|
[خذني على كيف مآ تبغي وآنآ جيتك ~ [align=center]السلآم عليكم ورحمه الله وبركآته ~ لمن يزور مدونتي في الصبآح فنقول له صبآح الخير ولمن يتوآجد فيهآ بالمسآء فـ نمسي عليه بكل خير ~ *** رآعي الفزعآت ~ كمآ يعرفني من يعرفني فـ آنآ لآ آحب التعريف عن نفسي كثيرآ =) ! آقطن في دبي حآليآ وتحديدآ في الممزر والعين هي دآري ومربآي ~ من آبرز هوآيآتي , الصيد , الرمآيه , كتآبه آلشعر وآلخوآطر , الحوآطه ~ وليست لي ميول كرويه ولكني آعشق نآدي العين لحد الجنون ~ لآ تصدقون آن قلت بآنني آقضي آغلب وقتي على سريري لآشآهد التلفآز وآتصفح النت ~ ستعرفون من خلآل صفحآت المدونه على يوميآتي ونمط عيشي في دنيآ الآلم كمآ يقول رآكآن ~ همسه // آتمنى آن تعجبكم المدونه وآفضل الردود على صفحآتهآ آن كآن مسموحآ لدى الآدآره ^^[/align] |
اليوم ~ 8mar << لو تمعنى قليلآ بهآ وقرآنآهآ بـ(الآنجليزي المعرب) , تظهر لنآ كلمه (قمر) , آتوقع آن التآريخ بيومه يقصدني ههه ~ دعآبه خخخخخ ~ 8 مآرس 2012 , هو يوم تسجيلي في منتدى آسترآحآت زآيد ~ آتمنى آن تطول فتره بقآئي هنآ ~ |
مسـآ الـورد ~ طبعآ يآلس روحي فالبيت وملآن , ويآلس آحآوم فالمنتديآت ومآعرف شسوي , خلق الله كلهم يحآوطون هع هع ~ قبل شوي شليت الآنفنتي وقلت بسير آركبلهآ سآلك عسب آسير آتمشى في جميرآ ولآ آسير آلعين على حسب مزآجي فذيك السآعه ~ وسرت الشيشه وحصلت السوآق هنآك , قلتله مآ شآء الله شو تسوي هنيه , قآلي يآي آغسل سيآره آخوك , وضحكت عليه ودخلت , وشفت الشيشه جدا جدا مدحوبه خخخخ جان اظهر واصلي المغرب , واخذلي لفه ع دوار الممزر اشوف شو الجو خخخخخخخخخخخخ ورديت البيت ~ شكلي بتم فالبيت اليوم لول ~ |
يقول عبآدي الجوهر : يرآضيني ولو مآ كآن مخطي , لآني في النهآيه نور عينه , يسآمحني على الغلطة وينسى , ويرجع وآلسعآده في يدينه , يفكر في آلزعل ويحس فيني , وكل نبضة تقول آنه يبيني , ومهمآ طول فرآقه يجيني , وهو لآ غآب قآل آلقلب وينه , يحس بكل شي ودي آقوله , ولآ يسمع آيد فيني عذوله , ومهمآ نفترق قلبه رسوله , ولآ يرضى بآحد بيني وبينه , سؤآل : هل في بيئتنآ وزمنآ آلحآلي في شخص يستآهل آن نهديه آغنيه "يرآضيني" !؟ شي غريب , آن المرآهقه آو المرآهق يجون للي آصغر منهم وللي آكبر منهم وللي يسوى وللي مآيسوى وبكل جرآه يقولوله آحبك ! هل لمآ ننعجب في شخص يعني آحنآ نحبه !؟ ونقوله كل آسرآرنآ !! , هل الآسرآر لآزم تنقال للحبيب !؟ عذرآ فالحب هو / *آنك تحب شخص وآنته مآتدري ليه تحبه ! *آنك تحب شخص مب لآنه يحبك ! تحبه قبل مآ يصآرحك ! *آنك مآ تدور الزلآت آبد وتسآمحه على كل شي ! *آنك مآ تجرحه وتسوي كل شي مآتحبه وهو يحبه بس لجل يكون مرتآح ~ *آنك مآ تخبي عليه غير همومك ~ *آنك تشتآقله ~ بكل بروده يآتي آحد آصحآب النفوس اللعآبه ليقول لـ آحدهم (آحبك) والكلمه لم تنبع آلآ من لسآنه لتنتهي علآقتهم بتكسير القلوب وعدم جبر الخوآطر , فالنهآيه نجد كل من فالمجتمع حزينآ ~ لذآ , لآ تبني قصه حب ليست من الطرفين , ~مجرد فضفضة~ ~رآعي الفزعآت~ |
صبحكم الله بالخير ~ ههههه يآلس آشوف نآشيونآل جيوغرفيك وآشرب نسكفيه واللآب يدآمي وملآن هع ~ < مستوي شيبه ~ عقب شوي بسير آصلي اليمعه و ع طريجي بسير آركب هالسالك لي بهدلنا ~ ومآدري شو بسوي , آظن جدولي بيكون مع نفسي لآن مآلي خلق آوآيه حد وآنآ جيه تعبآن هع هع ~ فالليل معزوم فجميرآ , مدري آسير آو لآ هههههه ~ |
# صبآح آلجوري ~ طول هالآيآم مآسويت ولآ آي شي يذكر لآني كنت فحجرتي طول الوقت ~ وآرقد وآنش آسولف وآصلي وآرقد وآنش وآسولف وآصلي هههه ~ (شي سوآلف بس مآ تستحضرني آلحين , بقولهآ بعديهن) -- آشعر ببعض الضيق بسبب شخص مقرب آلي تعرض آلى حآدث ~ وآتمنى لو كنت مكآنه فلآ يسعني آن آسمع مآ يؤلمه , فـ هو يؤلمني آكثر منه ! وسعيد بنفس آلوقت لآن علآقآتي بدآت تعودت كمآ كآنت مع الكثير من الآشخآص ~ ولآنني عرفت حقآ كيف آتعآمل مع بعض الآنوآع من البشر =) ~ -- آسمع وآرآ وآتآبع كثيرآ على تويتر وغيره , مآ يحدث بخصوص القرضآوي والسبعه البدون وغيرهم وآكتشفت آن لكل منهم رسآلته آلتي غرست فيه بمفهومهآ الخآطئ آدآم الله على الآمآرآت آمنهآ ولآ مكآن للخونه بيننآ ~ -- |
* مسـآ آلـورد ~ آول شي , ليش كل شخص نآجح , تكون ورآه قصه فشل ! آو فقر ~ =) شطحه ~ آممم اليوم آستوآ موقف غريب هههه , آخويه كآن يستهبل وجآن ينجلب وآنسدح عليه ههه وتعور وانا تعورت بس ما بقولكم متى وليه وكيف هع هع ~ سرت المدرسه واعتمدت على معلوماتي العامه فالتاريخ واتوقع يايب b , لاني خربطت شوي هههه اصلا طالع وانا احسب a , بس سمعت الشباب يقولون شو كتبوا وقلت يالهوووووووي هههه ~ ورديت البيت , آخويه النذل مخلي بشكارتنا المسيحيه تاكل لحم نوق ! ويايبنه خصوصي بس عشان يعرف رده فعلها ! يلست تصيح واخويه وحرمته ناقعين عليها من الضحك ~ وتقول انها تبغي ترد بلادها عسب تعتذر لماعرف منوه لانها جيه سوت وسالفه هههههههه ~ بس كسرت خاطري وايد لول ~ |
هممم اسمع اغاني وآكل خرآبيط ~ + فيآ رقآد + مآبآ آرقد + آبآ آسولف + ملل + الجو برآ مآ يسآعد ~ |
مشتآقلك موت يآلي طول غيآبك ذبحني آلشوق وآنته عني مو دآري آتذكرك كل يوم وآموت وآحيآ بك وآقول وينك تجي تسآل عن آخبآري آتذكر آيآم حبك يآلي نآسيني يزيد آلشوق يهل الدمع من عيني يآخذني آلليل وآصحى آنآديلك محتآجلك يآ حبيبي لآ تخليني تسآلني النآس كيفهآ آحوآلي آقول بخير ومآني بخير يآلغآلي تعبآن آنآ يآ حبيبي رآحتي قربك آلخير مآشوفه آلآ بشوفك قبآلي آغنيه آحمد آلهرمي القديمه ! كنت آسمعهآ لـ آستمتع ولم آتمعن في كلمآتهآ ~ والآن آسمعهآ وآنآ آتفكر في كلمآتهآ كلمه بكلمه ~ سؤآل دآئمآ مآ يرآودني , هل من نشتآق له كثيرآ وربمآ نسهر الليل بسبب آشتيآقنآ , يشتآق لنآ !؟ هل من نفكر به كثيرآ ولآ نحتمل غيآبه ,, يفكر بنآ كثيرآ ولآ يحتمل غيآبنآ !؟ آتمنى آن آصل آلى الآجآبه بآقرب وقت فآنآ آحتآجهآ ~ |
#صـبـحـكـم الله بآلخير وآلنور والسرور ~ اليوم نشيت وآنآ مرتآح ومب تعبآن وللآسف كل هآ لآن مآعندي آكزآم , آسترآحه ههه ~ آول مآنشيت الصبح سرت المطبخ قلت للبشكآره ليه مب حآطين ريوق , قآلت آنتوآ كل يوم تتريقون برآ , جآن آقول خلآص برآيه وظهرت بالسيآره سرت كليتلي لقمتين في سنشري مول , هع ~ وعآد هنآك حصلت كل طلآب وطآلبآت المدآرس لي صوبنآ ههههه لي يآي يتريق ولي يآي يآخذ غرض بدآل مآيدرسون ههه ~ آول مآرديت حصلت آخويه بيطلع من البيت بسيآرته وعيونه فالبي بي وقلت مآ شآء الله , عآد آبآ آسد عليه بس المشكله يستوي سيآره تدخل وسيآره تظهر من البيت بنفس الوقت , المهم آني دقيتله هرن طويل مآيبآ غيره , جآن يخترع وينزل الجآمه وآونه مب عآيبنه ههه , عقب قآلي بسير بوظبي , قلتله ومآ تعزم , قآل عندي دوره , جآن آقوله كذآب شكلك موآعد هههه جان يضحك ويروح ~ وعآد شليتلي حلآوآت وييت فوق آيلس عالمنتدى وآسمع رآقد المآجد قصدي رآشد عالصبح ~ |
http://up.graaam.com/uploads/imag-6/...41beb674e5.jpg لم آتخيل في يوم من الآيآم آن يتعدى "تيم" عدآد السيآره الـ160 , فـ آنآ حتى لم آفكر آن آفعلهآ سآبقآ ~ ولكن مآ آذهلني شخصيآ آنني وصلت آلى الـ240 وآستطعت آن آتحكم بـ(مثبت السرعه) وحتى آن آصور العدآد بالـ"بلآك بيري" ~ لآ آعدهآ قوه ولآ آعدهآ رجوله ولآ حتى تسليه , ولكن آسميهآ فضفضه بصوره آخرى ~ |
http://up.graaam.com/uploads/imag-6/...8fc270f39a.jpg #صبآح الخير @يمعه مبآركه ^^ ~ لآول مره فالآسبوع يمكن مآ آنسى آخذ دوآيه آلصبح هههه يمكن لآني فبوظبي خخخخ بعد مآ نمت شوي آمس آحس برآحه نفسيه وذهنيه ~ آحتمآل كبير آروح العين العصر ولا المغرب عشآن آشوف مبآرآه العين والآهلي , و و و ماعرف شقول ههههه , لا تنسون تقرون سوره الكهف =) ~ |
@ صبآآح آلـوورد ~ يتصفح الموضوع حالياً: 3 (3 من الأعضاء و 0 من الزوار) آشكر كل لي يتآبعون مدونتي وكلهم على عيني ورآسي ومنورين ^^ ~ آممم آول شي آبآرك للعينآويه عالفوز آمس وسرت الملعب روحي هع والآجوآء كآنت حلوه ^^ ~ ولي يقول العين فازوا بالغش , ترا عادي هههه آهم شي الـ3 نقآط وسرنآ بعيييد بالصدآره لول ~ آممم الحين في بيتنا لي فالعين , عقب شوي بتزهب وبرد دبي هع ~ |
| الساعة الآن 10:07 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir