|
عزيزي وعزيزتي / / فيني كذا !! السلام عليكم بدايه اللهم صل على سيدنا محمد وعلى اله وصحبه اجمعين ..الجميع يعرف موضوع عزيزي وعزيزي فالبلاك بيري حتى اللي ماعنده هالفون صار يقرا ويسمعه عنه اصبح الكل يعرفهـ . . سالفه عزيزي مشيناها مع ان في ناس الله يهديهم مصخوها وتمادت فيها ..قاموا يستهبلون ويكتبون عن اشياء تخص الدين لاحول ولاقوه الا بالله .. احس البلاك بيري صار للاستهبال فقط ! والاسخف من هذا طلعوا فموضه يديده غير عن عزيزي مثال : {فيني دلعْ لدرجة آني آبي آشرب البيبسي بشوكة } والله اني عجزت ادور للغباء كلمه ! في قمه السخافه / / الله يستر من عقب ( فيني) شو بيطلعون الدنيا تجري والعالم في مستوى ادنى وعقوليات مختلفه بحيث ان { كل ماتطورت التكنلوجيا المفروض عقولنا تطور معاها وثقافتنا } وليس العلاقه لها علاقه عكسيه بين بعضْ . . . كل مازاد تطور التكنلوجيا قل تطور العقول و الثقافه . .! بعض المستخدمين يستخدمون شي للظرافة و خفت الدم و الشماته في حلوج الناس . . ! ولما انببههم انه الشي غَلط . .! يقولون لا تعاتبينا ع المزح . . ، للضحك فقط . . هل الظرافه على حساب التماس روح الوطن محسوبه من بعض الناس ؟ هل ظرافتهم و خفت دمهم تنسكت عنها ؟ و خلونا نذكر فترة يات .. والشرطه قرروا يلغون خدمة بلاك بيري . . بسبت التماس الوطن و القضايا التي تكون هي خيبة امل من المواطن يوم يشوف واحد مواطن يستظرف ع الوطن عالناس اللي تشتغل عالناس اللي حاولة . . . ، هل البلاك بيري وسيلة للأستظراف . . ؟! هذا مافي وسعي اقوله . . لضيقة وقتي ، استسمح من الجميع |
بيبسي بشوكه يعني بصراحه تحفه الموهيم يسلموو ع الطرح ،، ويعطيج العافيه اختيه |
وعليكم السلام ورحمة الله وبركاته * يرجع استخدام الانترنت او البلاك بيري او اي جهاز اتصال على حسب تربية الشخص والبيئه اللي تربى فيها , سوء الاستخدام راجع للشخص نفسه , ولو فصلنا بين هذا وذاك في مسنجر البلاك بيري بنلقى الشخص اللي تحت اسم : ( صنم << ماله وجود الا يوم الجمعة ) ( طرش ولا بحذفك << شخص دوم متواصل برسايلة المنوعه ومنها السخيفه غالباً << ميزتهم رسايل تحت عنوان حكمة اليوم ) ( ناس محترمين << قصايد , اخبار منوعه , علوم الدار , رياضة , نكت , مسجات منوعه ) ( الاهل وربعنا طبعاً نشوفهم هادين ورسايلهم محدوده والحوار يكون عائلي أو مع ربعنا في تواصلنا الطبيعي ) مثل ما قلتي هذي عقليات تقريباً غير ناضجه أو البيئه اللي تعايشوا فيها تسمح لهم بتداول السخافات وتطويرها بشكل مستفز ... وهذي الفئات موجوده حتى في الواقع , في النت , وفي البلاك بيري >> لا تنسين الله خلق الزين والشين ونحن اللي نختار , والشخص اللي رافض هذه النوعيه من الرسايل بيعرف يرد على مرسلها أو بيتجاهلها . عسى الله يهديهم تقبلي مروري الياسي |
وعليكم السلام ورحمة الله وبركاته. حبيت هذا الموضوع، وخآآصة أنه عن التكنولوجيآ، لأنه لي علاقة معها وأنا أدرس information technology اتعرفين، يوم أشوف الناس تستخدم التكنولوجيآ، ابطريقة غير لائقة، أحس بأنهم يسيئون لها ..! كل التكنولوجيا لهاآآ سلبياتها وإيجابياتها، ولكن لازم نحسب السلبيات والايجابيات، وان كان جانب السلبيات أكبر، فلابد من التحسين ( في هذي الحالة تتوقف الخدمة) اذا حسبنا للأبعد، ( بعد ما نوقفها ) اتهقين راح تكف هالناس عن كتاباتها..! وعن تفكيرها ..! اذا وقفنا خدمة البي البي ، يوجد الواتس آآب، وعلى جدام يمكن اتشوفين كل الفونات تشتغل على نظام البيبي ..! يعني مهما منعنا الوسيلة ما راح نمنع الغاية..! فالغاية تبرر الوسيلة..! ( الغاية = الرمسة بكل أنواعها، الوسيلة = أي وسيلة اتصال ممكنة) واذا تبين اتعدلين في شي، فلا بد من تعديل المصدر أولا ً( اللي هم الأشخاص ). أما عن المناقشات والكلام اللي يمس الوطن، فأنا شفت منها كم من برودكاست، وارتفع ضغطي وايد، وعند اللزوم راح تشوفينها متوقفة. يختي ربنا سبحانه قال: (( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ)) . واللي يتبع سنته ويمشي على هديه ما راح يضل بالمرة. ( السالفة فيها ضمير، والضمير بروحه يباله موضوع) فالأخير، ربي يعطيج ألعافية. وتسلمين على ما أبديتي .. |
أشكرجْ إختي ع التّواجدْ ، وكذّلك اخوي الغضـَي . . أنا ما عندي بلاك بيري لأنه مساوئه بالنسبة لي أكثر من محآسنه " وبغض النظر عن هالموضوع ، أنا طول الوقت أشوف ميودينه 24 ساعة وهم يضحكون ويتمصخرون وحتى هم مآ سلموا من اعمارهم يعني قمة السخافة أنك تتمصخر على عمرك ؛ وصدقتي اختي الهاموره يعتمد على أخلاقيات الوآحد ، وشكثر هو مستهين بهالموضوع ولكن مآ فيه عقوبة رسمية للاستخفاف ، لأنه هو موضوع ضحك ووناسة الله يهديهم ويصلح حالهم لأنه جيل مثل هذآ ( صعب ) ينجز ويخدم الوطنْ و لكــن يعتمد ذلك على ضمير الإنسان ، و مبادئه و أخلاقه الشّريفة ! اذا وقفنا خدمة البي البي ، يوجد الواتس آآب، كلهم شرات بعضهن هاي الخدمات هي اللي ملعوزه الخلق لو الشركات يمنعوهم نحن بخير ولا الناس هب مستفيده شي غير انهم كل شهر اللي حاطله ب180 واللي حاطتلها 50 كله عسب المسنجر !! من نكت من صور من حش فخلق الله من استهبال ومسجات ! بس في ناس تكون صدق محتاجتنه عسب شغلها تحصلها اساسا محد عندهم فالخدمه غير اشغالهم حتى اهلهم وربعهم ماشي // البِلاكْ بيري جِهاز محمول عادي كـ النّوكيا ، السامسونجْ ، سوني أريكسون ... ألخ . و لكـنه يَحتوي على خِدمة ميزه عن باقي المحمولاتْ والمشكله بعضهم يجذبون اسالهم شو استفدتي من الفون؟ يردون والله انا ماشريته انا اخوي ولا اختي ولاحد يابه لي هديه قلت اوك يابوه يوم يابوه حطلوج الخدمه ! شحقه تحطينها .. للأسف أصبح الكثيرون من الناس يستهترون بهده الخدمة و يستخدمونها لأغراض {لا تمت للتواصل بصلة} جهاز البلاكبيري كان قد اخترع لرجال الأعمال و الناس المشغولين حتى يكونوا على تواصل دائم لكن الواقع أصبح غير ذلك ترى حتى التكنلوجيا لها آداب ! وهذاك من ذاك نشوفه يحسن استخدامه وهذي الفئات موجوده حتى في الواقع , في النت , وفي البلاك بيري >> لا تنسين الله خلق الزين والشين ونحن اللي نختار , والشخص اللي رافض هذه النوعيه من الرسايل بيعرف يرد على مرسلها أو بيتجاهلها . اكيد ان ربنا خلق الشين والزين وهب كل الناس شروا بعضهم ولكن نشوف اغلبهم فالبلاك بيري يستخدموه لضياع الوقت تقول صنم لا ليلهم ليل ولانهارهم نهار متربعين عليه والمشكله بعضهم غيره يغارون والله فلان عنده انا شو ناقصني عسب مايكون ! الحين يهال تشوف فايدهم هاي التيلفونات بلاك بيري وايفون ومدري شو نشوف ان الاغلب عندهم هالتيلفون وخلنا نقول 90% شباب وبنات ويهال ماتتجاوز اعمارهم ال26 سنه ويستخدمونه للتسيله وضياع الوقت من قروبات وسوالف ماصخه كرم الله السامعين وحش فخلق الله عزيزي وعزيزتي اشياء نحن بغنى عنها // حتى فالفيس بوك تحصلون بعض البنات والشباب يوم يحطون صور فالحائط محطين عليها البن كود مالهم انزين ليش؟ والفايده تجمعون بنات وشباب لين متى هذه التسليه؟ ! ولكن نسبه قليله جدا تستخدمه عسب الشغل وفعلا يرمسون اهاليهم من برع ولاشغالهم وبرامجهم الخاصه // اللي يقهرني يوم اشوف ياهل عمره 11 ولا12 وفي ايده هالفون اللي مامنه غير المضره سلبياته اكثر من ايجابياته انزين وين اهله شو دورهم !؟ والله حاله .. يا جماعة الخير ماتقولون ابني بيضيع من هالفون مابيخترب منه ! وطبعا شي مواضيع اخرى ولكن هذا اللي نشوفه فوقتنا الحالي الجهاز تم اختراعه للعمل فقط و لاستخدامات ضروري أما أن تراه في يد كل بنت و في كل من هب و دب, وفي يد كل من يعرف يستخدمه و كل من لا يعرف فهذا أمر بالفعل غريب و عجيب, ولا تراه ولا يحصل الا في الامارات لأن بنات مستحيل بل من سابع المستحيلات أن تشوف خويتها عندها شي و هي ما عندها ! اذا الناس ساروا يسار رحت يسار قالولك خذ هذا بتاخذ هذا ولاتشل مابتشله ! ليش وين رايج او رايك ليش ماتفرضين رايج /رايك على غيرك ليش هالتقليد والغيره الضاره؟ |
تعرفين :: كنت مرة في مؤتمر ( عن التكنولوجيا ) بالنسبة لي كان كل شي عادي، إلين ما يانا سؤال من الدكتورة يقول ( تعتقدون أنه التواصل بالتقنية الحديثة يأثر على معنى المحاورة الجدية بين الأشخاص ) يت على بالي فكرة:: وهي أنه لو كان في شخص يكلمك من ورى حجاب ( وفالهدور التقنية ) ما راح تحس فيه مثل ما هو يكلمك مباشرة جدام ويهك ..! ما راح اتشوف تعبيرات وجهه، فرحان حزين او مضايق..! وكم راح تكون مدة تواصلك وياه ..؟ اللي يقهرني يوم اشوف ياهل عمره 11 ولا12 وفي ايده هالفون اللي مامنه غير المضره سلبياته اكثر من ايجابياته انزين وين اهله شو دورهم !؟ ولكن من وجهة نظري, أنه حتى لو كان المستخدم صغير فممكن تكون هناك إيجابيات.. اليهال إن ما حصلوه وهم صغار، راح يقولون أهالينا ليش ما اييبونه لنا؟ أكيد فيه شي.. واذا مسكوه وهم كبار، فالفضول راح يدفعهم أنه يسوون الأمور الخاطئة.. !! فالأحسن أنهم يفرقون بين الصح والغلط من يوم وهم اصغار .. لا تنسين أنه عندنا صغار في سن أصغر من 11 سنة، عندهم ايميل وايشغلون المسن، ويقدرون ايسوون الشي اللي يسوونه في البيبي ..! في النهاية، عالم التكنولوجيا كبير جدا و في ناس اتحب توقف في منطقة وحدة منه، بدون لا تستكشفه، وتاخذ من خيراته وتستمتع ابها .. وفي ناس تتعمق فيه وتعرف شاللي تجنيه من وراه .. ربي يسلمج .. |
ولكن من وجهة نظري, أنه حتى لو كان المستخدم صغير فممكن تكون هناك إيجابيات.. اليهال إن ما حصلوه وهم صغار، راح يقولون أهالينا ليش ما اييبونه لنا؟ أكيد فيه شي.. واذا مسكوه وهم كبار، فالفضول راح يدفعهم أنه يسوون الأمور الخاطئة.. !! فالأحسن أنهم يفرقون بين الصح والغلط من يوم وهم اصغار .. لا تنسين أنه عندنا صغار في سن أصغر من 11 سنة، عندهم ايميل وايشغلون المسن، ويقدرون ايسوون الشي اللي يسوونه في البيبي ..! في النهاية، عالم التكنولوجيا كبير جدا و في ناس اتحب توقف في منطقة وحدة منه، بدون لا تستكشفه، وتاخذ من خيراته وتستمتع ابها .. وفي ناس تتعمق فيه وتعرف شاللي تجنيه من وراه .. نعم ياختي بارك الله فيج نحن ماختلفنا فيه ايجابيات ولكن السلبيات اكثر وهذا طفل توه بالغ شو يفهم ! خله بالمسن بس هذا في اكبر عن المسن وغيره بيخترب من هالقروبات والروابط الشينه الـخ ! لين تكبر هالافكار براسه اليهال إن ما حصلوه وهم صغار، راح يقولون أهالينا ليش ما اييبونه لنا؟ أكيد فيه شي.. واذا مسكوه وهم كبار، فالفضول راح يدفعهم أنه يسوون الأمور الخاطئة.. !! ليش يدفعهم ؟ اهله ربوه ونعم التربيه ليش يسري فالخطـا ؟ تراه كبر وفهم وعقل مابينجذب لمثل هالسوالف بتكون عنده امور ثانيه تشغل وقته فالأحسن أنهم يفرقون بين الصح والغلط من يوم وهم اصغار .. الانسان كل يوم من عمره يتعلم من يومه الي مضا وكل مايكبر يفهم اكثر للدنيا ويفرق بين الصح والغلط واهله مابيكونون مقصرين وياه فصغره عشان يعلموه الصح من الغلط وامور كثيره نروم نيود عيالنا ونعلمهم الصح من الغلط في النهاية، عالم التكنولوجيا كبير جدا و في ناس اتحب توقف في منطقة وحدة منه، بدون لا تستكشفه، وتاخذ من خيراته وتستمتع ابها .. وفي ناس تتعمق فيه وتعرف شاللي تجنيه من وراه .. نعم صدقتي عالم كبير والانسان بعد يكبر عقله ومثل ماقال اخوي الغضي يرجع لاستخدام الشخص نفسه واحترامه لذاته ثم لغيره ولاهنتي ع المرور الطيب |
مررحبا يطولي بعمرج ,, الكلام عن البلاك بيري يطووول سالفة عزيزي .. هي ليست الا صرعة من صرعات البلاك بيري اللي ما تنتهي وكل مره يطلعولنا بشي .. ما نلومهم .. الفضاوه اللي تسوي كل هذا .. !! ما عندي تعقيب أكثر للموضوع ولكن ,, بوجود البلاك بيري أو بعدم وجوده .. مثل هالعقليات المتخلفه تبقى موجوده ..و بتلقا ضالتها سواء فالبلاك بيري أو في اي تكنولوجيا اخرى كلنا نذكر .. خدمة رسائل الوسائط أو الــ mms كييف استغلتها مثل هالعقليات المتخلفه والدنيئه فــ مثل هالعقليات ,, تستخدم اي تكنولوجيا ,, سواء البلاك بيري او غيره ولابد من محو هذي العقليات ,, وإلا بتتطور المسأله إلى أشيا اخرى غير البلاك بيري |
مشكورينَ جميعا ع النقاش الطيب .. |
السلام عليكم ورحمة الله !!! فالبداية اقول وايد شفنا مثل هالسخافات وسوالف عزيزي وبخصوص ومثلاً !!! أشوف منها المضحك معنى أغلبها سخيف !!! ما أشوف فيها شي لو تطرش أشياء تبا تىضحك فيها الي عندك بالعكس زين !!! لكن لاتوصل لحد إنك تتمصخر على باجي الناس !!! يعني إنته تصور نفسك إنك مكان الي إنسب وتمصخرو عليه !!! ياخي مارضيتها لنفسك أكيد !!! عيل بترضاها لغيرك ؟؟؟ وياريت يعني الي تمصخرو عليه كان يستهبل ولا يستاهل !!! تلاقيه على نياته ويقوم بشغله وبعد تطنز عليه ؟؟؟ محد فينا بيرضا إن يتمصخور عليه ولا على اهله !!! ما أمنع والله البلاك بيري وجذيه لني بنفسي أحب الاشعار الي تطرش فيه والعبر والدعية والاخبار والحكم والادعية وغير الي يقول قومو صلو وجذيه !! لكن ياريت بس يوفقون هالسخيفيين عن حركات الاستهبال الماصخ الي بس ينرفز والله !!! تحياتي إختي وأشكرج على الموضوع !!! |
ياطويل العمر / اللي يحافظ على صلاته مايحتاج تيلفون ولا مسج من شخص معين والأدعيه موجوده في كل مكان ! والقصايد متروسه فالمواقع البلاك بيري في منه الشين والزين لكن اغلب اللي فيه شين ومستخدميه يسوءون استخدامه بس سخريتهم جدا كبرت واتسعت في اكثر من موقع ! بس وين اللي يسمع ويطبق لاحياه لمن تنادي . . شكرا لك |
ما أعارضـــج فهــالشـي !!! بس الكل إختي محتاج للتليفون هالأيام !!! مب عشان سواد عيونة ولا كيمرته ولا برامجه بس هاذي ضرورة هالزمن إختي ولازم تماشي الزمن !!! ونفس ماقالو إن ماطاعك الزمن طيعه !!! صحيح الفتنة موجودة فالبلاك بيري يعني شو أقولج بس !!! أبليس معشش فالبلاك بيري !!! بس المسلم لازم يبتعد عن هالفتن ويخليه مع أهل الخير !!! لن حقيقة ماتقدر تعيش بدون تليفون فهالأيام !!! صعب لما تكون الفتنة بيـــــن إيديـــن الواحد ومايقع فيها !!! لكن هذا الزمن زمن الفتن ويابخت من وقى نفسه شر الفتن !!! وترا لو تكلمنا عن الفتن ووين تواجدها فهالزمن جان ما عاش واحد فينا !!! بيكون اللاب فتنة والفون والكمبيوتر والتلفزيون والموتر والمول والسوق !!! هذا الزمن زمن الفتن وجذيه يحدك !!! لكن نفس ماقلت يابخت من وقى نفسه من فتن هالزمن !!! ماقال الرسول صلى الله عليه وسلم إن زمنا هذا زمن الفتن ؟؟؟ وحتى البعض قال إن الناس مأجورين فهالزمن اكثر من ايام الصحابة !!! ماعرف لو كان صحيح هالكلام بس دلالة على كثرة الاثم والمغريات فزمنا !!! |
س الكل إختي محتاج للتليفون هالأيام !!! مب عشان سواد عيونة ولا كيمرته ولا برامجه بس هاذي ضرورة هالزمن إختي ولازم تماشي الزمن !!! ونفس ماقالو إن ماطاعك الزمن طيعه !!! صحيح الفتنة موجودة فالبلاك بيري يعني شو أقولج بس !!! أبليس معشش فالبلاك بيري !!! اكيد نحتاج للتيلفون لكن مب محتاجين للبلاك بيري .. البلاك بيري جهاز عادي حاله حال الباقين اللي يميزه فقط الدردشه والمسنجر والقروب . كيف معشش ليش وين دور الانسان في صد ابليس ! عز الله الدنيا بتظلم دامنا نركض ورا التقليد والموضه وابليس بيعششنا في جهنم ! اللهم اجرنا من النار بس موضوعنا بعيد شوي عن الفتن . . موضوعنا بشكل عام عن مستخدمين البلاك بيري وكيف يستخدموه بشكل سلبي اكثر من ماهو ايجابي وانا قلتها في بدايه الموضوع الجهاز تم اختراعه لاصحاب الشغل للناس العايشه برع ومحتاجتنه مب حق عزيزي وفيني كذا وحش فخلق الله ماخترعوه عشان جي |
من هالناحية هيه !!! هو الافضل إذا تبا ماتطيح عمرك فهالسخافات والفتن إنك ماتاخذ البلاك بيري لنه فيه وايد !!! صح فيه فوايد وأخبار وجذيه لكن يظل له مساوء وسلبيات وياما إستخدمة شباب والبنات عشان سوالفهم والمغازل !!! بس بعد تقدر تاخذه وتستخدمه لو صدق قدرت تبعد عن سخافاته واستخدامه السلبي !!! هو تليفون فيه أمكانيات وايد وجذيه لكن شي ناس تستخدمه بشكل طفس ومب زين !!! . . أسعدني النقاش معاج إختي فتنة الكون وأشكرج على المواضيع الحلوة !!! |
مرحبا بكل من ناقشني هني . . سعدت باراء الاعضاء يبقى هناك ناس مؤيده وناس معارضه كل الشكر / |
| الساعة الآن 01:33 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir