|
كل عضو يذكر احلى موقف بحياته السلام عليكم ورحمه الله وبركاته حياكم الله اخواني وخواتي ربي يحفظكم ويطول بعمركم بلا أمر عليكم والموضوع اختياري على الكل ان كل عضو يخبرنا عن موقف معين هوة يعتبره احلى موقف بحياته لدرجه انه ماينساه اني راح ابدي احلى موقف صادفني من كنت بالثالث ثانوي من كنت بغداد كان عندنا امتحان واني ماكنت حافظ اي شي وتدرون هذه اخر سنه وندخل جامعه المهم دخلت امتحان واني مادارس شي وشفت الاسئله مااعرف منها اي شي انا بعد ماقصرت كان بالورقه 4 اسئله بكل سؤال كتبت اغنيه لماجد المهندس لانه اموت عليه وسلمت الورقه وطلعت بعد يومين الاستاذ خبرني يريد يحاسبني على الي صار اتمنى الكل يشارك بالموضوع |
السلام عليكم ورحمة الله وبركاته في البداية اشكرك اخي النعيمي عالطرح المميز انا كان لي موقف تعلمت درس في الاخلاق و المعاملات لن انساه ما حيت مرة الوالدة الله يحفظها اعطني المال وقالت لي لما تخرج المدرسة جيب معاك الزبدة وكنت صغير انذاك ((12 14 سنة)) ما اذكر بالظبط طيب لما خرجت من المدرسة دخلت الدكان اعطاني قطعتين من الزبدة كل وحد تزن رطل لكن اخذ ثمن واحدة وبس وانتبهت له لكن ما حبيت اقوله انه غلطان في الحساب فاردت اخذ الباقي ((طمعت)) ولما خرجت من عند مشيت شوي فاذا بمجنون يكلمني فيقول : (( انت ما تموت )) بهذه العبارة فسبحان الله كانت لي توبة فرجعت لصاحب المحل اعطيته ماله وطلعت البيت و بقيت تلك العبارة راسخة في ذهني الى يومنا هذا .... و الحمد لله كانت لي درس لا انساه ولن انساه وهذه ثاني مرة احكيه وقد مر على هذا الدرس عشر سنين او اكثر مشكور اخي النعيمي عالطرح المميز لك خالص التحية السيـــــــــــــــــــــــــــــــل |
الله ينطيك العافيه ياغالي مثل ماتعرف الحياه تجارب ونتعلم منها ولازم كل واحد منا يغلط حتى يتعلم ومايعيد الغلطه مره ثانيه يلا شباب وبنات وين مشاركاتكم |
أحلــــى موقف استوى في حيااااتي ... كنـــــــــت في اسطبلات اعمــــــار ... انا والشباب ... المهم كاااان خيلي راااكبنه وطاااالعبه الشيــــخ أحمـــــد بن حمـــيد بن عبدالعزيز القاسمــي ... يوم وصلت ماحصلته .. والربع طاالعييين السيـــح وانا بدووون خيل ... ف تموو الشباب يظحكوون وجــذه ويقولون ان خلاص مابتركب اليوم ... (صح اتظايقت شوي) ... قلـــت دااام بوشهاااب راااكبنه الله يحفظه الشيخ مب لازم أركب اليوم بشووفكم بس وهووو وراااي وساااكت ويترياااني شو بقوول........ أول ماشفت وراااي قبضني من جتفي واتعرف علي ... واستوى وااحد من مجموعتنا .. ولين اليوم يركب ويانا والحمدلله ربع واخوااان من يوم هالسالفه ... [glint]هالكلام من سنتين تقريبا :)[/glint] [align=center][table1="width:95%;"][cell="filter:;"][align=center]مطــر النزر[/align][/cell][/table1][/align] |
يعطيك العافيه اخوي مطر نورت الموضوع وياربي تكثر مواقفك الحلوة يلا اخوان وخوات شاركو ويانا |
وعليكم السلام يااخي في أشيااء وايده بس بنفضح بنفضح من غير راعي الاكسترا البطيخي و من غير وغير هههههههههه أخر موقف أتذكر يالسن نشل ع تايرين ونجلبناا وخليناها السياره مكانهاا ويالسين ناكل سندويجات ونضحك وعقب ماخلصناا ناكل عدلنا السياره هههههههههههههههههه ثانكس نعيمي وأفتخر نترقب الكل اليديد من صوبك^^ |
أنا أحلى موقف في حياتي ....يوم تعرفت على رفيجتي....في الصف السادس....وفي حياتي ماندمت اني تعرفت عليها...في حياتي ماشفت قلب طيب مثل قلبها....وأحين أنا في ثاني ثنوي...وصداقتنا كل ما تزيد وتكبر و أنا كل ما أتعلق فيها أكثر و أكثر......وهي بير أسراري و أنا بير أسرارها..... |
اقتباس:
ههههههههه موقف هواي حلو موضوعي نور بوجودك وربي يطول بعمرك |
اقتباس:
احلى شي بالدنيا الصداقه الوفيه والصادقه ومثل ماتعرفين الوفاء صار قليل كلش بعالمنا تسلمين ياورده الورود على مرورج بموضوعي |
اقتباس:
ههههههههههههههههههههههههههه كلمه جان احنا العراقيين نقولها من نسولف شي خخخخخ ربي يطول بعمرج ويكثر من مواقفج الحلوة موضوعي نور |
احلى موقف امس يوم كنا طالعين من الجامعه انا و ختيه و بدال مانركب سيارتنا ركبا السياره بالغلط و الي داخل السياره تمو يظحكون هع . يسلمو عالطرح^^ |
هههههههههههههههههههههههههههههههههههههههههههههههههه ههههههههههههههههههههههههههههههههه هذه المواقف يامكثرها موضوعي منور وربي يطول بعمرج ويكثر من مواقفج الحلوة |
بصراحة انا كنت داشة المطبخ اوني ابى استوي طباخة سرت وطلعت جدر وحطيت في دهن الجدر استوى نصه دهن المهم وحطيت ثلاث بيضات وحصلت دياية يبون يطبخونها حق الغدا وبعد حطيتها يوم امي دشت المطبخ جان تشوف شي على الطباخة يوم فتحت الجدرواشوف انا شو مسويه انضربت من خاطر........ وكانت اول مرة انضرب واخر مرة |
اقتباس:
هههههههههههههههههههههههههههههههههههههههه ياربي تكون اول مره واخر مره لكن المفروض تتعلمين الطبخ يلا تصيرين جاكي شان وتروحين للمطبخ خخخخخ ربي يطول بعمرج |
| الساعة الآن 01:46 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir