|
و الله اني كنت الوم اللي يضيق ان غاب خله .. لين جربت المحبـ♥ـة و الفراق و قلت توبــہ قصة : وﷲ .. إنې ڪنت ألوم اللي يضيق إن ﴿غـﭑب﴾ خلـہ لين جربت المحبـ♥ـة و الفراق و قلت توبــہ قصــہ تمزج بين مجتمع البدووو و الآن في قصتي .. سأحمل بكم الى الواقع الذي نعيشـہ .. لا اقول بأنــہ هذي قصــہ واقعـيـہ و حدثت و انما هي شخصيات بصفات موجودة في مجتمعنا الذي نعيشـہ ... شخصيات اليوم ~> بتفكير أمس أخطاء اليوم ~> و لكن بحب أمس بعيدة عن الخيال كل البعد فـ هي :: قصــہ حب البدو ... حب طاهر .. صادق .. خالي من الشوائب هكذا البدو .. ان احبو فهم كذلك |
اتمنى اشوف ردودكم ^^ و تفاعلكم |
ملاحظة: فهالقصة بما انها تتكلم عن البدو و جي فبتكون برمستنا تعرفون من بين مدينة و مدينة اللهجة تختلف .. لا اصلا من بين قبيلة و قبيلة تختلف اللهجة و انا بكتب بلهجة قبيلتيه ... و اذا ما عرفتو كلمة جي قولو ليه ...... بعرفكم ع الشخصيات ملاحظة: تعرفون البدو انتاجهم واايد ههههه ابو راشد " حامد" طيب و كبير بالسن حرمته ام راشد " شيخة" عيالهم ~> 1-ابو عبدالله ( فارس) معرس ببنت خالته زهية ... عيالهم عبدالله عمره 26 سنة و معرس بنت عمته حسنة و عندهم فارس عمره 5 سنين و مريم 3سنين عامر .. عمره 24 سنة مب معرس ومب دوم ويا اهله اكثر شي عند الربع وديمة.. عمرها 21 سنة اخر سنة جامعة .. ميا .. عمرها 18 سنة أخر سنة ثانوية ادبي حمدة ... عمرها16 سنة صف عاشر 2- ابو حمد ( هادف ) معرس ب بخيته .. عيالهم هند عمرها 25 سنة معرسة بولد خالها سالم و عندهم ولدين و بنتين حسنة عمرها 23 سنة و معرسه بعبدالله حمد عمره 21 سنة حامد عمره 17 سنة حادي عشر ادبي عايشة 15 سنة عاشر .. دشة المدرسة صغيرة عفيه 13 سنة ثامن 3- ابو محمد ( ناصر) معرس بوحدة ما تقرب لهم اسمها سلامة و مب من منطقتهم .. و عندهم كله اولاد الله ما رزقهم ببنت محمد عمره 22 سنة منصور عمره 20 سنة ذياب عمره 18 سنة فهد عمره 16 سنة الححين هذول الاساسين و يصير خير عقب خخخخ ...... |
البارت الاو|1|ــل أنـــــا بــــدوي وأحــــــب طــــــآري البـــدآوهـ يـــآمعــــذربيـن البــــدوو مـآ فيكـمـ آحسـاس حسنة: قسسسم بالله ان ما يلست لا اروايك مسود الويه فارس: و الله ما يخصني بسير عند ابويه الرجاب حسنة: و الدراسة منو لها هاااا ... سيرة للرجاب هب ساااير تسمع فارس: لا ما اسمع عبدالله: شهالصدعة؟؟ فارس: ابويه اطالع امايه ما تباني اسير الرجاب عبدالله: سر بدل ثيابك و بنسير الرجاب باجر بيركضون بكرتك حسنة: و انا اقول هب ساير عبدالله: لا بيسير فارس " ع طول سار و بدل كندورته لانها متوصخة و سار لابوه" فارس: يلا روحنا حسنة: ما بتسير و يتجوووف منو شوره بيمشي عبدالله: حسناااااااا حسنة: لا حسنا و لا شي تدري ناقص فامتحان الدين خمس درجات و انا نبح صوووتي من كثر ما ادرسه .. و باجر عنده امتحان علوووم و ما بيشبر عندك شبر عبدالله: قوووم ركب السيارة و شو يبابها هالدراسة .. هو راعي رجاب لا دراسة و لا شي فارس: هذي الرمسة السنعة و سارو عبدالله و ولده الرجاب / \ / نزل من سيارته و توجه صوب العريش اللي قدام البيت اللي فالرجاب حمد: سلااام عليكم ابو حمد و حامد و سعيد: و عليكم السلام سعيد: قرب بو شهاب حمد: جريب "و يلس عدال ابوه" حامد " وقف": يالله عيل بقفيبكم انا بسير اجابل الحلال "وروح" سعيد " و هو يقدم السح (التمر) لحمد": ها بو شهاب شو شفت المضمر زين و الا ؟ حمد: ما لفيت عليه هو وين يضمرهن؟ سعيد: فذاك السيح "و يأشر له" حمد: زين بس يتحفل عن السياير ابو حمد: الله يهداهم هالشباب ما عندهم غير هالسرعة حمد: سرعة عن سرعة تفرق يابويه ابو حمد: لله لا سعيد" يصب قهوة لحمد" و بعد ما تقهوى حمد سار صوب الحلال و هو يتطالع الحلال رن تيلفونه حمد: هذا وقتك انته "رد عليه" مرحبا بوغنيم سالم: المرحب باجي شخبارك؟ حمد: يسرك و لا يضرك و من صوبك؟ سالم: ما نشكي باس وين بو شهاب؟ حمد: لفيت صوب الرجاب حياك قرب سالم: قريب الا بغيت اتخبر عن الضرابة حمد: شو من ضرابة بعد؟ سالم: بارحة قالو استوت ضرابة وولد عمك فيهم ..جي ما دريت حمد: لا حشى لا دريت و لا شياته جي منو منهم؟ سالم: عامر ولد فارس عمك حمد: و هذا البزر ما يوز عن سوالف الهياته ذي ! سالم: من ربعه السوء هو اللي خبرو عليه حمد: لا بركتن فيهم و الله ما وصلني خبرهم .. تعرف شو اشوف عبدالله مجبل بسير اتخبره سالم: بخليك عيل بو شهاب حمد: تامرنا بحاية بو غنيم سالم: سلامتك وداعة الله حمد: فحفظ الرحمن / \ / عايشة: هييي المخبل يلا سرينا عفيه: وين تبين المرغد عايشة: بسير ارتب الفوالة الليلة بيتلامون عدنا عفيه: جان العايلة نرتب لهم شو خلينا حق الضيوف انا ما يخصني عايشة: و حد رمسج انتي . حمدوه .. ودوم و ميوه قومن ساعدني ميا: ما فيه تعبانة ودوم:قومي انا بسساعدج حمدوه: حتى انا و سارن المطبخ .. عايشة: عنبوو يقهرن شو اون ما فيهن و نحن نقد و نرتب و نشتغل اوووف حمدة: بلاج انتي تراه حرمة حمد ما تروم تشل و تحط عايشة: امححق حرمة فذمتيه ميا: خييير شووو اسمع ؟؟ كنه حد يحش فيني عايشة: شو يابج مب ع اساس مافيج و تعبانة ميا: تنشطت شو اسوي؟؟ ودوم: تعال غسلي الفنايين و رتبيهن في صحن التقديم عفيه " توها تدخل": اوووف لو عندي بلاك بيري شرات ربيعاتيه اوووف عايشة: سكتي لا يسمعونج بيقصبونج ميا: العالم اتطورت و نحن بعدنا ع معتقدات الشيبان ودوم: و لا بيتغيرن دام خواني و عيال عمي هادف هذا تفكيرهم عفية: الحمدلله يوم عمي ناصر ما عنده بنات و الا جان اختقن علينا حمدة:و الله العظيم .. من امهم متطورة و دارسة عفيه: هههههه شكلها حرمة عمي ناصر غلط امبينهن تكلمنهن بالمنطق و هو ما يفييد الكل: ههههههههههههه / \ / و هو متوجه صوب عبدالله يرن فونهـ حمد: مرحباا .....: مرحبتين اخويه حمد"مستغرب": خير اخويه ؟ .....: نكلمك من مركز الشرطة .. انته حمد بن هادف الـ .... حمد: هيه نعم وياك حمد هادف .....: فيه بلاغ ضدك يا ليت تي المركز حمد: خير اخويه شصاير؟؟ ......: بتعرف كل شي يوم بتي حمد: مسافة الدرب و انا عندكم مشى حمد صوب سيارته عبدالله: بوووووشهاااب حمد: عوونك عبدالله: عانك الله وين النو؟ حمد: مشوار و راد عبدالله: برايك عيل و ركب حمد سيارته توجه صوب المركز حمد" فخاطره":يمكن عشان عامر يبونيه بس ما يخصني انا فيهـ حمد" جاف شرطي ووقفه": اخوي انا حمد طالبينه من شوي الشرطي:حمد بن هادف الـ... حمد: هيه نعم الشرطي: تعال ويايه و سار حمد ويا الشرطي و دخلو مكتب الضابط / \ / حمدة: آآآآآآه تكسر ظهري ودوم: يلا نسير نيلس فالصالة ميا: لا بنسير انطالع التيلفزيون عايشة: كيفكن انا بسير الصالة عفيه: العيوووز و سارن كلهن الصالة ...: هووووود ام راشد : هدااا حياااك للعلم: ام راشد و ابو راشد كانو ساكنين في بيت شعبي و بعيد شوي عن بيوت عيالهم اللي ويا بعض فانتقلو بيت بو حمد و دخل محمد ولد ناصر و معاه يده ابو راشد ابو راشد: ليش بيت الشعر مب مرتب اممف علييكن من حريم ام حمد: ما رتبتن بيت الشعر؟؟؟ عايشة شو قلتلج؟ عايشة: انا عبالي الميلس و رتبناه ودوم: ما صار شي الحين بنرتبه / \ / الضابط: حياك بو شهاب حمد: الله يحيك .. خير؟ / \ / كـــــــــــــــــــــــــت |
البارت الثانـــ|2|ـــي عشق بدوي لآ حب مآ هو بـ كذآب يوفي و لـو جرحه تـجــــدد صوآبــه وآليـووم وصلت بيننـآ مثـل آلأجنآب ذآك آلغـلآ يآ ضيعتــه يآ سفـآ بـــه في بيت الشعر ابو راشد: صب قهوة محمد"اووف انا شو يابني هني ><": ان شالله يدي " و صب له قهوة" ابو رشد: عمومتك وين ؟ محمد: ما ادري ابو راشد: اتصل فيهم محمد: بيون ما عليك يدي ابو راشدد: و اخوانك ؟ محمد: يهومون شوي و تدخل ام راشد ام راشد: ما شفتو حمد وين؟ ابو راشد: اليوم كله ما شفته وين ؟ محمد"فخاطره": هالشيبان ما يتخبرون الا عن حمد محمد: نحن موجودين ام راشد: هيه بس اتخبر عن حمد انا شوي و يدخل عبدالله وولده فارس و عمه ابو حمد و حامد الكل: السلام عليكم ابو راشد + ام راشد+ محمد: و عليكم السلام ووقفو و تخاشمو ابو حمد: شحالك محمد؟؟ محمد: يسرك الحال و لا يضرك و سلمو ع بعض و يلسو ويا بعض و بدو يرمسون عن الحلال و جي "حال البدو .. حسو باجواءنا المملة عند الاهل كله عن الحلال و جي" / \ / حسنة و ماسكة مريم من ايدها و دخلت الصالة حسنة: السلام عليكم الكل" ام حمد و عايشة و ميا و عفيه و ودوم و حمدة و ام عبدالله": و عليكم السلام و سلمن ع بعض و يلسن / \ / الضابط: حياك بو شهاب حمد: الله يحيك .. خير؟ الضابط: تعرف منو هذي؟ حمد اطالع حواليه و توه انتبه انه في بنت موجودة في المكتب و لف عنها حمد حمد: و شو دراني فيها؟ الضابط: معقولة ما تعرفها البنت: طبعا ما بيعرفني ترا كان سكرآن حمد: شووووو احترمي نفسج مب انتي اللي تلتّهين فمراكز الشرطة تتبلين عليه .. لا بركتن فيكن من بنات الضابط: اهدى يا حمد .. انا خليت السالفة امبينا لأني اعرف انكم قوم حامد ما عليكم رمسة و سمعتكم طيبة و انا انصدمت لمن ياني البلاغ حمد: عاد كلام يوصلكم و يتعداكم هالسوالف ماليه فيها و لا تعقون بلاويكم فيني الضابط: اهدى حمد و اسمعني ... هذي اهلها نابذينها و هم يو اشتكو عليك و هي بعهدتنا الحين حمد: و انا ماليه خص ليش تقولي هالكلام؟ الضابط: حمد لا تلف و الدور هي اشتكت عليك انك انته .."سكت و بعدين قال".. اعتديت عليها وقف حمد منصدم و قال: شوووووووو؟؟؟!! / \ / ميا: بسير ورا البيت البشككارة تسوي خبز يمر ( لذييذ مع حليب النوق) حد بتسير ويايه؟؟ محد رد عليها ميا><: زولتكن و مشت عنهن و توجهت لورا البيت صوب وين البشكارة تسوي الخبز و هي تجوفها كيف تحطه ع اليمر و جي شوي و تسمع صوت من وراهآ / \ / حمد: لا اكيييد انتي مينونة؟؟ البنت" تصيح": لا مب مينونة هذي الحقييقة حمد: و انا اجذب هالحقيقة اللي ترمسين عنها .. شو من مذهب عندج انتي وين اهلج مسودة الويه انا متى جفتج اصلا البنت: لاااا تنكر الضابط: حمد خل الموضوع مستور و نحلها بشكل ودي حمد: شوو بشكل ودي انا ما عندي هالسوالف انا ما اغازل عسب "و سكت"... حتى نطقها ما قدرت "و هز راسه بأسف " شوي و يرن فونه و حوله صامت حمد: خلصوني ورايه شغل البنت: لازم اخذ حقي منه و الا تفرونه فالسجن حمد: فروج لجلاب قولي آمين البنت: تسمعه شو يقول الضابط: ترانيه تعبت منكم انزيين بخليكم تتفاهمون ويا بعض و عقب برد حمد: هيه اطلع عسب اذبحها الضابط: حمد هذا يزاتي اني قلت بتحل المشكلة بشكل ودي و الا تبانيه ادخل اهلك بالسالفة حمد: ما تقصر و طلع الضابط من عندهم .. و حمد ما كلف نفسه يرفع عيوني و يطالع فيها البنت: ابا اقولك الحقيقة حمد" و بعده ما يتطالعها": ما اظن ترضينها لخوانج يا بنت الناس البنت"تصيح": انا ما عندي اخوااان و لا اهل .. اخوااني اللي تقول عنهم تبرو مني عشان يناسبونك .. اصلا هم مش اخواني حمد" رفع لها نظره منصدم": شووو؟؟ البنت: اهلي ما يبووني لاني مش بنتهم بالاصل ... انا بنت ربيعة امايه حاليا و عقب ما ماتت " تشاهق" محد يباني .. محد عسب جي سو هالخطة عشان يفتكون مني و يستيفيدون من وراك حمد " منصدم": ليش في ناس جي؟؟ البنت: هيه اهلي .. اسمحلي يا اخوي بس و الله لو مب مضطرة جان ما سويت كل هذا .. الحينه يتريوني برع يا اقولهم وافق عسب يسكنوني عندهم لين العرس و الا اقولهم لا عشان اتلته فالشوراع حمد: امحق اهل >< " يزقر" حضرة الضاااابط شوي و يدخل الضابط الضابط: عسى حليتو المشكلة ؟ حمد" بغصة" : / \ / لفت ميا ع ورا و جافت محمد محمد: النور نورج و الا نور الضو ؟ ميا" ابتسمت": نور البشكارة محمد: ههههههه " و يلس مجابلنها و بينهم الضو " يععني الضو فالنص و في اربع اماكن .. مكان يلس فيه محمد و مجابله ميا و بينهم البشكارة تسوي الخبز محمد: لين الحين تبين حمد؟ ميا "سكتت منصدمة سؤاله " محمد: يعني لهالدرجة حمد احسن عنا كلنا ؟ ميا" وقفت" محمد: و الله ما تروحين قبل ما تجاوبيني ميا" من دون نفس": خيير ؟؟ محمد: تحبينه حمد؟ ميا: لو دروبك اهلي جان قطعوك قطعة قطعة محمد: انزين محد يسمعنا ميا: ما يخصك ><" محمد: و غلاته عندج تجاوبيني بصراحة ميا " وقفت تفكر بين نارين .. حلفها بغلات حمد و بين انها تخبره و يفضحها ": امممم .. ما تخبر احد محمد: وعد ^^ ميا: هيه احبه " و شردت" / \ / حمد "بغصة": موافق اتزوجها اطالعته البنت بصدمة .. و مب مستوعبة شو يقول الضابط: هذا اللي كان مفروض تسويه عن الفضيحة ... و انا صدقني ما بتطلع مني و من تطلع من هالباب بتنسى السالفة حمد" وقف": مشكور و اسمحلنا غثيناك الضابط" وقف": بالحل بو شهاب و عطى حمد البنت نظرة و عقبها طلع من مركز الشرطة و هو طالع كان يتلفت يمين و يسار عل و عسى يلقى اهلها بس ما لقاهم ... و ركب سيارته يراقبها يوم بتطلع حمد" فخاطره": صععبة اتزوجج صعببه ... الحين كيف بقنع الاهل . ما بيطيعون انا لي بنت عمي و انا ما تفرق عندي بس هذي لا ما اباها .. كيف بتكون ام عيالي.. لا بس مستحيل تكون ام عيالي باخذها شهر شهرين بالكثير و بطلقها و ما يخصني فيها اهم شي سمعتي و سمعة اهلي و الا ما يخصني بالسالفة الملفقة هذي / \ / ربعت لغرفة عواش و دخلتها و هي تلقط انفاسها ميا " فخاطرها": كييف تجرأت و قلتله اني احب حمد .. كييف؟؟.. اصلا هو بصفته شو يسألني ؟! يلست ع الشبرية و حطت يدها ع قلبها ميا: بسك يا قلبي لا تدق خلاص انا واثقة من محمد .. ريال و ينوثق فيه .. يلا بنزل عسب ما يحسون .. بس اذا تقابلت وياه .. اوووف خلني انزل / \ / محمد" ابتسم ع طرف و فخاطره و قدام الضو": آآآآه يا قلبي طلع محد يحبك ... اللي تحبها تحب غيرك يالله ... محمد: شو اسم انتي؟ البشكارة: خديجة و شل شلة يابوي بس يقول للبشكارة يا خديجة انا اسهر و الملا رقود ........................ يا خديجة انا عفت المنامي يا خديجة انا لي قلب مصيود ......................... مصطاب من حلو القوامي يا خديجة انا اشكي ناعم العود ........................ ياللي عليه القلب ضامي خديجة: بسس اسكت ما في سوي قر قر زيادة فوق راس مال انا محمد" وقف": مالت عليج من هندية مضيعة المذهب و روح قدام البيت و وقف عند باب بيت الشعر محمد: يلا رمستكم العافية ابو راشد: بتعشى هني محمد: و الله بالعافية بسري يلا احسنتو الكل: فداعة الله / \ / و هو يراقب جافها طالعة من مركز الشرطة و يو قدامها اثنين و كانت خايفة و متغشية و بعدين ركبت وياهم السيارة و ع طول لحقها حمد ... قدام البيت .. حمد: انا اعرف هذا البيت ... ممم بيت قوم " يتذكر " هيييه قوووم خميس ... هه ما الومها جان تتشكى منهم .. امحق جان بناسبكم يا قوم خميس و الله ما عينت خير ..اووف الحين كيف بقنع اهلي اني انا مختار البنية و لا من قوم خميس لا بالله عينت خير و تلتهت بالحبوس " و تنهد بضيج" رن فونه حمد: مرحبا ابو راشد: المرحب باجي .. وين بو شهاب؟ حمد: فالدار بو راشد بو راشد: هههه انزين يلا لف صوبنا بتعشا هني حمد: ان شالله الحين بلف صوبكم مسافة الطريج بو راشد: فحفظ الرحمن " و سكر" / \ / يلست عدال البنات عواش: اوو استويتي سودا شو حرقتج الضو ميا: جب جب اصلا انتي متغايرة من بياضي عوا: امحق حلات البدوية اللي لا هي بسمرا و لا بيضا فالنص ميا: جب ويا ويهج عفيه : ميوه تبينا نفاتحهم بموضوع التيلفون؟ ميا: تبين هالدلة اللي ف يد حامد تنفر صوب ويهنا عفيه: هههههه نحاول ميا: اقول استريحي بقعتج / \ / عامر: اوووق ما بغيت اطلع من هالسجن المعفن ابو عبدالله: و الله ان عدتها مسود الويه لا اخليك تتلته فالحبوس .. عنبو جان ضارب واحد اصغر عنك بخمس سنين عامر: حد قاه يتطاول علي ابو عبدالله: صخخ يالله و بنسير بيت يدك عامر: مافيه اسير بسير صوب الربع ابو عبدالله: و الله ما تشبر صوبهم شبر يلا جدامي صوب بيت يدك عامر: انزين بتسبح و بعدين بسير ابو عبدالله: بخاويك البيت و اني بيبك بيت يدك عامر: انزيين ابوعبدالله: محد صلبك قووول ان شالله عامر: ان شاااااااااااااالله / \ / دخل بيت الشعر و قال : هووووود / \ / كـــــــــــــــــــت |
ياليت القى تفاعل"" |
البداية روعة واكيد هالقصة بتكون حلوة مثل باقي قصصج فانتظار البارت الياي |
مهجورة مشكورة غلايه ع الرد ^^ |
البارت الثالــ|3|ـــث لا تخبرني أي " شيء" أنا أعرف أنڪ لآ ،‘، تردني ‘،‘ حمد: هووود الكل: هدااا بو راشد: حياك بو شهاب و سار حمد و يلس عدال يده و مبين عليه الضيج بس مَ حب يحسس احد بهالشي و حامد قهوى اخوه حمد حمد " و هو يتقهوى": يدي ... ابويه بعدين بغيتكم برمسة عبدالله: جي ما تقولهم الحين حمد: يصير خير كلهم سكتو لانهم حسو انه حمد متضايق و نادر حمد ما يكون متضايق لانه طيب و بشوش / \ / وقف قدام البحيرة ما ادري شو ااسمها اللي فالمبزرة و كان الجو بارد و حلوو .. و هو يتطالع البحيرة و يتذكر .. . ميا " وقفت تفكر بين نارين .. حلفها بغلات حمد و بين انها تخبره و يفضحها ": امممم .. ما تخبر احد محمد: وعد ^^ ميا: هيه احبه . غمض عيونه بألم و تأكد من اللي كان شاك فيه محمد"فخاطره": يا حظك يا حمد اسميه حظك يكسر الصخر جان ميا من نصيبك .. دومك يكون لك الزين و الحشيمة و الاحترام و انته حالك من حالنا ما تفرق عنا بشي / \ / فـ صوب ثاني .. فمطار ابوظبي بس ف مكان ثاني توهـ راد من السفر .. نهيان " يرمس فالفون" : وينك منصور؟؟ منصور: اووف صبر بترياك فستار بوكس و انته تعال نهيان: انزيين يلا ياينك "و سكر عنه" تنهد نهيان بحزن ممزوج مع فرح ... . . بتعرفكم ع نهيان و عايلة هم من عايلة فقيرة .. عايشين ع معاش التقاعد لابوهم بعد ما انشل .. و حتى معاش التقاعد ما يكفيهم لين نص الشهر و يخلص .. و كان نهيان يضطر ان يشتغل و هو يدرس الثانوية ... ابو نهيان : ريال طيب و يحب عياله من سنة و شي سوى حادث و انشل و ما يطلع من غرفته من استوى مشلول لانه و باختصار ما فيه احد يساعده كلن لاهي بدنيته أم نهيان: راعية بيت و قد المسؤولية و هي مدبرة البيت بعد حادثة ريلها بالتعاون مع نهيان نهيان: أكبر واحد فاخوانه و اعقلهم .. سافر برع يدرس اربع سنين بعد ما خلص الثانوية .. عمره 20 سنة و طيب وايد و يحب اخوانه و يُعتمد عليه .. ربيع منصور ولد ناصر ... تعرفو ع بعض فأيام الدراسة .. كان منصور يكره نهيان بس مرة من المرات المعلم جمعه هو و نهيان عسب يسوون بروجكت و لما احتك منصور ف نهيان اتعلق فيه وايد و صارو ربع الا اخوان مريم: عمرها 18 سنة و ربيعة ميا وايد .. جميلة وايد و حبوبة .. ما تطلع وايد من البيت الا لبيت ميا و كانت نادرا ما تسير له .. و تساعد امها في أمور البيت و المطبخ سيف: دايم التذمر من حياته ... بس بعد ما سافر نهيان صدق كان السند لاهله و ما يرفض لهم طلب .. حتى استغربو منه .. بس قبل ما يسافر نهيان رمس سيف و قاله عن واجباته و شو لازم يسوي بغيابه .. بس شي نساه سيف من توصيات نهيان.. انه يراعي ابوه و يهتم فيه .. تغاضى سيف عن هالشي .. عمره 16 سنة هند: عمرها 14 سنة و فيها ملامح البراءة ... تحب سيف وايد رغم قسوة سيف بعض الاحيان لكن تعرف اللي بقلبه نعيمة: عمرها 10 سنوات هالبنت شيطانة و عليها حركات هبلة صف الخامس نورة: عمرها 7 سنين صف الثاني صفاته شرات اختها نعيمة / \ / بوراشد"وقف": يلا حمد و ابوه ندخل داخل وقف حمد و ابوه و توججهو صوب الصالة بو حمد: خير حمد؟ حمد: ادريبكم بتعصبون و بتحتشرون بس اني اللي فراسي بسويه / \ / نهيان" يسلم ع منصور": جان ماييت منصور: خل عنك ياي من الساعة 8 المطار و الحين الساعة 8 و نص نهيان: وايد عليك منصور: انزين استريح بطلب لك شي تاكله نهيان: لا ابويه وصلني بيتي تعبااان و مشتاااق منصور: ههههه يالمستصيب يلا اركب السيارة نهيان: يلا شل الشنطة و اترياك فالسيارة منصور: خير خير سيد نهيان شو تباني؟؟ نهيان: ههههه و الله ما شليتها كنت ادري انك تبا تشلها منصور" اطالعه بنص عين": اقول السيارة هناك و مشى عنه منصور و ضحك نهيان عليه / \ / بو حمد: قول شعندك و لا اتم تقولنا جنك غصبن عنا بتسوي اللي فراسك حمد" تنهد": ابا اعرس بو راشد " رفع العصا بعصبية " حمد من جاف يده معصب وقف و سار بعيد بو راشد: مسود الويه هالحشرة كلها عشان تبا تعرس حمد" ابتسم من دون نفس": هيه بوحمد: انزين و ليش تحسبنا ما بنطيع؟! حمد: اممم لاني ابا عندي وحدة فبالي اباها بوراشد: صخخخ مسود الويه ما عندنا ريال يعرسون بشورهم و الا من ذيلا الخامات حمد" تنهد": يدي اسمعني بوحمد: محد بيسعمك و لا شي .. قول من قوم من هي و عقب بنشوف حمد" بلع ريجه": من قوم خميس بوراشد: خميس ما غيره؟؟؟ حمد: هيه نعم بوحمد: انته مينون و الا وش؟؟ عنبو خميس يشتغل عندنا يطعم بوشنا و انته تبا بنته حمد" نزل راسه": و الله ادري بوراشد: يوم تدري و شلك ببنتهم .. صك هالسالفة و يلا نصلي حمد: بس ... بوحمد: حمااااد .. قوول جلام معقول و الا لم ثمك .. عنبو ما لقيت الا قوم خميس .. جان تبا هالعمال يتبطرون علينا حمد" سار يساسر ابوه": ابا برمسة بروحنا من دون يدي بو حمد: و تصك هالسالفة يصير خير حمد: يصير خير بو حمد: سرنا نصلي و عقب العشا بنقعد اروحنا حمد: ان شالله / \ / نهيان" يبطل باب السيارة": مشكور منصور ع التوصيله منصور: لا شكر ع مجهود نهيان: ههههه الهرم .. فداعة الله " و سكر الباب" و راقب سيارة منصور لين ما طلعت من البيت بعد ما خذ شنطته .. اطالع البيت و تنهد و دخله نهيان: هووووود أم نهيان" تتشيل": هداااا دخل نهيان بابتسامته المعتادة نهيان: السسلام عليكم أم نهيان: و عليكم السلام .." تتطالع فولدها اللي من اربع سنين لا رمسة وياه عسب الفاتورة تعرفون رمسة الحريم عاد انتو و لا زارهم نهيان " حيااااك الغالي روح نهيان و باس امه ع راسها نهيان: شحالج الغالية؟ ام نهيان: بخير يسرك حاليه و من صوبك فديتك؟ نهيان: بخير الحمدلله .. وين الباجين؟ ام نهيان: كل واحد فغرفته و اخوك ساير صوب ربعه نهيان: و ابويه؟ ام نهيان: فغرفته نهيان: انزين عيل .. بسير صوبه ام نهيان: ما تبني احطلك شي تاكله الحين نهيان: بنتعشى ويا بعض الحين توه مأذن .. بسير اسلم ع ابويه و بتسبح و بصلي و بنتعشى ام نهيان: زين عيل و روح نهيان .. و بشوي شوي بطل باب غرفة ابوه .. / \ / ام حمد: عايشة قومي شوفيهن زهبن العشا و الا بعدهن عايشة: ان شالله امايه و قامت عايشة سارت غرفة الطعام .. عايشة: خديجة ييبي فراش مال الاكل و فرشيه خديجة: انا في شقل خبر زبيبة جييب عايشة: جب و سيري هاتي .. سمعي كلامي خديجة: آيشة انا ريد خبر انتي شي .. انا قول ريد خبر ماما بس انتي مني روه خبر عايشة: يلا بسرعة قولي / \ / نهيان: احححم " و دخل" مرحبا بو نهيان بو نهيان" اطالع نهيان و ابتسم ابتسامة ذابلة ": حيالله بو سالم " اسم ابو نهيان" نهيان: الله يحييك و يبجيك .. شحالك ؟ بو نهيان: الحمدلله على كل حال نهيان: وش الهبة؟ " يعني نحن نقولها بمعنى شو صحتك جي يعني" بو نهيان: منجبة " يعني مب بخير" نهيان: شو يعورك؟ بو نهيان: ما اشوف حتى اخوانك دقيقة و الا دقيقتين و يطلعون حتى سيفوه الهرم ما يي يسلم علي نهيان" تنهد": توقعت والله سيف بيهتم بالكل و بينساك .. بس ابويه هو ياهل و ما الومه انا اللي اكبر عنه ما اروم بو نهيان: يشهد الله علي اني ما الومه بس لازم يي يشوفني .. جم موعد مارحت له نهيان" نزل راسه": ابويه تدري ما عندنا سيارة و سيف ما عنده ليسن بونهيان: راس مالنا هذيج السيارة و انا دعمت فيها نهيان : ههههه سيارتك و انته حر فيها .. يلا بو الشباب بنسوي تغير جذري بو نهيان "ابتسم": شو هذا تغير ما عرف شو؟ نهيان: ههههه يعني بنغير شوي من حياتك " تم يدور نهيان فالغرفة" بو نهيان: شو ادور؟ نهيان: الكرسي بو نهيان: في الكبت نهيان: ليش يعني هناك؟ " و روح صوب الكبت" أي كبت؟ بو نهيان: اللي على اليمين نهيان: اها "و بطل الكبت و طلع الكرسي و وصلهصوب ابوه" يلا بتركب فوق هالكرسي و بقحص فيك ويل صوب الصالة بو نهيان: هههههه امريكا خربت فعلقك نهيان: ههههههه وحطا ابوه ع الكرسي و وصله الصالة ام نهيان: تو ما نورت الصالة ابو نهيان" ابتسم" نهيان: بخليكم تتغزلون ف بعض و بروح اتسبح " وشرد عنهم" / \ / خديجة: اليوم انا سوي خبز نار "خبز يمر" و هذا ميا سيم سيم مهمد قول اهبج هو وسي لوف "love" مشان ميا عايشة: انتي ميونة و هذا كلام خديجة: و الله روه خبر ميا انا مافيه كداب "كذاب" عايشة: انزيين خلاص روحي يببي الفراش خديجة: زييين و بعدين فرشو الفراش عالارض و حطن الصحون .. خبز يمر مع حليب نوق و عيش و حليب عشان ام راشد و عيش مجبوس مع دياي / \ / عايشة " تقول لامها": امايه خلصنا ترتيب ام حمد: سيري خبري ابوج عايشة: انزين و سارت عايشة صوب ابوها محد غريب يدها و ابوها و اخوانها و ريل اختها عايشة: ابويه عشآ بوحمد: يلا بسم الله و كلهم وقفو بيسيرون يتعشون و بعدين سارت عايشة صوب البنات .. عايشة" تتطالع ميا": ميوووه ميا" فزت لانها كانت سرحانة و انقهرت عايشة انها كانت سرحانة": هااه؟ عايشة: تعالي بغيتج و سارت ميا عند عايشة لغرفة عايشة / \ / بعد ما خلص من السبوح .. تلبس و لبس كندورة سودا طلع من دون ما يتسفر جاف الكل مجتمع و اخوانه حوالين ابوه و مستانسين و سيف يالس ع طرف و يتطالع ابوه نهيان: السسلام عليكم نعيمة و نورة ربعن صوبها يسلمن عليه و عقب نهيان سلم ع اخواته و سيف و عقبها يلس عدال سيف كانت صالتهم عبارة عن جلسة عربية كاملة ... يلس نهيان يلسة ريال نحن نسميها .. يعني يكسفون ريل و الريل الثاني ... ما اعرف اوصف انتو عاد افهموها >< نهيان: علومك؟ سيف " يتطالع فابوه": زينة نهيان: ليش ما اهتميت فيه .. ابسط حقوقه تسير و تسلم عليه سيف: صععبة نهيان: شو الصعوبة فيها .. هذو انا اول ماييت يبته هني ما شفت فيها صعوبة سيف: انته تدري بي من دوم عند ابويه ... و اذا كنت وياه دوم بعد ما سافرت بيحس باعاقته نهيان: لا تقول اعذار مب منطقية .. خل ندك الا تبا تاخذ راحتك سيف: لا والله .. اصلا انا اقدر اهمل اخواتي لو ابا اخذ راحتي بس انا مب جي نهيان: و مو اعيده؟ سيف: امممم لا تسألني شي نهيان: اذا ما تباني اسألك سير و حبه ع راسه سيف: مب الحين يوم بنكون اروحنا نهيان: لا الحيين .. شكلي لازم اغير وايد فهالبيت من سلوكيات سيف: يا حافظ و سار سيف و حب ابوه ع راسه سيف: اسمحلي ابويه ابو نهيان: بالحل الغالي تعال يلس عدالي سيف" يطالع ف نهيان و ابتسم و عقب اطالع فـ هند ": يلا خووزي ما سمعت ابويه يباني ايلس عداله هند: عدال حسستني منو بيلس عدال ابويه مدري منو شيخ و الا وزير سيف: تاج راسج هند: و التاج ينشل عن الراس بو نهيان: ههههه عرفت تسكتك الكل: هههههههههه / \ / بعد العشا في بيت بو راشد بالتحديد فغرفة ابو حمد بو حمد: شعندك؟ / \ / شو يبا حمد من ابوهـ،؟ |
صراحة لو ما لقيت تفاعل ع هالبارت ما بنزل بعد انا نزلت قصتيه في منتدى فزاع و لين الحين 60 رد !!!! و هني بس 7 ردود ( 6 ردود انا و رد واحد من عضو !!!!) |
افاا عليييج ختيييه لاتحرقيين أأعصاابج ..بيقرونهاا اصبري انتي بس بيحدروون الشششله ^^وكثثثتج حلللوه حسيتها بتكوون فيهاا أأحدااث حبيت شخصيه نهياان ..ومحمد أأكيد بياخذ ميووه عقب يوم بتعرف انه بياخذ بنت خميس ونترياا ج فدييتج الي بعده لاتبطييين عليناا أأشوفج ع خييير ان شاء الله ~ |
| الساعة الآن 12:04 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir