|
ناقشوني واقنعوني ... فضيحة شركة أبوظبي للمطارات السلام عليكم ... لا تحزن يا وطني .. الفرجة قريبة إن شاء الله لأنه الموضوع صارله سنين ونحن نسمع عنه واليوم شفنا الدلائل ... ويا مشرفين وإداريين ترا إذا أغلقتوا الموضوع اسمحووولي مافي وطنيّة !!! لانه موضوع يتعلق بكرامة المواطنين الي يمثلون وطنهم ولو مافي مواطنين مافي وطن ومافي دولة ... http://www.youtube.com/watch?v=9xUfhYZIaPo أنتظر ردودكم وآراكم .. الهدف من الموضوع النقاشات ونشر الفيديو لمن يهمه الأمر .... |
انا مستعد ارد على أي شخص .. ومستعد أواجه أي شخص فداء للوطن .. ومافيها خوف والاعمال بالنيّات .. وعمر الظلم ما يدوم |
انا معاك إلى متى وهذا الظلم مستمر والمال العام بأيدي الأجانب يلعبون فيه لمصلحتهم الخاصة وأبناء هذا الوطن (مقعدين) فالبيوت ليش ليش يوجد مواطنين ومواطنات لهم من الكفاءة لا توجد لدى الوافد والأجنبي اين المشكلة إذا المواطن يستلم( 100000-200000 )درهم على الأقل هذا المال لن يخرج خارج البلد وهذا المال المهدور هو حق للمواطنين جميعا يكفي أن يكون راتب المواطن 20000 إلى 50000 يرضى ويحمد ويشكر ربه . نتمنى من الجهات الراقبية النظر في هذا الموضوع بعين الإعتبار ومحاسبة المسؤول الاول والآخير (المدير ) ونسف الإدارة الحالية من الوافدين والأجانب وتعيين المواطنين بدلا عنهم والله العظيم المواطن غيور على البلد محافظ غيور . لن يستمر هذا الظلم كثيرا إن شاء الله وحكومتنا الرشيد لهم بالمرصاد ونتمنى أن توصل هذه الشكاوي إلى أصحاب السمو الشيوخ الكرام ومحاسبة كل شخص مقصر وخائن الأمانة وزجهم في السجن مع أقرانهم من المجرمين مشكر اخويه على طرحك لهذا الموضوع الحساس المهم يعطيك ألف عافية كنت هنا |
الموضوع أخذ وقت أكثر من حده ، وليست هذه الشركة الوحيدة التي يتم التلاعب فيها ... مافي أجنبي فالدولة مب مستغل الدوله ... وخلو فبالكم أنه وراء كل أجنبي طاغي مواطن يدعمه علشان منصبه ،، وبالاخير أتمنى كل من يشوف المشاركة ينشرها على البلاك بيري .. عساها توصل |
سؤال : وين الخريجة المواطنين اللي كل سنة يتم تخريجهم على القنوات الاعلامية ؟ في سنة 2000 سمعنا ( بالتوطين ) وقالوا على 2005 بتكون الدوائر الحكومية والوزارات 100% كلها مواطنين ؟ واليوم نشوف مشاريع صارت وقامت تحت إداراة اجنبية وبرواتب خياليه ؟ سؤال صعب تلقى له جواب : مجلس بوظبي للتوطين شو دوره في التوطين ؟ |
وعليكم السلام ورحمة الله وبركاته الدوله اللي أساسها رمل، ما تنبت غير النخيل. وان صعدها الاجنبي بيوصل حده ولكن المواطن يستمر في الصعود ويخرف ثمرهآ. ما أعتقد انا وصلنا لمرحلة انا انطلع ناس أكفاء في العمل، الطلاب يقظون نص عمرهم في التعليم وبعدها يروحون يشتغلون في وظيفه حكوميه عاديه أو في القطاع الخاص دون تطوير!!! يسوون الشغل نفسه كل يوم في مواطنين مبدعين، لكن وجود الاجانب غطى على ابداعاتهم، ونادر ما تشوف مبدع ملموس وجوده الخطأ موب من الأجانب، هذي الناس يت وقالت حنا نعرف ولنا خبره، وما اكتفوا بالقول، لكن روونا مدى كفائتهم ان قلت لك انه مدير في طيران الأمارات، كان يقول انه كان يشتغل حلاق في بلادهم و هو هندي! ابشو راح اتعلق؟! هذا الواقع، وهذا رايي وتقبل تقديري تسلم بس عندي معلومه صغيره، انت اتقول انشروها عالبيبي، يمكن تتوقع انه حد بيستجيب، لكن لابد انك تحسب احساب للجانب السلبي، يمكن احدن من الناس يحتج و تستوي بلبله، |
اقتباس:
السلام عليكم يا اخوي . اي بلبله!!؟؟ بلبله لما تسكت عن الحق ونخلي هذيله يلعبون فينا. الجانب السلبي هو انه نسكت وما ننشر هذا الفيديو تعرف ليش وصلنا لهذه الحاله لأننا بصراحة ساكتين وراضين وااللي يخلي نفسه سبوس تلعبه الدياي. ليش الخوف والخوف من شو؟؟؟ هذه بلادنا ولا زم نتكلم ونوقف مع بعض لما نشوف الغلط ولا كيف بيتصلح الغلط. انا احيي اصحاب الفيديو والله يحفظكم ونحن كلنا وياكم لانها مب قضيتكم بس هذه قضية وطن. |
والله و قسم بالله حرااام عليهم .. ابا اعرف ليش يسوون فينا كل هذا اذا احنا عيال البلاد مفظلين علينا هالوافدين عيل شو تملنا أحنا ابا اعرف؟ المشكلة مب بس ف بوظبي حتى ف دبي و باقي الامارات تعالوا شوفوا الأجنبي عدنا لازم فلا ف جميرا و موترين و عيالهم ف أحسن المدارس و أحنا هني لاحول ولا قوة !! حرام والله حرام ليش هذا كله بس لأن جوازاتهم من برع !! ولا لأن هم أجانب !! تراهم بيشتغلون كمن سنة و بيروحون بلادهم و شاليين وياهم كمن مليون محد بيتم ف البلاد غيرنا لأن هاي بلادنا !! شوفيها لو عطيتون شرات معاشاتهم !! شو فيها لو سكنتونا ف بيوت شرات بيوتهم بدون ديون و عوار راس !! شو فيها لو عطيتوا نص المواطنين تأمين صحي شراتهم !! شوفيها لو عطيتونا تذاكر طيران شراتهم!! شووو فيها لو عاملتونا ب طريقة شراتهم أو أحسن عنهم !! بسكم من هالظلم تراكم محاسبين امام الله و رسوله باجر .. و مانقول الا حسبي الله ونعم الوكيل أن شالله و السمووحة بس الصراحة من الحرقة اللي فيه انا قلت هالكلام ..!! |
ما قلت لكم لا تاخذون حقكم، ولكن في طرق ثانيه غير هالطريقه تاخذون فيها هالحق، الفيديو ان كان شايل في جوفه الظلم و من ورى شوفته طلعة الحق، لازم يوصل للجهاة المعنيه. موب بيد ناس وبيد يهال ماسكين بيبي. حنا ما نسكت عن الحق ولكنا نسعآ في نفس الوقت انا ما ننشر الفتن والا ليش كاتب أخونا محب الوطن تحت، خليفه المزروعي ظالم!!! ا اهذا اتهام اكبير، وان كان فيه حق ربي بيبينه جريب اوتأكدوا في الأخير اني موب ضدكم ولكن لازم انطبق شي اسمه/ فكر قبل ان تعمل اذا نبي انرجع المياه لمجاريها، لازم انصب الما في المجرى المناسب |
السلام عليكم ورحمه الله وبركاته , موضوع كبير وحساس ولكن ماراح يتم حذفه لان مثل هالمواضيع هي آولى انها تكون في هالاستراحه حبيت اعلق على كلام اختي فزعه الروح قبل لا ابدى في موضوعي اذا الانسان حاول واجتهد انه يوصل الكلام للجهات المعنيه وفشل ! اعتقد له الحق بانه يحاول بالاساليب الاخرى الي بتفيد , والبلاك بيري وسيله للوصول للجهات المعنيه بكل سهوله , ومثال على ذلك : قضيه دنجور هزت عالم البلاك بيري المحلي وتم التعامل مع القضيه خلال يومين فقط , شركه ابوظبي للمطارات تراها مب احسن عن وزاره التربيه والتعليم , يتبعن الاسلوب ذاته في تعيين الموظفين ومكافأتهم الماليه وسداد لوازمهم الشخصيه + عائلاتهم بالله عليك , الواحد يفكر بكل عقلانيه ومنطق , انا بييب اجنبي والحايه طبعا له مب لي بسلمه راتب مضاعف بخمس او عشر مرات لراتب المواطن ؟ انا الي اعرفه ان المواطنين رواتبهم اكثر عن الوافدين , ولا ليش العمانيين يستلمون اقل عن المواطن ؟ بصراحه من خلال الفيديو الي عرضته حاولت افسر كثر ما اقدر عن سبب تفنيشه للمواطنين وتوظيفه للاجانب مالقيت ! يعني مافي ولا نقطه تشجع باللي يالس يسويه تسدك الرواتب الي يصرفهم على الاجانب لو كان مفكر فيها لو شوي وقسم هالرواتب للمواطنين مب احسن ؟! هالشي محد راضي عنها , حاول ياخويه كثر ماتقدر توصل هالتقارير للجهات المعنيه واذا هالتقارير كلها ضد المزروعي فما اعتقد في جانب ايجابي يقدر يغفر عن سواياه واذا نحن ماوقفنا لبلادنا ما اظن ان الاجبني الي هو موظفه يدافع عن هالبلاد ويخاف على خيرها , نحن وياك .~ |
فوق كل سلطه صغيره سلطه كبيره اتراقبها وخليفه إذا ماسك منصب معين ترى في حد ثاني غيره ماسك سلطه أعلى عنه المسؤولين في الدوله موب امقصرين أبدا ما ناحية المراقبه والتحسين اتقولون انه يتصرف بالأموال! اذا شرطة ادبي في كل حين اتزخ مجرمين طالعين بأموال من الدوله مأكده لنا بهالشي انه ما ينصرف درهم إلا ومعروف وين تأويله يالجود قضيه دنجور مختلفه تمامآ هذيج قضيه محسومه حتى قبل لا ينتشر الفيديو، لكن هذي قضيه يبيلها أدله واثباتات و هالفيديو أبدا ما يكفي. المفروض انه هالمواضيع يتناقشون فيها كبار المسؤولين موب أشخاص ما يعرفون وش اللي قاعد يصير بالضبط أرجو من الأخ محب الوطن، انه يكمل اللي بدا به، الكلام اللي مكتوب في الفيديو مجرد شكاوى لا غير!! أما على سالفة المعلومات المكتوبه في الفيديو فالله أعلم بمصدرها وحنا ما نقدر نحكم إلا بعد ما نتأكد من صحتها |
اقتباس:
[align=center] ما دري ليش بعض الناس الحقيقة أمامها وتغمض عيونها وتقول ما شفت شي انت وايد متفائل بالسلطات الرقابية في أبوظبي يعني خليفه المزروعي صار لها 7 سنوات وما سوى شي ويلعبون بالمال العام وين عنه الجهات الرقابيه التي تتكلم عنها في انه مسؤولين مثله وشرواه وكل واحد يداري على الثاني بعد صور الجوجل جذب!!!!!!!!!!!!!!!!!!؟؟؟؟؟؟؟؟؟؟؟؟؟؟؟؟ ليش مطار الدوحه خلصوه ومطار ابوظبي ما فيه شي ؟؟؟؟؟؟؟؟ الايميلات الزلمات والاجانب ورواتبهم روح الشركة وشوف الزلمات وش يركبون وشوف عددهم التهديد و ختم الشركه بعد جذب!!!!!!!!!!!!!!!!!!!!!!!؟؟؟؟؟؟؟؟؟؟؟؟؟؟؟؟ جريدة الامارات اليوم بعد جذب!!!!!!!!!!!!!!!!!!!!!!!!!!!!!!!!!!!؟؟؟؟؟؟؟؟؟؟؟؟ ؟؟؟؟؟؟ اكبر مجله في العالم وتقريرها والجماعه جاطيلك العنوان الالكتروني للتقرير بعد جذب!!!!!!!!!!!!؟؟؟؟؟؟؟؟؟ بسكم يا جماعه دفاع عن الفساد وعن الظلم ليش خايفين ليش تدفنون روسكم في الرمل علشان جي اخس خلق الله يلعبون فينا يعني علشان قبيلتك المزروعي او خايف من الحقيقة تبى الناس تسكت انتو ليش ما تقرون الجماعه قالو انه صارهم 3 سنوات وفي ناس غيرهم اشتكو بس كالعاده الحراميه يغطون على بعضهم. حتى في الجرايد واستوديو واحد اشتكو و لا حياة لمن تنادي لييييييييييييييييش. هذه ظاهره طيبه جدا ان الجماعه ما يأسو وما خافو وهذه شجاعه ما توجد الا في الناس الاحرار والغيورين على مصلحة بلادهم. [/align][/align] |
ما قلنا لكم اسكتوا عن الحق وفحياتنا حنا ما يانا الوهن جدام القبليه أما على كلام الجرايد والمجلات ترى حنا ما ناخذ منها لا حق ولا باطل، ندري أنهم صار لهم سنين، وبعدهم ما نفذوا المتوقع تنفيذه وان كان عندك شك في السلطات الرقابيه، شو رايك تستوى مراقب بدلآ عنهم! واتشوف المصايب اللي هم يشوفونهآ. واذا بتقارنون قارنو بمطار من داخل الدوله، شوفوا مطار ادبي يتوسع، ان مشى مطار بوظبي على غرار خطة مطار ادبي راح توصلون للي تبونه، لازم يوجد تكامل بين الأمارات فالسعي للتطوير وهذا هو معنى الاتحاد وأخيرآ، اللي يبي ايحل مشكله ما يتعمق فيهآ، المفروض انه يوجد حل لهآ. |
عزيزتي , انتي تقولين فوق كل سلطه صغيره سلطله كبيره تراقبها لو كان هالكلام صحيح 100% ويمشي على دواير ووزارات الدوله كلها جان شفتي الكل محافظ على اموال الدوله وماصارت السرقات ولا الرشاوي وحتى نظام الواسطه بتلقينه ملغاي , ولكن ! حاولي تسندين اقوالج على واقعنا وتشوفينه اذا كان يطابقه فعلا او لا , شوفي خيتوو , انا ما اريد اضرب امثال واذكر اسماء كانت في قمه البراعه في سرقه اموال الدوله والمواطنين , وانتي من اهل الدار وتعرفين بالخصه , شرطه دبي اذا طلعت بمجرمين فهم اجانب مب مواطنين , كيف قضيه دنجور محسومه من قبل لا ينتشر الفيديو ؟ لو كانت صحيح محسومه جان شفناه انمسك وتحاكم قبل لا يتنشر الفيديو ويوصل للشيخ سيف بن زايد ! اعتقد المواطن له احقيه بنقاش اي موضوع يخص بلاده ومب شرط يكون مسؤول او مدير , الناس مب واحد ومب الكل يخاف من الله , شوفي ايدج اصابعها مب سوا لو كان كل مدير وكل مسؤول يخاف الله ومحافظ على اموال الدوله ماشفنا مسؤولين سابقين تبين انهم اكبر مختلسين لاموال الدوله وتم محاكمتهم شوفي التقارير الي الحين متواجده اعتقد كافيه , ولكن الدوله اذا بتشوف فيها بتدور في تقارير ثانيه , والشكاوي الي تم طرحها فالجرايد فهي صحيحه واذا انتي شاكه بمصداقيه هالجرايد فاسمحيلي هالشي يمكن يكون ضدج لانج تشككين في مصداقيه جرايد محليه لها تاريخ كبير في دوله الامارات وجرايدنا معروفه ولا تعتقدين بانها مثل مجله جرس ومجله روتانا ؟! تتبع الاشاعات فقط ! واقولج اياها اذا كان بريئ صدقيني بتتضح برائته والعداله راح تاخذ مجراها , |
" السلام عليكم ورحمه الله وبركآته ههههههه سبحآنك ياربي../ الواحد وش بيقول غير لا حول ولا قوه الا بالله. والله عيب عليهم الصرآحه..يآمننوهم على شي ويخونون الامآنه...وقسسسم بالله عيب لكن ان شاءالله ان كآن صدددق نهب اموال الدوله فان شاءالله يآخذ جزآه..والله فووق..والظلم مسستحيل يسستمر الواحد قبل كل شي يفكر بالحسساب والعقاب يفكر برب العالمين..عفانيه الله الوآحد مووول مآ صار عنده لا حسيب ولا رقيب..ولا حتى خووف من الخالق قبل المخلوق..>< يعني والله نحن عايشين في نعيم في دولتنآ..وناس بس تتمنى تكون من ارض هالبلاد الطيبه تعيش فيها وتشم هوآهآ... يارب لك الحمدوالشكر... حسبي الله على كل ظآلم وحرآمي ولحد يدآفع ولا شي..كل شي بيبآن عااجلا غير اجل ^.^ شكرآ على الطرح...قوآكم الله..~ |
حنا قاعدين نتكلم على مستوى كبير جدا، والحديث فيه ما ينخاض إلا مع ناس تعرف شاللي قاعد يصير بالضبط، ما كذبت الجرايد، لكني قلت انا ما نقدر ناخذ منها حق ولا باطل ما كل شي ينكتب وينقال بيتصدق، وهذا الرد كان ينقال حق الأخو اللي قاعد يتسأل الجرايد وألجرايد والجرايد والمواقع ومدري شنو...! ياما شفنا أخبار و فيديوهات بس نصها جذب! واذا كانت صدق وراها ناس تنشر فتن، أو من وراها حق والله يعلم به وما دافعت عن خليفه، لكن لازم انحكم بعقولنا اللي قاعد يصير إذا شفتوا جثه طايحه وبيد المقتول فرد، بتقولون هذا قتل عمره، بس يمكن يكون حد قاتلنه وامحطي الفرد بيده أو شي ثاني غايب عن بالكم ان شآء الله يبين الحق، والمجرم بياخذ جزاته، مهما كان مواطن والا غيره الخير فينا حنا الأجيال القادمه، خلوا الأمر حق من يخصه، والمفروض محد يرمس فيه إلا من له الأحقيه. |
لحظه .! انتي بالاول قلتي بان هالمواضيع يناقشونها مسؤولين كبار ! والحين تقولين نحن نتكلم على مستوى كبير جدا .! عزيزتي نحن لا بغينا نخترع الذره ولا تكلمنا عن شي يخص الطب نحن نتكلم عن موضوع يخص بلادنا ويخصنا نحن كمواطنين واعتقد هالموضوع مايباله لا شهاده ولا تخصص ! الياهل الي هو الياهل بيي وبيتكلم فيه الجرايد الي تتكلمين عنها فهي جرايد المشاهير والفنانين مب جرايد الدار الي تخص علوم البلاد والاقتصاد وغيره انتي يعني تعتقدين هالفيديو ملفق من صاحبه ؟ انزين فكري فيها لو كان صحيح وان صاحب الفيديو كل التقارير الي اسندها وحطها فالفيديو تعتبر اكذوبه , برايج انتي شو عقوبته ؟ لهالدرجه صاحب الفيديو هو غبي ؟ ناسي ان ورا هالانسان دوله ؟ نحن مانقدر نطلع اشاعات عن محل او صالون فكيف تبين هالشخص ينزل فيديو يتهم مدير شركه كبيره مثل شركه ابوظبي للطيران ؟! جاوبيني !!! اذا بتحكمين بعقلج الصاحي والي يفكر صح بتعرفين الحكم الصحيح اما اذا انتي مب راضيه تستوعبين وتقتنعين بالذي هو موجود , فهذا شي راجع لج ولكن خذيها كلمه مني , دام الموضوع يخص بلادنا ويضر عيال دولتنا فاسمحيلي نحن بنرمس وبنرمس لين ماناخذ حق بلادنا بايدنا |
أستغرب جداً استمرار ثقافة تكميم الأفواه .. في ظل وجود الثوره التكنولوجيه التي نعيشها اليوم ! في هذا الموضوع لا ناقة لنا كأعضاء فيه ولا جمل ، ولكن الواضح بأن الجميع قد ضاق ذرعاً بكمية الفساد الإداري ، والنهب للأموال العامه الواضح للعيان ! ولا أخفي بأن ( عندنا وعندكم خير ) .. فلم يعد الشخص يخبيء رأسه تحت الأرض ( كالنعام ) ! ويردد .. نفسي ، نفسي .. الموضوع كما أرى وصل لـيد السلطه الرابعه ، والتي بدورها ستستمر بطرحه حتى يظهر الحق ، ولا أظن بأن الصحف تضع نهايتها على المحك وتخاطر بوضع الشمع الأحمر على أبوابها ، لخبر ملفق وكاذب ، وفيه اتهامات كبيره جداً كهذه ! وأخيراً .. من له حق سيُؤخذ بحقه ، ومن ظلم أيضاً سيُقتص منه .. وإن غداً لناظره قريب .. |
أطالب من كل المسأولين بل شفافيه في الاجتماعات الراسيه في الشركات أو اتمن من كل قلبي أن الموظوع يوصل عند المساولين لاني موضف سابق في أبوظبي للمطارات وكنت من القدامى مثل ماسمتن الاداره ان واحد من 100 انضلمن في المطار او انجبرت على الاستقله ان ماريد حقي بس اريد حق الميه الباقين او ان اتكلم عن الي تحولو من دارات الطيران المدني الي خدمو من 10 لين 20 سانه اوطلعو اب تفنيش مش ابشهادات تقدير اسمحولي على الاطله ياجماعه بس الكلم من قلبي طالع :69: |
اخيرا طلع واحد من اللي يشتغلون اهناك، العضو الأخير تكلم، " وشهد شاهد من أهلها" العضو اللي رفع هالموضوع كان يحتج على تضييع حقوق المواطنين واللعب بالمال العام، والطرد... والمعلومات الموجوده في الفيديو ما هو إلا خرايط جوجل اتوضح انه المطار بعده ما اكتمل، انزين الكل يعرف أنه المطار ما اكتمل، شو هو الشي الجديد. أما تقارير الأموال، اللي تتوزع، فأكيد الماليه عندنا يعرفون عن موضوع صرفها. وان كان في ظلم راح ينشاف بالعين المجرده، وما يحتاي مجهر مكبر. أما عن طرد المواطنين، ممكن انكم تسألون العضو اللي قبلي عن سبب طرده. وان كان في طرده أمر محير المفروض هم اللي يطلعون الفيديون، و يشهدون باللي قاعد يصير. لانه هالفيديو معلوماته ما اتكفي ابدا أيا كان مصدرها. وهذي فعلا قضيه كبيره، ما يعرف خوافيها وحلولها غير المسؤولين نهآيه عيبني كلامج، يعطيج العافيه والجود ما قصرتي، بيض الله ويهج |
| الساعة الآن 06:12 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir