|
انتشرت كلمه تعرف عايض ! السلآم عليكم ورحمه الله وبركاته طبعا جميعنا مرت عليه أيام يشوف فيها مسسلسلات وافلام ومسرحيات ! في منها المسرحيات الكوميديه والجديه والدينيه والوطنيه الـخ موضوعي اليوم هو عن كلمه ( عايض ) أنتشرت كلمة - تعرف عايض- بعد مسرحية لممثل اترفع عن ذكر اسمه التلميحات المقصوده بـ هالجمله , هي : هل زنى بك عايض ؟! يرددها الشباب والبنات وكأنها جمله عاديه و الابتسامه العريضه والتفاخر بتناقل مثل هذه الانحطاطات الاخلاقيه , كما بدلو في الماضي "كلمة الربا " بـ الفائده وهونوها " شوي " الحين تتهم بشرفك بجمله أخف وزنناً هي " تعرف عايض " غير الصور في المواقع مثل تويتر وترتوب والفيس بوك ومنتديات وبلاك بيري ومثل هالمواقع لذين يرضون بمثل هذه الكلمات , ما موقفك عندما تصبح هالكلمة هينه وتقال لزوجتك أو أمك أو أختك ؟! هل ترضى ؟! |
هيه وايد إنتشرت هالكلمة !!! وسبحان الله توي كنت اشوف هالمسرحية أونلاين !!! وسمعت الشباب يكرروها وايد هاليومين بس ماكنت أعرف إن معناها جذيه خايس !!! لاحول ولاقوة إلى بالله !!! الغريب إن الكل يكررها جنها استهبال مب جنها ماصخة !!! حتى شي واحد من الشباب عندنا قالها لسير عندنا فالكلية بس ماتوقعتها جذيه عاد !!! . . |
وعليكم السلام ورحمة الله وبركاته صج وقاحه وحقارة وتافة عقول ناس مادري شو بلاهم كل يوم يطلعون لنا بشي خايس يعني ما يستحون ما يخافون ربهم هالزمن انتشر فيه الفسق ع نطاق واسع وما انقول غير ربي يستر الحال ويهديهم والحين شباب ولا بنات ع حد سواء قمه ع قمة من الانحطاط للاسف وقاحه بشكل يمكن ما تتصورنها انا بروحي كنت مره بالجمعيه ولا اسمع بنات يتكلمون بين قوسين " تلميحات "!! شرات ما قال احد الاخوآن برده في احد المنتديات انتو هذا حدود تفكيركم وبعمركم ما تتطورن للاحسن سلمتي فتنة الكون عالموضوع ويعطيج العافيه @@ تحيآتي لج ًًٍٍ |
كثير من الناس مايعرفون معناها ! . . والشي الغريب ان بعضهم يعرفون المعنى وعمداً يكررونهـا . . اما على سالفه البنات لاتعليق صراحهً / العتب على اللي رضو في هالمسرحيه واللي رضى يسوي الدور غير المخرجين ! |
السلام عليكم ورحمة الله وبركاته مساج الله بالخير اختية ^^ في البداية أشكرج عالموضوع الحساس نوعا ما :خ8: لكن أنا بيكون رايي مختلف عن الكل :5: للعلم أنا ما جفت المسرحية إلا من جفت موضوعج قررت أطالع وجفت لقطات بس عشان أفهم شو السالفة بالضبط ما أقدر أتكلم في شي مالي علم فيه لين ما أتأكد :21: أنا بتكلم بالعقل (تعرف عايض ) جملة عادية جدا ما فيها شي غير فعل وإسم أما تقولون معناها هل زنى بك عايض هاي قوية والتفسير يرجع للشخص نفسه ما أظن الإنسان الفاهم والعاقل بيقول إن معناها هل زنى بك عايض نرجع للمسرحية المسرحية اسمها بخيت وبخيتة للفنان الكبير طارق العلي وأنا أحييه على هالمسرحيات الهادفة والكوميدية بنفس الوقت أنا جفت اللقطة يوم يدش أي أحد ويقول عايض ويشردون المقصود إن هالشخص سمعته مب زينه ومعروف عند الناس من جي يشردون عنه المقصد من هالشي واللي الناس متغاضين عنه إن في ناس ما تخاف ربها وتسوي الحرام طارق العلي طرح مشكله عايض مب معناته إنه يشجع الناس على هالشي لكن عشان يوصل فكرة عن الواقع وهالشي ما ينزعل منه حب يوصل هالشي بأسلوب فكاهي والذكي يفهم وياخذ الفكرة بصورة مفهومة ولو تلاحظون مسرحيات طارق العلي كلها تنغيزات وقصده يوصل إلنا أفكار إيجابية بطرق مباشرة وغير مباشرة . المغزى إن المسرحية ما فيها شي غلط الغلط من الشخص المتلقي كل شخص بيتلقى المسرحية حسب تربيته مثال يوم تكلم طارق عن عايض في بعض من الناس خذوا الشي السلبي تعرف عايض تعرف عايض (عايض اللي سمعته فالأرض ) جنهم فرحانين بالموضوع وايد وقاموا يتناقلونه بالأجهزة الالكترونية هذيلا (تفكيرهم سطحي جدا ) ويهمهم الضحك بس . وفي منهم خذوا الأشياء الإيجابية وهي طرحه لمشاكل منتشرة عندنا والكل متغاضي عنها مثال البويات واللواط .... إلخ هذا واقعنا المر رضينا وإلا ما رضينا ترا هالشي صاير ومنتشر وكلمة الحق ما تزعل . في نهاية كل كلامي الغلط الكبير في المتلقي وليس المسرحية :Afk_r: عموما يعطيج العافية عالموضوع لج تقييمي ^^ |
والله هالموضضوع يستاهل المنااقشه ..^^ والله انا اشووف حتى اليهاال يقوولوونها .. واين الرقاابه الكوويتيه ..؟ الى طاارق العلى معقووله وصلت لهذا المستووى .. والله مسرحيياته كلها كلام وصخ ويسوى رووحه نكته .. وتسلميين .. |
عزيزتي ممثل والنعم فيه وفي مسرحياته ! لكن شعنه ودروا كل شي من المسرحيه وعلقو على هذه الكلمه الي معناها سخيف ومافيه ذره من الادب! المسرحيه ابدا مالها معنى شي وايد احلى وارقى منهـا . . بالنسبه لج انتي شو اللي حبيتيه طبعا شي ناس وايد اعجبوا فيها والبعض انتقدها / نبا تعرفونا على الاشياء اللي حبيوتوها وتعلمتوا منها دروس ! ؟ بالنسبه لي الامور الجديه ترمس باسلوب محترم وجاد لكن مايدششونها فالضحك الضحك له وقت والجد له وقت . . وهالامور ماتنقال بشكل مسرحي جميعنا نعرف عن الرجال وعن قوم لوط وعن البنات الشاذات اللهم احفظنا محد غافل عن هالامور كفايه ذكرها فالقرءان للاسف كل مكان اشوف فيه صور مكتوب عايض ومادري شو وكل حد ترمسه تحصلهم يرمسون عن هالسوالف وضحكهم واصل لاخر الشارع ! |
" السلام عليكم ورحمه الله وبركآته اشكرج اختي ع الموضوع الكلمه عااديه جدااا..اذا بنقول تعرف عايض./ انا شخصيا تابعتها وضحكت لأنها عيبتني..عمووما طآرق العلي يعيبني بكل احوواله...جررئ ويعرف كيف يوصل الفكره/ وبمآ ان المسررحيه هادفه وكوميديه ليش..نحن نكبر السالفه.!! يعني تعرف عايض شرراتها شررات عزيزي./ سووالف المحششين وكل موووضه تظهر ف البلاك بيري ليش نمسسك العصااا دوم من البدآيه اوو النهايه..ليش دوم نشوف الغلط بعين وحده../ ما نشوفها بطريقه افضضل اعتقد ان الممثل انسان عاقل..واللي حوله والرقابه هب طمطمه عشان يخلون شي مثل هذا....هي كآنت فكررره موجوده وانطرحت...!! والمسسرحيه هب تاافهه شرات مآ ذكررتي.؟؟ انا ششفت له لقاء تلفزيوني..والله انسان غايه ف الذوق الاحترام!.بعدين الستاف كله تراهم ربعه من سنين واذا على تعرف عايض سوت شوشرره...ترى نحن مخلف علينا يالعررب نكبر الامور اللي نبغيها. وواموور اهم ولا نددددري عنها وتوني عررفت كلمه تعرف عايض ^,^ ووالمقصود يددددري بمعناتها وهذا رررايي....وكلن له رراي ^^ شكرا لج ع الطرح. |
اقتباس:
طارق العلي انسان كوميدي وأغلب مسرحياته كوميدية وهذا ستايله دايما فكل مسرحياته يعني من يومه جي وما ننكر له معجبين كثار بفنه وأنا منهم :Afk_r: انتي تتكلمين إن الموضوع لازم يعرضونه بطريقة جاده خلني أجرب أكون معاج في هالشي مثال برنامج خطوة اللي عرفنا عن طريقه مواضيع ومشاكل اجتماعية ما كنا نتوقعها مثل قضية البويات ترا في ناس للحين لو قلتي جدامهم البويات ما بيعرفون شو السالفه لأنهم ما احتكوا بالبيئة الخارجية ولا يعرفون بلاويها أو لأنهم ما يتابعون برنامج خطوة مثلا . فرضا في ناس كله يتابعون مسرحيات ميولهم هالشي عالأقل بيعرفون شو صاير بالدنيا لو انطرحت مثل هالمشاكل سواء بطريقة كوميدية أو جادة أهم شي إن الممثل يوصل فكرته للمتلقي ولكل شخص الحرية بتوصيل أي مشكلة بالمجتمع سواء بطريقة كوميدية أو جادة يعني الأهالي بتنتبه وبيزيد حرصها على العيال هذا لو كان عيالهم يهمونهم وودهم يحافظون عليهم وإذا عالصور والتعليقات هالشي من الناس مش من المسرحية ناس سطحية بتفكيرها أتمنى وصلت فكرتي لج أكتفي |
يبقى الموضوع له مؤيدين وله معارضين شرات باقي الامور يكون له ناس معارضه ومؤيده . . تسلمين على النقاشَ . . والكل احترم رايهم ومجرد اختلاف الافكار والاآراء . . لكل الحاضرين هنا ./ طبتم حضوراً لاينضب من القلبَ شكراً |
اقتباس:
اتفق وياج في كل ما قلتيه بالحرف الواحد واحب اذكر بشي هذي مسرحية والناس مسكو الكلمة هذي للغشمرة فيما بينهم البين واستغرب انه الناس كلها زعلانه من هاي الكلمة ما زعلت من المسلسل التركي العشق الممنوع وهو الي فيه اخص والعن من تعرف عايض وتحياتي |
تم فتح الموضوع يمكنكم النقاش حاليا وأرجو من الجميع الالتزام بقوانين القسم موفقين |
السلام عليكم ، تعرف عايض ، عزيزي و عزيزتي ، فيني ، و نكت ، كلها نفس الشيء نفس الفكرة ، يعني النقاش بيظل نفس النقاش . كل وآحد و ميوله و شو يحب يتدآول و هآي شخصيته و برآيه . و مآ آعتقد آنه آي آحد يرضى حد يغلط عليه . . يعني مآ كآن آلمفروض يتسمى الممثل طارق العلي بالتافه ، فهو يعرض القضايآ آلي تصير في وآقعنآ بشكل كوميدي يدخل عقل الناس ببساطة و سلاسة ، و محد رآح يكرهه ، و آعتقد آنه آلآهآلي وآعيه للشي آلي يشوفونه عيآلهم ، و دآمهم رآضيين ، آكيد آنهم عارفين آنه هآلشي ما فيه شي غلط و كبير . و مآ آعتقد آنه آلممثل كآن يقصد آنه آلكلمة توصل بهالشكل . آلعيب مب في آلمسرحية ، من الي يشوف المسرحية و يفهمها ع طريقته ، ليش ظن السسوء ، وليش كل شيء ظهر بس شفنا الجانب السلبي و خلينآ آلآيجآبي ، . . آغلب آلنآس يرون آلشيء من ناحية وحدة من نآحيتهم و من ناحية سلبية ، و مآ يفتكرون في آجآبيآت آلشيء . في آلنهآية كل وآحد و له رآييه ، و بس |
السلام علييكم انا رايي ان المووضوع ابسسط عن جي بوايد مجرد كلمه و صارت لززمه بين النااس و كلن و تفسيرره يعني اكيد في نااس يقصدون فيهاا ( يعني تعرض لك عايض ) و هذيلاا بيكونون الناس اللي عندهم مشكله مع نفسهم و في نااس ما قصدهم الا السواالف يعني مجررد تعلييق لا اكثر و لا اقل ما قصدهم منها شي مب اوك و بعديين لا نكوون سطحيين و نفهم الموضوع عددل و لا نحكم على اي حد يقولهاا بانه مب اوكييك او قصده شي من ورااهاا و حلوو انه انطررح هالموضووع لانه لازم نتنااقش و كل حد يحط وجهة نظره عسب نفهمه من كل ابعااده و سلاامتكم |
مشكوور يا آخوي ع الطرحك هذا الموضوع وانا تابعد المسرحيه كلها وكان يقصدها بمعني الي قلته. وثاااانياااا والمسرحيييه ماااصخه بالقو ومصخها زيااااده طاارق العلي ماتوقعت منه كل هذا بصرااااحه وانا كنت من معجبينه واتاابع جميع مسلسلاته ومسرحياته. وتفسير تعرف عاايض لو شفتي المسرحيه اختي بتفهمينها لآن المقصد واااضح من المشهد ..... |
أمممممم !!! والله الذنب على الناس الي لعبو فمعنى كلمة "تعرف عايض" ولاماكان مقصدها جذيه فالمسرحية !!! المقصود إن طارق العلي يكون فيها بدوي وإسمه بخيت !!! فيتمصخر ويقول تعرض عايض ؟؟؟ ويرد عليه ذاك الممثل الي إسمه جنه أحمد فرج ويقوله تعرف لؤي ؟؟؟ كأنه يبين الفرق بين البدوي والحضري !!! وهذا مافهمته وماظن أبد لها معنى خسيس لولا إن بعض الناس خلوها مصاخة والله !!! . . ما أدافع عن طارق العلي معني أداني هالممثل وايد لكن هذا الحق !!! وهذا الي أشوفه !!! |
و عليكم السلام و الرحمه أختي ،، الموضوع أكبر من ترديد هالجمله ،، المفروض الأعلام من الأساس ما يتطرقون لمواضيع تشوه الفكر العربي الأسلامي بشكل عام .. و يفتحون أذهان فئه من الشباب لأشياء هم مش منتبهين لها بالأساس ،، يمكن المقصد تنغيزات و تلميحات بس شو الفايده منها ألحين بعد ما جفنا النتيجه وهي .... إللي حاصل هالفتره .. و أهم شي النتيجه بشو ظهرنا من هالمسرحيه ،، و هل الناس استفادت من سلبياتها أكثر من إيجابياتها و العكس ؟؟ و أضيف و أقول،، بأن هذا ما يسمي بالغزو الفكري إللي يضييع شبابنا و بناتنا و محد منتبه لهذي النقاط ،،و ماخذين الأمر سوالف و ضحك .. و بس هذا رأيي و أسمحيلي الغلا ،، وربي يعطيج ألف عافيه ،، تقبلي مروري ،، |
وعليكمَ السلآم ورحمة الله وبركاتِه مرحبا فتنة الكونَ منورَة الاستراحُة بمواضيعجَ الحصريُة أنا دومَ يوصلنيُ بالبيبيَ تعرف عايض ! وأنا كنت أتحرىُ هذا واحدَ من المرشحينُ للانتخابات الوظنية ! :21:< بصراحَة الين قبل كمَ يومُ شفت فالـ Recent Updates هالصورَة وفهمت الموضوعُ http://uaemusics.com/uploood/images/...w61mjsl9v1.jpg أول شيَ أحبُ أقول الناسَ أنواعَ ناسُ تحبَ تاخذُ السوالفَ لعبُ وآخرون ياخذونها على محمل الجدَ انا لا استطيع قول هذا سخيفَ وذاك عاقل أو هذا صح والثاني غلطَ ! لكن "تعرَف عايض؟" مثلها مثل : "عزيزي / فيني أدب لدرجة / القذافي / مروان خوري " سوالفَ الناسُ تسوي لها زوبعَة لفترة ، وبعدها بقترَة ما بتسمعين شيءَ للأسفَ ؛ الإعلام الفني الخليجيَ شاطرُ في عرض المشاكل فقطَ من الأعمال اللي اقصدها : بعض حلقات شعبيُة الكرتون / مسلسل بنات الثانويُة مسلسل شوي قديم اسمه "عيون من زجاج" والآن مسرحيُة بخيت وبخيته ما يميزَ المسرحُ الكويتيَ إنه يعطيُ نغزاتَ مثلاً سالفة زواجَ الاجنبياتُ أو موضوع الشغالات والحضانِة وإنه يطرحَ مشاكل اجتماعيُة وليستَ مشكلة فقطَ ، ولكن للأسفَ ما يعرضُ حلول !! هذا هو عيبُهم مثلاً : مسلسل بنات الثانويُة يعلمُ البنت اللي قاعدَة بين 4 اطوفَ كيفُ تغازلَ ! ومسلسل عيونُ من زجاجَ حدث ولا حرجُ ! المسلسل باكمله يعرضُ مشاكل هتك العرضُ والحبُ والقتل وأضيف ايضاً يعرض السبلَ المتبعة للقيامُ بذلكَ ولكن في النهايُة اينَ الحلولُ لتلك المشاكل ؟ ماشي !! ويقولونَ : نحن حبينا نعرضُ المشكلة عسب ندورَ حلولُ :141: إنزين! وينها الحلول ؟ يعني هالانتاج وهالنصَ المكتوب كله لعرضُ مشكلة ! ترى المشكلِة معروضة ونعيشها كل يوم ؟ انزين ليش ما فكرتوا تحلون أحد هذه المشاكل بمسرحيُة ؟! الفنان طارق عليُ ، فنان مبدعَ في المسرحياتُ / أغلبُ اعماله المسرحياتِه هادفِة وتعرض قضايا اجتماعيُة نعيشها وللي ما يدريَ تراه "كثيراً ما يخرجُ عن محتوى النصَ":11: لكن بصرآحُة يطلعَ بشغل فنانَ أنا لا اعتقدَ أنه ذنبُ طارقَ إذا الناسُ قامتَ تتداول "تعرف عايضُ" هم الناسَ الليُ سووا هالزوبعَة كلها ! هي عقليات إما فارغِة أو عقول أخذت الموضوع بشكل سطحيُ بقصد الضحك والوناسَة رأييُ لن يقدم ولن يؤخرَ في الموضوعُ ولكنني أحببت طرحَ وجهَة نظريُ موضوع يستحقَ النقاشُ إن شاء الله وصلت فكرتيُ ، متابعة للموضوعَ ويعطيجَ ربيُ الف عآفيُة أنفاسِك أنا :wrd: |
السلام عليكم .. شدني اسم الموضوع و ذكرني بمواقف صارتلي مع هالكلمه فنفس اليوم .. المهم .،. بذكر لكم هالمواقف .. كنا قاعدين بالبيت فقرر اخوي يظهرنا بما انه ويكند .،. فظهرنا نتمشى ف الطريج و خاصة فشارع الامارات .،. شفت ثلاث فتكات مكتوب عليهم ( وكز.،. عايض) استغربت من هالكلام ، اساسا ما عرفت المعنى .،. فقلت لخوي ::شو يعني ؟؟فاخوي غمز لي و اطالع بنات اختي ( بمعنى اسكتي في عندنا اطفال ) فانا سكت بس الفضول كان يلعب دور .،. المهم قعدنا نتمشي فالشوارع ساعتين بعدها رحنا الكورنيش مرو علي انا و اختي شباب قالولنا :: تعرفونه عايض ؟؟ سكتنا و رحنا لاخوي .، بعد يومين .،. ياني اخوي في الكليه .،. و ظهرني ،.؛،المهم .،. في الدرب سألته عن المعنى.،. فقالي و بعدها حذرني اكثر شي من الشباب اللي يردونها.،. بس الصراحه حسيت باحساس ما ينوصف .،. لهدرجه صارو الناس سخيفين او ما يهمهم شرف بنات الناس.،. بعد ما كنا خوان و اهل و روح وحده فاكثر من جسد .،. الله يهديهم .،. فنفس الوقت الكلمه مب بهالمعنى .. ولا كان المقصد جي فالمسرحيه .. بس الناس صار تفكيرهم سطحي و غير منطقي .. و اللي يضايج اكثر التقليد الاعمى ... سواء فالقول او الفعل .. اتقبلي مروري اختي .،. و اشكرج على هالموضوع .،. اختج :: dobloma3seyah * |
و عليكم السلام و رحمه اختي .. هذه الكلمه انتشرت فمجتمعنا و للأسف .. بس في بعض الناس ما تعرف معناها و في البعض يعرف معناها لكن يقولها و صغارية يوم يسمعون الكبارية يقولون الكلام هذا يرددونه و دون ما يعرفون معناه بس محد يلومهم لانهم صغارية و الغلط من الكبارية إلى كلشي يفسرونه على كيفهم و اصبح تفكيرهم سطحي و متخلف او بالأصح يفكرون بأشياء خايس و اساسا مب جي مقصدهم فالمسرحيه.. و مشكورة ع طرح اختج : شموخ بنية .. |
تسلمييين على الموضوع في واايد يقولون الكلمه وانا لحت الحيين ماعرف شو سالفه بس توي عرفت -_-" صرآحه مجتمعنا مجتمع تقليييد و الي يقول الكلمه غيره عشره يرددها مافي تحفظ فلكلام او حتى انتباه و للاسف مسرحياتنا و مسلسلاتنا توصل للغير المسلمين >< كلمات مثل هاذي تعطي انطباع عنا نحن او حتى مشااهد .. تقبلي مروري : هيـآآ الشحي |
انا معا اختي الامبراطورة وشكرا |
انا أوافق اختي الامبراطوره الراي عبارة تعرف عايض جدا عاديه و ما فيها اي شي عيب و انا اول مره اعرف من موضوعك ان الناس فاهمينها بهالشكل شكرا |
ۏعليڪم السلام ۏالرحمھ ڜحالج ربج الا بخير ۏسھالھ الصراحھ اڼا ما ڪڼت اعرڤ معڼى الڜي اللي يقۏۏلۏۏڼھ .. عمري ماڤڪرت بھالڜي اصلا حتى المسررحيھ ماڜڤتھا .. بس لۏجھ ڼظر الاعضاء حسيت اڼھ ڜي خايس .. ۏترا ھب بس ھاي الڪلمھ . ياما سبۏۏۏ خلق اللھ . ۏڜتمۏھم .. .. الخ ... الۏاحد لازم يحاڤظ ع لساڼھ مڼ ھاي الرمسسھ ھب حي اللھ اي ۏاحد يقۏل الڪلمھ الثاڼي يتعملھا ۏيستۏي ڪاسڪۏ ۏيردد رمسسھ ربعھ اۏ اي ڜخص ! ... ۏالسمۏحھ ع الاطالھ .. تقبلي خطڤتيدمتــي بحــب َ |
أظن مافيها شي هالجملة ....إذا قارنتوها بالكلمات البذيئة اللي يرددونها الشباب في الميالس والبنات بعد هالايام أنا أعترف أنا لما طلعت هاللزمة ( تعرف عايض) قمت أقولها ..للي أعرفهم فقط على سبيل المزاح |
| الساعة الآن 03:06 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir