|
الصاحب المــدخــن..!! السلام عليكم ورحمة الله وبركاتة !!! . . بســم الله والصــلاة والســـلام على رسـول الله.. . موضوعي اليوم أشوفه جداً حساس ومهم !!! ويمكن يشوفونه البنات عادي نسبياً إلى المتزوجات الي لهن أزواج يدخنون..المهم نـــدخــل فالموضــوع.. . . الي صــار اليــوم !!!... كان عندنا بريك بعد الكلاس الرابع وكنت يالس على اللاب ومجابل المنتدى !!! فجأة دش ربيعي الكلاس وقال هلا وإلخ إلخ..قالي بتشوف ذا أرايفلز ؟؟؟ جان ييلس عدالي وعطيته اللاب عشان يبطلي...ساعتها حسيت بخنقة...كان توه راجع بعد ماداخله ذاك المدواخ طول البريك...وأنا حدي مول متحمل وضاق صدري من ريحته القوية !!! وأبا أكلمه بس مفتشل شي غيري شباب فالكلاس !!! . . وطــبــعاً..تميت طوول الكلاس الي عقبه ماسك صدري ويعورني وايد من ريحة الأخ العزيز !!! . . بإخصتار !!! 1_شو رايك لو كان صاحبك مــدخـــن ؟؟؟ عادي ولا يأذيك هالصاحب..ولا إنته بروحك مدخن وماتحس بريحته ؟؟؟ . . كثيـــر من المدخنين يتعذرلك بعذر بايخ وكثير من الي أعرفهم كل ماقلت لهم قالو.. يــاخي مااادري كــيـــف ألاقي نفسي ماسك الصلب وأدوخ لاتلقائياً ؟؟؟ ولا..ماقدر ياخي تعودت...شو نسوي بعد !!! . . أبا تفاعلكم ورايــكم في هذا الموضوع لو كنت تعارض إن صاحبك مدخــن ولا عادي ولا موافق لنك مدخــن أساساً !!! والســموحة على الإطالة !!! |
السلام عليكم ورحمة الله وبركاته مساك الله بالخير أخوي بو قحيط منور الاستراحة :Afk_r: صح الموضوع خاص بالشباب أكثر لكن في بنات يدخنن بعد ربي تعافينا :خ8: أنا بصراحة ضد التدخين وأستغرب من اللي يدخن وما يخاف عصحته للأسف انتشر السرطان وايد ومن بعض أسبابه التدخين وفي الأخير يستغربون ليش يمرضون :21: أتمنى من الجميع إنهم ما يستهينون بصحتهم لأن ماشي في الدنيا بيعوضهم عن الصحة أخيرا يعطيك العافية عالموضوع الحلو لك تقييمي لا عدمناك :5: |
أشكـــرج إختي الإمبراطورة على الرد وإنج كنتي أول من يرد على أول موضوع لي فهالقسم !!! أكيد وايد أمراض تيي من ورا هالتدخين !!! أستغرب لما يعااااند إلى ويدوووخ !!! ياخي حتى لو كانت وضعية التدخين عاجبتك كيف تتحمل الريحة ؟؟؟ وشو الرجولة في أنك تذبح في نفسك ؟؟؟ حركاتهم عجيبة !!! . . كان لي صاحب وإخوانه كلهم يدوخون !!! ومسكته وكنت أقوله لاتدوخ ولاتصير نفسهم !!! لكن للأسف !!! شي محزن والله !!! لكن شو نسوي الله يصلحهم ويصلحنا ويهدينا وياهم !!! |
السلام عليكم ورحمة الله وبركاته يعطيك العآفيه اخوي بوقحيط ع طرح الموضوع التدخين صار شي عادي في زمنااا يعني عادي تشوف ياهل يدخن او بنت او شاب من دون اي مستحي مع انهم عآرفين اثاره وله عيووووب ماتخلا حتى لو عددنا امراضهاا واثرها ع الصحه بس صار مرض العصر وعليناا تخطيه وعلاجه واشوف انا ان كنت تعرف شخص وبينكم معرفه ومعزه مافيها شي ان نبهته وخبرته انك ماتحب ريحة الدخان وتأثر على صحتك يمكن بيحاول يقلل بتدخينه معاك وبيحسس انه يضر غيره صح اللي يدخن يكون مدمن لها الشي ومايقدر يتحكم بها الشي بس اكيد بيحاول يوصل لحل وانا الصراحه ماحب ريحة الدخان اتصيبني كتمه من ريحته مع انه اخووي مدخن من سنين بس بعمري ماشفته يدخن جدامنا او جدام الاهل حتى ماشم ريحة الدخان لانه يحاول يقضى ع الريحة قبل مايدخل البيت يعني بشرب البيبسي او اللبان بس نعرف انه يدخن يوم نشوف العلبة في السده مرات ومرات يوم يظهرنا بالسياره نشم الريحه مرات بس تكون خفيفه مب ذاك الزود دومي اكون وراه عسبت يترك هالدخان لانه نحبه ونعزه ومانقدر نشوفه يعاني بسبت دخااان ونفقد اخوونا والحمدلله مع الاصرار صار يخفف منه ويحاول يتخلص منه واتمنى الكل يحاول يحاول حتى لو كان هالشي في احراااج بس اصرارك يخلصه من هالشي حاول ومافيهااا شي ان كنت تعرف هالشخص .. بس شو بتقول ان شفت بنات يدخنون ولا كانه في هالشي حرج لهم كيف ان كنتي انتي المراه والام مب قادره تنصحين احباائج كيف بتكونين قدوه لهم في المستقبل ... تمنى وليس رجااااء انه يقومون بالتشديد ع هالمرض القاتل في عصرنا ودمار لمستقبل اجيالنا ووزارة الصحه اتمنى يكون لها دور اكثر مع اعرف ان كنت وصلت المعلومه بس اتمنى تتقبلون مروري في النقاااش ^___^ |
ಌغـ°الٌشٌارٌجٌهٌٍ ِـزالةಌ !!! إشكرج على التفاعل مع الموضوع والرد الطيب !!! هيه شي مزعج وايد لما يكون حد قريب منك مدخن !!! وأحاول والله أقنع هالصاحب لكن ماشي فايدة كل ماكلمناه يتصامخ ولا يقول شو نسوي بعد !!! أتمنى إنه يوقف لن صدثق ريحة الدخان تذبح وتجيبلي الخنقة وايد !!! وحتى اليوم ماعرف شو العجب في التدخين ؟؟؟ . . حاولو مع أخوكم زيادة ولا خلوه ياخذ نفس دورة إقلاع عن التدخين أو شي !!! وايد مفيدة هاذي وممكن منها يترك التدخين !!! لن التدخين ضياع للمال والوقتو والصحة وضيق للي حولك وبس !!! . . مرة ثانية أشكرج إختي وعساج على القوة !!! ونسأل الله إن يصلحنا ويصلح الجميع !! |
أنـــتـــظــر !!! مــزيــد من التفاعل !!! ^^ |
عليكم السلام و رحمة الله و بركاته .. الموضوع حلو و مثل ما يقولون مثير للجدل .. و صار عائق فكل اسره .. لان نادر جدا ما تشوفون اسره ما فيها حد مدخن .. *في أسباب كثيره للتدخين منها :: التفكك الاسري .. اصدقاء السوء .. الدافع النفسي .. البيئه المتواجد فيها الشخص ..__ التدخين مضر بكل انواعه .. مهما رحنا فوق او ردينا تحت التدخين ظاهره متواجده بكثره فـ مجتمعنا .. *الحلول موجوده و متعدده بس الحل الاقوى من رايي الدافع النفسي .. لان اذا كان الانسان عنده دافع قوي بيقدر يقاوم التدخين و بيتعالج.. لكن اذا كان دافع الانسان ضعيف فمهما حصل ماراح يبطل تدخين .. *الانسان المدخن و تأثيره على غيره .. :.. طبعا الناس انواع في منهم اللي عنده التقليد الاعمى .. و في منهم اللي يحسب حساب لكل شي يسويه << بس للأسف هالنوع من الناس متواجدين بنسبه صغيره .. المدخن يضر كلا النوعين من الناس لانه يقدر يكون قدوه للنوع الاول من الناس .. و يضايج لو كنت فمكان و انسان يدخن فبيكون الكل مضايج منه و خاصة النوع الثاني من الناس .. *بتكلم عن نفسي شوي :: أنا من النوع اللي يحب ريحة الزجاره بس تأثر عليي لان فيني حساسيه خخ .. * البنت المدخنه :: صج اضايج لما اشوف بنات في الكليه يدخنون ..و ما انكر اني انصدمت اول الكورس لما شفت هالظاهره متواجده صح كنت اسمع عنها لاكن ما تخيلت اني بتعايش وياهم .. .. لانه هب من عاداتنا و تقاليدنا هالشي و أساسا غلط و مانعنه عنا الشرع.. و المجتمع يرفض البنت المدخنه ... و ظن ان البنت يزينها حياها و ادبها و اخلاقها و سترها بس نادر ما نجوف هالبنات .. * بشكل عام انا ضد هالشي مهما كان متواجد في مجتمعنا الاسري او مجتمعاتنا الاماراتيه بشكل عام .. أشكرك أخوي على هالموضوع .. تقبل مروري .. أختك dobloma3seyah.. |
[align=right] * ،’ وعليكم السلام ورحمة الله وبركاته ..موضوع جميل ونقااش تكلم فيه العديد.. ..طبعاّ انا بنت والحمدالله ماعندي ربع يدخنوون.. ..لاكن بحط وجهة نظري.. ..اناا اجووف التدخين مضر بصحة الانسان ومالة فايدة.. ..يعني لو يفكر الانسان شوي ويقوول هو ليش عايش بيشوف الجواب لرضى الله سبحانه وتعالى وهذا الانسان الي يرضي ربه انشاءالله بيدخل الجنه..فهو رضى الله ونال الجنه.. ..لاكن الانسان المدخن هل يشوف مقابل للي يسويه او فايدة؟؟؟لا اعتقد سوى المضرة.. ..وبعدين الله وصانا بأنفسنا وان نحافظ عليها مانقتل نفسنا.. ..والدليل الكبير ع علبة الزقارة مكتوب عليهاا تحذير قد يؤدي الى سرطان..وهم يشوفوا ولايهمهم..لأسفف الله ميزنا بالعقل لاكن النااس ماعادت تفكر.. ..مثل الباارحة انا وهلي كنا رايحين البحر وشفناا فوق 15 بنت قاعدين ويدووخوون قدوو.. ..طبعاً اول شي عيب وما اعتقد ان الوحدة او الواحد لما يدووخ شهادة او عزة يفتخر فيها الشخص.. ..لاكن المدخن مهما نصحووه الاشخااص ماراح يبطل الى بعزمته وارادته.. ..والله ولد خالتي يدووخ ياما نصحنااه وياما كلمنااه لاكن مايفيد الان ماعنده ارادة بأنه يتخلى عن هالشي والدولة الحمدالله موفرة خدماات صحية للأقلاع عن التدخين لماا نقوولهم سيروا تعالجوا يقوولوو عيب..(العيب لماا تعالج نفسك وتبعد عنها الظرر)<<للأسف ان العيب لماا تكمل ع الطريق هذا..والمثل يقوول كبير الحظ من حافظ ع نفسه من المنقوود<<وللأسف نادر نلاقي انسان في هالدنيا كلهاا محافظ ع نفسه من العيب.. ..بس شوو نقوول غير الله يهدي امة محمد ويهدينا اجمعين.. ..تسلم اخوي ع الموضوع الطيب..الرب لاهانك.. ..نترقب يديدك.. ((السموحه ع الاطالة)) اختكّ~قلب طير.. [/align] |
السلام عليكم و رحمه الله و بركاته .. التدخين صار شي عادي فـ الزمن هذا عادي تشوف ياهل سواء كان بنت او ولد ما يتخطئ عمرة 12 سنه يدخن يوم تسأله تقوله ليش دخن يقول لك ابوي او اخوي يدخن ليش انا ما ادخن فانت فهل الحاله ما تعرف شو تقول لانه الصغارية يتبعون الكبارية فكل شي يسووونه حتى لو كان غلط .. فالرجاء لي عنده يهال فالبيت لا يدخن جدامهم لانه يتبعونه فهشي .. و في مرات الأخوان يعطون الصغارية يجربون الدخان .. اذكر مره اخوي قالي جربي السجاير و هوو ولعه حقي و عطاني و انا يوم جربتها ما اعرف كيف اوصف حقكم شعوري حسيت ان شي نفس التراب و الغبار دش لي فصدري و قعدت اكح طول اليوم و من بعدها تبت ما اسمع كلامه .. فانتو يلي دخنون كيف تستحملون الدخان .. و ثانيا ما تخافون على صحتكم إذا ما تخافون على صحتكم ففي ناس تحبكم و تخاف على صحتكم .. مشكور اخوي ع الطرح .. اختك : شموخ بنية .. |
| الساعة الآن 12:56 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir