|
عندي شهادة طايحه بجبدي سنين ..~ السلام عليكم ورحمة الله وبركاته شعر عيبني وايد حبيت اني انقله لكم ( تو . . طين) وش عاد يا دار ٍ بها صار ( توطين ) و في مكتب التوظيف سوسن و ميسون ! مديرهم مدحت و نائبْته نسرين و على الرسبشن حمّص و فول و زيتون ! كل ما اتصلت اسمع ( الو مرحبا مين ؟ بدّك وظيفه ؟ .. مين دلّك على هون ؟ ) أقول أنا لي أتصل صار شهرين و انتوا وعدتوني متى بس توفون؟ إسمي ( مواطن ) ( جامعي ) طيب و زين كني أبخطب عندكم و اتّغلون ! عندي شهادة طايحه بجبدي سنين عشش عليها شي له ستة عيون !! لو للشهاده لسان قالت ( على وين ناوي توديني . . تلف فيني الكون ؟ ) من كثر ما صورتها غارق بدين للهندي راعي المطبعه صرت مديون لا ليلي ليل ولا نهاري نوى يبين دقيت راسي لين ما صرت مينون ! مطلوب خبره عالأقل في مجالين ولا ّ تجينا بواسطه و سير مدهون ! ولا انثبر في بيتك . . افرك بكفين يومك يشابه أمسك و عيش مغبون تعدادنا ويّاهم أربع ملايين و أهل البلد للحين ما صاروا مليون !! ويلاه من باكر إذا وضعنا الحين و احنا أقل من الربع حالنا شجون ! و اللي ابتسم له حظه والله مسكين ! حصّل وظيفه . .. بس في وين .. تدرون ؟ اللي في راس الخيمه .. حطوه في العين !! و اللي سكن في الذيد .. في السلع مدفون !! يشوف أهله بس في الأسبوع يومين و اذا حسبتوا الدرب كم ساعه . .. تبكون يعني في كل أحواله ذاق الأمرين شغّال محزون و بلا شغل محزون و الأجنبي اللي راتبه فوق عشرين فله و سياره و تذاكر . . و طاعون عنده بدل كل شي عالراتب ألفين حتى بدل معجون أسنان و صابون ! و من بعد ما يجمع من بلادي فلسين و يربّي م القعده على الكرسي بطون و يصير في بلاده غني و عنده برجين يرحل و هو جاحد . . و كم مثله ملعون ! و حتى الجماعه قوم مدحت و نسرين مردّهم لبلادهم لو يطولون يرضون بشوية دراهم . . و شفتين صبح و عصر . . لو حتى في الليل يرضون بس لو سمعتوا همسهم بينهم بين وسط القهاوي يلعنون و يسبون ! لا تحسبوني عنصري . . كلنا طين و الخِـل لو عاتب محبينه يمون داري و أنا أولى بها من الغريبين ما يوصلون لحبها لو يموتون و ( الأقربون أولى ) . . كلام ٍ من الدين ما جبته من شعري مع الهام و ظنون ولد البلد ما يبغي لبلاده الشين بالروح بالدم يفتديها ولا يخون لكن سؤاله يوم قلتوا له ( توطين ) يا كيف بيد الغرب توظيفه يكون ؟؟!! شعا رهم معروف ( راجعنا بعدين ) و باين من التأجيل .. انهم يخافون إذا معك خبرة .. يا أهلين و سهلين و إذا شهاده بس .. عنك يصدون ما عندنا شاغر . . و بطـّلنا تعيين ولو تحرق الهاتف ترى ما يردون ! من وين أجيب الخبره ؟ من وين من وين ؟ دام الوظيفه عند سوسن و ميسون ! عندي بمطبخ بيتنا خبره سنتين ! تنفع إذا صاروا المطاعم يوطنون ؟؟! ولاّ أهاجر و آخذ الخبرة في الصين ؟ صح العيون صغار . . لكن يقدْرو ن سؤال يا دار ٍ ..صراحه بترضين ؟ اني أسافر و أطلب الغرب لي عون ؟ و سؤال يا ناس ٍ على الراس و العين صدق الوظايف واسطه و سير مدهون ؟ إمّا الجواب الشافي يجيني الحين أو هاتوا تأشيره . . إذا كنتوا ترضون ! منقول ..~ في انتظار ارائكم |
9aaa7 klamk |
اقتباس:
|
صح لسااااان من عداهــآ يسلمووووو نترقب الزووود |
اقتباس:
|
صح لساانـــج وما شاء الله ع الابدااع الغااويه ان شاء الله الى الامام دوووووم اشكررررررررررررررفننننج ع القصيده الغاااااويه وصح السانج الشااعرة والله يعطيج العافيه ونتظر منج زوود كلمات فى قمة روعة وتقبل مرورى |
تسلم خويه ع المرور ..~ |
صح لسآآن الشآآعر ... وآنآ آقول لو تنقصد القصيده في البث المبآشر بتنجلب الدنياآآ هيع ,,,, الموهيم .. الله يعينآ نحن آهل الآمآرآت ... وبعدكم مآ شفتوا شي .. الله المستعآن ... يسلموووو ع الطررح كآنت هنآ "نبض روحي " |
هذا هو زمننا الله يعين صح لسانك والى الامام |
صـــــــــــــح لسانك |
| الساعة الآن 08:51 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir