|
..| وينه الحب ووينه حنينك..؟!! " " السلام عليكم ورحمه الله وبركآته مساء النور والسرور.~ من شهر 4 ما كتبت شي ف الشعر ^.^ كح احم..ان شاءالله تعيبكم=) وكل شي اكتبه ما هو الا خيآلن في خيآل..:66: تقول نظره مني تسدك الشوق بي زادي ووصل حده لين متى هالحال بيني وبينك.؟! شهر ونصف الشهر قدني اعده وانت مبعدن عني وصلك وعينك كل ما قربت شوقي ابا مده وأحط راحة يميني في يمينك أشدها يمي وقلبي بالحيل اشده وأقول تعال بعوضك عن سنينك ألقى قلبك الجافي بابه يسده وين اختفى الحب ووينه حنينك؟ حبست الدموع وقلبي عنك ارده يكفي ماذاق من قسوة سكاكينك بحتفظ بذكرى حبك لي ووده وبذكر ذاك الصفا في جبينك تدري! وش يهز القلب ويكده لا ودك تبوح ويذبحك أنينك وسوآلم ان شاءالله نآلت على اعيآبكم:ast7eee: تحيآتي لكم.~ اختكم نظره مني تسدك..~ |
وعليكم السسلآم ورحمة الله ، مسساء الطيب والجمآل .. لآ أعلم هل هو حنين في وقت مبكر ..؟! أم حسره على من لم يعد له وجود ..؟! أم أن المحبه لم تذهب بعد ..؟! بين أبياتك تساؤلات عجيبه مغلفه برداء الحنين ، مع ألم عظيم ، يتخالط معه الأنين .. ورغم تلك التساؤلآت ، ما زلتي تريدين الإحتفاظ بالذكرى الجميله مع صرف النظر عن أسباب الغيآب ! ربما لآن الذكرى الجميله هي من تريح القلب أكثر .. بودي أن أقتبس كل حرف هنـآ ، حرفك جميل وسلس وإحساسك جداً عالي ومرهف .. أثق بأنكِ ستعتلين النجوم يوماً ما .. لك تقييمي أكيد ، وقبله على جبينك الطآهر .. |
السلام عليكم ورحمه الله وبركاته يا مساء الإحساس والطيبة :ast7eee: بصراااااحه رووووعه القصيدة أبدعتي فيها عيبني البيت الأخير وان شاء الله ما تلقين أنين فحياتج وتكون أيامج كلها فرح :d-uae0(1): نظورتي دومج مبدعه وسلم منطوقج ولا تحرمينا من هالزين وأكيد لج تقييمي لا عدمناج :ast7eee: |
، يآ هلآ ، تدري! وش يهز القلب ويكده لا ودك تبوح ويذبحك أنينك ، ، مآ شآء آلله عليج ، آبدآع ، كلآم جميل و رآئع ، مميزه و رآقيه و مبهرة ، . ذوق ، ربي يعطيج آلعآفيه ، . تسلمين ع آلطرح آلرآئع ، مآ تقصرين ، آشكرج ، و آشكر فنج ، ! |
السلام عليكم ورحمة الله وبركآته مسآء الخير .. * من طول الغيبآت جآب الغنآيم .. وآسميج يبتي الغنآيم اللي تسر النفس تدري! وش يهز القلب ويكده لا ودك تبوح ويذبحك أنينك رووووعآآآآآ يآ بنت .. شو هالابدآع و شو هالاحسآس المرهف .. آسميج يبتيهاآ ع العوق .. آستمري عنوني ع هالدرب و حآولي بين فتره وفتره تكتبين شي عشآن تتمكنين من الوزن والقآفيه بشكل آكبر ..* صح لسآنج حبيبتي .. تسلمين نظوره ويعطيج العآفيه لج تقيمي آكيد |
بحتفظ بذكرى حبك لي ووده وبذكر ذاك الصفا في جبينك تدري! وش يهز القلب ويكده لا ودك تبوح ويذبحك أنينك فناانه يانظورة قلبي ... وشهاادتي فيج مجرووحة والله.. وعشت معآآج جو وخيآآل القصيدة ياسلام غرقت في كلمااتج الغااوية .. وداائماً تجذبني عناوينج.. وينه الحب ووينه حبيبك ..؟؟ سألت نفسي السؤال وعشت مثل ما قلت لج الجو.. وتخيلت .. وتخيلت وسألت نفسي ياترى هل الأجوااء الخيالية الي في بالج يانظورة هي نفسها اللي رسمتها روحي بدوية.. ولا كل وآآحد فينا يعيش قصته الخيالة في عالمه الخااص.. جميل هو الخيال الذي نعيشه هذا ما يقال في علم النفس لإنه قد يكون تنفيس عن المكبوت والهروب عن أرض الوااقع .. فعيشي أجوااء الخياال يانظورة قلبي.. خخخخخ وأنا أتأمل أبيااتج وأعيش جو الخياال تذكرت أبيات من قصيدة محمد بن فطيس.. بعض العرب حبه يوردك الجنون ولا يوصف له غلاة احكاك له ما يقنعه وصف الغلا وش يكون لو كل حرف بالحرير يحاك له همسة في أذن نظوورة وبس : أختي الكريمة نظوورة أستمري في هذا الإبداع والتألق فصدقيني هذه الثرثرة التي يوصفها بعضنا لا يجيدها إلا رهيف الحس وذو المشاعر فليس كل من كتب أبياات أصبح شااعر وليس كل من كتب مقالة أصبح كاتب.. وأساسيات القلم لا تدرس في المدارس والجاامعات .. سر الكتاابات ونجااح الشعراء والكتاب أنهم يعيشون جو الخيال ويعيشون بقلووب لها أحااسيس تشعر لمعااناة من حولهم فيكتبون وينقلون معآآناة ومشاعر البعض.. ولا أظن إن كل من يمتلك موهبه الكتابة يكون غرضه فقط تعبيئة المساحات الفاارغة والثرثرة أو لفت الإنتبااه.. لا والله..!! فأغلب النااس الذين يكتبون يكون غرضهم وهدفهم نقل رسآآلة للعالم.. فأستمري ولا تقطعي عن هذا العطاء الذي يضيء سمااء ساحة محروم الشعرية.. ربي يحفظج ويستر عليج ويوفقج دنيا وآخره.. |
السلام عليكم يا لبيييييه ع هالكلمااات الغاااويه أممممررره يبتيهااااااا ع عووووقي بصراااحه شعررر وشعر فن بعد أبدعتي وربي تسلمين نظووووووووره ع هالأبدااااع استمررري ربي يعطيج العافيه لج تقييمي |
عليكم السلام ورحمة الله بحتفظ بذكرى حبك لي ووده وبذكر ذاك الصفا في جبينك صح السآنج الشاعره حقيقتن ابدعتي بس لو تبطلين من هالحزن بنكون بخير يعطيج العافيه و تسلم يدج ع هالكتابه الطيبه و لآآ تحرمينآآآ من اليديد |
السلام عليكم ورحمه الله وبركاته مساء الحنين , :1711: قصيده في غآيه آلروعه , تضم آحآسيس مختلفه شوق حب عتآب آنتظآر .! كلمآت تسطرت بمشآعر آنسآنه رآقيه بذوقهآ وطآبعهآ آلخآص مبدعه كآلعآده في كل طله , صح لسآنج ومن آيد مآنعدمهآ بآنتظآر يديدج .~ |
وعليكم السلام ورحمة الله وبركاته مساء النور والسرور يوم قلت لج شاعره ما ياز لج ,, صح لسانج يالشاعره ولا هنتي |
بحتفظ بذكرى حبك لي ووده وبذكر ذاك الصفا في جبينك تدري! وش يهز القلب ويكده لا ودك تبوح ويذبحك أنينك حلوة الابيات صح لسانج وبيض الله ويهج حلو الانسان يعيش الخيال ويعبر عن مواقف يمكن يمر بها اي شخص تسلمين ع الابيات الجميلة ويسلم منطوقج نتريا الزود من صوبج ختيه نظره |
السلآم عليكم ورحمة الله وبركاته ، صباح الشعر .. ألقى قلبك الجافي بابه يسده وين اختفى الحب ووينه حنينك؟ عن نفسي للأول مرة اقرى من سطور بوحج. . لا استطيع ان اقول غير الابداع ينافسج، سلم منطوقج . . ابدعت اناملج .. لاتحرمينا من الجديد ، سطورج تستحق المتابعه والقراءه لكي تحياتي وتقديري محروم .. |
|
" لي عوده بالرد عليكم ان شاءالله :) |
صح السانج والى الامام ان شاءالله |
اقتباس:
مسآء الشوق ووالوله..~ 3 وحده :unsure: اللي يحب صعب ينسى..؟ واللي نسى..هذا دليل انه ف الاسآس مآ حب :thumbdown: الذكرى تششفع للبعض..؟ خصوصا ان الرحيل اتى بدون سآبق انذار لذلك لا يوجد شي يششفع لهم سوى الذكرى..حتى لو كآنت مؤلمه.. صحيح :( تسلمين يا قلبي ع هالمرور الغآوي احم ما عليج زود :mxinthgnwzmhqn0vrjy كل الشكر ع المرور العذب..حيآج الله..~ |
اقتباس:
عليكم السلام ورحمه الله وبركآته يا مسآء الذوق يآذوق :191: عيونج الروعه فديتش../ من ذوقج يا بعدي آمين ويآكم ياربي.. يسلملي راسج غلايه..:mxinthgnwzmhqn0vrjy ان شاءالله./ لا عدمت وجودج حيآج الله...~ |
اقتباس:
هلا بج زوؤؤود.. تسلمين من ذووقج ربي التميز تعلمنآه منكم يطولي بعمرج يعافيج الرحمن ويسسلمج الشكر لج يا شوشي ع هالمرور الفن حيآج الله..~ |
وعليكم آلسلآم ورحمه الله وبركآآته صح إلسآنج.. وان قصدتي هالبيت عالعلن "حبست الدموع وقلبي عنك ارده يكفي ماذاق من قسوة سكاكينك" وقفت معي جمهور وصفقت لج..يعني ضرب عالصميم بالقو عجيبة ذي..سكاكينك.. أبدعتي يـ نظرة..بآلحييل لج مني تقيييم |
يسلمو يااختييي الغاليه كلمات روعه صح لسان القائل وسلمت ايادي الناقل وننتظر المزيد &&& إخواني الشعراء واخواتي الشاعرات مشاركاتنا في هذا القسم بالقصائد النصيه والمسموعه والخواطر تضفي عليه النور يا حلو الايام لو ترجع على كيفـــــــي ما كان قلبي شـكى فـرقا مواليفـــــــه كانـوا بقـربي ولا يحتـاج تكليفـــــــــي واليوم راحوا ودمعي صعب توقيفـــه @ الودعاني عاشق الريان القطري @ @ AL wadaani Old Rayyan of Qatar @ |
عليكم آلسلآـآم وآلرحمم’ـةة وآلآـآكرآم ,.! صح لسآنج شآعرتنـآ آلمبدعه دوم / نظورةة ,.! قريت آلقصيد آكثر من مررةة وبغيت آختـآر بيت وآحـد يكون قريب من قلبي ,.! وبعديييين آكتشفت شي ,. وهو آنه : كل آللي تكتبـه نظورةة يكون قريب من آلقلب وآلعقل ,.! تدرين شلون’؟ بآلآـآول قلتي ترى كل آللي آكتبه مآ هو إلآـآ خيآلن في خيآل ,.! بس وآنآ آقرآ آلآـآبيآت نقلتيلي آلشعور على حقيقتـه < آللي مآ هو إلآـآ خيآل ,.! وهنيـه يبين إبدآعج فـ آختيآر آلكلمـآت وتنسيق تتآبع آلآبيـآت ورآ بعضهن,.! صج إبدآعج بلآـآ حدود ومآ شآ الله كل يوم يزود < فرحت آنآ ع هآلكلمتين يوم طلعن ,خخ ألقى قلبك آلجآفي بآبه يسدهـ , !! وآنتي قولي [ وآنآ آلنظرةة مني تسدهـ ] < يالله منآك ,هع ربي يسلم يمممم’ـنـآج ع آلطرح آلروعةة ,.! ولعيونج آطلللللللق تقييم ,.! بآنتظآر آليديد ي بعععدي ,.! |
وعليك السلام والرحمه يا الغالي احييك على الابيات الروعه والتعبير الاروع حتى لو هي خيال بس انا اقولك حاول تكتب من حياتك وواقعك انت بتشوف انها بتكون اقوى بكثيير عالعمووم لا هنت الغالي ربي يوفجك والى الامام دووووم السموحه ع القصوور تقبل مروري بكل وود خويك يوســــــ العازبي ــــــف |
| الساعة الآن 02:04 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir