|
~||لَوْ قآآلّت أختّك ،، {أنّآ أحّب}..!*||~ آڷسڷآم عڷيڪم ۈرحمـَہ آڷڷـَہ ۈبرڪآٺـَہ .. الموضوع عباره عن موقف ولو وضعت فيه شو بتكون ردت فعلك..! تخيل في يوم من الأيام " طبعا بيكون اليوم الأسود المنحوس " صارحتك أختك وقالت لك أنها تعيش قصة حب وأعجاب مع شاب.. شو بتكون ردت فعلك..! < ~ والله يستر من ردت الفعل عاد أولا..!* هل ستثور وتوسعها ضربا وربما مزقت جسدها ؟ ام انك ستتفهم الموقف وتكتم غيضك وتبحث عن الهدف من هذه العلاقة ؟ ام ستعمل على التفريق بينهما بأي وسيله وتبدأ في فرض طوق امني .. وحصار رهيب حول أختك ..؟ وهل ستخبر جميع افراد الاسرة ام ستتكتم على الموضوع و تحله بمفردك ؟ ماذا ستفعل بالضبط ؟ هذا السؤال ليس موجه للرجل فقط.. بل لك انت ايضا اختي بما ان الموضوع يخصك وانتي جزء منه فماذا في نظرك على الرجل ان يفعل في هذه الحاله ..؟ |
تسلم اخــــــؤيه ع الطرح برد عليك من ؤجهة نظري ؛؛ في مجتمعنـآ العـــآدات ؤالتقـآاليد ترفض الحب بشكل نهـآئي فئه قليله جدآ اللي تقبل بهالشي الؤاحد لؤ اخته صـآرحته احس بيـذبحهـــــآ .. ؤاللـه المستعــآن من اللي بيسؤيه .. حبيت ارد لؤ بشي بسيط .. |
السلام عليكم .. اول شي انا من النوع اللي ما يعترف بالحب .. احسه شي هب موجود هالايام .. المهم ؛؛ اذا صار ورحت لخوي و قلتله انا احب انتظر انه يسمعني للاخر يفهمني و يقولي انا صح ولا غلط و يفيدني بكل كلمه يقولها .. و يتفهم الموضوع بأي طريقه .. بس ما يخليني ع راحتي و يعرف منو اللي احبه و هل هو يحبني و لا و شو نيته ؟؟ اتقبلي مروري ؛؛ doblomaseyah |
مـررحبـاآ الغلآ ..، أولـاً : حبيت اشكررج ع طررح ..، ~ أنـآآ من راآيي أن يتفاهم ومآآيضرب لـأن ضرب لايب ولا يودي ولاينفع ومرات ينطبق المثـل ع اللي > بوطبيع مايوز عن طبعه < و مراات البعض يتوب من هالسوآلف لـأن هاي مرحله مرآآهقه ومـآآفي بنيه ماتمر بهالمرحـله كل البنـآآت يمرون فيـهاا ..، أنــآآ اقول الحل ان ينصحها ويتفاهم معااهاا و اصلن اذا يبا ستر حق اخته مابيخبر حد ولا بيخرب سمعتها ..، ~ وهـآآلشي انتشر ان البنت تحـب ..،‘‘ مثـل ماقلت ان اذا يبا يحل المشكله مايحرمها من اي شي فيه شي اسمه تفكير ..، ( والتفكيـر بعقلانيه ) ..، وأتمنـى أني مـآآقلت شي غلط ..ـ‘ تحيـأاتي : " رودي ..،"..~ |
قصه حب اول مايتبادر للانسان يعني علاقه مشبوهه حنا ناس ياهل الخليج عامه اللي يحب مايحتري العلاقه تتطور على طول يأتي الناس من ابوابها ويملكها حلال بمعنى الحب لزاد وقته كثرت بلاويه واللي يقول حنا ماعندنا قصص حب اقوله كلنامعرضين للحب وكلنا لنا مشاعر بغض النضر عن هل هو صح ام غلط يضل عنده قلب ومعرض للحب اما عن نفسي الله لايحطني بالهموقف وان صار عمر القساوه ماكانت حق دايمن تكسر الشي وتدمره التفاهم والتنوير وبعض التشدد (مفهوم الحب الوقت هاذا تغير بشكل سلبي شديد كلنا يعرف زواج نبينا ورسولنا اللهم صلي عليه وسلم لما اعجبت عائشه بأمانته |
وعليكم السلام ورحمة الله وبركاته. وش الهدف من هالمصارحة ..؟؟! تتريا لين ما اييها، وايدق بابهم، وتشوف ردة الفعل أول وبعدها اتصارح واتقول ..! لأنه اذا خبرته قبل، بيي في بال أخوها كثير من الأمور (أولها كيف عرفته، وكيف تشوفه ..إلخ ).! ولو اتخبر ابوها أحسن، لأنه الأخ أشد على البنت من الابو وهذا الشي معروف.! أما إذا كانت متأكدة أنه أخوها طايح ٍ في نفس دربها، فما توقع أنه بيقول لها شي وبيتفهم، لأنه عايشٍ نفس الحالة ..! يعني في ألأاخير: على حسب ..!؟ تسلمين عزيزتي.. لج الود. |
أمبييييييه أقوى شي سراحه مصيبه كككككك ما أعتقد في وحده عاقل عايشه في مجتمعنا تسويها أمبييييه لا لا قويه مافي "ذكر"ريال يتحمل هالموقف بيجتلها لا شعوريًا أو أقل شي أقل شي بيدقها دق وبيحرمها كل شي ,, من وجهة نظري الوحده الي بتقدم على هذه الخطوه المجنونه تتحمل عواقب وخيمه ومأساويه نوعًا ما ككككك >>> فديت الي يتفلسف عالصبح :d-uae09: وأيضا أوافق الراي اختي الهاموره كككك 100٪ ويعطيج العافيه عالطرح حبوبه والسموحه عالقصور ^_^ |
" السسلام عليكم ورحمه الله وبركآته ههههه السالفه من اولها مالها دآعي محلاني اطآلع ويه اخويه واقوله انا احب..هههه صصصعبه صصصعبه هع يعني انتي تتخيلين!! متوقعه شووو ممكن انه يصصصير.؟ عادي يسستويلج اي شي..وانه تهتز صورتج قدآم اخوج..مع انه كآن يثق فيج هذا اذا مآ كآن يتفاخر بج اللي يحب بييج من الباب ومآ يحتاي لها مصارحه السسالفه..امبونه حتى لو اخوج يحب وعايش نفس القصه..شتان الموقف بين الاثنين حيآه البنت غير عن حيآه الشباب في مجتمعنآ..مع ان الحب مافيه شي..بسس التصرفات اللي تييئ عقبه تصصرفات يهال لي يحب يخلص وما يخون واللي يحب يخاف عليج من هالموقف..لأن يدري الريال ما يرضى على حد من اهله كيف لو كآنت اخته ^^ يعطيج العافيه..~ |
الصراحه انا لو قلت لاخوي اتمناه يكسرني و يضربني و لا يتم ساكت و اطيح من عينه تراء النضرات اقوووووي من الضرب بمليون مره عاد كيف لو اخوج كان واثق فيج و الله ما بيحط عينه بعينج لانج خنتي ثقته فيج الحمد الله ما مريت با الحب و الله يخلي اخويه حبيبي لي و لا يفرق بينا يارب اقول لكل بنت تراء الريال اذا يحبج بيخاف عليج و بينصحج ما بيخليج تضهرين معاه و ها الحركات لو كان بقلبه ذرة حب لج بيقولج لا ترمسيني و بيج من الباب مب الدريشه بذكرلكم موقف وحده حبت واحد و هو كان صدق يحبها و بصدف طلع ربيع اخوها و اخوها اكتشف طاحت من عين اخوها و اخوها قطع علاقته بريال ياء خطبها اخوها سيده وافق و قبل لا يعرسون قاله من بعد اليوما ماعرفج و لا تعرفيني تخيلووو يستويبكم ها المووقف مع اخوج سندج بدنيا ما وقف معاج قالج ماعرفج و لا تعرفيني اتمني منكم خواااتي تنتبهون و لا تفرطون بمعني الاخوه لانه بدنيا محد بيحميج كثر اخوووج السمووووحه طولت عليكم و غثيتكم |
انا اتوقع لا يمكن البنت تقول لاخوها انها تحب لاني اشوفها بصراحة صعبة تصارحه و الاصعب تقبله للموضوع بدون فقد اعصااب ممكن اصارح اختي او امي و هي توصل الموضوع بطريقتها يسلمووو عالطرح |
راي انا اخويه لو يدري بذبحني أفضل أخبر خالتي لانها بتفهمني وبتحلل المشكله وثانيا هاذا الشي عندنا شي منقود |
| الساعة الآن 04:08 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir