الطعام ..وحست عمرها مخنوقه وتبا تكسر شي من العصبية اللي فيها .. وبطلت الثلاجة ولحقتها مريم ...) لطوف يوم شافت منو ياي .. سكرت الثلاجة بالقو : منو خبرها ؟؟!! هيه كيف عرفت ؟؟!! مريم : دامنج تعرفين أنج مسوية شي غلط ليش تسوينه من الأساس ؟؟!! لطوف : مب مسويه شي غلط (وقصت عليها مريم قالتلها أنه شيخوة كانت سايرة تييبج من المدرسة وأونها مسويتلج مفاجأة وبتغديج برا .. ولطوف أنقهرت من أختها شويخ لأنها سارت فتنت وقالت أنها كانت لاحقتنهم " يعني ليييش تسير تخبر أماية وتنشر السالفة ؟؟"وتذكرت السيارة اللي شافتها وقالت "أكيد هيه هاذيج بس لو بتسير تييبني من المدرسة .. اكييد بتدق حق الدريول بتقوله يرجع البيت !!") . . . شموه وهيه تصارخ ع الخدامة من فوق : هييييييييييييييييييييييييييريييييييييييييييييييييي ييي .. يبيي عباآآآتي يلااااااااااااااااا هيري(البشكاره) تركض شاله اكثر من عباة في إيدها : هاي في ألبأه (أربعه... الراء غير معترف به ههه ماتقولها) عبايه .. أنتي شو يليد (يريد) يلبس ؟؟ عشان أنا في كواي هق (حق) أنتي وشموه تتعدل ع المنظرة و تأشر ع وحدة فيهن : هاي هيري تربع تسير تكوي عباة شموه لأنه شموه مواعدة ربيعاتها بالحديقة .. (ودشت المسن ترمس حنون .. ولطوف نادر ماتحدر المسن …) حنون : إيييه شموووه صدق والله مابيي شموه : أفف لييييييش يعني !! مب أنتي مرمسه أمج ووافقت ؟؟ شنو صاار ؟؟ حنون : أفففف أبوي ماطاع يخليني أسييييييييييير ... والله قهههههر شموووه : إفففففف حراااام علييه .. خلاص أصلاً فطامي وميرووه هناك (فطامي وميروه ربيعات شموه من سكول ثانيه) حنون : أوكيه أبا أسييييييييييير شموه : وأنا شو أسوي يعني ؟؟ أخطفج من بيتكم ؟؟ يكفي لطوف أمها ماتخليها تيي ... والله لو انكن موجودات بيكون وناسة صج .. إنزين سيري رمسي أبوج مرة ثانية !! حنون : بشووف وبرد عليج .. أحين بيظهر بخليه يخطفني .. بحن عليه !! شموه : لاتنسسين تردين عليه أو حتى دقيلي على الفون !! حنون : أوكيه … ... توقعاتكمـ . . وشو بيستوي مع حنون يوم بتسير ترمس أبوهآ ؟؟ شو بصير في الحديقة ؟؟!! ترقبوني مع بارت يديد وأكشن أكثثر |
البااااااااااارت روووووووعه وشو بيستوي مع حنون يوم بتسير ترمس أبوهآ ؟؟ هي بتروح بتكلمه يممكن مابيطيع شو بصير في الحديقة ؟؟!! بيشوفوون هيك الولد مع ربعه يالله اختييييييه حطططي ككمن بااااااااارت |
البــآاارت حلوو بس ياارييت انج اطولينهم شوووي بس نتريا تكملتج للبارت :) |
متى تبون أنزل البارت ؟؟ هآع >> ألعب بأعصابكم !! خخخخ إذا تبون باجر بنزله يعني يوم الأحد بس أبا تفااعل يهزز المنتدى |
اقتباس:
والســموحـــهـ علـى القصـوؤور:glare: تقبلي خطفتيه :) |
اختيييييه ويينج واااااااااايد طووووووووولتي تبببي باااااااارت ؟؟؟؟؟؟؟؟؟؟؟؟؟؟؟؟ |
بس ماشفت تفاعل !! =( بس لعيونكم بنزل بارت ^^ |
يـآلبيييييييه آنآ ترآنيي متحمسسسسسسسه ابآ اعرف ششو يصير .. خذييها نصصيحه منيي آول ششيء ما بلتقيين تفآعل بسس بعدين جييه بتلقيين وفي كل قصه كذآ =) |
مي2 وآللهـ متحمسسسه نتريآآج ~ |
Me 2 mt7msa wayed |
مييي بعد متحححححمسه واايد واايداات هع .." نترياااج لين ماتنزليين الباارت .." |
البارت الرابع . . . (وحطت حنون الحالة Away وظهرت من حجرتها سايرة صوب حجرت أبوها وأمها) طق طق طق ويايه حنون بتدش بس خوزت إيدها عن قبضة الباب .. سمعت أبوها يهازب أمها بس ع الخفيف عشان محد يسمعهم .. وسمعت شي وأنصدمت (بطلت حلجها وعيونها) ما توقعت هالشئ ومارامت تركز في الكلام الباقي لأنهم كانو يرمسون بصوت واطي بس قدرت تلقط لها كم كلمه ... ودقت الباب بالقووو هالمره وصخو اللي داخل ودشت .. حنون وهيه داشة ومنصدمه بالقوو ومب مصدقة وماتبا تبين أنها سمعت شي حنون : أبوي أباك توديني الحديقة .. بليييييز بابآ .. بتوديني ؟؟!! (وأبتسمت إبتسامه صفرا) أبو حنون ماحب يكسر بخاطر بنته وشاف ويها حزين لأنه العصر قالها لا : أنا بظهر ألحيــن روحي لبسي يلاا ..(وبجمود) بسرعة فرحت حنون بس يوم تذكرت الكلام الي سمعته بوزت وهيه عيونها ممزوره دموع وسارت تركض صوب حجرتها تمت أدور اللاب حصلته تحت الشبريه حنون : هذا شو اللي طيره هناك مب كان فوق ؟؟!! مع انها كانت مستغربة بس سوت طاف وقالت حق شموه أنها بعد شوي بتظهر .. ودقت حق لطوف يمكن أمها توافق تخليها تيي .. بس أم لطوف كالعادة مستحييل توافق ماتخليها تظهر مكان روحها ولطوف محد فاضي لها يروح معاها .. عقب ظهرت حنون سارت صوب غرفة أخوها ميود دشت بس ماحصلت حد والحجرة باااااااردة ومعفووسه ( ماينلام حجره شباب) ماايد ( أول بطل من أبطال القصة .. عمره 19 .. أخو حنون يشبها تقريباً جماله بدوي قريب على جمال الهنود .. خشمه نفس حنون صغير .. عيونه ناعسات .. أكبر مغايضجي في الدنيا يحب المغايض واايد .. والنذاله عنده هوااايه .. وخاصةً فـ حنون حليها طايح فيها .. عصبي ويتنرفز على أي شي .. يحب يرز عمره في كل شي ويفتش في أغراض حنون ويقهرها ههه .. أبوه معتمد عليه في أغلب الأشياء والأوقات يعني متحمل المسؤوليه بدال أبوه) ظهرت من الحجرة سارت تتلبس وتتعدل .. ودق عليها أبوها باب الحجرة ودش وهيه تدور صندل بو مايد : يلا حنااان بسير أشغل السيارة أنتي لحقيني لاتتأخرين .. حنان وهيه أدور صندل وترد على أبوها بصوت عالي : أوكيه ياايه .. {كانت لابسة عباة عليها من ورا نقش فوشي على كاامل الظهر و قصة إيد وسيعة مع كعب ذهبي وشنطة ذهبية طويلة أم سلسله .. وكانت متجحله بلون فوشي غامج وراسمة عيونها رسمة خفيفه ع كامل عينها} سارت وحصلت أبوها يحرر السيارة وركبت والهدوء كان المسيطر عليها .. وأبوها أستغرب أنها ساكتة .. بالعادة تقعد تتحرطم وتضاربه وتقعد تسولف وياه .. بس هيه كانت تفكر بالكلام اللي سمعته وفكرت أنه هو بعد قاعد يفكر فيه و كيف قاله حق أم عياله .. ماما !! حنون بداخلها : " أنا لازم أدور حل .. وأعرف السالفة كااااامله" ووصلت وياية بتنزل بو مايد : عندج فلوس ؟؟!! حنون : هيه !! بو مايد : يوم تخلصين دقي حق مايد عشان يشلج لأني مشغول بسير الصناعية حنون : أوكيه .. بس ميود يوم أدقله مرات مايرد .. دقله بابا وخبره !! (وتغشت ودخلت وفصخت الغشوة .. وقعدت أدور شمووه ... لين حصتلها مع بنتين … {شموه كانت لابسة قميص كروهات شفآف قصير فيه حركة من عند الرقبة بألوان Rain bow مع ليقنز أسود وبدي أسود تحت القميص .. وأكسسورات وايد ناعمة ... مع كعب أسود لمييع … وكانت بس مجحله من داخل ورسمة عين عريضة شوي من فوق بس .. وكانت رافعة نص شعرها ومنزله الباقي لأنه شعرها طويل ما شاء الله ومكشكشتنه بطريقة حلوة وحاطة فيونكه وردية} يوم شافت حنون ربعت لها .. تقول أول مرة تشوفها .. والمشكلة تربع بطريقة غبية (كل ريل من صوب ههه .. تمت تضحك عليها حنون) شموه أول ماشافت حنون : حنووووووووووووون نفسسسيآآآآآآآآت .. (وتربع لين حضنتها) حنون وهيه فاطسة ع شكلها : شفييج بسم الله .. ههه ؟؟!! شموه : تصدقين أشتقتلج ؟؟!! حنون : بدينا بالخررط .. اليووم جآإيفتنني ف السكوول شموه : ههه تعالي نسير عند ميروه وفطامي حنون : لالا مابا أسير عندهم تعالي بخبرج سالفة ..(وتسحبها الصوب الثاني) شموه : أنزين تعالي سلمي عليهم وعقب بنسير (وتسحبها الصوب الثاني) .. أصلاً نحن مابنقعد وياهم .. حنون : أوكيه …. (وشافت حنون ميروه وأنصدمت لأنها تعرف شكلها بس ميروه ماتعرف حنون شكلا بس رمستها في المسن .. وحنون بغت أطفر بها وأستوت ضرابه بينهن ع المسن) تعالــــي هاي فطامي اللي عدالها ميرووه شعشوبنه صح ؟؟ هههه مابااا خلاص هونت مابا أسير عندهن شمووه : هههه بلاج أنتي ؟؟ مابتعرفج .. حنون : ههه .. أخاف يقوللي يبن إيميلي ؟؟!! شمو : ليش يبن ياخذن إيميلج ؟ خليهن يعرفنج اول !! حنون : جب !! شموه : يجبج ههه .. (ووصلوا عندهم) هاااااااي بنات مم حنون هاي ميروه وفطامي .. فطامي وميروتي هاي حنون my friend حنون تبا تفطس ومسويه عمرها ماتعرفهم وطبعا هم مايعرفونها ... سلموا عليهم وشوية سوالف وسارو شموه وحنون يتمشون روحهم .. حنون : والله وربي وقسم بالله العظيم ورب الكعبة (ماخلت شئ ماقالته ههه) مب مصدقة أبوي يطلع منه هالكلام ؟!!؟ شموه : أنزين والله الدنيا ماتسوى تزعلين عمرج .. ترانا كلنا رايحين من هالدنيا حنون : تبيني أموت ؟؟!! شموه : ههه مب قصدي جذي حنون على طوول : شموه أبوي … أبووي مايحب أمي مايحبهاااا .. ولا وأزيدج من الشعر بيت ماخذنها غصب بعد ؟؟!! أنزين منو اللي غصبه ؟؟ يدي ؟؟ يدي عمره ماغصب حد على شي هو مايبااه .. شمووه خلاااااااص تعبت (وقعدت ع الحشيش بيأس) .. وشموه بدورها حظنت حنون تواسيها : بس خلاص (وقعدت حنون تصيـــح وشموه حاضنتنها) شموه بعد فتره طويله ( من اللي قعدت حنون تصيح فيها) : بس خلاص كل شي في هالدنيا وله حل .. قومي قومي بنسير الحمام غسلي ويهج … يلا قووومييي (وقامت شموه وسحبت حنون من إيدها) . . . عند لطوف .. قاعدة في غرفة الطعام وقاعدة تتعشى وصاكة فيها الدنيا اليوم .. يوم أمها تهزبها يصير مالها نفس حق شي .. جان يدخل عليها أحمد أخوها وبكل هدوء (دوم يسوي فيها هالحركة يدخل ويوقف وراها وهو ساكت لين تلف وتتروع) أحمد (ثاني بطل لقصتنا .. عمره 20 داش في 21 .. أسمراني .. طويل .. ضعيف .. بس جتوفه عراض .. معضل شوي .. عصبي مرات وهادي مرات ومتفاهم في بعض الأحيان (يعني تخبيص هآع) .. يحب يتفلسف واايد ... وينكت بعد ههه .. يحب يغايض واايد << حمدلله والشكر .. العايلة كلها محبة للغياض والفلسفة) أحمد مشى بشوي شوي ووقف وراها وهو يطالع تلفزون وياها وسار يقرقطها في رقبتها لطوف مالفت تمت زايغه وتنفض كندورتها من ورا : أآإآه أمااياااه (ولفت حصلت أحمد) .. عنلاتك زيغتني أفف أحمد : ههههه بلاج نفسج فخشمج ؟؟!! جنه حد **** ف ويهج ؟؟!! لطوف تبتسم من دون نفس : ماشي .. وبلا هالألفاظ ههه … (وتلف أطالع المسلسل كانت أتابع ماري تشوي يوم تربي) أحمد يرّ كرسي وقعد عدالها : شو هااااااا أمف عليها بدلي خلينا نطالع شي مثل العالم و الناس !! لطوف قفطت أن أخوها يشوف هالمشاهد وبدلت : أنزييين لاتقعد تصارخ ..(وبدلت حطت ع الأخبار) ودخل عبود أخوها (دوم يطفر بها) : السلام عليكم الكل: وعليكم السلام عبود وهو يطالع العشى والإبتسامه ع ويهه : العشا اليوم براتا ؟؟!! اللـــــه .. (ويكمل جملته المعتادة) لطوف وبعدين وياااج يعني وبعدين ؟؟!! لطوف (هاذا ماعنده شغله غيري ويا هالسيناريو ) : أفف جب عبود ياكل وهو واقف وياخذ براتا ويحط جبن وياكل خس وخيار وطماط ويحط في السندويجه كتجاب ومايونيز بعد .. ولطوف اطالعه بعبط (هذا شو يخبص ؟؟!!) لطوف : إيييه خبصت الدنيا هب سندويجة أحمد : ههه سندويجة Big show ههه عبود ومسوي عمره مسكين : تتمصخرون عليه ؟؟ ماعليه .. بخبر عليكم أمي أخليها تذبحكم من الذبح العظيم وتدخل عليهم الوالدة ووراها عبدالله ولد ولدها خليفة (يسمونه عبدالله خليفة على أسم أبوه عشان يفرقون بينه وعبدالله سالم ولد عمته وولد خاله في نفس الوقت اللي هو ولد أختهم ريم) أم خليفه : أدخل أنزييييين .. عيال هالزمن ماوراكم ألا عوار الرااس عبدالله خليفه : متى بيي عبدالله سالللللللللللللللللللللللم (ويحن ويزن عـ يدته .. عمرة 8 سنوات كبر عبدالله سالم بس بينهم أسبوعين) أم خليفه :بس أنزيـــــن صدعتلي راااسي أحمد عصب على عبدالله : عبدالـــــــلــــــــــــه .. (عبدالله سكت ولم حلجه) أم خليفه وهيه تيلس عبود على الكرسي : أقعد أنزين ماحيد العرب ياكلون وهم واقفين ؟؟!! عبود : بروح برووح أم خليفه : وين بتروح .. تعشيت ؟؟ متى تعشيت ؟؟!! شو كلت ؟؟!! عبود وهو ظاهر من غرفة الطعام : بسير أييب سيارتي من الوكالة أحمد وهو يبغم على عبود : شل سويج برووك حق ربيعه عبود وهو يرد عليه من عند الدرايش اللي برا ويروعهم : بوووووووه .. أوكيه يصير خير أن شاء الله أم خليفه : ويه بسم الله … أشو فييـــك خبيل أنته ؟؟!! عبود وعبدالله خليفه ولطوف وأحمد : ههههههااااااي أم خليفه : وين شسمونه هذا ماري تشوي حطيي اليوم بتربي .. (وتنازعها) … بسرعه حطي يلا ولطوف ماتبا ترد تحطه وترقص حوايبها عشان أمها تفهم وآخر شي أستسلمت لأنه أمها قعدت تحن عليها .. ومافهمت … ونش أحمد وردت لطوف ماري تشوي.. أم خليفه : يااالله مغلسج يآإ لطوف .. حطي بتخلص الحلقة لطوف : هكييه بعدها تتعصر .. هب ولد هذا بيي … توم كروز العرب ..(وتمت تتحرطم) أم خليفه : أنزين سكتي ماسمعنا شي لطوف : يالله ألا حلقة .. تسكتين بنتج عشان حلقة ؟؟!! الله يالدنيا أم خليفه وهيه مفوله من لطوف اللي ماخلتها تسمع شي : بتسكتين ولا أفلعج بالصحن ؟؟!! لطوف : أفاا والله على نص عمري أمي بـتفلعني بالصحن عشان حلقة .. ماهقيتها منج والله .. الله يسامحج (وطالعتها بنظرة) ههههههه أنزين خلاص خلاص .. مافينا إصابات لاعب غير حالات طوارىء بعد .. هآع . . . شموه : تعالي دقيتي حق لطوف ؟؟!! حنون : هيه قبل لا أظهر كنت مرمستنها !! شموه : النذلة مايت حنون : كيف بتيي وأمها مسويتلها حراسة أمن ؟؟! شموه : ههه تعالي بندقلها نخبلها هع ..( ودقتلها شموه من فون حنون..) طوط طوووط طوط طوووط ..: ألو شموه : السلام عليكم .. : وعليكم السلام . . . توقعاتكم !! منو اللي رد على شموه ؟؟ وظبية وينها من هذا كله ؟؟ ليش مختفيه ؟؟ تتوقعون تكون في البارت الياي ؟؟ و بعد في أحداث بتستوي في الحديقة .. شو تتوقعون بيصير مع شموه وحنون ؟؟ |
منو اللي رد على شموه ؟؟ يمكن آخو لطوووف وظبية وينها من هذا كله ؟؟ ليش مختفيه ؟؟ مددرري تتوقعون تكون في البارت الياي ؟؟ يمكن و بعد في أحداث بتستوي في الحديقة .. شو تتوقعون بيصير مع شموه وحنون ؟؟ آمم آلصرآحه مدري بس آكيد بتصير آحدآث خخ تسلميين عآلبآآرت آلحلو :az_flw: |
منو اللي رد على شموه ؟؟ آحممد وظبية وينها من هذا كله ؟؟ ليش مختفيه ؟؟ ممممدي يممكن صاير لهاا شيـي تتوقعون تكون في البارت الياي ؟؟ ههي إن شاااء الله و بعد في أحداث بتستوي في الحديقة ..؟؟ امم ممدري شو تتوقعون بيصير مع شموه وحنون ؟؟ممدري الله يسستر يالللللله بسسسسسسسرععه حطططي الباااااارت روووووووووووعه البااااااااااااااارررت |
منو اللي رد على شموه ؟؟ اخوها احمد وظبية وينها من هذا كله ؟؟ ليش مختفيه ؟؟ ما اعرف تتوقعون تكون في البارت الياي ؟؟ هيه و بعد في أحداث بتستوي في الحديقة .. شو تتوقعون بيصير مع شموه وحنون ؟؟ ماا ادري |
البــــآاارت وربي تفجييـ,’,ـر وإابدـآااع عيبتيني اأاكثر شخصيهه (لطوووف) نترقب منج بارت يديد تقبلي خطفتيه :) |
البارت الخامس . . . شموه : اقولج دقيتي حق لطوف ؟؟!! حنون : هيييه .. قبل لا أظهر كنت مرمستنها !! شموه : النذلة مايت حنون : كيف بتيي وأمها مسويتلها حراسة جيش دولة ؟؟! شموه : ههه تعالي بندقلها نخبلها هع .. ( ودقتلها شموه من فون حنون..) طوط طوووط طوط طوووط ..: ألو شموه : السلام عليكم .. : وعليكم السلام شموه تبا تستهبل على لطوف : عرفتيني ؟؟!! ..: لا والله ماحصلي الشرف شموه ماركزت ف الصوت لأنها قاعدة تضحك وتبا تكمل الصادوه مالها : منوووووو أناااااااااا ؟؟!! ( وهيه تصارخ بس بدلع في التلفون لأنهآ تدل لطوف مآتحب هالحركآت) ..: وشدراني منو أنتي ؟؟!! قالولج التحريات ولا المباحث معاج ؟؟!! شموه : هههه حلوة منج المهم مش لازم تعرفيني .. بس تراني داقة أسلم عليج ..: داقة تسلمين علي ؟؟! ماشاءالله في بنات يعرفوني بعد ؟؟!! ممم زين والله تعارف بين أفراد المجتمع شموه : إييه ياخي معقوله ماعرفتيني ؟!!؟؟ ..: شو هالبلشة .. ياخي ماعرفناج ومب لازم نعرفج وجلبي ويهج شموه : صبري صبري ويت ويت .. حشى … هالكثر صوتي متغير ؟؟!! …: أففففف .. هيه هيه عرفناج خلاص فكينا ؟؟!! شموه : حمدالله .. منو أنا ؟؟!! يلا قولي ؟؟!! ..: أخخ والله لو جدامي جان عطيتج طراق ع شيفتج .. أختي أنتي منو تبين داقة الرقم غلط شكلج !! شموه بدت تركز ع الصوت بس حست أنها تحلم : هااه ؟؟!! مب أنتي لطوف ؟؟!! ..: أها أنتي ربيعة لطوف ؟؟ قولي جيه من الصبح ويت بزقرها وراح يزقرها أحمد أحمد وهو فوق راس لطوف : لطووف روحي في هبلة وتستهبل .. تباج ع التلفون لطوف : هههه حرام عليك تتمصخر ع ربيعاتي .. قولها بدقلج عقب .. المسلسل مابيعيدونه ..(وأحمد بعده واقف) سيير يلاا أحمد : أقولج مب فاضي حق دلع البنات .. باجر في إعاده الظهر شوفيها الظهر .. وايد مهمه الحلقه يعني ؟؟ لطوف وهيه مندمجه في المسلسل : إيييه سييير مابيطيح نصك ؟ سير رد عليها أحمد : سيري اروحج ردي عليها لطوف : كيف أسير وبعدها مايت الدعايات ؟؟ أحمد : يوم تيي الدعايات سيري لها (وياي بيروح) لطوف : جيه البنت مابتقعد تتريا ؟ تعااااااال … يلا يلا بلييييز !! (وقعدت تقردنه .. وحطوا الدعايات) أحمد : أكييه يت الدعايات قومي روحج رمسيها .. (وياي بيروح ومطته من الفروخه مالت الكندوره وأحمد كللللللله ولا كندورته تتوصخ ولا يستويبها شي ولا يخترب برستيجه ولا كشخته .. وقعدت تحن وتزن عليه .. ماتبا الحلقه أطوفها ودعايات قناة بوظبي قصيره .. ولطوف لاصقه في الكرسي مب طايعه تقوم) وسار يرد ع التلفون .. وشموه تتحراه لطوف شموه وهيه تصآرخ بدلع : لطووووووووووووووفي !! أحمد : لطوف تتعشى !! شموه : لطوووووف !؟؟! أحمد : لطوووووووف تتعــشاااااااا شموه : لطوف لحقي .. (وركزت ع الصوت) .. بلاج صايرة بويه أنتي ؟؟!! أحمد يبا ينفجر ف ويهها : قلنالج لطوف تتعشى .. وبترد أدقلج عقب شموه جنه صابين عليها ماي بارد وبكككل هدوووء وبصوت بالكاد ينسمع : أوكيه مشكور .. (وسكرت في ويهه بسرعه) .. أحمد : حمدلله والشكر .. ولابعد تسكر في ويهي .. ماتنلامـ لطووف خبلة .. دآمـ ربايعها جي . . . عند شموه لفت شمووه صوب حنون بس حنون كانت سرحانه وتفكر شموه وهيه تصارخ وتهز ريول حنون : أويييييييييييييييييييييييييييييييييييييييييييييييي يييييه ….. (وتطالعها وحنون مسوتلها طاف) .. إييييييييييييييييييييييييييييييييييييييه حنوووووووووون (وبكل هدوء) حنون تخيلي حنون لفت بسرعه ع صوتها : بسم الله خرعتيني شو عندج !! شموه وهيه مغمضة عيونها مب مصدقة وحاطها أيديها ع قلبها : حنووون تخيلي على منو قاعدة أستهبل من الصبح ؟؟!! حنون جنها فهمت السالفة : ههههههههه لاتقولين ؟؟!! شموه وهيه مسكره عيونها : حنون كنت أستهبل على أحمدووه مادري منو من أعيال عمي !! (وشوي وهيه بتصيح) حنووووووووووووووووون هههه حنون : ههههههههههههههه .. شموه ههههههه شموه وهيه تصفع حنون عشان تسكت : جاب جااب جااااب هههه وقعدت تسألها وتتطنز عليها مصخرتها مصخرة .. لين شموه صفعتها وكفختها .. . . . خلونا نرد الزمن لورا شوي .. ع الساعة 5 وثلث تقريباً .. . . . "ظبية" الشخصية اللي ماعّرفتكم عليها في البدايه ألحين بتعرفونها .. كانت غايبة اليوم من المدرسة (هالبنت ملامحها حلووة وااايد بس شكلها بوية بس حركاتها مثل اي بنت سبورتية .. أمها ميتة يوم كانت صغيرة .. وأبوها ماطاع يعرس ودوم مشغول و مسافر ويا أبو اميره ..) ظبية دشت غرفتها وقفلت الباب وعيونها ممزروه دموع ومحمره من الخاطر .. وماسكه عمرها ماتبا تصيح نزلت راسها وقعدت تصيح بحرقه … (تصيح على شرفها اللى ضاع تصيح على عمرها على نفسها اللي ماقدرت تصونها يوم كانت صغيره .. مب عارفه ذنب منو .. ذنبها هيه يوم مادافعت عن نفسها ؟! أو ذنب الشخص اللي أذآها ؟!) .. دشت غرفة ملابسها وقعدت تكسر كل شي وطيحت الثياب وهيه تصارخ منفعله .. ودوخت وحست بتطيح بس تمالكت عمرها وبصوت رجولي : ليييييش ليييييييييييش لييييييييييييش ..(وطاحت ع ركبها وتضرب على ركبها) .. ليش ياربي لييش .. يستويلي جييه ليييييييييييييش فهموني لييش … (وبهدوء) ليش بس أنا ليييش .. ودوخت وضرب راسها بالقوووو على اليدار .. وساندت راسها ع اليدار .. وحست الدنيا تدووووووووور فيها وأسودت ف عينها الدنيا وما رامت تشوف جدامها وطاحت .. بعد دقايق تسمع صوت بس مش مركزة فيه تسحبت شوي بس ماقدرت .. قاومت وسحبت عمرها لين برا غرفة الملابس وتقربت من الشبرية ومسكت في ريل الشبرية وعقبها ماحست ف الدنيا) .. ..: ظبية بطلي الباب يا ظبية .. ظبياااه شفييج … بطلي الباب ظبية .. ..: بلاها ليش ماترد ؟؟!! ..: مادري .. ظبية بطلي لا أكسر الباب ع راسج احينه ..: يا بو ظبية يمكن البنت صابها شي لاسمح الله !! بو ظبية : لا لا لا بنتي مافيها شي توه أسمع حسها عنبوه ... ظبيااااه قلتلج بطلي البااااب أحسسسن لج ..: اخلي حد من الشباب يكسر الباب !!؟؟ بو ظبية : زقري منصور ولا حمدان بسرعة .. (وبسرعه راحت تربع ع الدري) بو ظبية: بسرعه حصاااااااااه حصة (أخته) تركض تحت وتزاقر : حمداااااااان منصووووووووور ياحمدااااااااان وينكم حد يرد علي .. وين ..(وقطع عليها صوت حمدان) حمدان : بلاج عمتيه تزاعقين … (وحصة تتنفس بصعوبه) شو مستوي بسم الله .. بلاج تنافخين .. (وحصة تأشر على داخل) حصة تتكلم بصعوبه : ظـ….…ظبـ…..ظبية… لحقو ..(ويحضر منصور من وراهم .. وحصه ترمس بسرعه) ظبية قافلة على عمرها الباب ومادري شو بلاها ماترد … (وقبل لا أتكمل كلامها يترابعون صاعدين فوق) . . . ((حمدان ومنصور يكونون عيال عم .. بس يستون لظبية عيال خالها .. ساكنين في دبي بس عمتهمـ اللي ميته اللي هيه أم ظبية ماخذنها واحد من العين .. )) . . . (حمدان : ثالث بطل من أبطال قصتنا .. عمره 20 داش في 21 .. شخصية كوميديه وايد سوالف حبوب طيب .. مرات يستوي محشش ومينون يوم يكون رايق و مخه مب مشغول في شي .. إنساان طمووح .. عنده هدف في حياته ويحب يحقق أحلامه ... طويل معضل شوي أسمراني .. شعره دووم يكشكشه وينزله ع يبهته .. ويدرس طب عـ حساب الجيش ... له هيبه غييير وكل المجالس تشهد لأفعاله .. منصور : رابع بطل من أبطال قصتنا .. عمره 20 .. عكس حمدان مع إنه ربيعه الروح بالروح … ضعيف وحنطاوي شوي .. طويل شوي ... عصبي .. مب قنوع .. ومايعيبه أي شي … بس سوالف يحب المغامرات … مايحب الدراسه [فااشل درآسيا] .. ماله هدف في الحياة .. داخل جيش مع حمدان لكن حمدان يدرس طب ومنصور عسكري .. وملعوزنهم واايد .. بس له مهابته ومكانته للكل) . . . حمدان ومنصور ساروا صوب بو ظبية ويمسكونه من جتوفه ويخوزونه عن الباب ويدقدقونه .. وعقب كم دقيقة لمن ماسمعو رد.. ردو ع ورا وكسروا الباب و تمو واقفين مبهتين يوم لقوا الدم تارس المكان والغرفة معفوسة .. وبعدهم بو ظبية ودش وربع صوب بنته اللي طايح راسها صوب الشبريه تحت ... وتدخل حصه وقعدت مبهته ماعرفت شو تسوي ولا وين توقف بس واقفه عند باب الغرفة عدال منصور وحمدان وتطالع الحجرة كيف معفوسه بو ظبية يمسك بنته ويرفعها ويحط راسها ع ريوله : ظبياااه (ويضربها بخفيف ع ويهها لكنها ماترد والدم خيس كندورته .. ويرمس حمدان ومنصور) … أرفعوها معاي … (ورفعوها حطوها ع الشبريه).. حمدان : أنا بسير أشغل سيارتي .. (ويربع حمدان يشغل السيارة ومنصور واقف يطالع ظبية أول مره يشوفها كاشفه .. يشوف شعرها الممقصوص قصة بويات ولبسها كيف .. كان يشوفها دووم بالشيلة و الكندوره … عقب حس عـ نفسه وأستحى ع ويهه بسرعه ونزل راسه … "ظبية كانت بلا شيله بس لابسه بنطلون أسود وقميص نص كم لونة أخضر غامج وعليه كلام بالأسود") … بو ظبية : منصور ييب خلقه ولا شاش أي شي نحطه ع راسها .. حصااه تعاالي لبسيها عباتها بسرعه .. (حصة كانت واقفه عند الباب وحاطة إيديها ع حلجها منصدمه من المشهد ( راس ظبية ينزف ) … وربعت حصه لغرفة الملابس تييب عباة ظبيه وتمت أتدور من بين الثياب المعقوقه ع الأرض وفي الكبت .. ومنصور سار يااب عدة الإسعافات الأولية) بو ظبية : بس طلع شاش نحطه ع اليرح بسرعه …. (و يزعق ع حصة) …حصصصصصصه وين عباااتهااااا حصة : ماحصلتها .. غرفه الملابس معفوووسه بوظبية شوي يرمسهم وشوي يرمس ظبيه (وماسك الشاش و ضاغط على اليرح ويرمسها يمكن تصحصح تبطل عيونها) : منصور ماعليك أماره سير دور وياها الله يخليك .. بسرعه !! ومنصور يتنافض من الزيغه : أنزين عمي مايحتاي عباة البنت بتموت … بوظبية (بصوت شوي عالي .. ومب رايم يرمس يبا يصارخ خانقتنه العبره .. ويرص ع شفايفه) : ماروم أودي بنتي كاشفه !!؟؟ (وراح منصور عند حصة لقاها ماسكه عباة وشكلها أدور شيله وقعد يدور وياها شيلة) منصور: هاااذي ... (ويربعون صوبهم .. هذا كله ماخذ أكثر عن دقيقتين) و يت حصه ولبستها العباة ويايه بتلبسها الشيله لكن بو ظبية شلها وربع تحت ومنصور يربع جدامه ولقو حمدان صوب باب سيارة يترايهم فبسرعة بطل الباب وحصة وراهم بالشيلة ولبستها حصة الشيلة .. وقالت : طمنوني عليها لاتطولون … (وركبوا حمدان ومنصور جدام وبو ظبية ورا ماسك ظبية وحاطنها ع ريوله وفارد ريولها ع كامل السيت … ومنصور يسوق 160 وهو يتنافض .. حمدان يرمس منصور بصوت واطي : شوي شوي بتذبحنا يا ريال منصور أطالعه ويطالع أيدينه : البنت بتموت علينا ..(ويخفف صوته عشان عمه مايسمعه) وأنته يالس تقولي شوي شوي ؟؟!! حمدان ماسك المقبض اللي فوق لأنه منصور مخمس ومسرع .. ودقايق وصلوا المستشفى منصور : نزلوا أنتو من باب الطوارىء وأنا بسير أوقف السيارة … وبلحقكم عقب .. حمدان : وقف السيارة وتعال بسرعه لا تتأخر ..(أول ماوقف منصور السيارة على طول بو ظبية بطل الباب وحطوها الدكاتره الموجودين ع الشبريه و ع طووول غرفه العمليات .. لأنها كانت غايبة عن الوعي لأكثر من ربع ساعه .. وأذن المغرب) يا منصور ركييييييض صوبهم : هاا وينها حمدان : دخلوها غرفه العمليات !! وسار عنهم بو ظبية وقعد ع الكراسي وهو يكلم نفسه : أخ الله يـســـتـر .. أن شاء الله خيير .. وساروا صوبه حمدان : أن شاء الله بتقوم بالسلامه .. قوم صل أنته .. أكيد بيتأخروون … ومنصور مايدري ليش هو مرتبك وخااايف بالقووو . . . أميره صلت المغرب وقعدت ع المسن ... لاعت جبدها من المسن كل اللي فيه سوالفهم مملة ظهرت برا عند أختها نجود .. كانت لابسه بيجامه كت وشورت .. دخلت حجرتها بكل دفاشة نجود نقزت كانت قاعدة ع الكمبيوتر ولفت صوب الباب كانت عاطية الباب ظهرها : (بكل هدوء وهيه خيفانه) بسم (أستوعبت وجان تصارخ) الللللللللللله أميره : لاتصارخين في ويهي ،، (وتقعد عـ الشبريه) نجود : وين وين .. يلا برا أميره : مالت عليج .. أوني يايه أسولف وياج نجود : ماعندج دراسه ؟؟!! يلا يلا سيري درسي لا أخبر عليج أمي أحيييييييينه أميرة : مااالت عليج أنتي وأمج .. صدقني يعني أنتي يالسه أدرسين أونج ؟؟ نجود شهههقت : آإأأه أماااااااااااااااااااااااياااااااااااااااااااااااا اااااااااااااااه ربعت البشكاره جينا : شو فيييي !!؟؟ نجود تصارخ : أمااياااه (وتزقر أمها) أماياه بسرعه تعاليييي لحقي عليييييييييه …(وترمس جينا).. وين ماما ؟؟!! و يت أم نجود ( سمر لبنانية بس رمستها رمسة إماراتيه لأنها من زماان هنيه ماخذه بو أميره يمكن من 6 سنوات ) من ورا البشكاره وشافت نجود واقفه وتصارخ وأميره واقفه صوب الشبريه .. ومسويه عمرها عادي بس زايغه من داخلها سمر : شفيكم تصارخوون ؟؟!! (ولفت صوب أميره) أكيد من تحت راسج أنتي أم البلاوي .. حسبي الله عليج من بنت … (وتصارخ في ويهها) ذلفي غرفتتتتتج !! أميره وهيه سايره : أنزيين صمختينا حشى .. سمر : شووووه أميره لفت عليها : عن ينطر لج عرج بس سمر ربعت عندها ومسكتها من جتفها : أنتتتتييييي إإييييييييه .. بتحترميييين نفسسج ولا شوووووه ؟؟ أميره وبكل برود : ولا شووه ؟؟!! (وخوزت إيديها عنها) وووووووع لاتصكيني (وسارت حجرتها) سمر تمت أطالع أميره وهيه تفور من العصبية بداخلها نجود تصارخ : أفففففففف تقهريني يوم تسكتين عنها سمر تأففت وراحت . . . عند ظبووي (صلوا وردوا والدكتور بعده ماظهر .. كانت تقريباً الساعة 6 ونص .. مر الوقت بسرعه .. وبعد تقريباً ساعة وشوي ظهر الدكتور .. نشو بسرعه صوبه كلهم) بوظبية : هااا دكتور … شو صار . . . توقعاتكم : شو بصير لـ ظبية ؟؟ منو السبب ورا هاي السالفه ؟؟ حنون وشموه .. في أحداث ممكن تصير معاهم ؟؟ |
البآآآآآآآآآآآآآآآآآآآآآآآرت كشوووخي ..فيني فضضول ابي اعرف شو بيستوي نتريآآ الززؤد منج .. وسموحه منج ماشي توقعاات هع ^^ |
رووووووووووعه الباااااااااررت شو بصير لـ ظبية ؟؟ ممدرري منو السبب ورا هاي السالفه ؟؟آممم اللي ممعرف شو سوى فيهاا حنون وشموه .. في أحداث ممكن تصير معاهم ؟؟ آآآآآكييد |
هــــــــــآـأاي الباارت روعه بس قصيررر الصرااحه بغييت ارد على التوقعااات بس :؟................. ما عرفت سالفت ظبيووه ههه نترقب باارت يددديييد :) |
ترقبوني مع بارت يديد أن شاء الله بااجر اللي هو يوم الثلاثاء ، ، وشكراً على المتاابعه واللي مرو هنييه ^^ |
البارت السادس . . . عند ظبووي (صلوا وردوا والدكتور بعده ماظهر .. كانت تقريباً الساعة 6 ونص .. مر الوقت بسرعه .. وبعد تقريباً ساعة وشوي ظهر الدكتور .. فنشو بسرعه صوبه كلهم) بوظبية : هااا دكتور … بشششر الدكتور (مب عارف صلتهم فيها) : أنتو مين ؟؟!! بو ظبية يتحرقص ويرمس بسرعة: أنا أبوها .. وهاييل عيال عمها الدكتور (مصري) : آه .. ممكن كلمه على إنفراد لو سمحت ؟؟ بو ظبية : فالك طيب … بس قولي بنتي شي فيها ؟؟ (وساروا حمدان ومنصور عنهم) الدكتور يسحب بو ظبية الصوب الثاني : لالا الحمدالله إطمن .. مافيش أي حاقه بتخوف .. نحن سيطرنا على النزيف الحاد اللي كان عندها .. بس البنت مشكلتها مش جسديه بس (وسكت شوي .. وبو ظبية منننصصددم قاعد على أعصابه يتريا الدكتور يكمل) مشكلتها نفسيه .. هي في مشاكل بتواجهها في البيت أو أي حاقه مسببتلها أزمة نفسية أو أي حاقة مِديقاها فالبيــــت ؟؟ بو ظبية (لف ويهه يفكر) : يمـ ..… يمكن هيه محتايه أمها ؟؟!! الدكتور : ليه هيه أمها فين ؟؟ مش معاها !! بو ظبية (نزل راسه) : لا يا دكتور أمها متوفيه من اول ماولدتها .. الدكتور : آإأآآه … الله يرحمها ... يمكن دي المشكلة !! يمكن ماعنداهاش حدا بتشكيله أو بتفتحله ألبها فعشان كده هي كتمهاه ودلوقت طلعته بالطريقة ديه!! . . . ( ياترى شو أستوى ؟؟ ليش ظبية أنفجرت جيه ؟؟ شو السبب ؟؟!!) قبل لا يستوي هالشي .. كانت ظبية قاعدة ويا عيال خالها في الحديقة وكانوا يرمسون عن أمها وكيف كانت.. كيف كان تعاملها مع الكل وشقد هيه طيبة وحنونه وجمييييلة بمعنى الكلمة (ظبية طالعة على امها بالجمال وحتى الطيبة) وكانوا يرمسون ومب حاسين في ظبية اللي تتقطع من داخلها وكم ضايق صدرها .. ويوم تسألهم عنها يقولوها توفت وهيه تيبج .. فقامت عنهم ودشت داخل وخذت لها شور سريع (وهيه تحت الماي كانت تفكبر بامها وتتخيلها) وطلعت بدلت ثيابها ونزلت تحت وسمعت صوت تلفونها وتمت أدوره لأنها فارتنه ماتدري عنه لين حصلته والمكالمه كانت : ..: أنتي ليش ماتردين ؟؟! ظبية : شو تبا ؟؟!! ..: شو نسيتي ؟؟!! تعاللي المكان اللي قتلج عنه !! ظبية : مابيي شو بتسوي .. والله ماتقدر تصك شعره مني والله !! …: هههههههه منو اللي مايقدر ؟؟!! لا تجبريني عـ شي مب ناوي أسويه !! ظبية : ليش شو اللي ماسويته بعدك ؟؟ ..: لاتخليني أعيد اللي سويته فيج بصغرج وقاطعته ظبية بسرعه : أخلللللللص شو تبا ؟؟!! خلصني ..: شوفي أنا نبهتج أكثر من مره يا تيين المكان اللي قتلج عنه ؟؟ ولا أسوي فيج شي عمرج مابتنسيييييينننه !!؟؟ وبتندمين أشششد الندم يا (ضحك وبصوت استهزاء) قوية انتي ظبية وبنفااذ صبر وبكل قوتها رصت ع ضروسها : أنته شو تبا مني ؟؟!! شو اللي بتسويه زياده أكثر من ماسويته ؟؟!! والله إذا بس قربت من بيتنا ما بتلاقى عمرك ألا وأنته ف السجن يا **** ..: هههه لاه قويه !! تراني مجرب من زمان ليش أجرب بعدني مره ثانية ؟؟ ظبية وعيونها ممزوره دمووع .. وبصوت رجولي : خلاااااااااااص !! دور لك مكان ثاني نتلاقى فيه غير عن المكان اللي قلتلي عنه ..: لاااااااااااه ظبية القويه تستسلم ؟؟!! ما صـدق اذني وقاطعته ظبية وبجديه : أنا ما أستسلمت أنا أبا أصفي حساباتي معاك … يعني قعده تصفيه حسابات .. (وصرخت صرخه رجوليه هزت المكان منها) فهممممممممتتتتت ؟؟!! .. (توتر) : أوكيه (وخبرها المكان) ... نشوفج عـ خير يا قلبي ظبية : الله ياخذك و **** شكلك يا ****** يا ****** (وسكرت ف ويهه .. ويايه بتروح فوق لكنها وقفت عند الدري وركبت أول درج وثاني درج .. ومارامت تكمل تمت واقفه وماسكه الحديده .. وعقب قعدت ع الدري أنهااارت صياااح بصمت وإيديها عـ ويهها وقامت بكل قوه تربع ع الدري .. وتمت أطيح وتقوم وأتطيح وتقوم وتمسك في الحديدة وتقوم عمرها ليــن وصلت فوق وقعدت تزحف وتسحب عمرها ليين وصلت باب غرفتها ومسكت مقبض الباب وقامت وبطلت الباب وقفلته واللي صار صار) . . . نرجع للمستشفى طلعوا ظبية من غرفه العلميات وهيه مبنجه وحطوها فـ غرفه … وبو ظبية تم مع الدكتور يرمس وياه عن حالة ظبية … لين سار يطمن على بنته وساروا وياه حمدان ومنصور … بس طلعتهم النيرس تبا تحطلها المغذي وترتاح شوي .. وحولوها عقب القسم الفي أي بي ،، قامت من البنج وبصعوبة فتحت عيونها وضرب ليت الحجره عـ عيونها وردت سكرتهن عقب بطلتهن أستغربت من السقف والمكان اللي هيه فيها .. وأطالعت يمين شافت أبوها يسبح بالمسبح في إيده ومنزل راسه وتمت مبهته فيه وتمت تتلفت بس ماشافت حد .. لفت صوب أبوها ظبيه (بصوت مبحوح ويادوب ينسمع) : أبويه رفع راسه بو ظبية بسرعه : ظبيااه ؟؟!! (ونقز ع شبريتها وحبها ع راسها وتم يمسح ع راسها) الحمدالله ع السلامة بنيتي !! (وهو مستغرب من شكلها أول مره يشوف بنته جيه ف هالحالة .. حتى ظبيه أول مره تشوفه خايف عليها) شو صابج شو يااج ؟؟ روعتيني ؟؟!! ظبية (ساكته وتسمع كلام أبوها وأبتسمت إبتسامه صفره) : أممم آآه (وقعدت تتألم شوي .. وعدل يلستها أبوها .. وضغط على الفص اللي فوق الشبريه عشان النيرس تيي وتشوفها .. وشوي دشت النيرس وفحصتها وعطتها أبره وحطتلها مغذي يديد) وشوي دشوا حمدان ومنصور وحصه وياهم : السلام عليكم ظبية وأبوها : وعليكم السلام حصة و منصور وحمدان سلموا عليهم وتحمدوا لظبية بالسلامه وقعدوا يسولفون .. وقالوا أنها بتقعد بس يومين يطممنون ع حالتها وبيظهرونها عقب . . . مر الوقت عند شموه وحنون .. كانت الساعة 10 ونص وأم شموه دقت عليها وقعدت تهازبها لأنها تأخرت وقالتلها بطرش الدريول بس بيتأخر وحنون أتصلت عـ أخوها ميود بس مايرد حنون : الحيواان مااايرد عليييييي .. كلب كلب كلللللب شموه : هههه أنزين خلاص بوصلج شنو صار يعني ؟؟ حنون (وهيه مفوله ع شموه اللي قاعدة تضحك عليها) : جااااااااااب أنتي .. مابا … (وترد تتصل وأخيراً رد عليها) حنوون وهيه تصارخ : الحمدالله يوم رددددديييييييييييت .. ميود وهو يشل التلفون عن أذنه : بسم الله حشى صواريخ ظهرت من التلفون .. ياليتني مارديت .. (ويرد يرمس بالتلفون) شوو تبييين ؟؟!! حنون : تعال شلني من الحديقة ميود : مش فاضيلج أنا .. شو قالولج راجوو .. جييييه ماعندنا دريول ؟؟ دقي حق الدريول خليه يشلج حنون: ياعنز الدريول شل عماتي وأمي دبي .. توهم طالعين .. والله لو الدريول موجود مابدق حق اشكالك مايد وبكل برود : ليش تقوليلي عنز .. مابييبج خلاص دبري عمرج !! حنون (فولت وبأعلى ماعندها) : ميووووووووووووووووووووووووووووووووووووود ميوود رد شل التلفون عن أذنه (ونص ربعه اللي ويااه سمعوا صريخ حنوون هه) : يالخبله فضحتينااااااا ... ربعي سمعووج … أقولج مشغوول أنا فـ الصناعيه عند أبوووي .. بلاج ماتفهمييييين ؟؟!! لازم أحكيلج قصة حياتي يعني ؟؟!! حنون : أنزييين أبوووي قالي دقي حق ميوود خلي أيي يشلج ميود : ياا بقره يااااا غبيه ياااا *** يااا شو أقول بس … (أستسلم) خلااص بيي لاتحنيين وااايد أفف عن تصيحين علينا بس ..(وسكر ف وييها) حنون تضرب ريولها بالأرض : أآإإإف سكر ف ويهي الحيوان شموه ترمس حنون : ههههه خلينا نلبس ونظهر برا نترياهم حنون مبوزه : أنزيين . . . ولبست عباتها شموه بس .. لان حنون كانت أوردي لابسه عباتها بس شموه اللي كانت فاصخة عباتها .. وظهرن براا متلثمات حنون : ههههه شمووه شكلج واااااكككك شموه مستغربه من حنون اللي توها معصبه : يرحم ابوج ماداني أتغشى ولا أتلثم .. حمدي ربج عرفت أسويها اللثمة ههه .. وتعالي بخصووصج أنتي ؟؟!! حنون : جاب أنتي ..: القمممر وين سايير ؟؟ 050******* شمووه زاغت : أعوؤؤؤذ بالله ..: أتريا الإتصال من وحده لابسه وردي طال عمرج متى ماتبين أدقين أنا بكون بأنتظارج … ماروووم ع الوردي أموووت أنا .. (وبإبتسامة خبيثة) ركبن بوصلكن وين ما الحلوات يبن !! (وتم يترياهن يرمسن وطالع جدام وعقب طالع ربيعه )... تترين حد ؟؟ بلاكن ؟؟ شموه وحنون أرتبكن وماعرفن شو يسون ويتصاصرن حنون : دخييييييل أمج خلينا ندش دااخل … شمووه يلااا (وماسكتنها من كم العبااه) شمووه مرتبكه وماتعرف شو تسوي : هاااه ؟؟!! اوكييه بسرعة … (بعدين أستوعبت) إييه أنتي غبيه ؟؟ كيف بندخل والسكيورتي قالنا إذا بتطلعون لا تردون مره ثانيه ؟؟ وألحين دريولنا ياي خلينا نصبر شوي حنوون : إييييه شمووه بلييز يلا ندخل ندخل … (وتمطها وتسحبها عشان تدخل) .. أنزين خلينا نوقف صوب الباب ع الأقل ؟؟!! ..: لايتناجى اثنان دون الثالث .. عيب أنا واقف .. خبريني أنا شو تقوليلها …. (ويرمس شموه) .. قوليلي شو قالتلج ؟؟ شموه : ياربي وين هالدريول ؟؟!! والله لو لطوف هنيه جان أدبته هالحيواان حنون : زين أنها مش موجوده .. ولا جان رحنا فيها ….. أففففف وينه ميوود ليش مايا ؟؟ شموه : شو عنده هو من السيايير ؟؟ حنون : فتك (وتتلفت يمين ويسار) شمووه: كم رقم السياره عن يكون هذاك هوو ؟؟!! حنون لفت وشافت السيارة : لو طارين مليوون !! شمووه: اوه ماي قاد .. شو بنسوي ويا هذا البلا اللي هنييه أحييينه ؟؟!! حنون: أنا بسير أركب السياره بسررعه ..: لاتخلني أنجبر أنزل ؟؟ شمووه : وبتخليني بروحي صبري ع الأقل لين أيي دريولنا !! حنون وشموه يايات يشردن صوب الباركنات اللي الصوب الثاني لأنه ميود هناك بس هو ماشافهن ..: صبرن صبرن (ونزل هو وربيعه ويربع وراهن) شمووه منصدمه ماتوقعت أنه ينزلون ولا بعد يلحقونهم .. وحنون ماسكه شموه تسحبها بس ماقدرت .. فلفت صوب سيارة ميود … لقته نازل من السياره ويربع صوبهم .. وشهقت حنون … ولفت شموه عـ شهقة حنون بسرعه .. بس أنصب الدم كله ف ويهها يوم شافت مايد ( لأنه مايد شايفنها من قبل في بيتهم ) ومايد يربع صوبهم وسيده مسك الريال من كندورته عند رقبته ويلصقه ع الييدار ويبدا في ضرب … وحنون سحبت شموه ويايه بتركبها السياره بس شموه تمت واقفه وترتجف بعدين طلعت تلفونها ودقت حق الدريول قالها أنه سوا حادث مايقدر أيي .. ومايد مشتغل في الريال ضرب وربيع الريال يحاول يفاجج من بينهم وتولفوا عليهم الهنود (فلم هندي ههه) .. ويا السيكيورتي لحق عليهم بسرعه وفاجج من بينهم وقالهم إذا زودوها بيتصل في الشرطة .. وميود متوعد حق الريال والريال يسب ميود سبب .. ورد عند حنون وشموه وهو مفووول واصل حده وياي بيركب بس شافهن مبطلات الباب اللي ورا من الصوب الثاني وسار لهن مايد وهو معصب : ركبن يلا شموه وبصوت واطي وتصاصر حنون : بتريا أخويه مابسير وياكم حنون : شمووه عن الإستهبال ركبي خلصينا مايد بحزم : بتركبن ولا شوووووه ؟؟ (وركب السياره سيده) شموه وحنون يتصاصرن .. شموه : إييه شكله معصب أخاف أقول شي يطيرني ؟؟ حنون : هههه ميود سمع وتم يضحك : ما آكل حد أنا .. يلا ركبن !! شمووه تمط حنون : ماااابي .. حنوووون حسي فيني .. أستحي والله استحي ميود حاط إذنه عندهن وأبتسم : سمععععت .. شموه قفففففففطططت : أويييه ماااااابااااااااا عيل .. مابركب خلاااص هونت حنون فاطسه : واااككك ركبي ركبي ميود طفر : لااازم أنزل و أركبكن بروحي يعني ؟؟!!!؟؟؟!! اول ماسمعت شموه آخر جملة .. بسرعة صاروخية ركبت .. وحنون ميتة ضحك عليها (هاي اللي اونها مستحية) وميود يطالعها ويضحك .. وشموووه قافطة بالقوو .. وحرك ميود بعد ماركبت حنون … الهدوء أول دقيقتين .. بعدين حنون كسرت هـ الهدوء .. حنون : شغل أغاني شو تتريا ؟!!! شموه كانت أطرش حق أمها مسج .. وكان ميود يطالعها من الجامه وهو يطول ع المسجل كان حاط شريط "راشد الماجد أغنية أختر الحل الصعب" .. وعقب حط "ميحد حمد عوود بسمتك يازين" حنون : حط هنندددددددددددييييييييييييي شمووه : لاااااااااااااااااه شوه هندي .. أبا star Fm انا .. شو هاا ميحد ما ميحد .. قديييييييم وااايد .. ميود (طاعوا ماتحب الطرب الأصيل !!) عقب طلع المسجل و قعد يجلب في القنوات : أي قناة هاي star Fm ؟؟ شموه قفطت وبصوت واطي : 1OO.1O (وأبتسمت) حنون لفت صوب شموه .. منصدمه ماحط هندي وحط star Fm !! : يعني لييش ماتحط هندي .. علييييييينا !! شمووه قففففففففففطت وقرصت حنون باقوى شئ عندها : جااب حنون صرخت : آإأآآآآآآآآآي ميود طوول ع المسجل وكانت أغنية "بدر الشعيبي - وش عيبي" (يدري أن شموه تحبها لأنه مره كان بعد شالنهم وشغل مسجل وكانت هالأغنيه وقعدت شموه تناقز ههه تقول حق حنون خليه يطول) .. وبطل الدريشه اللي صوب شمووه ... وشموه أعتفست فوق تحت وتم يضحك عليها وحنون تبا تبند الدريشه وشموو تعدل شيلتها .. لأنه كان مسرع ومخمس فـ مب رايمات يسيطرن ع الوضع .. شمووه : إييييه .. سسسسسكر الدرييشه حنون تنقز عـ شموه تبا تسكر الدريشه أذنيها عورنها : ويا رااسك .. وأنتي ماتعرفينن تسكرين الدريشه ؟؟!! (وردت يلست) وردن مكانهن وشافن الطريج .. شموه وهيه تصاصر حنون : إيييه أخوج وين رايح ؟؟ هذا مب طرييج بييتنا .. حنون : إييييه وين ساير أنته سير الطويه مب اليحر ؟؟ ميود بإبتسامه خبيثة : بخطفكن !! شمووه تصاصر حنون : إييه دلي أخوج بيتنا خلصينا ميود : يوعانات ؟؟ حنون بإندفااع و دلع : هيييييه .. عصافير بطني تصاصر شموه : هههه ميود : جب أنتي ماسألتج .. وبعدين مايليق يعني .. بس على ناااااس شموه قفططططت : آخر مره أسير ويا أخوج هذا ميود : ماتبن كيفكن شموه وحنون : لالا خلاص حنون : أخطف مطعم الـ**** شموه : لالالا نبا مطعم الـ**** ! حنون : وييييييع مانبا مالكم يلوع بالجبد شموه : وليش أن شاء الله ؟؟ طالبه منه وبطنج عورج ؟؟ ميود : ههههه .. شكلها حنون : لأنه عدال بيتكم مانبا .. وأنته جب ميود يبا يأدب حنون : جب هاا ؟ أنا أروايج يامسودة الويهه حنون بسرعه نقزت جدام : لالاااااااااااااه خلااااص خلاص سوووري سوووووري والله العظيم سووري ووررررب الكعبة سوري (ماخلت قسم ماقالته هههه) ميود : تعرفين شو بسوي يعني صح ؟؟ غبية وحدة ردي ورا يلا حنون: أحيين وين بتعشينا ؟؟ نبا نزط ؟؟! ميود : بتزطينن بتزطينن لاتحاتين أنتي شموه : ههه .. أنتي ماهمج غير بطنج ؟؟ والله مطعم **** رهيييب .. بيعيبج ميود : خلاص مطعم **** مطعم **** حنون : مااااااااباااااااااااااااا ميود : بسج صرااخ يالسحليه وخطفهم ع المطعم وكلوا ووصلوا شموه بيتهم ويوم ردوا البيت سأل حنون عن اللي صار .. منو هذاك اللي كان يقردنهم وخبرته حنون بالسالفة من طأ طأ لين السلام عليكم .. وميود فخاطره (في نص السالفة) : " أحينه هاي شو اللي بيسكتها .. صدق سوالف الحريم ماتخلص إلا وراسك معورنك سنتين جدام هههه.." . . . وفي بيت شمووه .. كاان هااادي بس الصاله الثانيه اللي تحت كان ليت التلفزيون يشع وليتات الصالة مسكرات (سينما على غفلة ههه) ودشت عليهم لقت حد مع خوانها والصالة مترووسه .. الكل منسدح وتحس جذي راكبين على بعض ( قرود مب اولاد ههه) بس ماعرفت الباقي وكلهم لابسين كنادير بيضا يطالعون فلم رععب ومندمجيين لدرجة ماحسو فيها .. ومخليينن الصاله كششره .. وجان تظهر لقطة تخرع في الفيلم فحطت ايديها على حلجها عشان ماتصارخ ولفت بتظهر وكانت منزله راسها .. شافت ريول منتهيه (شكله كان يلعب برا ي الله كلها ترااب ومعفنه ههه) وكان لابس كندوره بيضا ورفعت راسها تبا تعرف منو !! أنصب الدم كلله في ويهها وقفطت "ليش دوم أتقفط جدام سالم .. لييييييييش هو بالذاااات يعني ؟؟" سالم (ولد خالها) مقطب حوايبه : شو تسوين ؟؟ شمووه أرتبكت وخافت حد يشوفها وماردت عليه ورررربعععععت فوووق وبغت تطيييح على ويها بس حطت ايديها عشان ماتطيح (وساالم تم يضحك عليها) . . . أبطال قصتنا كل حد حط راسه ورا ح يرقد ألا ثنتين من بطلات القصة . . . توقعاتكم : منو البطلتين اللي يحرسن بالليل (سهرانات) ؟؟ وشو بصيير لهن !! |
توقعاتكم : منو البطلتين اللي يحرسن بالليل (سهرانات) ؟؟ ظبيه & منصور ,, شمة & ماايد آو شمه &أحمد وشو بصيير لهن !! ممدري الله يعلم |
اختييييه طوووولتتي وااااااااايد !!!! |
| الساعة الآن 10:43 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir