|
سؤال للبنوتات الرقيقات ^_^ حياكن السلام عليكم ورحمة الله وبركاته كيف حالكم ان شاء الله بخيير ..؟ هذا السؤال للبنوتات الرقيقات وان كنتي كذالك اريد تجاوبيني وبكل صراحه على السؤال ..^_^ السؤال هو التالي : اذا حاول احد الشباب لمسك او يقترب منك او( التحرش بكي ) ماذا سيكون رد فعلكي .؟ اذا كنتي فتاه رقيقيه جاوبيني بصراحه وشكرا تحياتي هيبة ملك |
السلام عليكم ورحمة الله وبركاته..~ جوف أخويه أول الشي إذا البنت كانت محتشمة وحاشمة نفسها..ولها هيبتها...ما أتوقع إنها تتلقى أي تحرش من أي شخص... إلا إذا الشخص ما عنده اسلوب ف التعامل...أو إنه فيه حاله من الحالات الشاذة إلي تصيب الشباب أو البنات...هذي حالة إستثنائية ف الأمر... ما أقدر أقول لك ردة فعلي...لأنه الحمدلله والشكر لك يارب...ما قد مرتني الحالة...~ والتحرش ما يتم إلا من قبل أصحاب القلوب الضيعفة...ّ والله يهدي أمته من هذي الأمور... موتقول ككلتني بقشوري...هههههههههههههههههههه والسموحة منك أخوية.. وهذا رأي ف الموضوع...تقبل شقحتي.. ف داعة الرحمن... |
السلام عليكم ورحمة الله وبركاته .. السؤال للرقيقات بس ..مافي مجال انا اجاوب ..خخخ =p المهم نرد للسؤال .. اذا حاول احد الشباب لمسك او يقترب منك او( التحرش بكي ) ماذا سيكون رد فعلكي .؟ الحمدلله انا ماقد طحت اف هالموقف .. لكن مجرد اني أتخيل هالشي .. أتوقع أول شي أسويه إني أصيــح وماعندي قوة اني أواجه أو أتكلم .. باختصار خوافة .. >.< هيبة ملك .. ادري بتقول عني ملقوفة .. والسؤال للرقيقات بس .. معني احسه يشمل البنات كلهم مش الرقيقات بس .. =p عالعموم مشكور أخويه عالسؤال .. بانتظار الافضل .. احترامــي .. أثير الورد |
:: :: مـرحبـــآآآني..~ آول شي..ثــآآآنكس على الدعوهـ....~نورت البروفااايل...~ ثانيــآآ.. مثل ما قالن الخوات..~ البنت اللي حاشمه عمرهــآآآ مابتطيح في هالمواقف.,~ إلا إذاا كان الشــآآب قاااضي..~ ومااعنده اسلوب ومايستحي..~ { أنآآ عن نفسي ماطحت في هالمواقف...والحمدلله..~ بس مجرد آني آتخيل الموقف..~ آكيد بصــآآآرخ..~ وبتكوون ردة فعلي,.,~مااا اقدر اتصورهــآآآ ولا آقدر اقوولهااا...~ على حسب الموقف..~ { لأني ملسوونـهـ..~ على قولتهم.~.^_* ثــآآلثـــآآ... ربي يعطيك ألف عااافيـهـ,.,~ على الطرح المميز..~ ولا تحرمنــآآ من موآآضيعك الحـلوهـ..~ :: :: |
السلام عليكم ورحمة الله وبركاته آحم رديت انا >>> بــآآك شحالك ياخويه ... ربك ماتشكي باس موضوعك حلوو ... ولكن هالسؤال انا اشوفه للبنات الدفشات والرقيقات هع لان اي بنت تتعرض لهالموقف اكيد بيطغى عليها الخوف ... يمكن وحده من البنات تدش وتكتب لا انا بسوي ولا بشتكي انا اقولك لا ... ماتروم ... يمكن تصرخ يمكن ... ولكن اول رده فعل لها هي الصياااح >>> ناتج من الخوف ... هذا رايي ... والسموحه تسـلم ياخويه ... لآهنت ...~ |
مرحبآني .. وآللـه لو آلبنيه حآشمـه عمرهـآ .. مستحيل تتعرض لجي مووقف .. وآلحمدلله كلن آدرى بنفسـه ^_^ .. بس آذآ تعرضت لجي مووقف لـآسمح آللـه .. آول شي بسويه بفصخ نعـآلي وبفلعه هـآع .. مع آنـه ولـآيخصني بآلدفآشه بس هآلموقف يتطلب هيك لؤؤؤل (= يعطيك آلعـآفيه خيؤؤؤؤؤؤ ولـآهنت ! |
يرجى منكم احبتي ان تكون الردود في حدود الموضوع دون استهزاء و استخفاف لكم مني تحية السيل |
تسلموووووون كل اللي مريتوا وشاكر لكم على تفاعلكم وصراحتكم الجميله واللي قال انه السؤال للدفشات والراقيات لا السؤال للبنوتات الراقيات لانه البنوته الدفشه غالبا ما تكون ردة فعلها معروفه بأنها راح تتواقع او اي شي من هذا القبيل لكن انا سؤالي للبنوتات الراقيات لانب اب اعرف اذا بيكسرن رقيهن وبرستيجهم وبيتحولن لدفشات هع عالعموووم شاكر لكل اللي مر عالموضوع واترقب آاراء البقيه تحياتي هيبة ملك |
هع هع بصير دفشششه وأصرخ لوووول ْ~ لا ان شالله مآيصير المووقف بس الوحده تحششم عمرهآ ^^ |
السؤال هو التالي : اذا حاول احد الشباب لمسك او يقترب منك او( التحرش بكي ) ماذا سيكون رد فعلكي .؟ بسم الله .. الله لا يقول . !! بس اذا .. ما احس اني بكووون خايفه .. لول . يمكن شوي .. هع .. عادي لا اراادي اضربه .. ! مشكوور خيوو ع الموضووع .. ^^ |
امممم بطالعه باحتقاار بس |
حسب البنت اذا كانت حشيمة الله يستر ع البنات تسلم اخوي ع الطرح الحلووووو ولاهنت ونتريا اليديد منك |
الصراحه بالنسبه لي بحاول أبعد قد ما أقدر وطبعا بيكون الخوف مالي عيني وكل قطعه فيني يسلمووووووووووووووو ع الطرح |
وعليكم السلام ورحمة الله وبركاته تقريبآ خوات شمآ ما قصرت ف الاجابات,, وكل اللي في خاطري ظهرنه,, يا طويل العمر البنيه المحشمه عمرها,, لو شو ما صار ما يروم ولا مخلووق عاااقل يلسمها,, والله لا تقولها وتجرآ ولمسها,, بتصارخ ولا بتصيح مثل ما ذكرن خوااتي,, والحمدالله لكـ ياربي,, ما قد استوتلي,, وان شاء الله ما تستويلي,, هع سلمت ولا قصرت ع الطرح يعطيك العافيهـ..~ |
اذااا كانت محشمه عمري ماظني بيينها .. بس لو يا اا بتحول حق وحده دفشه للمواقف كل شي يهون وبينرقع بالكعب بعد مايبالها شي |
آخوآآتي العضوآآت مثل ما قال اخويه السيل ... هنيه للنقاش ... مب للاستهزاء والسب ... تقيدوا لو بشوي بالقوانين ...! |
وعليكم السلام اذا مر عليه هالموووقف اكيد مب مسووويه شي وبسير وبسويلهوو طاااف وبعدين مااايخصه يقووولن محتشمات ولا لاا هالشي يمر ع كل بنت والحمدالله اكثر البنات محتشمات ويعرفن شوو يسون والسموووحه وتسلم اخووويه هـيـبـة مــلك ع طرحك للموووضوع وتقبل مرووري |
مشكوور اخوي ع طرح السؤال.. لو احد من الشباب تعرضولي سيييييييييييده ازقرلهم اخوي و هو يراويهم شغلهم.. ^^ انا شريرة هههههه تقبل مروري لاهنت ^^ |
الانساااانه المحترمه محد بيتحرش فيها اصلا محد بيطالعهاو كلن باحترامه في هذي الدنيا موفق بإذن الله ... لك مني أجمل تحية . |
اذا حاول احد الشباب لمسك او يقترب منك او( التحرش بكي ) ماذا سيكون رد فعلكي .؟ سؤال محرج صراحه وقوي فنفس الوقت مممم واول مره اشوفه في المنتديات وشي حلوو يدل ع جراه الشخص عن نفسي الحمدلله ماتعرضت لها الموقف ولكن لاسمح الله تعرضت لها الشي مافي اي بنت ماراح تصرخ وعقب الصراخ بيكون رده فعلها خوف والبنت من طبعها حساسه راح تصيح وبس الحمدلله المحتشمه ابدا محد يروم يلمس شعره منها وفي الاخير الزينه زينه والشينه شينه وين ماتكون والسموحه ع الاطاله وكلن له راي وها راي سلااااااااااااااامي |
بعد احم احم سؤال روعة ونحن دوم نسولف عن هالاشياء في الدوام لان المجتمع عندنا مختلط فعلا اذا كانت البنت دفشة بتضارب الشخص الي تحرش فيها حتى لو مب قاصد بتفضحه.. هههههههه لكن انا اقولكم ردة فعلي وعن تجارب بعد لاني مثل ما قلتلكم انا اشتغل في مكان مختلط... وصدقوني البنت حاشمة عمرها والا لا... الا ما يصير يوم وتطيح في هالموقف احيانا الشاب مب قاصد.. بالغلط لمسها ويعتذر واحيانا في الشغل الميداني ممكن الوحدة تكون في موقع خطر ويضر يمسك ايدها كتنبيه لها اذا ما سمعته وهو ينبها شفوي ( طحت في الموقف في التدريب لكن عقب التخرج لا) انا من طبعي خوافة... يعني تحصلني في شغلي اسد واكلم فلان وعلان وفي المواقع جني ريال... لكن اذا حد تحرش فيني.. اكبر شي اسويه اخزه واذا قدرت اهدده سويتها... بس من خوفي والخجل في المواقف الشخصية هذي تحصلوني ارتجف ومتضايجة.. بس لاني ما احب الفضايح اسكت وما اشتكي او اصارخ ممكن اقول لربيعاتي او خواتي واخذ حذري من هالريال اذا حسيت انه قاصد يتحرش مب لامسني بالغلط الحين اكيد انتو حاطين في ابلكم اني فاصخة الحيا لكن لا والله بس فعلا هالمواقف تصير للبنت دوووم خارج الدوام ما صارتلي لاني دوم اطلع ويا اخواني وما اطلع بروحي الا اذا مضطرة واخر موقف من هالنوع صارلي في اجتماع في دبي من شخصية كبيرة ومعروفة... في البداية حسبتها انه بالغلط بس يوم تكرر الموقف 3 مرات في نفس اليوم فهمت انه تحرش وبدلت مكاني مع زميلي... وما قدرت اركز في باقي الاجتماع لا وزودها وتم يطرش مسجات اسبوع كامل وانا مطنشة واذا لاقيته اغير الموضوع عشان احسسه باحراج والحمدلله بعد معاناة فهم اني مستحيل اعطيه ويه ثانكس |
ابصراحه في هالمواقف مافي راقيات ولا برستيج ولا غيره لن في هالموقف كل الرقه بتروح اكيد بذمتك اتخيل بس وحده واحد قاعد يتحرش فيها وهي محافظه عرقتها وقاعده تقوله اووووف ارف شو هذا هع هع هع هع ابصراحه هاي بتكون جنت عنفسها مالها غير تفر قناع هالرقه وتظهر عحقيقتها ههههههههههه وتشل ذاك النعال النعام شراتها بو كعب وتفلعه عويهه >>>كشخه الموقف صح هههههههه :522: ما ينفعهم غير جي ولا اذا ظلت عرقتها ما بيتركونها في حالها وعقولت خواتي اللي حاشمه نفسها ما بيون صوبها بس هاليومين مب تاركين احد بحاله الله يستر عليهم ويسلمو خيو |
awal shi bsawieeh hoo eni a9ee7 .... thats all ...l2ni a5af mn hal mawa8f wo0o thnx god eni ma mareet b-hal wa8eef !!! >< El-bint el-me7tarmah btam me7tarmah 7ta lw 7a6o0oha baieen 100000000 rayal :) .... wo thnx 3al el-maw`6o0o3 C yaaaa Bye ! |
الحمدلله ماا اتعرضت لهالموقف اللي محتشمة محد يروم يقرب صوبها ولا سمح الله اذا كان الولد مريض نفسيا يمكن انها اتصارخ او اتصيح واتدافع عن نفسهااا |
السؤال هو التالي : اذا حاول احد الشباب لمسك او يقترب منك او( التحرش بكي ) ماذا سيكون رد فعلكي .؟ الصرااحه اناا ماا تعرضت لمثل ها الموقف لااني دوووم ويا خوااتي الكبااار ولاا ويا خوااني ومحد يقدر ايي صووبي.. بس لاا سمح الله وتعرضت له اكيييد اوول شي بخااف ويمكن اصيييح هع.. بس بحااول امسك اعصاابي وبزقر له اخوووي يعلمه شغله ..هاااااع تسلم اخووووي هيبه ملك ع الطرررح وربي يعطييييك الف عااافيهـ.. ولاا تحرمناا من يديدك..^^.. |
السلام عليكم مبارك عليكم الشهر...((سوري متأخرة)) الله لايعرض وحدة رقيقة أوغيرها لهالموقف... بس لو اذا حاول احد الشباب لمسك او يقترب منك او( التحرش بكي ) ماذا سيكون رد فعلكي؟ بطالعه بنص عين وبسوي نفسي مب خايفة وقوية... مشكور على الطرح الحلو أختك اللؤلؤة |
+++ السلام عليكم +++ أنا ما أتخيل ان هالموقف يستوي لي .. صدمه صراحه بس ترى الكلام غير عن الفعل يعني اللي تقول بتفصخ النعال (الله يعزكم) أو بتهزبه او جي .. وقت الصج بيصيييييييير شي ثااااااااني اماااا عني أنا أول شي دموعي بتنزل أنهآآآآآآآآآر وباقوله يهدني وإذا ما طاع بنادي على أقرب ريال يمر يمنا وبخليه يساعدني ..الحمدلله الرياييل وايد .. بس لو ودنا نعرف "أحنا البنات الرقيقات" من الشباب شلون لازم نتصرف في مثل هالمواقف؟؟!! تسلمووووووون على هالموضوع |
سؤال محرج انا اشتغل في مكان مختلط بس الحمد الله ما اتعرضت لها الموقف غير مره وحده اول ما داومت ومن هاك اليوم الحمد الله ما اتكرران شاء الله ما يتكرر مره كان يايني مراجع ويالس في الانتظار وكل ما اصد احصله يطالعني لين ما يا دوره وخلصت اوراقه ، كنت حاطه اوراق استيكر ع مكتبي وقالي لو سمحتي ابغي ستيكر اذا ممكن قتله اتفضل وما اشوفه الا امطلع القلم وكاتب رقمه وفج الستيكر وحطه ع الكيبورد من الزيغه تميت اتنااااااااااافض وما عرفت شو اسوي شليت الستيكر وقطعته وفريته في الزباله جدامه وقلت له لو سمحت شل اوراقك بكل احترام واطلع وهو احس ويه استوى طماطه وماشفت الا غبااااااااااااره وماله داعي ان البنت اطول لسانها واتسو ي زوبعه تحرج عمرها قبل ما تحرج الريال سوي كل شي من سكااااااات وصدقيني بينتهي الموضوووووع ^^ |
هع هع انزين والدفشات مالهن رب خخخخ انا بجاوب احس لو صدق حد سوى هالحركه بكون مصدومه بعدني يعني هب مستوعبه هع يمكن من كثر الخوف اصصفعه لانيه ساعتها احس انيه مابذكر الصياح وبتم ازاعج وبيمع خلق الله علييه :00: >> يعني احسها بتكون رده فعل طبيعيه يمر فيها اي انسان كان عقب ماتخلص السالفه بصييح يوم بذكر اللي استوى >> :77: سلمت يمناك ياخويه ع الموضوع لا هنت نرقب يديدك ..~ |
الشي ما يخصة في الاحتشام الرياييل موب خالينا حد كا انا اوربيعاتي نطلع محتشمات بعبايةوشيلة وما نطلع شعرنة ولة غيرة بس بعد ماننجي منهم انا عن نفسي ما اطلع الة مع امي ومعنة الموقف متكرر واخس منة بعد صاير الة سويتة اني اول شي انزهقت شو احد ميود ايدي او لمسني ثانيا خفت وايد وعيوني دمعت بس الحمد اااه ما صار شي والموقف الة صار مع اربيعي كانت مع امهةواخوانهة بس اخوانهة اصغر عنهة ية واحد فتح ايدهة وحط رقمة مسكينة مآآت خوف بس سكتت ما تبي يصير شي بس اخوهة شاف شصار وسار قال لامة والام سالت ربيعتي وقالت شو صار والام عصبت وكانت تبي تسي لريال بس ربيعتي ما رضت من الخوف تسلم اخوي ع الموضوع |
اذا حاول احد الشباب لمسك او يقترب منك او( التحرش بكي ) ماذا سيكون رد فعلكي .؟ بصمه كف عويهه يحيي له فوااده ><" |
أولا .. اذا البنت محتشمه و حافظه ع عمرها .. محد راح يقربها ... و احين بجاوب السؤال : أحم السؤال هو التالي : اذا حاول احد الشباب لمسك او يقترب منك او( التحرش بكي ) ماذا سيكون رد فعلكي .؟ ولا شي .. بس بعطيه طراااق يطير العقل .. و اقطعه و اجرحه من كلامي .. و اذله ذل .. ما راح يتقرب اي وحده من بعدي و راح يصطلب ..:8: و تسلم اخويه ع الموضوع ... |
:15gt7.gif:اول شي اقوله اقلب ويهك ولو ماسمع الكلام عطيته الكف اللي يفره |
اذا حاول احد الشباب لمسك او يقترب منك او( التحرش بكي ) ماذا سيكون رد فعلكي .؟ اذا مرت لي هالموقف طبعن بصيح وبتحول الى البنت الدفشه وآخذ اي شي جدامي وبفلعهـ فيه.. |
البنت الحشيم وحتى لو كـــــــانت رقيقه وحلوه مستحيل تتعرض لهاي المواقف ولكن احيانا تحدث ما بنقول لا ،، انا عن نفسي اذا انحطيت في هذا الامر ، جيهــ بتكون ردة فعلي هههههـــ بنسى الرقهـ واهلها :137: :ف44: |
اذا حاول احد الشباب لمسك او يقترب منك او( التحرش بكي ) ماذا سيكون رد فعلكي .؟ الحمدلله ما تعرضت لمثل هالموقف .. ومثل ما قالوا خواتي البنت اللي حاشمه عمرها محد بيقرب صوبها .. بس اذا افترضنا وصار .. بتحول الى وحده دفشة بالقووو وبصفعه صفعه تعلمه كيف يجرب من بنات العرب .. ومشكور أخوي على السؤال |
وعليكم السلام ورحمة الله وبركاته بخير الحمدلله وانت شحآلك .. ؟؟ ربك الآ بخير .. هع عآدي يمكن آصيح .. آو آفلعه بالشنطه لي عندي >< ثآنكس خيوو ع طررحك .. |
السلام عليكم ورحمة الله وبركاته ... كل بنت تعرفه عمرها ... في بعض البنات بيصيحون ولكن بعضهم بيقولون عادي .. لو اتحرش فيني .. انا بصيح .. وبصرخ ... في وحدة شي استولها في المول اتحرش فيها وهي كانت مع اعيال اخوانها او خواتها عقب صرخت وسار عقب صفعها وقال انتي طالق.. والناس اتحروا انهم متزوجين .. شكرا ع الموضوع ... |
وعليكم السلام ورحمة الله وبركاته بخير ومن صوووبك..؟؟ اذا حاول احد الشباب لمسك او يقترب منك او( التحرش بكي ) ماذا سيكون رد فعلكي .؟ امممم...؟؟؟ان شااا اللله مااانحط بهااا الموووقف..؟؟ صراااحة بصييح بصررخ...اممممم..يمكن اعطيه كف او اعضه..ههههه متوووحشه... تقبل طلتي |
الرقيقه اكيد بتصرخ ولا بتخاف والدفشه بتربيه |
| الساعة الآن 02:54 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir