|
عمري 30 واخوي مب راضي اتزوج بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين ببداء ما بطول عليكم الموضوع معروف من عنوانه بنية عمرها 29 سنة بعدها مب معرسة ستين واحد طلب ايديها اخوها مب راضي انزين ليش كل يوم يطلع عذر لين متى لين ماتستوي عاانس ترا الناس يذبحون خاصة في مجتمعنا يبدون يسالون : ها يعطونج الشؤون ولا ؟ أو كم عمرج الحين ؟ ويوم اتقول عمرها يقولون يا حرااااااام بعدج مب معرسة .. ويطالعونها بنظرات الشفقة ليش هي مب شحاته او مسكينة تطلب انسانه حالها حال اي حد الفرق انها مب معرسة وبس والقهر ان يوم تطالع الي اصغر عنها بواااايد بـ 12 او اكثر يرومون يسون اي شي يطلعون يكشخون بسون الي يبونه لانهم بس معرسات ......... شو يسون هالفئة من البنات الي لالهم لا حول ولا قوة يشتكون على اخوانهم يرفعون قضية ؟ الناس بيرمسون "اشتكت على اخوها عشان اتعرس خوش تربية " شو الحل ولين متى بيتم راي البنت مغفول عنه ومحد ماخذذ شورها ... لين متى الاخو بيتم يتحكم ويتحكم في خواته لين ماتشوف اخته بنته عروس وهي اتصيح على عمرها الي راح ؟ ارجو اني ماطولت عليكم ارجو ان طرحي مايكون مكرر وهاذي اول مره اطرح موضوع اترقبو جديدي وابغي اشوف ارائكم بهاذي الفئة |
السلام عليكم ورحمة الله وبركاته عليه الصلاة والسلام في البداية اختي احب اسألج هي ليش ماتيلس مع اخوها وتكلمه وتحاول تقنعه ووين اهلها اخوانها الباقين واعمامها وخوالها,,الخ عنها,؟ واذا كانت لـ اخوها مصلحة خليه يتهنا فيها وبالنسبة لكلامج انها ترفع عليه قضية اعتقد ان هذا من حقها واعتقد ان هي مسؤولة عن نفسها 29 مب صغيرة وماعليها من كلام الناس لان مايودي ولا اييب خليها تستخير وتشوف ترفع عليه قضية او لا؟ او تحاول تحل المشكلة بالتفاهم ربي يكون في العون |
مشكور اخوي سواف على المشاركة الحين الناس كل واحد في حاله ماله خص في الثاني وصدقك الله يكون في العون بس ان ترفع قضية احسها شويه قويه |
خلها دخل اي حد من اهلها في الموضوع ويكون اكبر عنه بعد اكيد هي مب وحيدة وعندها اهل وان ما وقفوا وياها مافي غير انها تشتكي على اخوها بس اصلا هي عودة وتروم تتزوج من غير موافقة اخوها |
عليهآ بقيآم الليل والله انه ( سهآام الليل لاتخطئ ) وربي لو اذكرلج اموور كثيره صآرت بس ( بقيآم الليل مآبتصدقين ,, اذا ربج موجود لاتقولين الامل مفقوود عليج بالدعآء وبسسس النآس مآمنهم فآيده والله تحيآتي لج |
معقووولة في هل الزمن البنت ما ياخذووون شورهااا .. البنت إذا دخل في بالها حد تضااارب العاالم عشااانه .. بس والله ما نعرف ظرووووف كل وحدة بس والله حراااااام عمرهااا يمشي والريااال في هل الزمن صااااير عملة ناااادرة ... الله يهدي أخوها .. وأقوله ترى أهم شيء حق البنت في زماننا الستر ... حتى لو كااانت البنت دكتورة .. أرد وأقووول الصراحة هي بحاااجة للريال اللي يستر عليهاا ويحبهااا .. الله يستر على الجميع .. وتسلموووووو على الطرح المميز |
هلا اختي والله موضوع كثير يعااانو منه البنات فزمنا هذا كل وحدة وظروفها اللي تحصليها ابوها مب راضي عشان يلهف مرتبها واللي تحصليها امها مب راضية ادور حج بنتها المعرس المرصع بالالماس واللي تحصليها اهلها مايبوها تعرس لان ماحاطين خدامه ومايستغنون عنها الله يساعد البنات وبصراحة لو انا مكانها بوقف فويه اخوي وبجوله يا الفضيحة يالزواج عاااد ترا اكيد هي مابتسوي فضيحة لانها حشيمة وبنت اصل بس تسوي جي مجرد تخوف اخوها وربي يستر عالبنات اجمعين |
السلام عليكم بالتأكيد المشوره امر نصحنا به الرسول صلى الله عليه وسلم المفروض يكون للبنت رأي وبالتأكيد هي لها رأي .. انا الي بغيت اقوله بالنهايه دائماً النصيب يوم يكون موجود محد يقدر يوقفه لا اخو ولا ابو ويمكن الأخ شايف الي ماتشوفه البنت وطبعاً كل شي جائز انا مب مع البنت ولا مع الريال لأني محايد .. اما بخصوص الطرح والنقطه المهمه بالموضوع .. اتصور الفئه الي تبغي تتحكم لازم تحط بعض الأمور في بالها وهي المساوة والحق وعدم الظلم وبهالأشياء الثلاثه اتصور التعامل راح يكون جداً طيب وتأكدي مثل ما انتي ضربتي مثل بالبنت هناك بعد شباب يعانون من الأهل مثل الأب والأم يمنعونهم واعمارهم بعد صارت بالثلاثينات يعني مثل هالامور تصير للجنسين والسموحه الشاعر |
[motr]السلام عليكم ورحمة الله وبركاته [/motr] [glint]لالا لا هذا الصراااحه ظلم ...[/glint] [glow1=cc6600]انا رأيي انج ادخليـــن حـــد من الكبااار الموجودين في العايله وترمسووون بروحكم عن الموضوع .. والله ليحصل خير ... هاااي المشاااكل متكرره وموجوده عند كل حـــد تقريبا .... الشيـــخه اتوكلي على الله وشوفي حد من عمومج ورمسييه عن الموضوع واجتمعو في وقت واااحد . الله يوفقج ياربي ان تم الزواااج :) اعزمينا عااده هههه[/glow1] |
ختيه ماعتقد هالايام شي شي شباب جي يعني نادر ماتحصلين لان كل الاهل يبون الستر لبناتهم و لو الريال زين و مافيه عيب اكيد بيوافقون و الريال الي يمنع اخته هذا واحد جاهل و لازم الابو و الام هم الي يتدخلون لان عقب الريال بيتزوج و الام و الابو مايبتمون لها طول العمر عقب هي الي بتتوهق في حياتها . يسلمو عالطرح^^ |
الله يهدي أخوها ... والله يعينها أهي على حالها .. خلها ادخل احد من اهلها الكبااار ويرمسوون اخوها يمكن يقتنع ويخليها فحال سبيلها .. |
تسلمين ع الموضوع اختي بس ماله حق اخوها في ان يوقف نصيبها تروح تتفاهم واياه تشوف شو السبب الي خلاه مايوافق ع الي يخطبونها. |
السلام عليكم ورحمة الله وبركاته ابصراحه هالموضووع صاير واايد انا اعرف ناس ابووهن الي هوو ابوهم مب طايع ايوزهم بأربعتهم والله ضلم حرااااااااااام دام الريال ماعليه كلام شوو السبب الي تخليه مايوافق ؟؟حالات نفسيه ولا شوو وبعدين هي بالقه سن الرشد و30 مش اشويه واعتقد انها تقدر اتيوز عمرها دامها بهالعمر او تحاول ادخل حد من الاهل يكلمه واذا مانفع المحاكم موجووده ولا هالضلم والسموووووووووحه |
مشكورين عالردود الحلوه الله لا يحرمني مكنم والله يكون بعونها ان شاء الله مالها غير الصبر والدعاء ....... زينبوه ........ |
أولا : الصراحة ظلم ثانيا : مب كل الأخوان جي و الله يهدي هالأخو ثالثا : تسير تكلمه ولو ما نفع فيه ترااااه بيحمل هالذنب لين يوم القيامة |
اقتباس:
هلا ومرحبا عليه أفضل الصلاة والسلام يازين مابديتي فيه طولي وخذي راحتج وتحملي طولتنا بالرد خيتو للفائده اقتباس:
أول شي محد يأخذ غير نصيبه أختي ولكل عله دواء وأما موافقة ولي الامر أتفقو عليها الائمه الابعه مافيه مجال نختلف عنهم كلام ربج سبحانه وتعالى وكلام رسوله سبحانه وتعالى واضح المرأه شورها بيد ولي أمرها مــــــــــــــــــــــــــــــــــع الاخ من سماحة دينا كفل لج حق المقاضاة ويولى القاضي عن أي فتاة يثبت تقصير أو وقوع ضرر علني عليها وهنيه مسأله حساسه ومن بيجاوب عليها بهالسطرين ؟ أعرفي أن الجواب مو بمحله نوقف لسبب الرفض نوقف على أهم شغله ( هل الرفض وراه مصلحه ماديه او غيرها ورث او اعانه او الخ الخ ) لان بعض اولياء الامور يوقفون لغايه مريضه بالنفس ؟ نوقف على رد ولي الامر بالرفض يشوف شي البنت ماتشوفه ؟ فصعب نقيم تصرف الاه بالرفض حتى لو الاعداد كانت بالمئات وخذي هالكلام لانه كلام منطق وبقول ( اخر الموضوع همسه اقريها) اقتباس:
الناس قالو الناس حطو الناس سوو الناس عملو رد السؤال واحد متزوجه لاء ليش ردو قولو النصيب وليش الناس تعطونها مجال تتطفل او تتمادا ؟ يجسرون الناس ويخلونهم يتطاولون وعقبه قالو الناس لا يا أختي لا نخلط الامور ولا علينا من الناس علينا ببيتنا وأهلنا وسنتنا وغير هذا كلام نسمع من اليمين ونطلع من اليسار اقتباس:
الله يهنيهم ليش ننحسهم ؟ لهم زوج ولهم ولي أمر الناس اجناس وكل شي له أسبابه وطبايعه ولازم نحمد الله على وناستهم مانطلبهم قدوه لمرادنا ونسوي نفسهم اقتباس:
مو مطلوب منهم يسوون شي أولا يرجعون لربهم ويصلون صلاة أستخاره ويتعوذون من الشيطان ويستخيرون ويعيدون حسبتهم عدل بكل شيء ولا يخلطون الامور مجرد كبت وقط همي مو منظم ولا مصفف وقول أبي حل وبس عامتا ( راح أرد على هالجزئيه مع الملاحظه اليابقه بأخر الموضوع بهمسه) اقتباس:
أن كان الاخ أو ولي الامر نسى ربه وتعمد هالضرر أيه الشرع أجاز للبنت التوجه للمحكمه وتقيمين دعوى أن كنتي فعلا صاحبة حق ؟ ( تحمليني وتابعي الهمسه بأخر الموضوع ) اقتباس:
لا يا أختي البنت يأخذ لشورها بس عقب ما يأخذ ولي الامر حقه ممكن يرفض ومايرجع لشورج لآنه يشوةف شي مو شرط تعرفينه بس لو العريس زين لا شورج شرط أنه يأخذ فيه اقتباس:
يا أختي لولا وجود الرجال وحكمتهم وأن الوصايه لهم لكان لنا شأن ويمكن ألعن من الغرب بالتفكك وبالانحلال الاخلاقي وغيره وغيره وربج حدد وذكر حدود الحريم وعطاكم بشرعه حدود بالولايات الخاصه بس الولايات العامه للرجال ومصنفه هالواجبات فشلون تبون الحريه للمرأه بس ؟ واجد من الشعوب لها ديانات غيرنا ولها مذاهب بس مو عازتهم وحنا بفضل من الله دينا عاز بناتنا ويتفاخرون فيه فلا نخرج عن الشرع ومورثنا ولا نقلد الفكر الصليبي بالحريات المزعومه ولا بتخربنا اقتباس:
أنتس اللي أسمحيلي أنا حللت كل جزئيه بروح عشان أوريج أن من سطر هالمشكله أو اللي تعانيها تناضتت واجد بكلامها بدأت من أنها يأسه من عدم زواجها ومرت على حسد من هم متزوجات وفرعت الهموم ولا نلومها الله لا يلومها ولمن قلت صعب أن أحد يرد على سطرين أنا أعني ماقلته أول شي الزواج قسمه ونصيب وعجبني رد الاخت 5rbo0osh ( بجزأ واحد وهو لمن قالت شنو الشغله نفسيه ) أن كان ولي الامر يرفض لجشع أو طمع بالمهر أو لآستفادته يصرف أعانه لآخته بدون علمها ؟ أو خايف من ورث أو تركه بتلع مايبيها تتزوج عشان مايفتح زوجها عيونه على حقوقها ؟ أو أن هالوصي أن كان أخ ولا خال ولا عم ويعاني نفسيا ؟ هنيه لها حل بــــــــــــــــــــــــس ينعرف السبب وحلها بسيط جدا جدا وينحل بأطار المنزل بس النأس من توصل مرحلة زعل أو غبن بالقلب نزلو روسهم مثل النهام يطلع صوتهم بالشكاوي وغيرها خلف الغلطان ولا أمامه يسكتون فكل شي له سبب والحمد لله بأمكان البنت من أي مذهب قبليه ولا حضريه التوجه للمحاكم ويدخل قاضي بينكم وأن ثبت الضرر أو من أي سبب من ماذكرته أعلاه القاضي يعزل وصاية هالشخص وأما لو الاسباب أخرى فهميه ممكن بشوفون أن بنتهم مو وجه زواج طبايعها غريبه ماعليها تكله ما يعتمد عليها ولا غيرها من الاسباب فمايبون يزوجونها لمن تتعلم لو تتم 40 سنه مو 30 فوالله ماذكرتيه فوق عائم مافيه مكله معينه تبين السبب عشان نجاوب عليها المراد الهون أبرك مايهون والدنيا بخير وجان الاخ متعند لغايه بنفسه البنت لازم تدخل بينهم أحد يصيرلهم والاخوان ترى رحومين وطيبين مع خواتهم (الا جان فيه شغلات الشرع ما يواخذه فيها أو فاقد الاهليه أو سخيف عقل أو معقد فهنيه شي مختلف) اما ان كان سوي بيفهم وتفهم اخته وقصدها وحتياجها وصلت الرساله ! عامتا انا كنت اتريق وشفت الموضوع وحبيت افند سؤلب سؤال عشان اقولج الكلام سهل نقوله بس بدون ادله او نقاط واضحه عشان نجد لها حلول بيض الله وجهج وشكرا للطرح وانا واثق الكثير بيستفيد من اول رد الى اخر رد ورانا بيردون وبيستفيدون وزين شفنا بعضنا شلون يحكمون بدون سبب واضح تقبلي مروري وربي يعز بناتنا ويستر عليهم بعفتهم وحلا اخلاقهم وتمسكهم بعوايدهم وتقاليدهم ويعرفون الشرع شلون عزهم وصانهم وفتحلهم بكل شي مخرج وسبب يحافظ على كـــــــيـــــــانـــــــهــــــــم لي عوده ان طلبتي هالشي بوجود السبب الرئيسي نناقشه |
الله يهدي الشبآب الي جيه .. ومآدري تفكيرهم لـ وين بيوديهم .. مآفي حد مآيبآ الستر لـبنته .. ولا آخته .. تسلمين الشيخه ع الطرح الغآوي .. لاهنتي .. |
تستاهل كل خير .. السلام عليكم ورحمة الله وبركاته هذه بعض المواضيع الشائكة في مجتمعنا ...... الله يهدي الجميع ......... بالنسبة للزواج هو عشرة عمر ...... من حق الاخ أو الاب أوووو ولي أمر البنت الرفض اذا تقدم رجل غير كفيء أو فيه عيب .......... الله يستر على الجميع ..... وعليك بالدعاء وقيام الليل ..... |
الله يوفقج اختي وبيج انصيب انشا الله وبذاكر وياج |
انا اشوف ان المواضيع هاذي قلي لاكن موجوده بس طبعا باقليه انا اشوف ادخل حد اكبر من اخوها في الموضوع وبعدين هي عمرها 29 يعني هي الحين مسؤوله عن نفسها وتقدر تفرض رايه ع اخوها او اي حد |
السلام عليكم ورحمة الله وبركاته شوفي اختي هذا لو كان اخوها بمعنى الكلمه جان ما خلا اخته جيه تراه هوه مب خسران شي يعني لو اخته عنست بيقولون اها هيه الهانس ما بيقولون له اخو العانس انا من رايي احسن الها تسير و تشتكي عليه فالمحاكم بيقولون :"اشتكت على اخوها عشان اتعرس خوش تربية " خلهم يقولون الناس في كل الاحوال بتم تتكلم اهم شي شو مصلحتي و شو اللي يهمني مستحيل اجدم كلام الناس على حياتي حياتي اول و استقراري عقب بسمع كلام الناس بس بعد ما باخذه بعين الإعتبار تسلمين اختي على هذا الموضوع الحساس ’’’’’’’’’’’’’’’’’’’’’’’’’’’’’’’’’’’’’’’’ و نتريا المزيد منج ,,,,,,,,,,,,,,,,,,,, |
السلام عليكم ورحمة الله وبركاته أختى الكريمة أنا من رأيى أنك تجعلى أخيكى يسمع خطبة الشيخ خالد الراشد عن الزواج وان شاء الله ربنا يهديه .... ابن النيل |
| الساعة الآن 06:39 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir