|
ღღ مــــدونــــه مــــوظـــــف ღღ السلام عليكم ورحمة الله وبركاته .. مرحبا .. يعني مب الزبون او المراجع دومه على خطأ .. "ساعات " الموظف عليه بعض السلبيات .. فكرت من الافضل ذكر سلبيات " الموظف " على شكل " مفكره " .. : * يبدا الفجر .. البعض ينش بنشاط ( لأنه راقد من وقت ) .. والبعض ينش ( يجر أذيال الخيبه ) .. والبعض ( يغفل 5 دقايق ) يبا يشبع رقاد .. * بعض الموظفين لازم يتريقون كل يوم ( بدون الريوق ما شي طاقه يعني ما يرومون يشتغلون ) .. البعض الآخر ما يداني الريوق ( شرات حالاتي ). * يوصل الدوام تلقى الوجه يشع من الحيويه .. أو تلقى الوجه منفخ وعاقد حياته ( حواجبه ) .. وما يبتسم . * يا حظ اللي يجابل النوع الأول ( بو وجه بشوش ) بيخلص لك كل امورك قد ما يقدر . خلنا عقب سرد الخطوات من البيت للدوام .. وخلنا ندخل مكاتب الموظفين .. واماكن عملهم : + موظف يوقف المراجع جدام مكتبه وهو داق سوالف وضحك ويا الموظفين .. أو احد المراجعين ( المعروفين ) . + موظف تدخل مكتبه وهو يحتفل على طاولته ( سندويشات وكيك أو اكلات شعبيه ) وتارك الناس يتريونه يترس بطنه . + موظف من تسلم عليه رفع راسه وشافك بنظره ( خايسه ) . + موظف ماسك السماعه او الموبايل داق سوالف ويا الاهل أو الربع واذا رمسته يقولك : لحظه .. واللحظه تتحول لساعات . + موظف جالس فمكتب زميله وتارك مكتبه او مكانه شاغر ( والمراجع يدق راسه وين ما يبا ) . + موظف يحدد لك موعد لانجاز المعامله .. ومن تراجعه تشوف كومه معاملات جدامه .. ويطلب منك المراجعه عقب أسبوع .. ( استقيل ابرك لك ) + موظف الامر بايده يخلص لك معاملتك .. ولكن يطلب منك مراجعه الموظف الثاني ( مب فاضي يجابل شغله ) . + موظف تدخل عليه وتلقى محول مكتبه لمجلس .. وعندك امر خاص تبا تقوله .. يحرجك جدام الجميع ويقولك : خبرني عن مشكلتك .. ( الكل يشاهد مسرحيتك وهم يهمسون ويضحكون عليك) . + موظف مشحون من البيت ( مصفوع .. عاقين عليه كلمه ) ومن يدش عليه مراجع فقير .. يبرد حرته فهالمراجع . + موظف واصل متاخر من الزحمه ( تلقى الدخان ظاهر من خشمه ) من يدش عليه مراجع يرد عليه : " اطلع برع " . + موظفه دش عليها مراجع وهي تتعدل ( فاضيه ) وحاسر .. من يدش عليها مراجع تطرده وتقول له : صدق ما تستحي .. واذا دش ( كومار أو بيتر ) تبتسم له وتاخذ عنه الشاي أو القهوة . + موظفه ترمس الشغاله ( تيلفون ) تشرح لها شو تسوي لعيالها ؟؟ وكيف تطبخ ؟؟ وكيف تدير البيت ؟؟؟. + موظفه من يدش عليها شخص عصبي او ملسون من كلمه وحده وجدام الجميع ( تنزل دمعتها ) . + موظفه مع زميلاتها ماخذات راحتهن من الضحك والصراخ والسوالف والصوت واصل آخر الادارة او تلقاهن متجمعات مع الموظفين ( الرجال ) دون حدود أو حياء ( الله يرحم أيام زمان ) . + موظف تشوف طاولته او مكتبه ترس أوراق وملفات .. لا ترتيب ولا شياته ( تلوع جبدك وانته تشاهده ) ويدور معاملتكوما يلقاها . + موظف يا كثر استئذاناته وغياباته بسبب وبدون سبب ( لا ضمير ولا ذمه ) تارك امور الناس معلقه . + موظف يسهل مهمات ويحل مشاكل ( صنف معين من النساء ) والصنف الآخر الحشيم عليهن يترين الدور او ما يسويلهن سالفه . + موظف مجابل النت او الكمبيوتر يتابع ( البورصه ) وتجارته .. المهم يخلص اموره الخاصه . وهناك العديد من الظاهر .. والمفكرات اليوميه للموظف .. مفعمه بالسلبيات والايجابيات .. وهذا اللي اتذكره فالوقت الحالي .. السموحه .. :bt:[/QUOTE] |
السلام عليكم ورحمة الله وبركاته مشكور اخي عالمشاركة الطيبة وصراحة كل الي ذكرته حاصل للاسف الله يهدي الجميع اخي الحبيب اشوف القسم العام هو الانسب للموضوع مشكور اخي مرة ثانية لك اجمل تحية السيل ينقل الموضوع |
]تسلمين اختي على هاذ الموضوع وبصراحه هاي اضاهره من تشره ف كل امكان وخاصت ادوار الحكوميه ومشكوره وما تقصر والله يوفقج |
تحياتي لكاتب الموضـــــــــــــــوع ونأسف لما يحصل من مواقف للمراجعين تقبلو مروري بكل الود |
السلام عليكم ورحمة الله و بركاته كلمات رائعه وجميله من قلم مبدع تقبل مروري عزيزي ... ليتني روح زايد ... سلمت أناملك عزيزي على مانثر قلمك دمت محلقاً بإبداعك خيووووو لا خلا و لا عدم يالغـــلا مع ودي و باقة وردي . ..*اجمل انسانه*.. |
حياك الله أخوي وتسلم على هالموضوع الطيب ومانقلت غير الشي اللي يشغل بالنا بكل مراجعه وكل مانشوف موظف أقول عسى بروتوكول مدونته سهل على حظي عشان أخاص معاملتي بسرعه هذا شر لا بد منه ومع الاسف أتعقد معاملات المواطنين على حسب أجندة كل موظف ونلاقيها في المجمعات والدوائر الحكوميه مستحيل نلاقيها بالخاصه ولا ننكر أن فيه أكفاء وناس محلله معاشها وتخاف ربها ومحلله معاشها أن خلية خربت فعشان جيه نقول فيه مدونات طيبه وأهلها خيرين بمراجعينهم امتعني موضوعك ربي يسلم موضوع عن عشره وتستاهل التقييم ونترقب الزود منك يالغالي اخوك كويتي |
وعليكم السلام والرحمة صدقت أخوي في كل كلمة كتبتها وفي حياتنا واايد يمرون علينا موظفين وموظفات من هالنوعية بس هالشي ما يمنع أنه في موظفين يستحقون كلمة شكر وثناء على أخلاصهم وتفانيهم فالعمل وعلى ألتزامهم وتقيدهم بأنظمة وقوانين العمل والله يعطيك العافية على الطرح ولا تحرمنا من يديدك |
ولكن دائما وأبدا يجب على الموظف أيا كان وأيا كان منصبه أن يحس بقيمة الأمانة المسداة اليه ولا ينسى أيضا أنه يتقاضى أجر على مهامه الوظيفية .. بالتالي يجب أن لايبخس المراجع حقه... صحيح أن كثير من الأشخاص ليس لديهم القدرة على فصل أمورهم الشخصية عن العمل عن الأشياء الأخرى حتى.. بالتالي يجب أن يكون الموظف مؤهل نفسيا أولا ثم وظيفيا.. وهذا بالطبع ما يصعب تطبيقه.. تسلم عالطرح والله يعطيك العافية بأنتظار الزود منك |
وعليكم السلام ورحمة الله وبركاته ... ذكريتني بأشياء والله ... يالله يا كثر هالسوالف اللي تستوي وأكثر عن جي بعد ..هب كلهم طبعاً الله المستعان ... تسلم الشيخ ع الطرح الغاوي.. ربي يعطيك ألف عافيه ... نتريا الزود منكـ... ربي لايهينكـ... |
تسلمين اختيه على الطرح المميز .. وربي يعطيج العافية .. والسموحة .. |
تسلمين و الله ختيه ع الموضوه ^^^ |
[glow1=0000ff] [glow=0000ff][glint]وعليكم السلام ورحمة الله وبركاته تسلم اخوووووووي على هالطرح الغاااااااااوي والله يعطيك الف عااااااااااااافيه شـكــ وبارك الله فيك ـــرا لك ... لك مني أجمل تحية . ونتريااااااااااااا يديدك.........[/glint][/glow] [/glow1] |
| الساعة الآن 01:27 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir