|
تعرفون ليش الشاب يخذل حبيبته .. وياخذ على راي أهله ... ( محد يزعل ) .. ( دش وناقش ) السلام عليكم ورحمة الله وبركاته لا تولولن وتشعنن وتلعنن وتزعلن اذا اكتشفتن ان الريال في ساعة الجد يدير ظهره لحبيبته لي ضحت على شانه وخاطرت وتحدت اهلها عشان ترضيه ويتزوج وحده ما عمره كلمها او حتى شافها وجمالها عادي جدا بس لان اهله اكدوله انها ستير وحشيم ومتدينه ولا عمرها قبضت التلفون ومب راعية تصفعن وظهرات وروحات وييات ولا شافتها عين الشمس !هذا التصور لي في باله عن ام عياله وحتى يعيش مرتاح في حياته بعيد عن الشك والوساوس والشيطنه وايام الطيش ! 1 - عند بعض الشباب تصور غريب بعض الشيء لكنه منطقي بالنسبه لهم بغض النظر عن صحته او خطئه بس تصور عن ان البنت ما دام كلمتني اكيد كلمت او بتكلم غيري وما طال رضت تتمادى معايه اليوم باسم الحب باجر من تعافني لاي سبب عادي تتمادى مع غيري .......... وفي بعضنا عنده قناعه ما تقبل الجدل انه لي هانت عليها نفسها وخانت ثقة اهلها واخوانها بكل سهوله تحق نفسها وتخون ثقة حبيبها لي هو زوج المستقبل والغرقانه ما استهمت من البلل 2 - الحبيبه كوكب سماوي مدهش كلما اقتربت منه واكتشفت معالمه واسراره قلّت درجة تأثيره علي الى ان اصل لمرحله اعرف فيها كل كبيره وصغيره عنه فيتلاشى تأثير هذا الكوكب الساحر شيئا فشيئا فالكوكب يعني البنت لي كانت تشغل تفكيري بالامس ومسهرتني ليالي واحلم ابها واصحى بها واتخيل شيقايله معيشتها ونظرتها وتفكيرها وتصورها عني ........... اليوم ارويت فضولي منها وعرفتها ما تمت تدهشني مثل قبل ولا تمت تشغل تفكيري وتسحرني بجاذبيتها واتعب خيالي فيها لاني خلاص عرفت كل صغيره وكبيره عنها فالغموض كان احد الاسباب الهامه لي خلتني افكر فيها ومع اكتشاف بعض معالمها واسرارها وطريقتها ما عاد شي مغري 3 - انحسار الشوق .... المسافه كانت تلعب دورها في تأجيج المشاعر والاشتياق ومع تواصل الحبيبين سواء عن طريق الانترنت او الهاتف او التلاقي وجه لوجه تقل حرارة الشوق ويفرغ كل طرف لواعجه للاخر ومن خلال هذه التفريغ ينحسر الشوق شيئا فشيئا ومع الايام يتحول الشوق العظيم الى مجرد رغبه اكثر منه عاطفه يتوهمه الطرفان !! هذه بعض الاسباب الظاهره هناك اسباب اخرى تخص كل واحد فينا حسب نظرته وتفكيره وثقافته ورغبته وادركه واخلاصه ...على فكره انا اتكلم في هالحالة عن اثنين يعني واحد وحده حبوا بعضهم بشكل مخلص وكانت هذه النتيجه بينهم وهذي حقيقه الامر ان نسبة 95 % يتزوجون غير حبيباتهم لبعض هذه الاسباب ....تخيلوا لو كانو يلعبون او داخلين لمجرد التعارف او احدهم داخل باسم الحب عشان يوصل لغرض ما او بنت تتسلى وتضيع وقتها مع شاب تخيلوا كيف يمكن يتوافقون وكيف بتكون حياتهم الحين نتوقف عند سبب اختيار اغلب الشباب للبنت الستير المتدينه المغمضه لي ما تعرف شو معنى لمغازل وما اختارها بروحه بل عن طريق الاهل ......... ليش ترك حبيبته لي هي اجمل وثقافتها قد تكون اعلى وقد تكون ما كلمت غيره ..... شو السبب ؟ 1 - عنده تصور ان هالبنت لي هي من طرف الاهل فرش كفكر وسلوك وطبيعه وخيال ولا تزال على الفطره فيبدا يروضها ويعودها على حسب ما يشوف ما يناسب قداسة الزواج .... اما الحبيبه فكان كل شي يستبيحه معاها واي كلمه تخطر في باله يقولها دون تردد ويمكن يسوي معاها اشياء بالحرام يستحيل يسويها مع زوجته !! هذا التصور يعزيه عن الحبيبه بحياة جديده يتوقعها سعيدة ومريحة 2 - يريد يلتذ بمستحاها ؟ ... شو يعني ؟ هالرغبة لها لذة لا تقاوم لذة الهدف الاول والحلم الاول والنظرة الاولى والوصول اولا ....... فهمتوا قصدي ..... دايم لليديد بهجته ولذته .... عنده في باله تخيل فكري انه بيعيش اسعد لحظات عمره لما يكلمها بعفويه ويتغزل فيها ع الخفيف ويشوف ويها يحمر دون تصنع ............. هذه الحاله وااااايد مهمه للشاب .......... يعني احساس لا يقدر بثمن ولحظات غاليه جدا .... فاذا كانت مغمضه وفرش فبتاكيد بيكون درجة مستحاها في قمته ..... وتنحرج حتى من النظره فتخيلو كيف لو باسها على عيونها في ليلة الدخله هذا الامر يقابله تخيل للحبيبه انه ما بينهم ذاك المستحى يمكن لان علاقتهم اطورت وكسروا الحواجز بينهم بشكل غبي ..... 3 - حياة بعد التجارب .......... الحبيبه قد يكون شافت منه كل حالاته وهو بالمثل عرف غلطاته وغلطاتها ففي الحياه ليديد وضع شي في باله دون ما يقصد ان اخذ دروس في حياته وان راح يعيش حياة يديده بعيد عن العراقيل والمطبات وبنظرة واعيه طبعا هذا نظرة عامه بس ما تعني ان كل الشباب يفكرون بهذي الطريقة .......... انا حبيت اعطيكم تصور عام عشان تعرفن يا البنات بعض النقاط الغامضه لي يصعب تجدون لها تفسير مقنع ( ونلتقي في موضوع يديد ) واتمنا الكل يشارك فهالموضوع م ن ق و ل |
من البداية لازم هو ما يحب لما يعرف انه مابياخذها قلوووب بعض البناااات مو لعبة عند امثاله شو الي يضمن له انه بنت من اهله ما كلمة حد ملاك نازله من السماااء الواااحد لازم يخطي وهذي طبيعة البشررر شو بيستفيد لمااا حوبااتها تي عليه الله فوووق ويغرف كل شي واكثر نسبة الطلاق الزوووواج الاهل والي يجربه مرة ويفشل ما يجربه مرة ثااانية يمكن هذا قدر البنت تحصل ريال احسن منه انا عندي اذا ما كااان في سبب انه ياخذ من اهله يعني مثلا اهلى جبروه او حلفوه عليه اوبيتبرون منه اهني اوووكي بس غير هذا يسمحلي وبعدين هذا الزمن مااافي حد يجبر حد |
بس ياخويه مهما كان ..مشااعر الناس مب لعبهـ,,!!! واذا هو صح ..من البداايه يقوولها انه مايقدر ياخذها مب عقب ..!! وعاد هني ع البنت .. بس بعد اخوويه ..في وايد نااس اتزوجو وقبل كانو يحبون بعض ,, ها يعتمد ع الشااب نفسهـ,,والبنت بعد .. واكتفي بـ ,,هالتعليق ,, وتسلم ع الطرح المتميز^^ |
بصراحه اول واااايد كانو يحبون بعد تزوجو..والحمدالله عايش فى نعمه السعاده.....كلام تيي ع البنت و الولد بعد...الشباب اذا يبون يلعبون...ليش يكلمون البنات..لا و بعدين يقولون بنت هب متربية..وال انتم تركزون وراءهم...و لما هي تكلم و الاهلهم ما يدرون بي شي....تقولون هي تخون....ما تسالون هاسوال....هي ليش سويت جي..؟؟؟بس علشانك.......الاكثر الشباب ما يحسون هذا شي...بس بقول كما تدين تدان...وانتم بعد لا تنسون عندكم اخوات و الاهل و سمعه..... و الله فوق...... مشكور اخوي ع الموضوع.. ربي يعطيك الف عافية... |
[mark=FFCC00] اقتباس:
وماظن اخوي ان كل البنات مافيهن خوف من رب العالمين او مثل ماذكرت نفسنا نحن الشباب فينا الصالح وفينا الطالح ( كما تدين تدان ) اذا خذلتها ، لاتحاتي باجر رب العالمين بييك شي من عنده او نحن نسميها( ضربه ) تأثر عليك طول العمر بنات الناس هب لعبه ، اللي قد الحب لازم يتزوج اللي يحبها وذا هب قده خلااص عيل حق شو تلعب في بنات الناس وتقص عليهن ترا هاي هب مريله مهما كانت ( انا ماقصدك انت انا قصدي الشباب اللي يلعبون ع البنات)[/mark] |
يسلمووووو اخواني وخواتي على الردود.... واتمنى الكل يتناقش في هذا الموضوووع |
اضم كلامي للاخ النعيمي ويسلموووو ع لاموضوع الغاوي |
[align=center]صدقت اخويه ...بس البنت مفروض قبل لا تتعلق في اي ريال تحط حدوود ... مالومه ..الومه هي هي اليه ارخصت بعمرهااا وخلت كرمتهاا في الارض ما تندم باجر انهاا حب انسان وبااعهاا برخيييص ... هي الي يابته حق عمرهاا .. نترياا يديد ..ولا تحرمنا منه .. اختك:دهن العوود[/align] |
مثل ما قالت ختيه جمرة الحرمان مشاعر الناس هب لعبه أذاا كان يباها يقول من البدايه وذاا مايباها عيل ليش يتعرف عليهاا من البدايه و أنا ما ضن أنه واحد بيتزوج وحده كد ضهرت ويت وياه هذااا هو كلامي ويسلمووو عل نقل |
ابصراحه انا كرهت الشباب |
كلامك صح فوق كلامك بزييييييييييد ياخوي الحلال له مزه حلوه .. والحرام ما يدوم .. والحلال فيه الخير وبركه بالنسبه لكلام اخواني وخواتي اوكـ كلنا بناخذ اللي نحبه . وانا بعد باخذ اللي احبه بس اللي احبه انا حبيته مب من النت والا من الشارع ولا بنظره ولا تيلفون ولا مسن بس كل شئ وله حدود يعني الحين ترضون انه خواتكم يرمسن رياييييل ما تعرفونهم اوك والله هو بياخذني انزين خذها بعدين رمسها بعد سمعه البنت مب ببلاش يعني حد كشفها ولا سمع عنها تتحرون انه الناس ما بترمس والله فـ دقيقه الخبر ينتشر .. وين المريله اللي يسونها بعض الرياييل يرمسون البنات من وراء اهلهم مب حرام بعد هالشئ هي لو تعرف الحلال والحرام ما سوت شئ من وراهم خخ سوري بس شكلي عصبت خخ .. باعت نفسها والشاري نفسه رديه خلونا واقعييييييين .. زمن اول ما فيه هاليور اللي فبنات الحين وشباب الحين يعني قبل حبهم ما يخليهم يطلعون من مكان دراستهم او حتى شغلهم ويتقابلون ف المولات وتصير اللي ماكان قبل يصير الا بعد ما ظهر هالتيلفزيون والمصايب تظهر فيه الله يستر ع اليمييع حب اول يخلي الواحد يتعلق في محبوبه بس حب الحين العكس يعااافها بالنسبه حق الشباب اللي يلعبون ترا الله يمهل ولا يهمل والبنت بعد تحصل تدواها ان الله على كل شئ بصير .. |
[align=center]ليش يلعب بمشاعرهااا ويوعدها بالزواج دامه يعرف انه ما بيتزوجهاا ترا مثل ماهو له قلب ويتعذب ترااا هي بتتعذب اكثر منه اكيد هي بنت احلام و آمال على هالحب باختصار مشاعر الناس مب لعبه واذا هو مب قد كلمته لا يوعد بشي مايروم عليه وكما تدين تداااان وانا وياا اخويه النعيمي في رايه [/align] |
1 مرفق انا الحمد الله ما عندي هالسوالف ومفتك من عوار الراس |
جرح المشاعر مووو لعبه وهذي السالفه لها الف سبب وسبب والعقل هو اللي يحكم بعيد من العواطف لاني اعتبرهاااا جريمه طيب ليش مايناقشها ويفاتحها بدال مايدير ظهره لهااااااا مب احسن بصرااااااااااااحه نوو كومنت ع السالفه تشكوووووورات ع الموضوع الحساس |
ممممـﮯ هووو الغلط الوحـ،،ـيد من البنتـﮯ ترى الريآآلـﮯ ان شآآللهـﮯ لوو عرفـﮯ مليوونـﮯ وحده محد يقدر يقولهـﮯ واللهـﮯ سمعتكـﮯ وشرفكـﮯ لكنـﮯ البنتـﮯ الليـﮯ المفرووضـﮯ تخآآفـﮯ ع سمعتهآآ البنتـﮯ الليـﮯ شرفهآآآ بيتآآثر من هالعلاآآقآآتـﮯ غلط من الاسآآسـﮯ العلآآآقآآآتـﮯ الليـﮯ تستويـﮯ قبلـﮯ ولا الاكبر انهـﮯ حرآآآآآآآآآآآآآآآآآآآآآآآآآآآآمـﮯ ليشـﮯ الكلـﮯ متجآآآهلـﮯ هالشيـﮯ ليش نسووآآ الدينـﮯ وقآآآلووآآ واللهـﮯ القلب هب لعبهـﮯ وديننآآآ يعنيـﮯ شوووووه((( لعبهـﮯ!!! )))) استغفر اللهـﮯ .... الليـﮯ ينكسر قلبهآآ من علاآآقهـﮯ عآآبرهـﮯ تستآآهلـﮯ دوآآهآآآآ والسمووحهـﮯ <<< وجآآآنـﮯ اعصبـﮯ خخخـﮯ بانتظآآر اليديد من موآآآضيعكـﮯ اخويهـﮯ .... |
القلــب مو لعبهـ .. اليوم يرمسني ويحبني وباجر يخليني بس لانهـ عرف ان في نسبهـ من البنات يرمسون وسوون بس صبوع اليد هب متشابههـ وانا بالنسبهـ لي جاهل لي يفكر ان اللي حبتهـ راح تحب غيرهـ لان البنت يوم تحب تخلص للي تحبهـ وعاد الله يكبر عقول البعض واللهـ يهدي الجميع ,, عيبني الطرح لذلك تواجدت هنــا .. |
واللهــ الوحدهــ ليش ترمس وااحد تحبهــ ترا كل وحدهــ ونصيبهاا والمفرووض على الشاب انهــ يقولها من البدايهــ انهــ ما بيااخذهاا واحس انه البنت تخوون ثقهــ اهلها واخواانهــا ولو دروو عنها اكيييييد بيشكوون فيهاا دووم تسلم اخوويهــ على طرحك المميز ربي يعطيك العافيهـــ نتريا اليديد |
جذبني الموضوع ودشيتــــــــــــــــ وتشكر على معلومــــــــــآآت اللي ذكرتها بعض النقاط عارفتنها والباقي توني اعرفه بعلـــــــــق على العنــــــــــــوآآآن كلامك هب منطقي وكانك تقول للشبابــــــــ حبوا وحقروا <-----------كيف هاي مادري ومثل ماقالوا اخوانيه بنات الناس هب لعبه بايدين الشبــــآآب وليش يحبــــــــ من الاساس ويغربل روحه دامنه معتمد على اهله ناقص ذنوب حضرته ويبي يعبي رصيده ولا لانهم وضعهم مو شرات البنت يستغلون هالشي ويصيعون عقب ييون ويتزوجون من اختيار اهلهم ومثل مالبنــــــــــــآآآتــــــــــــ فيهن من الصفات الزين والشيــــــــــن هم بعد الشبـــآآب نفس الشي اسمحلي لكن انا لو بزعل بزعل على التفكير اللي مو منطقي بانه الشاب يروح يحب عقب يودر اقلب الموقف وتخيل انك بنت وجوف روحك جانك بترضاها ولا لا بغض النظــــــــــــر شو نوع البنيه ومن اي بيئه السواتــــ هاي بتكرهــآآآ صح ولا لا شكـــــــــــــــراااا والسموحــــــــــه ....~ |
مرحبـــا .... يسلمووو أخــوي على هالطـــرح الجيــد .... بصراحه.... انا هالازمه مرت علي ... وانا بتكلم عن نفسي .. وعن كل شخص .. صــادق.. اول شي الشباب فيهم الزين والشين... والبنات نفس الشي ... وانا عن نفسي... افضل اتزوج وحده احبها ... تدري ليش؟؟ لاني أعرفها مثل ما اعرف عمري ... الخير يخص والشر يعم ... صدق من قال هالكلمه ... الاغلبيه مب كفوو للحب هالايام .. ماخذينها مطنزه ولعبه في بنات الناس ... بس الله مايضرب بعصى ... ويبينها في عيالهم ولا اهلهم ... اخوي لو تلاحظ ...ان نسبه الطلاق عندنا زايده وايد ماذكر النسبه .. بس فوق 50 ... ليش ها كله ... تقدر تفسر .... حسب نظري انه نادر العلاقه اللي تنجح عن طريق تزويج الاهل ... تدري ليش نسبه الطلاق زايده....لان الريال يكتشف ان البنت مب فاهمته ... او مب معبرنها... او مايحبها ... عادي سمنديقا .. خلها تيب كم من ياهل ... وياما بنت متزوجه بالغصب وماتحب ريلها .. هلها ماخلوها تتزوج اللي تحبه ... وها كله ينتج من طلاق ...مع ان في حالات وايد ماذكرتها ... بس لو شفت فيه تفاعل بشارك بكل مايفيدكم ... وبعدين مب بس الريال يسمع كلام هله ....البنات ينغصبون ... ياما ناس حبوا وصانو حبهم سنين مديمه .... واخرتها .... البنت تتزوج ... ادري مب كيفها ... عسب ترضي اهلها .... وانا وين اللي صان حبي ...وين اللي بيبيع الدنيا عشاني .... وين وين وين ياما قلتها ..... حبيت ابين لك اخوي ... تأثير زواج الاهل كيف وكيف اخرتها ... لان الزواج مسؤوليه ... كبيره ... وموضوعك شد انتباهي .... وهاذا ردي ^_^ تقبل مروري .... 7SaFa |
ممممم شدني حيييييييل الموضوع ورايي انو صح تقريبا الكلام اللي ذكرتـه لكن البعض مو الاغلب.. وانا اؤيد راي اخوي النعيمي و اخوي7SaFa لانو هم شباب ويعرفون تقريبا طبيعة الشباب وعارفين انو كل شخص يتمنى وحده تكون متفاهمه معه ولاكل شخص يبي من اهله ..ترا مو شرط تكون البنت ماعاشت تجارب.. اما بالنسبه للبنات فيهم الزين والشين وكل شخص محتـرم يبان عليه اما والله واحد يجي ويتكلم ويقول كلام ماهوب قده هذا اصلا ماهوب رجال لان قلب البنت بطبيعت عاطفي والبنت لازم من البدايه تصك الباب اللي يجي منه ريح لاتحتار ولاتفكر وتريح راسها لان مافي احد يستاهل الحب في هالزمـان.. واحب اذكر قصه شخص موجود بالعايله ..انو تزوج انسانه من مسن..وبالاخيـ{ـر مشاكلْ×مشاكل على مااسمع انو يجي الشكـ لكن مو كل الاشخاص نفس هذا الشخص لانو لو قدها مايشك فيـها..اي انسان مو قد الشي المفروض مايخطي خطوه قدام.. وبالنهايه انا مؤيـده لراي اخوي النعيمي.. والتوفيق بيد رب العالميـن.. ودمـتم.. تقبلو مروري ويسلموو عالطرح |
و عليكم السلام و الرحمه والله هالايام كلهم يلعبون يعني حراااام يعلقها لا اونه هي كلمتني يعني كلمت غيري ما باخذها باخذ وحده م نهلي اعرفها عدل ما تكلم .... إلخ مع احتراماتي ماقصد حد بس يعني انت شدراك يمكن تطلع العن و طبعا انا اضم صووووووتي للمشرف النعيمي كلامه 100 % .. تسلم ايدك خيوووو على موضوعك الاروووووووووع عن الرووووووووووووووووووووووووووووووووووووعه و نترقب الزود منك .. |
http://ma7room.org/up/images/yzhv39vr9fwpdxkohq.gif مـآإ فـٍـٍيْ ـآنسـٍـٍآإن معصـٍـٍـٍوٍم عن الغـٍـٍلطَِ > من الطرفين ( البنت ولآإ الريال ) وشـٍـٍرـآت البنـٍـٍت مآتسـٍـٍوي الريــٍـٍآإلٍ هـٍـٍب مقصـٍـٍرٍ بعـٍـٍد ومـٍـٍآإفي انسـٍـٍآإن مـٍـٍآإله مـآإضـٍي ْ~* سسلمـٍـٍت عالطـٍـٍـٍرٍحَِ ْ~* http://ma7room.org/up/images/nn83xc11c7a1ebtffyv6.gif |
مثل ما قالت ختيه جمرة الحرمان مشاعر الناس هب لعبه أذاا كان يباها يقول من البدايه وذاا مايباها عيل ليش يتعرف عليهاا |
والله الصراحه ع النقطة الاولى يمكن نص البنااات جي و نصهن لا لان نص البنات ينجرفن ورى قلوووبهــن ,, و انا لو كنت ولد اكييد باخذ وحده احبها اعرفها و تعرفني ما يلس اهزيلها كلام كله خرييط والله تسلملي يا ذوــو ـــو ـــو ق ع موضوعك الطيب لا هنت نترقب الزود |
الصراحه و اتمنى من كل الشاب مايزعلون الشباب الي يرمسون وحده عشان يلعبون عليها و عقب ياخذون وحده ماشافوها ولا شي هاييل ماعندهم ذوق اصلن و بعدين مش كل البنات الي يحبون يرمسن شباب والله وايد شي بنات حبو و تزوجو الي حبوه و هالريال الي يعرف الصح من الغلط عيل تبا يسير ياخذ وحده لاشافها ولا يعرفها بس عسب يرظي هله؟؟؟!! لا هالشي غلط شو عرفه اذا البنت تحبه والا مغصوبه عيه و شو عرفه اذا بيرتاحلها والا تصلح تكون ام لعياله؟؟ . هذا رايي و السموحه^^ |
آمم ., فيْ شبآب يْطيْحۈنْ فيْ غرآم آلبنْآتِ ۈنْفس آلشيْ بنْآتِ فيْ غرآم آلشبآب ., لڪنْ مثل مآ قآل آلنْعيْميْ بڝرآحھٌ ڪلآمھٌ آقنْعنْيْ ., آلليْ قد آلحب لآژم يْتِژۈج آلليْ يْحبھٌآ ., ۈآلليْ مب قدھٌ مآلھٌ دآعيْ يْخۈض معرڪھٌ مع قلب آلبنْتِ ھٌۈ بآلآخيْر بيْڪسبھٌآ ., آنْ ڪآنْ بيْشڪ فيْھٌآ » يْتِرڪھٌآ فيْ سبيْل حآلھٌآ ., منْ بدآيْة آلطريْق ., بس آنْ ڪآنْ يْحبھٌآ ۈحبھٌ لھٌآ شريْف » يْڪمل ۈيْتِژۈجھٌآ ., ۈبيْعيْش ۈيْآھٌآ سعيْد ۈحيْآتِھٌم مضمۈنْھٌ بأذنْ آللھٌ ., ۈمآفيْ شخڝ يْحب منْ غيْر مآيْفڪر بأنْ آلليْ يْحبھٌآ » تِڪۈنْ ھٌيْ شريْڪتِھٌ فيْ آلمستِقبل ., آضم ڪلآميْ مع آلنْعيْميْ ., ۈتِسلـم ع آلمۈضۈع ., ۈنْرقب ڪل يْديْد منْ ڝۈبڪ ., |
الــــــــــــــموضوع رائــــــــــــع وهـــــــــادف يـــــــــسلمووووووووووووا....... قصيدة واحد تعب من ترقيم البنات... أتعبني الترقيـم مـن سـوق فـي ســوق كنـي موظـف فـي حـراسـات الأســواق لزقـت فيهـا لزقـة عـلـوك ( بـاطـوق) حـتـى عرفـنـي كــل بـايـع و ســواق مـن شافـنـي يـقـول تـاجـر و مـرمـوق فـي اللبـس أنا رسـمـي و رايــق و ذواق و أنا منـتـف فــي الحقيـقـة و مـزنـوق حظـي مجـنـب بــي عــن دروب الأرزاق عقلـي مــن الخـفـرات لاذع و مـحـروق مـن يفتحـون السـوق وأنا علـى ســاق الحـق بنـات الـنـاس هـايـم و مطـفـوق و مخبـأي مليـانـه مــن أركــان الأوراق شبّكت ( هند ) و (ريـم ) والثالثة ( شـوق ) و لا تنسوا حبيبتي ( وعـد ) وقلبي ( أشـواق ) دايــم وجـوالـي عـلـى الآذن ملـصـوق محبو بتي مــا تحتـمـل بـعـدو فــراق تقول ( ثامـر ) وأسمي الصـدق ( مـرزوق) لا يا بعد ( ثامر ) و(مـرزوق) و ( إسحـاق) ألعـب عليهـا لـعـب عـاشـق بمعـشـوق وأبنـي برأس الحلوة جـسـور و أنـفـاق هذا ... سلوك أهل الهوى كلها بووووووووووق أكثر ضحايا الناس في الوقت عشـاااااااااااااااااق |
سوري جنيه الا من القهر خربطت شوية ردي تحت |
انا من الـ 5% اللي بيتزوج اللي احبها الصراحة انا ياية برد وقلبي شاب نار وفي خاطري كلام يحرق مليون واحد من هييل اللي تتكلم عنهم لكن بس هذا السطر اللي كتبه اخوية النعيمي خلاني احس ان في ناس تم فيهم شوية عقل مب بس عقل الا ضمير صاحي.. الكلمتين اللي كتبهن النعيمي يسوون مليون ريال او شاب مصدق عمره وحاط هاللستة الطويلة العريضة من المبررات عشان يطلع عمره برئ او له الحق يخذل وحده شافت فيه انسان مسؤوول او قد كلمته الخرابيط كلها اللي كتبتها فوق مع كل احترامي يعني قد يكون منها شي قريب من الصحه.. بس فقط المرضى النفسانيين بيصدقونه يوم انك انسان اناني هالكثر وجبان وما تخاف الله في بنات الناس ليش تتقرب من بنت الناس؟؟ يوم انته بتوصفها بالكلام البذئ في يوم من الايام .. بكلمة بذئ مب قصدي يعني يقول عنها كلام غير لائق.. مجرد بس انه يقول انها بتكلم غيري ولا شبعت منها ولا هالكلام الحقير فليش اصلن من البدايه كانت شي انته تتطلع له في يوم من الايام؟؟!! دام انته انسان نزيه وتفكيرك ما شاء الله متقد وفيك من الحكمه انك توزن الامور بالطريقه الجهنمية؟؟؟ جان مالبدايه قبضت روحك وتميت انته البطل والغظنفر اللي قاص على خلق الله ونافش ريشه ويقول عن عمره ريال؟؟؟ اكره صفه عندي في الريال انه يكون جبان وما يفكر الا في روحه ويحاف على نفسه بهالطريقه المخزية اذا الواحد منكم فيه الصفات اسمحوا لي ترا هذا مب ريال هذا عباره عن ديايه بس فيها شوارب انا اللي اعرفه الريال هو اللي يفزع الغريب قبل القريب الريال هو اللي ما يرضى ىالضيم ع غيره باي شكل مالشكال فما بالك لو كان هوالظالم وعديم الضمير؟؟ هالريال اللي ترمس عنه لو فيه خير جان ما غمضت عينه ولا دقيقه وهو يعرف ان هالانسانه تتعذب بسبته وممكن احينه تكون تدعي عليها واحينه عقب ما خذلها قام وقال انا ريال وابا وحده فرش عله ما يتهنى بعيشته في يوم وعله ينحرم شي اسمه حب في حياته كلها ويحيا ويموت وحيد كل من يجرا يفكر بالطريقه البشعه عشان يبرر لنفسه انه يدخل حياة بنية ويطلع منها بهالسهولة ويسمي روحه ريال ما اقول الا الله فوق يمهل ولا يهمل وهو اللي بيعطيه الجزاء المناسب له وياخذ بحق اي بنت تعرضت لهالشي باسم الحب شي مقزز والله العظيم وما انسى في نهاية ردي اني اشكر النعيمي على الكلمة اللي قالها بصراحه النعيمي من الناس في هالمنتدى اللي مشهود لهم بالاخلاق والعقل كنت اتوقع بانه يوقف في الصفه الثانيه لكن اللهم لك الحمد عالاقل بني ادم واحد من هالبشر طلع فيه عقل نير يفكر قبلا يعق الرمسه عشان يطلع عمره بطل وريال وانا اشهد انه يسوى مليون ريال من هالاشكال ربي يحفظك يالنعيمي الله يسلم الايدين اللي ربتك عل هالتربية وشكرا عالنقل |
ع فكره نحن يالسين نرد على الشي اللي انطرح في هالموضوع يعني الفاس طاحت في الراس والبنية او الشاب سواء تعرفهم على بعض كان عن طريق مسن ولا تلفون ولا دكان ولا مول ولا من الجيران ولا عند المسيد بعض النظر يعني هو كان صح ولا غلط المهم انه صار ونتج عنه ان هالبنيه بغت من هالانسان انه يكون ريال عند كلمته بس طبعا ع قولة ام منصور ودهن عود تستاهل البنيه انها انقرصت لانها ارخصت بعمرها عشان حد ما يستاهل ولانها بدته على نفسها بدون تفكير عشان شي اسمه حب بس والله يا بشر انه الوحده يوم تحب واحد وتبديه على نفسها ما تسويه الا لانها نست ان هالدنيا اللي غايشين عليها عباره عن وحوش تاكل وتولي عقب تروح لحال سبيلها يا حسافه بس على كل قلب اتعب صاحبه عشان جبان |
اقتباس:
:7bteeen::7bteeen: معاااااه صدق كفووو بس بعد عندي تعقيب انتبهن يااااااااااابنااااااااااااااااات من خيااانه ثقه الاهل كما تدين تدااااان |
اول شي مشكوور الشيخ ع الموضووع .. اممم ... المفروض الريال اذا كان من عايلة " بنت العم لولد العم " المفرووض ما يكلم بناات ويخلي وحده منهن تتعلق فيه وعقب وبسهوله يقوللها مع السلامه .. واكيد اللي البنت اللي بياخذها ما تحب ان ريلها كاان يكلم حده حالها حال الريال اللي ما يحب حرمته تكلم غيره .. لكل الطرفين مشاعر واحاسيس .. ..بس بعد اذا صار هالموقف . المفروووض البنت تتقبل هالامر ودعيله بالتوفيق و ان الله ييسر اموره اذا كانت صدق اتحبه لانك اذا حبيت انسان بتحب له الخير سواء كان معااك ولا مع غيرك ... وما يحب ان مكروه يصيرله لاي سبب من الاسباب ... تسلم اخووي مره ثانيه والسمووحه جاان طولت علييكم " نبض رووحي " |
أشكـــر اخوووي النعيمي ع الرد .. |
البنت احسلها واسترلها أنه ما تتعلق فاي ريال مني والدرب وتتريا ولد الحلال يتقدم لها ^^ بدال ما ترسم احلام ورديه وتعيش في اوهام وقصص خياليه |
مرحبا واللهـــ...المووضوعـــ..==> CooL في البــداية..اضم كلاآمي لاخوي ( النعيمي )..وبعدين من نــاحية اذا بخليهــا على اساس دامها خانت ثقة اهلها فيهــا شو البعيد انــها اترمس واحد غيــره...هي ما حبته عشان اتحـــب وآحد غيــــره ..!! والبنتـــ..احساسها من ناحية الحب دايمــا يكــون صــادقـــ..انا هنيه ما امدح البنـــات ولا ابين ان هنيه الغلط من الشباب..بس ها هو الواقعــ..هي ما جــازفت وصارعت عشان خاطره وآخر شي بكل برود يخونها بزواجــ..بحكم ان خــارج من ايدهــ..ولو يقدر ذرة من هالحبــ..على الأقــل..ومثل ما قالوا الاخوانــ..اذا هو ما يقــدر يآخذها من البدايـــة يعطيهــا كــآش ف الويهــ..ولا يخليهــا تتعلق أكثــر و أكثــــر..وهذا جرحــ..عمره ما يبرى... تحياتيـــ..لكـــ..اخويـــ..بالتوفيقـــ...:) |
الرجال يرضى بكل شي ع نفسه الا الخيانه ماراح يرضاها وخاص يوم يتكون من اقرب الناس له الي هي حبيبته ومهما كانت علاقتهم عن طريق نت او عن طريق اتصال ماراح يتركها بدون سبب هذا اذا كان حب بينهم وبينهم علاقه طيبه موكل الرجال تفكر هالتفكير يعني يبي وحده ماعمره شافها ولا كلمها لا بالعكس في اشخاص تبي تعرف الي راح تتزوجه اطباعه مناسبه حقاطباعه ولا كثير من الزوجات التقليديه خسرت وكثير من الزوجات مالين هالايام خسرت والنجاح في الزواج مايقرره الا اصحاب الشان الي هم الزوج والزوجه مشكور اخوي ع الموضوع المتميز |
مب كل الشباب تفكيرهم جي!!!!! في حد يحب من خااطره وحبيبته بعد اتحبه من خااطرها ومستحيل يخونون بعض خااصه في هالشي الي هو الزواج مابيرضى انها تكون لواحد غيره دام انها حبيبته الي عاشت وياه سنين وماشك فيها لو للحظه والثقه من بينهم "عيمياء"!! وممكن حد يقول انه جذاب ويلعب عليها بالكلام ويوعدها بالزواج بس عشان تبقى وياه في وقته الحالي وخلاف يختار وحده غيرها للزواج!! بس اذا قلت لكم انه سوا اشياء تثبت انه صدق يباها حبيبته الي كلمته سنين و سوت عشانه المستحيل من ورا اهلها.. و خطبها بس الظروف عاندت فيهم لاكن بعدهم يحبون بعض و عندهم امل في حبهم ومحد يقدر يمنعهم عن بعض.. هذا كلامي ابا اوضح من خلاله انه في حبايب يتزوجون ويعيشون حياتهم ولا اروع ومب الكل طبعن والعكس اكيد موجود بس لاتقولون مافي واحد ياخذ وحده كان يكلمها و يواعدها من ورا اهلها << لانه الحب موجود :121: |
السلام عليكم والرحمه اشكرك اخويه عالموضوع .. اتمنى الكل يتقبل مداخلتي بسعة صدر =) .. انا ما ألوم الريال ولا البنت .. ترى نحن بشر .. والشيطان يلعب بعقولنا وبكل سهوله .. واكثرنا متأثر بالافلام والمسلسلات الرومنسيه .. وهالشي يخلي البنت تدور على بطلها الرومنسي وللاسف اول انسان ييها تصدقه وتتعلق به بدون ما تفكر بعواقب هالشي ونتايجه .. وابليس ما يقصر يلعب بعقلها ويخليها تضحي وتوفي وتعطي هالبطل كل ما عندها .. وبعد ما تتعلق وتتعذب .. يقول لها هالحبيب اللي قضى معاها اجمل ايام عمره !! انا ماريدج يا فلانه وهلي اختاروا لي وحده !! يعني انت يا فلان بعد ما حبيتني واستانست في حياتك ياي بكل سهوله تقول لي بتزوج ! وحياتنا ما بتستمر !؟ وكلام الحب هذا شو كان .... ؟ وين الريال اللي الكل يقول انه اعقل من البنت وانه يفكر قبل لا يتخذ اي قرار في حياته ؟؟ وينه يوم لعب بمشاعر البنت ؟ ليش ما طبّق اوامر الرسول عليه الصلاة والسلام يوم يقول في حديثه الشريف : "رفقــــــــــــــاً بالقوارير " يعني فكر بالحرام والمغازل وانها بتكون لعابه وما بتربي عيالي .. وما فكر في حديث نبينا !! اذا الرسول عليه الصلاة والسلام حرص وأكد على المرأه وشبهها بالقاروره .. انت يا آآآدم ما بتفكر فيها !! من متى الحب حرام !! ومن متى التضحيه حرام !! وليش حب بنت البلاد دومه حرام وغلط !! ولما يحب له وحده اجنبيه (بغض النظر عن اسم الدوله) يركض ويعاند اهله ويعاند وياخذها !! ليش بنت بلادك تفكر فيها تفكر سو ! وليش ما تستر عليها .. تراها هي اللي عطتك نص عمرها و قضت وياك كل ايامك الحلوه والمرّه ؟؟ ترى المشكله مش في عقلية شبابنا ولا في اسلوب بناتنا او طريقة تعرفهن عالشاب المشكله في الوازع الديني و في الجو العائلي اللي حوله .. يا ما ناس متدينين حبو وتعرفو وتزوجوا و أكبر مثال عمي من خيرة الشباب ومتدين ... حب وتزوج حبيبته !! ومرتاح وياها معنها لا هي متدينه ولا شي ! بس التفكير اللي حطه في باله هو ان البنت هذي تباني بالحلال وتبا الستر والانسان مش معصوم عن الغلط .. اتمنى كل شاب قبل لا يفكر يتعرف يحط في باله هدف !!! انا ليش بتعرف عليها ولوين بتوصل نهايتنا واهم شي "مااااااااا يعشمها " ما بتاخذها !! قول لها من البدايه يا فلانه انا انسان اريد اقضي وقت معاج وما افكر اتزوج وحده عن حب ! انا يوم باخذ باخذ على شور هلي عشان هي ما تحلم وتتعلق في حلم ما بيتحقق ترى جرح البنت مش سهل ولا هو قليل والله انه اصعب من جرح الشباب بمليون مره رسولنا يوم قال رفقاً بالقوارير وشبهنا بالقاروره كان يعني فيها القاروره بكل ما تحمل من معاني اذا انكسرت صعب تتصلح واذا انخدشت صعب ترد نفس قبل و عشان تحافظ عليها لازم تمسكها بكل رفق بس عشان ما تأذيها .... الخ ما اطلب من اي شاب غير انه يفكر في كلام الرسول عليه الصلاة والسلام ... واتمنى من البنات ما يعطن قلوبهن لأي حد .. ترانا غاليات والله رفع قدرنا في كتابه ورسولنا وصى علينا في حديثه الشريف .. ما بتلقين أغلى من حب الله والرسول والوالدين .. وحب الرجل يي مع الزواج او مع الحب الصحيح .. فكري .. خططي .. استخيري .. اتخذي قرارج ... اتمنى ما اكون طولت عليكم او قلت كلام يجرح آدم او حوا ... تقبلوا احترامي : EnGineera |
السلام عليكم ورحمة الله وبركاته موضوووع خطير بصراااحه رائع منك الا من وين لقطته ههههههههههههه يوم هب الكوس ذعذاعه قام دمعي علمه يذيعه ولاصفتلي الايام لي ساعه بوحمد وازمت شالضيعه انا بنقاشك بكل نقطه انكتبت 1 - عند بعض الشباب تصور غريب بعض الشيء لكنه منطقي بالنسبه لهم بغض النظر عن صحته او خطئه بس تصور عن ان البنت ما دام كلمتني اكيد كلمت او بتكلم غيري وما طال رضت تتمادى معايه اليوم باسم الحب باجر من تعافني لاي سبب عادي تتمادى مع غيري .......... وفي بعضنا عنده قناعه ما تقبل الجدل انه لي هانت عليها نفسها وخانت ثقة اهلها واخوانها بكل سهوله تحق نفسها وتخون ثقة حبيبها لي هو زوج المستقبل والغرقانه ما استهمت من البلل في هالنقطه اخوي اسمحلي اقول غلطان كيف غرقانه وماستهمت من البلل ترى انت بعد غرقان لكنك استهميت من البلل وركضت ادور منشفه تنشفك من البلل اللي انت فيه وادور بنت في حياتك ماشفتها وتعرفها علشان اتنشف البلل واتكون نظيف في المجتمع وجدام العايله والنسايب وانته في الاصل لعاب وماخليت شي ماسويته ..والحرمه مابتعافك الا ان كانت معاملتك وياها زفت ولاشي اهتمام والحرمه اللي هانت عليها عمرها ترى الا علشانك هونت من عمرها والحرمه اللي بتاخذها ان كنت انت لعاب وكنت لعاب يقول ((يزنى في عقر دارك لو بعد حين)) يعني ها دين برقبتك بتوفيه ان طال الزمن والا ان قصر 2 - الحبيبه كوكب سماوي مدهش كلما اقتربت منه واكتشفت معالمه واسراره قلّت درجة تأثيره علي الى ان اصل لمرحله اعرف فيها كل كبيره وصغيره عنه فيتلاشى تأثير هذا الكوكب الساحر شيئا فشيئا فالكوكب يعني البنت لي كانت تشغل تفكيري بالامس ومسهرتني ليالي واحلم ابها واصحى بها واتخيل شيقايله معيشتها ونظرتها وتفكيرها وتصورها عني ........... اليوم ارويت فضولي منها وعرفتها ما تمت تدهشني مثل قبل ولا تمت تشغل تفكيري وتسحرني بجاذبيتها واتعب خيالي فيها لاني خلاص عرفت كل صغيره وكبيره عنها فالغموض كان احد الاسباب الهامه لي خلتني افكر فيها ومع اكتشاف بعض معالمها واسرارها وطريقتها ما عاد شي مغري ترى حرمتك بتعرف كل شي عنها مع العشره كل صغيره وكبيره هل ياترى بعد بتشبع من حرمتك وبتبدلها وبتقول ابى وحده يديده تشبع رغباتي ويقولك(( الانسان مايشبع عينه الا التراب)) 3 - انحسار الشوق .... المسافه كانت تلعب دورها في تأجيج المشاعر والاشتياق ومع تواصل الحبيبين سواء عن طريق الانترنت او الهاتف او التلاقي وجه لوجه تقل حرارة الشوق ويفرغ كل طرف لواعجه للاخر ومن خلال هذه التفريغ ينحسر الشوق شيئا فشيئا ومع الايام يتحول الشوق العظيم الى مجرد رغبه اكثر منه عاطفه يتوهمه الطرفان !! دام في حب مايقل الشوق في هالحاله بعتبره لعب لين اتحصل مبتغاك من الطرف الثاني وبذلك خلاص انتشبعت وعليكم السلام وحط حجج واهيه من عندك ايها الرجل الفاضل هذه بعض الاسباب الظاهره هناك اسباب اخرى تخص كل واحد فينا حسب نظرته وتفكيره وثقافته ورغبته وادركه واخلاصه ...على فكره انا اتكلم في هالحالة عن اثنين يعني واحد وحده حبوا بعضهم بشكل مخلص وكانت هذه النتيجه بينهم وهذي حقيقه الامر ان نسبة 95 % يتزوجون غير حبيباتهم لبعض هذه الاسباب ....تخيلوا لو كانو يلعبون او داخلين لمجرد التعارف او احدهم داخل باسم الحب عشان يوصل لغرض ما او بنت تتسلى وتضيع وقتها مع شاب تخيلوا كيف يمكن يتوافقون وكيف بتكون حياتهم هههههههههههههه هالنسبه كانت فعل ماضي مبني على الفتح الحين اعكس النسبه اغلبيت الشباب ماياخذون الا اللي يحبونهن سواء من النت والا التليفون والا العمل والا شافها فيبيت ربيعه والى اخره الحين نتوقف عند سبب اختيار اغلب الشباب للبنت الستير المتدينه المغمضه لي ما تعرف شو معنى لمغازل وما اختارها بروحه بل عن طريق الاهل ......... ليش ترك حبيبته لي هي اجمل وثقافتها قد تكون اعلى وقد تكون ما كلمت غيره ..... شو السبب ؟ 1 - عنده تصور ان هالبنت لي هي من طرف الاهل فرش كفكر وسلوك وطبيعه وخيال ولا تزال على الفطره فيبدا يروضها ويعودها على حسب ما يشوف ما يناسب قداسة الزواج .... اما الحبيبه فكان كل شي يستبيحه معاها واي كلمه تخطر في باله يقولها دون تردد ويمكن يسوي معاها اشياء بالحرام يستحيل يسويها مع زوجته !! هذا التصور يعزيه عن الحبيبه بحياة جديده يتوقعها سعيدة ومريحة فرش بالنسبه لك اخوي الشاب لكن ماتعرف شو ماضيها ترى البنت اللي خليتها كانت بعد بنت ناس وكلمتك هل من المعقول اللي خذتها فيرايك ماكان لها اي علاقه وخصوصا في هالزمن والا بنات الغير مرفوع عنهن القلم والبنات اللي تكلمونهن هن اللي غلط في غلط وبالنسبه لكلامك انه كل شي يستبيحه مع حبيبيته ترى حرمته بعد تبا هالاشياء اللي استباحها ويا الحبيبه وانته تحتاج لانك اتعيش وتاخذ راحتك ويا زوجتك يعني من حق الزوجه ايضا انك اتعيش وياها كانها حبيبه مب اله لك وبس رقاد وحمال وعيال ونفخ وطبخ تراها روح ولها قلب 2 - يريد يلتذ بمستحاها ؟ ... شو يعني ؟ هالرغبة لها لذة لا تقاوم لذة الهدف الاول والحلم الاول والنظرة الاولى والوصول اولا ....... فهمتوا قصدي ..... دايم لليديد بهجته ولذته .... عنده في باله تخيل فكري انه بيعيش اسعد لحظات عمره لما يكلمها بعفويه ويتغزل فيها ع الخفيف ويشوف ويها يحمر دون تصنع ............. هذه الحاله وااااايد مهمه للشاب .......... يعني احساس لا يقدر بثمن ولحظات غاليه جدا .... فاذا كانت مغمضه وفرش فبتاكيد بيكون درجة مستحاها في قمته ..... وتنحرج حتى من النظره فتخيلو كيف لو باسها على عيونها في ليلة الدخله هذا الامر يقابله تخيل للحبيبه انه ما بينهم ذاك المستحى يمكن لان علاقتهم اطورت وكسروا الحواجز بينهم بشكل غبي ..... ها اول ايام بس بس عقب العيال والسنه والسنتين بيتم المستحى لاوالله تلقى الحرمه تنافخ منه ومحتشره على اهون الاشياء وانت بالمثل وين هالمثاليه اللي تطلبها ايها الرجل 3 - حياة بعد التجارب .......... الحبيبه قد يكون شافت منه كل حالاته وهو بالمثل عرف غلطاته وغلطاتها ففي الحياه ليديد وضع شي في باله دون ما يقصد ان اخذ دروس في حياته وان راح يعيش حياة يديده بعيد عن العراقيل والمطبات وبنظرة واعيه ههههههههههههههههههههه وربما تعيش كل العراقيل مع زوجة المستقبل المنتظر واتقارن بينها وبين حبيبتك وتتمنى اشياء في اللي كنت تعرفها اتكون في حرمتك وهاللي حاصل للاسف طبعا هذا نظرة عامه بس ما تعني ان كل الشباب يفكرون بهذي الطريقة .......... انا حبيت اعطيكم تصور عام عشان تعرفن يا البنات بعض النقاط الغامضه لي يصعب تجدون لها تفسير مقنع بالنسبه لي مب غامضه والله يستر عليكم شباب وبنات واسمحولي طولت عليكم |
لان اهله اكدوله انها ستير وحشيم ومتدينه ولا عمرها قبضت التلفون ومب راعية تصفعن وظهرات وروحات وييات ولا شافتها عين الشمس !:lol: واهله وااايد واثقيين من هالشي ..؟؟؟:6: اسمحليه اخويه لان هالموضووع تافه وبعدين مافي داعي اناقش هالموضووع لانه مايستاهل وبعدين كل اللي ذكرته انته معلومات قديمه والكل يرمس ويقول هالاسباب يعني مايبت شي يديد:) والسموحه منكم...:121: |
| الساعة الآن 12:31 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir