|
دولتي الحبيبه هل هي دوله مظاهر ...! السلام عليكم ورحمة الله وبركاته جيف الحال ... ان شاء الله الكل بخير ... اممم حبيت اطرح هالموضوع من باب الفضول ومعرفه الحقيقه ...! دولتي الغاليه الامارات العربيه المتحده هل هي دوله تهتم بالمظاهر ...! مثل ما انا وانتوا شايفيين الدوله كل مالها وتتقدم ولله الحمد ... وان شاء الله دومها فالمقدمه ... ولكن هالتقدم له تاثير كبير على المواطنين ... مثل ما انتوا شايفيين زياده الاسعار الي الكل يتشكى منها ... الزياده وقرروا انهم ينزلونها شهر 4 وما قلنا شي بس من متى يقولون بنزلها وبنزلها ... اول ما قالوا ان الزياده بتنزل رفعوا الاسعار ... قلنا ما عليه خلهم يشبعون هالتجار ... وقالوا من بعدين بتنزل في بدايه سنه 2008 راحوا ورفعوا الاسعار زيااده ... والحين قالوا بنزلون الزياده في شهر 4 هل بيرتفعن الاسعار زياده ....؟ وين الرقابه ...؟ ابا اعرف شي واحد وين الرقابه ...؟ يوم نزلوا فالجريده قالوا والله نحن بنراقب الكل الاسواق والبقالات ... قالوا وقالوا وقالوا لكن وين الفعل ...! اذا راقبوا تموا يراقيون لمده اسبوعين وشهر وينزلون فالجرايد بس علشان يقولون ويوضحون للمواطنين انهم يراقبون ... اوكي بتقولون الين الحين حاطيين هالرقابه ... انا اقول لا ... نزلوا فالجريده يوم ارتفع الحليب وانا بروحي شفته ... حاطيين ان الحليب يوم ارتفع سعره صار 10 دراهم ولكن هو مب ب10 لا ب11 درهم ...! والروووب الي وصل 15 درهم بعد ماكان 12 ... ويوم نسوي للبلديه والمسؤولين علشان يراقبون ما يردون على المواطنين وشكاويهم ... لانهم يعرفون عمارهم انهم مسوديين ويوهم ... اذا انا اقدر اصرف وساده حايتي في ناس ما عندهم شي ... مثل المواطنه الي اشتكت ونزلتوا المقطع الصوتي هنيه في استراحه زايد تتشجى في ناس مثلها بالالاف ... اذا على الزياده والله ما نباها ... نتم بليا زياده ولا كل شوي ترتفع الاسعااار ... وهالتجار ما عليهم شي ... مرتاااحين ... السلعه الي نشتريها نحن ب 100 درهم هم يشترونها ب 10 دراااهم ... والتبرعات الي راحت لافريقيا ... يزاهم الله خير الي تبرعوا وما قصروا لكن " الاقربون اولى بالمعروف " يعني لو عاطين المواطنين الي ظروفهم الماديه صعبه يكون افضل ... وشفنا اهتمام الدوله للدول البرع مثل فلسطين والهند وغيرها فهالاشياء الي تسويها الدوله برع يكون بعد زين تسوها هنيه... الحين في زمنا هذا على الربع لازم نحاسب ... بس ابا اعرف شي واحد بس من المسؤول ...؟ الدوله عطت هالمسؤوليه للبلديه والصحه ... ولكن هالوزارتين هل حافظن على هالمسؤوليه ...؟ ادري طولت عليكم لكن هذي هي الحقيقه المره ... تشوف المواطنين يتالمون ومن الداخل مجروحين جرح ما ينبرى منه ويحسون بنفسهم انهم متذللين بسبب شو " الفلوس " صدق ان الفلوس تروح وتي لكن الانسان في هالدنيا ما يقدر يتحرك من دونهن ... والسموحه على الاطاله ... فمان الله ... |
ماعندي تعليق يسلموووووووووووو ع الموضوع |
[align=right]والله مي تووووو...[/align] |
يعني نحن نروم ندفع ولله الحمد بس في ناس غيرنا ما ترووم الصرااحهــ ويعني الزياادهــ اللي بتي مب واااااااايد يسلمووووووووو الغلا |
السلام عليكم ورحمة الله وبركاته لو سمحتوا الي ما عنده تعليق ومش قادر على النقاش ما يكتب ... هالموضوع للنقاش وللجاديين فقط ...! |
اممممم ما شفت ردودكم يا اعضااائنااا ...! ولا الموضوع ما يستحق النقاش ...؟ انا الصراحه اشوف الاعضاء يميلون لنقاشات الحب ... هل نقاشات الحب اهم من موضوعي ...؟ اتمنى اني اشوف رايكم فالموضووع ... |
السلام عليكم ورحمه الله وبركاتهـ لا افا عليج الغاليه موضوعج مافيه حيله .. لي عوده ان شاء اللهـ .. !! والسموحهـ ع القصور .. !!:) |
اختي واايدين اللي اتكلموا و وايدين اللي اشتكوا وناقشوا هالسالفه لكن انا ما اجووف غير الحقران ومحد معبر مووليه يعني طلعن النسب وناس اشتكوا في البث المباشر اللي ايقولون انه رمسة الناس تطلع فيه بس ما اجوف غير ان اللي يبون ايسوونه سووه واللي هم عايبنهم مابينفذوونه يعني هم الحمدالله ماقاصرنهم شي ويقدرون على هالزيادات بس في ناس مساكين والله اتم 3 ايام بدون كهربا في البيت هم ايزيدون وايقصون على الناس بهالزياده اللي في النهايه مادري كم بتطلع، يمكن ماتسد حتى مصروف شخص واحد يعني نحن في البيت عندنا مووتر عائلي والله ان ابوي مزره بترول للنص ب135 وسافر فيه السعوديه مزره فول ب30 ريال قلنا زيادة بس مب لهالدرجه المهم مشكوورة اختي عالموضووع وان شاءالله حد يتحرك مثل ماهم شطار ويطيرون حق غيرهم ويساعدونهم نبا انجوف هالشطارة في اهل البلاد والمواطنين |
على طاري هالسالفه .. هل تعرفين ان الدوله لديها فائض مالي كبير ..!! وانا قريت عنه في تقرير نشر في احد المقالات .. وهذا هو سبب من اسباب الغلاء والتضخم المالي اللي يالسين نعيشه .. بمعنى اخر ميزانيه الدوله عاليه جدا .. والدوله تمتلك مبالغ طائله خارج البلاد تصل قيمتها بالتريليون درهم..!! يعطوون جزء منه للمحتاجبن من عيال البلاد هم اولى فيه .. |
السلام عليكم ورحمة الله وبركاته في انتظارج راكاويه ... كسيره الخاطر ... صح ان في وايدين تكلموا عن هالموضوع وعطوهم الاذن الصمخى بس نحن لازم ما نستسلم في وجه الغلاء ... لازم كل يوم وكل لحظه نردد هالسالفه ... في ناس على شفه من الحفره والله انج ترحمين حالهم عنبوه والله الي يشوف حالتهم ما يقول هذيلا مواطنين من دوله الامارات وين كنا ووين صرنااا ...! سنفورت بوظبي ... اكيد بيكون لها فائض كبير الله يخلي الاسعار وغير الاتفاقيات الي يسوونها برررع ... انزين يوم الدوله عندها دخل كبير ليش هالغلاء ..؟ ما عليه هم الحين وباجر بيسدون حاجت هالمحتاجين ومن بعدين بيكون نص الدوله فقيره ... لازم اصلا قبل لا يسووون الشي يفكرون فيه ... بس هم شكلهم لا فكروا ولا شي فكروا بس في مصالح الدوله ونسوا مصالح المواطن ... تسلمن يالغاليات على مروركن الطيب ... وربي يحفظكن ... |
الـــــــــــــــــــــــــــسلام عليكم اولا صح لسانج اختي وانا وياج بكل كلمـــــــــــــــــــــــه جلتيها وبصراااااإأإأإجه هالطمع <==اللي كل يوم نشوفه من التجاأإأإأر ماحطوله حد لانه مأإأإ شفنا <==حد وقفهم على حدهم اوكي الحكومه ودولتنا على عيني وراسي بس بعض المواطنين مساكــــــــــــين انظلموا بهالسالفه خصووووصـــــــــــــــاأإأإ اللي احوالهم المــــــأإأإديه مو اوكــــــــــــــــي وبصرأإأإأحه انا خــــــــــــــــأإأإأيفه انه هالشي ينجلب علينا أإأإأ لانه لمـــأإأإأ الواحد يكون عنده خير ونعمه موووو يذرها بهالشكل بالنهايه وعسى انا تكرهوا شيئا هو خيرا لكم ماعندي اكثر من الكلام اللي قلته تسلمين ختيه الجــــــــــــــــوؤووؤوؤوؤوؤد |
السلام عليكم ورحمة الله وبركاته اختي الجود اسمحي لي بالمداخله البسيطة واتمنى تتقبلينها بصدر رحب انتي مشيتي فالموضوع بشكل ممتاز ومتسلسل ، لكن هب معناته نقول ( التبرعات لي راحت الأقربون اولى بالمعروف ) هي حق منوه راحت يطولي بعمرج ؟!! هي راحت حق هالفقارى المساكين وكلهم او معظمهم مسلمين واخوانا مايوز نرمس بها الأسلوب وانا وياج بكل اللي قلتيه الا ها النقطة .. انتي الحمد الله معززة مكرمة فالبيت ولكن هم احيانا يرقدون فالشارع ولا بيوتهم آيلة للسقوط او راحت ع سبة الحرب وراقدين في مدارس او مكاتب انتي تشربين وتاكلين هم احيانا مايحصلون ماي نظيف يشربونه او اكل سنع شرات لي نحن ناكله ( نرجع لمحور حدينا ) من فترة انا تكلمت مع خبير اقتصادي قال لنا ها الشي عادي ( زيادة الرواتب يعني زاده فالأسعار ) تكون علاقة طردية ، لاتنسين ان الأجارات زادت والبترول عدنا غالي لو قريتي الجرايد من فترة ، الشيخ محمد بن راشد امر ( الشؤون ) او الي نعرفها الشوونه برفع رواتبهم اكثر من 2000 درهم تقريبا مثل ماحيد .. في نظري لابد ان تتواجد هناك ( اسعار حكومية ثابته ) مثل مادرست في مادة اقتصادية يسمونها ( تحديد السقف السعري) يعني السعر مايزيد عن ( سعر معين تضعه الدوله) مثل سلع ( يونية العيش والشكر والطحين ...الخ) وتضمهم سلع الحليب ومشتقاته 0 0 0 انا اتمنى الدولة تحدد للتجار ( سقف سعري) عبر بند او قانون لمنع التلاعب والزيادة .. 0 0 يعطيكم العافيه اخوكم / النعيمي |
[align=center]http://hajisqssu.jeeran.com/v97.gif السلام عليج ورحمة الله يامرحبا الساااااااااااااع بالجود كل مره اقرا او اسمع عن غلاء الأسعار ينكسر قلبي ع المساكين والي مب لاقين لقمة العيش الكل مسؤول يوم القيامة وكلنا محاسبين والساكت عن الحق شيطان أخرس صح نحن مانروم نسوي شي بس أضعف الإيمان نستنكر فعلهم لو بقلوبنا .. كلام اخويه النعيمي ع العين والراااس بس وين الحكومه الي بتفرض ع التجار أسعار محدده .. هالشي خارج عن السيطرة دام في ناااااااااااااااس بطرانه ماتحس بغيرهاا وعايشه لنفسها وبس .. ممكن نرمس للصبح ومحد يسمعنا بس طبيعة الأنسان يرتاااااااااااااح يوم يفضفض ويقول الي بخاطره .. وفلأخير المشتكى لله ع الي يصير فينا تسلم يمناج خيتوو ولاعدمناااااج ياااارب يعطيج ملاييين العافية وعساج ع القووة نرقب الزود منج http://hajisqssu.jeeran.com/v97.gif[/align] |
السلام عليكم ورحمة الله وبركاته قطوه ملاك ... الكل والله خايف من هالشي ... والله المستعان ... وتسلمين على المرور الطيب ... االنعيمي ... اتشرف بمرورك خيووو ... صح كلامك وانا وياهم ويستاهلون هم اخوانا فالاسلام بس انت اذا بتلاحظ هالتبرعات كل سنه وبالبلاااااااااايين بعد ... وانا الحمد لله عايشه في نعمه بس اخاف بعيد الشر هالنعمه تزول من الزياده الي صااايره ... بس في ناس عندنا هنيه فالامارات مثل الي في افريقيا كم مره فاليوم تسمع عن سقف بيت طايح .؟ كم مره نسمع عن ناس ترقد بليا عشا .؟ اذا تريقوا ما تعشوا ولا تغدوا واذا ما تريقوا بس يتعشون ... يعني انت بتشوف فالبلاد مثل الي في افريقيا بس محد يعرفهم ... انا يوم اسمع عن هالاشياء باذني واشوف بعيني والله تخنقني العبره واصيح وتظربني صدمه الصراحه ... ادري ان الشونه زادوهم ويزاهم الله خير والله يطول بعمر شيوخنا ويحفظهم ... بس ليش هالعلاقه الطرديه ...؟ هم يزيدون المعاشات بس علشان الناس تقدر تسد حايتها مب يروحون ويرفعون الاسعار جنهم ما سواا شي ... اتمنى ان الدوله تحط لكل للاساسيات الي فالبيت سعر محدد ... والي يخالف هالشي تعاقب ... وتشكر على مرورك الي عطر موضوعي ... سلمى ... هيه والله صدقج ... ترا منو كاسر ظهورنا غير هالتجار البطرانين ... الله يسلمج الغاليه ... وتسلمين على المرور المنور ... |
اختى الجود الصراحة موضوعج وااايد حلو للنقاش بس نحن مهما نقول ولا نحكى منو اللى بيسمع ؟؟!! دولتى الحبيبه هل هى دولة مظاهر؟؟ امممممممممم فرأيى لا الامارات هب دولة مظاهر ولا شى بالعكس هى من افضل الدول العربيه . والتبرعات اللى تحكين عنها لفلسطين والهند هااى من زماان ترى من اياام ابويه الشيخ زاايد والحمد لله مستمره لين الحين ونحن ما نتمنى الا الخير لإماراتنا الحبيبه ومن هااى التبرعاات الحين الاماراتى وين ما كان له هيبه وشموخ عالى . ويوم قلتى ان الاقربون اولى ..من خبرتيه ان معظم هل الامارات هب محتايين لشى واللى منهم بيحتاى شيوخ الامارات ما بيقصرون وهذا معروف عن شيوخنا (الله يحفظهم)...وترى اذا في واايد مواطنين يبالهم مساعده كنا سمعنا عنهم شى الا اللهم اقليه (والله كريم وما ينسى عباااده). وانا وياج فسالفة انهم هب لازم يزيدون الرواتب ترى كل ما ايزيدوا تزيد الاسعاار وفالاخر محد بيتألم الا اللى ما عنده. واخر شى بقوله لازم نحمد الله ع نعمه اللى انعمها علينه ونتمنى للغير الخير والسلامة وع قولة مثل حافظتنه(اللى يشوف بلوة غيره اتهون عليه بلوة )..اللهم ادفع عنا وعن بلادنا البلاء....اللهم امين وهذا رأيى والسمووحة منج ^^ |
السلام عليكم ورحمة الله وبركاته اولا احب اشكرج ختيه الجود على طرحج لهالموضوع المهم واللي الكل صار يشتكي منه فالبلاد انا من رايي انه مثل ما قال اخويه النعيمي الزياده فالاسعار مع ارتفاع الرواتب نتيجه طبيعيه او تناسب طردي متوقع بس الشي الخطير فهالموضوع انه ما شفنا انه المسؤلين فالدوله حطوا حد لهالموضوع يعني ممكن الزياده اليوم تكون بدرهم او درهمين عقبه بفتره توصل للضعف ولين توصل وتوصل وتوصل ومحد يتكلم يمكن نحن ما نحس بقيمة هالزيادة بس شي ناس غيرنا يحسبون للفلس الف حسااب شي ناس صح زادت رواتبهم بس البيت الواحد يكون فيه 15 او 20شخص واللي يصرف عليهم شخص واحد فلوس هالزياده بتروح لشوه ولا شوه؟؟؟ وتعال عاد لو البيت اغلب اللي فيه بناات واللي يصرف عليهن او ابوهن مب عاارف كيف يتصرف شو بيكون موقف هالريال يوم يحس عمره عاجز ومب رايم يلبي طلبات واحتياجات عياله؟؟ والشي الثاني رواتبنا زادت صح ونحن في خير ونعمه هيه نعم صح بس الناس الوافدين الموجودين عندنا فالبلاد شو ذنبهم بهالزياده؟؟ ناس يشتغلون ويكدون ليل ونهار عشان يوفرون لعيالهم ولاهلهم اللي هم متغربين عشان يصرفون عليهم واخرتها الراتب نصه يطير على ايجار الغرفه اللي هالشخص عايش فيها والكل يعرف انه نحن دولتنا تعتمد بشكل كبير على العماله الوافده اللي موجوده فيها شيوخنا الله يطول في عمارهم ما قصروا والقصور مب من صوبهم التقصير من صوب المسؤلين اللي المفروض يحطون حد لهالتلاعب من صوب التجار يعني عادي تلقى سلعه وحده في هالمحل بهالسعر وتروح المحل الثاني تلقى ضعف السعر الاول الواحد ماشي بيده غير انه يقول صبرا جميلا والله المستعان ونتمنى انه المسؤلين عن هالموضوع وعن هالارتفاع واللي بيدهم القرارا يحطون حد لهالموضوع والسموحه على الإطاله |
| الساعة الآن 08:01 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir