![]() |
(وجلعناكم أمه وسطا) السلآم عليكم ورحمه الله وبركاته ديينا الاسلامي يحثنا على الوسطيه والاعتدال "وَ جعَلنَاكُم أمَة وَسطّا " . <B>وأنا اشوف فالاسلام والحياه ل كل مشكله حلأحس ان لازم نكون معتدلين بكل جوانب حياتنا الدينيه والثقافيه والاجتماعيه الخ ! لان هالشي ديينا حثنا عليه </B> أكثر مايشد استغرابي واعجابي علاقه المرء بأخيه وبالأخص علاقه الانثى بربيعتها ! لاحظت من خلال تعاملي مَع بعض المقربات هوّس البنت بصديقتها. تشوف البنية تهدي صديقتها محبة خيالية مبُالغ فِيها، لدَرجَةإنّها قد تضّر و تزعّج مَن حِولها بعلاقتهَا مَع هالإنِسانَة و هِي مهّب حَاسَة بعُمرهَا. تفقّد شخصيتها و كيَانها بمُجرد إنها تتعلق"بجنون" بـ إنسَانة تتسمى صديقة. أدنَات مُشكلة تصير مبينهُم ، البنت تمرّض ولا ماتاكل ولا اذا غابت عن المدرسه او الجامعه او ماتصلت فيها باليوم الفلاني ولامالتقت فيها هالاسبوع ! و تحاتي مستقبلها مَع هالإنسَانة. تحارب أهلها تفقد اقرب الناس لها ، عشَان ترضى إنسَانة. بالمختصر المفيد " أزمـَة " ! بالمُقابل الطرف الثاني قد يكون لا مبَالي بتاتاً ! إنتي ذابحَة روحج على فلانَة وَ فلانَة وَ لاتَدري عنّج خايفه عليها من الهوى ! علاقات البنات الحاده ببعض وايد منتشره بالنوادي والجامعات والمعاهد والمدارس وانا شفت بعيوني هذه الامور ! غير انها تصيح وشو تسوي بعمرها عسب هالانسانه! اما اذا زعلت منهآ يا الهي يكون يومها اسود كيف يكون الإعتدال ؟ أذكّر مرَة قريّت عبَارة للشيخ نبيل العوضِي ، بمّا مَعنَاه : لا تحّب إنسان زيادة عن المعقول وَ لا تكره إنسَان أكثر عَن المعقِول. الناس تتغير ظروفها تتغير و نادر ما تلقى علاقات دايمة على الوضع ذاته مدى العمر حِلو الإنسَان يكِون معتدل ، يثبت شخصيته و إتزانه فِي علاقاته مَع النَاس. تخاصم مَع صَاحبه يبذّل جهد في إنه يرد الميَاه لمجَاريهَا، لكّن ما يذبّح روحَه لو الوضَع مَا ثبت للي يبيه. مَا قول كونوا علاقات سطحية مَع الناس، بالعكس شَي طيب يكون فِي حد قريب منا لكَن مَا نمسح لأنفسنَا ننجرف للجنون! وهذا وضع بنات هالايام للاسف و نحط ببالنا بعد إنَ لَازلنا عايشِين و فِي مجَال نتعرف و نتواصل مَع ناس يديده. يعنّي مَا نمحوّر حيَاتنَا عَلى إنسَان معيّن. فـَ حابة توصل الفكرَة لفِئَة مِن البنَات لأنّي أعرفهّم مَوجِودَات في مجتمعنا بشكل كبييير جدا ! ومضّة . . / يَا أعدّل النَاس إلِا في معاملّتِي ، . . . . . . فِيّك الخِصّامْ وَ أنتَ الخَصمُ وَ الحَكمُ - قَالهَا المُتنبّي قَاصد بها سيف الدَولّة الحَمدَاني - . هل الهوس والاعتدال يوصل لهذه المراحل في علاقه الفتاه بربيعتها ؟ اما انها مرحله طيش وتعدي ؟ شو الاسباب اللي تدفعهم لهذا الشي مع العلم ماكان قبل موجوده ؟ كنا نحترم العلاقات سواء اخت او ربيعه وماتتعدى هالحدود ! اي ملاحظه او افاده نحن حاضرين تحياتي للجميع:wrd: َ |
اهنيج اختـــي[[فتنة الكــون]] وانا مستغـربهـ ليش محــد رد عليـــج؟!،مع ان الموضوع كثيــيــــر مهــــم ويبالهـ بعـــد منــاقشهـ،،ومثــل ماقلتي بأن هالشيء كثيير زااد عن حدهـ،،والبنات هالأيامـ زودوهاآ كثيـــر،،بس انا احب اقول لفئة منهمـ ،،انتوا لو تعرفون عاقبة الشي الي تسونهـ وربي يمكن تقولون لأنفســـكمـ من هذهـ البنت الي انا ذابحهـ روحي عليــهاآآ<<< وكل الي تسونهـ وربي مايستاهــل <<انا طالبة بالثانويهـ واشوف هالنوعيهـ من البنات لان زاادوا كثيــر وغصبا عني راح اشوفهمـ واضحكـ عليهمـ لان الصراحهـ احسهـ شي مايدخل العقل:out:،، يعني الوحده تغار على حبيبتهاا وحالتهاا حالهـ شو اقول وشو اخلي<<بس جد هالموضوع كثيير مهمـ واتمنى من اعضاء المنتدى بأنهم يشاركون>>> وسموحهـ اذا طولت عليج اختي[[فتنة الكون]] والصراآآحهـ اهنيج على هالموضوع الي صدق يستحق المناقشهــ,,, |
نعم اختي أكثر شي منتشر فيه هو المدارس والجامعات ! لكن وين العقل والتفكر ؟ وشو الفايده وشو الي دفعهم لهشي ! لـِ كُلّ الحاضِرين هُنا : :wrd:طِبتُمْ ، حضُوراً لا ينضَبْ . . مِن القلبْ " شُكراً " ،، |
|
نبيل العوضي يقول جواهر والله انا اتوقع دلع بنات ماصخ تافه ماله معنى يوم تكبر البنت بتتخيل نفسها في هاي الفترة العمريه وتقول اووويه شقا كنت جي انا خبله لاه وبتضحك ضحكة غباء خخخخخخخ وانا بعد استغرب من البعض توصل فيهم لدجة عشق وغرام وهبال !! صج شي تافه الصداقه شي وان توصل العلاقه بهاي الصورة من الغباء انها تيلس بالبيت وتتحرطم وما تاكل عشان ربيعتها هذا اسميه تافه ومصخره ماله اي معنى لان اذا جي بتستمر الحياه مع السلامة حياه !! وع سؤالج ليش جي صار الحال انا اقولج البت الحين ادوور حنان من اي صوب سواء صديقه ربيعه زفت الطين اي شي نوعا ما البنت من اهلها ما تحصل ها الحنان تحاول تعوضه بعلاقات سواء صداقه او حب وخرابيط وضياع عمر الخ وبالنهاية لو رجعتي لهاي البنت بعد 5 سنوات بس من وضعها هذا بتشوينها متندمة وبشكل عام مب علاقة صداقة حتى حب وما غيره تندم وتركز وتعقل ومشكووره فتنة الكون عالموضوع واحسنتي تنظيم الموضوع بصورة جميله @@ تحيآتي ًًٍٍٍ |
صدقتي اختي مـ » آنسـے هۈآڪ « واخوي @Wrong waY@ شكرا لحضوركمَ الرائع |
السلام عليكم ورحمة الله وبركاته في البداية أشكرج عطرحج لموضوع مهم وله أهمية كبيرة في حياتنا الاجتماعية :Afk_r: رايي أن هاي فترة مراهقة وتعدي البعض منهم يمصخونها بزيادة وبعضهم يستوعبون إن اللي يسوونه غلط أن أذكر فأيام المدرسة في الاعدادية كانت وحدة تحبني وأول ما قالولي استوى ويهي جي :21: قلت ما احيدني ريلها وباخذها ووصلها الخبر إني مب عايبني الحال وسبحان الله مع الأيام تغيرت نظرتها صارت تحترمني وبعدت عنها هالخرابيط المغزى إن لو كان الطرفين عايبتنهم هالسوالف ادمروا مع بعض ولو حد فيه خوف من هالامور جان كانت الدنيا بخير حتى سوالف البويات نفس الشي عقولة عياييزنا اللي يسون هالحركات يبن العرس زوجوهن وجوفن كيف بيصطلبن :yaw: وألف شكر لج للمرة الثانية لج تقييمي لا عدمناج :Afk_r: |
نقـاشَ طيب اخواني واخواتيَ شكرا لكل من بادر برأيه وبالفعل اختي يمكن انها مرحله مراهقه وتعدي! لكن شي وايد كبار ويسون هالسوايا |
السلام عليكم ورحمة الله !!! أولاً أهنيج إختي فتنة الكون على المواضيع الطيبة الي تقدميها ونشاطج معنى ماكملت يوم فهالمنتدى لكن حسيت بنشاطج ومواضيعج المهمة ما شالله وعساج دوم جذيه وعسى نشوف هالنشاط ومثلج فباجي الأعضاء !!! . . معاج أنا إختي !!! أنا ممكن أفسر هالتعلق الزايد لأن البنت حساسة وتميل إن يكون حد متهم فيها وايد !!! ووايد من البنات يحاولو يسدو فجوة نقص العاطفة إما بتعلق بحبيب أو صديقة !!! صحيح إن التلعق بالصديقة هو الصحيح لكن كل شي يزيد عن حده ينقلب ضده !!! ونادر مانلاحظ رياييل او شباب لهم مثل هالوضع إلى الشاذين وعفواً على هالتعبير !!! لأن الريال مايبحث عادة عن العاطفة وايد والاهتمام مثل البنت !!! وثاني شي بتلاحظي إختي أن هالظاهرة تكثر فالبنت الي تجاوزت سن ال16 لأن البنت فهالعمر تكون ففقمة الحساسية وتنجرح بسرعة وتكون سريعة البكا !!! مثل الشي عند الشباب لما يبدو يتهورون فهالعمر وتبدا فيهم العصبية والعصيان !!! عشان جذيه نلاحظ حركات الزعل الزايد والحساسية بين البنات فهالعمر وماتشوفي بنت فالعشرين ولا أكبر تفكر بهالحساسية !!! هي فترة وتعدي وعشان جذيه فهالعمر كثير من البنات يقيمو علاقات بواحد بسبب العاطفة الزايدة فهالسن !!! أنا ممكن جذيه أفسرها لكن هذا مايسوغ هذا الشي وإن تتوقف حياتها على بنت عشان سنها وظرف عمرها !!! لازم نكون مثل ماقلتي وسطيين !!! وبعد لازم العايلة تهتم بالبنت فهالسن وتعطف عليها !!! عشان نكون عادلين ومانقول كل الغلط على البنت !!! أتمنى يكون ردي مرضي وواضح وينال مستوى هالموضوع الجميل !!! |
اخوي هالشي غلط شقى يعني تسوي فعمرها جي عسب ربيعه ! انت روحك قلتها الشي لازاد عن حده انقلب ضده / زين هي ماسالت عمرها لين متى بتم هالعلاقه جي ! وكيف يعني اذا ماحصلت لها حبيب تروح تحب بنيه !! ياحيف والله / هالشي الكل يدري انه حرام / باجر بي نصيبها وتحب ريلها / أصلا الفتره اللي ترمس عنها هي عمر 16 يعني عمر المراهقه / البنت تركض ورا عواطفها اكثر من عقلها / تنجرف ورا التقليد الاعمى تتعرف على بنات وربيعات لكن ماتتعدى حدود الصداقه وماتستوي حبيبه وخرابيط المراهقه وشكرا لتواجدك الدائم |
صــح !!! عشان جذيه قلت فالنهاية هذا مايسوغ أبد إنها تسوي بعمرها جذيه وتبهذل حالها !!! بس فسرت لج إختي ليش يصير هالشي وحتى العلاقة الزايدة ترا تهلك الواحد سواء مع بنت ولا ولد !!! بس هم فهالعمر يختض راسهم وفجأة تبدا عندهم الحساسية وصح كلامج المفروض تصبر لي يجيها نصيبها وياخذها ريال !!! وفالنهاية أنا ما أقول إن لما تكون البنت فسن المراهقة وجذيه يعني معذورة حليلها وخلوها !!! لا أبد وحشى !!! هذا غلط وأبو الغلط بعد وبس يالسة تضيع وقتها على تفاهات لاتنقص ولاتزيد شي بس تيلس مهمومة وهي ليش قالتلي جذيه وشمعنى وشحقه !!! وحبيت أقول فهالنهاية عشان لا أطول عليج طال عمرج إن الأهل ترا لهم دور !!! لما تشوف الود من أبوها ومن أمها ومن أختها وأخوها !!! أكيد بتشبع جذيه !!! مب سوي ولاتسوي ويالخدية ليش وتغطي ولبسي ولاتلبسي !!! هي مب عبده شغاله عندكم !!! بس تأمر وهذا منقود وماعرف شو !!! ترا هي روح وحس نفس ما إنته تحس !!! وتبا حد يحن عليها فليش تخليها بين نارين !!! إما تصبر على حالتها الزبالة وأهلها الي بس يتأمرو ولا تروح تشقح حالها ويا واحد ولا ربيعتها وتتبهذل فعلاقتها معاها ؟؟؟ . . أنا مقدر ردة فعلج لن صدق شي بنات يعني علاقتهم ويا ربيعاتهم جنها شو بس يعني !!! علاقة وايد ماصخة !!! |
انت روحك قلت انه غلـط دام انه غلط ليش نخليها تستمر فيه / ليش مانيلس وياها نبعدها عن هالشي بالرمسه الطيبهّ ي معذورة حليلها وخلوها !!! ردك صدمني ؟ كيف خلوها بتضيع أكثر دام انها مالقت من ينصحها ويعلمها الصح من الخطا الاهل لهم دور كبير فالبيت ماشي ام ماتنصح بنتها وماشي ام ماتسال بنتها الا اذا البنت تدري انها مسويه شي غلط وماتروم تصارح اهلها فيه ! وكل الأهالي حنونين على عيالهم خصوصا الام والاب والله يحفظ لليميع اهاليهم بس فالنهايه هي تنجرف تحت هالمرحله وتشوف غيرها شو يسوي وتقلده وتسمع رمسه ذي وهاذيج وراحت فيها |
أول شــي صلي على النبي إختي !!! الله يطول بعمرج إختي ماقلت خلوها أنا قلت (( وفالنهاية أنا ما أقول إن لما تكون البنت فسن المراهقة وجذيه يعني معذورة حليلها وخلوها )) طولي بعمرج أنا ما أعذر البنية الي تسوي جذيه وتسوي علاقات فاضية ومتعبة بداعي المراهقة والعاطفة الزايدة ولا حتى الانجراف مع ربيعاتها وباجي الناس !!! بس يمكن فهمتي قصدي غلط الله يسلمج !!! وبعدين على الأهل !!! الله يسلمج الأهل لازم يسألو ومع السؤال بعد يحنو على البنت ويكون بينهم ود مب بس يتأمرون عليها عشان مااتطفش البنية وآخرتها تروح تحبلها واحد ولا نفس ماقلتي تتعلق ببنية وايد !!! مادري إختي أنا معاج بس شكله كلامي ماوصلج عدل والسموحة والله جان كلامي ماكان واضح !!! وماقول خلو البنية فحالها !!! لا المفروض يمسكوها ويشوفوها ويسألو عنها ويحنو عليها فنفس الوقت طولي بعمرج !!! |
اللهم صل على سيدنا محمد وعلى اله وصحبه اجمعين كل الشكر لك اخوي على تفاعلك فالموضوع والسموحه على فهم الامور الخاطئه |
مستخفات ماعندهن سالفة .. . . . |
الساعة الآن 05:35 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir