وقفت أتأمل شعري فالمرآيه بعد ما قصيته فالحمام,قصير لرقبتي و منتّف من فوق لونه مايل للبني الفاتح ,ابتسمت ابتسامه شريره و انا اقول فبالي "جذي بينعجبون فيني البنات" و فجأه ..... ماسمعت الا امي تصارخ : روضه !!!!!!!!

زفرت بلوعة جبد عقيت شعري فالزباله بهدوء .. فتحت الباب و لقيتها فويهي : انتي شو تعملي فالحمام ؟؟؟؟

دزيتها من كتفها ببرود و انا ماشيه : ليش ؟ الحمام شو يسوون فيه يـــــااا ....بعد هدوء..... أمــــي ؟../ و رصّت عالكلمه بغصه..

فتحت عينها بانتباه و بعصبيه و سحبتني من شعري : انتي شو عامله بشعرك يا مجنونه ؟

:قصيته و لو سمحتي بعدي ايدج من شعري,بعّدت ايد امي من شعري و اتجهت للمطبخ ادورلي شي آكله .. لحقتني امي و هي معصبه : انتي مابتستحي ع وشّك يا قليلة الأدب ؟؟؟ هكّه تعاملي امك ياحيوانه ؟


فتحت الثلاجه من دون اهتمام و طلعتلي تفاحه و انا ماشيه دق جرس باب الشقّه قتلها ببرود : روحي روحي واحد من حبايب قلبج يترياج سيري فكينا من حشرتج .. نقزت بسرعه و اتجهت للباب تبطله .. سندت ظهري عاليدار آكل التفاحه بأيد و العب بشعري باليد الثانيه .. بطلت الباب و دخل واحد من ربع امي اقصد "زبالة امي" دخل بابتسامه عوده : هلا والله بالقاطعه ساميه

شهقت و حطت ايدها ع صدرها : انا قاطعه يا أحمد ؟

مشى متجه للكرسي و هو يجلس : هيه قاطعه ماتبينين .. ومايندرى بعد يمكن لقيتيلج غيري تتسلين معاه ..

جلست متلصقه فيه بسرعه و مسكت ادينه و هي تقوله بدلع : لا والله يا احمد..انا مابعرف حد غيرك..

حج راسه : انزين ابغي ماي عطشان

وقفت باهتمام : من عيوني يا عيوني .. زقرتني و انا اتلذذ مندمجه فالتفاحه لابستنها .. زقرتني للمره الثانيه و هي ترص ع ضروسها :روضه !! جيبي ميّه حالا !!

شليت الماي و انا اتأفف و ييت عند امي .. طالعتني بنظره و هي تأشرلي عليه بعيونها, مديتله الماي و انا حاطه ايدي ع خصري بملل اترياه يشل الماي من ايدي لي مادتنها له..

رفع عينه يناظرني بنظرات مافهمتها .. رديت له النظره بس باحتقار , شل الماي من ايدي و مشيت مشيه بطيئه وصوت الslippers يعم الهدوء,و بعدم اهتمام دشيت غرفتي ..




جالسه فالصاله مادّه ريولها تقشرلها برتقال و هي تطالع التلفزيون .. مر الصاله و اول مادخل رفع الجلابيه و خش خشمه داخلها بسرعه و هو معصب : عليووه ويعه !! .. كم مره اقولج يوم بتاكلين هالبرتقال كليييه فالمطبخ !!! انتي ماتفهمين ؟؟

صدت تطالعه باحتقار و لفت ويهها للتلفزون : والله لي مب عايبنهم , يطلعون برع

رد بعصبيه : تعرفيين اني مادااني رييحته !! ترديلي اياها بعنااد ؟؟ ولا شوو سالفتج انتي كل يوم تزطين بهالبرتقال ؟

حطت الصحن عالطاوله ولفت ظهرها تطالعه بعصبيه :مروانووه قتلك اذا مب عايبنك اطلع برع..

نزل الجلابيه من خشمه ثواني و رد دخل خشمه بسرعه :اففف ياريييحته قويه مادانييها ..

دخلت تتحرطم :انتو شبلااكم وااصل صرييخكم لين برع ؟؟ و بعديين معااكم ؟

سار وقف عدالها بحركه سريعه : امييه هااي بنتج لوعتلي جبدي بهالبرتقاال قوليلهاا ماتااكله فالصااله و لا تشتروونه مره ثانيه مابا اشووفه فالبيت ابد !!

رفعت راسها و ادينها تطالع فوق : لا حول ولا قوة الا بالله .. الله يصبرني على عيالي الله يهديكم ياربي .. ياربي شسوي انا بهالعيال كل يوم يوني بسالفه يديده


ضحك و سار باس راسها : الله يهداج اميه .. من استوينا و نحن نتناقر عادي اميه طوفيها .. و رد يبوسها و يبوسها لين مادزته من صدره و هي تتأفف :بسسس بسس ذبحتني !!!

نقع عليها من الضحك .. و سار بنذاله دخل خشمه ف جلابيته شل قشور ال برتقال لي فالصحن و فرهم فشعر عليا اخته ..شهقت و وقفت مب مستوعبه و هو ميت عليها من الضحك فجأه صرخت معصبه: مروااااااااااااااااااااااااااااااااان !!!!!!!!!!

و شرد و هي تلحقه ...

:انااااا اراااوييييك يالحيوااااااان

يركض عالدريّ بسرعه :يميييييه منها الينيه بتااكلني

:ياحيييواااان ويييين بتشرد مني اناااا اراااويييييك

فتح الباب و هو مسطل و اول مافتح البااب رد ع ورى بصدمه من لي خلاه يصحصح و هو يشوف مروان يركض و عليا اخته تلحقه .. نزل من الدري سار الصاله و هو يحس بصداع فظيع ..

نزلت من الدري متجهه للصاله بهدوء و هي حامله اللاب اول مادشت :صباح المغرب رشود

طالعها بهدوء : وين امي ؟

أشرت عل مطبخ :مناك اظن ..

هز راسه ب أهاا .. و عقب ثواني ماشافوا الا عليا يايه يلست و هي تتنفس بسرعه .. تتحرطم :مروانووه الخاايس وين بتروح عني .. انا اراوييك بس ماعليه ... دواك عندي الهرم ...

قاطعها و بنبره حاده :ممكن تسكتين ؟

طالعته بحتقار :ويييه عاد لي يشوفني يقول خايفه منك انت الشيفه كله معصب متى تضحك انت ابا اعرف متى ؟ ها ؟ ها ؟ ها ؟ ...

طالعها بحتقار و قبل لا يرمس : شو هالنظرات لي شرات ويهك .. ردت ايدها بعدم اهتمام و سارت توايق ع اختها : مهروه انتي شو تسويين ؟

:شو تشوفيني اسوي .. اصمم عالفوتوشوب

نشت بملل :مملين انتو .. ولد خاله كله معصب و اخت بارده و ممله .. ولّوا زيييين
و اتجهت لحجرتها ..

نش سار المطبخ شافها تقطع فواكه ابتسم و باسها ع راسها : اميه الحلوه شو تسوي ؟

ابتسمت بحب :اسويلكم سلطة فواكه

:الله ! انا يوعان امييه

:زين فديتك احين بحطلك الأكل ..

: لا اميه .. بسير مواعد ربعي

هدّت لي فايدها و طالعته : احين يايني يوعان و يوم قتلك بحطلك الأكل قتلي لا مواعد ربعي ؟

:خلاص باكل شوي عشانج

ابتسمت بحزن و هي تحطله الأكل على الطاوله .. راشد يتيم من عمره 7 سنوات .. توفوا امه و ابوه فحادث ..ولد اختها منو له فدنيا غيرهم .. مسحت ع راسه و يلست تتأمل ويهه و هو ياكل .. يذكرها ف اختها .. شعره الأسود الناعم .. عيونه و رموشه .. خشمه السيف .. و شفايفه الورديه.. غلاته عندها اكثر من عيالها .. ماتعرف ليش .. بس وايد تحبه .. يمكن لانها ربته قبل ماتحمل ف مروان ..




منسدحه عالسرير تفكر بحالها هي و امها المغربيه لي كل يوم ف سهره ..كل يوم يايبه واحد..كل يوم ماترد البيت الا الصبح .. يا فبالها ابوها .. توفى و هي عمرها 10 سنين ..ماتعرف حد غير امها و مالها بالدنيا غيرها .. حتى ماتعرف اذا ابوها عنده اهل ولا لا .. .. قطعها صوت جوالها و هو يرن .. مدت ايدها بكسل و ردت بصوت دفش :ألوو

بدلع:هلا حبيبي

تحج راسها و بدون نفس : اهلين

:شحالك فديتك ؟

ببرود :زين

:حياتي ابغي اشوفك اليوم ..

:وين ؟

:فالـclub

:اوكي

:حبيبي ليش جي تعاملني ؟

ببرود ماله اي احساس:كيف تبيني اعاملج مثلا

:امم يعني قول حبيبي قولي حياتي .. اي كلمه حلوه

نشت من مكانها للمرآيه و ببرود :اوكي حياتي

بدلع:الله محلاك يوم تدلعني ..

قاطعتها:زين ساره سمعي .. انا بسكر ببدل ملابسي بمر عليج و بنسير الـclub

:اوكي فديتك .. بنش البس ..

زفرت بتعب و فرت الفون عالسرير و دشت الحمام (عزكم الله) تاخذلها شاور بارد ..
هذي هي روضه .. يملي قلبها البرود .. محد يعرف سبب برودها .. يمكن بسبب وفاة ابوها .. و امها المهمله .. تمشي حياتها مثل ماتبا .. لكن من يدري باللي داخل قلبها ؟





طلع من البيت و هو فالسياره مب عارف وين يروح بالضبط .. اتصل ع واحد من ربعه و رد عليه من اول رنه :ألوو

و هو يضحك:ها ..هلا والله

و هو يسمع صوت الحشره عنده : هلا خلّوف انته وين اسمع حشره عندك ؟

منشغل مع الللي عنده : هاا نحن فالـclub تعال لايفوتك فهد شوفه كيف يرقص الأهبل .... و فجأه وتتعالى صوت ضحكاته مع الشباب و البنات و هو يسمع بعده عالخط : زين زين ياينكم ..

بعدم اهتمام بند الخط ع ويه راشد على طول ..

مرحبا ..
سوري انشغلت امس شوي مارمت انزل البارت ..
بحاول اني انزله اليوم انشاالله

كنا يالسين فالصاله اراقب عيونها , سوالفها و ضحكاتها الهاديه .. كانت تسولف عن دوامها .. حور تشتغل ف بنك في دبي عمرها 27 يعني اكبر عني بسنتين .. بس اعطيها اصغر عن عمرها من ويهها الطفولي و صوتها الناعم .. قطعتني و هي تسألني : مروان انت من مواليد كم ؟

ضحكت : امم كم تعطيني ؟

حطت ادينها على خدها : امممم من شكلك اعطيك 28 سنه

رفع حاجبه و هو يطالعها : اهاا والله يا ابنة خــالــتــي .. ربما ..

ضحكت على حركته و طريقة كلامه و يت يلست تقريبا عداله بس شوي بعيد و هي تقول : اذا يا ابن خالتي .. ماهو دوامك ؟ و اين ؟..
رفع ريوله و اتربع : انا اداوم في شركة ابي ..

طالعتهم و هي شوي متنرفزه : ارمسوا عدل .. بطيتوا جبدي تقولون مسلسل مكسيكي مدبلج بالفصحه ..
ضحكوا على كلامها جان تقولها حور : شوفي خالتي .. ولدج هو لي بدى و انا سايرته .. يعني مايخصني

دشت الصاله و هي حاطه ادينها ف خصرها تطالع مروان اخوها باحتقار و تمشي و تدعس ريولها عالأرض قو شرات اليهال و قالت بعصبيه و هي تصرخ : لييييش ماتخبرووني انه حور هني ؟؟؟؟

طالعها باحتقار و هو يقول : والله انتي لي حابسه عمرج فالحجره .. سألتنا عنج حليلها بس انا لي ماطعت اسير ازقرج

يايه بتعطيه بوكس الا انه مسكت عمرها و وقفت تسلم على حور اللي واقفه تترياها من فتره ..

ضحكت حور على تصرفها و عصبيتها اللي ماتخلص و يلست عدالها : شخبار الدراسه يا حلوه ؟

ردت ايدها على ورى بمعني "تولّي الدراسه" و هي تقول : لا تسألوني عنها بليز

رد عليها بطنازه: اكيد تولي الدراسه .. فاشله وين تهتم فالدراسه ويا هالويه

بطلت عينها و حطت ادينها ع جتف عليا : لا حرام عليك عليا شطوره و بتدرس عشاني صح عليوه ؟

: هيه هيه ..

ضحكت و قطعهم صوت جوالها و هو يرن : هلا ريان

زفر بتعب: هلا عليا .. اقولج يتني شغله ماروم امر اشلج ..

:خلاص انا بدبر عمري.. و بتصلّك اول ماوصل انشاالله ..

: زين سلمي عليهم .. و قولوليلي منو بيوصلج ..

: ماعليه بس تحمل على عمرك

:انشاالله ..

اول مابند الخط سألها : هذا اخوج ريان ؟

: هيه حليله وايد ضغط عليه فالشغل شفتات و حاله ..

ابتسمت و بعد فتره قالت : خالوه دريولكم موجود ؟

وقف بسرعه : ماشي دريول ف آخر الليل نشي انا بوصلج

ماعرفت شتقول بس اكتفت بابتسامه

ردت عليها ام مروان: هيه يابنتي سيري مع مروان احسن .. ليل احين مانأمن عالدريول

سلمت عليهم و قتلهم يوصلون سلام حق مهره لاني ماشفتها اليوم واسأذنت ويا مروان ..




دخلت حجره ماعرف شو هي بالضبط بس فيها سرير و غنفه .. و يوم ييت ببند الباب دز الباب قوّ و طلعلي فويهي .. هذا .. هذا يستوي ربيع اميه ..بس شو يبغي مني ؟ .. انا شو سويتله ؟.. بلعت ريجي.. ماعرفت شو اسوي .. كنت خايفه .. احس بخوف .. اول مره احس اني ضعيفه .. اول مره احس اني محتايه ابوي .. بكيت و انا اقول فخاطري .. وينك يا بويه .. انا محتايتنك .. انا محد كان يحبني غيرك .. محد كان مهتم فيني غيرك .. قرّب مني و انا امشي خطوات لورى قتله بصوت يتصنع القوه : انته شو تبغي مني بالضبط ؟؟


ضحك و رد الباب يقفله وراه و هو يقول : انا ؟ شو ابغي منج ؟ آآآآ... آسف مب كني تغلطت ؟ اقصد منك ؟ /وضحك بضحكه عاليه تلوع بالجبد ..

اقترب مني اكثر .. و انا كل ماايقترب ابعد للورى قتله بعصبيه حادّه : شووف ان قربت ماتلوم الا نفسك !!..

ضحك و رد علي ببرود و هو يقترب اكثر وبطريقه تنرفز : يااا ريااال ! .. خف على روحك مب زينه العصبيه ترا ؟!

عطيته بوكس على ويهه مارمت امسك عمري من حركاته لي ترفع الضغط !! .. حط ايده مكان الضربه و وقف مب مستوعب حركتي .. و فجأه اقترب مني بحركه جنونيه و مسكني من رقبتي يحاول يزغدني و قال بعصبيه تبّين من عيينه لي قريب بتطلع من مكانها : انتيي منووو تتحريين نفسسسججج تمديين اييدج علي ؟؟؟؟ هاااا
حسيت بختنق و روحي بتطلع من مكانها و قتله بصوت متقطع : انـ نـته.. شـ شـوو ..تـ بـ ـغـي ..مـ ـمـ نـّي بـــالـ ضـ بـ ط ؟؟ هــ ـد نـي !!

قرب من ويهها و لامس خدها بادينه و هو يقول : تعرفين انج حلوه ؟

ماتحملت المسافه لي بيني و بينه .. وكل مره يرص على قبضة ايده فرقبتي احس اني بختنق بمووت قتله بصوت متقطع و يرجف : هــ ـد نــ ــي !! بــ ـمـ ـوت !!


خف قبضة ايده و رد خصلات شعري لي كانوا متلصقين فويهي من العرق لورى اذني.. و مرر ايده من خدي لــ.... و بحركه سريعه دزيت ايده و شردت عند لعند الباب .. كان المفتاح فالباب .. حاولت افتح الباب .. مـــارمت !! .. ايدي ترجف .. كل شي فجسمي يرجف .. احس اني بطيئه .. شرات الياهل لي ماتعرف تفتح الباب بالمفتاح .. و هو كان اسرع مني .. شل المفتاح و وقف جدام الباب يقولي بصبيه : ويين بتشردين عنيي ؟؟؟ شو تتحريين عمرج انتي ؟ هـــــــــــااااااه ؟؟؟

زغت من صوته مما خلاني اتروع.. قلت بصوت باكي و ضعيف : احمد خلني فحالي !! .. انا ماسـ ـو يــ ت شـــ ـــي !! بس خلني فحااااآآلي دخييلك




مشيت بين الحجر ادور هالحيوان وين سار عني و ادور هالهبله وين سارت ... شو تسوي هني اصلا ... سمعت حشره فحجره من الحجر لي مريت صوبهم توني .. لحقت الأصوات لي تطلع من الحجره .. و وقفت جدام الحجره .. كنت اسمع صوت بنت تصيح .. و صوت ريال وياها .. حاولت اني اسمع الحوار لي بينهم .. مارمت من صوت الحشره ولأغاني .. فتحت مقبض الباب .. كان مقفول !!


فجأه سمعت صريخ !! .. استغربت ... يت فبالي افكار سوده ... خفت !! ... حاولت اني افتح الباب .. بدييت ادزه احاول اكسره .... بعد محاولاات دزيييت البااب قو .. ليين انفتح و انصدمت من المنظر لي اشوفه جداامي !!!! .. بحركه سرييعه سحبت الشخص من قميصه و بديت اظربه و اظربه بدون ماوقّف !! مسكته من شعره و دزيت راسه عاليدار ... من الظرب لي ظربته !!! لي يشوفه يقول ميّت و مستحيل حد يشوفه صاحي مره ثانيه !! مــاعرف شو ياااني بس حسيت الظرب شويه علييه ماوقفت ظرب !! فريته عالأرض و يلست ع ركبي اتنفّس بقوّه ..

لفيت راسي اشوفها .. كانت طايحه عالسرير ماتتحرك .. اتجهت ناحيتها بسرعه يلست عالسرير اهزها احاول اشوف منها رد ! .. سكرت عقم قميصها و حطيت راسي ع صدرها اشوف ان كان في نبض فقلبها .. كان نبضها بطيء .. خفت .. حطيت ايدي ورى راسها و الثانيه تحت ريولها .. رفعتها و شليتها .. كنت خايف .. انزل تحت بحركه سريعه .. والكل يطالعني مستغرب من اللي شالنه فأيدي .. الكل كان يفسحلي المكان عشان امر وهم يطالعوني بصدمه .. بطلت باب السياره .. حطيتها و سدحت الكرسي .. و انطلقت بسرعه بتجه للمستشفى ..



كان فالسياره يضحّكني .. يشغل الأغاني و يناقز شرات الأهبل .. لين ماحسيت بطني يعورني من الضحك .. ابتسم ابتسامه واسعه ومد ايده يبند الأغاني و هو يطالعني : شبعتي ضحك ولا بعدج ؟

حطت ايدها على بطنها و قال بسرعه : لا لا بس دخيلك ! بموت من الضحك لو ضحكت زياده

ضرب بريك قوّ و قال بعصبيه خفيفه : بسم الله عليج !.. لا تفااولين على روحج !!!

انصدمت من البريك وكلامه ماعرفت شتقول : زين مروان هدّي اعصابك . انا مب قصدي شي .. قصــ / وقطع كلامها و هو يقولها : حتى ولو !!! مايصير تفاولين على عمرج جييي !!!

: اوكيه بس هدّي اعصابك والله مب قصدي شي .. لي اقصده اني وايد ضحكت ولو ضحكت زياده فنفجر هاللي اقصده والله

هدّ نفسه و حس انه ماكان لازم يصرخ عليها بهالطريقه فكتفوا هم الأثنين بالسكوت لين ماوصل عند باب العماره .. وقف بريك و قبل ماتفتح الباب مسك ادينها و قالها بصوت هادي : انا آسف

انحرجت من حركته ابتسمت و هي تقوله : لا عادي

بعد فتره من الزمن هد ادينها شوي شوي : لا تزعلين مني .. طلعت مني بدون ماحس.. انا .. انا ماحب حد يفاول على عمره حتى بالمزح

ابتسمت : مروان خلاص ماصار شي .. والله اني مب زعلانه ولا شي .. و بتزعلني لو تميت جي تتأسف ترا ؟

ابتسم و قال بسرعه : لا خلاص كله ولا زعلج .. تحملي على عمرج .. و عطيني مس كول من توصلين عند باب الشقه

ابتسمت خذت رقمه عسب اطمنه بس و نزلت من السياره .. وقف لين ماطرشتله مس كول . ابتسم و روّح راد البيت..

الجزء الرابع

كنت يالس فحجرة المستشفى اتأملها اترياها تنش بعد ماطمنّي عنها الدكتور, عندها نقص فالدم بشكل مب طبيعي, وايد هامله عمرها..وطلعت فصيلة دمها نفس فصيلة دمي B+ .. تبرعتلها و يلست فالكرسي .. كنت اطالع الأرض و عيوني تسكر روحها من التعب من امس و انا واعي, لعوزتني عيوني مابا ارقد.. غمضت عيوني ثواني بدون ماحس و فجأه !!! نقزت مره وحده من صوت رنة فوني .. كنت احاول اطلعه من مخباي شرات المينون .. و بسرعه دقيت الحمره ... شفتها قطبت حواجبها و كأنها حسّت بالصوت.. عقب شفتها ردت ع حالها راقده.. طلعت من الحجره و دقيت على امي اللي توها داقه رد علي صوتها الخايف: ألوو رااشد؟؟؟

:هلا اميه

بخوف: رااشد انته وييينك ؟

:آآآ انا هني مرّيت عالشركه طالع من الصبح ..

هدّت : الحمدالله .. سامحني يااميه امس مارمت اترياك رقدت عنك

:لا اميه عادي فديتج..رديت البيت متأخر /رفع ايده يطالع الساعه كم .. و طلعت الساعه 7 الصبح .. قبل ساعه يعني ..

:هييه زين فديتك تحمل على عمرك .. سوق عدل و خل عنك التلفون لا تحوس به وايد .. زين ؟

ابتسمت : انشاالله اميه


بند الخط و دخل الحجره و يلس عالكرسي بالقرب منها..مايحب يجذّب بس شو يسوي .. تم ساكت فتره عقب وقف يطالع ملامحها الهاديه و هو يقول فباله "شو اللي بينج و بينه , مستحيل يعتدي ع وحده بهالشكل استغفر الله .. و ليش جي مسويه فعمرها , ماعندها اهل شو" فجأه نقزت يوم تذكرت .........


امس فالـclub

اسحبها صوبي و الفها و نحن نرقص .. لي عدالي دزني من الزحمه رديت ع ورى فجأه ماحسيت الا بوحده دعمتني قوّ ع صدري تأوهت بألم خفيف شفتها تطالعني بعيون خايفه عقدت حواجبي عقب يت ساميه مسكتها من قميصها و قالت : انتي شو تعملي هناا ؟؟؟؟

رفعت فوني متردد لكن الفضول ياكلني .. اتصلت ف ساميه و انا اقول فبالي "لازم اعرف شو اللي بينج و بينها يا ساميه و ليش عصبتي يوم شفتيها" رد علي صوتها التعبان : ألوو

طلعت و بندت الباب: أهلين آنسه ساميه .. صباح الرقاد

عدّلت من يلستها : منو

:انا منو ؟ انا راشد يالراقده


حجّت راسها و نشت على طول عن يسمع ربيعها اللي راقد وياها دخلت الحمام شغلت ماي المغسله : آآآه راشد

يقلّدها : " آآ راشد" .. هيه راشد .. اقولج انتي وين ؟

تحج راسها: آآآآ اناا عند صديقتي

:أهااا منو ؟ تقصدين هاي لي دعمتني امس ؟

فجت عينها بستغراب و قالت بتلعثم : آآآآ ايه ايه انا عندها ..

ابتسم بمكر: اهااا .. انتي وين؟ اسمع صوت صدى

ضحكت بس مب من خاطرها: انا فالحمام بستحمّ

:اهاا زين بسكر عنج فديتج ..

بند الخط و هو يقول فباله و يبتسم بمكر "من بدايتها تجذبين علي يا ساميه ؟ لكن ماعليه" ...


دخل الحجره يلس فالكرسي تم ساكت فتره عقب غفل بدون مايحس و راسه عند ايدها ..





دخل الشقه بتعب و هو لابس دريس الشرطه .. بطّل عقم القميص بتعب و يلس عالغنفه في صالة الشقه الهاديه .. تم ساكت يطالع المكان حوله .. زفر بتعب و نش متجه لحجرتها.. دق الباب مرتين و ابتسم اول ماسمع صوتها من داخل تقول : ريان دش

فتح الباب شافها يالسه عالسرير تمشّط شعرها الطويل .. يالها و يلس عدالها و قال: شو تسوي اختي الحلوه

:ولا شي توني ناشه و يلست اقرا مجلّات اسلّي عمري

:هييه .. شو سويتي امس ف بيت خالتي ؟

ابتسمت و سكرت المجلّه : ماشي سلمت ع خالتي .. و يلست اسولف ويا مروان و عليا الحشره ..

:هييه /وبعد هدوء .. زين انا بسير ارقد تعـبـاآآآن

:اوكي فديتك .. ماتبا شي تاكله قبل ماترقد ؟

:لا والله مالي خاطر آكل .. بسير ارقد لو بغيتي شي تعاليلي الحجره



حور و ريان عايشين فشقه بروحهم من زمان رغم انه ابوهم و امهم عايشين بس مطلّقين .. ابوهم (سالم) لواء في الشرطه.. حياته و همه كله بشغله .. ومن هالسبب طلبت ام ريان (روان) الطلاق بسبب بخله و همه بالفلوس .. ام ريان تسكن فبيت اهلها لتعتني بأمها المريضه و طلبت من ريان و حور يطلعون من البيت لأنه جو البيت بيضايقهم.. و بين فتره و فتره يمرّون على امهم و يدتهم يطمنون عليهم .. و امهم تستوي اخت ام مروان بالرضاعه ..

ريان كان حلمه يستوي شرات ابوه يشتغل بالشرطه, لكن ابوه شغله وياه لللأسف عشان الفلوس و سمعت الناس فيه و مدحه له و لولده .. ريان شخص محترم,طيب و خلوق عكس ابوه تماما..عنده قدرة تحمّل .. يصرف على امه ,يدته و اخته بدال ابوه .. مع كل الضغوطات لي عليه .. متحمّل عشان يرظي ربه و اهله ..

اهم شي عنده راحتهم و وناستهم .. حور قررت انها تشتغل قبل فتره قصيره عشان تساعد اخوها و تشل عليه الضغط .. هو رفض فالبدايه بس على حنتها وافق ليرضيها ..



واقفه برع بلكونة حجرتها مستانسه فالجو لي قرّب يبرد .. زفرت بملل و طلعت سايره عند مهره .. وقفت صوب حجرتها و بطلّت الباب بدفااشه مما خله مهره تنقز من مكانها حطّت ايدها على قلبها و قالت بعصبيه بارده : انتيييييي شو فيييييج .. تخبلّتييي ؟؟؟

ضحكت و يلست عدالها : يـــاخي ملل ... مـاداني شي اسمه ملل ..

عدها معصبه: ماالقيتي حد غيري يسلّيييج ؟؟؟

سحبت عنها اللاب و لفته صوبها تشوف شو تسوي هاي .. شافت شي محادثه تحت .. يايه بتفتحها جان تسحبه مهره عنها :هـــاتيه مايخصج !! سيري اظاربي مع مروان

:منو هاي لي ترمسينها انزين راويني ..

:ربييعتي منو برمس يعني

:اوهووو قسم بالله بكسره هالاب !!! بسسسجج مامليتي عنبووه

:انا عندي اشيا اسلي عمري فيها هب شراتج يالدبه .. و بعدين اطلعي برع صدّعتيلي راسي

وقفت و ردّت الباب قوّ عناد فيها و هي طالعه .. سمعتها تصارخ :عليوووووه كسسسرررتييي بابيييي يالدفششششهه !!! .. طنشت و فجّت الباب بدفاشه مب طبيعيه على مروان .. نقّز من مكانه و هو ماسك النعال بأيده قريب و كان بيفلعها قالت و هي تصارخ :انتوووو يالمملييين ماتعرفووون تيلسون فالصاااله نشووف شييفتكم ؟؟؟؟ كله حابسين اعماركم فالحجره.. شو تسوون انتو ابا اعرف

بطّل عينه و يا صوبها بعصبيه شلها فوق : انتي ... جي بتتأدبييين يالحيوااانه !!

تصارخ : مروااانووه نزلني يالخااايس .. بطييييح عقب بموووت

: لااااا تييييبييين هالطاااري يا حماااره !!!

طلع من الحجره و هو متجه للدريّ .. و هي تصاارخ :توووبه والله توووبه نزّلنييييي

مات من الضحك عليها : زين لو ماقلتي توبه جان مانزلتج كنت بخليج تشّاهدين على عمرج قبل مافرّج تحت

اول مانزلها ركضت لحجرتها بسرعه .. ضحك و هو يقول "دبه" فباله ..

الجزء الخامس

فتحت عينها شوي شوي تطالع المكان حولها.. حاسه بصداع فظيع .. تحس جسمها متكسّر حرّكت اصابع ايدها شوي .. حسّت بشي ناعم ماكانت مستوعبه هالشي .. بس عيبها .. ماتذكر شو صارلها امس .. كانت تطالع السقف بهدوء تحاول تذكر هي شو صارلها عشان ايبونها هني .. حاولت تعدّل من يلستها .. اول مانشّت نقزت من مكانها فجأه !!

نش من رقاده بعد ماحس بحركه عالسرير .. شافها واقفه تطالعه بعيون خايفه قرب منها قالها : اهديّ انتي احين فالمستشفى

كانت ترد خطواتها للورى .. تذّكر الموقف لي صارلها .. صرخت تصيح و هي تتخيله جدامها يقرب منها كل ماترد لورى : لاآآآآآآآآ تقررررب منييييي .. خوووز عنيييي .. لااا تللللمسسسنييي !!!! .... خووووز عنّييييي قتلللككك !!! لاااا تللللمسسسنيييي لااا تلمسنييي


استغرب من كلامها بلع ريجه : انتي اهديّ احين لاتصارخين انا بفهمج كل شي . بس لاتصارخين

كانت تتنفس بقوّه تتخيل الموقف و تشوفه جدامها .. كانت تصيح و هي حاطه ايدها عراسها تحاول تبعد هالمخيّلات من راسها .. نزلت و حظنت نفسها عالأرض .. ولا مره صاحت .. اول مره تذوق طعم الحزن ..... كانت تصيح بطريقه تقطّع القلب ..

ماعرف شو يسوي كان واقف متصنّم مكانه يطالعها تصيح جدامه .. ماعرف يتصرّف .. قرب منها شوي شوي و هو يقولها : لا تصيحين انتي /بلع ريجه ... انتي بس خليني افهمج كل شي.. قرب منها شوي شوي و يلس مجابلنها .. شل ايدها لي ترجف من ويهها شوي شوي و سكت يطالع الدموع لي فعينها وقف و قالها بصوت هادي : تعالي .. وقّفها و يلّسها عالسرير و يلس عدالها ..

بعد فتره قصيره سألها بهدوء : وين اهلج لازم اطمنهم عليج .. من امس والمستشفى يسألوني اذا كنت واحد من اهلج .. و انا قتلهم هيه

كانت ساكته تطالع الأرض و الدموع تنزل من عيونها ..

زفر بتعب و لف ويهها صوبه و قالها بنبره حنونه : طالعيني .. خبريني اذا خايفه اني اخبرهم انج كنتي فالـclub ترا سرج في بير .. بس انتي خبريني .. مايصير جي يتمون خايفين عليج من امس..

طاحت دمعه من عينها .. مسحها بصبعه بسرعه : لا تصيحين, ترا ../بلع ريجه .. ترا دموعج تعذّبني لا تصيحين ..

سكت فتره و قالها : يلا خبريني .. انزين مب لازم امج و ابوج .. اقرب اخت او اي حد فالبيت

طالعته و قالت بصوت يرجف : انا .. انا مـ مـاعندي اهـل .. و انفجرت صياح .

وهو بدون حاسيه او تفكير بأن هالشي غلط سحبها لحظنه دفنّ ويهها فصدره . مايعرف شو الأحساس لي ياه مره وحده بس حس فيها .. قلبه بدى يدق بقوه .. هو بعد يتيم من عمره 7 سنوات .. بس هو عنده خالته .. خالته امه الثانيه .. بس مهما كان محد يروم يعوّظ مكان الأم .. من حظنها هدت شوي .. بعّدها من حظنه شوي شوي .. مسح دموعها بظهر صبعه .. سألها مره ثانيه : انتي وين تباتين عند منو؟ خبريني انا بساعدج

مسحت دموعها و قالتله : ويا امي

ابتسم و قالها : تبيني اتصل فأمج ؟ ..

: لااا .. ابا اطلع من هني .. مابا اتم هنيي

ابتسم و طلع يطلب من الدكتور اذا عادي يرخصونها و وافق الدكتور ..





فحجرته الهاديه .. كان شبه طايح عالسرير يت فباله عليا ..

قبل سنه
يالس فالصاله فبيت خالته ويا ام مروان و مهره يتريا مروان زفر بملل : هذا متى بيشرّف ترا أخرنا

ام مروان : مروانو مايوز عن طبعه .. لازم يتأخر

نشيت من مكاني ساير المطبخ ..اول مادخلت المطبخ ابتسمت يوم شفتها تقطّع لها فواكه .. اقتربت منها بدون ماتحس و وقفت وراها سندت عمري عالطاوله و انا مربّع ايدي ع بعضها قلت : أححم

نقزت من مكانها و صدت صوبي ماسكه السجّين فأيدها : ويّعه ريان .. زيّغتني !

ضحك و قرب صوبها يأشر عالتفاحه : انا يوعان يلا سوّي و أكليّ ريلج يلا اشوف

حطت ايدها ع خصرها : نععم نعععم ؟؟؟ عيد كلامك ماسمعت ...

: قلت قطعي التفاحه و أكلي ريّلج .. اقترب و دز راسها بصبعه و هو يقول : فهمتي يـاالخبله ؟

بطّلت عينها على وسعهن : اناااا خبله يالتييييس ؟؟؟

: تيييس اخوووج يالحيوانه

فرّت عليه قوطي الكلنكس و لفّت شلت صحنها يايه بتظهر بس كان اسرع عنها سكّر باب المطبخ و أشرلها ترد مكانها : ماااشي طلعه .. ردي مكاانج أكليني انا يووعاان

:اووهوووو فاايقتلك اناااا .. خوز عني .. انتوو كله تضااايقووني كله تلعوزووني .. لي يبااا شي يسوييي رو..

قطعها و هو ماسك ايدها : أحبج

سكتت ماعرفت شتقول سحبت عنه ايدها و قالتله : حبّك برص . خوز خوز عني

ضحك ع خبالها و قالها : شوووفي حتى البرص يحبني هب شرات بعض الناس

رفعت ايدها و قالتله بعصبيه :شووف ان ماخزت عني بصرخ بخلّي كل اللي فالبيت يدرون انك وياي فالمطبخ رواحنا
سند ايده عالباب : زين صرخي شعليّ منج انا بقولهم هالخبله حابستني فالمطبخ شو اسوي ..

بطلّت عينها و قالت بنبره حاده : مب يالسه اتمصخر انا .. قوم خلني اطلع

: أكليني اول

صرخت بعصبيه : اناااا ماا احبك مااا ادانيييك ماعرف شو لي عاايبنك فييني اصلا .. هدييت بنات البلااد و مالقييت غيري اناااا اففف ؟؟؟

انصدم من كلامها .. كان يطالع عينها يحاول يفهم ان كان كلامها جد ولا تستهبل هاي .. ماتوقّع هذا يكون ردها .. كان يتمصخر معاها شو لي جلبها جي .. حس بشي ينغز قلبه ماعرف شو يقولها اصلا قال بتلعثم : علياا انا..

قطعت كلامه : انت ماتفهم ؟؟؟ خوووز عن البااب

ابتعد عن الباب منصدم واقف متصنم مكانه .. شافها طلعت معصبه و عيونه تلحقها لين مادخلت البيت .. من هاك اليوم ماطبّ هالبيت .. كله يعطيهم اعذار ضغط الشغل..


ابتسم بغصّه و هو يذّكر هاليوم .. طلّع من السدّه دفتر اول مافتح الدفتر طاحت منه صوره .. شلها بسرعه و يلس يتأمل ويهها يوم كانوا يهال ..

دخّل الصوره مكانها و رد الدفتر مكانه فالسدّه .. طلع من الصاله و زقر حور طلعت من حجرتها اول ماناداها و قالها : حور نشي بنظهر

انصدمت من قراره المفاجىء : نظهر ؟

ابتسم : هيه بنظهر

:بس وين بنظهر ؟

:اممم شرايج نمر على امي ؟ عقب نظهر اي مكان

شقّت الحلج :اووكيي

ابتسم يوم شافها تدخل حجرتها عشان تتلبّس و هي مستانسه ..


يالسه فالسياره بهدوء تتأمل الشارع بعد ماطلعوا من المستشفى .. كان يسوق و كل شوي يصد صوبها قطع
افكارها و هو يسألها : شرايج نمر ناكل فمطعم .. مب يوعانه

هزّت راسها بـ لا بدون ماتطالعه .. داس بترول و هو يقول : مب ع كيفج بوديج ..

بطل الراديو يعدّل الجو الهادي لي بينهم .. وصلوا و بركن سيارته جدام المطعم و نزل بطّل بابها .. بس قبل ماتنزل .. رد شعرها لورى اذنها يعدّل من شكلها و يرتّبها .. و نزلت كان يمشي جدام و هي تلحقه ببطء .. وقف تريّاها لين ماتي صوبه عقب سحبها من ايدها عسب تمشي وياه سألها : شو تحبين تاكلين ؟

ماشاف منها رد.. ابستم و قالها : بأكلج أكلي المفضّل بخليج تجربينه ..

كان يعاملها شرات الياهل يحاول يعدّل جوّها المكتئب .. يلسوا فالمطعم كان طول الوقت يسولف و يسولف و هي بس تطالعه و هي ساكته لين مايابوا الأكل و حطوه .. كان هو ياكل و يطالعها تلعب و تدور الخاشوقه عالعيش طالعها و قالها : مب زين تلعبين فالأكل .. نش و يلس فالكرسي لي قريب منها شل الخاشوقه عنها و يا يبا يلقّمها : يلا بطلي حلجج قول آآآآآآآآ

ابتسمت و بطلت حلجها شوي .. طالعها بنص عين: بسس ؟ هاللي قدرتي عليه ؟ العصفوره ماتبطل حلجها شراتج .. يلا يلا اشوف قولي آآآآ

بطلت حلجها و لقّمها اللأكل .. استانس يوم أكلها و شافها تاكل .. بعد ماخلصوا دفع و طلعوامن المطعم .. بطللها باب السياره عشان تيلس و بعد ماركبت انطلقوا يوصلها بيتهم .. كانت تدلّه البيت بهدوء لين ماوصلوا عند باب العماره .. حسّت بظيج ماودها تسير تشوف رقعة ويه امها .. وايد ارتاحت و هي بعيد عنها .. يايه بتنزل مسك ادينها و قالها : ترا انا للحين ماعرف اسمج

ابتسمت و قالتله : روضه

ابتسم وقالها : انا راشد .. انا مب مطمّن اخليج جي و اروّح تبيني انزل اوصلج؟

هزت راسها بـ لا .. قالها : انزين سجلي رقمي عندج ..

سجلت رقمه و نزلت من السياره ..

راقبها لين مادخلت العماره .. تم واقف مايعرف ليش بس وقف يتريا يمكن تردله تطلب منه شي ..

تنهّدت يوم وصلت لباب الشقه .. طلّعت الفتاح من مخباي ..و دخلت الشقه .. تلفت يمين يسار مالقيت حد .. زفرت بتعب و دخلت حجرتي عقيت عمري عالسرير يتني صيحه .. بدون سبب بس من زمان ماصحت .. قطعني صوت جرس الشقه .. نشيت من مكاني مسحت دموعي و بطلته و تفاجأت .....

ادري اني تأخرت وايد ..
بس هاي آخر سنه لي فالمدرسه .. لازم ادح و ادرس يعني .. D= هههه
بس اوعدكم من افضى انزلكم بالبارتات انشالله ..
سامحوني عالقصور
هيه و لا تحرموني من ردودكم و رايكم فالروايه و الشخصيات d=