|
طاااااااااف حقها ولا طاااااف حقهم ؟؟؟...!!! لو انت او انتي في هالموقف؟؟ انتو توكم معاريس يدد رادين من سفرة شهر العسل وفي الرده الريال (طاير من الفرحه طاير) اما العروس لا فخاطرها اتطول السفره المهم نكمل الموقف بعدماوصلتو وريحتوا وجفتوا الاهل الخ..... الريال اكيد مشتاق حق قعدت الربع وسوالفهم انزين المهم جان يقول حق حرمته حبيبتي أنا بروح اليوم بعقد مع الربع وبتعشي معاهم في خاطرها الحرمه اتقول ( بدينا بالسهر):walla::walla: ردة عليه وقالت خلاص حبيبي اسهر مع ربعك بس لااطول وااايد جان يقول افا عليج ياعيوني وانا اقدر اطول برى البيت وانتي موجوده الحبيب مستانس طلع من البيت بسرعه وصل عند الربع جان يقول ( هلا شباب شخباركم ) يردون عليه هلا بمعرسنا اليديد اخبار الزاوج وشهر البصل قصدنا العسل جان يرد عليهم ويقول الحمد الله استانسنا وردينا انزين مر الوقت وهم يسولفون جان توصل الساعه 3 الفير رن الفون الرنه اغنية( ياشاغلن فكري وقلبي عن الناس) بدت النظرات والتنغز بالكلام رد الريال عالفون وجان حرمته هيه إللي ادق عليه واتقوله ها حبيبي وينك ليش اتاخرت رد عليها وقال السموحه خذتني السوالف وماحسيت بالوقت الحين الحين ان شاء الله برد البيت بعد مابند التلفون وجان يهلون عليه الربع بالتعليقات هاااااااه شو خايف منها اقعد ياريال تو الناس ولا خايف تزعل منك :1.gif: سؤال للشباب: في هالوقت من هالموقف شو ردة فعلك بعد كل هالتعليقات بطنشها وبتقعد معاهم ولا بترد البيت وبتسوي طاف حق كل تعاليقاتهم؟؟:15gt7.gif: سؤال للبنات : لو انتي في موقف الحرمه وسوى ريلج لج طاف وكمل السهر مع ربعه ويالج البيت بعد صلاة الفير شو ردة فعلج ؟؟؟ ابي ردود ابي تفاعل مب بس يسلموو خلاص :30: والسموحه اتريا الردود إللي تنور الصفحه |
هع معظم الشباب جيه ,, اول شهر شهرين اوكي وخلاف يرد جنه عزابي المفروض يتنازل عن اشياء كان يسوبها لما كان عازب ,, ويحاول يعدل وقته مب بس ربعه وخلاص,, اما عن نفسي في هالموقف ... اذا طنشني وكمل ويا ربعه اول مره بسوي انا طاف لهالحركه وبكلمه باسلوب احسسه انه اللي سواه مب حلوه في حقي اذا كررها اكثر عن مرتين .. اعرف اطنشه في اشيااء ثانيه اخلييه يحس باللي قاعد يسويه وبس.. :walla::walla: |
الصراحة ختي مشكورة عالموضوع الطرررر و انا يسعدني اكون اول واحد يرد عليج وانا كشاب بعدني صغير عالزواج اعرف سوالف الشباب و الحركات الماصخة اللي كل ابلعها لكن انا كن ناحيتي عندي خطوط حمرا و اذا كنت توني متزوج بعطي حرمتي حقها و برد البيت اصلا ما بسوي لهم سالفة و بقولهم ( يلا يلا ما تنزل ايلس ويا عزوبية و بروح ) خخخخ |
مساء الخير انا اذا كنت مكاان الحرمه ما بزعل من اول مره بس اذا زودها عاد يتحمل الي بيه :137:>> ان كيدهن عظيم ههههه :69: |
يسِــِلموو على هالمـوضــوع الكشـوخي ~ mĨŠŞ ĊĤâņèĽ << بخــبره يوم بحظـر عرسج عشان مايتأخر لووول ~ لو انتي في موقف الحرمه وسوى ريلج لج طاف وكمل السهر مع ربعه ويالج البيت بعد صلاة الفير شو ردة فعلج ؟؟؟ قبل ما أجاوب يوم بيكون ريـلي طالع عند ربعه او معاهم ~ بخـلي طريقة التواصل وياها مسجـات (منعا للأحراج وأحسن لي ولـه ) أول مـره بطوف وبستقبله وبسمايل ~ وعادي ولاكـأنه شي صـار (وطبيعي هو بيتلوم) ~ ولو صارت مره ثانيه ~ بعد بطوف وبستقبله طبيعي ~ واليوم الثاني بفتح الموضوع بأسلوب حلو ~ ونفس الشي لو الموضوع تكرر بس كل مره بأسلوب ثاني ~ مره زعل خفيف ومره مناقشه بسيطه ومره تذكير قبل لا يطلع وجي يعني (= <<واكييد بوصـل للحل حلو تسـِِــِـلمين حـبوبــه على الطِـِـِــِرح ~ ننتِــِــِظر الـِــِزود منـِـِـِِج~ |
بصراحة موضوع حلو لو انا بنت وفهالموقف انحطيت بسويله طااف :45: وبناااااام ولكن بخليله العقاب بالباجر وبحرمة من اشياء ثانية :1.gif: |
الموضوع حلو وانا بقول الجواب الصراحه اانا من صغري ما اطلع واسهر باليل ولا احب السهر والحمدلله وبحصل نتيجه في ليله زواجي وليش اترك زوجتي في البيت بروحها اول شي هب حلوه وثاني شي لو انه ربعي هم الربع المهتمين لي كان بيقولو روح لزوجتك حرام اتخليها وجيه يعني بيكون تواصلهم معي وتذكري بالغلط الي اسويه لكن لو تموا على حالتهم اكيد هم الرربع الي يحبون الضرر للناس وما منهم فايده وهالموقف انا ما بنحط فيه لانه عارف عمري من صغري وانا ما احب السهرات والربع والسوالف هه لو اخر شي اتم لين 12 وخلاص ما احب اسهر برع كثيرررررر وتسلمين خيتوه على الموضوع:4002.gif: |
لو انتي في موقف الحرمه وسوى ريلج لج طاف وكمل السهر مع ربعه ويالج البيت بعد صلاة الفير شو ردة فعلج ؟؟؟ بزعل منهـ طبعأأ ... ثانكس ^^ مسموحه فديتـج ..^^ |
السلام عليكم ورحمة الله وبركاته لو انتي في موقف الحرمه وسوى ريلج لج طاف وكمل السهر مع ربعه ويالج البيت بعد صلاة الفير شو ردة فعلج ؟؟؟ صراحه اول شي مثلما قالت أخت أحبك .. انا راح أكلم وياه بالمسجات .. لانه اذا قعدت اتصل فيه فا مب زين خاصا هو ما ربعه .. اذا تأخر و رجع بعد الفجر ما راح ازعل ولا راح اقوله اي شي ثاني .. بس يوم ثاني أكيد راح اناقش وياه فى هالموضوع .. و يصير خير ^^ تسلمين على الموضوع .. ربي يعطيج صحه و العافية |
تسلمون كلكم على تفاعلكم معاي في الموضوع والسموحه منكم كتبت الرد مختصر وبسيط لاني مشغوله وايد |
لو انتي في موقف الحرمه وسوى ريلج لج طاف وكمل السهر مع ربعه ويالج البيت بعد صلاة الفير شو ردة فعلج ؟؟؟ امممّ اول مره طآفّ إن رد وكرر هالشيّ يآويله:24: |
| الساعة الآن 03:46 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir