بغيت اشوركم واخذ رايكم..!!
 

وعليكم السلآم والرحمه
.
،

والله اذا بتآخذين بشوري
إذا كنتي مبتدآه خذيلج كآنون لانها سهله فالاستخدآم آما النيكون فشوي صعبه
والكآنون عندج
d1000
d450
.
،
وإذآ تبين الزود خبريني
ولا يردج غير كيبوردج

احممممممممم وصلت.. انا ادور الاسئلة..


اولا كم ميزانيتج...

2000 d1000
3500 d550
5000 d60
7000 d7
10000 d5 mark ll
20000 d1 mark lV

هذا بالنسبة للكانون.. اما النيكون ما عرف وايد..


بس ملاحظة للي يقول كانون للمبتدىين احسن او نيكون للمحترفين..

الكيمرتين نفس الشي.. لححد يقول شي فرق.. فالنيكون شي للمبتدئين و فالكانون شي للمحترفين..

ما شي فرق امبينهم..المسالة بس.. انه شوفي ربايعج شو عندهم و خذي شراتهم..عسبت تتبادلون الخبرات و العدسات ..او اي اكسسوار ثاني..

نصيحة مني.. افضل تاخذين عدسة محترفة و كيمرا عادية.. افضل من كيمرا احترافية جدا و عدسة بدائية..

لأنج بتشوفين الفرق فالتباين و الشارب و الالوان ممكن بعد..و ها كله من العدسة..

يعتمد عليج شو اتحبين اتصورين..لقطات سريعة او استوديو منزلي و لاند سكيب..... الخ..

اقدر افيدج اكثر اذا خبرتيني ميزانيتج و اي نوع من التصوير .. يعني شي معين ولا كل شي..؟

و حتى بخبرج من وين تاخذين..


ممكن ادورلج فالنيكون حتى عادي..

بس خبريني و فالج طيب..!!

تحياتي..

بوفلاسه

اممممممم

انا عندي حاليا كانون 1000d

بس التصوير بليل فيها وايد صعب....وماتظهر..؟؟؟


ومرات بالاوقات العادية التصوير بدون فلاش ماتوضح الصورة..؟؟



وجزاج الله خير

الكل قال انه النيكون صعبه عسب جي اتررد اني اخذها


سلمتي عالمرورور

فالك مايخيب


ماشاء الله عليك

كفيت وفيت

عجبني ردك وايد

وجزاك الله خير

يزااااااااج الله خييييييير على السآآل انا برووحي ابا اعرف ويين الافضل

انا اسال اصحااب المحلاااات يقوولوو "النيكون" اقوى لكن "الكانون" اكثر مبييعا

وان شاء الله متاابع للموضوووع ومحتاار شوو آآخر


(أدري فرحتي يمكن تحصلي رد يفيدج ههه)

و عليكم السلام و الرحمة..

يا هلا و مرحبا اختي.. بخير و سهالة ربي يعافيج..

العفو... بالعكس احب حد يسالني .. احس بالاستمتاع فالرد..و احب افيد الناس..

امم اولا بخصوص العدسة..( اذا اترومين اتعقينها زين).. هالعدسة تغري الناس بمداها العالي و اللي يوصل
..300 مقارنة بانه عيوبها اكثر .. النقاوة فيها واايد تستوي تعبانة..و كذلك الحدة.. يعني لو تاخذين سيجما 18 - 250 افضل..

للتصوير الليلي بشكل عام.. بالاضافة للترايبود ( الاستاند).. استخدمي عدسة فتحتها تصل ل 2.8 او اقل..
طبعا كل ما نقص الرقم كل ما زاد اتساع الفتحة و هذا جدا يساعد على التصوير الليلي..بحيث الكاميرا ادخل اضاءة اكبر بسبب اتساع فتحة العدسة..و في وقت اقل..

و على فكرة انا من اعداء اللي يستخدمون الفلاش فالليل.... الفلاش يجتل الصور..يغيرلج الالون كلها..ونا موول ما استخدم الفلاش..( بالمناسبة كيمرتي ما فيها فلاش) و بشرحلج عقب عنها..

اذا بغيت اصور فالليل و مب متفيج اضبط الاعدادات.. اخلي الوضع اتوماتيك و اصور و احصل نتايج حلوة بدون استخدام الفلاش..
و تقدرين اتصورين و تقارنين بين الفلاش و بدون الفلاش.. و بتلاحظين الفرق..

انزين بخصوص الكيمرا.. ما خبرتيني كم ميزانيتج.. مب مشكلة..

طبعا شي ثلاث فئات فالكانون..و التصنيف على السريع..
الارقام الثلاثية مثل canon 450d 500d 550d 600d
هاي للفئات المبتدئة..
و الcanon 550 , 600 نفس الشي و احسن من الكيمرا السابقة... لأنها مصممة حق المبتدئين بمواصفات احترافية..
18 ميغا بيكسل
3.7 فريم فالثانية
السينسور اعتقد حجمه اذا ما خاب ظني 1.3
و فيهن تصوير فيديو HD
سرعة الشتر تصل ل 4000 /1 جزء من الثانية
الاسعار من 3و نص الي تقريبا..4 و نص.. ( مب يقصون عليج)

الفئة الثانية
المستوى شبه الاحترافي
و الارقام فيها ثنائية دبي كود A... هههه
سوري سوري..
الارقام الثنائية.. مثل canon 40d 50d 60d
هاي الكيمرا انا ما شفت وايد فرق بينهن و بين الكيمرات اللي خطفن مساعه..بس احسن شوي
18 ميغا بيكسل
5.6 فريم فالثانية
السينسور يمكن اكبر شوي
و هاي الكيمرات هن اللي انصحج فيهن.. كسعر و احترافية و استخدام و جودة.. روووعة.. يعني ما اتعقد اتغيرين الكيمرا الا عقب 5 سنين جداام او يمكن موول ما اتغيرينها..
الاسعار.. بين ال5 الاف و ال6 الاف..
انسب فئة لج هاي من وجهة نظري..

الفئة الاخير المستوى الاحترافي..
و الارقام اهني احادية..
canon 7d , 5d mark ll , 1d mark lV , 1ds

طبعا في هالفئة.. اممم يبالهم شرح شوي

ال 7d , و ال 5d تطورهن يستوي 1d mark lV , و 1ds

اول كيمرات التصوير الرياضي ال 7d و 1d marklV

7d
18 ميغا بيكسل
8 فريمات فالثانية
حجم السينسور 1.3
سرعة الشتر تصل الى 8000/1 جزء فالثانية

1d marklV
16 ميغا بيكسل
10 فريمات فالثانية
حجم السينسور 1.3

مواصفاتها للتصوير الرياضي و الحياة البرية افضل و احسن كيمرا لهذا المجال..و هاي اللي تستخدم فالملاعب


الان كيمرتي 5d mark ll
لأنها كيمرة فوول فريم.. يعني حجم السينسور فيها مب 1.3 و انما حجم 1.0

يعني فول فريم و الاحجام السابقة كانت كروب فريم..

استخدمها لتصوير الاستوديو و اللاند سكيب لأنه حجم السينسور فيها كبير..
و الفيديو فيها HD
هاي الكيمرا بالذات رغم انها صغيرة,,بس فعلها كبير,, و تستخدم لتصوير المسلسلات مثل مسلسل 24 على ام بي سي اكشن و بعض البرامج التيلفزيونية..
لأنها تصويرها فعلا فعلا راقي جدا خصوصا الفيديو..

المواصفات
21 ميغا بيكسل
3.9 فريم فالثانية و السبب انها فول فريم.ز و كل ما صغر الفريم قدرتي تاخذين فريمات اكثر فالثانية..
سرعة الشتر 8000/1
بالاضافة لمواصفات اخرى.. يمكن ما اتهمج حاليا

سعرها حدود العشرة الاف و اذا لقيتي مكان زين تصل ل 8 االاف عادي


بخصوص 1ds

تقريبا نفس المواصفات و في فروق بسيطة.. حاليا ما عندي المعلومات الكافية..

سعرها يصل ل العشرين الف..

و بخصوص العدسات .. هاي يبالها موضوع ثاني..

اذا قررتي بقولج شو تاخذين من العدسات و شو من القراءات و المواصفات اللي لازم اتحطينها فبالج قبل ما تاخذين العدسة

امم ان اشاء الله اكون افدتج اختي و اذا في اي استفسار ثاني انا حاضر

تحياتي بوفلاسه

ماشاءالله عليييك الغالي والله ما علييك زوود كفيت و وفييييت

fs انا مشكلتي فالشركه مب فأسم الكااميرا اي فئه
يعني كل كاميرا في كانون لها كاميرا مناافسه لهااا فشركة نيكون

انا متشااور على اللي عندك وعلى اللي في نيكون D700
والله كل ما اسير محل يقول لي كلام ثاني اخااف آآخذ شي واندم
ابي كااام تطووووووول عندي مب لازم مواصفات وايد المهم جودة الصوره


والصور تعبر ^_^

http://theonlinephotographer.typepad...10/5d2d700.jpg


http://theonlinephotographer.typepad...debyside_2.jpg


http://theonlinephotographer.typepad...2/10/above.jpg


http://cache.gawkerassets.com/assets...out_main_0.jpg


http://farm4.static.flickr.com/3442/...39f_z.jpg?zz=1


http://farm4.static.flickr.com/3058/...09600c4a_z.jpg


http://cache.gawkerassets.com/assets...omp_800_01.jpg






كااانووون & نييكوووون

انا ابا اخذ بعد بس محتاااااااااااااااااااااااااااااااارهـ

ابا نيكوون بس قلت باخذ كيمره عاديهـ وعدسهـ احترافيهـ مثل ما قلت اخوويه بوفلاسهـ

بس تقدرون تفيدوني عن نيكون d3100 اووكي ولا لاء شوو الزين وشوو اللي مب زين ..

انا اوف ان الثنتين اوكيييك ومواصفاتهم ممتازه

الصراحه شراتي احترت بين كانون ونيكون
بس فالاخير اخترت نيكووووون

اممم انا اقول اختار النيكووون خيو وتوكل ع الله

والمواصفات ماعرف لان الكام اللي عندي هب نيكون d700 انا عندي نيكون d3000

واااااااااايد حلوة مواصفاتها =)

السموحه خيو