|
رميت أقداري في طريجك وصرت في عروقي دم السلام عليكم و رحمة الله و بركآته ... . . . عندي قصه و حبيت إني آنزلها في هذا المنتدى آنآ أول مره أكتب قصه ... و أتمنى إنها تنآل إعجابكم .... بصراحه أنااا لين الحين متردده آنزلهـآ و لــآ ... بس للآخيير بنزلهــآ .. و أبقي أجوف ردودكم الليييي تجبر الخاطر ... و تحمسني على أنييي أكمل .... إذآ القصة ريت فيها تفاعل و الإنتقادات و الكل متحمس بكمل .... إذا لاآآآآآآ أسمحولي إني أقولكم ..... إني بقطعها ...... و إن شاء الله عاد أتعيبكم ..... و إذآ اتآخرت عليكم في تنزيل البارتات فالسمحووووووولي لأن أكيد عندي ظرووووووف .. ][ و في شي مهم بصرآحه و أبقيكم تعطونه أهميه أنا كتبت القصه علشان أظهرها من خاطري أخليكم تقرونهآ و ابقي من كل الي يقرآ القصة ما يلهيه عن ذكر ربه من صلاه أو من وجبات لربه أو حتى في رمضان بلييييييز بلييييز بليييز ...لا اتخلووؤؤؤؤن القصه تلهيكم عن ربكم ][ " اللهم أني بلغت اللهم فالشهد " و أنا ببري ذمتي من اللي يآخر صلاااته أو عبادته لــ الله ... و السموحه منكم ..... عنـآ حيآتي ,! |
رميت أقداري في طريجك وصرت في عروقي دم رميت اقداري في طريجك و صرت في عروقي دم الكاتبة عنـــــــا حياتـــــــــــــــــــــــــــــــي ... بارت 1 . . خليفه : ليش ما ترمسين ؟؟؟؟ مهره : ما عندي شي أقوله .. خليفه : بترقدين ؟؟؟؟؟؟ مهره : لا عاآآدي .... ليش أنته بترقد شوه ؟؟؟؟ خليفه : لاااا بس جفتج ساكته قلت يمكن رقدت .... و أيلس أخربط روحيييي ...... مهره : ههههههه .... لا أآآآكيد بخبرك يوم بيني رقاد .... خليفة : لا خلا و لا عدم .... مهره : من ..... خليفه : من الضحكه اللي ترد الرووووح .... مهره ما عرفت شو تقووول و سكتت ... خليفه : لااااا شكلي بتم أرمس عمري الليله أنا ...... . . . . . نشت من ذكرياتها ..... على دق الباب ..... كانت يالسه على الشبريه و حايسة ريولها على فوق حاضنتنها و منزله راسها .......و رفعت راسها من حضنها..... و مسحت دمعتها بسرعه .....و جان يدخل أبوها .... يا و يلس حذالها على الشبرية ... بو مايد: مهره .... مهره : هلاااا أبويه .... بو مايد: أنتي لين متى بتيلسين جذيه ..... خلااااص يا بنتي اللي صار صار و هاي سنه الحياه شو بنسوي يعني هذا النصيب ...... بتكملين سنتين و أنتي على ها الحاال حتى الكليه قطعتي عنا .... هذا مستقبلج يا بنتي ..... مهره متعوده على هذا الكلام الكل كان يقولها جيه ... مهره و خانقتها العبره : أنزين شو تباني أسوي .....أنتو عبالكم برتاح يعني الحين ..... لو أنتو كل يوم أتقولولي جيه .... تراني أتذكره ..... بو مايد: أنا بصرااااحه ياينج في موضوع .... صح أنج كم مره رفضتي بس خلااإإإآص واااآآيد رفضنا ...... و بصرااآآآآحه أناااآآآ أخاااآآف أنج اتعنسين .... لأأن بصراحه اللي مثل حالتج مب الكل يتمناهاااااا ... و نحن رفضنا مرتين و أخاف نرفض الثالث وعقب خلاص محد بيي و يدق بابي حقج .... مهره استوعبت شو يبقي منها ابوهااآآ .... بس المدهوشه منها انه يغصبها على شي هيه ما تباه ... مهره : ابويه شوتقصد ؟؟؟؟؟.. بو مايد:في ناآآآآآس خاطبينج حق ولدهم من قبل أسبوع و شاورت أخوانج و سألنا عن الرياااال مره و مرتين و ثلاث ..... لين ما تأكدنا عنه و الحمدلله .... ما رينا شي يخلينااااآآآ نرفضه .... مهره قامت من على الشبرية و وقفت و نزلت دمعه من عينها و بصوت عالي شوي : علني أعنس إن شاء الله بس أنا ما با أعرس مابا مستحيل أخذ حد عقب خليفة ... بو مايدقام أتجه صوبها : لين متى ..... خليفه خلااااص مات توفى الله يرحمه كلنـــــــاآآآآآآآآآ زعلنا عليه .... حتى أهله زعلواااا عليه بس ما سوو اللي أنتي اتسوينه في نفسج ....خلاص ساآآآآآآر عند ربه ..... هذا شي الله كاتبنه بتعترضين عليه ... هذا اختبار من ربج .... و جذيه اتسوييين ... مهره ما اتروووم ترمس أتخاف اتشاآآآآهق تمت ساكته و دموعها اتصيح .... بو مايد حزت عليه بنته بس شو يسوي لااآآزم أسوي شي لهااااا ... و لا بيتندمم طووول عمره .... حبهااااا على راسها و قال : فكري يا بنتي و.... مهره منزله راسها قاطعته : على "أتشاهق" أســــا...س بتردونــ...ه إذا ما بقــــ....يته ....؟؟؟ بو مايديرفع راسها : جوفي ابقيج تفكرين بالشي الإيجابي ورى هالعرس .... بتطلعين من هالعزله اللي عايشته 24 ساعه في الحجرة بتاكلين مثل الناس بتفرحين في كل مناسبه بتستوي ....بتطلعين بتغيرين جو بتعيشين حياتج اللي قدج عندهم هالحيااه احلى ما في الوجود ... و أنتي بعد لا زم أتحسين فيها .... بسج من الكآآآآبه ..... مهره يلست على الشبريه و منزله راسها كل مالها دموعها و شهقاتها اتزيد .......ابوهها خلاها و طلع من الحجرة .... عقت عمرها على الشبريه و هيه اتصيح دممممممممم بدال الدموع .... مهره بصوت خفيف : ليش يبون يفرقون بيني و بين ريلي ليش .... ليش ما يخلوني احزن على فراقا على راحتي .... ليش يغصبوني على شي انا ما أبااااااااه ياالله ساعدني .... تمت على هالحاآآآآآاال ربع ساعه و عقب سمعت أذاآآن العشاآآآآآء و سارت اتصلي و قرأت قرآآآن و تدعي بالرحمه حق خليفة و تدعي إن ربها ييسر أمورها و يفرج همها ..... و بعدهااا رقدت و دمعتهاااااا على خدها ......... / / / / في الصآآله الكل متواجدين على العشاء ... بو مايد: اليازيه أبويه انهيي ازقري أختج خليها اتي تأكل ..... اليازية : أبويه قبل شوي خطفت على حجرتها جفتها راقده .... بو مايدعصب شوي لأن حس أنه هوه السبب اللي خلاها ترقد بدون عشا و قام ... أم مايد: ويييين ... بو مايد: بسير أوعيها خلها تاااآآكل لقمه .... و سار فوق عندها .... مايد : هوه أبويه رمسها عن السالفه .. أم مايد: هيه ..... أحمد : و شوه قالت ... أم مايد: وشوه بتقووول مثل كل مره .... بس أبوك الله يهداه جبرهاا ... مايد : يــا أماايه أنتي روحج جفتي يوم خليناههاااا على راحتها ... رفضت ... لين متى تيلس جيه .... و أبويه قصده أنه خايف عليهااااا .. أم مايد: الله يهديهااااا ..... / / / بعرفكم على أهل مهره .... بو مايد سالم45 ريال طيب و حنون و عصبي شوي و يحب عياله ... و يخاف عليهم .... لدرجه أنه غصب مهره على العرس ... أم مايد عايشه 42حرمه راعيه واجب و ماتقصر ويا عيالها .... مايد البجر 26 لين أحين بعده عاااآآزب .... يدرس و يشتغل ..... طيب و باآآآآرد وايد يحب يسولف وياااا خواااته ..... نورة 24 معرسه من حمد و عندهاااا بنت عمرهااا سنتين و شوي أسمها شمسة ... أحمد 22 يدرس في كليه زايد ..... عصبي شوي غير واييد عن ماااايد ... ما يحب الدلع و المصاخه يعني سيده .... مهره 19طبعا قبل سنه و نص كانت مالجه من خليفه و توفى بحادث ..... وااآآيد تحبه بشكل مب طبيعي و تعزهه .... الدليل أنهااا لين ألحين ما قدرت تنساااااه .... و يوم توفى كأأنهااا عايشه و مش عايشة كااانت بأول سنه في الكليه و بعدين وقفت .... و ما قدرت اتسير لأن حالتها كانت دااااااااون ...... ووقفولها قيدها ...... و طبعا خلااااص ما اتعرف اطلع كل بخاطرها حق منوه الوحيد اللي كان اتقوله كل شي هوه خليفة .... الحين بينها و بين نفسهااااا ...و الله فوقها .... محمد 17 ثانويه عااااامه هذاااااا خطيرر .... مشكلجي واااايد وراعي سوااآآآآلف .. اليازيه : 15 أول ثانوي .... خريشه شوي و أحياناا هاديه ما ينعرفلها يوم اترد من الاسكول تنخرش وايد ..... . . . . . أبقي الرودوووود ... توقعاتكم و اقتراحاتكم صح أنه صغيره بس تعبت و الله .... |
القصة من بدايتها احسها شوي حزينة بس حلوة .. تحممست خلصيها بسررعه تووكي ! << اتشررط هييع !! يلا نترياج .. |
شكرااااااا أختي على مروورج .... يالله توني بعدني أقول بسم الله .... و تبيني أنهيها .... هههههه ... تسلميلي حبيبتي .... |
مســـــاء الورد حبوبــــة ....!!! شحالج ؟ عساج بخير ؟!! << شكلي دااق سوالف .....!! المهم انا قريت بداية قصتج شكلها حلوة وااايد...وكملي القصة احس احداثها مشوقة واايد وتوقعي مهرة بتتزوج وبتنسا خليفة ....!! وتحياتي لج واسمحيلي على القصور ^.^ |
يالله بانتظـــاارج خيتوو!! |
رد اقتباس:
الحمدلله طيبه طاب حالك ... و الله من ذوقك .... مشكوووور .... |
رميت أقداري في طريجك وصرت في عروقي دم البارت 2 / / / نزل بو مايدمن فوق و بيده مهره تمشي غصب .... لأنها فيها رقاااآآآآآد >< رقااااده لؤؤؤؤل.. يلسوا على السفره و يلسها حذاله .... بومايد : يالاااااا .... مدي أيدج و قولي بسم الله .... مهره تتأمل الأكل و بخاطرها ما شاء الله منوعين اليوم ... كلت كم لقمه و سرح بااآآآآلها بعيد . / / / خليفة يمدلها ايد : إنزيين علشان خاطري ..... لقمه لقمه ... بس ... مهره مبتسمه و منزله راسها : خلووووووف بس عااااد أنا ما حب حد يلقمني جني ياهل عندي أيد و أعرف آآآكل ... خليفه : ما تحبين .... و لاااآآآآآآآ ..... تستحين إني أأكلج ..... مهره سكتت ما عرفت شو تقووول .... و صادت الصوب الثاني ..... يااا خليفة و سحب ويههااااا و خلاااهااا أتجابله و مدالهاااآآآآآ اللقمه لين حلجها ..... خليفه : يلاااا ... قولليييييييييي آآآآآآ .... يا شاطره .... مهره فجت حلجها و حط خليفة اللقمه في حلجها و هيه خوزت ايده و حطت ايدهااا على حلجهااااا ..... عقب ما خلصت .... مهره : الله يسامحك ..... اتغصبني بدووون ما تقووولي .. خليفة شهق : هاااااااااااا ..... و لا جني من مساعه يالسه اقولج بطعمج ...... و انتي هب طايعه ..... مهره ابتسمت ... و هيه اطالعه و هوه يشرب الماي ... جاآآآأن تتلااااااق عيووونهم مع بعض 5 ثوااآآآني .... ارتبكت و قامت .... مهره : الحمدلله ..... زخ ايدهااااااا " حست بقشعريره " و يلسهااااااا ..... خليفه : وييييين ....؟؟؟؟؟ مهره : و الله شبعت .... خليفه : شبعتي و لااا ..... ارتبكتي ..... مهره نزلت راسها و ابتسمت ... خليفه جاآآآن يصرخ بصوت عالي شوي : يالللله انك ترحمني من اللي بيذوبني اليووووم ..... خلااااص رحت فيهااااااا .... مهره أول ما صارخ نقزت و تمت اطالعه مستغربه .... مهره : عن اتموووووووت يا خي .... خليفة اتجدم شوي : جببببب .... أنا ريلج مب أخووووووج ..... / / / / / مسحت دمعتها اللي نزلت ..... بدون محد ينتبه ..... و قامت و سارت فوق بسرعه .... و الكل يطالعاااآآآ و مدهوش منهااااااا ..... أحمد : هذي خبله شووووووووووووووووووه .... بو مايد بنبره حاده : أحمـــــــــــــد ..... أحمد : أنزين لين متى ..... لين متى ..... يعني صدق صدق اللي بيجوفها بيقووول عنها خبله ..... و بصراااآآحه انكم بتظلمون الريآآآآآآآل اللي خاطبنها ...... بو مايد : اختك مب خبله ...... و بعدين هيه فتره عقب بتعود على الريل و بتنسى خليفة الله يرحمه ...... أحمد : جاآآآآآآآآآآآآن نست بهالسنتين اللي طافن ....... و بعدين نحن سوينا كل اللي بيديناااآآآآ أنسووووية ..... شو تباناااا انسويلهاااا أكثر يعني ....... هذا أصلاااا ألاااااا دلع يهاااآآآل ... بو مايد عصب : بترمس رمسه عدله قولهااآآآآآ ..... ما عندك أنطب ...... أحمد : الحمد لله .... و قااام قااااآآآم من ورآآآه مايد .... بعد معصب من رمسته .... عند المغاآآآآسل .... مآآآأأيد : شو الرمسه اللي قلتها أنته ... أحمد : رووووح زين أنته بعد .....بطروووووهااا أنته و أبويه ..... مايد : أحمـــــــــــــــــــــــــــد ..... البنت ما تتبطر انته لو تسمعه كيف تصيح و الله ان قلبك بيتقطع عليهـــاآآآآآ ..... وييييين بتحس و أنته طوووول الأسبووووع في بوظبي ..... أحمد : أنزين ليش ما أنوديها عند مطووووع .... أو حتى دكتور نفسي .... مااايد : ودينااااهاااا أكثر من مرة و بعدها على حالتها ...... أما عن الدكاترة بصرااآآآآحه ماجربنا أخاااآآف أبوية يعصب أو هيه بعد تزعل.... أحمد : برااآآآيكم عيل خلوووهااا جيه لين ما اتعرس و عقب اتينااااا مطلقة ... مااايد عقد حياته : شو هالرمسه .... حد يفاووول على أخته .... سير لااااه الرمسه ما منها فايده وياكــ .... وروح عنه فووووق ... / / / / حجره مهره ...... طق .... طق وااايق راسه : عادي ادش .... أعدلت بيلستها ..... : هيه تعال .... يلس مايد حذالها على الشبريه ..... مااايد : بقولج شي أناااااااااااااااااآآ خاطري أطلع ..... و أبقيج تظهرين وياااايه ... مهره أبتسمت : وييييييين ... ماااايد : وين ما تبيييييين ... مهره : أنزين الحينه ؟؟؟؟ مااايد : كيفج .. مهره اتفكررررر بالهاااااا ما يبى يسير مكااان بس فجآآآه و أحلى مكان اتحبه : البحـــــــــــــر .. مااايد نقز : بسم الله .... توج هادية .. مهره ضحكت ضحكه خفيفه : هههههههههه ... سوري .. ماااايد يتأملهاااا .... يالله محلااااا الإبتساااامه على ويهاااا .... ماااايد : بطلب منج طلب ... مهره : آآآآآآمر .... فديتك ... مااااآآآيد : أإإإآبااااج ما تحرميناااا من هالإبتسامه الحلوووووه ... و لا منج .... مهره حز في خاطرهااا أخوهااااا و حست أنهااا وايد مقصره ويااااهم ..... مهره : أباااااا أسأألك سؤؤؤؤؤل .؟؟؟؟؟؟ مااايد : أسأأأأألي الغالي .... مهره : أنته زعلان مني ..... يعني عسبت ما قمت أشوفكم مثل قبل يعني بالأياااام ياالله يالله أجوفكم فيهاااااااااا ... ماااايد : أأأنا برمس عن عمري .... بصراااحه أنا أول فتره بغيتج اطلعين كل اللي في خاطرج .... و عقب فتره جفت حالتج أتسوووووء أكثر و أكثر ..... و ما عرفت شو اسووووويلج ...فقلت يمكن محتايحة تيلسين وياااا عمرج و ترتاحيييين أكثررر ..... بالعكس أخافج أنت زعلانه مني ... مهره : الله الشاهد ... أني هب زعلانه منكم ..... أنزين ما قلتلي متى بنسير ... مااااااااااايد : متى تبين الحين فليل يعيبج .....؟؟؟؟ مهره : شو رااايك باج الصبح حلللللووووو ... مااايد : و الله ما عندي مانع بس على السااااآآآعه 7 أو 8 ... لأن بصراااحه ماااا أررررروم أنش الفير ..... مهره : أوكي .... ما عندي مانع .... مااايد : يالااااه .... عيل أنا بضهر تبين شي من برع .... مهره : سلاااامتك ... ماااايد :الله يسلمج من كل شر .... و ظهر من الحجره .... وردت رقدت هيه ... |
وااايد مهرووه حزيينه يعني خلااص اوكييك تحبه بس تحاول تنسااه على الاقل تشوف حياتها لو خليفه عايش بيتمنالها تكمل حياتها القصه شكلها طرطرييشن كمليها اختي من متابعيينج =) |
اقتباس:
كنت اقصد انه تخلصين البارت بسرعه ههههه .. اممم تووني قرييت الباارت الثاني و عيبني .. اترياهم يسيرون البحر عشان اسير وياهم هههههه .. مشكورة عالبارت .. |
رد اقتباس:
و الحمدلله أنه عيبج .... بيحيزلج وياهم إذا تبين .... و السموحه ... |
مهره وايد حزينه .. احسها بتزوج لي خاطبنها اول الأيام بتكون صعبه عليها .. بس عقب بتحبه احس نترياج فالبارت الياي d: |
وايد حليوة الروايه اتجنن اول ما قريتها حسيت واجد هي حليوة ننتظر بارت جااي مو تتأخرين علينا |
رميت أقداري في طريجك وصرت في عروقي دم البارت 3 . . حي على الصلااااه ...... حي على الصلااااااه . . نشت على أذااآآن الفير .... تمت تتجلب بالفراآآآش تترياآآآ الآذااان يخلص عقب ما خلص ... مهره " اللهم رب هذه الدعوه التامه و الصلاه القائمه آآت سيدنااا محمد الوسيله و الفضيله و ابعئه اللهم المقااام الذي وعدته إنك لا تخلف الميعاد " قامت من الشبرية و سارت الحماآآآم " عزكم الله " ... اتيددت .... و خلصت و صلت و قرت قرآآآآآن .. . و ما ياهااااااااااااا رقااااد ... و جافت الفير شو و بيطلع .... طوت السياده و ردت القرآآن مكانه ... و بدلت ثيابهااااا و لبستهلها ... جلابية هاي نك و كت لونها رصاصي عليها كلمات بالإنجليزي بالأسود .... و لبست فوقه شال خفيف شوي لونه بنفسجي ... خلت شعرها مفتوووح و لاكن قابضتنه بتوكه صغيره .... خذت فونها و نزلت سوتلها نسكاااافيه و سارت حديقة بيتهم و يلست على الطاولة ... و تتأمل الشير كيف يتحرك ... بسبت المهب .... و عقب تمت تلعب في فونها .... مهره في خاااطرهااا لا مب داااشه خلااااااص ماااابى ...." كانت داشه المسجات ... المسجات كلها من خليفه فوق 30 مسج .... و تمسح كل المسجات اللي تيها و تخلي بس مسجات خليفه الله يرحمهه " بتيني الحااالهة و عقب ما أعرف كيف أسكت .... و بعدين بطلع و يا ماااايد ما بغي أضيق خلقه هوه ما يستااااهل ..... خلت فونها على الطاولة و شلت النسكافية و قامت تتمشى ... و ناسيه سالفة الخطبه مووول ما يت على بالهااااااااااا لآآن تدري ما تقدر اتسووووي شي ما دااام أببوووووهاااآآآ خلاص موافق ... و ما بيرده .... و هيه ما تغير حياتها بس علشان و الله بتعرس يعني لامبالاااااااااااااه ... عقب ساعتين 6:30 دشت داخل البيت سارت اتشوووف مااايد نش ولااااااا .... سارت حجرته جافتها مقفوله و الليت مبند .... تضايقت و ردت حجرتها .... بخاطرها يعني ما بينش و بيخلي رقااااده بس علشـــــــــــــاآآآن يوديني البحر .... و ما حبت تضايق اخوووها فقاااالت عادي غير مره ..... فـــــــــــــــــــــي حجره مااااايد ..... رن المنبه ماآآآل فونه ... أول مره بنده و هوه دهشااآآآن ... مره ثانيه مثل ... ثالــــــــث مره أتأأأفف .... و خوز اللحــــــــــــــاف عن ويهه و يلست عدل و خذ فونه اللي محطنه تحت المخده علشان يسكت أونه ... جااآآآف الساااعة 7:28 قاااااال بما أنه ما نش على صلاااه الفير .... بيسير يصلي .... تيدد و خلص و صل .... و عقب تذكر أن مخلي المنبه علشان يوعيه علشاااان يسير البحر .... ضرب يبهته .... مايد : شـــــــــــــــــــــــــــتتت ..... و قام من الشبريه .... و ساااار حجرة مهره ... طق طق طق .... و فتح الـــــــباب ..... جاف السرير مرتب و هيه راقده بنص الشبريه على عرض و محطيه أيدهااااا تحت راسهااااا ... سار عندها .... و خوز خصل قصتها الطوبيلة من ويهااااا و ضرب و يهااا بخفيف .... ماااايد : مهراااا ..... مهرااااا ... مهروووه ... مهره فتحت عينها بخفيف و جافت ماااايد ... هممممممممم .... ماااايد ابتسم و يلس حذاالها عقب ما استوعبت ... مايد : كنتي تترييييني صح .... عدلت يلستها و رتبت شعرها ..... مهره : نهيت حجرتك جفتها مقفوله قلت يمكن رااااقد ... و خليتك ترقد .... و غير مره بنسير .... ماااايد : المنبه قبل شوي وعااااااني .... يلاااا قومي اتلبسي علشان انسيييير .... قامت مهره غسلت ويهاااااا ... و مايد سار يتلبس و نزل تحت يترياااااها ..... و عقب نزلت و سارت ويااااااه .... . . في السيارة ..... مااايد : ما تريقتـــــــــــــــــي صح .... مهره : أنااا ما اتريق .... شربتلي نسكافيه ... إذا تبى اتريق انته ؟؟؟؟؟ .... مااااايد : لاااازم تأأآآآكلين ..... علشان خاطري يلااااا ... بس سندويجه ... مهره ابتسمت له : إن شاااء الله علشاااان خاطرك بس .... و لا أنا مالــــــــي خاطر آآآكل .... ماااايد خطف على مطعم فاتح و خذولهم ريوووق ... و ساااارو البحر ..... و يتريقووون هنااااك .. . . . في بيت بو ماااايد .... ام مايد اتدووور في البيت لين ما وصلت الصاآآآله و جافت ريلها .... بو ماييد : بلااااااااااااااج تناهدين ... ام ماااايد : مهره محد .... دورتهاااا في الحجره في الحديقة في الحوي في البيت كله محد .... بو مااايد : شقايل يعني محد ... دورتي عدل .... وييين بتسييير يعني .... ام مااايد : ما خليت بقعه ..... بو مااايد : يمكن في حجرة حد من خوااانها .... ام مااايد : مااااا أدري بسير أطاللعها .... يوم ردت ... أم مااايد : محد ... بس مااايد مب في الحجرة ..... بو مااايد طلع تلفووونه و دق على ماااايد .... . . . ماااايد : هذا ابويه يدق .... هلااااااااااا أبووويه ..... الحمد لله .... نهيت البحر و يا مهروووه .... و الله السموووحه ما خبرنا حد ... و الله ما يى في بالــــــــــي ...... إن شاء الله .... إن شاء الله ... الله يحفظك ... مع السلاااامه .. بند و هو يبتسم ماايد : متروعين عليج ... مهره : لأنهم ما جاااافوني لاااه .. مااايد : هيه ... مااايد : مــــهرااا .. اطالعته و الابتسااامه على ويهااا : آآآآمر .. ماااايد : ما يااامر عليج أأمر ..... شو رايج بالسالفه اللي قالها لج أبويه .... مهره أتذكرت السالفه و تلاشت الأبتسامه من ويهاااااا ... مهره : شو يفيد رااايي يوم ان أبوويه ما سوااالي شوووور ... ماااايد : مهره لا تفهمييين أبويه غلط ...... أبووويه يوم سوى هالشي قصده خايف عليج و على مصلحتج ... و تطلعين من اللي انتي فيه .... مهره : بس مش بها الطريقة ان يغصبني على أنـــــي أعيش ويااا شخص لا أعرفه و لا يعرفني و أنا أصلاااا ما آآآأأباااااه .... مااايد : لــــــــــــــــــــــــــــــــــــيش ما تبينه ؟؟؟؟؟؟؟.... مهره : أنا مش أني ما أبااااه هوه .... أنا ما بقي سالفه العرس نهائيــــــــــــــــــــــــــا ..... مش مستعدة لهااا الحين و لا بعدين خلااااص أنا ارمله ... و هووه ليش يورط نفسه و يا وحده أرمله مثلي .... ماااايد :ليش اتقولين جذيه عن عمرج ...... انتــــــــــــــــي ما تبين الخير لج ... مهره : بس بها الطريقه ما في خير لي ... هذا شر .... و أنااا ما اتحمل أني أجااادل و لا أني أناااقش حد بحاااالتي ... ليش تظلموني و تظلمون الريااااال و ياااايه .... خلااااص خلوووني بحااالي و هوه بيلقى وحده غيري و مش معرسه قبل و بتسعده أكثر منــــــــــــــــي و أحسن بعد ...... مااايد : طريقه تفكيييييرج أنتي الغلط .... أااانتي على بااالج يعني بيرد خليييفه لو تميت أرملته و ما خذتي حد ... وعايشه بها الطريقة .... يا بنت حراااام عليج اللي اتسوينه في عمرج ... ربج عااطنج هالروح أماااانه عندج و أنتي جيه اتسوين بالأمانه ما قمتي تهتمين بعمرج و لا بشكلج و لا دراستج و لا حتى ربعج .... أغلبيتهن هن الي اينج أنتي أمره ما اتسيرين عند حد .... مهره نزلت دمعه من عينه و صدت صوب البحر ... بصوت عالــــــــــــــــــي شوي : أنته عباااالك ما حاولت ..... حااولت و الله حاااولت ما قدرت .... اايين أتخبلل ما أدري اتينـــــي حااااله هسترية يوم أنحرم من شي يخصه بس لو يوووووم ..... " زادت صياحها و دموعها " ياااما حااولت أني أكسر الللفون و أعق كل هدااايهاااا و رساااايله بس ما قدرت و الله ماااقدرت ... " أتشاااهق و خشمهااا محمر من البرد و المهب البارد ... و فوق هااا اتصيح " مااايد أتضاااايق على اخته و خلاااا راااسها على صدره و حضنهاااااا ... وزااادت صياااحهاااااا صدق حست بالحناااااان من أخووهااا اليي محد يقدر يعطيهااا ايااااه غير خليفة .... مااايد : بس خلااااص حبيبتي .... خلااااص عاد .... " خلااا ويهااا مجاابلنه و مسح دموعها و طلع كلينس من مخبااااه و عطاااهاااا " ... نحن ياييين أهننييه علشاآآآن نستاااانس مب علشان اتصيحين .... يلاااا أجوووف أبتساااامتج الحلوة اللي وعدتيييني فيهااااا وييين ..... مهره ابتسمت : انته ويينك عني من زماااااان .... ماااايد : أنااا موجود بس انتي اللـــي مب طايعة تاااخذين و تعطييين و يااا حد .... مهره : و الله أحس انــــي أرتحت يوم رمست و يااااااك ... ماااايد : الحمدلله انج على الأقل طلعتي من الجو اللي انتي عايشه فيه .... يالااا شربي عصيرج .... يلسوووا يلعبوووون بالتراااااب شوي .... و من البر وااايد ... ردووو البيت .... . . . و السمووووحه ..... و بحاااول انـــي أطووول البااارت أكثر من جيه بس عطوووني وووقت .... |
حلوو الباارت .. :] |
البــــارتاااات في قمــــة الروعــة.....!!!! كملي خيتــــووو ونحن فانتظـــاارج لاطوليــن علينا...!! |
بارت حلو وايد |
مشكووورين أأآآخواااني على الرمسه الحلوه ... |
البارت 4 .. . . . عقبه بيوم ... عقب الغدااأأء بيت بو مااايد الكل متواجد ....... نزل أحمد من فوق و في أيده شنطة الدوااام .. بو مايد: ها أبويه ساااير ؟؟؟؟ تقرب منه أحمد و حبه على راسه : هيه أبويه بغيت شي ... بو مااايد : سلااامتك .. أحمد : الله يسلمك من كل شر .. و سااار عند أمه و حبهاااا بعد فوووق راااسها : تبين شي الغاليه .. أم مااايد : بحفظ الرحمن الغالي .... و أتحمل بعمرك ... أحمد : إن شاء الله ... يلااا مع السلااامه .... و طلع ... بو مايد يطالع مهره : مهره الغالي تعالـــــي الحجرة بغيتج شووي ... عويش " أم مايد " تعالي ... مهره : أنزين ... و سارت هيه و أمها ورى أبوهااااااا .... يزوووي : يلااااااااااا عاااد الحين من أول ما بتطلع من حجرة أبوية على طووووول فووووق ... صييييو "صاروووخ" ... مااايد : لااا تتمصخريين على أختج .... يزوووي : ما أتمصخر صدق أرمس أنااااااااا.. ترن .. ترن .. تلفون البيت يرن ... محمد : أكييييد وحده من ربعج المخبــــــل ... الحقي الحقي .. يزووي صدت على محمد : جــــــــــــــــــــــــــــــــــب .. و سارت اترد على التلفووون ... محمد يكلم مااايد : جووووف جوووف شو بتقووول ... مااايد ابتسم : شتباااااها .... طبهااا عنك ... و سير ذاااكر ... محمد : أنتوووو كله عندكم مذاااكره ... يت يزوي عقب مــــا بندت ... محمد : غريبه و ين طالعه الشمس اليوووم .... يزووي عرفت قصده لأنها ما يلست وااايد على التلفووون : هذي نووووووره أختــــي ... مش ربيعتي .. محمد : شوووو تبى .. يزوووي : ماا يخصك ... مااايد : قووولي شو تبى .... يزوووي أطااالع محمد بنص عين و تصاآآآآااصر مااايد : تسأل إذا أبوية خبر مهره بسالفة .. مااايد هز راااسه مااايد و كمل لعبه في بيبي .. يزوووي : خير لا اطااالع جي هب قايلتلك موووت قصة .. محمد : عدااااااال ميت على أنـــــــي أعرف .... زوووولي لاااه ... و سار عنهم فوووق ... . . . حجره بو مااايد ... ماايد يطااالع مهره : هااااااه شوقلــــــــــــــتي ... مهره أطالع أيدها و تلعببهاااا و منزله راسها و في صوتها بحه قويه : كيفك يا بويه .... أنااا ما لي شور عقب شووورك ... بومااايد : أنا ما ابغيت تظهرييين من البيت و انتـــــــــي زعلانه مني ... أنااا ابغيج تكووونين راضية ... مهره أطالع أبوهاا : يا بوية شو الفرق إذا كنت راضيه و لاااا لآآآ ...جيه و لا جيه أصلا ... بتووورووني عنده ... بو مايد : لا اتقوولين جيه .... نحن ما بنورج عنده .... نحن بنخليج أتكملين حياتج و يا واااحد يساااعد و يساااندج و تكووونوون معع بعض .... و تعيشووون سوووى ... و تكووونوون أسرره .... مهره اتضااايجت وااايد من هالرمسه " من غير نفس " : خلااااص يا بويه سوو اللي تباه ... ام ماايد : يعني راضيه ؟؟؟؟.. تهز راااسهااا : راضيه يا أمااايه راااضيه .... بو ماايد ابتسم : إن شاااء الله ما اتحصلللييين غير اللي يفرحج و يفرج همج .... و تنسين اللي يكدرج ... و تعيشين حيااااتج و تنسييين اللي فااات كله ... ام مااايد : آآآميين ... إن شاء الله ... مهره >< يعني شوووه إذا عرست بنسى خليفة ... بنسى طوول الفتره اللي كنت فيها بذمته ... بنسى كل حلووو أستوى .... يعني بترمر أياااام و بهمله بتفكيييري له .... و بنسى الاتفاااقااات و الووووعود اللي كناااا نوعدهااا و نتفق لبعض .... ياالله كل شي بينتهي عقب ما أعرس .... مستحيل مستحيل أنساااه هوه فقلبي و ما أقدر أظهره منه .... إن شاء الله أموووت قبل ما أعرس و لااا أخذه هذااا السباااال ... أستغفرالله أنا شو يالسه أقووول ... انتبهت لأبوهااا اللي يرمسهااااا >< بووو مااايد : عاااااد هم قااااالوااا عقب اسبوعين الملجه و عقبه بشهر العرس ... مهره و بعصبيه خفيفه : لاااااااا .... ليش مستعيلين .... هالكثر اناااا عله على جبدكم و أنا ما أدري ...؟؟؟ ام مااايد : شوووه هالرمسه عله ما عله .... عيب عليج ... مهره اطالع أمها : عيل ليش مستعيلين هالكثر ... بو مااايد : هم اللي طلبواااا .... هم اللي مستعيلين و هذا شرطهم .... هب نحن ... مهره تنهدت : بس أنا مابا حفلة و عرس و دق و غنااا .... و فستان ما با هذا كله ... ام مهره : شو تقوولين أنتي في بنت ما تبى اتسوي حفلة عرس ... و تلبس الفستان أبيض ... مهره : أنتو أتعرفووون أني مش مثل باااقي البنات ... أنااا أرمله أفهموووها أرمله ... كيف تعبوني أعرس و آآخذ واحد غير المرحوووم و أسوووي دق و غنــــى أنا الصرآآآااحه ما أرضاهـــــا ... و هذا شرطي لو يبون .... بو مهره : أنتي تبين أتخبليبي .... إذا انتي ما تبين مش مشكله ما بنغصبج .... بس مب حرااام هوه و أهله ما يفرحووون بهاليوم ... لازم يفرحووون بولدهم .... مهره : و الله كيف ما اتشرطوااا ووافقنـــــــــــا ... و أنااا بعد عندي شرووط لو يباااانــــــــــي يباني بشروووطي .. بو مهره اتضايج : يا بنت الحلال يعني انتي كل شي تبينه بالغصب .... الحين منوه ما يرضى يسوي حفله عرسه .... مهره : يا بويه مش مشكله بنسوي الملجه و العرس بيوم واااحد و عشاء حق الريييايل ... وخلاااص بعد شوه يبوون .. بو مهره : جوفي أنـــا بشاااورهم إذا وافقوااا كان بها و إذا ماوااافقوااا أسمحيلي ..... و أنااا ضدج بهالشرط .. مهره : بــــــــــــسـ ...... قاطعها ابوووهاا : خلااااص سيري حجرتج .... و بشاورهم العصر .... مهره : بس أنتوااا ما سمعتواا كل شروووطي .... بومهره عقد حياته : شوووه بعد عندج ؟؟؟؟؟... مهره منزلة راسها : آآآآآآ.... أبقي اسير بيت المرحوووووم و أخبر عمتيه ... ما يصير لااازم أآآآخذ موافقتهم أول .... بو مهره : لا تحاااااتين أنااا خبرت بو خليفة و مااا عارض و لا زعل .... بصراااحه تحمس لج و يتمنالج الخير ... مهره : بس بعد أبوووووية ... دخيييلك ؟؟؟... بومهره جاف ام مهره : خلااااص عويش انتي وديهااااااااا ... ام مهره :إن شاء الله ... قامت مهره حبت راس أبوها و أمها و طلعت من الحجره و سيده فوق ... و عيونها أدمع .... . . . فــــــــــــــــــي الصآآلة ... يزوووي : مااا قلتلك ؟؟؟ ماااايد : انتي ما بتنجبييين ولااااا شوووه .... يزززوي : خلااااص سكتناااااا ... نزل محمد من فووووق و سمع مااايد يوم سكتها ... محمد : ووووووويييييووو ... سكتوووها .. و طلع من الصآآلة ... قبل ما يطلع فرته يزوووي بالكلينكس ... بس ضرب الباب ... يزوووي : هررم وااااحد .. . . . أول ما دشت حجرتها .... قفلت الباب و تساندت عليه و يلست تحت ....سرحااااااانه و الدموع تنزل بدون سابق إنذااار .... أربع أربع ..... عقب ربع ساااعة ... مسحت دمووووعهااااا و سارت الحمااام " عزكم الله " اتغسل ويهاااا ... . . . . عقب سااااعه و نص ...... طق طق طق ... بطل الباب و لاكنه مقفووول تم يدق لين ما فتحت الباب ... جاااف عيونهااااا و خشمهااااا محمررره .... وحضنها و هيه بحضنه اتشاااااهق بدوون صيااااح بس دمووووع ..... حاااالتها كل مالها اتسوووء .... دخل الحجرة و سكر الباب و راااه و مشاااهااا لين الشبريه ..... هوه يلس على الشبريه و يمسح على شعرها و يقرآآآآ عليهاا .... هيه منسدحة على ريله و لاكن مجااابلتنه و مغمضه عيونهااا و تسمع قراااايت أخوووها لها ..... عقب ما خلص زقرهاااا بصوت خفيف .. ماااايد : مهراااااااا .... مهرااااا ... " حس انها راقده ..... خوز ريله وحط بدالهاااا مخده و نش من الشبريه و لحفهاااا عدل .... و بند الليت و سكر الباب و ظهر .....كاان واااايد متضااايج على حااالتهااا ... و سااار حجرته ... . . . . حجرة يزووووي ...... كاااانت أونها تذاااكر فاااجه الكتااااااب و مسكه دفترهااا الخاااص و يالسه اتكتب و اترسم ..... و تغنـــــــــــــــــي ..... دخلت عليها أمهااااا ... أم مااايد : يزوووي ... يزوووي رفعت راسهااا أطااالع أمهااااا .. ام مااايد : هاااي المذاااااكرة ... يزوي : يالاااااااا يا أمااااايه من متى أناااا مجااابله هااالكتاااب لاااعت جبدي و الله .... ام مااايد : يوم أنه لاااعت جبدج من مجااابلة الكتاااب .... شعنه ما اتجااابلين أختج .... يزوي : يا أمااااااايه بنتج هاااي وحده كئييييبه ..... ما اتحسسسين فيها يوم تيلسين وياااج ... و أنااا مااحب أيلس وياااا وحددددده كئييبه ... أنا أحب الحركه الضحك السوااالف و الخبااااال ... هب شراااااتهااا .. عافان الله عافان الله .. ام مااايد : الله يهديتج يااا بنتي بس .... صدق انج خبلاااا ... في حد يرمس عن أخته جيه ... يزوووي : هاااا الصدق اماااايه ... و الكل ملااااحظ .... ام مااايد : إن شاء الله عقب مااا اتعرس و اتسير بيت ريلهاااا أتيناااا مهره القبلية اللي نعرفهااااا .... وانجوووفهااا مرتاااحه و ياااا ريلهههااا ...,, يزوووي : ههههههه أماااايه انتـــــــــــــي تحلمين شـــوه .... مهروووه بظهرله قرووون ... و بي و بيقووول ما بااا بنتكم شولهااااا عني ... ام مااايد عصبت : أستحي على ويهج الله لا يقوله ... فال الله و لااااا فالج .... أتمنيلهاااا كل خير لااا اتفااااولين عليهاااا بالشر ... و ظهرت عنهاااااااا ... يزوي اترمس عمرها : الحين امية من صدقهااا تباااني ايلس ويااا مهووور البااااردة ... أويه لو يلست ويهااا دقيقة بختنق كيف يبوني أسووولف ويااها بالدقاااايق و السااااعات ..... الله يعين ريلهااا و الله .... الله يعينك يـــــا النسيب على خبااااال أختيه و برودهاااااا ... و عصبيتها ... . . . . |
الباارت رووعه .. مهرة كسرة خاطري اهئ ! مشكورة عالبارت .. نتريا البارت الياي .. |
يزووووي خبيله هع عيبتني لكن مفرووض مهما كان توقف ويا اختها يمكن بحكم سنها صغير ترمس جي ماعرف مهرره الله يعينها على اللي بستوي ويا ريلها القاادم.. اعتقد بيحبها و بتحبه..! تسلمين في انتظار البارت اليياي..~ |
???????? waiting u |
ننتطر بارت |
>><< ويييييين آآاااارائكم و تحمسكـــم في القصهــ ][ ][لاإإيكـوؤؤن بـــــس مااآآإ عيبتـــــكمـــ ؟؟ ^^ .. |
لا عيبتـــــناااااااااا وقصتج رووعة وكملي حبوبــــة بس ان شا الله المشـــاركين مايقصرون وبيردوون عليج تحياااتي لج !!! ^.^ |
][رميت أقدآآأأريـ فيـ طريــ جــكـ و صرت في ع ـرووقي دمــ][ البارت 5 .. . . . . اليووم الثااااني نزلت من فوووق و على طووول حجرة أمهاااا .. فجت الباااب ووايقت ... أم ماايد : هلااااا أماايه مهره ... تعااالي ... أبتسمت مهره و سارت حذال أمها و يلست .... أم ماايد : خييير تبييين شي محتاااايحه شي ... ناقصنـــ ..... مهره قاطعتهاااا : لاااااا أماايه ما بى شي مشكوووره .... أم ماايد عرفت شو تبــــى ... مهره تتهرب من نظرااات أمهاااا : آآآآآآآ .... أماااايه متـــى بنسير ... أم ماايد أطااالعة بنتها بحنااان : قصدج بيت عمتـــــج ... أطالعه أمهاااا مهره : هيه أمايه ... أم ماايد : أناااا دقيت حق عمتج و العصر إن شاء الله بنسيرلهم .... مهره أبتسمت : صدق أماااايه ... أم ماايد : هيه أمااايه ... و أتجهزي على الساعه 5 إن شاااء الله ماايد بيوديناااااا ... مهره : إن شاء الله ... عقب دقيقتين ..... دخل بو مااايد الحجرة .... بو ماايد : زين يوم أنكن هنيه .... مهره حست بأنى يااااايب خبر عن السالفه ... يى بو مايد و يلس و ياهن ...... بو ماايد يطااالع مهره : مهره أن رمستهم بالسالفه اللي قلتيلي اياااااهاا .... مهره وتدعي أنهم وااافقوااا ..... ام ماايد : أنزين و شوه قااالوا .... بو مااايد : أحم .... هم راضين عن الملجة أنهااااا تكون كتب كتااااب و عشاااء للريااايل ..... بس العرس لا لازم حفلة ..... مهره و حست بقهر و اطاالع أبوهاا : وشوه الفرق يعني شو سووا لحينه هم يعني ..... يعني بيتسوى عرس و حفله و دق و غنا و رقص و خرااابيط .... هم مااالهم حق ..... أناااااا اللي بعرس مش هم ... بو مااايد بحده : مهره أهدي ...... خلينــــي أكمل رمستية .... أفهمي أول و عقب أرمسي .... مهره رفعت راسها و طالعت أبوهاااا بومااايد : هم متفهميييين وضعج ..... و هذا كل الي قلتيه مااااشي ... اللهم عرس في القاعة و عشاء حق الحريم و الرياييل و بدووون دق و غنااااااا ..... يعني موسيقى هااااديه .... و أنتي طبعا بتنزلين بالأبيض و بتنزفين .... و كل واااحد بيته ..... و كااان الله غفورا رحيم ....و بس .... مهره سكتت و نزلت راسهاااااا .... بو مااايد : جوفي يوووم أنه ماااشي حفلة ملجه و تجهيزااات .... بيخلووون الملجه يوووم الخميس .... مهره : هااااااااااا ..... أي خميس الخميس هااااء ... بوماااايد : هيه ... مهره : بس .... بس وااايد جريـــــب .... أنتواا قلتواا عقب أسبوووعين ... بو مااايد : ليش عقب أسبوعين ...... ما في شي بيتجهز ..... كتب كتاب ..... و العشاء من باجر بنجهزة ... أم مااايد : بس هيه بعد لااازم تتجهز ..... بو مااايد : ماعليه بتتجهز .... عندكم خمس تياااام بيمدي ..... من فستاااان و حنااا وتعديــــــــــل ... مهره اتكلم أبوهااا : أناااا قايله ما ابغي حفله علشان ما البس فستان و لا حناااا و حتى تعديل .... و بعدين محد بي من الحريم ..... ليش كل هااااااا .... بو مااايدد فكر شوي : صدقج .... بس على الأقل لبس يبين أنج بتملجين و حنااا خفيف .... و تعدلي بمزاااجج .... علشااااااآآن أمه و خوااته لي يووووااا يجووفنج بزينتج ... اتنهدت مهره و بدوون نفس : إن شاااء الله ... بو مااايد حبهاااا فووق راسها : بااارك الله فيج .... مهره : أنا بسير فوق .... قبل ما تطلع زقرهااا ابووهاااا ... بو مااايد : مهرااااااااااااااا .. ردت ويهااا على ورى .... بو مااايد : أبااا أجوفج على الغدااااء ... هزت راااسها و سااارت ..... . . . . العصر .... في السيااااارة ... مااايد : بتحيروووون ؟؟؟؟؟ ام مااايد : و الله ما أدري بدقلك أنااااا ...... ليش عنك شغل ..؟؟؟؟؟ ماااايد : لاااااا .... بس أســـــــــــــأل ..... يطااالع مهره من المنظرة اللي جداااام ... مااايد : مهره .. مهره أطاااالع أخوووهاا : هممممممممم ... مااااايد : ما ابغيج أتضااايقين عمرج .... زين ... مهره حست أنه مستحيل ما بيصير : إن شاااء الله .... مااايد : أماااية ... كوني ويااااها ... لا اتخليناااا روحهااااا .... ام ماااايد : يصير خير إنشاء الله .. ماايد واايد متضاايقج عليهااا و يعرف أنهاااا بتضااايج وااايد .... و قبل مااا يسيرووون حااول يقنعهااا انها ما تسير بس ما وافقت .... و خلااااااهااا على راااحتهاااا ... ووصلوااااااا ...... و خلاهم ماايد و ساار عنهم .... أستقبلتهم ام خليفة و بنتها مريـــم " معرسة " .... يلسواا في ميلس الحرييم و تقهويوااا ..... و مهره من أول ما وصلت فيهاااا غبنه و تبى أتصيح .... بس ماااسكه عمرهااا خااصه جداام أم خليفه لأن حاسه فيها من أول ماا جاافتهاا اتذكرت ولدهاااا و حضنتهااااا و صاااحت بس مهره مسكت عمرهاااا بالقووو .... و يلسواا ويهاهم و طبعااا مهره خبرتهم و هم تمنولهااا كل خير و ماا لهم حق يوقفون بطريج البنيه ...... تمواا يسولفون و ياااخذوون الأخبااار لين ما قالتلهم مهره أنها تبى تسير القسم اللي كاان مسونه خليفة حقها ...... وو صلتها مريم ... و سااارت روحهااااا .... أول مره اتجوووف القسم .... مهره >< دق دق دق دق دق ... خوزت أيدهاااا من قلبهاااا يالله .... كيف أدش مكاآآن كان خليفة متوااااجد فيه أغلب الأوقااات و كل شي فيه يخصه روووحه .... أتشجعت " بسم الله " ... و فجت الباب ... أول ما فجت الباب جافت ممر صغير مودي لين الباب .... تمت دقيقة و دخلت و سكرت الباب و تمشي خطوة خطوه وصلت لين آآخر الممر كان فيه باب على شكل قوس بس بدوون باب مودي للصآآآآله .. دشت الصآآآآأأألة شهقت لأن جنها مش مهجوووره كأن في حد عايش في هالحجره " لأنهم مخلينها كيف ما هيه من ما توفى المرحوووم " الصآآله وااايدحلوه لونهاااااا عنااابي و الغنفااات عنااابي و بني و التلفزووون كاان واايد عوود بلااازمااا و له سمااعات كباار و مسجل و دي في دي و فيه لوحه معلقه على الإيدااااار بآآآيه الكرسي وواايد حلو اللوحة .... يعني بإإختصااار الصااااله وواااايد حلووة .... وكانت وايد بااااردة لأن الدريشه مفتوووحة و الجو بااااارد ....الستاااره مرفووعة .... " الموهيم بنرد على مهره ... جاافت الغتره موطاآآآية على الغنفه و نعال حذاال الزوليه .. و كوب ماال نسكاافيه على الطاااوله و كتب فوق الطااوله و قلم و أوراااق .... سارت شوي شوي لين ماا وصلت عند الغنفه و يلست شلت الغتره وعيونهااا محمره و دمووعهااا أربع أربع ..... و أيدههاااا ترتجف و قلبها يدق بالقواا .... شمت الغتره و عيونهاا مغمضه " شهقت " مهره>< ريحته ياربي ريحته و الله .... و حضنتها ..... و تتذكر الأوقات يوم يكوون حذاالها و تروووح فيه نفس الريحه ..... بعد 5 دقايق ..... تمت تتلمس كل شي الأوراااق و الكتب حتى الكوووب ...... و قااامت سارت الحجره كااانت مفتوووحه ..... دشت الحجره جنآآآآآآآآآآآآآآآآآآآآآآآآآآآاااان " لونها أسود مع نقوووش بالرصااااصي ... و الشبريه دائريه عليها فراش مخترب يعني كآآآن راقد آخر مره فيهااا لونه بنفسجي واايد حلوو يعني فخم .... و مجااابل الشبريه منظره متوسطه دائريه و على الأطراااف نقش ..... ما في توااليت بس رف زجاااجي .... و فيه نقوووش مثل المنظرة .....فوقه عطرين و مشط و جل و كريم مااال الويهه .. حذااال المنظره فيه قوووس مودي ل غرفه الملابس شوي وسيعه فيهااااا كبت متوسط .... و رفووووف حق النعووول و الجواااتي ماااله ... و حذااال الكبت من الصوب الثاني معلاااق .... فيه كندورته البنيه و سوداااء و غتره بيج و عقاااال ... و مجاااابل الكبت باب الحمااااام " عزكم الله " يعني بصراااحه كل شي في القسم كآآآن من ذووقهم هم الإثنين ..... لأن كل شي مسواااي كيف ما كااانو مرتبين " ..... المهم دخلت الحجره .... و دموعهاااااا وقلبها و الرجفة ما تقدر أبداا تسيطر عليهم كل شي بسرعه ..... تجدمت أكثر وسارت لين الشبريه و يلست و " أتشاهق " .... جاااافت تلفوونه على السده الي حذال الشبريه .... مدت ايدها المرتجفه على الموبايل .... فتحته ... جافت الخلفية .. " للموت انا لك حبيبي صـورةٍ حيّـه ميّت بحبك وحبّك صِرْت انا اسعى له " أغلى ما في الوجود ][ مهرة ][ هنـــــــــــــــــي عاد عقب ما قرت تنزل من عيونهاااا دم و تصيح بصوووت شوي ينسمع ..... مهره : آآآآآآآآآه .... خليــ .... خليفااااااااه .....أهااااااااا ..... و تصيح ..... والله افديك بعمري و الله ... بس رد رد ........ آآآآآآآآآآه ..... " تمددت على الشبريه و اتصيح " تمت على هالحاااالة يمكن 20 دقيقة ..... خوزت التلفون من حضنهاااااااا ..... و جاااافت 22 مسكووول ...... 10 >< أغلــى ما فــي الوجووود ..... 9 >< الشيخ حمداااااان ..... 3 ><أم خليفة ...... جاااااافت بالتاريخ الــــــــــي مووول مش طااايعة تنساااه ...."....... " .... و عقب جااافت المسجاااات أغلبيتهن من الشيخ حمدااان نكت و سوااالف و الباااقي منهاااا هيه .... عقب مااا قدرت تكمل أكثر حست أنهااا خلااااص بيغمى عليهااااااا ..... جافت درج السدة مفتوووح في كتااااااب لوووونه تركوااااز واايد حلو .... فتحته .... أول صفحه فاضيه ..... ثاني صفحة ... مكتوب بالسطر الأووول بخط شوي عود " مهره " و بتاااريخ " .... " اهديتك حبيبيى كلمات كانت هى اغلى افكارى 000 ووهبتك كنزا حبيبى من ارقى ماثر اشعارى 000 وعشقت حياتى من اجلك فهواك اظهر اوزارى 000 وعرفت بانك قاتلى فاجبت بانك اقدارى 000 وبان دوائى من كان سببا لهلاكى ودمارى 000 و الصفحه الثااانية بعد مكتوب التاريخ " ..... " .... يوم الملجة ... هلا باللي سبى قلبي واخذنـي حسنـه بقـوّه سَلَبْ روحي واخذ صبري وأنفاسي من يْديّـه أحسّ انّه لعب بالقلـب لعبـة شاطـر وْمَـوّه يبعثرني.. ويجمعني رجـا واحـلام ورديّـه إذا نوّر ظلام الليل عرفت ان الفجـر ضــوه تبسّمْ من جبينه مبسم الصبح وضحـك ضيّـه واذا سلهم برمشه طرت من جَوّي إلى جـوّه ورحّب به خفوقي غصب عنّي قال يـا حَيّـه أثاريني بحسنه طحت وانا اظن الهـوى تـوّه فكيف ان الهوى توّه وانا غرقـان فـي طيّـه تعلّقته وصار اليـوم نـوّ القلـب مـن نـوّه مع انّي قبل هـذا اليـوم كانـت نيّتـي نيّـه قبل يطري الحسن حسنه لفظ قبل اسمه سْموّه تسامت به سنا الحسن وسرت له سحب وسميّه تقول ارفق بمن حَبّك وعقب اللي تبـي سَـوّه ترى ميْتك إذا شافك تـرد الـروح بـه حَيّـه حبيبي خاطري عن ما بـدا لـه عبّـر وْنـوّه ومن شرواك يفطن وانت شمس الخاطر وْفَيّه إذا كان الحيا يمنعـك.. مـا تمنعـك لِمْـروّه واذا خايف من الحِسّاد قِلْ لي.. طاحت الحِيّه و الصفحة الثالثة ..... يوم اللقااااء الأول " ..... " صغت المعاني من بحور الهواجيس واخترت منهن من صفا نقو الألماس بيوت شِعْـري يسبقنّـي مراميـس وبهن أحرّك نبض قلبي والإحساس سايرتهن يـوم الخلايـق مناعيـس ونظمت نظم القاف ساسٍ على ساس واجدّ في سيري على ضمّر العِيْس واسري بليله سرمديّـه بالاغـلاس ما همّني طول المدى والمراويـس ضاري على فعلٍ يحيدونـه النـاس أغوص قوعٍ مـا تجيبـه مقاييـس آخِذْ من الدانات ما يْصيبنـي يـاس وان هيّضنّـي قايـدات المكانيـس أحسّ في قلبي شرى دَقّ الأجراس أنا الهواوي ما على القلب تحميـس أطْلِقْ عنان الشوق وأقول لا بـاس طبّ الأمور المقفيـات المناحيـس وانظِرْ بعيد وطاوِل النجـم بِقْيَـاس و الصفحة 5 . 6 . 7 . 8 . 9 . 10 . 11 . 12 . 13 >< كلهااااا قصااايد لكل مكااالمه أووو كلماا يشووفها أو كلمااا يزعل منهاااا ... أو هيه تزعل منه .. الصفحة الأخيره قبل ما يتوفــــى بيوووم ... بتاااريخ " ...... " مهره ... ح ـــبــيــبــــــــــــــــــتي ... ؛ أعرف أن هالرساآآلهـ بتضااااآآآيقج وااآآإإيــــد بس بصرااآآإحهــ هذاا أحساااسي من يوميــــن ... ما أدري بســ صدق صدق أحس أن هالفترهـ كأنها آآآخرفتره بحيآآآآآآأأتـــي .... يعني لــــــين أهنيه و بس .... أناااا أدري أنـــــاااا محد عاااارف بالموووت .... بس أآآكيد أن كل إنسااآآآن يومـ بيهـ يومه بيحس أنهــ بيموووت بهاليوم ... و أنه ــ يوومهــ قربــ مثل مب ح ـــاس أنآآآ الحين .... لاااا تصحيــــــن تراآآج أتعذبيني بدموووعج .... و دمووعج واااآآيد غ ـــاليهــ عليه .... أتحبين أتعذبيني ألحيـــــن و أنااااا في قبـــــــــــــري أنــــاااآآآ محتاااااي دعااائج أنهـــ ربـــــي يرحمنـــي و يووسع قبري و قبر كل أموااات المسلمين .... و كل ما تذكريني و لااا تولهــين عليهــ أترحميلــــي فديتج و لا اتصيحين دخيلج لاااااا اتصيحين ......... وثااآآنـــي شي ماآآآ أبغيج كلهــ متضااايجهــ و متكدرهــ أكيد بتضااايجين بســـ هاااا بس أوول الأاايامــ بس عقب أسمحيــــــلي ... أبغيج أتكمليين حياااتج ..... و تلبسين الفستااان الأبيض .... و يااا ريلج طبعااااا و تيبين عياااال و يكبرووون و تربينهمـــ .. عاااااد شووووو بتسمينهمــ ما لـــــــــــــي حااايه ما بدخل بينج و بين ريلج .... أآآآكــــــــــــــيد أتقوولين مستحيل .... ما في شي مستحيل غنـــــــــاتي .... و بتنسينـــي و بتكملين حياااتج و ياااا اللي بيخطبج و أكـــــــــــــيد بيحطج في عيووونهــ و بيحااافظ عليج .... بس دخيلج ما أبغيج أتخووونينه بمشااااعرج ويااااااي ... أبغيج تخلصيلة ... و تعطينه كل الحب اللي كنتي عاطتنه أيهااااا لأنهــ يستااااااااااااااااهل .... و بيعوضج إن شاااء الله و بيكون أحسن مني بعد ..... و بالأخير أبغي أقولج أنــــــــــــــــــي أول ما جفتج و أنتـــــــــي كنتي طيفة أحلاااامي ... كنتي دوووم في باااااالي و الله الشاهد إني أحبج أغليج أهواااج أموووت فيج ..... و أنتي كل شي عندي في هالدنيــــــــا .... يالااااه كيف متمنـــــــــــــي أني أعيش وياااج أطووول من هالفتره ألـــــــــي عرفتج فيهاااا .... و كونـــــــــــــــــي واثقة أن هالفتره أحلى و أغلى فتره على قلبي عشتهاااااااا بحيااااتي ... و أكيد أنج متندمه أنج مااا قلتيلي أنج أتحبيني ..... بس أعرف و الله أعرف إإآآنج أتحبيني و أأتمووووتين عليه بعد .... بس مستحيه و مش قااادره أتقووولين .... لأنج مش متعودة ... و الله أعرف كيف تكوونين متوتره يوم أكون وياااج يوم أتسولفين ويااايه ما اتعرفين كيف تتكلمين .... يوووم تستحين كيف ويهج يستوي طماااااااااااطة و ألععن منهااااا بعد ..... لاااا تاااكلين هم أعرف إنج أتحبيني و يوم ما اتسولفين و ياية أعرف إنج أتكونين أتفكرين أتقولين كيف أرمس ؟؟؟ شو أقوول ؟؟؟؟ شووو يقوول عني؟؟؟ شو فخاااطره ؟؟؟شوي سوي ؟؟؟ .... كل هذا في بالللج و مشكلتجج الوحيده هيه الحيااااااء وااايد تستحين و هذا أحلـــــــــــــى شي يعيبني فيج و هوه ألي جذبني لج ..... يا أحلى مهره في الدنياااااااااااااااااااااااااااااااااا ..... يالله عاااااد أبغيج تهتمين في نفسج و بصحتج .... و بعد في حياااتج و مسقبلج .... و لا تنسين ذكر ربج .... و صلااااتج أعرف إنج ملتزمة بس أوصيج ..... و قوووووووي إيمااااااانج ....... مـــــــــــــــــــــــــــــــــــــــــــــــــ ــــ ع السلاااااااامهـــ " يحفظج ربــــي و يخليــــــ ج " خليفهـــ .... |
نآأإآأإييسسس الرواايـهً وننتظظرج بفآرغ الصصببرر |
ثينكس عالبارت عيبني .. تاثرت من الرسالة ..! مشكوورة خيتوو .. |
مشكووورين حبااايبي على الردووود ... بس طلبت منكم طلبه .... أطلب عاااادي ... أنزين .... دخيلكم ... إذا عندكم أنتقااادات و لا ما عيبكم شي .... و لا طريقة كتاااابتي للأحدااث سريعه و لااا بطيئه دخيلكمـ قووولوولي ..... لا اتخلوووني جنـــي هبله أكتب و أنتواااا مش عايبنكمـ ...... و أنااا ترااانــــــــــــــــي عآآآاادي مااا بزعل ... هذاااا الشي واااايد يهمني .... أسمحوولي تراااني أول مره أكتب ..... و السموووحه ... |
درب درب غرشووه وصلت مرحبا الساع شحاالج؟؟ عساج الا بخير ياخي رواايتج طرررطرريشن و انا اللي جذبني ف روايتج العنوان ياخي من جفته قلت هالروايه الا بقراها ههههههه فدييت ميوود ومهااري و خلووف ربي يرحمه >> متاثره الاخت هههه و هييه احمد كرهته >< و بو مايد احسه طيب بس يوم يعصب ينرفز >< و ام مهرووه مسجين حالها لازم تمشي ع شور ريلها بس يلا شو انقوول و هييه صج محمد واليازيه حسيتهم مسوين جوو ف البيت يعني >> و ها محمد اوونه خطيير هههههه فدييت روحج شو هالرمسه بعد اونه هبه ومادري شوو >> اوونه انا هبله اكتب ومادري اذا يعيبكم او لااه فدييت روحج انا كل شي منج حلو وعسل يالغاليه نتريا بارت الياي |
فدييييييييييييييييييييييييييييييييييتج عنا حياتي تسلمين عالقصة والله خباااال مررررررررره حلوة كملي نتريااااااااااااج الله يعين مهرووووووووووووه ويصبرهاا |
يحليله خلييفه و صح كلاامه لازم تعرس و تحب غيرره مهروووه اكييد بتحاول و بتحاول تعييش حياتها من بعد ها المسج و قصصتج حلووه والله لا تسرعيين ولا شي بس نباا ربشششه ..بسها مهرووه من الحززن.. و اعتقد يمكن اللي خطبها يكون وااحد كان يعرفه خليفه ربيعه او شي جي سبحان الله محد يعرف.. في انتظار البارت القادم..~ |
حلا البارت ننتظر بارت ججاي |
اقتباس:
اقتباس:
البريمي الله يسلمج فديتج .... الله يحلــــــــــــــــــي أيااامج حبيبتي .. و تسلمـــــــــــين على الرد |
اقتباس:
ثااانكس حبوبهــ على آآآراائج الحلوة .... إن شاااء الله حبيبتي بحاااول ... كيف مااا قلــــتي محد عاااارف .... يسلموااااا خيتواااا .... |
رد اقتباس:
حلااا الله أيــــــــــــــــــــــــامج حبيبتــــــــــــــــــــي .... |
القصة رهييييبة والبااااااارت واااايد حلووو مع اني كنت بصييح وكملي حبووووبة اترياااااااج لا تبطييين |
رميت أقداااري في طريجك و صرت في عروووقي دمم . . . الباااااااارت 6 ... بيت بو مااايد ..... نزلت من فوووق طاااايره ..... و طلعت من بااااب الصآآآله ... و فجآآآه و قفت و تمت فاااجهـ عيناااه و اطااالع ..... >< مصدووومه الأخت .... كااانت وااايد قريبه منه يعني يمنكن شبرين رااشد : هلاااااا بزييييييييييييييين و الله ... يزووي ماا عرفت شوو اتسوي بعدهااا مصدووومه ... لأنهاااا لااابسه شيله بيت و كت ... و هوه يطااالعهاااا و عقب دااار و عطاااهااا ظهرهاااا ..... رااشد : ياااابو ج سيري أتستري .... فضحتيناااااا .... أول مااا قااال جذيهـ راااشد .... قااامت من صدمتها .... و على طووول حطت الشيله على راااسها و سترت أيدهاااا .... و كااانت بتدخل داااخل و لاااكن بااب الصاالة أتصكر و هيه أطالع تحت و طااايره ... و دعمهاااا على راااسها .... طااااااااااااااااااااااااااااآآآآآآآآآآآآآآآآآآآآآ آآآآآآآآآآآآخخخخ .... صد على ورى و جااااف يزووووووووووي زااااخه راسه جااان اتيه اضحكه بس مسكهااا يعني اشلقت عليه الباااب ..... و سيده سااارعندهاااااا و جاااان يخوووز ايدههااااا من رااسها علشااان يطااالع .... دزت أيده بسرعه و فتحت باب الصآآآله و على طووول فووق و هيه ساااير له فووق ... يزوووي : أدخل في الصاااله لا تم واااقف برع ..... الحين بزقر حمووود .. راشد : ههههههههههه ... و الله العظيم أنهاااا خبله .... . . . . سكرت الدفتر بسرعه و مشت دووووعهااااا و شلت الدفتر حطته داااخل باااقهاا ..... و طااالعت الحجره آآآآخر مره .... و طلعت و مثل الشي جااافت الصآآآله ...... مهره : مااا بنسسسآآآك .... أأبد مااا بنسآآآآك ..... الله يرحمك برحمته .... و طلت و سكرت البااب و راااها ...... اتساااندت على الباب .... مهره >< آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآه " تنهدت تنهيده طويله " ... بحااااول أني أسوووي كيف مااا وصيتني ...... " و يتهااا صيحه " حتى قبل لاااا يموووت فكر فيني و بحيااااتي اللي بعيشهااااااااااا بدوونه ..... الله يصبرني إن شاء الله ... و نزلت من الدري و سااارت الصآآله .....و يلست و يااااااهم شوووي و عقب صلااااه المغرب صلوااا و ياااهم مااايد و ردوااا البيت ... . . . . سااارت حجرة محمد أخوووهااا .... فجت البااااب بدفااااشه .... جاافته يلعب بلاااب ... يزووي : أيه ولد خااالك متفيزر تحت سير عنده .... حمووود : أنااا مااا جفت دفاااشه أدفش منج ... يزوووي : جـــــــــــــــــــــــــــــــــب ... و سكرت الباب بقوووو .... حموود : شعندهاااااااااااااا .... أكيد مسووولهاا شي .... خوز الاب من ثباااانه ... و تلبس و نزل ... . . يزووووووووووي : الله يغربلك ياااا رااشد وين ظهرتلي أنته ألحين بعد .... " وتحط أيدهااا على يبهتها " آآآآآآآآآآآه ..... يعووور .... أفففففف و قااامت و طلعتلهاااااا جلاااابيه حـــــــرير نمريه مش فراااشه عاااديه ...... و لبست و يااااه سكااااارف أحمر ... عدلت و يهااا شوووي ... يعني فونديشن و بلشر بني و مرطب ... . . . حمووووووود : هههههههههههههههههههههههه ... دوااها أحسن تستاااهل ... راااشد : هههههه و الله شكلهااا شوي و بتصيح .... حموووود : آآآآآآآآآآآآآآآآآآآآآآآآآه بردت فوااادي و الله ... ضحكتني عليهاااا لين ماااشبعت ... كاانت تتسمعهم و هم يتضحكووون ... يزوووي : ضحكتوووو من سركم بلاااا قووولوواا آآآآآآمين ... ثنينااااتهم ماااسكين عمااارهم عن يضحكوووون ... يززووووي : أضحكوااا أضحكوااا ... إن شااااء الله أجوووف فيكم يوووم .... واااحد يتخرطف ويطيح و تنتكسر ريله ... و الثاني يطيح من فوووق الدري و يتكسر ... قوووولواا إن شاااء الله .... راااشد : هب هبااااج الله لااا اتفااولين علينا نحن ورااانا ثااانويه عاااامه .. اليازيه : خس الله الثانويه العامه يوووم بتخرج هالأشكااال " سوتلهم مااالت " و سااارت المطبخ علشااان تحط ثلج على يبهتهاااااااااااا .... و سووووووووووووووووووووووووووووري إذا كاان قصير .... بس علشااان خووااطركم والله .. و لااا أناا مصطله في رقااااآآآآآآآآآآآآآآآاد . |
دررررب درررررب وصلت انا فدييييييييييييييييييييييتج وفسسسسسسسسسسسم شو هالبارت الغااوي شرات كاتبتنا تسلمين وربي رغم انج تبين ترقدين وحاله وكتبتي البارت مهما قصير او طويل وربي يسد انج فكرتي فينا وكتبتي فدييييييييت روحج وربي تسلمين ع هالبارت ونتريااا بارت الياي حبيبي |
رد اقتباس:
تسلمين و الله غرشه حبيبتــــــــــــــــــــــــــي .... على الردووود التي تبرد الخاااطر.... |
| الساعة الآن 04:37 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir