|
البارت الاول .. في بيت بو حمد الام ولطيفة وامل قاعدين في الصاله يتزهبون للدوامات لطوف ف الكليه وامل ف الثانويه الام اتسف الخوص وامل ولطوف يمها. لطيفة تبا تشتري لابتوب للكليه ويركبون نت , وامل تباهم يركبون دش , عقولتها الكل تطور الا نحن .. لطيفة : يمه ترى في الكلية هاوشوني البارحه. الام : ليش يابنيتي الشاطره ماحيدج راعية مشاكل . لطيفة : يمه ترى واجباتي كلها تعتمد على الانترنت , وانا كل مره اعتذر واسلم واجباتي متاخره , لاني يدوب احصل وقت في البريكات عشان اكتب . امل : تغمز للطوف , واتقول : اميه الصراحه صدقها لطوف حتى احنا في المدرسه قالولنا ترى العلم اتطور,ولازم نعتمد على نفسنا ونبحث في الانترنت .الناس اتطورو يمه ونحن للحين لانت ولا دش ولا خدامة شرات الاوادم , قاعدين على ثلاث اربع قنوات جنه في العصر الحجري . الام: حبايبي انتو ادرى اني ماحرمتكم من هالاشياء الا عشان احافظ عليكم وعلى مستقبلكم كاهي لطوف اتخرجت بتقدير امتياز ونبة طيبه وقاعده اتكمل دراستها والفال لج ان شاء الله , اوعدكم من تخلصون دراسة بحطلكم من هذاك الدش اللي فيه 20 قناة . اموله : يمه الناس تطورت شي دش باكثر عن العشرين قناة الحين , بالالاف يمه !! الام :انتو عيالي وانا محاسبة ومسؤوله عليكم ليوم الدين وعن النت الحينه بتصل في ولد عمج وبخليه يشتريلكم انترنت وركبوه . لطوف , اموله : ههههههههههههههههههههههه اموله : فديتج يمه بصير شرات ربعي بحدر النت وبسوي لي ايميل . الام : شو ها بعد ايميل ؟ اموله : لا ماشي اميه الاميل هذا موقع للدراسه ..}وتضحك .. لطوف : بنظرات سخريه , بنفس الوقت اتقول لامها الله لايحرمنا منج يميه لو لاتربيتج ماوصلنا للي فيه, بس الله يشهد اني محتايه الانترنت . الام : يلا هاتو التيلفون , لطيفة هاتي دفتر الارقام ودقي حق حمدان ولد عمج .. اموله : أميه لاتخلينها اتدق , بعدين بتتعود . لطوف : تضرب اموله ع الخفيف . الام : ومن قال انها بترمسه , انا اللي برمسه . لطوف : هاج اميه التيلفون . الام : هلا بوليدي حمدان . حمدان في السياره : اهلين خالو شحالج ..؟ الام : الحمدلله فديتك انت شحالك وشحال امك واخوانك ؟ حمدان : الحمدلله كلنا طيبين} يكح ..يقول خالو منو يمج ؟؟ الام : يمي ؟!! , ممممحد يمي .. وتبتسم حمدان : اها , عيل شدراج في رقمي ؟ ويضحك الام : جيه شو شايفني , اميه ؟ يكون ف علمك تراني صح ماعرف اكتب بس اعرف اقرى لطوف واموله : هههههههههههههه حمدان : لا خالتي حشا عليج } وهو يضحك الام: ولدي ترى بناتي يبغون تربت . حمدان : شوو خالوه ؟ اموله : اميه انترنت انتــــــــــرنت .. الام : هاج يودي رمسيه لاني ماعرف لهالسوالف . اموله : لطوف عادي ارمس حمدان ؟ لطوف استحت وسكتت وحمدان سمع امل واستانس اموله : حمدان شحالك ؟ حمدان : الحمدلله امل انتي شحالج وشحال اختج ودراستكم ؟ اموله : الحمدلله كل شي طيب , بتخبرك نبغي انركب انترنت . حمدان : جيـــه ماعندكم انترنت للحين ؟ اموله : واخزياه اميه حتى حمدان فج حلجه لما عرف ان ماعندنا انترنت حمدان : يضحك اموله : تضحك ع الخفيف واتقوله ترى لطوف اللي تبغيه عشان الكليه هب انا . لطوف : تقرص اموله . اموله : أي لطوف جيه قرصتيني . حمدان : يضحك ويقول من حقها الانترنت وانا متاكد انها محتاجتنه , خلاص خواتي فالكم طيب من عيوني , واليوم عقب الدوام ان شاء الله بمر الاتصالات وبفتح لكم الحساب وبيب وياي واحد البيت عشان يرتب لكم الامور . اموله : مشكور حمدان ماتقصر . حمدان : نحن ف الخدمه بنت العم اموله : فمان الكريم . -- حمدآن وصل الدوآم .. لطوف في مخيلة حمدآآآآن تعال غني لي اغنيه وسمعني همس صوتك تعال اقترب اكثر واكثر لو بجنون اضمك تعال لوبيدي جبت لك الشمس وموت سنينك تعال ..ياكثر ماهو تعال ودي ادللك ., بالغلا شمسي وقمري اللي جرى في ودادك امشِي لك الناس وكلهم يناظر وصفك ../ تدلع ..! لو هي كلمة دلع لايقه بالوصف عليك لو هي كلمه احبك قليله اقولها بملايين احبك احبك .. أي نعم احبك .. أي نعم احبك ايه .. كلمه مقصوده لك ..!! تعرف ماعرفت وش اكتب وش اشعرك احبك .. لو كل الناس يحبونك وانا اكثرك لو ازيدك بالغلا بالحب مثل مازاد زودك غارت علي الناس وقالوا لاتكمل قصيدك ..! </b></i> |
تآبع الجزء الاول .. حمدان يرمس عمره : يالله جيه ماعطتني لطوف وعطتني هالخبله اموله , لين متى بتم جيه , انا لازم اسير واتقدم لها رسمي , بس اخاف انها تبا تكمل دراستها بالاول , لالا احسها تبا تفتك من ظلم عمي لهم وقلة اهتمامه , والله لو ماعندهم هالام الطيبه جان الله يعلم ف حالهم , انا اليوم لازم اشاور امي واخويه . حمدان يتصل : هلا بو وليد شحالك ؟ اقولك اليوم بمرك الاتصالات ابا افتح حساب يديد للانترنت وابا اخذ ويايه واحد لبيت عمي عشان يشبك الانترنت عندهم . مشكور بو وليد ماتقصر متى تباني امرك ؟ خلاص ان شاء الله فمان الله --الظهر بو حمد ناش من الارقاد معصب .. بوحمد : ام حمد أم حمـــــــــــد ؟ نجبي الغدا لابركة فيج , جم مره قايل لج اول ما أي القى غداي جاهز . لطوف توايج على ابوها : ابويه الحين انجب لك الغدى , اماية قاعده اتصلي . بو حمد : حشا للحين اتصلي , شعندها هاي قومي نجبي الغدى وزقريها خل تجابلني هني . لطوف فقلبها : الله يهديك يبا ونجبت له الغدى . ام حمد يلست حذاله: اشفيك بو حمد على البنيه حرام عليك , عندك أي شي قوله لي مافي داعي اتشوه صورتك يمهم ترى بناتك كبرو ويفهمون . بو حمد : نشي سيري غرفتج خليني اكل دام النفس طيبه , لا اعطيج بطراق الحين . لطوف وامل سمعو كل شي من ورا باب غرفتهم وكانو زعلانين حيل على امهم . ----- عايلة بو حمدان ع الغدى حمدان : يمه , عمور ترآني عقب الغدى ابا اشاوركم في شي ,. الام : خير ياوليدي . حمدان : خير ان شاء الله . عمر : يمه شوفي ويهه شقا شاق حلجه من الوناسه , لاتخافين عليه . حمدان : يوعان يلا سمو وكلو . ويضحك يتبع .. </b></i> |
---- عقب الغدآ حمدآن : يمه انا قررت اني ارتبط في بنت عميه لطيفه لين متى بتم معلقه فيني جيه . الام : هاي الساعه المباركه ياوليدي . عمر : هيها , ابويه كان يتريا هاليوم , . الكل : الله يرحمــه . الام : زين ياوليدي متى تبغيني ارمس امها ؟ حمدان : شرايكم في الخميس انسير لهم ان شاء الله ؟ الام : توكلنا على الله . عمر : يضرب حمدان بوكس ع الخفيف بجتفه ويضحكون. بيت بو حمد , عقب المغرب . الجرس .. ام حمد : حمد سير فج الباب حمد : يمه مافي غيري ف هالبيت يعني . ام حمد : ابوك محد يلا نش حمد : ياليتج يبتي لي اخو يفج الباب ويعق الخمام برع . ام حمد : تضربه ف الوساده . حمد : يركض ويخمس ف مشيته ام حمد : الله يهديك ياولدي وسارت قالت لبناتها مايظهرون لان موظف الاتصالات وولد عمهم ف الصاله . اليوم الثاني كان يوم الاثنين الام اتحضر الفطور , اموله وحمد بيسيرون المدرسة , ولطوف بتسير الكليه الابو يرقد لين الظهر لانه متقاعد , حمد المسؤول انه يوصلهم دواماتهم وعقب يسير مدرسته لطوف : صباح الخير اميه , وحبتها ع راسها اموله طالعة من الغرفه تثاوب واتطيح فحضن امها واتبوسها ع راسها, اميه فيني رقاد حمد : حب راس امه وهو مستعيل : يلا خلصو تراني مستعيل وراي درب . -- بيت بو حمدان .. أم حمدان وحمدان وعمر على الفطور .. عمر : ماباقي على اجازتي شي , عقب جم يوم بودركم وبودر البلاد . ام حمدان : فديتك ولديه , والله ودي مايصير هالشي وبنفس الوقت اتمنى ترجع وافايدك هذيج الشهاده العوده اللي ترفع روسنا فوق . حمدان : اميه شو تبين به , فكه من حشرته , اعتبريها اجازه لج ..} وهو يضحك .. ام حمدان : فديته ولدي الغالي مارضى عليه .. عمر : اميه بس لاتحرجين اخويه ادري اني الغالي والعزيز وهو ولاشي الكل : ضحك في الكليه } لطوف قاعدة اتذاكر دروسها في الحديقه وماعليها من حد . -- اموله في المدرسه .. واقفه ع الطاوله واتقول للبنات نكت وهم يضحكون وحشرتهم واصله لين برع .. فجاه تدخل الابله .. محرجــه الابله : السلام عليكم البنات : وعليكم السلام ورحمة الله وبركاته الابله :ليش هالازعاج كله ماترومون تيلسون شوي لين اتيكم مدرسة الحصه اللي عليكم اموله ترفع صبعها بدلع واتقول : ابله : لازم انغير جو وانفرفش ترى ماحب ادرس وماستوعب شي الا جيه البنات : ضحكو الابله : يلا خلونا نبدا الدرس والا ترى باخذكم عن الفسحه خمس دقايق وعلى كل ازعاج بزيد .. -- حمد دخل مدرسته وسجل حضوره في الحصه الاولى, ومن عقبها طلع بحجة انه مريض وسار عند ربعه اللي مخلصين دراسه ويالسين بطالية ف القهوة .. في البيت .. ام حمد اترمس ام حمدان ع التلفون ام حمد : سلام عليج ام حمدان ام حمدان : وعليج السلام الغاليه شحالكم؟ ام حمد : الحمدلله بخير فديت روحج , من صوبج ؟ ام حمدان : الحمدلله بخير الله يخلي لي عيالي مب مقصرين علي في شي .. ام حمد : الله يخليهم لج يارب وتفرحين فيهم ان شاء الله ام حمدان : على هالطاري ترى نبا نمركم الخميس ان شاء الله .. ام حمد : هاي الساعه المباركه البيت بيتكم, بس ليكون اللي في بالي ؟!! } وهيه مستانسه ام حمدان : هيه فديتج ان شاء الله خير ام حمد : الله يشهد علي شقا اعز حمدان ومن متى اتمنى ياخذها ويسعدها , بدال القعده هني تحت حكم ابوها .. ام حمدان : الله كريم حبيبتي عيل بنمركم ان شاء الله , واسمحولنا ع المغثه ,يلا مابطول عليج بسير اسوي الغدا . ام حمد : فمان الله الغاليه .. -- عمر في المزرعه عند خيول المرحوم ابوه , راكب الخيل ويتمشى فيه وهو سرحان ويفكر ويقول في خاطره : ياترى اموله اتفكر فيني كثر مافكر فيها والا ولا عبالها , لازم اخبر امي لانها باجر بتخلص ثنويه واخاف حد ياخذها مني , بس كيف احسهم مستبعدين عني هالشي لاني ولا مره بينت لهم أي اهتمام تجاهها, اليوم لازم اخبرها , والفرحه بتصير فرحتين.. -- فليل اموله وحمد يتضاربون ع الكمبيوتر منو بيقعد عليه ولطوف تكتب اشعارها تحت ضوء صغير وبو حمد: ترى والله اقوم واكسر الكمبيوتر فوق روسكم .وتحلمون اتشوفونه مره ثانيه -- مرت الايام وعمر ماقدر يخبر اهله , كان خايف ومستحي ,. cuttttt شو تتوقعون , عمر بيتكلم والا لا ؟؟ . . اترقبو البآرت الياي . . اترقبو البارت 2 .. اذا شفت تفاعل بنزله .. </B></I> |
احس ما بيتكلم عمر لانه بيسافر |
انا اقول بيتكلم عشان محد يخدها منه |
ما آعتقد راح يتكلم |
اذا يبيها صج بيتكلم اختي يلا نجلي سوتي لنا حماس |
البارت الـ2 </b></i>-- مرت الايام وعمر ماقدر يخبر اهله , كان خايف ومستحي ,. ياك يوم الخميس ., بو حمد دش المطبخ لام حمد : منو بيج اليوم . ام حمد : اسكت عن يسمعونك .. بو حمد : بترمسين والا اهفج بهالصحن ع راسج .. ام حمد : بيت اخوك بيونا , عشان يطلبون ايد لطيفه منك . بو حمد : زين يوم انه حس , لانها محيره له من 4 سنوات .. ام حمد : يلا خلني بزهب العشا ., -- لطوف : اميه شو هالزين شو مستوي اليوم .؟ ام حمد : سيري لبسي لج وقايه وخبري اختج بعد لان بيت عمج بيونا بيتعشون عندنا ., لطيفه : منو فيهم اللي بيي , ها اميه ؟ ام حمد : تضحك { كلهم يابنيتي. -- اموله يالسه عالمسنجر , ترمس ويا ربعها وضحكتها واصله الصاله . لطوف تدخل الغرفه وهي شوي وبتطير من الفرحه , بندت الكمبيوتر عن اموله , وتمت سرحانه ,. اموله حجت راسها وقالت : انتي اشفيج خليني قاعده اسوي مقلب في اربيعتي ., لطوف : اموله سكتي عني انا فوادي وانتي في وادي ثاني .. اموله تنش من حذال الكمبيوتر وهي ومستغربه : لالا السالفه عوده رمسي رمســسـي , كلي اذان صاغيه .. لطوف : بيت عمي مالك بيونا . اموله : ويعني , اول مره ايونا يعني ! لطوف : احس هالمره غير , احسهم يايين لشي ؟!! اموله : اذا كان توقعج غلط , عطيني من مصروفج خمسميه , شرايج !! لطوف : ساعتها فتحي شنطتي وخذي اللي تبينه وان صار كلامي صح , بحرمج من الانترنت يوم واحد . اموله : وابوييه يافرحه ماتمت , خلاص انا وياج ف اللي اتقوليته .. لطوف تضحك واتقول : لبسي لج ثوب ووقايه عن يشووفج اخوي ف البنطلون , وخل نساعد اميه , يلا يلا حمد يدق لهم باب الغرفه : ترى عيال عمي تحت , محد ينزل جيه لبسو لكم شي محترم , وماريد اشوف أي كشه برع .. اموله ولطوف : ان شاء الله > ويضحكون -- على الارض فارشين سفرة الاكل .. اموله : عمر متى بتسافر .. عمر عقب يومين ان شاءالله اموله : ياحظك والله انا لو اخلص دراسه واصيح عليهم شهر مابيخلوني ادرس برع , يعني غصب اعاني في هالبيت .. ام حمد : اموله .. اموله : زين اميه خلاص , ماقلنا شي .. عمر يضحك : ماعندنا بنات يسافرون روحهن .. اموله : بغيتك عون صرت لي فرعون ,اكل كل اشوفك ضعفان. الكل:ضحكو لطوف ساعتها مستحيه ومنزله راسها وحمدان بعد نفس الشي ام حمدان : عيل وين بو حمد. ام حمد: اتعرفونه يتعشى قبل خلق الله كلهم,عقب بزقره ايي يقعد ويانا ., يلا اكلو بالعافيه عليكم , واسمحولي ع القصور ,. عمر يشوف امل. عمر : ياربيه على هالجمال والخبال , اموت فيه ..يالله شقا اخبر اميه , مافي غير اني اطرش مسج لحمدان وهو بيخبر اميه , وبشرد اتمشى ويا حمد ف الحوش ., شوي وجان يوصل المسج لحمدان , حمدان استانس واتلفت صوبه مالقى عمر , سار حمدان وخبر امه , ام حمدان : فديت روحه مستحي ., عمر وحمد برع ف الحوش. عمر: حمد مانبا لعبان هالسنه شد حيلك .,مامليت من الثنويه . حمد : ايه والله ولد عمي مليت بس مو بايدي الحال مايشجع , شايف ان في شي يستاهل ادرس عشانه , عمر : ترى انت لو درست بتدرس لنفسك , وعن الاشخاص اللي يستاهلون فهم امك وخواتك وابوك اللي مهما سوا فيكم عقب بييه يوم وبيحتاج عياله يمه فهمت علي حمود ؟ حمد : ان شاء الله ولد عميه , مشكور الغالي . لطوف واموله ف الغرفه لطوف : اموله شقا اتجراتي ورمستي عمر اليوم , انا ماقدرت اشل عيني عن الارض. اموله : عادي شرات اخويه والله يشهد . لطوف: زين الحين نظهر نيلس وياهم والا نتم هني ع اعصابنا . اموله : تمي تمي براويج ايميلي وبعلمج شقا اتسوين لج ايميل واترمسين ربعج فيه. لطوف : مشكوره ماريد مب فاضيه للسخافات تراني .. اموله : لطوف شي وحده شبكتني ويا اخوها , وجان يهزبها وظهر من عندنا . لطوف : شو يعني اموله ., ليكون رمستيه ؟ اموله : لا والله , هو ظهر من اهني , وهزب اخته من صوب ثاني . لطوف : اشوفج مره ثانيه اترمسين هالبنيه , لو تخيل وتستحي جان ما خلتج ترمسين اخوها ., واخوها ظهر احسن عنج وعنهـآ . اموله :هيه دوم اترمسني عنه واتقول انه يدرس ف الخارج . لطوف : يلا مثل ماقلتج لاتخليني اتصرف معاج تصرف ثاني . شوي والا يسمعون } كلولولولولولولوش .. لطوف واموله فاجين حلوجهم .. اموله اتناقز وطاحت على لطوف وتبوسها وتقولها مبرووووووك لطوفتي .. لطوف سيده سوت عمرها بترقد , ماودها تتعرض للاحراج ., اموله : تضحك واتقول ارقدي ارقدي انا بخبرهم انج راقده وماسمعتي أي شي .. ويلست اموله ع المسن .. يت الام فتحت الباب : وشافت لطوف راقده : جان تضحك اموله : اميه بلاج لطوف راقده , عن تزعجينها .. امها : ماتمشي علي هالحركات , لطوف خبز ايدي , يلا حبيبتي نشي خل اباركلج فديتج والله ياني مستانسه . وتنش لطوف واتحضن امها وتصيح .. الام : اموله ترى ولد عمج عمر طلب ايدج بعد , وانت تبين عقب الدراسه ترى بيترياج تخلصين دراسه و بياخذج ان شاء الله اموله : شو اميييييه , لا اميه عمر شرات اخويه ومافكرت ف يوم اني اخذه مستحييييييييل .. الام : ترى طلبو رايج ..وانتي عندج فرصه لين بعدين اموله : ان شاء الله امي عدا اليوم على خير .. وقالو بيملجون ف لطوف وحمدان ع الاسبوع الياي .. يوم اليمعه < ام حمد ف المطبخ اتشب الدخون .. حمد سبح ويالس يلبس كندورته وغترته .. الابو لابس ويالس يطاع التلفزيون لطوف تقرى المصحف اموله ف الغرفه يالسه على المسنجر . اتدخنو حمد وبو حمد وسارو المسيد لصلاة اليمعه .. -- بيت العم مالك { حمدان بالغتره والعقال وعمر بالغتره متعصم امهم اتدخنهم .. ام حمدان : اتحملو بعمركم ياعيالي شوي شوي .. |
-- بيت العم مالك { حمدان بالغتره والعقال وعمر بالغتره متعصم امهم اتدخنهم .. ام حمدان : اتحملو بعمركم ياعيالي شوي شوي .. اموله تفكر ف اخو اربيعها وليش ماحاول يكلمها .. اموله فخاطرها: حليله اخو منالوه . لو هب زين جان رمسني , لكن شكله مأدب ومايحب حركات المغازل. } خاطري اخذ واحد شراته .. فجاه دشت منال : عالمسنجر{ منال : تقبل الله منج مقدما اموله : منا ومنج, منالو بسألج اخوج ماقالج شي عني ..؟ منال: لا اموله واسمحيلي على اللي صار , كان قصدي نسولف بس . اموله : ماعليج اتعرفين عيبني اخوج .؟ لو حد ثاني جان رمسني واستهتر ويااي..؟ منال : اخويه من يومه جي معقد مايحب سوالف البنات ؟ اموله عطيني ايميله : بضيفه من ايميل ثاني , خاطري اسولف وياه , بس سوالف !! بس منال : اوكي بس خليني برى السالفه هههه اموله : اوكيه من عيوووني اموله ترمس عمرها : اويه اخاف لطوف تدري , والله بتاكلني ..!!, لااااااء عااااادي اصلا اهي ماتعرف للمسنجر وهالسوالف .. --- سوت لها ايميل ثاني وضافته ..يلست تترياه مادخل .. ظهرت سارت اتصلي .. عقب اتغدو وسارت اموله غرفتها وفتحت المسنجر ولقته موجود . اموله : هلا اخو منال: اهلين منو ويايه اموله : هلا اخو منال: اهلين منو ويايه اموله: اختك اخو منال : منو فيهم؟ اموله : اختك ف الله. اخو منال: يالله خير , امري اموله:اريد اسولف. اخو منال :اسف اختيه اموله : انزين انت ف الغربه ماودك حد يونسك . اخو منال : انا ف البلاد باجر مسافر باذن الله , بس شدراج.؟ لطوف تزقر اموله .. اموله : باي باي خلاف برمسك .. بيت العم مالك .. عمر يزهب جنطت السفر ويتصل لاربيعه :هلا خلوف جاهز , نتوكل الليله ان شاءا الله خلوف : ايه عمر جاهز بسلم ع الاهل وبسير بيت اختي اسلم عليها ويايك عقب .. عمر : اترياك الغالي .. ع الساعه 2 الفير .. اموله تترياه يدخل مادخل .. لطوف راقده .. حمد برع البيت .. بيت بو حمدان .. وصل خلوف وركبو وياه عمر وحمدان .. حمدان اللي ساق .. خذاهم المطار وسلم عليهم ورجع .. n مر اسبوع .. n واموله تكلم اخو اربيعتها على المسنجر .. n هو كان يكلمها وبنفس الوقت خايف عليها وحاس انها محتاجه اهتمام , n كان دايما يقول لها انا اكلمج عشان ماتسيرين اتكلمين غيري ويقص عليج .. n ودايما كان ينصحها .. اتعرفو على بعض اكثر وياك اليوم اللي قالتله ان اسمها امل . وهو قالها ازقريني بو مايد .. يوم من الايام .. بو مايد : لحظه شوي امل اربيعي لعوزني يبغي يشوفني منوا رمس .. اموله : ان شاء الله اربيعه}عمر : خربوك وصرت اترمس بنات هااااااااا <ويضحك عليه بو مايد : يقوله خوز عن الشاشه ترى البنت مسكينه واحسها ناقصتنها رعايه ومايخصها ف الدنيا مب راعية سوالف.. اربيعه }عمر : خلك لاه هالبنات كلهم نفس الشي .. جان ايي عمر ويكتب لها : اختي انا مرته هب اربيعه . اموله : مستحيييييييل اصلا بو زايد ماجذب علي قط وعمر يضحك .. بو مايد : عمر حرام عليك خلها .. عمر: اوه شكلك حبيتها .. بو مايد : والله اعزها شرات اختي لانها في نفس عمرها .. اموله : شغلو الكام خل اتاكد انكم صبيان .. وان بو مايدماقص علي .. بو مايد وعمر يطالعون بعض .. عمر : بطل الكام والا اقول ويت خل امشط شعري يمكن اتحبني .. بو مايد: لا عمر هب حلوه ف حقنا وحقها ..انا بخبرها الصدق وبتصدقني.. عمر شغل الكام وهو يناقز متخبل .. اموله قبلت مكالمة الفيديو وجلبت كيمرتها على اليدار عشان مايشوفونها .. وتتريا على احر من الجمر .. وفجآآآآآآآآآآآآآآآآآه .. الصدمه الكبيره اموله تشوف عمر ولد عمهـــــــآ وهو يخبل ف اربيعه ويسحب ويه اربيعه ع الكام عشان يخليها اتشوفه } يخلي بنت عمه تشوف اربيعه ..!!!!! وهو مايدري انها بنت عمه .. اموله ماقدرت تتحمل الموقف .. ونزلت دموعهـآ وقالتلهم: امي تبغيني بظهر وظهرت .. تمت اموله طول اليوم سرحانه وزعلانه .. ولطوف تتزهب لانها بتملج عقب جم يوم.. حمد : ابوي ابغي بيزات .. بو حمد : سير سير ماعندي لك أي شي .. حمد : ان شاء الله ابوي ..وسار من غير مايقول أي شي.. فجاه بو حمد : تعال تعال جيه حمدان ماعطاك مصروفك هالشهر .؟ . على فكره ترى هو يصرف على حمد ولد عمه والبنات بعد .. حمد : امبله ابوي , بس خلصن اتعرف هالجم يوم حطنا في السوق انا ولطوف عشان تتزهب , وسار منه للبترول وللعشا ومنه مناك .. بو حمد : زين اسكت اذيتنا تعال حمد : نعم ابويه .. فتح بوكه : وعطاه ثلاثين درهم دراهم .. حمد : مصدوم ., ثلاثين محتار شو يسوي فيها من كثر ماهي شويه .. وقاله مشكور ابويه .. وباسه ع راسه.. مرت الايام و اموله تكلم خليفه على المسنجر .. ودايما كانت تسأله اربيعك يمك .. وهو مستغرب من هالسؤال .. ملجت لطوف وسوت حفله ف البيت ولبست هذاك الفستان الغاوي واستانس الكل نفس يوم الملجه فليل عقب ماقعدت لطوف سرحانه ف غرفتها .. رن تلفون لطوف :حمدآآآآآآآآآآآن ! وقالت : ياربيه شقا ارد شقول استحي ..!! حمدان : شفيها ماردت ..بطرش لها مسج بخبرها اني حمدان يمكن ماعرفت الرقم .. وصل المسجل لطوف .. المسج } لطوفتي ترى انا حمدان .. لطوف قامت وقفلت الباب جنها مسويه شي غلط .. لطوف ترد عليه : الو حمدان : هلا لطيفه لطيفه :اهلين حمدان : الف مبروك لطيفه الله يبارك فيك {مستحييييييييييييييه كانت .. حمدان : مستانسه كثر مانا مستانس؟ طوول الوقت مستحين وساكتين يدووووب يرمسون لطيفه: اتريا بفكر فسؤالك؟ وتضحك حمدان : عذااب لطيفه : منو حمدان : وحده لطيفه : خلاص زعلت امممممم {بكل دلع حمدان : ههههه ماعاش اللي يزعلج واخيرا برمسج وبتكونين لي روووووحي .. لطيفه انشغلت ويا حمدان , وقام اييها البيت وتقعد وياه واتكلمه وغير انها منشغله في الدراسه بعد .. و كان يترياها صوب باب الكليه عشان يشوفها وهيه نازله من عند اخوها حمد ويتأمل فيها .. اموله : قامت تهمل دراستها شوي شوي وتكلم خليفه .. خليفه نفس الشي قام يحس ان قلبه قاعد يميل صوبها ..بعد ماكان يفكر يساعدها ويحافظ عليها .. لطوف ف البريك < لطيفه ف خاطرها اتقول: اتصل له والا ماتصل .. ولهت علييييه جان اتشل تلفونها وتتصل .. حمدآن ف الدوآم : غرقان ف الشغل وهو مبتسم .. اول مارن تلفونه اتلخبط قام من عالكرسي وقعد ويطالع الرقم ويفرك عيونه .. مكتوب ع الشاشه .. } القلب .. حمدآن : الوو لطيفه : الو هلا حمدان حمدان : شحالج الغاليه ..؟ لطيفه : اذا انت بخير انا بخير حمدآن : وابوييييه <وهو طاير من الفرحه لطيفه : عندي بريك قلت بتصل بشوفك , مشغول انت ؟ cuuuttt تتوقعآآتكممممم ؟ </B></I> |
لطيفه : عندي بريك قلت بتصل بشوفك , مشغول انت ؟ حمدان : لو مشغول افضا لج .. لطوف مستحيه وفخاطرها : اويه تمت ساااااكته حمدآآن : لطوفتي ؟ لطوف : هلا حمدان : وين سرتي ؟ لطوف : هني حمدان : فديت اللي استحت لطوف وهي مستحيه ومرتبكه : ها ؟ شو ؟ حمدان يضحك : لالا ماشي فديت روحج لطوف زين حمدآن بخليك بسير عند اربيعاتي يتريوني .. حمدان : اتحملي بعمرج نظر عيني لطيفه : ان شاء الله وانت بعد حمدآني .. حمدان : وافديت حس جانا ان شاء الله لطيفه تضحك واتقوله يلا فودآعة الله .. اموله ف المدرســه سرحـآنــه ف اخو ربيعتها .. ربيعتها يالسه حذالها .. تدق جتف اموله : اموله نشي جاوبي .. اموله : نشت وهي ماتعرف السؤال اصلا . اموله : ابله عيدي السؤال مدرسة الرياضيات : حلي المعادله .. اموله :طلعت و حلتها < الحمدلله ذكائها كان يفيدها ف هالاوقات الحرجه مع ان انتباهها ابد مش ويا الدروس .. حمد يالس ورا المدرسه ويا ربعه .. ويدوخون جكاره .. فجاه سمعو صوت حد من المدرسين داسوها ف ريولهم .. واركضو .. في البيت : اموله اتكلمه وفجاه حمد اخوها يدخل اموله قامت من الكرسي ومسكت الشاشه حمد : اترمسين منوه. اموله : اربيعتي . حمد : اشوف اموله : شو تباها اتشوف ترى قلتك اربيعتي .. حمد : لو اربيعتج جيه مغطيه الشاشه .. اموله : اسرار بنات .. اطلع برع حمد يمسكها ويبعدها عن الكمبيوتر ويقرى المحادثه ويطيح الكمبيوتر من فوق لين تحت ويشل السماعات ويفرها عليها .. قرب منها ياي بيضربها بس مادري شو اللي منعه .. سٱمـحـۆني لۆ رحـل جسمي ۆغٱب سٱمـحـۆني حـٺى فـے ٱلقبر ٱسٺريح ۆ ٱلۆصيـہ لٱدفنٺۆني في ٱلٺرٱب ע̷ تخـلۆن غٱلي على قبري يصـيح وقف وقال لعمره :مالوووووومج ياختي الصغيره , ترى كله من ابوووووي , ضيعنا حرمنا ,. اموله تشوفه وهي خايفه ومستغربه بنفس الوقت اتقول فخاطرها جيه ماضربني .؟ طلع وقفل عليها الباب من برع وقالها : انا راد لي كلام وياج .. وطلع .. تمت اموله اتصيح في الغرفه .. لطوف يت تدخل الغرفه والا الغرفه مقفوله .. دقت الباب محد رد عليها جان اترد اتسير تقعد ويا امها ف الصاله الام : وين اختج لطوف : قافله باب الحجره اميه يمكن تتسبح .. حمد رجع الغرفه ورمس اخته اموله .. قالتله كل شي الا انه اربيع عمر ولد عمها ..هالشي ماقدرت اتقوله .. وفهمها وحن قلبه عليها من غير اي عصبيه وقال لها : غسلي ويهج ورتبي الغرفه وانا برفع الكمبيوتر مكانه عشان ماتحس لطوف ..ونزلي تحت عندهم .. -- عقب اسبوع .. حمدان ياي بيت عمه وفا ايده هديه ساعه غاليه.. لطيفه : مشكور حمدان احرجتني والله الله لايحرمني منك .. حمدان :امييييين يارب, مايغلى عليج شي والله.. من استرآليـآ .. -- خليفه : عمور البنيه من هاك اليوم كنت ارمسها ظهرت ولا حدرت مره ثانيه وين سارت ..اخاف صار لها شي .. عمر : احسن لك خلوف , شو تباها تبلش عمرك فيها ..يمكن زاغت من اشكالنا هههه خليفه : عمور احس اني تعلقت فيها وف سوالفها الحلوه ..والله خبالهاعيبني وذبحنييييي .. عمر : ذكرتني ف بنت عمي اللي طلبت ايدها قبل لا اني هني ..اعشقها واعشق خبالها وااااااايد حبوبه حليلها خلوف : يلا شد حيلك وان شاء الله من نصيبك عمر : ان شاء الله مرت شهور على نفس الموال , وقرب عرس حمدان ولطيفه .. ياك عمر من استراليا بيحضر العرس وبيرد لان ماعنده اجازه وقربت امتحاناتهم .. وسولهم عرس صغير ف البيت ., وسارت لطيفه بيت ريلها .. الام : كانت تصيح ف هاللحظه اللي كانت لطيفه بتطلع فيها من البيت .. الابو: اشفيج انتي البنت مالها الا بيت ريلها خليها تذلف .. الام : لاتقول جيه عن بنيتي الغاليه .. اموله : فديتج اختي بتوله عليج وايد .. لطوف : اتصيح ومب قادره ترمس اموله ف خاطرها: ياربي خلا علي البيت ..منو بينصحني الحين ؟ {ولهت عليك خليفه !! مشــتاقلك مشــتاقلك مشتاق صوتـك يالغـلا .. ياللي في قــلبي منزلك والقلب عنك ما سلا .. يا خــل انا محتاجـــلك ويـن انتـه يا ريــم الفــلا .. نفــس الشـــعور ابـــادلك واجدد عهــود الــولا .. الحال من الفرقا هلك بي شوق بي هم وبــلا .. يا خــل جاوب بــسألك من ويـن لك هذا الــحلا .. انته بشـــر والا ملــك الشــمس منك تخــجلا .. ولي ما يعــرفك يجهلك و يعـــل منك ما خـــلا .. مشــتاقلك مشــتاقلك مشتاق صوتـك يالغـلا .. ياللي في قــلبي منزلك والقلب عنك ما سلا .. حمد :شفيج اموله ؟ اموله : ماشي اخويه حمد : لهالدرجه زعلانه على فراق لطوف .. اموله : فديتها والله حمد : شفيج ملانه ؟ سيري ذاكري دروسج اموله : حمد اسكت عني ماحصلت الا هالشي يسليني ؟!! حمد : اشغل لج الكمبيوتر ؟ شكلج ولهتي على الانترنت .. اموله : صدق ؟ حمد : ايه بس ماباج تفتحين ايميلج اموله : ف خاطرها اتقول عيل شو ابا به الكمبيوتر<خلاص اخوي ان شاء الله حمد : يلا الحقيني وسارت اموله ويلسها ع الكمبيوتر وهي مستانسه على حنان اخوها عليها .. وبنفس الوقت زعلانه على خليفه وولهانه عليه .. دخلت الهوتميل تتسلى ف الرسايل .. جان اتشوف رساله من خليفه ..؟ سيده فتحتها ومن خوفها كل شوي تطالع ورا .. الرساله : هلا الغاليه امل ..شحالج ؟ وينج قطعتي ؟ ترى خوفتيني عليج ؟ اترياج طمنيني .. خليفه اموله : يعني حتى هو ماصبر علييييييي, انا لازم اصارحه اني احبه وعقب اخليه وتمت ساكته ..وقالت : وعمر !! شقوله وماظن خليفه لو درى بيرضى يرمسني والا يعبرنيه .. جان اتي اموله وتطرش له رساله فيها التالي : تتوقعون شفيها الرسالـــه ترقبو البارت الـ3 </b></i> |
نبااا التكمله لا تطولييين علينا بليييييييييييييييييزززززز |
البارت الثالث جان اتي اموله وتطرش له رساله فيها التالي : هلا بو مايد شحالك انا الحمدلله بخير والله ماعرف شقولك بس اخويه شافني ارمسك وهزبني وانا الحين واعدتنه ماحدر المسن .. السموحه منك بس والله مب قادره اتحمل فراقك .. مغصوبه ترآني .. وتمو اسبوع ع الرسايل .. لين قالتله احبك ..وقالها احبج .. وعقب قالها انا بخليج عشان اهلج ودراستج وان شاء الله بتقدم لج اتريي مني رساله .. وقالت له ان شاء الله .. كانت مستانسه طايره من الوناسه وبنفس الوقت احباط لانها خايفه من ردة فعل عمر لو درى وخليفه بعد لو عرف انه اخذ من اربيعه اللي كان يتمناها طول عمره .. مرت شهور ولطوف احملت .. واموله خلصت الثنويه ويابت نسبة88% في القسم العلمي <الكل استانس لها الا هي لان مستواها احسن عن جيه وتدري انها ضيعت عمرها .. وحمد نجح واتقدم للشرطه .. اموله يتها الاجازه طويله هالمره لانها طول الوقت اتفكر وتحدر ايملها تتريا الرساله .. خليفه و عمر يستعدون بيردون البلاد .. خليفه : يالله شقا مستانس واخيرا برد البلاد .. عمر : ولهت على اميه واخويه خليفه : امك واخوك ها الاثنين : يضحكون ههه وردو البلاد ف بيت بو حمد ام حمد وام حمدان وحمدان ولطيفه وامل قاعدين .. حمدان : يلا اميه انا ساير تامريني بشي .. ام حمدان : سلامتك اميه لطيفه : اتحمل بعمرك حمدان اموله : لطوف حمدان وين ساير لطوف : ساير بييب عمر من المطار اموله : شووووووو! وسارت سيده شغلت الكمبيوتر ..وفتحت ايميلها ولقت رساله .. هلا الغاليه امل شحالج ؟ بتنور البلاد باجر ^^ خلووف بيوصل اتريي مني رساله ثانيه فمان الله اموله قامت اتخاف اكثر واكثر ياك البلاد وطرشلها رساله انا وصلت طمنيني عنج ؟ فخاطري اتواصل وياج ف احسن من هالطريقه ؟الصراحه ولهت ع سوالفج .؟ اموله : ف خاطرها ..ايه والله حتى انا مليت من هالحال .. وداوم حمد فنفس المكان الي فيه حمدان عقب شهر ربت لطوف يابت بنوته وسمتها عهود ..ويلست ف بيت اهلها ارتبشو الكل وقامو يقعدون ام حمدان وبو حمد وام حمد وحمدان وحمد وعمر كلهم ويا النونو وويا لطوف .. اموله قامت تتهرب من القعدات هذي عشان ماتشوف عمر .. يوم من الايام طرشت لخليفه ممكن رقمك ؟ وهو تردد بالاول بس بعدين حس انه محتاج يكلمها ووله عليها وعطاها رقمه سارت وشلت موبايل لطوف .. لان سياسة اهلهم ان البنت ماتشل تلفون الا اذا بتدرس ف الكليه او الجامعه او بتسير بيت اهلها .. واتصلت فيه .. وقعدت اتسولف وياه واستانسو وايد .. اموله نست كل شي , عقت اهلها كلهم ورا ظهرها لمجرد انها رمست خليفه.. وتمت اموله على هالحال شهر شهرين ثلاث وكلن منهم اتعود ع الثاني اموله : خلوف لاتخليني خليفه : مدامني حي اموله ماراح اخليج , اخ بس لو اتعرفين انتي شو بالنسبه لي .. اموله : والله خايفه القدر يفرقنا .. خليفه : الله كريم اموله زين انا بخليج ماريد احد يشوفج ترمسيني .. اموله: كل ماشوف حرصك وخوفك علي , احبك اكثر .. خليفه : افا عليج عيوني انتي كيف ماخاف عليج اموله : تسلم والله خلاص ربي يحفظك اتحمل بعمرك خليفه : انتي بعد فمان الله امووله .. </b></i> |
ف بيت بو حمد .. </B></I>عمر ياي ياخذ امه .. عمر:هوود ام حمد :اهدي يمه ادخل مافي حد غريب عمر : السلام عليكم ام حمد وام حمدان ولطيفه : وعليكم السلام عمر : شحالكم ؟ شحالج حرمة اخوي؟ الكل : الحمدلله طيبين .. ام حمدان : يلا ولدي الحين يايه عمر : اميه اتريي , ابا اشيل بنت اخويه شال بنت اخوه ويقولها انا عمج عمر , انتي شو اسمج ؟ الكل : ضحكو ام حمدان : ياوليدي بعدها صغيرها كيف بترد عليك يعني ؟ عمر : انا افهم لغة الاطفال شفيكم الكل : ضحكو اموله نازله تحت والا تشوف عمر ماقدرت اتحط عينه ف عينها وهو استانس .. عمر : امل شحالج ؟ وانا اقول جيه من شوي المكان هادي ؟ والحين غدا مزعج .. امل : ضحكة مجامله عمر استغرب منها ., امل لاول مره ماده بوزها وساكته بس سكت وماعلق في السياره هو وامه .. عمر ف خاطره : ياربي شفيها امل . اكيد في شي مزعلنها ؟ عمر نزل امه .. ام حمدان : ولدي وين بتسير عمر : بطلع ويا خلوف اربيعي اميه .. ظهر ويا خلوف اربيعه وفجاه رن تلفون خلوف ..وكانت اموله من تلفون لطيفه .. خلوف احتار يرد والا مايرد .. بنفس الوقت خاطره يسمع صوتها ., ومستحي من عمر لانه يا ما قاله ودر عنك هالبنت .. رد عليها .. اموله : الو هلا خلوف خلوف : اهلين شو الاخبار اموله : الحمدلله بخير انت شحالك خلوف : الحمدلله طيب طاب حالك اموله : روحك ؟ خلوف : لا ويا عمور اربيعي اموله : بصوت عالي مصدومه احلفففففف؟ خلوف : شفيك انته ؟ اموله خلاص برمسك عقب , على فكره باجر جم التاريخ .. خلوف : عمور باجر جم التاريخ ؟ عمور : 22-5 يالدب خلوف : 22-5 يالدب , ههه اوكي عقب بكلمك اموله : خلوووووووووووف باجر يوم ميلادي .. خلوف: احلف ؟ اموله: والله خلوف : عقب نتفاهم يالحلو . اموله : اوكيه خلوووف }وهي مستانسه عمر : منو خلوف : ولد عمتي فخاطره وهو سرحان: ليش جذبت على عمور , بحياتي ماجذبت عليه .. عمر ع نياته مايدري عن اللي يصير من وراه: يوعان قم دور لنا مطعم ازقرتي خلوف : يلا فووقه نفس اليوم فليل اموله حست انها لازم اتقوله على كل شي وتفتك من عذاب الظمير اللي هي حاسه فيه طرشت له مسج } ترى لطوف بتسير بيت عمي اليوم ومابكلمك بالفون احدر المسن اباك ف سالفة خلوف استغرب من الموضوع وقالها ان شاء الله ع الساعه 12ونص بدخل الساعه 12:1 لطوف تتصل البيت ,, اموله ردت : الو لطوف : happy birthday to you كل عام وانتي بالف خير حبيبتي اموله اموله : وانتي بخير غناتي تسلمين , كنت متوقعه تنسيني هالمره لطوف : افااااا يا اختي الوحيده يالله عسى تكون سنة خير لج وتتحقق كل امانيج اموله : اميييييين لطوف : يلا فديت روحج بسير عنج عيل اموله : بوسي النونو لطوف ان شاء الله اموله :فمان الله.. اموله تتريا خليفه وتطالع الساعه .. دخل خلوف : كل عام وانتي اجمل انسانه ف هالوجود , كل عام وانتي بخير حبيبتي اموله : وانت بالف خير وصحه وسلامه حبيبي , وشوي وبتصيح .. خلوف : شو من الهدايا اييب لج .. اموله : تسلم والله ..اريد سلامتك اباك ف موضوع واتمنى تسمعني من الاول للاخير وقالتله السالفه من اول شي لي الاخير .. عقب قالتله عن يوم شغل الكام وانها شافت عمر ولد عمها اللي كان خاطبها قبل بجم يوم من المحادثه هاي وهو فاج عينه ويطالع شاشة لابتوبه !! مب مصدق اللي قاعد يقراه فجاه اموله : خلوف وينك جيه ماترد ؟ اموله : خلوووووف بليز افهمني , ولد عمي اعتبرته شرات اخويه ؟ لو كنت احبه مارمستك خلوف : طعنتيني امل , اتعرفين عمر شو بالنسبه لي ؟ عمر كل شي عندي هنيه خسرتيني اعز اخواني .. اموله : حرام عليك افهمني خلوف خلوف : انا وقفت معاج ف البدايه وما انكر اني حبيتج , بس عمر اربيعي واخويه الغالي ف هالدنيا وماقدر اخونه وياج خلوف: مع السلامه وظهر تم يالس روحه ويصيح وهي بعد نفس الشي .. في خـــــــــــافقي بي هـم شيّد ياويل من قلبــــــــــــه مشقيـــــــه يامن رحل قلبــــــــــــــه ولا رد يتـــــــــوق يبغي شوف غـــــــاليه خطير منـــــي الروح تصعد خص اذا عدت النظر فيـــــــه خلي على قلبـــــــــــي تمرد منه الشقا والحل بيديــــــه يهل دمع العين ع الخـــــــد لو في الخيــال يمر طاريه قلبي من الفرقـــــا تعقــد دمه تحير ما مشى فيـــــه http://www.shalaat.com/main/?songs=a...ge=1&play=1940 اموله !! عقت عمرها ع السرير واتقول ليش جيه لييييييش !!! وقعدت اتصيح .. توقعااتكوووووووووم خخ |
البارت الرابع .. البارت التآآسسسع . . . </b></i>وقام خلوف يتهرب من طلعاته ويا عمر .. وعمر مب عارف السبب .. مرت شهور وكان عمر ينتظر رد من بيت عمه ., بس مافي أي رد الكل انشغل , والام ماتبا تظغط على بنتها , كانت تباها اتفكر , حمدآن وعمر يالسين ,, حمدان بالاول كان سرحآآن في ذمتي ما لي حبايب سواكم انتوا هنا عمري و سبة شجوني ودي بوصلكم و أستريح بلقاكم و في بعدكم الأشواق يا ما أسهروني +++ في وسط روحي دوم ساكن غلاكم و في قربكم شفت السعادة بعيوني تبّسم لي الدنيا ببسمة شفاكم و أحس نفسي سيدٍ وسط كوني +++ يتوووه كلي لا غمرني شذاكم و يرد ذهني عقب فترة جنوني تدرون بي هايم و لا أقوى جفاكم تدرون بي عاشق و أنتوا فتوني +++ حالي شرات الليل مظلم بلاكم و الليل دون البدر ظلمة و سكوني أشوفني بموت أتبع خطاكم صارت حياتي بييدكم صدقوني عمر : حمدانو خبر حرمتك ياخي تشوف لي اموله شرآيها .. حمدان : اتريا عمر يمكن البنيه تبا تفكر ,. ام حمدان يت عندهم : ترى سمعت كل شي حمدان يضحك وعمر مستحي ,, ام حمدان: ان شاء الله اليوم برمس ام حمد ياوليدي اتصلت ف ام حمد وسألتها ام حمد خبرت ابو حمد وبو حمد قال: امل مابتاخذ غير عمر لو شو تسوي .. ام حمد : صوب غرفة امل : امل فتحي الباب .؟ امل : ها امييه ام حمد : بنتي شصار مافكرتي ف موضوع عمر ؟ امل : فكرت اميه واحسه اخويه وماروم اخذه فهمتي ؟ تبين شي بعد ...؟ ام حمد : بسم الله عليج بنيتي ..الشور شورج حبيبتي ماراح يصير غير اللي تبينه .. وسارت عنها وكلمت ام حمدان ف التلفون : ام حمدان اسمحيلي بس البنيه فكرت ف الموضوع ومب قادره تتصور انها بتاخذ ولد عمها اللي تعتبره اخوها .. سمعها بو حمد : ايه انتي سكري السماعه اشوف وسكرها على ام حمدان .. ام حمدان انصدمت من الرد ..وقالت انها مابتخبر عمر الا يوم بتتاكد من الموضوع .. عمر : ها اميه شقالت .؟ ام حمدان : بتصلي استخاره ان شاء الله وبترد لنا خبر لاتحاتي ياوليدي.. بو حمد : سار جدا غرفة اموله ودق الباب . اموله مرتعبه : فتحت الباب شفيك ابويه ..؟ بو حمد : مسكها من شعرها ..<< مب عكيفج ترفضين ولد عمج بتاخذينه يعني تاخذينه وانا مب قادر اتحمل مسؤوليتكم اكثر .. اموله : جيه ابويه انت متى اتحملت مسوؤليتنا اصلا .. طول عمرهم عيال عمنا الي يصرفولنا ويشترولنا , انت بعمرك ماحسستنا انك ابونا كله مهاوشنا ومهاوش امي , ابد مانشوفك تحمد الله على النعمه اللي انت فيها , كله بس تذمر تذمر .. بوحمد : سكتي لا اضربج فهالعقال.. ام حمد : تهدي بو حمد وماسكه بنتها تدافع عنها حمد يدخل البيت يسمع الحشره ويركض جدا غرفة اموله .. حمد : شفيكم شصاير؟ بو حمد : ياك هذآ الي مسوي عمره سبع , حمد : ايه ابويه مسوي عمري سبع , ع الاقل ماظهرت شجاعتي على حريم .. بو حمد : يدز حمد ويشل اموله وياخذها وياه واموله تصارخ ..اميييييييه , حمد اخذوني عنه بيذبحني خذاها تحت واتصل ف عمر ولد اخوه وقاله : تعال وانا بتصل ف الملاج الحين بتملجون ان شاء الله .. عمر : طاااااااااار من الفرحه وخبر امه واخوه امه مستغربه من الموقف ., وقالت فخاطرها ؟ ماسرع غيرت رايها .. حمدان : لطيييييفه لطيفه : ها حمدان شفيك حمدان : اليوم اموله وعمر بيملجون ؟ لطيفه : احلف فديتها اموله قم سرنا عندهم وصلو حمدان ولطيفه حمدان قعد ويا بو حمد ولطيفه سارت عند امها وحمد عند امل لان كانت تصيح وكان يطالعها يبا يحاول انه يسوي لها شي ؟ يبا يمنع هالشي !! --- لطيفه : ها اميه وين اموله عيل ؟ امها : بنتي اموله ف غرفة حمد لطيفه : شفيج اميه .. امها : يمه اسمعي ترى ابوج متعمد يملج فيهم اليوم ., لان اموله مابغت ولد عمها .. لطيفه : بخبر حمدان خل يقول لعمر .. امها : لا عن يسوي بج شي ابوج, اتريي شوي الله كريم لطيفه سارت عند امل وحضنتها امل قالتلها يبي تلفونج ؟ لطيفه عطتها .. امل قالت لحمد : اخويه حمد لو سمحت خلني ويا لطوف شوي امل اتصلت ف خليفه .. خليفه مايرد .. لطوف : تتصلين فمنو ؟ امل : اتريي خليفه رد : أموله :هلا خليفه : مبروك اموله : لااااااااااا والله ماصار شي للحين والله اانا اباك انت ومابا غيرك , وعمر قبل لا اعرفك ماكنت ابغيه لاني اعتبره شرات اخويه واعزه وايد لطوف : فاجه عينها مستغربه !! بس مسكت عمرها وسكتت .. اموله : الله يخليك خلوف لاتخليني ترى ابوي ضربني وغصبني وبيب الملاج بيملج فينا بس بسوي المستحيل عشان مايصير شي..لاني حبيتك ومافكرت اني اتخلى عنك ..الله يخليك لاتتخلى عني .. خليفه : اسمحيلي الغاليه : بخليج وربي يوفقكم ويسعدكم يارب ..واسمحيلي اموله : يعني اتخليت عني خلاص؟!! خليفه : وهو يصيح قدري موقفي امل , امل ماقدر ارمسج ماقدر , انتي حبيبة اربيعي الي طول ماهو قاعد وياي يفكر فيها ويحلم فيها وف الساعه اللي ياخذها ., تبيني اخذج منه !! اموله : انهارت من الصياح وقامت تشهق ع سماعة الفون خليفه : دموعج غاليه علي , لاتصيحين واذا تحبيني خذي عمر وبدعيلكم من قلبي والله اموله : بصوت واطي ..باي قعدت اتصيح ف حضن لطيفه .. ابعرف وش سبب حزني .. ابعرف وش سبب لهموم كثير احزان في الدنيا .. سببها دعوة المظلوم أمانه يللي سامعني .. اذا اني ظلمتك يوم تعال و قل مسامحني .. ترى والله جفاني النوم وحالي صار حالي غم .. كأني ما دعتلي أم وكل ليلة تمر أقول .. كبرتني يا هم ! لطيفه طبعا ابدا ماعلقت ولا سألتها لان الجو ماكان يسمح .. وصل عمر ’ وصل الملاج , واجتمعو طلب الملاج موافقتها .. ابو حمد : حمد نش ييب اختك عمر مستانسسس حمد : ان شاء الله ابوي } وهو من داخله متغصص وصل صوب الغرفه .. حمد : امل بتين ؟ الملا ج يبا يسمع رايج ؟ اموله : ان شاء الله .. اموله لبست عباتها وتغشت وسارت سألها وتمت ساكته .. بو حمد : السكوت علامة الرضا .. واعتمدو الزواج .. سارت عند امها اتصيح صياح اليهد .. طبعا فنفس اليوم وصلها موبايل ورقم هدية من المعرس عمر .. وياك قعد عندها ف الميلس .. وهي كاشخه ويالسه تترياه .. تتوقعون بتتقبله وبتسولف وياه والا شبيصير ؟ |
تسلمون ع الردود الحلوهـ .. |
البآآرت الخامس . . وياك قعد وياها ف الميلس .. عمر : مبروك علينا اموله : الله يبارك فيك .. عمر : شفيج وهو يضحك , من فتره احسج غير , ظهرلج ضرس العقل شو !! اموله : ضحكت ضحكة خفيفه وعيونها غرقانه دموع . . عمر : مب شي جيه اباج خبله شرات ماعرفج == لطوف وحمدان يالسين ف بيتهم لطوف : يالله احاتي اموله حمدان : جيه اتحاتينها , ترا اللي ماخذنها عمراخويه وولد عمها لطوف : مب جيه السالفه ..؟ حمدان : جيه شو صاير .. لطوف : لا هب صاير شي بس اتعرف اختي الصغيره وواجب علي احاتيها حمدان : ماعليج تطمني ..والله يوفقهم ان شاء الله.. == عند اموله وعمر اموله : مستحيه شوي عمر عمر : افا عليج استحي واتدللي, اووب اونه كبرتي يالدبه وين مسجله انتي ؟ اموله : في الكليه ..اتعرف الجامعه ممنوع انسيرها حكم ابوويه عمر :ماتدرين اني باخذج وياي تدرسين برع اموله : شو , لا عمر عمر : ماشاء الله نسبتج حلوه ومن باجر عطيني شهادتج بشوف لج منحه اموله : ترمس عمرها }وخلوف ..ليكون بشوفه هناك , لا ماقدررر اموله : اربيعك اللي هناك ش بيصير عليه .. عمر : اربيعي اسكتي روحي زعلان منه , خلاص وقف ومايبا يكمل دراسه , عقولته بيتم ف البلاد بيدرس والله اني زعلان منه متغير علي ..بس خليها على الله , مادري شياه .. اموله : وفقلبها غصصه ..اها عمر : يلا انا بستاذن عندج التلفون مافيه الا رقمي , اتريي مني اتصال اللليله بسهر وياج .. اموله : ان شاء الله عمر .. خليفه ضايق يتمشى ف الشوارع ويسرع , ودمعته ع خده , حيران , وبنفس الوقت ارتاح لانه عرف قبل لايصير شي .. اموله يالسه روحهـآ ودمعتها ع خدهـآ , تصيح وخدها صاير احمرر ويهها الطفولي وملامحها الجميله ما يصلح لها غير الفرح . . أنا ما عشت ابد سني .. ولا حسيت غير الآه احس عمري رحل مني .. واحلامي ارحلتوياه زماني يروح ويذبحني .. واعاني من التعب و القاه واقول الله يعوضني .. لي الجنــــه بإذن الله وحالي صار حالي غم .. كأني مادعتلي ام وكل ليله تمراقول .. كبرتني يا هم ! عمر يتصل ف امل .. امل تطالع الفون , مب عارفه اترد والا لا , قالت برد لان عمر ماله ذنب في اللي صار , الذنب ذنب ابوها وذنبها . . اموله : هلا عمور عمر : عندي لج سربرايييس مبروووووك امولتي اموله : الله يبارك فيك جيه شو صاير حرقصتني !!} وهي متحمسه .. عمر : طلعت لج بعثه وراح انسافر مع بعض للدراسه .. اموله وهي خايفه : زين والله .. مرت الايااام . . اموله يالسه تمشط شعرها وفجاه مسج من عمر ~آבـْـلـّـى لـَـבـْظـّـ ة.. ۈآنـَـت בــآطْ فــَـي بــآلـْڪِآنـَـي نـآسـيْـــڪِ. !! ۈيْـۈۈصـًلْ لـْڪِمَسـَجْيْـבֿـيبظنـَۈنــڪِ ,’، ۈيْـقـۈلْ لـْڪِ .. {آنــَـَـَــي בـَيْل|آغـليْـْـْـْـڪِ| . . } يلا بمرج انا ولهت عليج ..من شهر هب شايفنج .. اموله تكتب له مسج وتطرشه : حياك , بس ماجنك كل يوم عندنا فشيله انا استحي بيقولون انا اللي اقولك تعال طلعت لها بعثه واضطرت اتسافر وياه عقب ماسوو عرس بسيط , وكان اهم شي عندها انها ماتلتقي بخليفه عشان لاتتعذب اكثر واتعذبه وياها.. سافرو استراليا .. كملو سنه .. اموله ماحملت وهو كل مره يقولها يا ام خليفه ..ع اسم اربيعه الغالي خليفه .. كانت تضايج يوم تسمعه يزقرها بام خليفه , عشان خليفه وبنفس الوقت لانها ما احملت .. ام حمد ع التلفون : الووا موله حبيبتي اموله : امااااااااايه شحالج ؟ ام حمد : ولهت عليج حبيبتي الحمدلله بخير انتي شحالج وشحال ريلج ؟ اموله : الحمدلله امي بخير , حمد ولطوف شحالهم وبيت عميه شخبارهم وربي ولهت عليهم حيل .. ام حمد : وابوج ماولهتي عليه اموله : شحال ابويه , وربي ولهت ع صراخه وتضحك ام حمد : الحمدلله كلنا طيبين ..وابوج متلعوز ويا السكري شوي اموله : الله يعافيه يارب ولايحرمني منكم انتو الاثنين ام حمد : يلا اتحملي بعمرج وشدي حيلج نباج اتفرحينا اموله : غصت بغت تصيح .!! ام حمد: فمان الله بنتي سلمي على عمر , تسمعيني ؟؟ اموله : هيه اميه ..فمان الله .. -- اموله : عمر امي اتسلم عليك ؟ عمور : الله يسلمها فديت عمتي الغاليه , كنت اناديها خالو والحين صارت عمتيه ههه عمر : اموله حبيبتي : ممكن شوي ؟ اموله : تفضل تاج راسي ؟ عمر : انا اليوم كنت ف العياده وفحصت .. اموله : نزلت راسها وقالت : وشصار؟ عمر : طلع مافيني عيب , واباج اتسيرين باجر وياي عشان لو في شي نتحرك ,,؟ وربي ولهت ع الضنا .. اموله : لا عمر اخاف .. عمر : امولتي حبيبتي , مهما صار راح اتمين حبيبتي الغاليه , وهاج احلف لج يمين لو طلع السبب منج وحاولنا والله مارزقنا , والله ماراح ينقص من قدرج ., اذا هالموضوع يزعجج ماباهم اليهال .. اموله : فديتك والله عمور ..خلاص ان شاء الله بسير -- سارو وطلعو الاثنين مافيهم عله ..الحمدلله استانسوو وايد .. وعمر قام يمشيها ف استراليا .. وكل مره يطري لها خليفه .. يقولها يينا هنيه ., ومره قعدنا هنيه ...ومن هالرمسه .. وهي تضايج ..ويتم ف قلبها وتسكت .. كانت عندهم اجازه راس السنه اللي يحتفلون فيها الكفار .. الكل كان يترياهم يردون البلاد ..لكنهم اختارو انهم يعتمرون ويطلبون الله يعطيهم الذريه الصالحه ..عقب ماعتمرو مرو الامارات قعدو يومين ويا الاهل .. لطيفه : ولهنا عليج يالقاطعه .. اموله : فديتج اختي ولهت على صراخج علي لطوف واموله : ضحكو .. دشت على ابوها تسلم عليه .. انصدمت من اللي شافته : شافت ابوها راقد ع السرير تعبان من السكري وسارت اتسلم عليه قالها : منو قالت له : انا امل .. جان يحضنها ويصيح .. جان يحط ايده ع بطنها وهي مستغربه من الموضوع ..ليش يالس يسوي جيه !! قالها ماحملتي يابنيتي ؟ قالت له : الله كريم يبا بعدنا الله مارزقنا قال: الله كريم عليكم بالصبر < اموله : مستغربه حيل مب فاهمه شي .. لطوف وامها يطالعونها ..من صوب الباب اموله : ابوي جيه يالسه اتشوف تحت ..شوفني حط عينك فعيني ؟ انت زعلان مني ؟ ابوها : يابنيتي عيوني ضاعت علي ان شفت صوبج وان شفت تحت كله واحد .. السكري وظلمي لعيالي خذو عني كل شي خذو عيني خذو صحتي.. اموله : طاحت فحضنه وقعدت اتصيح واتقوله سامحني ابوي .. ابوها : انتي سامحيني يابنتي ..الله يرضا عليج .. باتت وياهم يومين يوم ف بيتهم ويوم فبيت عمها .. وردو استراليا .. وقامت تتناسى خليفه واتعلقت ف عمر وايد .. قضو هناك شهر .. اموله : عمر عمـــــــر عمر : امولتي شفيج ؟خير ان شاء الله حبيبتي ؟ اموله : تعبانه حاسه فدوخه ولوعة مب قادره اوقف على حيلي عمر : بسم الله عليج قومي اخذج العياده .. اخذها العياده سولها تحاليل .. الدكتوره بشرتهم انها حامل .. واستانسو وقالو لازم انصلي ركعتين شكر لرب العالمين .. سارو لاقرب مسيد ..هم كانو ف سيدني .. دخلو المسيد وصلو .. وظهرو من هناك مستانسين واتصلت ف اهلها عشان اتبشرهم ..لكن محد يرد !! قالت بتتصل لهم عقب .. عمر اتصل ف اهله ..وانصدم من اخوه حمدان ان عمه بو حمد اتوفى .. ماقدر ايقول لاموله لان الدكتوره وصته ع صحتها وانه لازم مايضايجها .. قالها: انا اتصلت وبشرت اهلي وهم بيخبرون اهلج .. اموله : غريبه ولا حد رد علي .. عمر : حبيبتي انتي يلا لاتحاتين الحين بيدرون وبيتصلون يباركون لج . اتصلت بها لطوف : مبروك حبيبتي اموله : الله يبارك فيج لطوفتي اميه وينها .. لطوفه : امي داخل , حبيبتي سمعييني ..رب العالمين عطاج شي اليوم واخذ منج شي بنفس الوقت وعلى كل حال , شو لازم انقول ..قولي الحمدلله على كل حال اموله : لطوف شو اتقولين .؟؟؟شصاااااااير امي وين ابوي وين ؟ لطوفه : ابوج عطاج عمره .. اموله : لطووووووفه حرام عليج قولي الصدق لطوف : عطيني عمر .. عمر : احسن الله عزاكم ..والله يصبركم يارب .. لطوف : الدوام لله ..هالله هالله ف اموله , تراها امانه عندك .. عمر : ان شاء الله امل ف عيوني .. لطوف : فمان الله . عمر : فوداعة الله هالله هالله ف الوالده .. لطوف : ان شاء الله عمر : امولتي بسج صياح ..اترحمي عليه وسير صلي لج ركعتين ادعي ربج يغفرله ويرحمه ..ويصبر امج المسكينه .. اموله : ان شاء الله عمر ..الله لايحرمني منك , بدونك جان ماعرفت شسوي .., عمر : امين يارب , يلا قومي انصلي .. ماقدرو يردون البلاد للعزآ لان كان عمر في فترة امتحانات , ولو سار بتضيع عليه كل السنوات .. </b></i> |
البارت السادس بعد 8 شهور ووشوي , اقترب موعد ولادة اموله , اولدت هناك , ويابت خليفه ,, الكل استانس لهم وعمر ميت من الفرحه , اموله كانت مستانسه وبنفس الوقت تفكر وينه خليفه وشصار له ,,؟ اسأل عمر عنه والا بيشك ؟اسأل والا لا؟ اموله /:عمر اربيعك عرف انك سميت ولدنا ع اسمه . عمر : هيه حبيبتي اليوم مرمسنه وصح سلم عليج .. اموله ,: لفت ويها الصوب الثاني : الله يسلمه .. عمر : اجهزي بنرد البلاد عقب جم يوم ,, عقب جم يوم ارجعو ألبلاد .. استقبلهم حمد ف المطار ,. واخذهم البيت .. ادخلت على امها واكانت اتصيح واتقولها سامحيني يمه ماكنت يمج هالفتره .. الام : مسموحه حبيبتي ابوج مات وهو يعتذر منج .. اموله : بس اميه لاتذكرييني ..هاج امي ها خليفه .. الام : بسم لله تبارك الله ربي يحفظه ويخليلكم اياه يارب.. اموله وعمر : امين يارب عمر : عمتي شحالج ؟ الام : الحمدلله بخير ولدي عمر : انا بسير بيتنا بخلي اموله عندج اليوم , مع اني ماودي يعني بس شسوي بتاكلني ولهانه عليج , ماتباني وضحك ههه .. اموله : اظهر من بيتنا يلا والا بخبر اميه عليك الام : شصار يمه ..؟ اموله : امزح وياج اميه , فديته مو مقصر ويايه , سير الله يحفظك بتصلك عقب اشوي ان شاء الله ؟ عمر : ان شاء الله .. اموله : خاطري اشوف لطوف وعهودي اكيد اشكالهم اتغيرت , من متى مب شاااااااايفتنهم .. مر شهر كامل وهم ف البلاد .. ف الغرفه عمر واموله والبيبي خليفه عمر : امولتي حبيبتي .. اموله : ها عمر .. عمر : قومي بنسير العين شرآيج ..؟ اموله : العيييين !! شو نسوي عمر : باخذج الشاليه حبيبتي بنتم لنا كم يوم هناك .. اموله : ان شاء الله شوي وناشه .. عمر : مابنش من صوبج ادريبج هب ناشه .. اموله : تضحك ..اف منك ..ونشت .. ف السياره اموله وخلوف الصغير وعمر عمر : اموله ترى هناك خلوف اربيعتي واخته , اخته ف مثل عمرج اتعرفو على بعض ويلسي سولفي وياها .. اموله : شووووو عمر ..جيه ماخبرتني من قبل .. عمر : يلا خبرتج شو بتسوين يعني ههههه.. بعد ساعه .. اموله : اشكثر باجيلنا عمر .. عمر : شوي حبيبتي ماباجي شي .!! اقول شو تبغين من البقاله , لان عطشت .. اموله : ييب لي لبان وجيبس وعصير انناس .. عمر : بعدج ماكبرتي على هالاكل }وضحك < من عيووني يا عيوني .. اموله : إيــــــــه } قالتها لانها استحت {تسلم حبيبي .. وهم يايين بيوقفون صوب البقاله ..شافو شلة شباب وسيايير مسكرين الشارع .. عمر : الله يهديهم يعني ابد حرام الواحد ياخذ راحته انا بوقف سيارتي هني احسن .. وقف سيارته بعيد شوي .. تقريبا جريب الشارع .. عمر : وقفتها هني عشان محد يشوفج من هايله .. عمر : يلا انا نازل قفلي على عمرج الباب اخاف حد ياخذج مني ..ويضحك ..! اموله : حست ان شي طعنها ف قلبها يوم سمعته يقول اخاف حد ياخذج مني .. عمر :يلا حبيبتي اترييني .. اموله : ان شاء الله حبيبي ربي يحفظك .. گنت أشـوفگ // شخـص عآدي .. زي بآقـي النآس حالگ .~ وگنت أجاوب : (( مآشي حآلي )) يوم تسأل: گيف حالگ ؟؟ لين ماشفت " اهتمامگ ".. و ( ارتباگگ ) في گلامگ . . ! وقتها [[ حسيت عيني]]~ "دووووم " تشتآآق لوصآلگ ~ بعد ماشفت { الحقيقـﮧ }.. في " عيونگ " يآعيــوني ،، صآر [[ احسآسي وغرآمي ]].. في غيآبـگ يسألوني . . ! ليـﮧ (( نشتآآق )) فـ{غيآبـﮧ .. وليـﮧ نرتآآح لـ{عذآبــﮧ ؟؟ واگتشفت إني [[ . . . أحبـــــگ . . .]] دوؤن مدري يا " جنوني" !! توقعآآآتكممممممممممم . .؟؟؟؟؟؟؟؟؟؟؟؟؟؟؟؟؟؟؟؟؟؟؟؟ للمعلومه باجي بارت واحد ^^ |
اختي نزلي البارت افااا كيف بارت واحد احس القصه بعدها مطوله يلا يلا نتريا البارت والله يعين اموله ههههه |
وييين التكمله لا تبطين علينا ... |
البارت الثاني عشر والاخير .. نزل عمر من السياره والشارع زحمه وسيايير , وقف سيارته هناك بس عشان محد يشوف حرمته من هالشباب البطاليه اللي كانو موقفين سياييرهم .. كل يوم أحبك غير .. و اليوم غيّيّيّيّيّر : بديت إحسإن الخلايق بدونك ، ولا شيء !! الحيييين حست انها اتحبه وانه يحبها ومستعد يسوي اي شي عشااانها .. عمر نازل ويطالعها ويبتسم .. والا شوي سياره يااايه من بعيد وجان تدعمه ..ويطيح عمر ع الشارع اموله حطت خليفه ونزلت تركض .. اموله : عمرررررر عمررررررر نش !! عمر مافيك شي صح ..؟ الدم على ايد اموله , تطالعه وكانها مب مستوعبه اذا كان هذا دم او لا .. تشوفه وتشوف عيون عمر , ماصار لك شييييييي؟ عمر ارمس ريحني .؟ لااااااااااااا عمرررررر عمر لاتخليني توك قلتلي ماتبا حد ياخذني منك عمر نش الله يخليك قوم انسير السياره خلاص هب يوعانه ماريد شي خل نسير قم .. اللي دعم عمر نزل من السياره وحاول يساعدهم ..؟ بس طلع مايعرف عربي وهي مب متفيجتله هذيج الساعه قاعده اتصارخ عليه بالعربي واتقوله اتصل ف الشرطه والاسعاف.. شلت تلفونها من السياره واتصلت ..واتيمعو عليها الناس اتصلت ف الاسعاف وعطت راعي البقاله ارمس .. عمر : حبيبتي اموله خلاص لاتعبين عمرج انا بسير اموله : عمرررررررر دخيلك لاتقولي جيه انت بتم ان شاء الله والله بيخليك لي وبنكبر خليفه ويا بعض وبنربيه .. عمر : خلوف يصيح سيري يبيه بمسكه لاخر مره .. اموله : يابت خليفه وباسه عمر وهو مب قادر يتنفس عدل .. عمر : اموله اتصلي ف خليفه قوليله مابني.. اتصليييي اموله : مايحتاي اتريا الحين سياره الاسعاف بتي .. عمر : قلتج محد راح يلحق علي لاتعبون عمركم .. اموله : مسكت تلفونها ويت تتصل.. عمر : يقولها الارقام صفر خمسه صفر ....الخ.. اموله : انفجرت من الصياح وقالت الوووووو عمر : عطيني اياه .. عمر : خلوف ولدي ومرتي امانه فرقبتك .. اتحمل فولدي وعامله جنه ولدك ومرتي لاتحرمها من شي ..اذا لي معزه عندك , مابأمن عليهم عند احد غيرك يالغالي , {وعقب يتعور ويصرخ<آآآآآآآآآآآآآي خليفه انا عرفت من لطيفه عن جريب ان امل اهي اللي كنت اتحبها وعرفت سبب تركك للدراسه انه وجودي انا وحرمتي ف استراليا , انا ضيعتك وضيعت دراستك سامحني.. امل تطالعه وهي مصدومه !! ومنهاره من الصياح خليفه بخوف ومصدوم : عموور انت وين شفيك منو امل؟ اموله : عمر لاتعب عمرك عمر : الغالي مع السلامه الله الله فولدي وف ام خليفه ..مع السلامه حبيبة قلبي .. يت الاسعاف بس للاسف عمر اتوفى ع الشارع يم مرته وولده .. ركبوه الاسعاف واموله تصيح وهيه شالة ولدها منهاااااااااره في داعة الرحمن يا فلان .......... يا نور هالدنيا وضياها أرجو العذر لو كنت غلطان.......... يا روح روحي يامناها أهواك لو تنسد بــيــبــان............. يا بلسم جروحي ودواها ارحم وليعن بات سهران ........... روحه الشقيه لك عطاها ذقت العذاب أصناف والوان........ والعـيـن مــا وقـف بــكـاها وتصلانيه في اليوف نيران ....... و كل يوم يــتـزايد لـضاهـا خليتني في هم وأحــــــــزان ......... كا الأم لي تفقد ضناها شرع الوفا راسخ و عنوان ........ و دونك حياتي ما أباها يا وردتن في روض بستان ....... أموت من لفحة شذاها نورك شرات البدر لي بان ......... أو شمس كونن في ضحاها حافظ على هذيج الاعيان .......... ماريت في العالم شراها ولا الثنايا حب رمـــــــان .......... والشهد ممزوج بلماها شيدت لك في القلب بنيان ........ و قصور ما حدن وطاها لنك غناتي وفيك هيمان .......... ياراحت الروح وعناها أنا أشهد ان الحب سلطان ....... وحبك ملك روحي وخذاها يحفظك ربي طول الازمان ...... يا من قتل روحي وحياها في العزى .. الكل ياك يعزيهـآ يت منال اتعزي اموله .. اموله زعلانه وتقرى قرآن مب قادره ترفع راسها من كثر الصياح وامها ولطوف يمها يهدونها اموله احضنت منال اربيعتها ويلست اتصيح .. ومرت ايام العده لين خلصت .. وتقدم لها خليفه ..كانت خايفه اتوافق , بس وافقت عشان وصية عمر .. والحمدلله ماقصر عليها ولا على ولدها في شي .. وكبر ولدها ودخل الروضه ويابت من خليفه بنوته مثل القمر اسمها شموخ . كانو ف الحديقه يلعبون خليفه الصغير.. اموله وخليفه سرحانين فبالهم خليفه , شف عيون الشوق ما نامت والجفون من الدمع ذابت والخواطر بعد ما طابت لاتكابر حبنا شله .. الله سبحانه لم يأخذ منك إلا لأجل أن يعطيك...ولم يبكيك إلا لأجل أن يضحكك... ولم يحرمك الا لأجل أن يتفضل عليك...ولم يبتليك إلا لأجل أنه يحبك قدر الله وماشاء فعل الحمدلله والصلاة والسلام على رسول الله وعلى آله وصحبه أجمعين غرضي من هذي القصـ ه , هو ان اعكس تاثير المعامله السيئه للاب على ابناءه ومدا خطورتها , فهي السبيل الممهد للضياع والدخول الى دوامات المشاكل الحياتيه , .والانخراط الى عالم الشات والانترنت .. ومدى خطورة التعصب لامور الزواج , كالزواج المبكر والزواج من الاقارب .. فكل شي في هذه الدنيا نصيب , . ولكن مع هذآ الله يحب عباده المسلمين وهو من ياخذ ليعطي ويبكيك ليضحكك ويبتليك لانه يحبك .. الحمدلله رب العالمين ,. اللهم اهدي جميع المسلمين الى ماتحب وترضى اللهم اهدي جميع المسلمين الى ماتحب وترضى اللهم اهدي جميع المسلمين الى ماتحب وترضى اللهم اهدي جميع المسلمين الى ماتحب وترضى اللهم اهدي جميع المسلمين الى ماتحب وترضى .. دمتم بحفظ الله ورعايتـه .. شكرا على المتابعـ ه .. رايكم ف الروآآيـ ه .. :1711: وثانكس لكل اللي تابعوهآ معآي .. |
حراااااااااااااااااااااااااااااااااام القصه وايد وايد وايد حلووه تسلمين اختي على هذي الروايه والله لا يحرم حبيب من حبيبه والله يبعد جميع عيال زايد والمسلمين من هالمواقف والله صج تعور القلب بس بعد النهايه حلوه يسلمو مره ثانيه |
جنااان جناان من الخاااااااااااطر بس وايد قصيره سوو ناااااااااايس وثاااااااااانكس اقوى شي =) |
سو نااااااااااااايس القصه ويعطيج العافيه ما قصرتي حبوبه بانتظار رواياتج اليايه ^^ <<<<<<<<<<< الحين ببدا اقراها انا لووول بس كنت اترياها تكتمل =) ثآآآآآآآآآآآآآنكس |
تسلم على القصه .. وووايد حلوووه .. |
روعــــــــــــــــــــه القصة ~ ربي يعطيج الف عافية ~ ^_^ |
القصه روووووووعه بس يشبه قصة مجنون سارة (النهايه يعني) يسلموو عالقصه وفي انتظار اليديد |
الله يعطيج العافية ... ~ الرواية نايس وما عليها أي كلام ... ~ ونحن ف انتظار يديدج ... ~ |
الصراحة قصتك عجبتني ووادي في أشياءاتغير عقول البنات بذات و انا عندي قصه او اعرف وحده عندها نفس لمشكله والله يهديهم ادعي لهم بالهدايه |
حلووووووة القصه لكن حليله عمر توفى الله يرحمه ☺ |
روعه جدا والله انها بقيه الابداع |
وااااااااااااااااااااااائد كانت روعهه سويت المستحيل وسجلت بس غشبت أكمل روائه ثأنكس |
| الساعة الآن 09:49 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir