|
قصة حب إماراتية : " أحبــكــ " .. قصة حب إماراتية : أحبكـ .. الجزء الأول : فبيت بو عبدالله (( الصبح الساعه 7:30 ، كانت العايله متيمعه تحت....يالسين يتريقون عسب يسيرون المدارس والدوامات.....)) حمده وهي نازله من فوق...: أفففففففف، اليوم السبت ....والله اني مب متفيجه اسير المدرسه اليوم... أم عبدالله : بسم الله....بل بل بل عليج انتي...الناس يسلمون مب يالسه تتاففين علينا من الصبح. عليا: هييه والله مريم : هاي البنيه ماعرف ليش جي تكره المدرسه.... حمده : أولا السلام عليكم..... وثانيا بس بس انتي وياها...لازم ترمسون...من حقكم...مريوم ما باقيلها غير سنتين واتخلص....والآنسه عليا هاي آخر سنه....لازم مستانسه...بتقتك محمد : انتي شو بلاج جي حقوده؟؟؟!!؟ ليش جي حاقده عليهم؟!؟!؟؟! حمده : عيل شو تباني استانس وارقصلهم..وانا المسكينه باقيلي 4 سنين... عبدالله : هييه والله مسكينه ....الله يعينج بس... حمده : فديته عبودي انا....والله محد حاس فيني غيرك... مريم : ماعرف شو يحب فيج يالبومه.. حمده : جب جب ..اذا انا بومه ..عيل انتي شو؟؟؟ (( بو عبدالله وهو نازل من فوق.....: شو السالفه....شو بلاكم بعد؟!؟؟! شو هالحشره من الصبح؟!!؟)) عليا : لا أبويه سلامتك ماشي....انت ارتاح بس ولاتحاتي شي.. بو عيدالله : فديتج والله... أم عبدالله : بو عبدالله....بسك لاتدلعهم وايد....انت جي اتخربهم.... محمد : اووووب اووووب العيوز اتغار هههههه أم عبدالله : لا والله يا وليدي....انا ماغار ولا شي.....بس والله مب زين جي امدلعنهن... محمد : هييه والله يا امايه....صح كلامج.... مريم : اذا ما يدلعنا نحن عيل يدلع منو؟!؟!؟! حمده : احم احم عبدالله : ههههههههههه.....هييه والله ..انتي الغاليه.....لازم اندلعج.... عليا : هههههههه....والله انها قاصه عليك... مريم : بس انزين بس....يلا حمود ..قم وصلنا المدرسه... محمد : شو جايفتني دريولكم وانا ماعرف!!؟!؟ .... بعدين شو حمود ....اصغر عيالج؟؟؟ مريم : بل بل ....انت ويه واحد يدلعك ويقولك حمود.....اوكي عبدالله...يلا قم وصلنا.... عبدالله : مممممم.....بفكر... حمده : يلا عبود فديتك...قم وصلنا المدرسه.... عبدالله : عشان خاطرج بس بوصلكم.... (( وسار عبدالله ووصل خواته المدرسه..وسار دوامه )) (( عبدالله عمره 24 سنه.....ومب معرس.... ويشتغل فالمطار.... ووايد هادي ووسيم..... ويحب حمده اخته وااااااا اااايد.... اللي عقبه محمد ....عمره 22 سنه....ويداوم فالمعسكر...ووااااااااااااااااااااااااااااااااااااا ااايد حلو (( احلى واحد فيهم ))....وراعي سوالف....وهو اللي يحلي الجو فالبيت...... بمساعده حمده طبعا.....ويحب يسير السناتر...ويغازل ....بس مب وايد.....لانه من جماله.....البنات هم اللي يلحقونه...وهو مشالله عليه ....مايقصر...بغمزة....ولا ببتسامه....ولا برقم احيانا.....عقبه عليا....عمرها 18 سنه....وهي صف 3 ثانوي....وهاديه ...ووايد حلوة..وبشوشه....ودايما مبتسمه...يعني الابتسامه ما اتفارقها....اللي بعدها مريم....عمرها 16 سنه....صف أول ثانوي.... هاي دايما منعزله....وغير عن الناس.... اتحب تيلس فالظلام....(( محمد يلقبها بالساحره )) .....ودايما محرجه....وماتحب تيلس ويا اخوانها وخواتها.....او بالاصح ما اتحبهم .....بس يا ربيعاتها ماشي احسن عنها....اما آخر العنقود...فهي حمده....عمرها 13 سنه....صف 2 اعدادي...وهيي الذراع الايمن لمحمد.....وشغلهم انهم يخلون كل اللي فالبيت مبتسمييين..... ولسانها طوييييل......بس مأدبه....ووايد حلوة....واجتماعيه....وشيطانه فنفس الوقت..... والكل يحبها... وشعارها (( اللي فقلبي ...على لساااني )) )) العصر....فبيت بو عبدالله محمد : امي انا بظهر شوي.... بمر على واحد من الربع....بس ترى ربيعي يالس فالميلس ام عبدالله : سير يا ولدي....وانا بسيرشوي عند الجيران... محمد : اوكي.....بس خبري بناتج... ام عبدالله : انشالله .... ((عقب ما سار محمد....سارت ام عبدالله....ونست اتخبر عليا.....وفنفس الوقت ..عليا كانت يالسه اتدور حمده...)) عليا : حمده.....حمده.....اففففففففف ....حمدووووووووووووووووو و صمخ..وينها هاي؟!؟!؟!؟....اكيد يالسه فالميلس تلعب بليي ستيشن... (( عليا ماكانت اتعرف ان ربيع محمد فالميلس...فسارت اتدور حمده هناااااك )) |
[align=center] الجزء الـــــثـــانــــي ----------------------- (( عليا ماكانت اتعرف ان ربيع محمد فالميلس...فسارت اتدور حمده هناااااك )) عليا : حمدووووو....حمدو يالبقـــ .....(( انصدمت عليا اول ماجافت حمد اربيع محمد ... وتمت واقفه.وهي منصدمه....وحمد نفس الشي منصدم مايعرف شو يسوي....بس كان يطالعها لان جمالها كان يجذب .....عقب خمس دقايق...عليا انتبهت ....وويهها استوى احمررررررر.. .....وطلعت من الميلس وويهها قااافط...وماتعرف شو اتقول....)) عليا وهي اترمس عمرها : اففففف شوها الفظيحه....اف اف اف...انا شو اللي يابني هنيييه.....كله منج يا حمدووو......الحينه شو بقول الريال عني.....والله اني بصييييييح... (( ومن الجهه الثانيه كان بعده مب مستوعب اللي استوى.....وهو مب مصدق...ومب رايم ينسى صورة الملاك اللي دخل علييه...... )) حمد يرمس عمره : شو ها.....ملاك....والله انها ملاك.....لالالالا..والله انها احلى من الملاك...احلى....الله عليك يا حمد....شو هالحظ.......ايييه ..انا شو يالس اقول....هاي اكيد اخت محمد....ومايستوي جي اقول.....ها يعني خيانه.....لالالالا...شو خيانه...ها اسمه حب من اول نظره ...ههههههه....انا شو يالس اقول.....بس والله انها...قمر ...قمر... (( ودخل محمد الميلس معاه اربيعهم سعيد....)) سعيد : مرحبا الساع حمد : مرحبتين بو الشباب...هلا والله محمد : اتفضل سعيد استريح... سعيد : دام فضلك...تسلم حبيبي... (( ويلسو الشباب يسولفون ويضحكون .... بس حمد كان فعالم ثاني...كان سرحان فعليا اللي ملكت قلبه وروحه فهالثواني... )) محمد : حوووووووووه.....حمد ....حمــــــــــــــــــــــــــــــــــــــــد... .اييه حمود.... وهني حمد انتبه : ها..شو ...منو ..ليش....شو السالفه؟؟؟؟!!؟!؟!؟؟!؟؟ سعيد : لا.....الحبيب سرحان....وين وصلت؟؟؟؟؟ محمد : ها...فمنو سرحان جي؟؟؟؟ههههههه حمد : هلا ....لا ماشي.....بس انا استاذن الحينه....لاون الاهل يبون يسيرون دبي..... سعيد : اوكي الغالي....بس لا اتقاطعنا ....ادريبك..انجوفك يوم...واتقاطعنا اسبوع....... حمد : هههههه...انشالله... محمد : اوكي عيل خلاص....باجر العشا على احسابك.... ههههه...شو قلت؟؟؟؟ حمد : هههههه بل بل عليك.....خلاص تم.. (( وسار حمد عن الشباب....وعليا كانت حالتها حاله....وهي اتفكر فحمد ..... الظاهر حبته )) عليا وهي اترمس عمرها : والله انه غاوي....وماينعاب....وحمود ما يرمس عنه الا بكل خير...بس انا ليش جي افكر فيه....جني ....حبيته... (( ومن جهه ثانيه فالبيت....حمده كانت اترمس ولد خالتها سيف فالتلفون....اللي كان اكبر عنها بسنتين .... يعني فنفس عمر مريم...واللي كان يحبها حب محد يتصوره >> مريم ......وكانت حمده هي الطريقه اللي يوصل لها .... ويسوي المستحيل عسب اتقوله شي...)) حمده : سيفو...انت شو بلاك....اقولك البنيه ما تنفعلك ....افهم يا ريال..افهم سيف : انزين ليش ما تنفعلي...والله اني احبها ...واموووووووووووووووووووووووت فيها... حمده : خيبه ...كل ها حب....انت ماتعرف مريم ..وماتعرف حركاتها.... سيف : شو يعني ...اي حركات؟!؟!!؟!؟!؟!!......يعني اترمس شباب مثلا...ولا شو بالضبط؟!!؟ حمده : انا مابقولك هيييه ...ولا بقولك لاء...بس...... سيف : بس شو!!؟! اففف..حمدو الله يخليج...فهميني...قوليلي شو قالت عني؟؟؟ حمده : اوكي بقولك...بس ماروم اقولك فالتلفون...انت تعال بيتنا...وانا بقولك كل شي... سيف : اوكي...باجر االعصر انا بكون فبيتكم... حمده : خيييبه ....من العصر شو تسوي هههههههههه سيف : ههههه يعني شو..طرده؟؟؟!!هههههههه حمده : لا...حياك الله فاي وقت....اوكي عيل انا بخليك الحينه .. سيف : اوكي...يلا باااي حمده : باي (( جاسم كان شاب وسيم ..... وكل وحده تتمناه...وكان يحب مريم...ويموت على الارض اللي هيي تمشي عليها....بس حمده ماكانت تباه يتعلق فيها....لان الكل عارف انها ما اتناسبه....لان هو طبعه بشوووش... ودايما يضحك ... ويحلى الجو معاااه.....بعكس مريم ...اللي ماتحب غير نفسها.... وتكره كل الناس.....وها هو الشي اللي كانت حمده تبا اتفهم سيف..وتقنعه فيه... )) [/align] |
الجزء الثالث --------------- (( وفنفس الوقت كانت مريم يالسه ترمس فالموبايل اللي اشترته حقها ربيعتها لولوة ... ومحد من أهلها يعرف...)) مريم : هييه..فديتك.....قصدي.....فديتج... ....... : أكيد موافقه؟؟؟ مريم : أكيد ...دامج موجوده هناك...انا بسير... ....... : اوكي...خلاص عيل ...اتفقنا... مريم : اوكي....انزين عيل حبيبتي ..... بخليج الحينه... ....... : اوكي....بس لا تنسين مريم :لا ما بنسى... ........ : فديتج والله....يلا عيل حبيبتي... مريم : يلا بااااااي ....... : باي.. (( كانت مريم اترمس واحد من الشباب اللي عرفتها عليه ..اربيعتها لولوة....ولولوة...وحده اتعرفت عليها مريم بالمسنجر...وهييي اكبر من مريم بسنتين..ووحده صايعه...محد من اهلها يدري عنها....يعني مب مهتمين فيها......واتطورت السوالف بالمسنجر لين رمسه بالتلفون....واتطورت اكثر...ومريم عرفت لولوة....وكانو دوم يزورون بعض..... وفجاه...رن التلفون..)) مريم : هلا والله....هلا وغلا بهالصوت...فديتج لولو...والله اشتقتلج.. لولوة : هلا فيج حبيبتي....ها...اشحالج؟؟ مريم : والله تمام...انتي اشحالج؟؟ لولوة : بخير دامج بخير ... ها بشري....اشحال اللي عطيتج رقمه؟؟؟.... آخر واحد مريم : والله انها عجيييييييبه لولوة : ايييه انتي....شو عجيبه!!؟!؟!؟ شو بلاج خرفتي...خليتي الريال يستوي بنت.. مريم : لولووه..لا تستهبلين ... انتي اتعرفين الوضع عندي... يعني ماروم ارمس فهالسوالف... لولوة : اها....اوكي شو قالج؟؟ ...سوري...شو قالتلج؟؟؟ مريم : والله ماشي..... بس عزمتني.. لولوة : يلا سلام.... وين؟؟ مريم : باجر العصر فصحارى .... فالكوفي شوب... لولوة : هيييه...بس انتبهي لا يجوفج احد .... مريم : لالا..لا تخافين...محد بجوفني.... ((وفهاللحظه...سمعت مريم حد يدق الباب...وخافت...وبسرعه صكرت الموبايل وحطته فمكان...محد يروم اجوفه.....وسارت بطلت الباب... )) عليا : مرحبا.... مريم : اففف...خير ...شو بغيتي؟؟؟ عليا : بل ....شو بعد شو بغيتي؟؟؟ ..شو اطر منج؟؟ مريم : اوووهووووو...قولي..شو عندج وخلصيني....مب متفيجه حقج... عليا : اول شي احترمي اللي اكبر منج مريم : افففف....جب انزين جب عليا وهي محرجه : صدق انج ماتستحين ع ويهج... (( عبدالله سمع الحشرة...وسار يجوف شو السالفه... )) عبدالله :شو السالفه....شو مستوي بعد؟؟؟ عليا : يعني ماتعرف اختك اللي ماتستحي عويها وسوالفها.. مريم : جب جب انتي....وبعدين انت مالك خص... عبدالله وهو محرج : علّا انشالله.... صدق انج ما تستحين عويهج...الظاهر يبالج حد يأدبج.. مريم : انت اللي يبالك حد يأدبك.. عبدالله : مريوووم....والله اذا ما سكتي...والله اني بظربج... عليا : احترمي اخوج يالخايسه.... مريم : هههههههه...جرب وجوف... (( عبدالله كان محرج وكان بينفجر.... وسار وعطاها كف خلى ويهها يستوي احمرررررررر من قوة الكف اللي عطاها )) مريم والدموع فعيونها : والله انك ما تستحي.. (( وسارت حجرتها وهي اتصيح )) عليا : حرااام....عبدالله شو بلاك.؟؟؟!! اول مرة اجوفك محرج جيي... عبدالله : شو حرام...خليها اتولي....تستاهل.....بعد بنت جي السانها طويل....شو ها!! عليا : هييه والله تستاهل .... ماتستحي عويهها جي اترمسك... عبدالله وهو ساير : لا تسيرينلها....ادريبج..وايد طيبه.... خليها تتادب شوي عليا : اوكي...هههههههه (( وسارت عليا حجرتها...وعقب شوي...سارت لها حمده...)) حمده : علايه.... عليا : هلا حمدو....تعالي .. شو بلاج واقفه عند الباب؟؟؟!؟! حمده : لا ماشي ...بس قلت بستاذن منج اول شي.. عليا : ههههههه...يالمادبه....من متى هالأدب كله...ههههه حمده : هههه...بعد...ربج....... الااقول عليو.... بغيت اخبرج شي.... هي سالفه...واباج تساعديني... عليا : هههه..اوكي يلا قولي... حمده : اوكي...بس بغيت اول شي اسالج...شو هالحشره كلها من الصبح؟؟ عليا : هييه..هاي مريوم الخايسه... حمده : افف منها...بعد شو سوت؟؟؟؟ عليا : يلست اتصارخ على عبدالله.....جان يصفعها... حمده وهي منصدمه : شو؟!؟؟!؟!؟!؟!؟!؟ مريوم....عبدالله.........شو السالفه؟؟ عبدالله صفع مريوم!!!!؟؟!؟!؟!؟!؟ عليا : هييه وكان محرج...انا اول مرة اجوفه محرج جيي.... حمده شوي وبتصيح : عبدالله!!!!!...فديته والله....وينه الحينه؟؟؟؟ عليا : سار حجرته ..... (( حمده ركظت وسارت عند عبدالله )) عليا : بسم الله ...شو بلاها هاي؟!؟!؟ههههههه |
السلام عليكم ... كمليها لاني ابا اعرف التكمله .. بليييييييييييز .. جد عيبتني فيها اكشن.. خخ |
اقتباس:
و عليكم السلاام .. نشالله بكملهااا .. مشكوورة الغالية ع الرد.. |
الجزء الرااابع ------------------------ (( واتذكرت عليا حمد....وتمت اتفكر فيه....اما حمد...فكانت عليا مالكه كل تفكيره....وكان يفكر فيها 24 ساعه.....فكل دقيقه وثانيه....فكل وقته كان يفكر فيها.....حمده كان شاب وسيم....عمره 22 سنه.....وكان ربيع محمد الروح بالروح....ومايتفارقون....وكان وااااايد مأدب ومحترم....ومحمد دوم يمدحه................ أما سيف فكان يفكر فحبيبة قلبه مريم ..... وكان يعد الساعات...عسب يسير بيت خالته ...عسب يعرف شو قايله عنه وكان يفكر وايد فاللي اتقوله حمده.... وهو مستغرب منها...ويبا يعرف السبب اللي يخليها تسوي كل ها....وتقول جي عن مريم... )) (( مر اليوم بطيييء بالنسبه لسيف .... وفاليوم الثاني العصر سار سيف بيت خالته )) سيف : مرحبا خالو... اشحالج الغاليه؟؟؟ ام عبدالله : والله بخير الله يسلمك .......اشحالك انت واشحال امك وابوك؟؟؟؟ سيف : تمام الله يسلمج.. ام عبدالله : استريح يا وليدي ... ليش واقف...ارتاح... سيف : تسلمين الغاليه... سيف فخاطره : افف منها هاي الجذابه....اونه بعد اتقول امي ما بتكون موجوده فالبيت....انا براويها... سيف : عيل وين محمد وعبدالله؟؟؟ ام عبدالله : محمد سار صراحى ...ماعرف شو اسمه.... وعبدالله سار عند ربيعه.. سيف : ههههه...صحارى خالو صحارى ...مب صراحى ... ههههه ام عبدالله : انا شو عرفني فهالسوالف يا وليدي... سيف : عيل حمده وعليا ومريم وينهم .؟؟؟؟؟ ام عبدالله : حمدو يالسه ويا عليو....بس مريوم ظهرت قالت بتسير عند ربيعتها.... سيف : هيييه (( حمده عقب ما سمعت صوت سيف ...نزلت من فوق )) حمده ..واونه متفاجأه : اووه اووه ...سيف عندنا.... هلا والله سيف....هلا وغلا بالغالي... سيف وهو يطالعها بنظره ..وهو مبتسم : هلا هلا والله.... اشحالج؟؟ حمده : تمام .....انتي اشحالك واشحال خالو؟؟؟ واشحال عيال الفريج؟؟؟؟ سيف : والله تمام...هههه ام عبدالله : بل عليج انتي... بس..... خلي الولد فحاله... سيف : لا خالو ..عادي ...خليها....متعود على خبالها... حمده : هههه...اقول امي..مابتسيرين بيت ام بدر؟؟ هي اتصلت تسال عنج... ام عبدالله : هييه والله....من زمان ما سرت عندها... خلاص بسير عندها ...بس مب الحينه... حمده : ليش؟؟؟ سيري الحينه احسن... ام عبدالله : وسيف...عند منو بييلس؟؟ سيف :لا خالو عادي...انتي سيري.... وانا بيلس عند حمدو... حمده : احم احم.. سيف : ههههه..لا اتصدقيت عمرج...انا بيلس اتريا عبدالله ولا محمد... ام عبدالله : خلاص يا وليدي...خذ راحتك .... البيت بيتك...وانتي يا حمدو ... لا تحشرين ولد خالتج... حمده : انشالله...ههههه (( سارت ام عبدالله لبست عباتها...وسارت بيت ييرانهم عند ام بدر )) |
الجزء الخااامس --------------------- (( سارت ام عبدالله لبست عباتها...وسارت بيت ييرانهم عند ام بدر )) (( فالصاله )) سيف : يلا يلا حمدو...شو السالفه؟؟؟ بسرعه ترى والله ماروم اصبر.. حمده : بسم الله .... صدق انك مصلحجي.. انا اتحرى ياي تسال عني ...ههههههه سيف : ماعندي سالفه اسال عنج هههههههه.... انزين يلا قوليلي شو السالفه؟؟؟؟ وشو قايله عني؟؟؟؟ حمده وبدت تتكلم جد : والله يا سيف ماعرف شو اقولك.... بس مثل ما قلتلك ... مريم ما تصلحلك... سيف : اوكي... ليش ما تصلحلي؟؟ حمده : انت ماتعرف مريم وطبعها.... وتصرفاتها... يعني انت لو اتعرف شو تسوي.... جان والله... ما بتسير صوبها... وبتكره الساعه اللي حبيتها فيها... سيف وهو مستغرب من رمسة حمده : حمدو .... فديتج.. ترى والله مب فاهم شي.... الله يخليج.. فهميني.... حمده : اوكي وكي.... اسمعني... مريوم وحده ما تحترم حد.... وماتحب حد... بس اتحب عمرها.... يعني الحينه تباها اتحبك انت!!!.... سيف والله انا اعرف ان هالرمسه تجرحك.... بس والله والله والله اني ابا مصلحتك.... وانت لو تسمعها كيف ترمس ويا امايه... ماكنت بتقول كل ها....يعني اذا هي ماتحترم حد .. بنقول اوكي ماعلي... بس حتى امها اللي لها حق عليها ماتحترمها....و... (( سكتت حمده لما جافت دموع فعيون سيف ..... بس هو مسحهم عسب ما تنتبه.... بس حمده لاحظت هالشي.... لانها اقرب وحده لسيف .... واتعرف اللي فباله.... لان سيف هو وحيد امه وابوه.... وماعنده حد يسمعه غير حمده .... فكان يعتبر حمده شرات اخته واكثر.... )) سيف : حمده .... انا ماعرف شو اقولج الحينه.....بس والله.... افف... والله ماعرف شو اقول.. حمده : لا يا سيف.... لا اتقولي شي الحينه....انا اعرف شو تفكر فيه الحينه... بس والله والله والله...اذا كنت حاط فبالك اني جذابه.... فوالله انت غلطان ....لان الله يشهد عكل كلمه قلتلك ....وبعدين مثل هالسوالف مافيها مصخره.... والحينه انا ماباك اتقولي شي .... بس اباك اتسير واتفكرفاللي قلتلك..... والله كريم.... (( سكت سيف وتم يطالعها )) سيف : اوكي... حمده : افف.... بس عاد .... والله اني استويت شرات امك ....هههههه (( سيف اطالعها وابتسم )) حمده : اففففف.... سيفو .... بس خلاص... اضحك شوي..... سيف : هههههههه .... اتعرفين شو فبالي؟؟؟؟ حمده : شو شو شو ؟؟؟؟ ... يلا قول.. سيف : بل بل بل ... شوي شوي عليي.... حمده : ههههه.... اوكي شو؟؟؟؟؟ سيف : خلاص... انا قررت... حمده : شو؟؟؟؟ سيف : قررت انج تستوين حبيبتي... شو رايج؟؟؟ ههههههههههه حمده : خسي والله ... ههههههههه .... خلني فحالي مرتاحه احسنلك ... يعني لا اتفكر انك تحطبني.. ههههه سيف : ههههه ... ويا ويهج....خلاص خلاص... انا من اليوم بحبج... اوكي حبيبتي؟؟؟ ههههه حمده : هههه ... لا فديتك... انا جي مرتاحه...... انشالله ماحب ولا انحب.... سيف : ههههههه.... والله انج سوالف. (( وتمت حمده اتسولف ويا سيف .... عقب 10 دقايق دخل عبدالله )) عبدالله : اوووه اووه... الحبيب عندنا اليوم.... سيف : هلا عبدالله... اشحالك؟؟؟ عبدالله : تمام .. انت اشحالك؟؟ سيف : تمام الله يسلمك....وينك ياخي... من الصبح وانا يالس عند حمدو.... والله خبلتني.. عبدالله : ههههه... فديت حمدو انا.... حمده : احم احم....ههههه سيف : بس بس بتصدق عمرها.... عبدالله + حمده : هههههه (( ويلسوا يسولفون عقب سار سيف ... وفنفس الوقت كان محمد فصحارى ويا ربعه... طبعا ساير يغازل... )) محمد : افف.... اليوم ماشي وايد بنات..... منصور : هييه والله سلطان : كله منك يا حمود .... انا قلتلك بنسير دبي.... بس انت الا اتسير صحارى... محمد : هههه.. انا اتحرى شي بنات... منصور : اوكي عادي.....في كم بنيه.. حمد : يلا محمد دورلك وحده..ههههه محمد : افا عليك يا حمود .... لا توصي حريص... منصور + سلطان + حمد : ههههههههه محمد : شباب شباب ......جوفو جوفو.... منصور : افففف.. شو هالملاك .... حمد : يا سلام...هههههه (( واتذكر عليا )) سلطان : يلا محمد عليها... محمد : لالالالالالا ... شو عليها.... انا اللي جفتها... يعني بس انا اللي برقمها.... منصور : بل عليك... سلطان : صدق انك خاين ...ههههه محمد : يلا حمود.... قم وياي بنسيرلها... حمد : اوكي يلا.... بعد تمام... يالسه ومحد وياها... محمد : ههههه... جفت الحظ.... اوكي يلا .... (( سار محمد وحمد ... عسب يرقم محمد البنيه...اللي كانت يالسه عالطاوله.... سار محمد وحط الرقم عالطاوله ويلس عالطاوله الثانيه....ولا جنه مسوي شي... وكان يتريا البنيه تاخذ الرقم... وبغى يموت لما جافها خذت الرقم وسارت.. )) محمد : حمود... حمود.... والله بموت.... حمد : ههههههه... شوي شوي عليك..... محمد : حمود ... قم بنسير البيت... اكيد الحينه بتتصل... حمد : ههههه.. اوكي... يلا... بس بنسير اول شي الكوفي شوب.. لاني بموت من اليوع.... محمد : اوكي... (( وسارو الشباب الكوفي شوب... ولما يلسوا جاف محمد شي ما يتوقعه... جاف مريم وهي يالسه ويا واحد.... كان هو اللي رمسته وتواعدت وياه.... محمد اتخبل... وماعرف شو يسوي ... وسار لها... )) محمد وهو محرج : يالخايسه ياللي ماتستحين عويهج... شو تسوييييييييين؟؟؟؟؟؟؟؟؟؟ (( مريم انتبهتله.. وركضت..ماتعرف شو تسوي... ووين اتسير.... وسارت عند الدريول.. وسارت البيت.... بس محمد ما خلاها..... سار البيت.... واول ما وصل كانت هي فحجرتها... )) محمد : وينها هالخايسه مسودة الويه... وينها؟؟؟؟ حمده : بسم الله شو بلاك؟؟؟ ومنو هاي الخايسه ؟؟ عليا : شو مستوي؟؟؟ شو السالفه؟؟؟؟ محمد : وينها.... مريوم وينها؟؟؟؟ حمده : فـ... فحجرتها.... محمد : انا براويها.... (( وسار محمد حجرتها... بس هي ما طاعت تفتح الباب.... وهو كان محررررررررج )) عبدالله : بسم الله.. محمد شو بلاك؟؟؟؟ شو مستوي..؟!؟!؟! شو مسويه مريوم بعد!؟؟!؟!؟!! ام عبدالله : شو بلاك يا محمد ؟!؟!؟!؟ محمد : بنتكم مسودة الويه...فظحتنا.. بو عبدالله : ليش؟!؟!؟! شو مسويه؟!؟!؟!؟ محمد دخيلك ارمس... محمد : حظرتها مقابله واحد فصحارى فالكوفي شوب.... عبدالله وهو محرج : شو؟!؟!؟!؟!؟!؟ مقابله واحد؟!؟؟!؟!!؟ صدق انها ما تستحي.... مسودة الويه..... بس انا براويها......مريوووم.... مريووووووووم.. افتحي الباب.... افتحي الباب قبل لا اكسره.... (( ام عبدالله كانت اتصيح.... وبوعبدالله كان منصدم ومب مصدق ان بنته اتسوي جي.. )) محمد : يعني شو ... مابتفتحين الباب!؟!؟؟؟!؟!!؟ عبدالله : والله اني بكسر الباب... (( ومريم كانت خايفه.... وسارت وفتحت الباب.... لانها اتعرف ان خوانها ما بسيرون قبل لا تفتح الباب... )) |
[align=center] الجزء الساادس ----------------- (( أول ما بطلت الباب ... عبدالله صفعها.... عقب سار محمد وظربها..... بغا يذبحها.... بس عبدالله اتصرف... عقب دخلت مريم حجرتها... وويهها احمر من الصياح والظرب....)) (( وسار محمد وعبدالله حجرة محمد )) محمد : اففف.....ليش خليتها اتسير؟؟؟ عبدالله : شو ليش!!! بس ... ظربناها وايد .... بسها ظرب... بغيت تذبحها... محمد : وانا كنت اباها اتموت... عبدالله : حمود... شو بلاك يالمينون.... شو تموت!؟!؟!!؟ محمد : فظحتنا الله يفظحها.... عبدالله : هييه والله... بس خلاص.. ابويه بيتفاهم وياها.... (( فهاللحظه ... رن تلفون محمد.... وجاف رقم غريب.... واتذكر البنت اللي عطاها رقمه... فطلع بسرعه من الحجرة وسار يرد عليها وهو مستاااااانس ...)) عبدالله : حمود.... حمود.... بسم الله شو بلاه ها؟؟؟ههههه بسير عند حمدو و علايه احسنلي... عبدالله : السلام.. حمده + عليا : عليكم السلام.... عليا : حياك عبدالله .. حياك عبدالله : تسلمين حمده : عبود.. عبود... الله يخليك قولي شو هالحشرة؟؟!؟!؟!؟ عبدالله وهو محرج : هاي مسودت الويه مريوم... عليا : هدي اعصابك ... وقولنا شو السالفه؟!؟!؟! (( عقب ما قالهم عبدالله السالفه ... )) عليا وهي منصدمه : مريوم اتسوي جي!؟!!؟!؟ حمده : الخايسه ... والله ما تستحي عويها .... عبدالله : هييه.... محمد بغى يذبحها... حمده : لو ذبحها والله احسن ... الخايسه..هههههههه عليا : حمدو.... ههههه صدق انج متفيجه...هههه (( وعند محمد ........... كان متخبل ومستااااانس ورد عليها.... )) .... : ألو.. محمد وهو مستانس : مرحبا... ..... : مرحبتين.. محمد : هلا وغلا ... هلا والله.... ..... : هلا فيك... معاي محمد... صح؟؟ محمد : هييه نعم محمد الـ**** ....انتي منو؟؟ ...... : عاشت الاسامي محمد ... محمد : عاش غاليج.... ما قلتيلي .. انتي منو؟؟؟ ... : انا... سارة... محمد : هلا وغلا بساره .. هلا... (( ويلس محمد يرمسها وهو مستاااانس.... عقب صكر عنها... ويلس يفكر فيها.. وها هو حال محمد كل يوم.... اللي متخبل عليها... اما حمد ... فكان يفكر فحبيبة قلبه عليا .... وقرر انه يخطبها.... بس اول شي يتأكد من موافقتها.... وكان يفكر فالطريقه اللي يسألها فيها عن رايها.... وفكر وفكر.... وآخر شي قرر انه يتصل البيت فوقت... يكون فيه متأكد ان محمد او عبدالله مب فالبيت.... بس ما برمسها... بس بيسألها عن رايها فيه.....لان متأكد انها اتعرفه... لان محمد كان دوم يرمس عنه ويمدحه ..واكيد سمعت عنه... ومن جهه ثانيه... كان سيف مايعرف شو يسوي..... اذا يصدق حمده ولا لاء.. وكان هالشي شاغل كل تفكيره.... وقرر ان يرمس مريم ويعرف هالشي بنفسه..... بس ماكان يبا حمده اتعرف انه يرمسها.... لان آخر شي قرر انه ما يصدق حمده... لانها مثل ما قال جذابه ... )) (( فالصاله العصر.... كان محمد وعبدالله وام عبدالله يالسين فالصاله يسولفون.... ونزلت مريم من فوق وهي لابسه عباتها تبا تظهر ... )) محمد وهو محرج : وين انشالله ؟؟؟ مريم وهي مرتبكه : بــ .... بسير عند لولوة ربيعتي..... عبدالله : شو !؟!؟!؟ بعد تبين تظهرين عقب اللي شويتي يا مسودت الويه..... سيري حجرتج... وما بتظهرين من البيت..... مريم : اففف.... يعني شو؟؟ ايلس فالبيت طول عمري!؟!؟!؟ محمد : أظن سمعتي اللي قاله عبدالله ....وبعدين ليش ما بتيلسين طول عمرج (( قالها وهو يتمصخر عليها )) .... جوفي عليا وحمده...... مالهم خص فحد..... دوم يالسين فالبيت عند امايه.. مريم : انا مالي خص فعليو ولا فحمدو.... انا غير عنهم... ام عبدالله : مريوم... ما سمعتي رمسة خوانج؟!؟؟! سيري حجرتج بسرعه.... مريم : افففف... (( وسارت حجرتها )) محمد : صدق ما تستحي.... (( ويلسوا يسولفون )) عبدالله : اقول امايه..... ام عبدالله : خير يا وليدي...؟؟ عبداله : ابا اعرس.. ام عبدالله وهي مستانسه.. : هاي الساعه المباركه يا عبدالله ... محمد : اوووب اووب... يبا يعرس... عبدالله : ههههه محمد : ومنو هاي التعيسه اللي تباها؟؟ هههههه عبدالله : هههه ... تعيسه اونه.... الا قول سعيدة الحظ .... ههه ام عبدالله : ههه هييه والله .. سعيدة الحظ.... الا ما قلتلي منو هاي اللي تباها!؟!؟ عبدالله : انا مب حاط عيني على وحده.... يعني انتي دوريلي على وحده اتناسبني... ام عبدالله : والله انا من زمان كنت اباج جي اتقولي.... شو رايك ففاطمه بنت عمتك؟؟ والله ماشي احسن عنها.. مشالله عليها... عبدالله : خلاص امايه ... شورج وهداية الله.... محمد : الله على الولد المطيع.. ههههه عبدالله : ههه... قول انك اتغار لاني بعرس وخلاص....هههه محمد : اغار!! هههه.. من شو اغار؟؟!؟ اصلا انا عرسي جريب انشالله .. ههههه عبدالله : ههههه ام عبدالله : ومنو هاي اللي تباها؟؟ محمد : احم احم ... بعدين بخبرج... عبدالله : هاي اللي تباها ... اكيد امها داعيه عليها...ههههه (( محمد كان واايد متعلق فساره .. اللي محد يعرف عنها شي... حتى هو ما يعرف عنها شي . الا ان اسمها ساره.... وكان يحبها... ومفكر ان يخطبها.... بس اول شي قرر ان يستشير عليا ويجوف رايها.... )) (( عقب اسبوع كان محمد قايل حق حمد انهم بسيرون العين يوم واحد ... بس عليا فالبيت... لان عندها امتحانات.... وكان حمد مستاااانس لانه بيتصل فحبيبته وبجوف رايها.... بس كان متردد ... لان يخاف تفهمه غلط ... وعقب ما سارو كلهم اتصل حمد البيت.... وردت عليا .. )) عليا : ألو.... [/align]حمد وهو مستااااانس : مرحبا.... |
رووع ـــــــــــــــــه الروايـــــــــــه تسلمـــــــــــين ع الطرح ح ــــــــبوبــهـ نتريـــــــــــااج |
اقتباس:
مشكووورة اختي ع المرورج .. تسلمين ع الرد الطيب .. |
الجزء السابع ---------------- عليا : الو... حمد وهو مستانس : مرحبا... عليا : مرحبتين .... هلا والله ... منو معاي؟؟ حمد : احم... انا حمد ربيع محمد اخوج.... عليا وهي مرتبكه : أ... هييه.. حمد... هلا فيك اخويه ... بس محمد مب موجود الحينه.... لانه ساير العين..... حمد : هييه .. اعرف... انا مب متصل حق محمد ... انا متصل عسب ارمسج انتي.... عليا وهي منصدمه : شو !؟!؟!! انا ؟!؟!؟؟ حمد : هييه نعم ... انتي.. عليا : ..... حمد : شو؟؟!! عليا : آ.. آ... اسمحلي اخويه ... انا بنت ناس وعرب.... والحمدالله هلي مربيني ... وواثقين فيني..... وانا مابا اخون ثقتهم فيني ... واستغلها... وارمسك انت ولا غيرك.... حمد وهو مستانس من رمستها : هييه والله .... صدق انج متربيه.... والله انا ماكنت ابا ارمسج.... بس كنت متصل عسب اجوف اذا بترمسيني ولا لاء..... والحمدالله .... ومن حقهم هلج انهم يوثقون فيج... واتمنى انج ما فهمتيني غلط .... بس بغيت اسالج سؤال... واباج اتردين عليي واطمنيني..... عليا وهي مستغربه : خير اخويه .... شو بغيت؟!؟! حمد : اتحيدين يوم كنت فبيتكم.... فالميلس.... وانتي كنتي ادورين اختج.. حمده جنه..... وانا من هذاك اليوم متخبل.... و والله يا عليا ... من هذاك اليوم... وانتي فبالي 24 ساعه .... وانا بغيت اتقدم واخطبج.... واتكونين زوجتي على سنه الله ورسوله... وبغيت آخذ رايج قبل لا ايي واخطبج من هلج..... انتي شو رايج؟؟؟ عليا : انت صراحه فاجأتني... وماعرف شو اقولك..... حمد : لا اتقولين شي.... بس قوليلي موافقه؟؟ عليا : ..... دام انت ولد ناس وعرب...... وماعليك رمسه... ومحمد ما يذكرك الا بالخير.... و... حمد وهو متخبل : شو؟؟؟؟ موافقه؟؟؟؟؟؟؟ عليا وهي مستحيه : ......... هييه (( اتخبل الريال.... وسكت وماعرف شو يقول..لانه بموت من الفرحه.... )) عليا : اوكي.... السموحه منك الحينه.... يلا بااي.... حمد : بـ .... باااي (( حمد كان فعالم ثاني...... ومايروم يرمس ولا يقول شي.....لان خلاص عليا خطيبته من اليوم مثل ما يقول.... وكان يتريا محمد عسب يسيرله اليوم الثاني ويخطبها.... )) فالعين .. (( كان سيف ساير ويا قوم خالته... عسب يرمس مريم ..... وكانت عيونه على مريم ... وحمده ملاحظه هالشي.....عقب سارو الشباب يتمشون شوي .. والحريم يلسوا يسولفون.... وسارت حمده ويا الشباب... لان ماشي حد غريب.... بس محمد وعبدالله خوانها.... وسيف ولد خالتها..... والكل يعرف انه شرات اخوها..... فسارت وياهم....ومحمد وسيف يلسو يتمصخرون على حمده .... وعبدالله يدافع عنها.... وسارو عسب يصلون العصر..... لان كان مأذن.... والحريم سارو يصلون فمصلى الحريم ..... عقب مريم ظهرت قبلهم عقب ما صلت وخلصت ..... وسيف كان مخلص وظاهر يترياهم ..... لما سيف جاف مريم .... استااااانس ... وسار يرمسها..... )) سيف : مرحبا .... مريم : مرحبتين ... هلا سيف ..... سيف : اشحالج؟؟ مريم : تمام اشحالك انت؟؟ سيف : بخير .. دام الغاليه بخير.... (( مريم كانت تعرف انه سيف يحبها.... بس هي ماكانت اتعبره.....لان عندنا وايد غيره.... بس لما جافوها فصحارى... ماكانت اتروم اتجوفهم ..... بس كانت اترمسهم فالموبايل .... لان محد عرف ان عندها موبايل ..... فقررت انها اتقص على سيف ... وتتسلى معاه شرات ما تقول.... وهو مايعرف العذاب اللي بحصله من مريم ... )) سيف : و ... اشحال الدراسه وياج؟؟ مريم : والله الحمدالله .... (( كان برمسها.... بس ظهرو الحريم من المصلى ... وظهروا الشباب عقبهم ...... ويلسوا... وعقب المغرب سارو البيت..... )) (( حمد لما قال حق امه وابوه ... استانسو .... لان قوم بو عبدالله كانو معروفينن بطيبتهم وكرمهم ...... وانهم وايد زينين .... وعقب اتصل حمد حق محمد وقال له انهم بسيرون لهم باجر ....ورحب بهم محمد......اما عليا ... فكانت مستانسه.... وماتروم توصف فرحتها..... لان حمد كان وايد مأدب وشكله مب راعي السوالف البطاليه ....... وولد ناس وعرب ... )) (( اليوم الثاني العصر ... عقب ما سارو بيت بو عبدالله .... يلسوا الشباب يسولفون ... و حمد غمز حق ابوه عسب يرمس بالسالفه .... )) بو حمد : بو عبدالله ... بو عبدالله : خير انشالله يابو حمد.... بو حمد وبدون اي مقدمات : نحن يايينكم عسب نخطب بنتكم حق ولدنا ..... وماظن بنحصل احسن عنكم... لانكم ناس طيبين ... وبغينا اناسبكم..... بو عبدالله وهو متفاجأ ومستانس فنفس الوقت : والله ماعرف شو اقولك الحينه يابو حمد ..... بس عطنا فرصه ... عسب انشاور البنيه وانجوف رايها... بو حمد : هييه ... انتو شاوروا البنيه .. وردو علينا خبر.... بو عبدالله : انشالله.... بو حمد : خلاص عيل بو عبدالله .......نحن نترخص الحينه...وانشالله انييكم وقت ثاني..... بو عبدالله : حياكم الله فأي وقت.... بو حمد : الله يحييك .... (( وسار بو حمد وحمد .... وكان حمد مستاااااااااااانس ومايروم يتريا .... وسار بو عبدالله وشاور ام عبدالله وعليا .... ووافقو ... لان حمد وايد زين وماينعاب.... واتصل محمد حق حمد عسب يبشره ... )) حمد : مرحبا بو جسوم.... محمد : مرحبتين .. هلا والله ... هلا بالنسيب هلا.... حمد وهو مستانس .. : نــ .. نسيب !! .. يعني .. يعني وافقت ؟!؟!؟!؟ ... الله عليك يا حمد ..... والله اني اسعد انسان فهالكون ..... محمد : ههههه .... شوي شوي لا تموت علينا .... حمد : حمود حمود.... الخميس الياي الملجه ... اوكي؟؟؟ محمد : ايييه ... شو بلاك جي مستعبل.... ما بطير البنيه .... موجوده..... حمد : لالالالالا.... الله يخليك ... الخميس الياي.... واذا اتيدمون الملجه .. بعد يكون احسن .... محمد : ههههه.... اوكي. خلاص..... انا بشاور الاهل.. وبردلك خبر.... حمد :اوكي... يلا سير ...بسرعه الله يخليك .... محمد : هههههه اوكي... باي حمد : باي باي باي (( وشاور محمد هله ... وحددو الملجه بالخميس الياي..... وعقب يومين ... كانو كل اللي فالبيت ظاهرين ... عسب يشترون حق الملجه ... بس مريم وحمده و محمد كانوا موجودين فالبيت ... وحمده كانت يالسه عالنت .... اما مريم فكانت يالسه اترمس لولوة ... عقب صكرت عنها... وكانت سايره حجرتها... بس جافت موبايل محمد فحجرته... وهو كان يتسبح ... فسارت اتجوف الارقام اللي فالموبايل ... لانها اتعرف اذا سار يتسبح ييلس بالساعات فالحمام.... وجافت رقم سيف .... وخذته قبل لا يظهر من الحمام.. وسارت حجرتها..... وكانت تتريا محمد يظهر من البيت... عسب تتصل حق سيف .... وتوهمه فحبها له .... وما اتصلت من موبايلها... لان اذا جاف سيف الرقم ... بعرف ان عندها موبايل .... ويمكن يقول حق خوانها..... وعقب ربع ساعه.... ظهر محمد من البيت.... وهي سارت بسرعه تتصل حق سيف .... )) |
البـــــــــاارت نـــــــاابس نسلمــــــــــــين ح ـــــــــــبوبـــهـ نتريــــــــااا البــــــــارت اليــــــــــاي |
روووووووعهـ نتريا البارت لاهنتي |
اقتباس:
الله يسلمج .. مشكووورة الغاليه ع الرد .. |
اقتباس:
مشكوووره الغاليه ع الرد .. |
الجزء الثـــامن : ------------------------- (( سيف لما جاف رقم بيت خالته .. كان يتحرا محمد ... )) سيف : مرحبا الساع ... هلا حمود .. هلا والله .... مريم : ألو ... سيف : اووه ....حمدو ... هلا ... اشحالج ؟؟ مريم واوه مستحيه : انا مب حمدو ... انا مريم .. سيف وهو منصدم : مــ .... مريم !؟!؟؟!!! مريم : هييه.. سيف وهو مسااااااااااااااانس : هلا ... هلا وغلا .... هلا والله هلا.....انا فحلم ولا فعلم ..... مريم : هلا فيك .... سيف : اشحالج الغاليه ؟؟ مريم : تمام.. انت اشحالك؟؟ سيف : انا تمام لما سمعت صوتج .... مريم : ......... أقول سيف ... سيف : عيون سيف ... وقلب سيف ... وسيف كله تحت امرج ... آمري.... مريم : ههههه ... ما يامر عليك عدو ... سيف : فديت هالضحكه انا ... مريم :تسلم ... خالو عندك ؟؟ سيف : لا والله ... مب موجوده عندي الحينه ... تبين اوصللها اي رمسه ؟؟ مريم : لا مشكور ... خلاص .. مب لازم ... سيف : لالا والله .. عادي ... شو عندج؟؟ انتي قوليلي وانا بقولها ... مريم : لا والله مشكور .... سيف : لا لا قولي قولي... مريم بدلع : خلاص عاد سيفاني .. مب لازم ... سيف وهو متخبل : آآآآه ... فديت سيفاني... واللي قال سيفاني ... مريم : اوكي عيل .. انا بخليك الحينه .... سيف : اوكي ... مريم : يلا باااااي.... سيف : باي .. وبايين .. وثلاث بايات واربع ... مريم : ههههه .. باي... سيف : باي.. (( سيف كان مستاااانس ... وفرحته ما تنوصف... والحينه اتاكد ان مريم اتحبه... وان هي طيبه .. ومب شرات ما تقول حمدو الجذابه شرات ما يقول.... اما حمد ... فكان ما يروم يتريا .......يبا ايي يوم الخميس بسرعه ......... عسب يجوف عليا ... اما محمد ... فكان كل يوم يرمس ساره ... يعني مايمر يوم ومايرمسها.... ومره .. سار عند عليا ... عسب يجوف رياها .. وتنصحه اذا يخطبها ولا لاء...... وسار لها حجرتها ... )) محمد : عليا .... عليا : هلا محمد ... تعال .. ادخل .. (( ودخل محمد ويلس عندها ... )) محمد : اشحالج ؟؟ عليا : تمام الله يسلمك ... انت اشحالك؟؟ محمد : والله تمام... (( ولحظه صمت )) عليا : محمد .. شو بلاك .... مب من عوايدك انك تكون هادي جي..... محمد : .......... عليا : محمد .. عيونك اتقول ان عندك رمسه .. وتبا حد يسمعك .... قول اللي عندك ... وانا بسمعك ... محمد : اوكي. ... ابا اقولج سالفه ....واباج اتقولينلي الحل ... اوكي؟؟ عليا : انشالله اروم اساعدك ... محمد : اوكي... اسمعي السالفه .... (( وقالها محمد السالفه ... من اولها .. لين الحاله اللي هو فيها الحينه .... )) محمد : وهاي كل السالفه ... عليا : اها ... محمد : والله يسلمج .. الحينه انا احبها .. وقررت اني اخطبها .... انت شو رايج ؟؟ عليا : والله ماعرف شو اقولك يا محمد ....بس انت قلتلي انك ما تعرف شي عنها .. صح؟؟ محمد : هيييه .. بس اعرف ان اسمها ساره ....وانشالله قبل العرس بعرف عنها كل شي.... عليا : محمد .. انت رمست بنات وايد قبلها ... صح؟؟ محمد : هييه .. وماحبيت غيرها... عليا : يمكن اتكون خدعتك برمستها الحلوة .. ولا بجمالها ... بس حط فبالك يا محمد .... انها اذا رمستك الحينه ... اكيد ترمس 10 غيرك ....وانت اكيد ما ترضاها عنفسك .... وبعدين هييه اذا صدق محترمه شرات ما تقول... جان ما خذت الرقم اول ما عطيتها .... واكيد اكيد اترمس فيرك .... وماظن كرامتك تسمحلك تاخذ وحده اترمس غيرك .... محمد : انا مافكرت فهالسالفه .... وكنت اتحرا انها ماترمس حد غيري .... صح كلامج ... والحمدالله اني ماتسرعت وسويت شي غلط.... عليا : الحمدالله عكل حال.... محمد : والله انا من غيرج ماعرف شو كنت بسوي .... عليا : هههههه ... افا عليك .. انا موجوده .... محمد : الله يخليج حقنا .. وحق حمد اهم شي... عليا : .......... محمد : هههههه ... اونه تستحي ... والله انه حاشرني .. مايروم يتريا لين الخميس .....ههههه .. الله يعينج عليه .. خخخخ عليا وهي مستحيه : ههههه |
الجزء التـــاسع :: ---------------------- 1. (( عقب سار محمد حجرته .... وفكر فالرمسه اللي قالتها عليا .... وعرف انها صح .... وقرر ان ينساها ... ويقولها هالشي .... وعقب فتره .. اتصل فيها .... وقالها .. بس هي عارضت فالبدايه .... لكنها قالتله ان عندها وايد غيره ... وهو هزبها وصكر عنها .... وحرّم ان يكلم بنيه فالتلفون عقب السالفه .... وتمر الايام .. وايي يوم الخميس اللي الكل يترياه ... وعليا متعدله ومتكشخه ... وكانت آيه فالجمال .... والكل انبهر بجمالها.....هيي وحمده ... اللي تعتبر توأمها فالشكل . والروح ..... بس حمده كانت اصغر عن عليا ..... وكانت الحفله عائليه ... وحظرها اهل العروس والمعرس .... واول وحده حظرت الحفله كانت مها ..... وهي بنت خال عليا .... وربيعتها الروح بالروح .... لدرجه ان الكل يقول ان تفكيرهم واحد .... مها عمرها 18 سنه ... وكانت واااااايد حلوة وطيبه ... والكل يحبها..... وعقب الرقص والسوالف والوناسه ... حمد كان ميت يبا يجوف عليا ... )) حمد : اففففف... حمود يلا... بسير اجوفها .... محمد : تراك حشرتني ... عنبوه ماتروم تتريا شوي ....ههههه حمد : يلا يلا .. والله تراني بدخل عليهم .... محمد : ههههههه ... اوكي اوكي... بسير اقولهم ... (( وسار محمد وقال حق امه .. ان حمد يبا يجوف عليا ... وسارت عليا تتريا فالميلس ... )) محمد : يلا تعال... حمد : افففف... اخيرا ... اقول حمود ... خلنا يالسين ساعه ... عقب انا بسير...اوكي... محمد : ههههه...شو ساعه ... ربع ساعه بسك .... حمد : لالالالالالا . شو ربع ساعه .. حرام عليك ... وانا استوالي اسبوع اتريا .. والحينه اتقولي ربع ساعه ... محمد : ههههه.... بل بل ... اوكي... لانك ربيعي ... نص ساعه بسك .. اوكي.. حمد : اففف... اوكي... (( ودخل محمد .. وهو مسااانس الميلس عند عليا ... )) حمد : احم ... السلام عليكم والرحمه ... عليا وهي مستحيه : عليكم السلام ... (( حمد سار ويلس عندها ... )) حمد : اشحالج عليا ؟؟؟ عليا : الحمدالله حمد : مشالله .. والله انج ملاااك ... (( عليا ويهها احمرررررر ... )) حمد : ما بتصدقين انا مستانس كيف .... عليا : انا بعد... حمد : فديتج والله ... (( ويلس حمد يسولف ويا عليا ... عقب ربع ساعه دخل محمد .... )) محمد : السلام.. حمد+عليا : عليكم السلام .. محمد : اجوف الحبيب مستانس ....ههههه حمد : هييه مستانس ... وانت ليش جي اتغار ..؟؟ محمد : اغار اونه .. هههه حمد : اوكي اظهر ... محمد : شو اظهر ؟!؟!!؟... اوكي بظهر .... بس... حمد : احسن ... محمد : شو؟؟؟ .... جني سمعت شي .... حمد : لالا ماشي ... بس شو؟؟؟ محمد : انت بتظهر معاي .. حمد : شو؟!؟!!؟ شو شو ؟!! لالالالا ما سمعت ....حمود ... شو بلاك؟؟؟ وين الاتفاق اللي بينه ؟!!؟!؟ محمد : اي اتفاق ؟؟ انا ماحيد اتفقنا عشي .... حمد : افففف... حمود يالهرم ... مب جني اتفقت وياك اني ايلس نص ساعه ؟؟ محمد : متى ها؟؟ اوكي عالعموم..... بسك .. يلا قم .... شرات ما هي حرمتك .. لا تنسى ان هي بعدها اختي..... صح؟؟ حمد : لا مب صح ... ويلا اظهر ...... وعقب ربع ساعه تعال.... محمد : لالا ... شو أظهر ؟؟ يلا يلا سلم عليها .. عسب تسير ... حمد : اوكي اوكي ياحمود .... بس اظهر خمس دقايق ... عسب اسلم عليها.... محمد : مممم .. بفكر ... حمد : حمووووووووود.... محمد : ههههههه.... اوكي .. يلا بس خمس دقايق .... حمد : اوكي اوكي.... (( وظهر محمد ... وعليا كانت تضحك عخبالهم ... )) حمد : فديت هالضحكه ان ... (( ومسك ايدها ... )) حمد : والله ان هاليوم احلى يوم فحياااي .. (( وحب ايدها ....... ودخل محمد ....)) محمد : ... جني دخلتي غلط .... حمد : الحينه عرفت .!!!!... انت كلك غلط ... (( عقب انتبه ان بعده ماسك ايدها ... وابتعد شوي عنها ... )) حمد : يلا عيل حبيبتي ... مع السلامه . عليا وهي مستحيه : مع السلامه .... محمد : اوبسسسس... شكلي غلط ... ايييه ... انا بعدي واقف .... حمد : هههه... ليش شو سويت انا ؟؟ يالس اودع حرمتي ... صح عليا؟؟ عليا وويهها احمر : صح.... محمد : هههههه....اتفقو علينا الحبايب .......اوكي يلا .. قم حمود ... حمد : اوكي... (( وسار حمد ويا محمد شوي ... عقب سار البيت ....على امل ان يتصل حق عليا عقب ... بس الاخو .. ذكي زياده عن اللزوم .. نسى ياخذ رقمها .... فكان بيتصل حق محمد ... بس هو اتصلله قبله ...... )) حمد واونه زعلان : الو .. محمد : هلا ... هلا والله بالزعلان هلا... حمد : خير اخويه ... شو بغيت متصل ؟؟ محمد : ههههه.... شو شو بغيت؟؟ شو بلاك؟؟ حمد : لا تستهبل وايد .... مب جني متفق وياك اني ايلس وياها نص ساعه ؟؟ محمد : افا والله ... تزعل من ربيعك .. حبيبك ... على نص ساعه بس ...؟؟!؟! اوكي اوكي.... حمد : ربيعي هييه ... بس حبيبي لاء.. شي غيرك .ههههه محمد : ههههه ... اوكي عيل بخليك الحينه ... حمد : اوكي........لالالالالالالالالالالالالالا حمود حمود .... لحظه لحظه ... محمد : بسم الله ... شو بلاك؟!؟!!؟ حمد : طلبتك ... قول تم... محمد : تم... حمد : بغيت رقم عليا .... من حشرتك نسيت آخذه .... محمد : هههههه.... سوري حبيبي .. ما اوزع ارقام اختييه على حد .... هههههه حمد : افف... حمود ... يلا .. انت قلت تم ... محمد : والحينه سحبتها .... حمد : حموود محمد : ههههه.........اوكي اوكي....سجل عندك ....******050 حمد : تسلم حبيبي ... انشالله بردها لك فالافراح ... محمد : انشالله .... حمد : اوكي عيل برايك .. يلا باااي محمد : باااي.... |
الجزء العــــاشـــر :: ---------------------- (( سار حمد واتصل حق عليا .... وعليا اترددت فالبدايه .. وكانت ما بترد عليه ... بس عقب اتشجعت وردت .... )) عليا : السلام عليكم حمد : عليكم السلام ... هلا والله .. هلا وغلا.... عليا وهي مستحيه : هلا فيك ... حمد : اشحالج حبيبتي .؟؟؟ عليا : الحمدالله .. انت اشحالك؟؟ حمد : والله تمام ... 10 على 10 عليا : الحمدالله حمد : والله كنت بيلس وياج اكثر ... بس كله من حمود الهرم .... لان والله اليلسه وياج ما تنمل ... عليا : ههه ... تسلم حمد : الله يسلمج حبيبتي .... عليا : بس منو عطاك الرقم ... انا ماحيد عطيتك ... حمد : حمود عطاني .... والله ذليت عمري .. لين ما عطاني الرقم ... عليا : ما عاش اللي يذلك حمد : كل شي عسب ترضى علينا الغاليه بسوييه... عليا : ........ حمد (( عسب يخليها ترمس وما تستحي .. )) : بس والله ان رقمج عجيب... عليا : هييه ... هذا عبدالله فديته..... هو اللي عطاني ... حمد : والله اني احسد عبدالله .... عليا وهي مستغربه يتفدونه 24 : ليش؟؟!!!!؟!؟!؟ حمد : لان في ناس ... ساعه .... واحنا لين الحين ولا مرة .... عليا : ههه... فديتك والله انت الغالي ...(( قالتها وهي ماتحس بعمرها .. )) حمد وهو مستانس : صدق؟؟؟ عليا : شو اللي صدق!؟!؟ حمد : صدق انا الغالي ... ولا في حد غيري؟؟ عليا : هييه اكيد.. حمد : شو اكيد؟؟ عليا : اكيد انت .... حمد : شو؟؟ عليا : انت... حمد : هيييه ... انا شو؟؟ عليا : حمد ... بس عاد .... حمد : لالا ... ابا اسمعها مرة ثانيه ... عليا : اوكي اوكي... انت الغالي ... حمد : آآآآه عليك يا حمد ... والله ان يومي قرب.... عليا : سلامتك ... انشالله اللي يكرهونك ... حمد : تسلمين .... اقول... عليا : هلا حمد : شو رايج نظهر باجر .... نسير نتغدا اي مكان ... شو رايج؟؟ عليا : حمد الله يهادك ...شو باجر .... حمد : ليش انتي مب حرمتي؟؟ عليا وهي مستحيه : هييه ... بس تونا ماكملنا يوم ... اتريا شوي........ حمد : بتريا .. بعد شو وراي ..... عليا : ....... حمد : شو؟؟ عليا: شو؟؟ حمد : شو؟؟ عليا : ههههه شو شو ؟؟ حمد : مادريبج .. عليا : اوكي... انا بخليك الحينه ... سير ارتاح ... اكيد مب راقد من اسبوع... حمد : منو قالج ؟؟ عليا : احساس... حمد : فديت احساسج والله .. عليا : لا اتغير السالفه .... سير ارقد .... حمد : ليش ... تبين تفتكين مني؟؟؟ عليا : لا والله ... انت سوالفك ما تنمل ... بس سير ارتاج شوي ... حمد : انشالله عمتي .. بعد تامريني عشي ثاني؟؟ عليا : سلامتك . هههههه حمد : الله يسلمج حبيبتي .يلا بااااي عليا : باي.. (( اليوم الثاني العصر ... مريم كانت يالسه فالصاله اترمس سيف .... وعليا تتكشخ ... لان حمد بيي عندها ..... وعبدالله كان يترياه فالميلس ... وحمده كانت يالسه عالنت .....حمده ملت من النت ... وسارت تحت .. فالصاله ... عسب اتسير عند عبدالله ...فنزلت الصاله .. وسمعت مريم ترمس ... بس مريم ما حست فيها .. )) مريم : هييه .... هيه .. جي قالت .... اقول فديتك .. انا بخليك الحينه ... اوكي .. يلا باي (( حمده انصدمت لما سمعة رمسه مريم ....ومايه فبالها انها اترمس سيف ... لانها كانت تتحرا ان سيف يحاول ينساها ..... فقررت انها ماتخبر حد ...وتعرف منو اللي اترمسه اختها .... وعقب ما تتأكد اتقول حقهم .... )) حمده : السلام عليكم مريم وهي تطالها باحتقار : عليكم ... اففف حمده : شو جايفتني يهوديه ولا مسيحيه عسب اتردين السلام جي؟؟؟؟؟ مريم : والله كيفي ... انتي مالج خص... حمده : وبعدين .. كنتي اترمسين منو ؟؟؟؟ مريم : افففف.... مشكله الرزة ... رزة الفيس .. من طبايع الـ.... كمليها انتي...ههههه حمده : يعني وايد يضحك يالسخيفه ... وين عبدالله ؟؟؟؟ مريم : ......... فالميلس.... حمده : بسير عنده احسنلي .... مريم : احسن .... حمده : عناد ... بيلس عقلبج موتي من القهر يالحقوده ....هاهاها مريم : جب جب . (( وسارت مريم حجرتها .... وعقب 5 دقايق وصل حمد .... وسار الميلس عند عبدالله ..... وسارت حمده اتقول حق عليا ...... عسب تنزل واتسير عند حمد ..... ويلست حمده فالصاله ... عقب نزلت عليا وسارت الميلس .... )) عليا : السلام عليكم .... حمد + عبدالله : عليكم السلام والرحمه .... حمد : هلا ... هلا وغلا ... هلا والله ... الحينه نور الميلس .... تعالي استريحي ... عبدالله : شو قصدك ؟؟ يعني انا مب تارس عينك ؟؟؟؟ ههههه حمد : حرمتي .... ولازم اتغزل فيها شوي .... (( وعليا ويهها احمر .... )) حمد : افا عليك بس ...بعدين انت اخو الغاليه .... عبدالله : يالهرم ... بدال ما تقول الغالي اخو الغاليه ...ههههه حمد : ههههه.... خلاص لا تزعل ... الغالي اخو الغاليه ... عبدالله : اوكي... برايكم الحينه ...... بسير اجوف حمدو شو تبا .... حمد : الله وياك ... عبدالله ... بل .. ما صدقت ... ها بدال ما تقولي ايلس ... حياك الله ..يعني شو ... طرده ؟؟؟؟ ههههههه ... اوكي عيل ... يلا باي (( وظهر عبدالله ... ويلست عليا عند حمد ... )) حمد : اشحالج علايه ؟؟ عليا : الحمدالله .... انت اشحالك ؟؟؟؟ حمد : انا !! ... انا لا تساليني عن حالي .... لان الله هو اللي عالم فحالي .... والله اني اشتقتلج واااايد ..... عليا : امس مرمسني ...وجايفني .... بهالسرعه اشتقتلي ....ههههه حمد : يعني انتي ماشتقتيلي .... ولا يمكن انا مب غالي عندج ؟!؟!؟! عليا : انت شو رايك ...؟؟؟؟ حمد : والله ماعرف .... ابا اسمع الجواب منج ..... عليا : اكيد اشتقتلك وااايد... (( ويلس حمد يسولف ويا عليا ... اما مها ... فسارت بيت خالتها .. عسب تيلس ويا عليا ... وتباركلها ... لانها ما جافتها عدل فالملجه ..... وما يلست اتسولف وياها ..... ويلست فالصاله عندحمده وعبدالله تتريا عليا .... عقب ربع ساعه ... دخل محمد الصاله وهو يعني .... )) محمد : يامرحبا يا ناعم الصوت والعود ...السلام عليـ ...كــ.....م ..... (( تيبس محمد لما جاف مها .... لانها كانت وايد حلوة ..... وهو مب جايفها من سنتين .... ومها من الجهه الثانيه ... كانت متفاجأه ومنبهره من جمال محمد .... )) حمده + عبدالله : عليكم السلام ..... حمده : تعالي حمود سلم على مها ... بنت خالي سلطان ...(( قالت جي لانها ما تباه يتفشل ... لانها اتعرف ان ما بعرفها ... )) محمد وهو ييلس ..: اشحالج مها ؟؟؟ مها : الحمدالله ...(( استحت ونزلت راسها .. )) (( حمده وعبدالله لاحظو هالتغير فمحمد ...وفكلامه ... فحب عبدالله ان يغير الجو شوي .... )) عبدالله : هلا والله محمد ... شو ماسرت اتسلم على حمد ؟؟ محمد : اوه ... حمود هني .... ها مايشبع منها ... البارحه جايفنها .... والله اني بحشره شرات ما حشرني البارحه ....ههههه حمده : اوكي... عيل قم سيرله قبل لا يسير.... محمد : لا تخافين ... ها جنه بعسكر عندها ...ههههه (( مها ابتسمت ... لانها استحت تضحك.... )) محمد وهو يرمس عمره : فديت هالابتسامه والله .... (( بس عبدالله سمعه ... )) عبدالله : حمود .... قم قم سلم عالريال قبل لا يسير ... محمد : مب متفيجله ..... حمده بمكر : من متى انت تيلس فالصاله ... اكثر شي يالس فحجرتك .... ولا فحجرت عبدالله ولا عند عليو ... شو السالفه ؟؟؟ محمد : لا تساليني ... لان قلبي وعقلي مب عندي .... (( وطالع مها .... ومها رفعت راسه الانها كانت اتعرف ان يرمس عنها .. فيت عينها فعينه ...... وابتسملها .... اما مها ... فكان ويهها احمرررررر.... فنزلت راسها .... اما حمده ...حست بالموضوع .... وعبدالله غمزلها عسب اتسير فوق مع مها .....لان يعرف انها وايد تستحي .... )) حمده : اقول مها ... مها بصوت واطي : هلا... حمده : قومي نسير نتريا عليا فوق .... مها : اوكي ... (( وسارو فوق )) عبدالله : حمود اصطلب ههههههه (( محمد ابتسمله ... لان كان فعالم ثاني ....)) عبدالله : ايه .. حمود .... محمد : ها ... بسم الله ... شو بلاك؟؟ عبدالله وهو يبتسم : قم سير عند حمد .... استواله ساعه وهو يالس... محمد : انزين شو بلاك عليه .... خله ييلس عند حرمته .... عبدالله : مب توك اتقول انك بتحشره وماعرف شو .... قم قم سير ايلس عنده .... محمد : اوكي..... |
wain altkmlh :( |
القصصة عجييبة رووووووووعة ابدااع ف ابدااع ونترياج احرر من اليممر |
اقتباس:
مشكووورة اختي ع الرد الطيب .. إن شاء الله الحين بنزل البار ت .. |
اقتباس:
مشكوووورة الغالية ع الرد الطيب .. إن شاء الله الحين بنزل البارت ... |
الجزء الحادي عشــر ----------------------- (( مر اسبوع على ملجة عليا .. وهي كل يوم اترمس حمد ..... وهو يتصل فيها فوق الـ10 مرات فاليوم .....ويوم الخميس سارو قوم بو عبدالله بيت عمتهم عسب يخطبون فاطمه حق عبدالله ..... ووافقو ... وحددوا الملجه بالخميس الياي .... ويوم الاثنين كانت حمده اترمس سيف .... )) حمده : اقول .. سيف... سيف : هلا... حمده : انت شو بلاك هالايام ما تسال عن مريم ؟؟؟ سيف : آآ ... ها ... شو ليش ما اسال عنها .... آ ... انا خلاص . نسيتها .... ختولي... وبعدين انتي ليش تسالين ؟؟؟؟ ... اف حمده وهي مستغربه : انزين .. شو بلاك جي حرجت ؟!!؟؟!؟ سيف وهو محرج : افففف.... ماشي ماشي... تبين تسالين شي ثاني بعد؟؟؟؟ حمده : ............ سيف : شو بلاج ساكته؟؟؟ حمده : باي.. باي (( وصكرت التلفون ... وهي ماخذه بخاطرها من الطريقه اللي رمسها سيف فيها .... اما سيف ... فما سوالها سالفه .... ولا جنه مسوي شي.... لان مريم هي اللي كانت اتقوله يسوي جي ..... واليوم الثاني .. سار سيف بيت قوم خالته عسب يجوف مريم ....واونه قال انه ساير عسب يسلم عخالته ....واول مادخل الصاله .. كان عبدالله وعليا وحمده .. يالسين ....)) سيف : السلام عليكم... عليا + عبدالله : عليكم السلام والرحمه ..... (( وطالعته حمده ... وسارت حجرتها .... بس هو كان عادي ... ولا جنه ... وعبدالله لاحظ هالشي ... )) سيف : اشحالك عبدالله ؟؟؟ عبدالله : تمام انت اشحالك؟؟؟؟ سيف : والله الحمدالله .... عليا اشحالج؟؟ عليا : تمام الله يسلمك ... (( ويلسو يسولفون .... عقب نزلت مريم ... لانها تعرف ان سيف هناك .... )) مريم : السلام عليكم.... عليا + عبدالله : عليكم السلام ... سيف : عليكم السلام والرحمه ... مريم بدلع : اشحالك سيف ؟؟ سيف : تمام ..... اشحالج انتي؟؟؟ و اشحال المدرسه ؟ والدراسه ؟؟ مريم واونه استحت : الحمدالله .... (( ويلسو كلهم يسولفون ... وسيف يطالع مريم طول الوقت ... بس عبدالله وعليا ما انتبهوا.... عقب.. سارت عليا عنهم ... لان حمد كان يتصللها .... وسار عبدالله عند ربيعه اللي كان يتريا فالميلس .... وقال حق مريم اتسير تزقر امه ... )) سيف : هلا والله ... هلا وغلا.... مريم : هلا فيك ... سيف : والله اني مشتاقلج واااااااااايد.... (( وفهاللحظه ... كانت حمده سايره عسب تاخذ كتابها .... )) مريم : سيف ... اسكت ... بيسمعونه .... سيف : اوكي.... بس اليوم اتصلي فيني ضروووووري ...اوكي... مريم : اوكي... (( حمده انصدمت ... لكنها سكتت .... لانها قالت تبا تتأكد ... لان مب معقوله سيف يجذب عليها .... وسارت حجرتها ..... وعقب المغرب ... كانوا كل اللي فالبيت ظاهرين ...الا حمده ومريم .... لان حمده قالت تبا ترقد .... ومريم استانست .. لانها بتاخذ راحتها .... عقب .. سارت مريم تتصل حق سيف من الصاله ..... وحمده ... سارت رفعت السماعه الثانيه .... اللي فحجرت عبدالله .... وحطت عالــ mute ..... عسب ما يسمعونها .... وسمعت كل الكلام اللي بينهم .... وانصدمت ... لانها آخر شي كانت تتوقعه من سيف .. الطيب اللي يقولها كل شي ... ان يجذب عليها ..... وصكرت السماعه .. وماحسوا فيها ..... وسارت حجرتها تصيييييح ...... وهي اول مرة اتصيح بسبب سيف ... او اي حد ثاني .... لانها كانت معروفه انها مستحييييييل اتصيح لاي سبب يدام حد ...بس لما يدها مات صاحت عليييه وايد .... فمر هاليوم وحمده اتفكر فالشي اللي تسويه ..... وماظهرت من حجرتها ...طوووول اليوم .... لان سيف كان واااااايد عزيز عقلبها ... وتعتبره شرات اخوها ......واليوم الثاني سار لها عبدالله .. لان حس ان فيها شي..... )) عبدالله : حمده ... حمده .... حمده : تعال عبدالله ... ادخل ... ............. عبدالله : حمده ... شو بلاج اليوم ... مريضه ؟؟؟؟ حمده وعيونها منتفخه من الصياح : لا ماشي.... عبدالله : شو ماشي.... شكلج تعبانه ....قومي بوديج المستشفى .... حمده : ماشي ... ماشي ... والله ماشي (( ويلست اتصيح ... )) عبدالله وهو متفاجأ : حمده حبيبتي ... شو بلاج اتصيحين ؟؟؟؟ حمده : عبدالله ... والله ماشي.... بس الله يخليك ... اظهر .. اظهر .... عبدالله : تبيني اظهر واخليج جي؟!!!؟؟ ... حمده .. انا اخوج ... ولازم اعرف شو فيج ... حمده : ............ عبدالله : حد قالج شي؟؟ حمده : لاء... عبدالله : منو ... انتي بس قوليلي وانا براويه ... حمده : محد ....محد .... عبدالله : حمده ... شو بلاج انتي وسيف ؟؟؟؟ البارحه حسيت انج ماترمسينه ... حمده : خله يولي ....الخايس .... مابا اسمع اسمه ..... (( وصاحت )) (( عقب ما اصر عبدالله ان يعرف شو السالفه ... قالتله حمده كل السالفه ... )) عبدالله وهو منصدم : حمده .... انتي متأكده ؟؟؟؟؟ حمده : اقولك سمعتها وهي اترمسه ... عبدالله : والله انها خايسه .... حتى سيف ماخلته فحاله ..... انا براويها .... (( وسار لها عبدالله الحجره .....وهي كانت اترمس لولوة فموبايلها ..... وكانت ناسيه تقفل الباب ....... ودخل عبدالله ... وظربها ظرب .... وخذا عنها الموبايل ..... وجاف الارقام ... وكانت كلها ارقام شباب .... وسار بيت خالته عند سيف ... )) سيف : هلا والله عبدالله .... شو هالمفاجأه .... عبدالله وهو محررررررررج : مفاجأه .... اي مفاجأه .... انك ترمس مريوم ... ولا شو بالظبط ؟؟؟ سيف وهو متفاجأ : اي مريوم ؟؟؟ عبدالله شو بلاك ؟؟؟؟ عبدالله : سيفو .. هاي الياهل .. رامت اتقص عليك .... شو بلاك انت ...؟؟؟؟ سيف : عبدالله ... لحظه .. انا بفهمك شو السالفه ... عبدالله : شو اتفهمني بعد ؟؟ شو اتفهمني ؟؟ اتفهمني انها قصت عليك ؟؟؟ ولا اتفهمني انها تبا تتسلى وياك ؟؟ ولا يمكن تبا اتفهمني انها شرات ما اترمسك اترمس 50 واحد غيرك ....سيف ... شو استوالك انت؟؟؟؟؟ شو فيك؟؟؟ وحمدو المسكينه ....تعبت من كثر ما اتقولك .... وانت اتقص عليها ... واتقولها انك نسيت مريوم .... وهي المسكينه كانت اتصيح ... لما عرفت انك اترمس مريوم ... واتقولها بعد انك ناسيها !؟!!؟!! ... شو فيك ؟؟؟ ... سيف .. شو استوالك ؟؟؟ماترحم هالياهل ؟؟؟؟ والله لو اتجوفها وهي اتصيح ... قلبك بعورك عليها ... سيف : .............. عبدالله : لا اتقولي انك اتحب مريوم وهي اتحبك ... اذا انت اتحبها .. اوكي ما بقول شي .. بس حط بالك يا سيف .. انها ما حبتك ... وعمرها ما بتحبك .... بس كانت تتسلى معاك .... لانها الحينه فسن مراهقه .... ويكون فعلمك بعد انها اترمس شباب غيرك .. سيف : عبدالله .. والله اني ماعرف شو اقولك ... والله كنت اتحراها اتحبني ..شرات ما انا احبها ..بس... عبدالله : خلاص يا سيف ..... والله اني ابا مصلحتك .... ولو ماكنت ابا مصلحتك ... ماكنت رمستك .... ولازم اتعرف يا سيف .. ان مريم عمرها ما حبتك .. ولا بتحب غيرك .... وماظن انها بتحب شي غير نفسها ... سيف : والله انها ...... شو اقولك يا عبدالله .... شو اقولك ...اذا قلتلك اني اطلب منك اتسامحني ... بتسامحني ؟؟؟؟؟ عبدالله : مسموح يا سيف ... بس... سيف : بس شو ؟؟؟ عبدالله وهو يبتسم : لازم حمدو هي اللي اتسامحك .... سيف : والله اني متفشل منها.... عبدالله : لا تخاف ... حمدو طيبه ... وبسرعه بتنسى ....يلا ...قم انسير عندها .... سيف : اوكي يلا ..... (( وسار عبدالله وسيف عند حمدو .... وشرات ما اتوقعوا .... حمده نست اللي استوى .... وسامحت سيف .... وردت علاقتها معاه شرات قبل ... واحسن ..... ويوم الخميس كان الكل مستانس ..... واكثر واحد مستانس عبدالله ......وحمده كانت بعد واااااايد مستانسه ومرتاحه .... وعقب قالو حق فاطمه >>>> العروس ...ان عبدالله يبا يجوفها .... فسارت تتريا عبدالله ..... وسار عندها عبدالله ... ويلس يرمسها ..... وحبها واااااايد ... لانها كانت وايد حبوبه ..... وعقب اسبوعين .. كانت عليا اترمس حمد ...... )) حمد : هلا ... هلا والله بالغاليه ... اشحالج حبيبتي؟؟؟ عليا : الحمدالله . اشحالك انت؟؟؟ حمد : والله الحمدالله (( ويلس يسولف وياها .... )) حمد : اقول حبيبتي .... عليا : هلا... حمد : شو رايج اليوم نظهر .... نسير نتعشى انا وانتي.... عليا : والله مادري يا حمد ..... اتعرف بعد لازم اشاورهم اول شي.... حمد : عادي .. محد بقول شي .... وانا الحينه بتصل حق محمد وبقوله.... عليا : اوكي.. (( واتصل حق محمد .... )) محمد : هلا حمد ... حمد : هلا... هلا والله .... هلا حمود .. هلا بربيعي وحبيبي .. وكل شي .. هلا... محمد : حمود .. شو عندك اليوم ؟؟؟ قول قول .. تراني اعرف حركاتك ... حمد : والله انك عجيب ... يعني سهلت عليي المهمه ..... محمد : هههههههه .... اوكي .. شو عندك ؟؟ حمد : اول شي ...قول تم ... محمد : شو مينون انا عسب اقولك انت تم ...هههههه محمد : اوووه... حمود ... يلا قول.. محمد : لا ما بقول .... انت قول شو عندك ؟؟؟ حمد : ابا ... ابا اظهر اليوم ويا حرمتي ... نسير نتعشى ..... والله من اول ما ملجت عليها ... وانا ولا مرة ظهرت وياها .... وبعدين هي حرمتي ... وعادي يعني ... وحمود انت لا تقول لاء ... لاني ربيعك وحبيبك .... و... محمد وهو يقاطعه : بل بل بل عليك ..... خلاص خلاص ... انا بعد ماروم اقولك لاء .... بتحشرني اذا قلتلك لاء ... حمد وهو مستاااااااااااااااااااااانس : والله انك حبيبي .... مشكووووووووووووور.... محمد : ههههههههههه .... العفو ... بس وين انشالله بتعشي حبيبة القلب ؟؟؟ حمد : هههه ... فبرج العرب ... محمد : خييييييييييييييييبه .... فبرج العرب مرة وحده .... وانا ربيعك .. اذا بتعشيني ... اكثر شي فمطعم هندي .... خلاص عيل ... انا بعد بيي وياكم .... هاي الطلعه صراحه ماروم افوتها .... ههههه حمد : لالالالالالالالالالالالالالالالالالالالالالالالالا لالاء .... شو اتي ويانا .... بعد شو الفايده اذا ييت ويانا ....انا عندي كلام وابا اقوله حق حرمتي ..... وانت ليش بتي ويانا .... محمد : اوكي اوكي... خلاص مابيي .... حشرتنا ..افف... حمد : احسن ...هههههههه .... اقول ... يلا انا بسير بقول حق علايتي عسب تتجهز ....اوكي ... يلا باي محمد : هههههههههه ... باي... (( واتصل حق عليا ... )) حمد : هلا حبيبتي ... عليا : هلا... حمد : يلا ... سيري اتجهزي ... بمر عليج عقب نص ساعه .. عليا : اوكي.. (( عليا كانت مستااااانسه .... لانها اول مرة بتظهر ويا حمد .... وعقب نص ساعه مر عليها حمد ... )) |
الجزء الثاني عشر .. --------------------- (( عقب نص ساعه مر حمد على عليا ....... وقبل لا تسير عليا ... رمسها اخوها محمد ... )) محمد : شوي شوي .... ليش جي تركضين ... وشو بلاج جي مستانسه ؟؟؟ ههههههه عليا : ............. محمد : اونه تستحين يعني ؟؟؟؟ المهم ... وين بتسيرون ؟؟؟ عليا : مادري والله ... ماقالي .... بس قالي انها مفاجأه.... محمد : صراحه ... حمد مفاجآته خطيره .... الله يوفقج معاه انشالله .... يلا ... سيريله ... تراه بيحشرج ... ههههه .... وقوليله محمد يسلم عليك ....ههههههههه عليا وهي مب فاهمه شو السالفه .... : الله يسلمك ... يلا باااي محمد : باي (( ولما ركبت عليا السياره ... )) عليا : السلام عليكم .... حمد : عليكم السلام ... هلا والله ... هلا بالغاليه هلا ... (( وساروا ... وعليا كانت مستحيه وساااااااكته .. )) حمد : عليا حبيبتي ... شو بلاج ساكته ؟؟؟ عليا وهي مستحيه : سلامتك .............هيييه صح .. نسيت اقولك .... حمد : شو؟؟؟؟ عليا : محمد يسلم عليك ..... حمد : هههههههه ... الهرم ...... الله يسلمه .... عليا : اقول حمد ... ماقلتلي .. وين سايرين ؟؟؟؟ حمد وهو يطالعها ويبتسم : اتريي شوي........ (( وسارو برج العرب ... عسب يتعشون هناك ... )) عليا وهي متفاجأه ومستانسه فنفس الوقت : حمد الله يهداك .... وين يايبنه ..... حمد : اي شي حق الغاليه .. يهون .... عليا : وايد عليي والله ... (( عقب ما اتعشوا ... ساروا يتمشون عالبحر ..... )) حمد : ها حبيبتي ... شو رايج فالعشا ؟؟؟؟ عليا : حمد فديتك مشكووووور .. حمد : آآآآه .... العفو حبيبتي ... (( وساروا السياره .... وقبل لا يسوقها ... طلعلها صندوق ..... وقالها اتقرب منه واتصكر عيونها .....عقب طلعلها عقد الماس ... ولبسها .....وباسها عخدها .... بس هي انتبهت وابتعدت شوي ..... وويهها استوى احمررررررر.....وعقب اتمشوا بالسياره شوي ......وحددوا موعد العرس عقب شهرين .....ووصلها البيت عالساعه 12 .... وقبل لا تنزل من السياره ... مسك حمد ايدها ... )) حمد : والله ان فرحتي ما تنوصف اليوم .... عليا : حتى انا .. حمد : شو رياج كل يوم نظهر شرات اليوم ؟؟؟؟؟ عليا : ههههههههه.....اتريا لين العرس ..... عقب اظهر عكيفك .... حمد : آآآآآه ..... متى بيي هاليوم .....والله اني ماروم اتريا ... عليا : .........................اوكي عيل حمد ... حمد : اوكي .... بكلمج عقب .... ولا بترقدين ؟؟ عليا : شو جايفني ديايه ارقد من الحينه ؟؟ حمد : هههه.. لا بس يمكن تعبانه ... عليا : خلاص عيل ... بترياااك .... حمد : اوكي ... (( وباس ايدها .. )) عليا : يلا باااي حمد : باي (( عقب اتصل فيها حمد ......ويلسوا يرمسون لين الفير ..... عقب يومين ... قرر محمد ان يرمس امه وابوه ... عسب يخطبون المها ... اللي سلبت قلبه وعقله ..... وبالفعل رمسهم .................لكن ... )) |
الجزء الثالث عشر ============= بو راشد ( ابو مها ) : والله كان ودنا ان اناسبكم يا بو عبدالله .... بس اسمحلنا يا خويه ....البارحه ولد عمها سالم خطبها ..... ونحن وافقنا ..... بس يا بو عبدالله .... مانبا انخلي هالسالفه تبد بينا ... او اتفرقنا ... بو عبدالله : لا ... افا عليك يا بو راشد .... نحن اهل ..... .....وما بنخلي عقلنا شرات عقل اليهال ...... يلا عيل ... عن اذنك الحينه ... نحن نترخص .... يلا محمد قم ... (( محمد كانت حالته لله .... ومايروم يسوي شي ... ولا يرمس ..... لانه مب مستوعب ان المها ... تكون حق حد غيره وظهر ... وهو مب عارف وين يسير ........ وكانت هاي حالة محمد طول هالفتره ...اما المها .... فحالتها ... ما كانت احسن عن حالت محمد .... لانها هي بعد كانت اتبادله الشعور نفسه .... بس شو اتسوي .. الظروف كانت اقوى منها والسالفه مب بايدها .... .... بس هي كانت ما تبا سالم .......... وعقب كم اسبوع ... تحددت الملجه ... والكل كان معزوم ....وفيوم الملجه ... كانت المها واااااايد متغيره ... والكل استغرب من هالشي ......... اما سالم ... فكان دووووووووووووم يسافر المانيا ..... ويوم الملجه .. كان مسافر ... واتصل فيه راشد اخو المها الصبح ... )) راشد : مرحبا الساع بالنسيب .... سالم : مرحبا راشد .... راشد : اشحالك الغالي ؟؟؟ سالم : الحمدالله ... انت اشحالك ؟؟ راشد وهو ملاحظ برود سالم فالرمسه : تمام الله يسلمك .... ها ... متى بتوصل طيارتك البلاد ؟؟؟؟ سالم : الساعه 2:30 الظهر .... راشد : اوكي عيل ... اجوفك فالمطار ... سالم : لالالالالالالالالالالالالالالا.... مافي داعي ..... لاتي ... مب لازم .... والله مب لازم ....لاتيي .. لاتيي .... راشد وهو مستغرب من ردة فعل سالم : بسم الله .... شو بلاك ؟؟؟ ليش جي محتشر ؟؟؟؟ وليش ما تباني اييك المطار ؟؟ سالم وهو مرتبك : آ ... مب لازم يا راشد..... التكاسي وايد .. لاتعب عمرك .... راشد : اوكي خلاص مابييك ....... (( راشد كان مستغرب ..... وشاك فالسالفه .... فقرر ان يسيرله المطار .. ويجوف شو سالفته ... )) (( مها كانت واااايد متأثرة ..... ودوم اتصيح عقب ما سمعت رمسة سالم ... وسالم كان عادي ولا جنه مسوي شي ..... وعليا كانت دوم تسأل عن مها واتسير عندها ........وحمد كان محتشر ...... يبا يعرس بسرعه ..... وعبدالله كان مرتاح ويا فاطمه ..... فقرروا ان العرس يكون عقب عرس عليا بشهرين .... ومحمد كان وااااايد متضايق على حالة مها ....... وكان دوم يفكر فاي شي .... بس عسب يطلقها سالم ...... ومريم كانت عحالهابس ماتروم اترمس حد ... لان عبدالله كان واااايد مشدد معاملته وياها ...... عسب اللي سوته ويا سيف ....... وكان دوم يراقبها ويجوفها شو اتسوي .... ومايخليها اترمس لولوة ..... لانه يعرف ان لولوة كانت سبب حالة مريم اللي هي فيها الحينه ........ اما حمده فما اتغير شي عندها ..... وكانت كل يوم تقريبا اترمس سيف ...... واتسولف وياه سوالف عاديه ................. ومرة اتصل حمد حق عليا من رقم ثاني غير رقمه .... بس مغير صوته ...)) عليا : الو .... حمد : احم .... مرحبا ... عليا : مرحبتين ... حمد : هلا ... اشحالج ؟؟ عليا : الحمدالله ..... منو وياي ؟؟؟ ماعرفتك ؟؟؟ حمد : مب لازم اتعرفيني ...... بس بغيت اسولف وياج .... عليا : لا والله !!!!! يلا لا تيلس تتمصخر ....منو انت ؟؟؟ حمد : بغيت اتعرف على صاحبة هالصوت الحلو .... عليا : صدق انك ما تستحي عويهك ...... والله انك متفيج ......اقول .... سير كمل ارقادك احسنلك ... يلا باااي (( وصكرت التلفون .... واتصل حمد مرة ثانيه بس مارت ... واتصل يمكن 5 مرات ... آخر شي ردت .... )) عليا : افففف...... نعم شو بغيت بعد ؟؟؟؟حمد وهو يضضضضضضحك : هههههههههههههههههههه .... علايه حبيبتي شو بلاج ماعرفتيني ؟؟؟؟ ههههههههههه عليا : ها انت !!!!!!! قول والله .... حمد : ههههههه والله ....ههههه عليا وهي محرجه : والله انك سخيف .... حمد : افا ... شو بلاج زعلتي ؟؟؟؟؟ تراني يالس اتمصخر .... عليا : ....... حمد : عليا .... عليا وهي بعدها محرجه : اقول ... انا بخليك الحينه ... يلا باي حمد : زعلتي ؟؟؟؟؟؟لالالالالالالالالا ما يستوي ..... والله ما بتصكرين الا وانتي راضيه ..... عليا : حمد ... يلا باااي حمد : شو .... شو باي؟؟؟؟؟؟ لا اتصكرين .. اتريي ... عليا : نعم ؟؟؟؟؟ حمد : عليا .... والله كنت اتمصخر ....شو بلاج ؟؟؟ عليا : هيييه .... تتمصخر عليي انا ..... شو تتحراني بنت السيلانيه عسب تتمصخر عليي ؟؟؟ حمد : هههههههه .... بنت السيلانيه مرة وحده ....ههه عليا وهي محررررررررجه : اففففف ... باي (( وصكرت وهي محرجه .... لانها انت متضايقه من قبل .... واتصل حمد وسوالها هالمقلب واتضايقت اكثر ...... ويلست اتصيح ..... وهي ماتعرف ليش جي متضايقه .....وحمد اتصل فيها فوق الــــ 20 مرة ... بس هي ماردت عليه ..... لانها ماتروم ترمس من الصياح ...... وحمد متخبل مايعرف شو يسوي ..... وقال بيتريا لين تهدى شوي عقب بيتصل فيها وبراضيها ..... عقب ساعتين تقريبا اتصل حمد ...... بس عليا ماردت لانها كانت بعدها متضايقه من الحركه اللي سواها ..... عقب اتصل حمد عتلفون البيت ..... )) حمده : الو ... حمد : الو .... هلا حمده ... اشحالج ؟؟؟؟ حمده : الحمدالله ....اووه ... حمد .. والله ماعرفتك ... اشحالك ؟؟؟ حمد : تمام .... اقول حمدو ..... وين عليا ؟؟ حمده : هني ... يالسه فحجرتها ... حمد : اوكي ... سيري قوليلها ان ربيعتها تباها .... حمده بخبث عسب اتعرف السالفه : ليش ؟؟؟؟ وبعدين ليش ما تتصل عتلفونها ؟؟؟؟؟ حمد : آآ..... حمدو فديتج يلا سيري قوليلها ... عقب انا بقولج .... حمده : لالالالالالا ... با اعرف الحينه ... هاهاها ...ههههه حمد : حمدووووووووووووووو .... يلا .... والله اذا سرتي وزغرتيها بنظهر .... وبوديج اي مكان تبينه ..... حمده : لا مشكور مابا اسير .... حمد : يالغبيه اي مكان تبينه .... حمده : مممممم .... اي مكان ؟؟؟ حمد : اي مكان ....\حمده : قول والله ... حمد : والله .... حمده : تراك حلفت ..... حمد : اوكي .... حمده : اوكي اتريا .... (( وسارت حمده وقالت حق عليا ان ربيعتها تباها .... وسارت عليا اترمسه .....)) |
الجزء الرابع عشر .. ----------------------- عليا : الو .... حمد : .......... عليا : الووووو ... ايه سارو .... حمد : الو ... (( انصدمت عليا .... وحرجت ... )) عليا :........... حمد : عليا حبيبتي شو بلاج ؟؟؟؟ عليا : ....... حمد : عليا ..... عليا : يعني ماتعرف؟؟؟ حمد : عليا شو بلاج اليوم محرجه ؟؟؟؟ عليا : .... حمد : عليا ...ز والله حرام عليج ليش جي اتسوين فيني .... ليش جي اتعذبيني .... عليا :....... (( وقبل لا يرمس حمد يلست عليا اتصيح .... وحمد انصدم ..)) حمد وهو منصدم : عليا !!!1 شو بلاج اتصيحين !!!!!!!عليا ... حبيبتي شو بلاج ؟!؟!؟؟!!؟؟ عليا .... عليا ..... عليا وهي اتصيح : ماشي ماشي ... والله ماشي .... حمد : شو ماشي ....شو بلاج ؟؟؟؟ عليا : حمد .... والله ماشي ... حمد : اوكي اوكي باي..... (( وصكر حمد عنها ... وعقب 10 دقايق قالتلها حمده ان حمد يترياها فالميلس ......اول شي مابغت اتسيرله ... عقب سارتله ...... واول مادخلت سلمت ويلست شوي بعيد .....)) حمد وهو ييلس عدالها : عليا حبيبتي شو بلاج ؟؟؟؟ حد مظايقج ؟؟؟؟ حد قايلج شي؟؟؟؟؟ عليا وعيونها دمعت : حمد ..... والله محد قايللي شي ... والله .... حمد وهو يمسك ايدها : عيل شو بلاج اتصيحين ؟؟؟؟ ..... مايستوي اتصيحين بدون سبب ..... اذا ما قلتيلي بتقوليين حق منو عيل ؟؟؟؟؟ عليا وهي محرجه : حمد .... الله يخليك خلني .... بس متضايقه شوي ..... والله ... وماشي شي ثاني ..... خلاص ... الحينه ارتحت ؟؟؟؟؟ (( حمد خذ فخاطره من طريقه رمسه عليا ..... يعني اذا هي متضايقه جي اتعاملني ؟؟؟؟ ... سكت عنها ...ووقف .... وتنهد ... )) حمد : وكي ... برايج .... (( وظهر من الميلس ... وماعطاها مجال عسب ترمس .... عليا انتبهت للي سوته... وندمت على اسلةبها فالرمسه مع حمد ...... وققرت انها تتصلله ... واتراضيه ... بس عقب ... لما ترتاح شوي .... ولما سارت الصاله حصلت سيف يالس ومحد عنده .... )) عليا : اوه ... سيف !! سيف : هلا عليا .... اشحالج ؟؟؟ عليا : تمام ... انت اشحالك ؟؟؟ سيف : الحمدالله... يسرج الحال... عليا : شو ... ليش يالس فالصاله ومحد عندك ؟؟؟؟ وينهم ؟؟؟؟ سيف : مادري والله ..... انا توني ياي .... عليا : اوكي عيل ... بسير اجوف عبدالله ولا محمد .... (( وسارت عليا وماحصلت عبدالله ... وسارت حجرة محمد .... وماحصلته .... وسارت عند حمده لان ماشي غيرها ... )) عليا : حمده ... سيري تحت ... سيف هناك ... حمده : اوكي الحينه بسير .... اقول عليو عليا : ها .... حمده : حمد سار ؟؟؟؟ عليا : ليش ؟؟؟؟ حمده : سالفه بيني وبينه .... انتي مالج خص ههههههه عليا وهي مبتسمه : محد ... سار حمده : اوكي ... اذا رمستيه قوليله متى بنظهر .... عليا : منو ؟؟؟؟ حمده : انا وهو .... عليا وهي مندهشه : وين ؟؟؟ ومنو قالج ؟؟؟؟ حمده : هو قاللي .... عليا : لا حبيبتي ... انا بقوله مايوديج ... حمده : لا والله ... مالج خص انتي ... هو قالي ... عليا : ماشي ...... يلا سيري عند سيف .... حمده : اففففففففف....شوها .... والله انكم جذابين ... كلكم مب بس حمد ....اففف (( وسارت الصاله وهي تتحرطم ... )) حمده وهي بعدها تتحرطم : والله جذابين ....مايقولون شي ويسوونه .... دايما جي جذابين ..و (....الخ ههههه) سيف : ايه .... شو بلاج يالعيوز ؟؟؟؟!؟!؟؟!!؟ حمده : ماشي ... سيف : ماحيد الحلوين يتحرطمون بعد .... حمده : ويعه ..... سيف : افا .... ليش يالحلوة ؟؟؟؟؟ حمده : سيفو وعلّه .... انشالله ماتحلى ايامك قول آآمين ...ههههه سيف : اوكي اوكي ... خلاص زعلت ... حمده : انت ويهك لوح ... ماتزعل .... سيف : ههههههه....اوكي ... شو بلاج ؟؟؟ حمده : ها حمد الجذاب ... قالي ان بنظهر وبنسير اي مكان ..... والحينه مايبا .... سيف : افا عليج .... انا موجود ... انتي بس قولي وين تبين اتسيرين ... وانا بوديج .... حمده : ليش انشالله شو المناسبه !؟!؟؟؟!؟؟! سيف : ليش حرام؟؟؟؟ ... عادي .. انتي حرمتي ... فالمستقبل ... قصدي فالمستقبل القريب انشالله .... حمده : اتخسي ....هههههههههه.....شو تتحراني خبله عسب آخذك انت !!!!!ههههههه سيف : اوكي بنجوف .... حمده : اففف ... سيفو والله انك سخيف ... سيف : شو اسوي ... احبج.... حمده وهي تتحراه يتمصخر : حبتك الجراده انشالله ....ههههه سيف : حمدو .... والله ماتمصخر .... حمده بعد لحظه صمت : اقول ..... اجلب ويهك ...هههههههه سيف : اييييه ..... شو تتحريني اتمصخر !؟؟!!؟ حمده : ....... سيف : حمده ....ز والله والله والله اني مب يالس التمصخر حمده عقب ما حست ان يرمس جد ومايتمصخر كالعاده : سواف .... اتعرف عبدالله و محمد ... سيف : شوبلاهم ؟؟؟؟ حمده : انت تراك شراتهم ..... والكل يعرف هالشي .... سيف : ........ (( عقب غيرت حمده السالفه ..... وتحولت يلستهم لضحك وتعليق وخبال ...... حمده كانت تتجنب انها ترمس بهالسالفه ..... لانها اتعرف انها ما بتستفيد شي لو حبته وحبها .....فكانت اتفكر فعقلها ... وتبتعد عن قلبها .... واتعرف شو الصح وشو الغلط ..... اماسالم اللي الكل حاول معاه ان يطلق مها ... فكان يعاند .... ويزيد اصراره ان ما يطلقها ..... لان امه كانت ورى هالسالفه ..... وهي اللي اتقوله يسوي جي ....وسار سالم بيت بو راشد عسب يملج ...... والكل كان رافض ... وراشد بالاخص .. اللي رفضه بشده ...... )) راشد : ابويه شو ها ....... شو يملج .... ابويه شو بلاك ؟؟؟؟ بو راشد : راشد .... خلاص ... انشالله عقب ال ملجه بنتصرف .... راشد : ابوية ... شو عقب الملجه !!!!! شو الفغايده بعد .... بو راشد : شو بقولون الناس يا راشد ....؟؟؟؟ راشد : ابووووووووووووووية ... ابوية ابوية اوبةيو ....خل رمسة الناس عنك ..... وفكر فبنتك .. شو بكون مصيرها مع واحد شرات سالم ...؟؟؟؟؟ بو راشد : والله اني افكر فيها ..... انشالله باجر بنتصرف .... راشد : شو باجر ؟؟؟؟؟ الملجه اليوم ...... شو الفايده بعد ... بو راشد وهو محرج : رااشد .... (( راشد سار عنه .. لان يعرف ان ابوه اذا رمس وايد .. بيتعب ...... وكان راشد محرج من تفكير ابوه السطحي .....واكيد هالتفكير غلط .....وسار راشد ورمس مها ... واتعلدت مها .... بس كانت اتصيح ........ بس عقب سكتت شوس ... لانها اتعرف ان ماشي فايده من الصياح ..... و اعتمدت عراشد اللي وعدها ان يخلي سالم يطلقها ....عقب ما ملج سالم ... سار الميلس يترياها وهو حاس بشعور النصر ..... وسارتله وهي تبا اتصيح .... بس حاولت انها ماتصيح عسب ما اتبينله انها ضعيفه .... ولبست شيلتها وسارتله جنه واحد غريب )) مها بصوت واطي : السلام عليكم ..... سالم : عليكم السلام (( وسارت مها ويلست بعيد عنه ... )) سالم وهو يسير وييلس عدالها : اشحالج ؟؟؟ مها ببرود : زينه ... سالم : زينه ولا نحول هههههههه (( مها كانت محرجه من سخافته بس سكتت ..... وهو كان يرمس ويتقرب منها ..... بس هي كانت تبتعد عنه ..... وعقب 10 دقايق سارله راشد ... )) سالم : شو ؟؟؟ راشد : شو شو ؟؟؟ يلا قم ... سالم : اوكي اتريا ..... اقول (( وهو يرمس مها ... عسب يقهر راشد ...)) .....عطيني رقمج عسب ارمسج عقب .... مها وهي متفاجأه من طلبه : رقمي !!!!!!! سالم : هيه .... مب حرمتي ... ومن حقي اني ارمسج.. مها وهي اتحاول اتجذب : آآ ...... انا ماعندي تلفون ..... راشد وهو محرج : يلا ساااالم ... سالم : اوكي عيل حبيبتي يلا مع السلامه .... (( مها اطالعته عقب طالعت راشد اللي كان منقهر من حركته......عقب سار سالم .... والساعه 12 اتصل بيت قوم عمه ....99 سالم : الو مرحبا ..... راشد : هلا سالم : وين مها ؟؟؟؟ راشد : سالم .... نتو ماعندكم ساعات فالبيت ؟؟؟؟؟؟ سالم بغباء : هييه ليش ؟؟؟ راشد وهو محرج : اففففف ..... لا تيلس تستهبل ..... الساعه 12 الحينه .... ومها راقده ..... سالم : اييييه ... ارمس عدل .... راشد : تبا شي بعد ؟؟؟؟؟ سالم : يلا بااي |
الله القصة طررر بليز التكمله |
الروااية حلوة تسلمي الاناامل الذهبية .. ونتريا الباارت اليااي |
اقتباس:
مشكووورة الغالية ع الردج الطيب .. ان شاء الله الحين بنزل البارت .. |
اقتباس:
مشكووورة الغالية ع الردج الطيب .. ان شاء الله الحين بنزل البارت .. |
الجزء الخامس عشر .. ------------------------------- (( عقب مارمس محمد مها كان واااايد مستانس .. وكان يتريا عليا اتنش من رقادها عسب يخبرها ان مها اتصلت ... وحمده كانت محتشره ... لانها عرفت ان حمد وعليا بيظهرون .. وتبا اتسير وياهم ...عقب مانشت عليا سارت لها حمده ... )) حمده : عليووووو ... افففف .. عليوووو .. عليا : بسم الله ... شو بلاج؟؟؟ حمده : صدق اللي سمعته ؟؟ عليا : وشو سمعتي؟؟!!؟! حمده : انج بتظهرين ... انتي وحَمَدو.. عليا ببرود : هييه .. ليش تسألين ؟؟؟؟ حمده : شو ليش ؟؟؟ لا تستهبلين .. انا بيي عليا وهي ميوده ضحكتها : ليش ؟؟؟ حمده : اففففففففففف عليووووو عليا وهي تضحك : ههههه .. اوكي اوكي لا تحرجين .... انا مالي خص .. قولي حق حمد .. حمده : اوكي ... اتصلي وانا برمسه ... عليا : لا حبيبتي ... الحينه يمكن راقد .. ومابغي اخرب عليه رقاده .. حمد : اييي عليوو .. يلا عليا : اوكي اوكي اففف (( واتصلت عليا حق حمد .... بس حمده رمسته ...)) حمد وهو توه ناش من رقاده : الو حمده : بسم الله شو هالصوت ... الو حمد : نعم .. حمده : نعمين حمد : منو ؟؟؟ حمده : ممكن نتعرف ؟؟ حمد : لا مب ممكن ... اجلبي ويهج يلا باي حمده : ههههه ... يا سلام عالزوج الامين ههههه حمد : حمدو يالخبله شو تبغين ؟؟ حمده : هههههه .. ...... اشحالك ؟؟؟ حمد : تمام قبل لا اسمع صوتج .... حمده : افا ... اوكي اوكي ماعليه ... حمد : ههه ...شو تبغين ووين عليا ؟؟؟ حمده : عليو هني ...اقووول حمد : شو ؟؟ حمده : شو شو ؟؟؟ صدق الخبر اللي سمعته ؟؟ حمد : وشو سمعتي ؟؟؟ حمده : الحبيب بيظهر اليوم وماقاللي .... وهو قايل ان بظهرني .. حمد : شو ؟؟؟؟ منو بيظهر ؟؟ حمده : حمممممممممممممممد ... لا تيلس تستهبل حمد : لا صدق .. شو السالفه ؟؟؟؟ حمده : افففف.... البارحه انت قلت انك بتظهرني ... ولا نسيت ... حمد وهو يحاول يتذكر : .... ها ..... هيييييييييييييييييييييه .... انشالله باجر .. حمده : لاااااء مالي خص اليوم ... حمد : اففففف ... حمدو حرام عليج ...لا تخربين عليي فرحتي حمده : وليش انشالله ؟؟؟؟؟؟ حمد : انا مستانس لاني بظهر ويا عليا .... وانتي ليش اتيين يالرزة .... مب لازم ......... باجر بظهرج حمده : لا لا اليوم احسن حمد : ما بخليج اتيين .. حمده : لا والله ... مب عكيفك .. حمد : ههههه ... اوكي بنجوف ... حمده : هههه ... اوكي ...... والله اني كنت برمس عبدالله عسب تظهر انت وعليا باجر مرة ثانيه .... الحينه خلاص ... اوكي عيل يلا باي... حمد : لالالالالالالالالالالالالالالالالالالالا ......لحظه لحظه ...اتريي .... خلاص .. وين تبين اتسيرين ؟؟؟؟ حمده : مابغي اسير مكان .... بيلس فالبيت احسنلي ... حمد : ايييه .. حمدو ... يلا عاد .. حمده : ممممم ... اوكي .....ههههههه حمد : اوكي ... انتي جوفي وين تبين اتسيرين ... عقب قوليلي...الحينه وين عليا ؟؟؟ حمده : اترمس مها ... حمد : مها ؟!؟!؟! منو هاي؟!؟؟؟! حمده : بنت خالتي .... هاي اللي فالملجه كانت دوم ويا عليا حمد : هيييه ... ليش .. شو بلاها ؟؟؟ حمده : ماشي .. حمد : ليش عيل اترمسها ؟؟ حمده : شو ليش ؟؟؟ حرام ؟؟؟ حمد : لالا .... اوكي عيل ... سوري انا مارمس بنات يلا باي حمده : اييه ... شو باي؟؟ حمد : شو شو باي ؟؟؟ شو تبغين بعد ؟؟؟ حمده : لا ماشي ... خلاص .. يلا باي حمد : باي (( وسارت حمده عسب اتخبر عليا ... وعليا بعدها اترمس مها ...)) عليا : خلاص مها ..... خلاص .. لين متى بتمين جي ؟؟؟ .....هييه .... انشالله الله بفكج منه ..... هييه ..... اوكي ...... اوكي .. يلا عيل .. باي حمده : شو بلاها ؟؟؟ عليا : بسم الله حمده : شو جايفه يني ..... المهم ...... رمست حمد عليا : اشحاله ؟؟؟ حمده : تمام ...ماتبين اتعرفين شو قال ؟؟؟ عليا : شو ؟؟؟ حمده : خلاص . انا بظهر وياكم ...هههههه عليا : ...... حمده : شو ... مب مستانسه ؟؟؟ عليا : اتصدقين .... لاء .ههههههه حمده : ههه ... بظهر وياكم اليوم .... وباجر انتي وهو بتظهرون ... عليا وهي مستانسه : صدق !؟!؟!؟؟!!؟!؟ حمده : هييه .. صدق ....ليش جي مستانسه ؟؟؟ هههههه (( ويلسوا يرمسون ... عقب سارت عليا واتصلت حق حمد ..وعقب ساعه تقريبا مر عليهم حمد .... وظهرت حمده قبل عليا ..... وسارت تبغي تركب يدام ... عسب اتجوف حمد شو بسوي ... )) حمده : السلام عليكم ... حمد : عليكم السلام ... وين وين انشالله ؟؟؟؟ حمده : شو اللي وين ؟؟ حمد : هني عليا بتيلس ..... انتي سيري ايلسي ورى ... حمده : لاااااء ... شو ورى ... ابغي ايلس هني ... حمد : مب عكيفج ... سيري ورى . عليا وهي يايه تضحك : السلام عليكم .... حمده : عليكم السلام ... يلا بسرعه .... حمد : شو بسرعه ... حمدو سيري اركبي ورى .. حمده : ههههههه .... اوكي اوكي .. عليا : ههههههه ........... حمد : وين تبغون اتسيرون ؟؟؟ حمده : السينما ... يقولون شي فلم حلو .... حمد : السينما الحينه ؟؟؟؟؟!؟!؟؟! حمده : هييه هيييه عادي .. حمد : ها عليا ... شو رايج ؟؟ عليا : مادري والله .... حمد : يلا قولي ... اذا ما تبغين اتسيرين مابنسير ... حمده : لا والله ... مب عكيفها ... عليا : هههه.... اوكي يلا ... السينما ... (( حمد كان منقهر ....لان مايروم يقول حق عليا شي وحمده موجوده .... فوقف عند الستار مارت .... )) حمد : حمدو ... سيري اشتريلج شي .. حمده : ليش انشالله ... شو تتحراني ؟؟؟؟ حمد : ههههه ... اييه .. والله ماتمصخر ....سيري اشتريلنا نحن بعد اي شي .. حمده : اففف ... اوكي ... (( ونزلت حمده .... وحمد اطالع عليا وهو مبتسم ...)) حمد : اشحالج حبيبتي ؟؟؟؟ عليا وهي اتردله الابتسامه : تمام حمد : افف من هالحشره حمدو ..... والله اني ماروم اقولج شي ... عليا : ههههه .... حرام عليك .. حمده وهي اتبطل الباب : احم احم .... شو .. ليش تضحكون ؟؟؟؟ حمد : بل بل بل .. (( وساروا السينما ..... وفالسينما حمده يلست فالنص ... عقب حمد يلسها على آخر كرسي .... وعقب ما خلصوا .. سارو يتغدون ... وتقريبا العصر سارو البيت ... )) حمده : مشكور ... حمد ببرود : العفو ..كل يوم تعالي ... .... حمد : شو تتريين بعد ؟؟؟؟ يلا سيري ... حمده : ههههه .. اوكي اوكي .. يلا باي حمد : بااااي عليا : ههههه ... يلا عيل .. مع السلامه ... حمد : لحظه لحظه .... تعالي بنسير ربع ساعه وبنرد ... عليا : اذا عرفت حمدو بتتخبل لانها ماسارت ويانا .... حمد : هي خبله من زمان ... (( وسارو ... وعقب ربع ساعه نز ّل عليا البيت .... وقبل لا يسير جاف عبدالله وهو يبغي يظهر ... ... فنزل عسب يسلم عليه ....)) حمد : مرحبا الساع .. عبدالله : مرحبا ملايين ولا يسدن ... هلا والله ... هلا بالنسيب هلا ...اشحالك ؟؟ حمد : تمام ... انت اشحالك ؟؟؟ عبدالله : والله اوكي .... شو ... وين بتسير ... تعال ايلس ... حمد : لا والله بسير ...... انت وين ساير .. عبدالله : والله ماشي ...قلت بسير صحارى فالكوفي شوب ... يمكن احصل حد من الربع هناك .... تعال ويايه ... حمد : مم ..اوكي يلا ... شو ورانا .. (( وساروا الشباب .... وعليا اول مادخلت حشرتها حمده ..... وفالكوفي شوب ....)) حمد : الحبيب متى ناوي يعرس ؟؟؟ عبدالله : انشالله عقبكم ... حمد : الله يوفقكم .... عبدالله : انشالله ... اقول حمد ... قم انسير اي محل ... ابغي اشتري عطور .... حمد : اوكي يلا ... (( ولما سارو المحل ... جاف عبدالله وحده .... تمشي ويا واحد .. وكانت متغشيه .... وهو تم يطالعها ...لان شبهها فوحده وهي ما انتبهتله ... ...بس ماهتم وايد ...ويلس يجوفله عطر .... وصد عسب يرمس حمد ....وجاف هاي البنيه ترفع الغشوة ..... وانصدم لما جافها .... لان ماتوقع هاي اللي جافها اتكون ........................) (( البنت انتبهت لعبدالله .... وعرفته .... وعبدالله كان صدق محرج .... وسارت البنت برع المحل ....عسب اتسير البيت .... بس عبدالله سار وراها .... وانكسر العطر .... وحاول ان يعرف وين بتسير ... بس ماقدر .... لان كان صدق زحمه ..... وعقب سار عبدالله البيت .... وها اللي وياها مستغرب مايعرف شو السالفه ......وحمد بعد مستغرب .... لان ماعرف شو بلاه عبدالله ... وشو استواله ... وكان بسير ... بس ..... كان في واحد يشتغل هناك ... يود حمد قبل لا يسير .... )) حمد : بسم الله .... شو بلاك ؟؟؟؟ الريال المصري : اي يعني شو بلاك ؟؟؟ لازم تدفع حق العطر اللي كسرتوه ... حمد : اي عطر ..... هييه ...... وكم انشالله ؟؟؟ الريال : مش كتير .... حمد : يعني كم بالظبط ؟؟؟ الريال : 750 درهم بس ... حمد : بس؟!؟!؟!!!!؟!؟ لا واايد رخيص ..... اففف منك يا عبود ... .. .. .. .. .. .. .. اففف .. بدفع شو اسوي بعد ... (( وفبيت قوم بو عبدالله كانت عليا يالسه اتسولف ويا حمده ..... ودخل عبدالله وهو محررررررج ..... )) حمده : بسم الله الرحمن الرحيم .... عليا : شوي شوي عالباب ... عبدالله وهو محرج : وين امي ؟؟؟ حمده : عبود شو بلاك ؟؟؟؟ عبدالله : اففف ... امي وييينها ؟؟ حمده : مب هني ... سايره بيت ام بدر ..... عبدالله : استغفر الله .. .. .. بسرعه اتصلي فيها عسب اتيي ... حمده بخوف : اوكي اوكي .. (( واتصلت حمده فامها ... وسار عبدالله حجرته .... ومحد يعرف شو السالفه .... وسارت ام عبدالله بسرعه البيت ...)) ام عبدالله بخوف : شو بلاكم .... شو مستوي ؟؟؟ عليا : امايه ... بسرعه سيري جوفي عبدالله شو بلاه ... محرررج .... ام عبدالله : الله يستر ... (( وسارت ام عبدالله حجرة عبدالله ... )) الجزء الرابع عشر ... (( سارت ام عبدالله حجرة عبدالله عسب اتعرف شو بلاه عبدالله . .. )) ام عبدالله بخوف : خير يا عبدالله ... شو بلاك ؟؟؟ عبدالله وهو بعده محرج : شو انتو تتمصخرون عليي ولا شو سالفتكم ؟؟؟؟ ام عبدالله : ليش؟؟؟؟ شو مستوي ؟؟ عبدالله : هاي اللي اتقولون انها محترمه .... وماشي احسن عنها ..... ظاهره ويا واحد .... وتتمشى وياه فصحارى بين الناس .... صدق ماشي تربيه ... ام عبدالله وهي صدق بدت اتخاف : ليش ياعبدالله ؟؟؟؟ ومنو هاي اللي ترمس عنها ؟؟!؟!؟!!؟ عبدالله : فاطمه اللي ماتستحي عويهها .... اللي قلتولي اخطبها ... وماشي احسن عنها مسودة الويه ... ام عبدالله وهي منصدمه : فـــ... فاطمه ؟؟!؟!؟!؟! عبدالله انت متأكد ؟؟؟؟ عبدالله : جفتها ... شو مب متأكد .... امي انا اليوم ساير المحكمه عسب اطلقها.... ام عبدالله : طلاق؟؟!؟؟!؟! لا يا عبدالله ... مب لهالدرجه .... عبدالله : شو ؟؟؟!؟؟! شو بلاج ؟؟!!؟!؟؟ اقولج ظاهره ويا واحد .... واترمس شباب واتقولين لا اطلقها !!!! ام عبدالله : ..... عبدالله : وين ابويه ؟؟؟ ام عبدالله : مادري والله ظهر ... عبدالله : ...... ام عبدالله : خلاص يا عبدالله ... سو اللي يريحك ... (( وظهرت ام عبدالله ... وسارت عسب اترمس بو عبدالله ... وعليا وحمده بعدهم مب عارفين شو السالفه ..... وسارو عند امهم وخبرتهم السالفه.....)) عليا وهي منصدمه : فاطمه اتسوي كل ها ؟؟!!!!!؟؟!؟؟!؟ حمده : بل عليها .... صدق ان تحت السواهي دواهي ... ام عبدالله : هييه والله صدقج ... عليا : والحينه .... شو ناوين اتسوون ؟؟؟ ام عبدالله : مادري والله ... بس عبدالله مايبغي غير الطلاق ... عليا : الطلاق !!!! لا .. حرام شو طلقها ... لالالا .. فكروا فشي ثاني .. حمده : شي ثاني !!!!! صدق انج بارده .... تستاهل يطلقها .... والله انها ما تستاهل عبدالله .... فديتك يا عبدالله ... والله انك ما تستاهل اللي يستويبك ... انا بسير عنده ... ام عبدالله : لاااء .. لا تسيرين ... بحرج عليج ... لانه هو محرج .. حمده : اففف ... اوكي ... عليو سيريله ورمسيه ... عليا : مب الحينه .... خليه يهدى شوي .... حمده : هييه ... جي احسن ... (( واتصل حمد فعليا ... لان كان يحاتي عبدالله ... )) حمد : الو ... عليا : هلا حمد .... حمد : هلا والله ... اشحالج ؟؟؟ عليا : تمام .. انتي اشحالك ؟؟؟ حمد : تمام والله ... اقول حبيبتي .... عبدالله فالبيت ؟؟ عليا : هييه ... حمد بصوت عالي : صدق!!!!! الحمدالله ... والله كنت احاتيه ... عليا : بسم الله .... شو بلاك ... وشو السالفه ؟؟؟ حمد : والله ماعرف ... بس انا كنت ويا عبدالله فمحل العطور .... و ...(( وخبرها السالفه ...)) ...... والحينه ماعرف شو بلاه .. عليا : هييه ... هاي اللي جافها خطيبته فطوم ... حمد : صدق!!!!!!! عليا : هييه والله .... والحينه محرج يبغي يطلقها ... حمد : زين يسوي فيها مسودة الويه ........ والحينه هو اشحاله ؟؟؟؟ عليا : والله ماعرف .... انا الحينه بسيرله وبرمسه .... لانه جنه هدى شوي .... حمد : فديت حرمتي والله ... عليا ويهها استوى احححححححمر : ....... حمد : فديت اللي يستحون.... عليا وهي مستحه : يلا ... لا تيلس تتفدى .... انا بسيرله الحينه .. اوكي ... حمد : اوكيك حبيبتي ... يلا باااي عليا : بااي |
الجزء السادس عشر .. ------------------------------- (( وسارت عليا حجرة عبدالله عسب اترمسه ... وحصلت عبدالله منزل راسه ... وميود شعره ... فسارت ويلس عداله .... وانتبه لها ورفع راسه واطالعها ... لكنه رد لوضعه ... )) عليا : عبدالله ... (( رفع عبدالله راسه مره ثانيه واطالعها ...)) عليا : عــ ... عبدالله .. لاتسوي فعمرك جي ..... عبدالله : .... عليا : عبدالله ... تسمعني ؟؟؟ عبدالله : شو تبغيني اسوي يعني ؟؟؟ اضحك واستانس ؟؟؟؟ ولا شو ؟؟؟ عليا : اوكي انت قوللي ... شو السالفه ... وشو استوى ؟؟؟؟ عبدالله : شو تبين اتعرفين ؟؟؟؟ سواد ويهها .. عليا : خلاص يا عبدالله .... لاتسوي فعمرك جي عشي ما يتساهل ... عبدلاله : ما يستاهل !!! عليا ... انتي ماتعرفين كيف انا حبيتها ... يعني صدق حبيت هالانسانه ... حبيتها من كل قلبي .... والحينه اتقولينلي شي ما يستاهل ؟!!؟!؟ عليا : والله اعرف انك اتحبها ... بس .. عبدالله : بس هي اتحب واحد ثاني .. بس هي وحده صايعه ... ما تستحي عويهها ... صح ؟؟؟ عليا : خلاص ... خلها اتولي .... شو تبغي فيها ... شي بدال الوحده 100 .... يتمنون بس نظره منك ... عبدالله : والله ماتستحي عويهها .... عليا : والحينه .... شو الحل ؟؟؟ عبدالله : بطلقها ... عليا : ماشي حل ثاني ؟؟؟ عبدالله : تبيني اعيش وياها ؟!؟!؟! عليا : مب جي ... بس كل انسان لازم يغلط ..... ولازم اتسامحها .. عبدالله : خلاص .... انا عفتها ... وخبريها هالشي .... وان ورقة طلاقها بتوصلها باجر انشالله .... عليا : اوكي ... على راحتك ... (( عبدالله صمم ان يطلقها ..... وسار هو وابوه اليوم الثاني المحكمه ....وسار عقب بيت قوم فاطمه ... وعطاها الورقه ..... وسار البيت .... وفاطمه اتصلت فعليا .. )) فاطمه : الو ... عليا : هلا ... فاطمه : هلا فيج ... اشحالج ؟؟؟ عليا : تمام .. فاطمه : ... عليا : السموحه الغاليه ماعرفتج .... فاطمه : انا .... انا فاطمه ... عليا وهي متفاجأه : فاطمه!!!!!! فاطمه : هييه .. عليا . .عرفتي اللي سواه اخوج ..؟؟؟؟؟؟ عليا : هييه ... فاطمه : مب حرام عليه جي يسوي فيني ؟؟؟ عليا : مب حرام عليج انتي جي سويتي فالريال ؟؟؟؟ عبدالله ماقصر عليج فشي .... والله تبغينه عطاج ..... وآخر شي جي اتسوين ؟؟؟ فاطمه : هييه ..بس ... عليا : فاطمه ... انتي جرحتي عبدالله .... وخلاص .. الحينه عبدالله عافنج ... فاطمه : شو يعني؟؟؟ عليا :شو شو يعني ؟؟؟ فاطمه : يعني ماشي امل ؟؟ ؟ عليا : لا ماشي .. فاطمه بحده : مالت عليج وعلى اخوج .... والله ا ني مستانسه .... ماتعرفين كيف انا مستاااانسه .... وانا عمري ماحبيت ولا بحب اخوج الساذج ...هههههههه عليا : صدق انج ..... الله يسامحج بس .... فاطمه : الله يسامح الجميع ... قولي آمين ....ههههه عليا : .... فاطمه : يلا بااااي هاهاهااااااي (( وصكرت عنها .... وعليا كانت صدق منصدمه .... ومتفاجأه ..... وماتوقعت فاطمه الهاديه اللي ماشي احسن عنها ... اتكون فهالنذاله ... صدق ان تحت السواهي دواهي ..............وفنفس اليوم .. كان محمد يبغي يظهر من البيت ..... عسب يسير هو وراشد يرمسون سالم .... واتفقوا وياه انهم يسيرون صوب البحيره ..... ومحمد كان توه يبغي يظهر .... جان يسمع حد يدق جرس البيت .... وسار وبطل الباب .... لانه هو ظاهر ... وجاف وحده .. بس ماعرفها .... وشكلها وحده صايعه من طريقة لبسها ...... وهي اول ماجافت محمد ... بغت اتموت ... لان ذبحها بوسامته ....)) .... :مرحبا .... محمد : مرحبتين .. هلا اختي ... ..... : هلا فيك الغالي .. اشحالك ؟؟؟؟ محمد : تمام ... السموحه منج الشيخه ... منو انتي ؟؟؟ ..... : ........ محمد : ؟؟؟ ..... : هييه .. انت ماتعرفني .. ولا انا اعرفك ... بس اذا بغيت هالشي ... تراني موافقه .... وماعندي مانع .... محمد وهو محرج لانه كان مستعيل يبغي يظهر : الشيخه ... منو بغيتي ؟؟؟ .... : بغيت مريومتي ... محمد يطالعها وهو مستغرب : منو اقولها ؟؟؟؟!؟!؟ ..... : قولها ربيعتها لولوة .. (( محمد اطالعها واتذكر ان هاي اللي عبدالله رمس عنها ..... واللي اتعلم مريم عالشباب وهالسوالف .... فاطالعها بنظرات حقد ...)) لولوة : شو الغالي ... وين وصلت ؟؟؟ محمد وهو محرج : اتريي ... (( وسار وقال لمريم ان لولوة تترياها ... وظهر ... ونزلت مريم وهي مستانسه ...)) مريم : هلا .. هلا والله .. هلا وغلا ... لولوة : هلا فيج .. اشحالج يالقاطعه ؟؟ مريم : تمام .. انتي اشحالج ؟؟؟ لولوة : والله اوكي .. اقول .. مريوم ... منو ها اللي بطل الباب ..؟؟؟؟ مر يم : هييه .... ها حمود السخيف .... لولوة : ليش سخيف ؟؟؟؟ بالعكس .. اخوج وااايد غاوي ....شو رايج .. ينفع حقي ولا لاء ؟؟؟؟ مريم : اكيد ينفع .... بس .. لولوة : بس شو ؟؟؟ مريم : هو جنه يحب وحده تستويلنا ... لولوة وهي محرجه : اففف ... منو هاي بعد ؟؟ مريم : هاي مها لولوة بثقه : انا اللي بخليه ينسى مها .. وهل مها كلهم ...هههههه (( وعند محمد .... فكان هو وراشد يتريون سالم ...)) محمد : اففف ... ها وينه ؟؟؟ راشد : مادريبه ... شكله مابيي ... محمد : يخسي مايي ... (( ووصل سالم .. وسار عندهم ...وشكله تعبان .....)) سالم بغرور : السلام ... محمد + راشد : عليكم السلام والرحمه ... سالم :منو الاخو انشالله ؟؟؟ راشد : ليش مب عايبنك ؟؟؟؟ سالم وهو يبتسم بغرور : آآه .. راشد وهو محرج : ها محمد ... سالم : اها ... محمد محمد :هييه محمد سالم : اوكي .... وشو عندكم ... اتقولون تبغوني فشي ضروري ...اكيد تبغون اتحددون موعد العرس ... صح ؟؟؟ راشد : ومنو قال ان شي عرس ... سالم : ههههه .. ماوصيك ... ارزف فالعرس .... اوكي ...ههههه (( قام راشد بيظرب سالم .... بس محمد يوده ....ويلس . )) محمد : نحن يايين نتفاهم .. مب نتظارب ... سالم : على شو يا استاذ محمد ؟؟؟ محمد : البنيه ماتبغيك ... شو تبغي فيها .... ياخي طلقها ...طلقها وريّح الناس سالم : هههههه .. بهالسهوله ؟؟؟؟ انسى ياريال ...هههه (( ويلسوا يحاولون يقنعون سالم .. بس هو ماطاع ... وقام يبغي يسير ... بس حس انه مايروم يوقف ...فرد ويلس مرة ثانيه ... ومحمد سار عنده ويوده لان حس ان يبغي يطيح ... )) محمد : رشود ... شغل الموتر ... راشد : ليش؟؟؟ محمد : بسرعه ... بنوديه المستشفى ... راشد : شوووووووووووووووووو ؟!؟!؟!؟!؟!!؟؟!؟!؟!!؟!؟؟!!؟!؟؟!؟!؟ خله يولي ..... محمد : حرام عليك .... يلا قم ... راشد : ماشي امظيعنا غير طيبتك اللي مالها لازم .... محمد : رشوووووود ... لا ترمس وايد ... يلا قم ...الريال تعبان .. (( وسارو المستشفى .... وسالم كان صدق تعباااان ... ومايروم يتنفس ... وحرارته مرتفعه ... فدخلوه قسم الطواري .... وقالو ا ن لازم يسوي فحص كامل ....وعقب ساعه تقريبا طلعلهم الدكتور ... )) محمد : خير يا دكتور .... شو فيه ؟؟؟ طمّنّه عليه .. راشد : شو يا دكتور .... سالم شو بلاه ؟؟ الدكتور : والله انا مش عارف أأول ايه ... بس محمد : بس شو .... شو بلاه ؟؟؟ الدكتور : هوه متجوز اجنبيه ... ولا ايه ؟؟؟؟ راشد : هييه ... ليش ؟؟؟ محمد : خير ..؟؟؟؟ الدكتور : للأسف ... زوجته فيها الايدز ..... و.. محمد وهو منصدم : شووووووووووووووووووو؟؟!!!!!؟؟!؟!؟؟!؟!؟!؟! راشد : يعني .... يعني سالم ... الدتور : للاسف ... ايوه ....بس ده قضاء الله وقدره ... ولازم تأمنو بالله سبحانه وتعالى محمد : والنعم بالله .....بس الايييييدز !!!!! راشد : عمري ماتوقعت ان سالم يكون فيه هالمرض .... محمد : قم بنسير انقول حق هله .... راشد : شو تبغينه انقولهم .؟؟؟؟ انقولهم بهالسهوله ان سالم في الايدز !!!!!! محمد : ادري انها صعبه .... بس ماشي حل ثاني ... ((وسارو وخبرو هله ..... وانتشر الخبر . .. .. .. .. .. ..والكل انصدم .... لان محد اتوقع ان سالم بكون في هالمرض ..... ومها لما سمعت الخبر ... صدق انصدمت ... ويلست اتصيح ... لان مهما يكون ها ولد عمها .... وكلهم حزنو عليه .... ويلسو يدعونله بالرحمه .... وان الله يغفره ذنوبه ....وسالم صدق ندم على كل اللي سواه فهله ... و سار وطلق مها ..... ومحمد صدق كان مستانس ..... بس ان فنفس الوقت متظايق ..... ودوم يدعيله بالرحمه ...وعقب اسبوع تقريبا .... وصلهم الخبر ان سالم مات ... والكل حزن عليه ...... )) ((وعقب كم اسبوع ....فبيت قوم بو عبدالله ...كانوا بو عبدالله .. وان عبدالله .. وعبدالله ... ومحمد يالسين يرمسون ..... )) بو عبدالله : الله يرحمه .... ام عبدالله : هييه والله الله يرحمه ويغمد روحه الجنه ... عبدالله : ها قضاء الله .... شو بسوون هله بعد ... محمد : سبحان الله ... الله ما يظرب بعصا ..... بو عبدالله : هاي هي يزات الظالم ...... واذا فالدنيا جي ... فالآخره الله ما برحمه ... لان سالم كان وايد ظالم ....(( ارحموا من فالارض يرحمكم من فالسماء )) ..... عبدالله : صح كلامك ... الله يمهل .. وما يهمل .... بس الله يرحمه .... ام عبدالله + بو عبدالله + محمد : الله يرحمه .. محمد : اقول ابويه ... بو عبدالله : خير .. محمد : خير انشالله .... بس بغيت اقولك اني ناوي اخطب .... ام عبدالله وهي مستاااانسه ... : صدق !!!!!! ... الف الصلاة والسلام عليك يا حبيب الله محمد ... كلولوولوولووولللوولييييييش .....الف الف مبروك يا محمد ..... والله اني كنت اخاف انك ماتعرس .....الف الف الف مبروك .... بو عبدالله : ام عبدالله الله يهديج ... اتريي على والولد شوي. ... خلنا انعرف بنت منو هي ......و وين عرفها ..... عقب باركيله عكيفج ... ام عبدالله : والله اني مستانسه ... لان دوم كان يقول ان مايبغي يعرس .... بو عبدالله : منو هي يا محمد ؟؟؟ محمد : احم احم .... عبدالله : منو ؟؟؟ محمد : انتو اتعرفونها ..... واتعرفون هلها ......و .. عبدالله : اييه حمود ... لاتيلس تتمصخر ....يلا قول منو هي ؟؟؟ محمد : وانت شو بلاك جي مستانس؟؟؟ههههههه عبدالله : ايه .. حمود ... محمد : اوكي ..اوكي ههههههه....بس مب الحينه بقول .... اتريو عليه شوي.... |
الجزء السابع عشر .. ------------------------------- (( وعقب كم يوم .... فبيت بو راشد ... كان يوم الخميس .. والكل متيمع هناك .... وكانو كلهم يالسين فالصاله .... شباب وبنات وشواب ....)) بو راشد : بعد ... اشحالكم .... وشخباركم ... وشو مسوين بعد ؟؟؟؟ بو عبدالله : والله عايشين .... محمد وهو يرمس بو راشد : اقول بو راشد بو راشد : خير يا محمد ... شو عندك ؟؟؟ محمد والكل يطالعه : بغيت ..بغيت اخطب بنتك مها .... شو رايك ؟؟؟؟؟ (( الكل اتفاجأ ..... ومحد اتوقع ان محمد يخطب مها .... بس عليا ... اللي كانت اتعرف كل شي ..... ومها بعد اتفاجأت .... واستحت .. وسارت حجرتها .... وسارت وراها عليا .... )) بو راشد وهو مستانس ...: والله يا محمد .. انت ريال والنعم .... وماتنعاب ... بس اتعرف ان الراي الاول والاخير للبنت .... محمدوهو متأكد من رايها : هييه لازم اتعرفون رايها ... راشد : اوكي اوكي يا حمود .... انا آخر من يعلم .....والله انك خاين .... ليش ما قلتلي عسب نخطب انا وانت فيوم واحد ؟؟؟؟هههههه محمد : هههه ... والله اني ماقلت حق حد حتى ابويه مايعرف .... بو عبدالله : ههههه عبدالله : وانت يا راشد ... متى ناوي اتعرس ؟؟؟؟؟ومنو هاي؟؟؟؟ راشد : والله انا ادور .... بس بعدي مب محصل ... (( والكل كان مستانس ... الا مريم .... اللي كانت تحاتي لولوة .... وطبعا مها كانت موافقه ...... وخطبوها عقب شهر .... والملجه كانت عقب اسبوع من الخطبه ...ولولوة عرفت باللي استوى ... وصممت ان اتخرب حياة محمد ... واتخليه حقها هي وبس ......... وفيوم الملجه ... الكل كان مستانس ..... ومها كانت وايد متوترة .... وعليا يالسه عندها ....)) عليا : بسم الله ... شو بلااااااج؟؟؟؟ههههه مها : شو شو بلاي ؟؟؟؟ مب جنج كنتي جي يوم ملجتج .... واخس عن جي بعد .... عليا : اوكي ....انتي هدي اعصابج ... وانشالله ما بستوي الا كل خير .... مها : انشالله ... حمده : ههههه ... مهو والله اتظحكين ههههههههه مها : حمدو ..الله يخليج .... اسكتي عني .... حمده : هههههه (( وسارلها راشد .... عسب يقولها ان محمد يبغي يجوفها ..... وسارت وهي ميته من الخوف .... ومحمد صدق استانس لما جافها ....... ويلس يرمسها ......عسب ترتاح للوضع .....ومر اليوم عخير .....وعقب كم يوم ... كان محمد يالس فالصاله ...ورن التلفون ... وقام عسب يرد .... )) محمد : الو ... لولوة بدلع : بابافين ... محمد بحده : الووو لولوة : هلا والله .... هلا بالغالي اخو الغاليه .. محمد : منو معاي؟؟ لولوة : افا والله ... ماعرفتني ؟؟؟؟ محمد : لا والله ... ماحصلي الشرف .... لولوة : انا لولوة .... محمد : ..... لولوة : وينك حمودي ؟؟؟ محمد وهو محرج : شو انتي ماتستحين عويهج ؟؟؟؟؟ لولوة : ليش عاد؟؟؟ محمد : صدق ان ماشي تربيه ..... (( وصكر فويهها .... عقب 10دقايق اتصل فمها ..... )) مها : الو ... محمد : هلا .... هلا والله... هلا براعية الصوت هلا .. مها : ... محمد : اشحالج حبيبتي ؟؟؟؟ مها وهي مسسسسستحيه : الحمدالله محمد : شخبارج بعد ؟؟؟ مها : والله تمام.... انت اشحالك؟؟؟ محمد : انا .....آآآه ....والله اني تمام لما سمعت صوتج ... (( ورن تلفون البيت ..... )) محمد وهو يرفع السماعه .. : اقول حبيبتي ... اتريي دقايق مها : اوكي ..... لولوة وهي منقهره .... لانها سمعت محمد : الو ... محمد : الو لولوة : اشحالك ؟؟؟ محمد وهو محرج : انتي شو سالفتج ؟؟؟؟ شو تبغين بالظبط ...؟؟؟؟ لولوة : ابغيك انت ... محمد : والله ماتستحين عويهج .....اتريي اتريي .... محمد وهو يرمس مها : اقول حبيبتي ....بتصل فيج عقب 5 دقايق ... اوكي مها : اوكي .. خذ راحتك .... محمد : تسلمييين .... احبج ... مها : .... محمد : فديت اللي يستحون .... يلا عيل ... بااي مها : باي ..... محمد وهو يرمس لولوة : خير .... شو تبغين ؟؟؟؟ لولوة : والله ماشي .... بس بغيت اقولك اني احبببببك .... محمد : اظن سمعتيني الحينه وانا ارمس حبيبتي ... صح ؟؟؟ لولوة : مالت عليها ... شو تبغي فيها ... محمد : مالت عليج انتي ....اسمعيني ... لاتتصلين مره ثانيه .... ولا صدق بتندمين .... (( وصكر فويهها ... عقب رمس مها ...)) محمد :هلا حبيبتي .. مها : هلا محمد : شو وينج الحينه ؟؟؟ فالبيت ؟؟ مها : هييه والله فالبيت ... محمد : دقايق وبكون عندج .. اوكيك ... يلا بااي مها وهي تضحك : باي (( وها حال محمد كل يوم ...... ولولوة مب امخليته فحاله ..... وهو يهزبها كل يوم ...بس ماشي فايده ..... ومرت الايام ... واليوم هو يوم عرس عليا ....... وربشه ووناسه ....وحمد مستاااااااااااااااااانس .....ومريم كانت عازمه لولوة عالعرس .... وهي مستانسه لانها بتجوف محمد ....... وفالعرس ...)) لولوة : اقول مريوم ..... مريم : هلا ... لولوة : وينها هاي مها ماعرف شو اسمها ...؟؟؟؟ مريم : هييه .... (( وهي اتأشر على مها ...)) ...هاي هيي لولوة : والله مابخليها فحالها ... (( وسارت لولوة ويلست عند مها ... .)) لولوة : مرحبا ... مها : هلا .... لولوة : اشحالج ؟؟؟ مها : تمام ... انتي اشحالج ؟؟ لولوة : والله تمام ... اكيد ماعرفتيني ... صح؟؟؟؟ مها : لا والله ...السموحه .. بس ماعرفتج ..... لولوة : مب لازم اتعرفين اسمي ...... بس اللي لازم اتعرفينه ان محمد هو حياتي .. وقلبي .... وحبيبي .... وهو خطبج ... بس عسب اسكت هله ... لانهم حشروا .. دوم يقولونله عرس عرس ..... وهو مل ... وقال ان لازم يسكتهم ..... فخطبج .... يعني بس جي بينكم ورقه .....وقلبه عندي انا .....سمعتي ... عندي انا انا انا ... (( وسارت عنها ....ومها قلبها كان يتقطع ... لانها كانت صدق اتحب محمد شرات ما هو يحبها .....ويلست اتصيح .... وقالت حق امها انها تعبانه ... وسارت البيت ......... ودخلت العروس .... ودخل عقبها حمد ... اللي كان صدق مستااااانس .... ودخل اخوانه ومحمد وعبدالله .. .... ولولوة اتحاول اتخلي محمد ينتبهلها ..... وعقب ماطلعوا اخوان حمد ... سار محمد وعبدالله عسب يباركون لعليا ...وفنفس اللحظه سارت لولوة عسب اتسلم على عليا وينتبهلها محمد ..... )) لولوة : الف الف الف مبروك حبيبتي ... عليا : الله يبارك فيج ... (( ووقفت اطالع محمد .... وهو ماسوالها سالفه ....عقب ظهروا محمد وعبدالله ....)) محمد : اقول .. عبدالله : هلا .. محمد : عرفت منو هاي اللي سلمت على عليا ؟؟؟ عبدالله : لاء ... منو هاي ؟؟ محمد : هاي لولوة ....ربيعت مريوم ..... هاي الماصخه .. عبدالله وهو متفاجأ : هاي هي!!!! محمد : هييه .... شو عيبتك ؟؟ ههههه عبدالله : انا ما اطالع هالاشكال ...هههههههه محمد : هههههههه ((عقب سارو عليا وحمد .... وعالساعه 3 فظت القاعه من الناس ....وفبيت قوم بو عبدالله .... محمد سار عند حمده ....لانه اتعود دوم يسير عند عليا ..... بس الحينه هيي مب موجوده ...وكان البيت صدق ملل... )) محمد : حمدو ....حمدو .. حمده : بسم الله ... شو ؟؟ محمد : شو راقده يالديايه ؟؟؟ ههههه حمده : شو راقده .... والله البيت ملل .... اففف محمد : هييه والله ملل ...... شو سويتي فالعرس اليوم ؟؟ حمده : والله ماشي ..وناسه .. محمد : هييه ...ومها اشحالها ؟؟؟ حمده : هييه يالمصلحجي ... ياي تسال عنها ...ههههه محمد : لا والله .. ياي اسولف وياج .... بس هي اهم ..... ههههه .. حمده : هييه لازم ....هههههههه... بس اليوم ماعرف شو بلاها . محمد باهتمام : شو ... ليش ؟؟ شو فيها ؟؟؟؟ شو مستوي ؟؟ حمده : بل ...ماشي والله ....بس هي جنه يلست اترمس مريوم ولولوو ربيعتها ... عقب سارو .. لاها كانت تعبانه ... محمد : رمست لولوة!!!!!!!!! حمده : هييه محمد : الله يستر .. ماعرف شو قالتلها ... حمده : ليش شو مستوي؟؟؟؟؟ محمد : ماشي ماشي ....يالله عيل برايج .... حمده : وين ؟؟ والله ملل .. محمد : سيري عند عبدالله .. حمده : راقد ... محمد : والله مشكلتج ....هههههه (( سار اتصل حق مها ... بس هي ماردت .... وطرشلها مسج .....[ وينج حبيبتي .. شو بلاج ماتردين ] .......ووصله التقرير بانها استلمته ... ويلس يتريا ... بس ماطرشتله شي .... وعرف ان لولوة قالتلها شي .... فحرج .... واليوم الثاني اتصل .... وهي ماترد ... آخر شي ملت وردت ....)) مها : ..... محمد : هلا والله ... هلا وغلا بالهصوت ... والله اني مشتاقلج مووووووت مها : ...نعم ؟ محمد : اشحالج الغاليه ؟؟؟ مها : ..... محمد : مهاوي حبيبتي شو بلاج ؟؟؟ زعلانه ؟؟؟ مها : شو رايك انت؟؟؟؟ محمد : حبيبتي .. شو بلاج زعلانه ؟؟؟ مها : ليش ماتعرف؟؟؟ محمد : لو اعرف مابسالج ... مها : اسال حبيبتك محمد : انا الحينه يالس اسالها ... مها صدق شو بلاج ؟؟؟ مها : مادريبك ... سير اسال لولوة حبيبتك .. حياتك ... كل شي بالنسبه لك ... صح ؟؟؟(( ويلست اتصيح ...)) محمد : مها فديتج والله انج انتي حبيبتي .. وحياتي وعمري كله .....وهاي لولوة ماعرف شو قالتلج وقصت عليج .... مها : ..... محمد : مها .. والله انج انتي حياتي ... انتي هواي اللي ماروم اعيش بدونه ... مها : هييه ... سير قول هالكلام حق لولوة ...... محمد : اوكي اسمعيني ... انا بقولج سالفة لولوة هاي اللي حاشرتني ... مها : شو بتقولي؟؟؟؟ .. بتقولي انك اتحبها .. ولا شو ؟؟؟ محمد : والله انج ظلمتيني .. انتي اسمعيني اول شي عقب احكمي ... مها : .... (( وقاللها محمد عن حركات لولوة .. ومها هدت شوي .. لانها هو اقنعها ان يحبها ..وان اللي قالت لها لولوة كله جذب ......... )) محمد : وهاي هي كل السالفه ... مها : ... محمد : شو بعدج زعلانه ؟؟؟ مها : لاء .. محمد : هههههه . ..... حبيبتي .. والله اني احببببببببج .. مها : ...... |
الجزء الثامن عشر .. (( الأخيييييييييييييييير )) ------------------------------- (( عقب اسبوعين من عرس حمد وعليا ... فبيت بو عبدالله ....حمده كانت يالسه فالصاله ..... ورن التلفون .... وسارت اترد ..)) حمده : الو .. ..... : مرحبا الساع .. حمده : مرحبا ملايين ولا يسدن بذمتيه .... ...... : اشحالج ؟؟ حمده : تمام .... منو انت.؟ ... : لا تستهبلين حمده : صدق والله .. منو انت ؟؟ ..... : افا ..... ماعرفتيني .؟؟ حمده : لا والله ... ...... : انا سيف حمده وهي مستانسه : سواف ... هلا والله هلا ... اشحالك ؟؟؟ وينك يالقاطع من شهر مب جايفينك ؟؟؟؟ اوكي اوكي ماعليه ... سيف : ههههه .. خيبه خيبه .... من شهر!!!!! شو هالجذب ...ههههه حمده : ههههه ... المهم اشحالك سيف : والله تمام .. حمده : وينك يالقطع مالك حس ولا خبر .. سيف : والله موجودين فهالدنيا ....انتي اشحالج؟؟ حمده : والله اوكي .. سيف : بعد ... شو مسويه ؟؟ حمده : والله ماشي ... سيف : .... اقول حمدو .. حمده : هلا .. سيف : ماشي اي تطورات يديده ؟؟؟؟ حمده : فشو!!!!! سيف : ... حمده : اييه سيفو .... شووووووووووووووووو؟؟؟ سيف : مافكرتي مرة ثانيه ؟؟؟ حمده : افف .. فشو ؟!؟!؟!؟ سيف : فــ .. فنظرتج اتجاهي .....؟؟؟ حمده : .... سيف : حمدو .... والله اني أحــ حمده وهي اتقاطعه : سيف .... لين الحينه عندك امل .. سيف : لين الحينه.. ... ولين باجر ... ولين ما اموت ... حمده : خيبه .... سلامتك ....لا تيلس اتفاول على عمرك .. سيف : ..يعني وايد يهمج ؟؟؟ حمده : سيف ... والله انت شرات عبدالله ومحمد ....و.. سيف : ومعزتي من معزتهم .... صح ؟؟ حمده : ..... سيف : حمدو ... ارحميني ... حمده : سيف ... فكر عدل فاللي يالس اتقوله .. واللي يالس اتسوي فعمرك ..... سيف : يعني شو اسوي فقلبي ؟؟؟ حمده : لا تفكر فقلبك ... فكر فعقلك ..... سيف : يعني ادوس عقلبي ؟؟؟ حمده : ...... سيف : اوكي حمده .... بس حطي فبالج ... اني مستحيل انساااااج ... حمده : .... سيف : الحينه وين محمد ؟؟؟ حمده : مب هني ... سيف : وين سار ؟؟ حمده : ساير عند مها ... سيف : ها مايستحي عويها .... كل يوم ساير بيتهم ... حمده : ههههه ... حرام ... يحبها .. سيف : ...... اوكي .. وين عبدالله ..؟؟؟ حمده : ظهر ... سيف : اها .... اوكي عيل سلمي عليهم .. حمده : الله يسلمك .... تعال عاد .. مب اتقاطعنا ... ادريبك دايما جي .. سيف : ههه .. اوكيك .. يلا باي حمده : باي (( ويلست حمده اتفكر فرمسة سيف ... بس قالت انها مستحيل اتغير رايها ... ولا اتغير تفكيرها ...... وقررت انها اترمس عليا واتقولها اترمس سيف .. واتفهمه هالشي ..... بس عقب ماترجع من السفر ...وفبيت بو راشد ... فالميلس بالتحديد .... )) محمد : اييه رشود ... شو مابتظهر .؟؟؟ راشد : افففف ... اوكي اوكي .. والله حشرتني .... محمد : ههههه .... يالله اظهر اظهر .. لاترمس وايد ... ابغي ايلس ويا حرمتي شوي ... راشد : اوكي ... (( وعقب ماظهر راشد ...)) محمد وهو ييلس عدال مها : اشحالج حبيبتي .. مها وهي مستحيه : والله الحمدالله.. محمد : والله اني مشتاقلج وااايد ... مها : .... محمد : ارمسي .. شو بلاج مستحيه .... الحينه يمكن استوالنا اكثر من اسبوعين ... وانتي دايما جي .. مها : ... محمد : فديت اللي يستحون والله ... مها : بعدها لولوة اترمسك ؟؟؟ محمد : هييه والله ... هاي مادري شو تبغي بالظبط ... مها : تبغيك .. محمد : هههههه .... ليش .. اتغارين ؟؟؟ مها : .... محمد : هييه اكيد اكيد اتغارين ..ههههههه مها : في وحده ماتغار على .... محمد : شو ؟؟ مها : .... محمد : والله اتقولينها ... مها : محمد الله يهداك ... لازم اغار على ريلي ... محمد وهو مستاااااااااانس .:... فدييييييتج والله فديتج فديتج ... والله احبج ... مها : ... محمد : ماقلتيلي ... متى العرس ؟؟؟ مها : ليش جي مستعيل ؟؟؟ اتريا .. محمد : والله ماقدر اتريا اكثر ...شو رايج الشهر الياي .. مها : خيبه ... لا لا ... مب الشهر ا لياي محمد : اوكي اوكي عيل ... عقب شهرين .. مها : مادري والله ..كيفك.. محمد : اوكي خلاص ... انا برمسهم .... (( واتحدد العرس عقب شهرين .....وعقب اسبوعين تقريبا ... عليا رجعت من السفر ..... وعقب كم يوم فبيت بو عبدالله ... رمستها حمده .... وقالتلها السالفه ... )) حمده : والحينه انا ابغيج اترمسينه .. وتقنعينه ... عليا : اوكي .... انشالله برمسه ... حمده : بسرعه ... لان صدق حاشرني .... عليا : اوكي اوكي .. حمده : متى ؟؟؟؟ اليوم ؟؟ عليا : اليوم!!! لا لا .. انشالله لما اجوفه ... برمسه .. حمده : اوكيك ....اشحاله حمد ؟؟؟ من زمان مب جايفته ... عليا : والله الحمدالله ... حمده : اكيد حاشرنج ... صح ؟؟ هههههههههه عليا : هييه والله ...ههههههه.... بس صدق ريال طيب ... حمده : هييه .. وايد زين ... (( ودخل عليهم عبدالله ...)) عبدالله : هلا والله علايه .. هلا .. عليا : هلا فيك .. عبدالله : والله ان البيت مب حلو وانتي مب موجوده ... عليا : هييه ادري ادري ...ههههه حمده : انزين لاتصدقين عمرج ....هههه عليا : هههههههه عبدالله : اوكي عليا ... تعالي سلمي على سيف ... يبغي يسلم عليج ... عليا وهي تطالع حمده وتبتسم ..: اوكي .. ((و ظهر عبدالله من الحجره .... )) حمده : يلا يلا عليو ... بسرعه سيري سيري .... عليا : هههههه .. اوكي اوكي .. حمده : لحظه بسير وياج ... عليا : اوكي يلا .. عليا + حمده : السلام عليكم ... سيف + محمد + عبدالله : عليكم السلا م والرحمه .. سيف : هلا والله عليا .. الحمدالله عالسلامه .... عليا : الله يسلمك ... اشحالك ؟؟ سيف : والله الحمدالله .. انتي اشحالج ؟؟ عليا : والله تمام .. حمده : اشحالك سيف ؟؟؟؟ سيف : اوه اوه حمدو ... تمام ... انتي اشحالج ؟؟؟ حمده : والله تمام .. (( عقب ما يلسوا ...)) محمد : اقول عليا عليا : هلا .. محمد : حمد وينه ...دوم اتصلّه ويطلعلي مغلق ... شو السالفه .. عليا : هييه صح ... هو غير رقمه ... قالي اخبرك ...بس نسيت . .... محمد : الخاين ... الحينه هو مايتصللي ... بس انا براويه ... عطيني رقمه ... عليا : ههههه . اوكي سجله ... 05062........ محمد : اوكي عيل بسير ادقله .. عبدالله وهو يرد عتلفونه : مرحبا ملاييين ... هلا والله ... هلا الغالي ... اشحالك ؟؟؟ ...... انا المختفي ولا انت ...عند الباب!!! ... اوكي ياي ... عبدالله وهو يرمس سيف : هذا سعيدو ... عرفته ؟؟؟ سيف : هييه ...من زمان مب جايفه ... اشحاله ؟؟ عبدالله : والله تمام ... عند الباب يتريا ... قم ويايه عسب اتسلم عليه ... لان دوم يسالني عنك ... سيف : اوكي ... بس اتريا بسلم على امك ...عقب بيي .. عبدالله : اوكيك .. (( ظهر عبدالله عند ربيعه ... وعقب خمس دقايق سارت حمده حجرتها ... )) سيف : شو وينها امج ؟؟ عليا : فحجرتها الحينه بتنزل ....انت اشحالك بعد ؟؟؟ شعلومك ؟؟ سيف : والله الحمدالله ... عليا : اقول سيف .. سيف : آمري .... عليا : مايامر عليك عدو ....بغيت ارمسك بسالفه ... سيف : خير... شو مستوي ..؟؟؟ عليا : خير انشالله .....السالفه عن ..(( سكتت لان ام عبدالله دخلت الصاله ...)) ام عبدالله : هلا والله سيف .... هلا بالغالي ولد الغاليه ... اشحالك ؟؟ سيف : تمام خالو ... انتي اشحالج ؟؟ ام عبدالله : والله الحمدالله ...امك اشحالها ؟؟ وينها ماتبين ؟؟؟ سيف : والله موجوده ..... بس تعبانه شوي ... ام عبدالله ... صدق!!!!! ..... سلامتها ماتجوف شر ... برمسها عقب ... سيف : الشر ماييج .. عليا وهي اترد عتلفونها : هلا ... حمد : وغلا ... شو ماشبعتي ؟؟؟ والله اشتقتلج ... عليا : هههه ... اوكي وينك الحينه ؟؟؟ حمد : عند الباب .. عليا : ... اوكي الحينه بيي ... حمد : لاء .. انا بنزل عسب اسلم عهل البيت . عليا : اوكي ... اترياك .. حمد : اوكي حبيبتي .. عليا وهي اترمس امها : هذا حمد ... يقول يبغي يسلم عليج .. ام عبدالله : فديته ... وينه الحينه ؟؟ عليا : عند الباب ... الحينه بيدخل ... حمد : السلام عليكم ... عليا + ام عبدالله + سيف : عليكم السلام والرحمه ... ام عبدالله : هلا والله حمد .... اتفظل البيت بيتك ... حمد : دام فظلج ... اشحالج الغاليه ؟؟؟ ام عبدالله : والله الحمدالله .. انت اشحالك ... واشحال عليا وياك ؟؟ حمد وهو يطالع عليا ويبتسم : والله الحمدالله ........ اشحالك سيف ؟؟؟ سيف : والله اوكي ... اشحالك انت ... شخبارك ؟؟ حمد : الحمدالله الله يسلمك ... وين يا ريال .. مب جايفينك من يوم العرس ... سيف : والله موجود .... ام عبدالله : اتفظل حمد ... استريح ... حمد : لا الشيخه ... نبغي انسير .... بس بغيت اسلم عليج ... ام عبدالله : الله يسلمك ... هذا من طيب اصلك ... حمد : تسلمين .. يلا عيل مع السلامه ... ام عبدالله : الله يسلمك .. (( عقب كم يوم اتصلت عليا فسيف عسب اترمسه بسالفة حمده ...)) سيف : الو ... عليا : مرحبا .. سيف : مرحبتين .. هلا والله ... عليا : اشحالك سيف ؟؟ سيف : والله تماما .. الله يسلمج ... اشحالج انتي ؟؟ و اشحال حمد ؟؟؟ عليا : والله الحمدالله ... اقول سيف ... بغيت ارمسك بالسالفه .؟؟ سيف : هييه صح ... شو هي السالفه ؟؟؟ عليا : السالفه عن . . .حمده ... سيف : .......... شو بلاها ؟؟ عليا : شو سالفتك وياها ؟؟؟ سيف : ..... عليا : انا لاحظت ان شي سالفه بينكم ... سيف : عليا ..... انا احب حمده ... عليا : ... سيف : والله احبها .... ومب يلاس اتمصخر ... ولا اتسلى وياها ... عليا : سيف ... انت اتعرف شو يالس اتقول الحينه ؟؟؟ سيف : هيه اعرف ... وواثق من كلامي ..... عليا : سيف ... حمده بعدها صغيره ... وانت بعدك ماكملت الـ18 سنه .... شو بتسوي عقب ماتحب البنيه ؟؟؟ ... سيف : هييه بس انا احبها ... وهي مب طايعه تفهم هالشي ... عليا : لانها اتعرف ان ماشي فايده من هالشي ... سيف .. انت بعدك ... وهاي الافكار لازم بتييك .. لانك الحينه فسن المراهقه .. وماظن انك لما اتكمل الــ20 .. بتكون هاي افكارك ...كل شي بيتغير .... فليش اتسوي ها كله ؟؟؟؟ وشو وتبغي فعوار الراس .... جي البنيه مرتاحه ... وانت بعد بترتاح اكثر لو شلت هالافكار من راسك ... سيف : .... هييه بس .. عليا : لا بس ولا شي ثاني .. فكر فالرمسه اللي قلتلك ... اعرف ان هالشي بيكون صعب ... بس الانسان اذا بغى شي لازم يوصله ... وحاول توصل لهالشي .. . ولازم اتكون واثق ان هالشي لمصلحتك .. ولمصلحتها ... سيف : ... عليا : وبعدين اذا محمد ولا عبدالله عرف انك تبغي اترمسها .... ما فكرت شو بتكون نظرتهم اتجاهك ؟؟؟مب كافي اللي سوته فيك مريم .... ليش تبغي تتعذب اكثر .... والله انك اذا سويت هالشي ... بتعيش حياتك .. وصدق بتستانس فيها ....واعتبر حمده شرات اختك ..... سيف : .... عليا : : .... سيف . عليا : عليا ... يزاج الله خير ..انا انشالله بفكر فاللي قلتيه ... وانشالله مابيستوي الا الخير ... عليا : انشالله ... الله كريم ....اوكي عيل سيف ... .انا بخليك الحينه ... بس لاتنسا اتفكر فالرمسه ...وفكر قبل لا اتسوي الشي .. . ولا تسوي الا الصح .... سيف : اوكي ... خلاص عيل ... يلا بااي عليا : باي ... (( عليا استانست لانها قدرت تقنع سيف .....وسيف يلس يفكر .... واقتنع ان كل اللي قالته عليا صح ....وحمده وايد استانست .... وزادت علاقتها ويا عليا .....ومريم اتغيرت .... وكانت دوم تقعد ويا حمده وعليا وترمس وياهم .. وعليا دوم تنصحها .... ومريم صدق ندمت على اللي سوته ....وعقب 3 اسابيع كان عرس محمد .... والكل مستانس .... ولولوة ملّت ... وما اتصلت فمحمد مرة ثانيه ... لان كان دوم يهزبها .....وعليا حملت .... وحمد اتخبل من هالخبر ... ووااااااااايد استانس ....... وعبدالله قرر ان يخطب اخت اربيعه .... اللي عليا كانت اتعرفها ....وكانت اربيعت مها فنفس الوقت .. وخطبها ... وحددوا موعود العرس . .. ..وسيف زادت معزت حمده فقلبه .... واستوى يعتبرها شرات اخته وعقب سنتين ... .خطب راشد مريم .... .... ورد شمل العايله ...... وعاشت حياتها ... كلها افراح ....)) النهـــــــــــــــــاية .. |
النهايه بسرعه يت بس تسلم اياديج |
مشكوورة عميدة الدلع ع المرورج الطيب .. |
[COLOR="Orange"]والله القصة تجنن مشكور ... تسلم ايدك[/COLOR] |
وايد حلوه يسلمو فديتج |
بصرآحه الروآيه نآيس مآعليهآ كلام وجد جد روعه وبطلب منج طلب آختي ممكن تشرفينآ بكتآبة روايه ثآنيه لو تقدرين الغآليه ، ونرقبج فأقرب وقت :169: |
هلا و غلا الرواااااايه رووووووعه و طررررررررر |
| الساعة الآن 10:03 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir