|
دخول اخوان و أب العروس صالة النساء في الأفراح . . هل تؤيد دخول أقارب العروس إلى صالة النساء في الأفراح ؟ سؤال الإجابة عنه حتماً متفاوتة، ولا يمكن حصرها في القبول أو الرفض، وإنما تتجاوز ذلك إلى فهم "العرف الاجتماعي" السائد في المكان الذي أقيم فيه الاحتفال، فمن يقبل يبرر دائماً بحالة الفرح والنشوة لحظة الاحتفال، ومن يرفض يبرر أن ذلك عمل غير أخلاقي، إذ كيف برجال غرباء يدخلون صالة أفراح وهي مكتظة بالنساء.. بين هذا وذاك تختلف الآراء .... هل تؤيد ذلك أم تخالفه ولماذا ؟! |
السلام عليكم موضوع مميز اختي مزاجية بالنسبـة لـ دخول الرياييل صالة الحريم بصراحة انا ضد هالشي والحمدلله في اعراسنا مب موجود هالشي مهما كان بنات ناس ف صالة الحريم يمكن مادرت ان الرياييل بيدخلون ويدخلون 10 او اكثر ل الصالة يعني الريال لهالدرجة مشتاق لـ شوف حرمته؟ تراه بيجابلها طول العمر وبيمل منها بس يقدرون اخوان العروس بعد مايطلعن الحريم ومايتمون الا هلهم يدخلون يسلمون عليها يباركون لها.. تسلمين ع الطرح الطيب بالتوفيق |
السلام عليكم ورحمة الله وبركاته !!! . . موضوع شيق بجد إختي ولاهنتي على الفكرة الطيبة والنقطة المهمه جدا !!! . . البعض يقول عادي هاذي حاله أستثنائيه لنه عرس وفرحة العمر لازم يدشو ويستانسو ويا المعرس ويتصورو !!! وصحيح لاعيب في أنك تفرح في يوم عرسك !!! . . لكنني أخالف هذا الرأي ولا أرى بأن شي لزمة في دخول اهل المعرس للقاعة !!! بل المفروض أن المعرس مايدش القاعة من الأساس وتظل القاعة للحريم فقط لاغير !!! فأنا مع أن تنتشر أجواء الفرحة وضد العادات الي مالها داعي !!! يعني بيقولي واحد ليش ؟؟؟ . . بقوله وايد تصير مواقف بايخة بعد هالحركات والي ترمس عن المعرس وايد والي يقولون عين وماعين !!! يعني من الآخر مالها لزمة يدخل المعرس للقاعة لاهو ولا أهله من الرياييل !!! أنا جذيه أفضل وهذا رايي !!! |
السلام عليكم و رحمة الله و بركاته .. موضوع جميل و الحوار فيه اجمل .. بالنسبه لي أنا اجوف قبل نهاية العرس " يعني ما يضل فالقاعه غير الاهل المقربين " يدش المعرس ويا ابو العروس .. بالعكس انا اجوفها حلوه بغض النظر عن اي شي ثاني . .يعني تحس العروس ان الها سند فالدنيا و يعرف المعرس ان العروس وراها ابو و هي هب رخيصه .. يمكن اسبابي هب مقنعه لكن انا احس ان هالشي حلو للعروس نفسها .. صحيح في اشياء سلبيه فالموضوع .. لكن لو تلاحظون انا قلت بعد ما يروحون المعازيم و يضل فالقاعه بس اهل بيت العروس و المعرس .. و ما له داعي يدشون اخوان العروس كلهم يعني اذا ما دش ابوها يدش اخوها الكبير .. ماله داعي 15 واحد يدش،، يقدرون يباركون الها و يتصورون بعد ، بس فوق قبل لا تنزل .. يمكن رايي ما يعجب احد منكم لكن تضل وجهات النظر تختلف دايما من شخص لآخر .. مشكوره اختي عالطرح .. لا هنتي نترقب الزود .. تقبلي خطفتي : dobloma3seyah .. !& |
امممم هالموضوع يختلف ع حسب كل عايله كيف تقاليدها بالنسبه لنا عااادي يدخلون اهل العروس بس عقب ما يبلغون الحريم ان في رياييل بيدخلون ومستحيل يدشون قبل لا يخبرونهم لان منهم خوات الريايييل اللي بيدخلون فمايرضون عليهن وشسمه اخوان المعرس احس مالهم داعي يعني حرمه اخوهم ( العروس ) كاشخه وجي مب زين يشوفونهاا فالحاله هااي احس لان هي متعدله حق ريلها مب حقهم واخوانها اذا دخلوا بيستانسون يشوفون اختهم فيوم عرسها ويباركولها هي وريلها =) مادري بس احس عادي ومب عادي ^^" يسلمو ع الطرح |
السلام عليكم ورحمة الله وبركاته..، حضرت أعراس، نصها كانوا يدخلون الرجال فيها ونصها لاآ .. في كلا الحالتين، ما حسيت بأي ضرر.. في أعراس يدخل فيها الريال مع الحرمة مع بعض، وفي أعراس يدخل الريال فيها مع ابو البنت واخوانها، وفي أعراس ما يدخل فيها أحد أبد.. و أنا أفضل الثانية أكثر، صحيح انه بيشوفها بعدين، ولكن حلو الشعور لما يقابلها في العرس وسط أهله وناسه ... أما عن الحريم اللي في الصالة، فهو ما بيروح ايسلم عليهن، بس بيخطف امبينهن، وبيشق الطريق لين حرمته ^^ والحريم اللي في الصالة أكيد عندهن خبر قبل لا يدخل .. يعني ( اللهم بلغت اللهم فاشهد ) ^^ ما لهن عذر... ان شاء الله ما أكون قد أفتيت في الموضوع، تسلمين وربي يعطيج ألعافية. |
افكوورس عاادي والمطووعه وبنات الناس اللي بيستحون من خوان العروس او اي حد من اللي بيدشون ويا المعرس ماعندها سالفه لانه الحين مثلا اللي بيدش ويا المعرس,, بيخلي اهله وخته العرووس وبيطالع بنات الناس ماشي شغل شوو والله هالشي عادي ويوم يدش المعرس يخبروون ,, ف كل وحده تتغطى مب لازم تتفلسف يعني ف السوق وبرع ما شافوها يت على العرس وشكرا |
••http://3yalna.net/vb/images/smilies/ax.gif•• الســلآآمـ عليكمـ و رحمـه اللـه و بركـآآتـه موضـووعـجـ حلـوو و يستآآهل النقـآآش لآآ موو عييب آنه آهل المعرس و آهل العرووس يدشوون آلآآ هوو يوومـ فرحه و الوآحد مآ يستآنس بعيآله مرتين و ثآنيآآ كل وآآحد و تربية آهلـه لــه يعنـي عشآآن كمـ وآآحد عيونه زآيغـه نخرب فرحـه آلآهل البآقين و من نآحييه البآآت كل بنت محترمه بتتغشى كثـري من هييك موآضيــع يسلملي هـآلذووق آنآ تسلمـين مزآآجيييه ع الطرحـ آلغـآوي و لآ تحرمينـآ من يديدجـ ••http://3yalna.net/vb/images/smilies/ax.gif•• تقبلي مروري ×http://vb.ma7room.com/images/icons/01.gif× »• گشۈڅيه تفجير •« ×http://vb.ma7room.com/images/icons/01.gif× |
| الساعة الآن 10:27 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir