|
هل هذه هواية أم إنتحار !!! السلام عليكم ورحمة الله وبركاته صباحكم / مساكم ورد جوري يا أحلى أعضاء :blushing: شخباركم عساكم ما تشكون باس :) اليوم موضوعي مختلف وبنتكلم فيه مطول وهي إحدى الهوايات اللي ينجذب إلها أغلب الشباب لكل شاب هواية منهم من يتطرق للشعر ومنهم من يتطرق للرياضة ومنهم من يتطرق لهوايات أخرى أما هذه الهواية برأيي انتحار وليست هواية ألا وهي هواية استعراض السيارات (التخميس ) وانتشرت بشكل كبير فدولتنا. الدولة ما شاء الله ما مقصرة وفرت الحلبات في أماكن مخصصة للقيام بالاستعراض ومنها الحلبة الموجوده فعوافي في رأس الخيمة وياليت تقيدوا الشباب في هالأماكن فقط ولكن للأسف قاموا يستعرضون حتى في الشوارع العامة :no_6: ويتسببون فحوادث لعامة الشعب :1: الحوادث يوميا تصير في الحلبات فما بالكم بالشوارع العامة . برأيكم يا أعضاء هل ترون هذه هواية مناسبة لأبنائكم في المستقبل ؟ وهل هناك إيجابيات من هذه الهواية ؟ وكيف نقلل من الأضرار اللي ممكن يتعرض عليها الشباب من هذه الهواية؟ في انتظار أرائكم :blushing: |
~»الـسـلـآم علېڪم و رحمـﮧ اللـﮧ و برڪـأإٺـﮧ . . ېا مرحبا عدد ما هب مڼ الهوا هباېبـﮧ \\\\\\\\\\\\\\\\\\\\\\\\\\\\\\\ ېامرحبا عدد ما سطر فې الصحف ٺسطېر . . ~ . . شحــأإلج .الامبراطورة؟! . !!؟؟ عـسـأإج بصحـﮧ و سـلـآمـﮧ و مـأإ ٺشڪـين مڼ بـأإس . . ~ . . مشكورة ع الموضوع الجميل وماقصرتي ابصراحه ف طرح هالموضوع النقاشي والمميز .. وأنا عن نفسي هب من طبعي أرد ع المواضيع النقاشيه إلا مرات .. ولأني من أصحاب هالهوايه قلت ما بظهر من الموضوع الا وأنا مبصم فيه *__* . . تعتبر هالهوايه خطيرة .. ويمكن يؤدي خطأ بسيط إلى حدوث كارثه ومشكله ونحن ف غنى عنها .. وماشاء الله على دولتنا ما قصرت فتحت لنا من أفضل الحلبات للاستعراضات .. وبتنظيم عالي وبمشاركه الجهات المختلفه من شرطه والدفاع المدني والاسعاف .. وأنا ما أمنع الشباب من هالهواية بشرط أن تكون منظمه ومتوفر فيها كل وسائل الأمن والسلامه وفي موقع مخصص لها . أما بخصوص ممارستها بعيدا عن الشرطه واللجنه المنظمه في النهايه هم اللي يتحملون النتيجه وما ينتج عنها من ضرر أو وفاة لوسمح الله ومن هالموضوع أحب أسدح لكم كم من صورة من هوايتي والسموحه لأني طولت عليكم أخوكم / خالد مذلل الصعايب http://up.z7mh.com/upfiles/d6185342.jpg http://up.z7mh.com/upfiles/e2a85342.jpg http://up.z7mh.com/upfiles/yky85342.jpg http://up.z7mh.com/upfiles/ovb85342.jpg |
وعليكم السلام ورحمة الله وبركاته موضوع شيق ويعبر عن شريحة عريضة من المجتمع وهواية سباق السيارات والتخميس والتدوير بعد التزويدهي هواية خطيرة اقول عنها هواية لانه مب كل واحد يتقن هالحركات باحتراف وخطيرة لانها تتسبب في وفيات وعلى اقل تقدير اصابات او اعاقات في بعض الاحيان http://www.youtube.com/watch?v=byAytbqcaKI هل ترون هذه هواية مناسبة لأبنائكم في المستقبل ؟ لا طبعاً هذي الهواية ما تناسب ابناءنا لسبب بسيط انه نحن ما نتمنى لهم الا كل خير وما نهديهم الموت بايدينا (ولا تلقوا بأيديكم إلى التهلكة) والخطأ مب من الابناء بل كل الخطأ من تربيتنا لهم لانه عودناهم على الالعاب الالكترونية العنيفة والمواد اللي تحوي على سباقات السيارات واللي يضطر فيها البطل انه يسرق وينهب عسب سيارة ويموت ويحيا الف مرة ويتسابق ويفوز في النهاية يعني الطفل يتشبع بدوره الاسطوري الالكتروني وينفذه يوم يكبر في الشوارع لكنه ما يفرق انه الواقع يختلف بعيييد وايد عن الخيال والله شيء مخزي بصرآحة كأنهم يتسآبقون للموت وهل هناك إيجابيات من هذه الهواية ؟ نعم لها ايجابيات اذا تم تقنينها كهواية ورياضة لها قوانينها ومعترف بها من الدولة وايجابياتها مثلا: *انها تنفس عن رغبة الشباب وتحميهم من الحوادث اذا كان لهم مكان محدد يجتمعون فيه وجوائز مجزية تشجعهم على الابداع وتشغل وقت فراغهم في شيء يحبونه فشيء اكيد الكل يجتمع في هالمكان ويلتزم بالقوانين ويبدع في هوايته وما شاء الله الدوله ما قصرت افتتحت حلبة ياس وعوافي وفعاليات في تل مرعب وتل الساد وانا ضد هالشي إذا كآنت فيه خسآرة للاصدقاء وخسآرة المآل وخسآرة الروح وهي الاهم وانا ضد المستهرين واللي ان نصحتهم يقولون لك : احرق الروح قبل لا تروح http://img.youtube.com/vi/mStfcf-gLh4/0.jpg وكيف نقلل من الأضرار اللي ممكن يتعرض عليها الشباب من هذه الهواية؟ المفروض تكون رقابة من الأهل ومن الحكومة والمفروض انه الجهات الرقابيـة تراقب أصحاب كراجات التزويد الي يزودون مواتر الصغارية وهمهـم البيزات بس واللي يبي يزود موتـره تزويد كامل من ناحيـة المكينة أو التوربو لازم ياخـذ ترخيص ويكتب السبب الي يبـاه إذا كـان في البــر أو في الحلبـة .. يعني المفروض يكون موضوع التزويد له قوانين صارمة وصاحبه محاسب من الشرطة أمـا إذا كـان سباق شوارع يتصادر موتره وليسنـه بعد وتنفرض عليه غرامة لأنـه يعرض روحـه وأرواح النـاس للخطــر قصيدة جميلة للمري الموت تالـي العمـر والدنيـا مقيـل ............ والآخرة هـي منتهانـا لا مـحـال وأعمال كل إنسان لـه منهـا حصيـل ............ توضع على الميزان وان ما مال .. مال وديني وحب النـاس والخلـق النبيـل ............ ثلاث هي دربي إلـى حسـن المئـال ما هي بلحية شـوق للطـرف الكحيـل ............ لا ذكّـر العقـل الجـوارح بـالـزوال الله يقـدرنـي عـلـى رد الجمـيـل ............ والله يجمّلنـي الـى جالـي مـجـال مشكورة ع الموضوع وتقبلي مروري :10: |
السلام عليكم والله مووضوعج حلوووو بس أول ما شفت العنووان ع بالي بترمسين عن التدخييين ودامج رمستي عن التخميس ززين بعد يبالناا نقااش حوول هالموضوع التخميس وايد أنتشرر ف هالفترررة لدرجه حتى اليهال الصغاار قاموا يتابعون هالأشيااء ويحاولون يقلدوونهم مثلآ أنا مرة كنت راكبه ف موتر خالي وكان وياناا عياله الصغاار وتمووا يصارخوون ع أبووهم يلا خمس وما أندل شوو والمشكله الأبوو عاادي بيخمس بدوون ما يحسب حسااب حق هالشي يعني من ووجهة نظرري يوم قالوله جي المفرووض ما يخمس لأنه أحس هالشي ورااه مشاكل عقب واليهال بيتعلموون شووي شووي منه وهالشي هب من مصلحتهم هل ترون هذه هواية مناسبة لأبنائكم في المستقبل ؟ بصرااحه لاا,,اتمنى أنه عيالي ما يحبوون شرات هالاشيااا لأني اشووفهاا أنتحاار وهوايه ف نفس الووقت هووايه:الشخص يحب شرات هالمغامرات وعسب جي يخمس ويحاول يثبت عمره جدام اللي ينافسوونه أنتحااار:مع مروور الوقت وبكثررة ممارسة هالمغاامرات بتكوون خطيررة ع النفس البشرريه (مب كل مرة تسلم الجرررة) يعني اذا ربي نجااه مرره,,ممكن أن المرة الثانيه يروح فيهااا ويمووت وهل هناك إيجابيات من هذه الهواية ؟ أنا من وجهة نظري ما أشووف لهاا أي ايجابيااات مع أنه لكل شي ايجابيات وسلبيات بس أحس التخميس ماله ايجابياات يعني هووايه خطيررره ع النفس البشرريه والانسان اذا تم يمارسهاا وايد ويحبهااا خلاف ما يعلم شوو بيستوويله يعني لين متى بيتم يمارسهااا؟؟ وكيف نقلل من الأضرار اللي ممكن يتعرض عليها الشباب من هذه الهواية؟ -الشخص لازم يكوون حريص مع نفسه ومع النااس يعني يحاول ع قد ما يقدر ما يضرر حد -يفضل أنه يمارس هالهوايه ف الحلبات الخاصة بهااا هب ف الشووارع العاامه لأنهاا خطرهااا أكثررر ف الشووراع العاامه ع العمووم مشكوورة ع الطرح المميزز ربي يعطيج العافيه تستاهلين التقييم |
اقتباس:
وعليكم السلام ورحمة الله وبركاته مساء النور والسرور والخبز اللي في التنور وفول من حدائق كاليفورنيا ^^ أنا بخير .. عن نفسي وما اتكلم عن غيري ^^ اقتباس:
أول شيء .. مبروك إنج قررتي تكتبين شيء من زمان يالس انتظر أشوف لج موضوع انتي واختي الجود كل مرة أشوف ردودكم، زين هاليوم نشوف لج موضوع جميل للغاية في البداية لازم نتفق على شيء واحد وهو هل هي هواية ؟ ام انتحار ؟ الجواب/ هي هواية وانتحار في نفس الوقت هواية .. لو كان التنفيس عنها ضمن حلبة السباق وبإشراف الجهات الأمنية عليها انتحار .. لو كانت في الشوارع العامة وبين الأحياء السكنية وبدون وجود مستلزمات الأمان اقتباس:
صحيح، الدولة ما قصرت سوت الحلبات سواء في الشارع أو على الرمول عسب يستانسون هالناس وما يسببون لأنفسهم الخطر أو لغيرهم منها مثل ما ذكرتي في عوافي، ومنها في الساد ومنها في أم القيوين ودبي وحتى حلبة ياس في أبوظبي .. اقتباس:
اقتباس:
أكيد هالهواية خطر جدا وبخطأ بسيط ممكن أن تؤدي إلى انقلاب أو انفجار السيارة بمن فيها خاصة إنها عادة ما تكون "مزودة" بغاز النيتروس وغير الغازات والتعديلات الأخرى طبعا الشرطة ما مقصر معاهم في الشارع وسيارات التحريات موجودة في كل شارع للإمساك بهؤلاء المستهترين بآداب الطريق. ورغم ذلك إلا إنهم يجدون الملاجيء لممارسة هواياتهم في الأحياء السكنية والشوارع الطويلة التي عادة ما تخلو من سيارات الشرطة اقتباس:
أكيد لا، لأني لا أنا ولا واحد من إخواني لنا خص في هالسوالف حدنا تقطيع في البر ^^ يمكن دعاس، وسرعة أما "تخميس، شل على تايرين" هالسوالف نتركها لأصحابها اقتباس:
إيجابياتها قليلة جدا ... لكن أهم إيجابية إنه ممارسة هاي الهواية في الحلبات تنفس عن الكبت الموجود لدى أصحابها وبالتالي يكون الضغط النفسي عليهم قليلا إذا ما تواجدوا في الشوارع اما السلبيات فحدث ولا حرج اقتباس:
أنا اقترح ولو إنه اقتراحي هذا موجود في بعض الاماكن 1. اشتراط وجود مستلزمات الامان للسائق قبل ركوبه السيارة والبدء في "التفحيط أو التخميس" 2. إعادة توزيع جوائر مادية و قيمة للذين يقومون بسياقة سياراتهم بشكل ملتزم خاصة بين الشباب. 3. عمل ورشات عمل توعوية من مخاطر هذه الهواية باستمرار .. تقريبا هذا اللي قدرت اظهره من رأسي بالنسبة للاقتراحات :) خلاصة القول: هاي الهواية خطيرة جدا ومميتة في اغلب الأوقات، والأفضل أن يتم الابتعاد عنها وإغلاقها، لكن هي شر لابد منه على الأقل يمارس الشباب هواياتهم بشكل آمن على أنفسهم وعلى الآخرين طرح جميل جدا إختي العزيزة أبدعتي في اختيار الموضوع وعتبي البسيط هو إني كنت انتظر رأيج في الموضوع قبل كتابة التساؤلات :) يعطيج ألف عافية وتستاهلين التقييم |
السلام عليكم ورحمته الله و بركاته صباح و مساء التخميس .:183: ما شاء الله اختار رائع لها موضوع بس من وجهة نظري هي هوايتي المفضل أحب التخميس .. إنشاء الله ما أخمس في هذا موضوع .. أول شئ هذا فيديو بعنوان تخميس وتحدي بين شباب ( خمس خمس خمس و تشوفين شطاره ) أحم احم نرجع لي موضوع اقتباس:
في هذا النقط لي كل جيل موال يعني لهم تصرفات تختلف عن تصرفاتنا شرات نحن ما نشبه في طريق تفكيرنا و حياتنا و تصرفاتنا ...ألخ عن تصرفات إبائنا و أجدادنا . و انتي تقدرين تلاحظين هذا بنفسج صح ..؟. اقتباس:
لأني اعشقها بخبرج هو اطلع العصبية أو حصل مدح و بس .. في دوافع تشجع الشباب ع التخميس .. .1) و جود مسابقات و جوائز مالية كبيره و حصول ع قلادات ذهبية و فضيه . 2) قنوات الفضائية بث مباشر 3) وجود برنامج بقيادة فريق عمل أماراتي كيف يزودون السيارات و غيرها . و كل هذا الأسباب و تبين تقليل من التخميس ..( :78:) و جود من يحاول أن يقلل من هذا التخميس . 1) كل من يدخل الحلبة يخرج بمخالف و قدرها 500 درهم ( أذا ما خاب ذاكرتي ) و أذا لم يدفع المخالف حجز المركبة ( السيارة ) أو سحب الليسن 2) و جود رادار في كل أماكن هذا يقلل من سرع أو التخميس .. مب شرات أول رادار في الأمارات ( صراحة حتى عمي بشوف هذا رادار ) و حين كل واحد مفتح عيون ( حتى لو تشوفين ب تضحكين ) و فجأة نسمع رسالة تم مخالفة ( :184: ) 3) أذا حدث حوادث في الحلبة الوكالة أو البيمة ما تصلحها أبدا ..( إذا ما خاب ذاكرتي ) احتمال أنا ضدج أنج تقولين انها انتحار .! أو سبب من اسباب انتحار و غير ..! بعكس بدل الواحد يخمس في شارع و تروح حياة الناس . و ممتلكات عام أو خاصة . و جود الحلبة وفرت الكثير يمكن هذا إيجابية يعني تحمي حياة الناس . و حياة الشخص بروح معرض لي خطر مب الكل و لي يخاف يروح بعيد هي هواية بس يمكن أغير رأي لو أحد يقدر يقنعني أنها ليس هواية ..!! :12: همسه : أنا بس أشوفهم ما أشاركهم أبدا ..( :522:) تسلمين ع الطرح الغاوي .. و نترقب كل يديدج و لج مني أحلي تقيم . |
" السلام عليكم ورحمه الله وبركاته يسسعد مساج خويتيه :blushing: جيف حالج حبيتي ان شاءالله اووكي شرآتي ^.^ بالنسبه للموضوع شسمه هو يعتبرونه من يرتاد هالهوايه الانتحاريه انها مجرد للتسليه فقط.، ما يدرون ان لو صارلهم شي في ناس بتتعب وناس بتحزن وناس بتتاثر ان صارلهم شششي لا سمح الله والله مجرد اتخيل كيف لهم قلب يمارسون هالشي ولا اشوفهم ../ احط ايدي على راسي.. والله راحت ارواح في هاللعبه وراحوا شباب صغار..:( بس ابدن محد يتعظ من تجارب غيره.. يا قوات قلوبهم بسسس هو في حلبات بس بعد خطيره..يعني يطلعون يبال وحاله وان انجلبت بهم السياره شو الفايده..ولا شو فايده هالهوايه العبيطه بالنسبه لي..ان شااءالله ف المسستقبل ما بخلي عيالي يمارسون هالهوايه الا اذا ابوهم يحبها غير هههه لول بس ان شاءالله لا أي ايجابيات..؟!! والله آخرتها بييون كل واحد متكسسر وحالته حاله..ليش هالعباله نقلل مثل ما قآلوا للاخواان ما قصروا..بس يا ليت كل وآحد قبل لا يتهور يفكر في اهله..والله جدد.. والله يهديهم ان شاءالله تسلمين ميمي ع الطررح الطيب بالتوفيق لج ان شاءالله عسآج ع القوه.~ |
اقتباس:
وعليكم السلام ورحمة الله وبركاته يا هلا ومرحبا تمام والله مرتاحين ^^ اقتباس:
العفو والله هالشي من ذوقك :) وزين يوم إك شاركتنا لأول مرة وان شاء الله ما تكون الأخيرة الله يعين يوم إنك من أصحاب الهواية ما أحبها :sad: اقتباس:
اقتباس:
المشكلة إنك قلت خطيرة وانت من هواتها دام جايفنها خطيرة ليش ما تترك هالهواية دورلك هوايات مفيدة أبرك صحيح الدولة ما قصرت ووفرت كل وسائل الأمن الإسعافات لكن كم بتلحق لو حصل أكثر عن حادث فنفس الوقت ما بتقدر تنقذ الجميع فنفس الوقت بالتالي بيكون في ضحايا المفروض تكون التوعية في البداية من الأهالي لأبناءهم في سن صغير وتوضيح مخاطر هالهواية مب يوم كبر الياهل وهو متولع بهذي الهواية يايين تنصحونه فسن المراهقة لأن نصايحكم في هالوقت غير مسموعه والكلام ضايع معاهم :sad: اقتباس:
اقتباس:
يعطيك العافية عالصور بس بعدني عند رايي دورلك هواية ثانية عالأقل فكر بأهلك اللي يخافون عليك :sad: وثانكس عمرورك :001_rolleyes: |
اقتباس:
بالنسبة لي أعتبرها انتحار انت قلت هواية لأن مب كل حد يتقن هالحركات وفرضا اهوة محترف ولكن أدى بنفسه إلى الموت شو ممكن نسمي هالشي مات شهيد للأسف لا بيكون مات منتحر ومن مات منتحرا لا يدخل الجنة :sad: اقتباس:
اقتباس:
الفيديو رووووعه يعطيك العافية عليه بس ياليت الشباب يتعضون منه :sad: اقتباس:
اقتباس:
اقتباس:
أخ السردال انت قلت نقطة وايد مهمه واهيه الألعاب الإلكترونيه اللي يلعبون فيها الأطفال وحتى الكبار بصراحة كلامك عين العقل هاي الألعاب وايد تأثر في الطفل وتخليه يقلد هالشي في الواقع يعني بيكون الغلط الأساسي في الأهل وأنا سبق وقلت إن المفروض تكون التوعية من الأهالي في الصغر لأن لو كبر الطفل ما بتقدر تتحكم فيه وفي مواهبه وأتمنى من كل الأهالي إنهم يراعون هالنقطة ويحافظون على عيالهم لأن عقب ما بينفعكم شي لو خسرتوا عيالكم:( اقتباس:
اقتباس:
انت قلت إيجابية إن الشباب ينفسون عن رغبتهم وهالشي صحيح والدولة أصلا ما بتوفر للشباب هالحلبات إلا لسبب واحد عشان تمنع تهور الشباب في الشوارع العامة بالرغم من خوفها على حياة هالشباب من هذي الهواية الخطيرة والدليل توفيرها لكل وسائل الأمن والإسعافات عند الضرورة لكن شو بتفيدكم الجوايز من هالمسابقات لو متوا أو صرتوا معوقين ما أضن بتفيدكم والإنسان ما بيحس بنعمه ربه إلا لو خسر شي حبيت أعلق على هالجملة احرق الروح قبل لتروح يا ترا بينقال هالكلام فيوم الحساب وإلا لا ما أضن :f048: اقتباس:
اقتباس:
اللي يخاف ععياله يعلمهم من البداية أفضل ويبعدهم عن هذي الهواية ما عليك زود اقتراحات جميلة ولو يمنعون هالشي بالمرة أحسن :smilies-113: اقتباس:
اقتباس:
اقتباس:
يعطيك العافية عالقصيدة ربي لا هانك وألف شكر لك عمرورك وتقييمك لا عدمناك :) |
اقتباس:
وعليكم السلام ورحمة الله وبركاته تسلمين من ذوقج اختيه :) اقتباس:
أشكرج اختية همس أشرتي لنقطة مهمة وألا هي إن الأهل هم بالأساس مشجعين على هالشي وللأسف منتشر وايد بأطفال عمرهم 3 سنين و 4 حرام ولا بعد يخلونهم يركبون دراجات وهم فهالعمر ياما حوادث صارت بسبة هذي الدراجات ولا يتوبون :( اقتباس:
جوفي اختيه همس الطفل انتي تقدرين تتحكمين فيه من الصغر تنبهينه على الأشياء الغلط من البداية وأي أم وأب قدروا يتحكموا بالياهل من الصغر ما بيتعبون في الأخير علموهم الصح من الغلط والشي اللي بيفيدهم واللي يأذيهم وطبعا ماشي صعب في البداية الصعب لو كبر واهوة متأسس على إن هالشي عادي وما بيضره :( اقتباس:
أنا أتفق وياج في هوايات غيرها أفضل من هذي الهواية والأهم إنها ما تتسبب لأي أذى ممكن يتعرضله أي شخص اقتباس:
صح الشخص بنفسه لازم يكون حريص مع نفسه ويتعلم من أخطاء غيره وبالتالي ما يضر الناس والحلبات اهية الحل المؤقت ويجب أن تكون التوعية من الأهالي حتى لو كانت نصيحه لأن الأمن ما بيقدر يتحكم بجميع الناس اقتباس:
العفو اختيه مرورج المميز ويعافيج ربي وثانكس عالتقييم لا عدمناج :) |
اقتباس:
يا مساء النور والأنوار ما نبا خبز ولا فول :smilies-113: ان شاء الله دوم تكون بخير :001_rolleyes: اقتباس:
اقتباس:
ربي يبارك فيك والله انت تعرف إن لاهيين بالمسابقة :sad: والحمدالله إن موضوعي عيبكم هذا أهم شي بالنسبة لي :001_rolleyes: اقتباس:
وفي هوايات أخرى ممكن ينفسون فيها الشباب مب شرط هذي الهواية :78650: لو الشباب مضغوطين ومحتاجين ينفسون عن عمارهم يعفدوا بسيارتهم عنص الرمله ويصعد وينزل وخلاص ما يحتاي هذي الغازات والتزويد والبلاوي والتخميس والدخان لآخره اللي يبا الصلاه ما تفوته الهوايات تارسة الدنيا :smilies-113: بس شو نسوي ما نروم نتحكم فيهم اقتباس:
صحيح الشرطة والتحريات قايمة بالواجب بس ما بتقدر تتحكم في الكل كم واحد بتصيده لازم تكون التوعية من البيت قبل لتكون من الشرطة والتحريات اقتباس:
شي طيب والله الله يطول بعمر الوالد والوالدة أكيد علموكم على الصح والغلط من الصغر من جي طلعتوا كلكم نفس بعض وحتى السرعه ما يمدحونها :sad: البر شي هين عالأقل ^^ اقتباس:
الايجابية الوحدة التنفيس عن الكبت لكن في أشياء ثانية ممكن ترفه فيها عن نفسك هذا نحن انكبتنا ما سرنا نخمس :001_tt2: اقتباس:
مقترحاتك عين العقل وأضيف عليها إن التوعية تبدأ من البيت ويعطيك العافية عمقترحاتك :) اقتباس:
صح لسانك يجب الابتعاد عنها :001_rolleyes: اقتباس:
تسلم والله من ذوقك :) رايي واضح وضوح الشمس من العنوان لأني أعتبر هالشي انتحار وليست هواية ومن نقاشي بيظهر رايي :smilies-113: ربي يعافيك وثانكس عالتقييم لا عدمناك :001_rolleyes: |
السلام عليكم ورحمة الله وبركاته... احم...:ax: وابدى فلسفتي عن التخميس.. :162: لازم فالبدايـــــــة نعرف اساسيات التخميس هذا شو..وليش الشباب يخمسون...؟ ليش الشباب يعدلون و يخسرون على سياراتهم و بالنهاية يخمسون فيها وتخرب...؟ ليش كل يوم تزيد حوادث الامارات وكل يوم نسمع خبر و فاة مواطن اثر السرعة و غيرها..؟ ليش مانكون شعب حالنا حال نفس الشعب الي نستورد منه السيارة...؟ ياترى هل القانون و البلاد يقدرون بمنع هالشي او لا ..؟ هل الاهل عقب هالعمر من التعليم و التربيه يقدرون يمنعون الشباب عن (التخميس)...؟ انا ابا اعرف ردج و آراءج حول هالاسئلة بعد يالــ(الامبراطورة)...:ans_flw: وانا عني بجاوب عليها على قد معرفتي فيها.. اساسيات التخميس هذا شو..وليش الشباب يخمسون...؟ انا باعتقادي...انه زيادة الرواتب مما ادى الى تحسب انه السيارة بدالها الف.. ويعني هالشي انه خلاص بيلعب فيها وبيسوي شو مايبا و لا بحاتي عن نفسه وين بيكون مصيرها تحت ولا فوق:112: ليش الشباب يعدلون و يخسرون على سياراتهم الآف و بالنهاية يخمسون فيها وتخرب...؟ انا بروحي مب عارف كيف اجاوب على هالسؤال وخاااااطري حد يجاوب عليه و يقنعني فيه . :24: شمعنى كل يوم تزيد حوادث الامارات و كل يوم نسمع خبر و فاة مواطن اثر السرعة و غيرها..؟:1: ارجع واقول لنه الفلوس زايدة و الرواتب مخليه الشباب ينعمي تفكيرهم بأمور الحياة...واهتمامهم بقوة سيارته و سرعتها و انها تخمس عدل ليش مانكون شعب حالنا حال نفس الشعب الي نستورد منه السيارة...؟ :1711: انا اشوف معارضنا بشكل عام....تستورد سيارات (وارد امريكي - وارد ياباني)...وغيرها.. يستوردون سيارات جدييييييييمة و نظييييفة...مب مكسرة شرات شبابنا الي يشترونها من الوكاله وحدها 3 او 4 سنوات عقب يطيح سوقها من التخميس و السرعة الزايدة... محد يقدر و يحس بقيمة السيارة... الا عقب مايصير لا قدر الله حادث عقب بيتعلم<< في ناس مايتعلمون ياترى هل القانون و البلاد يقدرون بمنع هالشي او لا ..؟ :66: انا متاكد انه يقدر يمنع التخميس و يعدمه من اساسه...و يبند مراكز التخميس كلها بعد.. لكن المشكله (محد يشدد عليه) و (محد يلتزم من الشباب)...<<<من الصوبين خربانة هل الاهل عقب هالعمر من التعليم و التربيه يقدرون يمنعون الشباب من (التخميس)...؟ :00: ما اعتقد انه يقدرون يمنعونهم لانهم مايشوفونهم وين يخمسون بالاساس فــ بما انه ماتعلم وعرف انه هالشي غلط من صغير ف مابيعرف وهو كبير.. و و ... و .وو بث خلصت الفلسفة...:ast7eee: و بالنسبة لاسئلتج خيتي...:Afk_r: هل ترون هذه هواية مناسبة لأبنائكم في المستقبل ؟ طبببببببعاً لا والف لا وهل هناك إيجابيات من هذه الهواية ؟ لا مالها ايجابيات...كلها خسارة بيزات على حديد و تعريض الحياة للخطر...وحياة الاخرين بعد.. وكيف نقلل من الأضرار اللي ممكن يتعرض عليها الشباب من هذه الهواية؟ التربية اولا وعقب التعليم ثانيا و ثالثا الالتزام بالقوانين..^^" بالنهاية مايبقى غير انه نشكر صاحبة هالموضوع النقاشي الرااااائع.. ونقول شكرا لج يالـــ(الامبراطورة) على هيك موضوع.. و ان شاء الله اكون افدتج و شغلت فراغ و فدت و لو بفائدة و حدة بهالنقاش..لج احلى تقييم..^^ و شكرا:wrd: |
اقتباس:
وعليكم السلام ورحمة الله وبركاته مساء النور اختيه ^^ تسلمين من ذوقج اقتباس:
صح لكل جيل له مواله لكن هالشي ما يمنع إنج تتحكمين بالجيل اليديد من الصغر تقدرين تعلمينه الشي اللي يضره من الشي اللي ينفعه لكن انتي تجوفين هذي الهواية مش مضرة وإنما تحسين بالمتعة فيها هذا لأنج ما خسرتي حد من هذي الهواية لكن غيرج خسروا عيالهم وما حسوا إلا بعد فوات الأوان اقتباس:
فرضا ظهرتي عصبيتج وحصل المدح اللي تبين شو بتستفيدين من هالشي ؟!!! اقتباس:
الشباب بيزودون سياييرهم وبيخمسون عشان يحصلون هذي الجايزة ولا سمح الله احترقت فيهم السيارة وما ماتوا لكن عاشوا مشوهين شو بتنفعه الجايزة فوقتها أنا ما أتشاءم لكن رب العالمين قال (ولا تلقوا بأيديكم إلى التهلكة ) يعني الإنتحار اقتباس:
كل هذي الخساير وما تبين نقلل من هذي الظاهرة !!! اقتباس:
واللي يموت فوسط الحلبات شو يعتبر مات شهيد وإلا مات منتحر أتركلج الجواب !! اقتباس:
الدولة ما بتوفر الحلبات إلا للتخفيف من الحوادث في الطرقات العامة وهالشي مب معناته إنها توافق الشباب إنهم يضيعون حياتهم في هذي الهواية ولكن حاولت الحد منها لأنها لا تستطيع منع الشباب من هذا الشي اقتباس:
ربي يسلمج اختيه عمرورج وثانكس عالتقييم :) |
السلام عليكم هواية جميلة وانا بصراحة احبها..وامارسها لكن مب دايماً لكن بشرط تكون في الاماكن المخصصة لها مثل عوافي..حلبة ام القيوين..وغيرها من الحلبات والاماكن المخصصة وبشرط ان يكون السايق والي معاه عندهم حماية ضد الحريق أو حادث لاسمح الله.. لكن طبعاً غلط ان تكون في الشوارع العامة وغيرها,,, |
السلآم عليكم ورحمة الله وبركاته شخبارج اختي ؟؟ عساج بخير يارب تسلمين حبوبه ع الموضوع نحن عندنا اسمها التطعيس مافي اختلاف في المعنى من اختلاف الـأسماء المهم نرد ع موضوعج اختي شوفي في ناس تقول هذي هوآيه وناس تقولي هذي بدايه طريق للموت والخ.... نحن كيف نبي نفرق بين الـأثنين في نآٍس تبدع في هالشيء وتحط احتياطات الـأمن والسلـآمه اولـاً وتكمل وهني نقول ماعليه والرب هو الحافظ وفي ناس في الهوا لله في لله تروح وتطعس وهم ماهم عارفين رآسهم من ريلهم والله تحصلين اغلبهم من الصغار ... وفي بعض الشباب هذي ف بالهم قوه انا اقدر وانا الخ اعوذ بالله من كلمة أنا وشوفي محد بيقولج لالالالا وتصير سالفه الـا إذا كان الشي مأذي وله اسباب وخيمه صح ولا ؟؟ شوفي الوعظ والنصيحه لها دووووور كبير لو الوالد عرف ان ولده سوا وسوا له سالفه بيتوب يعني مب يعصب عليه وو بالهداوه ويوم يحظرون ويمنعونهم الـأماكن انهم يسوووون هالشي صدقيني بيوقفون والله يهديهم |
اقتباس:
وعليكم السلام ورحمة الله وبركاته ومساج غناتي :blushing: أنا تمام دامج بخير ^^ اقتباس:
الإنسان ما بيحس بقيمة الحياة إلا لو خسرها وان شاء الله يتعضون وربي يحفظ شبابنا من الحوادث :101: اقتباس:
اقتباس:
اقتباس:
ولا إيجابية وحدة :169: اقتباس:
صح المفروض يفكرون بأهلهم وربي يهديهم ان شاء الله :( اقتباس:
ربي يسلمج عزيزتي آمين ان شاء الله وثانكس عالتقييم لا عدمناج :blushing: |
اقتباس:
يا هلا والله بالحساني منور الموضوع :) برد عتساؤلاتك برأي التخميس عشان الترفيه عن النفس وبعد عشان المدح ^^ أما بالنسبه للي يعدلون ويخسرون حبا للمظاهر والحوادث ما تصير إلا من السرعة وإهمال الشخص نفسه القانون ما يقدر يتحكم بجميع الناس بتقوم بواجبها لكن لا يستطيعون منعهم حتى لو أظهرت قوانين هالشي لازم يكون من الأهل أولا ثم القانون ^^ اقتباس:
عين العقل :) اقتباس:
كلامك صح خسارة الروح والمال وأشكر فنك التربية ثم التعليم ثم الالتزام بالقوانين كلام طيب وما قصرت :) اقتباس:
ألف شكر لك وثانكس عالتقييم لا عدمناك :) |
اقتباس:
هواية جميلة :sneaky2: قلت الهوايات يا سواف اوك بتوفرلك الحماية وفرضا لا سمح الله صار شي :78: شو ذنب أهلك عقب أتمنى تعيد النظر في هالشي وتاخذ احتياطاتك مب كل مرة تسلم الجرة ألف شكر لك عالمرور ^^ |
اقتباس:
وعليكم السلام ورحمة الله وبركاته تمام الحمدالله علومج انتي ^^ ربي يسلمج منورة :) اقتباس:
صح كلامج لكن حتى لو خذوا احتياطهم بس يمكن يصير اللي ما نتوقعه وأفضل شي الشخص يبتعد عن الأشياء اللي اضره ومثل ما قلتلي كل واحد يقول أنا أقدر ترا كل هذا بس عشان يبينون لأصدقائهم إنهم قادرين على هالشي فقط للمظاهر وكل واحد يبين إنه أحسن عن الثاني كأنهم يتسابقون للجنة مش العكس :( عموما الله يهديهم جميعا ويبعد عنهم الشر :walla: اقتباس:
والله ما جذبتي ولا تقتصر النصيحه عالأهل فقط وإنما من الأصدقاء أيضا عموما يعطيج العافية عمرورج وكلامج الطيب لا تحرمينا من تواصلج لا عدمناج :) |
ملاحظة للأعضاء اللي شاركوا معاي في الموضوع أشكركم بصراحة جميعا ما قصرتوا لكن حابة أوضح نقطة معينة اختلفت الأراء في المؤيد وفي المعارض وأنا من المعارضين وطرحت هذا الموضوع عشان أقنعكم بوجهة نظري فقط خوفا عليكم من الحوادث ولا أقصد شيئا واللي بيقتنع خير وبركة واللي ما بيقتنع هذا رايه وأنا ما أتحكم في الناس وقلت فأكثر من رد إنه مش بايدي أغير شي يمكن كانت ردوي قاسية مثل ما قال البعض بس هالشي مش معناته غصب تقتنعون برايي اختلاف الرأي لا يفسد للود قضية والسموحه |
اقتباس:
اعتقد يمكن شفتي في امريكا هواية القفز من فوق الابراج هاي شو تقولين عنها.. في الحلبات تكون مساحة مخصصة لـ الاستعراض والجمهور في الخارج والإسعاف موجودة =) بالتأكيد بتكون هناك حادث لكن هالشي وارد وكل شخص يتحمل الي يسويه |
اقتباس:
صح كلامك كل شخص وهوايته وهو يتحمل اللي يسويه ولكن أنا فرايي إنها مش هواية وانت فرايك هواية وكل شخص له رايه وسبق قلت اختلاف الرأي لا يفسد للود قضية ^^ |
اقتباس:
اولا السلام عليكم جميعاً...^^ اخوي "سواف"..حبيت اعلق على كلامك من وجهة نظري.. صح كلن له هوايته وفيه من الهوايات الخطيرة...وفيها تعريض النفس للخطر...! لكن..تبقى فالنهاية هواية... اما عن التخميس انا ف وجهت نظري مب "هواية" بكل ماتعنيه هالكلمة... لانه بعد لو رحنا للجانب الدين و السنة...بنشوفها تعارض هالشي.. تعارضه بانه "فلوس" و "نفس" صاحب السيارة تروح هباء جنه هو بنفسه يحرقها.. اول شي يعدل بالسيارة و يخسر عليها وعقب يخربها..!! جنه فر فلوسه ولا حرقها... و عن هواية "التخميس" لو صار لاسمح الله فيها حادث ادى للوفاه بكون "قتل نفسه" لازم نحافظ على اموالنا و انفسنها و على هالشباب الي للبلاد والاهل لهم حاجه فيه.. و لازم نركز بعد على الفئات العمرية فالسواقة بعد.. هالشي يعتبر خطر على الي يسوقون سيارات و من فترة بسيطة...و "يخمسون".. و مب معناته اذا عدت المرة الاولى على خير بتعدي "كل مرة" على خير بعد..!! و من "ناحية ثانية" الشباب عدنا مب مهيأين بمهاراتهم على "التخميس" يعني اذا بنقول هواية لازم نحط بعين الاعتبار انها بحاجة الى تنمية و تدريب..على الاقل.. بس شوف الشباب الي عدنا... واحد توه ركب سياره... باجر بتشوفه "يخمس"..!! بهالحال صار {طيش وتهور}....... وحتى الي يسوقون وعندهم خبرة فالسواقه....مايضمنون بعد شو بيصير عقبها.. "فلازم انه ماننتظر الخطأ يصير فينا وعقب نندم عليه" "لكن المفروض نتحاشاه من العبرة فالي صار "ف" ناس قبلنا وجربو و ندموا عليه" "خل نفكر بإجابية "ك" شباب حريصين على "انفسنا" و "اموالنا" الي تروح كلها فالسيارات "هباء" و نبتعد عن الخطر و الي صوبه... و نكون قدوة "حسنة" للجيل الاصغر.. لانه الجيل الاصغر يتعلمون منا السلبي والايجابي...و يطبقونه بعين الواقع.. كل همهم فلان سيارته طرررر و فلان موتره قوي...و فلان مركب ون جيه.والخ... و انا اتكلم عنا نحن الشباب بشكل عام عن الي يخمس و الي لا... بالنهاية ارجو السموحه اذا بذر مني غلط او سوء فهم... لني اندمجت وايد...ههههه...^^ والسموووحه.. |
| الساعة الآن 04:44 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir