|
مُآڒڷت أبحث عڹ ڹفـωـِې ۈهۈېتـے فأڹآ פـڪآېة ڷمُ تڹتهـے بعـِد ! ,, السلام عليــكم ورحمه الله .. مرحبـــا السااع بكل من حدر مدونتــــي المتواضعه .. بڪلَ بسـآطـﮧ [ http://www.traidnt.net/vb/images/smilies/shiny01.gif] . . رـآح آتشوفون ڪلَ شئ يخصنــي فهالبقــعه . . ,, BRB :5: |
,, الاسم : نـــانو متر >>> هههه ماخليتولي نك http://www.al5haili.com/vb/images/smilies/1.gif طرا ع بالي يوم كنت أد د د رس لعلم النفس [ http://www.al5haili.com/vb/images/smilies/1.gif ] . . الصــف : الثــاني عشر أدبي . . تاريخ الميلاد : 23 - 5 الإقامــه : دار العرب الأحشــــامي . . ,, ملآحظه : آي تعليق » عبر آلرسـآيل آلخـآصهـِ أو ملفــي مايقصر « . . :wrd: |
,, بــاك .. لاني طفرانــه بخبركــو بيومــي .. الله يسلمكو نشيت عالسااعــه 7 الا ربع .. تسبحت وتلبست وتريقت و.... والخ والوجهـــه صوب " المدرســه " :77: دخلت الصف عقيت عباتي والغشــوة وسلمت عالحلوات وخذتنا السوالف .. :rolleyes: شويه ولا نسمع حس أبله التاريخ .. الابله : يالله عالطااابـــور .. ! ونزلنا وحيينا العلم ورديــنا الصف .. خطفن الحصص مااستوى آكشـــن .. كان يوم ممل للغــايه ..:78: وباجر عندي امتحــان عربي 5 دروس ماذاكرت الا درسين .. مالي بارض والله ..:24: دعــواتكو يالله عساه يكــون سهل والله يوفقنا يميع ياربيه .. Brb ------> أد د د د رس :12: |
" تم تغيير النك بنجاح " ,, شيخه الغيـد ! ,, :77: يالله تصبحـون ع خير .. SLP T!ME {ZzZzzZz} |
مرحبا الســـاع باللي لفــانا ..http://www.al5haili.com/vb/images/smilies/1.gif شحااالكوو ..؟ ربكم الا بخــير ونعمــه .. تراني قاااصــده السؤال لي بيحدرر ارقب الجواب منكو .. تولهت ع بقعتيــه .. كالعاده ماتهنيت فالويكند ..:78: الاسبوع الياي كله امتحانات ..>< همممم طراا ع باليه ابويه " زايد " الله يرحمه ويجعل الجنــه مثواه .. ادعولــه بالرحمــه .. وعسانا نلتقيبه فالجنــه .. brb لي باك خلاف :77: |
مساااكو معطر بدهن عــود . . يالباا هالريـــحه http://www.al5haili.com/vb/images/smilies/1.gif مابتخبر عن حالكو ..!! زعلتونيه .. ذاك اليــوم محد جاوبنيــه .. الجـــو طااااقع . . قلت بحدر أسلم عليــــكم وانفض البقعــه مغبـــرة . . http://www.al5haili.com/vb/images/smilies/1.gif ماحب اشووفها تحت .. اليوم طحت فموقف بــــــــايخ . . اكــره هالمواقف بس مابخبركو بحتفظ فيه لنفســي ..! وباجر عنــدي Exam كالعــاده .. " ثنويه عامه " :77: يااااليييييييييييييل الشــقى .. متى بنتخررج وبنرتــــاح . . ! BRoOb اخوانيه وخواتيه http://www.al5haili.com/vb/images/smilies/1.gif نتلاقــى خلاف ان شاء الله . . |
مساكم الله بالنــــور وجمعه مبـــاركم علينا وعليييكم ولو إنها متأخرة . . الحمدالله اموري طيبـــه وفالسليم :77: احتفلنــا باليوم الوطنــي كان ترتوب الصراحـــه . . اتفقنــا نعقص شعورنا ولي بتلبس مخــور وغيره . . انا سرت بلبس المدرســه ماندمت ع شئ كثر ماندمت إني عقصت شعري . . المدرسه نصها عمال وكل دقييقه يظهرلنا واحد .. :78::no_6: لين آخر شئ تنررزفت وسرت فوق :sneaky2: والشلــه محتشرات اشعنه يالسه فوق انزلي قلتلهن مابنزل كل شويه ظهرلنا واااحد عنبوه كم بتغـــشى ..! فااارقت ويوهم خربوا عليـــه . . :خ8: يلست عالدري اتطمش عالبنيــــات من فــوق . . اسمييهن طمااشه :5: ماصورت شئ للأسف لاني نسيت الكام فالبيــت .. همممم شوه بعــد http://www.al5haili.com/vb/images/smilies/1.gif رتبت جدولي للامتحانات . . بستعد من الحيــــنه وان شاء الله يااارب انبيض الويـــه بذيك النسبه الغاويه لي ترفع الراس . . دعــواتكو عررب زااايــــد . . |
السلام عليكم ورحمه الله . . شحالكم . .! كلن بحــاله كنت كاتبــه بس كل شئ انمسح بغمضــه عين .. حسافه فاتتكم الأحداث ..:78: أرمس عرب من زمااان ماريتهم وياالسه اعاتبها وتعاتبني .. مالي بارض أرد اكتب .. خيرها فغيرها :77: |
مرحبــــــا ملالاييين ولا يسسدن . . ومسآآء الليـــل :77: http://up.arab-x.com/Nov11/5JZ31919.png وكل عام وانتو بخير خطــآر مدونتــي .. والله يرحمـــك يا بوخليييفه ويجعل الجنه مثوااااك . . ويرحم مـــوتى المسلميـــن ويغفرلهم .. حآولت ارقد ماياني رقــآد . . تذكرت بقعتــيه الحلوة http://www.al5haili.com/vb/images/smilies/1.gif ونورت ادري ما يحتاي تخبرونيه . . :77: يقولكم البارحــه قلت لابويه شورايك عقب الامتحانات نسير نعتتمر فخاااطريــه .. قالي تـــم امرررة غايتيه . . يعلني اسد عووقـــه وعسااني ماخلا يالله متـــولهه عالحرررم من زمااان اعدييبه ..! سبحانك اللهم وبحمدك أشهد أن لا إله إلا أنت استغفرك وأتوب إليك .. دعآء كفآآرة المجلس .. لا هانكــم الرب http://www.al5haili.com/vb/images/smilies/1.gif |
عندما تڛتقبل مڪْالمه على هاتفڪْ تقۈَل : الۈَ ! اللي هي اڛاڛا هيلۈَ ! هل تعرف المعنى الحقيقي لڪْلمة هيلۈَ ؟ هيلۈَ : اڛم فتاة!! هل تعلم من هي تلڪْ الفتاة ؟ هي :مارجريت هيلۈَ ! عشيقة مخترع جهاز الهاتف ! الذي نطق اڛمها لأۈَل تجربه للهاتف ۈَظل الحال إلى يۈَمنا هذا نحن الان قد نڛينا اڛم ذلڪْ المخترع العبقري لڪْننا لم ننڛى اڛم حبيبتة ! ياويل حاليــــه http://www.al5haili.com/vb/images/smilies/1.gifhttp://www.al5haili.com/vb/images/smilies/1.gif |
مســـآكم لغــه عربيــه http://www.al5haili.com/vb/images/smilies/1.gif شحالكــو . . ! يقولكم البارحــه عقب ماصليــت الفير . . تلآقيت ويآ أخويه بوسنيــده . . :77: بوسنيده : شويخ تزهبــن بنسرح شمــال للعلم فقط اسميه لا شيخه ولا شيآته بس جذا كتبت شويخ هههه شيخه الغيــد : فذذمتك ..! بوسنيده : أجذب عليج عيل هيييه عالساعه 9 بنظهر وان ماتزهبتن بنسير عنكم .. شيخه الغيــد : خلاص تم .. ماخبرت حد هههه سرت حجرتيه وقلت بررقد ساعتيــن عالأقل عسب اكون مصحصحه .. تجلبت يمين يسآآر امررة ماشئ . . طااااار الرقـــاد :78: قمت تسبحت وخلاف كشخت بذيك المخــورة وريت العرب يلمون قشآآرهم .. وظهرنا والوجهه صوب " الفجيرة " :77: طبعن صورت طشــونه ياغير مالي بارض انزل الصور . . استانسنــا وخلاف رديــنا . .:141: ماتم شئ عن 4 - 12 - 2011 . . بالتوفيج لكل طلاب الثنويه العــامه .. http://www.al5haili.com/vb/images/smilies/1.gif |
مسااكو درآســـه . . :77: شحالكو وشحال عربــكو وعلومكــو ؟ نشيت الساعه 8 ونص وقبظت كتــابيه http://www.al5haili.com/vb/images/smilies/1.gif انا من النــوع البطــــئ جدا جدا . . عآآدي ايلس عالدرس الواحد ساعــه او ساعتيــن . . البارحه ذاكرت 5 دروس واليــوم بككمل البااقي . . نآس مستانسه باليوم الوطنــي ونآس تكررف . . :77: الله يساامحهوو بس نتــلاقى عالعصير إن الله راد . . برررب |
الســلام عليــكم ورحمه الله . . شحااالهوم عيال الثانــويه العامــــه . . ؟ http://www.al5haili.com/vb/images/smilies/1.gif اليــكم علومي ---> تأثير امتحان اللغه العربيــة الله يسلمكم نشيت الساعه 5 وقبظت الكتــاب والله كنت متروعه ماعرف ليــه ..! وخلاف سمعت الأذان قمت تمسسحت وصليـــت .. راااحه فذمتيه رااحه ظهرت ريت ابويه يتريــق يلست ومزرت بطنــي هههه . . كنت حاسه بتوتر وحفــوز فظيع . . قبظت مصحفيه وقريت قرآن . . وخلاف تسبحت وتلبست ووصلت المدرســه عالساعه 8 إلآ عشر . . ركبت فوق وسلمت ويلسنا نرااجع يميــع . . خلاف يتنا بنيـــه قالت : بنات لجنه الثانويه العامه صوب عــواشر . . شلينا بعمارنا هذآك الصوب . . وزعوا الأوراق . . سميت بالرحمـــن وقريت الدعاء وفتحت الدفتر . . :77: وحليـــــت والحمدالله الامتحااان روعــــــــه سهل . . بدعت من خااطريـــه . . ويوم وصلت للتعبير " السيرة الغيريه " وانا اكتب ومتحمسسه خلص الحبر هههه . . رفعت راسيــه : أبله الحبر خللص . . اريد قللم ..! الابله : من وين اييبلج قلم . . صديت صوب رباعتيه كل وحده رافعه قلمها وحلييلهن وهاي تقولي من وين اييبلج قلم . . :sneaky2: ماحفلتها مديت ايدي وخذت القلم وكملت حل . . وطلعنـــــا ونحن مستانسسين .. الحمدالله يااربيه .. رديت البيت وبشرت امايه . . وسرت حجرتيه مسكت الفون لقيت 8 مسسجات . . والعثررة لهدرجه انا مهمه http://www.al5haili.com/vb/images/smilies/1.gifhttp://www.al5haili.com/vb/images/smilies/1.gif ع فكرة انا الوحيــده فالعايله الكريمه ثانويه عامه . . محد فسسنيه http://www.al5haili.com/vb/images/smilies/1.gif كانت خالتيه ورباعتي و و الاهل . . رديت عليـــهوم ومن الفرحه قلت ببشركــو .. لي ددعا ماقصر والله لا هانـــه واللي ما دعالنا برآيه :77: نزلت امتحانات الفيزيآء من الموقع . . وببدأ عقب صلآة الظهر ان الله راد . . زين اني دارسه وحدتيــن قبل براجعهن وبدرس الباقـــي . . وخلاف بخبركــو بموقف شفته البارحــه . . متغصصه منـــه إلا أكتبه هنه :sneaky2: أريد افرغ لي فخاطريه ههههه http://www.al5haili.com/vb/images/smilies/1.gif دعواااتكــو . . BRoOb |
مرحبــا . . خطف الأسبوع الأول البدايه كانت سهله ( عربي ، فيزيا ، علم النفس ) عيشونــا أحلام ورديه وبدايه خير . . ياغير علقنــا فالأحياء واليوم الطــامه الكبرى " فالديين " مابقول شئ ولا بعلق عالامتحآن . . المهم خطفت قلت بسلم عليــكو . . دفنتو بقعتيه تحت ماعلينا أهم حايه الأخلاق :77: واسمحوليــه الحينه بسير اوطي راسيه . . أحس بككتمه وغصـــه . .! brb |
السلام عليـــكم ورحمه الله . . جمعـــه مباركه ياعرب زايــد . . يتصفح الموضوع حالياً: 2 (2 من الأعضاء و 0 من الزوار) شيخه الغيـد !, maroko0o يامرحبا الســاع منوره الشيخه . . http://www.al5haili.com/vb/images/smilies/1.gif علومــكو . .! يقولكم شيخه الغيد تحوط فالبيت بالجاكييت ومتلبسه دلاغ وفوقهو وقــايه http://www.al5haili.com/vb/images/smilies/1.gif ناقصنيه القفاز بس . . ههههه الجو بااارد هالأيام امبونه غاوي فالشتــاء اليوم سرت بيت يديه . . تغدينا عندهو ويلسنا سوالف طشونه وخلاف ترخصنآ لانه " شيخه الغيـد ّ " ثانويه عامه هههههه امزح امزح http://www.al5haili.com/vb/images/smilies/1.gif رديت البيت وصليت العصر وقبظت كتاب الرياضيــات . . يالله هآنت آخر اسبوع . . ياني مسج من ربيعتيه تقول بتخطف عليه المدرسه يوم الخميس . . الله يسلمكو هاي ربيعتيه من زماااااان ياغير من انتقلنا وحولت ع هالمدرســه ماعدنا نتلاقى . . رديت اقراا المسج مرة و2 و 3 ارييد استوعب . . خلاف قالتلي مااوعدج بس برمس امااايه . . ترا الحلوة علمــي يعني بيخلصون قبلنا :خ8: ياعســاني ماخلا منها . . الله اكبررر واعظــم . . حان الآن موعد آذان المغرب وذلك حسب التوقيت المحلي لمدينــه " شيخه الغيـد ! " وضواحيها http://www.al5haili.com/vb/images/smilies/1.gif |
مساكم معطر بطــاعه الرحمـــن . . صوت يأثر فيني وااااايد . . مزاجيه يتغير 180 درجــــه . .! ان كنت مضايقه تطيير ضيقتيه . . ان كنت فرحــانه تدمع عينيه . . ان كنت زعلانه انســى زعليه . . سبحاآن الله . . القرآن يريييح فذمتيه راحه للفواد . . " ألا بذكر الله تطمئن القلوب " مابياخذ من وقتكو غير 5 دقآيق . . بتتعايزون عن هالدقايق تسمعون فيها كلام الله ..!! لي بيسمع أهنيييه عالأجر وع الرآحه لي بيحس فيها ولي مابيسمع اقوله " للاسف فرحت الشيطآن وخليته يغلبك وانتــه الخسرآن " ..!!! http://www.youtube.com/watch?v=OLjrkmsKV2w&feature=related تذكرون الموقف لي كنت بخبركو عنـــه .! شفت بنتين ذاك اليوم فــي السيارة وحذالهو سيارة فيها 2 شبآب . . ولآ اقولكو الله يستر عليييييهن ياااااااارب ويستر ع بنات المسلمين ويهدييهن ويصلحهن قولو آمييين . . آنا مش من النوع لي دوم خاري لا انا اكثر وقتيه فالبيــت . . اسمع بالسوالف من البنآت احيانا مااصدقهو لانه لي يقولونه فضيييع !! ياغير من شفت ذآك الموقف بعينيه وانا متغصصه تدرون شو دار فبآليه يوم شفتهن جذا . . يا ترا هالبنت شو بتقول لربهـــا يوم بيسألها ..!!!!!! معقوله شئ نآس غافله للحين ..!!!! استغفر الله العظيييم واتوب اليـــه . . لآ إله إلا أنت سبحآنك إني كنت من آلظالمين . . دعواتكو باجر عندي امتحآن رياضيات الله يسسهل علينا . .http://www.al5haili.com/vb/images/smilies/1.gif |
صبآحوو http://www.al5haili.com/vb/images/smilies/1.gif بخبركو بتفاصيل يومي اقصد فترة الصبآح ههه ! وصلت المدرسة عالسآعه 8 . . وسرت فوق من الدري لي صوب صفوفنا ( سابقا ) طبعا عواشر محتليين البقعه . . وانا أمشي اسمع اسميــه ( شيخه ) صديت بابتسامتيه المعتآده وسلمت ع فلانه وفلانه و و . . كالعادة محبوبه الجماهير :77: أكيد تقولون عنيه خقااقه ورافعه خشميه عالبنآت !! ابدد انا قمه فالتواضع http://www.al5haili.com/vb/images/smilies/1.gif سلمت علييهن ودخلت الصف وريت كل وحده عينها فالكتآب . . شيخه ( بصوت مرتفع نوعا ما ) : السلام عليـــكو والرحمه . . سمعت همس وعليكم السلام . . . ولا رفعن عيونهو صوبيه . . تميت اطالعهن كل وحده يالسه حذال ربيعتها تفهمها . . يلست فمكانــي . . التفن حوليه : شواخ فديتج فهميني هالسؤال ..!!! من عيـــونيه http://www.al5haili.com/vb/images/smilies/1.gif يلست افهمهن وافهم منهن . . خلآف ضوت المراقبة ووزعت الأوراق . . سميت بالرحمن وبديييت أحل . . أششكر فنه لي حآآطنه http://www.al5haili.com/vb/images/smilies/1.gifhttp://www.al5haili.com/vb/images/smilies/1.gifالحمداللله خلصصت وصديت اتطمش عالبنات حالتهن صعبه مخلصصات ولي راقده ولي تتأفف . . قلت بلعوز المراقبة بطريقه غير مبآشره ههههه انا ثالث وحده فالسيد وهيه مجابلتنــي . . بندت الدفتر ورفعت راسيه صوبها وابتسسمت تميييت اطالعها واطالع و و و http://www.al5haili.com/vb/images/smilies/1.gif اطالعتنــي حست اني اشوفها الابله بابتسامه : شئ فخاطرج حبيبتي . . شيخه : تبون الصدق انا سررحت بس هب فويهها . . كنت افكر فشئ ثاااني !! الابله تلوح بايدها : ياحلوة . . شيخه : لبيـــه ! الابله : شئ فخاطرج محتايه شئ . . شيخه : سلآمت راسج . . تمت تتطالعني ويوم تطيح عينها فعينيه تصد الصوب الثاني .. هههههههههههههه شبلاها هـــاي اسميها سوآلف صديت صوب ربيعتيه وحطيت راسيه ع الطااوله وغمضت عيونيه عن تتحراني معجبه فيــــها هههههههه وبآجر جغرآفيآ http://www.al5haili.com/vb/images/smilies/1.gif الله يسهل . . |
الســلام عليكم ورحمه الله . . شحآلكو وعلوم امتحآناتكو !! وانا فالقسسم بحدر مدونتــيه لفت انتباهي . . . http://im21.gulfup.com/2011-12-12/1323691741761.png منــوه قيمنيه . . . :191: ! يانــي فضول يالله خبرونــي عسب اشكركـــو . . http://www.al5haili.com/vb/images/smilies/1.gif الحمدالله امتحآن الجغرافيا كان سسهل ياغير غلطت طشونه !! بس هو سسهل .. عقب الامتحآن ظهرنا برع نتريا سياييرنا . . كنت يالسه عالكرســي لي صوب الإدارة . . ورافعه غشوتيه البنات سوالف وضحك وعلوم وخربطان خلآف نشت وحده . . ربيعتي : شواخ قومي بنشوف السيآرة ! قمت وياهآ واستغرربت ليه البنات متيمعآت جذآ !! غريبه ! ربيعتي : شوآخ تغشـــي شئ شباب هنـاك !! آيواااا جيـــه السالفه عيل . . منوه يقول شويخ بتسسكت . . تخيلو مجابلييين بععض الشباب فالسيارة والبنات فالمدرسه . . فهمتو صح !! والله ماااشئ مسستحـــــى ..!! عطيت ربيعتيه الكتآب وتلثمت بالشيله وسرت صوب البنآت . . ( هب من كبررهن صف سآبع وثامن ) وعطييتهن ذيك الهزبه المحترمـــه . .:11: صدق المذهب ضـــاااايع !! اسمحوليه عصبت http://www.al5haili.com/vb/images/smilies/1.gif بس ينرفزون الواحد . . ماعلينا الله يستر عليييهن وبآجر عندي امتحان انقلللش http://www.al5haili.com/vb/images/smilies/1.gif أحلـــــــــــــى طآآف فالتقويم يبت 93 بالحظ هالماده عقدتيه ياغير أدري كلله من برع الكتآب ليه أدرس http://www.al5haili.com/vb/images/smilies/1.gifhttp://www.al5haili.com/vb/images/smilies/1.gif بسير فيآ امايه نفصل عبــي للسفر " العمره " وباخذلي غشوتيــن . . يالله يا حلوين نتلاقــى ع خير . . فداعه الله . . |
وش ذا الامتحـــان :21: هههههه والله انــي ظهرت من الامتحآن اضحك . . يتنآ المديرة تآخذ آراء البنـــات لازم كل يوم تكتب تقرير . . المديره : ها بناات شو الامتحآن ! البنـــات بصوت واااحد ههه : صصصصصصصصصصصصصصعب :21: ع فكرة عقده عدنآ الانقلللش هههه الله يستر . . الرايتنق عن اليــوم الوطني . . لو تشوفون التخبيص فالعربي بنمشي وبنتفلسف ياغير فالانقلللش كيف مانقدر :21: انا كتبت حول 22 سطر مشيت حالي . . يوم ظهرت سرت صوب الشله اول ماشافونـــي فطسسن من الضحك كل وحده تمت تقول شو مخبصه الاجوبه تضضحك الله يعين لي بيصلحون هههههه وحده ماتعرف شو يعني علم وحليلها تبا تقول انه فوق كل بيت علم وجذآ . . كتبت ( I See picture with 4 color ) ههههههههههههههههههههههه فديت روحج يا فطيـــــم ههههههه . . وياااحيهم العلمي خلصو وافتكـــو . . ونحنا ورانا history بآجر http://www.al5haili.com/vb/images/smilies/1.gif الله يسسهل علينا يااربيه . . |
صبآح الورد http://www.al5haili.com/vb/images/smilies/1.gif بكل حمآس نشيت اليــوم دعــواتكو اقتصآد " آخر يوم " . . بخبركو بموقف البآرحه . . متعوده عقب صلاة الظهر أخذلي قيلولـــه . . حطيت منبه لصلاة العصر ورقدت . . سمعت المنبـــه أدور الفون وانا مغمضه عيونيـــه ومتعآيزة . . آخر شئ سويت طاااف قلت برايه خله يررن لين ينقع . . ههه ماحسيت إلا بالمتوحش أخويه حآدر الحجرة بوزار وفانيله وشعرره هههه لا يوصف ومغمض عين وفاتح الثانيه الاخ كان راقد وحجرنا فنفس القسسم . . اخويه : شوييييييخ . . شيخه الغيد : أحلى طااااف http://www.al5haili.com/vb/images/smilies/1.gif تم يحوس فالحجرة يدور المنبه ورقعه وهزبنيــــه عنلالالاتج يوم بترقديين لا تصدعين . . . . . . . . . . . . ماسمعت التكمله وطاااااااااااااااخ رقع الباب . . لو فتحت عينيه كان بيهزبنيه زود . . هههه من جذآ خليت عمري راقده http://www.al5haili.com/vb/images/smilies/1.gif ع فكررة هو طيب ياغير من يرررقد يتحول . . همممم اسمحوليه بغيب فترة عن المنتــدى . . حول 10 أيام اذا بتتولهــون عليه خبروني مابغييب . . http://www.al5haili.com/vb/images/smilies/1.gif أسوي دعابه فيااكو . . http://www.al5haili.com/vb/images/smilies/1.gif نطلب السموحه منكو الواحد هب ظامن عمرره . . ومدونتيــه لا تدفنونها . . ربيه يحفظكو . . فدآعه الله خويتكم " شيخه الغيـد ! " كانت هنــــا :77: |
كح كح . . مغبرررة البقــــعه . . السلآم عليــكو ورحمه الله .. شحآلكو عرب زآيد .. ! كلن بحآله . . علومكو ! تولهتو عليـــه أدري مايحتآي تقولون . . :78650: يآمرحبآبكوو مليــــون . . أخويه راعي نوق وختيه سلفر ماعليكو زود لا هنتو عالتقيييم . . وبقعتيه خلاص نظفتهآ ودخنتها . . http://www.al5haili.com/vb/images/smilies/1.gif هالفتره قضيتهآ فبيت يديه . . غيرت جو طشــونه وكنت اتنقل مابين ( العزبه ( أكثر وقتيه هنآك نقصر الدوب فيها ) وبيت خآلتيه حذالهو ) واليوم رديت بيتنآآ . . استقبلتني آمآيه فالأحضآن . . كالعآده رمستها حفظتهآ صم . . امآيه : وااايه بنتيه جيه غاديه كركم مصصفرة وويهج ظعفآن . . شيخه الغيـد ! ( بمزح ): ما اقهر فراقكوو مااشتهي العيشه كله افكر فيكو . . طبعن صددقت فديت ريحتهآ واخوآنيه يضحكون . . اسمحوليه الحينه بردلكو خلآف ان شآء الله . . بيلس فيآ هليه . . http://www.al5haili.com/vb/images/smilies/1.gif |
بـــآكو . . عدنآ إليكم من جديـــد . .http://www.al5haili.com/vb/images/smilies/1.gif كنآ يالسين فالصآله انا وخوانيـــه 2 افتقد ابويه . . مسآآفر عنده ششغل وأجل سفرتنآ . . الله يرده بالسلآمه ويحفظه من كل شر . . انا عاللآب احوط فالمنتدى وأسمع سوآلفهو . . يرمسون عن الرجآب و المواتر والصنآعيه وخلآف بيتيمعون ماعرف وين !! سوآالفهو ممله ههه . . بخبركو بسآلفه . . الله يسلمكو فبيت يديــه كنت انش أول وحده من البنيـــات . . متعوده فبيتنآ انش من غبشه الرحمن . . آمايه مايعيبهآ اتم رآقده ليييين الضحى !! من جذآ تعودت لو أسهر لييين 4 المهم ذآك اليوم نشيت تسبحت وتلبست ونزلت عند العيوز . . ريتهآ يالسسه اروحهآ ابتسمتلها وحبيتهآ ع رآسها . . http://www.al5haili.com/vb/images/smilies/1.gif تمت ترحب وتمدح : مايطيييع زينج يا بنت . . . . . وماخربتي السآع وطاااحت فالبنااات هههه يلسنآ خآري نتريق . . انا سرت المطبخ ويوم رديتلها لمحت حرمآت عندها . . تمييت اتهندق الحينه بييلسن يحشن ويققرضن فالخلق . . سلمت عليهن وحده عيووووز اممرة و2 فسن آمآيه . . وأسمع سوالفهو إلا فلآنه تطلقت وفلآنه عرست وفلانه ولدهآ مادري شبلآه و و و و تبون الصدق سوآلف بوسنيده وبوشهآب ارحم بمليون مرره . . خلاف صدت صوبيه الحرمه : صف كم انتي الحينه ! شيخه الغيـد ! : ثنويه عآمه خالتيه . . الحرمه : ربي يوفقج ويسهل عليج . . شيخه الغيـد : آمين يميع ان شآء الله وردن ع سوآلفهو استغفر الله وانا منزله راسيه والعب بطرف شيلتيه خلآف ترخصت عنهو وسرت عند البنآآت شوفو شو سويت ! سرت فوق وفتحت البآب بدفآآشه ههه قلتلهن بأدب : انقفضضن مليييت يالسه روحيه !! البنآت : .......................................... سرت صوب الستآير وفتحتهن وفتحت الدرآيش لزوم التهــويه . . http://www.al5haili.com/vb/images/smilies/1.gif بندت الكندييشن ههه اطري المكيف وانا ظآهره سمعت وحده منهن : شوآآآآآآخ يالهر. . . يعلج بريل . . . . . . . . ! فتحت عيونيه ع وسعهن إهآآآآآنه !! ماروم اكتب لي قآلته ههه سرتلهآ وريت قلاص مآي من الغيظ صبيييته فويهها وربعت تحت . . :141::141: |
مسآكو رآحه بآل . . السآعه 4 ونص ظهرت خآري كنت وآقفه اتأمل الجو . . وخلآف سرت صوب هليه متيمعين فالخيمه شويه وضوآ عميه يعلني فدآه احببه هالإنسآن . . بمآ انهو متيمعين كلهو ( خوانيه ، عميه ، امايه ) فتحت موضوع للنقآش ههه !http://www.al5haili.com/vb/images/smilies/1.gif شيخه الغيـد ! : همممم آمآيه فديتج انا بظهر فيآ بنآت خالتيه بيسيرن المول و بو شهآآآب دآمك العود رخصنيه لو سمحت . . بوسنيده : نعم نعم ماسمعت عيدي وين بتسيرن !! شيخه الغيـد ! ( طالعته بنص عين ) : انا مارمسستك خلك بعيد مااريد اتنآقر فيآآك . . آمايه : شويخ حشمي اخوج دآمه هب رآضي مآشئ طلعه . . شيخه الغيـد ! : امااااااايه حرآم عليج انا شوقلت الحينه مليييت من يلسه البيت والله لاعت جبدي اريد اغير جو . . بوسنيده : جيه الدنيا فووضة اتحيدنه المول مترووس من هالمرغده اليوم ما شي سيراات قرن في بيوتكن ابرك . . بو شهآب : ماعليه بشلج انا وديه ثانيه . . ماتسيرين اروحج . . بوزت وييت بقوم وانا اقول فخاطريه مآحد غير ابويه يحس فيه . . الله يرده بالسلآمه . . عميه : شيآكم عالبنت وحليلهآ ماقالت شئ . . ماعليج فديتج انا بششلج وبحوطج بآجر من عيونيه كم شيخه ( قال اسميه الحقيقي ههه ) عندي إلآ وحده وشيختهن كلهن . . سرت صوبه حبيته ع خشمه يآ عسآني مآ خلا .. http://www.al5haili.com/vb/images/smilies/1.gifhttp://www.al5haili.com/vb/images/smilies/1.gif شيخه الغيـد ! : بآجر عميه ولي عقبه بوشهآب ولي عقب عقبه رشود انزين http://www.al5haili.com/vb/images/smilies/1.gif بوسنيده قآم ويا صوبيه : أصغر عيالج انــا رشود !! شيخه الغيـد ! : ههههه انزين خلاص رآشد بس لا تقرب صوبيه بتكسرنيه بوسنيده : هههه زين يوم تعرفين يالله اسمحوليه وبآس امايه ع رآسهآ وظهر صوب ربعــه . . وانا سرت فوق اتصلت فالبنآت واستسمحت منهن . . برررب يمكن اردلكو فليل . . أرقب انتقآدآتكو وتعليقآتكو . . |
«·• عِ ـُـلمُـني گًـبـرِياّئي •·» أنٍ أذِل منٍ أمٍآمٍي بُسِگوتِي بُنٍظِرٍآتِيً بُآبُتِسِآمآتِي .. مٍن غٌيرٍ أن أتِگلمٍ أو أنٍطَق بُحِرف .. وأن أسِتِفيدُ من غٌلطَآتِ آلسِفٍيهُ وٍلآ أعُطَيهُ وقِتِ مٍن عُمٍري .. أتمنى توصلكو هالمعلومـــه :77: وجمعــه مبآركه علينآ وعليكو . . brb |
BaCk ياحي من زآرنآ وخفف . . http://www.al5haili.com/vb/images/smilies/1.gif اسمحوليه الظهر كنت معصبه طشونه هههه . . اليوم يآلسين انا وبو سنيده انشوف المبآرآه . . مااحيييده يفوت مباريات العين تخبرته رب ماشر قالي ميهود طشونه . . امايه من درت وهيه اداااريه مدلعتنه عالأخير والحبيب مستآنس . . منسدح وحآط راسه ع ثبانها وهيه تلعب بشعره . . وانا يالسه اطالع المباراة وارمس البنآت . . لين انفتح موضوع شدني وصديت صوبهو . . امآيه وهيه تلعب بشعره : الحينه اللي فعمرك عيالهم كبر شويخ . . بوسنيده : امايه لي يسمعج يقول صكيت الاربعين . . بعدين فديتج بعدين . . امايه : يابويه اريد اشوف عيالكم قبل ماتغمض عينيه . . بوسنيده : عسى عمرج طوييييل يالغاليه . . والله كسرت خاطريه سرت صوبهم . . ورآشد حبها ع رآسهآ ويلس يرمسهآ من يومها اميييه تحن ع راااسهو عندي 3 اخوآن الله يحفظظهو ويخلييهو ولا واحد معررس مسوين اضرآآب . . http://www.al5haili.com/vb/images/smilies/1.gif قلتلها : اماايه لاتشاورينهم خطبييلهم وهم مايدرووون يستآآهلون . . عطاني نظره مابغيت غييرهآ . . قلتله : عوذ بالله شهالنظرآت بخبر ابوويه بتشوف . . و لآتنسى باجر دورك ! رد انسدح وقالي : بتبطين بسكو باجر بخبركو وين سرت فيآ عميه . . لحظه لحظه لحظه يتصفح الموضوع حالياً: 2 (2 من الأعضاء و 0 من الزوار) شيخه الغيـد !, *نظره مني تسدك* يعلني فدآها كتبتلي بيتين وحطيتهو فالتوقيـــع . . منورة فذمتيه يهمني رآآيكو . . دهمـــــانه بسير ارقد . . تصبحون على خير . . فداعه الله |
مرحباااابكو الســـــــاع . . دخلنـــا 2012 . . متفآئله واااااايد بهالسنــــه . . http://www.al5haili.com/vb/images/smilies/1.gif عسآها سنه تسعدنيه وتسعدكو . . ونفرح فيهآ يمييييع . . و كل عآم وانتو بخير وصحـــه وسلآمه ! وكل عآم وانتم إلى الله أقررب . . طبعن خوآنيــــه لا وجود لهم فالمنزل هههه ! كل واحد وربعـــه . . زعلت من بوسنيده اليوم دوره يشلني واشوف هالاجوآء عن قررب . . لكـــن خيرهآ فغيرها يا شيخه الغيد ! . . كآن فحجرته وانا واقفه عند البآب اطالعه . . تعطر هممم لالا اقصد تسبح بالعطرر ولف السسفره ع رآســـه بس رد فجهآ . . صد صوبيه بوسنيده : شويخ فديتج اكويلي السسفرة !! أنــا وكنت مضاايجه لسبب خآص : بقول للبشكآره تكويهآ بوسنيده : لالا ماباها انتي كويها شيخه الغيد : ان شاء الله بوسنيده : تعالي تعالي بلاج مويمه !! شيخه الغيد : ماشئ بوسنيده : ماعليــه من ارد بتفاهم وياج شيخه الغيد : يصير خير بسير اكوي غترتك كويتهآ وعطيته . . ابتسمليــــه انجبرت اردله الابتسآآمه . . الله يحفظـــه هو والبقيه الصآلحــــه . . وعالســــاعه 11 و50 حدرت المسن ربيعآتيه كل وحده تغآيض بششكل صكرته وظهرت خآري انا وختيه الصغيره . . الأجوآء تــــــرتوووب برررررررد تيمدت . . وختيه ضآمه يدينهآ تدفي عمرررهآ وحليلهآ هذآ كله في سبيل الالعــآب الناريه . . يلسنآ نتطمش كششخـــه . . http://www.al5haili.com/vb/images/smilies/1.gif وعقب ماخلصو تذكرررت انيه ماصورت شئ . . دوم افوت الاشيآء الحلوة . . ورديينا دااخل ختيه كانت تنود وطت راسها ورقدت .. بررررب بتصل فوآحد من خواااانيه خاطريه فبآآآسكن . . |
مسآء الوررد . . http://www.al5haili.com/vb/images/smilies/1.gif اليوم العصيـــر حوطنآ بوشهآب انا وامــــايه وختيه . . اسميه ماقصصر فديت خشمه . . سرنآ البحررر يلسنآ طشونه وخلآف طلعنآ . . قلتله بوشهآآب اريد من بآآسكن ! قآلي يافلآنه بتمرضين هب زيـــن البآرحه ماخذلج . . المهم ردينآ البيت . . خذتلي شور وصليت العشآء وفتحت اللآب . . http://www.al5haili.com/vb/images/smilies/1.gif خويه " رآعي نوق " يسعدني توآجدك الدآئم . . وتقييمكو المستمر . . يامرحبآآبكو . . BRB |
مسآآكو كسل وخمــول *! اليوم شيخه الغيـد كسلانه بششكل فظيع . . نشيت لصلآه الفير توضيت وصليت وقريت الاذكآر . . سرت صوب خواتيـــه وعيت وحده لانه الثانيه صغيره . . ماقآمت هب من طبعيه اسير عنهآ لازم تقوم هالمره سرت حجرتيــه وكملت رقآدي . . نشيت الساعه 8 و 45 جسمــي متكسسر واحس عمريه مدوخــه رديت رقدت وعالسآعه 10 ونص فتحت عيونيه حسيت بصدآع فضييييع ! رديت اررقد فتحت عيونيه ولا بوسنيده ع رآآسيه . . رديت غمضتهآآ . . سمعته يقولي شيخه . . . . . . . . . . . ودخلت فعالم ثاااني ماعرف شو كآن يقول ! ورديت ارررقد لييين 11 ونص يلسست اطاالع السآآعه ياللله ها كللله رقآآآد . . ! توني استوعب قمت تسبحت وتلبست وسحيت شعريه ونزلت تحت . . محد فالبيييت !! سرت المطبخ اقول للبشكآرة وينهم تقولي كلو يسير بررع مايعررف وين سآرو مخلينيه روحيه فالبيت . . =( يلست فآلصاله شويه وضوآ خويه مطر . . اول مره اطريـــه فالمدونه . . يالله سمعونيه أحلى تحيه لبوغيييث * http://www.al5haili.com/vb/images/smilies/1.gif سلمت عليييه كان باايت فالعززبه من 3 أياام وعقب السلآم . . قالي : جيه يالسه اروحج ؟ شيخه : كنت رآقده قمت مالقيت حد مطر : ماحيدج شيخه : احس بخموول مطر : ههه انزين انا بسير اوطي رآسيه قومينيه للصلآه شيخه : مطررر والله بطفر يالسه روحي لا ترررقد مطر : تعبـــــــاااان بريح شويه قبل الصلاه شيخه : انزين انزين ضحك عليه وسآر . . وانا فتحت اللآب وقلت بكتبلكو علوميــه . . قرآءة ممتعـــه ههه . . http://www.al5haili.com/vb/images/smilies/1.gif |
السلآم عليكم ورحمه الله . . محتــــــارة أنا أنا محتـــــارة . . ! فتحت موقع نـــابو عسب اغير التخصص اللي اخترتـــه !! انا فخاطريه ادرس علم نفس ياغير الوآلد الله يطول بعمرره هب رآضي اتم فالعيـــن روحيه خالتيـــه وعميه نص هلنآ هنآآك . . بس ماطآعو حتــى خوانيه هب عايبنهو ! وانا مش مقتنعه بفكره اتم عند الاهل قلت بتم فالسسكن .. احتشر خويه حمـــد استغرربت بس ماقلت شئ برآآيه اهم شئ رضااهو بدرس فجآمعه زايــــد بس ماعرررف شو اختآآآر !! ماعندهو تخصصآت تناسبني . . حطيت كليــه الآداب والعلوم يمكن لانهآ قريبه من التخصص اللي احبــه وعقب اسبوعين عندي امتحآن سيبآ رآيكو يهمنيه !!! |
آلسلآم عليكم ورحمه الله . . جيف الحال ؟ ياعسآكو ماتشكون بآس !! البـــارحه كنت يالســه فالحجررره ومضآآيجه واحس بكتمــه فصدريه تولهت على ابويـــه واااايد افتقدتـــه . . تميت اصيييح :sad: وانا اكتبلكو احس السبب سخيف ومايستآهل الصيآح ! ياغير لو عشتو فيآيه بتحسسون تميت فحجرتيــــه . . اندق البآآب قمت وفتحتـــه انا فيني طبع ماحب اصيييح قدآم خوآنيـــــــــه أبدد كان خويه حمد : جيه يالسه فالحجره تعالي تحت امايه تنشد عنج وخوانج كلهم تحت وانا اطالع الصوب الثاااني : ان شاء الله الحينه بنزل . . حمــد : شيخه .. شئ يعورج ! ع نفس الوضع رديت : لا حمد سر انا بلحقك الحينه بلبس شيلتيه حمد : مابسير .. شوفيني قبل ! رفعت عينيه صوبه حمد : ليش تصيحين !! اول ماقالي ليش تصيحين دموعيه هلللن :( امسح دمعه تنزل الثااانيـــه :(:( لوآ عليه ومسح ع شعري . . وعقب ماهديت قالي عسب ابويه صح ! قلتله : حمد والله تولهت عليــه متى بيرد اباا ارمس ودموعــيه يهللن والله رمستيه مقططعه ومخبقه بعد . . وحمد يقولي خلاص اهدي اهدي اذا تبين ترمسينه بدقله بس اول اهدي وعقب فتررره صخيت والله ظهرت لي فخآطريه كلله وانا اصييح ابتسملي . . وعطآني فونه رمسست ابويــــه فديييت هالحس والله كنت بصيح لولا حمد لي رآص ع ايديه . . خلاف بندت عنه ! حمد : تبين من بآسكن !! فدييته بوشهآب عسآآني ماخلآ http://www.al5haili.com/vb/images/smilies/1.gif ههههههه يعررفه عوقيه . . خلآف قالي تزهبي بحوطج . . قلتله : لا لا مااريد اظهر . . قالي : مآشئ عندج 5 دقآيق وبردلج بببدل كندورتيه خيستيها بدموعج وبنآخذ امايه وخوآتج . . حبيـــته ع رآسه وقلتله ان شاء الله . . تلبست وغسلت ويهـيه وحطيت جحآل عسب امآيه مآ تلآحظ ونزلت تحت . . طبعن سمعتني هزبـــه محتررمه ( منخششه فحجرتج شو عندج دآخل . . . . . . . . . . . . . و و و و و و ):21: اماايه تعق رمسآآت كبيره وانا فآجه عينيه :21::21: وحمد ومطر ورآشد وختيه مبتسمين غمزليه حمد بمآ معنآه خليهآ لا تردين سرتلها وحبيتهآ ع رآآسهآ واستسمحت منهآ . . وخلآف طلعنـــا انا وامايه وبوشهآب وختيه الصغيره استانسنآ وردينا قبل صلاة العشآء . . كنت بخبركو البارحه بس تعآآيزت وخلاف رقدت . . http://www.al5haili.com/vb/images/smilies/1.gif BROob |
سألـِوونيُ آيّ رجلٌ تحبينُ ..!! فقلتَ منَ آنتظرنــيُ تسععـةُ آشهـرُ..:$ وآستقبلنــيُ بدمووعـِه ‘ وفرححتـهَ ,, وربـآنـيُ ع ححسـآبٌ صححتِـهّ ,, هو الذيُ سيبقى آعظـِـِمُ ححبٌ بقلبــيُ للأبــَـَـدُ " آبــــيّ " آلهــيُ آمطره ‘ بفـرحَ منـِـِـِكَ ,, يـرويُ زوآيـآ روحهَ رضـى ,, بحجم السمـآءً لك الرب حـــــآفظ يالغالي . . نرقب طلتك عليـــنا ! تصبحــون على خير . . لاتنسون المنجيه من عذآب القبر . . نتــلاقى باجر ان شاء الله . . |
حيـــآكم الله . . جمـــعه مبآركه علينآ وعليكو . . خلصت اجآزتنآ بلمح البصر ! وبالأحد دوآمنا للاسف افكرر اغيب !!:thumbdown: بس احآتي النتااايج . . والبنآت متحلفآت لي بتغيب عقآبها عسير ع قولتهن ههه المهم زهبت أغراضيه الدراسيه . . (المريول، الشيله، القميص، الشنطه، الجاكيت ههه، الجوتي عز الله السامعين و و و و ) ماشاء الله اغرآضنآ ماتخللص ههه . . دخلت تسبحت وغسلت شعريه ولبست مخورة تدخنت ودخنت شعريه و حجرتيــــه وممر القسم . . عآد انا والدخون وددهن العــود ربآعه يالبــآ والله لو تشوفونيه ادمآآآآن خليت شعريه مفتوح يتنفس ماحب المــه وهو خرسآن وتجحلت وتعطرت ونزلت تحت وانا عالدري لمحت عيآل عميه رديت فوق مافي مجآل انزل ريحتيه شآله البقعه خذت فونيه 6 مسجآت طبعن عن يوم الجمعــه رديت عليهو وقلت برمس ابويه رصيديه 2 فقط هههههه ! ضحكت على عمريه وفنفس الوقت حدر بوسنيده يا فوقته شليت فونـــه ورمست ابويه . . تآخر وآآآآآآآآآآآيد >< يالله ترده سآلم غآنم . . خلآف بندت وتميت استهبل ع رويشد وهو مندمج فالفوون . . قلتله رشـــود ياخي عررس وفكنآ طالعني : لا انا مابعرس لين ماتعرسين شيخه الغيد : ايهآآآء بتبطي الســـــاع مامنك فايده برمس بوشهآب .. ضحك : مادريتي وانتي ام العلوم خوج رمس امايه البااارحه . . فتحت عيونيه ع وسعهن : فذذمتك . . تم يضحك انا من الصدمه ربعت بنزل تحت ولا اسمع راشد : تعــالي عيال عمج تحت وين سآآيره جذا ياهي حـــاله عطني بتصلبه . . رمسته وتأكدت من الخبر واخيييييييييرن هههه . . فديت خشمه يستآهل بوشهآب يعلني ما ذوق حزنه اللله يسسسسعده يآآربيه . . قولو آمييييين ومن سارو عيال عميه وانا فيآ امايه اقولها فلآنه تقولي لالا ماتناسبه تقولي فلآنه اقولها لالا . . " و جــــاري البحث عن عروس تليق بالشيخ حمـــد . . " |
آآآآخ يا مطرررر ! الله يسلمكو اليوم عدنآ عزيمـــه فبيت خالتيه امايه شلت خواتيه وسآآرن . . كنت محتارة اسير ولا خلاف قررت ايلس فالبيت ! بوشهآب مادريبه وين سآآر ورآشد مب موجود كالعــاده . . وبوغييييث حطو تحتها مليون خط . . ندممت اني ماسرت فيا امـــايه . . الحبيب عآآزم ربعـــه عالغدااا . . شويخ سيري رتبي الميلس شيخه حطي مادري شوه و و و . . نزلت ودخنت الميلس ورتبت الفواله . . رفففعن ضغطيه هالبشآكير اقولهن سون جذآ يخربطن الدنيآ . . وصلو ربعـــه وكل شويه يزقرني شييييخه وشييخه ! ولللحينه متواجدين فالميلس . . الله يصبرنيه عليك يا مطر برب بصلي العصير لي بآك خلاف . . |
يآ صبآح النـــور من بعد العتيـــمه . . http://www.al5haili.com/vb/images/smilies/1.gif وحليلهو لي دآومــو اليوم . . الله يوفقهو سويت لي فرآسيه وغبت . . تبون الصدق نشيت حسيت برآسيه ثجيييل !! قلت فخآطريه خلاص مابدآوم . . :77: عقب ماسويت الروتين اليومي ( تسبحت وتلبست . . . . . .الخ ) نزلت تحت الجمــاعه كلهو زآهبين وكلن بيتوكل صوب دوآمه . . تريقنآ ومزرت بطنــيه ههه . . والحينه فااضيه ماعندي شئ . . قلت بفتح اللآب وبشوف البنآت . . برب |
السلآم عليكو ورحمه الله . . شحآلكو عرب زآيد . . كلن بحــــاله ! بديت دوآميه اليوم . . قمت الصبح السآعه 6 : 55 وصليت الفير الحمدالله لحقت قبل الشروق ! كنت اسمع المنبه واحطه غفـــوه . . استغفر الله وصّلنآ مطر الله لا يراويييكو معصصصب ويزاعق انا شو يخصنيه !! ختيه تأخرت !! المهم وصلنآ بالسلآمه . . توجهت صوب صفنآ استقبآل بآرد ههه . . نزلنآ الطـــابور . . وقالت المديرة الغآيبآت يظهرررن !!!! ظهرنآ وسمعنا هزبه محترمــه عالصبح . . بآختصآر كان يوميه متعب لدرجــــه فضيعه . . تخيلو معآيه اول يوم اداوم فيه . . * حددوا ايــام الامتحآنات (19 - 1 ) انقللش . . (25 - 1 ) عربي . . ( 30 - 1 ) دين . . * باجر عندي امتحآن انقللش عن الحضــارة :thumbdown: وامتحآن عربي عن الغمــوض فالشعر ! * يوم الاربعــاء عندي شرح درس . . [ فحصه العربي شافتني الابله وهيه مبتسمه حيا الله شيخه حيا الله الغايبين فديتج بغيتج تشرحين وياايه درس . . خلاف قالتلي لا خلاص انتي مش مخيره بتشرحينه ويايه !!!! ] * نقرآ قصه بالانقللش ونشرحهآ يوم الخميس آخر يوم !!! * بروجكت الانقلش نكتب قصــه ونرسمهآ " ابدآع الطالب " !! نحن يالله يالله :thumbdown: * مجسم عن الحضآرات وتباه شئ رآآآقي ونرمس عنه . . كيف نسويه مادري !! * غير بوربوينت درس الاقتصآد . . * بحث الدين وشروطــه عسب نحصل علآمه كآمله . . * يوم السبت عندي امتحـــــــــان سيبآ ( 14 - 1 ) !!!!! فذمتكو !! شو شعوركو من اول يوم !!! والله حرام عليهو رديت البيت هلكـــــانه تغديت وصليت العصر ورقددت لين 6 ونص ! صليت المغرب ورتبت جدوليه . . وتوني فتحت اللآب ادور تقرير عن جزيرة كوريآ موريآ واهميتهآ الاقتصآديه وببدآ فبوربوينت الاقتصـــاد ! دعـــوآتكو اقل شئ تسوونـــه . . " الله يوفقنا وايسرلنا كل صعب ويعيينآ ويرحمنا برحمتـــه " ومايندرآ بآجر شهآيدنا ولا لا . . الله يستر !!!! |
مرحبآ بخطآر بقعتيه . . نورتوا بخطفتكو . . عندي بشـــارتين . . الاولى ابويه رد بالســــلآمه . . ياااحي شــوفه ردت الروح فيــــه . . مابقولكو شو سويت يوم شفتـــه هههه ! البشآرة الثانيــه استلمت شهآدتيـــه . . رفعت الرآس وبيضت الويــــه . . احمد الله اول شئ هذاا كله بفضــله سبحآنه . . ثانيا اشكرر " امـــيه لهآ الفضل الكبير " ابـــويه يعلنيه فدآه خوآآنيــه خواتيه . . هليـــه نفرر نفر . . وانتو " خطـــــاريه " ماقصرو لي دعولي . . الله يسعدكو دنيآ وآخره ياااربيه ويوفقكو ويريح بآلكو . . كلهو استآنســـو وابويه حلف بآجر العزيمه عدنآ وبيذبحــون قعود . . ريت الفرحه فعيونهو . . انا اعلى نسبه بين خواتيه . . اكثر وآحد استآنس من خوانيه بوسنييييده ههههه ياعسآني ماخلآ . . يوم توزيع الشهآآيد رديت البيت وانا فرحـــانه . . 15 مسسسج !!! فذمتيه انهو 15 اسستغربت يتريوني ابشرهو !!! مااقدر اوصفلكو فرحتيه . . بس حسيت اني قدهآ :77: شهآدتيه كلها a باستثنآء الانقلش b الحمدالله الحمدالله الحمداللله . . اللهم لك الحمد كما ينبغي لجلال وجهك وعظيم سلطانك ان شاء الله الفصل اليــاي نسبتيه تكون أعلى واعلى . . استقبل التــهاني والتبريكآت على ملفيــه ولا الرسآيل الخآصه . . ;) ويااامرحبآآبكو . . |
مَآ آجْمل أًنْ نًڪْسًب أًشْخآصًآ . .* لآ يجيدونْ آلتصنّعْ . . ولآ يَتلآعبونْ " بآلآقْنــعَـهُہۧ " قدْ نَغيب فَجآة عنْ أَعْينهم . . لڪـنْ لآ نغيب عنْ قُلوبهم [ أبدًآ ] :rolleyes: " مجرد بصمهُہۧ " . . * ! يوم سيظل في قلبـــي ولن انسى تفآصيلهُہۧ ! شڪرآ . . لڪل من توآجد وشآرڪني فرحتـي . . فاتتكو العلوم . . :191: ان فضيت بخبركو . . واذا ماكتبت رآحت عليكو . . خآلفتكم العآفيه |
UP up up up up up up ترقبــــوني قريبآ . . :191: |
آلسلآم عليكو ورحمه الله يآذي البقعــه من زمآن أعديبهآ . . اسمحوليه عالقطآعه !! إليكو آخر علوميه :191: * طلعنآ رحلــــه هههه يآحينا والله غيرنآ جوو . . :77: ياغير السلبيـــات فهالرحله لا تعد ولا تحصـــى !! أشياء فضيعه الله يستر علينآ ياربيه . . * امتحنت سيبآ شلوني مطر وبوسنيييده تلعوزت لانه ربيعتيه مآيت !! وانا بطبعيه خجوله طشونه ماحب اسير بقعه بروحيه هب متعوده قلتلهو مابنزل روحيه . . تمو يغلسون عليــــه :thumbdown: مطر يقول جمله ورويشد يستهبل فيآه وانا كآتمه غيضي خلآف قال : توكلي عالرحمن يالله بتم معآج عالخط لين توصلييين ! نزلت ومن حدرت وريت كمن وحده اعرفهو قلتله خلآص بند !! اما الامتحآن كان زين لاهو سهل ولا هو صعب . . الريدنق كان اصعب شئ ! * تم العثور على حرم للشيخ حمد ويوم الخميس بنسير نخطبهآ الله يسعدهو . . قولو آمييين . . والله انه طيب هالإنسآن غير خوآنيه ! اسميهآ ربحت لي بتآخذه ;) * الحمدالله درآستيه طيبه . . * أمّآ اليوم الصبح وأنآ نآزله بلبس المدرسه ريت ذآك الويه السمح " أبويه " يعلني أسد عوقه . . سرت وحبيته ع رآسه . . لبست عبآتيه وسرت صوب البشكآرة بشل غشوتيه سنه لين تكويهآ :70: سمعته يقول : شيخه بويه تعآلي اشربي لبن بوش أشرت ع خشميه ، عطآني نصآيح وخلآف تم يدعيلي . . يالله ارزقني برهم . . عسآهآ الجنه مثوآآآهم بلآ عقآب وحسآآب . . الله يبعد عنهم الحزن والضييييقه ويفرج همومهم . . الله يجعل أيآمهم كلهآ فرح ورآآحـــــه . . آآآآآميــــــــن . . نتلآقى على خير ان شاء الله . . |
إذآ آلعين لم ترآك فإنّ آلقلب لن ينسآك الُلُھمً أَرَحُمً مًنِ أَشًتُاقُتُ لُھمً أَنِفَسٌنِا وھمً تُحُتُ الُتُرَابُ . . *! |
| الساعة الآن 05:09 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir