|
قصة حب في لندن( خالد و اليازية) انا اريد اكتب قصة و لا اروع دخيلكم دخلو و شوفوا انشاء الله تعيبكم |
قصة حب في لندن (خـــالد والـــيازيه) الجزء الاول احلى قصة حب في لندن الفصل الاول اليازيه : سلوووم الله يغربلج بسج خريط في الموبايل .. باجر ورانا سفر .. سلامه : يزوووي انتي اصلا تحمدين ربج اني بسافر وياكم باجر .. يعني تنخمدين احسلج و ما ترمسين و تخليني اسولف ويا خواتي على راحتي .. فديتهم شهر و نص بفارجهم .. و الا امي ......... الله يعني على فراقها ... اليازيه : انزين كيفج .. عيل انا بسير اجهز لباسي .. سلامه : هيه احسلج .. و جهزي لباسي وياج بعد اليازيه : مشااااااااء الله !! نشاده عنج و انا ما ادري .. سلامه : ههههههههه .. اسولف حبوبه .. الحين بصك الموبايل و بيي اصك الشنط وياج .. اليازيه و هي تبتسم : لا عادي سلووم اسولف وياج .. ما يحتاي تساعديني .. الا هم 4 شنط !! سلامه : ارتحتي الحين صكيت الموبايل .. يلا سيري هاتي الميك اب ( المكياج ) بجرب عليج شوي حق المطار باجر .. اليازيه : بس لاااااه .. متفيجه .. ما عندج سالفه اطالعي الساعه كم احينه .. شوي و بتستوي 3 الفجر سلامه : اويييييييييه .. ابوج بياكلنا لو ما نشينا الصبح .. يلا قومي نرقد ( اليازيه و سلامه .. ربيعات من يوم صغاار و اكثر من خوات يعيشون في نفس الفريج و يدرسون في نفس الصف و موول ما يقدرون يستغنون عن بعض) نبدا باليازيه .. اليازيه سلمكم الله .. بنيه صغيرونه مرحه و حبوبه بس مشكلتها دلووعه شوي .. طالبه في الصف الثاني ثانوي .. ملامحها حاده .. تتمتع بالعيون السود الكبيرتان و الحاجبان الكثيفين و البشره البيضاء الصافيه و القوام المشدود و ... ( يعني مشاء الله عليها قمر) و على فكره هي الوسطانيه .. عندها محبه اخر سنه في الجامعه و عندها هزاع في الاعداديه و سلامه .. اكبر من اليازيه بشهووور .. خرشه و حبوبه و مرحه مثل اليازيه .. بس مقاييس الجمال عندها تختلف يعني حنطاويه و عيونها عسليه و شوي دبدوبه و ......... بعد مشاء الله عليها حلوه .. احلى شي فيها كشختها .. كشيييخه و راعية مظاهر و تحب الحواطه .. الفصل الثاني ** ( مطار دبي الدولي ) ** محبه : لحووووول .. كم بنتريا .. هذا ابويه و عيلته يخيسنا في المطار 3 ساعات قبل الموعد هزاع : هيه والله ملللللللللللللللللللللللللللل .. الام : انزين بدال هالتنفيخ قوموا تحوطوا في الديوتي فري ( السوق الحره) محبه : هيه صدقج امايه .. انا بقوم منو بيي وي.... قبل ما تكمل محبه كلامها .. يقومن اليازيه و سلامه و يطلعون من الاستراحه محبه : ايييي عفان الله .. هاييلا اللي بيفشلنا .. يلا قم هزاع نسير نتحوط مع بعض و نحافظ على البرستيج مالنا هزاع : لا انا بسير اساعد ابويه لين ما يخلص الاجراءات محبه : عيل امايه تعالي ويايه الام: يالله طوفي جدامي و يطوووف الوقت .............................. و تعلن المضيفة عن إقلاع الطائرة .. مذكرة الركاب بضرورة ربط الاحزمه .. و اقفال الجوالات سلامه : اهوووووووووو .. الله يعينا على يلسة 7 ساعات محبه : شغلي عمرج بالمجلات اللي اشتريتيها و الا اطلبي فلم يحطولج اياه .. و انشاء الله ما بتحسين بالوقت اليازيه : لا ارقدي احسلك و فكينا من حشرتج سلامه : ههاهاهااهي .. لا حبوبه اصلا انا مقرره اصك راسج بالصدعه لييييين ما نوصل عشان تندمين انج سفرتيني وياكم .. اليازيه : ههههههههه .. دخيلج حبوووه يلسني مكانج .. مافيه عالصدعه محبه : لا اميييييي انا حاجزه هالمكان منزمان اليازيه : عيل بسير ايلس عدال هزاع احسلي ** مطار بروكسل ** الاب : الحمد لله عالسلامه الام : هيه والله الحمد لله عالسلامه و الصحه و العافيه هزاع : الحمد لله .. ما بغينا نوصل .. بس ابويه دخيلك يوم بنسير لندن ودنا ع طيران الامارات .. عالاقل فيها سوني نظيع فيه وقتنا الاب :انت تامر يا بو محبه : ابويه كم بنتم في بلجيكا ؟ الاب : مممممم .. يعني اسبوعين اليازيه : شويه !!!!!!!! الام: لا بالعكس وايد .. لان عقب بنسير لندن و زلامسي .. اليازيه : اففففف .. بس احلى شي بلجيكا سلامه : انزين بس عاد .. خلي الرحله تمر ع خير و عقب تاففي الام : هيه والله و يمرووووووون الاسبوعين مثل الحلم .. بسرررعه __ هزاع : يزوووووووووي .. حبوووووووه .. سلووووووووم .. يالله ابويه و امايه يتريووونا في السياره محبه : اوكي اوكي يايين سلامه و هي تتحرطم .. صدقج يزوي اسبوعين وايد شويه اليازيه : ترى اقووول لابويه .. بس هو ميت ع لندن .. سلامه : طبعا بيمووت عليها مب هناك ذكريات الدراسه و الحب اليازيه : هههههههههه دخيلج سلوووم قولي هالرمسه جدام امي عشان تنقهر و عقب شوفي ويهها كيف بيتغير .. ههههههه سلامه : ههههههه يزوي شرييره حرام عليج جنه محد حب في هالدنيا غير ابوج اليازيه : ههههه لا اسولف الفصل الثالث ** مطار هيثرو ** سلامه : عميييييييي ما الووومك يوم تحب لندن .. وايد كيوووووت و الجو رووووعه يجنن الاب : هههه ترى اقولكم بس محد حاسبي .. هاي عاصمة الضباب الام : عاصمة الضباب و الا الحريه .. قوووم مريا و ليزي و .... خلها مستوره احسن سلامه : لا عمي انا حاسه .. ههه و الله حاسه .. الاب : عيل كل سنه باخذج بدال يزوي سلامه : حاظرين عمي الاب و هو يسولف ويا جاكسون راعي تكسي المطار و الباجيين مشغولين بمناظرة الشوارع الانجليزيه الطويله و التمتع بالجو البارد الا اليازيه اللي كانت حاسه بنغزه في قلبها .. جنها حاسه ان شي بيصير هزاع : ابويه على قولت العيم .. دوووووووباااااي مثل لااااندن الاب :ههههه هيه والله ووصلناج يا لندن عقب سنيييين .. تغيرت عقب فراق الاحباب الام : عبدالله !! ردينا ع طير ياللي الاب : لا لا اسوووولف .. بس صدقيني يا ام هزاع .. الواحد يحن لذكريات الشباب .. و خصوصا اذا كانت هالذكريات في لندن الام : انزين خل الذكريات حق عمرك .. محبه : امايه .. بس عاااد .. حرام خلونا نستانس بهالسفره الام : قولي حق ابوج محبه : باباتي خلاص عاد الاب : خلاااص خلاااااااص .. انتي تامرين يا ....... ام هزاااع محبه : ويدي ابويه ! الكل يظحك الا اليازيه سلامه : اليازيه بلاج ؟ ليش منتفخه ؟؟ اليازيه : ما شي بس تولهت على دبي .. يعلني افداها سلامه و هي تنغز اليازيه في ركبتها : كلنا تولهنا عليها .. بس يلا عاد ابتسمي اليازيه تتطالع سلامه و تبتسم .................................................. .............................. jackson: welcome all to ur ly apartment الاب: ثانكس جاكسون jackson: plz mr. abdullah phone me whenever you need the car الاب : اوكي .. سلامه : الله عموووه شقتكم وايد روعه الام : هيه .. بعدج انتي ما شفتي شي سلامه : جيه شو بعد ؟ الام : ما شفتي يرانا .. وايد طيبيين سلامه : عرب ؟ الام : هيه ويدي مال بوظبي .. هزاع : سلووم اصلا هالعماير كلها ساكنينها خليجيين سلامه : الله كشخه !!!!!!! اليوم الثاني** سلامه : اليازيه اليازيه .. يلا عاااااااد قومي نشييييي .. اليازيه : خيييير اللهم اجعله خير .. شو بغيتي ؟ امريني .. تدللي سلامه : يزوي بلى ثجل دم .. قومي سيري وعي قوم امج .. الساعه 11الصبح يلاااااااا اليازيه : انشاء الله قوم امي ما نشوا !؟ سلامه : ترى اقولج سيري ويعيهم اليازيه : و انا شو الله كالفني اسير اوعيهم سلامه : استغفر الله هذا اول يوم و جي .. عيل .. افففف انا بسير اوعي هزاع ابركلي عالاقل اييلس ايسولف ويايه اليازيه : يعني الحين شو يرقدني يالله اوكي بنش ! سلامه : ههههههه ادريبج ما ترومين تزعليني .. احم احم اليازيه : انزين صخي .. هههههه .................................................. ................... اليازيه : اقوووول سلووووم سلامه : لبييييه اليازيه : شو رايج نسير نتريق برع .. سلامه : لا امييي .. انا ما يخصني عشان عقب امج تقول سلامه هي اللي مقويه بنتي و تحوطها اليازيه : لا حرااام امي تحبج و ما تروم تقول شي .. اصلا انا و حبوووه دوم نحوط بروحنا .. ومحد يقولنا شي .. عادي يا امي ... لايف از ايزي سلامه : صح السانج .. بي كووووول اليازيه : ههههه يلا قومي بدلي سلامه : يالله اوكي .................................................. .......................... ينزلن من الشقه .. و يتحوطن في الاجورد روود او (شارع العرب) سلامه : فديييييييييت انا هالجو محلاته اليازيه : ما يسوى جو الامارات .. سلامه بتعجب : نعععععععععععععم ؟ اليازيه : لا اطالعيني جي ! هيه هيه هيه فديت انا الامارات و شمسها اللي تحرق .. سلامه : بسم الله .. انزين عن تاكليني .. كيفج اليازيه : سوري حبيبتي سلووم .. لا تزعلين بس انا شوي متنرفزه سلامه : ادريبج من امس و انتي دقني بنقع ! قوليلي بلاج ؟ شي في خاطرج ؟ اليازيه : والله ما ادري .. تصدقين يا سلوم احس ان قلبي مقبووظ ليش ما ادري سلامه : الله يستر.. حبوبه لا تفكرين بشي ادفني مخج في دبي و فكري بوناستج بس .. و الله حبوبه الدنيا ما تستاهل اليازيه : والله ادري .. بس ......... خلاص خلينا ندش هارفي نيكولاس احسن .. سلامه : ههههههههههه اوكي يلا ……………………………………………… |
الجزاء2 واربع ساعات اطوووف بدووون ما سلامه و اليازيه يحسووون سلامه : اليازيه !!!!!!! اليازيه : هااااااا شووو ؟ سلامه : قولي الساعه كم الحين ؟ اليازيه : كم ؟ سلامه : الساعه 3 و نص الظهر ! اليازيه : اوييييييييه .. يلا طوفي بسرعه .................................................. ............... في الشقه ** هزاع : امايه اليوم وين بنسير ؟ الام: كيفكم وين ما تبوون سيروا .. بس انا بسير الهايد بارك .. لاني واعده عمووتك تنلاقى هناك هزاع : اوكي عيل انا بتصل بمايد ولد عمووه شمسه و بنتفق على مكان الام: زين تسوي محبه : امايه وين يزوي و سلوم ؟ ما اسمعلهم حس الام: والله ما ادري .. يمكن رقوود .. اكيد تعبانيين من رحله امس محبه : اي رحله الله يخليج الا هم ساعتين الام : عيل نشي وعيهم تدخل سلامه و اليازيه : السلام عليكم الجميع : عليكم السلام و الرحمه الام : ما شاء الله من وين حادرين ؟ سلامه : سرنا نتحوط شوي اليازيه : امايه شفت شنطة كريستيان ديووووور .. روووعه اتجنن .. الا اخذها سلامه : لا والله مب لين وين انا عيبتني مال شانيل وايد ارقى الام : انشاء الله اللي تبوونه خذووه .. اليازيه : هيه لازم محد يروم يقولي شي الحووول انشاء الله في الجامعه .. يعني بينفعونا سلامه : الله ما اتخيل .. السنه اليايه هي اخر سنه .. و عقب بنفتك من صدعة المدرسه .. الللللللللللله كشششششششخه الام : انشاء الله . . الله يوفقكن .................................................. ................ الجزء الرابع ** الهايد بارك ** اليازيه : سلوووم شو البس ؟ سلامه : مممممممم .. البسي القميص البنفسجي مال لاكروا وايد حلو عليج .. انزين و انا ؟ اليازيه : ممممممممم .. لا شو رايج انطقم .. نلبس بدله كريستيان ديون الجينز ؟؟؟ سلامه : اوكيك .. بس اظني انا خليتها في البلاد اليازيه : لاااااااا لا تقولين .. دوريها عدل يمكن تلقينها سلامه : ههه لا تخافين انا اصلا ما خليت شي في البلاد .. ما خليت شي ما يبته ههههههه الام : بنااات انا بتجدمكن ويا ابوكم و انتوا عقب الحقونا .. اوكي اليازيه و محبه و سلامه : هيييييييييه اوكي الام : هههههههه ما صدقن الاب : ههههههه خليهن يستانسن الا هي مره كل سنه .. خليهم ع راحتهن .................................................. ............................... محبه : لا تطالعن اليازيه : هههههههه هاييلا شكلهم مال البلاد سلامه : متفيجيين حق مغازل .. هههههههه محبه : لا تعطونهم ويه هاييلا يبوون يتحرشوون فيكم اليازيه : انتي شو يابنج ويانا لو سرتي ويا ماماتي و فكيتينا احسن سلامه : هههههه هيه والله .. عالاقل كنا بناخذ راحتنا اكثر محبه : ههههههه ما عليه جان ما خبرت امايه عليكم اليازيه : يا ويييييييييلي مت من الخوووف محبه : ههههههههه لا اسولف سلامه : اتشوفين هذاك .. وايد كيووت و كشيخ اليازيه : اي واحد بو بنطلوون رمادي و الا بيج ؟ سلامه : لا هذا و لا هذاك .. انا اقصد بو جاكيت ارماني اليازيه تمت ساكته .. و ما قدرت تنزل عينها من عليه سلامه : حوووووووووه .. وين وصلتي محبه : الظاهر حب من اول نظره اليازيه تبتسم و تمشي .. .................................................. ............................ محبه : مب هايييلا قوم عمووه ؟؟ سلامه : هيه اظني محبه : ويدي عيل وين قوم امي ؟! سلامه : يمكن مروا مكان محبه : انزين يلا نسير نسلم عليهم اليازيه : لاااااااا ما فينا عقب بنت عموووه بتلزق فينا سلامه : انزين شو فيها وحليلها خلها تتمشى ويانا اليازيه : بليييييييييييييز ! لطوووف وايد شخيفه وسوالفها سوالف يهااااال سلامه : هههههه عيل محبه انتي سيري سلمي عليهم و انا و اليازيه بنسير نتحوط .. محبه : اوكي .. عندكم الموبايل صح ؟ سلامه : من كبرها الهايد بارك .. عشان نظيع محبه : هههه اوكي عيل فارجونا اليازيه : يلا سي يو …................................................. .... اليازيه : مب جنه هاييييييلا قوم ميان ؟؟!!! سلامه : اوييييييييييييييييييه هيه والله اليازيه : هههههههههه شو يايبنهم ورانا ورانا وين ما نسير .. طوفي نسير نفاجأهم سلامه : ههههه يلا ................................................ اليازيه : هالووووووووو ميان مصدومه : بسم الله الرحمن الرحيم اليازيه : بلاااااااج !؟ ههههههه .. مفاجاه حللوه صح ميان : يزوووووووي سلوووووووم .. ما اصدق سلامه : لا صدقي .. تصير في ارقى العائلات .. ههههههه ميان : ههههههههه ما فتكينا منكم في دبي الا و نلقاكم في لندن سلامه : القدر المحتوم ! اليازيه : انزين شحالج ؟ سلامه : ويدي ميان ؟! وين سارت الشيله ؟؟؟ ميان : هههههههه شو رايج .. قلنا نخليها في البلاد احسن عشان ما يتحرونا ارهابيين .. اليازيه : هههههه الله ياخذ عدوج من يوم كنا في دبي و انتي تحنين على امج عشان تعقين الشيله .. و رمتيلها مشاء الله عليج ميان : و انتن مب ناويين تعقونهاا ؟ سلامه : لا بسم الله علينا .. اصلا نحن متشريااات سكارفااااات لين ما قلنا بس .. و الحين يايه تقوليلنا عقووهم 1 اليازيه : انزين شو رايج مياانووو تيين ويانا نتحوط ؟ ميااان : طبعااااااااا .. اوكي .................................................. .................... ( ميان تستوي ربيعة اليازيه و سلامه في الصف .. و ميان مشاء الله عليها وايد فري و تقدروون تقولوون ( مستخفه شوي ) ههههه الله يهديها ) سلامه : شو رايكم نسير نسوي بيديلنج ؟ ( ركوب القوارب ) اليازيه : يلا اوكي مياااان : وييييي انا نسيت اخذ فلوووس من ابويه اليازيه : عادي انا عازمتنكم سلامه و ميان : مرسي اوي اوي .................................................. ......... اليازيه : سلوووووم سلووووم هكو الكيوت سلامه ( ببرود ) : هيه ادري اليازيه : فدييييته ميان : بلاكم تتناغزن سلامه : لا سلمج الله هذا واحد كيوت توه شفناه و نحن يايين الهايد بارك ميااان : اهاااااا اوكي اي سييي سلامه : اوييييييييييييييييه بنات .. شوفوا منو وياه !! ميان و اليازيه : منوووووووووه ؟؟! سلام : سعووووووووود! هههههه ميان : اي سعوود ؟ سلامه : سعيد المري اللي في صفنا اليازيه : هههههههه يا محاسن الصدف .. اليوم ميانوو و سعوود ميان : تعالوا نسلم عليه سلامه : وين وين وين ؟! وين تبين ! اليازيه : تشوفيين وياه شلة شباب ميان : عااااادي .. سو وات ؟ اليازيه : كيفج .. سلامه : لا مب كيفها مدام هي ويانا بتلتزم بقوانينا .. لو هو يبا يسلم جان يا و سلم ميان : انزين يمكن ما شافنا اليازيه : عيل تريي لين ما يشوفنا . ميان : انزين بلاكم كلتوني .. كيفكم اليازيه : بس الصراااااحه اللي وياااااه يجنن .. الا يخبل .. الصراحه ....... سلامه : كملي الصراحه شوووو ؟ اليازيه : بس بس عاد .. خلونا نسير نقطع تيكيتس .................................................. ....................... خالد : سعوود .. تشوف اللي اشوفه ؟ سعيد : يا كثر ما تشوووووووف .. هههههههه خالد : لا صدق .. اطالع .. اتشوف هايلاك البنات اللي عالبووت ( القارب) سعيد : هيه بلاهم ؟ خالد : حلوااااااات ! سعيد : وشو اليديد ؟ بنات البلاد كلهم حلوااااات خالد : هههههههه يلا طوف سعيد : وين ؟! خالد : انت تعال بس .................................................. .................... ميان : سلوووووووم الله ياخذج تعالي خذي سوقي بدالي ريولي عورتني .. سلامه : لا اميييييييي محد قالكم ركبوني وياكم .. انا بس اغني و انتوا تسوقوون اليازيه : ههههههههههه انزين شوي شو ي عن اطيحين في البحيره ما فينا ميان : هاهاااي زين والله بنفتك سلامه : انجعمن .. و اطالعواا منو ورانا في البوت الثاني .. اليازيه : اويه اويه اويه ميان : بلاااااج ؟ اليازيه : ما ادري احس قلبي يدق .. ميان : ههههههه سعوووود سعوووووووووود سلامه : ايه اسكتي الله ياخذج فظحتينا .................................................. . |
الجزاء3 سعيد : منو يزقرني ؟! خالد: اوب اوب اوب .. قاموا يزقروونك سعيد : ههههههه انزين حرك بسرعه .. خلنا نسير جداهم .................................................. ............ اليازيه : اففففففففف كل منج .. ياو عدالنا ميان : وحليله سعوود .. كان يغششنا العام .................................................. ............... سعيد : اندووووووووووك ! خالد : هااااااااااااا ؟ سعيد : قووووم سلووووووووم ! ههههههههههههههه خالد : خير ؟ منو ؟ سعيد : هايلا ربعي في الصف خالد : اهااااااا مشاء الله سعيد : سلوووم .. ميوووون .. يزوووووي شحالكم ؟ سلامه : استغفر الله و اتوب اليك .. بخير بخير ميان : هلااااااااااااااااااااااااااااااااااااااااااا شحاااااااااالك ؟ سعيد : يسرج الحال .. شو يابنكم لندن ؟ ميااان : اللي يابك يابنا .. سعيد : يزوي .. ليش صاااخه ؟ شحالج شو علومج ؟ اليازيه بخجل : الحمد لله سعيد : اعرفكم .. خالي خالد ميان : تشرفنا سلامه تطالع اليازيه و تبستسم سعيد : شو رايكم نسوي رييييس ؟ (سباق ) سلامه : لا لا ما يخصكم فينا .. بس نحن لازم نسلم البوت الحين اليازيه ترفس سلامه و تعطيها نظره سلامه : ههههههههههه اليازيه بلاج ترافسين اليازيه بنظره حقد لا مسي بس اعدل نعالي سلامه : اهااااااا هههههههههههههههههههه ميان : لا سلوووم بعده ربع ساعه على موعد التسليم سلامه : اوكي كيفج بس انا نزلوني سعيد : لا ينزلونج و لا شيات اصلا ما تحلى اليلسه بدونج سلامه : ايه سعووود وين تتحرى عمرك .. نحن في الصف سعيد : اوووووه سوري الجميع يضحك العمه : محبه .. عيل وين اليازيه ؟ محبه : هااا مممم .. هيه اليازيه العمه : بلاها اليازيه ؟ محبه : سارت .. العمه : وين سارت ؟ محبه : سارت تتحوط ويا ربيعتها العمه : انزين حبيبتي اتصليبها خلها تي تاخذ لطيفه وياها .. و حليلها ما عندها حد محبه : انشاء الله عموه .................................................. ................. ميان : مب جنه موبايلج يرن ؟ اليازيه : اووه هيه .. هاي حبوووه اففف مب متفيجتلها .. سلووم ردي عليها سلامه : الوو .. هلا محبه محبه : الله ياخذكم عموووه تتحرطكم .. ليش ما خذتوا لطيفه وياكم سلامه : اوكي الحين يايينكم اليازيه : انشاء الله تبانا ناخذ لطووف ؟ سلامه : هيه اليازيه : اففف ميان : عيل انا بخليكم بسير ويا سعيد .. اوكي اليازيه : لا بليييز .. تمي يانا ميان : مب تقلوون بنت عموتكم بتي .. خلاص عيل اليازيه : لا والله اتمين ميان : اوكي خلاص بتم .. بس بخليكم عقب نص ساعه .. لاني مواعده قوم طرفه في الاجدواردرود سلامه : هيه تعالي شحال طرفووه اختج ؟ ميان : والله اوكي .................................................. ................. اليازيه : السلام عليكم العمه : فدييت انا خطيبه ولدي .. عليكم السلام والرحمه اليازيه تحيس بوزها العمه : شحالج عمووه ؟ اليازيه : بخير لطيفه : يلا قوموا نسير نتمشى اليازيه : لا سوري ريولي عورتني لطيفه : افااا و انا من الصبح اترايكم اليازيه : سوري والله .. جان تبين تتمشين ظروري خذي وياج سلوم لطيفه : انزين وينها سلامه ؟ اليازيه : ما ادري تتمشى ويا ربيعتها .. سيري دوريهم محبه بصوت منخفض : يزوي حرام عليج .. وديها اليازيه : افففف .. اوكي .. قومي نشي لطيفه بوديج عندهم لطيفه حست انا رزه : لا خلاص عادي اليازيه : كيفج .................................................. ..................... خالد : اففف .. وين اختفت ؟ سعيد : منو هاي ؟ خالد : اليازيه .. سعيد : اي اليازيه ؟! خالد: ربيعتك مال الصف سعيد : هيييه ههههه .. جيه شو تبابها ؟ خالد : ابا ........... سعيد : هيه ............. خالد : ياخي ابا ارقمها ......... سعيد : شوو ؟! خالد : هيه نعم عايــبتني و ابا ارقمها سعيد : ايه لا ما يخصك فيها .. هاي محترمه و مب مال هالسوالف خالد : بس عاد .. وايد عطيناك ويه .. احينه انت ياي تعلمني ع اشكال البنات سعيد : لا خلود صدق .. هاي اكثر و حده من بنات الصف اعزها هي و ربيعتها سلامه .. و ما برضى حد يغلط عليهم .................................................. ............... اليازيه : سلاااااامووو بنااات سلامه : هلا و الله .. هلا وغلا ميان : و السلاااام .. وينج وايد تاخرتي اليازيه : شو اسوي .. عموووه و اذيتها سلامه : ههه وحليلها .................................................. ...................... خالد : هكي ردت .. سعيد : منو ؟ خالد : منو بعد .. اليازيه سعيد : هههههه خالد : مب وكته تظحك .. سير ازقر اخوك فصوول سعيد : شو تبابه ؟ خالد : ما يخصك .. انته بس سير هاته سعيد : اوكي .................................................. .............. فيصل : اليازيه اليازيه اليازيه : ويه منو يزقرني فيصل : انااا اليازيه : فديييتك .. عيوون اليازيه فيصل : خذي الوقره اليازيه : شوو ؟! سلامه : يقولج خذي الورقه .. اليازيه : فديتك هاتها .. شو فيها ؟ فيصل : ما ادري بس خالي خالد قالي اعطيج اياها اليازيه : حقي انا ؟! فيصل : ما ادري هو قال عطها حق حبيبتي الحلو ام بنطلون جينز .. يعني انتي اليازيه باستغراب تطالع الورقه و تبوس الولد الصغير اليازيه : حبيبي رد الورقه و قوله هذيلا البنات مؤدبات فيصل : لا بليييز خذيها .. هو قال اذا خذيتيها بيعطيني وااااااايد فلوووس اليازيه : لا عييييب .. انت ردها و انا بعد بعطيك فلووس فيصل : وايد ؟ اليازيه و هي تبتسم : هيه وايد وايد فيصل : اوكي خالووه باي باي سلامه تطالع ميان باستغراب : اليازيه شو فيها الورقه ؟ اليازيه : حركات شباب ميان : ما فهمت اليازيه : يعني شو بيكون فيها ! رقم !! ميان : اهااااا و صمت ........ سلامه : ههههههههههههههه .. اوكي توني استوعبت ميان : انزين عيل انا بخليكم الحين بسير اوكي اليازيه : اوكي حبيبتي سلامه : وايد استانسنا وياج اليوم ميان : حتى انا والله اليازيه : خلا ص انشاء الله بينا كوول ( اتصال ) .. سلامه : هيه لازم نشوفج باجر ميان : انشاء الله اصلا نحنا لازم كل يوم هني في البارك .................................................. .................................... انشاء الله عجبكم الجزء من غير ما ادري تروح وتنساني وانا الي طول عمري شلتك وسط عيني ما كنت جيه ابيك في الجرح تخليني في الجرح تخليني |
الجزاء4 ** في الشقه ** محبه : امايه وين سايره ؟ الام : انا و ابوج بنسير نتعشى برع .. محبه : و نحن ؟ الام : سيروا وين ما تبون بس حدكم الساعه 10 محبه : لا امي انتوا هاتولنا عشى في دربكم الام : على راحتكم .................................................. ............................. ** في الغرفه ** اليازيه : سلامه .. سلامه : هلا اليازيه بصوت حزين : ليش الشباب كلهم جي ؟ سلامه : مافهت .. قصدج الموقف اللي استوى اليوم اليازيه : هيه سلامه : يعني شو تتوقعين ؟! اصلا الشباب ما عندهم حب ما حب .. و مثل ما قلنا سعيد ان اخالد يدرس هني في لندن اليازيه : انزين وشو يعني .. سلامه : يعني و الخيبتين.. يعني مسوي باي باي حق عاداتنا و تقاليدنا اليازيه : لا ما اعتقد .. لان حتى في البلاد .. الشباب يسوون نفس حركاته و اخس بعد سلامه : ما ادري والله اليازيه : الصراحه طااااااااح من عيني سلامه : خيييبه .. طاح مره وحده ! حرام عليج .. يمكن معجب فيج اليازيه : صدق ؟! لحظه صمت .... اليازيه : لا ما اعتقد .. مثل ما قلتي الشباب ما عندهم حب ماحب .. حياتهم كلها تسليه .................................................. ............... الاب : ايوووووووووااااااا هزاع : عااااااااااااااااااش ذا رووووووووك عاااااااش ........................................... اليازيه : اصبحنا و اصبح الملك لله .. منو طار صوت التلفزيون ؟! اففففففف سلوم قومي نشي سلامه : اوكي .. اليازيه : صباح الخير الاب : هلا صباح النور و السرور اليازيه : بلاكم ؟ ليش طارين صوت التلفزيون ؟ هزاع : يزوي اسكتي حاطين دابليو دابليو اييييي ( مصارعه حره ) اليازيه : اللهم طولك يا رووووح .. ما افتكينا منها !! .................................................. .............. محبه : اليازيه بتين ويايه انا وامي ؟ اليازيه : وين ؟ محبه : بنسير اوكسفورد ستريت اليازيه : لا انا و سلووم بنيكم عقب محبه : اوكي عيل بااي لحظه وين امايه ؟ امايه تحت تترياني اليازيه : مشااااااء الله عيل انا منو بيسويلي حليب حق الكورن فليكس ؟! محبه : ويييييه ما دريتي اليازيه : لا شووو محبه : جاكسون الدريول يابلنا بشكاره انجليزيه اليازيه : انجليزيه ؟! محبه : هيه .. اليازيه : اويييييه استحي اتامر عليها محبه : ههههههههههه بس شاطره تتامرين عالفلبينيات و الهنوود حليلهم .. جيه مالهم رب .. اليازيه : هههه انزين بس اجلبي ويهج .. محبه : باااااي .................................................. .............................. سلامه : يزوي مللللللللل اليازيه : انزين قومي نتمشى سلامه : وين نسير ؟ اليازيه : شو رايج نسير عند قوم امي .. سلامه : اوكي يلا .. بس شاوري ابوج اول اليازيه : بابااااااا .. عادي انا و سلوم نسير اوكسفورد ستريت ؟ الاب : اوكي امي .. بس تحملوا ع عماركم اليازيه : انشاء الله سلامه : يس يس و الله هذا ابووووج كوووول .. لو ابويه جان جعمني وقالي خذي حد من خوانج اليازيه : اقوولج باباتي يعجبج .. .................................................. ................. في الشارع ** اليازيه : تسمعين ؟ سلامه : هييييييييه ههههههههه و اطوف سياره رقم دبي حاطه غنيه ** الله يا دار زايد كيف محلاها يا ناس حلوه و قلبي مغرم فيها ... كنه القمر يوم يظهر من محياها .. في غاية الحسن يسلم كف بانيها .. هي جنة الارض رب العرش سواها من ضاق صدره تونس في اراضيها .. تسبي النواظر من اولها الى قصاها .. حلوه و زايد يالي اكثر محليها ** اليازيه : فديييييييييييييت انا الامارات و فديييييت انا بوخليفه سلامه : هيه و الله ماشي احلى من الامارات .. يعلني افداها سلامه متعجبه : مب ميانووه فيها ؟! اليازيه : وين ؟ سلامه : في السياره !! اليازيه : لااااااااااااااااااااااا ما ظني .. السياره متروسه شباب سلامه : امبلى و الله هي اليازيه : هيه والله ! غربلاتها ! شو تسوي فيها ؟! سلامه : خديه من استوت خديه .. اكيد سعوود قص عليها و ركبها وياهم .. اليازيه : الله يهديها .. .................................................. ......... ** في الهايد بارك ** خالد : يالله ليش تاخروا ؟؟ سعيد : اكيد زعلت خالد : لا انشاء الله .. سعوود انت تدري ان مب قصدي .. تحريتها .......... سعيد : الله راواك .. انا قتلك انها مب مال هالسوالف بس انت ما سمعتني خالد : افففففففف .. انشاء الله تيي .................................................. ... سلامه : اسمعي يزوي .. انشفتي ميان البسيها .. لا تعطينها ويه اليازيه : هيه اكيييد .. بس ............ سلامه : بس شوووووووووه اليازيه : بس اخاف انكون ظلمناها .. يمكن مب هي .. سلامه : هيه صدقج .. ان بعض الظن اثم .................................................. ... ميان : هالوووووووووو بنات سلامه : هلا اليازيه : هلا ميان ميان : جيف حالكم ؟ اليازيه : اوكي ميان : بلاكم ؟ سلامه : الصراحه ميان .. اليوم في اكسفورد ستريت شفنا بنيه تشبهج راكبه في سياره شباب رقم دبي .. ميان : انزين ...... اليازيه تصارخ : شو انزين ! سلامه : انتي و الا لا ! ميان : هااا ؟ لا طبعا مب انا جيه قالوكم مستخفه ؟ اليازيه : اشووووووووووه سلامه : الحمد لله .. يعني متاكده ان مب انتي ؟ ميان : و حتى لو كنت انا شو فيها ؟ سلامه : نععععععععععم ؟ ميان : لا مب انا بس لو كنت انا شو بتسون .. سلامه : كنا بنسير نخبر اهلج و بنتبرى من رفجتج ميان : يعني رفجتي لهدرجه رخيصه بالنسبه لكم .. اليازيه : بسسسس عااااااااد .. انسوا الموضوع سلامه : سوري ميان ميان : لا افا عليج حبوبه .. سلامه تبتسم .................................................. ................ خالد : سعووووووووود سعيد : هلا خالد : الي.. يل .. زي .. ل سعيد : ههههههههههه شو تقووول ؟ شو تخورط خالد : شووووف هناك سعيد : ههههههه هيييييييه اليازيه ههههههه خالد : فدييت انا اسمها .. يلا نسير نسلم عليهم سعيد : لا ويييين .. عقب اللي سويته امس لك ويه تسير تسلم عليهم خالد : الصراحه لا بس لازم اعتذرلها .. سعيد : عيل سير بروحك .. الصراحه انا استحي منك خالد : خيييير ؟ سعيد : الصراحه ما يكوون لي الشرف انك تكون خالي و قدوتي .. ههههه .. اسوووولف اسوووولف لا تتطالعني جي خالد : هيه تحريت بعد .. انزين عالاقل خلنا نلحقهم سعيد : ههههه اوكي يلا .................................................. ............ سلامه : اليازيه شوفي منو يلحقنا اليازيه : ادري خالد .. بس انا ابا اادبه ما بعطيه سالفه .................................................. ............ خالد : لو سمحتي اختي .. لو سمحتي .. تصد اليازيه و تعطيه نظره خلته ما يعرف ارضه من سماه و تمشي .................................................. .................... اليازيه : خلونا نرد عند قوم امي .. سلامه : وين تونا الا واصلين اليازيه : بس ما ابا اتحوط .. فيني صيحه عوووده ميان : ليش ؟ ما من شر اليازيه : ما يخصكم .. عقوني عند امي و عقب سيري تمشوا ع كيفكم سلامه : اوكي اوكي .. نحن بعد بنيلس وياج |
الجزاء 5 اليازيه و سلامه و ميان يالسين عالكراسي و يطوووف خالد من جدامهم و يطالع اليازيه و يبتسم و يفر ورده حمره عالارض و يدوسها .. اليازيه منصدمه ... و تسكت .................................................. ..................... في الشقه ** الام : حبيبتي يزويه صكي البلكونه عن يدخلج برد اليازيه بصوت حزين : انشاء الله امي و تطلع الام سلامه : سمعتي امج ؟! اليازيه : اففففف سلامه اسكتي انتي بعد .. خليني مرتاحه في البرد سلامه : از يو لايك لحظه صمت اليازيه : سلامه ... سلامه : لبيييه اليازيه : شو تتوقعين كان قصد خالد يوم سر الورده و داسها .. سلامه : ممممممم و الله ما ادري انا بروحي افكر اليازيه : تتوقعين زعل ؟؟ سلامه : هيه اظني قصده انج جرحتي بالنظره اللي عطيته اياها اليازيه : يا الله .. انا ليش سويت جي سلامه : بالعكس سويتي زين .. عالاقل عرف انج مب مال هالسوالف و المفروض بعد ترمسين سعيد و تخلينه يفهمه انج بنيه محترمه بنت ناس و عرب اليازيه : لا شووووووو .. حرااام عليج سلامه : تحبينه ؟ اليازيه : هااااا .. لا .. هيه .. لاااا طبعا .. جيه قلبي شارع اي حد اشوفه احبه ؟ سلامه : بعدج ما نسيتي خليفه ؟ اليازيه : خليفه........ اااااااااه اااااااااااااه .. خليفه ذكراه بترافجني لين القبر و مستحيل انساه سلامه : عقب اللي سواه فيج بعدج تحبينه .. اليازيه : لا يا سلامه .. انا ما احبه .. و لا اكرها سلامه : ما تكرهينه ؟! معقووله اليازيه : سلامه اللي يحب ما يكره .. و ثانيا انتي ما حبيتي عشان تحسين فيه و تكمل .. خليفه جرحني .. جرحني جرح ما يبرى .. عشان جي اقولج ما بنساه .. لان جرحه غزيييير في قلبي و تصيح اليازيه .. سلامه تظم اليازيه : حبيبتي يزويه لا تخلين واحد مثل هذا ينزل دمعه من دموعج الغاليه .. اليازيه تمسح دموعها و تبتسم .. .................................................. ............... يرن موبايل سعيد .. سعيد : مرحبا السااااع خالد : هلا بو عسكووووور .. شحالك ؟ سعيد : يسرك الحال .. و انته شحالك ؟ خالد : حالي .. ههههههه سعيد : خالي .. شو يضحك؟ خالد : و الله يا ولد اختي .. اضحك على عمري .. اخر زمن قمت الجأ لك .. سعيد : جيه مب تارس عينك ؟ خالد : اسمع يا سعووود .. من شفت البنيه و انا حالتي حاله .. لا مذاكره اعرف اذاكرها و حتى كيلي اللي هي كيلي ويهها ما قام يتشاهد سعيد : هههههههه منو هاي كيلي ؟ خالد :هاي ربيعتي .. المهم .. خلها عنك احينه .. انت تتحراني متصلبك ابا اسولف وياك سعيد : اخو امي عالعين و الراس .. بس تغلط عليه لا و مليوون لا خالد : افااااا يا بو عسكوور .. زعلت ؟ سعيد : لا و لا يهمك ..يا بو ولييييد خالد : انزين سعوود اسمع .. اباك تيــبلي رقم اليازيه باي طريقه سعيد : خير خير خير ؟ شو امرتني ؟ خالد : بليز بليييييييز سعووود و هاي اول مره اترجى واحد في حياتي سعيد : خالد ! انته تخبلت ! عقب النظرات و التجريح بعد تبا رقمها ؟! خالد : و الله يا سعوود مب رايم احط لقمه في حلجي و لا اذاكر و انا ورايه امتحانات .. دخيلك يا بو عسكووور بس ابا اسمع حسها و اوعدك اني مول ما برمس .. سعيد : مصر ؟! خالد : وايد واااايد ما تتخيل كيف انا مصر هههه سعيد : انت تامر يا بو وليد .................................................. .................. سعيد : الوووو ميان : الووووو هلا سعيد والبقيه تأتي |
سعيد : الوووو ميان : الووووو هلا سعيد سعيد : هلا و غلا ميانه .. شحالج ؟ ميان : بخير و سهاله .. شحالك انته .؟ سعيد : حالي من حالج .. اقوول ميوون ميان : لبيييه سعيد : ممكن طلب ؟ ميان: ممكن و نص .. آمرني سعيد : ما يامر عليج عدو .. بس توعديني انج ما ترديني ميان : و غلاتك ما بينردلك طلب سعيد : تسلمين الغاليه طوول عمرج اصيله .. و الله يالغاليه اباج تعطيني رقم ..... احم .. رقم .. اليازيه ميان : منو ؟!؟!؟!؟!؟!؟!؟ سعيد : ادري ان هالشي مستحيل ترظيبه لربيعتج .. بس دخيلج لا ترديني ميان : سعيد انت شو تقووووووول ؟! مستحييييييييييل سعيد : والله ما بقولها انج انتي اللي عطيتيني اياه ميان : لا ابويه انا ما يخصني تباه خذه من سلووم سعيد : انزين و كم رقم سلووم ؟ ميان : جيه مب عندك ؟ سعيد يتمسكن : لا والله ميان : عيل مالك نصيب في الرقم .. سعيد : لحووووول .. يعني ما شي امل ؟ ميان : شو بغيت منها ؟ سعيد : مب انا ! خالد اللي يباها ميان : خالك خالد ؟ سعيد : هيه خالي لا باركت في الساعه اللي استوى فيها خالي .. ميان : هههههههه ميان : شو يبا من اليازيه ؟ سعيد : تساليني انا و انا اللي ظايع بينهم ميان : قولي و انا بقول لليازيه سعيد : شوووووه ؟ لا اميييييييي لا تقوليلها و لا اقولج .. اصلا انا موول مابا اليازيه تعرف اني رمستج ميان : ليش عاد ؟ سعيد : اخاف اطيح من عينهم .. ميان : اصلا هاييلا معقدات عيل حد يرفظ وايد مثل خالك .. مزيون و يدسر في لندن و اصل و فصل .. اسميها خديه سعيد : المهم ميوون .. بخليج احينه .. و للحديث بقيه انشاء الله باجر في الهايد بارك ميان : اوكيك انشاء الله سعيد : بسسس تعالي باجر منوكت ميان : ليش ؟ سعيد : اباج في خدمه ميان : اوكي و لا يهمك .. اربع و نص انا هناك سعيد : ما تقصرين الغاليه .. يلا بااي ميان : باااي .................................................. ................................ الام : ويه يزويه ! بعدج راقده .. قومي .. يلا امايه قومي اليازيه : امي خليني راقده .. بليز .. الام : نحن طالعين .. اليازيه : انزين عادي اطلعوا .. و انا بتم ويا البشكاره الام : حتى سلامه بتيي ويانا .. اليازيه : هيه ما عليه امايه الام : على راحتك .. ما تمريني بشي امايه ؟ اليازيه : هيه ابا سلامتج .. .................................................. ...................... تمر ساعتين و اليازيه في الفراش تتجلب و تفكر في خالد .. لبست اليازيه كوتها الرمادي و طلعت من الشقه .. و يلست تتمشى و تفكر .. و بدون ما تحس لقت عمرها في الوايد ليز في وسط الزحمه .. اليازيه : امي بسم الله انا شو يابني هني .. لو تميت في الشقه احسن .. تمت اليازيه زايغه و في نفس الوكت خالد ما فارق تفكيرها .. و قررت تدخل داخل و تطلبلها شي تشربه لان الجو كان وايد بارد .. يلست في اقرب طاوله .. و طلبتلها كوفي .. و تمر دقايق و ساعات و اليازيه مب حاسه بعمرها تــتــفرج على الساير و الراد .. و فجاه .......... يدخل خالد و شلة شباب خليجيين و وياهم شلة بنات اجنبيات ..و من الصدمه ظهرت اليازيه من المطعم بدون ما تدفع الفاتوره و كتمت غيظها و صيحتها و تمت متمالكه عمرها لين ما ركبت التكسي .. اليازيه : تيك مي تو اني بارك .. the driver: is it ok if i take u to the regent park اليازيه : يس .................................................. .................. في الحديقه .... تمشي اليازيه عالبحيره و من القهر مب رايمه تصيح .. لان اللي فيها اكبر وااااااااايد من الصياح .. اليازيه بينها وبين نفسها : ااااااااااااااااااه ااااااااااااااااااه .. اليازيه لا يكون حبيتي ؟ لا مستحيل .. هذا واحد ما يستاهل حبج .. لااا اليازيه لا تعيدين الغلطه و تحبين مره ثانيه .. الحب مب سهل ! بسسسس .. بس الحب مب في ايديه .. ياربييييي .. ليش ليش ؟! ليش الحب مكتوب علينا .. تمشي و تمشي في الحديقه الواسعه المتروسه بالورد .. و تتساند على جذع الشيره .. و تغمظ عينها و تصيح .. .................................................. .................... الام : ياربي .. اليازيه وايد تاخرت محبه : اتصلتبها مليون مره بس ما تشله الام : ليكون خطفوها !! محبه : لا اعوذ بالله .. انشاء الله الحين ابويه و سلامه بيلقونها .. اكيد تتمشى في السوق و نست عمرها الام : بس البشكاره تقول انها طالعه من 4 ساعات ! يعني مب معقوله بتم هالكثر في السوق .................................................. ......................... و بعد مرور اكثر من 7 ساعات .. الام : دخيلك عبدالله بلغ الشرطه .. الاب : فكرت في الشرطه .. بس ما يستوي نبلغ لين ما يطوف يوم كامل الام تصارخ : و انا شووووووووو يصبرني يوم كامل .. هكي الشمس اختفت و يزوي لين احينه ما ردت .. الاب : انزين شو في ايديه ؟! ما خليت مكان ما دورتها فيه الام : سلامه هاتي شيلتي .. الاب : وين وين ؟ الام : وين بعد ؟! بسير ادور ظنايه حست اليازيه بقطرات المطر .. فقامت .. اليازيه بينها وبين نفسها : الحين اروح شو اسوي . اكيد قوم امي يحاتوني و مابفتك من اسالتهم .. احسلي اتاخر بعد شويه .. بس .......... مب زين الدنيا اظلمت .. و تمشي مروحه للبيت ... ترن ترن .. ترن ترن .. الام : سلامه شلي موباليج .. بسررررعه يمكن اليازيه سلامه : الووو ميان : من طول الغيبات ياب الغنايم .. وينكم اليوم ؟ سلامه : اففففف ميانوو مب وكتج انتي الحين ميان : افا ليش ؟ وقالت سلامه لميان السالفه كلها .... .................................................. .................... |
في الهايد بارك** ميان : سعيد خالد سعيد خالد خالد : هااااااااا ؟ ليش ما ياو ؟ ميان : تقول سلامه ان اليازيه من الصبح ظاهره من البيت و لين احينه ما ردت و كلهم يدورونها خالد بخوف : اليازيه!!! ميان :هيه .. سعيد : اخاف الا قلتيلها ان خالد يبا رقمها ميان : لا حشى عليه .. و الله اني ما رمستها من البارحه خالد : عيل شوووو ؟ اخاف الا شي استوابها ميان : بخليكم الحين .. باي خالد : وين وين وين ؟ ميان : بسير بيتهم بطالع شو صار .. ردت و الا ما ردت خالد : هيه دخيلج بسرعه .. و لا تنسيني دقيلي طمنيني .. اوكي ميان : اوكي .................................................. ............. و تدخل اليازيه الشقه الكل يركض صوب الباب .. الام : فديييييييييييييتج وين اختفيتي ؟ اليازيه شوي وبيغمى عليها الام : بسم الله على بنتي .. بلاج امي ؟ اليازيه تلوي عالام و الدموع في عينها سلامه : حبيبتي يزويه شو فيج ؟ محبه : اليازيه حد سوابج شي ؟ اليازيه : اسكتوا ارجوووووكم عشان خاطري اسكتوا .. خلوني اصيييح .................................................. .............. تدخل ميان .. السلام عليكم الام : هلا ميان ميان : خالووه وين اليازيه ؟ ردت ؟ الام : هيه في الحجره و يا سلامه ميان : اوكي وين حجرتها ؟ الام : اللي ع يمينج .................................................. ............. الام : محبه اتصلي ببوج و هزاع طمنيهم محبه : طمنتهم .. و الحين يايين بس مروا يشترون عشى .................................................. ............. في الحجره ** سلامه : يزوي .. بلاج ؟ مب معقوله كل هذا عشان خالد اليازيه : والله يا سلامه انا بروحي ما ادري شو فيني .. سلامه : انزين وين كنتي طول هالوكت ؟ و ليش ما كنتي تردين علينا ؟ اليازيه : حسيت بضيج فقلت اغير جو .. و للاسف يريتني ما طلعت سلامه : ويدي ليش ؟ اليازيه تمش الدموع من عينها : شفت خالد و يا وحده انجليزيه سلامه : هههه اليازيه ! معقوله ! اليازيه : والله ما اقص عليج سلامه : صدق انج سخيفه ! يمكن زميلته مال الجامعه و الا .. ما تدرين اليازيه :مستحيييييييل لان خالد كان لاوي عليها شوي و بيشلها من الارض .. و الضحك .. الله لا يراويج اللي شفته و تدخل ميان ميان : يزوووووووووي الحمد لله عالسلامه اليازيه تبتسم الله يسلمج سلامه : الله يابج يا ميانوو ميان : خير ؟ و تقول سلامه لميان السالفه كلها .................................................. ............... خالد : اففففففف .. مب حاله هاي .. دقلها بسرعه سعيد : ياخي اقولك موبايلها مغلق خالد : انزين انت تدل بيت اليازيه ؟ سعيد : لا والله خالد : و الحل ؟! سعيد : الحل انك تتريا لين ما ميانو تتصل .................................................. ............... ميان : اهاااااااااااااااااااااااااا .. عيل هاي السالفه و كل ها عشان حبيب القلب اليازيه : قوموا نشوا سلامه تطالع ميان : وين انشاء الله ؟ اليازيه : خلونا نسير نتحوط جدى شقه خالد .. ميانو ادلينها صح ؟ ميان : هيه بس .. سلامه : بس مستحيل امج تخلينا عقب اللي سويتيه يالخديه اليازيه : لا ما عليكم انا بقنعها .. امييييي اميييييييي الام : عيوني اليازيه : امي احس اني يوعانه .. ممكن نسير انا ربيعاتي نتعشى برع ؟ الام : لا حبوبه .. ابوج الحينه ياي و يايب اكل وياه اليازيه بخيبة امل : امي بلييييييييز .. احس اني لازم اغير جو .. ووالله ما بنتاخر الام : هيه عشان ترفعيلي الضغط و تخليني احاتي اليازيه : لا امي لا تحاتين و الله ما بنتاخر .. الام : يعني لازم ؟ اليازيه تسمي عمرها تغمظ : بليييييييييييييييز الام : هههه اوكي ماما .. بس ع شرط تاخذون هزاع وياكم اليازيه : اوكي .. بس وينووه ؟ اليازيه : لا امي نحن وايد مستعيليين يلا باااااااي الام : الله يحفظج امي .. .................................................. ........................ في الاجدوردرود ** ميان : على ما اظن شقته في هالعماره .. اليازيه : وين تتوقعينا نلقاه الحين ؟ ميان : هو الحين يترياني في الهايد بارك اليازيه : ليش ؟! ميان بتوتر : هاا .. لا عشان .. عشان .. هيه .. لان افففف سلامه : بلاج توترتي ؟ اليازيه : ميان .. الصراحه و ما نبا غير الصراحه |
.. هيييييه انج اليازيه : اني ..........؟ سلامه : ترمسينه الحين اليازيه : الحين ؟؟؟؟؟؟!؟!؟؟ سلامه : ادري انا الساعه 8 الصبح .. بس ما عدنا حل غير هذا اليازيه : انزين و محبه ؟ ميان : و ما بتزعلين ؟ اليازيه : افا عليج انا ازعل من سلوم و لا ازعل عليج سلامه : عشان سفرتيني وياكم تبين تذليني ؟ اليازيه : ههههههه اسولف حبيبتي .. المهم احينه ميان : الصراحه خالد درى انج ظايعه و يحاتيج .. اليازيه : شدراه ؟ ميان : يوم ما ييتوا البارك قالي اتصل بج لكن ما رديتي فاتصلت بسلووم و قالتلي انج ما رديتي البيت من الصبح .. اليازيه : و يدري اني شفته اليوم الصبح و يا ربيعته ؟ ميان : لا ما ظني .. اليازيه : انزين دقيله طمنيه .. ميان : والله ؟!؟ سلامه : ما سمعتي البنيه ! اليازيه تطالع سلامه و تبتسم .. .................................................. ............... سعيد : مياااااااااان ميان : سعيد قول حق خالك ان اليازيه بخير و الحين هي و يايه في الاجوردرود .. سعيد : انزين عطيني برمسها ميان : لا سوري .. باي .................................................. ................ سعيد : بو وليييييييد خالد : اففففف شو تبا انته بعد .. سعيد : ميون رمستني توه خالد ينط من الكرسي : احلف ! سعيد : ههههه و الله .. خالد : انزين الزبده .. شو قالت ؟ سعيد ينزل راسه : ما ادري شو اقولك يا خالي خالد : قوووووووول .. اليازيه بلاها ؟ سعيد : اليازيه .. كانت حبوبه .. و طيوبه .. بس الله يرحمها خالد من الصدمه يلس عالارض سعيد : خلوووووووود ! اسولف وياك خالد : يعق جوتيه و يفره على سعيد .. الله يغربلك من ولد اخت سعيد : هههههههههههههههههههههههه لا تظرب اوكي .. مب اصغر عيالك خالد : ههههه الحمد لله .. عيل وينها ؟ سعيد : ما ادري .. بس تقول انهم في الاجدوردرود .. خالد : في الاجدوردرود ! و نحن شو نسوي هني .. طوف جدامي .................................................. ................. في مطعم مروش اللبناني سلامه : شو بتطلبون ؟ ميان : ممممممممممم .. خلينا اول نطلب مقبلات اليازيه تتنهد : مستحييييييييييييييييييييييييييل ! سلامه و ميان : شووووووو بعد ؟! ليكون خالد اليازيه : ههههههههههه تعالول بسرعه سلامه : وين ؟ اليازيه : هكو نبيل شعيل ووووووووووو عبد الله رويشد في الكوفي شوب اللي جدامنا سلامه : جذااااااااااااااااااااابه ! اليازيه : واللللللللللللللللله ميان : عندج ورقه و قلم ؟ اليازيه : هيه يلا بسرعه .. سلوم انتي يلسي هني عشان محد ياخذ طاولتنا .. سلامه : طبعا بيلس هني عيل تبيني اسير الكوفي شوب و هو متروس رياييل ميان : كيفج بس يزوي انتي لازم تيين ويايه اليازيه : طبعا بيي ! يلا بسرعه .................................................. ........................ خالد : عطني رقم ميان .. سعيد : ليش ؟ خالد : ابا اطالع هم وين سعيد : لا ما يحتاي .. انا رمستها و قالتلي انهم في مرووش .. خالد: اوووه يعني قريب من هني سعيد : هيه .. اوييييه هكم في الكوفي شوب خالد : شو يسوون ! سعيد : هههههههههههههه يالسين ويا نبيل شعيل خالد : عيل تعال ويايه اوني ابا توقيعه سعيد : هههههههه اوكي ههههههههه .................................................. ........................... ميان : الصراحه انا وايد معجبه فيك و في صوتك اليازيه : و حتى انا ما تنزل غنيه من اغانيك الا و عندي اياها .. ميان : انا وايد تعيبني غنيه طبعا غير .. وايد حلوه حتى ....... و قبل ما تكمل كلامها سعيد : السلام عليكم الكل عليكم السلام و الرحمه ميان : سعووود ! شو يابك ؟ سعيد : ممكن توقيعك ؟ خالد يطالع اليازيه و يبتسم .. و ينزل راسه تمشي اليازيه و ميان متجهين للمطعم خالد : يمشي ورا اليازيه و يغني : ما ينجبر قلب على قلب .. مدام قلبك ما هواني .. لحبكم و لو اخر الحب و لا انته الوحيد بزماني اليازيه تبتسم .. ميان توجه الكلام لخالد : ياخي البنيه ما تباك غصب ! خالد تم واقف في مكان مصدوم .................................................. ....................... سلامه : الله ياخذ بليسكم تاخرتوا اليازيه : سلامه .. شفت خالد سلامه : وين !؟! ميان : اظني يوم شافونا ياو يستهبلون اونهم يبون توقيع نبيل شعيل اليازيه : ميوووون شحقه تقولين ( تقلد صوت ميان ) ياخي البنيه ما تباك غصب ! ميان : هههههههههههههههههههه سلامه : ههههههههههههه ميون قالت جي اليازيه : هيه ههههههههههه ترن ترن ترن ميان : الو سعيد : ميون تعالي برع شوي ميان : ليش ؟ سعيد : خالد يبا يرمسج ميان : اوكي ميان : اقووول بنات طرفه تباني شوي .. بسيرلها بسرعه لين ما اييبون الاكل و برجع سلامه : بروحج ؟ ميان : هيه ما بتاخر .. هم في ماكدونالدز سلامه و اليازيه : اوكي .................................................. ...... |
تمشي اليازيه و ميان متجهين للمطعم خالد : يمشي ورا اليازيه و يغني : ما ينجبر قلب على قلب .. مدام قلبك ما هواني .. لحبكم و لو اخر الحب و لا انته الوحيد بزماني اليازيه تبتسم .. ميان توجه الكلام لخالد : ياخي البنيه ما تباك غصب ! خالد تم واقف في مكان مصدوم .................................................. ....................... سلامه : الله ياخذ بليسكم تاخرتوا اليازيه : سلامه .. شفت خالد سلامه : وين !؟! ميان : اظني يوم شافونا ياو يستهبلون اونهم يبون توقيع نبيل شعيل اليازيه : ميوووون شحقه تقولين ( تقلد صوت ميان ) ياخي البنيه ما تباك غصب ! ميان : هههههههههههههههههههه سلامه : ههههههههههههه ميون قالت جي اليازيه : هيه ههههههههههه ترن ترن ترن ميان : الو سعيد : ميون تعالي برع شوي ميان : ليش ؟ سعيد : خالد يبا يرمسج ميان : اوكي ميان : اقووول بنات طرفه تباني شوي .. بسيرلها بسرعه لين ما اييبون الاكل و برجع سلامه : بروحج ؟ ميان : هيه ما بتاخر .. هم في ماكدونالدز سلامه و اليازيه : اوكي .................................................. ...... خالد : ميان ليش قلتي هالرمسه ؟ ميان : هههههه هاي الصراحه خالد : ليش هي ما تحبني ؟ ميان : هي عرفتك اصلا عشان تحبك خالد : لا صدق ميان بلاها اليازيه ؟ ميان قالت لخالد السالفه خالد : معقوله ؟! اليوم الصبح شافتني و انا ما ادري ؟! ميان : يعني اجذب عليك ؟! خالد : لا محشومه من الجذب .. بس ميان : بخليك احينه اكيد حطوا الاكل .................................................. ........ ميان : هاي بنااات اليازيه و سلامه : هاياااااااات .. تاخرتي ميان : شو اسوي عاد انتوا تعرفون طرفووه و خرابيطها اليازيه : ههه و حليلها خليها تيي تتعشى ويانا ميان : لا هي يالسه و يا ربيعاتها و على ما اظن تعشوا و خلصوا و يدخل خالد المطعم و يتوجه لطاوله قوم اليازيه خالد : اليازيه ممكن ارمسج شوي ؟ اليازيه ساكته خالد : ارجوووج اسمعيني سلامه : تسمع شووووه ؟! اليازيه مب مثل هالبنات .. اذا تبا تلعب العب على وحده غيرها خالد : اليازيه انتي فاهمتني غلط و تقوم اليازيه و تطلع من المطعم .................................................. ....................... خالد : انا شو سويت عشان تعاملني بهالطريقه .. و يطلع خالد من المطعم .................................................. ...................... سلامه : ميان ادفعي الفاتوره و انا بسير اطالع يزوي ميان : اوكي بسرعه الحقيها .................................................. ......................... سلامه : اليازيه اليازيه اليازيه : هااا طلع من المطعم ؟ سلامه : حرام عليج ليش سويتي جي .. وحليله تفشل اليازيه : انزين الحين شو تبيني اسوي ؟! خلاص عاد لا تلوميني ادري اللي سويته غلط ميان : هلا .. اليازيه معقوله اللي سويته ! اوكي قلنا مقهوره منه بس عيب اللي سويته اليازيه : اوكي ميان ابا اطلب منج طلب بس بلييز لا ترديني ميان : امري .. اليازيه : ممكن تسيرين تلحقينه و تقوليله ان مب قصدي اللي سويته سلامه : ترييني انا بسير وياج اليازيه : لا انتي تمي ويايه سلامه : لا انا بسير وياها اخاف تقوله كلام زياده ميان : ههه يلا عيل بسرعه تعالي .................................................. ................. ميان و سلامه بصوت عالي : خااااااااااااااااااااالد سعييييييييييييييد خالد يلتفت صوبهم : نعم ؟ سلامه : ممكن نكلمك شوي ؟ خالد : مابينا كلام يا سلامه سلامه : ادري انك زعلان من الحركه اللي سوتها اليازيه بس صدقني اليازيه تحبك خالد بصوت فرح : تحبني ؟! سلامه : هيه تحبك و تموت عليك و تكمل اصلا انت ما تدري هي شو سوت يوم شافتك ويا الانجليزيه اليوم الصبح بغت تتخبل خالد : و الله يا سلامه .. ان هاي وحده من ربع ربعي .. سعيد : صدقيني يا سلامه انا في حياتي ما شفت خالي جي .. هذا ويا ويهه صدق يحبها ! سلامه : هههههه المهم احينه اليازيه طرشتنا بس عشان نتاسفلك من الحركه اللي سوتها .. لانها حست انها غلطت .. يلا بااي خالد : سلاااامه سلامه : هلا خالد: ممكن طلب ؟ سلامه : اوكي خالد : بعطيج رقمي و الله يخليج اقني اليازيه انها ترمسني سلامه بتردد : هاا .. و تسكت سلامه : اوكي خالد : بس دخيلج فهميها ان مب قصدي شي بس ابا اسمع صوتها لاني من شفتها و انا حالتي حاله سعيد : عندج ورقه ؟ سلامه : لا هههه .. ميان : انتوا ويه ترقيم .. ههههه احيد اللي يبا يرقم يكون مستعد خالد : سلامه ممكن اكتب الرقم على ايديج ؟ سلامه : انت نقلني اياه .. خالد : اوكي اكتبي ........... الام : وييييه اليازيه انتوا هني !! اليازيه : اوووه هلا امي محبه : شو تسوين هني ؟ ووين قوم سلوم ؟ اليازيه : هاا .. لا ماشي ..توه مخلصين عشى و قوم سلوم ساروا الحمام يغسلون ايديهم .. و انتوا شو تسوون هني ؟ الام : ماشي سرنا بووتس ( صيدليه ) نشتري كريمات مال لندن .. عمووتج تمدحهم محبه : انزين يلا سيري ازقري سلوم .. بنروح اليازيه : هااا اوكي ترن ترن ترن سلامه : اوووه هاي يزوي اكيد تحاتي خالد : يبتسم عطيني برمسها سلامه : هههههههه الوو هلا يزوي اليازيه : يلا بسرعه تعالوا قوم امي يبون يروحون سلامه : قوم امج ؟ متى ياو ؟ اليازيه : توه سلامه : اوكي يايين خالد : ها مروحين ؟ سلامه : هيه .. خالد : انزين ما اوصيج اقنعيها اوكي سلامه : و لا يهمك .................................................. . محبه : وينج تاخرتي؟ كل ها في الحمام سلامه : سوري .. اليازيه تهمس في اذن اليازيه و تمست ايديها : هااا سلووم شو سويتي ؟ سلامه : هههه بعدين بعدين .................................................. ........ في الشقه ** اليازيه : سلووم يلا عاد قوليلي شو سويتي ؟؟؟ بليز لا تستهبلين سلامه : ما سويت شي .. بس قتله انه البنيه ما تباك اليازيه : شووووووووووووووووووووووو ؟! سلامه : ههههه اسولف اسولف اليازيه : سلوم بلا استهبال ! سلامه : ما شي قتله ان مب قصدج اللي سويتيه و هو بعد قال ان البنيه اللي وياه ربيعة ربيعه .. يعني ما يخصه فيها و بعد عطاني رقمه اليازيه : اكسكيوزمي ؟! سلامه : انا ما يخصني .. تبينه خذي ما تبينه كيفج اليازيه : طبعا ما اباه ! و يطووول الصمت سلامه : انزين ليش ما تكلمينه ؟ ما بتخسرين شي اليازيه : سلامه ؟! انتي تقوليلي جي معقوله ! سلامه : هيه نعم .. صح اني انا ما برضاها لاختي بس و الله يا يزوي .. ما ادري احس ان شي غريب في هالريال .. اليازيه : اكيد لعب بعقلج و قص عليج سلامه : لا ما ظني يبا يلعب شكله جاد اليازيه : جاد .. ما فهمت .. سلامه : تصدقين و لا انا فاهمه .. بس و يلست سلامه تحاول ويا اليازيه لين ما رظت تتصل اليازيه : انزين من وين اكلمه ؟ سلامه : طبعا من تلفون الشقه! اليازيه : و ليش مب من موبايلي ؟ سلامه : بس احسن من الشقه .. ناخذ حذرنا اليازيه : هااااااااا انتي قلتي حذرنا .. يعني اللي بنسويه غلط سلامه : اففففف .. يزوي اسكتي عاد .. كل ما قلت شي قلتيلي شي غلط و شي غلط ! اذا مب عايبنج كيفج انا ما بجبرج اليازيه : انزين بس متى تقولين اتصل ؟ سلامه : مممممممممم باجر اليازيه : و ليش مب اليوم ؟ سلامه : ههه اشوفج مستعيله اليازيه : لا بس ابا اعرف شو يبا يقول سلامه : لا تريي لين باجر .. اولا الحين نص الليل و عيب تتصلين و و ثانيا قوم ابوج في الصاله اليازيه : هيه صدقج .................................................. .............. خالد : سعوود .. تتوقع اليازيه بتتصل ؟ سعيد : همممم .. مدامك وصيت سلامه يعني ابشر خالد : صدق ؟! سعيد : هيه لان اليازيه وايد تعز سلامه و دوم تثق في رايها .. خالد : الله يسمع منك و..... يرن موبايل خالد خالد : سعييييييييييييييييييييييييييييييييييد ! موبايلي رن سعيد : هههههههه يلا بسرعه شله قبل ما تغير رايها خالد : ايهيييييييي .. هذا سلطان ! سعيد : هههههه صدق ان الحب مذله .................................................. ...... اليازيه : حبووه وين قوم امي ؟ محبه : ساروا يستاجرون سياره اليازيه بتعجب: ليش ؟ محبه : ابويه بيودينا برايتون اليازيه : وووو متى بنرد !!؟! محبه : ما ادري بس على ما اظن بنطول اليازيه تطالع سلامه و تحط ايدها على راسها سلامه : ههههههه وحليلكم محبه : ليش وحليلنا ؟ انشاء الله مب ناويه تيين ؟ سلامه : لاااا بس استهبل ع يزوي محبه : اها اوكي .................................................. ...... في الحجره ** اليازيه : و الحل ؟ سلامه : الحل .. مممم سلامه : محبه .. ممممم .. و لا يهمج انا بسير بسحبلج واير التيلفون اليازيه : و اذا سالتج سلامه : ما عليه انا بتصرف اليازيه : انزين بسرعه قبل ما اييون قوم ابويه .................................................. ............. ترت ترن ترن خالد يقفز من سريره و ياخذ الموبايل خالد يعدل صوته : الووووو الووووووو سلامه : الوووو خالد : اليازيه ؟!؟!؟!؟! سلامه زايغه : لا مممم انا سلامه خالد بخيبة امل : هلا سلامه سلامه : ها هكي اليازيه طول الليل و انا اقنعها خالد : و الللللللللللله !! ويني ؟ عطيني برمسها اليازيه توجه الكلام لسلامه : لا لا لا خلاص غيرت رايي ما با ازيغ سلامه معصبه : شو لاااا ازيغ .. غصبا عنج بترمسينه اليازيه ترتجف : احم .. الو خالد : الوو هلا اليازيه : صباح الخير خالد : صباح النور اليازيه : شحالك ؟ خالد : بخير .. صمت ........ اليازيه : سوري اذيناك من الصبح خالد : لااااا لااا عادي والله .. اصلا انا من البارحه اترياااج .. اترياكم اليازيه بخجل : والله خالد : هيه والله العظيم لحظه صمت ........ خالد : ممممم اقدر اشوفج اليوم ؟ اليازيه : هااااا خالد : تقدرين تين ؟ اليازيه : ها ممممممم .. لا خالد : افا< |
يلا عاد ابا اسمع ردود |
الجزاء6 اليازيه : سوري لان اليوم بنسير برايتون خالد : ويييييييين ؟! برايتون مره وحده اليازيه : هيه شو اسوي خالد : ولللللللللل يعني اليوم ماشي هايد بارك اليازيه بتوتر : باي باي خالد .. قوم ابويه ردوا خالد : احبج اليازيه : باي .................................................. ............... اليازيه : ابويه كم بنتم في برايتون ؟ الاب : انشاء الله يومين اليازيه مصدومه : يعني بنبات ؟!؟!؟؟!؟ الاب : هيه انشاء الله اليازيه تصاب بخيــبة امل ! خالد في حاله يرثى لها ماسك الموبايل يتريا اتصال من اليازيه و يغني : عود ترى داعي الهوى عند بابك ... و اروي القلب اللي بعد ما ترون ... غنيت لك عمري و لا جا جوابك ... و اسمــــي مع مجنون ليلى تدون ... و يطوفون اليومين كالقرنين .................................................. ............. اليازيه تجري متجها الي باب الشقه .. الام : ههههه وحالج تولهتي عالشقه اليازيه تبتسم و تتجه للغرفه .. في الحجره ** سلامه : ليش بدلتي ؟ وين انشاء الله ؟ اليازيه : تتوقعين لو سرت احينه الهايد بارك بلحق على خالد ؟ سلامه : هااا ؟ الهايد بارك ؟ ممم هيه اظني بتلحقين عليه لان الساعه بعدها 6 اليازيه : اوكي فيمان الله سلامه مب مستوعبه : فيمان الكريم ! .................................................. ......................... في الهايد بارك ** اليازيه تحت قطرات المطر .. مع قلبها الملهوف لشوفه خالد .. اليازيه بينها وبين نفسها : اكيد اليوم مايا خالد عشان المطر .. ممممممم انزين وين بلقاه الحين ؟؟! ممممممممم ما ظني في الاجوردرود .. لانه الحاله اخس من هني .. مطر و حاله .. يعني اكيد ما ظهر من البيت .. شو تسوين ؟ شو تسوين ياليازيه ؟؟ ممممم .. ادقله ؟ همممممم .. و تظغط على ازرار هاتفها النقال .. و بتردد تسوي ( كوول ) ! و بسرعه تسكر .. و تمضي متجه للبيت .. .................................................. ............ اليوم الثاني .. خالد يقدم الامتحان في الجامعة ....... سلطان : هااااااا بو وليد ............ وين وصلت ؟ هههه خالد : اااااااااه .. من الساري؟ من اللي فكر بلحظه يزور جروحي و ناري .. انا اوحدي .. شموعي خاصمت ليلي و اضوي الليل بافكاري سلطان : ههههه .. عيل هالسواد اللي تحت عينك عسب شموعك خاصمت ليلك .. ههههههههههههه خالد : ااااااه اااااااااااه .. خلك في ورقتك احسلك .................................................. ................. محبه: سلوووم يوم بتنش اليازيه تعالوا لنا عند يرانا .. سلامه : اي يران ؟ هل بوظبي ؟ محبه : هيه عازمينا عالغدى .. سلامه : بس يزويه من امس مواصله .. ما غفللها يفن محبه : هالبنيه فيها شي مب طبيعي ! تعرفين شي وانتي خاشتنه عنا ؟ سلامه : حشى عليه .. محبه : بس انا حاسه ان في شي .. شوفي شكلها من يوم كنا في برايتون وهي دوم سرحانه و مانزلت الوك مان من اذنها ! ليكون تحب ؟ سلامه : اولا اليازيه مستحيل تحب .. عقب سالفتها ويا خليفه .. و ثانيا لو لو لو حبت .. مافيها شي .. شي طبيعي انها تحب .. جيه مب بشر؟ محبه : لي كلام وياج و وياها بعدين .. المهم احينه ما اوصيج تجهزون انتي واليازيه و سيده تونا ماشي مني و الا مناك .. سلامه : هههههههه اوكي لا مني و لا مناك .................................................. ................ سلامه : اليازيه اليازيه اليازيه : هاا سلامه : محد في البيت اليازيه فرحانه : والله و تسكت بس لا سلامه : شو اللي لا ؟ اليازيه : لا ما بدقله سلامه : اكسكيوزمي ؟ اليازيه : مشكوره سلوم على كل اللي سويتيه بس انا امس طوول الليل افكر .. سلامه : في شو اليازيه : سلامه .. انا ........ ابا اقطع علاقتي فيه موول سلامه : ليش اصلا بينكم علاقه عشان تقطعينها ؟ اليازيه : لا بس .. يعني سلامه: يعني ... شو ؟ اليازيه : ما ابا ارمسه .. سلامه تتنهد: استغفر الله ............ و تسكت اليازيه : سلامه .. اخاف احبه ! سلامه تضحك ضحكه استهزاء : عقب ما حبيتيه يايه تقولين اخاف احبه ! اليازيه : منو قالج اني احبه !؟ سلامه : كيف نخفي حبنا و الشوق فاضح .... اليازيه : سلامه ........... انا ....... انا يائسه من الحياه ! سلامه : اليازيه تدرين انج مصختيها .. صدق صدق مصختيها .. شو يقولووون اللي ... اففففففف .. يزويه حبيبتي .. انتي تحبينه و انتهينا !! اليازيه : اييييييييي غصب احبه !؟ سلامه : هيه غصب و الحين الحين بتتصليبه اليازيه : هههههه مدام لهادرجه غامظنك .. دقيله و حبيه .. ! سلامه : انا ما برد عليج لانج مب صاحيه امي .. انتي مريضه نفسيا ! تدرين و الا لا .. كله من خليييييييييفه يعله ما يتهنى في حياته .. اليازيه : ههههه حللوه هاي مريضه نفسيا ! سلامه : صدق والله .. انتي مريضه نفسيا .. لااااااا و ازيدج من الشعر بيت .. انتي فيج عقده من الحب ! اليازيه : هاهاهاي .. ترى خلينا لج القلب النظيف و العقل الصاحي سلامه : صدقيني انا حاسه ان خالد هو نصيبج ! اليازيه تبتسم : الله لا يسمع منج سلامه كاتمه ضحكتها : مصيرج تفهمين كلامي .................................................. ........................ |
الجزاء7 ام سعيد : ها خويلد .. شو الامتحان ؟ خالد : زفت ام سعيد : كنت حاااااااااااااااسه ! مدام اربع و عشرين ساعه هايت برع الشقه ويا كيلي ما كيلي .. مستحيييييل تنجح ! خالد تنزل دمعه من عينه ام سعيد : يا خويه كفاك غربه شد ع عمرك شوي .. هذي اخر سنه و انشاء الله ما ايي الصيف الياي الا وانته في البلاد رافع راسك بالشهاده العوده ليش ساكت ؟؟ خالد ؟ خلووودي ؟ تصيييح ؟! بسم الله عليك .. سعيد ابويه بلاه خالك ؟ ليش ما يرمس ؟ سعيد : امايه خليه بروحه ميان : الحمد لله عالسلامه اليازيه و سلامه : الله يسلمج ميان : تصدقوون لكم وحشه سلامه : فديتج حتى انتي لج وحشه ميان : شو استانستوا سلامه : عني انا هيه وايد .. ميان : و انتي ؟ ( موجها الكلام لليازيه ) اليازيه : لا ميان : ليش ؟ اليازيه : بس ما دخلت مزاجي سلامه : انزين و شحالك سعيد و خاله ؟ ميان : تصدقين ما ادريبهم من يوم سالفة الرقم و انا ما شفتهم و لا رمستهم اليازيه : و لا يتصلوبج ؟ ميان : مووووول ما سمعت الهم حس اليازيه : ما تشوفينهم في الهايد بارك ؟ ميان : لا والله .. سلامه : سبحان مغير الاحوال .. انزين و انتي شحقه تسالين عنهم ؟ اليازيه : عن اذنج ميوون و تطلع اليازيه من الحجره ميان : ويه بلاها ؟ سلامه : الله بلاها ب ....... بخالد ! ميان : ليش هي تحبه ؟ سلامه : تمووت فيه ميان : معقووله سلامه : هيه معقوله ميان : سلووم تبين الصدق .. مممم .. ما يطوف يوم الا و يتصل .. يسال عن اليازيه سلامه : هاااا ؟ ميان : بس هو قالي ما اقول لليازيه سلامه : ليش ؟ ميان : والله ما ادري .. بس انا قتله انكم رديتوا البلاد .. سلامه : وااااااااااااااااااااي ؟! ميان : لان الصراحه الصراحه الريال سيرته مب زينه وراعي حريم .. و انا ما ابا اليازيه تتعلق به سلامه : شدراج ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ميان : سعيد اللي هو سعيد قالي .. وانا اعرف كمن شخص يدرسون ويا خالد و قالوا نفس الرمسه .. سلامه : لا حول و لا قوة الا بالله .. حرام والله حرام .. شباب هالايام هم اللي يضيعون مستقبلهم بايديهم .. .................................................. ....................... خالد : الووو ميان : هلا خالد خالد : ها شو الاخبار ؟ ميان : مثل ما اتفقنا .. خالد : و شو كانت ردة فعل اليازيه ؟ ميان : انا ما قلت هالرمسه لليازيه .. قلت لسلامه خالد: انزين ميان : انصدمت وايد وايد خالد بحزن : مشكوره الغاليه ما قصرتي .. ميان : لا افا عليك هذا واجبي .. اليازيه مثل اختي و اكثر .................................................. ................. ( ادري انكم مب فاهمين السالفه بس ماعليه مصيركم تفهمونها ) لوووووول .................................................. ..................... اليازيه : معقووووووووووله !!!!!!!!!!!!!!!!!!!!!!!!! سلامه : تصدقين ؟!! حتى انا اول ما ميانوو قالتلي انصدمت مثلج اليازيه : اكيييد ميانووه حاطه عينها عليه و تبا تاخذه مني سلامه : وانتي شو تفرق وياج .. عادي صح ؟ لان انتي في الحالتين بتهدينه زين كان او شين .. اليازيه : هااا .. هيه صح .. طبعا انا اصلا مقرره و ما برد في قراري .................................................. .................. خالد : ست ايام و اليازيه مالها حس ! معقووله تكون تخلت عني ؟ سعيد : اللي سويته مب شويه .. عيل حد يخرب سمعته بيده ! خالد : اصلا انا ما سويت جي الا عشان اكرهها فيني و ابعدها عني .. لانها اصلا ما حبتني .. بس كانت اتجامل اربيعتها سلامه عشاني .. بس ماشي فايده قلبي تولعبها .. و حبها و ذلتني ااااااااااااااه يا سعيد اااااااااااااه اول مره في حياتي اطعم الحب ! صدق ان الحب عذاب و مذله .. سعيد : خالي لا تسوي بعمرك جي .. انت اكبر من حبها .. خالد من قلت البنات عشان تعذب عمرك ! حرام عليك .. خالد : والله العظيم غصبا عني غصب والله غصب .. مب في ايديه و الله اني قمت اكرهها لانها خلتني اعشقها ! يلعن ابو الساعه اللي شفتها فيها ! سعيد : خالد لا لا دخيلك لا تقول هالرمسه .. انزين عشان ولد اختك .. لو صدق كنت غالي عندك انساها .. انساها .. ارجوووووووك انساها لان الله بيعوضك ببنت الحلااااااال اللي تعرف قيمتك و مقدارك .. خالد : مب رايم يا سعيد .. و الله مب رايم .. و بسبتها رسبت سعيد : رسبت ؟!؟! يالغبي المفروض تنجح عشان تخليها تندم على اللي سوته فيك .. خالد : اقوووولك مب رايم اركز في شي غير اليازيه ! اليازيه ! وبس .. طول الوكت و انا اتمناها بس .. يا حيرتي في حبيب لو تمنيته دون التمني حصدنا كثر المحاني سعيد : مدام تعرف ان الاماني مامنها فايده ارضى بالامر الواقع .................................................. ................... الاب : شو حالتها الحين ؟ احسن ؟ الام : حالتها ... ( و تسكت ) الله يعلم بالحال محبه : انا مب فاهمه ! يومين ساكته ما تنطق بكلمه .. حتى سلامه اللي هي اقرب الناس لليازيه ما ترمسها الاب : عالعموم انا عزمت عالرده .. الام : متى ؟ الاب : انشاء الله عقب ثلاثة ايام .. الام : زين سويت يا بو هزاع .. البنيه هاي كاسره خاطري ما حطت لقمه في حلجها من يوم ردينا من برايتون هزاع : ابويه !؟ يعني ماشي زلامسي ؟؟؟؟ محبه : مب وكتك الحين .. تراك تسمع ان اختك ميهوده بعد شو يودينا زلامسي .................................................. ............ سلامه : اليازيه ارجووووووووووج ارجوووووووووووج لا تسوين بعمرمرج جي .. الله يخليج عشان خاطري حرام عليج .. لو الله كاتب ان يجمعكم محد بيرده .. فلاتعذبين عمرج .. لانه هالاسلوب مامنه فايده .. اليازيه ردي عليه .. لا حول ولا قوة الا بالله .. احترنا وياج .. مره تقولين ما ادانينه و مره ......... الله يهديج .. قولي اللي في خاطرج .. يزويه .. من يوم و نحن صغار متعودين ان ما نخبي شي بعض .. .................................................. ............... ميان : الوووووووو خالد الحقني سعيد : اي خالد الله يهديج .. ؟؟ ميان : سعيد .. عطني خالد بسرعه بسرعه سعيد : انتي اسكتي .. كل منج ! انتي ساس البلا ميان : شو تقول ؟؟؟؟ سعيد : كل منج ذبحتي الريال .. ميان : ماااااااااات ؟! سعيد : لا بس في العنايه المشدده في مستشفى ويل بيك ميان : ليش شو استوابه ؟؟ سعيد : الريال ما قام يطعم الاكل موول لين ما تعب و وديناه المستشفى ! ميان : مستحييييييييييييييييييييييل سعيد : شووووو ؟؟؟ ميان : حتى اليازيه الحين هي في العنايه المشدده في نفس المستشفى و عشان نفس السبب سلامه في المستشفى حاطه ايدها على راس اليازيه و تصيح : لااااا ليش ........ يعلني افداج و اكون مكانج .. حبيبتي يزويه ... دخيلج .. لا مستحيل .. بليييييييز عشان خاطر خالد .. ارجوووووووووووج استوي بخير .. اليازيه باجر بنرد البلاد و بنسير بيت امي ساره و بنلعب ويا بنات خالوووتج و بنسير سيتي سنتر نحووط ونيلس في ستاربكس و نستانس .. اليازيه لااااااااا لااااااا .. و تكمل صياحها الام جفت دموعها : عبدالله ود سلامه الشقه من امس و هي تصيح .. عبدالله : عيزت و انا اتحايل عليها بس مب طايعه .. خليها ع راحتها .. تدخل مياااااان .. ميان : السلام عليكم الجميع : عليكم السلام ميان : وين اليازيه ؟ هزاع : تعالي بوديج .. و يتوجهون للغرفه ميان تفر الورد و تلوي على اليازيه : اليازيه حبيبتي خالد ياي يزورج سلامه : اليازييييييييييه .. خالد يبا يدخل .. ميان : اليازيه !!!!!!!!!!!!! سلامه مب رايمع ترمس .. ميان : لااااااااا مستحيل لا لا انشاء الله سلامه تضرب اليازيه على كتفها ميان تجلس و تصارخ: مااااااااااااااااااااااااتت و يدخلون الجميع ويتهاتفون على سرير اليازيه و تدخل الممرضه و يبعدونهم .. و ياخذون اليازيه الي ........... العنايه المشدده مره ثانيه من هول الصدمه كلهم يالسين على الارض و يتنهدون و مب قادرين يصيحون من الصدمه .. و تمر 3 ساعات مثل الجمر على قلوبهم the nurse: don’t worry she’s getting well الجميع يبتسمووووون و تقوم سلامه و تلوي على ام هزاع .. ** في العنايه المشدده ** اليازيه نايمه على اليمين و خالد على اليسار وبينهم ستاره .. يقوم خالد و يمشي متجه للباب .. ( يعني لازم يفتح الستاره لان الباب عالصوب اليمين ) .. و يصد على اليازيه و ينصدم ! بس نزل راسه و ظهر برع الغرفه .. و يشوف ميان و سلامه و يسالهم عن اليازيه و يقولوله السالفه كلها .. خالد : معقووووله ! فديتها و الله لو كنت ادري جان ما خليت ميان تقولها هالرمسه عني .. سلامه تتطالعه باحتقار : بس عقب شو ؟! خالد : سلامه مب وكت العتاب احينه .. اللي صار صار و الحين ممكن ادش على اليازيه .. سلامه تطالع ميان : هيه .. بــــس ارجووك لو تباها ترد بخير خفف عنها مب تعور قلبها .. عشان خاطرها خالد : بسسس بسسسس ما طلبتي .. اليازيه حياتي اليازيه عمري اليازيه هواي اللي ما اقدر اعيش بدونه .. تبتسم ميان و يدخل خالد عند اليازيه .. |
الجزاء8 الاب : سلااامه سلامه بارتباك : نعم عمي الاب : منو الريال اللي وياكم ؟ سلامه : هذا ولد عم ميان .. الاب : و ليش واقفين وياه ؟ سلامه : لا بس منوم في المستشفى و ميان خذتني وياها عشان نزوره الاب : اهااا .. انزين يلا طوفي ويا محبه وهزاع بيروحون البيت .. سلامه : انشاء الله عمي .. .................................................. ... في العنايه المشدده اليازيه على السرير و يدخل خالد .. و حست اليازيه بأيد تمسك ايدها بحنان جنها تحظنها .. حست بحرارتها جنها تلمس دقات قلبها .. و بدون ما تفتح عينها او تفكر .. قالت : خاااالد ........ و مسكت ايده و حطتها على صدرها .. و فتحت عينها و لقت حياتها عمرها روحها نورها حب حياتهااااا .. يحاول خالد يرمس .. بس اليازيه تحط ايدها على شفايفه و تنزل دمعه من عينه على ايد اليازيه .. و ينزل راسه .. اليازيه : خالد ............. خالد : ااااااااااااااااااه عيوووون خالد قلب خااااااااالد روووووووح خالد اليازيه و هي مغتبنه : ليش نسيتني ....؟ ....... خالد : انا عمري ما نسيتج .. و لا عمري بنساااااااج .. انتي حبي الاول و الاخير ....... كيف انسى روحي ....... انا الحين صرت جسد بدوون رووووح .. اليازيه : عيل ... ليش ما سالت عني .... و ليش ..... شكلك جي متغير ....؟ خالد و هو يتنهد : اااااااااه ااااه يا حبيبي اااااااه .. انا حاولت ابعد عنج لاني ما بغيت اتسلى فيج .. بس .. بس ما قدرت .. سكنتي قلبي و حفرتي اسمج في قلبي و عشتي في داخلي .. ووووو شكلي .... ( يضحك ضحكة استهزاء ) بعدج عني يا روحي هو اللي عذبني و بهدلني .. ذبحني يا اليازيه و الله انه ذبحني ... ارجوووج لا تخليني .. اليازيه: لااااا بليييييز خالد .. حب .. ي .. بي ..( و تسكت) .. عشان خاطري لا تسوي بعمرك جي انا وياك انشاء الله ع طوووول لين ما امووووت .. خالد : يعل يومي قبل يومج قولي ااااااامين .. اليازيه تبتسم وفجاه ينفتح الباب تدخل ميااان و عيونها مليااااااانه غيره و تشتعل قهر .. بس تحاول تكتم غيظها .. ميان : يلا خالد اطل برع ابو اليازيه ياي .. خالد يطالع اليازيه و يبوس ايدها : انشاء الله ميان .. يلا قلبي بخليج احينه .. بس على شرط .. لا تفكرين في شي غير صحتج و ما ابا ايي باجر حجرتج و القاج ما طلعتي من المستشفى .. اليازيه : لاا .. .. ( تبتسم ) اوكي من @@ اليازيه اللي ما فيها غير خالد .. .................................................. ..... ميان : انتي صدق تحبين خالد ؟! اليازيه : احبه و ما بحب غيره انشاء الله .. ميان : هههه رمسه بس .. انتي ما تحبين غيره !! اليازيه مصدومه من رمسة ميان : هيه ما بحب غيره ميان : ههههههه اها اوكي صدقت اليازيه : ميووون بلاج .. ليش ترمسيني جي .. ميان : اولا اسمي ميان لو سمحتي و ثانيا .. ليش مب عايبتنج رمستي ؟؟ اليازيه : لا و الله مب عايبتني .. ميان : كفايه انها عايبتني .. اليازيه : ميااااااااااان ؟! شايفه عليه شي ؟ ميان : شايفه !؟ هههههههه انتي شو رايج ؟؟ اليازيه : قولي ........ شو شايفه عليه ميان : انتي ما اتوووووبين .. تدرين ان هذا خالد مالج سمعته في الطين .. على ما اظن سلامه قالتلج .. هذا واحد خايس راعي بنااااات .. اليازيه : انشاء الله راعي عياييييز .. انا راظيه ميان : كيفج .. انا حذرتج و عقب تعالي قوليلي ميان ليتني سمعت رمستج و صدقتج اليازيه : اوكي ... وين سلامه ؟ ميان : سارت الشقه ... اليازيه : انزين انتي حتى ترومين تسيرين الشقه .. ميان تطالع اليازيه باحتقار : تطرديني عشان خلوووود ! اليازيه : لا انا ما طردتج .. بس احيد وراج مشاوير .. ميان : اوكي يزوي .. هذا ويهي جان رمستج مره ثانيه ................................................. خالد يالس في بلوكنة المستشفى مستانس و فرحان .. و تدخل عليه ميان ميان : خلوودي خالد : هلاااا ميان : شو اخبارك الحين ؟ خالد : انا ....... انا ..... زي الفل انتي شحالج ؟ ميان : بخير دامك بخير خالد : عساااااااااج دوم و كل يوم قولي اااااامين ميان : اااااااااااااامين وياااااااااااااك انشاء الله خالد : و شخبار حبي ؟ ميان : حبك ؟ ههههههه حبتها القراده .. خالد : ويه ! ميان ليش هالرمسه .. ميان : ما تشووووفها طاردتني من حجرتها جني بشكارة ابوهااااا .. خالد : منو طردج ؟! اليازيه ؟؟؟؟ ميان : هيه اليازيه ..... مالتك خالد : هههههههههههههههه ليش ؟ ميان : تظحك ويا هالوه الحلوووو .. خالد : اكيد بظحك .. لانج اكيد مسويه شي . الله يستر ميان معصبه : هذا يزاي اني يايه اقولك ابتعد عن اليازيه .. خالد : ههههههههه تبيني ابتعد عن حبيبة البي عقب ما لقيتها ! ميان : كيفك .. بس اليازيه ما تحبك .. توه قالتلي اونه شووووو .. بس تعطف عليك .. خالد : اهااااا .. الله يهنيها ميان : خلودي تتطنز .. خالد : انتي شو ياينج عليه اليوم .. خلودي و خلودي .. اصغر عيالج انا ! ميان : ههههههههه فديت انا ولدي .. خالد : شوفي عاد .. ربيعة اليازيه عالعين و الراس بس كله و لا تغلطين عليه ميان : بسم الله .. شوي شوي عليه عن تاكلني .. جيه انا شو قلت !؟ تفديتك يا بعد عمري والله خالد : مياااااااان .. بدون هالرمسه المب الحلوه احسن ميان : اوكي اسمع خالد .... اليازيه ما تستاهلك .. في ناس غيرها يستاهلوونك صدقني .. خالد : نصيحه غاليه .. بس ما استاهلها في غيري يستاهلها صدقيني .. ميان معصبه : مصيرك تفهمها .. بااااي .................................................. ...... الاب : الحمد الله .. الدكتور رخصنا اليوم الام : بشرك الله بالخير .. هيه والله الحمد لله الاب : يلا عاد يزويه .. بدون دلع سيري لقطي لباسج اليازيه تبتسم : انت تامر يا بو اليازيه هزاع : ما يخصه !!!!!!!! من وين يت اليازيه هاي بعد .. اسمه عبدالله بو هزاع .. شو بعد اليازيه ما اليازيه الجميع يضحكوووون الاب : و بعد لازم تشكرين سلامه من طحتي في المستشفى و هي ما هدتج و لا ثانيه اليازيه : فديتج و الله اصيييييييله .. راعية واجب .. مشكوره سلوووومه سلامه : ههههه ولووووو هايدا واجبي .. الام : ههههههه اوكي عيل نحن بنترياكم في السياره .. ..................................... سعيد : اوووب اوووووووب .. اطوروا قاموا ياكلووون خالد : هههههههههه ام سعيد : قووووووول مشاء الله .. نحن ما صدقنا يحط لقمه في حلجه ..................................... سلامه : هااااا شو الاخبار ؟ اليازيه : اي اخبار بعد ؟ سلامه : هههه علينا هااا علينا اليازيه : ههههه ما اشووفه بس ارمسه عالموبايل سلامه : وشو اخر التطورات اليازيه : لا جديييييد سلامه : و قلتيله انج راده دبي باجر اليازيه : افففففففف لا تذكريني .. لا ما قتله سلامه : تبيني اقوله ؟ اليازيه : لا مشكوره حبيبتي سلامه : اني تايم حبوبه .................................................. ..... محبه : نورت الشقه .... و الله و نورت اليازيه : ايييييييه بس عاد استحي ! الام : هههه قالت الصدق .. نورتي البيت اليازيه : اووه اووه مشكورين منور بوجودكم .. الام : يلا عاد وايد عطيناج ويه الحين سيري لمي لباسج .. و حطيهم في الشنطه .. اليازيه : اوكيك |
الجزء الاخييييير ترن ترن خالد : فدييييييييت انا هالرقم و صاحب هالرقم اليازيه مستحيه : هلا و غلا و الله .. خالد : شحالج حبيبي ؟ اليازيه : مممممم .. انا .. ما اتوقع حالي بيسرك خالد : افااااا حبي .. ليش هالرمسه ؟ ما من شر ؟ اليازيه : خالد ............. ( تحاول تهون عليه الصدمه ) بوكره راجعييييين دار الحي .... خالد : هههههههههههههه و يسكت ..... شووووووووووووووو ؟؟؟ اليازيه : هيه حبيبي .. باجر بنرد دبي خالد : و ليش تقولينها ببرود .. جنه مب هامنج فراقنا ؟ اليازيه : ولو اتظايجت .. شو بيستوي ؟! خالد : يعني عادي عندج .. اليازيه : في الحالتين تمينا و الا نا تمينا يا خالد مصيرنا نرد بلادنا .. خالد : اوكي الله يحفظج اليازيه : نوور عيوووووني .. رووحي ... حياتي ..... يا حبيبي .. نحن ما بنفترق انشاء الله لووووووووو شووووووو .. خالد : ما فهمت .. اليازيه : يعني برمسك اكثر من قبل .. و كل يوم بطرشلك ايميل و انشاء الله في اجازاتك بنتلاقى .. خالد : انزين حبيبي .. انا عندي فكره .. اهد دراستي و ارد وياكم البلاد اليازيه : لااااااا لا تحاول تسوي جي .. كله و لا دراستك .. ما بقى شي حبيبي .. سنه و بتخرج خالد : و انا شو يصبرني سنه كامله !!!!!!!هااااااا اليازيه : صبرت وايد و ما بقى غير شويه .. هانت حبيبي خالد : اليازيه .. ايي اليوم و اخطبج ؟ اليازيه بخجل : لا خااالد انته شو تقوول خالد : ليش لا ؟ اليازيه : بعدني صغيره ..ما ظني ابويه بيوافق خالد : يعني عادي عندك نفترق ؟ اليازيه : لا انشاء الله ما بنفترق مدام حبنا كبير .. خالد : بس غير يوم انتي ويايه .. ارتااااح اليازيه : اذا صدق تحبني .. و صدق اهمك .. انساني سنه وحده و يوم بتتخرج رد حبني خالد : تنكتين ..... اليازيه : هههههههه شو اسويبك .. تراك مكبر السالفه .. بس عادي خلووودي .. تراني بزعل خالد : شوووووووووووووووووو تردين البلاد و انتي زعلانه ؟!! اليازيه : هيه .. خالد : لا لا لا لا ارجوووووووج كله و لا زعلج .. ان زعلت برظيك وكل عمري فداك و الزعل ما ازعله يالغالي عليك لو تامر بروحي بتنقاد لرظااك .. لو تطلب عيوني في لحظه تجيك ..... اليازيه : هههه فديتك انا .. خلاص رظيت خالد : احبج احبج احبج .. الا اموووووووووووووووووت فيج .. و الله حبي ما ينوصف .. اليازيه : وش اقول انا و انا في اللي حبك هايم .. خالد : اليازيه ممكن اشوفح اليوم اليازيه : تشوفني ؟! خالد : ياليت والله .. اليازيه : خلاص ولا يهمك .. .................................................. .... سلامه : هااااااااااا وين مشاء الله ؟ اليازيه : ويه بعدج مالبستي ؟! سلامه : ليش ؟ وين ؟ اليازيه : مواعده خالد .. سلامه : خييير ! اليازيه : يلا بسرعه سلامه : لا اكيد 100 % تخبلتي نو واي اليازيه : هههه يلا سلامي بسرعه سلامه : و انا شو يوديني ؟ اليازيه : انشاء الله تبيني اسير بروحي ؟! سلامه : و انشاء الله تبيني ارز ويهي .. اييه اليازيه والله استحي ايلس بين عاشقين اليازيه : هههه ليش عاد ؟ سلامه : لا استحي اسمع رمستكم ... اليازيه : بس لااا عن السخافه .. بتين وياهيه غصبا عن ويهج .. سلامه : هههه امرج .. ................................................. اقترب الموعد و اتجهوا سلامه اليازيه للكوفنت جاردن خالد : هلا و غلا باحلى اليازيه في الكون اليازيه تبتسم : اهلين خالد .. يعني لازم توصل قبلي ؟! كنت ابا اتعدل في الحمام خالد : شو اسوي .. الشوق هو اللي يابني .. اعذريني من طلعتي من المستشفى ما شفتج .. ما تولهتي عليه ؟ اليازيه بصوت واطي : الا تولهت ! خالد : فديتج انا .. شحالج سلامه ؟ سلامه : بخير الحمد لله .. شحالك انته ؟ خالد : بخير مدام انتوا بخير سلامه : انزين انا بخليكم .. اليازيه : سلوم ! سلامه : باااي ........................................ يمد خالد ايده و يعطي اليازيه هديه مغلفه .. اليازيه : اوووه ثانكيو هاو سويييت خالد : هههه العفو حياتي .. عيبني شكلها و قلت اهديها لج .. اليازيه : فديتك والله .. افتحها ؟ خالد : هيه افتحيها اليازيه : واااو رووعه خالد : عيبتج ؟ اليازيه : اكيد بتعيبني كفايه انها منك خالد يبتسم: فرحتيني و يــبوس ايدها و يطوف الوكت .. خالد : اليازيه ... و الله مب قادر اتخيل حياتي بدوونج اليازيه : ليش تقوول جي ؟ الله لا يفرقنا انشاء الله خالد : والله مب مستوعب .. كيف بقدر افارجج سنه كامله ! اليازيه : حاول تنساني .. وإن ما قدرت... حاول عشاني .. وإن ما قدرت ... اشطب عنواني .. وإن ما قدرت ... اترك مكاني .. وإن ما قدرت .. ارجع لي ثاني !!!! خالد : ههههه اليازيه حبيبي و الله انا عاجز عن نسيانج .. اليازيه : يعني حاولت ؟! خالد : ههههه يزويه اليازيه : هههه خالد : تحبيني ؟ اليازيه : احبك .. و ربي العالي احبك خالد : لو صدق تحبيني ما جان رضيتي تردين البلاد اليازيه : ردينا ع طير ياللي .. و الله مابليد حيله خالد : صدقيني يا اليازيه مب هاين عليه فراقج .. و منيتي ارد وياااج .. و اشووف اهلي و ناسي .. و اعيش وياج باقي العمر .. لاني ما حسيت بالسعاده الا وياج .. بس على قولتج ما باليد حيله .................................................. . و مرت الساعات الباقيه مثل لمح البصر .... و ها هم يودعوون احلى ذكريات حب في احلى عاصمه ..... عاصمة الضباب ..... لندن ............... على شاطىء بحر دبــي ورماله الذهبيه .. كان غروب الشمس يصور منظر رومانسي و شفافيه .. و يمتزج لون الماء بلون البحر ليعطي لونا ذهبا رائعا .. و يداعب نسيم البحر شعر اليازيه الاسود الطويل .. اللي ينافس بحكاته امواج البحر الهادئه لترتسم اجمل لوحه مرسومه بانامل الطبيعه .. و تنزل دموعها المالحه على خدها الناعم .. اشد ملوحه من ماء البحر .. و تكتب على الرمال الناعمه البارده .. اسم .. يسري في شرايينها .. خــــــــــــــــالـــــــــد .. و تلامس برودته قلبها .. و تحس برعشة الشوق .. كم حبيتك و كم اغليتك .. و اليوم بيني و بينك مسافاات و بحر .. و ....... ااااااااه و تطالع هديه خالد و تدمع عينها و بهدوء تيلس سلامه عدالها .. سلامه : اليازيه بعدج ما تكلمين ميان ؟ اليازيه : هيه لين احينه .. سلامه : قولي والله ؟! .. جريب بتفتح المدارس و انتوا بعدكم متخاصمات من يوم لندن ! اليازيه : سلامه دخيلج اسكتي انا مب فاظيه لميان ما ميان ..... سلامه : الله ما يرضى حرام .. استوي احسن منها و صالحيها .. اليازيه : انشاء الله يوم بحصل فرصه .. سلامه : الله و مشاغلج عاد .. .................................. ** لندن ** يمر خالد صووب الهايد باارك و يتمشى فيها .. و يتذكر احلى ذكريات صارت فيها .. ذكريات حبه .. بس يشوف الحديقه بدوون طعم و لا ريحه .. جامده .. وو قف تحت جذع شجره .. و اتخيل اليازيه تلوحله من بعيد .. بس الخيال يظل خياال .. ما اقساج يا لندن .. همسات اطلقها خالد ....... فالماضي فل بما فيه .. و لم تبقى سوى الذكرى و رائحة المكان .. ........................................ ** دبـــــي ** اليازيه تغني : ول ول عليك ول ول مسرع نسيت اول .. و مالنا شهرين ليت الزمن طوول سلامه : ههههه و ليش هالغنيه انشاء الله اليازيه تغني : خالد .. تررم تررم .. خالد .. نساني ياسلامه .. من يومين ما اتصل سلامه : بسيطه .. انتي اتصلي اليازيه : لاااا و الف لاااا و كلا سلامه : و لمذا ؟ اليازيه : اتغلى .. سلامه : اوكي خلي التغلي ينفعج .. .................................. ** لندن ** خالد : ليش انت مبعد عن عيوني و مجفني .. يا نور عيني بشوفك كنت احليها .. حتى اتصالك وصوتك منقطع عني ........ ان كنت زعلان يا كل الغلا مني مجبور اراضيك وعيونك اراضيها .. و ان كان قصدك بهالفرقى تعذبني .. كيف تتعب حياتي و انت غاليها سلطان : يالله هانت يابو وليد .. كلها 4 شهور و تتخرج .. و مشاء الله عيني عليك بارده .. مستواك وايد ارتفع خالد : انزين .. بس ....... اليازيه .. احبها .. قصدي احسبها مب مسوتلي سالفه هاليومين سلطان : ياخي انت بعد لا تستوي اناني .. البنت عندها مشاغلها بعد .. مب انته و بس خالد : انزين اوكي مشاغل ما قلنا شي .. بس دقيقه تسلم ما بتاثر على مشاغلها سلطان : و الله ما ادري .. بس لو تبا شوري .. لا تتصل .. خلك ثجيل شوي .. خالد : اسكت لااا اعطيك بالاب توب الحين .. شو خلك ثجيل هاي بعد ! اقولك اموت فيها سلطان : ما ادريبك .. انته و كيفك |
.................................................. ... ** دبي ** اليازيه : افففففففف مب حاله هاي !! اسبوع و ما اتصل .. و الله بديت احاتي سلامه : هههه تو الناس .. لا جان تريتي بعد اسبوع و عقب حاتيتي اليازيه : دمج وااااااايد خفيف .. هاهاهاها سلامه : بلا زناااااخه .. دقيله لا ادقله الحين اليازيه : هههههه مشاء الله .. و اصلا منو بيخليج ادقيله .. هذا خلودي مال انا و انا مال هو بس ! مافي سلامه .. سلامه مال سعيد و سعيد مال سلامه بس سلامه : ههههههه صخي عاد و تظغط اليازيه على ازرار الهاتف و تسوي كوول .. اليازيه بارتباك : خالد ؟ خالد : هيه خالد .. تو الناس لا جان تريتي بعد اسبوع و عقب دقيتي .. اليازيه : هههههههههههههههه سوري حياتي و الله سوري .. خالد : ما ظني في شي يظحك اليازيه : ههههههه لا بس انته و سلوم قلتوا نفس الجمله .. هههه .. سوري حبي و الله كنت اتريا حظرتك تتكرم و تتصل خالد : و ليش ما حظرتج انتي تكرمتي و اتصلتي .. و ثانيا شحقه مسوتلي بلوك عالماسنجر ؟؟؟ اليازيه : اكسكيوز مي ؟! ما ادري منو اللي مسوي بلوك اسال عمرك اول خالد : افففففففففف يزوي .. انا .. مشتاااااااااااااق لج مووووووووووووووووووووووت اليازيه : افففففففف انا اكثر خالد : ههههههههه فديتج والله اليازيه : هههههههه انا اللي فديتك خالد : انزين شو علومج ؟ شو دنياج ؟ اليازيه : انته دنياي و علومي .. قولي شخبار الدراسه؟ خالد : الحمد لله امشين اليازيه : الله يوفقك قول امين خالد : اميييييييييين .. مب عشان شي .. بس عشان ارد البلاد و اخطبج .. انزين و انتي شو اخبار الدراسه ؟ هااا .. اعترفي .. تراني ما احب الجذب اليازيه : ممممممم .. الصراحه .. خالد : افااااااااااااا ياليازيه و الله ما توقعتج تكونين كسلانه .. لا لا .. ما اصدق اليازيه : والله تمام .. امشين على قولتك .. خالد: هيه جي اباج .. شدي حيلج حبيبي .. مافينا .. تراني مستعيل .. اليازيه : خلوووود .. كل ما اقوولك شي يبتلي طاري الزواج .. اففففففف .. تراني بنت بعد ! استحي .. ويهي مب لووح خالد : هههههههه فديت انا اللوح .. يا احلى لووح شفته في حياتي .. لحظه صمت بالمحبه صرت مجنونك و من غيابك صرت مجنوني لا تصدق لي يعذلونك .. يا محبي انته مظنوني شوفني ظايق انا بدونك و انت ما ترتاح من دوني .. اتصدقين ياليازيه .. من هديتني كسير الخاطري في لندن و انا مب رايم اظهر مكان .. اخاف اشوف شي يذكرني فيج و عقب يحز في خاطري .. اليازيه : و حتى انا كل يوم لازم اسير البحر ايلس بروحي استرجع الذكريات .. خالد : شو رايج نسترجع الذكريات ..... تحيدين ................................... و يلسوا يسترجعون الذكريااااات لين ما ظهرت الفاتوره بالالاف .. لوووووووول ............................................ و اطوف سنه و احلى حب صادق شريفه تكبر يوم عقب يوم .. ........................................... ** حفل التخرج ** سلامه : وين اليازيه ؟ سعيد : ما ادري والله ميان : اكيد سارت ترمس الحبيب سعيد : لاااا .. خالد رد البلاد ميان : تخرج ؟ سعيد : لا بس يا الويك اند عشان يحظر التخرج ميان : اهاا سعيد : سلووم بلاج تتنافظين سلامه : ما ادري .. ما اتخيل شكلي انا راكبه فوق و اتسلم الشهاده جداااام الااف الناس .. ميان : يلا عاااد .. نحن من متى نتريا هاليوم .. و يوم يا تقولين ما اتخيل ! سلامه : لا تلوميني .. طالعه الثالثه على الامارات يعني مشاااكل لازم القي كلمه وحاله .. و صرت نجمه لامعه من نجووم الامارات .. و شخصيه مهمه سعيد : بس عاد ذليتينا .. انزين قلنا يايبيين 50% بس مب تتكبرين علينا .. و الله انتوا مشاكل يا قووم بو التسعينات .. سلامه : ههههههه لا فا .. انا اتكبر على الناس كلها و لا اتكبر على ربيع الطفووله .. سعوود تحيد يوم كنا في الروضه .. يا ربييييي .. و الله فيه صيحه و فجاه اليـــــــــــازيه عبدالله ال.......... .................................... ( الحبيبه في عالم ثاني و الناس يتريونها ) .................................... خالد : يزقروووووووونج ! اليازيه : انااااااااااا !!!!! خالد : هيه يلااااااا بسرعه .. اليازيه : تعال ويايه ...... خالد : هههههه يلا حبيبي بسرعه سيري انا ما ارووم ايي وياج .. اليازيه : لا عيل ما بسير ازيغ خالد : حبيبتي هاي اللحظه ما تتكرر الا مره في العمر .. اليازيه : يعني ظروري اسير .. خالد : عشان خاطري اليازيه : اوكي و تركب اليازيه فوق و تتسلم الشهاده و تطالع خالد و تغمزله .. و تلقي كلمه تقول فيها هالجمله : بتم طول عمري ادين لشخص اللي بفضله و تشجيعه وصلت لهالمرتبه .. عسى الله يخليه لي الام : فديتها يزويه .. ما نستني .. الاب : فديتها اكيد هذا انا .. سلامه بصوت عالي : ثانكيوووووووو يزوي والله عادي ما بينا دين ** و بعد مروور سنه كامله ** .............................................. ترن ترن سلامه : الووو خالد : سلااااااامه الحقيني اليازيه بتولد و انا مب عارف شو اسوي سلامه : شووووووووووووو ..... اوكي اوكي انت بس ودها المستشفى و انا بييكم خالد : أي مستشفى سلامه : اففففففف .. هي عند اي مستشفى كانت تراجع ؟ خالد بارتباك : والله مادري سلامه : انزين ودها المستشفى المريكي و انا بييكم هناااك ........................ و تمر 3ساعات احر من الجمر على قلب خالد ............................ الممرضه : فين زوج اليازيه ؟ خالد : هاااا .. انا الممرضه : الف مبروووك قالك توينز زي الفل بنت و ولد خالد : مب مهم .... المهم حرمتي .. وينها ؟ الممرضه : في الاووضه ............................. خالد : حبي .. شو صحتج ؟ اليازيه ترفع راسها و تبتسم : الحمد لله خالد : فديتج الحمد لله على سلامتج اليازيه : الله يسلمك حياتي .. شفت خلودي و يزويه ؟ خالد : منو ؟ اليازيه : هههههه التوينز خالد : هههه احبج يا قلبي انتي .. و .... بيبياتنا ( خلودي و يزويه ) وووووووو شو رايكم في النهايه ؟؟؟ |
السموحة غلطة في بعض ارقام الاجزاء |
ما عليچ قصوووووووووور ..، والله انهااااا تغررررم وربي..^^" |
يلا عاد قولوا القصة حلوه و لا لا |
قصة روعة يعطيج العافية نتريا الجديد |
الصــراحــهـ القــصــهــ ما عليهـا كلامـ و عــجيـبــهـ مـــن الـخــاطــر |
ثانكس على الردود الحلوه اللي خلتني انبسط من الخاطر |
نااااااااااااااااااااااااااااااااااااااااااااااااا ااااااايس القصة ............. نترقب اليديد |
ياختي شو احلا من هالحب روووعه والله |
ثانكس على الردود |
| الساعة الآن 07:49 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir