.{ التـجنـيد الإجبــآري..,
 

السلام عليكم ورحمـة الله وبـركــآته
اخواني عندي اقتراح و اتمنى يوصل للمسؤولين وابا رايكم فيه وهو
التجنـيد الإجبـآري
يعني
مثلا يوصل الشاب لـ سن 19 سنة اجباري يدخل دورة 6 شهور
منها بيتعلم الاساسيات وطريقة الدفاع عن نفسه وعن وطنه في حالة حدوث اي مكروه لاسمح الله
واذا عقب قرر يشتغل في المجال العسكري تكون عنده خلفية عن هالشي
ومنها نخلي بعض الشباب يصطلبون شوي
من قوم الجنس الثالث وغيرهم..عزكم الله
رآيكم في هالاقترآح..؟

والله شي جميل الصراحة وموضوعك ياخوي فقمة الأهمية وأشكرك ألف مرة وربي !!! وأنا موافق على هاللشي رغم إنه متعب بس لازم نتعلم على الأقل الأساسيات عشان لاسامح الله وصار شي للدولة نكون أول من يوقف !!! ووالله هو شي فقمة الأهمية لاسيما إن كثرت الفتن فهالأيام !!! والوضع الخليجي ماصار يريح !!! وهذا القرار لازم الصراحة يتنفذ !!! هو متعب نفس ماقلت بس لازم نأخذ بالأسباب ونكون جاهزين فأي لحظة لأي شي !!!
.
.
وعندي ملاحظة !!! قبل فدبي كانو يسوون دورة عسكرية للمدارس الحكومية ومدتها نص سنة !!! ومب إجبارية الصراحة !!! وماشوفها كانت كافية !!! أشوف المفروض تحط الدولة عندنا قانون التجنيد الإجباري فسن بعد 18 !!! لن لما تحطو التجنيد وهو عمره 13 كيف تبونه يتذكر بعدين والبعض مايكون بلغ وغير إنها سن مبكرة وايد !!! لاتنسو يا إخوان إن عدد المواطنين قليل !!! فمابالك لما يكون عدد الجيش أقل من عدد المواطنين الظئييييل أصلاً !!! ما أستبق الأمور أنا أبد لكن دولتنا محتاجة لنها صغيرة نسبياً وعددنا قليل !!! لازم نعطي الشباب دورة عشان وقت الحاجة !!!!
.
.
ولحد يقول لا مابا ولا شو هالمتفيج ولا والله إنك مغلسجي تبانا نتعب !!! ترا هاذي أنانية منك إنك ماتدافع عن وطنك يوم حاجته !!! الكل يومها بيحتاج لكل فرد منا !!! ولو كل حد بيتخاذل وبيقول لا مابا الدورة خلاص عيل مابيبقى منا شي !!! وساعتها كل حد بيرد على الثاني وبيقول جان زين لو سوولنا دورة !!! فأقول والله هاذي قمة الأنانية إنك تتقاعس وماتلتحق بهالدورة لو صارت !!! الدولة مفورتنلك كل شي وماعليك قاصر وربي !!! وهذا ردك إنك ماتستعد ليوم حاجتها ؟؟؟
.
.
مابطول بس أقول إن هالدورة مهمه عشان نداغه عن وطنا يوم حاجته ونذود له !!! وأنا موافق والله لو سووها وبلتحق فيها غصباً علي !!!

السلام عليكم والرحمة .. شحالك أخووي ؟!
المهم انا ما بطول عليك الصراحة موضووع رائع ... وانا عن راي يسوونه جيه فدولتنا حتى فالأماكن الثانية عشان يتعلموون وجيه .... وما نبا تتطلع هالسوالف في مجتمعنا وان شا الله يستوي هالشي ...
وتحياتي لك اخوووك uae_00 ومشكوور على الموضوع الحلوو ..!!

وعليكم السلام ورحمة الله وبركاته..

مثلا يوصل الشاب لـ سن 19 سنة اجباري يدخل دورة 6 شهور
منها بيتعلم الاساسيات وطريقة الدفاع عن نفسه وعن وطنه في حالة حدوث اي مكروه لاسمح الله

أوافقك بنسبة 100%، موب الا الشباب بس، البنات بعد ..

شفت جريب، عرض ليابانيين في استخدام اساليبهم في الدفاع عن النفس،

هذا العرض يطبق في المدارس أيضا موب الا عند الكبار وبس..

يعني يالسيف، لو تمتد تطبيقات هالأمور في المدارس( وبشكل موسع مثل استخدام أساليب حديثة )بيكون شي رائع..
( صحيح أنه موجودة عسكرية في المدارس، لكنها لمجرد حفظ الاستقرار، لفئات معينة فقط، )

اذا قدر الفرد يدافع عن نفسه في محيطه الصغير، بيتمكن من تسوية هالشي في المحيط العام.. وبتنخلق عنده الشجاعة، وبتكتمل هالشجاعة في نفسه إن استمرينا في تغذيتها لين ما يكبر..

تسلم سواف.. وربي يعطيك ألعافية.

السلام عليكم و رحمه الله و بركاته
و انا اواافقك اخوويه
لان هالشي في فايده للشباب يعني يعدهم نفسياا و جسدياا و للوطن الله لا قدرر ان يصير شي يكونون جاهزيين و خاصه مثل ما نجوف الوضع بمنطقتنا غيير مستقرر فنحتاج هالشي و بقرار رسمي و لكل المناطق
و عندي اضافه بعدد ان لازم البنات يعطونهم دوره بسيطه بهالشي يعني اكييد مب مثل الشباب بس يعلمونهم الاساسيات في كيفيه الدفاع عن النفس و بعد الاسعافات الاوليه
و شكرررن

السلام عليكم و رحمة الله و بركاته ..
اشكر فنك اخوي على هالاقتراح الغاوي ..
لانه ما ندري لا سمح الله صار شي او الدوله احتاجت الشباب فبيكونون جاهزين لأي شي يصير ..
و أحسه نوع من الانتماء للوطن .. و بتكون الوطنيه راسخه فعقولنا قبل قلوبنا .. و احنا بحاجه لـ هالنوع من القرارات ..
و مثل ما قلت ان هالاقتراح يقلل من الظواهر اللي تسئ بمجتمعنا ..
تقبل مروري .. اختك ::dobloma3seyah...

حلوووو هالاقتراح بس التطبيق صعب واذاا صار الله يخلي الواسطاات بيطلعووون
الف واسطه عسب تعفييهم من التجنيد الاجباآري ^^
أآإيد الفكرهـ لان هذا الشي بيخليهم ع استعداد لأي حدث طآرئ
(وان شأء الله مأيصيب دولتنا أي مكروهـ)*