|
قصة حب حقيقية والامل فنفس الوقت لكم .. وبداية ً حبيت أقولكم ان القصة مكتوبه على إيد اخوي ( رعبــــــــــوب ) ... في المنتديات الاخرى مب هني طبعا ففضلا ً إذا بودكم تنقلون القصة .. للحفاظ على حقوق الكاتب . فمن الواجب ذكر المصدر واسم الكاتب ومشكوريــــــــن .. و اتمنى منكم الاستجابة للطلب .. وهذي القصة حصلت لأقرب الناس لي عسب جي حبيت انقلها لكم .. وهذا مضمون القصه : ( بشاير ) و ( علي ) أهم الشخصية الرئيسية فالقصة .. فأيام ماكانت بشاير في سن 17 .. تعلقت واااااايد فولد عمتها ( نواف ) وحبته حب ماله اول ولا آخر .. وولد عمتها نواف اكبر منها بثلاث سنوات .. وهو بادلها نفففس الشعور .. فدايما ً كانت تدور أي فرصه تجوفه فيها .. ودومها مرتزة فبيت عمتها والسالفه انها متخبله عالريال .. وهو ريال طيب وعلى نياته .. وكفاية انه جماله وحسن سلوكه غطوا على شخصيته .. فما تنلام ليش انها حبته .. لكن مثل ما يقول المثل ..لا الفرح دايم ولا الحزن دايم ... فيا اليوم اللي كبر فيه ( نواف ) وصار لابد انه يشتغل .. ففضل انه يسافر بعثة لبريطانيا.. و مع السفر كللل شي تغير دامت مدة سفره 4 سنين ... من عقب ما سافر .. اتصل لبشاير يطمنها عليه .. اهو اتصال وااااااااحد وبس .. ومن عقبه نسى كل اللي كان بينهم .... كل شي .. لا خبر ولا حتى رساله تتذكره فيها كل اللي عطاه لها صورته و كاتب عليها ( المغترب ) .. تمر الأيام و بشاير بلهفة لنواف .. فخاطرها تسمع صوته .. تعرف شو صار له ..؟ ليش كل هالغيبه .. مرت سنتين على سفره .. و مثل ما يقولون اللي بعيد عن العين بعيد عن القلب .. لكن هالمثل ما آمنت به بشاير ولا فكرت فيوم انها تنساه .. رغم كل اللي سواه وياها .. كبرت بشاير .. وصار عمرها 19 سنه .. والكل طالبها ويبه يخطبها .. لكن الأهل مب موافقين ، والسبب ان البنيه متمسكة بولد عمتها .. فبيوم من الأيام .. ياها اخوها الصغير وبيده رساله .. المسجين مايدري شالسالفه و إهي اكبر وحدة فالبيت .. فناولها الرساله وقالها : بثاير .. مادري ثفت الورقه هذي فوق الثطوح .. فيها كلام .. مادري ثو انتي اقري ثو مكتوب !!... قرت بشاير الرساله واهي مصدومه ... يا ترى شاللي كان فالرساله ؟؟ ومنو اللي كاتب هالرساله ؟؟ وشالسبب ؟؟ كل هذا بتعرفونه فالجزء الثاني انشالله [hide]false[/hide] |
مرحبا بجريح العين القصه مشوقه واتمنى انك اتنزل البارت الثاني شوقتني ابا اعرف التكمله |
فيني فضول بموووت هههههههاااي جريح خيووو نزل البارت الثاني ابسرعه وتسلم |
تسلم والبارت الثاني لو سمحت وشكرا |
نااايس القصه وين التكمله؟؟ |
وين التكمله ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
حلووه .. يااليت تكملهـــــــآ |
مشكور وما قصرت عساك على القوه |
nice ... .. |
القصة وايد حلوة واتمنى تنزلينها بسرعة وشكرن |
وين التكمله ترا القصه حلوة بليز ابا اعرف شوة بيصير |
ثانكس اخوي القصه نايس بس وين الجزء الثاني ابا اعرف شو استوا اتحمست هع |
ييييييييييييه وين التكمله وايد تحمسسسسسسسسسسسسسسسسسسسسسست |
بلييييييييييييز وين التكمله واااايد متشوقه يا ليت بس تكون نهايه سعيده |
ثنكس عالقصة .. في انتظار التكملة ^^ |
القصه وايد حلوه |
القصة بداايتهاا طرييشن ~ يلا ويين التكمله ترااني واايد متحمسه |
وووووووووووووووووووووووووين التكمله يله وااايد متشووقين نعرف شو صاار بليييز اخوووي لاتتاخر علينا |
جرررررررررررررررررررررررررررريح العيييييييييييييييييين طلبتتتتتتتتتتتك كلم خووووووووويك حبييييتهااا القصصصصصصصصصصصه والفضوووول ضرررب 100 دخيلك ديخلك |
حلو هالقصه ابا اعرف الباقي |
وين التكمله لان القصه وايد مشوقه |
تسلم اخوي ع الطرح وانا قاريه هالقصة وآآآآيد حلوه فاتمنى انك اتكملها |
ويــــــن التكمللله بليييييز كملووها لاني اتشوقت اعرف شو بااقي القصه ^^ |
مشكوووور أخووي القصه ^^ |
ويين الجزززء الثآآني.." انا مندمججه.." |
وهذا الجزء الثاني |
الجزء الثالث فإهي حطت فبالها شخص معين .. من عيال الجيران ... لكن اللي غييير رايها .. انها الرسايل اللي استمر يطرشها لها يكتب فنهايتها اول حرف من اسمه ... فعرفت انه هب اللي فبالها .. فمع الأيام ... قام يراقب متى يظهرون الأهل من البيت ويستغل الفرصة .. ويتصل لبيت هل بشاير فدامها اهي اكبر وحدة .يعني اهي اللي بترد على التلفون .. فرن التلفوووون ... تررررررررررررررن ترررررن !!!!! وردت عليه بشاير ... :ألووووووووو ......... تسمع صوت هادي .. و بالصعوبه تلتقط كلامه .. ألوووو السلام عليكم بشاير : وعليكم السلام والرحمة .. نعم أي خدمة خويه ؟ ؟؟؟ : أي خدمة ؟؟ والله انا مب متصل لكفتيريا والا مطعم والا .. بشاير : لو سمحت حسن ألفاظك ، واذا متصل تبه خويه .. تراه مب موجود وتقدر تاخذ رقمه من أي واحد ،، و ان كان فنيتك تأذينا ، ترى ما قولك غير ، استح على ويهك ، تأذي الناس .. ما عندك خوات تلمهن وتغار عليهن ، ما عندك أهل يعلمونك شقا تتعامل ويا الناس ؟ وتصك السماعة فويهه فبداية اتصالاته المتكررة كان يختبرها ... لكنها دوووم تصك السماعة فويهه واول ما يوصلون اهلها تخبرهم عن السالفه .. والوالد اظايج من السالفه ... و فخاطره يعرف هالريال ويسجنه بعد .. لأن اتصالاته اتعدت 20 اتصال فاليوم ومسبب للكل ازعاج .. لكن كل مرة يحاولون الأهل يعرفون هالشخص اللي مأذنهم ما يقدرون لأنه دوم يتصل من كباين ..( هواتف عموميه ) وفـ مررررة اتصل نففس الشخص ... واللي ردت عليه ( بشايــر ) بشاير : ألووووو !! ؟؟ : يا مرحبا الساع والله ، يا مرحبا ببنت الحسب والنسب ، ويا مرااحب ملاييين ولا يسدن .. بشاير : بدينا .. نعم ؟ خير انشالله ؟ منو وياي ؟؟ : اذا تبين تعرفين منو اللي يطرش لج الرسايل ... لا تصكين السماعة بشاير : شووووو ؟؟؟؟ منو انت ؟؟؟ وشو تبه ؟؟ و أي رسايل ؟؟ : أقولج ، أنا انا نفس الشخص اللي يرسل لج الرسايل .. بسسس اهو قال جي ... عرفته على طووووول ،، لأنه عنده عقده فحرف الراء .. (غاء ) يعني اكيد فهمتوا :d بشاير : منووووو ؟؟؟ علي ، قول ،، ليش ساكت ... ؟؟ : علي ؟؟ أي علي بشاير : قول بكل صراحة ، الصراحة حركة مب حلوة منك من بعد سكوووت طويل .. ردعليها وقال ؟؟ : والله لو أقولج شاللي فقلبي لج ، مستحيل تصدقين ! ما بجذب عليج وبدوخ فراسج ، بس انتيه تعرفيني زين ، و انا ما حب ألعب فذيلي ،،، هيه انا علي أنا علي اللي كنتي تسميني انتي والكل ( بالسفـــــاح ) .. انا اللي كل ما تحرش فيج أي واحد من الفريج ألعن له خير بوسلافه .. أنا اللي كل ما جفتي فلم تركضين وتخبريني .. أنا اللي كل ما غلطتي وخايفة من اهلج .... تركضين لي وتقوليلي ... انا اللي كل ما ألاقي وردة ....لازم اعطيها لج .. انا اللي كل ما احلم حلم .... أخبرج به .. وما خبي عليج أي شي يستوي لي ... انصدمت بشاير .. لأنه ذكرها بأشياء جدييييمة .. وناسيتها تماما ً و اهو ذكرها و رجعها لأيام الطفوله بشاير : بس بس بس يا علي بشاير : علي علي : عيون وقلب وحس علي .. تامرين أمر .. شو فخاطرج الغاليه؟ بشاير : لو سمحت علي .. هالكلام ما يمشي عليه ... غزل وكلام فاضي .. انا مش البنية اللي انت ادور عليها ... صح اني أحس يمكن تكون صاج ... لكن دخيلك .. لا تجيسني .. هذا شي راح وانتهى ... و انت كنت شي من الماضي ... شاللي رجعك ؟؟.... علي : لااااااااا يا بشاير شو هالرمسة .. انا لو ابه ألعب بذيلي أقدر ألعب على ستيييين وحدة ، لكن انتي غير بشاير : علي اذا انت صاج فاللي تقوله ......... انسى .... انسى انك عرفتني فيوم ، أرجوووك أنا أكبر من انك توهمني .. و تقص عليه وفالنهاية تخلني متعلقه بأمل مفقود علي : بشاير ... أنا علي اللي كنتي تعرفينه وما تغيرت .. أحبج أكثثثثثثر من أي شخص فالدنيا ،، انتي أهلي وناسي وكل دنيتي بشاير : علي اذا صاج فرمستك ، لا تتصل البيت مرررة ثانية ، لا تأذينا ، وانسى ان فحياتك وحدة اسمها بشاير و السموحه يا علي طراااااااااخ تصك السماعة فويهه ومن يومها ما اتصل ... بشاير فالحجرة ويا خواتها ،،، بشاير : مرايم ... شو فقولتج احينه ، علي صج يحبنيه و ما يجذب عليه ؟ مرايم : والله مادري به ،، ولادري اللي سويتيه به بيخليه ينساج او لا .. كل اللي اعرفه انه كان شيطاااااااان على أيامج ... مادري به احينه يمكن عقل والله هداه حصة : ريميه خلي بشوره على كيف كيفها ،،،،، تفكر فعلي وناسية ولد عمتها نوااااف ،، اللي على قولتها تحبه بشاير : حصووووه ،، تدرين ان نواف سافر ولا سأل عني ولا افتكر ، ما فكككككر يطرش سلام ويا خواته على الأقل وانا أحبه هيه احبه ، سوي نفسج مكاني ،، شو بتسوييييييين ؟ حصووه : والله انا واللي عليه سويته .. قتلج خلج منه ... بشاير : اوكي فيج الخير ،، زين سويتي يالله اسكتيه .. حصه : ههههههههههههه أمزح وياج ... بس صج حسيتج مهتمة فيه .. غريبه..مب من عوايدج بشاير وعلى وييها ابتسامة : انتي ما تيوزين عن سوالفج .. مب مهتمة ولاشي .. مب فايجه لمزاحج حصوه .. أفكار بشاير متشتته .... شاللي بيصير يا ترى .. وهل بتظل بشاير على هالحال ... وهل علي بيقطع اتصالاته وبينسى ؟ هل بتظل بشاير على حب نواف .. او ... كل هذا بتعرفونه بالجزء الرابع ... والسموحه |
تسلمين عالقصة ~ ربي يعطيج الف عافية ^^ في انتظار التكمله ... |
اعتقد انها بتحب علي وبنسى نواف لانه بالاصل نساها مشكوور اخوي ونترياك ع اخر من الجمر |
Amaaziiing |
القصةة طررر كمليييها |
اوكيه يسلموو بس ابى اعرف |
تسلم عالقصه |
القصة روووعة |
مرْحبَآ اخويّهْ القِصْصْهْهْ رَوْوْعَــهْهْ وبِإنْتِظآآر التَكْكْمِمِلهَ |
حراو قولي شو استوى بعدين |
وين تكمله عيبتني ^^ |
اللله طرر القصه وين التكمله |
يالله سبحانه وتعالى دخيلج كملي القصة |
بليييييييييييييييز كملي .. |
| الساعة الآن 08:06 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir