|
هزاع ومريم منقوله :... السلام عليكم حبيت انقلكم هالقصة هزاع ومريم هذي القصة من مزج خيالي من بدايت السنة وهي في خيالي كل يوم شي يديد يطلع وانا كتبتها لكم ... عشان ما تقولون اني بخيله ... وبما اني امارتية كتبت هذا القصة بالاماراتية طبعاً الحوارات باللهجة الامارتية العامية ... مقدمة عن القصة فيها تتعرفون على الشخصيات وطبعاً الشخصية الريئسية هي هزاع ... هزاع ولد طايش ومغازلجي ونذل وقوي وعنده الجرئة الفضيعة وما كان يخاف من احد إلا من ربه .... إلخ .. هو اكبر أخوانه وعمره 20 سنة وبعده عالية إلي اصغر منه بسنة يعني 19 سنة و بعدها فهد الي اصغر منها بسنتين يعني عمره 17 سنه وبعده علياء الي اصغر منه بأربع سنين يعني عمرها 13 سنة وعقبها مريم الي اصغر منها بثلاث اسنين يعني عمرها 11 سنة وبعدها عبود عمره 7 سنين وبعده سيف الي عمره 4 سنين .. والأم ( ام هزاع - نورة ) والأب ( بو هزاع – محمد ) والعم ( سالم – بو احمد ) والعم (حمد – بو عبدالله ) .... العم حمد أو بو عبدالله عنده عبدالله اكبر واحد وعمره 21 سنه وعقبه عالية اخته الي اكبر من عالية بنت عمها محمد بسنه يعني عمرها 20 سنه يعني شرات عمر هزاع .. ....وسارة بعد اخت عبدالله وعمرها 13 يعني بنفس عمر علياء وهن اصلاً بصف واحد هزاع وعبدالله يشتغلون بالجيش وتقريباً العايلة كلها بالجيش ههههه عندهم ربع من يوم هم اصغار ومسوين شله والكل يعرفهم حتى الشرطة من سواتهم .... ملفهم متروس ما يباله .... لا اتمصخر ...المهم ... الشلة هي ( هزاع راس الشله وعبدالله ذراعه اليمين ومحمد ذراع هزاع اليسار وعلي ومزاحم المساعدين وفهد راشد واحمد مغطين الشلة وسيف وحمد هم مدبرين أوامر هزاع واخوه فهد فالاحتياط ) ..... هذيلا مسوين فريق في نادي حق لعب الكورة مب شله هههههههههه ..... المهم .... الشله طبعاً عندهم نفس صفات هزاع بس اخف منه يعني عندهم صفات الطيش والمغازلجية و النذاله والقوة بس كانوا يحترمون اهاليهم ولا هزاع غاسل ايديه منهم .... ( الي يختلف هزاع عن ربعه انه عمره ما حب ) الحلقة ( 1 ) ........ في بيت محمد ( بو هزاع ) ... الساعة 10:30 في الليل .. .... الكل يالس فالصالة نورة ومحمد وفهد وعالية وعلياء ومريم وسيف وعبود .... كانو يسلفون سولف كلها ضحك ومسخرة والضحكة حلوة عليهم ... طبعاً ف هالوقت اليهال يرقدون شرات سيف الي راقد على الارض وعلق اريوله على المكتبة ومجابل التلفزيون أونه يطالع ام بي سي 3 وهو بسابع رقده ... ... بعد شوي ....... يدش هزاع الصالة وهو لاف الغترة على راسه .. ما ادري شو يسمونها جنها ( الحمدانية ) ما اعرف .. ولونها عنابي ويا ابيض ولابس كندورة سودا ( ثوب ) ويا طربوشتها وحاط هايج الكشمة ( النظارة ) على عيونه .... المهم ... العيون كلها متجهه صوب هزاع الي واقف يطالعهم * ما يلامون زيغهم ( خوفهم ) * ... هزاع يدش ولا يسلم كالعادة ورافع خشمه .... نورة :- اوقف .. وين ساير ؟؟ هزاع وهو عاطي امه امقفاه وويهه صوب الدري ( الدرج ): نعم ؟؟؟!!!.... ما سمعت ؟! ... نورة :- ليش ما خابرتك ما تسمع .. وبعدين الناس يوم يدشون ( يدخلون ) يسلمون ... هزاع بأعصاب باردة على سخافه :- تراج متفيجه ...وبعدين اسلم على منوه ؟؟ على هالاشكال ... نورة وهي معقده حواجبها:- شو قصدق ؟؟... هزاع :- ما شي ... نورة :- هزاع بلاك اليوم راد مبجر ( يعني راد من وقت ) مب عوايدك ... العادة الساعة 2 ولا 3 ولا 4 الفير ( الفجر ) هزاع بالاعصاب الباردة الي تقهر :- مزاجي ارد وقت ما ابا ... نورة :- لاااااااا ... هزاع انت تعرف ان هذا بيت مب فندق علشان ترد وقت ما تبا .. وأنا مب هذا الي قصدته .. هزاع وهو لا على امه :- البيت بيتي والسويج ( مفتاح السيارة ) فايدي وسماعة المبايل فأذني والراتب ينزل آول الشهر يعني محد له خص فيني ... قهمتي ولا اصارخ احسن ... نورة وهي عاقدة حواجبها :- انزين يا هزاع .... اوكيه بكيفك .. بس انا قلت مدامك ساير فوق شل اخوك السيافي فوق .. ترا حيرتهم ( حجرتهم ) مب بعديه يم ( يمب أو جمب ) حيرتك ( حجرتك ).. هزاع :- انشا الله على هالخشم .. يوم اشتغل عندج واصير بشكار ... ولف صوب الدري يبا يركب ... محمد :- هزاع اوقف مكانك .... هزاع الي عاطي مقفاه لابوه:- نعم .. محمد توه يبا يرمسه ولا جان هزاع يركب الدري ولا معبر ابوه ولا بسوي شوي يركب الدري .. محمد :- هزاااااااااااااع ... هزاعوه وصمخ ..... هزاعوه ويهد .... طبعاً هزاع ما عاطنهم ويه يالس يركب الدري شوي شوي ولا ويغني بعد ( ويلي *لحربي* ) وهو فرحان عالآخر انه مطنش الكل .... وهو يالس يغني قال ابوه :- هزاع اوقف ابا ارمسك ولا اروك شي ما جفته في حياتك ... هزاع وهو يغني :- ويلي يويلي يويلي .. يا ويلي ..ويلي أنا من ابوي .. خفت منه يويلي يا ويلي ويلي أنا يا ويل .. محمد وهو محرّج ( محرق أو معصب ) :- بلاك هزاع ؟؟ انت بخير؟؟ .. انت بتخبرك سكران ؟؟ طبعاً هزاع ما عنده هالسوالف بس يا محبه للتطنيش وحرق اعصاب الناس .. تغير جو البيت وصار الكل معصب من الموقف إلى سواه هزاع ويا أمه وابوه .. نورة والدمع فعيونها :- خلاص يا بو هزاع الولد ضاع و حتى امه مب معبرنها وعاطنها مقفاه ولا عاطنها ويه .. انا احترق فداخلي .. لأن هذا مب هو هزاع ولدي الأولي ..كل يوم اجوفه يتغير زيادة .. أنا قلت باجر بيكبر و بيعقل من الطيش الي هو فيه بس ما ظنتي مدام هو على هالحال ... محمد :- ما عليج منه .. وعلي منج يأدبه لج ان ما فاده الكلام .. الخيزرانه بخلفها على ظهره .. بس اهم شي ام هزاع لا تزعل ... وهو يطالها ويبتسم ... ابتسمت نورة .. .... في اليوم التالي :- ( في الجامعة ) عالية محمد اخت هزاع ويا ربيعاتها مريم وعايشة ودلال يالسات في الكوفي شوب بعد ما خلصن المحاضرة ويسولفن عن كل شي ... عقب عايشة ودلادل قالن احنا بنسير عند قوم حصوه ... وسارن .... عالية جان فلسانها كلام كانت تبى أتقوله لمريم لأن مريم ربيعتها من ايام الروضة والين الحين ما تفارقن وزيادة على هالعلاقة أن ام محمد إلى هي ام مريم تعرف ام هزاع الي هي ام عاليه ... بس كانت تتريا عايشة ودلال يروحن علشان اتقول لمريم كل الي في خاطرها لأنها تعودت تقول لمريم كل شي ومريم نفس الشي .. عاد عالية كانت من الصبح وهي مالها خلق ترمس احد عقب الي صار بس ما تقدر على مريم ... مريم بصوت نعومي :- عالية شو بلاج اليوم ... عالية :- هاه .. ما شي .. مريم :- أفااااا أفااااااا بس افاااااا ما تقولين لي انا مريومه يا عاليوه ... عالية :- اعرف بس ما ادري اشجايل اقولج .. مريم :- شو بلاج عالية وهي منزله عيونها للأرض: مب أنا هذا هزاع يا مريوم مريم :-خير شو بلاه عالية :- رد امس مبجر البيت ... مريم :- هيه كملي ...وبعدين ليش منزله عيونج طالعيني وانتي ترمسين ... عالية :- جنا نسولف ونضحك بس هو دش وخرب الجو ... مريم :- عادي انتو تعوتوا على الوضع .... عالية وهي معصبة :- هيه بس ما تعودنا أن هزاع يرمس امي وابوي بالطريقة ..بأسلوب الحقارة والنذالة مريم :- اعذروه يمكن جان مضايج يوم دش البيت ولا من ربيعه وامج وابوج فاجأوه بالأسئلة ... عالية :- أي اسئلة واي مضايج.... اقولج دش البيت فرحان وامي ما قالت له شي غير * الناس يسلمون يوم يدشون * قام الحبيب وصارخ وينازع حتى ابوي ما قدر عليه ويوم زجره ( ناداه ) ابوي وصارخ وقاله :- هزاع اذا ما رديت يا ويلك مني ..... قام هزاعوه يغني ويقول :- ويلي يويلي يويلي .. يا ويلي ..ويلي أنا من ابوي .. خفت منه يويلي يا ويلي ويلي أنا يا ويل ...... قامت مريم تضحك ضحك من الخاطر وهي يالسة تسمع عالية تغني ..:- هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههه....الخ عالية وهي تبتسم وشوي وبتضحك :- لهالدرجة انا اضحك ؟؟!!..... مريم من الضحك ما رامت تجاوب قامت هزت راسها ... عالية ببتسامه وهي شوي وتضحك :- ليش حبيبتي جافتي البقرة الضاحكة ؟؟؟؟؟؟؟؟؟؟؟ مريم بعد ما هدت نفسها من الضحك وهي ماسكة خاصرتها :- لا مب قصدي .. وكملت ضحك ...هههههه...الخ عالية :- عيل ... عالية جافت مريم وايد تضحك ما عيبها الوضح خصوصاً انهم يالسين في الكوفي شوب بالجامعة والبنات يالسات هناك .. راحت عالية من صوب مريم و سكرت على حلجها ( فمها ) وخلتها تسكت غصب(ن) عنها ... مريم :-آآآآآآسفة بس انا اضحك على اخوج ... ابصراحة خاطري اتعرف عليه ..علشان اشبع ضحك ... عالية :- لا والله تبين تتعرفين على اخوي ..... هذا الي قاصر مريم وهي تضحك :- ههههههههههههههههههههه لا مب قصدي بس اخوج شكله وايد كوميدي .. عالية :- وانتي شو دراج ؟؟؟؟؟؟؟؟؟؟؟؟؟؟؟ مريم :- من كلامج .. عاليه :- هيه صح ... بس مب لهالدرجة ...كوميدي مريم :- بس تبين الصدق ترا اخوج وايد نذل ولا احد يرمس امة ولا ابوه بهالطريقة ... عالية :- لااااااااااا نذل هااااااااااااه ...... ترا ما اسمح لج تسبين اخوي ... مريم :- هههههههههههه انتي الي طايحة فيه سب من الصبح ولا دارية عن عمرج .... ردت علي يعني ... عالية :- بسج انزين .... غيري السالفة ... مريم كملت ضحك :- هههههههههههههههههههههههههههههههههههههههههههههههههه هههههه ...إلخ .. ......... في بيت محمد .... بو هزاع توه أي من الدوام و هزاع عقبه بخمس دقايق ... ....... محمد :- السلام عليكم ..... نورة :- وعليكم السلام .... هلا بو هزاع .... انشا الله بس مب تعبان وتبى تتغدى ؟؟؟..... محمد :- والله تعبان وابا غدا ترا حدي يوعان ( جوعان ).... نورة :- انشاء الله يالغالي بس روح بدل ملابسك وتلقى الغدا زاهب ( جاهز ) بس نترياك ... ما مدى لنورة ومحمد انهم يتحركون من مكانهم الا توه يدش علهم هزاع .... هزاع طبعاً وهو رافع خشمه .. مع انه توه ياي من الدوام وهو يسلم ... هزاع :- السلام عليكم .... نورة من دون نفس:- وعليكم السلام .... محمد مارد رد على هزاع السلام إلا في قلبه لأن السلام لله ... نورة ومحمد ما عطو هزاع ويه كل واحد منهم راح في حال سبيله ... .... السؤال هنيه ... اليوم منوه الي بيهم وبيغير هزاع 60 درجة من 180 ؟؟؟؟... واشجايل بيتغير مع انه متعود على الشخص ؟؟؟... واشجايل بيتغير من عاشق إلى قاهر ؟؟؟؟ واشجايل بيرد عن عشقه مع انه ما يهمه شي ؟؟؟؟؟ |
الحلقة ( 2) في بيت محمد ... الساعة 5 العصر .... الكل يالس في الصالة اليا امزلج عينه في التلفزيون والي والي ياكل فواكه والي يتقهو والي ياكل كافي وحلاوة والي يضارب والي يحل واجبه ....وطبعاً باستثناء هزاع الي راقد فوق .... نورة إلي يالسة تتقهو وهي يالسة فالدعنة ( الارض ) وهي تزجر عالية :- عاليوه قومي رتبي الصالة جوم عمج بيون .. وسوي مقبلات كيك فطاير سميده عصيده ورق عنب ....إلخ يعني .. عالية :- الله هذا كله اسويه انا !!.. يبوج لو رجل آلي جان وقف واخترب ... مب انسان ينهد حيله ... نورة :- ومنوه قالج سوي كل هاه بس الي تقدرين عليه سويه .... عالية :- اتحريت بعد .. والله ... انزين شوفي بسوي ورق عنب وكيك فراولة وفانيلا وكاكاو ( على قولت اليهال كيكة الكافي ) ..... نورة وهي اطالع بنتها بنظرة تعجب لأن بنتها يالسة تطالع التلفزيون ولا جنه هامنها رمسة امها .... نورة وهي تزاعج:- عاااااااااااااااااااليوه عالية وهي تزاعج ومعصبه :- هاااااااااااااه نورة :- اهبي هباج الله .... قومي نشي تحركي ... عالية :- انزين ............... عالية وهي قايمة من من الكرسي أو من الحلقة الي خاطرعا فيها تروح المطبخ وهي تتأفأف وتتحلطم وتقول بداخلها أو بصوت خفيف :- هاذي امي ما حصلت غيري والله حاله ... الي يسمعها يقول ما عندهم خدامة ...... ولااااا هذا واحنا حاطين خدامتين لييييييش ؟؟؟ والله حالة ... بس يالله نسويها لعاليوه حبيبتي .... ... نورة وهي تزجر علياء :- علوي قومي سيري زجري هزاعوه خليه ينش من الرقاد .... علياء وبصوت عالي :- لااااااا والله .. هذا الي ناقص .... اماااااااااه ما بسير علي واجب خلي سيف يروح نورة :- السيافي ياهل .. وبعدين ما تقولي لي اشجايل سيفوه بيوعي هزاع وانتي تعرفين ان هذا راسه ثقيل يالله قومي ... وعيه .. وبعدين تعالي وحلي وايبج ( واجبج ) علياء وهي خايفه :- والله اخاف أوعيه يقوم ينش ويضربني ... نورة :- انزين لا تتقربي من عداله خذيلج كوب ماي وانضحيه بالماي وشردي .. علياء :- والله ما بسير ... روحي غالية عندي هي كلها روح وحدة ... ما ابا اضحي ابها .... نورة :- عيازة والله عيازة هيه ما ترومي تقومي من الدعنة تروحي فوق توعي هزاع ... والله عيازة ومناك ما شي دراسه ... الا مجابلة التلفزيون .... علياء :- اناااااااااااا والله حرام عليج ..... وبعدين انا صح اطالع شويه بس رسوم وياهم بس احل الواجب بعد ... نورة وهي ترمس علياء الا يقطهم صوت هزاع وهو يزاعج .... هزاع :- اماااااااااه ..... اماااااااااااااه نورة :- خير أنا هنا تعال .. هزاع وهي بعد ما نزل من الدري ( الدرج ) دخل الصالة ....وطبعاً الريال كاشخ .. هزاع :- اماااااااااااه منوه شل سويج الاستيشن مالتي ؟؟؟؟... نورة :- وانا شدراني !!!!! ما ادري ...دور زين .. هزاع :- وانا ما عقيته مكان علشان ادوره .. السويج انا كنت حاطنه على المكتبه مالتي الصغيره مالت الكتب هايج ... منوه دخل حيرتي وشله ... نورة :- الله يمكن طاح منك مكان يعني تحت الشبرية ولا عدالها ولا من بين الكتب ... هزاع :- والله أنا مب ياهل علشان اضيعه مكان ... ؟؟؟ نورة :- وانت ليش ادوره تبى تروح مكان .. هزاع :- هيه ابا اتمشى ويا الربع ... نورة :- هييييييييييييييييه وانا اقول الريال اشحقه كاشخ ... عثاريه ساير يغازل ... هزاع :- هيه بكيفي ... ساير اغازل عندج مانع ... نورة :- هزااااااعوه جوم عمك بيون الليلة ابوك عازمنهم .... هزاع :- منوه جوم عمي .... نورة :- جوم يدك وجوم عمك حمد وسالم واحمد وسيف وسلطان وعبدالله وصقر .... هزاع :- هيه صح قالي عبود بس قلنا ما فينا ... نورة :- لا والله ... خصبن عنك بتيلس اليوم وتكب ركبة عند الريايل ( يعني يلسة ريايل ) والله يا هزاع ان عمومتك ويدك مشتاقين لك ويبون يسلمون عليك بس ما يحصلونك ... هزاع :- لاااااااااااااا !! والله !!.. . حلفي !! ....اقول تراني وايد اروح بيتهم ويلس خمس دقايق عند البيت وييني ولدهم الي هو واحد من الربع يعني وانروح ولا عم طلعلي مرة غير عمي حمد مرة وعمي صقر مرة يوم اوديلهم لحم يوم العيد ...ويدي ( جدي ) شايفنيه العيد العود ... والباجي بعد مسلم عليهم العيد العود ..... نورة :- لا والله !!!.....هزاع ترنا على آخر ثلاثة والعيد العود صار له زمان .... يعني هو من 3 شهور تقريباً .. هزاع :- والله هذي مشكلتهم عاد ...ابا اطلع نورة :- هزاع علشان خاطري هالمرة .. هزاع :- ما ابا غصب ... نورة :- انزين روح بس بس يوم بتي الساعة 10 ..... يكون على قولتهم الجو حلو للشباب .. هزاع انته بس سلم عليهم وارمس وياهم الين الساعة 10 وروح وعلي ما اقبضك ورد جان تبى الفير ... هزاع :- اوكيه يا حلوه بس علشان خاطرج بسلم علهم وبرمس وياهم ...بس اذا مليت بطلع .... نورة :- ادخيلك هزاع 9:30 على الاقل ... هزاع :- اوكيه بن مشي عمرنا فيهم هالجم(ن) ساعة ... نورة :- عيل روح اشترى خضرة وبيبسي ... هزاع :- على هالخشم ول اني كنت حاس بس يالله هي كلها مرة .. ..... هزاع وصل الخضرة و(البيبسي والشاني والديو والسفن اب والميرندا ) والروب واللبن ...البيت وراح يبدل ملابسه .... الساعة عندهم حلياً 7 يعني وقت صلاة المغرب ... ولأول مرة اضني .... هزاع سار صلى المغرب في المسيد .. حتى ابوه استغرب .....طبعاً ابوه ما بغى( ما كان يريد ) يسأله عن السبب لأنه على طول هزاع يعصب وما يحب احد يسأله .... والصراحة هزاع وابوه جأنهم عدايل كل يوم يضاربون ....... ..... في بيت حمد .... والساعة 7:37 اونه ... عالية وهي مستعيله ( مستعجله ) وهي تزاعج على اخوانها يسترعون .... عالية وهي معصبه :- يالله فطوم وساروه .... ما بعدكن خلصطن ؟؟؟... قومن بسرعة انجفضن (انقفضن أو استرعن ) ... سارة :- انزين لا تاكلينا ..... لاحقة على الهذربة ( الكلام ) ويا عاليوه ... عالية ببرودة :- لا والله !!! الي يسمعج الحين يقول عاد انتي ما شي ما تبين تهذربين ويا المدام علوي .. اقصد ( الآنسة علياء ) .... سارة :- والله ابا ارمس وياها بس مب لها الدرجة عالية :- عن الاستهبال ..... ويالله انجفضي اني وياها ... ...... الين الساعة 8 ... بعدها ركبت عالية الاستيشن وياها ساروه وفطوم وعبدالله ... والاستيشن الثانية ... ركبت فيها ام عبدالله وبو عبدالله واليهالوه والخدامة .... وساروا بيت عمهم محمد .... ..... طبعاً اول ما وصلوا كانت الساعة 8 ونص ...... ...... عالية بنت محمد سلمت على عالية بنت عمها حمد .... وسلمت عليهم كلهم وطبعاً سلمت على عمها وحرمته بالخشوم مرة وحدة .....وعلى عاليوه بالخد مية ألف مرة .. الي يشوفها يقول هذي من زمان ما شافتها ...ما جنها في وياها بالجامعة .. عاد عالية وعالية سارن يحطن القهوه حق الحريم والريايل من زمان حاطين لهم بالميلس ... بس القهوه ... عاد نورة قالت حق عالية بنتها :- عالية سيري ودي القهوة عند جم عمج في الميلس ....سارت عالية هي وعالية الثانية يودن القهوه .... عند الريايل ( عمومتهم ) بس ما حصلوهم في الميلس حصلوهم في الحوش ( في ساحت وحديقة البيت ) يالسين وفارشين السمة ولا الحصير على الدعنة ( الارض ) .... ويالسين يسولفون ... عاد اول ما وصلن .... العاليتين :- السلام عليكم الكل وقف وسلم عليهم بالخشوم ما عاد طويلين العمر ( هزاع وعبدالله ولد العم و أحمد ولد العم ومنصور ولد العم ) بس اهم شي سوو احترام وقاموا وردوا السلام .... هزاع كان يطالع بنت عمه عالية وجنه اول مرة يشوفها .... صايرة غير .... ..... عقب راحن الآنسات عند الحريم في الصالة ....يتسمعن سوالف الحريم .... .... عقب دخل هزاع و منصور وعبود .... دخل منصور قبل هزاع وهو يحمحم :- احم احم ودخلوا .... هزاع و منصور وعبود :- السلام عليكم ... الكل رد السلام وراح هزاع وحب راس يدته وسلم على عماته بالخشوم .... بس ما طول لأنه مب متفيج لهم وراه الربع ...وبعدين راحوا فوق و دخلوا حيرة هزاع ...وطبعاً حيرة مب بعيدة عن حيرة اخته عالية على العكس كانت جدام حيرتة ( غرفته ولا حجرنه *للمعلوم يعني*)..... ..... طبعاً الساعة الحين 9 .... قام منصور وطلع من عندهم قال : بسير عند جوم ابويه ...... وسار الي بقى هزاع وعبدالله في الحيرة طبعاً طايحين قص على بنات خلق الله والسماعات فاذونهم ولا يرمس هاذي ولا يزعل هاذي ولا يراضي هاذي ... يعني جيه .... ..... عقبها قام طويل العمر هزاع وقال لعبود :- بسنا قص على البنات قوم ورانا احواطة وتمشي .... عبود :- ههههههههه يالله ... قام طبعاً هزاع وشل اللاب توب علشان يخلي اخته تقص على البنية وترمسها عادي ...اونها هزاع ... طبعاً عولا وحدة منهن مبطله الشيلة إلا بعد ما تأكدن ان الباب مقفول بمفتاح ... دق هزاع الباب على اخته .. وراحن تغطن بشيلهن وبطلت عالية اخته الباب ... هذا طويل العمر ما ينسد الباب في ويهه ... بس قبل لا تفتح عالية اخته الباب قالت شي يخلي عالية بنت عمها حمد تضحك لدرجة ما رامت توقف ضحكتها .... هزاع اول ما بطلوله الباب قام يطالع عالية بنت عمه وهي تضحك كان شكلها وايد حلو وهي تضحك أصلاً هي حلوة واااااااايد والبنات ملقبينها بملكة من جمال الجامعة .. من جمالها واخلاقها ( اصلاً هزاع عمرة ما لفتته بنت في يوم من الأيام ولا البنات الي يرمسهن تراهن الي جيه حق التسليه إلا هالمرة صدق لفتته بنت عنه ودشة قلبة ) عالية :- هاه هزاع شو تبى ؟؟؟؟؟؟؟ هزاع : هاه عاليوه !!! ....هذا لابتوبي فيه بنية اباج اترمسينها على المسنجر طبعاً ها اسمها دلال عالية وهي بطله عيونها :- والله !!!! هزاع انت صاحي ؟؟؟ هزاع :- رمسيها وما عليج ... وعلى فكرة تراها من العين وهي جريبة منا بس في منطقة ثانية ... عالية :- انشاء الله بس ما يخصني إذا قلت شي يزعلها ... هزاع :- ما عليج منها راضيها ... بس كل شي بالحدود هاه عالية :- اوكيه ....... طبعاً عالية الثانية بنت العم ... استحت من هزاع على هالضحك ولا تصدقون انها تمت تضحك بعد ما رمس هزاع ... ......... فترة الأقامة : 2221 يوم معدل التقييم : http://vb.ma7room.com/images/reputat...tation_pos.gif زيارات الملف الشخصي : 3 إحصائية مشاركات » سمو الشيخه المواضيـعالــــــردود [+] [+] بمـــعــدل : 0.30 يوميا سمو الشيخهمشاهدة ملفه الشخصيإرسال رسالة خاصة إلى سمو الشيخهالبحث عن المشاركات التي كتبها سمو الشيخه http://vb.ma7room.com/images/statusicon/post_old.gif 04-05-2006, 11:16 PM #3 (permalink) سمو الشيخه http://fazza.ae/vb/avatars/11780.gif...ine=1172307576 http://www.fazza.ae/vb/images/msn-stat/offline.png بيانات اضافيه [ + ] رقم العضوية : 11780 تاريخ التسجيل : Dec 2005 العمر : 20 أخر زيارة : 20-07-2007 (05:48 PM) المشاركات : 660 [ + ] التقييم : 10 لوني المفضل : Cadetblue http://vb.ma7room.com/images/icons/icon1.gif عقبها هزاع قام وسار ويا ولد عمه عبود وساروا وركب كل واحد منهم سيارته وطبعاً منصور واحمد وياهم ...لو انه منصور مب وايهم بس يعرفهم و مب .... ...... الساعة الحين عندهم 10:42 عقبها سار كل واحد بعد ما خلص العشا لبيته .... ..... وطبعاً الربع في المول ويسولفون سوالف كلاها ضحك .... بعدها قال واحد من منهم.... مزاحم :- يا الربع مب يوعانين ؟؟؟ تراني مصفر وابا اتعشى عبدالله :- الا انا بعد تراني ما تعشي هزاع ما خلاني مالة عليه... فوت علي عزيمتهم الي مسوينها في بيتهم .. هزاع :- لاااااااااا حدك عاد ..... سالم :- صدق هزاع ؟؟؟؟؟ مسوي عزيمة وما عزمتنا ؟؟ مزاحم :- والله هزاع ؟؟؟ اهااااااااااه ؟؟؟؟ اعترف ؟؟؟؟ ليش مسوي عزيمة ؟؟؟ منصور :- والله العظيم حتى انا ما خلاني اتعشى .... احمد :- صدقة منصور ما خلانا هزاع نتعشى ... هزاع :- لا حول ولا قوة الا بالله ..... اشوفكم قلبتوا علي ااااه ... على فكرة العزيمة ابوي مسونها للعايلة بس وانتوا شو يابكب بالعايلة ؟؟؟؟ اااااااااااااه عبدالله :-يااااااااا سلااااااااام ... شفتوا احنا مب من العايلة ... سمعت احمد؟؟ ..سمعت منصور ؟؟ هزاع :- لا والله مب قصدي بس حتى انا ما تعشيت وياهم ولا نسيتوا وبعدين ما تحلو العزيمة الا بوجودكم .. وانشاء الله فالكم طيب بعزيمة أنا مسويها عقكم . مزاحم :- خلاص يا هزاع .. انت الي قلتها ... بس بشرط نبى لها سبب ... هيييييييييييه علشان العايلة تشرف وياي يباركون لك .. سالم :- صدقه مزاحم ... وانا بعد وي العايلة تيي وياي ... لأني استحي اروح بيت ناس ما عزموني على مناسبة ... حمد :- هيه والله وانا بعد هزاع وهو منحرج ومب فاهم السالفة :- شو قصدكم ؟؟؟؟؟؟؟؟؟ عبدالله :- علينا ؟؟؟؟؟؟؟ يا هزاع ؟؟؟؟؟؟ هزاع :- والله العظيم ما اعرف شو السالفة .... مزاحم :- خلوووووووه يا ربع الله .... خلوووووووووه احمد :- معقوله يا هزاع ان ما شي وحدة في راسك .... تباها لك !!!! ... هزاع وهو سرحان :- هااااااااااه عبدالله :- شو بلاك هزاع ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ما تعرف اترد ولا اعطيك اختيارات سالم :- خله يتصل بصديق عبدالله :- فاله طيب انا الصديق هزاع وهو معصب :- بلا حركات ماصخة وقوم مزاحم هاة لنا عشى وعلى احسابي ... عبدالله :- تغير الموضوع اااااااااااااااااااه هزاع عصب لأنه ما يحب هالحركات .... وما عطاهم ويه ... الا لف على الصوب الثاني ... شاف وحدة توها اوصلهم ( وقفت عدال هزاع بس منبينهم شبر وتلزق فيه )..... البنية :- هاي شباب ... الشباب( وهم فاتحين عيونهم على آخر درجة وتصويب عليها):- هايييييييييين وعليكم السلام والرحمة وتعق عليهم رقمها الي كتبته فالورقة ... البنية :- باي شباب ... عن اذنكم .... الشباب ( وهم مب مصدقين ) :- باي مع السلامة ... فوداعة الرحمن .... سلمي على ربعج سلام كثير وعليج سلام الملايين .... البنية وهي تتمايل :- انشاء الله ... يالله باي عقبها طبعاً الربع قاموا وعقوا الرقم تحت الطاولة ... ( لان الريايل ما يبون وحدة صايعة ترقمهم يبون وحدة زينة ما عندها هالحركات ) ..... ههههههههههه عقبها سار مزاحم اييب حق الربع العشى ... من المطعم الي عدالهم ... ( طبعاص هم فالمول ) الكل يسولف ويضحك والسوالف مستمرة بعد ما سار مزاح ... مضت 5 دقايق .... والربع في وادي و هزاع في وادي ثاني ) ... وهو يقول في نفسه : ياااااااااااااااه والله وكبرتي يا عاليوه وصرت ملاك وطير فالسماء ... جمال واخلاق وضحكة وابتسامه حلوة ... ( وكلام وكلام يدور في راس هزاع من الغزل لبنت عمه الي مب معبرنها وناسنها ) ... الا يقطع حبل تفكير هزاع عبدالله .... عبدالله :- هزاع وين وصلت ؟؟؟؟ هزاع :- لاااا ولا مكان ابداً سلامتك ... عبدالله :- علينا ؟؟؟؟ يا هزاع علينا ؟؟؟؟؟؟ قول ؟؟؟؟ عقبها قطع عليهم مزاحم وهو يايب صحت الاكل ..... مزاحم :- ايه حد منكم يقوم يسير المطعم واييب والباجي من عنده .... سالم :- انا بسير واييبهم استريح بس انت .... منصور :- وانا بعد بسير وياه ... بسير ادفع الفاتورة ... مزاحم :- لا والله .. دفعتها .... استريح ... منصور :- اوكيه عيل بسير وياه بس جيه ....مرافق على قولتهم ... عبدالله :- هااااااااه هزاع بدقول ولا اشوه .... هزاع :- اندوك انته !!!!! ايه بتخبرك انت شو بلاك علي اليوم !!!!! وبعدين اذكرت شي عن اذنكم ..... الربع وهم رافعين ايديهم لهزاع ( يني مستغربين من قومته ) :- على وين هزاع ؟؟؟... العشى الي طلبته يابوه ... هزاع :- ما بتأخر شوي وبرد احس عمري تعبان .... احمد :- اشوي لا تتأخر وسار هزاع يتمشى بروحه .... وهو يفكر في راسة ببنت عمه عالية ويقول في داخله:- ( انا اشجايل نسيت ان عندي بنت عم حلوة ومزيونة ولاااااا و قدي ( أو كبري ) بعد ، صدق اني مدمغ ... يااااااا سلام على ضحكتج يا عالية والله حلوة .... يا ليتني ما خليتج ولا حتى فوت عزيمة من العزايم بس علشان اشوفج واسمعج .... وارمسج بعد .... يااااااااليت .... بس انا غبي والله حالة البنت موجودة في بيت عمي وهي جامعة بتخلصها هاي السنة .. يعني اقدر اخطبها وازوجها واكيد هي ما بترفضني على العكس بتوافق اول ما بخطبها .... لأني واحد عنده هيبة ( كبرياء ورفع الخشم والكل يخافه ) والكل يتمناني ..... هيه لأني ما اتفوت .. بس يخلص هالشهر واخطبج يا عالية من عمي ... واوعدج اني ما اضيع ولا لحظة لشوفتج ... اتري يا عالية .. انا الي باخذج وبتكونين حرمتي ( زوجتي ) وحبي الأول بعد الله ورسوله ....انتي لازم اتصيرين ملكي .. ملكي انا وبس .. ومحد ياخذج مني ... هات يا عاليوه هانت ... هذي باجي الاسئلة الأولى انشاء الله بكملت الكم حلها في الحلقة ( 3 ) واشجايل بيتغير من عاشق إلى قاهر ؟؟؟؟ واشجايل بيرد عن عشقه مع انه مب مهتم له ؟؟؟؟ ولا تتحرونها الأخيرة لاااااااااااااا |
الحلقة (3 ) ..... فجأة .... يقطع حبل افكار عزاع رنة مبايله ومع هزتها طبعاً اكيد بينتبه ....طلع المبايل من مخباه ( جيبه ) ... ويطلعه ويحصل الاسم الي مكتوب على الشاشة هو .... ع ح .. وهو يقول لنفسه:- منوه هااااه ع ح اكيد وحدة من الربع ولا ما بكتب اسم مشفر على رقمها .... قام يرد .. وهو مب عارف منوه هااااه ... هزاع :- هلا عالية حمد :- اهلين ... السلام عليكم .. هزاع :- وعليكم السلام ... منوه وياي عالية :- بلاك ما عرفتني !!! انا عالية بنت عمك ...ولا نسيتني كل عاد هزاع وهو مب عارف شو يقول ومرتبك وهو يمشي طبعاً:- لاااااااا والله بس تبين الصدق انا مشفر الاسم ما ادري ليش ؟؟؟ عالية :- افاا بس افاا لهالدرجة اسمي مب عايبنك ... ما هقيتها منك ... يا هزاع .. هزاع :- لا تفهميني غلط ... الا شحالج عالية .. عالية :- بخير الحمد لله انت شخبارك ؟؟ هزاع :- بخير دامج بخير ... إلا شو بغيتي ( تبين – تريدي ) ؟؟؟ عالية :- لا ابد سلامتك بس عبدالله وياك صح ؟؟ هزاع :- هيه نعم عالية :- عيل ما اسمع صوته !!! هزاع :- تراني اتمشى شوي بروحي وبعدين بسير الهم ... ليش تسألين ؟؟؟؟ عالية :- والله كنت اباه بسالفة .... بس دقيت عليك علشان تيلفونه مغلق ... وما ادريبه بيبات في بيتكم ولا في بيتكم ولا برع ( خاري – برا – خارج البيت ) ... هزاع :- شدراني عنه مغلقنه بروحه ويوم بيرد البيت سأليه بيقول لج هذا هزاع قايلي ... وتعرفينه اخوج دوم يحب الجذب ( الكذب ) معنه حبوب وطيب وله مكانة في قلبي .... على فكرة تراه مستانس لا تحاتينه اخوج ريال ما ينخاف عليه وبعدين اضني انكم تعوتو على الوضع يعني يبات برع البيت وعادي .... عالية :- هيه ادري بس هو يخبرنا انه بيبات في بيتكم ولا في بيتنا ولا برع علشان جيه بغيت اسأله علشان أأجل السالفة .. هزاع :- وما تبين تقوليلي السالفة .... هههههههه ... ع العموم عبود بيرد البيت بعد ساعة ما بيبات برع اليوم ... عالية :- لا ما ابا اقول لك ...... يالله خله يفتح تيلفونه يمكن اندق عليه نباه في شي لا سمح الله ... هزاع :- فالج طيب ... وانشاء الله .... بس هاه سمعينا صوتج عاد غير هالمرة ... عالية :- السموحة منك ما احب ارمس احد غير واحد من اهلي ... هزاع :- افاااااا يعني انا مب عادتني واحد من العايلة .... هذا وانا ولد عمج .. ون لحمج ودمج ...جيه تقولين .. عالية وهي مالها خلق لهزاع وسخافته :- عن الاستهبال ... وخذها نصيحة مني حط راسك وارقد بدل هالصياعة فالمولات ....فمان الله .... هزاع وهو واثق من نفسه :- وانتي شو دراج اني صايع ولا لا اصلاً احنا دايماً عندنا شغل مب مثلكم هذربة على الفاضي ..... عالية والغرور :- هههه وايد ضحتي انزين يا بزنس مان ... في وداعة الرحمن .. هزاع :- تسلمين ... وربي يحفظج .... اول ما سكر هزاع عن عالية كان فرحان وايد انه تأكد من الكلام الي يدور في راسه يعني عالية ما تحب ترمس رمسة صياعة وحب وغرام ... هذا الي انا اباه .. وحدة عمرها ما عرفة هالاشياء وسوتها ... هههههه والله وعرفت تنقي يا هزاع .... احم احم .... .... وفي طريق هزاع للربع .... عبدالله :- ما جنا هزاع رقد احمد :- اضني والله ما ادريبه ... منصور :- خلوه اكيد مواعد له وحدة ... مزاحم :- حراااااااااااااااام عليك لا تقول شي مب زين ع الريال سالم :- والله ولان الحديد ... اخيراً .... الا عبدالله شو الخلطة السحرية ؟؟؟... عبدالله :- أي خلطة واي سلطة ؟؟؟؟ سالم :- قصدي منوه هاي الي هزاع متولع فيها ؟؟؟؟ عبدالله :- والله ما دله ... هذا ما يخبرني شي ... هذا راسه يابس ما اروم عليه ... مزاحم :- والله لو اشوف هالبنية ... ي اعلق عليها ... ومن ساسها لراسها ... هيه الزعيم ما يصير يحكم وهو مشغول ... وفي حياته احد .... احمد :- والله انكم متفيجين لهالسوالف .... ......... الربع قاموا يطلعون على هزاع اشاعات على كيفهم ..... الين وصل هزاع وهو مستانس وفرحان .. منصور وهو رافع ايده صوب هزاع:- هاااااااه هزاع .. وينك هزاع :- السلام عليكم ..... استريحوا ... استريحوا ..... موجود يا منصور وبالحفظ والصون ... عبدالله :- هزاع تأخرت وايد .... سالم :- هيه صدق هزاع هزاع :- والله ما دريت بعمري .. حمد :- جيه شو السالفة هزاع ... ترا الربع طلعوا عليك اشاعات وايده ...و انا حليلي ما قلت شي ابد .. هزاع :- والله ........ الله يسامحكم .... انزين .. شو العشى ؟؟؟؟ مزاحم :- الي تشوفه .... هزاع :- هيه !!!!... بس هاه ؟؟؟.... المفروض تييب لنا عشى عود لي ولك وللربع .... مزاحم : هذا الي قصدته انا ما ابا اتعشى شبعان حدي حيل ....امي ما خلتني اطلع من البيت غير يوم اكل من عشاها .... مسويه لنا فطاير وخلية النحل وورق عنب وجيه يعني ... طبعاً بمساعدة اصحاب السعادة .... هزاع :- علشان جيه !! وانااااا اقووووووووول .. اقول زحوم ... عيل ما اشوف الفطاير ولا ما تبانا نشاركك ؟؟ مب قصدي مال البيت لاااااا مال المطعم .. مزاحم :- ولا يهمك أنا اصلاً يايب كل شي والفطاير عدالك في ذاج القوطي ( العلبة ) الازرق ويا العنابي .... هزاع :- اووووووووه صدق يايب فطاير زحوووووم مشكور حبيبي ما شفت القوطي .... آآآآسف .. الربع والعيون كلها صوب هزاع ونظرة الاستغراب:- حبيبك ؟؟؟؟؟؟؟؟؟؟؟؟؟؟؟؟ هزاع وهو يفتح القوطي ويطالعهم وببرود :- هيه ... ليش عندكم مانع ؟؟؟ حمد :- لا عندي دواس ..... هزاع كلام يديد نسمع اليوم شو السالفة ؟؟؟؟؟ هزاع :- ولا شي .... ليش مستغرب ؟؟؟؟ احمد :- هزاع انت صاحي ؟؟؟ منصور :- شو السالفة هزاع ... لايكون تهاذي بس !!!!!... هزاع :- أي اهاذي خلاص اوكيه ما بنقول حبيبي مالت عليكم ... صدق انكم غجر مب مطورين .. يبوكم تراني يوعان ما اروم اصبر ... بتتعشون وياي ولا اتعشى بروحي ؟؟؟ الربع :- لاااااااااااا اكيد بنتعشى وياك .... هزاع بعد ما بلع اللقمه الي بحلجه :- الا وين فهد راشد ومحمد وسيف و علاوي ( علي ).. ما اشوفهم ؟؟؟؟ سالم :- هزاع تو الناس تسأل ..... جان سألت باجر احسن ... هزاع :- لا صدق وينهم ؟؟؟ منصور :- اوووووووه صح علاوي ( علي ) دق علي يقول ما يروم ايي تعبان ... مزاحم :- فهد اليوم عنده خطوبة ولد عمه ولازم يروح يحظرها .... ومحمد يقرب له بعد سار وياه ... وسيف ما ادريبه ... سالم :- لا سيف دق علي وقالي انه ما بيي لأن ابوه تعبان وداه المستشفى الساعة 8:30 تقريباً .. هزاع :- الله يقومه بالسلامة ... بس هم ليش ما دقوا علي ؟؟؟؟ احمد :- انت افتح تيلفونك وبيدقون عليك .... هزاع :- تيلفوني مفتوح والله ... ما تصدق شوف .... منصور :- الحين عاد !!... ما يحتاي جان بندته طول ... محد بيدق عليك الحين .... الساعة 2 ونص الحين .. هزاع :- لا من زمان انا فاتحنه من الصبح وما بنته .... والله العظيم .... سالم :- المهم انك دريت وخلاص وعلى فكرة تراهم يسلمون عليك وايد .... هزاع :- الله يسلمهم من الشر ... يالله خلصوا عشى خلونا اروح نتمشى قبل لا اينا رقاد ... يالله قوموا .. عبدالله وهو ياكل وبكل عصبية من كر اليوع طبعاً :- انزين اصبر اشوية .. ايلس خلنا ناكل ... وانته اشرب شاي ياخي ولا قهوة ... هزاع :- انزين بروح هالكوفي شوب وبرد هااااااه بروح اشرب كبتشينو وراد ... خلصوا بسرعة تراه اذا رديت وما لقيتكم مخلصين بروح .... سمعتوااااااااا ... يالله باي .. منصور :- انزين .... باي .. احمد :- صدقه هزاع فضحتونا انته وعبود .. الي يشوفكم يقول مجاعة اكلوا نفسنا شوي شوي .... عبدالله :- اكرمنا بسكوتك ... وعطني الماي الي عدالك ... منصور :- والله حالة اذا مب مشتهين قوموا ... مب صح سالم ؟؟؟ سالم :- هيه والله .. ............... هزاع وهو في الكوفي شوب ...... وعلى طاولة جانبية لشخصين بس ............................. هزاع للجرسون :- واحد كبتشينو .... ..... في طاولة جدام هزاع فيها بنية حلوة طبعاً هي عاقة الغشوة عن ويها ..... لفت البنية على هزاع الي يالس فالطاولة الي جدامها .... وطالعته وكان وايد لافتنها .... لأنه حلو وايد ... ما شاء الله عليه حليو وايد .... ويلسة تطاله وهي يالسة تشرب عصير ... وعيونها تصويب عليه .. وما خوزتها الين هزاع حس ان حد يطالعة ولف عليه .. ولا يطالع بنية حلوة وااااااااااااايد لفتته وما رام ينزل عينه عنها ... البنية استحت ونزلت راسها يوم شافته يطالعها .... هزاع ما حب يحرجها وخلاها في حالها شكلها البنت مسترة بس هالويه حلاته .. بس الي استغرب منه هزاع ان البنية ما حاطه قناع على ويها شرات البنات الباجيات .... بس كحلة خفيفة وايد داخل العين ... وهذا الي لفته للبنية ........ عقبها...يت ربيعتها ويسلت شوية ( هزاع كان سمع الكلام الي يقولنه ... وسمعن يقولن خلنا اروح الالعاب ابا اركب سيارات ... وعقبها سارت وياها ... |
هزاع بعد ما خلص .... رد للربع وحصلهم يسولفون كالعادة وعبود شبعان حيل ومنصور فوقه ... هزاع :- السلام عليكم ... الربع :- وعليكم السلام ورحمت الله وبركاته ... هزاع :- هاه خلصتوا ... الربع :- هيه خلصنا ... يالله خلنا اروح نتمشى .... هزاع :- لا خلنا اروح نلعب سيارات من وين الالعاب .. هناج ... ( طبعاً المعنى واضح والسبب باين ) سالم :- يالله ... خلنا اروح ابا العب سيارات انا بعد .. الربع :- انزين يالله ... هزاع :- مشينا ....... .................. طبعاً وصلوا الالعاب الي فالمول ..... هزاع كان حاط عينه في كل مكان يدور على البنية ...... طبعاً هو حافظ كيف نقشت عبايتها وشيلتها وكانة عبارة عن نقشة القلعة العيناوية في العباية من وراى وكانت كبيرة ولافته ... ومن جدام كانت القلعة العيناوية صغير بس بعد ملفته لأنها ياية على طرف من الثلث الأخير من العباية من تحت .... والشيلة كانت فيها القلعة العيناوية كبيرة من صوب واحد والصوب الثاني كانت منقش عليه ( الزعيمة العيناوية ) وبعض الاسماء ( محمد ) و ( هزاع ) و ( زايد ) و ( منصور ) و ( عبدالله ) ...ما خلت اسم شيخ يحب العين من عيال زايد الا وحاطنه .... في شيلتها ... ............ طبعاً اول ماوصلوا الشباب ( شلة هزاع ) حلصلها قام قال للربع في بنات وايد اليوم وكلهم حاطين شعار الزعيم والقلعة العيناوية .... وبعض الشباب أو نصهم مسوين الحركة قاموا وقالوا الربع خلنا اروح نشتري الشال العيناوي أواللفة العيناوية نسوي الحركة مثل العادة ( طبعاً شباب العين دوم يسونها سواء خسرت العين ولا فازت يا بالفانيلات يا بالكنادير أو البغتر .... أو يوم يلفون غترتهم على راسهم ( لفة الحمدانية ) يحطون اللفة المفتوحة أو الشال على الغترة بعد ما يسون الحمدانية ويدخلونها عدل عاشان ما تتيطل والزعيم يعلا فوق ...... هي هاذي العادية مب بس عند هل العين هاذي منتشرة في كل الامارات ولكل ناس مشجعين لفريق لهم شعارهم الخاص الي محطنه في سيارته والي مصبع سيارتة بالون الي يشجعه او بلون الفريق الي يحبه ... او .... حركات ما لها اول ولا تالي ... ( هل الامارات شو علينا ) ( هل الزعيم والقلعة العيناوية) ...................... هزاع :- عبود تعال اركب في سيارتين موقفات قبل لا حد يركب .. تعال .. عبدالله :- انزين يالله ... ....... وركوا هم الاثنينه ... كل واحد في سيارة وطبعاً هزاع لابس الحمدانية وعبدالله لابس كاب .... المهم ... عقب .... هزاع كان بالعمادة راكب ... عقب ما شاف البنية تركب هي وربيعتها .... وقام يدعمهم ... البنية هي وربيعتها العصبية :- بلاك ما شوف ادعمنا ؟؟!!... هزاع :- آآآآآآآآآآآآآسف خواتي .... عبدالله وبصوت عالي خلا البنتين تسمعه :- هزااااااااااااع في ملاك موجود في قسم من اقسام المول ... هزاع وبصوت عالي خلا البنتين تسمعه :- عبوووووووووود ... قول قسم بالله ؟؟؟؟ عبدالله وبصوته العالي :- هزاع قسم بالله ..... بعد شوي .... البنتين دعمن عبود .... طبعاً عبود من سرعته طار وصل آخر شي وكابه طاح .... عبدالله :- هزاااااااع كابي طاح هااااااااته هزاع بعد ما شل الكاب :- اندوك انته زخه ( امسكه ) ... عبدالله :- مشكور هزاع .... بس انا برويهن هالبنتين ... هزاااااااااع عليهن .... هزاع :- يالله ... اوكيه ... البنتين ما عرفن شو يسون خصوصا انهن عرفن ان هزاع وعبدالله بيدعموهن وما بيخلوهن في حالهن بس قالن يالله تسلية ... واذا ملينا بنطلع ... وما علينا منهم ... هزاع وعبدالله يلسوا يدعمون البنات ويلعبون وياهم ... طبعاً البنتين عيبهم اللعب ويا هزاع وعبود قالولهم ... البنتين بصوت عالي :- هزااااااااااااااااع خلنا نطلع من السيارات ونغير المكان ..... انته وعبود .. هزاع فرح :- انشااااااااء الله ... وفاااااااااكن طيب ..... عبدالله :- يالله البنتين وهزاع وعبود وقفوا سياراتهم في الباركنات ونزلوا ...وساروا صوب القطار ....وطبعاً مب عاطين ويه للربع الي يتريونهم ..... وهم يتمشوا طبعاً في مسافة منبينهم بس يسمعون بعض عادي .... هزاع :- ما تعرفنا !!!..... البنية :- شيخة ربيعتها :- مها هزاع :- والنعم والله .....اظني عرفتونا ما يحتاي .... شيخة ومها :- هيه نعم عرفناكم ... عبود :- أي صف ؟؟؟؟ اضني في الجامعة ؟؟؟؟ صح شيخة ومها :- 2 جامعة وجامعة الامارت....وانتوا ؟؟؟؟ هزاع و عبود :- لاااااااا احنا مخلصين الثانوية بس و نشتغل فالجيش .... شيخة :- انزين هزاع جم عمرك ؟؟؟ هزاع :- 20 سنة ... ليش ؟؟؟؟ شيخة :- انت قدي انا بعد عمري 20 سنة .. هزاع :- والله ... ازين وربيعتج جم عمرها ؟؟... مها :- عمري 21 سنة .. توني مكملة ... هزاع :- وانا بعد توني مكمل .... يعني بيني وبينج سنة .. عبود :- بس هذا مهم انك اصغر منها ومني لأني حتى انا عمري 21 سنة وتوني مكمل بعد ... مها :- والله .. قول قسم بالله ؟!! عبود وبصوت عالي :- قسم بالله .. دق مبايل مها ... مدت ايدها للجنطة وطلعت المبايل ولقت الاسم الواضح على الشاشة ( راشد ) ... مها :- اقول هزاع وعبدالله لو سمحتوا لا ترمسون ولزوا شوي بعد وانتي شواخ ارمسي أي شي قولي بروح اشتري ورود هدية أي شي اوكيه ... الكل قال اوكيه ... مها ردت على راشد :- هلا راشد :- اهلين ... وين الاخت متفيزرة ( يالسة ) حالياً ... مها :- فالمول والله ... مها وهي تفص ( تقرص ) شيخة ... تباها تتكلم أي شي ... وهي تأشر لها .. شيخة :- مهوووووووي شو رايج بذاج المحل ؟؟؟ مها :- هاه هيه بس خلينا ندخل بسرعة ونخلص بسرعة ترا اخوي مستعيل .... راشد :- شو بلاج ؟؟... ترمسين ربيعتج ؟؟ مها :- شو رايك يعني ... راشد :- انزين متى بتخلصين ؟؟؟؟؟ مها :- تعال الساعة 3 ونص .. راشد :- الله .... انا الحين بالحيل ناش ما راقد بس عشانج ... وانتي تبيني اصبر الين الساعة 4 ونص ... مها :- انزين انت وين الحين ؟؟؟؟ راشد :- فالبيت ... |
مها :- الحين الساعة 3 وخمس دقايق تعالي 3 وربع ... راشد :- انزين .. بعد الين اوصل يبالي .. مها :- عيل يالله باي راشد :- عن الهياته انزين ... مها :- أي هياته ؟؟... راشد :- خلج ويا اربيعتج ما تمشون ويا شباب ولا ترمسونهم فهمتي ... مها :- حلوة هاي يعني الأجانب مب ريايل والعرب مب ريايل ؟؟؟ راشد :- هيه وانا مب قصدي هاذيلا ... اقصد المواطنين والخليجين ... مها :- لا تخاف انا اصلا ما احب امشي ويا شباب هذا الي كان قاصر ... انزين الحين تبا شي ثاني ... راشد :- لا ابد سلامتج ... مها :- عيل باي .. مها سكرت عن اخوها .... وراحت هي وربيعتها عند جوم هزاع الي يالسين فالكرسي الي جدامهم وحاطين ريل على ريل .... شيخة :- هااااه اشوفكم يالسين شو تعبتوا من الوقفة ... هزاع :- لااااااااا مب تعبان .. عبود :- وانا بعد ..... بس قالنا نيلس شوية ... مها :- اقول هزاع وعبدالله السموحة منكم يالله باي بروح راشد اخوي بي 3 وربع يعني ما باجي شي كلها 5 دقايق ويوصل ... شيخة :- قولي والله .... ما غير رايه ؟؟ مها :- والله العظيم ... ما طاع يقول تعب من السهر كله يشرب قهوة وشاي مل الريال ولاعت جبده من هالمنبهات ... هزاع :- ههههههههههههه والله لو كنت مكانة جان ما يبتكم .... وخليتكم الين ما انش من الرقاد ... شيخة :- حرااااااااام عليك .... احليلنا تبانا ندوخ فالمول ونرقد عندهم ؟؟؟!!!... عبود :- شو حرام الا .... صدق انتوا تعبون الواحد اذا وداكم المول ... ما ينقن بسرعة لا .... انا ابا هاه ... لا انا ابا هاه ... لا مب هالمحل ... لا مب هالطابق .... والله حاله ... مها :- هيه ترضونها علينا هاااااه .... يالله عيل الله يعين خواتكم عليكم بس .... يالله باي .... هزاع :- فمان الله ... بس اقول شواخ ومهوووووي ... مها :- قول .... هزاع :- بغيت اشوفكم مرة ثانية ... شيخة وهي تضحك :- هههههههههههه ما اضن بعد السهرة الطولية هاذي ... ان ابوي واخواني بخلوني اسير ويا ربيعتي بروحنا .... مها وهي تضحك :- هههههههههه حتى انا اخوي ما بيخليني اسير عقب ما سهرته اليوم .... هزاع :- حراااااااام عليج انتي وياها .... ما لحقنا ترمس وياكم ما كمل هزاع رمسته ويا البنتين الا ودق تيلفونة .... مزاحم :- هزاع وينك ؟؟؟؟ هزاع :- موجود ... مزاحم :- هيه بس وين ؟؟؟ هزاع :- انتوا وين واحنا بنيكم ؟؟؟ مزاحم :- احنا فوق فالطابق الرابع يالسين ندوركم من مكتن لمكان نطلع فوق وتحت بس مب محصلينكم ... هزاع :- لا احنا تحت ... فالالعاب .. مزاحم :- عيل احنا بنيكم الحين ... انزين ؟؟... هزاع :- اوكيه بنترياكم داخل جدام الباب ... يعني ما بنطلع بس بنترياكم داخل بس ... اوكيه ؟؟ مزاحم :- اوكيه ... .... هزاع :- اقول مهوي وشواخ تريونا بنطلع وياكم .... عبود :- جيه مزاحم والربع هناج ؟؟... هزاع :- لا هم فوق بس الحين بينزلون ... مها :- يالله عيل بسرعة ... شيخة :- قبل لا احد يشوفنا وياكم .... عبود :- يالله عيل انقفظن ( يعني استرعن ) .. هزاع وعبود قاموا من الكرسي وساروا وياي مها وشيخة ... الين ما وصلوا مكان يبعد عن البوابة 15 متر .. علشان محد يشك ويواشي عليهم .... او اخو مها يشوفهم ...... طبعاً شيخة ياية ويا السواقة يعني عادي ... منصور :- مب جنه هزاع الي هناج ؟؟؟؟ احمد وسالم :- الا هوه وياه عبدالله ... مزاحم :- منصور تشوف البنتين الي سارن عنهم .... منصور :- هيه اشوفهن سايرات عند البوابة شكلهن بيسيرن .... مزاحم :- وانا اقول اشحقة الريال مستانس .. وفرحان والشق من هالاذن لها الاذن .. عثاريه مب هين وراه بنتين مب وحده ولا يخبرنا ... سالم :- هالهزاع حالة ...كل يوم يغازل بنية ... حمد :- الي يسمعك يقول انت ما تعرف هالسولف وانك ما ترقم وتغازل بنات .. سالم :- حدك عاد ترا حتى انته تسواها .... منصور :- بسكم من الهذربة خلنا نوصل وبعدين عرفوا شو السالفة ... على فكرة ... ترا محد احسن من الثاني كلنا عندنا عالسوالف .... احمد :- صدقه منصور .... وخلونا عاد انسير البيت ... مزاحم :- لاحق صدقني لاحق على الرقدة والشبرية ( السرير ) واللحاف والمخدة والمكيف البارد ... احمد :- صدقتك بس والله فيني رقاد فضيع .. ....... هزاع وعبدالله والربع قربوا من بعض وقرروا انهم يروحون ....والساعة حالياً 3 ونص تقريباً .... هزاع والربع كل واحد منهم راح لسيارته وشغلها وروح بيته ... ................. اليوم الخميس ... وفي الصبح الساعة 9 الكل كان ناش بستثناء عالية وعالية وهزاع ...الي غرقانين رقاد ... طبعاً عالية حمد ... بايتة عند عمها محمد علشان تسهر ويا عالية بنت عمها ويسولفن زيادة ... ومدام هزاع راقد الظهر الين الساعة 5 العصر ما يضره السهر وعادي يرقد متأخر .. وينش الصبح ... عقبها نش هزاع من الرقاد لأن امه يات ووعته و نزل تحت وتريج ( يعني كل افطر من الفطور جيه يعني) عقبها هزاع تذكر انه يبا شي من عالية اخته ( يحليله حاط عندها اللاب توب ويباه الحين ويابها تقوله شو قالت للبنية ) هزاع على طول .... هزاع :- اماااااااه وين عاليوه ؟؟؟؟... نورة :- راقدة ... هزاع :- عيل بسير الها ... نورة :- وين ؟؟؟؟ بعدين سير الحين اختك راقدة ويوم بتنش انشدها ... وبعدين تعال بنت عمك راقدة وياها تعني شو تسوا اهناك ؟؟؟... هزاع وهو مبطل حلجه وعيونه :- منوه بنت عمي ؟؟؟ نورة :- عالية بنت عمك حمد ... شو بلاك ؟؟ هزاع :- والله ؟؟؟ قولي قسم بالله ؟؟؟ نورة :- قسم بالله ... شو بلاك .. هزاع على طول نش وسار فوق عند حيرة اخته عالية وحط اذنه على الباب .... بس للأسف ما سمع صوت .... تقفط الريال ورد حيرته ... واول ما وصل جان يرن تيلفونه .... هزاع :- هلا عنود :- اهلين الغالي ... هزاع :- هلا مليار ترحيبه ... مرحبا الساع ... مرحبا حبيبتي .... صباح الخير .... عنود وهي تضحك :- ههههههه كل هذا مرة وحدة قلته ولي انا .... هزاع وهو مبتسم :- لاااااا مب لج هذا الكلام لحبيبتي عنود وبس .... عنود وهي تدلع :- اهااااااااااااه هذي منوه بعد ؟؟؟... لا يكون وحدة غيري بس !!! هزاع :- هو في غيرج اصلاَ .... انا جم عنود عندي .... وحدة بس ... عنود وهي تضحك :- هههههههه وشخبارك حبيبي بعد ؟.... هزاع :- بخير دامج بخير .... عنود :- اقول هزاع بلاك هاليومين علي لا يكون زعلان بس ؟؟!! هزاع :- انا ازعل من حبيبتي .. عنود :- عيل ليش ما تدق علي ؟؟؟ هزاع :- انشغلت شوي ... عنود :- عني افاااااااااااااا افااااا بس افاااااااااااا ... ومنوه هذا الي شاغلنك عني ؟؟؟ هزاع :- امس مسوين عزيمة وجيه يعني ..... عنود :- يالله عيل باي لأن اخوي يا ... هزاع :- باي حبيبتي لا تنسيني دقي علي بعدين .... اوكيه ... عنود :- اوكيه ...... .......... عقبها طلع هزاع من غرفته ولا يشوف بنت عمه توها تطلع من الغرفة وهو طبعاً لابس بنطولون اسود وفانية سودا بدون كم يعني عريانة .. هذا لبس هزاع المعتاد ....وعالية بنت عمه لابسة الشيلة لأنها تعرف ان هزاع وفهد في البيت وحرام اطلع شعرها .... اول ما شافته... عالية :- السلام عليكم ... هزاع :- وعليكم السلام .... عالية :- شخبارك هزاع ؟؟؟... هزاع وهو يبتسم :- بخير دامج بخير .... عالية :- شو امس سهرة الين الساعة جم ؟؟؟ هزاع :- الين 3ونص وردينا .... عالية :- وعبدالله في بيتنا ؟؟؟؟ هزاع :- هيه .... عبود في بيتكم ... اشوفج اليوم فالدار ... شكلج بايتة عندنا ... واكيد سهرتي ويا عاليوه .. صح ؟؟ عالية :- وانته يني اشجايل عرفت ؟؟؟ هزاع :- بلاج نسيتي امس دقيتي علي الساعة 2 ونص جنه ... عالية :- اوووووه صح ... انزين تريجت ؟؟؟ هزاع :- هيه قبل 10 دقايق تقريباً ... الا عاليوه ما نشت بعدها ؟؟؟.. عالية :- لا .... وعيتها الين عيزت ما رمتها تنش تقول تعبانة تبى ترقد .... هزاع :- اوكيه .. انتي ازلي تحت وتريجي عدل وانا بوعي هالآنسة .... عالية :- برايها خلها راقدة ... ما يحتاي تنش اليوم الخميس ... خلها ترقد يا هزاع .. هزاع :- لااااااا بغيتها تعطيني الاب توب مالي واباها تقولي شو قالت للبنية ... عالية وهي شوي وتضحك طبعاً ببتسامه عريضه :- ااااااااااااه البنية .... اسمينا انا وعاليوه سكتناها وغرقناها فيك .... الين قالت احبك ... تصدق ؟؟؟.... هزاع أول ما سمع عالية تقول احبك اتقلب مرة وحدة :- ااااااااااه عالية :- شو بلاك اقول لك قالت احبك يا هزاع وااااااايد ... وهي من بوظبي بس حالياً في العين تدرس في جامعة الامارات .... و صف 2 جامعة يعني اكبر مني ومنك وعمرها 21 سنة واسمها مها ..... هزاع استغرب يوم قالت اسمها مها وتردس في جامعة الامارات وصف 2 جامعة .... وحس انها هي نفسا مها الي رمسها امس .... هزاع :- ليش انتوا الساعة جم رمستوها والين امتا ؟؟؟؟؟ عالية :- 10 الين 11 ليش تسأل ؟؟ هزاع :- لااااا ولا شي ... عالية :- شو بلاك تفكر ؟؟؟؟ جيه ما تزل تحت ؟؟؟ هزاع :- هاااااااااه ... هيه بنزل تحت انزلي اول وانا بلحقج ... عالية :- كيفك ...... نزلت عالية وعقبها بـ 3 دقايق نزل هزاع ..... وقابل ابوه فالصالة وعداله امه وعالية يالسة تتريج ويا سيف و عبود .... محمد :- هاه الحومة وين مرتغد امس ؟؟؟؟؟؟؟؟ هزاع وهو متكبر :- ما يخصك ... |
محمد :- على كيفك ؟؟؟... هزاع :- هيه على كيفي عند مانع ولا دواس ؟؟؟ محمد :- سخيف .... اقول ليش سرت وشليت منصور وعبدالله واحمد وياك ؟؟؟؟ تباهم يرتغدون وياك ؟؟؟؟ هزاع :- على كيفك ؟؟ هيه اباهم يرتغدون وياي وبعدين من زين عشاكم الحين ... كالعادة .... عيش وما ادري شوه .... وبعدين عبود ومنصور واحمدوه هم يو بروحم ... محد غصبهم ..... وانا مب اضغر اعيالك نحاسبني ... محمد :- وما يشرفني انك منهم ... انا ليش ابتليت فيك ويبتك ... جان صبرت سنة وحدة ويبت عالية قبل وعقبها فهد وغيره .... بس انا الي استعيلت ... اباهم يزقروني بو هزاع ... صدق اني مدمغ .... هزاع سار صوب عالية بنت عمه وسيف وعبود الي يالسين يتريجون ( يفطرون ) و يلس على الكرسي الي عدال عالية وقال لها :- عرفتها البنية ... عالية :- أي بنية ؟؟؟؟ هزاع :- بعدين بخبرج عالية :- انزين قول الحين ... هزاع :- اصبري ابا اتأكد قبل ... عالية :- كيفك ... قام وسار فوق عند اخته الراقدة ووعاها .. هزاع :- قومي عاليوه ... نشي يالدبة ..... قومي يالله عالية :- هاااااااااااااااااااااااااااااااااااااااااااا اه هزاع :- قووووووووووووووووومي عالية :- ليش ؟؟؟؟؟؟ هزاع :- وين اللاب توب ؟؟؟؟؟ عالية :- انت ما تشوف ذاك اللاب توب ... هزاع :- أي عالية :- الاسود هزاع :- في اثنينة عالية :- خذ لك واحد بعد شوه هزاع :- والله .... حلفي عالية :- شو دراني بمالك فتحة وشوفه مالك ولا لا قام هزاع لأنه يعرف انه مافي امل من اخته ..وراح يفتح اللاب توب الاول والثاني بس ما عرف يفرق قام شغلهم ... دخلت عليه عالية بنت عمه .. وشافته مبتلي باللاب توبات وحبت تساعدة ولأنها تعرف ان هزاع يبى لاب توبه .... عالية :- شو تسوا هزاع هزاع :- يعني ما تشوفين عالية :- هذا لاب توبي خله عنك .... هزاع :- وانتي شو دراج ؟؟؟؟ عالية :- لاب توبي منقشه عليه حروفي باللون العيناوي على حافة اللاب توب وبخط صغير .... هزاع :- هيه والله ما انتبهت عليها ... انزين مشكورة .... اسكر اللاب توب مالج ولا لا .. عالية :- لا خله اباه ... هزاع :- انزين عيل يالله باي .... وقومي هايج الدبة الي منسدحة على الشبرية ( السرير ) عالية :- خلها يا ريال ...حرام عليك ... تعبانة ... بعد ما اضني اليوم بتسهر ...... هزاع طلع من الحيرة وسار حيرته وسكر الباب وراه ... وعقب نص ساعة .... مل الريال وقال بنزل ... ويوم نزل حصل الكل يالس فالصالة وخصوصاً انها الساعة 12 ..... وقال اسولف وياهم ... واذا مليت بسب ابوي شويه .. الين ما احصل لي شغلة اسويها ... هزاع :- وهو مصوب على اخته عالية :- عاليوه شو الرقدة اليوم حلوة ؟؟؟؟ عالية :- على كيفك ؟؟؟... بعدين بكيفي انش وقت ما ابا .... هزاع :- سكتي سكتي يالسخيفة ... عالية ... ( وبصوت اعلا وهو قاصد بنت عمه ) :- عاليوووووووووووه :- هاتي الجهاز ( الرموت ) ... عالية بنت عمه عقت عليه الرموت ويلس هزاع يقلب بهل القنوات اقصد ( دبي الرياضية وابوظبي الرياضية و ........ وطبعاً غرضه واضح يبا يشوف المباريات واذا هو طلع فالتلفزيون ولا لا لأن يوم مبارات العين ويا ما ادي منوه كان حاظر هو فيها وقابل هذا الي يقدم فيبرنامج الجماهير وسو وياه لقى في نص الجمهور بعد فوز العين وقبله وصورة صوت وصورة واللقطات تتجمع عليه .. عقب شوي قال هذا المقدم في برنامج الجماهير عن العين والحين بيطلعون كل الي صوروه في الجماهير يوم اول امس ..وفعلاً طلع هزاع .. المقدم في برنامج الجماهير :- شو رايك بلعب فريقك ؟؟؟؟... هزاع وهو على اعصابه :- والله الين الحين انا اتريا الفوز وعقب يصير خير ... المقدم :- اوكيه بس سؤال .. منوه الي عيبك لعبه في الفريق ؟؟؟ هزاع :- كلهم انشاء الله .... فهد علي واخوه عبدالله علي ورامي يسلم وفيصل علي وسبيت خاطر ويمعة ( جمعة ) خاطر ووليد سالم وكلهم الحقيقة بصراحة عايبيني .... المقدم :- شو التشجيعات اليوم ؟؟؟.... هزاع :- حلوة وايد بس الاهم الفوز مب التشجيعات ... ما لحق المقدم يكم سؤاله لهزاع الا وقطعهم هدف لصالح العين وصرخة هزاع ... هزاع :- ااااااااااااااااااااااااااااااااااااااه المغني لفريق العين :- اتحبوا من ؟؟؟ الجمهور ويا هزاع :- عيناوي .. المغني :- وحبيبكم مين ؟؟؟ الجمهور ويا هزاع :- عيناوي المغني :- وحبيب المليين ؟؟؟ الجمهور ويا هزاع :- عيناوي وهكذا ... وكلام وعقبه تم المقدم يسأل هزاع اسأله و.... الخ ..وبعده ما خلص مطالعة ... عالية اخت هزاع :- اونه من قده طالع في برنامج الجماهير .. هزاع :- هههههههه هم اصلا ملاحيجني من مكان لمكان تقول محد غيري في الجماهير .. عالية بنت عمه :- اكيد ما حصلوا غيرك ....ههههههههههههه وهم يسولفون ... يقطعهم تيلفون هزاع .... ويرد .... هزاع وبصوت عالي :- هلااااااااااااا مزاحم .... مزاحم :- هلا هزاع ... اقول هزاع اليوم بتطلع ويانا الكارفور ... هزاع :- بتسيرون .. مزاحم :- هيه يالله سير البس كندورتك وتعال .... هزاع :- شوط واكون عندك ... مزاحم :- يالله فمان الله .. هزاع :- فمان الرحمن .. رد السلام .. يالله ... سكر هزاع عن مزاحم وقام سار صوب الدري ورقى فوق ولبس كندورته ...والعطر ... و.. الخ ... وعقبها سار عند رابعته فالكارفور وسلم عليهم وكل شي وعقبها وهم يشون من بين الممرات وجيه جان يشوفون بنتين وحدة مب متغشيه والثانية لا شكلها السواقة .. على طول هزاع قال حق عبدالله يروح قسم القرطاسيات وياخذ استكر وقلم ويكتب ارقامهم في الاستكرات .. وهزاع خذ الرقم ماله وكان حاط الاستكر في ايده وقال للربع .. راقبوني .. وعقب سوا شراتي ( مثلي ) .. وطبعاً دخل فالممر الي فيه البنين والبنتين كانن لافات على الصوب الثاني يبن ينقن لهن اغراض ولا حلاوة يعني جيه ... هزاع وهي يمشي ويسوي عمره يتشرى وشوي يوصل للبنية الي مب متغشيه ويعج ( يفر ) الرقم تحتها ... هزاع وهي ياخذا الاستكر من الدعنة ( الارض ) وهو يقوم:- لو سمحتي اختي هذا الاسكر لج ؟؟ البنية الي مب متغشية وهي تلف على هزاع ومستغربة :- نعم اخوي ؟؟ |
هزاع :- اقول لج الاستكر هذا مالج اضني لأن عيني طاحة عليج والاستكر توج اطيحينه ... البنية :- أي استكر وبعدين شو قصدك ان عينك طاحت علي ... هااااه .. هزاع ما خل البنية في حالها الين خذت الرقم لأنه قال لها وهو يفتح الاستكر :- شفتي اضني هذا رقم ربيعتج وانتي ما انتبهتي عليه يوم يطيح عنج .. وبعدين ليش ما كتبتي عليه الاسم ... ما تخافين تخربطين واظيعينه وتتفشلين جدام ربيعتج يوم بتدري انج عاجة رقمها فالكارفور .. ... ويلس ما خلها تتنفس حتا .. وحليلها خذت الرقم وهي مصدقة لأن الي يتكم جدامها مب معقوله واحد مغازلجي لاااااا هذا ولا دكتور في الجامعة .. هزاع وهي راد عند ربعه فرحان :- كفك عبود ... عبود :- والله انك يني كيف خليتها ترمس هالكثر ... هزاع :- ومنوه قالك اني رمستها عن اشياء ثانية غير الرقم ؟؟؟ عبود :- اشجايل يعني ما فهمت ... واول مرة ادري ان الرقم يباله موضوع وتعابير .... هزاع :- خليتها تاخذه غصب عنها .... مزاحم :- بليس وعياله ما قدرو اشجايل قدرت ترقمها ؟؟؟ ياليني ؟؟؟؟ هزاع :- بلا سخافة وبعدين تراني قلت لها تتأكد من الرقم وتدق عليه .. علشان تخزنه في تيلفونها ... ........ البنت طنشت هزاع وعقت الورقة ( الاستكر ) .... لأنها تعرف هالحركات البايخة ... وحليله هزاع مصدق ... الي يسمعه يقول ما يرمس احد من البنات وهذي اول مرة يرقم ... يوم الجمعة العصر عالية بنت عم هزاع راحت بيتهم ويا عبود اخوها ... ويوم السبت .... عالية بنت عم هزاع .. دقت على ابوها علشان تقوله انها خلصت جامعة ... بس رفض وقالها :- انا الحين فالصناعية ... ومالقت الا اخوها عبود لانها تعرف انه رد من الدوام والساعة الحين 4 إلا ربع ... شيخة ربيعة عالية :- عالية بنات الحامعة كلهم راحن ما بقى الا انا وانتي خليني اوصلج وياي ويا السواقة ... عالية :- ما فيني اتعبج .. وبعدين مب متعودة اروح ويا احد غير اهلي .... شيخة :- افااااااااااا عالية – مب قصدي ... شواخ شيخة :- برايج بكيفج بس انا بترياج الين ترحين وعقب بروح .. وما علي منج .. عالية وهي ترمس عبود ... عالية :- الوووه عبود :- الوووه ... هلا عاليوه عالية :- عبود تعال شلني من الجامعة ... الحين .. عبود :- لا والله وابوي وين سار ؟؟؟ظ عالية :- ابوي فالصناعية .... عبود :- وانا ما اروم اشلج من ثقلج ... هههههه .... عالية :- لا تتمصخر وعن الاستهبال وتعال بسرعة ... عبود :- بلاج بقرة .... انتي ما تعرفين ان سيارتي بالكراج ... ( الصناعية ) يالسين يركبون لها اشياء تكشخها شرات العاكس وصبغة السيارة ولاااااا بعد ويزودونها ... عالية :- عيل انت وين مب ؤاكب سيارة .. عبود :- هيه بس مب سيارتي سيارة هزاع هو شالني ... عالية :- انزين تعال انت وياه وشلوني البيت ... عبود :- انزين ... ..... اول ما وصل هزاع ما وقف سيارته فالباركن لا جدام البوابة .... وكان ويهه واضح لدرجة ان شيخة شافته .. طبعاً شيخة كانت متغشية يوم فالجامعة ولا فالكارفور عاقة الغشوة .. علشان جيه هزاع ما عرفها ... وهي كانت شوي وبتذبحه ... عبدالله وهو يطالع البنية ويرد ويطالع هزاع الي حاط عينه عليها وما رام يشلها ويقول في داخله _ هذي شو بلاها تتطالعني هي تعرفني لا ما ظنتي لو تعرفني جان عرفتها _ والبنت تقول في نفسها الخشم نفسه والعيوم وما يندا بها تحت الكشمه ( النظارة ) والكشة ( الشعر ) هي نفسها .... بس هذا مب يعني ان هو . هيه انا بقرة شو هالتفكير البايخ ... عيل واحد يقرب لعالية حمد ومغازلجي لااااا هاي عودة مستحيل يسونها عيالهم ( الا يسوونها ونص والدليل هالمولات ) ....... ...... عقب يومين ( يعني الاثنين ) عالية حمد عازمة ربيعتها شيخة في بيتهم وحلفت عليها الين يات وقالت لها عالية :- ليش تستحين من اخوي وابوي ولا من اخواني الصغار .... شيخة :- لا بس مب متعودة ... إلخ الين يابتها البيت ... كانوا في بيت حمد عم هزاع طبعاً عالية وربيعتها يالسين في الصالة لأنهم يعرفون انه محد ياي الحين ... ويالسات يسولفن .....ولا جان هزاع وعبود توهم يدخلون الصالة عليهم وشيخة تغشت واستحت وبعدين لأنها جباله بالباب ... وقامن وقفن حق عبدالله وهزاع .... هزاع والفرحة في ويهه:- السلام عليكم الكل :- وعليكم السلام هزاع :- في ضيفة في بيت عمي اليوم ؟؟؟؟ عالية :- اكيد بس روح لو سمحت ... هزاع :- اوكيه تعال عبود ... راح هزاع وعبدالله فوق والبنت كانت تتطالع هزاع من ساسه لراسه وهي متأكده انه هو ..... بس هزاع بعد حس بس قال ما اضني وحدة اعرفها .... اما البنية ما رامت تصبر .... قامت تهمس لعالية علشان تروح هي وياها لحيرتها .... وعالية سارت وياها الحجرة ... المهم .... شيخة وهي مرتبكة ... |
شيخة :- اقول عالية هذا ولد عمج واخوج الي دخلوا قبل اشوي... عالية :- هيه ليش ؟؟؟ شيخة :- ابا اقول شي بس قبل جاوبيني .... ولد عمج واخوج دوم يروحون المولات والكارفور ؟؟؟؟ عالية :- ههههههه اكيد بيموتون اذا ما ساروا إلا اذا كان في شي مهم .... شيخة :- اوكيه عيل سمعيني .... ( وقالت لها كل الي صار وزيادة يعني يوم يغازل بنات ثانيات ) عالية :- قولي والله ؟؟؟؟؟؟؟؟؟؟؟؟؟؟؟ احلفي ؟؟؟؟؟؟؟؟؟؟؟؟ شيخة :- والله والشلة وياهم طبعاً ...... عالية :- لاااااا ما اصدق ... اخوي عاد .... بعد قلنا هزاع وقلنا ما عليه ... بس اخوي ما اصدق ... شيخة :- برايج .... بكيفج ... بس تبين تتأكدين ؟؟؟؟؟؟؟؟؟؟ عالية :- هيه شيخة :- شوفي يوم تعرفين ان اخوج ما ادري شو اسمه بيروح سأليه عن المكان الي بيروحه ... عالية :- ازين وبعدين ؟؟؟ شيخة :- وانتي دقيلي وبلغيني علشان اقول لأمي اني بطلع ويا السايقة المول علشان في قسم يديد توهم فاتحينة وخرابيييييييييييييط وكلام الين تصدق وانتي نفس الشي واذا ما اقتنعة بعد خبيريني وانا اقنعها .. اوكيه .. عالية :- اوكيه و عقب !!!! شيخة :- تيبين تيلفونج بو كيمرة و تتغشين عدل علشان محد يعرفج عتى العباة لبسيها غير والشيلة بعد علشان نا يحسون هم ... إلخ ..... ..... عبدالله اليوم يبى يسير ويا الربع العين مول ......... عبدالله وهي يالس في حيرته وجدام المراية ... ولا جان تدش عليه عالية اخته .... عالية :- اشوفك كاشخ على وين ؟؟؟؟؟ عبدالله :- وانتي شو يخصج ؟؟... عالية وهي تبى تسحب كلام :- لا بس انا قلت مدامك بتطلع اباك توديني المكتبة وجيه يعني ... شو قلت ؟؟ عبدالله :- علوي عن الاستهبال والسخافة تراني ساير الكارفور مب ساير المكتبة .... عالية :- خلاص بكيفك مرة ثانية انشاالله بتوديني انزين ؟؟... عبدالله :- انزين .... وقولي لأمي اني برد الساعة 11 انزين ؟؟؟ عالية :- والله !!!.... انزين ..... عقبها طلع عبدالله من البت منا وعالية دقت على شيخة منا وقالت الها المكان وخلاص تخبر امها وتتجهز ... وسارت عند امها ويلست تزن عليها الين وافقت ....وطلعن هن الثنين .... وكل شي جاهز .... ..... وصلن العين مول ونزلن ودخلن ويلسن يدورن على جوم هزاع من مكان لمكان ومن ممر لممر ... الين لقوهم ... كان هزاع وربعه في ممر ومن بينهم هالمكتبة ما ادري شو يسمونها والله نسيت انزين والصوب الثاني فيه عالية خت عبود وشيخة .... وكانن مخططات لكل شي .... ..... هزاع اول ما شافها راح عندها وقال لها :- السلام عليكم شيخة :- وعليكم السلام هزاع :- هاااااااااااه عسى بس خزنتي الرقم ولا اتصلت عليه ؟؟؟ شيخة :- لا انا اصلا ضاع عني عطني واحد ثاني .... على طول هزاع مد ايده في مخباه وطلع الاستكر الي مكتوب فيه الرقم وعطاها اياه وطبعاً الاخت وهزاع توه يطلع الرقم من مخباه هي تغطت ويوم سألها قالت علشان محد يعرفني ... ومناج هي مخططه ويا عالية ان عالية تخلي تيلفونها على الرف علشان يصورهم عدل .... بس من دون لا تطلع عالية في الصورة ... ........ وفي اليوم الي عقبه .... هزاع ما قدر ييلس من كثر التفكير في عالية وكيف يرقم البنية وهو يحب عالية . هذي تسمى خيانة ومدي شوه .... إلخ .... كلام كان يدور في راس هزاع .. واخيراً قرر انه يزوجها ..... قام وركب سيارته وراح لعمه ... الي كان يالس في الميلس ويطالع التلفزيون .... هزاع :- السلام عليكم ... حمد :- وعليكم السلام ... هزاع :- شحالك عمي ؟؟؟... حمد :- بخير ليش تسأل ؟؟؟؟ هزاع :- لا ولا شي بس جيه .... وبعد كلام طويل وصل اخيراً هزاع للي يباه ... هزاع :- عمي انا ابا ازوج بنتك ... حمد وهو يلف علشان يطالع هزاع :- هااااااه ... هزاع :- ابا اتزوج عالية بنتك يا عمي حمد ... حمد :- على خير انشاالله ....( ورد يطالع التلفزيون ) هزاع :- عمي يعني افهم انك موافق ؟؟!! حمد :- لا بس اول بسال عالية ... هزاع :- خذ راحتك عمي بس متى بترد لي خبر ؟؟ حمد :- ما اعرف تعال باجر ويصير خير ... هزاع :- انشاء الله ... ...... وفي اليوم الثاني ....... هزاع :- السلام عليكم ... حمد :- وعليكم السلام ... هزاع :- شحالك عمي ؟؟؟... حمد :- بخير .... هزاع :- عمي شو صار لموضوعي ؟؟؟ حمد :- أي موضوع ؟؟؟ هزاع :- زواجي من عالية .... حمد :- منوه قال .؟؟؟؟ هزاع :- امس خبرتك شو نسيت ؟؟؟؟ حمد :- انا اتحراك تتمصخر ... الله يهديك ... هزاع :- لا والله يعني ما قلتلها ؟؟؟ حمد :- وانا شو دراني عنك ؟؟؟ هزاع :- انزين روح اسألها !!! حمد :- هزاع ايك راي ليش ما تروح انت لها وتفكني وتسمع الجواب منها ... هزاع :- والله ... اكيد .... يعني ما بتردني ...... حمد :- وانا شو دراني ... روح .. هزاع راح عند بنت عمه داخل وقالها بس فاجأته برفضها ...... هزاع :- شوووووه ... انتي مينونة اضيعين احلا فرصة ... عالية :- أي احلا فرصة انت بعد ... هزاع :- اني انا الي بزوجج ..... واحد حليو ووسيم وعنده جمال ورقه و......الخ .. |
عالية :- الله يعيني عيل اخاف اموت في نفس اليوم الي بتملك علي فيه .. هزاع :- ليش ؟؟؟؟ عالية :- لأن البنات بذبحوني عليك لأني خذيتك منهم لا ياهزاع مب بايعة عمري ... هزاع :- على كيفج هو وبعدين أي بنات ... شو على بالج مغازلجي جدامج ؟؟.... عالية :- لاااااااا حشى ما ادري امس منوه يالس يرقم وانا شفته بعيوني ... هزاع وهو مبطل عيونه :- هاااااااه متى ؟؟؟؟؟ عالية :- امس ...... هزاع :- شوفي انا اصلاً مب ياي اخذ رايج انا ياي اخبرج وبس وانتي الخسرانة وبتندمين لأنج ما طعتي من هواج الا عصب عنج ..... عالية وهي تفتح تيلفونها وقاصدة الصورة الي مصورتها لهزاع وهو يرقم شيخة .... عالية :- هزاع منوه هااااااااااااه .... هزاع وهو مبطل حلجه وعيونه على الآخر :- من وين يبتيها ؟؟؟؟؟؟ عالية :- من مصادر سرية .... هزاع وهو ياخذ التيلفون وقصده يخذف الصورة .... عالية :- حرااااااااااام عليك ليش حذفتها ......... ليش انت مما تدري اني موزعتنها على تيلفوناتي الثلاثة بالبلوتوث .... هزاع :- صدق انج حقيرة .... ونذلة ... عالية :- هيه احترم نفسك ولا افضحك واوصالها الشرطة .... واعلى ... هزاع :- انزين شو تبين مني ؟؟؟ عالية :- انت الي شو تبا مني ياي من بيتكم .... هزاع الي اباه منك شي واحد وبس هزاع :- الي هو .... عالية :- انك تنساني وبعدين شو الي بينك وبيني اصلاً ؟؟؟؟ هزاع ودرني واتزوج وحدة ثانية هزاع :- الزواج ومقدور عليه بس اني انساج مستحيلة ومن سابع المستحيلات .... عالية :- لا والله !!!!!!!!!!.......... هزاع ان ما نفذت الشرط الي قلتك اياه ما بعطيك الصور تسمع .... هزاع طفش وطلع بسرعة وقبل قال لعالية :- الصور ما ابا حد يشوفهن الين اقول مفهوم ... وطلع وسار بيتهم وهو مب راضي يرمس احد حتى الربع ...... ..... يتبع الحلقة ( 4 ) |
الحلقة ( 4 ) وعقب اسبوعين ..... سار هزاع لامه وقالها انه يبا يتزوج .. نورة :- شوووووووووووووووووووه ؟؟؟ تراني ما سمعت ؟؟؟ هزاع :- قلت ابا اتزوج ما تسمعين ؟؟؟؟ نورة :- ومنوه هاي ان شاء الله الي بترضى فيك ؟؟؟؟ هزاع :- شو قصدج اصلاً البنات يتخبلون علي وعلى اسمي .... نورة :- كل البنات هاااااااه عيل رونا شطارتك واتزوج ... هزاع :- انتي الي روينا شطارتج وخطبي لي وحدة حلوة تناسب مقامي ...ز نورة :- لا والله علشان اتـقـفط ويسكرووووون الباب في ويهي ... ويقطع الفلم الهندي محمد بو هزاع .... محمد :- منوه هاااااه الي ما يستحي يسكر الباب في ويهج ... نورة :- لااااااا ما شي بس اونه الولد المحترم يبى يتزوج ... محمد :- لااااااااا مبروك مبروك بس منوه هاه اكيد من اعيال اخوج ... نورة :- أي اعيال اخوي ... هذا هزاع الي يبى يعرس .... محمد :- قطع هزاع الي بيعرس مالت عليه وانا اقول ليش الجو مكتأب اليوم ؟!... عثاريه هزاع البايخ ... هزاع :- جب ولا كلمة ... محمد وهو يبا يغث هزاع :- واااااااااااي سكتني هذا .... اخاف .... ياخي زيغتني لا ترمس جنك وحش تراه اتزيغ ... هزاع :- تبا لهاية تسكتك ولا مرضعت حليب ... محمد :- لااااا ابا كورن فلكس ... هاهاها .... هزاع اليوم وين رحت من صباح الله خير في بنتة داقة عليكم ... اونه تباك الحين .... هزاع :- سخيف وبعدين لا تضيعون السالفة .... تراني اعرف سوالفكم البايخة .... محمد :- ليش انت قلت سالفة ؟! .. نورة :- هيه اندوك انته قال سالفة اونه يبا يعرس ... محمد :- لا والله .... لا تقولين العروس بنت البنقالية .... ولا بنت الايرانية .... هزاع :- لا والله ... حلوة هاي ... حبيبي هذا مب مستواي أنا مستواي بنت اصل وفصل بنت الدولة بنت زايد .... نورة :- شو بعد هالرمسة ...بو هزاع ... ترا ما ارضى على ولدي .... عن الغلط .. محمد :- اشوفج انقلبتي علي .... هاااااه .... شو سوالج هزاع ؟؟؟؟ ... نورة :- والله ولدي واحب له الخير وبعدين مستحيل بنت الغريب تاخذ ولدي مني ... هيه ... شرط الي بتاخذه لازم اتكون بنت البلاد ولازم يكون لها اصل وفصل هيه .. مب امها ما ادي شوه اباها اماراتية وامها بعد .... محمد :- انزين بنشوف هالاماراتية الي بتاخذه .... هزاع :- هذا الشي ما يخصني فيه وشرات ما قالت امي ابا بنية غااااااااااوية وحلوة ومزيونة واماراتية اصل وفصل .... نورة :- حبيبي مب وقته هالكلام ... تو الناس ... لاحق على المشاكل ... انت اول اصطلب وخل عنك الحركات وسوى شي زين الناس تتكلم عنه ويمع (جمع) لك 150 الف على الاقل علشان العرس ...وبعدين تعال قول ... هزاع :- تراني عطيتج ويه وايد ..... يام هزاع البيزات ( الفلوس – الدراهم ) في البنك بس يتريون الي بتاخذهم .. محمد :- ما شاء الله عليك ... مسوي احسابه الولد ... والله انك طلعت ذكي ... وانا على بالي ان ما في مخباك شي من هالاحوامة اليومية .... هزاع :- اتصرفوا تراني اباها ....ولا ابا املك عليها قبل الصيف علشان فالصيف يكون العرس ... نورة :- يحليك يا هزاع .... الحين تباني ادورلك على بنية بالسرعة ... ولا تبا العرس فالصيف .. حبيبي الحين البنات ما يعرسن الين يخلصن الجامعة .... بعدك قول عقب سنة سنتين بصدق ... بس هاي السنة ما ظنتي .. هزاع :- وانتي اشعليج ...دوريلي على بنية مزيونة وخلاص .... وانا اتصرف ... نورة :- بشرط مب هالاسبوع ... لاني مشغولة وايد ... هزاع :- بكيفج ....بس انا قلت لج اني ابا املك عليها قبل الصيف والعرس بالصيف ... نورة :- عيل اعذرني اذا ما لقيت لك وحدة ..... انزين ... هزاع :- انزين .... ...... فالجامعة .... عالية ومريم وفاطمة ونوف يالسات يتمشن بعد المحاضرة .... مريم :- وشخبار امج شو مسوية ... عالية :- بخير الحمد لله واتسلم عليج بعد وتقولي خليها اتسلم على امها سمعتي .... مريم :- ههههه وبعدهم ما شبعن من بعض .... اسبوعيا يتشاوفن ... وما ملن .. عالية :- شو قصدج ... الحين الي يسمعج يقول انج ترمسيني وكأنج من شهر ما شفتيني .... مريم :- احنا بنات والسوالف وايد عندنا .... ولا هن عيايز شو دراهن بالسولف .. الا شو بلا هذا ولا شو سوى هذا ولا يسلم عليج هذا ولا يخبرن علينا والفضايح ... عالية :- امج العيوز مب امي .. مريم :- والله حتى انا امي مب عيوز بس اتمصخر يعني ... عالية :- هههههههههه والله انج سخيفة .... ولا تقاطعهم عالية حمد بنت عم عالية اخت هزاع ....... عالية حمد :- السلام عليكم ... عالية محمد :- وعليكم السلام .... هلا عاليوه ... عالية حمد :- وينج الله يسامحج ما تردين على تيلفوناتي ... عالية محمد :- والله كنت مشغولة ... جان تبين الصدق .... عالية حمد :- عيل برايج بخليج انا استأذن ... ما تامريني على شي ؟؟ عالية محمد :- اذنج وياج ... و ما بي غير تزوينا واتجيلين ( يعني فترة الظهر ) عندنا بعد ... عالية حمد والابتسامة الحلوة :- لا المرة دورج انزين ... عالية محمد وهي تبتسم : انزين ... .... عقب ما سارت عالية حمد عنهم هي وبيعتها شيخة ..... مريم :- قطع ... لوعة ... لوعت بجبدي ... مالت عليها ... انتي بتخبرج شجايل مستحملتنها هاااااااه ... عالية :- عن الغلط هذي بنت عمي ... من لحمي ودمي ... ما ارضى عليها ... مريم :- قولي والله ... قولي قسم بالله !! عالية :- والله .. قسم بالله ... ليش توج تعرفين ؟؟؟ مريم :- توني ادري انها تقرب لج .... وبعدين هاي انا اكرها من ايام المدرسة ... عالية :- والله حالة .... بتخبرج هي شو مسويتلج ... هااااااه مريم :- ما شي بس بنت عمج دلوعة وشايفة عمرها ما ادري ليش ... وخجاجة ويايد ........ عالية :- ههههههههههههههههه حلوة هاي خجاجة ... مريم :- والله ... ................. عقب .... رد هزاع من الدوام ... وهو في طريقة للبيت .... كان فيه وايد لفات علشان يوصل بيتهم في هالشوارع اقصد شوارع الشعبيات لازم انخفض السرعة ... شرات هزاع الي الله هادينه هاليومين ... بعد 3 لفات او 4 خطف ( سار ) بالشارع الي متعود انه يخطف به ... الا جان يلف ويهه صوب الدريشة الي على يساره طبعاً وهو فاتح الدريشة وراكب الاستيشن وفاتح القبة الي فوق ولابس كاب والكشمة والدريس مال الجيش اونه اليوم عندهم رماية ..... جان يشوف بنية توها تنزل من الرنج ومتغشية بشيلتها ... ويوم نزلت طاحت الشيلة الي مغشيه بها ويهها وانكشف ويهها... وهزاع يلقط الصورة على ابعاد اميال وكيلومترات يعني قصرت عليه الي بينها وبينه 5 امتار ... وكانت حلوة وكشخة .. وشكلها توها رادة من الجامعة ... طبعاص هزاع قلل السرعة و ساق 10 بس من سرعة الاستيشن ...الي اضني 200 وشي ... المهم ويلس يطالعها ويطالع الدرب وجنه ومب مصدق هالبنية حقيقة ولا لا .. البنية يوم طاحة الشيلة الي مغشيه بها ويهها وانكشف ويهها اتغشت مرة ثانية بعد ما طلعة سامانها وجشها ( اغراضها ) من سيـــــ الرنج ـــارة ... سكرت باب السيارة وتحرك الرنج عنها ودخلت داخل فلتهم ..... هزاع ما صدق .. قال باجر بي بنفس الوقت وبحاول اني ما اتأخر ... طبعاً بعد ما حفظ رقم سيـــــ الرنج ـــارة... |
فاليوم الثاني وبنفس الوقت كان هزاع يتريا البنية توصل وهو بعد عن الفلة حوالي فلتين .... الساعة كانت 1:30 تقريباً ... ( انتوا تعرفون مب كل مرة تسلم الجرة ويشوف هزاع هالدرة ) ... يلس يترياها ويترياها ... وعقب تعب لأن الساعة وصلت 3 والبنت مايت اكيد غايبة اليوم ... .... وبعد اشوي ... ولا جان توصل استيشن بيضا وقفت في باركن الفلة من بره ( برع – خاري ) وتنزل البنية واطيح الغشوة بس هالمرة وهي تعدل الشيلة طلعة جم شعرة من قصتها من دون قصد وهزاع نزل من الاستيشن وواقف يطالع وعايبنه كل شي فيها من عيون وخشم وشعر وجمال ورقة وجسم ( عاد انتوا تعرفون ان هالايام البنات يلبسن عبايات فرنسية مخصرة ..اكيد مبين خصرها بس مب الين هنا وهزاع عنده خوات ويلبسن عبايات فرنسية مخصرة ويعرف اجسامهن وكيف يصيرن يوم العباه فوقهن ) ....... هزاع ما استحمل قام أي كل يومين بس علشان ايشوفها وعقب عرف من اخته متى توصل اليوم مثلاً وباجر والي عقبه وقال في نفسه هذي جدولها شرات جدول اختي عاليوه .... انا بيها بنفس جدول عاليوووه ... وشرات ما قلت الكم قام ايها كل يومين ... عيبته البنية وقال حق امه انها تخطب له هالبنية ولزم عليها وضغظ عليها الين وافقت ... بس كان ناقصنهة شي هو وجود ابوه وياه .... سار عند ابوه واستسمح منه... محمد :- لا تحاول اتقص علي ... انت ما تهمني ... وبعدين انت مب ولدي ..علشان اخطب لك ..... هزاع :- مشكلتك اهم شي انك اتي وياي وبس ولا ترمس ريح عمرك الا اذا سألك عني او شي كله امدحني و لك مني ما اضايقكك مرة ثانية .... ولا لي خص فيك .... هااااااااه شو قلت ؟؟؟؟ محمد :- شرط مب هاليومين .. هزاع :- ومنوه قالك هاليومين !!..... انا اباك انت وامي تروحون يوم الخميس عندهم .... محمد :- وهاذيلا العرب .... نعرفهم احنا ؟؟.... هزاع :- والله ما ادريبك ... يمكن بس اضني امي تعرفهم ... ما شاء الله عليها تعرف الفريج و الحارة و الشعبية وكلها .... الله يخليها .... محمد :- آآآآآمين ..... بس منوه العرب ؟؟؟ هزاع :- ما ادري بس سألت اثنينة كانوا واقفين فالشارع .... قالولي انه بيت بو سلطان ....واظني انهم قالولي اسمه منصور .... محمد وهو يفكر :- منصور بو سلطان !..... ..... .... منصور بو سلطان ! ..... لايكون فلتهم الي عدالنا من الحارة الثانية وفلتهم لونها ذهبي ويا حجر اردني ... وضخمه وايد وحوشها عود وايد وعنده اربع اولا ولا خمسة ما ادري ...واضني ان ولده سلطان معرس .. هزاع :- ليش انت تعرفهم ؟؟؟.... محمد :- هي الفلة ولا لا ؟؟ هزاع :- هيه هي ... انت تعرفهم ؟؟ محمد :- هيه هذا ويانا فالجيش ما شفته ؟؟؟ حتى عياله 3 فالجيش وياه .... هزاع :- والله ما ادري عنهم ... انا شو دراني فيهم !! .... كل الي اعرفه اني شفت بنتهم ... وعيبتني .. محمد :- وين شفتها ؟؟؟... هزاع :- وانا راد من الدوام .......إلخ ..... وهاي كل السالفة ... وبعدين صح انا احيد في سيارة رنج ذهبيه دوم توفق عدالي فالباركنات ... يعني مب دوم بس وااااااايد اشوفها وما لا تذكرتها الا الحين ... واضني ان اسمه سلطان.. لأن مرة من رباعته يالس يزجره ويقوله سلطان بو منصور ... بس المشكلة اني ماتذكرت الا الحين وبعدين حتى رقم سيارته الرنج مب حافظنه ... ..... وبعدين سلطان ساكن في بيت بروحه ؟؟؟ محمد :- اضني هيه ليش تسأل ؟؟؟؟؟ هزاع :- لأني شفتها وهو ينزلها وعقب راح عنها .... وبسرعة ... نورة :- هيه هو معرس وساكن في فلة عدالهم من الصوب الثاني ...بعدين بنتهم فالجامعة ما اضني بتوافق .... محمد :- الله يهديك ما حصلت الا العرب ترا هذيلا هزاع :- جيه شوبلاهم ؟؟؟؟... محمد :- ما بلاهم شي ... بس هم ما يزوجون بناتهم حق واحد مغازلجي و عليه حركات ....يبون ريال والنعم فيه .. هزاع :- ليش أنا مب تارس ( مالي ) عينك ..... وبعدين .. أنا بخليها تكمل دراستها .... عادي عندي ... نورة :- خلاص الخميس الياي بسير عندهم وشوف لك البنية وبشاورهم ... محمد :- وعقب ردي علي خبر ... ما تخليني آخر من يعلم ... شرات تخطيطاتكم الحين ... الكل راح في حال سبيله ... هزاع سار حيرته وطبعاً ع النت باللاب توب (والمسنجر ويا البنات) ولا التيلفون ويا ربع العازة الي هم ربعه ولا وحدة من الي مرقمنهن ... ........ بالتيلفون .... شيخة :- السلام عليكم .. هزاع :- وعليكم السلام .... هلا ... شيخة :- اهلين .... شحالكم ؟؟.. هزاع :- بخير انتي شخبارج ؟؟؟ شيخة :- والله اوكيه دامك بخير ... هزاع :- وينج يالقاطعة لا تسألين ولا تدقين ؟؟؟.. شيخة :- احلف ؟؟؟... لا والله ... اقول هزاع .... انت اطالعت تيلفونك عدل وطالعت مسجاتك مالات الايميل مالك .... هزاع :- هااااااه ... لا والله ... ما طالعتهم ... اصلاً انا كنت مشغول هاليومين .. شيخة :- افااااااااااا تنشغل عني .... عيل وين كلامك فالمول هااااااااااااااااه وينه ... هزاع :- لاااااااا مب قصدي جيه بس ابوي سافر وانا الي رتبت له كل شي .... مب انا ولده العود ... شيخة :- هيه صدقك ..... انزين اقول هزاع يالله باي اسمع امي تزجرني يالله بسير عندها ما ادري شو تباني .... هزاع وبسمه مع ضحكه خفيفة واستكاريه :- ههههه هالاهل ما يخلون الواحد على راحته ... يالله عيل اخليج انا بس لا تنسيني عاد .... شيخة :- افا عليك انا اساك ... انا اتحدى الدنيا لرضاك .... بس خلني احصل الفرصة الي ارمسك بالتيلفون فيها بروحي ... تعرف عاد ما اقدر ارمسك جدام خواتي ... وهن دايماً رزة يبن يعرفن منوه هاي الي ارمسها .... هزاع :- بنشوف ......... يالله .... اخليج .... باي حبيبتي .. شيخة :- يالله باي حبيبي ... ...... اليوم الخميس .... حالياً وقت القايلة .... الساعة 9 ونص ...... ام هزاع سارت عند ام سلطان علشان تسلم عليها ...... وبالمرة تستفسر عن بنتها .... وتخطبها ... وتشوفها بالمرة لو انها شايتها جم مرة .. بس بعد تبى تشوفها ... نورة وهي تدخل الصالة بعد ما دخلتها عواش :- هود هود ... يا اهل البيت العود .... ام سلطان :- هلا بالغالية .... هلا بحبيبتي ... هلا والله ... وينج يالقاطعة .... وسارت تسلم عليها ( بالخدود وبالخشم ..كوكتيل يعني ) ... وعقبها سارن يلسن فالدعنة بدل يلسة الكراسي الي تعور الظهر ... وحطن بنات منصور ( بو سلطان ) القهوة الي هن ريم ومريم .. وسلمن على الحرمة الي هي ام هزاع ( نورة ) ... ويلسن شوي بس وسارن .... ام هزاع :- ما شاء الله على بناتج .... كبرن وصارن عرايس ... ام سلطان :- صدقج حتى بناتج كبرن وصارن عرايس ... واحنا بعدنا ما كبرنا ... ام هزاع :- وهي تضحك :- هههههههههههههههه صدقج مب قبل امس احنا والدات ابهن ؟؟؟... ام سلطان وهي تضحك :- مسرع الوقت ... كبر اعيالنا قبلنا .. جنه الا نسانا .... ام هزاع :- الا صدق بنتج مريم جم عمرها ؟؟؟؟ مب هي فالجامعة ؟؟ ام سلطان :- هيه فالجامعة وعمرها .................... توها مكملة 20 سنة .... ام هزاع :- هي أي سنة جامعة ؟؟؟ ام سلطان :- يمكن 3 جامعة لأن بهالصيف بتكون 4 جامعة ...ان شاء الله ام هزاع :- ما شاء الله على بنتج مواصله ما تاخذ راحة شرات بنتي عالية وبنت عماي حمد ( عالية ) ...وبنت حماي سلطان بعد ام سلطان :- ما شاء الله عليهن.... وكله يحبن الدراسة ... ام هزاع :- هيه يبن يفكن عمارهن من الدراسة ويرتاحن عقب ... الي تبا تشتغل بتشتغل ... ام سلطان :- مب شراتها انا وياج وربعنا ... حتى العدادية ما كملناها والسبه هالربع وهالاهل .. ام هزاع :- مستعيلين علينا ... يبون الفكة منا ... ما يبونا جامعيات ... ام سلطان :- تخيلج الله والجامعات الي كانن عندنا ... نادر ما تحصلينها اول والحين في كل مكان ... واذا ما كنتي جامعية ما يبونج ... ام هزاع :- الا صدق يا ام سلطان ابا اطلب منج طلب ما ترديني فيه ؟؟؟؟ ام سلطان :- افا عليج ما اردج بس ابا اعرف شو هذا قبل .... ام هزاع وهي مستحية يعني :- بغيت بنتج مريم لولد هزاع اذا ما عندكم مانع .... ام سلطان :- ما ادري والله شو اقولج ...بس البنية ما خلصة جامعة .... ام هزاع :- لا تقولين شي ... تخبري بنتج وبس ... وقولي لها ترا هزاع مب مستعيل .. واذا عندج جامعة فالصيف ما عنده مانع بيخلي العرس على آخر 8 وجيه تخلص جامعة واحنا الحين بشهر 2 الحين ... ام سلطان :- خلاص يا نورة يا أم هزاع بشوار البنية وابوها وبرد عليج خبر .... ام هزاع :- لا تستعيلون .... عنكم اسبوعين تردون فيه الخبر .. ام سلطان :- مشكورة ياالغالية بس اسبوع يكفي نعرف راي البنية ... ام هزاع :- يالله عيل اترخص انا .... ام سلطان :- تو الناس يام هزاع .... على وين ؟؟؟ ام هزاع :- لا تو الناس ولا شياته .... وبعدين ترا هزاع قايلي انه بشلني الساعة 11 والحين الساعة 11 ونص وبعده ما يا ... ام سلطان :- شفتي هو ما مستعيل ... بس انتي المستعيلة بطيرين على بيتكم وعلى ريلج وعيالج الي الله يخليهم لج .. ام هزاع :- آآمين ... بس والله صدق هو الي قالي ... اقول خلينا نتمشى الين نوصل الدروازة ( بوابة الفلة اول البيت ) .... ام سلطان :- يالله على رايج ... منها ناخذ اخبارج الي ما خذيناها منج ولا خذيتيها منا ونسولف بعد ................... الحريم الي هن ام هزاع وام سلطان لفن دورتين على الفلة وبعده هزاع ما يا ... حرقتهن الشمس. |
ام سلطان :- خلنا ندخل داخل حرقتنا الشمس ... ام هزاع :- ما فيني اليحين هو بيي ... ام سلطان :- لا اله الا الله .... خلاص ما دام الحبيب ولهان على الحبايب بنوصله احنا ... ام هزاع :- لاااااا والله حلفت عليج ... اخاف أيي الحين ما فيني اطلع وادخل ..... الا عقب شو جان يدق هزاع على امه .... ام هزاع :- هاااااااااه هزاع .... هزاع وبصوت خلا ام سلطان تسمعه طبعاً من دون قصد :- هلا ام هزاع ....هااااااااااه شو قالوا العربان .... ام هزاع وبصوت عالي:- يووووووووه بعد انته توني قايلة لهم ما واحيت .... هزاع :- انزين ... اقول اماه انا جدام الدروازة يالله طلعي بسرعة ... ام هزاع :- يالله حتى انا بعد عدال الدروازة الحين بطلع ... ..... وبندت عن هزاع .... وسلمت على ام سلطان وهي توصيها ... ................... وعقب اسبوع ردت ام سلطان على ام هزاع بالموافقة .... وام هزاع سارت هي وهزاع وبو هزاع لبيت بو سلطان علشان هزاع يشوف البنية والبنية تشوفه ..... بو سلطان وبو هزاع كانوا يالسين فالميلس وهزاع ومحمد اخو مريم ومريم كانوا او ميلس الحريم وام هزاع وام سلطان فالصالة ......هزاع شاف مريم ومريم شافته وعيبها وعيبته ..... عقب ربع ساعة من شاف هزاع مريم ( لأنهم ما طولوا اصلاً )..... طلعت مريم من ميلس الحريم وهزاع و محمد على طول ميلس الريايل ..... ويلسوا يتكلمون فالمهر وجيه يعني بعد ما عفوا راي هزاع بالبنية .. ..... بو هزاع :- اقدر اتكلم الحين فالمهر ؟؟؟... بو سلطان :- اكيييييييد تقدر .... بس احب اقول شي واحد ان مهر بنتي 100 الاف درهم ( 100000 درهم ) منها سبعين لها ومنها 30 لزهبتها وللتجهيزات .... بو هزاع :- وانا ما عندي مانع ... هزاع :- بس انا عندي مانع .... الكل يطالع هزاع بنظرة استفهامية .... هزاع :- شو بلاكم .... تراني ما قلت شي ... بس يا بو سلطان مب جنه مهر بنتك شويه عليها ... بو سلطان :- ما فهمتك وضح اكثر ... هزاع :- بنتك تستاهل اكثر و مدامني انا الي بخذها ابا مهرها 150 الف درهم ( 150000 درهم ) .... اذا ما عندك مانع .. بو سلطان :- بس هذا وايد ... هزاع :- لا وايد ولا شوية ... لأن مهرها الأصلي الي انا مثمننه 110 الف درهم ... وتجهيزاتها 40 الف درهم ... بو سلطان :- هيه بس وراك عرس وملكة وخطوبة ما تبا توفره لهم شي ؟؟!!!... هزاع :- على بالك انا حافي .... انا عندي في رصدي 400 الف درهم اذا مب اكثر ... بو سلطان :- ما شاء الله عليك ... هذا وانت بهالعمر وعندك جيه عيل يوم بتكبر اشجايل !!... هزاع وهي يبتسم :- هههه يا عمي يا بو سلطان انا فتحت مشروع ويا الربع تأجرة دراجات نارية من الكبار والصغار وبمختلف الاعمار ولا تنسى انا من 2 ثانوي وانا فالجيش يعني 4 اسنين ... يعني اقدر اجمع هالمبلغ ... بو سلطان :- على راحتك ... بس متى ناوي تسوى العرس ؟؟؟ هزاع :- على اخر 8 ..... الين ما تخلص العروس دراستها .... بو سلطان :- على خير ان شاء الله بس ما قلت لي وين ناوي تسواه ؟؟؟ هزاع :- فصالت افراح الخبيصي .... بو سلطان :- هيه انا ان شاء الله يا هزاع .... محمد :- لا تعال هزاع جم عمرك ؟؟؟؟؟؟؟ هزاع :- 20 ليش تسأل ؟؟؟ محمد :- يعني انت اكبر مني بسنة .... هزاع :- يمكن اذا كنت توك مكمل 19 لأني توني مكمل 20 سنة ... محمد :- عيل يالله ابوي انجفض قوم سير دور لي على عروس ابا ازوجها السنة الياية .... الكل ضحك الا محمد .. محمد :- شو بلاكم تضحكون ... شايفيني البقرة الضاحكة .. هزاع :- لااااا الثور الضاحك .... هههههههههههههههههههههههههه الكل كمل الضحك ....... ......... الساعة 11 فالليل.... طبعاً هزاع اكيد قال لربعه انه خطب وبيملك السوع الياي .... بس ما يهمنا ... خلانا نشوف مريم شو بتسوي ... مريم بينها وبين نفسها ....وداخل حجرتها وهي على الشبرية وتتنفس ببطئ:- اااه اااه ... اخاف اتزوج ويزعلن مني الربع ... واخاف املك ويقولي هزاع ما يباني اكمل واخاف اودر بيتنا حبيبي واسير بيت الغرب .. وانا ما عندي احد يونسي أو اعرفه عندهم ...بعدين انا ليش ما قلت لعالية اني انخطبت ... لاااااا استحي ....ما ابا اقول لها ....بس اخاف تزعل ....وهي ربيعت حبيبت عمري ...ودوم ادق لها وادق لي وتخبرني بكل اسرارها .. وانا اخونها ... لااااااااااا .... ما عليه قبل الملكة بكم يوم بقول لها وخصوصاً ان يوم الملكة قريب وايد الي هو الخميس الياي يني جدامي اسبوع اخبرها فيه .... عقب شوي تدق الباب امها .... ( دق دق دق ) انتبهت مريم لأمها ... مريم :- هااااااااااه اماه ..... ام سلطان :- مريوم هدي الباب انا امج .... يالله قومي هدي الباب .. مريم قامت من الشبرية وسسارت تهد الباب عن امها ....... ام سلطان :- هاه رقتي ... مريم :- لا والله ما راقت ... ام سلطان :- مبروك يا بنيتي ... مريم :- الله يبارك فيج .... ام سلطان :- عادي ايلس وياج ادردش شوي بس وبطلع .. مريم :- جياج اميه تفضلي الحجرة حجرتج .... ام سلطان وهي تيلس على الشبرية :- يا بنيتي شو رايج بهزاع ....حلو ولا لا مريم :- شكله اوكيه ... وايد حلو ... وطوله اوكيه بس ضعيف وايد ... ونافخ نفسه بالكندورة القرطاسية ... ام سلطان :- هههههههههههههههه حلوة نافخ نفسه .... وانتي شدراج انه ضعيف ؟؟؟؟ مريم :- من شكله وبعدين تراني اميز بين الضعيف الي ينفخ نفسه وبين العادي وبين الدب الي يظعف نفسه .. ام سلطان :- ما شاء الله عليج .... يعني انتي مستعدة للملكة .. مريم :- والله ما ادري ... ام سلطان عادي تتأجل الملكة اذا تبين ... ونسويها قبل حفلة الخطوبة بأسبوع أو بكم يوم ... هااااه شو قلتي .. مريم :- لاااا عادي املك جريب بس المشكله ربعي الين الحين ما قلتلهن ... ام سلطان :- بس !!!.... لو بتعتمدين على راي ربعج... اسمعي كلامي وقوليلهن انج انخطبتي وملكتي بعد علشان هزاع ريال والنعم فيه وما اضني بتحصلين واحد شراته .... انا امج ... امكلي الحين وعقب قوليلهن ... وبعد دريتي ؟؟؟ مريم :- شوه ؟؟؟؟ ام سلطان :- ان هزاع خلا مهرج 150 الف درهم ... يعني الريال شاريج ... مريم :- والله ؟؟؟؟ 150 ألف مرة وحدة حق المهر عيل الزهبه شوه !!.. ام سلطان :- لاااااااااا يا مريوم المهر وبيزات التجهيزات كلهن 150 يعني مهرج 110 درهم بروحه و40 ألف درهم حق بيزات التجهيزات ... مريم :- هيه ..... زين .... اوكيه .... برايج عيل املك واقول لهم ... ام سلطان :- عيل اخليج الحين ترقدين ... يالله ... تصبحين على خير مريوم ... مريم حبت راس امها كالعادة و:- وانتي من اهله اميه .. وطلعت ام سلطان من حجرة مريم .... ........... يتبع ....... |
الحلقة ( 5 ) .... اليوم السبت ....فالجامعة .. عالية ومريم وعنود .. يتمشن فالجامعة الين ما يوصل الدكتور .... وهن يتمشن ... مريم وهي مستحية :- عالية ابا اقول لج سالفة بعدين ممكن ... عالية :- خير ان شاء الله ... عنود :- افااااااا ما تقولين لي... ههههههه لااااا عادي انا بسير اشوف الدكتور وصل ولا بعده يتمشى كالعادة ... مريم :- وين باجي ربع ساعة ..... 15 دقايق ... خلي الريال في حاله ... عنود :- ما عليه ... انا اصلاً مليت من يلستي وياكن ويا ويهكن السوالف مالاتكن كلها لا قصدي نصها مشفرة .. عيل شو افهم انا منها ؟؟... لااااا والله اسفة ... اقول بسير عند يزوي ( اليازية ) ... اوكيه خذون راحتكن ... وعقب ابا السالفة بالتفصيل ... عالية وهي تبتسم ويا ضحكة خفيفة :- صدق انج ملقوفة ..... ما تيوزين عن طبعج .... يبوج سالفة ... يعني سر ما يصير انخبرج اياها ... عنود وهي رايحة :- يالله انزين ... قولن السالفة بسرعة قبل المحاضرة ....لأن باجي ربع ساعة بس ... يالله انجفضن ... مريم بعد ما سارت عنود سارت تيلس على الكرسي الي عدالهم وياها عالية مريم وويهها لعالية :- عالية انا اخاف اقول لج سالفة وتزعلين منها .... ويمكن تفرحين منها ... عالية :- ما فهمت ....قولي السالفة وبعدين سأليني على راحتج مريم :- عالية ... في واحد يانا البيت ووووووووووووو...... عالية وهي تبتسم وبنفس الوقت تقاطع مريم :- لاااااااا تقولين انج انخطبتي ... مريم وهي تبتسم :- هيه نعم انخطبت ... وبلج جريب .... عالية :- ومنوه هذا سعيد الحظ الي بياخذ مني ربيعتي .... مريم :- هااااااه لاااااا ما بقولج عقب الخطوبة بخبرج .... ولا بشفرة بعد .... علشان ما تعرفينه ولا تعرفين اهله ... عالية :- حرام عليج .... انزين خبريني الحرف الأول .... مريم :- ما يصير .... لو قلت لج اكيد بتعرفينه وهو اظني الاسم الوحيد الي منتشر بحرفه الفريد فالامارات .. عالية :- انزين قولي وحلف ما اخبر احد .... مريم :- لاااااااا والله امي محلفتني ما اقول ... قالت لي خليها مفاجأة لهم .... عالية :- بكيفج انزين .... حتى انا يوم بيخطبوني ما بخبرج لا اسمه ولا اول حرف ولا عمره ولا اوصافه ولا يوم بملك و لا حتى حفلت الخطوبة بس العرس بعزمج .. مريم وهي تضحك ههههههههههههههههههههه عالية :- لا تعالي هو من وين ؟؟؟؟؟ مريم :- من الدار .... دار الزين ... دار الزعيم .... من العين ..ههههههههههههه عالية :- جم عمره ؟؟؟؟؟؟ مريم :- 20 سنة ... عالية :- لا تقولين انج ما بتكملين الصيف ويانا ....... مريم :- لاااااااااااا ..... شرطت عليه اني اكمل الصيف .... هيه هذي اخر سنة والعرس بنسويه اخر 8 يمكن .. عالية :- زين طمنتيني ... ولا بنتحر اذا ما كملتي ويانا والسبة هالريل ... مريم :- ههههههه بعده ما صار ريلي .... خطيبي بس ... عالية :- انزين كله واحد ... وبعدين تراج بتملكن عقب جم يوم ...... مريم وهي مستحية وبنفس الوقت اتشوف الساعة ... مريم وهي تشهق:- ايييييييييييييييييي عاليوة قومي قومي نشي ... عالية :- ليش ؟؟؟؟؟؟ مريم :- باجي دقيقة وجدامنا مسلفة طويله الين ما نوصل ... عالية :- واااااااااااي دقيقة .... عيل خلينا نركض بسرعة ... لان هالدكتور الكريه ما يدخل احد بسرعة ..يعطيه محاضرة ...جنا مب سادتنا محاضرته الاساسية ... مريم :- ليش وانتي نسيتي اني انا وانتي بنساعده اليوم في محاضرته .... عالية :- شو بنساعده ؟؟؟؟ مريم :- فالقاء المحاضرة وتمثيل بيانات المحاضرة .... عالية :- هييييييييييييييه والله نسيت بس هي سهلة ويالله ترا ماشي باجي وقت ... مريم :- عالية قولي آآآآمين ... ان الدكور وهو يركب الري يطيح وتنكسر ريله !!!!.... عالية :- آآآآآآآآآآآمين .... وقامن يركضن بسرعة ... الحمدالله ان الكل تقريباً عليه محاضرة وما شافهن وهن يركضن وبعباياتهن ...*( الي يشوفهن ما بيستغرب بيتحراهن بات مان وحرمته ..ههههه..)* طبعاً وصلن قاعة المحاضرة وما لقن الدكتور سألن البنات وقالت ما يندلنه ... الدكتور يالس ورايق على الآخر .. ويشرب عصير .... عقب يا الدكتور والقا المحاضرة من دون لا تساعده مريم وعالية ... يحليله نساه العصير البارد .... ..... بعد ما طلع هزاع من الحمام الي في حجرته .... جان يرن التيلفون .... هزاع شل التيلفون ومن دون لا يطالع الرقم ولا صاحبة ..... هزاع :- الووووه شيخة :- هلا حياتي ... هزاع :- امنوه وياي شيخة :- افاااااااااا حتى شواخ ما تعرفها ... هذا دليل انك ترمس خيرها .... هزاع :- هيه ارمس غيرها عندج مانع ... آآآآآسف قصدي خواتي .... وعماتي وخلاتي ويداتي ووووو الي الأخر .. مب صدق .... شيخة :- اوكيه مسموح .... انزين شخبارك هزاعي.... هزاع :- شواخ اسمي هزاع مب هزاعي .... لاني ما احب احد يزجرني بهالاسم ... شيخة :- خلاص هزاع ... احب اقول لك شي .. هزاع :- قولي ..... شيخة :- باجر بوح المول انا بروحي بتسير وياي .... وطبعاً كلمت امي وقصيت عليها وقلت لها ان ربيعتي وياي وخليت السايقة توديني المول الساعة 12 فالليل .. هزاع :- الله 12 فالليل .... جيه انتي ما ترقدين ؟؟؟؟.... شيخة :- لااا انا ارقد المغرب علشان ارح السوق ... والمولات ... هزاع :- ليش ما تروحين فأوقات ثانية ؟؟؟؟؟؟.... شيخة :- لأن زحمه ما شاء الله على عيال الامارات كل يوم فالمولات مسوين زحمه ما يخلون احد يشتري وخاصتاً هالايام .... الي يبا يفصل والي يبا يختار فستان عرس والصالونات مسكته ... هزاع :- هههههههههههههههههههههه الحمد لله اني مب بنت علشان ما اتعب عمري فالصلونات بس احلق واروح ما يحتاي اصبغ شعري شرات بعض الشباب المتفيجين .... الخ ... شيخة :- يالله عيل باجر بنتلاقا .... اوكيه ؟؟؟ هزاع :- اوكيه حبيبتي....بس اخاف احد من اهلج يشوفني وياج ... شيخة :- لا تخاف انا اصلاً حاسبة حسابي لأني ابوي واخواني الاثنيني اليوم مسافرين عند واحد برع الامارات ... و اخوي الثالث صف سادس ما يقدر يطلع برع البيت ويروح المول . حتى لو قالت لي امي ما بطيع وبقول خله يرقد احسن وبعدين انا مب سايرة اتمشى هههههههههههههههههههه هزاع :- ههههههههههه انزين غناتي ..... |
وفعلاً تلاقا هزاع بشيخة بعد ما تهربت شيخة من ربيعاتها وقالت لهم انه اخوها ... وهاي الحركة هزاع مب اول مرة يسويها مع شيخة وعنود بعد بس كان ملتزم شوي وما يوصل لعرض البنات ... ...... وعقب مرور الشهور ..... ( حالياً شهر 6 وعلى بدايته بعد ) ...... .. بعد الملكة هزاع يلس ويا مريم بروحهم فالميلس حولي تقريباً ساعة .... الين تعرف عليها وتعرفت عليه وجيه .. وهي اصلاً خلاص صارت حرمته .... اتفق وياها على موعد حفلة الخطوبة .... وحدوها انها عقب 3 اسابيع .... ...... وفي يوم الدارسة وتحديداً فالجامعة .... مريم وهي تقول لعالية :- باركيلي ملكت جريب .... عالية والبسمة الحلوة :- قولي والله ؟؟؟ مريم وهي تبتسم :- والله العظيم .. عالية وهي تبتسم :- مبروك مريوم ... اتصدقين حتى اخوي ملك جريب .... مريم :- مبروك ...ومنوه هاي سعيدة الحظ الي باخذه ؟؟؟؟ عالية :- والله ما ادري يوم اسأل اخوي يقولي ما يخصج ... ويوم اسأل امي اتقولي اخوج محلفني ... مريم :- يالله مبروك عليه ... العروس .. عالية :- الله يبارك فيج ....ومبروك عليج المعرس ... مريم وهي مستحيه :- الله يبارك فيج .... عالية :- ومتى حفلة الخطوبة ؟؟؟؟ مريم :- عقب 3 اسابيع ... عالية :- انتي ليش نفس اخوي ... اخوي بعد حفلته بعد 3 اسابيع .. مريم :- لا تقولييييييييي .... عاليوه قولي آآآآآآمين عالية :- ليش ؟؟؟؟ مريم :- انتي قولي وبس ... عالية وهي متردده بس ضغطت على عمرها وقالت:- آآآآمين مريم :- ان اخوج حفلت مب بنفس يوم حفلتي علشان تحظرينها .. عالية :- عيل ازيدج آآآآآآآآآآآآآآآآآآآآآآآآآآآآآآآآآمييييييييييي ييييي ين مريم :- فصلي أو استاجري فستان كشخة بس مب احلا مني انزين ... عالية :- ان شاء الله ... ..... وبعد مرور اسبوعين قال هزاع لخواته ولكل اهل البيت ان خطوبته الي حدها يوم الخميس هذا طبعاً جدامهم اسبوه بس يتزهبون له .... طبعاً عالية دقت على مريم تعتذر منها لأن حفلة خطوبة مريم ربيعتها في نفس يوم حفلة خطوبة اخوها ...ومريم تقبلت الوضع ....عالية وعلياء ومريم خوات هزاع مطيحات فالمولات من صباح الله خير الين المسى الساعة 2 فالليل .... الين ما اختارن الفساتين الي تناسبهن ..... ويتفقن ويا الصالون الي بيتعلدن فيه ويتحنن ويصبغن شعرهن واكيد امهم اول وحده تسبق على الحناء والتمكيج والتسرحات .... .... اليوم الخميس .... بالتحديد حفلة خطوبة هزاع ........ وفي فلة بو سلطان .... الكل تجمع حوال 2000 شخص تقريباً اذا مب اقل طبعاً الحريم اكثر من الريايل .... والريايل تقريباً 800 اذا مب اقل .... الحريم في كل مكان الي فالسكة والي فالصالة والي فالصالة الرئيسية والصالة الاحتياطية وغيرها ... المهم .... بعد ما خلص العشى نزلت العروس وفكتهم من المحاتاها ... يبون يكحلون عيونهم بشوفتها ... و ترا الكيكة واصلة من ساعة والحين الساعة 11 فالليل .... نزلت العروس من الدري الطويل الي في نص الصالة والكل يطالع العروس وهي تنزل ... طبعاً كانت لابسة فستان ذهبي مع شوية خطوط ودواير عيناوية و له ذيل طويل وحلو ولايج على الفستان والطرحة طويله وذيها اطول بعد واليدين عريانة (( يعني بدون اكمام بس حمالي )) ... كانت التسريحة تلف شعر مريم بالكامل التسريحة وايد حلوة ولأن مريم شعرها طويل وحلو ولونه عنابي مايل للأسّود ومنزله خصل من جدام شعرها ومخليتنهم ورا اذنيها ومخليه القصة جدام ... والمكياج وااااايد لايج عليها وحلو وهاي والوردة كانت عيناوية ويا بعض الورود الذهبية وكانت طويله بعد علشان تطلع على الفستان روعة ... نزلت العروس على الزفة الي مشغلينها لها بالمسجل ... الكل فرحان ومستانس ... الا ثلاث بنات ... هن (وعالية محمد خت هزاع وسلمى سلطان عالية حمد بنات عم هزاع ) وهن يالسات يفكرن يسلمن عليها ولا لا وبعدين الشكل مب غيرب عليهن خصوصاً عالية خت هزاع وهي حاطة في بالها انها يمكن تكون مريم ربيعتها ويمكن تون وحدة تشبها ( خلق من الشبه اربعين ) والاحتمالات هذي بعد عند بنات العم ....كلهن خافن يسلمن عليها وتطلع مب ربيعتهن وخايفات ما يسلمن عليها وتطلع ربيعتهن .....المهم .... مريم يلسة وعقب نص ساعة وصل المعرس هزاع وهو رافع الخشم كالعادة ولابس الكندورة البيضا القرطاسية ولابس الغترة البيضا والكشمه العيناوية مع ابيض وكان مترتب وتزكرت ومتعدل حق حفلة الخطوبة ويوم وصل عندها ... حبها على راسها وعلى خدها ولبسها العقد والشغابات والدبلة و قص وياها الكيكة وكلقمها ولقمته وعقبها يابولهم عصير في كوب واحد وفيه بيبين كل واحد يشرب الثاني ويتبادلون البيبات ... وجيه يعني كله وناسة وضحك وهزاع ويا غزله الحلو لعروسته ( كلمتين خليتهم غزل ) المهم وابتسامته الحلوه ويا ابتسامتها الكشخة ... وعقب ما راحوا الناس يلس هزاع ويا مريم يصورن والمصورة طفرت ابهم الا سو جيه وسوي جيه وكلام ما اول ولا آخر ...وعقب ما خلصت المصورة من التصوير سار هزاع لفلتهم يبى يرقد لأنه من صابح الله خير ويا انسابه ويشوف شو ناقصنهم وعقب راح الصالون يتعدل ..... كانت الساعة 1 فالليل الكل سار ورقد .... ........ ويوم الجمعة دقت عالية اخت هزاع على مريم ربيعتها مريم :- الووووووه السلام عليكم عالية :- وعليكم السلام هلا مريوم شحالج ... مريم :- بخير الحمد لله انتي شخبارج .... عالية :- دامج بخير انا بخير .. مريم :- هاه شو كانت حفلة خطوبة اخوج ؟؟ عالية خافت ما تطلع هيه وتتقفط وقالت اشفرها احسن :- حلوة وايد ... ويلسن ياخذن اخبار بعض ....بس من دون لا تقول عالية لمريم ان العروس تشبها وايد ...وان اخوها الي بيعرس اسمه هزاع .... .... يوم الاربعاء هزاع وربعه كالعادة فالمولات تلاقوا المرة في انصاري مول ... في دبي .... لأنهم ملوا من صحاري مول الي فالشارجة دوم مطيحين فيه .... المهم ... الكل تجمع بستثناء هزاع وعبدالله وفهد راشد ... اول ما دخل هزاع المول دق تيلفونه وكان من سيف .... هزاع :- هلا سيف سيف :- هلا هزاع ... وينك ؟؟؟ هزاع :- نوني واصل ما واحيت انا الحين جدام البوابة يالله يا ينكم ... الا انتوا في أي طابق .. سيف :- الطابق الاول .... عند الكراسي على يمينك ... هزاع :- هيه هيه شفتكم .... سيف :- يالله عيل تعال .... وسكر هزاع عن سيف وسار هو وعبود عند الشلة .... الربع :- هلااااااااااااااا بالمعرس اليديد ... هزاع :- هلا فيكم والله عبدالله :- شخباركم الربع ؟.... الربع :- بخير الحمد لله ... السؤال هذا نوجهه لهزاع ؟؟ هزاع :- بخير شو تبوني اقول لكم يعني ... حمد :- اونك عاد ...ما نعرف شو تقول ... مزاحم :- خلوا المعرس في حاله ما نبا تخرب عليه الجو ... يالله شباب خلونا انخلي هزاع بروحة وانروح ارقم ونغازل لنا بنات جيه حلوات ... هزاع :- لاااااا والله !!!! سالم :- صدقه مزاحم انت الحين معرس ما يصير ترقم وتغازل ... هزاع :- على كيفكم عيل برويكم انا اول واحد برقم اليوم ... حمد :- ما يصير هزاع .... هزاع :- جيه يصير ... عادي انا بعدني ما عرست بس ملكة وحلفت خطوبة ... محمد :- يعني ما بترقم وتغازل عقب ؟؟؟ هزاع :- يمكن ليش لا .... احمد :- بس هزاع ما يصير جيه بتخون حرمتك وانت باول زواجك .... هزاع :- بكيفي وبعدين محد له خص فيني ....انا ريال واسوي الي ابا ... فهد راشد توه ايي ويقطع عليهم اليلسة .. وقاموا بعد ما باركوا للمعرس هزاع وساروا يغازلون ويرقمون الين الفير ... وعقبها روحوا البيت ..... ( شفتوا ريايل آخر زمن ... الله المستعان ) ...... يتبع |
الحلقة ( 6 ) طبعاً عقب الخطوبة والملكة هزاع سار وشبك غرفة الالعاب والكمبيوتر الي جدام باب غرفته حجرته وسكر عليهم بيدار ثالث علشان يخليه جناح ... غرفة وحمام وصالة ( باب الحجرة مجابل باب الصالة وبينهم السكة و الحمام )...كان الجناح حلو وكشخة وايد ... حتى ديكوراتها واثاثها كان وااايدكشخة وهذا يدل على ذوق هزاع الحلو ... .... حالياً شهر 8 وعلى نصه طبعاً بعد ما خلصن البنات جامعة مريم عرست والعرس كان وايد حلو ومسوينه في صالة الخبيصي ... تعالوا اخبركم شو مسوين فالعرس .... مسوين الله يخليكم .... ان المعاريس اول ما دخلوا طبعاً على الزفة ( الله صلاة والسلام عليك يا حبيب الله محمد ..... ) المهم ... بعد ما وصلت العروس والمعرس لأنهم دخلوا مع بعض وتوهم بيركبون الدري ... البنات الي هن علياء خت هزاع وسارة ابنت عمه طلقن العصافير وطيرنهن .... وعالية اخته وعالية بنت عمه يالسات يعقن الورود على المعاريس ....وطبعاً المصورة جدامهم ووراهم ما تعرف تيلس في مكان وكان هزاع لابس الكندورة البيضا القرطاسية ولابس الغترة البيضا والبشت الاسود الرزة ... وكان متزكرت وايد ..... عقب جان يحطون الأغاني الكشخة مالات حمد العامري وحربي وحسين الجيمي ووووووو الخ ... بدال الرزفة واليولة مالت الريايل الي سوها من قبل برع ... اوه تعالوا ما قلت لكم شو مسوي هزاع برع عند الريايل ... يايب لهم فرقة دبي الحربية ومخلي الشباب يرزفون ويولون وياهم حتى الصغار امسكين مسكبات ويولون ابهن ومخلي المصور يصورهم مباشر ويعرضه عند الحريم وكانت وايد حلوه اليوله والرزفة مالتهم....ازين الحين بكمل ..... ويوم وصلوا يلسوا على الكرسي جان يطلعون عند الكوشة 6 اولاد وصافين اثنينة اثنينيه (سيف وعبدالله اخوان هزاع و محمد و سلطان وسيف وحمد عيال عم هزاع ) طبعاً *سيف اخو هزاع ويا سلطان ولد عم هزاع اول شي لأنهم صغار وشرات بعض وبنفس العمر ومسكباتهم سود وعليهن علم الامارات * وعقبهم * عبدالله اخو هزاع وحمد ولد عمه لأنهم بنفس العمر ومتوسطين ومسكباتهم سود ويا عيناوي وعليهن علم الامارات * محمد وسيف عيال عم هزاع مع بعض لأنهم بنفس العمر وكبار وعمرهم 9 سنين ومسكباتهم سود وعليهن علم الامارات* وركبوا الكوشة وهم بنفس الترتيب الين ما تجاوزا الجسر ((الدرب الطويل الي يكون بين الدري والكوشة _ اضني جيه اسمه _)).... عاد اول ما وصلوا الكوشة بدأ الاولاد الستة بالتفرق يعني سيف اخو هزاع على يمين الكوشة وواه حمد وواه سيف وعلى يسار الكوشة سلطان و واه عبدالله اخو هزاع و واه محمد وكانت التشكيلة وايد حلوة يعني الترتيب بالمسكبات بعد حلو سودا وعقبها مسكبة سودا ويا عيناوي وعقبها مسكبة سودا ونفس الشي فالصوب الثاني وبدو اليوله والرزفة مالتهم ... وعقب 10 دقايق تركب الكوشة بنتين صغار حلوت وشالات ورود صغار ولابسات ابيض وهن طبعاً بنات عم هزاع وعمرهن 5 وعقبهم بنية حلوة الي هي مريم اخت هزاع وعمرها 11 وهي اصلاً قصيره وضعيفة وما يبين عليها وكانت لابسة فستان عيناوي ويا ابيض وايدينها عريانات بس الحمالي شالنهن وكانت شالة وياها باقة ورود حلوة وايد ولونها ابيض ويا عيناوي وبداخلها قوطي ( صندوق ) ابيض وحلوا وايد وعليه حمامتين صناعيات وعداله شوية حلاوة .. سارن الثلاث بنات من بين الست اولاد الي كانوا ايولون وحطت مريم اخت هزاع الباقة قدام الطاولة وسارن سلمن على هزاع ومريم وعقبها يلسن بنات عم هزاع ( البنتين الصغار ) وحدة عدال مريم وحدة عدال هزاع وعقبهم يت اخت العروس الصغير ويلست في نصهم وكان شكلها روعة اليلسة بس هزاع ما ارتاح كان نيته يرفس هالبنية الي بعدته عن العروس وهو يتحرا ان البنية خربت التشكيلة الحلوة ( اسمح لها داشة عرض ) شكل التشكيله وايد حلوااااا بمعنى الكلمة شكله هزاع هو الي مرتبنها ومدربنهم عليها ... كانت مريم تطالع المعازيم .. وتقول بينها وبين نفسها ان شاء الله عالية يات ... وعقب شوي جان تجوف وحدة تشبة عالية بالضبط بس هاي متمكيجه وايد .. لا اكيد مب هيه ... وبنفس الوقت عالية اخت هزاع وعالية بنت عمها تفكرن بالعروس هذي معقوله مريم الي نعرفها .. لااااااا ما ضنتي لو كانت هي العروس جان قالت لنا وحتى امي جان خبرتني .... وبعدين ... هي ما قالت لي انها بتاخذ اخوي ... لا ما ضنتي هذي ربيعتي مريم ... ويابولهم العصير الي كان في كوب واحد ويابولهم وياه بيبين نفس حركة الخطوبة ....بس أحلى... عقبها بشوي قام هزاع ومريم يقصون الكيكة الي هو ياينها وكان كاتب عليها ( ( ( هزاع ومريم ) ) ) هذي من الاوجه الكيكة الي عبارة عن 6 طوابق اما الأوجه الجانبية كان كاتب فيها جمله ((مبروك لهزاع ومريم )) كانت الكيكة فراولة و ككاو وفانيلا ..... المهم كان شكلها روعة كششششششششششششخة ..... وعقبها الناس كلها راحت وصارت الساعة 1 فالليل ... هزاع مسك ايد مريم وسار وياها بعد ما لبست العباه فق الفستان والشيلة وركبها هزاع الاستيشن عقب الزفة الحلوة الي مسونها اهله واهلها لهم و عقب ما الكل ركب السيارات وتحرك هزاع سوله مسيرة الين فلتهم .... هزاع كان فرحان وايد ولا وكان يرمس مريم فالسيارة .... ومريم احليها ما رامت ترمس الا شوي ... وهي تفكر اشجايل اليوم بتيلس وياه وبترقد وياه ولا في حجرة وحدة بعد ... وهو عنده خوات ولا لا ... يمكن ما عنده خوات وابتلش انا بالاولاد ...شوي ويقطع حبل تفكير مريم هزاع .... هزاع :- حبيبتي هذا بيتنا يعني وصلنا ... هزاع وقف الاستيشن جدام مدخل الفلة نفسها مب جدام دروازة الحوش مالها ونزل هزاع ونزل مريم.... وعقبها دخلها داخل ورقاها فوق وهو يساعدها على شل الفستان .....هزاع يقول بينه وبين نفسه . عنبوه هذا مب فستان هذي يونية عيش ... والله لو انا بنت منا لبسته .. ... صدقه لأنه ولد مب بنت .... وعقب ما دخل حجرته ... كانت الشنط الخاصة بمريم مخلاية مكانها محد فتحها وهذا الي ريحها لانها تحب تحط اغراضها بنفسها ... وكانن 6 شنط وهي الي زهزبتهن 5 اشجايل وحدة كانت هدية من هزاع لها وكان في صندوق شكله مال المندوس وعليه ورود حلوات وعليه عصافير صناعيات .. المهم مريم خلتهن في حالهن وسارت هي وهزاع للصارلة ويلسوا على كرسي واحد وهم بلايس العرس ويلس يرمس ويدردش وياها بس هي كانت ترد بصوت خفيف وبجمل مختصرة ومشفرة بعد .. هزاع :- اوكيه براحتج عيل بخليج انا بسير انزل تحت ايب ماي وعصير وبرد ... تبين شي ثاني حبيبتي ... مريم وهي في قمت المستحى وبصوت النعومة :- لا هزاع :- عيل قومي وسيري اسبحي وخوزي هالمكياج الحلو واللميع والشباصات الي في شعرج .. ترا اذا تخبلت جريب لا تقولين ليش .. ترا هذا كله من جمالج ... الي ما اروم عليه .. اوكيه حبيبتي .. |
مريم وهي مستحيه هزت راسها بنعم وشوي بتي وبتعطيه كف على ويهه لأنها مب متعودة احد يقولها حبيبتي غير امها وابوها وما تعودتها من احد ثاني .... مريم كانت تعرف الشنطة الي حاطة فيها ملابسها قامت وبطلتها طبعاً عقب ما طلع هزاع من الجناح .. وشلة لها كندورة حلوة كانت بيضا على عيناوي ويا ورود عيناوية ومكتوب على طرف الكندوة عيناوية للأبد .. واااااااايد كشخة .. وسارت الحمام علشان تسبح وتخوز اللميع على جسمها وعلى شعرها الي بصعوبة خاز والمكياج بعد خوزته وطلع من الحمام .. الا جان يدخلهزاع وهي ويه بويه منبينهم بس مترين ... وهزاع ... عينة مصوبه على جسم مريم وشكلها من تحت الين فوق ... حتى شعرها ما خلاه في حال سبيله يلس مركز على عيونها وعلى كل شي فيها تقريباً وكان كل هذا في دقيقتين بس ولا هو حافظ شكلها .. ( ريايل ما ينلامون مركبين رادرات ولا وبسرعة تزخ بعد ) مريم كانت مستحية كانت نيتها تسير من جدتمه بس ما قدرت ريولها ما طاعت تمشي .. تبونها تزحف يعني ... هزاع :- الله الله على هالجمال والله .. انا ويني عنج من زمان ... مريم هي تلف تبا تجوف غرفة النوم الي كان هزاع قافلنها بمفاح ... هزاع :- حبيبتي .... وين ؟؟؟ تبين ترقدين ؟؟ اكيد تعبناج فالعرس ... مريم وهي منزله عيونها للدعنة وبفس الوقت مستحية وبصوت النعومة ..:- لا عادي ... هزاع :- هذا المفتاح توني ياي ابطل الباب لأني كنت ناسينه فالمكتبة مالت الصالة ... الي فوق ... ادري انج بتقولين عني مهمل بس يالله . الانسان مب معصوم من النسيان وانا نسيته فالمكتبة ... قام هزاع وبطل الحجرة مالته وكانت فنانة كانت عيناوي ويا ذهبي هزاع :- تفضلي .. مريم وهي تتنافض لانه وراها مرة ماشي من بينهم الا شعره بس ويلتصق فيها ...اول ما دشت الحجرة مالته سارت تتطالع الحجرة عدل وهي تقول بينها وبين نفسها . ان شاء الله يرقد وما يسألني أي شي حتى عن الحجرة . . هزاع :- هاه عيبتج ...؟؟؟ ... مريم وهي تتنافض وتقول بينها وبين نفسها توني ادعي انه ما يسألني ومسرع ما سأل وردت عليه :- هيه .. هزاع :- عيل اخليج أنا بسير اسبح وبرد لج .. اوكيه . مريم اكتفت بهز راسها ... وسار هزاع وفصخ كندورته وعقها على الشبرية ..وسار للكبت وطلع بطرول اسود ويا فانيلة سودا عريانة .. وسار الحمام يتسبح . مريم أول ما سار هزاع الحمام على طول راحة الصالة وقفلت الباب بالمفتاح وبغت ترقد بس ما ياها رقاد .... كانت متزيغة احليلها .. وهزاع اكيد ما سمع يوم مريم يوم قفلت باب الصالة لأنه يتسبح وعقب .. طلع من الحمام وهو يل ويهه فالفوطة ... وكان شكاه واااايد كشخة . خصوصاً ان شعره ولحيته وعيونه ولبسه كان كله اسود .. وفوق ضعفه بعد .. لأنه كان ضعيف وااااايد ...وهو بروحه ابيض مملح .. هزاع وهو توه يفتح باب الحجرة مالته .. ولا جان ما يحصل مريم وهو يقول في نفسه ... هذي وين سارت وبأول يوم والساعة الحين 2 الا شوي ... وبعدين لف وجان يجوف باب الصالة مسكر قال اكيد هي هناك .... قال خلني اتأكد .. بغا يفتح الباب بس ماا قدر قال ادق الباب .. دق ... دق... دق . هزاع :- مريم مريم وهي توها تنتبه على هزاع الي يدق الباب ويزجر اسمها على السانه .. قالت اخاف ارد يقولي بطلي الباب ... واخاف ما اطيع ابطله الباب يقوم ينازعني وانا بصارحه ما اعرفه شو يسوي اذا ما رديت عليه . اقول احسن اخلي عمري راقده وجني ما ادري عن شي ... هزاع :- مريم انتي راقده ... محد يرد ... هزاع قال اكيد راقدة وانا بعد بسير ارقد ... و لان الفرصة راحت علي بس يالله خيرها فغيرها ... ..... الصبح الساعة 6 ... قامت مريم من الرقاد لأنها تعودت اتقوم فهالوقت ....تصلي واتسير تدرس شوي وعقبها تروح الجامعة . علشان جيه قايمة الصبح ( تبون الصدق هي ناشة يوهانه وتبى تتريج وبالمرة تراها تسير اتصلي ) جان تفتح باب الصالة الي هي رقدت فيها وجان تجوف باب الحجر ة مبطل وهزاع مب مبين وينه ..!! عقب تفقدها العشوائي السريع من الباب جان تجوف اللحاف متبهدل ومنتهض وما ادري شوه والمكيف مطول عليه آخر شي والحجرة تقول ساير الاسكيت تبى تتزلج ... مريم طبته وسارت الحمام تبى تتوضا واتسير اتصلي وعقب ما صلت ... كانت يوعانه وايد . جان تسير للثلاجة و تحصل جلكسي وبيبسي وباونتي وانواع من الكافي والفانتا وغيره من الشاني .. الخ .وهي مب متعوده تتريج على كافي ولا مشروب غازي تبى تشرب شاهي على الصبح وتتريج وتاكل خبز سمون فطاير بلاليط هريس أي شي .... الحلوة جان تجوف جيك ماي متروس مب مشروب منه الا كوب واحد ويمكن نصف بعد .. سارت وشربت كوب ماي ... وبعدها سارت الصالة تبا تطلع التلفزيون يمكن اتجوف شي زين .... تمت على التلفزيون حوالي ساعة كاملة .. والريال راقد .... قالت خلني اشرب ماي واسد يوعي ...شربت ماي وسارت تتطالع مكتبة صالة جناحهم وكانت فيها كتب وايد .. قالت اوب الريال متثقف ... عنده كتب واااايد .. بس شكل الكتب يديده اضني يايبنها يوم اثث الجناح ..... ( الا يايبنها قبل العرس بيومين هع هع هع ههههههههه ) .... يات الساعة 8ونص والى الحين الريال ما قام .. مريم شوي وبتموت ( تدرون ليش خلص الماي عنها وما بقى غير كوب ماي واحد بس ) .... مريم تجرأت وقامت وسارت عند هزاع . وقفت عداله وبينهم بمتر واحد . وهي تطالعه وتطالع البراءة الحلوة عليه .. وتطالع لبسه وتطالع شكله الحلو جيه .. ( هو من اول جيه حليو ) .... وقالت له :- هزاع ... قوم الساعة 8 ونص .. هزاع ما رد عليها وهو غرقان في سابع نومه... . مريم :- هزاع الساعة 8 ونص قوم بسك رقاد ... ونفس الحركة ما رد عليها .. مريم هزة اللحاف شوي شوي ..علشان يحس .. قام ومسك اللحاف وغط عمره من البرد .. مريم هزت هزاع بهزة قوية اقوى من الي قبل .. مريم :- هزاع قوم بسك رقاد .. هزاع :- انزين .. باجر بسير . مريم :- وين ؟؟ هزاع :- مزاحم اذا ما قمت من جدامي بكفخك بنعال .. تسمع ...؟؟ مريم خافت على عمرها اتريته شوي الين يهدى .. وعقب ردت عليه وهالمرة وبصوت اعلى مريم :- هزاع قوم نش . ما طاع ينش .. قامت رشته بشويه ماي ... ( قطرتين بس ) هزاع وبصراخ :- هيييييييييييييييييييييييييييه شوه عندكم .... حرام الواحد يرقد ... يعني .. خلاص ارتاحوا بسير الشاليه عند الربع وبرقد وبريحكم مني ... انزين ... عاد الحين خلوني انام ... وتلحف باللحاف مرة ثانية ... مريم خلته شويه .. وعقب مطت تاللحاف عنه مب كله لا نصه ... مريم :- هزاع ياله قوم الحين الساعة 9 الا ربع .. ما تبا اتصلى . هزاع ما اهتم من اللحاف الي شلو نصه عنه .. وكمل رقاد .. مريم :- هزاااااااااع وبعدين عاد ... هزاع :- اووووووووووووووف والله حالة ترا فهيد اذا ما خزت الحين بصفعك ... مريم :- هزاع انا مريم .. مب مزاحم وفهيد ما ادري فهد .. هزاع :- وانتي شو تبين كم مرة قلت لج لا توعيني مب هايج المرة مصفعتج ... تبين غيره يعني ... مريم :- شو قصدك ... انا .. هزاع راقد وما عليه ...(* يحليله رقاده وراسه ثقيل بس انا اثقل ههههه* ) مريم ما يأست قامت ومطت اللحاف كله هالمرة بس هزاع وما نش على العكس تلفلف على نفسه ... جنه حصان البحر .... ولا همه ولدّ طالقة حرارية بنفسه .... ولا.... دخل راسه تحت المخده .... ( لا تلومونه هو بلاه ما يدري منوه الي يوعيه ولا جان نش من اول مرة توعيه ) .... مريم انقهرت منه لأنه مب عاطنها ويه راحت يابت له كوب ماي .... ونضحته بالماي .. هزاع نش يصارخ ... هزاع وهو شوي وبيصفع مريم ( بس الحمد لله مريم بعيدة ولا راحت فيها ) طبعاً وهو مغمض عيونه :- عاليووووووه الكلبة ..... يالنذلة انا جم مرة قايل لج لا توعيني هاااااه .... والله انج نذله .... بتخوزين وبتعطيني اللحاف ولا اشوه ..... مريم وهي تتنافض وبنفس الوقت مستحية منه ومن الي سوته :- هزاع انا مب قصدي وبعدين انا مب عاليوه ... هزاع :- عيل منوه يدتي ؟؟؟؟؟؟؟؟؟؟؟ يدوه اذا ما خزتي الحين تراني بكنسل فيزتج وبوديج المقبرة .... مريم وهي تضحك وبصوت خفيف .... :- هههههههه هزاع انا مريم مب يدتك ولا الينية .... هزاع :- والله قولي والله حلفي ؟؟؟ يعني جني ما اعرفج .... بتخوزين ولا اخبر امي الحين اخليج بلا بلاي ستيشن هااااااااه مريم :- أي بلاي ستيشن .... انت بعد .... هزاع أنا زوجتك ..... هزاع وهو توه يفتح عيونه :- هااااااااااااااااااااااااااااااااه قولي والله ؟؟؟؟؟؟؟؟؟؟؟؟؟؟؟؟؟؟؟؟؟؟؟ مريم :- والله هزاع على طول قام من الشبرية .... وعلى الحمام ويغسل ويهه ..... وكلها ثانيتين ... ولا تلاقيه بركض عند مريم ... هزاع :- هلا حياتي .... اتأخرت مريم :- ما شاء الله عليك .... قمت بهالسرعة .... هزاع :- لج بس مريم :- والله ..... زين .... عيل ليش ما نشيت اول ؟؟؟... هزاع :- ما ادري أنتي بعد ما قلتيلي انج عمري .... مريم :- ما فهمت ترجم هزاع :- ما يحتاي شي اطلس عندي .. مريم :- ما علي منك ... بغيت اطلب طلب منك ما تردني ؟؟؟ هزاع :- آآآآآمري تدللي .... مريم وهي تتنافض ونفس الوقت مستحية :- هزاع وين الريوج ؟؟؟ ترا ريجي ناشف هزاع وهو يتسدح على الشبرية ... :- هااااااااه تبين تتريجين !!!!! بس ؟؟؟؟ مريم هزت راسها بنعم هزاع سار وتلحف شويه ... وغطى اريوله ...ويديه وباجي راسه .. هزاع :- انزين سيري المطبخ .. مريم :- هنيه السؤال انا ما ادل المطبخ وين ؟؟؟ هزاع :- بسيطه اول لفه على ايدج اليمن خذيها وعقبها بتحصلين نفق الي هو الدري وعقبها على ايدج اليسار سيده وعقبها اتحصلين باب عود بس مب اكبر من دخلة باب الصالة مالتنا فتحيه ... بتحصلين ... المطبخ وبتحصلين الخدامات داخل ... واذا ما لقيتيهن ترا عدالج على ايدج اليمين بتحصلين حجرتهن وخليهن يسولج ريوج ... مريم :- وين هذا مطعم ولا كفتريا .... فالعين مول ولا فالكارفور و النفق وين هذا الي تحت الدوار الي عند السوق ... ولا أي واحد ؟؟ هزاع انا ابا مطبخك ما ابا مطعمكم .... هزاع :- تراني ما كذبت والله العظيم انه مطبخنا ... مريم :- هزاع انزين قوم سير وياي ... هزاع :- اوووووهوووووه علينا ايج راي هاتي ورقة وقلم وبسويلج خريطة وانتي روحي عليها الين ما توصلين المطبخ .... مريم :- والله حلوة هاي وعاد انا بطلع الكنز ... من الجزيرة صح ؟؟... هزاع :- لا سبيستون .... هاهاهاهاها مريم وهي مستحية ... :- خلاص انزين بترياك الين ما تنزل وتيب لي الريوج .... هزاع :- لا شو اتمصخر .. مريم وهي شوي وببين لهزاع انها بتصيح ( ما تنلام يوعانه ):- لأني ما اقدر انزل واحصل واحد من خوانك ولا احد يعني .... يالله اشبع رقاد ... هزاع وهو يطالع مريم :- يالله قومي بننزل تحت .... لا تصيحين ... مريم :- يالله قوم بدل ملابسك ... هزاع :- حق شوه انا فالبيت ما طلعت مكان ... حتى يوم اطلع مرات اسير جيه .. عادي ... مريم :- بكيفك يالله ... خلني ابدل الكندورة وايك .... هزاع :- لا تتأخرين لأني اذا تأخرتي برقد وانتي بكيفج .. مريم سارت بدلت الكندورة ولبست كندورة سماوية كشخة ... ولبسة شيلة سودا ويا فصوص زرق ... وتعدلت شوي .. اول ما لفت عليه حلصلته شوي وبيرقد ... مريم :- هزاااااااع لا ترقد بليييييييييز هزاع :- هااااااااااه لا ما رقدت ... هاه خلصتي ... عيل خلينا ننزل .. مريم :- يالله .... هزاع ومريم نزلوا تحت والبيت كله هدوء ... مريم وهي تمشي عدل هزاع وماسكة ايده ... :- هزاع محد فالبيت ؟؟؟ هزاع :- لاااااا بس الكل راقد ... مريم :- غريبة في بيتنا الكل ناش ما عدا جم واحد بس ... هزاع :- هذا المطبخ جفتيه ؟؟؟؟ مريم :- هيه .. هزاع :- بس عيل كل يوم لا طفرين بي واتقولين ما ادله اوكيه ... مريم :- اوكيه ودشوا المطبخ وكانت الشغالة يالسة تغسل المواعيل ما ريوجها وريوج ربيعتها ... هزاع :- حوووووووه هي انتي وين الريوج ؟؟؟ |
سوزي :- ما في ريوج الحين بعدين تعال وقت غدا فيه عيش ولهم .. مريم وهي تتطالع سوزي وتتطالع هزاع ... مريم :- هي انتي ما يرمسون الريايل جيه ... سوزي وهي تلف علىمريم :- منوه انتي عروسة جديد مال هزاع ... اليف مبروك عليك انتي هزاع ... الله يعين انتي على هازا ... هازا فيه واجد اصبي وهازا في واجد نوم ...ما يقومي الا ساعة تنتين ظهر ... ومرات واهدة ... وهده ونس ... وهازا .. هزاع وهو يطالع سوزي وهو معصب :- حلوة ... والله حلوة اقول انطمي ولا كلمة .... خدامات آخر زمن .... سوزي :- كلاس كلاس .. انا اسفة هزاع ... انا ما في قول مرة تانية .... قول اذا تبين شي انا سوي هق انته .. هزاع :- الحين عاد ... لا مابا شي ...مريم اذا تبين شي خليها تسويج ... تراني انا بطلع الحين .. مريم :- وين ؟؟؟؟ هزاع :- الكفتيريا ... مريم :- الحين الصبح ... الساعة الحين 9 هزاع هزاع :- انزين ... عادي سوزي :- كلي ولي .. هزا دوم في كافتيريا .. شنه ( جنه ) هو في راعي كافتيريا .. هزاع :- هاهاها ضحكتيني وانا ما ابا اضحك ... اقول اذا ما سكتي بسفرج من اليوم ... فاهمة .... بكنسل فيزتج ... يالينية ... سوزي :- لا كلاس والله كلاس .... انا ما فقول مرة تانية .... كلاس روحي انتي الحين كافتيريا ..... وانا سوي هق مدام مال انته ... هزاع توه بيطلع طبعاً بعد ما خذ التصريح بالحيل وتوه بيطلع الا جان تطلع له خدامتهم الثانية روكيسا .... هزاع :- بسم الله الرحمن الرحيم روكيسا :- سنو انا في جنيا هزاع :- الا اليني العود بكبره يايني ... خيبة شو مسوية بويهج روكيسا :- ما في شي بس هازا بودرا .. انا في هزا نمونه من امس ليش انت ما في انا شوفي ... هزاع :- بالله من امس احلفي .... ؟؟؟؟ وما غسلتيه ؟؟؟؟ روكيسا :- لااااا ليش انا ما في حلو .. هزاع :- لوعتي بجبدي جان انتي حلوة جان من بين الينون يمكن مريم :- منوه هذي ؟؟؟ هزاع :- اليني الرصاصي ...... مريم :- والله صدق منوه هاي ... سوزي :- هزي صديك ما انا في بيت هازا .... مريم :- مافهمت ترجمي .... هزاع :- هذي يبوج خدامتنا الثانية .... روكيسا :- الله هذي عروووووسة مال انته ؟؟؟؟ هزاع :- هيه بس لا تبطينها بعين روكيسا :- هذي واااااجد هلووووووو ة هزاع وهو عدال مريم :- بسم الله عليج مريوم بسم الله عليج من عينها بسم الله .. مريم :- ههههههههههه والله انها حبوبة .... شو اسمها سوزي :- هازي صديكا مال انا .... مريم :- مبروك عليج .. هزاع :- مريوم يالله انا بطلع .... مريم :- حرااام عليك من اول تطلع ... هزاع :- لااااا بس بسير الكفتيريا اتريج وبرد مريم :- افااااااا ما تبا تتريج وياي هزاع وهو يبتسم :- خلاص على شان خاطرج بس ... المطبخ واااايد عود وفيه طاولة محطوطة على يمب .... وفيها اربع كراسي .... سار هزاع ومريم ويلسوا قال هزاع لمريم تخيليه مطعم درجة 5 .... واطلبي الي تبينة ترا ما في قائمة طعام ... اطلبوي وبس مريم :- خلاص شو نطلب ؟؟؟ هزاع :- أي شي حبيبتي تامرني فيه بكله ..... مريم :- وانا شدراني في بيتكم اقصد مطعمكم .... هزاع :- الي تبينه .... تبين هريس ؟؟؟؟ مريم :- هيه ابا هريس .... وبعد ؟؟ هزاع :- فطاير ؟؟؟ مريم :- حلو وبعد ؟؟ سوزي :- لا ما يسير ... شو هزاع هذا كايمة ما طعام الي تبينه انتي انا سوي ..... هزاع :- وينها ؟؟؟؟ سوزي وهي تعطيه الورقة .... هزاع :- مريم هذي اونه القايمة مالت الاكل .... والعصاير بعد والشاهي والقهوة والهريس والفلافل والبلاليط والسندويج بالجبن والبيض والزعتر والفطاير ....الخ ... مريم :- بسك بسك ...خلهن يسون لنا فطاير وبلاليط وهريس وكل الي يعرفنه .... هزاع :- الله هذا كله بناكله احنا ؟؟؟؟؟؟؟؟؟؟؟ مريم :- لاااااا هزاع :- عيل ؟؟؟؟؟ مريم :- مب اليوم الكل بيي الفلة حق الغدا ؟؟؟؟ هزاع :- هيه بس مب الحين ... مريم :- الين ما يجهز ... هزاع :- اول مرة احس ان حد مهتم من العزايم عقب امي .... مريم :- ليش ؟؟؟؟؟ هزاع :- خواتي ولا وحدة فيهم بتنش الا بآمرة ... مريم :- انت عندك خوات ؟؟؟ هزاع :- هيه ... عالية وعلياء ومريم .... ليش ؟؟؟؟ مريم :- وهن حضرن العرس ؟؟.. هزاع :- اكيد اصلاً غصبن عنهن بيين ...ليش تسألين ؟؟؟؟ مريم :- بس جيه ... ولاني مستغربة لان ولا وحدة من خواتك او بنات يصيرن لك غير جم وحدة بس يات تسلم علي و لا الباجي ما جفتهم ... هزاع :- اونه ... مريم يات وسلمت عليج وعلي بعد امس فالعرس ويوم حفلة الخطوبة وعلياء ما ادريبها ... بس لا تقولين عالية ما يا تسلم عليج ؟؟؟ مريم :- ليش ؟؟؟؟ هزاع :- لانها وياج مخلصة .... هي خلصت الجامعة فسنتين ... وانتي مخلصتنها فسنتين .. بس هي اصغر منج بسنة .... مريم وهي فاتحة عونها على الآخر :- والله ... بس لا تقولي اسمها عالية محمد ... هزاع :- عيل شو تبين اسمها عالية حمد ... لا هذي بنت عمي عالية حمد ... مريم :- وعالية حمد تقرب لك بعد .... احلف ؟؟؟ هزاع :- والله العظيم ان عالية محمد اختي وعالية حمد بنت عمي ليش تسألين ؟؟؟؟ مريم وهي مب مصدقة الكلام الي يقوله هزاع فحاولت اشفر موقفها :- لا ولاشي بس اسمع فيهن بالجامعة ... مريم تتمنى ان ربيعتها عالية هي نفسها اخت هزاع وتقول انشاء الله مب تشابه اسماء .... وعقب شوي جان يرن تيلفون مريم و ردت مريم ... مريم :- الووووووه السلام عليكم عالية :- وعليكم السلام هلا مريوم مريم :- هلا حبيبتي عالية :- مبروك ... مريم :- الله يبارك فيج ...انتي شحالج ؟؟؟ عالية :- كالعادة بخير ... انتي شحالج ؟؟؟ وشحال المعرس ؟؟؟ مريم :- بخير الحمد لله .... انتي شحال معاريسكم ؟؟؟ عالية :- والله ما ادريبهم الين الحين ما طلعت من حجرتي ... يالسة اتعدل حق المعاريس و بيونا الناس ... وبعدين معاريس شو يطلعهم من صباح الله خير ... مريم :- لااااا والله.... تصدقين احنا طلعنا الساعة 9 الا شوي من جناحنا ... عالية :- ما شاء الله عليكم .. نشاط فضيع .... مريم :- اكيد .... وايد باين ... عالية :- يالله عيل الساعة الحين 10 ونص بروح اكمل تعديل و ترتيب ودنيا ... مريم :- عيل اخليج ويا معاريسكم ... ههههههه ... يالله شدي الهمة ... واباج اتبيضين ويهج جدام حرمة اخوج ... عالية :- يالله باي ... في امان الله .. مريم :- في امان الرحمن ... وسكرت مريم تيلفونها من عالية ولا جان هزاع .. هزاع :- منوه الي داق مريم :- ربيعتي هزاع :- وشو تبا ... مريم :- تبارك لي .. هزاع :- هااااه بس مريم :- هيه ليش في شي ثاني ؟؟ هزاع :- لا بس جيه .. ويقطع اليلسة الحلوة بعد رنة تيلفون هزاع .. مزاحم :- الووووووه السلام عليكم ... هزاع :- هلااااا وعليكم السلام والرحمة .. مزاحم :- شحالك المعرس ؟؟ هزاع :- بخير الله يسلم غاليك ... مزاحم :- هااااااااه شو المسجات ... هزاع :- أي مسجات ؟؟ مزاحم :- اليوم ما يسدني مطرش لك 7 مسجات ... هزاع :- والله 7 مسجات ... عيل يالله خلني افتحهن ... مزاحم :- هااااااه يعني ما تباني أيي العزيمة ... هزاع :- لاااااا مب قصدي الا تعال .... وخلا الربع كلهم ايون ... هاه ما اوصيك مزاحم :- اتنكت .... ههههه انت خليت احد اصلاً ... لا تخاف كلهم بيوك ... ما يرومون عليك ... بس هالله هالله بالباركنات ... ما فيني اوقف سيارتي فالشمس ... هزاع :- لا تخاف بس انت لحق احنا عدنا 10 باركنات بمضلات برع .. وعدنا بعد عريش ناقضة فيه عنبة وعوده داخل البيت .. انا حاط الاستيشن وابوي حاط استيشنه والمكسيما مالاته داخل بعد يعني لحق على الباركانات الي برع ... قبل لايون جوم عبود .... مزاحم :- الله 10 باركنات عيل خلني الحق واسبق قبلهم ... يالله باي هزاع :- باي .. وسكر هزاع عن ربيعه .... مريم :- منوه الي داق ؟؟؟ هزاع :- مزاحم مريم :- وشو يبا ؟؟؟ هزاع :- ليش تسألين ؟؟؟ مريم وهي تبتسم :- بس اقلدك شرات يعني ... هزاع وهو يبتسم :- والله ههههههههه ...... يتبع .... |
الحلقة ( 7 ) هزاع ومريم عقب ما خلصوا ريوجهم قاموا ودشو الفلة اقصدمن المطبخ الي برع الين الصالة ... الكل كان يالس يتريا المعاريس ينشوا وينزلون .... ( والله انكم في خبر خير المعاريس من صباح الله خير ناشين وانتوا رقود ) كانوا الحاضرين من الحريم عايلة حمد عم هزاع وعايلة سلطان وصقر و عبدالله وسيف واحمد وسالم عمومة هزاع وما ننسى يده وعايلته وزياده بعد عماته وخالاته وحريم خواله وما ننسى اهل البيت .... المهم ...اول ما دش هزاع ومريم الصالة الكل كان يطالعهم .... والكل مستغرب المفروض ينزلون من الدري لأن جناحهم فوق وهم داشين من باب الصالة الي صوب المطبخ .... هزاع :- السلام عليكم ... الكل قام وردوا السلام :- وعليكم السلام ... هزاع :- شخبارج ام هزاع ؟؟؟... نورة :- بخير .... بسم الله انتوا من وين يايين ؟؟؟ هزاع :- من المولات ومن الكوفي شوبات والمطاعم والكفتيريات .... نورة :- لا والله صدق من وين ؟؟؟ هزاع ما بغى يقفط مريم :- ههههه لا كنا نتمشى شوية وناخذ جولة خفيفة على الفلة .... دلال عمة هزاع :- مبروك الغالي .. هزاع :- الله يبارك في حياتج وفريلج ... دلال :- مبروك العروس .. مريم وبصوت ناعم وخفيف :- الله يبارك فيج ... دلال :- هزاع وينك يالقاطع ما تقول عندي عمّه عندي اهل ولا شياته .. كله هياته فالمولات ... هزاع :- لا والله .... حلوة هاي اصغر اعيالج ... انتي اول هاتي لنا اعيال قبل ... وعقب تعالي ارمسي وزخيهم فالبيت وخليهم يسألون عليج كل يوم .... دلال :- الله يسامحك وبعدن لاحقة على الصدعة مب مستعيلة .. هزاع :- جان من سنة الحين معرسة وبعدج ما يبتي لريلج ياهل ... انا شكلي بسير اخطب له وحدة ... تكون تبيله ولد حلوي شراتي .. ما يشيب الواحد من الي بتيبنهم ... نورة :- الله واكبر جان انته ما تشيب .... انت اطلع لي قرون ... مب بس الشيب ... الكل ضحك وكان وناسة ... عايشة ( يدة هزاع ) :- مبروك ولدي هزاع ... هزاع وهو يلف ليدته :- هلا والله .. هلا والله .. الله يبارك فيج الغالية وسار وحبها على راسها عايشة :- وينك يالقاطع من زمان جفتك ؟... هزاع :- والله فالدار ابد ما اطلع من الامارات تعرفيني اسير كشتة ( رحلة ) ويا الربع ... الا الصيف شي ثاني ...ابا اسير اسافر اغير جو .. عايشة :- انزين ما قلنا شي بس انا يدتك ولازم اتزورني لو بالشهر مرة وانت خطفن سنتين وما جفتك الا هايج المرة فالعزيم ما ادري متى سويتوها بعد ما يلسة ...على طول روّحت .. شما ( عمة هزاع ) :- اماه قبل 6 شهور ... هزاع :- مبروك يوم انج تعرفين .... وبعدين تعالوا لا تاخذوني بمشراع وميداف ... شوه ما تبوني اسير عند الريايل ؟؟؟؟ نورة :- لا قوم سير وبلد هاللبسة الي لابسنها جنك باتمان ... الكل ضحك ....هههههههههههههههههههههههههههههه هزاع :- اوووووب امي تعرف باتمان ما تنلام من السيافي الي 24 حاط ام بي سي 3 ولا سبيستون ولا آرتينز ولا الجزيرة للأطفال ... نورة :- لا والله يعني اول ما اعرف !!؟؟... عايشة :- لا ما تعرفين تراج بغام ... عيل تعرفين كاسبر وسبرمان وميغامان وجاكي شان وطرزان وغيرهم دلال وهزاع وشما :- اوووووووووووب عواش حافظة كل شي .... غلبتنا ... عايشة :- احم احم بالله عليكم احد ما يعرفهم .... هههههههههههههههههه هزاع :- اقول جنكم نسيتن شي ...وراي ... ومستحي بعد .... نورة :- يا هلا ومرحبتين ... بحرمة ولدي ... آسفة خذتنا سوالف هزاع ونسيناج ... السموحة مريم وبصوت ناعم ومستحي :- لا عادي ... هزاع :- حبيبتي خذي راحتج البيت بيتج ... ولا تستحين .. الكل انتبه على كلمة حبيبتي وما استغربوها لأنهم يعرفون ان هزاع صايع ومغازلجي وتطلع منه هالكلمة لو من اول يوم يشوه مريم فيه عادي عنده ( وهو مب مقصر من اول يوم يابها فيه قالها حبيبتي ..ههه) الكل يا عند هزاع ومريم وسلم عليهم الا عالية اخت هزاع وعالية بنت عمه خلن اعمارهن مايدرن عن شي وهن يالسات فوق.... وعقبها .... هزاع :- اقول مريم غيرت رايي تعالي وياي ابا ارويج شي .. بس ما ترديني اوكيه ... وعقبها ننزل عندهم .. شو رايج.. مريم كانت مستحية ومنزلة راسها وخدودها ورديات .... :- اوكيه .. هزاع وهو يبتسم ابتسام حلوة وايد :- يالله عيل خلينا نرقا فوق انسير جناحنا ... مريم :- يالله بس بسرعة ... وراح هزاع ومريم ..... عالية وعالية توهن يطلعن من الحجرة مالت عالية اخت هزاع ولا جان يحصلن هزاع ومريم بالويه ... كانن مستغربات ومب عارفات شو يسون ... هزاع :- شعندكن فوق ؟؟؟؟؟؟ عالية وهي تحمد ربها ان ما قال شي ثاني :- هاااه لا كنت انا وعالية عندنا سوالف وقلنا نسولف فوق لأن الحريم وايد تحت ... هزاع :- هيه ... اهم شي تنزلن تحت وتقرب القهوة وتسون شي زين ... عالية :- ما يحتاي عندنا شغالتين ... ما يحتاي امّرة ...بس قول لهن الي تباه خلاص .... هزاع :- والله ان امي ما ادبتج .... جان انتي كاملة مب ناقصنج ايد ولا ريل ولا تدشين المطبخ .... والله ما شي ادب ... عالية حمد :- هيه عاليوه ما عليج منه خقاق تراه لا تعطيه ويه .... هزاع :- انتي محد رمسج ... يوم ارمس اختي لا ترمسين انتي فاهمة ... وشو توه هزاع يتحرك ... عالية حمد وهي تقلد هزاع وبصوت غير :- انتي فاهمة ... هزاع لف عليها .... وعالية :- نعم ... هزاع ما عطاها ويه وسار ويا مريم لجناحهم ... .... داخل الجناح ... هزاع قال لمريم :- مريم ممكن تيلسين هنية فالصالة شوي بس ؟؟... مريم وهي مستحية :- ليش ؟؟؟ هزاع :- شوي بس ... مريم :- اوكيه .. هزاع راح للحجرة وسكر الباب ... ومريم سارت تطالع الكتب .. وتتصفح .. وعقب شوي ومندون سابق انذار :- هزاع :- هاااااااااي هزاع كان ماسك هدية ... وهي عبارة عن قوطي عود ولونه احمر ويا قلوب حمر وباخله دباديب حمر وبنصه 3 عطورات كلهم حلوات و فيه قوطين صغار واحد على يمين العطورات والثاني على يسار العطورات .. وكانت القوطي متروس حلاوة جلكسي وباونتي وجيه يعني وكان فيها رسايل ومكاتيب حلوة وكل القوطي مخلف بخلاف شفاف وعليه ورود حمر وقلوب حمر وشرايط حمر .... المهم ... مريم تفاجأة من الهدية الحلوة ..... وما عرفة شو تقول هي تطالع هزاع وتطالع الهدية الي منبين ايديه ... هزاع :- شو رايج ... مريم وهي خلاص شوي وبيغما عليها :- حلوة هزاع :- اقصد بترديني ولا بتاخذينها ولا اشوه .. مريم نزلت راسها لأنها ما عرفة شو ترد عليه .... هزاع :- افهم من كلامج موافقة .... مريم وهي بنفس الوضعية ... هزاع :- افاااااا ترديني .... مب حرام ... خلاص بخليها فوق الطاولة وانتي بكيفج اذا تبين ترديني .... مريم وهي تبتسم :- تسلم .. هزاع وهو يبتسم :- واخيراً ... مريم ابتسمت ... هزاع مسك ايد مريم بكل نعومة ... خلاها تيي للحجرة ... مريم استغربت و.. مريم :- وين ؟؟؟؟؟؟ هزاع :- تعالي و بس ... دش هزاع ومريم الغرفة وجان يرويها يانب متروس هدايا .... مريم :- شو هاه هزاع :- لا تسأليني ... انا ما اعرف ... ما فتحت شي ... مريم :- يعني مب انت الي يايبنهم .... هزاع :- انا يبت 3 هدايا بس والباجي ما اعرف .. كانت الهدايا وايد يعني حوالي 12 هدية اول او اكثر شوي ... مريم :- عيل منوه الي يايبنهم ؟؟؟؟ هزاع :- قلت لج ما ادري .... افتحيهم وبتعرفين ....... مريم :- والله ؟؟؟ هزاع :- اذا ما تصدقين بطليهم واقري المكاتيب ... مريم :- اوكيه بس مب الحين .... هزاع :- اوكيه ..... مريم وين الفستان ؟؟؟ مريم :- فستان العرس ؟؟؟... هزاع :- هيه مريم :- بتشله الحين ؟؟؟؟؟ هزاع :- لا بسير اسلم على الريايل وبرد وبشله .... مريم :- خلاص بدل ملابسك و سير عند الريايل و عقب تعال شله بتحصلني دخلته فجنطته ... هزاع :- اوكيه يالله هزاع تلبس كندورة بيج وغترة عنابية وعقال وطربوشة .. وكشمة بيج .... و فتح الباب علشان يطلع ... اول ما فتح هزاع الباب عالية وعالية دشن الغرفة وسكرن الباب ... هزاع ما عطاهن ويه .... ونزل تحت ... وقابل عمته شيخة وسلم عليها و.... هزاع :- عمتي ما يامر عليج عدو .... شيخة :- آمر ... هزاع :- بغيتج تساعدين مريم عشان تحط الفستان داخل جنطته .. شيخة :- العروس ؟؟؟.. |
هزاع :- هيه هي فوق الحين .. سيري ساعديها لو سمحتي شيخة :- حاضرة .... للمعاريس ... ان شاء الله من عيوني .. هزاع :- تسلم عيونج يام منصور ... وسار وطلع من الباب الثاني عشان الحريم فالصالة وما فيه يوقفهن وسخافة ... المهم ... شيخة رقت فوق وسارت عند جناح هزاع .. ودقت الباب علشان تدخل ... هيه ما يصير تدخل منيه والدرب ... دق دق دق مريم :- ادخل هزاع الباب مبطلع ما سكرته .... شيخة دشت وجان تحصل باب الحجرة مبطل ومحد فيه ... شيخة :- السلام عليكم .. مريم انتبهت ان احد ثاني موجود ... مب هزاع ... ودرت الفستان وقامت وطلعت من الصالة وجان تجوف وحدة ثاني مرة تجوفها بس ما تعرفها .... مريم :- هلا وعليكم السلام شيخة :- مبروك ... مريم :- الله يبارك فيج ... شيخة :- انا شيخة عمة هزاع ...تبيني اساعدج فشي؟؟؟ مريم : هلا والله ... لا ما يحتاي تساعديني .... شيخة :- والفستان ... ترا هزاع قالي اواعنج عليه .... مريم وهي تبتسم وتضحك ضحكة خفيفة :- هههههههههههه الا هذا اباج تواعنيني عليه .... ويسلن نص ساعة يدخل الفستان في جنطته لأن الفستان وايد عود وثقيل ونافش بعد وذيله طويل وماننسى الطرحة تراها عودة وطويلة.. المهم ... بعد ما خلصن الفستان ... ودخلنه في جنطته ... مريم :- مشكورة يا ؟؟؟؟ شيخة :- شيخة وبس .. واذا تبين ام منصور ... بكيفج مريم :- ههههههههههههه مشكورة يا شيخة .. يام منصور شيخة :- رتبتي اغراضج ؟؟؟ مريم :- لا بعدني ... شيخة :- عيل رتبيهم الحين واذا تبين مساعدة بساعدج ... ترا عادي عندي ولا تحاتين ولدي راقد ... مريم :- لا عقب برتبهم ... وبعدين انا احب ارتب اغراضي بروحي ... شيخة :- هههههههه انتي نفسي ما احب احد يرتب لي اغراضي ... بس لازم ترتبين اغراضج بسرعة لأنج عقب بتسافرين شهر عسل بهاليومين ان شاء الله ... مريم :- ان شاء الله .. برتبهم الظهر ... عقب الغدا .. شو رايج ... بس اخاف هزاع يرقد هالوقت .. شيخة :- ونوه قالج ان هزاع يرقد فهالوقت ... هزاع اذا جفتيه عقب ما أيي يشل الفستان زين ... مريم :- والله ؟؟؟؟؟؟..... شيخة :- والله ... ما ادي بعد اذا بيتغير عقب العرس ... يمكن الله يهديه ... مريم :- ان شاء الله .. اصلاً الشباب كلهم جيه ... شيخة :- مريم شو رايج بهزاع ؟؟؟... مريم :- اوكيه ... شيخة :- ههههههههههه الله يستر من الاوكيه .. اقول مريم عندج مبايل ؟؟ مريم :- من زمان ... شيخة :- عطيني رقمج .... مريم عطت شيخة الرقم وشيخة عطت مريم الرقم .... وعقب شوي ... يا هزاع .. وشل جنطة الفستان .. وطلع وعقبه شيخة ومريم يلسلة شوي .. و هدت جنطة المكياج والعطورات والاكسسوارات ... الخ ... المهم هذي الجنطة ... ويلسة ترتب العطوات وتحطهن وفي سلت العطورات ومكياج في مكانه وكل شي تبا تحطه في مكانة .. عقب شوي ... دق دق دق ... مريم :- منوه ؟؟ عالية :- ممكن ادش انا عالية اخت هزاع .... مريم :- هلا حياج ... الباب مبطل ... عالية :- السلام عليكم .. مريم :- وعليكم السلام ... دشت عالية ولا تجوف ربيعتها مريم وهي تحط العطر في مكانه ... وعلى طول مريم تلتفت علة عالية ... ( عاد استوى الفلم الهندي ) مريم عرفت عالية وعالية عرفت مريم وتحاضنن وكل وحدة تسلم على الثانية والباب مبطل ... دشت عالية حمد بنت عم هزاع الجناح و.. عالية حمد :- السلام عليكم ... عالية ومريم :- وعليكم السلام ... عالية حمد :- لا تقولين انج مريم الي بالجامعة وربعت عاليوه بنت عمي وتخرجت ويانا ... مريم :- هيه انا ... عالية حمد :- ما اصدق !!... عالية محمد :- لا صدقي ... سارت عالية حمد وسلمت على مريم ... ويلسن يسولف وبنفس الوقت يرتبن ويا مريم ويشوفن الهدايا وهن خاطرهن يفتحنها .... وعقبها يا هزاع ... و هزاع :- السلام ورحمة الله وبركاته .... الكل :- وعليكم السلام والرحمه ... هزاع :- اقول شو ميلسنكن اهنيه ؟؟؟؟؟؟؟؟؟؟؟؟؟؟؟ عالية اخته :- والله بكيفي حرمة اخوي ... هزاع :- لا والله .. وانتي ؟؟؟؟ عالية بنت عمه :- اناااااااا ... حرمة ولد عمي ... هزاع :- والله .. عيل قومن ظهرن .. وسيرن سلمن على العرب.. وحتى انتي مريوم يالله تعالي ننزل ترا اهلج يوا ويبون يسلمون عليج .. عالية اخته :- وانت سلمت عليهم ان شاء الله ؟؟؟؟ هزاع :- لا بس عمتي دلال تقول انهم يوا يبون يسلمون علينا .... مريم :- وانت وين كنت ؟؟؟ هزاع :- وديت الفستان ورديت .. مريم :- ما شاء الله عليك ... بهالسرعة ؟؟ هزاع :- هيه ليش ؟؟؟ مريم :- بس .. ما طولت وايج هزاع :- ليش اخوانج يطولون وايد على الفستان ؟؟ مريم :- مب الين هناك بس ما يطون وايد بعد هزاع :- يالله عيل عاليوه انتي وعالية سيرن وانزل تحت الين ما نتلبس وبنيكم .... عالية اخت هزاع :- والله واطونا ... هزاع :- غصباً عنج .. عالية وعالية طلعن من الجناح مال هزاع ... ونزلن تحت عالية اخت هزاع وايد كانت فرحانة لأن مريم ما سارت ابعيد وبنفس الوقت صارت حرمة اخوها ... واول ما نزلن عالية وعالية ودشن الصالة الي فيها الحريم متيمعات ... عالية محمد :- السلام عليكم الكل :- وعلكم السلام .. سارن عالية وعالية وسلمن على العرب ...ويلسن ... نورة :- عاليوه وين المعاريس ؟؟؟ عالية محمد :- سارو .... نورة :- ما فهمت ؟؟؟؟ عالية :- يعني طلعوا برع البيت ... نورة وبعض الحريم ومنهم ام سلطان :- والله عالية وهي تضحك :- ههههههههههههههههههه لا اقص عليكم قصدي ... شوي و بييون ... ام سلطان :- والله اني ولهت على بنتي ... امس ما رمت ارقد من المحاتاه ... ام هزاع :- اتحاتين بنتج وهي عندي وعند ولدي ؟؟؟؟ ام سلطان :- لا يام هزاع مب قصدي بس هذي بنتي وما تعودت انها ترقد برع البيت .. حتى لو تأخرت احاتيها ... دلال :- لا اله الا الله هذي من اولها محاتاه ...يام سلطان بنتج عند ولد اخوي لا تخافين عليها ... وان استوى شي لا تحاتين ترا جيش فالبيت ... ما شاء الله اخوي مب عنده 3 و4 لا 7 ما شاء الله عليهم بيوقون وبيساندونها وغيرهم ام هزاع وابوه .... ام سلطان :- الله يخليهم لكم ان شاء الله .. .. ام هزاع :- آآآآمين ... شما :- عالية ... عاليوه وصمخ ... هي انتي بنت محمد بنت حمّود ... عاليوه و صمخ كلاب ... عالية محمد :- هااااااااااااااااااااااه شو بغيتي ؟؟؟؟؟؟؟؟؟؟؟؟؟؟؟؟ شما :- يالله وين المعاريس ما يو وينهم ؟؟؟ مب انتي قلتي انهم شوي وبيون اجوف الساعة 2 وشوي وهم بعدهم ... عالية :- انزبن لا تاكليني .. والله انا الي تأخرت ولا هم !!!! شما :- انزين انطمي يوم ما تعرفين ؟؟؟ عالية :- الله ياخذج ان شاء الله انتي ويا امل بنتج يام امولة الدبة .. شما :- الله لا قال ويا ويهج .... عساه فعدويني .... .. شوي ويقطع سوالف الحريم وصول المعاريس .... هزاع :- السلام عليكم ... الكل :- وعليكم السلام ... هزاع :- شخباركم ... دلال :- بخير .. حووووووه وين سرت ؟؟؟؟ هزاع :- حوووووه فبيتكم .. دلال :- قصدي يا هزاع ... وينك صيفت ؟؟ هزاع :- يالس ويا حبيبتي ... الكل يطالع هزاع قصدي المتواجدين الي حوالي 50 حرمة او بنت وما ننسى اليهالوه ... هزاع :- بلاكم ؟؟؟؟؟ ام هزاع ( نورة ) :- لا ولا شي ... هزاع .....وينك صيفت صدق ؟؟؟ هزاع :- قلت يالس ويا حبيبتي .... وبنص اليلسة طلعت اودي الفستان ورديت اكمل اليلسة ... بس ... ام سلطان :- مبروك هزاع ومريم .. هزاع :- الله يبارك فيج عمتي .. مريم :- الله يبارك فيج اميه ... وسار وحب راس عمته ..ومريم بعد سارت وحبت راس امها ... ام سلطان :- دايمة المحبة ان شاء الله ... اقول مريم وصلت الهدايا ؟؟؟؟ |
هزاع ومريم :- انتي يابتنهم ؟؟؟... ام سلطان :- ليش مستغربين ؟؟؟ لا تطمنوا مب انا الي مطرشتنهم ... هذيلا من ربيعاتها ومن الي يحبونها من الاهل .. مريم :- تسلمون ان شاء الله .. والله اني احبكم ... ام سلطان :- حتى احنا نحبج .... بس ما تقطعينا .... وانت هزاع لا تقطعنا تعالوا لو تبون كل يوم عادي بعد ... هزاع :- عيل ما يحتاي بنضرب لنا خيمة جدام الباب وكل يوم عندج مريم :- لا عاد شو خيمة .... ههههههههههههه الكل ضحك .....هههههههههههههههه .... وعقبها هزاع ترخص وسار عند الريايل تزلون الغدا ... .... عقب الغدا والسوالف والدردشة والهذربة الطويلة وصلت الساعة 3 ونص وشوي شوي الين فضت الفلة ... ما بقى غير شيخة ام منصور عمت هزاع و عايشة يدته وكل عايلة حمد .. و ريم خالت هزاع .... ريم راحت ترقد عيالها الي طفروبها وهي وياهم ترقد طبعاً ..لان ريلّها بيها عقب العشا ... وعايشة تبى تيلس ويا المعاريس وعايلة حمد الكل يبى ايلس ( عبدالله ويا هزاع وعالية ويا عالية وسارة ويا علياء وسيف ويا عبدالله ...الخ وجيه يعني والشغالات الله يعين .... عقب صلاة العصر هزاع رد يبا يرقد لانه تعبان ... اول ما دخل جناحهم لقى مريم يالسه فالدعنة وتسكر الشنك .... هزاع :- شو تسوين ؟؟؟؟؟ مريم :- رتبت اغراضي وحطيتهم فالكبت ... هزاع :- وخلصتي ؟؟؟؟ مريم :- هيه ليش ؟؟؟ هزاع :- انا كبتي الي فيه بس جم لبسة على جم شريط على ما ادري شوه وشوي كنادير وكابات .... ما ارتبه ... اتعب .. وانتي هالشنط كلهم رتبتيهم ؟؟؟ مريم :- لو قلت لي برتب لك اياه ... هزاع :- لا امي ما قصرت ... رتبتهم ... مريم :- انزين هزاع الشنط وين احطهم ؟؟ هزاع :- مريوم خلي هالجنطتين ... والباجي بخلي الشغالات يشلنهم ... مريم :- ليش ؟؟ هزاع :- لأن اليوم الساعة 2 بنسير شهر عسل اقصد اسبوع ونص .. مريم :- والله ؟؟؟؟؟ هزاع :- هيه والله .. مريم :- ليش ما قلت لي من قبل ؟؟.. هزاع :- ليش اقول لج ؟؟؟؟ مريم :- علشان اقول حق امي اني بسافر .... هزاع :- خليها مفاجأة ... انا حتى اهلي ما بخبرهم ... مريم :- اشجايل ما فهمت .. هزاع :- خليها سر بنسير وبرد وهم ما يدرون ... مريم :- هيه بس بيحاتون .. هزاع :- والله الي يبى يحاتي يحاتي الين ما يسده مريم :- هههههه ليش امك ما تحاتيك ؟؟؟ هزاع :- لااااااا هم اصلاً تعودوا على الوضع .. بعدين احنا بنكتب لهم 3 مكاتيب ... وحدة بنعالها على الباب وحده فالصالة وحدة جدام حجرة عاليوه ... مريم :- بس حراااااااام ... شو بيقولون عني ؟؟؟؟ هزاع :- لا تحاتين خلاينا تسافر ولا عليج منهم ... مريم :- وانت قصيت التذاكر ؟؟؟؟ هزاع :- هيه .. مريم :- من امتى ؟؟ هزاع :- اليوم يوم روحت اودي الفستان .... مريم :- وبسرعة بعد !!!!!!؟؟؟؟؟ هزاع :- لاااا انا خبرت واحد من الربع يقص لي التذكر وانا بي هناك وبخذهم وبدفع واشيك على كل شي .... مريم :- اااه ....انزين ... يالله تعال دخل اغراضك الي تباهم في جنطة من الجنط ... هزاع :- لا بسير ازجر الشغالات علشان يشلن الجنط .... مريم :- هزاع اذا ما تروم تشل الجنط تراني بشلهم ...... هزاع :- ليش ؟؟؟ مريم :- احنا لازم نغير روتين الحياة الاولى ما قبل الزواج وناخذ روتين ثاني ... هزاع :- ما فهمت ؟؟؟ مريم :- يعني لازم الشغالات ما يدخلون جناحنا ... انا الي برتب الجناح من اليوم وساير .... هزاع :- عفيه عليج حبيتي .... عاد اتصدقين .... انا من يوم يومي والشغالات هن الي يرتبن لي حجرتي .. ما عمري جفت امي اترت لي حجرتي الا 5 مرات بس هذا اذا مب اقل ... مريم :- والله ؟؟؟؟؟؟؟؟؟؟ هزاع :- هيه والله ... مريم :- عيل خلنا نغير الروترين مال اول ونجرب الثاني ... هزاع :- يالله اوكيه .. مريوم .. هذي الجنط كلها فاضية ؟؟.. مريم :- هيه بس الي على يمنك .. الجنطة السودا ويا رصاصي هذي بعدني ما خلصتها ... هزاع :- وشو فيها ؟؟؟ مريم :- فيها كناديري .. هزاع :- اطلعهم واعلقهم ... مريم :- بكيفك .. بس هزاع اباك ترفع جنطتين فوق الكبت ... يمكن نحتاجهم ... هزاع :- هيه والله صدقج .. ما فكرت فيها ... المهم ... هزاع شل الجنط الي ما يبونهم وحطاهم فالمستودع .... ... عقب يوم خلصت مريم .. اتجهت للهدايا ... ولست هي وهزاع يبطلون الهدايا والورود المفف حطوها على يمب والدباديب في يمب و .. لخ ونص الحلاوا حطوها في قوطي وحطوها فالثلاجة والنص الثاني كان سلتين حلاوة قام هزاع وحط وحدة فالصالة وحدة فالحجرة على الطاولة ... ويلست مريم تقرا المكاتيب وتاكل جلكسي و من هالكلاوة الحلوة .... الخ وهزاع وياها بس هزاع كان يقرا هدايا الربع ماله ويوم العشى نزل هزاع وياب العشا فوق علشان يتعى هو ومريم ..... بعد ما رتبوا الحجرة وحطوا المكاتيب فالكبت ... تعشوا ... وعقبها رقدو شوي ..... ولا خبروا احد انهم بيسافرون .... هذا كله من هزاع ولا مريم احليلها بغت تخبر بس هزاع ما طاع ..... ........ يتبع ..... |
الحلقة ( 8 ) هزاع عقب ما تعشى هو ومريم .... وعقب ما غسلون يديهم ... هزاع وهو توه ييلس على الكرسي الي فالصالة ... :- مريم ممكن اطلب طلب ما ترديني فيه ... مريم وهي مستحية بس مب الين هناك :- قول وبحاول ما اردك ... هزاع :- ليش شو تتوقعين طلبي ؟؟ مريم :- ما ادري بس اضني انك تباني ارتب لك اغراضك .... صح ؟؟... هزاع :- لااااااااا اغراضي برتبهم بروحي ... طلبي شي ثاني واباه الحين اذا ما عندج مانع .... مريم :- خير !!؟... هزاع :- بغيييييييييييييييييييييت بغيت بغيت ....،،، ... بغيتج ترقدين وياي اليوم قبل لا نسافر ... مريم :- لاااااااا مستحيل ... هزاع :- ليش عاد ؟؟؟؟ مريم :- ما تعودت ان احد يرقد وياي علشان ترقد وياي ... هزاع :- هيه بس احنا متزوجين الحين ... مريم :- مشكلتك .... هزاع :- ليش ؟؟؟؟ مريم :- يوم بتعود بخبرك ... هزاع :- بليييييييييييييز مريم :- قلت وما بغير رايي ... هزاع اذا ما تعرفني تراني عنيدة وراسي يابس ... هزاع :- حتى ولو .... مريم :- هزاع لا تحاول ... هزاع :- انزين لا ترقدين عدالي لزي شوي بس مريم :- قلت لا هزاع :- خلاص مب على الشبرية انا على الكرسي وانتي على الشبرية ... مريم :- قلت لا هزاع :- انزين مب على الكرسي انا برقد تحت فالدعنة .. شو رايج مريم :- قلت لا .. هزاع بعد ما اقتنع :- خلاص انتي روحي الحجرة وانا برقد فالصالة بس لا تسكرين الباب ...ونفس الشي انا ما بسكر الباب .. مريم :- انت ما تفهم ... قلت لا هزاع :- والله حرام ... بليييييييز مريم :- قلت لك مشكلتك .... ويالله عطني مقفاك ... وفارج ... لأني ابا ارقد ... هزاع :- فالصالة ؟؟؟؟؟؟؟؟؟؟؟ مريم :- هيه عندك مانع ؟؟!! وسير انت وارقد فالحجرة .. هزاع :- لا عندي دواس ... اقول ليش ما نتصاقب ( نتبادل ) ....انا لي الصالة وانتي لج الحجرة .. مريم :- لااااااااا ابصراحة عايبني ديكور الصالة وعيبتني الرقدة فيها وتعودت من امس ارقد فيها .. وبعدين انا ما احب ارقد على شبرية وحدة غيري شرات خواتي مب شبرية واحد من اخواني عيل وين شبريتك .. لا حسى مابا هزاع :- والحل ... مريم :- شرات امس هزاع :- خلاص بس انا ابا اقول شي واحد قبل لا اطلع واذا بترديني كيفج مريم :- قول هزاع :- والله اني احلف عليج يترقدين في الحجرة ولا وعلى الشبرية بعد وانا فالصالة ... مريم :- ليش تحلف ؟؟؟؟ هزاع :- لأنج ما بطيعين الا جيه ... مريم :- اوكيه خلاص مدامك حلفت انا فالحجرة وانت فالصالة يالله باي وتصبح على خير .... هزاع :- يالله تصبحين على خير بس ياليت لو ما تقفلين الباب بالمفتاح ... مريم :- لا اخاف .... هزاع :- لا تخافين ما بكلج ... مريم :- مابا ... اخاف والله ... هزاع :- من الشوه ؟؟؟؟ مريم :- منك هزاع :- انا !!!؟؟؟؟...حرام عليج مريم :- هيه ... والله مب متعود ارقد والباب مب مسكر وهذا واحنا فالفلة لنا احنا البنات جناح خاص بس واتصدق اني ما افتحه يوم ارقد وبعدين لا تلومني ..ومب متعودة ارقد ويا احد .... انا حتى خواتي ما ارقد وياهن وين اخواني بنتحر.... عيل اشجايل ارقد وياك ... لا ما اقدر هزاع :- والله حرام عليج ... تراني ما اخوف ... مريم :- ادري ... بسسسسسسس هزاع :- لا بس ولا شياته .... يالله سيري الحجرة وصكي الباب بس مب بالمفتاح ... صدقيني مب علشان شي بس لأني بيج الساعة1 وبوعيج وبس .. ... مريم :- لا اخاف .. هزاع :- انا ليش الله بالني بوحدة خوافة ...مريم والله يتسيرين الحجرة وما تصكين الباب بالمفتاح ... مريم :- لييييييييش الحلف .... خلاص بس احلف انك ما بتيا و بترقد عدالي لو ما صكيت الباب بالمفتاح ... هزاع :- والله العظيم ... بس مب كل يوم ... اليوم بس ... سمعتي .. مريم :- اوكيه ....اهم شي ان اليوم لا .... هزاع :- يالله عطيني مقفاج ... يالله .. تبسموا مريم وهزاع لبعض .... وسارت مريم حجرتها والساعة 1 نش هزاع وقام وغسل ويهه لو انه فيه اصداع بس يالله علشان السفرة ... عقب ما طلع من الحمام ما دق الباب على مريم قال اكيد راقدة .... فتح الباب شوي شوي .... وفتح الليت ... جان يشوف مريم راقده وفاتحة شعرها وملامح البراءة على ويهها ... هزاع يلس يطالعها شوي .... بعدين تذكر السفر ... خلا عمره توه واصل الحجرة و هزاع بصوت خفيف :- .. مريوم مريم وفي خبر خير ... ما تدري عن الدنيا ... هزاع :- مريم قومي الساعة 1 يالله .... مريم :- هااااااااااااااااااااه هزاع :- يالله قومي ... نشي بسرعة ... مريم :- مابا اسير وياك ... بسير ويا سلطان عقب ... هزاع استغرب من ردها .. هزاع :- وليش ما تسيرين وياي مب احنا قلنا ما بنخبر احد .... مريم :- الي يسمعك يقول البيت كله ما يدري ... عنبوه ما تبى تخلا حد يرقد ... قلنالك بنسير ويا سلطان ... هزاع :- ومنوه انتوا ؟؟؟؟ مريم :- انا وامي وخواتي يعني منوه بعد ... والله فيني رقاد ... حمد مابا اسير وياك غصب ... ولا اقول خلاص تعايزت ما ابا اسير ويالكم الكشتة .. هزاع :- أي كشتة ؟؟؟... مريم :- عن الاستهبال .... مليت من الامارات ومن سيرات دبي ووبو ظبي والشارجة والفجيرة .. الخ ...غيروا ياخي ... هزاع :- هههههههههههههههههه انزين بنغير هالمرة بنخليها كشتة غير .... بنسافر شهر عسل ... مريم وهي توها تنتبه لهزاع ... مريم وهي تتنفس بعمق وياه شهقة :-اااااااااااااه بسم الله الرحمن الرحيم ... من وين انت طلعت .. هزاع :- من الصالة .. مريم :- و اشجايل دشيت ؟؟؟ هزاع :- مريم نشي قومي غسلي ويهج ورانا سفرة ... مريم :- جم الساعة الحين .. هزاع وهو يشوف الساعة :- الساعة الحين ياطويلت العمر .... الساعة 1 و10 دقايق .. مريم :- بنتأخر ؟؟؟... هزاع :- لا.... اذا استرعتي ... مريم :- انزين ... يالله مريم غسلت ويهها وتلبسة كندورة وعباة مسكرة مب منقشة سادة بس عليها توقيع ... و هزاع استكشف المكان عشان يطلعون بأمان .. طبعاً هالحركة على هزاع عادية بالنسبة له ... ولا مريم تحس عمرها جنها حرامية وتطلع شوي شوي .... طبعاً هزاع شل الجنط وحطاهم فالاستيشن ورد .... عقبها .. سار هو ومريم وحطو المكاتيب الثلاثة في مكانهم المتفق عليه .... وساروا مطار العين الدولي وكانت الساعة 2 الا ربع .... طبعاً لا تستغربون ... المطار مب من بعده كله جم كيلوا وبس وبعدين هزاع ما يسوق سيراته شرات العالم والناس لااا يطيرها .. المهم وصلوا المطار وهزاع اختار من قبل انه بيركب طيارة (طيران الخليج ) وطارت الطيارة وطار وياها هزاع ومريم .... طبعاً هزاع ومريم خذوا لهم كرسين عند الدريشة احسن من الخبصة ... بالطايرة عقب ما ثبتت الطيارة على مسارها المعتاد ... الكل صار يسوي الي يباه براحته ...عقب شوي هزاع التف على الصوب الثاني وجان يشوف راشد ربيعه من ايام الثانوية ... راشد رفع ايده لهزاع و هزاع ما صدق على الله على طول رفع ايه لراشد ..وراشد بحركه سواها في ايده تدل على انه كان يبا هزاع اليه الين مكانه لانه حاط ولد في ذبانه ( حضنه أي شي المهم) ... هزاع كان يبا يقول حق مريم انه بيطلع عند ربيعه اشوي بس ماقدر لأن مريم على طول عقب 10 دقايق ارقدت من النواد الي فيها ... هزاع ما بغا يوعيها و طلع من الكرسي وسار عند ربيعه ويلس شوي بس عداله .. صح ان هزاع خرب على المضيفات بس هن مستحملاتنه لأنهن يعرفنه يوم يعصب شو يسوي وتجاهلنه وسارن من الصوب الثاني ... وتعبهن ...عقبها رد للكرسي ماله .. وتريا شوي ويلس يفكر بمريم شوي وهو يطالعها وهي راقده ... حب انه يضايجها شوي ( تعرفونه يحب هالسوالف) . هزاع وهو يلمس خد مريم وبكل نعومة ..قامت مريم ورفعت ايدها لخدها وهي تبا تخوز هالشي الي على خدها ... هزاع على طول خوز ايده ... عقب شوي غير صوته وخلا عمره واحد ثاني .. هزاع :- مريوم قومي يالله بسير دبي الحين ... يالله قومي .. مريم :- ما فيني خلني راقده .. هزاع وهو يبتسم :- شو راقده الين الحين الساعة 4 ونص العصر الحين .... مريم :- انزين عادي .. روح فالليل ما بتخسر شي ... هزاع :- ما فيني الحين احسن علشان ارد بسرعة ترا عقب بسير بيتي وراي حرمة بتاكلني اكل ... مريم :- جيه منوه الاخ ؟؟؟ و عن الاستهبال .. هزاع :- جيه ما تعرفيني ؟؟ مريم :- والله ما اشوف الدنيا الحين وبعدين مب انت تقول ان حرمتك بتاكلك اكل ... يعني محد غيرك سلطانوه .. هزاع :- هاهاهاها لا انا سلطان ... ويالله تراني ما بشلج مرة ثانية .. اذا ما اصطلبتي ... مريم :- سلطانوه والله انك فاضي اقول سير بيتكم تراك طفرت ابنا وبعدين انا جم مرة قايلة ممنوع دخول الذكور ... يعني تباني اكتبها في ورقة واعلقها ع الباب ... ولا يقول اختي راقدة ما بوعيها عيب ... لا عادي عنده ... عيل حرمتك حادي انا اسير لها البيت واوعيها ... هزاع وهو يبتسم :- هيه عادي ... ليش لا ... اذا كانت تملكج ليش لا ... مريم :- سلطووووووون روح بيتكم ما بسير خلاص ... والفستان ما يحتاي افصل بشتري جاهز .... هزاع وهو يبتسم :- أي فستان ؟؟؟؟ مريم طبته ورقدت ولا عليها من هزاع ( سلطان خيالها اونه ) ..انقهر هزاع لأنه ما طفر بمريم ولا عطته سالفة .. قال احسنلي ارقد ... لأنه فالرقاد وبشكل فضيع .. ورقد .. ووصلو ما ادري عقب جم ساعة .... ....المهم ... ويوم وصلوا مورياتيا ... ودشوا السكن الي اختاروه ( لا تسألوني شو اسمه ) ... هزاع :- هاه حبيبتي شو رايج نقضي يومين او ثلاثة هنيه ؟؟؟؟ مريم بسوط خفيف :- وين ؟؟؟؟ هزاع :- في موريتانيا ... مريم :- ما فهمت ؟؟؟ هزاع :- بعدين بتفهمين ... مريم تضايجت من هزاع وااااايد لأنها ما تحب حد يطنشها .......عقب و خذوا الجناح الي يبونه المهم .. ..... |
فاليوم التاني .... البيت كله نش والساعة صارت 11 الا شوي الظهر .... والين الحين المعاريس ما نزلوا ... ام هزاع :- علياء قومي سيري قولي حق الشغالات يسون مكبوس و دياي ولحم وسمك حق اليوم سمعتي ... علياء :- عليش كله انا ليش ما تقولين حق مريوم هااااااه .... ام هزاع :- لا والله بعد قومي ضربيني .... يالله ....ز اقول قومي نشي .... سيري المطبخ بسرعة.... علياء وصوت عالية :- انزين ... عالية وتوها تنحدر من الدري ولا جان تجوف امها يالسة اطالع الدري ولا ومصوبة بعد .... عالية :- السلام عليكم ... نورة :- وعليكم السلام عالية سارت وحبت راس امها ... نورة :- حبتج العافية ... عالية :- آآآآآمين ....اماه بلاج مصوبة على الدري ... نورة :- هاااااه لا ولا شي بس اتريا المعاريس ينحدرون من فوق ... عالية :- هييييييه ..... انزين اماه .... الريوج وين ؟؟؟؟؟ نورة :- ليش عروس وانا ما ادري ؟!!!!! ... قومي سيري المطبخ وييبيلج ريوج بروحج ... عالية :- انزين والشغالات ؟؟.... نورة :- ما تبين ريوج برايج .... بس شغالات اييبن لج ... ما شي .... عالية :- ليش عاد ؟؟؟؟ نورة – كبرتي وبعدج تبين حد يخدمج ... عيل الله يعين باجر يوم بتعرسين اشجايل ريلج بخليج على ذمته وانتي المطبخ ما ادشينه ... عيل منوه بيطبخ له ومنوه بييب الريوج له ؟؟؟ هاااااااه عالية :- ويييييييه بيكون حاط خدامة ... وهي الي بتخدمنا ... نورة :- واذا هو ما عنده خدامه ؟؟ عالية :- بييب غصبن عنه .... نورة :- واذا هو ما يحب الخدم ؟؟؟ عالية :- وييييه بشرط عليه اذا يباني اييب لي خدامة ولا وتخدمني وتخدمه ..... نورة :- لا والله ........... حلوة هاذي ... علشان يقول ام هزاع ما ادبت ..... ما يابت بنت ....ولا علمت بناتها ... وجيه يلسن علة على جبدي ... عالية :- الله واكبر مسرع ما تبين الفكة منا ... نورة :- مب قصدي .... بس لازم البنت تتعلم في بيت اهلها .... عالية :- لاااااااحقين ان شاء الله ..... والله عن اذنج بسير المطبخ عن يقول نسيبج فالمستقبل ام هزاع ما علمت بناتها اييبن الريوج بعد .. ههههههههههههههههههه ........ الساعة صارت 1 والكل فالبيت بو هزاع رد من بيت اخوه وفهد رد من عند ربيعه راشد ( ولد يرانهم ) ... دخلوا الفلة وبالتحديد الصالة .... عالية عقب الريوج كانت تتطالع ويا سيف الرسوم ويوم تخلص ارسوم يات غيرها .... بو هزاع وهو توه يدش الصالة :- السلام عليكم .. الكل :- وعليكم السلام .. بو هزاع :- شحالج ام هزاع ؟؟؟... ام هزاع :- بخير الحمدلله ... محمد :- اقول نورة ... يام هزاع .... هزاع وينه ؟؟؟؟ نورة :- راقد بعد ما نش محمد :- وين راقد الله يهديج واستيشنه مب فالبيت ... فهد :- السلام عليكم ... الكل :- وعليكم السلام ... نورة :- محمد انت منأكد ان استيشنه مب فالبيت ؟؟؟ محمد :- هيه والله وجان ما تصدقيني اتخبري فهد هاه !!... فهد :- هيه هيه اماااااااه استيشن هزاع مب موجودة ... ليش ؟؟؟ نورة :- غريبة والله ... يمكن طلع قبل لا انش ويمكن يوم طلعت وسرت المطبخ ولا مكان ... يمكن ... عالية :- بس حشرتونا ابا اسمع شو يقولون .... عالية :- وهي تقول حق سيف :- سيفوه طول على التلفزيون ... سيف :- مابا عالية :- قوم بسرعة ولا بصفعك .. محمد :- انزين وحرمته فوق ؟؟؟ نورة :- ما ادري ..اظني .. عالية :- حوه قوم .... سيف :- ليش ما فيج اريول اتقومين اطولين ؟؟... نورة :- بس كم خلونا نرمس ... عالية :- اذا ما قمت وطولت بعطيك كف والله .... سيف :- مابا عندج اريول ... عالية :- بس من تحت لا تسوى شي ... تراك الا نايم عدال التلفزيون ومعلق ريولك ... عالية :- سيفوه قوم ... علياء :- انزين سيف طول من تحت بس لا تقوم .... سيف :- مابا عالية :- اماه شوفي سيف ما يطول .. نورة :- بعدج ياهلة ما ترومين اطولين بروحج ... عالية :- انزين الحين انا يالسة ... نورة ما عطت عالية ويه ويالست ترمس محمد ....عالية عصبت سارت وعطت سيف كف على ويهه وطولت من تحت وشلة الريموت من فوق المكتبة ... ولا جان تجوف ورقة حلوة وردية و يا بيج وعليها رسمات ومكتوب مع تحيات هزاع ومريم بخط صغير تحت .. عالية اول ما جافتها .. على طول شلتها وسارت تقراها .. فيها فضول .... والرسالة كانت كالتالي :- بسم الله الرحمن الرحيم السلام عليكم ورحمت الله وبرحاته للأهل الأعزاء :- نودعكم بكل خير الىلقاء قريب ان شاء الله مع تحيات هزاع ومريم ..... اول ما خلصت عالية القراية على طول صرخت :- لااااااااااااااااااا ما يصير الكل :- شو بلاج ؟؟؟؟؟؟ عالية :- هذا هزاع كاتب لنا مكتوب وما قال انه بيسير مكان .... نورة :- شو مكتوبه بعد .... عسى ما شر ؟؟؟ عالية :- اسمعي شو كاتب فالمكتوب ....بسم الله الرحمن الرحيم .. السلام عليكم ورحمة الله وبركاته .. للأهل الأعزاء .. نودعكم بكل خير الى لقاء قريب ان شاء الله مع تحياتي ... اوه ..اونه تحياتي ... مع تحيات مريم وهزاع .... الكل استغرب من المكتوب الي حاطنه هزاع لهم ... وحطوا في بالهم افكار مالها اول ولا تالي .... نورة :- حسبي يالله عليك يا هزاعوه جان تكتب مكتوب واحنا فالبيت ولا ما يوضح الي كاتبنه بعد ... محمد :- دق عليه فهد شوف وينه وين حرمته فهد :- انزين بدق له .. وخير ان شاء الله .. .... في نفس الوقت هزاع ومريم يرتبون اغراضهم الي يحتاجونها لهاليومين بس ويحطونها فالكبت .. هزاع :- حبيبتي لا تحطين كل اغراضج فالكبت لأن كلها يومين وبسافر ... مريم :- انزين عيل يوم كلها يومين ليش ما قلت لي ؟؟؟ هزاع :- والله قلت لج ... يوم كنا فالامارات داخل الفلة فوق داخل جناحنا وبالتحديد داخل الحجرة .. مريم :- هيه قلت لي اسبوع ونص والحين خليتهم يومين .... شو السالفة ؟؟؟ هزاع :- ههههههههههههههههههههه مريم :- ليش قلت نكتة عشان تضحك ... هزاع :- ههههههه لاااااااااااااااااا انتي مب فاهمة قصدي ..ههههه مريم :- عيل .. هزاع :- ابصراحة لاني ما احب ايلس في مكان واحد لازم اسافر في كذا مكان مريم :- ليش هو مب مكان واحد ؟؟؟ هزاع :- لا ومب بلد واحد بعد مريم :- انزين وين بنسافر بعد ؟؟؟ هزاع :- مفاجأة .. مريم وهي تبتسم بابتسامة حلوة وايد:- بلييييييز هزاع ... هزاع وهو يبتسم :- عطيني بوسة قبل .. وبخبرج والله... مريم انصدمت من قوله ... وسكتت وغير ابتسامتها هزاع :- يالله .. شو تتريين ؟؟ ما تبين تعرفين وين بنسافر ... والا مستحية ... ترا عادي محد فالجناح كله غيرنا .... مريم وهي اطالع هزاع وعينها بعينه :- انت ما تستحى ما تحشم ....... هزاع :- عااااااااادي ترانا متزوجين ... مريم :- عااااااش يعني لازم تكرهني فيك من اول بداية |
هزاع :- خلاص ما تبين براحتج بس لا تعصبين ولا تكرهيني من اول بداية وبعدين حتى انا غيرت رايي ما بخبرج وين بنسافر عقب .. مريم :- واضحة ان السفر بتكون للامارات ... هزاع :- شو دراج ؟؟؟ مريم :- ادري .. مريم على طول سارت الحمام وهي معصبة وما تريت موقف هزاع من كلامه وهو كان يبغي يوضح له ان السفرة الياية مب للامارات بس هو كان يسألها ويشوف شو ردت فعلها .... مريم يلست ربع ساعة فالحمام وهزاع يالس يترياها بس ما طلعت ... هزاع يقول في خاطره .. انا ما استحي على ويهي والله انها مب يديده علي بس ليش تقولها لي انا ما غلطت بس كل الي قلته عطيني بوسة قبل .... يعني انقلبت الدنيا ؟؟؟ ... عادي كل المتزوجين يسون هالحركات ليش قصرت علي انا بالذات ..هاذي ما عندها سالفة اكيد الحين تصيح ... برايها خلاها تصيح هي مب اول وحده اطفر ابها وتحقرني .. لا عادي عقب شوي بترضى .... .......... اندوك انته مريم تأخرت فالحمام وصار لها ربع ساعة فالحمام وانا الين الحين ما اسمع صوت ماي ... قام هزاع وسار عند الحمام ...ودق باب الحمام .. هزاع :- مريم ؟؟ مريم وهي تطالع نفسها بالمنظرة ...:- نعم هزاع :- بلاج ؟؟؟ مريم :- ما شي ..شو بغيت ؟؟ هزاع :- خفت عليج ... مريم طلعي من الحمام اذا ما تسوين شي ... ترا الحمام مب حجرة نوم ... هذي حجرة ينون وشياطين طلعي منها ... مريم غسلت ويهها وطلعت ... هزاع :- حمدلله على السلامة ... مريم :- الله يسلمك ... بس ليش ؟؟؟؟ هزاع :- من الينون ... تراها ما ترحم ...مريم زعلتي ؟؟؟؟ مريم طبت هزاع وسارت الصالة ويلست على الكرسي وهزاع بعد يلس فالكرسي الي جدامها ... مريم :- هزاع انت متعود اتقول هالكلام لأحد ؟؟؟... هزاع :- ما فهمت ؟؟؟ واي كلام بعدين ؟؟؟ مريم :- حبيبتي .... عمري ... حياتي ... يا بعد روحي .....الخ .. واخر شي ... عطيني بوسة ... هزاع وهو متردد :- لااااااا لااااا مب متعود .... بس حرام اقولها لزوجتي ؟؟؟؟ مريم :- ما تقص علي هزاع ... هزاع :- بعدين تعالي ليش تضّايجين الحين من هالحركة انتي نسيتي يوم بستج على خدج فالخطوبة وجدام الكل ويوم دخلنا للصالة المسكرة ودخلت المصورة ويانا وصورت وياج وبستج على خدج ما زعلتي ويوم وقفت وراح ومسكتج من خصرج ما قلتي شي وغيرة بعد قولي مب صدق عشان يوم انرد الامارات اتجوفين البوم الصور مالات الخطوبة والعرس بعد ترا له البوم ..... مريم :- هيه بس ... هزاع :- ليش ما تصدقيني ولايكون الكلام الحلو يطلع من الصايع والمغازلجي بس ... مريم انتي تعرفين الحلقات والمسلسلات وغيرها كلها تسوي هالحركات ومب شرط يكون كلام الشخص يدل انه صايع ولا مغازلجي .. مريم :- متأكد ؟؟؟ هزاع :- هيه نعم متأكد .... مريم :- عيل لو سمحت ما ابا اسمع هالكلمة مرة ثانية ... لأني ما احبها ... هزاع :- اوكيه .... اهم شي رضاج ... مريم سكتت ونزلت راسها وهي منحرجة من هزاع وعلى كلامها وياه وقوله لها البايخ وكلامه عن الخطوبة.. عقب 5 دقايق من السكوت ... هزاع حب يلطف الجو ... ويخلي مريم تهذرب وياه ... وما تضّايج منه .. هزاع :- مريم ابا اقول لج على موقف محرج .. ممكن ؟؟ مريم :- قول ... هزاع :- عادي اقول ... يعني ما تضّايجين مني ؟؟ مريم :- الموقف محرج حقي ولا حقك ؟؟؟؟؟ هزاع :- حقنا احنا الاثنينة مريم :- قول عادي .. اسمعك ... هزاع :- مريم تذكرين يوم كنا فالطيارة .. عقب ما ركبناها بعشر دقايق ولا بربع ساعة انتي رقدتي ... مريم :- هيه .. بس ما كان قصدي ... لأني ما تعودت ايلس في مكان يملل وما ارقد وعقب هزاع :- والله حتى فالمدرسة والجامعة ؟؟ مريم :- هيه هزاع :- اشجايل ؟؟ مريم :- فالمدرسة نخلي عمارنا تعبانات وشوي بنطيح وهو صدق من الخاطر يعني ونقول للمس نبا نروح للدكتورة ... وتقول لنا سيرن .. بس مب كلنا يعني ... البنت التعبانة واذا وحدة تبا ترقد وياها سوت نفس الشي وسارت وياها .. وعقب ما نطلع من الصف نتحوط فالمدرسة شوي وعقب 5 دقايق انرد ونقول للمس .. الدكتورة عطتنا حب بندول وقالت لنا ارقدن ولا تعبن عماركن وايد ... وعاد المس تصدق ... ههههههه هزاع :-ههههههههههههههههههههه انزين والجامعة ؟؟؟ مريم :- ههههه الجامعة غير يوم تبا ترقد ارقد لأنا احنا البنات تقريبا ً الربع ما يتغشى والربع الأخير يتنقب ...ونص الصف متغشيات بالغشوة وطبعاً انا وعالية اختك منهم .. الي متغشية ترقد والدكتور ما يدري عنها ههههه والمتنقبة ما ترقد اتنود بس هههه وحتى الي مب متنقبة ولا متغشية اتنود بس ولا والدكتور ينازعهن بعد .. هههههههههه .. واحنا عادي عندنا لأنه ما يدري عنا ...ههههههههه هزاع :- والله انكن شيطانات ... عيل احنا كنا يوم المدرسة نرقد جدام الاستاد عادي ... صح انه يعصب بس ما علينا منه .. هو اصلاً خواف وما يروم يسوي لنا شي ....هههههههههههه مريم :- ههههههههههههههههههههههههه حرام عليكم والله تطفرون بالاستاد ... ههههه المهم هزاع ما تبا تكم السالفة ... هزاع :- اوه صح ... المهم ... انزين ... عقب... شو الحين وين وصلت ؟؟؟ هيه هيه يوم رقدتي .. اوكيه .. عقب انا كنت ملان وبغيت ادردش اشوية وياج بس انتي راقدة ... جان اشل ايدي و ... الخ ... _ طبعاً عقب ما قال لها السالفة أو الموقف مريم نستحت وانحرجت من موقفها .. مريم :- وانا شو دراني عنك ... هزاع :- زعلتي مريم :- لااااااا ما زعلت عادي .... هزاع وهو يطالع الساعة :- اوكيه مريوم ... الحين الساعة 5 العصر الحين بتوقيتهم ( على حسب توقعاتي ) ما تبينا نطلع اليوم ؟؟؟ مريم :- بكيفك ... انا ما اعرف شي هنيه .... هزاع :- حتى انا هذي اول مرة اسافر فيها موريتانيا . مريم :- ليش انت ما سافرت قبل ؟؟؟ هزاع :- جيه سافرت بس مب مريتانيا وماليزيا سافرت اماكن غير ... مريم :- هيه حتى انا سافرت اماكن غير ... هزاع :- يالله عيل خلينا نطلع ونغير جو .. مريم :- يالله .. ويقطع دردشتهم رنة تيلفون هزاع ... هزاع :- هلاااااا السلام عليكم فهد :- اهلين وعليكم السلام .... شخبارك هزاع ؟؟؟ هزاع :- بخير ... فهيد شو بلاك داق علي ؟؟؟ فهد :- انت وين ؟؟؟ هزاع :- فالشالية ويا الربع .. فهد :- وحرمتك ؟؟؟ هزاع :- وانت شو يخصك فيها ؟؟ فهد :- لا بس امي تسأل هزاع :- محد طلب منها تسأل .... وقول لها تراها عند عمتها فالفجيرة .. فهد :- مسرع .... ما كل واحد تفارج ... هزاع :- وانت شو يخصك ... ياخي بكيفي .. فهد :- و بتتغدون كل واحد فصوب .. يعني انت فالشالية وحرمتك فالفجيرة ؟؟. هزاع :- هيه نعم وما بنرد حالياً فهد :- ليش ؟؟؟؟ عسى ما شر ؟؟؟ هزاع :- فهد عن الاستهبال .... وتقطع دردشت هزاع وفهد ام هزاع ( نورة ) وتاخذ التيلفون من ايد فهد ... نورة :- السلام عليكم .. هزاع :- وعليكم السلام ... نعم نورة :- الله ينعم عليك .... هزاع وينك اليوم ؟؟؟ هزاع :- اقول باي يالله باي عندج فهد وهو يفهمج .... باي نورة :- افاااا هزاع ما هقيتها منك .... هزاع :- مشكلتج .... نورة :- انزين تبا فهد ؟؟؟ هزاع :- قطع لا ماباه ويالله فأمان الله .. نورة :- فأمان الرحمن ... وعلى طول هزاع سكر الخط .... ..... يتبع .... |
الحلقة ( 9 ) اول ما سكر هزاع الخط عن امه اقصد اخوه ..... مريم :- خير ان شاء الله عسى ما شر..... هزاع :- الشر ما ايج .... مريم :- عيل بلاك تصارخ توك .... هزاع :- عادي ما فيها شي .... مريم :- هيه بس انت كنت تقول ....حق امك اضني ان فهد عندها وهو بيفهمها ..... هزاع :- مريم ترا عادي اقولج ما استوى شي .... مريم :- بكيفك اذا ما تبا تقولي ترا عادي عندي .... هزاع :- لاااااا ما اردج بس ام هزاع الله يهديها تبا تعرف عني كل شي وعنج بعد الي يسمعها ما يقول ان هالعادة ودرتها من 4 سنين تقريبا او اكثر ..... مريم :- ليش ؟؟؟؟ هزاع :- لأنها تعودت اني اسهر ويا ربعي ويا اني ابات وياهم ويا اني ارد فنصايف الليل ... مريم :- وانت كنت تسهر دوم هزاع :- بالهبل ..... وبالحيل تجوفيني مريم :- ليش ؟؟؟؟؟ هزاع :- مستحيل تفهميني الحين .... مريم :- جيه بفهمك ليش لا؟؟؟؟ هزاع :- لأنج توج يديه على هزاع مريم :- اشجايل يعني ؟؟؟ هزاع :- يعني مستحل تفهمين شخص وهو يديد عليج ... لازم تكون بينج وبينه عشرت عمر او تكون من بينا فترة طويلة على الاقل شهر مريم :- الله شهر .... واحنا تونا متزوجين... ولا وهذا اليوم الثاني بعد .... هزاع :- جفتي اشجايل ... مريم :- اقول هزاع احنا اول بداية عن شو تكلمنا ؟؟؟؟.... هزاع وهو يجوف براءة مريم الملحوضة وباين عليها نست من كل قلبها هزاع :- اممممممممممممممممممم ما احيد ...... مريم :- وانا بعد ما احيد .... هزاع وهو يطالع ساعته :- مسرع السوالف تمشي والوقت يقضي واحنا الين الحين ما طلعنا ..... مريم :- اوووووووه صدق اتخرنا ..... الحين ما يمدينا ينلبس ونطلع وبهالسرعة .... هزاع :- جيه يمدينا ليش ما يمدينا ؟؟؟...... مب شرط نتفسح الحين باجر ان شاء الله والحين بنسير نتسوق ونجوف منتوجاتهم واذا عندهم سينما بعد بنسير واذا خلصنا بنتعشى فالمطعم وبنرد وبنرقد والصبح بنتفسح ف موريتانيا كلها .... مريم :- كلهذا تخطيط .... ما شاء الله عليك مستعد .... هزاع :- ههههههههههههههههه اكيد هذا شي اساسي ولازم ما ننساه ولازم نرتبه بعد مريم :- والسفرات الياية ؟؟؟؟ هزاع :- لاااااااا هذيلاك يبالهم ترتوب بروحهم .... مريم :- يالله قوم وخلنا نغير هدومنا ونسير .... هزاع :- انا ما يحتاي بس اعق الكندورة فوقي والكاب والنعال واسير .... بس انتي عاد لا تتأخرين لاني اعرفكم يالحريم ... مريم :- لا والله تنكت .... اصلاص انا ما ااخر حد .. ما شاء الله علي .... هزاع :- وخوانج سلطان وحمد ووو ما ادري منوه ... مريم ابتسمت ابتسامة تكبر خفيفة وطنشت هزاع وسارت لبست الكندورة وتجهتزت وصلوا قبل وعقبها سارت مريم ولبست العباة والشيلة السودا ...وعقبها ... ساروا يتمشون فالاسواق و كلام.... الخ ...... هزاع دخل السوق مالهم وجاف اشياء حلوة ( طبعاً هو خبير بهالاشياء ) وقال حق مريم تشتري هدايا حلوة لخاوتها وخواته وجيه يعني وهو من الصوب الثاني سار لمحل وخذ هديه وااااااايد حلوة وكانت عبارة عن 5 دباديب بيض ويا قلوب حمر وياهم عطور كشخة ومحطوطين في سلة حمرا ..... طبعاً طلب من راعي المحل انه يغلفه له .... وغلفه بغلاف عجييييب ... وحطهم في كيس احمر ويا ابيض وبقلوب ورود ومكعبات وعقبه نثر على الهدية عقب ما حلوها فالكيس مكعبات لونهن حمر وابيض ...وهزاع قال حق صاحب المحل خل الهدية مكانها لا تخربها والحين بيي اخاذها ...وسار عند مريم وجافها ترمس بنات وتضحك وياهن قال اكيد تعرفهن ...وسار كمل الخطة واشترا من المحل الي عداله هدايا حق اخوانه وحق اعيال الاهل والنسايب وجيه يعني وبالاضافة الي كيس مسوسط الحجم وبه يستطيع ادخال هديةً اخرى بداخلها ... احم احم ... المهم ....عقب ما دخل الهدية ويا صاحب المحل شل الاكياس وسار صوب مريم والبنات ... هزاع :- السلام عليكم ... الكل :- وعليكم السلام ... مريم :- بلاك تأخرت ؟؟؟ هزاع :- شرات ما تجوفين ... مريم :- كل هذا حق منوه ؟؟؟ هزاع :- حق الربع ... مريم :- الله يالربع كل هذا حب فيهم ؟؟ هزاع :- هههههه لا بس جيه .... ما يصير ما نيب لهم شي .... مريم :- اوكيه بس لو سمحت هزاع ممكن اسير شوي ويا ربيعاتي .... هزاع :- ليش الخوات ربيعاتج ... مريم :- هيه ... بس بليييييييز ممكن... هزاع :- ممكنين بس هااااااه ما شي هياته منا ولا منا ما شي .... مريم :- منوه قالك انا نحن نهيت بس بنسير مطعم شوي ورادين هزاع :- ما ابا حد يتحرش بحد ..... هاااااااه ... ترا اذا حد تحرش فيكم ما يحصل عمره الا وهو يدفون بالقاع واذا وصل العناية المركزة ترا هذي رحمة مني له ولا ما يوصلها ..... وانتوا عاد لا تقصرون ترحموا عليه .... مريم :- اوكيه خلاص درينا هزاع :- يالله عيل انا بسير السكن مالنا وبرد واباكن تكونن هنية الساعة 7 ونص مب تتأخرن ويا ويلكن اذا خليتن الغالية بروحها ... بذبحكن ... مريم :- ههههههه لا تخاص ولا توصا حريص هذيلا ربيعاتي ويحبني وما يودرني لو شو يصير ... هزاع :- يالله عيل انجفضن ترا ما شي باجي من الوقت غير ساعة ونص الا شوي واخرب عليكم .... ومريم خلي تيلفونج مفتوح يمن ادق عليج .... مريم :- اوكيه ... هزاع سار السكن وهو يحمد ربه ان مريم ما شكت بالكيس الاحمر الي داخل الكيس الزرق ويا ابيض ... مع ان الاحمر كان باين .... ومريم وربيعاتها سارن يتمشن الين يوصلن المطعم ... سلمى :- اقول مريم هذا هو المعرس ؟؟؟ مريم :- هيه ليش ؟؟؟ سلمى :- ما شاء الله عليه حليووووو وايد وكشخة شكله .... مريم :- لا والله حلوة هاي تتغزل فريلي وانا موجودة .... جواهر :- مريوم لا تلومينها تراها ما سارت حفلة خطوبتج والعرس ما سارته لأنا سرنا عند عمتي وامس فاليل الساعة 2 سافرنا واليوم واصلين ... مريم :- والله !!!!؟؟؟؟؟... سلمى وجواهر:- هيه والله ليش ؟؟؟ مريم :- حتى انا امس الساعة 2 فالليل سافرت واليوم وصلت ... جواهر :- على أي طيارة ؟؟؟؟؟ مريم :- طيران الخليج ... جواهر :- حتى احنا كنا راكبين فيها .... مريم :- عيل ما جفتكم ... اسمحولي .. |
الحلقة ( 10 ) عقب ما سكر الخط عن راشد يلس يطالع التلفزيون ... وشوي الا يرن التيلفون وينفز هزاع ويرد على التيلفون ... هزاع :- هلاااا ... هلا والله ... هلا ف الي دق ... شو الاحوال ؟؟؟ ..... امممم ... حتى انا احوالي زينة .... لااااااااا ما يصير .... مب زين ... هههههههههه ..... والله ؟؟؟ ..... ههههههههههه .... عاش من سمع هالصوت والله ....وين تجمعكم الحين ؟؟؟؟ هيه ودرتوني وعبود ياكم .... الله ياخذه ولا قالي ..... ااااااااااه .... هيه الله يسلم الغالي ... هيه نعم معرس ... عاد معرس ولا اروع .... هيه ... يسلمووووووو ويسلم الغالي ... يالله فأمان الله ...... باي ... مريم وهي فالحجرة كانت تسمع كل كلمة كان يقولها هزاع لان كان صوته عالي ومريم كان خاطرها اييب طاري اسم الي داق عليه .. بس شو تسوي .... عقب شوي دش هزاع على مريم الحجرة وكانت تتسحي شعرها بالمشط وكان شكله وااااايد كشخة خصوصاً ان شعرها ناعم وكشخة ولونه عنابي غامج ويا خصل عيناوية غامجة وكان مطايح على ويهها .... ومريم ما انتبهت له .... ويا عند شعرها وتلمسه وحبها على راسها وسار ييلس على الشبرية وهو يقول :- هزاع :- آآآآآآآآآآآآسفة اذا زعلتج اف شي .. مريم بليييييز خبريني تراني ما احب اكون شرات الاطرش فالزفة ... قولي لي زعلتي ... مريم وهي تبتسم :- لا عادي انت ما زعلتني هزاع :- والله ؟؟؟ مريم وهي مستحية :- امممم لااا يعني .... هزاع :- من شوه ؟؟؟ مريم وهي مستحية :- منك هزاع :- اناا .... حرام عليج مريم :- عيل مب حرام عليك ترقد عدالي وانا ما ادري ؟؟؟؟ هزاع :- مريم ترا عادي ارقد وياج ما فيها شي ... أنا ريلج الحين .... مريم :- ادري بس بعد جان لازم تخبرني ... هزاع :- بس هذا الي زعلج ... مريم :- لا هزاع :- عيل شو بعد زعلج مريم :- يوم صارخت علي وقلت لي زعلي من ... هزاع :- من اليوم الين باجر صح ؟؟ مريم :- هيه هزاع :- مريوم سامحيني على كل الي قلته لو اني ما قلت شي غير شوية بس يالله مريم :- لااااا والله .... انت ما قلت شي ؟ هزاع :- انت الي قلتي مب غصب اخبرك عيل انا اشجايل ادخل عصي وفي شي ما يخصني اخاف تزعلين عشان جيه قلت زعلي من اليوم الين باجر .... مريم :- والله ؟؟؟؟؟ هزاع :- والله .... وتعالي بعدين راشد اربيعي دق علي وقال لي انهم عازمينا فسكنهم مريم :- انا اسير ومعزومة عند شباب !!!!!!!!!!؟؟؟؟؟؟؟ هزاع :- ههههههههههههه لا قصدي راشد ياي ووياه اهله وامه هي الي مسوية العزيمة من اساسها وتبا تتعرف عليج وجيه يعني .. مريم :- لااااااااااا ما اقدر اسير استحي وبعدين انا ما اعرفهم ... هزاع :- عشان خاطري مسوين عزيمة اليوم واكيد يالسين يتريون منا الرد ... مب زين انقفطهم ... مريم :- لاااااا مابا اخاف ... هزاع :- محد بيكلج وبعدين تراني وياج بسير مريم :- هيه انت بتسير عند ربيعك وانا اسير عند الحريم الي ما اعرفهن ؟؟؟؟؟ هزاع :- تعرفي عليهن بليييييييييييييييييييز مريم :- اوكيه بس متى العزيمة ؟. هزاع :- فالليل حق العشا مريم :- ان شاء الله .... بس هزاع عادي اطلب طلب بسيط .... هزاع :- آآآآآمري مريم :- عادي ادق على اهلي تراني اشتقت لهم هزاع :- وليش ما دقيتي قبل ؟؟؟؟ مريم :- خفت تزعل مني وتقول خربتي علينا كل شي ... هزاع :- تيلفونج وين ؟؟ مريم :- عندي فالجنطة ... هزاع :- مغلق !!!! ؟؟؟؟؟؟ مريم :- اكيد .. هزاع :- عيل روحي بسرعة وهاتيه وفتحيه مريم :- يعني عادي واقول لهم اني مسافرة ؟؟؟ هزاع :- لااااااا لا تقولين بس قصي عليهم وقولي اني شالنج الشالية والتيلفون كان فالسيارة وانا ضيعته فالسيارة ودوته انا وهزاع بس ما لقيناه وبغا هزاع يدق عليه بس تيلفوني كان مغلق ... والحين لقيته ودقيت مريم :- الله الله هذا موجز الاخبار ولا تلخيص قصة ولا قصة حياتك ؟؟؟؟ هزاع :- هههههههههههه لا بس كنت اساعدج فالقص تراني انفع مريم :- ادري ..... هزاع :- يالله عيل دقي عليهم وطمنيني وسلمي عليهم بعد ... مريم :- ان شاء الله ... عقب ما خلصت مريم من التيلفون واطمنت على اهلها ... هزاع :- يالله عيل قومي بدلي وخلينا نطلع ونغير جو ونستكشف موريتانيا كلها ... مريم :- الله كلها موة وحدة هزاع :- هيه اصلاً منوه قال لج انا بنيلس وايد ترا عندنا بس اليوم وباجر العصر بنسافر ... مريم :- لييييييييش الجو مب عايبنك هزاع :- ورانا سفرات غير ... مريم :- كيفك ... هزاع :- يالله عيل سيري بدلي ترانا بنطلع الحين ... مريم :- يالله اوكيه ... هزاع سار ولبس كندورته وغترته ونعاله وكشمته وطربيوشته لازم فالمقدمة ومريم لبست عبايتها وشيلتها ونعالها ... هزاع و مريم ساروا مشي لأن سكن جوم راشد جريب منهم وايد ودخل هزاع ميلسهم ومريم دخلت داخل سكنهم هزاع أكيد بيكون يالس يسولف ويا ربيعه الي من زمان ما جافه ... ومريم اكيد بتكون عند الحريم وسوالفهن مع انها كانت مستحية منهم بس الي خلاها تتجرأ وتتكلم هو انا ربيعاتها جواهر وسلمى بناتهم ... ام راشد :- يا هلا ومرحبا الساع ف الي يانا ... مريم :- مرحبا فيج ام راشد :- ما قلتيلي شو اسمج الغالية .. مريم :- مريم ام راشد :- يا هلا بمريم ... من وين الغالية ؟؟؟ مريم :- من العين ام راشد :- واحنا بعد من العين ؟؟؟ ام راشد :- يا هلا والله.... اقول بنت منوه انتي ... |
مريم :- بنت منصور بو سلطان ... ام راشد :- بنت بو سلطان ما شاء الله عليج والله وكبرتي وعرستي ... وانا اقول الشكل مب غريب علي .. مريم :- عيل ليش ما احيدج ؟؟.. ام راشد :- هههههههه تراج كنتي صغيرة وما تحيديني .... اقول لو قلتي لأمج ام راشد تسلم عليج بتعرفني ولو ما عرفتني قولي لها وديمة ام اشد .... ودّوم ربعتج اللولية يوم كنا جيران .... بتعرفني مريم :- هههههههه يمكن وعقب الدردشة الغاوية ... ام راشد وهي تطالع الساعة الي صارة 10:- يا الله يهالساعة جيه تركض ما واحينا تونا نرمس مريم :- هيه جيه الحين الساعة 10 ... عمتي الساعة ما تركض احنا الي نركض وما نتعب ... ام راشد :- منوه الي قال الساعة والوقت يركضون واحنا ما نسوي شي ..... هههههه اقول جواهر وسلمى سيرن حطن العشا .... جواهر :- ان شاء الله اميه ... بس اقول مريم انتوا متى ترقدون ؟؟؟؟؟ مريم :- ما ادري على حسب امس رقدنا الساعة 2 فالليل .. ام راشد :- الله الساعة 2 فالليل .... جيه خفافيش ... مريم :- ههههههههههههه لا وانتي الصاقة ينون ام راشد :- هههههههه لا بسم الله عليكم ....بس صدق ما شاء الله عليكم ... توازون النواد ... عيل احنا ما نوازيه مريم :- هههههههه لا وانتي الصادقة .... اول ما ردينا على طول ما نجوف غير الشبرية ...واللحاف ام راشد :- ههههههههههه والله حالة .. انزين عاد جواهر يالله انتي وسلامي ... حطن العشا ... عقب حطوا العشا واتعشوا وعقب دردشوا اشوية وعقب ردوا السكن .... مريم دخلت الحجرة وشلة ملابس علشان تسبح وسارت الحمام تسبح ... وهزاع كان يطالع التلفزيون لانه مب ياينه رقاد ... عقب ما طلعت مريم من الحمام سار هزاع وتسبح ...وسارت مريم تستشور شعرها وعقب توها مخلصة من تنشيفه واستشواره .. الا جان يدق هزاع باب الحجرة ... دق دق دق .. مريم قالت الباب مفتوح شحقه تدق ... عقب دش هزاع الحجرة ... هزاع :- اخاف تزعلين ... مريم :- لاااااا ما بزعل ... هزاع :- شو اليوم ارقد وياج ولا لا ؟؟؟ مريم :- اممممممممممم اوكيه بس بشرط تلز عني بعيد ...كيفك .... هزاع :- اوكيه ... ان شاء الله.... بس اهم شي اني ارقد وياج .... مريم استحت لان هاذي اول مرة هزاع يرقد وياها وهي تعرف ولا قبل لايرقد وهم على الشبرية كان يرمسها شوي ويرمسها عن بعض الاشياء وعن العرس ... هزاع :- انزين ..العرس حلو ولا لا ؟؟؟ ... مريم وهي مستحية بس غصبت عمرها علشان تتكلم :- هيه حلو وايد هزاع :- يعني عيبتج التشكيلة ؟؟؟؟ مريم :- وااااااااااايد حلوة وكشخة بعد ... هزاع :- هاذي انا الي مرتبنها ومشكلنها ومدربنهم عليها بعد .... مريم :- والله !!!! والله انك تعرف تشكل وادّرب .... هزاع :- صح .. انا ما سألت برايج فيني ... شو رايج فيني ؟؟؟ مريم وقلبها يدق بدقات فضيعة .:- ما فهمت ؟؟ هزاع :- انا حلو ولا لا !!.. طيب ولا لا !!... صادق ولا لا ؟؟ مريم وهي في قمت الاستحاء بس شو تسوي :- ممكن لو سمحت اتاجل الكلام بعدين ؟؟ هزاع :- على راحتج ... انا اصلاً كنت ابا اسمع صوتج بس .. مريم سكتت ولا عرفة شو تقول .... وردقدوا ... ..... وفالصبح سار هزاع ومريم وتمشوا اف موريتانيا وسارت مريم واشترت قلادات حق ربيعاتها وحق خواتها وخوات هزاع وهزاع اشترا ميداليات حق ربعه وساعات هذا زياة على الي شراه ... والعصر سافروا لفنزويلا فأمريكا ج وعقبها بثلاثة ايام لتايلاند ولسوا فيها 3 ( ما يحتاي اخبركم شو استوى لأني ما ابا اطول السالفة ) اكيد هزاع ومريم اشتروا هدايا حق الاهل والربع وعقب ما خلص الاسبوع ونص .... هزاع طرش مسج حق عبدالله ولد عمه فالمطار قبل لا يركب الطيارة ... كاتب فيها (((( عبادي اقرا الي انا كاتبنه تحت بس لاتخبر حد .. انا بوصل مطار العين الساعة ا فالليل لأني كنت مسافر واباك تستقبلنا وتشلنا انا والحرمة لفلتنا اوكيه ..اذا اوكيه طرش مسج مكتوب فيه اوكيه واذا مب اوكيه طرش مسج مكتوب فيه مب اوكيه )))) عبدالله فرح بالمسج ةعلى طول طرش مسج مكتوب فيه (( اوكيه )) .... سافر هزاع ومريم للإمارات ...وعبدالله دايم بالوعد سهر وطلع من البيت الساعة 1 الا ربع وما خبر حد انه بيسير مكان ...ردوا البيت وكان الساعة 1 فالليل هزاع كان فرحان ان الساعة صارت 1 فالليل لأنه يبا يرد ومندون لا حد يدري .. واستقبلهم وشلهم وركبهم استيشنه وشل الجنط واغراضهم وحطهم فالاشتيشن ... وداهم الفلة بس فالسيارة عبدالله :- الحمدلله على السلامة .. هزاع :- الله يسلمك .. شحالك انت ؟؟؟ عبدالله :- بخير بس انت الي شحالك يالمعرس وشحال العروس ...؟؟؟؟ هزاع :- الحمدلله بخير وطيبين .... عبدالله :- هزاع يوم انك مسافر شحقه ما تقول حقنا انك مسافر وبعدين ترا هاذي سفرة شهر عسل مب سفرة تفسح ... هزاع :- عبدالله ليش تحب اعيد الكلام مرة ثانية ... وبعدين ياخي منو بيهتم حق هزاع انه مسافر ولا لا ؟؟؟؟ عبدالله :- امك واخوانك وابوك واهلك كلهم ... هزاع :- دخيلك من زينهم .... انتصدق حتى اهل العروس ما يدرون انا مسافرين ... عبدالله :- الله حتى اهلها ما قلتلهم .. هزاع :- لاااااااااااااااااااا وانت الصادق احنا دقينا عليهم وقصينا عليهم وكل واحد من قال حق اهله كذبة .... عبدالله :- وانت ما تودر الكذب عندك .... هزاع :- لاااااا هذا شي اساسي فحياتي وبعدين منوه الي قال لك اني اكذب لا هاذي حيلة ومن لديه حيلة فاليحتال ... عبدالله وهزاع يلسوا يسولوفن فالسيارة وآآآآآآخر شي قال هزاع حق عبدالله :- لا تخبر حد اني وصلت ابا اسويها مفاجأة وحتى انته يوم بتنش دق علي اخاف ما انس مع اني راقد فالطيارة ... بس الاحتياط واجب ويوم انا ادق عليك سير خبرهم وقول توه هزاع يرمسني .... عبدالله :- افاا عليك فالك طيب وما يخيب ظنك ... بترياك الين ادق علي وبسوي عمي ما شي ما اعرف شي عنك ... هزاع وهو يفتح الباب لأنهم وصلوا :- يالله عيل نش من وقت مب الضحوانية .....عشان اسويلكم غدا .... عبدالله :- يالله عيل انزل وياكم الجنط وبخلهن وياكم علشان محد يحس فيكم ... هزاع :- يالله تعال انزل ... عبدالله ساعد هزاع ومريم يشل الجنط ودخلوا الأغراض كلها فوق فجناح هزاع والبيت يحليله ما يدري عن شي عبدالله :- مع السلامة وتصبحون على خير هزاع :- وانت من اهله وتسلم عبدالله سار فلتهم وهزاع دش البيت ورقا فوق ودخل جناحه الي كان متروس جنط وهدايا ... هزاع :- الله الله الله .. بسم الله الرحمن الرحيم ..... هذا كله حق منوه ؟؟؟ مريم :- هههههههههههههههههههههه والله حالة يعني انت نسيت ان انا وانت اشتريناهم ... هزاع وهو يطالع جنطته الي فيها هدية مريم :- هااااااه صح بس مريم قومي وخليني انا برتب بروحي ... مريم :- افاااااا ترتب بروحك وانا وين سرت ؟؟؟ هزاع :- ههه لا انا بدخلهم الحجرة عنج ... بس انتي استريحي ... مريم :- هيه صدق عيل انا بسير الحمام وعقب بيي هههه هزاع :- جفتي يعني انا ما كذبت ابا اريحج يالله سيري لا تتأخرين ... مريم وهي تقوم :- ان شاء الله ... اول ما سارت مريم الحمام على طول هزاع يفتح جنطته ويطلع الهدية ويحطها فالكبت ويسكر عليها ويسير عند الجنطة الثانية وكان حاط فيها هديتين حق مريم ... وعلى طول شلها ركضة وحطها فالكبت وغطاهن بالملابس .. اول ما طلعت مريم من الحمام حصلت هزاع يالس يطلع الهدايا كلهم ويحطهم على ينب .. ويطلع الاغلفة ويحطها على ينب ... وبطلع الملابس ويحطهم على يمب .. وعقب قام هزاع عقب ما ارتاح من تغطيت هدايا مريم الي حطها فالكبت وقام وسار الحمام ومريم على طول سارت لجنطتها وطلعت الهديتين الي يابتهم لهزاع والميدالية الغاوية وحطتهم داخل الكبت وغطتهم بالملابس .. ... عقب ما طلع هزاع من الحمام حصل مريم يالست ترتب الهدايا الي اشترتهن حق ربيعاتها وحطتهم على يمب ... وملابسها حطتهم حطتهم فالكبت والحين يالسة تتطالع الهدايا وتختار لهم وشرايط و اغلفة حلوة علشان تغلفهم .... هزاع يلس عدالها وطلع ملابسه وشلهم وحطاهم فالكبت وعقب ... سار وكمل اليلسة ويا مريم يغلف الهدايا الي يابها حق ربعه وشوي من هدايا مريم حق ربيعاتها ومريم تغلف وعقب ما تغلف تربط الهدايا بالشريطة ... وعقب ما خلصوا اذكروا شي الي هو الجنطة البيضا الي كان فيها العاب حق اليهالوه سارت مريم وفتحتها وطلعت الالعاب مالات البنات وسارت وغلفتها وهزاع شل الالعاب مالات الاولاد وغلفها طبعاً لا تستغربون من وين يابوا الاغلفة ... الله يسلمكم هزاع ومريم ما نسو شي كالهدايا ولها اغلفتها الخاصة بها .... وعقب ما خلصوا حطو كل الهدايا فمكانها علشان ما يخربطون بين هديت هذا وبين هديت هذا من اليهالوه اما هدايا الكبار فكانت شي ثاني .. كل هدية ولها اسمها المكتوب عليها بالقلم ..... وعقب يوم خلصوا كانت الساعة 3 الفير مريم وهزاع تعبوا شوي فقالوا احسن نرقد علشان ما نتعب الصبح وتضيع علينا المسرحية ..... ... |
اليوم الثلاثاء الصبح الساعة 8 مريم وهزاع طلعوا من حجرتهم .. وساروا يسوون حشرة فالبيت ويدقدقون على البيبان علشان الكل ينش ... بس كانوا يركضون بسرعة علشان يتزيغ كل الي فالبيت طبعاً مريم كانت مب راضية انها تسوي هالحركات البايخة وهي توها عروس وحتى ولو هي الحين صارت حرمة بس ضغطة على نفسها .... الرقود كلهم تزيغوا وقبل ما يطلع ولا واحد هزاع ومريم دخلوا جناحهم وسكروا الباب بالمفتاح وسكتوا وخلوا اعمارهم محد وهم حاطين اذنيهم على الباب ويالسين يتسمعون وهزاع كان لابس فانيلة سودا عريانة وبنطلون اسود ومريم كانت لابسة كندورة وردية كشخة وشيلة شودا ويا فصوص وردية على طرف الشيلة .. الكل تزيغ والكل رقا فوق بس النتيجة كانت هي الكل كان يطالع الكل وهم مستغربين منوه هذا الي مسوي حشرة ومب مخلينهم مرتاحين ... وتوه محمد يرقا فوق .. محمد :- السلام عليكم .... الكل سار وحب راس ابوه .... ودوا السلام :- وعليكم السلام محمد :- شو السالفة عالية وهي متزيغة :- والله ما ادري انا كني سمعت صوت هزاع وهو مرة يزاعج ومرة يضحك ... فهد :- بسم الله .. حتى انا نورة :- وانا بعد بس هزاع مب فالبيت الحين ساير كشتة ويا ربعه ... علياء :- هيه حتى انا قلت جيه سيف توه ناش قام وطلع ووقف عند الباب وسمع الي فالوه فقال :- اماااااااه هذا اكيد باتمان ولا سبايدر مان وجاكي شان .... عبدالله :- صدق انك غبي هذا مب باتمان ومادري منوه وسبرمان هذا طرزان لأنه يزاعج سيف :- عيل يالله خلنا نلحقه ونزخله ونوديه حديقة الحيوان عند ربعه ... الكل ضحك باستثناء سيف .... عبدالله :- انت دوم غبي .... يا ذكي طرزان يسكن الأدغال مب حديقة الحيوان الكل ضحك على عبدالله باستثناء نفسه ... عبدالله :- هاهاهاها عاد انا ما ضحكت ليش تضحكون ؟؟؟ قلت نكته ؟؟؟ مريم :- لا بعد قول بي بي يات احسن هي و القرد والحصان ... تراني وايد احبها وقول لها ترا مريم اختي تسلم عليج .... الكل ضحك بستثناء عبدالله الي زعل وقال :- عيل يا شطار منوه هذا الي يا وزيغكم وروعكم ؟؟؟ عالية :- والله ما ادري نسيتوني السالفة .. محمد :- فهد فتش من صوب جناحكم و انا بفتش صوب جناح خواتك ... نورة :- زين عيل احنا بنستناكم هنيه الين ما تخلصون ... عبدالله وسيف :- ابوي وفهد لا تحاتون احنا بنحيهم اذا يا الحرامي ولا طرزان ولا واحد يبا يذبهم ترانا بنقاتلهم وبنرقعهم فالدعنة .... علياء :- اسكت اسكت انت لوا اشوف هزاع جدامك اتخاف عيل وين حرامي .... محمد وفهد ساروا .... بس نورة تذكرت شي ... نورة :- اصبروا خلونا نتأكد اذا هزاع فالبيت ولا لا .... عالية :- هيه والله صدق ... نورة وعالية سارن جناح هزاع ودقن الباب وحاولن يبطلن الباب بس ما قدرن وصارخن هزاع انت فالجناح ولا لا ... هزاع .... مريم وهزاع كانوا ساكتين وهدوء ولا نفس علشان يصدقون انهم مب موجودين ... نورة و عالية ردن مكانهن ويا محمد وفهد عقب ما فتشوا .... محمد :- هاه شو صار ؟؟؟؟ نورة :- بسم الله هزاع مب فالبيت عالية :- ابوي كيفك اذا فالبيت ينون تسكنا مكان ثاني ما فينا على الينون .... فهد :- اتريوا اشوية يمكن يبين لنا شي واذا ما استوا شي يعني فالبيت شي ... مريم :- صح كلام فهد ... خلونا نتريا .... الحين يا دور هزاع ومريم ساروا وبطلوا الباب بشوي شوي وجان يطلون فجأة عليهم والكل تزيغ وبنفس الوقت فرح ... وهزاع وهو يمشي بسرعة ويقول :- ما شتقتوا لي هذا وانا مسافر عنكم كذا دولة خارج الجزيرة العربية وحدة فقارة آسيا وثنتين برع قارة آسيا وما ترحبون بي افااااا .. نورة :- هلااااا هزاع .... _ وسارت وسلمت عليه وحبها على راسها وسلم على خواته وخوانه الا ابوه سلم عله باليدين بس مريم سارت وسلمت على نورة وعالية وعليا ومريم وسيف وعبدالله وفهد سلمت عليه من بعيد يعني السلام عليكم وعليكم السلام الحمدلله على السلامة والله يسلمك ... الا بو هزاع ( محمد ) مريم اول ما قتربت من محمد تبا تسلم عليه .. قال :- لا لا لا خلج بعيد انا هزاع ما سلم علي انتي حرمته تسلمين علي ... لا خلي ريلج يسلم قبل.. وعلى كل حال الحمد لله على السلامة .... مريم وهي مستغيضة :- الله يسلمك ... نورة :- افاااااا يا هزاع تسافر ولا تقول ... هزاع :- لااا صح انا ما قلت بس انا كتب مكاتيب لكم ... نورة :- هيه احنا قريناهم .... بس ما فهمنا شي ويوم دقينا عليك ما طعت ترمسنا ...وقلت انك فالشاليه ويا ربعك وحرمتك عند عمتها فالفجيرة .... هزاع :- هيه نعم قلت وحبيت اسوي لكم مفاجأتين .. الاولى اني اسافر ويا العروس مندون لا اخبركم والثانية هي اني ادر وما اخبركم ... عالية :- افااااااااااا يا مريم افااااااااا تسافرين وما تخبريني مريم :- مب قصدي بس تقدرين تسألين اخوج لأن ما يخصني ... هزاع :- هيه نعم انا ما خليتها تقول حق حد حتى اهلها ما ما قلنالهم .... نبا نسويها مفاجأة حقكم .... وانتو عاد لا تخربونها محمد :- انزين هزاع ..انت الي تدقيت البيبان ...من صباح الله خير وزاعجت وضحكت ؟؟؟؟ هزاع :- ههههههههههههههه هيه انا ابا ازيغكم .... هههه عالية :- الحمدلله تحريت ينون انا اول ... نورة :- تعال هزاع صدق انا دقيت باب جناحكم وبغيت اخشعه وزاعجت وزجرتك .... بس محد يرد .... هزاع :- ترا هذا من ضمن المسرحية وهذا الي مكتوب فالنص ... فهد :- هاهاها حلوة هزاع هههههه بس لا تعيدها مرة ثانية .... اونه مكتوب فالنص ... ههههه محمد :- انزين انتوا متى وصلتو ؟؟؟؟ هزاع :- امس فالليل احنا واصلين الساعة 1 نورة :- وليش ما دقيتوا علشان نستقبلكم فالمطار ... هزاع :- ما نبا نتعب الغالين ... وبعدين تراني وصيت واحد اعرفه ايي يستقبلنا فالمطار ويشلنا نورة :- افاااااا والله افااااا جان تخلا الخريب يشلك واحنا موجودين .... هزاع :- انزين الحين انتوا تبون تعبونا ولا ترجونا ولا ما عندكم ريوج اليوم ... ترا ريجي ناشف نورة :- افا عليك تعالوا نزلوا الصالة تحت وخلونا نتريج وعقب يصير خير يالله تعالوا .... هزاع :- لا اماه انتوا حطوا الريوج فالصالة وعقب انا ومريم بنلحكم ... نورة :- بكيفكم وانحدروا تحت عقب مب ترقدون ... هزاع :- أي نرقد اصلاً احنا شبعنا رقاد فالطيارة خصوصاً ان الطيارة مب متروسة وخذينا راحتنا فيها ... نورة :- انزين يالله عيل بنخليكم بروحكم وعقب انحدروا تحت .... هزاع ومريم سارو جناحهم .... هزاع :- مريم زعلتي من بو هزاع ...؟؟؟ مريم :- لا عادي هزاع :- ترا لا تعطيه ويه وخلّيج منه وطبيه وسويله طاف ... مريم :- ههههههههههههههههه اوكيه .... بس هو ليش جيه يسوي ؟؟؟ هزاع :- مزاج ولأنه ما حبني ولا انا احبه .. علشان جيه لانعطيه ويه ... مريم :- بحاول هزاع :- مريم عقب الريوج دقي على اهلج وخبريهم انج وصلتي بالسلامة من السفر وخليهم ايون يتغدون عندنا .... مريم :- ليش مسوين عزيمة ؟؟؟ هزاع :- اكيد بنسوي عزيمة .... ولا شرايج ؟؟ مريم :- اوكيه .. هزاع :- يالله عيل خلينا ننحدر تحت ونلحق على الريوج قبل الوحوش تاكله .... مريم :- هههههههههه يالله .. وانحدروا تحت وتريجوا وخلصوا ومريم دقت على اهلها وقالت لهم يخبرون عمومتها و خوالها وهزاع عزم ربعه كلهم ونورة عزمة الأهل والجيران ...وهزاع سار واتفق مع مطبخ من المطابخ انهم يسون الغدا وييبونه وهو متأكد من المطعم ومجربنه ... في فلة حمد .... ام عبدالله :- يالست توعي عيالها الكل نش الا عبدالله .... سارت له الحجرة ... وفتحت الستارة وبنتدت الكنديشن ( المكيف ) ام عبدالله :- عبود قوم يالله الساعة 11 الظهر قوم ..... نش يالله .. عبود وهو هو يتلحف ويلحف ويهه :- هاااااااااااااه شو عندكم .... ام عبدالله :- قوم عبود هزاع ولد عمك يا من السفر .... يالله نش .... عبود :- انزين ادري .... لاااااا قصدي دريت الحين شو تبين ؟؟؟... ام عبدالله :- عبادي ترانا معزومين عند عمك وجوم عمك عندهم اليوم ناس ... عبود :- عاد منوه هاذيلا الي ياينهم ؟؟؟؟ ام عبدالله :- اهل حرمة هزاع عبود :- انزين عاد مب من الحين . ام عبدالله :- قوم هزاع مسوي غدا ... عبود :- انزين اوكيه ما شي غدا فالبيت يعني .... ام عبدالله :-عبود وصمخ .... عبود وصمخ كلاب ... نش .... عبود :- ما فينا سيروا عني ... ام عبدالله :- عبود بتقوم ولا انظحك بكوب ماي الحين ؟؟؟ عبود :- لا بقوم بقوم وبنش هاه ارتحتي الحين ؟؟؟ ام عبدالله :- يالله عيل قوم غسل ويهك وتلبس وانحدر تحت تريج وعقب بنسير عبود :- لااااا بعد تبين أي مغسلة اودي ويهي .. مغسلة السيارات ولا مغسلة الملابس ... هاهاها ام عبدالله :- شوه ؟؟؟؟ عبود :- ما شي يالله سيري بنحدر بروحي انا ما ابا حد يقاودني ... ..... |
والكل يا على حدود الساعة 12 الظهر .... مريم نزلت يوم الكل يا ... وسلمت على الكل .... واولهم امها ....وسلمت على عمات هزاع وخالاته وخواتها وبنات عمها وبنات خوالها ... وخلاتها وعماتها ....الخ . ام سلطان :- الله يسامحج يا مريم جان تسافرين شهر عسل وما تخبرينا ... مريم :- لا اميايه هذا كله من هزاع ما طاع اخبرج وقال خلنا نسويها مفاجأة ... دلال :- حلوة هاذي مفاجأة والله صدق انا تفاجأة يوم سمعت الخبر من ام هزاع وما صدقت دقيت على هزاع بس تيلفونه مشغوله ... مريم :- هيه اليوم من صباح الله خير ربعه يدقون عليه ... شما :- يهالربع الي ما ينشبع منهم ...من يوم هم صغار فالروضة الين الحين ما تفارقوا ... عالية حمد :- عمتي عن تحسديهم بس .... شما :- ومنو قال لج اني حسودة شراتج ....هههههه المهم مريم حرمة هزاع ... وين سافرتوا شهر العسل اقصد اسبوع العسل ... مريم :- سافرنا ثلاث بلدان مختلفة ...وكل وحدة في قارة مختلفة عالية :- 3 بلدان ؟؟؟؟؟؟؟؟؟؟ مريم :- هيه الكل استغرب وفاسبوع واحد !!!! مريم :- اصلاً منوه الي قال لكم انا يلسنا اسبوع واحد .... لا احنا يلسنا اسبوع ونص .... فاطمة ( عمة مريم ) :- هيه انزين اشجايل سافرتوا فيهن 3 بلدان مختلفة و3 قارات مختلفة ؟؟؟... مريم :- افهموني انا شراتكم ما فهمت من اول بداية عقب هذا عقب فهمت .... اول شي رحنا موريتانيا ويلسنا 2 فيها وعقب فنزويلا ويلسنا 3 الاشوي يعني جم ساعة ما يلسنا فيها لأنا سافرنا فيهن وعقب سافرنا تايلاند ويلسنا فيها 4 الا شوي ... دلال :- هيه وهاذيلا الشوي شو سويتوا فيهم ؟؟؟؟ مريم :- ترانا ترانا بالطيارة والمطار وجيه .... دلال :- اممممممممم زين عيل خبرينا شو سويتوا فالسفرات كلها ؟؟؟ مريم :- ما شي تمشينا وجيه يعني ... عالية :- مريوم بليييييز قولي لي شو سويتوا .... مريم :- ما سوينا شي .... بعدين تعالي ما خبرتج ؟؟ عالية :- شوه ؟؟؟ مريم :- تعرفين جواهر ربيعتنا الي ما كملت ويانا خلت راستها سنة ورا الثانية .. عالية :- هيه مريم :- جفتها هناك اف تايلاند ... عالية :- والله ؟؟؟؟؟!!!! مريم :- هيه والله .. عالية :- جيه عرست !!؟؟؟!! مريم :- لااااااااا بس يايين يتفسحون وبعدين صدق ما قلت لج جواهر طلع عندها اخو اربيع هزاع وعزمنا فسكنهم ... وتعشينا عندهم ... نورة بنت عم مريم :- وما استحيتي ؟؟؟؟؟ ابد ؟؟؟؟ مريم :- جيه استحيت بس عاد شسوي امه عازمتني وخواته وادرهم ما يصير .... ام سلطان :- ومنوه هاذي الحرمة ؟؟؟؟ مريم :- ام راشد ام سلطان :- واحنا نعرفهم ولا لا ؟؟؟؟ مريم :- تقول تعرفج .. ام سلطان :- ما احيدها وايد اعرف ام راشد هي شو اسمها ؟؟؟ مريم :- وديمة ام راشد ام سلطان :- هيييييييييييه احيدها ودّوم مريم :- هههههه هيه صدق بعد قالت لي قولي لها ودّوم ربيعتها اللولية يوم كنتوا جيران .... ام سلطان :- يحليلها والله .... وراشد ولدها عرس ؟؟؟؟؟ مريم :- لااااااا بعده اصلاً هو عمره الحين 19 لأنه اصغر من هزاع بسنة .... ام سلطان :- هيه صدق ..... عقب شوي تقطع عليهم وصول ام راشد ( وديمة ) وتسلم عليهم .... وديمة :- السلام عليكم :- الكل :- وعليكم السلام جواهر وسلمى :- السلام عليكم الكل :- وعليكم السلام وسارن وسلمن على الكل ويلس يسولفن ويدردشن وكلام الدردشة مستمرة وسوالف الحريم حلوة مرة ... وصلت الساعة 2 و ربع عاد الحين وقت غدا الغزايم ... انغرف العيش وانحط فوقه اللحم وحطوه فالصياني ويابوه ودخلوا 7 صحون عيش داخل عند الحريم وصحن المطبخ عند الشغالات و6 عند الريايل وعقب الغدا المحترم والبيبسي والفانتا والديو والشاني ... الخ ... صارت الساعة 3 الا ربع عاد مريم تذكرت الهدايا وقامت وترخصت وخذت وياها عالية اخت هزاع وعالية بنت عم هزاع وخواتها وبنت عمها نورة .... ودخلن جناحها وعيبهن الجناح والي عيبهن اكثر هو الهدايا ... مريم :- يالله يا حبايبي خذن هداياكن لأن كل هدية مكتوب عليها اسم صاحبة الهدية وما تاخذون غير هداياكن ....والي بتردني يا ويلها ... نورة :- ليش تعبني عمرج ؟؟؟ مريم :- ما تعبت عمري ولا شياته ... عالية محمد :- وين هديتي انا وين ؟؟؟ مريم :- دوري .. عالية محمد :- هاذي حصلتها .... الله شكلها من خاري كشخة اكيد الي داخل اكشخ .... مريم :- على حسب ذوقج بتعيبج ولا لا ... عالية حمد :- وانا هديتي موجودة ولا لا؟؟؟ مريم :- اكيد موجودة ... والكل خذ هداياها وعالية خت هزاع حطت هداياها فحجرتها وعالية حمد وياها ... وعقب ردت وقالت حق مريم عالية محمد :- مريوم هالهدايا كلها حق منوه ... وليش مقسمات ؟؟؟؟ مريم :- جوفي الهدايا الكبار الي على هذا الصوب ما يخصنا فيهم لانهم حق ربع هزاع وهذيلا الهدايا حق اليهالوه ... عالية محمد وهي تأشر على هدايا :- وهاذيلا ؟؟؟ مريم :- هذيلا حق الحريم وطبعاً هذا من اختصاصي ..... لأني انا الي بوزعهم .. اما انتي وعالية حمد لو سمحتن وتكرمتن تشلن هالهدايا وتوزعنهم .... يعني وحدة تشل هدايا الاولاد وحدة تشل هدايا البنات ... عالية محمد :- هيه صح انا عندي سلال فحجرتي بسير وبيبهم وبحط الهدايا فيهم وبوزعهم ... عالية حمد :- عاليووووووووه هاتي لي سلة عودة وياج ... عالية محمد :- انزين .... عالية محمد حطت هدايا الأولاد فسلة وعالية حمد حطت هدايا النات فسلة ومريم يابت قوطي كشخة عندها وحطت فيه هدايا الحريم الي عبارة عن قلادات كشخة ... ونزلن تحت .... كل وحدة تقوم بالمهمة عالية محمد وهي توزع على الأولاد الي شوي ويطيحونها من الدفاشة الي فيهم تقول لهم وهي تأشر على مريم :- حبايبي الي ياخذ هدية يسير يحب العروس لأنها هي الي يابت لكم الهدايا ... ونفس الشي عالية حمد ... وحليلها مريم الي بتلت الكل هجوم يتسابقون علشان يحبونها ...( الغيرة بس ولا ولا واحد بيسلم * مصلحجيين * حد عاطنهم هدايا لازم ) .... وعقب مريم وعالية حمد وعالية محمد رقن فوق علشان يردن السلال ومريم ترد القوطي ...عالية محمد نزلت اول وسارت قابلت هزاع بس ما عطته ويه وسارت هزاع توه يركب الدري ولا يتفاجأ بعالية بنت عمه جدامه ... الكل ثبت فمكانه وما قدر يتحرك .... بس قدروا يتكلمون ... هزاع :- السلام عليكم .. عالية :- وعليكم السلام .... الحمدلله على السلامة ... هزاع :- الله يسلمج ... عالية :- بس خلاص خوز عن الدرب .. هزاع :- من صدقج عالية :- ليييييش ؟؟؟ عندك شي ؟؟؟ هزاع :- الصور وينهم ؟؟؟ عالية :- أي صور ؟؟؟؟ هزاع :- عن المصخرة الصور وينهم ؟؟؟؟ عالية :- هييييييييه صح ... بس ما بعطيك اياهن ... هزاع :- ليييييش ؟؟؟؟ هذا انا عرس وعرست خلاص ما باخذج ولا يشرفني ... يالله الحين عطيني الصور .. عالية :- لااااااا باقي شرط واحد هزاع :- شو هو ؟؟؟؟ عالية :- انك تنساني ... هزاع :- بتخبرج انتي صاحية ولا مينونة ... بتخبرج انتي تنكتين ؟؟؟؟ عالية :- لييييش ؟؟؟ هزاع :- اشجايل انساج يا عالية وانتي اول وحدة دشت حياتي .... وفي نفس الوقت مريم كانت تبا تنزل بس وقفت يوم سمعت هزاع وعالية يتكلمون ويلست تسمع كل كلمة كانوا يقولونها... |
عالية :- يعني ما نسيتني .. عيل احلم هزاع :- عاليوه بلييييييييييييز عالية :- لو تمووووووووووووت هزاع :- انزين انا شو ذمبي .... عالية تجاهلت وخطفت عنه وهي تقول :- رونا شطارتك .... هزاع :- والله يويلج ان سويتيها ... مريم علىطول شلتها ركضة على جناحها و على طول اتصيح بس بصوت خفيف ودموع قليلة وجنها حاسة ان بين هزاع وعالية بنت عمه علاقة .... بس شرات اشوه ما تعرف .... الي ضايجها اكثر هو ان عالية وهي تقول حق هزاع ( يعني ما نسيتني عيل احلم ) وقول هزاع ( انزين انا شو ذمبي ) و ( والله يويلج ان سويتيها ) انزين هزاع شو قصده بهالجملة والله ياويلج ان سويتيها .... شو الي بتسويه او سوته عالية ... شوه ..... هاذي الأفكار كلها تدور فراس مريم ... شوي ويدخل هزاع الجناح ويحصل باب الحجرة مفتوع ويدخل ويحصل مريم يالست تصير بروحها ... اقترب منها وسألها هزاع :- ليش تصيحين ؟؟؟ مريم :- ما شي ... هزاع :- ردينا على ما شي ... حد يصيح ويقول ما شي ... مريم :- هزاع لو سمحت قلت ما شي ما ابا افتح السالفة ... هزاع :- انزين حد مزعلنج ولا لا مريم :- هيه هزاع :- منوه مريم :- انت هزاع وهو يرفع راس مريم :- انااااااااا ... ليييش ؟؟؟ مريم وقفت دموعها وهي تقول :- شو بينك وبين عالية بنت عمك ... هزاع وهو متردد ويقول فنفسه لايكون سمعتنا بس:- هااااااااه لااااا ماشي وبعدين شو هالرمسة .. مريم :- شوه شكله كلامي مب عايبنك ؟؟... هزاع :- لاااا بس عالية كانت تحمد لي على السلامة مريم :- وشو تقول لك ؟؟؟ هزاع :- ما شي تقول السلام عليكم قلت وعليكم السلام قالت الحمدلله على السلامة قلت الله يسلمج وبس .. مريم :- عيل ليش قالت يعني ما نسيتني عيل احلم ... هزاع وهي مرتبك :- لاااا متى قالت هي قالت صح يعني ما نسيتني عيل احسن مب عيل احلم .... مريم :- ليش قالولك صمخة هزاع :- لاااااااا افااااا عليج بس كلنا نغلط ما فيها شي ... مريم :- عيل ليش تقول لها بعد والله يا ويلج ان سويتيها ... هزاع :- لااااااااا تقول بتسوي حفلة لأني ما نسيت اسمها ولأن الكل اونه نسيت اسماءهم وقالت بتسوي الحفلة وقلت والله يا ويلج ان سويتيها مريم :- هييييييه بس هزاع :- هيه بس الحين غسلي دموعج لأن ما في شي يستاهل الصياح .... يالله عاد مريم :- ان شاء الله .... مريم على نياتها ما تعرف شو السالفة وهزاع قص عليها بكلمتين وصدقت وسارت الحمام وغسلت ويهها ... هزاع وهي فالصالة ويقول:- مريووووووم وين الهدايا ؟؟؟؟ مريم :- هاااااااااه هزاع :- وين الهدايا ؟؟؟؟ مريم وهي تطلع من الحمام :- هدايا ربعك محد صكهم موجودات .... هزاع :- ادري انا قصدي الهدايا بشكل عام مريم :- هيه انا توني وزعتهم ويا اختك وبنت عمك .... هزاع :- هييييييييه احسب بعد ... مريم :- يالله شل هدايا ربعك وسير عطهم قبل لا يروحون ... هزاع :- وانتي ما بنتزلين ... مريم :- لا انا بتريا شوي عقب بنزل .... هزاع :- زين عيل ... هزاع شل هدايا ربعه وعطاهم اياهن ....وساروا ربعه .... عقب .... رد هزاع ودخل الصالة وحصل ام سالطان يالسة ووياها مريم وعمات مريم وخواتها .... هزاع :- السلام عليكم الكل :- وعليكم السلام هزاع :- شخبارج العمة .... وسار وحبها على راسها ..... ام سلطان :- بخير الحمدلله والحمدلله على السلامة ... هزاع :- الله يسلمج .... ويسلم الغالي .. ام سلطان :- شحالك انشاء الله بخير هزاع :- الخير بويهج يا عمتي والشر فعدوج ان شاء الله .... اقول مريم تعالي شوي بغيتج بس شوي ... مريم قامت وسرات وياه عند الباب ... .... فطوم اخت مريم :- يا الله منها اول شي تستحي واحين ايده على كتفها ولا قالت شي ... شيخة عمت مريم :- بسج بسج يالله انطمي وما يخصج .... عواش اخت مريم :- جيه صدق عمتي اول تستحي والحين ماشي مستحى ... ام سلطان :- الله واكبر منكن عيل بنجوف منوه الي بيستحي اول وعقب بنجوف منوه الي ما يستحي ... عواش:- لاااااااااااااااااااااااااا حبايبي انا ما بعرس انا توني صغيرة ما طلعت من البيضة .... فطوم :- حتى انا ..... ما بعرس توني صغيرة .... وحتى الثانوية توني بدش 2 ث فاطمة عمة مريم :- الا صدق فطوم انتي بدشين أدبي ولا علمي ؟؟؟؟؟ فطوم :- علمي حبيبتي .... ام سلطان :- والمذاكرة الله يستر عليها ..... فطوم :- منوه قال انا شاطرة حبيبتي ما يحتاي ... شيخة :- ههههههههههه اني بسج طلعي على علي ..... فطوم :- انا اطلع عليج علشان ارسب لا حبيبتي ما با مب بايعة عمري .... شيخة :- انتي الخسرانة .... فطوم :- كيفي .... ام سلطان :- اصطلبي وبعدين عيب جيه يردون على عمتهم ... فطوم :- آآآآآآسفة عمووووووووووووه شيخة ... .......... عقب شوي تدخل عليهم مريم ويكملون سوالفهم ...... وعقب سار الباجي اهل مريم ... ومريم ردت فوق اطالع باجي الاغاض الي يابتها حق نفسها من السفرة ... عقب الصلاة يدخل هزاع على مريم الجناح وعقب شوي .... هزاع :- مريم انتي اليوم مشغولة ؟؟؟؟؟؟ مريم :- في شوه ؟؟؟ هزاع :- ما ادري اسأل مريم :- لا مب مشغوله ليييييييش ؟؟؟ هزاع :- خاطري اعزمج اليوم على عشى خفيف فالشالية .... مريم :- والله ؟؟؟؟؟؟؟؟؟؟؟؟؟؟؟؟ هزاع :- هيه ودي ايلس وياج شوي ونتعشى مع بعض ونرد .... مريم :- اوكيه فرصة حلوة ... هزاع :- هزاع والله فرصة حلوة ...... عيل الساعة 7 ونص تكونين جاهزة و يوم بوصل بدق لج وتطلعين خاري عند السيارة ويوم يقولون لج وين سايرة قولي أنا و هزاع بنسير نتمشى شوية ورادين ... انزين ... اوكيه مريم :- اوكيه يتبع ............ |
الحلقة ( 11 ) مريم :- اقول هزاع هزاع :- آآآمري مريم :- هزاع انت منوه ياب لك الاستيشن مالتك من المطار ؟؟ هزاع :- ليش ما قلت لج ؟؟ مريم :- شوه ؟؟ هزاع :- ان سيف ربيعي يا الساعة 2 ونص اظني وشل الاستيشن من باركنات المطار .. مريم :- اشجايل ما فهمت ؟ هزاع :- يعني انا خليت باب الاستيشن الي وارا بابج مفتوح ..... مريم :- وانت اشجايل تأمن على سيارتك ان محد بيسرقها ؟؟؟؟؟؟؟؟؟؟؟؟؟ هزاع :- تعودت اصلاً المفتاح انا حطيته فسدة الكرسي مالج ... وسيف يعرف انا وين حطيته اصلاً .... مريم :- هييييييييييييييه وانا اقول ليش هزاع دق على عبدالله ولد عمه ايي يشلنا ..... هزاع وهو يكمل جملة مريم :- ولا ويقول لي بخليها مفاجأة وما ادري شوه .. وما ادري شوه ... وجيه يعني .....ههههههههههه صح ؟؟؟؟ مريم :- هيه صح بس هو متى ياب لك السيارة ؟؟؟؟؟؟؟؟. هزاع :- اليوم الفير الساعة 4 ونص جنه .... مريم :- الله الله 4 ونص !!!!!.... جيه هذا ما يرقد ؟؟؟؟؟ هزاع :- لااااااااا بس علشان انا قلت له سهر .... مريم :- وربيعك وين ودا سيارتك يوم شلها ؟؟؟؟ هزاع :- شلها بيتهم ... مريم :- والله انتوا حالة ... لوا انا بدالهم جان ما طعت .... والله اخاف اطلع فالليل ولا والفير بعد ...حشى علي ما سرت ... هزاع :- طال عمرج هذيلا ربع الشلة وانا زعيمهم .. والي ما يطيع الزعيم لا يتزعم نفسه .... مريم :- حشى يبوك ... مب زعيم شلة ... انت زعيم عصابة .... هههههههههه ... هزاع :- ههههههههههههه يالله عيل بسير شوي وبرد .. وانتي اتعدلي عاد وتزهبي واكشخي .... انزين .... اوكيه .... مريم :- ليش اتعدل انا مب حلوة .... هزاع :- والله انج غالبتنهم فالحلاة ..... حتى احلى من عالية بنت عمي ... مريم :- لييييييش يعني عالية بنت عمك ؟؟؟؟ هزاع :- أونها ملكت جمال الجامعة ... والله لوا كنت واحد اقصد وحدة فالجامعة جان صوت لج والكل بيصوت بعد صدقيني ...بس لو كنتي مرشحة نفسج .... مريم :- منوه قالك اني مرشحة نفسي ... لا يبوك خلني بعيد عن عوار الراس والصداع ... هزاع :- هههههههههههههههههههه اقول يالله انا بسير مريم : وين ؟؟؟؟ هزاع :- ويا الربع شوية من زمان ما سرت اتمشى وياهم مريم :- هيه صح ..... هزاع كان توه يبى يطلع من الجناح مريم :- هزاع صك الباب وراك عدل ... هزاع :- انزين ... هزاع توه يطلع من الجناح وعالية اخته تبى تدخل الجناح ... بس هزاع مسك الباب علشان يسكره وعالية اخته تبى تدخل الجناح و .. عالية :- هزاع شوي ... خوز ... هزاع :- وين وين وين ؟؟؟؟؟ عالية :- بدخل .... هزاع :- ليش ؟؟؟؟ عالية :- ابا ارمس حرمتك .... هزاع :- محد طلب منج ... عالية :- بلييييييييييييز ابا ادخل ....بس شوية وبطلع .... هزاع :- ما شي دخلة وين التذاكر ؟؟؟؟ عالية وهي تحاول تخوز ايد هزاع عن الباب :- بقصهن من عندك بعدين .... هزاع :- لا لا لا دفعي قبل وانا برسم الخدمة بقص لج تذاكر .. عالية :- بلييييييييييييييييز هزاع خلني ادخل .. هزاع :- بس مريوم قالت لي اسكر الباب .... شو الحل .... عالية :- تراك خلاص سكرت الباب بعد اشوه قوم .... خوز هزاع ... هزاع :- لو سمحتي بأدب .... عالية :- لو سمحت يا اخي العزيز هزاع .... هزاع :- منوه بعد هذا العزيز ههههههه يالله يدخلي بس ياويلج ان صدعتي راسها .... عالية :- يالله هزاع طلع من البيت ودخلت عالية الجناح.... عالية :- س1 .... السلام عليكم ... مريم :- س2 .. وعليكم السلام .... عالية :- ك1 .... كيف الحال ان شاء الله بخير .... مريم :- ك2 .... بخير يعل ربي يسلم الغالي ..... عالية :- هههههههههه هع هع كع كع هع هع ههههههه مريم :- هوع هوع كوع كوع كاكا واو .... عالية :- ما نسيتيهم ؟؟؟؟؟ مريم :- وليش انساهم ؟؟؟؟ عالية :- لأنج عرستي .... مريم :- ويه عادي .... حبيبتي انا ما انسا بسرعة .... عالية :- يالله قولي شو يعني هع هع كع كع هع هع... يالله جاوبي ... مريم :- يعني بدشين دردشة ولا لا .... عالية :- والثانية .... مريم :- يعني يالسخيفة كيف تبيني ادش وانا مشغولة ... عالية :- انزين فالشوه ؟؟؟؟؟ مريم :- مشغولة وبس ... عالية :- برايج يوم ما تبين تخبريني .... المهم ..... مريوم حبيبتي وين قلتي جفتي جواهر ؟؟؟ مريم :- ما فهمت ؟؟؟ عالية :- يوم سافرتوا ... وين أي بلد يعني جفتيها ؟؟؟؟ مريم :- فموريتانيا ... عالية وهي تشهق :- هييييييييييي .... والله انج كذابة وايد .... مريم :- لييييييييييييش ؟؟؟؟؟؟ عالية :- انتي قلتيلي انج جفتيها فتايلاند ... مريم :- لا تحلفي انزين ... عالية :- والله العظيم اليوم الظهر عند الحريم ......... مريم :- انزين خير يا طير جفتهم فتايلاند ولا موريتانيا ولا فالمريخ انتي شو يخصج ..... عالية :- يخصني ونص مريم :- الي يسمعج الحين هم فموريتانيا وتبين تزورينهم ... عالية :- ويه ربيعتي .... مريم :- انزين بغيتي شي ثاني يالياهلة .... عالية :- مب ياهلة .... وبعدين يالعيوز ... انتي ما بدّرسين هاي السنة ؟؟؟؟ مريم :- جيه ابا ادرس عالية :- ردوا عليج خبر ... مريم :- هيه ... قالوا لي ان فيه مدرسة مقدمة طلب تبى تتنتقل بوظبي وانا بكون بدالها .... عالية :- وانا ؟؟؟؟ مريم :- انتي لج مكانج بس اتريي شوي الين يقولون لج بروحهم ... عالية :- اكيد بيقولون ما شي شواغر . مريم :- لااااااااااااااااا علشانج بس بسون شواغر .... عالية :- ان شاء الله مريم :- اقول عاليوووووووه عندج جم اخو اصغر منج ؟؟؟؟؟.... عالية :- 5 ... ليش ؟؟؟؟ مريم :- منوه ؟؟؟ عالية :- ليش تسألين .... جأنج اول مرة تسألين .... مريم :- يالله عاد .... |
عالية :- فهد وعلياء ومريم وعبدالله وسيف ... مريم :- لا فهد ما نباه عود ... اقول عبدالله وسيف جم عمرهم ؟؟؟ عالية :- عبدالله عمره 7 ونص وسيف 4 ونص مريم :- صف جم ؟؟؟؟ عالية :- عبدالله الحين يسير ثالث وسيف بيسر صف اول .... مريم :- عبدالله وما قلنا شي بس سيف مب مكمل خمس وشكله صغير وايد ... عالية :- هو خلص روضة ...والحين بندخله صف اول بس بيزات ( بفلوس ) مريم :- هيييييييييييييه وانا اقول ..... يحليله ....اقول شو هبات تجهيزات المدرسة ... عالية :- بعدنا أقصد بعدهم ... ما تزهبوا .... بس فهد سار وفصل كنادير حق المدرسة .... مريم :- ليش هو صف جم ؟؟؟ عالية :- الحين بيسير ثالث ثانوي ... مريم :- هييييه وهو علمي ولا ادبي ؟؟؟ عالية :- لاااااا هو مستوي زلمة .... علمي مب ادبي .... مريم :- هههههههههههههه حتى اخواني علمي اقصد زلمات داشين علمي وخلصوا بس باجي واحد وغصب(ن) عنه بيدش علمي ... عالية :- بالتوفيق ... مريم :- آآآآآآمين للجميع ... عالية :- وبعد شو الأخبار ؟؟؟؟ مريم وهي تطالع الساعة وبنفس الوقت تشهق :- اااااااااااااااااااه عاليوه يالله قومي قومي قومي ... قومي نشي ... سيري حجرتج يالله ... عالية :- ليييييييييش ؟؟؟؟؟؟؟؟؟؟؟ مريم :- قومي عند ساعة الا ربع بس .... عالية :- حق الشوه ؟؟؟ مريم :- مشغولة مشغولة ... عالية :- الله يسامحج .... مريم :- آآآآآآآمين بس يالله طلعي بسرعة .... عالية :- أفااااااااااااااااااااااااااا افااااااااااااااااااااااا مريم قامت وقومت عالية وطلعتها وسيدة على الحمام وتسبح ..... عقب طلعت وسارت وصلّت وتلبست تنورة عيناوية غامجة وفانيلة عريانة مخططة ولونها ابيض ويا ذهبي كشخة وتعدلت وتكشخة وجهزت نفسها خلاص ما باجي شي غير رنة من تيلفون هزاع لتيلفونها وتلبس العباة والشيلة وتشل الجنطة مالتها والهدية.... عقب شوي رن تيلفون مريم وردت عليه وقال يالله انا تحت الحين ... مريم لبست العباة والشيلة بسرعة وعلى طول نزلت وسارت وركبت الاستيشن مالت هزاع وهي تحمد الله وتشكره ان محد جافها يوم نزلت من الدري وزيادة تحمد ربها وتشكره ان هزاع ما انتبه حق الكيسة الي شالتنها مريم لأنه كان يرمس بالتيلفون وهو نازل من السيارة .....وعقب ما ركب هزاع .... هزاع :- هاه ليش تأخرتي ؟؟؟؟ مريم :- ما شي سلامتك بس تعرف الين ما البس العباة والشيلة .... هزاع :- هيييييييه صح .... بالله عيل تبنا نروح الشالية ؟؟؟.... مريم :- اكيييييييد هزاع :- اقول ليش متغشية ؟؟؟؟.... مريم :- شوه انا الحين برع البيت .... يعني لازم البس غشوة ..... هزاع :- هيه بس ابا اطالعج انا الحين .... مريم :- يهذا يحب يخرب المفاجآت .... هزاع :- لا اله الا الله .... خلاص بنصبر الين الشالية هو مب من بعده .... مريم :- وهذا الشالية وين ؟؟؟ هزاع :- في يبل ( جبل ) حفيت .... فالمبزرة ... مريم :- هيييييييه صدق .... يوم وصلوا الشالية ودخلوا كان كل شي مرتب وجاهز العشى وموجود والعصاير وموجودة والشموع الطويلة والقصيرة والدبة والمتينة والضعيفة والعصقولة موجودة .... وكل شي حلو موجود ..... مريم وهي تتطالع الاشياء الي جدامها .... مريم و هي مب مصدقة :- هزاع تجوف الي انا اجوفه ..... هزاع :- هيه نعم اجوفه .... ليش مستغربة ؟؟؟ مريم :- ولا شي .... بس انت قلت عشى وبس ... هزاع :- وانا ابا اسويها حفلة او بسميها حفلة تهادي ..... مريم :- هههههه اول مرة اسمع ابها ..... هزاع :- والحين بنوقف جيه .... يالله خلينا نحتفل ونستانس .... مريم :- استحي .... مابا هزاع :- بليييييييييييييز يالله وفصخي العباة ترا هاذي حفلة وبعدين انا ريلج ....بليييييييييييييييييز يالعيناوية ...... وعقب الكيكة الحلوة والعشى الغاوي .... هزاع :- مريم ابا اهديج هدية بس ما تردينها ؟؟؟.... مريم :- اوكيه يا حلو خلنا اجوف هداياك ... هزاع وهو ياشر على قوطي عود :- هذي الهدية افتحي القوطي وتحصلينهم .... مريم :- اوكيه بس ممكن يا هزاع اهديك هدية بس ما تردها ؟؟ هزاع وهو يشهق:- اااااااااااااااااه انا ؟؟؟؟؟؟ مريم :- هيه ليش مستغرب ؟؟؟ هزاع :- ومن وين يبتيها ؟؟؟؟ مريم :- سر ..... لا بقول اشتريتهم من فنزويلا .... ومن تايلاند .... وموريتانيا اشتريت لك هدية صغيرونة بس هزاع :- بس اشجايل ما جفتهم ؟؟؟؟ مريم :- سر المهنة ... هزاع :- حتى انا شراتج بس انا يبت لج هدايا وايد ... اقول مريم خلينا نفتح نص الهدايا ....والباجي خلينا نفتحهم فالبيت .. مريم :- اوكيه ... لايكون مب كاتب لي مكاتيب بس ؟؟؟؟ هزاع :- لا هذا شي اساسي فالهدايا ... وعقب هزاع ومريم كل واحد منهم جاف نص الهدايا الي مهداي اياهن ... وعقب دخلوهن فاكياسهن وجلوهن البيت وسيدة على جناحهم .... هزاع :- الحمدلله محد جافنا .... مريم :- الله يهديك وين بيجوفونا واحنا رادين الساعة 1 فالليل ..... هزاع :- هيه صح .... مريم :- هزاع بغيت اطلب طلب صغيروني ممكن ؟؟؟؟ هزاع :- آآآآآآآمري تدليلي ... مريم :- ما يامر عليك عدو ... بس انا بغيت اسير عند اهلي باجر .... هزاع :- فالج طيب .... وبوديج عند اهلج باجر .... بس حبيبتي متى ناوية تسيرين ؟؟؟؟ مريم :- الصبح .. اذا ما عندك مانع .... هزاع :- لا ما عندي مانع حبيبتي ... بس قول لي انتي بتباتين عند اهلج ؟؟؟؟ مريم :- هيه كنت ناوية اقول لك اني ابا تبات عندهم يومين ... هزاع :- خلاص حبيبتي جهزي اغراضج وباجر من الصبح احنا عندهم ... مريم :- مشكور ... هزاع :- بلا مشكور .... حبيبتي انا ريلج لا تقولين لي مشكور ولا عصفور قولي وداني وييبني .... مريم :- لا عاد الشوه .... ما اقدر .... هزاع :- عاد ولا ثمود ......قلت كلمتي وما بتنازل عنها .... وياللخ الحين ابا اسمعها منج ... مريم وهي مستحية بعدها :- اباك توداني .... هزاع :- وين اوديج ؟؟؟ مريم :- بيت اهلي ههههه هزاع :- خلاص باجر احنا فبيت اهلج اقصد في فلة بو سلطان ... مريم :- تسلم ومشكور .. هزاع :- وبعدين .....شو قلنا .................. فاليوم الي عقبه (( الاربعاء )) مريم سارت بيت اهلها منا وهزاع سار عند ربعه منا طبعاً بعد ما ترخصوا من الوالدة ام هزاع ......و فاليوم التالي .. ........ اليوم الخميس ... ( ما شي باجي وبتنفتح المدرسة عند الكل يومين بس ويوم السبت اول ايام المدرسة تاريخ 3 \ 9 \ 2005 ... ( مال ذيج السنة |
هههه) المهم .... البيت كله مسوي حشرة وقرقعة عشان المدرسة .... عالية من صوب وسيف من صوب وعبدالله من صوب ومريم من صوب وفهد من صوب وهزاع ما يدرون عنه من صوب ... عالياء :- اماااااااااااااااه والله ما يخصني اذا ما بتفصلين اليوم لي كندورة حق المدرسة ما بسير مريم :- والله حتى انا اذا ما بتفصلين لي كندورة اليوم ما بسير ... نورة :- ليييييش عاد ؟؟؟؟ ؟؟؟ عالياء :- بس ابا افصل كندورة حق المدرسة نورة :- وايد عليج .... احسب شي ... مريم :- شو بعد اماه هاذي مدرسة مب لعبة .... اباج اتفصلين لي اليوم يعني اليوم .... نورة :- وليش ما قلتن لي من قبل انا اتحريت بتشترن من محل من محلات السوق؟؟؟؟ مريم :- وانا شو اقول من زمان .... علياء :- و الله حتى انا من زمان ألعلع عليج وما تسمعيني ..... نورة :- انزين الحين سمعتكن .... وبعدين ترا انا ما اقدر اليوم اسير وياكم .... اريولي تعوني من المشي ... اخاف اطيح عليكم ... علياء :- والله لو كنت عودة جان ما قلت حق حد جان سرت ويا ابوي بروحنا ..... مريم :- والله حتى انا ... بس الصغير صغير والعود عود ... نورة :- انزين سيرن عن عالية خلنها تسير وياكن .... عالية وهي توها تدش الصالة :- وشو بلاها عالية بعد ؟؟؟؟ نورة :- ييتي والله يابج .... عالية :- لييييييش ؟؟؟؟ نورة :- اباج تشلي خواتج السوق يتشرن ويفصلن كنادير حق المدرسة .... عالية :- حلوة هاذي وابتلش انا فيهن .... نورة :- لا تبتلشين انا ما قلت شلي اخوانج كلهم قلت شلي علوي ومريوم بس .... عالية :- انزين تنزين حبيباتي يوم انكن تبن تفصلن ليش ما سرتن من قبل ؟؟؟؟ مريم :- انا ما يخصني سألي امي .... عالية :- اقول الغاليات ما تقولن لي أي محل بيفصل لكن الحين لن الخيايط كلهم مشغولين ما ظنتي بيفصلون حقكم .... شوي وتوصل مريم حرمة هزاع ودش الصالة وتسلم .... مريم :- السلام عليكم ... الكل :- وعليكم السلام ... نورة :- هلا بحرمة ولدي .... شخبارج ؟؟.... مريم :- الحمدلله بخير .... عالية :- مريم حبيبتي تقدرين تساعدين اهل ريلج ولو يوم واحد ؟؟؟؟ مريم :- حياتي كلها اذا تبون ... نورة :- لا خلوا مريم هي مب مسؤولة عنكم .... مريم :- افاااااااااااااا افااااااااااااا افاااا يالغالية .... يا عمتي انا ادري فشوه انتوا مشغولين هالأيام علشان جيه ييتكم اساعدكم وما بت عند اهلي غير يوم واحد علشان اجوف ترتيبات المدرسة .... عالية :- عفيه عليج يالغالية عيل اباج اتساعديني اليوم شو رايج ... مريم :- ههههههه يعني انتوا ما تشريتوا حق المدرسة الين الحين ؟؟؟؟ عالية :- تخيلي .... وبعدين مريم انتي تعرفين خياط يفصل كندورتين في يوم ونص ؟؟؟ مريم :- ليييييش ؟؟؟؟؟ عالية :- حق الهوانم علوي ومريوم .... مريم :- ليييييييش ما فصلتن .... عيل اخواتي غلبنكن وفصلن واليوم بيسيرن يتشرن بس .... عالية :- يعني انتي تندلين خياط يفصل في يوم ونص ولا لا ؟؟؟ مريم :- هيه اندل بس شرط الكندورة ما فيها حركات زيادة .... عالية :- واحنا راضين صح يالهوانم ؟؟؟؟ مريم وعلياء :- صح ((((((((( اصلاً غصب(ن) عنكن ))))))))) مريم :- عيل يالله انا لابسة وجاهزة حتى عباتي ما بفصخها بترياكن تتلبسن وتين وبشلكن انا ... عالية :- مريوم الحين الساعة 10 وين تبين تسيرين الحين الضحى ما يسيرون الناس الحين.... مريم :- ويه دخيلج .... عاد انا الي ما افصل فهالوقت ... حبيبتي انا يوم افصل .. افصل فهالوقت لأن ما شي زحمة .... عالية :- انزين توبوني اسير وياكم ولا ما يحتاي .... مريم :- لا ما يحتاي خليج فالبيت ويالله مريم وعلياء بسرعة عندكن خمس دقايق وبس .... علياء ومريم :- ثواني بس وانكون جاهزات .... ويشلنهنا ركضة ..... هزاع توه يدش الصالة ويسلم ... هزاع :- السلام عليكم .. الكل :- وعليكم السلام هزاع :- شو بلاهن الخوات شلنها شردة ؟؟؟؟؟؟؟ مريم وهي مستحية :- سارن يتلبسن .... هزاع :- هيييييه احسب شاردات مني .... مريم :- هزاع شو تعال فوق .... هزاع :- وبعدج ما فصختي العباة !! ... مريم :- عقب بس الحين اباك شوي بس ممكن ؟؟ هزاع :- ممكنين .... مريم وهزاع سارو جناحهم واول ما دشو .... هزاع :- هاه عمري شو بغيتي ؟؟؟ مريم :- هزاع انت تعرف الكل يالس يستعد للمدارس لان المدارس جريبة وما باجي لها شي وبتفتح .... هزاع :- والمطلوب ... مريم :- بليييييز لو سمحت خلني اشل خواتك علياء ومريم الخياط ... هزاع :- لا والله .... وليش ما سارن ؟؟ يعني يتريني ؟؟؟؟ مريم :- هزاع لا تفهمني غلط خواتك ما قالن شي انا الي قلت اني اندل خياط يخيط بسرعة ... هزاع :- اوكيه بس عني شي واحد بس ... مريم :- قول .. هزاع :- بو هزاع وين ؟؟؟؟؟ اقصد ابوهن .... وينه ؟؟؟؟ مريم :- مشغول هالأيام ...... وحتى لو شلهن امك ما بتسير .... هزاع :- ليش هن ما يعرفن يسيرن ويفصلن ؟؟؟؟ مريم :- هزاع انت صاحي بالله عليك يهالوا يسيرون يفصلون وهن ما يعرفن شي عن التفصيلات ... هزاع :- وامي ليش ما بتسير ؟؟؟؟ مريم :- تقول يعورنها ريولها لو تمت واقفة ساعة وبعدين ما شي خيايط يفصلون فيوم ونص الا جليل منهم ونادر وجوده لأن الكل يفصل بس انا اندل واحد افصل عنده يوم اتخر فالتفصيل .... وتفصيله اوكيه .... مع هذا محد يفصل عنده الا جليل .... هزاع :- انزين متى بتسيرون ... عاد لو اني ما احب اشل خوان العازة بس هالمرة عشانج بس .... مريم :- تسلم .... نبى نسير الحين علشان ما نتأخر .... هزاع :- يالله عيل الساعة الحين 10 و10 عندكن دقيقتين وبتحرك ما بتريا ولا وحدة ... مريم :- يالله انزين سير السيارة وبتحصلنا وراحك ... هزاع :- اوووووووكيه ... طلع هزاع ومريم من جناحهم ونزلو نحت وحصلو مريم وعلياء متلبسات ومتجهزات .... وقامن وسارن بسرعة وتصويب على استيشن هزاع وركبن وكانت المرة الثانية او الثالثة الي يركبن سيارت هزاع فيها .... هزاع كمل فالسيارة من ساقها 5 دقايق والين الحين محد رمس .... قال خلني اقطع السكوت ..... هزاع :- اقول خواتي مريوم وعلوي .... مريم وعلياء خواته وهن يطالعن هزاع :- هلا هزاع :- عادي اسأل ولا لا ؟؟؟؟ مريم اخت هزاع وهي تتنافض:- عادي هزاع وهو يبتسم :- بلاج تتنافضين ؟؟؟؟ مريم حرمته :- مريم بلاج تتنافضين انتي وعلياء ؟؟؟؟ مريم وعلياء خواته وهن يطالعن بعض :- لا ولاشي ... هزاع :- والله انكن صدق بنات وخوافات بعد ههههههههههههههههههههه .....انزين مريم حبيبتي وين المحل اقصد الخياط ؟ بعيد ولا جريب.... مريم :- لا جريب وايد عدال هاذيلاج المحلات .... هزاع :- هيه هاذاج الخياط ... جفته .... اصلاً هو الوحيد هنه ... مريم :- هيه انزين ... هزاع :- من وين انتوا اطيحون على محلات جيه ... محد يدري فيهن غيركم .... مريم ومن دون قصد :- لا والله ... جيه احنا ينون ؟؟ حبيبي مب بس احنا الي نفصل عنده وايد يفصلون عنده .... هزاع :- يا سلام على الي نطق بحبيبي .... اخيراً سمعتها ... مريم استحت وحمرت وصارت طماطة بس تحمد ربها انها متغشية .... وحتى خواته مريم وعلياء استحن من قول هزاع مب من قول مريم ... هزاع :- بس عاد عن الطمام الاحمر ترا الثلاية فيها طمام وحتى المزرعة طماطها بالغ .....ويالله نزلن وصلنا ... مريم ومريم وعلياء نزلن وهزاع عقبهم .... دخلن وختارن التفصيلة الي تعيبهن وحمدن ربهن ان الخياط فاضي هاليومين .... وفصلن عنده ... و الهندي قال لهن :- بيكلص انا هزا كنادير يوم سبت صبه بأدين تعال وادفأ وشيل ... مريم :- لا اشوه نباهن اليمعة فالليل عشان السبت مدرسة .... الهندي :- هازا شقل واجد فيه كندورة ... هزاع :- خلاص يا اخي بلاها هالتفصيلة نختار تفصيلة ثانية .... مريم :- صح والله مريم اختاري وحدة ثانية عشان يفصلها لج ....يالله حبيتي ترا ما عندنا وقت ... مريم اخت هزاع :- اوكيه .... وخلاف مريم اختارت التفيلة بسرعة وخلو الهندي يفصلها حقها .... واتفقوا ان الكندورة اتخلص يوم اليمعة فالليل ... وعقب ردوا الفلة ومريم وعلياء فرحانات ....دشوا كلهم الفلة وخلاف عقب دقيقتين دش هزاع وسلم .... هزاع :- السلام عليكم ... الكل :- وعليكم السلام هزاع :- بلاكم اطالعوني ؟؟؟؟؟؟ نورة :- تصدق هزاع انا اليوم فرحانه منك ومن حرمتك .. هزاع فرح من رمست امه وقال :- هيييييييييه .... اقول انتوا تشريتوا حق المدرسة خلاص ؟؟؟ نورة :- لا يبوك بعدنا ما اشترينا شي ... هزاع :- عيل خلاص انا اليوم الي بوديكم تتشروا وعلى احسابي بعد ... الكل تفاجا من هزاع و حلوجهم مفتوحه على الاخير .... نورة :- صدق هزاع ؟؟؟ هزاع :- الي يريحكم ... جان تبون اوديكم اوديكم بس بشرط اليوم بس ما شي غيره ... نورة :- عفيه على ولدي الشاطر ... هزاع :- جيه فمدرسة احنا ..هههههه عالية :- هزاع من صدقك ؟؟؟؟؟ |
هزاع :- انتي لا تحلمين تروحين ... جامعة خلاص ماشي جامعات الحين خلصتيها بعد قولي وظفوج ... عالية :- ويا ويهك وين بيوظفوني بهالسرعة !! .... بس تعال ليش ما تباني اسير؟؟؟؟ هزاع :- ما يحتاي ... انا ومريم بنسير ونشل العيال كلهم ... فهد :- لا انا ما يحتاي ما بسير .... باجر بسير ويا ابوي وبشتري ... هزاع :- انزين كيفك .. عالية :- بليييييز هزاع بسير اتشرى حق اخواني .... هزاع :- ما يحتاي مريم هندهم ....و هي احسن منج وذوقها عالي مب شراتج اسم على غير مسمى ... عالية :- علشان خاطري بس بتشرى حق سيف بس ... انزين ؟؟؟ سيف :- لا والله انا ابا العروس تشتريلي .... الكل ضحك ... هزاع :- مب اسمها العروس اسمها مريم ... سيف :- كله مريم ... لاااا ما يوز اختي مريم ... هزاع :- قول حرمة هزاع وفك نفسك من الصدعة ... سيف :- انزين حرمة هزاع انتي بتشتريلي ؟؟؟ هيه حبيبي اذا تبا بشتريلك واذا ما تبا ما يحتاي... سيف وهو يصارخ :- هيه هيه بيشترولي ..... وسار وحب مريم على خدها .... مريم :- حبتك العافية ... هزاع :- عيل اليوم تجهزوا ترانا العصر بنسير بوظبي ودبي ويمكن نخطف على الشارجة وعيمان ... الكل فرح وخصوصاً انهم سايرين يتشرون حق المدارس... وخلاف نورة سارت حطت الغدا لأن الساعة 1 ونص الحين .. وتغدوا عقب الغدا .... مريم وهزاع اكيد طلعوا فوق واكيد فالجناح لازم يرمسون .... هزاع :- شو رايج فيني فالي سويته اليوم ؟؟؟؟ مريم :- شي حلو وايد .... هزاع :- تسلمين .... بس ان شاء الله ما زعلتي ؟ مريم :- و ليش ازعل ؟؟؟ هزاع :- لأني عطيتج مهمة امي ما تروم عليها... مريم :- لا عادي انا اصلاً ايام المدرسة انا الي اتشرى حق اخواني ... هزاع :- فديتج صدق انج بنت اصول ... مريم ابتسمت ابتسامة حلوة وايد هزاع :- عيل خلينا نرقد شوي الين العصر وخلاف بنسير .. مريم :- اوكيه ... ...... العصر الساعة 4 و5 دقايق نشت مريم وسارت صلت وعقب وعت هزاع ونش وصلى وخلاف نزلوا تحت جان يحصلون الكل يترياهم عشان يسيرون .... والكل متلبس وخلاص ما باجي شي غير ان علياء تلبس عباتها وشيلتها ....مريم وهزاع تفاجأو منهم بس كان احسن ... هزاع ومريم شربا شاهي زعتر بسرعة علشان ينشطون ... و الساعة 4 ونص تحركت السيارة والي كان موجود فيها ... ( سيف وعبدالله ومريم وعلياء ومريم وهزاع ) وسيده ساروا دبي اول شي ... ودشو انصاري مول لأن هزاع وايد يحبه ومتعود عليه... هزاع :- يالله هذا قسم المدارس ... اليهالوه :- يعني احنا ما نعرف ولا ما نجوف ؟؟؟؟ مريم حرمة هزاع وهي تبتسم :- صدقهم هزاع يعني هم ما يجوفون ! هزاع :- انزين ما قلت شي يالله نقوا الي يعيبكم .... ساروا واختاروا الي يعيبهم بس بعدهم ما خلصوا من القرطاسيات .. لان مب كل شي فالخاطر نحصله ... وعقب ساروا قسم الملابس و اختار هزاع ومريم بدلات حق سيف وعبدالله ... بس مريم وعلياء ما اختارن شي لأنهن يبن القسم الثاني حق الملابس النسائية .. مريم حرمة هزاع :- اقول هزاع انا بسير القسم الثاني وبرد بس ما تتحركون ونضيعم ... هزاع :- برايج سيري يالله .... اول ما سارت مريم ... هزاع خذ تيلفونه ويدق على الخياط الي فاليحر ... هزاع :- الوووووو الهندي :- هلاااا ارباب هزاع هزاع :- زين عرفتني ... الهندي :- اسلاً ما في واجد ناس سوي دقي كثر انته .... هزاع :- عن الهذبة الزايده .. اباك تفصل 6 كنادير حق سيف اخوي 3 وعبدالله اخوي 3 سمعت ؟؟؟ الهندي :- ايوااااا انا يسمع ... هزاع :- فصل الكنادير شوي بعد اطول ووسعهم شوي بعد ... الهندي :- لاااا انا كلاس انا الحين يعرف شو انا سوي ... بس انته قول الوان كنادير شنو ؟؟؟ هزاع :- سوا 4 بيض وثنتين بيج ... سيف كندوتين بيض وحدة بيج ونفس الشي عبدالله الهندي :- ايوه كلاس بس انتا متى يجي شيل ؟؟؟؟ هزاع :- باجر العصر بشلهن ... الهندي :- اوكيه هزاع ... وسكر هزاع التيلفون عن الهندي وسار يتمشى ويا اخوانه شويه لأنه يعرف ان الحريم ما يخلصن بسرعة ولا جان يحصل شيخة فالويه... شيخة :- السلام عليكم ... هزاع :- وعليكم السلام ... شيخة :- منوه هاذيلا ؟؟؟ هزاع :- سيف وعبدالله شيخة :- بلاك شي مستوي ؟؟؟ هزاع :- ليش ؟؟؟ شيخة :- جنهم الا ربعك صغروا .. هزاع :- هههههههه لا هاذيلا اخواني الصغار ... الا شو يايبنج المول شيخة :- الي يايبنك ... هزاع :- حق المدارس ... ما شاء الله الي يضيع ربعه وناسه اليوم بيجوفهم لان الكل لاهي بالمدارس ... شيخة :- هيه والله صح .. اقول اشتريتوا ولا بعدكم ؟؟؟ هزاع :- يعني ... باحي لنا وايد شغلات بنحاول نخلها اليوم ... شيخة :- اكيد مب فمول واحد صح ؟؟؟ هزاع :- هيه شدراج ؟؟؟ شيخة :- شكلك يقول ... انزين وعقب هالمول أي مول بتسير ؟؟؟ هزاع :- ما بيلس فدبي بس بسير القرية العالمية اذا مفتوحة وعقب بسير بوظبي .... شيخة :- مارينا مو ل صح ؟؟؟ هزاع :- هيه ان شاء الله ... اقول شيخة باي بسير عن اذنج الاهل وياي جوفه عينج ... شيخة :- هيه صدق يالله عيل باي ... فمان الله هزاع :- باي .. فمان الرحمن شيخة ردت مكانها وهزاع رد مكانه اول ما يلس على الكرسي يات مريم وخواته وعقب ساروا مارينا مول الي فبوظبي ... وهناك اكتملت مريم تشتري من صوب وهزاع من صوب يرمس ربيعاته .... وخلاف مريم وخوات هزاع واخوانه كلهم خلصوا حتى هزاع كان اولهم مخلص .... ودوا البيت وكانت الساعة 2 الا ربع وعلى طول رقدوا والصبح نشوا ويلسوا يجربون ملابسهم لان باجر مدرسة والكل برز أغراضه وملابسه ويلسوا يطالعونهم طول الوقت ملتهين فيهم ... وعقب الساعة 10 ونص رقد ...... يتبع ..... |
الحلقة ( 12 ) اليوم السبت ..... الكل نش لأن هذا اول يوم ... ( بنجوف العبة احنا ثاني وثالث يوم والي عقبهم... محد ينش الا بضرب ههه شراتي ) المهم سيف ومريم وعلياء وعبدالله نشوا وتريجوا وعقب سار كل واحد مكنهم يتلبس ملابس المدرسة .... مريم حرمة هزاع توها تنزل من فوق .... والكل تقريباً فالصالة ما عدى هزاع وعالية الرقود .... مريم حرمة هزاع وهي توها توصل عند اليالسين :- السلام عليكم .... الكل :- وعيلكم السلام .... نورة :- هلا بحرمة ولد هلا مريم حرمة هزاع :- هلا فيج .... ++ وسارت وحبت راس عمتها ++.... نورة :- حبتج العافية يا الغالية ... بس اقول مريم ... مريم حرمة هزاع :- هلا نورة :- الا هزاع وين ؟؟؟؟ مريم حرمة هزاع :- راقد ... ليش ؟؟؟؟ نورة :- ما عليه دوام اليوم ؟؟؟؟؟؟؟؟؟؟؟؟؟؟ مريم حرمة هزاع :- هيه عليه دوام .... نورة :- عيل ليش راقد ؟؟؟ مريم حرمة هزاع :- لأن دوامه الساعة 9 ونص مب الحين ... نورة :- غريبة أول مرة هزاع دوامه 9 ونص .. مريم حرمة هزاع :- لا يا عمتي انتوا نسيتوا هو ماخذ اجازة ساعية علشان يودي اخوانه ... نورة :- ماخذ اجازة ساعية !!!!!!!!!!!!!!!!! علشان يودي اخوانه !!!!!!!!! مريم حرمة هزاع :- ليش مستغربة مب هو العادة هو الي يوديهم اول يوم ؟؟؟؟؟؟؟؟؟؟؟؟؟ نورة :- لاااااااا حشى عليه ولا يدل مدارسهم وين بعد ....انتي منوه الي قالج ؟؟؟ مريم حرمة هزاع :- ما ادري افترضت جيه بس هزاع قال لي عشان يودي اخوانه وبس ... نورة :- والله غريبة .... يديدة هاذي بعد على هزاع ...والله ما ادريبه هالولد شو ناوي عليه .... مريم حرمة هزاع :- انزين عمتي عيل انا بسير اوعي هزاع الحين الساعة 7 .... هزاع وهو توه يبى ينحدر من الدري ...:- اماااااااااااه امااااااااااااااه مريوووووووووووووم امييييييه وينكم ...امااااااااااه حووووووووه ... نورة :- هاااااااه هاااااااااااه شو بلاك ؟؟؟؟؟.... هزاع :- على وين ناويين اليوم من صباح الله خير ... نورة :- والله احيدهن مدارس اليوم وشي دوام اليوم .... هزاع :- جيه اليوم السبت ؟؟؟؟ نورة :- لا اليمعة احنا انسير مدارس ... هزاع :- هه غريبة احنا ما عندنا دوام اليمعة علشان الريايل يسيرون المسيد حق صلاة اليمعة .. انتوا وين عايشييييين اليوم السبت ... نورة :- هزاع عن الاستهبال ... تعال وتريج شكلك صاكنها نومة ثجيلة عشان جيه ما تفرق ... هزاع وهو يشرب جاي :- انزين الحين هاذيلا مريم وعلياء عرفنالهن بنوديهن الاعدادية وعبود الابتدائية وسيف وياه بعد ؟؟؟ ولا اوديه الروضة ؟؟... نورة :- انت وين عايش .... ودوه الابتدائية بس سيف لازم اسير انا وياه اوديه الين صفهم واتعرف على مدراسته هزاع :- اماااااااه الحين انتي الي بدشين ويا سيف المدرسة ؟؟؟؟ نورة :- هيه انا عيل منوه ؟؟؟؟ هزاع :- جيه عاقه المستحى ما تخيلين من الريايل ... نورة :- والله احيدهن حريم يدرسن مب ريايل ترا الريايل كنسلوا فيزتهم من جم مدارس الابتدائية حق الاولاد ومدرسة سيف وعبود منهن .. ولييييش انت ما تعرف ؟؟؟؟ هزاع :- شدراني مب ولي امر اسير مدارس .... انزين الحين سيف متى انتي سجلتيه ؟؟؟؟ نورة :- حتى متى سجلناه ما تعرف ؟؟؟ هزاع :- شدراني عنكم .... نورة :- يااااااااااااالله يا هزاعووووووه ..... انت ما تعرف شي عن البيت موليه هزاع :- انزين تعالي سيف بعده لازم يروح الروضة السنة مب المدرسة ... نورة :- هزاع انت وين عايش .... اخوك سيف عمره خمس ونص تباه يروح الروضة... هزاع :- مسرع ما كمل 5 ولاااااا ونص بعد ... نورة :- جيه انت ما تعرف ان سيف تاريخ ميلاده 7 \ 3 يعني الحين عمره 5 ونص ... هزاع :- انزين لا تاكلوني عسب هالسافي نص العالم ما يعرفونون اعمار اخوانهم والربع ما يعرف منوه اخوانهم اصلاً يعني ردت علي انا يعني ... نورة :- انزين كليتنا ما تسوى علينا هالسيرة اونه بشلكم ومناك الله المستعان .. انت من يوم يومك ما تحب تسوا خير حق حد .... هزاع :- لا اله الا الله محمد رسول الله ( ص )... نورة:- اسلم هزاع باركوا له .. ههههههههههههههههههه هزاع:- امااااااه خلاص بوديكم بس عن القرقعة الزايدة ... وبعدين وين اخوان العازة تراني ما اجوفهم لايكون بس اتشيخو بعد !!! نورة :- اطمن يتلبسون وبيون هزاع وهو يستدح على الرسي العود :- انزين يالله يوم بيخلصون وعوني انا بتسدح بس ... نورة :- لا لا لا لا تسدح ولا شياته ميانين احنا نخليك تسدح علشان ما يسيرون العيال المدارس قوم نش اشرب جاي وسير تلبس ترا الحين الساعة 8 الا ربع سير اتلبس وعن الاستهبال تراك الحين عود استويت ريال بسك من هالسخافة يوز حبتك يدتك العيوز .... الكل ضحك هههههههههههههههههههههههههههههههههههه هزاع وهو يضحك :- ههههههههههههههه امااه مب بس يدوتي تحبني تراج حتى انتي تحبيني سبحان الله انا محد يحبني غير العيايز وعاد جان مريم بعد تحبني بعد زين تطلع وحده توها شباب تحبني بدال هالعيايز صح مريوم ؟؟؟؟ مريم استحت وحمر ويهها :- لا تغير السالفة سير وبلدل ملابسك تراني حتى انا ابا اسير الاعداية انا وعالية اختك ... هزاع :- الله واكبر مسرع ما عنوكن ابلات .... مريم :- لاااااا بعدنا بس بنسير نسلم على الكل وبطالع ربيعات خواتك وابلاتهن وصفوفهن ... هزاع :- حلوة هالشغلة .... وانا اصير شرات الدريول الي يتريا فالباركنات مالات المدرسة ... مريم :- منوه قال دريول ... وبعدين تعال انت بس بتوطانا وبتسير وخلاف تعال وشلنا يوم بترد من الدوام .... هزاع :- اسميكن يالبنات .... ولا ما بقول ....اقول سيري وعي هايج الدبة الي فوق الي جنها من سنة مب راقدة عاد اونها تبا تقلدني بس ما رايمة ... وقليلها هزاع فالسيارة وانا بسير اتلبس ... مريم :- انزين يالله ... هزاع :- جدامي يالله ... مريم :- انت جدامي انا ما احب حد يمشي وراي ... هزاع :- يالله انزين وراي .. مريم وهزاع ساروا فوق مريم سارت حجرة عالية ووعتها و عقب سارت تتلبس وتتعدل وعالية نفس الشي تتعدل وتتلبس ....وخلاف قبل لا يركبن البنات ( مريم حرمت هزاع وعالية ومريم وعلياء خوات هزاع استيشن هزاع ).... فهد وهو توه يوصل عند استيشن هزاع صوب دريشته المفتوحة وهو يرمس هزاع :- هلا هزاع هزاع :- هلا فهد :- هزاع وداني وياك المدرسة .. هزاع :- ليش وابوك وين ؟؟؟؟ فهد :- بيأخرني ما فيني وبعدين ترا الربع يبون يسلمون عليك .... هزاع :- هه اوووووب ليييش يعرفوني ؟؟؟ فهد :- نصهم يعرفونك من خوانهم والنص جافوك بس .... هزاع :- عيل اركب بوديك .... فهد :- بس شرط انا آخر واحد توداني ..... هزاع :- اكيييييد ياريال .... وحتى ما بنتأخر بنتزل خواتك وحرمتي الاعدادية وبوديك الثانوية ... فهد :- هيه اخوي اعرفك .... هزاع :- اركب اركب ... فهد سار وركب عدال هزاع يعني جدام وعقب ين البنات وركبن ورا ووداهن هزاع الاعدادية وعقب سار الثانوية ... وسلم على الشباب كلهم ( الشباب مب مصدقين انهم يسلمون على هزاع بو الشلة العودة شلة المرعب هزاع الشباب يسلمون عليه وهم يتنافظون ويقولون بخاطرهم :- يالله بالسلامة ... عن ينقلب ذيب ولا يفرق بغانيمه ) هزاع وهو بص او وسطهم الشباب الي مسوين دايرة على هزاع ودايرة عودة بعد :- بلاكم جيه اطالعوني ؟؟؟؟ الشباب سكتو وما رمس غير فهد اخوه :- هزاع لا تلومهم متزيغين منك وهو صح انت تزيغ الي ما يتزيغ ... هزاع :- حرام عليك يا ريال انا ما ازيغ بس الناس تتزيغ مني مع اني طبيعي .. وبعدين انتوا جم شلة فالمدرسة ؟؟؟؟؟ فيصل (واحد من الشباب ) :- احنا عندنا شلة خالد ( واحد من الشباب ) :- بعد شي شلتين فالمدرسة غير شلتكم عبدالعزيز ( واحد من الشباب ) :- هيه صح احنا عندنا شلة بعد سلطان ( واحد من الشباب ):- واحنا بعد عندنا شلة .. فهد :- حتى انا هزاع عندي شلة ... هزاع وهو يضحك ويصفق بيده :- هههههههههههههههههههههههههههه حلو بس تصدقون شكلكم ولا شي ... الكل يطالع الثاني ومب فاهمين قصد هزاع بس هزاع فهمهم وحب يوضح الهم لانه عنده وقت عن الدوام ساعة كاملة.... هزاع وهو رافع خشمه وحواجبه وهو واقف بطريقة تخلي الكل يفهم قوته :- هاااااااه انتوا تبون كورس حق كوين الشلل بس مب عارفين كيف ....فهمتوا جيه .... الحين ابدا .... جفتوا حركتي هاذي دليل واحد ( هزاع يالس يرمس ويروي الشباب الحركات بالتفصيل )... ودليل ثاني لازم قلبك صخر ....ثالث شي انت لازم تروا الناس قوتك ولازم الناس تخافك ..... ومحد يوقف جدامك يعني تصير الكل فالكل حتى البيت لا توى له اعتبار وسوى له طاف انسى ان عندك اب ولا ام ولا اخت ولا اخو ولا عندك بيت تفهم البيت خله جنه فندق رد الفير بس شرط بعد ما تشترى السيارة مب شرط الليسن اعرف ما بيعطونكم اياه لأنكم صغار بس انتوا شلوا سياير اهلكم ولا وعيني عينك بعد علشان ما يقولن سرقتوا السيارة حتى لو الشرطة مسكتك لا تنزل حواجبك خلهن مرفوعات وخشمك فوق ولا تخلا صوتك جنك بنية خله ينسمع خلا فيه هيبة واذا بغت الشرطة تخالفك ع السرعة زيد السرعة وزنها ريس كامل ولا عليك من الشرطة حتى الاستاد اذا ياك وقال لك يا فلان وين الواجب قول وانا من متى احل الواجب ... عاد هنا الاستاد بيعصب قول اضربني اذا فيك خير مد ايدك بس يالله تعال كمان كمان وانت فاتح ايدك هنيه الاستاد اذا استخدم الخيزرانة مب ايدك ولا تخاف اكيد الاستاد مستغرب منك وبيحاول يخفف الضربة لأنه يحس فيك قواه ... عاد انته لا تقصر اول ما توصل الخيزرانة ايدك امسكها واقلبها على صاحبها ورقعة على الدعنة وطيح فيه ضرب طبعاً شلتك ما تقصر اول ما تزخ الخيزرانة على طول ربع الشلة هجوم عليه ولا تقومون الين يصب الدم من يبهته واكيد ايده وريله لا تخلونهن فحالهن خلوا اعماركم مسلحين يمكن حد يتعرض الكم عير انكم يبرحون الاستاد باسلحتكم بس شرط الاسلحة مب خطيرة ... لأن غرضنا القوة مب الجتل ... صح ؟؟؟؟؟ الكل باستثناء فهد:- هيه صح ... فهد :- لا مب صح ....هزاع انا اول مرة ادري انك جيه ... هزاع :- ليييش واول شو كنت تتحراني ؟؟؟؟؟ |
فهد :- تحريتك اضارب بس .. بس مب معناته العنف ... هزاع لو سمحت غير السالفة محد يبا يعرف اشجايل يكون قوي وله هيبة ... هزاع وهو يضحك ويصفق :- ههههههههههه والله انك خواف اتصدق ان احنا دشينا علمي واحنا مغمضين مب شراتك تدرس ؟؟؟ الكل :- انت داش علمي ؟؟؟ هزاع :- هيه كل هذا واحنا ما سوينا شي .... لا امتحنا امتحانات تقويمية ولا هم يحزنون الدرجة يحطونها حقنا 75% يمكن ناقص درجة او زايد درجة او درجتين عن حد يشك و هذا الي اتفقنا عليه احنا والاستادية .... طبعاً احنا ما رشيناهم لا بالبيزات ولا هم يحزنون بس من كثر الزيغة الي فقلوبهم خلتهم يساعدونا غصب ولا بطيب .... ابا اخبركم معلومة .... ان الجيش ولا الشرطة ما يدخلون واحد بهالنوعية فانت لازم تكون جدامهمم واحد مؤدب ....فهمتوا ؟؟؟؟ الكل باستثناء فهد :- فاهمييييين فهد :- هزاع وبعدين وياك .. هزاع :- ما عليكم منه والحين ابا اطلب طلب ما تردوني واذا قلت ابا ما تردوني الكل باستثناء فهد :- اكيييييد يالذيب ... هزاع :- منوه اقوى واحد فيكم ؟؟؟؟ الكل :- ناصر هزاع :- وينه ؟؟؟ ناصر وهو يأشر على عمره :- انا شو بغيت ؟؟؟؟ هزاع :- تعال ....شحالك ناصر وهو يقترب من هزاع :- بخير الحمدلله .. هزاع :- انت من اول بداية شكلك مب عايبني .... القوي يقول اوكييييييييييه .. ناصر :- اوكيه هزاع :- جم وزنك ؟؟؟؟؟ ناصر :- 62 ليش تسأل ؟؟؟؟؟ هزاع :- ولا شي ناصر :- وانت جم وزنك ؟؟؟؟ هزاع :- وزني ووزن الياهل واحد وزني يا ناصر يا اقوى واحد فالمدرسة وزني 39 وانا اقوى واحد فالشلة فالشلة والمدرسة و في وايد اماكن بعد... الكل استغرب من هزاع بس هزاع كان صادق بس ما عليكم الكنادير ما تقصر تنفخ ... هزاع :- بلاكم ؟؟؟؟؟ ليش مب مصدقين ؟؟؟؟ ناصر :- لا مب مستغربين عادي هزاع :- تقدر تجرب اول ضاربة وياي الحين ولا لا ؟؟؟... ناصر :- هيه بس انت اكبر مني .. ما اقدر اضربك ... هزاع :- انا قلت انت من اول بداية مب عايبني اونه انا اكبر منه وابشرك بعد معرّس فهالصيف .... ناصر :- معرّس والين الحين عندك هالحركات !!!!!..... هزاع :- هيه ولا تغير السالفة تعال اذا فيك خير وروني قوتك اذا كنت قوي واقوا واحد فالمدرسة . فهد :- ناصر لا تبيع عمرك ترا هذا ما يتفاهم .... ناصر :- وانت شو يخصك ؟؟؟ هزاع :- فهد لا ترمس ..... ناصر وهزاع بدوا الضرابة ومن البداية ناصر طاح .... وهزاع فوقه والكل يطالع .... هزاع استخدم سلاح اليد فالملاكمة وناصر نفس الشي كانو الاثنينه قويين بس ناصر كان اضعف من هزاع وهذا الي خلاه يستسلم من اول 10 دقايق لأن هزاع ما خلا فيه شي صاحي .. وخلاف ... هزاع :- يالله عيل مدام اقوى واحد فالمدرسة هزمته من اول 10 دقايق عيل ما اقول شي يالله مع السلامة .... الكل :- مع السلامة ... هزاع وهو توه يطلع من الدايرة الي مكونينها الشباب الا يجوف الاخصائي يوسف والاستاد جاسم والاستاد محمود والمدير حمد .. هزاع :- هلااااااااااا السلام عليكم ... المدير والاخصائي والاستادية :- وعليكم السلام يا هلا بهزاع الكل بطل الدايرة الي كانوا مكونينها علشان المدير والاخصائي والاستادية يوا ... هزاع :- خلكم مكانكم محد يتحرك .. المدير :- بلاك هزاع بعد على حالتك ما تغيرت .... هزاع :- الناس اول شي يباركون .... المدير :- على شوه .... لا تقولي فصلوك بعد هالدز كله ... هزاع :- ويييييه خبرك عتيج مال اول هذا .... انا اصلاً محد يروم يفصلني .... انا اقول لك باركلي صرت معرس وعرست ... المدير :- والله ..... بالمبارك بالمبارك بس ما عزمتنا ... هزاع :- اصلاً هو تم مكان حق المعازيم الصالة انترست حريم وبرع الريايل حتى ما تعرف منوه سلم عليك ومنوه ما سلم عليك ومنوه الي حضر منوه ما حضر ... يا ريال خلها على ربك بغيت اعزمك بس طحت من خاطري .... المدير :- افاااااا ليييش .... مب احنا خليناك الكل فالكل بعد شو تبا ؟؟؟ هزاع :- لااااااااا هذا ما يخصه وبعين العرس خلص بس اهم شي انه فاتك العرس وفاتتك فرقة دبي الحربية الي انضاف حقها كوكتيل من الشباب الي حضروا العرس ولا اليهالوه يسكتون ....... المدير :- الله يسامحك هزاع :- حمد بسك من المصخرة وخلنا فالاهم ... المدير :- شو هو الاهم ؟؟؟ هزاع :- وراي دوام الحين ما اقدر اتأخر اكثر من جيه .... المدير :- هيه صح انت وين تشتغل ؟؟؟؟ اكيد فالجيش صح ؟؟؟ هزاع :- صح يا حمد انا فالجيش بس انا طيار فالحربيات مب لعبة .... المدير :- ادريبك انت منو يوم يومك فوق .... الا صدق انت اكيد ما خذ اجازة ساعية صح ؟؟؟ هزاع :- هيه ومب باجي غير ربع ساعة اسير البيت البس وعقب ازنها ريس كامل بس عشان اوصل .... المدير :- الله يوفقك ... هزاع :- آآآآآمين وسار هزاع بسرعة وسار البيت وبدل ملابسة وطلع بسرعة وسار الدوام ... وخلاف عقب الدوام سار الاعدادية علشان يشل الآنسات من المدرسة ... وقف هزاع فالباركن وتذكر انه ما دق على مريم ولا عالية علشان يطلعن قام ودق على مريم ومريم كانت يالسة ويا عالية فصف علياء ... مريم يوم انتبهت للتيلفون وطالعت انه هزاع طلعت من الصف عشان ترد عليه بس اول ما طلعت جان توقف الرنة وهنيه كان هزاع مستغيض لانها مطنشتنه اونها والحقيقة شي ثاني ... مريم دقت على هزاع .... مريم :- الووووووو هزاع وهو معصب ومضايج :- اووووووو نعم مدام مريم :- بلاك جيه ترمس ؟؟؟؟؟ هزاع :- شو تبيني اضحك وياج يعني تراني الدريول مالج مريم :- شو هالرمسة بعد هزاع فيك شي ؟؟؟ هزاع :- سلامتج عسى ما فيج شي ليش ما تردين على تيلفوناتي 24 ساعة ادق ولا تردين شوه اسمي مب عايبنج مريم :- استغفر الله العلي العظيم هزاع انت منوه الي قايل لك ان اسمك مب عايبني ولا رمستك بس انا ما انتبهت الا خلاف .... ويقاطها هزاع :- بسج عن الهذربة ويالله خلي عاليوه تظهر وياج ان ما ييتن بكفخك داخل يالله بسرعة عندكن 10 دقايق وبروح سمعتن ومندون لا يتريا رد مريم سكر الخط فويهها ... مريم شوي وبتصيح بس مسكت عمرها ودشت الصف وقالت حق عالية يالله خلينا نروح وحتى مريم وعلياء شلوهن من المدرسة وتعرفون اخذ اذن الخروج للطلاب يبا وقت شوي على الاقل دقيقتين... مريم كانت زعلانه من هزاع لدرجة انها ما ركبت جدام خلت مريم تركب جدام عند هزاع وهي ركبت ورا عند عالية وعلياء ... وفالسيارة ... هزاع :- هلا والله بهالغااويات عسى بس العرس كان حلو !!! عالية :- أي عرس انت ما تجوف ان احنا جدام مدرسة !!! هزاع :- ما سألتج انا اسأل حبيبتي الي مب عادطتني ويه ما ادري ليش مع اني انا الي معصب ... عالية وهي تتطالع مريم وتتطالع هزاع :- ليش استوى شي ؟؟؟؟ هزاع :- لا كنت اتمصخر بس مستغرب ليش ما ركبت جدام ... مريم اخت هزاع :- ليش انت ما تحبني ؟؟؟؟ هزاع :- حبتج القرادة لو اني احبج بس مب الين هناك .... اقول يا خواتي الغاليات ... خواتي بس ... تبون شي وانا فالدرب الحين ؟؟... مريم صدق انقهرت من الخاطر .. عالية :- وليش ما تسأل حرمتك ؟؟؟؟ هزاع :- مب لازم عندها كل شي ... مريم حرمت هزاع :- لا عالية ما ابا شي ... هزاع :- جفتي عاليوه ان مب لازم اسألها عن اتقفط شراتج ... عالية :- هزاع شو هالرمسة ... هزاع :- ما شي ... عالية :- عيل ليش ترمس حرمتك جيه ؟؟؟؟ هزاع :- عالية بتسكتين ولا اشوه .... عالية سكتت حتى انفاسها كتمتهن ..... واول ما وصلوا البيت الكل سار حجرته يبدل بس مريم ما سارت جناحها سارت حجرت عالية لانها ما تبا ترمس هزاع .... فحجرة عالية ...... عالية :- مريم ليش تفصخين عباتج هنيه ليش ما تحينها فحيرتج وخلاف تيين ؟؟؟؟ مريم :- ليش انتي مضايجة مني ؟؟؟ظ عالية :- لا مب قصدي بعدين اضايج من ربيعت عمري ؟؟؟؟؟؟ نورة وهي تزاعج من الصالة الي تحت بس الصوت ينسمع ووصل حجرت عالية والي كان :- حوووووه يالله غدا تعالوا انحدروا غدا ... عالية :- مريم امي تقول غدا يالله خلينا ننزل تحت ... مريم :- اذا انتي يوعانه سيري بس انا ابا اطلب طلب ما ترديني ... عالية :- آآآآمري .... مريم :- انا ما ابا غدا بس انتي لا تقولين ما تبى غدا قولي راقدة لاني صدق تعبانه وابا ارقد بس لو سمحتي بعد ابا استخدم شبريتج فرقدتي .... عالية :- وليش ما تسيرين حجرتج ؟؟؟؟ مريم :- عالية وبعدين وياج ..... عالية وهي توها تفتح الباب :- خلاص يالله بقول حقهم راقدة لانها ما تبا تتغدى شبعانه انزين ؟؟؟؟ مريم :- شوه ؟؟؟ اييييييييه تعالي قولي تعبانه مب شبعانه .... هزاع سمع عالية وهي تقول حق مريم .. خلاص يالله بقول حقهم ..... الخ .... وفهم ان مريم زعلانه ....بس طنش وسار تغدى وعقب تلبس وطلع يحوم ويا ربعه وخلاف ... الساعة 12 ونص ... فحجرة عالية .... عالية :- مريم اليوم ما طعتي ابداً تكلمين حد شو السالفة وليش هزاع مب فالبيت ؟؟؟؟ مريم وهي معصبة :- عاليوه لا تنشديني انشدي اخوج .... عالية :- وهو شو سوى انزين ..................مريم بليييييز فهميني هذا وانا ربيعتج الروح بالروح من يوم احنا صغار ..... مريم انا ما اخبي عليج اسرار ولا انتي تخبين علي اسرارج ... ليش هالمرة تبين تخبين علي ؟؟؟؟ مريم :- هزاع يا عالية ما ادري شو استوى له اليوم دق علي وانا فالصف بس ما انتبهت وما فيها شي .... عالية :- وبعدين ؟؟؟؟ مريم :- طلعت من الصف علشان ارد عليه بس الرنة وقفت قمت ودقيت عليه علشان اعرف شو يبا .... عالية :- وخلاف ؟؟؟؟ مريم :- قام يصرخ علي وما ادري شوه يقول مخليني دريول عندكم وما ادري شوه .... عالية :- ليش ؟؟؟ لا يكون لانه ترايا شويه عند البوابة ولااااااا وداخل سيراته ... انزين ما فيها شي ..... انزين هو ليش يعصب جيه ؟؟؟ اوه نا غبية اسأل واجاوب والله حالة .... انزين ليش ما ترمسون بعض ما استوى شي قوي ... مريم :- لا والله تبين يستوي شي قوي يعني .... عالية :- مب قصدي بس لا تزعلين منه لانه ما يعرف يزعل ... مريم :- عيل فسري لي سبب طلعته بدون ردته والحين الساعة 1 الا ربع .... عالية :- عادي تلاقينه ويا ربعه .... مريم :- وشو هالعادة الي نا بيخلص منها والله حالة انا خلاص ما ابا ايلس فالهبيت ولا دقيقة وحدة .... عالية :- مريم استهدي بالله ... اذكري الله ... مريم :- لا اله الا الله محمد رسول الله ... عالية :- مريم تراضي ويا هزاع ما فيها شي هو بعده الين يتعود ع الوضع يعني اصبري عليه ..... مريم وهي شوي وبتصيح :- بس انا ما اقدر ارمس وياه عقب هالصرخة الي صرخها فاذني .... عالية :- مريم تغوذي من ابليس ورقدي والصباح رباح ... مريم :- اعوذ بالله منك يا بليس ..... وشرات ما قلتي الصباح رباح .... وتصبحين على خير .. مريم وعالية رقدن فشبرية وحدة بس مريم ما رقدة يلست طول الليل ما تفكر فالمستقبل وهي تصب نفسها وع الساعة 5 الفير سارت مريم وصلت الفير وخلاف رقدت ..... يتبع ........ |
الحلقة ( 13 ) اليوم الاحد ....الساعة 10 ونص الصبح .... في شالية هزاع ..... الكل راقد .... وخلاف .... سيف نش وسار ودق على الكفتيريا الي عدالهم علشان ايبون حقهم ريوق ..... وخلاف نش محمد وعبدالله ومزاحم وخلاف فهد راشد واحمد وخلاف حمد وعلي وسالم وتريجوا .... يوم يات الساعة 11 ..... عبدالله :- اقول الربع .... الكل :- هلا عبدالله :- ما جنه اليلسة ناقصة ؟؟؟؟؟ الكل وهم يطالعون بعض :- ما ندري مزاحم :- اقول هزاع راقد ويانا امس ؟؟؟؟؟ حمد :- هيه صح هو راقد ويانا البارحة .... والله نسيته ... فهد راشد :- وحتى انا عاد تصدقون المفروض هزاع ما يبات ويانا وهو معّرس وعنده حرمه .... عبدالله :- الا اذا كانت رايحة بيت اهلها .... سالم :- حمود ولا عبود قوموا سيروا جوفو اذا هزاع رقد امس ويانا ولا لا اذا رقد ويانا تعالوا خبرونا قبل لا توعونه علشان نييب له ريوق .... تعرفون ما فينا ع الصدعة وهذا مب أي صدعة هذا الراس العود هذا راس العرقوب .... مزاحم :- جيه احنا عراقيب ..صدقت سالم والله ان نش هزاع وما حصل الريوق دامه والله يروينا الادب .... محمد :- ههههههههههههه ايه لا تتمصخرون على هزاع ترا ما ارضى عبدالله :- وانا بعد سالم :- استاد انا بعد تراني ما ارضى .... الكل :- لااااااااا انا ما ارضى ........ وكلاااااام ...... المهم قام عبدالله ومحمد وساروا الحجرة حصلوا هزاع راقد وفسابع نومة وعلى طول ردوا وسيدة دقوا على الكفتيريا وطرشوا ريوق حق هزاع وخلاف وعوه وجان ينش ويتريج و عقب تذكر انه ناسي فالبيت شي (((((((((((((((( مريم ))))))))))))))) طرى في باله انه يطرش حقها مسج غاااااوي ( من المسجات الغاويات من الي عنده * الين الحين ضامنهن *) ........ فهذا الوقت بس فبيت بو هزاع .......فالصالة ...... نورة :- اقول مريم ... مريم :- هلا عمتي ... نورة :- الا هزاع اليوم ما جفته ولا سمعت له صوت ... وينه ؟؟؟؟؟ مريم :- والله يا عمتي ما ادري ... انا من امس ما اري عنه طلع وما قال لي وين بيسير .... نورة وهي فاجه عيونها:- من امس وما قال لج وين ساير ؟؟؟؟؟؟؟؟؟؟؟؟؟؟؟؟؟؟؟؟؟؟؟ !!!!!!!!!!!!!!!!!!!! مريم :- هيه نعم يا عمتي ما قال لي وين بيسير .... نورة :- الله يهديه .... انزين سوالج تيلفون ؟؟؟؟ مريم :- حتى تيلفون ما سوا .... نورة :- وانتي سويتيله تيلفون ؟؟؟؟ مريم وهي مب عارفة شو تقول :- والله يا عمتي ..... انا .... انا مب متعودة ادق على هزاع وانشده عن شي .... نورة :- جيه مب ريلج .... مريم :- هيه بس مب متعوده اسأليه وين بتسير وليش وووووو متى بترد ووووجيه مب متعودة ... نورة :- هههههههههههه تذكريني بعمري يوم عرست ما رمست ريلي بو هزاع الا بشق الانفس ..... مريم :- هههههههههههههههههه ليش متى رمستيه ؟؟؟؟؟ نورة :- يوم عرست ما بغيت اسير بيته لااااااااااا بغيت ايلس عند امي ويلست اصيح ...... جني ياهل ..... ههههههه مريم :- ما شاء الله عليج يا عمتي الين الحين متذكرة .... نورة :- هيه والله الين الحين ..... اقول مريم بس ما اعبل عليج ... مريم :- اااميري عمتي .... نورة :- مريم بغيتج توعين هايج البقرة الي فوق ..... بغيتها تنش ما طاعت .... مريم :- حرام عليج عمتي خليها راقدة ..... نورة وهي تتطالع الساعة :- شو الحين 11 وربع شو يردها الين الحين ...... لا يكون سهرانه البارحة ؟؟؟؟؟ مريم :- لااااااا عمتي عالية ما سهرت البارعة ... نورة :- وانتي شو دراج ؟؟؟؟ مريم :- انا امس رقدت عندها وهي رقدت قبلي .... نورة :- هيه يمكن ... بس سوال مريم ياليت تجاوي عليه بصراحة ... مريم :- تفضلي عمتي .... نورة :- مريم اليوم يوم من نشيتي الساعة 8 ونص شكلج مب عايبني ..... ليييش ؟؟؟؟؟ مريم :- شوووه بلاه شكلي ؟؟؟؟ نورة :- مريم امس انتي ما رقدتي صح ؟؟؟؟؟ مريم :- عمتي منوه قالج اني ما رقدت !!؟؟؟؟ نورة :- مريم قلت لج جاوبيني بصراحة .... هزاع هو السبب صح ؟؟؟؟ مريم :- عمتي ..... نورة :- مريم احب اقول لج شي هزاع يتحرا عمره ياهل واصبري عليه اسبوعين الين يعقل وبعدين نتفاهم .... مريم :- عمتي .... نورة :- مريم دخيلج طبي هزاع وخليه على راحته بس حاولي تمسكينه فالبيت او تشغلينه بطلعات تسيرين وياه اونج تتسوقين او أي شي .... مريم :- هزرج يوافق ؟؟؟ نورة :- هو اصلاً يموت على المولات والطلعات علشان جيه اقولج اطلعي وياه ... مريم :- ان شاء الله يا عمتي .... نورة :- يالله عيل قومي وسيري وعي عاليوه وخليها تنحدر اباها شوية وانتي سيري رقدي لانج مب راقده من امس .... مريم :- والله عمتي راقدة الساعة 5 الفير .... نورة :- المهم مثل ما اقول لج سيري رقدي ترا هذا مب زين لج ...... مريم :- حاضر عمتي بحاول ارقد ..... نورة :- يالله الله يحفظج .... مريم وهي توها بتركب الدري جان يوصلها مالمسج وجان تتطالعه وهي تركب الدري بس حست المسج فيه شي غريب وما اهتمت وسارت حجرة عالية ووعتها وخلاف سارت جناحها بس ما قدرت ترقد حاولت وحاولت بس ما ياها رقاد ..... ....... فالشالية ....... هزاع :- مزاحم ....................................زحوووووم ..........مزاحم وصمخ ....... مزاحم :- هاااااااااااااااه شو تبا ؟؟؟؟؟؟ هزاع :- اليوم عندكم تخطيط مولات ولا لا ؟؟؟؟؟؟ مزاحم :- بصراحة اليوم لا احنا قلنا اليوم هزاع عندنا ما فينا نصدع راسه ....... عبدالله :- هزاع انت لازم ترد الفلة الحين ..... ما يصير يا هزاع تودر حرمتك وطنشها ويوم كامل ما ترمسها او تجوفها جنا مستوي شي من بينكم ....... هزاع :- انزين هو ما استوا شي اصلاً ... سالم :- هزاع احنا طول عمرنا نسمع كلامك هالمرة اسمع كلامنا وسير بيتكم واستسمح من حرمتك ولا تنسى انها بعدها يديدة ما تفهمك عدل شراتنا.... هزاع :- اوكيه هالمرة بس ... احمد :- يالله عيل قوم شو تتريا الساعة الحين 12 الا ربع .... .... هزاع قام وسار وتلبس كندورته ورد البيت واول شي اكيد بيخطف بالحوي ..جافه ابوه بس ماسلم عليه كالعادة .. محمد :- هزاع الناس يسلمون وبعدين السلام لله ... هزاع ومندون نفس:-السلااااااااااام عليكم ارتحت الحين ؟ محمد :- هيه ارتحت وعليكم السلام بس هزاع ممكن تيلس شوي بس ... طشونة بس ... هزاع وهو ييلس :- هلا ... شو بغيت محمد وهو ماسك الدلة والفنيان يبا يصب قهوة حق هزاع :- والله بغيت ارمسك بخصوص مريم حرمتك ... هزاع :- بلاها حرمتيه ؟؟؟ محمد :- هزاع جان شي مستوي بينكم خبرني يمكن احل المشكلة عن تكبر وخلاف اللايمة .. هزاع :- لا اطمن ما استوى شي ... محمد وهو يعطي هزاع الفنيان :- دوك فنيان القهوة ..( هزاع خذ الفنيان ويالس يشربه ) ... يا هزاع انا اليوم جفت مريم والله شكلها مب عايبني .. حتى عيونها حمر .. واظني سهرانه بعد .. هزاع :- تلاقاها سهرانة ويا بنتك يحافظ عليها فالحة بالسهر وتبا حرمتي تسهر شراتها .. محمد :- هزاع شو سهرانة انت الثاني لو سهرانة ويا اختك على فلم ولا شي شرات ما تقول جان تحصلها راقدة الحين .. بس هي من الساعة 8 ناشة وما اتوقع انها سهرانه على فلم ولا نت ... يا هزاع انت من امس الظهر طلعت ولا رديت غير الحين ... اقول .. انت سويت حق مريم تيلفون عشان تقولها انك بتبات برع ؟؟؟؟ هزاع :- لا ما قلت الها ... عندك مانع وبعد حتى انتوا ما اخبركم اشحقه هي بالذات بخبرها ؟؟؟ محمد :- احنا ما عليه نتحملك بس هي غير هي حرمتك وبعدين هي توها يدية على سهراتك .. هزاع :- وانت شو يخصك وبعدين بكيفي اسهر وقت ما ابا وابات وقت ما ابا... محمد :- هزاع انا ستين الف مرة قايلك لا تسهر لا تبات برع عن تتمشكل ويا حرمتك ودر هالخرابيط وهالربع الي ما يسرون ... ( ويدق الجرس وكانت البوابة مفتوحة ) محمد وهو يطالع منوه عند الباب جان يجوف ربيعه بو خميس ( سالم ) محمد :- اقرب اقرب بو خميس حياك الله ... بو خميس وهو يقترب منهم :- حيالك الله يا محمد .... ويقوم محمد يسلم على بو خميس وهزاع بعد قام وسلم على بو خميس بالخشوم ... بو خميس :- وشحالكم الا بخير محمد :- بخير وسهالة وشحالك انت وشحال العيال والاهل كلكم بخير بو خميس :- كلهم بخير الحمدلله .. وشحال الاهل مناك كلهم طيبين محمد :- بخير وعافية بو خميس :- وشحالك يا هزاع وشحال انسابك وربعك كلكم بخير هزاع ومن دون نفس :- بخير الحمدلله كلنا بخير وشحال حمود وخميس عيالك كلهم بخير .. محمد :- هزاع ردينا على حمود بو خميس :- برايه يا ريال ... بخير الحمد لله ويسلم عليك خميس ويقولك معزم انت وربعك الشلة يعني ..عندنا هناك فالبيت مسوي عزيمة ترا ياه ولد وانتوا ما ييتوا وخميس ذابح ثور والحين بيذبح الكم تيسين ان ييتوا... هزاع :- انا محد قالي يا بو خميس ... وحتى خميس ولدك ما قالي ... بو خميس :- افاااااا ليش ؟؟؟ |
محمد :- لا ما عليك منه خميس يانا البيت وقال لنا بس هزاع ما يقر فالبيت تعرفه وين احنا بنخبره فالمولات يعني نلحقه .. استريح يا بو خميس استريح ... ( ويلسوا بس هزاع تم واقف يطالع ابوه ) بو خميس :- استريح يا هزاع اشحقه واقف استريح محمد :- خله يتحرا عمره الليت مال الشارع ههههههههههههههههههه هزاع :- هيي انت يا حمود الدب اسمع انا ما اشتغل عندك تقول علي هالرمسة ..( هزاع وهو يقلد ابوه ) يعني نلاحقك فالمولاااااااات لااا لاحقني فالشوارع ترا ما عندي بيت ولا تيلفون .... لا ويقول اوني اتحرا عمري ليت الشارع مسكين والله صرت تعرف ما تميز بين الليت والانسان سبحان الله ...... محمد :- هزاااعوه يالله سير دش داخل عن السخافة .. وبعدين لا تغايض يوم ارمس سمعت هزاع :- لا ما سمعت شو بتسوى يعني بترضربني يعني ... ههه روني شطارتك يالشاطر يا حمود الدب محمد :- هزاااااااااااع بو خميس :- استهدوا بالله ما استوى شي انتوا كله جيه .. جيه انتوا عدايل .... اسهدوا بالله ... محمد :- لا اله الا الله هزاع وهو يمشي :- عيل انا اراااااويك يا حمود و بعدين يا بوخميس قول لودك خميس يتعشى عقيقة ولده بروحة لاني ما بيي ومدام اني ما بيي يعني حتى الربع مب يايين .... بو خميس :- هزاااااااااع تعال تعال يا ريال اسغفر ربك تعال .... طب ابوك ما عليك منه .... هذي عزيمة ولدي يعني ما يخصه فابوك .... هزاع :- على خير ان شاء الله دش هزاع الصالة علشان جيه امه جافته وسلمت عليه نورة :- ليش ادق الجرس هزاع :- مب انا نورة :- عيل منوه ياينا ؟؟؟ هزاع :- بو خميس ياي ندنا نورة :- انزين بلاك جيه علي انا ما سويت لك شي ... وبعدين هزاع ليش امس ما ييت البيت ؟؟؟ هزاع :- مالج خص ... وهزبته هزبة صغيرة بس هو سوى طاف وسار ورقى فوق يبا يستسمح من مريم ودش الجناح وتحديداً فالصالة مالت الجناح ( مريم يالسة تتطالع التلفزيون وفيي ايدينها اللاب توب ويالسة على النت ).... هزاع :- السلام عليكم ... مريم :- وعليكم السلام وكلاااااااام ..... هزاع :- حبيبتي انا آسف على البارحة مريم :- لا عادي هزاع :- يعني سامحتيني .. مريم :- اذا ما بتعيدها هزاع :- اكيييييد ............ ( وابتسم ) مريم يوم جافت هزاع ابتسم ابتسمت وحليلها مصدقة ..... وخلاف يوم اذن ساروا وصلوا وخلاف حطوا الغدا اول ما يا محمد وفهد وسيف وعبدالله .... ......... العصر .... الساعة 5 ....الكل يالس فالصالة ((((( فلة بو عبدالله – حمد )))))) ام عبدالله :- وشو اخبار اخوك وعياله ؟؟؟؟ حمد :- والله الحمد لله يسرج الحال ... عبدالله وهو ياكل برتقال :- اقول ليش ما تسيرون عند جوم هزاع ؟؟؟؟ ام عبدالله :- لا لا ما شي سيرة المرة دورنا العزيمة عندنا اذا يوبنا تشاوف ..... عبدالله :- ليييييييييش ؟؟؟؟؟ حمد :- صدقها امك المرة دورنا مب كل يوم العيد المفروض ايونا لانهم قالوا عقب ما يعرس هزاع بيونا والحين خطفن 3 اسابع وشوية على العرس ..ولا سولنا تيلفون ولا شياته.. عبدالله :- والحين اشوه ؟؟؟ ام عبدالله :- ما شي سيرة حتى انته لا تسير من ورانا يا ويلك ان سرت ... عبدالله :- علشان الربع بطنزون علي ويقولون دياية امه هاااااااه ... ام عبدالله :- يالله بالستر والنعم ان قالوا اسميك ما بتحصل احسن عني عبدالله :- ويقولون لي دياية امك ؟؟؟؟ ام عبدالله :- لا عاد اشوه انت صدقت مرة يبوك ما فيها شي ان يلست فالبيت ... حمد :- عبود لو هزاع يباك خله ايك البيت فهمت .... عبدالله :- انزين ليش عاد ؟؟؟؟ حمد :- عشان يقولون انا احنا زعلانين منهم وبيونا وبيتعشون عندنا ولا يتغدون عندنا ..... عبدالله :- ابوي انا ابا اغير جو مليت من هالبيت كل شي فيه ما تغير حتى انتوا ما تغيرتوا والله حالة .... اللي يسمعكم الحين يقول ما شي من زين هالبيت .... ام عبدالله :- هيه من زينه مب عايبنك دق راسك باليدار فهمت .... اقول دق على هزاع ولا على عمك واعزمهم وان طاعوا دق على عمومتك خلهم ايون ..... عبدالله وهو يصارخ :- والله ليش انا يعني ادق عليهم ليش انتوا ما عندكم تيلفون ؟؟؟؟؟ ام عبدالله :- قوم بعد اضربني اشحقه يالس .... عبدالله :- ما اروم اضربج لاني احبج واموت فيج ولا بسويها لو ما احبج .... اماااااه هاااايج المتفيزرة على الكرسي وتتطالع ليش ما تقولين الها..... اشوه هاي القناة بعد .. هيه قناة الجزيرة للاطفال ... هم قالوا للأطفال ما قالوا حق الكبار والعيايز ... عالية وهي تحس ان حد يطريها اقصد سمعت حد يطريها وهو اخوها عبدالله ولا وهو يسبها جان تلف على صوبهم :- شوووووووووه ما سمعت عيد .... ام عبدالله :- لا حول ولا قوة الا بالله اقول خلكم خلكم يلسوا انا بدق عليهم ... عبدالله :- لا والله خلاص انا انا بدق على هزاع خلاص استريحي بس شرط عقب خمس دقايق ام عبدالله :- امرنا لله .... ..... في نفس الوقت في ((((( فلة محمد ))))) النص يالس فالصالة ومنهم هزاع واخوانه سيف وعبود هزاع وهو يلعب ويا اخوانه وينكت عليهم :- انزين اسمعوا هاذي والشاطر بيحلها انزين ... سيف :- يالله قول عبود :- يالله .. هزاع :- سعيد وعيد طاح سعيد فالحفرة منوه بقى ؟؟؟؟؟ سيف وعبود :- عيد هزاع :- سعيد وعيد طاح سعيد فالحفرة منوه بقى ؟؟؟؟؟ سيف وعبود :- عيد هزاع :- سعيد وعيد طاح سعيد فالحفرة منوه بقى ؟؟؟؟؟ سيف وعبود :- عيد هزاع :- اوهوه انا جم مرة اعيد يالله حد يجاوب منوه بقى ؟؟؟؟؟ سيف وعبود :- عيد هزاع :- روحوا روحوا انتوا ما تعرفون تجاوبون .... عبود :- والله انا جاوبت هزاع :- ومنوه قال ؟؟؟ سيف :- والله حتى انا جاوبت هزاع :- لا لا انتوا ما تعرفون تجاوبون كل شوية عيد كل شوية عيد عيل ما سوينا شي يوم الا عيد .... عبود :- تراك انت اتقول ... مب هم سعيد وعيد ترا سعيد طاح فالحفرة يعني الي بقى ..عيد .. هزاع :- اوووووهووه بعد يباني اعيد عبود :- لااااااااااااااااااا ويقطع اللعبة رنة تيلفون هزاع وعلى طول هزاع .... هزاع :- هلاااااا عبدالله :- اهلين هزاع :- شخبارك عبود عساك الا بخير عبدالله :- بخير الحمدلله يسرك الحال انت شخبارك ؟؟؟؟ هزاع :- الحمدلله بخير وسهالة... عبدالله :- هزاع مسوين عزيمة احنا اليوم وهي على شرفك .... هزاع :- والله ؟؟ عبدالله :- والله هزاع :- ووين ان شاء الله العزيمة ؟؟؟ عبدالله :- وين يعني اكيد فبيتنا ... هزاع :- ليش مب انت والربع مسوينها ؟؟؟؟ عبدالله :- هزاع لا تفهمني غلط ..... الاهل مسوين لك العزيمة مب الربع ... هزاع :- زييين زييين اول مرة يسوونها وشكلها آخر مرة ... عبدالله :- لا يا هزاع عقبال عزايم وااايد يوم بتستوي ابو ... هزاع :- هيه المهم متى العزيمة قلت لي ؟؟؟ عبدالله :- اليوم ع العشا ... هزاع :- بس خلاص سوى الترتيبات واحنا بنيكم .... عبدالله :- امرة ما صدق على الله .... هزاع الناس يشاورون اول هزاع :- المشاور خليناه حقكم عبدالله :- يعني اثق هزاع :- يعني انت ما تثق فيني ؟؟؟ عبدالله :- محشوم والله بس ابا تاكيد هزاع :- قلت خلاص احنا بني فلتكم لا تحاتا ... عبدالله :- اوكيه عيل يالله فمان الله .. هزاع :- فوداعت الرحمن ... هزاع سكر الخط منا وامه تكلمت منا ... نورة :- منوه هاه عبدالله ولد عمك ؟؟؟؟ هزاع :- يوم انج تعرفين شحقه تسألين ؟؟؟؟ نورة :- انزين ما قلت شي .... عافانا الله .... الا تعال شو بغا منك ؟؟؟ |
هزاع :- وانتي شو لج ؟؟؟ نورة :- خلاص ما بنرمس هااااه ارتاح .... هزاع :- شو زعلتي .... لا اتمصخر يقول لكم العزيمة اليوم فبيتهم وهي على شرفي انا ومريم يعني على شرف المعاريس ... نورة :- هييييييييه انزين متى العزيمة ؟؟؟؟ هزاع :- اليوم نورة :- وليش ما قالوا من امس ؟؟؟ هزاع :- بلا تشرط تراج وايد تتشرطين .... انا وربعي اذا قلنا فهالساعة بنتلاقى يعني بنتلاقى واذا قلنا فالـ10 دقايق اني اباهم فشي بيوني ولا وبسرعة بعد ... هه مب شراتكم .... نورة :- انزين لا تاكلنا تراك ذليتنا على هالربع الي ما يسرون ... وخلاص سير خبر خواتك عشان يتلبس .... هزاع :- ما اشتغل عندج خلي وحدة من بناتج تقوم تخبر الباجي ... مريم حرمة هزاع :- لا عنكم انا بسير فوق وانا سايرة بخبرهم..... هزاع :- خليج مكانج بو هزاع بييزيج وبيخبرهم .... محمد :- هي انت ..جيه تجازي ابوك !! هزاع :- رح رح اونه هو ابوي انزين مدحه وبعدين لا تقول انك ابوي فهمت يا حمود ؟؟؟ محمد :- حمود فعينك يالنذل هزاع :- ادري انك حمود فعيني وادري اني نذل عشان جيه ما برد عليك محمد :- والله لو الشور شوري جان تبريت منك بس قلبي ما يطاوعني هزاع :- هههههههههههههههههههههههه تنكت نورة :- بسكم يالله عن السخافة و بعدين سيف سير خبر خواتك سير سيف :- ما فيني احينة ... خلاف بخبرهم هزاع :- قووووم يالله سير ... نش ... سار سيف وخبر البيت كله انهم بيسرون وعاد المغرب عقب الصلاة ساروا بيت عمهم وصارت العزيمة ..... ...... فبيت حمد .... الساعة 9 فالليل .... الحريم يسولفن فوادي وعالية وعالية ومريم فوادي...... عالية حمد :- هيه صح حتى ساروه الدبة تقول جيه مريم :- وانا مت من الضحك عليها يوم تقول انها اخت المعرس ومناك اخريط ههههههههههههههههه عالية حمد :-هههههه هييييييه اونه علشان يعدولنها بسرعة واكشخ ههههههههههههه عالية محمد :- عيل لو جفتوا اسماء بنت جوم سالم .... بتضحكون عليها لو جفتوها فالصالون جيف تنازع الي تعدلها ههههههههه مريم :- ههههه هيه انا جفتها يوم العرس كانت متعدله على الاخير جنها بتعرس هههههههههه عالية حمد :- ههههه انزين الحين بسكن حش وخلانا فالاهم ..... مريم بغيتج لو سمحتي فحجرتي شوي عالية محمد:- افااااااا يالله بالستر يعني انا لا عالية حمد :- لا مب قصدي بس السالفة سر مريم :- خير ان شاء الله عالية محمد :- يالله انزين سيرن شو تترين عالية حمد :- شو عصبتي ...... انزين برايج عصبي وخلاف بنراضيج ... قامت مريم وعالية حمد وسارن فوق ودخلن حجرة عالية حمد وسكرن الباب .... وعلى طول عالية طلعت تيلفونها وسارت عند مريم وخبرتها بكل شي ..... بس مريم ما صدقت ... عالية روتها البرهان وانصدمت مريم فهزاع وخزنت اللقطة الخاينه فتيلفونها وخبرتها بكل شي عن هزاع ما خلت ولا شي طبعاً من الي تعرفه وهذا غير الي ما تعرفه.... وعقب العشى سار كل واحد لبيته .... .... فالسيارة مريم ساكته وهزاع مستغرب من السكوت بس ما حب يفتح سيرت هالسكوت .... اول ما وصل هزاع ومريم البيت ودشو جناحهم تذكر هزاع انه نسى تيلفونه فالسيارة سار ويابه واول ما دش الجناح سمع مريم وهي تصيح قام ودش الحجرة وحصلها متسدحة على الشبرية وتصيح .... هزاع :- مريم بلاج ؟؟؟؟؟؟؟؟ مريم ما ردت عليه هزاع :- مريم شو مستوي ؟؟؟؟؟ مريم وهي تنهض وعيونها كلها دموه وتقطع فالكلام :- شووووو .... عندك .... تبا تقص ... علي .... شرات دوم .. تفضل .... هزاع :- شوه اقص عليج ؟؟؟؟؟؟ مريم وهي تحاول تحبس دموعها وتوقف عمرها عن الصياح :- ليش ؟؟؟؟ انت خليت شي ...ما قصيت علي فيه ؟؟؟ (وتكمل صياح) هزاع :- والله مريم مب فاهمنج ... قربيلي اكثر ... عن اشوه ترمسين ؟؟؟؟؟ مريم شلت التيلفون مالها وعطت هزاع وهي حاطة اللقطة الي مصورتنها عالية :- دوك تفضل انا ما برمس علشان ما تقص علي وابا تجوف منوه هاه ؟؟؟؟ هزاع اول ما قالت له مريم منوه هاه حس انها عرفت بس قال خلني اطالع .... مريم قامت من الشبرية وركضة على الحمام .... هزاع تم يالس محله ويالس يطالع الصورة وايده تتنافض .... ومريم طلعت من الحمام بسرعة وسيدة على الصالة وسكرت باب الصالة مالت الجناح ويسلت اتصيح وخلاف رقدت .... هزاع سهر الين الصبح وهو ماسك التيلفون وايده تتنافض وكل ما عق التيلفون سار وشله مرة ثانية وثالثة ورابعة يبا يطالع اللقطة ويفكر بمريم شو تأثير هاللقطة عليها .... ويالس يلوم نفسه وخلاف هدا عمره ورقد وقال فنفسه هاذي مب اول وحدة تكتشف اني وااااااحد ولا ما يحتاي اقول صدق ان البنات بزيات ... وخلاف حط راسه ورقد وسلم عليكم ... ....... و( يوم الاثنين ) الصبح مريم يوم نشت قامت ودشت الحجرة و بغت تشل شوية ملابس وياها لانها بتسير بيت اهلها وشكلها كان يقطع القلب ... هزاع حس انها موجوده فنش وسار الحمام ولا كلمة ولا همسة صلى ورد ويلس على الشبرية وكان يجيس نبض مريم بانه اييلس هادي ومندون أي كلام .... وخلاف ما عيبه السكوت قالم ورمس ... هزاع :- شحالج ؟؟؟ مريم .............. هزاع :- حتى حالج ما تعرفينه ؟؟؟؟ اقول ممكن تلفين صوبي شوية ؟؟؟؟ مريم .............. هزاع :- مريم شو بلاج ؟؟؟؟؟؟؟ مريم ومندون نفس :- نعم هزاع :- انا ما اعرف ارمس وانتي معصبة ..... مريم :- قووووووووول شو عندك ترا واصلة حدي هزاع :- اول هدي نفسج وودري هالملابس الي من بين يديج ... مريم وهي تودر الملابس :- نعم خير شو عندك ؟؟؟ هزاع :- مريم وبعدين عاد مريم :- هزاع لو سمحت انا ما عندي وقت ابا ارتب اغراضي لاني بلييييييييييز ما عندي استعداد اك هزاع :- شوووه ؟؟؟؟؟ لييش انزين ؟؟؟؟؟ مريم :- هزاع لو سمحت اباك اطرش لي ورقة طلاقة لبيت اهلي .... هزاع :- انتي ينيتي ؟؟؟؟؟؟؟؟؟؟؟ مريم :- هيه توك تعرف ...انا ينيت من زمان يوم وافقة عليك .. هزاع :- مريم وبعدين عاد ؟؟؟؟ مريم :- انا دقيت على ولد عمي بييني الساعة 9 الا ربع عن اذنك ... هزاع :- ولد عمرج ؟؟؟؟؟ مريم :- شراتك انت بنت عمك وانا ولد عمي يعني انا وانت نفس الشي سبحان الله ... هزاع :- وليش يعني ولد عمج مب أي احد ثاني مريم :- لاني ارتاح له ... هزاع :- لا والله عجييييييييب ترتاحين له ... هاااااااااه الحين فهمت مريومتي ترتاح لولد عمها سبحان الله.... ويقوم من الشبرية ويوقف جدام مريم ومريم فهذا الوقت صخت ولا حس وحتى الانفاس ما تنسمع .... وعقب يلس بحيت يكون جبالة فمريم و.. هزاع :- منوه بيي ايشلج قلتي لي ؟؟؟؟ مريم :- نسيت ... هزاع عصب ومسك ايدين مريم بكل قوة .... مريم وهي خايفة:- اااااااااااه ااااااااااه خوز ايديك عني لو سمحت ما اباك تمسكني فهمت ؟؟ هزاع :- ابا مترجم عندج ؟؟؟ مريم وهي تصيح :- قلت ايدينك شلها عن ايديني تراك عورتني .. هزاع وهو يبطل ايدين مريم :- هاااااااه جيه زين ؟؟ مريم :- وااااايد عورتني حشى مب ايدين مقابض .... هزاع وهو يصفق :- هههههههههههههههههههههه والله حلوة اباج تعيدنها مرة ثانية مريم :- ما يخصك ... وفي نفس الوقت يرن تيلفون مريم وهو من سلطان ... سلطان :- الووو يا هلا مريم :- الووووو يا اهلين وسهلين .. سلطان :- مريوم انا واصل دقايق واكون عند الدروازة جوفي تراني ما بنحدر هيه من الحين اقول لج ... مريم :- ان شاء الله يالغالي ... وسكرت مريم عن اخوها الخط ... هزاع :- منوه ؟؟؟ مريم ما ردت على هزاع ويالسة تحط شويت الملابس الي تباهن .... هزاع وهو يصارخ :- مريوم يوم ارمسج ردي ... سمعتي مريم :- اوووهووووو سمعنا انزين خلاص ... الحين حتى هالملابس ما اباهن هااااااه .... انا ملابسي فبيتنا واااايد وما احتاي حق هاذيلا هزاع :- انزين يا حلوة انا بسمح لج تسيرين بيت اهلج بس شرط مب للأبد ..يومين وبرد آآآخذج ... مريم :- تحلم ..... وسيدة لبست عباتها وشيلتها و شلت الجنطة المتوسطة وطلعت ونزلت تحت وسلمت على ام هزاع بسرعة وعلى عالية بعد وسارت ركبت استيشن اخواها الي موقنها فباركن من باركنات الفلة ... وفي هذا الوقت هزاع كان يالس يطالع الاستيشن ويطالع راعيها بس هو مستغرب من الي يسوق شكله مب غريب عليه بس السيارة غير وهو ما حط فباله ان سلطان عنده استيشن غير الرنج .. مريم ركبت الاستيشن وسلمت على اخوها صح ان اخوها حس ان فيها شي بس قال اكيد شي سخيف ومتضاربة ويا خوات هزاع ولا شعره دخلت عينها ... ( يحليلك والله ) .... ......... |
اول ما وصلت عند امها الفلة ودشت داخل الصالة ... مريم وهي فرحانة:- السلام عليكم يا اهل البيت ام سلطان :- وعليكم السلام .... وسارن وتحاضنن وسلمن بالخشوم وووو ام سلطان :- ياهلا والله بمريوم شخبارج غناتي وشخبار هزاع .. مريم :- بخير الحمد لله انتوا شخباركم ام سلطان :- تمام الحمدلله مريم :- يعل ربيعي يدومه .. ام سلطان :- اجوف الجنطة فيايدج اكيد ياية تباتين عندي صح ؟؟؟؟ مريم وهي تتصنع البسمة والفرحة :- هيه اماية والله اشتقت الكم من زمان ما جفتكم .. وتي فهاللحظة فطوم وعواش وشموه ويسلمن على اختهن .... فطوم :- وينج يالقاطعة ما بغيتي تينا هييييييه يالسة عند حبيب القلب اشعليج ام سلطان :- يااااالله بالستر اييييه اصطلبي وعن هالرمسة البايخة .. فطوم سكتت ولا كلمة و عواش :- واااااااي سكتوها ... انزين مريم بتباتين عندنا اليوم ؟؟؟ مريم :- لا ما ببات عندكم انا ببات عند امي وابوي و خواني ... عواش :- هههههههه تصدقين اني ولهت عليج واااايد .. مريم :- ويه حتى انا ولهت عليكم فطوم :- انزين دوري الحين عاد .... عواش :- عاد ولا ثمود هاهاهاها فطوم وهي ادز عواش بيمع :- مالج خص ارمس اختي ... عواش :- اااااااااااااااااااخ والله انج عورتيييييينييييييييييي اماااااااه جوفيها .... فطوم :- روحي روحي سوينالج طاف ... مريم الين متى بتباتين عندنا ؟؟؟ مريم :- والله ما ادري على حسب ... فطوم :- ليش ما اتفقتي ويا ريلج جم يوم بتباتين عندنا ؟؟؟؟ ام سلطان :- وانتي اشلج ؟؟؟ مريم :- لا بس انا قلت بسير بيت اهلي وهو عاد بالحيل رضى ... وما ادري يمكن يومين على حسب كلامه ... عواااااش :- يومين بس !!... ما يكفون .... احنا مشتاقين لج نبا نرمس وياج و انا بصراحة اموووت بسوالفج مب شرات سوالف فطوم الي تلوع الجبد ... مريم :- مشكووووووووور فديتج حبيبتي وحتى انتي سوالفج حلوة وما تنمل عواش :- احم احم مب شرات بعض الناس فطوم :- امييييه جفتيها .... ام سلطان :- لا ما جفتها فطوم :- هيه انتوا كله علي وهي عاد حلال عليها .. انا لو نغزتها بحرف كليتوني وهي تعق كلام علي وما تقولون حقا شي .. ام سلطان :- لا اله الا الله يا هالبنات جم يغايرن ويتعايرن ويتضاربن مريم :- ههههه اميه سويلهن طاف .. ام سلطان :- صدقج انا اشوفني بسويلهن طاف وما علي منهن ... مريم :- عيل اميه وين ابويه تراني ما اجوفه وحتى اخواني ما اجوفهم وينهم ؟؟؟ ام سلطان :- هههههه جيه نسيتي حبيبتي ان عليهم دوام وانتي يايه من الصبح عندنا ... مريم :- هيه بس انا مب هزاع الي يايبني يابني سلطان اخوي ... ام سلطان :- جيه هو مب مداوم ؟؟؟؟؟ مريم :- شكله جيه .. لانه كان لابس كندورة وفرحان بعد ... ام سلطان :- يالله فرحان بعد اكيد شي سالفة غااااااوية .... مريم :- اكييييد هاذي ما يبالها رمسة ... ام سلطان :- وريلج مداوم اليوم ؟؟ مريم :- ما ادري به من امس ما داوم ... ام سلطان :- عليه اجازه ؟؟ مريم :- والله ما ادريبه لا تنشديني عنه ... ام سلطان :- بلاج تضايجتي ؟؟؟؟ مريم :- لا امايه بس تعبانة وبسير فوق وبحط ملابسي وبرد وبنسولف .. ام سلطان :- ان شاء الله غناتي بس هاااااااااااه عن ترقدين تراني ما شبعت منج بعدني... مريم :- ان شاء الله .. مريم سارت وركبت الدري وسارت حجرتها فوق وحطت الملابس وكل اغراضها الي يابتهم وياها فالمكان الي يناسبهم ... ... المهم ... خلاف نزلت مريم ويلست تسولف ويا امها وخواتها وما تقهويت ويا امها لانها ما تشرب قهوة ام سلطان :- يالله بالستر جان ما تشربين القهوة وانتي معرسة مريم :- والله اميه ما احبها ... ام سلطان :- عيل يوم بتسيرين بيت بروحج ما بتسوين قهوة حقه .. عيل ما تقولين لي منوه بيشرب وياه ؟؟؟ مريم :- اصلاً هو مب مدمن عليها ... يشرب جاهي اكثر شي شراتي وكبتشينو و من العصاير انواع والبيبسي يسكت هو ويا الديو والسفن اب والميرندا والشاني وغيره كل هذا يموت فيه .. ام سلطان :- الله كل هذا يشربه !!! عيل ما اجوفه متن غادي عصقول مريم :- يحليلج ياميه انت هاه تعرفين جم وزنه ؟؟ ام سلطان :- جم يعني 40 ولا 45 ...والا من بينهم صح ؟؟؟ مريم :- لاااااا وانتي الصادقة 39 وزنه ام سلطان :- ما اضن شكله يقول وزنه فالاربعين مريم :- لا ياميه انتي لاتنسين الكنادير هالايام وااااايد تنفخ ام سلطان :- ههههه هيه والله ... انزين مريم وشخباركم بعد وشخبار ام هزاع وبو هزاع وشخبار الاهل مناك كلهم بخير ؟؟؟.... مريم :- بخير الحمدلله وتسلم عليج ام هزاع ... ام سلطان :- الله يسلمها من الشر ... ويلسن مريم وامها كل وحده تعطي اخبارها للثانية مع انهن يترمسن فالتيلفون بس التيلفون ما يفيد احسن ياخذون الاخبار عن قرب ... ........ ( يوم الثلاثاء )في فلة محمد .... الساعة 2 وهذا وقت ييت بو هزاع والكل من المدرسة ... عاد حطو الغدى ويلست نوره تزاعج غدا غدا بس هزاع ما يرد يلس فالحجرة وبند المكيف وكل شوي يطالع اللقطة لانه خزنها عنده ويطالع المسجات الي وصلنه من البنات الي يرمسهن ويطالع المسجات الي مطرشهن حقهن ... وهو يقول فخاطره منوه الي رواها الصور معقوله تكون عالية طرشت الها بالبلوتوث لااااااا ما اعتقد لاني قلت حق عالية ما تروي حد ..بس كيف واللقطة نفسها ... لاااا اكيد عالية تقص علي .. معناتها حد ثاني عطاها ايّاها .. والله حاله .. والحل اشوه ........ نورة وهي تدق الباب على هزاع :- هزاااااااااع هزااااااع وينك ؟؟؟؟ انت هنيه ؟؟؟؟ هزاااااااع وهزاع لا حياة لمن تنادي ما رد على امه وامه تتحرام محد قالت اكيد طالع ويا ربعه والله حاله ما صدق على الله ان حرمته تسير بيت اهلها امرّه قام يهيت ...وسارت ... بالعكس هزاع من اساساً ما طلع من البيت .. يلس يحاول يدق عليها بس هي طلعت اذكا كانت مبندة تيلفونها ..قال يوم بتفتحه اكيد بدق لي ... حاول يرقد بس ما قدر خلاف يلس يطالع التلفزيون الين الساعة 5 وخلاف مل .. سار ع اللاب توب ماله وعقب شوي دق عليه خميس ولد سالم .. خميس :- السلام عليكم هلا هزاع هزاع ومندون نفس :- وعليكم السلام هلا خميس |
خميس :- شحالك وشخبارك عساك بخير هزاع ومندون نفس :- بخير الحمدلله انت شخبارك خميس :- تمام الحمدلله وشحال الاهل ونسايبك عساكهم بخير هزاع ومندون نفس :- بخير الحمد لله كلهم طيبين خميس :- الا صدق ربعك شخبارهم وخبارك انت وياهم ؟؟؟ هزاع :- كلهم مرضى نفسياً على قولتكم خميس :- افااااا افاااا ليش عاد .... منوه قال هالكلام ؟؟؟ هزاع :- حد غيركم ؟؟؟ اففففف والله حالة .. اول شي بيتقولون يوم يوصلني الخبر تقولون حشى ما قلنا عيل اذا هالناس ما قالت عيل منوه بيقول ؟؟؟؟ انا يعني ؟؟ هه والله حاله خميس :- خلاص يا هزاع براحتك بس انا وصيت ابوي يكلمك اذا انت فالبيت لاني مسوي عزيمة وهالعزيمة مخصصة لك ولربعك و3 او 4 من الجيران ... شو قولك ؟؟؟ هزاع :- والله ما ادري .. خميس :- هزاع بليييييز ودر المول والتمشي ليوم واحد وتعالوا عندي ... هاه شو قلت ؟؟؟ هزاع :- خلاص بنيي .. يالله بخليك تجوف شغلك ومبروك عليك الولد ... خميس :- الله يبارك فيك ... عقبالك ... هزاع :- هههه على الله ( وهو يقول فخاطره هذا اذا ردت مريم ) ..هيه صح خميس ووووشو سميتوه ؟؟؟ خميس :- هزاع ودر هاذي خميس على يمب وازجيرني من اليوم وساير بو سيف ... احم احم ... هزاع :- هههههههه مبروك يا بو سيف مرة ثانية خميس :- هاه بعد ما بتييون عزيمة بو سيف وولد سيف !! هزاع :- تراني قلت بنيي ولا تباني اغير ؟؟ خميس :- لااااااا بليييييييز انا ما صدقت على الله انك بتيا العزيمة .. الحين بتهون ... لا ما يصير انت ريال .. يعني انا خذيت كلمة ريال .. وكلمة الريال ما تنرد ... هزاع :- يالله يا بو رشاش اقصد يا بو يو سيف ... فمان الله خميس :- فوداعت الرحمن .. هزاع مب تنسى ... هزاع :- لا افا عليك خلاص قلت بيي يعني بيي .. باي خميس :- باي .... الساعة 8 ونص وصلوا ربع هزاع عند بيت هزاع لانهم ما يندلون البيت اونه مع ان البيت بو خميس هو البيت الي جدام بيت هزاع ههههه المهم .. دشوا الربع بيت بو خميس ويا هزاع وسلمو على بو خميس وبو سيف و خوانه وعلى الري ييوا العزيمة وخلاف تموا يسولفون الين الساعة 10 الا ربع .. حطو العشى وتعشوا وخلاف شربوا ( بيبسي او جاهي او ميرندا او ديو أو شاني أوو ) وخلاف الساعة 11 رد كل واحد منهن بيته ... وخلاف الساعة 1 الكل راقد كما يبدوا ومناك الله يعلم لان كل واحد فحجرته وهم اصلاً عليهم مدار .. هزاع ما ياه رقاد قال اجوف اذا حد داش المسن الحين ولا لا .. اذا حد بيلس اسولف وياه واذا محد بعد شو اسوي امري لله برقد لان باجر علي دوام ..دش المسن ولقى مريم فيه ومريم في ذاك الوقت كانت ترمس اربيعتها لانهن الثنتين يالسات مب وراهن شي لا دوام ولا غيره ويلسن يترمسن وخلاف مريم انتبهت ان هزاع موجود قامت تتعذر من اربيعتها باي شي بس اربيعتها مب فاهمة شو السالفة ... حصة :- بلاج مريم وين بتسيرين ؟؟؟ مريم :- حصووووه بلييييز سايره ايييب ماااااااي وبرد 10 دقايق اوكيه حصة :- 10 دقايق حق مااااااااي عيل ما اقول شي حق الجاهييييييي مريم :- تراني وانا سايرة اشرب ماي بكل لي رقمتين وبرد لاني يوعانه حصة :- بكيفج .. يالله بس لا تتأخرين ... مريم :- اوكيه برب 10 دقايق ورادة ههههه مريم :- برب ... هزاع ما واحا يفتح على ايميل مريم عشان يرمسها الا جان مريم تبند المسن ... تم هزاع يترياها وخلاف قال اكيد سارت ترقد يالله برايها .. و( يوم الاربعاء )الصبح الكل سار الدوام والمدارس واولهم هزاع وهاذي اول مرة ينش اول واحد .. حتى امه استغربت منه .. وخلاف رد من الدوام وتغدا شويه وخلاف سار فوق وحط راسه ورقد .. ما واحا الا نش عقب 10 دقايق لانه من الاساس مب ياينه ارقاد .. و يلس ايدق على مريم بس مريم ما ترد وهزاع يقول فخاطره * هي لا انها مبنده تيلفونها ولا انها مشغوله .. عيل ليش ما ترد .. لايكون من صدقها .. تباني اودرها .. لا مستحيل اودرها .. افففف شو الحل الحين .. ما شي غير اطرش لها مسج * وفعلاً طرش مسج ومسجين وثلاثة بس مريم ابد مب مهتمه .. وخلاف قال ادق عليها مرة ثانية ... ودق .. وفي نفس الوقت مريم يالسة على اللاب توب فحجرت فطوم ورن التيلفون مال مريم ويلس له دقيقتين بس مريم ما ردت .. وبعده رن 3 دقايق .. فطوم :- مريوم بلاج ما تردين على التيلفون من الصبح يرن وانتي ولا عليج ... شوووووه ما تسمعين ؟؟؟ مريم :- نعم فطوم :- مريم اقولج التيلفون يرن ردي عليه .. مريم :- وانا ما اسمع يعني ... فطوم :- مريم لا طفرين بالواحد ردي على التيلفون .... مريم :- ما يخصج فطوم :- انزين منوه هذا او هاذي الي داقه ؟؟؟ مريم :- قلت لج ما يخصج وبس .. فطوم :- انزين يمكن ريلج مريم :- يالله بالستر وصرتي تعرفين هالسوالف بعد فطوم :- ما فيها شي اقولج يمكن ريلج يباج فشي لا سمح الله استوى شي مريم :- لا ما اضن شي استوى غير فطوم :- بس عاد مريوم ردي حرام عليج حاقرته ... مريم :- قلت لج ما يخصج بتسكتين ولا اشوه ... فطوم :- لا والله بتسكتيني فحجرتي بس يالله ما عليه بتحمل صريخج هاليومين .. مريم :- لااااا صدق علي انا اراويج .. فطوم وهي مستغربه :- شو بتسوين ؟؟؟!!! مريم :- فطوم انا اندلها الجناح مال محمد وين واعرف ان الحجرة الثانية حاط فيها الكمبيوتر والسخافة والتلفزيون و ما ادري شوه يعني انا بسير وبرقد عنده .. فطوم :- لييييييييش ؟؟؟؟؟؟؟ مريم :- عن الصدعة .... وقامت مريم وسارت عند حجناح محمد ودقت عليه الباب .. ومحمد بطل الباب مع انه كان راقد ونش عشان خاطر اخته ... محمد :- هلا مريوم شو بغيتي ؟؟؟ مريم :- اهلين ممكن طلب ؟؟ محمد :- آآآآآآمريييييي مريم :- اول سير واغسل ويهك وخلاف برمسك لاني ما اعرف امسك جيه .. محمد :- انزين ... محمد سار الحمام ومريم سارت حجرة محمد ويلست على الشبرية تتريا محمد ... وخلاف طلع محمد .. محمد :- هاااااه جيه زين ؟؟؟ مريم :- هيه بس تعال ايلس .. محمد وهو ييلس على الشبرية :- خير مريم :- محمد ممكن تخلاني ارقد فجناحك فهاليومين ... محمد :- حلال عليج بس هذا طلبج .. اصلاً انتي ادشين وانا الطالع افا عليج وما يحتاي تخبرني بعد ... مريم :- مشكور بس ممكن طلب بعد محمد :- هلا مريم :- ابا حجرتك هاذي وانت ارقد فالحجرة الثانية ... محمد :- ما يحتاي بفرش لي دوشق تحت وبرقد .. مريم :- بليز محمد ما احب هالحركة سير ارقد فالحجرة الثانية وبيب لك دوشق اذا ما تبا ترقد على الكراسي ... محمد :- خلاص عيل سيري ييبي اغراضج وحطيها مكان اغراضي بس شرط .. مريم :- شوه محمد :- ما تفضين الكباته كلهن فضي طبت واحد بس وحطي باي اغراضي فالكبيت الي عداله وشرط بعد ترتبين الملابس والاغراض مالاتي وياج وانتي تحطينهم فالكبت الثاني... مريم :- لو اني بتعب بس يالله ... وقطع كلامها رنة التيلفون وكان داق عليها هزاع ... محمد :- ردي منوه هاه مريم بندت التيلفون عن هزاع ...:- ربيعتي محمد :- وليش بنتدتي التيلفون عنها ؟؟؟ مريم :- خلها انا مزاعلتنها محمد :- هههه والله حاله الا صح ما قلتيلي ... ليش ما ترقدين عند قوم فجناح البنات عواش ولا فطوم ولا شموه ؟؟؟ مريم :- عيل انا ليش ياية مناك عسب هالطفاسة وخاصةً فطوم صايرة وااااايد غجرية الا تعرف منوه هاه الي داق علي والا تعرف منوه هاه الي مطرش لي مسجات ولا تعرف شو من المسجات مطرش .. افففف والله حاله ... محمد :- هههههههههههههههههههه يحليها مب مصدقه على الله محصلتنج جدامها .. يحليلها .. خذيها على قد عقلها ... مريم :- والله شو تتريا يعني يالله قوم فضالي الكبت عشان اييب اغراض ... محمد :- انشاء الله بس ترتبينهم .. مريم وهي تقوم :- انزين يالله بسرعة ... سار محمد وفضى الكبت وسارت مريم ولمت اغراضها ....وسارت وحطة اغراضها فحجرة محمد وفلليل ساروا يتعشوا وخلاف يلسوا يطالعون التلفزيون ... .... وفبيت محمد .... الساعة 10 ونص .... محمد :- نورة وين العشى تراني يوعان .. نورة :- ان شاء الله الحين بسير وحطه محمد :- ليش التأخير انزين ... نورة :- تراني نسيت الساعة ... عاد انت قدر ... محمد :-انزين قومي عاد وحطيه .. قامت نورة وحطت العشى ويلست تزاجر ع العشى وهزاع صاك على عمره الباب وما يرمس حد ونفس الشي امه يات ودقت الباب ويلست تزاعج على هزاع وهزاع لا حياة لمن تنادي ... وخلاف سارت ام هزاع وتعشت وودرت هزاع ونفس الشي تحرته طالع .. وهزاع كان يالس يدق على مريم بس مريم ما عطته ويه .. فتح المكتبه وجاف البوم الصور مال الخطوبة والثاني مال العرس .. ويلس يطالع الصورة ويقول فخاطره * انا اودر فالجمال كله وهالاسم الحلو يا ربي شو اسوي بعمري عشان ما افقد هالبنية هالجوهرة الغالية .. يا رب ساعدني .. يا رب * والساعة 1 طلع هزاع من البيت وسار المطعم يتعشى وخلاف رد وحط راسه وبغا يرقد بس ما ياه رقاد .. حاول وحاول وحاول بس ما شي فايده و عقب شوي دق عليه سيف اربيعه ... سيف :- هزاع ليش ما ييت هزاع :- مضايج والله سيف :- اليوزم يولك المول يشرح الصدر هزاع :- جيه داشين غرفة جراحة ههههه سيف :- هههههههه لا هزاع تعال صدق المول مب حلو بدونك ... هزاع :- صدقني مضايج وفيني صداع ما الله اقدر ايي .. سيف :- على راحتك بس باجر بتي الشالية غصبن عنك .. وحرمتك ودها بيت اهلها بعد عشان تكون ملكنا ليومين .. هزاع :- هه اصلاً هي فبيت اهلها .. بس انا تعبان وما اقدر ايي سيف :- سلامتك ما تجوف شر... هزاع :- الله يسلمك من الشر .. سيف :- تصبح على خير هزاع :- وانت من اهله .. وخلاف هزاع تم يطالع الالبوم مال الصور وشوي والا جان يوصله مسج وعلى طول يفتح المسج ويقرا : ((((((( هزاع انت تعرف كل الي سويته وما يحتاي اقوله وبختصار حياتي وياك مالها معنى انا خاطري انفصل عنك وللابد يا هزاع وعشان جيه طلقني يا هزاع .. مع خاص احتراماتي m )))))) ... يتبع |
| الساعة الآن 11:36 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir